BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

ភ្នំពេញក្រោន ឡើងជួបក្រុមសិង្ហបុរី នៅវគ្គ Play-Off ក្រោយទម្លាក់ Young Elephants ៣-០

ក្រុមបាល់ទាត់ភ្នំពេញក្រោន របស់កម្ពុជា បានឡើងវគ្គបន្ដ នៃពានរង្វាន់ AFC Cup 2023-2024 ហើយ បន្ទាប់ពីទម្លាក់ក្រុម Young Elephants FC ដែលជាក្រុមជើងឯកលីគកំពូលឡាវ ដោយលទ្ធផល ៣-០ ក្នុងជំនួបវគ្គជម្រុះបឋម(Preliminary Stage) កាលពីព្រលប់ថ្ងៃទី១៦ ខែសីហា នៅកីឡដ្ឋាន Smart RSN ។ការប្រកួតជម្រុះក្នុងតំបន់អាស៊ីអាគ្នេយ៍ រវាងក្រុមទាំងពីរ វគ្គទី១ បានរក្សាលទ្ធផលស្មើគ្នា ០-០ បន្ទាប់ពីទាត់បាល់ពិន័យ ១១ម៉ែត្រមិនបានសម្រេចរបស់កីឡាករភ្នំពេញក្រោន Yudai Ogawa ។ យ៉ាងណាក្ដី វគ្គទី២ ភ្នំពេញក្រោន បានព្យាយាមដាក់សម្ពាធខ្លាំង លើគូប្រកួត រហូតរកបាន ៣គ្រាប់ ដោយការទាត់បាល់ពិន័យ ១១ម៉ែត្ររបស់កីឡាករ Shimizu Shintaro នៅនាទី៥៨, ការទាត់បាល់ហ្វ្រីឃីតរបស់កីឡាករ Yudai Ogawa នៅនាទី៧៨ មុនកីឡាករ Andres Nieto បន្ថែមគ្រាប់ចុងក្រោយ នៅនាទី៩០+៣ ដើម្បីធានាកៅអីវគ្គបន្ដរបស់ក្រុមជើងឯកលីគកំពូលកម្ពុជាតែម្ដង ។តាមរយៈជ័យជម្នះ ដោយគ្មានការតបតរពីសំណាក់ក្រុមភ្ញៀវនេះដែរ នាំឲ្យក្រុមភ្នំពេញក្រោន បន្ដទៅជួបក្រុម Tampines Rovers របស់សិង្ហបុរី នៅវគ្គជម្រុះ Play-Off ដែលនឹងត្រូវប្រកួតនាថ្ងៃទី២៣ ខែសីហាសប្ដាហ៍ក្រោយ ដើម្បីកាត់សេចក្ដីរកក្រុមឈ្នះឡើងទៅវគ្គចែកពូល ឬវគ្គ Group Stage នៃពានរង្វាន់កម្រិតទី២ ប្រចាំទ្វីបអាស៊ីនេះ ដែលគ្រោងនឹងធ្វើការប្រកួតពីពាក់កណ្ដាលខែកញ្ញា រហូតដល់ចុងឆ្នាំ២០២៣ ខាងមុខ៕ អត្ថបទ៖ លី ឈុនឡា

Aymeric Laporte ឈានដល់កិច្ចព្រមព្រៀងចាកចេញពី Manchester City ទៅ Al-Nassr

ខ្សែការពារក្រុមជម្រើសជាតិអេស្ប៉ាញ Aymeric Laporte បានឈានដល់កិច្ចព្រមព្រៀងហើយក្នុងការផ្ទេរពី Manchester City ទៅចូលរួមជាមួយ Cristiano Ronaldo នៅក្លិបអារ៉ាប៊ីសាអ៊ូឌីត Al-Nassr។កីឡាករវ័យ ២៩ ឆ្នាំរូបនេះក៏បានរួមដំណើរជាមួយ City ដែរក្នុងការយកឈ្នះ Sevilla លើកពាន UEFA Super Cup យប់មិញ។ រដូវកាលថ្មីនេះតាំងពីការមកដល់របស់ Josko Gvardiol ពី Leipzig ធ្វើឱ្យឱកាសលេងរបស់ Laporte មានកំរិត និងខិតជិតឈានដល់ទីបញ្ចប់នៃអាជីព ៥ ឆ្នាំនៅ Etihad។រំលឹកថា Aymeric Laporte បានមកដល់ Manchester City តាំងពីឆ្នាំ ២០១៨ ក្នុងតម្លៃផ្ទេរ ៥៧លានផោន និងក្លាយជាសមាជិកសំខាន់របស់ក្រុមភ្លាមៗដែរ និងបានបង្ហាញខ្លួនសរុប ១២១ លើក រកបាន ៨ គ្រាប់ ឈ្នះជើងឯក English Premier League ៥ លើក FA Cup ២ លើក EFL Cup ៣ លើក និង UEFA Champions League ១ លើក រដូវកាលមុន។ ការចាកចេញទៅកាន់ Al-Nassr, Aymeric Laporte នឹងរួមក្រុមជាមួយ Cristiano Ronaldo, Sadio Mane, Marcelo Brozovic និង Alex Telles៕ អត្ថបទ៖នាង សុភាវុធ

Hun Sen Cup៖ ត្បូងឃ្មុំបន្ដកំណត់ត្រាឈ្នះ ឯកំពង់ចាម រកបាន ១ពិន្ទុពីប្រកួតបញ្ចប់ពូលខ្លួន

បេក្ខភាពកក់កៅអីវគ្គបន្ដ សម្រាប់ពូលB នៃពានរង្វាន់សម្ដេចតេជោ ហ៊ុន សែន(Hun Sen Cup) លើកទី១៧ ថ្នាក់ខេត្ត ឆ្នាំ២០២៣ បានបន្ថែមពិន្ទុរៀងៗខ្លួន ក្នុងការប្រកួតសប្ដាហ៍ទី១៦ ជើងទី២ ក្នុងនោះក្រុមមន្ទីរអប់រំ យុវជន និងកីឡា ខេត្តត្បូងឃ្មុំ បានយកឈ្នះខេត្ដកណ្ដាល ៥-២ និងក្រុមមន្ទីរអប់រំ យុវជន និងកីឡាខេត្តកំពង់ចាម រកបាន ១ពិន្ទុប៉ុណ្ណោះ ពីការប្រកួតចុងក្រោយក្នុងពូលរបស់ខ្លួន ក្រោយប្រកួតស្មើក្រុមមន្ទីរអប់រំ យុវជន និងកីឡា ខេត្តកំពង់ឆ្នាំង ២-២ កាលពីល្ងាចថ្ងៃទី១៦ ខែសីហាម្សិលមិញ ។ជ័យជម្នះរបស់ក្រុមមន្ទីរអប់រំ យុវជន និងកីឡា ខេត្តត្បូងឃ្មុំ បានធ្វើឲ្យពួកគេ បន្ដកំណត់ត្រាឈ្នះ ៧ប្រកួតជាប់ៗគ្នា ដោយមិនទាន់ស្គាល់ស្មើ ឬចាញ់ម្ដងឡើយ ។ ចំពោះគ្រាប់បាល់ជ័យជម្នះ ក្នុងការប្រកួតទី៧ នេះដែរ ធ្វើសម្រេចដោយកីឡាករ ស្លេះទ័រ រ៉ម៉ាន ២គ្រាប់ នៅនាទី១៩ និងនាទី៦៣ និងមិត្តរួមក្រុម កើ ហ្វីន រកបាន ៣គ្រាប់ នៅនាទី៥៨, ៨៧ និងនាទី៩០+១ ។ ចំណែក ២គ្រាប់របស់ខេត្តកណ្ដាល បញ្ចប់ទីដោយកីឡាករ ឡាយ ស៊ីយុទ្ធ និងកីឡាករ ពុធ ក្រីយ៉ា នៅក្នុងទី១ ដូចគ្នា ។ដោយឡែកការប្រកួតបញ្ចប់ពូលB របស់ក្រុមមន្ទីរអប់រំ យុវជន និងកីឡា ខេត្តកំពង់ចាម បន្ទាប់ពីបើកការនាំមុខក្រុមភ្ញៀវ ១គ្រាប់មុន តាំងពីនាទីទី៥ ដែលធ្វើសម្រេចដោយកីឡាករ ស្មាន រ៉ូសាវី ក៏ត្រូវបានកីឡាករ ទួន នី រកបានគ្រាប់តាមស្មើឲ្យខេត្តកំពង់ឆ្នាំងវិញ នៅនាទី៣២ ។ លុះចូលវគ្គទី២ ក្រុមទាំងពីរ ក៏បានបន្ថែម ១គ្រាប់ម្នាក់ទៀត នៅចុងម៉ោង ដែលគ្រាប់ទី២ របស់ក្រុមម្ចាស់ផ្ទះ រកបានដោយកីឡាករ ប៉ុន ស៊ីបប្រី នៅនាទី៨៥ ខណៈគ្រាប់ទី២ របស់ខេត្តកំពង់ឆ្នាំង ធ្វើសម្រេចដោយកីឡាករ ទួន នី ដោយការទាត់បាល់ពិន័យ ១១ម៉ែត្រដូចគ្នា ។យ៉ាងណាមិញ ការប្រកួតសេសសល់ក្នុងពូល B នេះ គ្រាន់តែជាការប្រកួតបង្គ្រប់កិច្ចប៉ុណ្ណោះ បន្ទាប់ពីរកឃើញបេក្ខភាពឡើងវគ្គបន្ដ គឺក្រុមកំពូលតារាង ខេត្តត្បូងឃ្មុំ ដែលរកបាន ២១ពិន្ទុពេញ និងខេត្តកំពង់ចាម ដែលរកបាន ១៦ពិន្ទុ ក្រោយឆ្លងកាត់ ៨ប្រកួតឈ្នះ ៥ ស្មើ១ និងចាញ់ ២ប្រកួត មុនក្រុមទាំងពីរ ត្រូវដឹកដៃគ្នាឡើងទៅប្រកួតវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន ថ្នាក់ខេត្ត នាពេលខាងមុខ ៕ អត្ថបទ៖ លី ឈុនឡា

Venus Williams ឈ្នះលើកីឡាការិនីលំដាប់ Top20 លើកដំបូងក្នុងរយៈពេល ៤ ឆ្នាំ

កីឡាការិនីវាយកូនបាល់វ័យចំណាស់អាមេរិក Venus Williams រកបានជ័យជំនះលើកដំបូងក្នុងរយៈពេល ៤ ឆ្នាំ ចុងក្រោយនេះ លើកីឡាការិនីដែលមានលំដាប់ថ្នាក់ពិភពលោក Top20។ កីឡាការិនីវ័យ ៤៣ ឆ្នាំរូបនេះបានវាយបកយកឈ្នះកីឡាការិនីរុស្ស៊ី Veronika Kudermetova ដែលឈ្នះលេខ ១៦ ពិភពលោកដោយលទ្ធផល ៦-៤ និង ៧-៥។ ម្ចាស់ជើងឯក Grand Slam ៧ លើក Venus Williams បានបង្ហាញក្តីរំភើបចំពោះជ័យជំនះដំបូងនៅទឹកដីអាមេរិកក្នុងរយៈពេលជិត ៤ ឆ្នាំនេះ។Venus Williams បច្ចុប្បន្នកំពុងឈរលេខ ៥៣៣ ពិភពលោកនឹងត្រូវជួបជាមួយកីឡាការិនីចិន Qinwen Zheng រឺកីឡាការិនីបេឡារុស Aliaksandra Sasnovich នៅជុំទី ២ នៃកម្មវិធី Cincinnati Open៕ អត្ថបទ៖នាង សុភាវុធ

អេស្ប៉ាញ ឈ្នះស៊ុយអែតចុងម៉ោងឡើងវគ្គផ្តាច់ព្រ័ត្របាល់ទាត់នារីពិភពលោក

ក្រុមបាល់ទាត់នារីអេស្ប៉ាញ បានបន្តបង្កើតប្រវតិ្តសាស្រ្តថ្មីរបស់ខ្លួន ក្រោយយកឈ្នះអតីតក្រុមជើងឯករងស៊ុយអែត នៅនាទីចុងក្រោយឡើងវគ្គផ្តាច់ព្រ័ត្រជាលើកដំបូង។ក្រោមក្រសែភ្នែកអ្នកគាំទ្រជាង ៤ ម៉ឺននាក់ គ្រាប់បាល់បញ្ចូលទីត្រូវរង់ចាំដល់នាទីទី ៨១ ទើបអេស្ប៉ាញរកបានគ្រាប់នាំមុខដោយ Salma Paralluelo តែក៏ត្រូវស៊ុយអែតតាមស្មើវិញនៅនាទីទី ៨៨ ដោយ Rebecka Blomqvist។ តែការត្រេកអររបស់ស៊ុយអែតបានត្រឹម ២ នាទី បន្ទាប់ពីប្រធានក្រុមអេស្ប៉ាញ Olga Carmona ស៊ុតគ្រាប់ជ័យជំនះនៅនាទីទី ៩០។ ជ័យជំនះនេះធ្វើឱ្យអេស្ប៉ាញឈានទៅវគ្គផ្តាច់ព្រ័ត្រ បាល់ទាត់នារីពិភពលោកជាលើកដំបូងក្នុងប្រវត្តិសាស្រ្តដោយរង់ចាំជួបជាមួយអូស្រ្តាលី រឺអង់គ្លេសនៅថ្ងៃអាទិត្យចុងសប្តាហ៍នេះ។ ចំណែកបរាជ័យរបស់ស៊ុយអែត គឺជាបរាជ័យនៅវគ្គពាក់កណ្តាលផ្តាច់ព្រ័ត្រលើកទី ៤ រាប់ពីឆ្នាំ និងធ្លាប់ឡើងវគ្គផ្តាច់ព្រ័ត្រមួយលើកនៅឆ្នាំ ២០០៣ តែចាញ់អាល្លឺម៉ង់៕ អត្ថបទ៖នាង សុភាវុធ

Arsenal ខ្ចីអ្នកចាំទី Brentford, David Raya ពេញមួយរដូវកាលមុនទិញផ្តាច់

ក្លិបបាល់ទាត់កាំភ្លើងធំ Arsenal បានចុះហត្ថលេខានាំយកអ្នកចាំទីអេស្ប៉ាញ David Raya ពី Brentford ក្នុងលក្ខខណ្ឌខ្ចីជើងពេញមួយរដូវកាល អមជាមួយលក្ខខណ្ឌទិញផ្តាច់ក្រោយចប់កិច្ចសន្យាខ្ចី។បើតាមការចុះផ្សាយពីសារព័ត៌មានថា Arsenal ព្រមចំណាយ ៣ លានផោនក្នុងការខ្ចី កីឡាករវ័យ ២៧ ឆ្នាំរូបនេះ រួមជាមួយនឹង ២៧ លានផោនផ្សេងទៀតនៅពេលទិញផ្តាច់។David Raya បង្ហាញខ្លួនបាន ១៦០ ប្រកួតឱ្យ Brentford តាំងពីផ្លាស់មករួមក្លិបនៅឆ្នាំ ២០១៩ និងជាសមាជិកសំខាន់របស់ក្រុមដែលឡើងមកកាន់ក្របខណ្ឌកំពូល English Premier League នៅឆ្នាំ ២០២១។David Raya ក៏ធ្លាប់បង្ហាញខ្លួនឱ្យក្រុមជម្រើសជាតិអេស្ប៉ាញ ២ លើកផងដែរនៅឆ្នាំ ២០២២ និងជាសមាជិករបស់ក្រុមរបស់អេស្ប៉ាញនៅ World Cup 2022 ឆ្នាំមុន។ ការមកដល់របស់ David Raya មកកាន់ Arsenal គឺដើម្បីដាក់ឱ្យមានការប្រកួតប្រជែងតំណែងជម្រើសដំបូងជាមួយអ្នកចាំទីអង់គ្លេស Aaron Ramsdale បន្ទាប់ពីអ្នកចាំទីដៃទី ២ Matt Turner ចាកចេញទៅ Nottingham Forest សប្តាហ៍មុន៕ អត្ថបទ៖នាង សុភាវុធ

Neymar ផ្លាស់ពី PSG ទៅ Al-Hilal ផ្លូវការតម្លៃ ៩០ លានអឺរ៉ូ

ខ្សែប្រយុទ្ធប្រេស៊ីល Neymar បានសម្រេចជាផ្លូវការក្នុងការផ្លាស់ពី Paris Saint Germain ទៅកាន់ក្លិបអារ៉ាប៊ីសាអ៊ូឌីត Al-Hilal ក្នុងតម្លៃផ្ទេរ ៩០ លានអឺរ៉ូ។Neymar មិនស្ថិតក្នុងគំរោងរបស់អ្នកចាត់ការថ្មី PSG សញ្ជាតិអេស្ប៉ាញ Luis Enrique ឡើយ រដូវកាលនេះ។ការមកដល់ទឹកដីអារ៉ាប៊ីសាអ៊ូឌីតនៅពេលនេះ Neymar ត្រូវបានគេដឹងថា ទទួលប្រាក់ឈ្នួល ១៥០លានអឺរ៉ូក្នុងមួយឆ្នាំជាមួយនឹងកិច្ចសន្យា ២ ឆ្នាំ ពោលគឺប្រាក់ឈ្នួលនេះស្មើនឹងប្រាក់ឈ្នួលនៅ PSG គុណនឹង ៦។ ក្រោយការផ្លាស់ផ្លូវការនេះ Neymar បានឱ្យដឹងថា នេះជាការសរសេរទំព័រថ្មីនៃអាជីពរបស់ខ្លួន ហើយសូមអរគុណ PSG ជាពិសេសអ្នកគាំទ្រដែលធ្លាប់រួមរស់ជាមួយគ្នាអស់រយៈពេល ៦ ឆ្នាំ។ Neymar មកដល់ PSG កាលពីឆ្នាំ ២០១៧ ផ្ទេរពី Barcelona ក្នុងតម្លៃផ្ទេរបំបែកកំណត់ត្រាពិភពលោកនៅពេលនោះតម្លៃ ២២២ លានអឺរ៉ូ រឺ ២០០ លានផោន ហើយក៏មិនទាន់មានកំណត់ត្រាថ្មីលើសនេះដែរ។តាំងពីពេលនោះមក Neymar បានឈ្នះជើងឯកលីគបារាំង ៥ លើក តែមិនទាន់ឈ្នះ UEFA Champions League តាមគោលដៅរបស់ក្លិបនៅឡើយ៕ អត្ថបទ៖នាង សុភាវុធ

Kevin de Bruyne របួសសសៃពួរត្រូវវះកាត់ប្រឈមសម្រាកដល់ ៤ ខែ

ខ្សែបម្រើប៊ែលហ្ស៊ិក Kevin de Bruyne ប្រឈមនឹងអវត្តមានយ៉ាងហោចណាស់ ៤ ខែ ស្របពេលដែល Manchester City នឹងត្រូវសម្រេចចិត្តលើការវះកាត់បញ្ហាសសៃពួររឺក៏អត់ នេះបើតាមការលើកឡើងរបស់អ្នកចាត់ការ Pep Guardiola។កីឡាករវ័យ ៣២ ឆ្នាំរូបនេះត្រូវបានប្តូរចេញនៅនាទីទី ៣២ ក្នុងជ័យជំនះបើករដូវកាលថ្មីរបស់ Manchester City នៅទឹកដី Burnley កាលពីយប់ថ្ងៃសុក្រសប្តាហ៍មុន។ Kevin de Bruyne ក៏ត្រូវបានប្តូរចេញដែរកាលពីប្រកួតវគ្គផ្តាច់ព្រ័ត្រ UEFA Champions League យកឈ្នះ Inter Milan កាលពីខែមិថុនា។ក្រោយមកទៀតអតីតខ្សែបម្រើ Wolfsburg រូបនេះបានអវត្តមានពីការប្រកួត Pre-Season ទាំងអស់របស់ Manchester City មុននឹងត្រលប់មកវិញជាកីឡាករបម្រុងដូរចូលលេងពេល City ចាញ់ Arsenal ពានរង្វាន់ Community Shield។Kevin de Bruyne ស៊ុតបញ្ចូលទីបាន ១០ គ្រាប់ ប៉ះបញ្ជូន ៣១ គ្រាប់ក្នុងរដូវកាលមុនដែល Manchester City ឈ្នះពាន ៣ Premier League, Champions League និង FA Cup។Manchester City នឹងត្រូវជួប Sevilla រាត្រីនេះក្នុងការប្រកួតពានរង្វាន់ UEFA Super Cup នៅទីក្រុងអាតែន ប្រទេសក្រិក៕ អត្ថបទ៖នាង សុភាវុធ

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ ៥៣ លានផោន

ក្លិបបាល់ទាត់តោខៀវ Chelsea បានឈានដល់កិច្ចព្រមព្រៀងហើយក្នុងការផ្ទេរខ្សែបម្រើប៊ែលហ្ស៊ិក Romeo Lavia ពី Southampton ក្នុងតម្លៃ ៥៣ លានផោន។កីឡាករវ័យ ១៩ ឆ្នាំដែលធ្លាប់បង្ហាញខ្លួនឱ្យក្រុមជម្រើសជាតិប៊ែលហ្ស៊ិកមួយលើករូបនេះ ក៏ទទួលបានការចាប់អារម្មណ៍ពី Liverpool ផងដែរ។ Liverpool ទើបតែបរាជ័យថ្មីៗក្នុងការប្រជែងយក Moises Caicedo ដែលបានសម្រេចទៅ Chelsea ហើយនៅពេលនេះ Chelsea ម្តងទៀតបានប្រជែងឈ្នះលើកិច្ចព្រមព្រៀង Romeo Lavia។Liverpool បានព្យាយាមចរចាយក Lavia មកកាន់ Anfield មួយរយៈចុងក្រោយនេះ តែសំណើចុងក្រោយលើកទីបី ៤៦ លានផោនត្រូវបានបដិសេធដោយ Southampton។Romeo Lavia បង្ហាញខ្លួនបាន ៣៤ ប្រកួតឱ្យ Southampton រដូវកាលមុន តែមិនអាចជួយក្រុមគេចផុតពីការកាត់ចេញទៅក្របខណ្ឌទី ២ League Championship បាន។Romeo Lavia ជាកីឡាករដែលចេញពីថ្នាលយុវជនរបស់ Anderlecht មុនពេលផ្លាស់ទៅ Manchester City នៅឆ្នាំ ២០២០ និងធ្លាប់បង្ហាញខ្លួនបាន ២ លើក មុនពេលផ្លាស់ទៅ Southampton នៅឆ្នាំ ២០២២ ក្នុងតម្លៃ ១០.៥ លានផោន។ប្រសិនការផ្ទេរនេះបានសំរេច Manchester City នឹងទទួលបាន ២០% នៃតម្លៃផ្ទេរនេះផងដែរ តាមរយៈលក្ខខណ្ឌកិច្ចសន្យានៅពេល Southampton ទិញពី Man City៕ អត្ថបទ៖នាង សុភាវុធ

នូវែស៊ីឡង់ចាប់អារម្មណ៍ចង់ចាំដៃគ្នាជាមួយអូស្រ្តាលីម្តងទៀតរៀបចំ World Cup បុរស

ម្ចាស់ផ្ទះរៀបចំបាល់ទាត់នារីជើងឯកពិភពលោក នូវែស៊ីឡង់បានបង្ហាញចំណាប់អារម្មណ៍ក្នុងការរៀបចំព្រឹត្តិការណ៍បាល់ទាត់ពិភពលោកបុរសជាមួយអូស្រ្តាលីម្តងទៀត នេះបើតាមការលើកឡើងរបស់នាយកប្រតិបត្តិ Andrew Pragneli។ព្រឹត្តិការណ៍បាល់ទាត់នារីពិភពលោកដែលមាន ៣២ ក្រុមជាលើកដំបូង និងជាលើកដំបូងមួយទៀតដែលមានប្រទេសពីរចាប់ដៃគ្នាជាម្ចាស់ផ្ទះ កំពុងដំណើរការបានយ៉ាងល្អប្រសើរ ហើយក៏បានបំបែកកំណត់ត្រាអ្នកគាំទ្រចូលទស្សនា ច្រើនជាងមុនដែរ។ប្រធានសហព័ន្ធបាល់ទាត់អូស្រ្តាលីលោក James Johnson ធ្លាប់បាននិយាយថា អូស្រ្តាលីមានលទ្ធភាពរៀបចំបាល់ទាត់ពិភពលោកបុរសបាន តែត្រូវការសាងសង់កីឡដ្ឋានថ្មីបន្ថែមឱ្យត្រូវបានបទដ្ឋានរបស់ FIFA។FIFA តម្រូវឱ្យប្រទេសម្ចាស់ផ្ទះ World Cup ត្រូវបានកីឡដ្ឋានដែលអាចផ្ទុកអ្នកទស្សនាយ៉ាងតិច ៤ម៉ឺននាក់ នៅវគ្គចែកពូល ផ្ទុកបាន ៦ ម៉ឺននាក់នៅវគ្គពាក់កណ្តាលផ្តាច់ព្រ័ត្រ និងផ្ទុកបាន ៨ ម៉ឺននាក់នៅវគ្គផ្តាច់ព្រ័ត្រ។បច្ចុប្បន្ននៅនូវែស៊ីឡង់ មានតែកីឡដ្ឋាននៅទីក្រុង Auckland មួយទេដែលអាចផ្ទុកបានដល់ ៥ ម៉ឺននាក់ ដែលត្រូវបទដ្ឋានរបស់ FIFA ត្រឹមវគ្គចែកពូលប៉ុណ្ណោះ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អាវុធហត្ថរាជធានីភ្នំពេញ បានបញ្ជូនក្មេងទំនើងដែលបង្កហិង្សា និងអះអាងថា ខ្លួនជាកូនខ្លាមេ០៧ ទៅតុលាការចាត់ការបន្តតាមនីតិវិធី

អ្នកនាំពាក្យក្រសួងព័ត៌មាន៖ គេហទំព័រមន្ទីរព័ត៌មានរាជធានី-ខេត្ត ត្រូវក្លាយជាច្រកផ្តល់ព័ត៌មានផ្លូវការដ៏សំខាន់

អ្នកសម្របសម្រួលប៉ាគីស្ថាននិយាយថា ការចរចាអាមេរិក-អ៊ីរ៉ង់ កំពុងដំណើរការ ខណៈគូជម្លោះបន្តវាយប្រហារដាក់គ្នា

អង្គប្រជុំគណៈកម្មាធិការបេតិកភណ្ឌពិភពលោក លើកទី៤៨ អនុម័តថ្កោលទោសលើការបំផ្លិចបំផ្លាញសម្បត្តិបេតិកភណ្ឌពិភពលោកក្នុងពេលជម្លោះប្រដាប់អាវុធថៃឈ្លានពានកម្ពុជា

លោក Trump និយាយថាក្រុមប្រឹក្សាសន្តិភាពឈានដល់កិច្ចព្រមព្រៀងរំសាយអាវុធតំបន់ហ្កាហ្សា

កម្ពុជា-បារាំង បន្តរឹតចំណងកិច្ចសហប្រតិបត្តិការស្រាវជ្រាវ និងទំនើបកម្មកសិកម្ម ក្នុងជំនួបជម្រាបលារបស់តំណាង CIRAD

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ភ្នំពេញក្រោន ឡើងជួបក្រុមសិង្ហបុរី នៅវគ្គ Play-Off ក្រោយទម្លាក់ Young Elephants ៣-០

Aymeric Laporte ឈានដល់កិច្ចព្រមព្រៀងចាកចេញពី Manchester City ទៅ Al-Nassr

Hun Sen Cup៖ ត្បូងឃ្មុំបន្ដកំណត់ត្រាឈ្នះ ឯកំពង់ចាម រកបាន ១ពិន្ទុពីប្រកួតបញ្ចប់ពូលខ្លួន

Venus Williams ឈ្នះលើកីឡាការិនីលំដាប់ Top20 លើកដំបូងក្នុងរយៈពេល ៤ ឆ្នាំ

អេស្ប៉ាញ ឈ្នះស៊ុយអែតចុងម៉ោងឡើងវគ្គផ្តាច់ព្រ័ត្របាល់ទាត់នារីពិភពលោក

Arsenal ខ្ចីអ្នកចាំទី Brentford, David Raya ពេញមួយរដូវកាលមុនទិញផ្តាច់

Neymar ផ្លាស់ពី PSG ទៅ Al-Hilal ផ្លូវការតម្លៃ ៩០ លានអឺរ៉ូ

Kevin de Bruyne របួសសសៃពួរត្រូវវះកាត់ប្រឈមសម្រាកដល់ ៤ ខែ

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ ៥៣ លានផោន

នូវែស៊ីឡង់ចាប់អារម្មណ៍ចង់ចាំដៃគ្នាជាមួយអូស្រ្តាលីម្តងទៀតរៀបចំ World Cup បុរស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ភ្នំពេញក្រោន ឡើងជួបក្រុមសិង្ហបុរី នៅវគ្គ Play-Off ក្រោយទម្លាក់ Young Elephants ៣-០

Aymeric Laporte ឈានដល់កិច្ចព្រមព្រៀងចាកចេញពី Manchester City ទៅ Al-Nassr

Hun Sen Cup៖ ត្បូងឃ្មុំបន្ដកំណត់ត្រាឈ្នះ ឯកំពង់ចាម រកបាន ១ពិន្ទុពីប្រកួតបញ្ចប់ពូលខ្លួន

Venus Williams ឈ្នះលើកីឡាការិនីលំដាប់ Top20 លើកដំបូងក្នុងរយៈពេល ៤ ឆ្នាំ

អេស្ប៉ាញ ឈ្នះស៊ុយអែតចុងម៉ោងឡើងវគ្គផ្តាច់ព្រ័ត្របាល់ទាត់នារីពិភពលោក

Arsenal ខ្ចីអ្នកចាំទី Brentford, David Raya ពេញមួយរដូវកាលមុនទិញផ្តាច់

Neymar ផ្លាស់ពី PSG ទៅ Al-Hilal ផ្លូវការតម្លៃ ៩០ លានអឺរ៉ូ

Kevin de Bruyne របួសសសៃពួរត្រូវវះកាត់ប្រឈមសម្រាកដល់ ៤ ខែ

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ​ ៥៣ លានផោន

នូវែស៊ីឡង់ចាប់អារម្មណ៍ចង់ចាំដៃគ្នាជាមួយអូស្រ្តាលីម្តងទៀតរៀបចំ World Cup បុរស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Chelsea ព្រមព្រៀងទិញខ្សែបម្រើ Southampton, Romeo Lavia តម្លៃ ៥៣ លានផោន