BTV NEWS

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

អ្នកគ្មានស្លាកលេខរត់ មិនអនុញ្ញាតឲ្យចូលក្នុងបរិវេណរត់ប្រណាំងម៉ារ៉ាតុងចក្រភពអង្គរចុងសប្ដាហ៍នេះឡើយ

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ព័ត៌មានកីឡា

Newcastle ទិញបានខ្សែការពារ Southampton, Tino Livramento តម្លៃ ៤០ លានផោន

ក្លិបបាល់ទាត់សារិកាព្រៃ Newcastle បានសំរេចក្នុងការនាំយកខ្សែការពារ Southampton, Tino Livramento ក្នុងតម្លៃ ៤០ លានផោន។កីឡាករវ័យ ២០ ឆ្នាំអង់គ្លេសរូបនេះ បានចុះហត្ថលេខារយៈពេល ៥ ឆ្នាំនៅកីឡដ្ឋាន St. James Park។Tino Livramento បានផ្លាស់ពី Chelsea ទៅកាន់ Southampton កាលពីឆ្នាំ ២០២១ ក្នុងតម្លៃ ៥ លានផោន។កីឡាកររបស់ក្រុមជម្រើសជាតិអង់គ្លេសអាយុក្រោម ២១ ឆ្នាំរូបនេះបង្ហាញខ្លួនបានត្រឹម ២ លើកប៉ុណ្ណោះរដូវកាលមុនជាមួយ Southampton ដោយសាររបួសធ្ងន់កាលពីខែមេសាឆ្នាំមុន ពោលគឺ ២ ប្រកួតដែលចូលលេងគឺចុងរដូវកាលទៅហើយ និងជាកីឡាករបម្រុងផ្លាស់ប្តូរចូល ស្របពេល Southampton ធ្លាក់ទៅកាន់ក្របខណ្ឌ League Championship។កាលពីរដូវកាល ២០២១-២២ Livramento បង្ហាញខ្លួនបាន ៣២ ប្រកួតឱ្យ Southampton ក្នុងនោះ ២៨ ប្រកួតនៅ Premier League។ Tino Livramento នឹងក្លាយជាកីឡាករទី ៣ ដែលផ្លាស់មកកាន់ Newcastle រដូវក្តៅនេះបន្ទាប់ពី Sandro Tonali ពី AC Milan និង Harvey Barnes ពី Leicester City។ ក្រុមរបស់លោក Eddie Howe នឹងចាប់ផ្តើមរដូវកាលថ្មី English Premier League នៅថ្ងៃទី ១២ ខែសីហានេះទទួលស្វាគមន៍ Aston Villa៕ អត្ថបទ៖នាង សុភាវុធ

Southampton បដិសេធសំណើលើកទី៣ របស់ Liverpool ចង់បានខ្សែបម្រើ Romeo Lavia

ក្លិបបាល់ទាត់ហង្សក្រហម Liverpool បានដាក់សំណើលើកទី ៣ ទៅកាន់ Southampton ក្នុងការចង់បានខ្សែបម្រើ Romeo Lavia តែជាថ្មីម្តងទៀតត្រូវបានបដិសេធ។សំណើលើកទី ៣ ក្នុងការចង់បានកីឡាករប៊ែលហ្ស៊ិកវ័យ ១៩ ឆ្នាំរូបនេះ ត្រូវបានគេដឹងថាមានតម្លៃដល់ទៅ ៤៦ លានផោន តែគេជឿថា Southampton ចង់បានមិនក្រោម ៥០ លានផោននោះឡើយ។Romeo Lavia គឺជាកីឡាករបម្រុងនៅពេល Southampton ចាប់ផ្តើមរដូវកាលថ្មី League Championship សប្តាហ៍មុនឈ្នះ Sheffield Wednesday ២-១។ Romeo Lavia បានផ្លាស់មកកាន់ Southampton កាលពីរដូវកាលមុនក្នុងតម្លៃ ១០.៥ លានផោនប៉ុណ្ណោះពី Manchester City។កីឡាករវ័យ ១៩ ឆ្នាំរូបនេះបង្ហាញខ្លួនបាន ៣៤ ប្រកួតគ្រប់ក្របខណ្ឌឱ្យ Southampton ក្នុងរដូវកាល ២០២២-២៣ កន្លងទៅតែមិនអាចជួយ Southampton គេចផុតពីការកាត់ចេញពី English Premier League បាន៕ អត្ថបទ៖នាង សុភាវុធ

មិនទាន់ចូលនិវត្តន៍ឡើយ Andres Iniesta សម្រេចចូលរួមជាមួយក្លិបអារ៉ាប់រួម Emirate Club

កីឡាករវ័យចំណាស់អេស្ប៉ាញ Andres Iniesta បានសម្រេចបន្តអាជីពកីឡាកររបស់ខ្លួនជាមួយក្លិបបាល់ទាត់ Emirate Club នៅលីគកំពូលអារ៉ាប់រួម UAE Pro League ជាមួយនឹងកិច្ចសន្យា ១ ឆ្នាំ។កីឡាករវ័យ ៣៩ ឆ្នាំរូបនេះបានទៅដល់ទីក្រុង Dubai កាលពីថ្ងៃចន្ទ ហើយនឹងបង្ហាញខ្លួននៅមុខអ្នកសារព័ត៌មាន ថ្ងៃពុធនេះ។វីរបុរសបាល់ទាត់អេស្ប៉ាញរូបនេះ ក៏មានលក្ខខណ្ឌបន្តកិច្ចសន្យាបន្ថែមជាមួយក្លិបអារ៉ាប់រួមមួយនេះដល់ឆ្នាំ ២០២៥ ផងដែរ។កីឡាករវ័យ ៣៩ ឆ្នាំរូបនេះបានបង្ហាញខ្លួនប្រកួតចុងក្រោយឱ្យ Vissel Kobe កាលថ្ងៃទី ១ ខែកក្កដាត្រឹមពាក់កណ្តាលរដូវកាលនៃក្របខណ្ឌជប៉ុន J-League។ រំលឹកថា Andres Iniesta បានផ្លាស់ទៅកាន់ទឹកដីជប៉ុនជាមួយ Vissel Kobe កាលពីឆ្នាំ ២០១៨ បង្ហាញខ្លួនបានសរុប ១៣៣ លើកឈ្នះជើងឯក Emperor’s Cup នៅឆ្នាំ ២០១៩ និង Japanese Super Cup។មុនមកដល់ទឹកដីជប៉ុន Andres Iniesta បានចំណាយពេល ២២ ឆ្នាំនៅ Barcelona ឈ្នះជើងឯកសរុប ៣២ ក្នុងការបង្ហាញខ្លួន ៦៧៤ ប្រកួត៕ អត្ថបទ៖នាង សុភាវុធ

ម្ចាស់ផ្ទះអូស្រ្តាលីឈ្នះដាណឺម៉ាកឡើងវគ្គ ៨ ក្រុមចុងក្រោយបាល់ទាត់នារីពិភពលោក

ក្រុមសហម្ចាស់ផ្ទះបាល់ទាត់នារីពិភពលោកឆ្នាំនេះអូស្រ្តាលី នៅមិនទាន់បញ្ចប់បេសកកម្មរបស់ខ្លួនឡើយនៅ បាល់ទាត់នារីពិភពលោក ២០២៣ លើទឹកដីរបស់ខ្លួនក្រោយយកឈ្នះដាណឺម៉ាក ២-០។ Caitlin Foord រកបានគ្រាប់នាំមុខឱ្យអូស្រ្តាលីនៅនាទីទី ២៩ វគ្គទី ១ មុនពេលវគ្គទី ២ អូស្រ្តាលីរកបានគ្រាប់ធានាជ័យជំនះនៅនាទីទី ៧០ ដោយ Hayley Raso។ ជ័យជំនះនេះធ្វើឱ្យក្រុមនារីអូស្រ្តាលីនឹងបន្តទៅវគ្គ ៨ ក្រុមចុងក្រោយថ្ងៃសៅរ៍នេះជួបអ្នកឈ្នះរវាងបារាំង រឺម៉ារ៉ុក។ កីឡាការិនីដែលពេញដោយបទពិសោធ Sam Kerr ក៏បានចូលលេងជាលើកដំបូងផងដែរឆ្នាំនេះ ក្រោយផ្លាស់ប្តូរចូលជំនួស Hayley Raso ១០ នាទីចុងក្រោយ។ រំលឹកថា អូស្រ្តាលីធ្លាប់ឡើងដល់វគ្គ ៨ ក្រុមចុងក្រោយបាល់ទាត់នារីជើងឯកពិភពលោកម្តងកាលពីឆ្នាំ២០១៥។ ចំណែកដាណឺម៉ាកដែលបង្ហាញខ្លួននៅ World Cup លើកដំបូងតាំងពីឆ្នាំ ២០០៧ នោះ ក៏បានឈានដល់វគ្គ ១៦ ក្រុមចុងក្រោយលើកដំបូងដែរក្នុងរយៈពេល ២៨ ឆ្នាំ។ ងាកមកការប្រកួតមួយគូទៀត អតីតក្រុមលេខ ៣ ឆ្នាំ ២០១៥ អង់គ្លេសព្រលឹងចុងសក់ទំរាំឆ្លងផុតវគ្គ ១៦ ក្រុមចុងក្រោយបន្ទាប់ពីយកឈ្នះនីហ្សេរីយ៉ាដោយបាល់ ១១ ម៉ែត្រកាត់សេចក្តី។ នីហ្សេរីយ៉ា មិនអាចធ្វើអ្វីបានឡើយទោះអង់គ្លេសសល់គ្នាតែ ១០ នាក់នៅពេល Lauren James ទទួលបានកាតក្រហមនៅនាទីទី ៨៧ តែម៉ោងបន្ថែម ១៥ នាទីពីរដងក៏នៅតែគ្មានគ្រាប់បាល់។ វគ្គ ១១ ម៉ែត្រកាត់សេចក្តីអង់គ្លេសស៊ុតមុនតែមិនសំរេចដោយ Georgia Stanway តែនីហ្សេរីយ៉ាក៏ស៊ុតមិនចូលដែរ ២ ជើងផ្ទួនៗ ខណៈកីឡាការិនី Chloe Kelly ជាអ្នកសម្រេចគ្រាប់ជ័យជំនះឱ្យអង់គ្លេស ៤-២ លើនីហ្សេរីយ៉ា។ អង់គ្លេសនឹងបន្តដំណើរទៅវគ្គ ៨ ក្រុមចុងក្រោយរង់ចាំជួបអ្នកឈ្នះរវាងកូឡុំប៊ី រឺសាម៉ាអ៊ីក៕ អត្ថបទ៖នាង សុភាវុធ

កីឡាការិនីហែលទឹកចិន Zhang Yufei ឈ្នះមេដាយមាស ៩ គ្រឿងពីការប្រកួតកីឡាសាកលវិទ្យាល័យពិភពលោក

កីឡាការិនីហែលទឹកចិន Zhang Yufei បានធ្វើរឿងភ្ញាក់ផ្អើលនៅក្នុងព្រឹត្តិការណ៍កីឡាសាកលវិទ្យាល័យពិភពលោក World University Games នៅទីក្រុងឆឹងទូ ប្រទេសចិន ក្រោយឈ្នះមេដាយមាសសរុប ៩ គ្រឿងពីកីឡាហែលទឹក។ មិនត្រឹមតែប៉ុណ្ណេះ Zhang Yufei ក៏បានបង្កើតកំណត់ត្រាក្លាយជាកីឡាការិនីដំបូងដែលឈ្នះមេដាយមាសច្រើនបំផុតក្នុងព្រឹត្តិការណ៍ បន្ទាប់ពីឈ្នះមេដាយមាសទី ៨ ពិវិញ្ញាសារ ហែលសេរី ៥០ ម៉ែត្រ និងឈ្នះមេដាយមាសទី ៩ នៅវិញ្ញាសារហែលបណ្តាក់ ១០០ ម៉ែត្រ ៤ នាក់។ ជារួមរាល់វិញ្ញាសារដែល Zhang Yufei បានចូលលេងក្នុងប្រភេទកីឡាហែលទឹក គឺកីឡាការិនីវ័យ ២៥ ឆ្នាំរូបនេះ ប្រមូលយកទាំងអស់។ ចិនឈរលើគេក្នុងតារាងមេដាយក្នុងប្រភេទកីឡាហែលទឹកនៅ World University Games នេះដោយឈ្នះមេដាយមាស ១៨ ក្នុងចំណោម ២០។ ដោយឡែកសរុបមេដាយជារួមគ្រប់ប្រភេទកីឡាវិញ ចិនក៏នៅតែឈរលើគេដែរដោយមានមេដាយមាសសរុប ៩០ គ្រឿង តាមពីក្រោយដោយជប៉ុនលេខ ២ មាន ២០ គ្រឿង និងលេខ ៣ កូរ៉េមាន ១៧គ្រឿង៕ អត្ថបទ៖ នាង សុភាវុធ

អ្នកចាំទីជើងចាស់ Yann Sommer ចាកចេញពី Bayern Munich ទៅ Inter Milan

អ្នកចាំទីជើងចាស់ស្វ៊ីស Yann Sommer បានសម្រេចចិត្តចាកចេញពី Bayern Munich ទៅចូលរួមជាមួយក្លិប អ៊ីតាលី Inter Milan ហើយ នេះបើតាមការបញ្ជាក់របស់ក្លិបទាំងពីរ។មិនមានការបង្ហាញផ្លូវការពីកិច្ចសន្យាផ្ទេរនេះឡើយ តែសារព័ត៌មានអ៊ីតាលីបានចុះផ្សាយថា Inter Milan បានចំណាយលុយ ៦ លានអឺរ៉ូ។ កីឡាករវ័យ ៣៤ ឆ្នាំដែលជាជម្រើសដំបូងរបស់ក្រុមជម្រើសជាតិស្វ៊ីស បានមកដល់ Bayern Munich កាលពីខែមករាដើម្បីជំនួសតំណែង Manuel Neuer ដែលមានរបួស។ ការមកដល់របស់ Sommer មកកាន់ Inter Milan ក៏ជាកម្លាំងសំខាន់ក្នុងការប៉ះប៉ូវការចាកចេញរបស់អ្នកចាំទី កាមេរូន Andre Onana ដែលបានចាកចេញទៅកាន់ Manchester United ក្នុងតម្លៃ ៥១ លានអឺរ៉ូ។ Yann Sommer បានជួយ Bayern Munich ឈ្នះជើងឯក Bundesliga លើកទី ៣៣ តាមរយៈជ័យជំនះប្រកួតចុងក្រោយ។ ជាមួយក្រុមជម្រើសជាតិស្វ៊ីស Yann Sommer បង្ហាញខ្លួនបាន ៨០ លើក តាំងពីកោះហៅចូលលេងប្រកួតដំបូងទល់នឹងរ៉ូម៉ានីនៅឆ្នាំ ២០១២៕អត្ថបទ៖នាង សុភាវុធ

Neymar ប្រាប់ PSG ថាចង់ចាកចេញហើយ

ខ្សែប្រយុទ្ធប្រេស៊ីល Neymar បានប្រាប់ទៅកាន់ក្លិប Paris Saint Germain ថាចង់ចាកចេញហើយ នេះបើតាម ការចុះផ្សាយនៅលើសារព័ត៌មានជាច្រើននៅក្នុងប្រទេសបារាំង។ ជុំវិញរឿងនេះដែរ PSG មិនទាន់បានឆ្លើយតបនៅឡើយ។ មកទល់ពេលនេះគេមិនទាន់ដឹងថា គ្រូបង្វឹក PSG ថ្មីលោក Luis Enrique បានទុក Neymar នៅក្នុងគម្រោងសម្រាប់រដូវកាលថ្មីរឺអត់នៅឡើយ ស្របពេលអនាគតរបស់ខ្សែប្រយុទ្ធបារាំង Kylian Mbappe ក៏មិនទាន់ដឹងថានៅរឺទៅ។ ដំណឹងចង់ចាកចេញរបស់ Neymar បានក្លាយជាប្រធានបទក្តៅមួយសម្រាប់ក្លិបយក្សបារាំងមួយនេះ បន្ទាប់ពីការចាកចេញរបស់ Lionel Messi ទៅកាន់ Inter Miami តមក Mbappe ក៏ចង់ចាកចេញ ហើយនៅពេលនេះ Neymar ម្នាក់ទៀត ដែលមានន័យប្រយុទ្ធជួរមុខល្បីឈ្មោះទាំង ៣ របស់ PSG សុទ្ធតែចង់ចាកចេញ។Neymar មកដល់ PSG កាលពីឆ្នាំ ២០១៧ ផ្ទេរពី Barcelona ក្នុងតម្លៃផ្ទេរបំបែកកំណត់ត្រាពិភពលោកនៅពេលនោះតម្លៃ ២២២ លានអឺរ៉ូ រឺ ២០០ លានផោន។ តាំងពីពេលនោះមក Neymar បានឈ្នះជើងឯកលីគបារាំង ៥ លើក តែមិនទាន់ឈ្នះ UEFA Champions League តាមគោលដៅរបស់ក្លិបនៅឡើយ៕ អត្ថបទ៖នាង សុភាវុធ

Spurs បដិសេធសំណើលើកទី៣ របស់ Bayern Munich ចង់បាន Harry Kane

ក្លិបបាល់ទាត់ Tottenham Hotspur បានបដិសេធសំណើរបស់ Bayern Munich ជាលើកទី ៣ ក្នុងការចង់បាន ខ្សែប្រយុទ្ធអង់គ្លេស Harry Kane ទៅកាន់ទឹកដីអាល្លឺម៉ង់។ សំណើចុងក្រោយដែលត្រូវបានគេដឹងថាមានតម្លៃដល់ទៅ ១០០ លានអឺរ៉ូនោះ នៅតែមិនអាចធ្វើឱ្យក្លិបទាំងពីរខិតទៅជិតគ្នាក្នុងការចរចាជាមួយកីឡាករវ័យ ៣០ ឆ្នាំរូបនេះនៅឡើយ។ សារព័ត៌មានអង់គ្លេសមួយបានចុះផ្សាយថា ខ្សែប្រយុទ្ធអង់គ្លេស Harry Kane ត្រូវបាន Tottenham Hotspur គ្រោងផ្តល់ប្រាល់ឈ្នួលដល់ ៤០ ម៉ឺនផោនក្នុងមួយសប្តាហ៍ ប្រសិនព្រមបន្តនៅជាមួយក្លិបដែលមានមូលដ្ឋាននៅក្នុងទីក្រុងឡុងដ៍មួយនេះ។ មួយរយៈចុងក្រោយនេះ អនាគតរបស់កីឡាករវ័យ ២៩ ឆ្នាំរូបនេះតែងតែស្ថិតនៅទំព័រមុខនៃសារព័ត៌មានបាល់ទាត់អឺរ៉ុប ស្របពេលដែលក្លិបជើងឯកអាល្លឺម៉ង់ Bayern Munich ឈានមុខគេ។មិនត្រឹមតែ Bayern Munich ទេខ្សែប្រយុទ្ធអង់គ្លេសរូបនេះបានក្លាយជាគោលដៅចំបងរបស់ Real Madrid ផងដែរ និងធ្លាប់ជាគោលដៅចង់បានរបស់ក្លិបអេស្ប៉ាញមួយនេះច្រើនឆ្នាំមកហើយ។ កីឡាករវ័យ ២៩ ឆ្នាំរូបនេះ នឹងមិនមានឱកាសលេងនៅ UEFA Champions League ឡើយរដូវកាលក្រោយ ដែលជាមូលហេតុចំបងដែលគេគិតថានឹងចាកចេញពី Spurs៕ អត្ថបទ៖នាង សុភាវុធ

ស្ងាត់ៗ PSG ខ្ចីខ្សែប្រយុទ្ធព័រទុយហ្កាល់ Goncalo Ramos អមជាមួយលក្ខខណ្ឌទិញផ្តាច់

ក្លិបជើងឯកបារាំង Paris Saint Germain បានចុះហត្ថលេខានាំយកខ្សែប្រយុទ្ធព័រទុយហ្កាល់ Goncalo Ramos ក្នុងកិច្ចសន្យាខ្ចីពេញមួយរដូវកាល។នៅក្នុងកិច្ចសន្យាខ្ចីនោះដែរ ក៏មានចងភ្ជាប់ជាមួយលក្ខខណ្ឌទិញផ្តាច់ក្រោយផុតកិច្ចសន្យាខ្ចីក្នុងតម្លៃ ៦៥ លានអឺរ៉ូ និងប្រាក់បន្ថែម ១៥ លានអឺរ៉ូផ្សេងទៀត។កីឡាករវ័យ ២២ ឆ្នាំរូបនេះគឺជាអ្នកស៊ុតបញ្ចូលទី ៣ គ្រាប់ម្នាក់ឯងនៅ World Cup ឆ្នាំមុន ដែលធ្វើឱ្យក្លិបធំៗ នៅអឺរ៉ុបចាប់អារម្មណ៍។រដូវកាលមុន Ramos ស៊ុតបញ្ចូលទីបាន ២៧ គ្រាប់ក្នុងការបង្ហាញខ្លួន ៤៧ ប្រកួតឱ្យ Benfica។ការមកដល់របស់ Ramos ស្របពេលដែលអនាគតរបស់ Kylian Mbappe មិនទាន់ដឹងថាទៅជាយ៉ាងណា ក៏ស្របពេលដែល Neymar ចង់ចាកចេញពីក្លិបផងដែរ។Ramos មកដល់ PSG គឺជាកីឡាករទី ៩ ហើយ បន្ទាប់ពីអ្នកចាំទី Arnau Tenas, Milan Skriniar, Lucas Hernandez, Marco Asencio, Manuel Ugarte, Lee Kang-in, Xavi Simons និង Hugo Ekitike។លីគកំពូលបារាំង Ligue1 នឹងចាប់ផ្តើមរដូវកាលថ្មីចុងសប្តាហ៍នេះហើយដោយ PSG ត្រូវបើកទ្វាផ្ទះទទួល Lorient នៅថ្ងៃអាទិត្យ៕ អត្ថបទ៖នាង សុភាវុធ

ការប្រកួតបាល់ទាត់ ៤ទល់៤ ជើងឯកពិភពលោកដំបូងបំផុតរៀបចំនៅប្រទេសអាល្លឺម៉ង់

ការប្រកួតបាល់ទាត់ ៤ នាក់ទល់នឹង ៤ នាក់ជើងឯកពិភពលោករឺហៅថា World Final of Red Bull Four 2 Score ត្រូវបានរៀបចំឡើងជាលើកដំបូងនៅទីក្រុង Leipzig ប្រទេសអាល្លឺម៉ង់។ ការប្រកួតដែលមានរយៈពេលត្រឹម ២ ថ្ងៃនេះមានអ្នកចូលរួមសរុប ១៧ប្រទេស ជុំវិញពិភពលោក។ មួយប្រកួតត្រូវលេងត្រឹម ១០ នាទីប៉ុណ្ណោះ ដោយគ្មានអ្នកចាំទីឡើយ ហើយការស៊ុតបញ្ចូលទីបាននៅនាទីដំបូង និងចុងក្រោយរាប់គុណនឹង ២។ ប្រសិនស្មើគ្នា រកឈ្នះចាញ់មិនឃើញ នឹងលេងបន្ថែម ហើយក្រុមណាស៊ុតចូលមុនជាអ្នកឈ្នះ។ ការប្រកួតត្រូវបានរៀបចំឡើងនៅទីលានបាល់ទាត់តូចមួយ ពោលគឺនៅចំពីមុខកីឡដ្ឋានបាល់ទាត់នៃក្លិបបាល់ទាត់ RB Leipzig តែម្តង ដែលមានការចូលរួមទស្សនាដោយខ្សែប្រយុទ្ធអាល្លឺម៉ង់ Timo Werner និង David Raum៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អ្នកស្វែងរកការងារជាង ១០០នាក់ ទទួលបានលទ្ធផលល្អក្នុងវេទិកាការងារ និងកិច្ចសម្ភាសន៍ការងាររបស់ NEA

អង្គការមជ្ឈមណ្ឌលវប្បធម៌ខ្មែរកម្ពុជាក្រោម ចុះចែក និងផ្តល់សម្ភារៈសិក្សាដល់សិស្សមានជីវភាពខ្វះខាត និងកុមារកំព្រាចំនួន ៥៤នាក់នៅភូមិគោកឃ្លាង សង្កាត់គោកឃ្លាង ខណ្ឌសែនសុខ

កម្មវិធីបណ្តុះបណ្តាលជំនាញ ១,៥លាននាក់ ជួយឱ្យយុវជនក្រីក្រ និងពលរដ្ឋជាង ២ពាន់នាក់នៅតាកែវ មានជំនាញ និងចំណូលសមរម្យ

មន្រ្តីឧទ្យានុរក្ស ប្តេជ្ញាការពារបេតិកភណ្ឌធម្មជាតិដ៏មានតម្លៃរបស់កម្ពុជាឱ្យនៅស្ថិតស្ថេរគង់វង្ស

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

កាកបាទក្រហមកម្ពុជាប្រគល់ផ្ទះ១ខ្នងដល់គ្រួសារកងទ័ពជួរមុខ ដែលមានជីវភាពខ្វះខាតនៅខេត្តកំពង់ស្ពឺ

នាយករដ្ឋមន្ត្រីនេប៉ាល់ជំរុញឱ្យមានភាពស្ងប់ស្ងាត់ ខណៈមនុស្សបីនាក់ស្លាប់ក្រោយភាពចលាចលក្រុមកាន់សាសនាហិណ្ឌូ និងមូស្លីម

អ្នករាយការណ៍ពិសេស UN ប្រចាំកម្ពុជា ធ្វើទស្សនកិច្ចទៅកាន់ជំរុំជនភៀសសឹកក្នុងខេត្តបន្ទាយមានជ័យ ឃើញផ្ទាល់គ្រួសារដែលរងផលប៉ះពាល់ដោយសារជម្លោះតាមព្រំដែន

សម្ទុះភ្ញៀវទេសចរចិន និងភ្ញៀវទេសចរក្នុងស្រុក នៅតែនាំមុខវិស័យទេសចរណ៍កម្ពុជា

យុវជនក្រីក្រ និងពលរដ្ឋជិត៤ពាន់នាក់នៅកោះកុង មានជំនាញ និងចំណូលសមរម្យ តាមរយៈកម្មវិធីបណ្តុះបណ្តាលជំនាញ ១,៥លាននាក់របស់សម្ដេចធិបតី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Newcastle ទិញបានខ្សែការពារ Southampton, Tino Livramento តម្លៃ ៤០ លានផោន

Southampton បដិសេធសំណើលើកទី៣ របស់ Liverpool ចង់បានខ្សែបម្រើ Romeo Lavia

មិនទាន់ចូលនិវត្តន៍ឡើយ Andres Iniesta សម្រេចចូលរួមជាមួយក្លិបអារ៉ាប់រួម Emirate Club

ម្ចាស់ផ្ទះអូស្រ្តាលីឈ្នះដាណឺម៉ាកឡើងវគ្គ ៨ ក្រុមចុងក្រោយបាល់ទាត់នារីពិភពលោក

កីឡាការិនីហែលទឹកចិន Zhang Yufei ឈ្នះមេដាយមាស ៩ គ្រឿងពីការប្រកួតកីឡាសាកលវិទ្យាល័យពិភពលោក

អ្នកចាំទីជើងចាស់ Yann Sommer ចាកចេញពី Bayern Munich ទៅ Inter Milan

Neymar ប្រាប់ PSG ថាចង់ចាកចេញហើយ

Spurs បដិសេធសំណើលើកទី៣ របស់ Bayern Munich ចង់បាន Harry Kane

ស្ងាត់ៗ PSG ខ្ចីខ្សែប្រយុទ្ធព័រទុយហ្កាល់ Goncalo Ramos អមជាមួយលក្ខខណ្ឌទិញផ្តាច់

ការប្រកួតបាល់ទាត់ ៤ទល់៤ ជើងឯកពិភពលោកដំបូងបំផុតរៀបចំនៅប្រទេសអាល្លឺម៉ង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Newcastle ទិញបានខ្សែការពារ Southampton, Tino Livramento តម្លៃ ៤០ លានផោន

Southampton បដិសេធសំណើលើកទី៣ របស់ Liverpool ចង់បានខ្សែបម្រើ Romeo Lavia

មិនទាន់ចូលនិវត្តន៍ឡើយ Andres Iniesta សម្រេចចូលរួមជាមួយក្លិបអារ៉ាប់រួម Emirate Club

ម្ចាស់ផ្ទះអូស្រ្តាលីឈ្នះដាណឺម៉ាកឡើងវគ្គ ៨ ក្រុមចុង​ក្រោយ​បាល់ទាត់​នារី​ពិភព​លោក

កីឡាការិនីហែលទឹកចិន Zhang Yufei ឈ្នះមេដាយមាស ៩ គ្រឿង​ពី​ការ​ប្រកួត​កីឡា​សាកលវិទ្យាល័យពិភពលោក

អ្នកចាំទីជើងចាស់ Yann Sommer ចាកចេញពី Bayern Munich ទៅ Inter Milan

Neymar ប្រាប់ PSG ថាចង់ចាកចេញហើយ

Spurs បដិសេធសំណើលើកទី៣ របស់ Bayern Munich ចង់បាន Harry Kane

ស្ងាត់ៗ PSG ខ្ចីខ្សែប្រយុទ្ធព័រទុយហ្កាល់ Goncalo Ramos អមជាមួយលក្ខខណ្ឌទិញផ្តាច់

ការប្រកួតបាល់ទាត់ ៤ទល់៤ ជើងឯកពិភពលោកដំបូងបំផុតរៀបចំនៅប្រទេសអាល្លឺម៉ង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ម្ចាស់ផ្ទះអូស្រ្តាលីឈ្នះដាណឺម៉ាកឡើងវគ្គ ៨ ក្រុមចុងក្រោយបាល់ទាត់នារីពិភពលោក

កីឡាការិនីហែលទឹកចិន Zhang Yufei ឈ្នះមេដាយមាស ៩ គ្រឿងពីការប្រកួតកីឡាសាកលវិទ្យាល័យពិភពលោក