BTV NEWS

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

អ្នកគ្មានស្លាកលេខរត់ មិនអនុញ្ញាតឲ្យចូលក្នុងបរិវេណរត់ប្រណាំងម៉ារ៉ាតុងចក្រភពអង្គរចុងសប្ដាហ៍នេះឡើយ

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ព័ត៌មានកីឡា

កីឡាករចំនូលថ្មី ៥ នាក់នៅ Premier League ដែលគួរតាមដាន

ក្លឹបបាល់ទាត់នៅក្របខណ្ឌ English Premier League បានចំណាយប្រាក់ជាង ១ ពាន់លានផោន (១.៣ ពាន់លានដុល្លារ) ហើយគិតមកដល់ពេលនេះ ដើម្បីនាំយកកីឡាករចំនូលថ្មីដើម្បីពង្រឹងក្រុមរបស់ខ្លួនមុនរដូវកាលថ្មីខាងមុខ។ត្រឹមពេលនេះ ជាក្រុមឈានមុខគេដោយចំណាយប្រាក់ជាង ២០០ លានផោនលើ Declan Rice, Kai Havertz និង Jurrien Timber ខណៈដែលពួកគេមានគោលបំណងផ្តួលក្រុមការពារជើងឯក Manchester City ។Manchester United, Newcastle, Liverpool និង Chelsea ក៏មមាញឹកនឹងការប្រកួតប្រជែងយ៉ាងស្វិតស្វាញដើម្បីប្រជែងតំណែង Top4 ផងដែរប៉ុន្តែក្រុមជើងឯក ៣ ពាន Man City នៅតែជាក្រុមដែលអាចយកឈ្នះបាន ខណៈដែលពួកគេដាក់គោលដៅឈ្នះជើងឯកលីគកំពូលអង់គ្លេសជាប្រវត្តិសាស្ត្រជាលើកទីបួនជាប់ៗគ្នា។ខាងក្រោមជាកីឡាករចំនូលថ្មី ៥ នាក់ដែលជាទីចាប់អារម្មណ៍ និងគួរតាមដានរដូវកាលថ្មីនេះ៖ - Declan Rice (Arsenal) Arsenal គឺជាក្រុមប្រជែងជើងឯកដ៏គួរឱ្យភ្ញាក់ផ្អើលមួយទល់នឹង Manchester City រដូវកាលមុន បន្ទាប់ពីនាំមុខគេស្ទើពេញមួយរដូវកាល មុនពេលក្រឡាប់ចាក់ប៉ុន្មានប្រកួតចុងក្រោយ។ ខ្សែបម្រើអង់គ្លេស Declan Rice បានមកដល់ទឹកដី Emirate ក្នុងតម្លៃផ្ទេរបំបែកកំណត់ត្រាអង់គ្លេស ១០៥ លានផោន បន្ទាប់ពីក្រុមរបស់ Mikel Arteta ដណ្តើមបានពីការប្រជែងទិញដោយ Manchester City ផងដែរ។ ជាមួយនឹងតម្លៃផ្ទេរកប់ពពក ក្តីរំពឹងរបស់ក្លិប និងអ្នកគាំទ្រ ក៏ដូចជាភ្នែកទស្សនាបាល់ទាត់ក៏ទន្ទឹងរង់ចាំសក្តានុពលភាពរបស់កីឡាករវ័យ ២៤ ឆ្នាំរូបនេះផងដែរ។ - Rasmus Hojlund (Manchester United) តាមពិតទៅ Manchester United មានគោលដៅដំបូងគឺចង់បានខ្សែប្រយុទ្ធអង់គ្លេស Harry Kane មកកាន់ Old Trafford តែការចរចាយកខ្សែប្រយុទ្ធរូបនេះពី Spurs មានសភាពស្មុគស្មាញ ដែលធ្វើឱ្យ Man United ផ្លាស់ប្តូរគោលដៅមករកកីឡាករវ័យ ២០ ឆ្នាំដាណឺម៉ាក Rasmus Hojlund វិញ។ តម្លៃនៃការផ្ទេរ Rasmus Hojlund ពី Atalanta គឺ ៦៤ លានផោន ដែលជាការវិនិយោគចំណេញកប់ក្តោងរបស់ Atalanta ដែលទិញ Hojlund ពីក្លិបអូទ្រីស Sturm Graz រដូវកាលមុខត្រឹម ១៧លានផោន។ កីឡាករវ័យ ២០ ឆ្នាំរូបនេះស៊ុតបញ្ចូលទី ៩ គ្រាប់ក្នុងរដូវកាលដំបូងរបស់ខ្លួននៅ Serie A តែ ៦ គ្រាប់ផ្សេងទៀតជាមួយក្រុមជម្រើសជាតិដាណឺម៉ាកពិតជាបានបង្ហាញការចាប់អារម្មណ៍សម្រាប់ Manchester United ដែលមាន Christian Eriksen ជាអ្នកណែនាំ។ - Josko Gvardiol (Manchester City) Manchester City មិនឆ្អែតឆ្អន់ឡើយក្នុងការប្រជែងជើងឯក ដោយគោលដៅរបស់ពួកគេគឺដណ្តើមពាន EPL បួនរដូវកាលជាប់គ្នា ដូច្នេះខ្ទង់ចំណាយនៅតែបើកបន្ទាប់ពីនាំយកខ្សែការពារក្រូអាស៊ី Josko Gvardiol ពីក្លិបអាល្លឺម៉ង់ Leipzig ក្នុងតម្លៃ ៧៨ លានផោន។ ទម្រង់លេងដ៏គួរឱ្យទាក់ភ្នែករបស់កីឡាករវ័យ ២១ ឆ្នាំរូបនេះ គឺនៅពេលជួយក្រុមក្រូអាស៊ីនៅ World Cup 2022 ទឹកដីកាតាឆ្នាំមុនដែលឈានដល់វគ្គពាក់កណ្តាលផ្តាច់ព្រ័ត្រ។- Dominik Szoboszlai (Liverpool) Liverpool បញ្ចប់រដូវកាលមុនដោយការខកចិត្តនៅលំដាប់លេខ ៥ ខកខានមិនបានលេងនៅ UCL ស្របពេ ដែលខ្សែបម្រើជាច្រើនចាកចេញទៀតនោះ Liverpool បាននាំយកកីឡាករហុងគ្រី Dominik Szoboszlai ពី Leipzig តម្លៃ ៦០ លានផោន។ Jordan Henderson, Fabinho, Naby Keita, Alex Olade-Chamberlain សុទ្ធតែចាកចេញ ហើយនៅពេលនេះក្រុមរបស់លោក Jurgen Klopp មានខ្សែបម្រើថ្មីច្រឺងទាំងពីរនាក់គឺ Szoboszlai និង Alexis Mac Allister។ កីឡាករវ័យ ២២ ឆ្នាំ Szoboszlai ស៊ុតបញ្ចូលទីបាន ២០ គ្រាប់និង ២២ បាល់បញ្ជូនក្នុងការបង្ហាញខ្លួន ៩១ ប្រកួតឱ្យក្លិបអាល្លឺម៉ង់ RB Leipzig។ - Sandro Tonali (Newcastle) ទឹកប្រាក់បានស្រោចលើកីឡាករ Premier League ក្នុងការផ្ទេរទៅកាន់ទឹកដីអារ៉ាប៊ីសាអ៊ូឌីត មួយរយៈចុងក្រោយនេះ តែ Newcastle ដែលស្ថិតក្រោមការវិនិយោគដោយអារ៉ាប៊ីសាអ៊ូឌីតដែរនោះ មិនជះឥទ្ធិពលប៉ុន្មានទេ។ Newcastle ដែលនឹងត្រលប់មកបង្ហាញខ្លួននៅ UEFA Champions League វិញនោះក៏បានចាយលុយច្រើនដែរក្នុងការនាំយកកីឡាករចំនូលថ្មីមកពង្រឹងក្រុម។ គិតមកទល់ពេលនេះ Newcastle បានចំណាយជាង ១០០ លានផោនផងដែរ ដែលក្នុងនោះថ្លៃជាងគេគឺខ្សែបម្រើអ៊ីតាលីSandro Tonali ពី AC Milan តម្លៃ ៦០ លានផោន។ កីឡាករវ័យ ២៣ ឆ្នាំរូបនេះគឺជាកំលាំងស្នូលខ្វះមិនបានរបស់ AC Milan ក្នុងការប្រជែងឈ្នះជើងឯកអ៊ីតាលី Serie A លើកដំបូងក្នុងរយៈពេល ១១ ឆ្នាំកាលពីឆ្នាំ ២០២២ និងជាសមាជិកសំខាន់ដែលនាំ AC Milan ឡើងដល់វគ្គពាក់កណ្តាលផ្តាច់ព្រ័ត្រ UCL រដូវកាលមុន៕ អត្ថបទ៖នាង សុភាវុធ

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែបើកផ្លូវឲ្យរតនគិរី

ក្រុមបាល់ទាត់សន្ដិភាព ខេត្តកំពង់ធំ បានកក់កៅអីវគ្គ ៨ក្រុមចុងក្រោយ នៃពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣ ហើយ ក្រោយបន្ដយកឈ្នះក្រុមមន្ទីរអប់រំ យុវជន និងកីឡា ខេត្តសៀមរាប ដោយលទ្ធផល ២-០ កាលពីល្ងាចថ្ងៃទី០៩ ខែសីហាម្សិលមិញ ។ ជ័យជម្នះនេះដែរ ក៏បើកផ្លូវឲ្យក្រុមអធិរាជដំរីឦសាន ខេត្តរតនគិរី មានសង្ឃឹមឡើងវគ្គបន្ដផងដែរ បន្ទាប់ពីពួកគេវាយបកឈ្នះមណ្ឌលគិរីវង់ ៣-២ ។សម្រាប់គ្រាប់បាល់ជ័យជម្នះរបស់ក្រុមសន្ដិភាព ខេត្តកំពង់ធំ លើក្រុមភ្ញៀវខេត្តសៀមរាប ធ្វើសម្រេចដោយកីឡាករ ឆាំ ប៊ុនឈីត នៅនាទីទី៨ និងកីឡាករ រ៉ាន់ សិទ្ធ នៅនាទី៧២ ។ ដូច្នេះក្រុមមន្ទីរអប់រំ យុវជន និងកីឡា ខេត្តសៀមរាប គឺរងបរាជ័យទាំង ២ជើង ក្នុងជំនួបជាមួយក្រុមកំពូលតារាងនេះ ដ្បិតកាលពីជើងទី១ គឺចាញ់ក្នុងលទ្ធផល ១-០ ។រីឯជំនួបជើងទី២ នៅទីលានបឋមសិក្សា ហ៊ុន សែន សែនមនោរម្យវិញ ក្រុមម្ចាស់ផ្ទះខេត្តមណ្ឌលគិរី បានបើកការនាំមុខក្រុមអធិរាជដំរីឦសាន ២គ្រាប់មុន នៅចុងវគ្គទី១ ដោយកីឡាករ ណូ សូទី នៅនាទី៤៤ និងកីឡាករ ធិ ផៃយ៉ា នៅនាទី៤៥+២ ។ ប៉ុន្ដែវគ្គទី២ ក្រុមអធិរាជដំរីឦសាន ខេត្តរតនគិរី ក៏វាយបកបាន ៣គ្រាប់វិញ ដោយកីឡាករ កវី ស៊ីយ៉ា នៅនាទី៥៦, កីឡាករ ហ៊ីង វ៉ាយលេស នៅនាទី៧៨ និងគ្រាប់បាល់ជ័យជម្នះ ដោយបានដោយកីឡាករ សម្បត្តិ បញ្ញា នៅនាទី៨៨ ។ជាមួយលទ្ធផលក្នុងសប្ដាហ៍ទី១៥ នេះដែរ នាំឲ្យក្រុមបាល់ទាត់សន្ដិភាពខេត្តកំពង់ធំ បន្ដឈរកំពូលតារាងពូលD ដោយរកបាន ១៥ពិន្ទុ និងបានកក់កៅអីវគ្គ ៨ក្រុមចុងក្រោយដោយស្វ័យប្រវត្តិ ទោះបីពួកគេនៅសល់ ២ប្រកួតក្នុងដៃទៀតក៏ដោយ ។ ចំណែកក្រុមសៀមរាប បន្ដឈរលេខ២ តែមាន ១០ពិន្ទុស្មើគ្នាជាមួយក្រុមអធិរាជដំរីឦសាន ខេត្តរតនគិរី ដែលឡើងមកឈរលេខ៣ ។ ប៉ុន្ដែខេត្តសៀមរាប នៅសល់តែ ១ប្រកួតទៀតប៉ុណ្ណោះ ស្របពេលក្រុមអធិរាជដំរីឦសាន នៅសល់ ២ប្រកួតទៀត ។ ដូច្នេះក្រុមទាំងពីរ សុទ្ធតែមានឱកាសប្រជែងកៅអីវគ្គបន្ដ ពិសេសក្រុមអធិរាជដំរីឦសាន ខេត្ដរតនគិរី ដែលនៅសល់ប្រកួតច្រើនជាងតែម្ដង៕ អត្ថបទ លី ឈុនឡា

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មានផ្ទុកសារធាតុហាមឃាត់

កំពូលកីឡាករប្រដាល់សកលរបស់អង់គ្លេស Anthony Joshua ត្រូវប្រកួតជាមួយគូប្រកួតដែលខុសពីការគ្រោងទុក បន្ទាប់ពីការណាត់គ្នាទល់នឹង Dillian Whyte ត្រូវបានកែប្រែ បន្ទាប់ពី Whyte មានផ្ទុកសារធាតុហាមឃាត់។ការផ្លាស់ប្តូរគូប្រកួតភ្លាមៗនេះធ្វើឡើងត្រឹម ២៤ ម៉ោងប៉ុណ្ណោះមុនសន្និសីទសារព័ត៌មានថ្ងៃពុធម្សិលមិញ បន្ទាប់ពីការធ្វើតេស្តសុខភាពឃើញថា Dillian Whyte មានផ្ទុកសារធាតុហាមឃាត់ តែមិនមែនជាសារធាតុញៀនឡើយ តាមរយៈការពិនិត្យដោយ សមាគមស្ម័គ្រចិត្តប្រយុទ្ធប្រឆាំងនឹងសារធាតុហាមឃាត់ (VADA) ដែលធ្វើឱ្យកីឡាករអង់គ្លេសរូបនេះ ត្រូវប្រមូលព័ត៌មានឱ្យបានច្បាស់លាស់ ដើម្បីបញ្ជាក់ថាខ្លួនឯងស្អាតស្អំ។ ដោយឡែកសំរាប់គូប្រកួតថ្មីរបស់ Anthony Joshua ដែលត្រូវបានចាប់ដាក់ភ្លាមៗនោះគឺកីឡាករប្រដាល់ហ្វាំងឡង់ Robert Helenius ដែលនឹងក្លាយជាជំនួបដំបូងរវាងកីឡាករទាំងពីរ។ កីឡាករវ័យ ៣៩ ឆ្នាំ Robert Helenius មានបទពិសោធប្រកួត ៣៦ លើកឈ្នះ ៣២ ចាញ់ ៤ ផ្តួលគូប្រកួតឱ្យបោះបង់ ២១ លើក៕ អត្ថបទ៖នាង សុភាវុធ

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

កីឡាករប្រដាល់ម៉ិកស៊ិក Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោករបស់ខ្លួននៅថ្ងៃទី៣០ ខែកញ្ញាខាងមុខ ដោយនឹងត្រូវជួបជាមួយជើងឯកទម្ងន់មធ្យមយុវជនពិភពលោក Jermell Charlo នៅកីឡដ្ឋាន T-Mobile Arena ទីក្រុង Las Vegas សហរដ្ឋអាមេរិក។ Canelo Alvarez មានស្ថិតិប្រកួតរបស់ខ្លួន ឈ្នះ ៥៩ ចាញ់ ២ ស្មើ ២ ផ្តួលគូប្រកួតឱ្យបោះបង់ ៣៩លើក គឺជាអ្នកគ្រប់គ្រងខ្សែក្រវាត់ពីរបន្ទាប់ពីដណ្តើមខ្សែក្រវាត់ IBF ពី Caleb Plant កាលពីខែវិច្ឆិកាឆ្នាំ ២០២១ ក្រោយមកការពារខ្សែក្រវាត់របស់ខ្លួនបានតាមរយៈជ័យជំនះលើ Gennadiy Golovkin និង John Ryder។ នៅក្នុងចន្លោះនៃការប្រកួតខាងលើ Canelo Alvarez ក៏បានព្យាយាមទំលាក់ទម្ងន់របស់ខ្លួន ដើម្បីប្រជែងខ្សែក្រវាត់ WBA តែចាញ់ Dmitriy Bivol។ចំណែកគូប្រកួតនៅខែកញ្ញាខាងមុខ Jermell Charlo មានបទពិសោធប្រកួតឈ្នះ ៣៥ ស្មើ ១ ចាញ់១ ផ្តួលគូប្រកួតឱ្យបោះបង់ ១៩ លើក និងបានគ្រប់គ្រងខ្សែក្រវាត់យុវជននេះ តាមរយៈការផ្តួល Brian Castano កាលពីខែឧសភាឆ្នាំមុន៕ អត្ថបទ៖នាង សុភាវុធ

ឯកឧត្តម ថោង ខុន ណែនាំឲ្យចាប់ផ្ដើមធ្វើផែនការមេ ត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩

ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC) បានណែនាំឲ្យរៀបចំធ្វើការផែនការមេ ដើម្បីដាក់ឆ្លងរាជរដ្ឋាភិបាល ក្នុងដំណើរឆ្ពោះទៅធ្វើម្ចាស់ផ្ទះការប្រកួតកីឡាយុវជនអាស៊ី លើកទី៥ ឆ្នាំ២០២៩ (The 5th Asian Youth Games 2029) នៅកម្ពុជា ។ការណែនាំនេះ បន្ទាប់ពីគណៈកម្មាធិការជាតិអូឡាំពិកកម្ពុជា បានចាប់ផ្ដើមបើកកិច្ចប្រជុំគណៈកម្មាធិការប្រតិបត្តិរបស់ខ្លួនឡើងវិញ កាលពីថ្ងៃទី០៨ ខែសីហាម្សិលមិញ ដើម្បីពង្រឹងការងាររដ្ឋបាល និងការគ្រប់គ្រង សម្រាប់ត្រៀមចូលរួម និងរៀបចំប្រកួតនានា ពិសេសការត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩ បន្ទាប់ពីគណៈកម្មាធិការជាតិអូឡាំពិកកម្ពុជា ទទួលបានសិទ្ធិធ្វើម្ចាស់ផ្ទះរួចរាល់ពីក្រុមប្រឹក្សាកីឡាអូឡាំពិកអាស៊ី ។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា មានប្រសាសន៍ថា បន្ទាប់ពីរួមចំណែកជាមួយភាពជោគជ័យ នៃព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ គណៈកម្មាធិការប្រតិបត្តិ នៃគណៈកម្មាធិការជាតិអូឡាំពិកកម្ពុជា ត្រូវចាប់ផ្ដើមពង្រឹងការងាររដ្ឋបាល ដឹកនាំ និងគ្រប់គ្រងឡើងវិញ ដើម្បីត្រៀមចូលរួម និងរៀបចំការប្រកួតនានា ដូចជាការត្រៀមចូលរួមប្រកួតកីឡាអាស៊ី លើកទី១៩ ឆ្នាំ២០២៣ នៅចិន, ការត្រៀមចូលរួមប្រកួតកីឡាអូឡាំពិក ឆ្នាំ២០២៤ នាទីក្រុងប៉ារីស ប្រទេសបារាំង ពិសេសការត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩ ។ពាក់ព័ន្ធនឹងការប្រកួតកីឡាយុវជនអាស៊ីនេះ គឺជាបញ្ហាសំខាន់ ដែលត្រូវបានអង្គប្រជុំកំណត់ថា នឹងរៀបចំផែនការយុទ្ធសាស្ដ្រ សម្រាប់ផែនការមេឲ្យបានរួចរាល់ ដើម្បីឆ្លងទៅរាជរដ្ឋាភិបាលអនុម័ត ក្នុងនោះឯកឧត្តមបណ្ឌិត ថោង ខុន បានណែនាំឲ្យចាប់ផ្ដើមរៀបចំធ្វើផែនការមេនេះ ព្រោះគណៈកម្មាធិការជាតិអូឡាំពិកកម្ពុជា បានទទួលធ្វើម្ចាស់ផ្ទះពីក្រុមប្រឹក្សាកីឡាអូឡាំពិកអាស៊ីរួចហើយ ដែលបានចុះហត្ថលេខាលើលិខិតអនុញ្ញាត កាលពីខែវិច្ឆិកា ឆ្នាំ២០២១ ។ ដូច្នេះគណៈកម្មាធិការប្រតិបត្តិទាំងអស់ ត្រូវរួបរួមគ្នាធ្វើកិច្ចការនេះឲ្យហើយ ៤-៥ឆ្នាំមុន ដើម្បីត្រៀមធ្វើម្ចាស់ផ្ទះនាឆ្នាំ២០២៩ ។ចំណែកការងាររដ្ឋបាល និងការគ្រប់គ្រងវិញ ត្រូវបានឯកឧត្តមរដ្ឋមន្ដ្រី ជំរុញឲ្យពង្រឹងយន្ដការការងារឡើងវិញ ក្នុងការបែងចែកនាយកដ្ឋាន សម្រាប់ការគ្រប់គ្រងនាយកដ្ឋានជំនាញនីមួយៗ ពិសេសឯកឧត្តម បានជំរុញ និងលើកទឹកចិត្តឲ្យគណៈកម្មការជំនាញ អមគណៈកម្មាធិការជាតិអូឡាំពិកកម្ពុជា ធ្វើការងារឡើងវិញ ហើយឲ្យគណៈកម្មាធិការប្រតិបត្តិទទួលខុសត្រូវក្នុងការធ្វើកិច្ចសហការត្រួតពិនិត្យការងារជាប្រចាំ ។ ចំពោះរចនាសម្ព័ន្ធ និងការកែសម្រួលតួនាទីភារកិច្ច នឹងធ្វើឡើងក្នុងពេលឆាប់ៗនេះ ដោយកំណត់ឲ្យបាននូវគោលដៅ នៃការអភិវឌ្ឍធនធនាមនុស្ស អភិវឌ្ឍន៍រចនាសម្ព័ន្ធ ឲ្យមានភាពរឹងមាំ ដើម្បីទទួលភារកិច្ចសំខាន់ៗរបស់ព្រឹត្តិការណ៍កីឡាជាតិ ឬព្រឹត្តិការណ៍អន្ដរជាតិផ្សេងៗទៀតឲ្យបានសម្រេចតាមជំនាញ ដែលបានធ្វើរួចមកហើយ ។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន៕ អត្ថបទ លី ឈុនឡា

បារាំងបញ្ចប់ក្តីសង្ឃឹមម៉ារ៉ុកឡើងវគ្គ ៨ ក្រុមចុងក្រោយ បាល់ទាត់នារីជើងឯកពិភពលោក

ក្រុមបាល់ទាត់នារីបារាំងបានបញ្ចប់ក្តីសង្ឃឹមរបស់ម៉ារ៉ុក ក៏ដូចជាក្តីសង្ឃឹមរបស់ក្រុមមកពីអាហ្វ្រិក ដើម្បីឡើងវគ្គ ៨ ក្រុមចុងក្រោយបាល់ទាត់នារីជើងឯកពិភពលោក។កីឡាការិនី Kadidiatou Diani និង Kenza Dali រកបានម្នាក់មួយគ្រាប់នៅវគ្គទី ១ ខណៈ Eugenie Le Sommer រកបានពីរគ្រាប់ម្នាក់ឯងឱ្យអតីតក្រុមលេខ ៤ World Cup ឆ្នាំ ២០១១ បារាំងយកឈ្នះដោយលទ្ធផល ៤-០ ឡើងវគ្គ ៨ ក្រុមចុងក្រោយ។ បារាំងនឹងបន្តទៅជួបជាមួយម្ចាស់ផ្ទះអូស្ត្រាលី នៅទីក្រុង Brisbane ថ្ងៃសៅរ៍នេះ។ ចំណែកឯក្រុមនារីម៉ារ៉ុក សង្ឃឹមថានឹងក្លាយជាក្រុមនារីអាហ្វ្រិកដំបូងដែលឈ្នះការប្រកួតនៅវគ្គ Knockout តែអ្វីៗប្រែក្រឡាប់ចាក់បន្ទាប់ពីគ្រាប់នាំមុខ ២ គ្រាប់របស់បារាំងលឿនៗ។ ងាកមកការប្រកួតមួយគូទៀត កូឡុំប៊ីក៏បានបន្តដំណើរទៅវគ្គ ៨ ក្រុមចុងក្រោយដែរក្រោយយកឈ្នះក្រុមនារី សាម៉ាអ៊ិកតានតឹង ១-០។ កីឡាការិនី Cataline Usme គឺជាអ្នកស៊ុតបញ្ចូលទីគ្រាប់ជ័យជំនះយ៉ាងអស្ចារ្យនៅនាទីទី ៥១។មួយគ្រាប់នេះ គឺជាគ្រាប់ដំបូងដែលសាម៉ាអ៊ីករបូតគ្រាប់បាល់នៅ World Cup ឆ្នាំនេះ តែពួកគេក៏មិនអាចរកបានគ្រាប់តាមស្មើដែរ។ លទ្ធផលនេះធ្វើឱ្យក្រុមនារីកូឡុំប៊ីឡើងវគ្គ ៨ ក្រុមចុងក្រោយ World Cup ជាលើកដំបូងដោយនឹងត្រូវជួបជាមួយអង់គ្លេសនៅទីក្រុងស៊ីដនីប្រទេសអូស្រ្តាលីថ្ងៃសៅរ៍នេះ៕ អត្ថបទ៖នាង សុភាវុធ

ព្រឹត្តិការណ៍កីឡាសាកលវិទ្យាល័យពិភពលោកនៅប្រទេសចិនបិទបញ្ចប់ដោយជោគជ័យ

ព្រឹត្តិការណ៍កីឡានិស្សិតសាកលវិទ្យាល័យពិភពលោក World University Games លើកទី ៣១ ដែលរៀបចំនៅទីក្រុងឆឹងទូប្រទេសចិន បានបិទបញ្ចប់ជាផ្លូវការប្រកបដោយភាពជោគជ័យ។ទង់សហព័ន្ធកីឡាសាកលវិទ្យាល័យអន្តរជាតិ FISU ត្រូវបានបង្ហូតចុះ និងប្រគល់ជូនម្ចាស់ផ្ទះបន្ទាប់នៅឆ្នាំ២០២៥ ទីក្រុង Rhine-Ruhr ប្រទេសអាល្លឺម៉ង់។តាមពិតទៅទីក្រុងឆឹងទូគ្រោងរៀបចំព្រឹត្តិការណ៍កីឡាពីរឆ្នាំម្តងនេះកាលពីឆ្នាំ ២០២១ តែក៏ត្រូវពន្យាពេល ២ ឆ្នាំ ដោយសារវិបត្តិ Covid-19។ក្រុមម្ចាស់ផ្ទះចិនបញ្ចប់ដោយភាពជោគជ័យត្រចះត្រចង់ ពោលគឺឈ្នះដាច់ក្នុងតារាងមេដាយសរុបដោយមានមេដាយមាស ១០៣ គ្រឿង មេដាយប្រាក់ ៤០ គ្រឿង និងមេដាយសំរិទ្ធ ៣៥ សរុប ១៧៨ គ្រឿង។ ជប៉ុនឈរលេខ ២ មានមេដាយមាសសរុបត្រឹម ២១ គ្រឿង និងសរុប ៩៣ គ្រឿង ខណៈកូរ៉េឈរលេខ ៣ មានមេដាយមាស ១៨ គ្រឿង និងសរុប ៥៨ គ្រឿង៕ អត្ថបទ៖នាង សុភាវុធ

ខ្សែប្រយុទ្ធចំនូលថ្មី Chelsea, Christophe Nkunku ត្រូវអវត្តមានយ៉ាងហោច ៤ ខែក្រោយវះកាត់ជង្គង់

ខ្សែប្រយុទ្ធបារាំង Christophe Nkunku នឹងត្រូវអវត្តមានយ៉ាងហោចណាស់ ៤ ខែបន្ទាប់ពីទទួលការវះកាត់របួសជង្គង់ជោគជ័យ។ កីឡាករវ័យ ២៥ ឆ្នាំរូបនេះបានទទួលរងរបួសជង្គង់់អំឡុងការប្រកួតមិត្តភាព Pre-Season ទល់នឹង Borussia Dortmund សប្តាហ៍មុននៅទីក្រុង Chicago សប្តាហ៍មុន។អ្នកចាត់ការ Chelsea លោក Mauricio Pochettino ធ្លាប់និយាយពេលរបួសថ្មីនោះថា សង្ឃឹមថារបួសរបស់ Nkunku មិនធំដុំឡើយ តែនៅពេលនេះឈានដល់ការវះកាត់ និងរបួសដល់ទៅ ១៦ សប្តាហ៍ សម្រាប់កីឡាករដែល Chelsea ទិញពី Leipzig តម្លៃ ៥២ លានផោនរូបនេះ។Nkunku ក៏ធ្វើឱ្យអ្នកគាំទ្រ Chelsea ចាប់អារម្មណ៍ដែរអំឡុងពេលប្រកួត Pre-Season នៅសហរដ្ឋអាមេរិក ដោយស៊ុតបញ្ចូលទីបាន ៣ គ្រាប់ក្នុងការបង្ហាញខ្លួន ៥ ប្រកួត តាមរយៈការសហការគ្នាយ៉ាងជិតស្និតជាមួយកីឡាករចំនូលថ្មីមួយរូបទៀត Nicolas Jackson។ Christophe Nkunku បានស៊ុតបញ្ចូលទីសរុប ៥៨ គ្រាប់ក្នុងរយៈពេល ២ រដូវកាលនៅ Leipzig មុនពេលផ្លាស់មកកាន់ Chelsea ផ្លូវការកាលពីខែមិថុនា៕ អត្ថបទ៖នាង សុភាវុធ

West Ham ដាក់សំណើរួមលើសពី ៥០ លានផោនទិញ Harry Maguire និង Scott McTominay

ក្លិបបាល់ទាត់ញញួរធំ West Ham បានដាក់សំណើរួមគ្នាមួយដែលគេជឿថាលើសពី ៥០ លានផោនក្នុងការនាំយកកីឡាករពីរនាក់ Harry Maguire និង Scott McTominay ពី Manchester United។West Ham នៅមិនទាន់ទិញបានកីឡាករណាម្នាក់នៅឡើយ ទោះបីមានដើមទុនពីការលក់ចេញប្រធានក្រុម Declan Rice ១០៥ លានផោនទៅកាន់ Arsenal និងបូករួមទាំងការចាកចេញរបស់ខ្សែប្រយុទ្ធ Gianluca Scamacca ទៅកាន់ Atalanta ក៏ដោយ។កីឡាករទាំងពីរ Harry Maguire វ័យ ៣០ ឆ្នាំ និង Scott McTominay វ័យ ២៦ ឆ្នាំ ក៏ស្ថិតក្នុងគំរោងរបស់អ្នកចាត់ការ Erik ten Hag ដែរ ហើយបើមានការលក់ចេញមែន ក៏ទាមទាឱ្យមានអ្នកជំនួសដែរ។ West Ham ថ្មីៗនេះ ទើបតែត្រូវបាន Manchester United បដិសេធសំណើលើកទី ១ តម្លៃ ២០លានផោន ក្នុងការចង់បានខ្សែការពារអង់គ្លេស Harry Maguire។ ក្រៅពីកីឡាករទាំងពីរ West Ham ក៏កំពុងមានទំនាក់ទំនងក្នុងការនាំយកខ្សែបម្រើម៉ិកស៊ិកវ័យ ២៥ ឆ្នាំ Edson Alvarez ពី Ajax Amsterdam ផងដែរ៕ អត្ថបទ៖នាង សុភាវុធ

Julen Lopetgui ចាកចេញពី Wolves ហើយនឹងជំនួសដោយ Gary O’Neil

អ្នកចាត់ការ Wolverhampton លោក Julen Lopetegui បានសំរេចចិត្តចាកចេញពីក្លិបហើយ ខណៈក្លិបគ្រោង នឹងជំនួសតំណែងដោយអតីតអ្នកចាត់ការ Bournemouth, Gary O’Neil។Wolves ក៏ត្រៀមលក្ខណៈរួចរាល់សម្រាប់ការចាកចេញនេះដែរ ពោលគឺបុរសសញ្ជាតិអេស្ប៉ាញវ័យ ៥៦ ឆ្នាំរូបនេះមានអារម្មណ៍ចង់ចាកចេញច្រើនលើកមកហើយ។ ក្លិបនៅ Premier League បានបញ្ជាក់ក្នុងសេចក្តីថ្លែងការរបស់ខ្លួនថា ភាគីទាំងពីរទទួលស្គាល់ថាមានគំនិត និងចក្ខុវិស័យផ្ទុយគ្នាផ្នែកខ្លះ ហើយការចែកផ្លូវគ្នានៅពេលនេះគឺជាដំណោះស្រាយល្អបំផុត។ការប្រកាសចែកផ្លូវគ្នានេះ ស្របពេលក្របខណ្ឌ English Premier League នឹងចាប់ផ្តើមចុងសប្តាហ៍នេះដោយ Wolves ត្រូវជួបបិសាចក្រហម Manchester United នៅយប់ថ្ងៃចន្ទ។ មានបេក្ខភាពមួយចំនួនដែលគេគិតថានឹងមកកាន់តំណែងជំនួសអតីតអ្នកចាត់ការអេស្ប៉ាញរូបនេះ តែគេជឿថា លោក Gary O’Neil ជាបេក្ខភាពឈានមុខគេ។ បុរសវ័យ ៤០ ឆ្នាំរូបនេះបានជួយ Bournemouth រួចផុតពីការកាត់ចោលពី Premier League រដូវកាលមុនដោយបញ្ចប់នៅចំណាត់ថ្នាក់លេខ ១៥ តែក៏ត្រូវបញ្ចប់តំណែងនៅខែមិថុនា៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

កម្មវិធីបណ្តុះបណ្តាលជំនាញ ១,៥លាននាក់ ជួយឱ្យយុវជនក្រីក្រ និងពលរដ្ឋជាង ២ពាន់នាក់នៅតាកែវ មានជំនាញ និងចំណូលសមរម្យ

មន្រ្តីឧទ្យានុរក្ស ប្តេជ្ញាការពារបេតិកភណ្ឌធម្មជាតិដ៏មានតម្លៃរបស់កម្ពុជាឱ្យនៅស្ថិតស្ថេរគង់វង្ស

ចេះគុនខ្មែរ និងឃីកបុកស៊ីង ចំណេញលើចំណេញ និងងាយបត់បែនតាមស្ថានការណ៍

កាកបាទក្រហមកម្ពុជាប្រគល់ផ្ទះ១ខ្នងដល់គ្រួសារកងទ័ពជួរមុខ ដែលមានជីវភាពខ្វះខាតនៅខេត្តកំពង់ស្ពឺ

នាយករដ្ឋមន្ត្រីនេប៉ាល់ជំរុញឱ្យមានភាពស្ងប់ស្ងាត់ ខណៈមនុស្សបីនាក់ស្លាប់ក្រោយភាពចលាចលក្រុមកាន់សាសនាហិណ្ឌូ និងមូស្លីម

អ្នករាយការណ៍ពិសេស UN ប្រចាំកម្ពុជា ធ្វើទស្សនកិច្ចទៅកាន់ជំរុំជនភៀសសឹកក្នុងខេត្តបន្ទាយមានជ័យ ឃើញផ្ទាល់គ្រួសារដែលរងផលប៉ះពាល់ដោយសារជម្លោះតាមព្រំដែន

សម្ទុះភ្ញៀវទេសចរចិន និងភ្ញៀវទេសចរក្នុងស្រុក នៅតែនាំមុខវិស័យទេសចរណ៍កម្ពុជា

យុវជនក្រីក្រ និងពលរដ្ឋជិត៤ពាន់នាក់នៅកោះកុង មានជំនាញ និងចំណូលសមរម្យ តាមរយៈកម្មវិធីបណ្តុះបណ្តាលជំនាញ ១,៥លាននាក់របស់សម្ដេចធិបតី

មន្រ្តីជំនាញក្រសួងបរិស្ថាន ពិនិត្យឃើញទីតាំងស្ល និងកែច្នៃលោហៈមួយក្នុងខេត្តកំពង់ស្ពឺ មានកម្រិតសារធាតុបំពុលខ្យល់ខ្ពស់ប៉ះពាល់ដល់សុខភាពពលរដ្ឋ

ប្រធានាធិបតីអ៊ុយក្រែន៖ ការពន្យារពេលមីស៊ីលការពារដែនអាកាស បានធ្វើឱ្យមនុស្សជាច្រើនបាត់បង់ជីវិត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករចំនូលថ្មី ៥ នាក់នៅ Premier League ដែលគួរតាមដាន

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែបើកផ្លូវឲ្យរតនគិរី

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មានផ្ទុកសារធាតុហាមឃាត់

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

ឯកឧត្តម ថោង ខុន ណែនាំឲ្យចាប់ផ្ដើមធ្វើផែនការមេ ត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩

បារាំងបញ្ចប់ក្តីសង្ឃឹមម៉ារ៉ុកឡើងវគ្គ ៨ ក្រុមចុងក្រោយ បាល់ទាត់នារីជើងឯកពិភពលោក

ព្រឹត្តិការណ៍កីឡាសាកលវិទ្យាល័យពិភពលោកនៅប្រទេសចិនបិទបញ្ចប់ដោយជោគជ័យ

ខ្សែប្រយុទ្ធចំនូលថ្មី Chelsea, Christophe Nkunku ត្រូវអវត្តមានយ៉ាងហោច ៤ ខែក្រោយវះកាត់ជង្គង់

West Ham ដាក់សំណើរួមលើសពី ៥០ លានផោនទិញ Harry Maguire និង Scott McTominay

Julen Lopetgui ចាកចេញពី Wolves ហើយនឹងជំនួសដោយ Gary O’Neil

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករចំនូលថ្មី ៥ នាក់នៅ Premier League ដែលគួរតាមដាន

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែ​បើក​ផ្លូវ​ឲ្យ​រតនគិរី

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មាន​ផ្ទុក​សារធាតុ​ហាម​ឃាត់

Canelo Alvarez នឹងឡើងការពារខ្សែក្រវាត់ទម្ងន់មធ្យមពិភពលោកខែកញ្ញាខាងមុខ

ឯកឧត្តម ថោង ខុន ណែនាំឲ្យចាប់ផ្ដើមធ្វើផែនការមេ ត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩

បារាំងបញ្ចប់ក្តីសង្ឃឹមម៉ារ៉ុកឡើងវគ្គ ៨ ក្រុមចុងក្រោយ បាល់ទាត់នារីជើងឯកពិភពលោក

ព្រឹត្តិការណ៍កីឡាសាកលវិទ្យាល័យពិភពលោកនៅប្រទេសចិនបិទបញ្ចប់ដោយជោគជ័យ

ខ្សែប្រយុទ្ធចំនូលថ្មី Chelsea, Christophe Nkunku ត្រូវអវត្តមានយ៉ាងហោច ៤ ខែ​ក្រោយ​វះកាត់​ជង្គង់

West Ham ដាក់សំណើរួមលើសពី ៥០ លានផោនទិញ Harry Maguire និង Scott McTominay

Julen Lopetgui ចាកចេញពី Wolves ហើយនឹងជំនួសដោយ Gary O’Neil

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Hun Sen Cup៖ កំពង់ធំកក់កៅអីវគ្គបន្ដ ក្រោយបង្អាក់ដំណើរសៀមរាប តែបើកផ្លូវឲ្យរតនគិរី

Anthony Joshua ត្រូវជួបគូប្រកួតខុសពីការគ្រោងទុកក្រោយ Dillian Whyte មានផ្ទុកសារធាតុហាមឃាត់

ខ្សែប្រយុទ្ធចំនូលថ្មី Chelsea, Christophe Nkunku ត្រូវអវត្តមានយ៉ាងហោច ៤ ខែក្រោយវះកាត់ជង្គង់