BTV NEWS

អ្នកគ្មានស្លាកលេខរត់ មិនអនុញ្ញាតឲ្យចូលក្នុងបរិវេណរត់ប្រណាំងម៉ារ៉ាតុងចក្រភពអង្គរចុងសប្ដាហ៍នេះឡើយ

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

ព័ត៌មានកីឡា

Marcelo ត្រូវពិន័យ ៣ប្រកួត ក្រោយបង្កររបួសធ្ងន់ធ្ងរដល់គូប្រកួតសប្តាហ៍មុន

ខ្សែការពារក្លិបប្រេស៊ីល Fluminense, Marcelo ត្រូវបានសមាគមកីឡាបាល់ទាត់អាមេរិកខាងត្បូង CONMEBOL សម្រេចដាក់ពិន័យមិនឱ្យចូលលេង ៣ ប្រកួតក្រោយបង្កររបួសធ្ងន់ធ្ងរលើគូប្រកួតអំឡុងការប្រកួតនៅក្របខណ្ឌ Copa Libertadores សប្តាហ៍មុន។ កីឡាករវ័យ ៣៥ ឆ្នាំអតីតកីឡាកររបស់ Real Madrid រូបនេះក៏ត្រូវបានផាកពិន័យជាទឹកប្រាក់ ៦០០០ ដុល្លារផងដែរចំពោះកំហុសនេះ។អំឡុងការប្រកួតនៃក្របខណ្ឌ Libertadors សប្តាហ៍មុន Marcelo បានធ្វើឱ្យខ្សែការពាររបស់ក្លិប Argentinos Juniors, Luciano Sanchez រងរបួសបាក់ជើងឆ្វេងគួរឱ្យរន្ធត់។ Marcelo ក្រោយមកបានបង្ហាញនៅលើបណ្តាញសង្គម Instagram របស់ខ្លួនថា “ខ្ញុំមានពេលវេលាដ៏លំបាកមួយនៅលើទីលាន កំហុសដែលបង្ករឡើងថ្ងៃនេះលើមិត្តរួមអាជីពធ្វើឱ្យខ្ញុំមានការសោកស្តាយ”។Marcelo ដែលបង្ករកំហុសដោយអចេតនានោះ ក៏ទទួលបានកាតក្រហមភ្លាមៗ តែមិនបានបង្ហាញអារម្មណ៍ខឹង តវ៉ានឹងអាជ្ញាកណ្តាលឡើយ និងបានសម្រក់ទឹកភ្នែកនៅលើទីលានក្រោយកំហុសរបស់ខ្លួនធ្វើឱ្យមិត្តរួមអាជីពរបួសធ្ងន់ធ្ងរបែបនេះ៕ អត្ថបទ៖នាង សុភាវុធ

Bayern Munich និង Spurs ព្រមព្រៀងតម្លៃនឹងគ្នាហើយក្នុងការផ្ទេរ Harry Kane

ក្លិបបាល់ទាត់អាល្លឺម៉ង់ Bayern Munich ត្រូវបានគេដឹងថាឈានដល់កិច្ចព្រមព្រៀងជាមួយក្លិបអង់គ្លេស Tottenham Hotspur ហើយក្នុងការផ្ទេរខ្សែប្រយុទ្ធអង់គ្លេស Harry Kane ក្នុងតម្លៃប្រមាណជាង ១០០ លានអឺរ៉ូ។ កីឡាករវ័យ ៣០ ឆ្នាំរូបនេះនៅសល់កិច្ចសន្យា ១ ឆ្នាំទៀតជាមួយ Spurs ដែលមានន័យថា Spurs ត្រូវសម្រេចចិត្តឱ្យរហ័សបំផុតថាតើត្រូវលក់ Harry Kane រឺទុកនៅលេង ១ រដូវកាលទៀតមុនពេលចាកចេញដោយមិនមានតម្លៃផ្ទេរ។ Harry Kane គឺជាកីឡាករស៊ុតបញ្ចូលទីច្រើនគេក្នុងប្រវត្តិសាស្រ្ត Spurs ដោយមានសរុប ២៨០ គ្រាប់ក្នុងការបង្ហាញខ្លួន ៤៣៥ ប្រកួត។ មុនឈានដល់កិច្ចព្រមព្រៀងនេះ Spurs បានបដិសេធសំនើរបស់ Bayern Munich បីលើករួចមកហើយដោយ សំណើលើកទី ៣ នោះមានតម្លៃ ១០០ លានអឺរ៉ូគត់។សារព័ត៌មានអង់គ្លេសមួយបានចុះផ្សាយថា ខ្សែប្រយុទ្ធអង់គ្លេស Harry Kane ត្រូវបាន Tottenham Hotspur គ្រោងផ្តល់ប្រាល់ឈ្នួលដល់ ៤០ ម៉ឺនផោនក្នុងមួយសប្តាហ៍ ប្រសិនព្រមបន្តនៅជាមួយក្លិបដែលមានមូលដ្ឋាននៅក្នុងទីក្រុងឡុងដ៍មួយនេះ។ មួយរយៈចុងក្រោយនេះ អនាគតរបស់កីឡាករវ័យ ២៩ ឆ្នាំរូបនេះតែងតែស្ថិតនៅទំព័រមុខនៃសារព័ត៌មានបាល់ទាត់អឺរ៉ុប ស្របពេលដែលក្លិបជើងឯកអាល្លឺម៉ង់ Bayern Munich ឈានមុខគេ។កីឡាករវ័យ ២៩ ឆ្នាំរូបនេះ នឹងមិនមានឱកាសលេងនៅ UEFA Champions League ឡើយរដូវកាលក្រោយ ដែលជាមូលហេតុចំបងដែលគេគិតថានឹងចាកចេញពី Spurs៕ អត្ថបទ៖នាង សុភាវុធ

Manchester United ព្រមទទួលសំណើ ១៥ លានអឺរ៉ូពី Fenerbahce ចង់បានខ្សែបម្រើប្រេស៊ីល Fred

ក្លិបបិសាចក្រហម Manchester United បានយល់ព្រមសំណើ ១៥ លានអឺរ៉ូរបស់ក្លិបទួកគី Fenerbahce ហើយដែលចង់បានខ្សែបម្រើប្រេស៊ីល Fred។ កីឡាករវ័យ ៣០ ឆ្នាំរូបនេះ ត្រូវបានគេប្រាប់ថាមិនស្ថិតក្នុងគំរោងគោលរបស់ Manchester United រដូវកាលថ្មី នេះឡើយ។ គូប្រជែងរបស់ Fenerbahce នៅទួកគី Galatasaray ក៏ដូចជា Fulham សុទ្ធតែបានបង្ហាញចំណាប់អារម្មណ៍ចង់បាន Fred ដែលនឹងអស់សុពលភាពកិច្ចសន្យាឆ្នាំក្រោយជាមួយ Man United។Fred បានផ្លាស់មកកាន់ Manchester United ក្នុងតម្លៃ ៤៧ លានផោនកាលពីឆ្នាំ ២០១៨ ពីក្លិបអ៊ុយក្រែន Shakhtar Donetsk ចូលលេងសរុបបាន ១៣៩ លើកស៊ុតបញ្ចូលទីបាន ៨ គ្រាប់ ៧ បាល់បញ្ជូន។រដូវកាលមុន Fred បង្ហាញខ្លួនសរុបបាន ៥៦ លើកស៊ុតបញ្ចូលទីបាន ៦ គ្រាប់ជួយឱ្យ Manchester United ទទួលបានចំណាត់ថ្នាក់លេខ ៣ នៅ Premier League មានកៅអីនៅ UEFA Champions League រដូវកាលថ្មី៕ អត្ថបទ៖នាង សុភាវុធ

អ្នកចាំទី Real Madrid, Thibaut Courtois របួសដាច់សសៃជង្គង់ត្រូវវះកាត់ប្រឈមអវត្តមានច្រើនខែ

អ្នកចាំទី Real Madrid, Thibaut Courtois បានរងរបួសដាច់សសៃជង្គង់ខាងឆ្វេងត្រូវវះកាត់ និងប្រឈមអវត្តមានស្ទើពេញមួយរដូវកាលថ្មីខាងមុខនេះ។ កីឡាករវ័យ ៣១ ឆ្នាំរូបនេះនឹងត្រូវទទួលការវះកាត់នៅប៉ុន្មានថ្ងៃខាងមុខនេះ។ Thibaut Courtois ដែលត្រូវបានជ្រើសរើសជាអ្នកចាំទីឆ្នើមបំផុតឆ្នាំមុនរបស់ Ballon d’Or បានឈ្នះជើងឯកអេស្ប៉ាញ La Liga ២ លើកហើយតាំងពីមកកាន់ Real Madrid នៅឆ្នាំ ២០១៨ ផ្ទេរពី Chelsea។រយៈពេល ៥ ឆ្នាំកន្លងមកនេះកីឡាករជម្រើសជាតិប៊ែលហ្ស៊ិករូបនេះបង្ហាញខ្លួនសរុបបាន ២៣០ ប្រកួតឱ្យ Real Madrid ដែលនឹងត្រូវបើករដូវកាលថ្មីជួបជាមួយ Athletic Bilbao នៅថ្ងៃសៅរ៍នេះ។រំលឹកដែរថា Thibaut Courtois ធ្លាប់ឈ្នះជើងឯក English Premier League ពីរលើកជាមួយ Chelsea មុនពេលផ្លាស់មកកាន់ Real Madrid ក៏ដូចជាធ្លាប់ឈ្នះជើងឯក La Liga ម្តងជាមួយ Atletico Madrid នៅឆ្នាំ ២០១៤ និងឈ្នះជើងឯក UEFA Champions League នៅឆ្នាំ ២០២២ ក្រោយឈ្នះ Liverpool នៅវគ្គផ្តាច់ព្រ័ត្រ៕ អត្ថបទ៖នាង សុភាវុធ

ខ្សែបម្រើនាំលេងរបស់ Aston Villa, Emi Buendia ប្រឈមអវត្តមានស្ទើពេញរដូវកាលដោយសាររបួសជង្គង់

ខ្សែបម្រើដែលគេចាត់ទុកជាកីឡាករនាំលេងរបស់ Aston Villa, Emiliano Buendia អាចនឹងត្រូវអវត្តមានដល់ទៅ ៨ ខែដោយសារបញ្ហារបួសជង្កង់។កីឡាករវ័យ ២៦ ឆ្នាំជម្រើសជាតិអាហ្សង់ទីនរូបនេះ បានទទួលរងបញ្ហាជង្គង់អំឡុងការហ្វឹកហាត់កាលពីថ្ងៃពុធ ខណៈដែលអ្នកចាត់ការ Aston Villa លោក Unai Emery បានបញ្ជាក់ថា Buendia ទំនងជាត្រូវការវះកាត់ និងត្រូវសម្រាកស្ទើពេញមួយរដូវកាល។ Emiliano Buendia បានបង្ហោះសារនៅលើបណ្តាញសង្គម Instagram របស់ខ្លួនថា ឪពុកម្តាយបានបង្រៀនកាលពីនៅក្មេងថាកុំចុះចាញ់នឹងរឿងឧបសគ្គអ្វីមួយ ហើយនៅពេលនេះជាពេលវេលាត្រូវអនុវត្តដំបូន្មាននេះហើយ។ Emiliano Buendia បានមកដល់ Aston Villa ផ្ទេរពី Norwich City ក្នុងតម្លៃបំបែកកំណត់ត្រាក្លិប ៣៣លានផោន និងបានក្លាយជាសមាជិកមិនអាចខ្វះបានរបស់ Aston Villa រដូវកាលមុនក្នុងការកែប្រែក្រុមពីនៅក្បែបាតតារាងរហូតឡើងមកដល់លេខ ៧ ក្រោយចប់រដូវកាល និងបានចូលលេងរាល់ការប្រកួតទាំងអស់នៅ Premier League ស៊ុតបញ្ចូលទីបាន ៥ គ្រាប់ ហើយក៏បានស៊ុតបញ្ចូលទី ៣ គ្រាប់ផងដែរនៅពេលប្រកួតមិត្តភាព Pre-Season ថ្មីៗនេះ។Aston Villa នឹងត្រូវបើករដូវកាលថ្មី English Premier League ដោយនឹងត្រូវទៅផ្ទះ Newcastle ថ្ងៃសៅរ៍នេះ៕ អត្ថបទ៖នាង សុភាវុធ

West Ham ទិញបានកីឡាករដំបូងរដូវក្តៅនេះ គឺEdson Alvarez ពី Ajax តម្លៃ ៣៥ លានផោន

ក្លិបបាល់ទាត់ញញួរធំ West Ham ទីបំផុតបាននាំចូលកីឡាករដំបូងក្នុងរដូវក្តៅនេះ ក្រោយប្រកាសពីការមកដល់ របស់ខ្សែបម្រើម៉ិកស៊ិក Edson Alvarez ក្នុងតម្លៃផ្ទេរ ៣៥ លានផោនពីក្លិបហូឡង់ Ajax Amsterdam។កីឡាករវ័យ ២៥ ឆ្នាំរូបនេះគឺជាសមាជិកសំខាន់របស់ក្រុមជម្រើសជាតិម៉ិកស៊ិកដែលឈ្នះជើងឯកអាមេរិកកណ្តាល CONCACAF Gold Cup នៅសហរដ្ឋអាមេរិកថ្មីៗនេះ។ចាប់តាំងពីការចាកចេញរបស់ប្រធានក្រុម Declan Rice ទៅកាន់ Arsenal ក្នុងតម្លៃ ១០៥ លានផោននោះ West Ham ទើបតែកាន់លុយទិញបាន Alvarez ម្នាក់ប៉ុណ្ណោះ។ កាលពីវ័យ ១៦ ឆ្នាំ Edson Alvarez បានចូលរួមជាមួយក្រុមយុវជន Club America នៅម៉ិកស៊ិក មុនពេលផ្លាស់មកកាន់ Ajax នៅឆ្នាំ ២០១៩ ក្នុងតម្លៃផ្ទេរ ១៧ លានដុល្លារអាមេរិក និងបានបង្ហាញខ្លួនឱ្យ Ajax មកទល់ពេលនេះ ៩៨ ប្រកួតរកបាន ១០ គ្រាប់ឈ្នះជើងឯកលីគកំពូលហូឡង់ ២លើក។ជាមួយគ្នានោះដែរខ្សែបម្រើប្រេស៊ីល Lucas Paqueta ក៏កំពុងទទួលការចាប់អារម្មណ៍ពី Manchester City ផងដែរដោយក្លិបជើងឯក ៣ ពានមួយនេះហ៊ានឱ្យថ្លៃដល់ ៧០ លានផោន។ West Ham ក៏ទើបតែឈានដល់កិច្ចព្រមព្រៀងផងដែរជាមួយ Manchester United ក្នុងការផ្ទេរខ្សែការពារអង់គ្លេស Harry Maguire ក្នុងតម្លៃ ៣០លានផោន៕ អត្ថបទ៖នាង សុភាវុធ

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោកនៅស្កុតឡេន

កីឡាករជប៉ុន Yu Shoji បានក្លាយជាម្ចាស់មេដាយមាសនៃការប្រកួតកីឡាកង់ក្បាច់ BMX Freestyle Flatland នៅក្នុងព្រឹត្តិការណ៍កីឡាករកង់ពិភពលោក UCI Cycling World Championship នៅទីក្រុង Glasgow ប្រទេសស្កុតឡេន។Yu Shoji ធ្វើបានល្អដាច់គេក្នុងការប្រកួតវគ្គផ្តាច់ព្រ័ត្រ ដោយរកបានពិន្ទុ ៩៤.១៦។លេខ ២ មេដាយប្រាក់បានទៅមិត្តរួមជាតិជប៉ុន Kio Hayakawa រកបាន ៩១.១៦ ពិន្ទុ ខណៈកីឡាករបារាំង Matthias Dandois ទទួលបានមេដាយសំរិទ្ធក្រោយរកបាន ៨៨ ពិន្ទុ៕ អត្ថបទ៖នាង សុភាវុធ

Man City ចាប់អារម្មណ៍កីឡាករប្រេស៊ីល Lucas Paqueta របស់ West Ham និងហ៊ានឱ្យថ្លៃ ៣០ លានផោន

ក្លិបបាល់ទាត់ Manchester City បានដាក់សំណើលើកដំបូងរបស់ខ្លួនតម្លៃ ៧០ លានផោនទៅកាន់ក្លិបញញួរធំ West Ham ក្នុងការចង់បានកីឡាករប្រេស៊ីល Lucas Paqueta មកកាន់កីឡដ្ឋាន Etihad។ខ្សែបម្រើប្រេស៊ីលវ័យ ២៥ ឆ្នាំរូបនេះបានផ្លាស់មកកាន់ West Ham រដូវកាលមុនក្នុងតម្លៃផ្ទេរ ៣៦.៥ លានផោន ពីក្លិបបារាំង Olympique Lyon និងបានក្លាយជាសមាជិកសំខាន់ជួយ West Ham ឈ្នះជើងឯក UEFA Europa Conference League ក្នុងរដូវកាលដំបូងរបស់ខ្លួន។អ្នកចាត់ការ Man City លោក Pep Guardiola បាននិងកំពុងស្វែងតំណែងខ្សែបម្រើមកជំនួសការចាកចេញរបស់ Ilkay Gundogan និង Riyad Mahrez។តម្លៃ ៧០ លានផោននេះ គេមិនទាន់រំពឹងថា West Ham ព្រមលក់រឺយ៉ាងណានៅឡើយស្របពេលក្លិបទើបបាត់បង់ប្រធានក្រុមសញ្ជាតិអង់គ្លេស Declan Rice ដែលចាកចេញទៅ Arsenal ក្នុងតម្លៃ ១០៥ លានផោន។អ្វីដែលជាបញ្ហានោះគឺ Man City អាចត្រូវចំណាយលុយច្រើនជាងនេះ ដោយសារ Lucas Paqueta នៅសល់កិច្ចសន្យាជាមួយ West Ham ៤ ឆ្នាំទៀតឯណោះ៕ អត្ថបទ៖នាង សុភាវុធ

West Ham និង Manchester United ព្រមព្រៀងតម្លៃ ៣០លានផោនផ្ទេរ Harry Maguire

ក្លិបបាល់ទាត់ញញួរធំ West Ham បានឈានដល់កិច្ចព្រមព្រៀងហើយក្នុងការផ្ទេរយកខ្សែការពារអង់គ្លេស Harry Maguire ពីបិសាចក្រហម Manchester United ក្នុងតម្លៃ ៣០ លានផោន។ Harry Maguire ដែលចាប់ផ្តើម ១១ នាក់ដំបូងរដូវកាលមុនត្រឹម ៨ លើកនៅ Premier League ត្រូវបាន West Ham ទាក់ទងច្រើនសប្តាហ៍មកហើយខណៈ Manchester United បានបដិសេធសំណើដំបូង ២០ លានផោនម្តងរួចមកហើយ។ តំណែងការពារកណ្តាលរបស់ Harry Maguire បានបាត់បង់ បន្ទាប់ពីទំរង់លេងរបស់គេធ្លាក់ចុះខ្លាំង ស្របពេលដែលអ្នកចាត់ការ Erik ten Hag ផ្តល់ទំនុកចិត្តលើ Raphael Varane និង Lisandro Martinez ខណៈដែល Vintor Lindelof ក៏ជាជម្រើស ហើយខ្សែការពារឆ្វេង Luke Shaw អាចលេងកណ្តាលបានដែរ។រំលឹកថា Harry Maguire បានមកដល់ Old Trafford កាលពីឆ្នាំ ២០១៩ ក្នុងតម្លៃផ្ទេរ ៨០ លានផោនពី Leicester City ដែលជាតម្លៃផ្ទេរខ្សែការពារខ្ពស់បំផុតក្នុងប្រវត្តិសាស្រ្ត។ជាមួយគ្នានោះដែរ West Ham ក៏បានឈានដល់កិច្ចព្រមព្រៀងក្នុងតម្លៃ ៣០ លានផោនដូចគ្នានេះក្នុងការផ្ទេរយកខ្សែបម្រើ Southampton, James Ward-Prowse ផងដែរ។កីឡាករវ័យ ២៨ ឆ្នាំរូបនេះបានចូលលេងប្រកួតដំបូងបើករដូវកាលនេះឱ្យ Southampton ទល់នឹង Sheffield Wednesday កាលពីថ្ងៃសៅរ៍ផងដែរ មុនពេល Southampton ចាញ់ Gillingham កាលពីថ្ងៃអង្គារធ្លាក់ពី Carabao Cup ជុំដំបូង៕ អត្ថបទ៖នាង សុភាវុធ

កីឡាករចំនូលថ្មី ៥ នាក់នៅ Premier League ដែលគួរតាមដាន

ក្លឹបបាល់ទាត់នៅក្របខណ្ឌ English Premier League បានចំណាយប្រាក់ជាង ១ ពាន់លានផោន (១.៣ ពាន់លានដុល្លារ) ហើយគិតមកដល់ពេលនេះ ដើម្បីនាំយកកីឡាករចំនូលថ្មីដើម្បីពង្រឹងក្រុមរបស់ខ្លួនមុនរដូវកាលថ្មីខាងមុខ។ត្រឹមពេលនេះ ជាក្រុមឈានមុខគេដោយចំណាយប្រាក់ជាង ២០០ លានផោនលើ Declan Rice, Kai Havertz និង Jurrien Timber ខណៈដែលពួកគេមានគោលបំណងផ្តួលក្រុមការពារជើងឯក Manchester City ។Manchester United, Newcastle, Liverpool និង Chelsea ក៏មមាញឹកនឹងការប្រកួតប្រជែងយ៉ាងស្វិតស្វាញដើម្បីប្រជែងតំណែង Top4 ផងដែរប៉ុន្តែក្រុមជើងឯក ៣ ពាន Man City នៅតែជាក្រុមដែលអាចយកឈ្នះបាន ខណៈដែលពួកគេដាក់គោលដៅឈ្នះជើងឯកលីគកំពូលអង់គ្លេសជាប្រវត្តិសាស្ត្រជាលើកទីបួនជាប់ៗគ្នា។ខាងក្រោមជាកីឡាករចំនូលថ្មី ៥ នាក់ដែលជាទីចាប់អារម្មណ៍ និងគួរតាមដានរដូវកាលថ្មីនេះ៖ - Declan Rice (Arsenal) Arsenal គឺជាក្រុមប្រជែងជើងឯកដ៏គួរឱ្យភ្ញាក់ផ្អើលមួយទល់នឹង Manchester City រដូវកាលមុន បន្ទាប់ពីនាំមុខគេស្ទើពេញមួយរដូវកាល មុនពេលក្រឡាប់ចាក់ប៉ុន្មានប្រកួតចុងក្រោយ។ ខ្សែបម្រើអង់គ្លេស Declan Rice បានមកដល់ទឹកដី Emirate ក្នុងតម្លៃផ្ទេរបំបែកកំណត់ត្រាអង់គ្លេស ១០៥ លានផោន បន្ទាប់ពីក្រុមរបស់ Mikel Arteta ដណ្តើមបានពីការប្រជែងទិញដោយ Manchester City ផងដែរ។ ជាមួយនឹងតម្លៃផ្ទេរកប់ពពក ក្តីរំពឹងរបស់ក្លិប និងអ្នកគាំទ្រ ក៏ដូចជាភ្នែកទស្សនាបាល់ទាត់ក៏ទន្ទឹងរង់ចាំសក្តានុពលភាពរបស់កីឡាករវ័យ ២៤ ឆ្នាំរូបនេះផងដែរ។ - Rasmus Hojlund (Manchester United) តាមពិតទៅ Manchester United មានគោលដៅដំបូងគឺចង់បានខ្សែប្រយុទ្ធអង់គ្លេស Harry Kane មកកាន់ Old Trafford តែការចរចាយកខ្សែប្រយុទ្ធរូបនេះពី Spurs មានសភាពស្មុគស្មាញ ដែលធ្វើឱ្យ Man United ផ្លាស់ប្តូរគោលដៅមករកកីឡាករវ័យ ២០ ឆ្នាំដាណឺម៉ាក Rasmus Hojlund វិញ។ តម្លៃនៃការផ្ទេរ Rasmus Hojlund ពី Atalanta គឺ ៦៤ លានផោន ដែលជាការវិនិយោគចំណេញកប់ក្តោងរបស់ Atalanta ដែលទិញ Hojlund ពីក្លិបអូទ្រីស Sturm Graz រដូវកាលមុខត្រឹម ១៧លានផោន។ កីឡាករវ័យ ២០ ឆ្នាំរូបនេះស៊ុតបញ្ចូលទី ៩ គ្រាប់ក្នុងរដូវកាលដំបូងរបស់ខ្លួននៅ Serie A តែ ៦ គ្រាប់ផ្សេងទៀតជាមួយក្រុមជម្រើសជាតិដាណឺម៉ាកពិតជាបានបង្ហាញការចាប់អារម្មណ៍សម្រាប់ Manchester United ដែលមាន Christian Eriksen ជាអ្នកណែនាំ។ - Josko Gvardiol (Manchester City) Manchester City មិនឆ្អែតឆ្អន់ឡើយក្នុងការប្រជែងជើងឯក ដោយគោលដៅរបស់ពួកគេគឺដណ្តើមពាន EPL បួនរដូវកាលជាប់គ្នា ដូច្នេះខ្ទង់ចំណាយនៅតែបើកបន្ទាប់ពីនាំយកខ្សែការពារក្រូអាស៊ី Josko Gvardiol ពីក្លិបអាល្លឺម៉ង់ Leipzig ក្នុងតម្លៃ ៧៨ លានផោន។ ទម្រង់លេងដ៏គួរឱ្យទាក់ភ្នែករបស់កីឡាករវ័យ ២១ ឆ្នាំរូបនេះ គឺនៅពេលជួយក្រុមក្រូអាស៊ីនៅ World Cup 2022 ទឹកដីកាតាឆ្នាំមុនដែលឈានដល់វគ្គពាក់កណ្តាលផ្តាច់ព្រ័ត្រ។- Dominik Szoboszlai (Liverpool) Liverpool បញ្ចប់រដូវកាលមុនដោយការខកចិត្តនៅលំដាប់លេខ ៥ ខកខានមិនបានលេងនៅ UCL ស្របពេ ដែលខ្សែបម្រើជាច្រើនចាកចេញទៀតនោះ Liverpool បាននាំយកកីឡាករហុងគ្រី Dominik Szoboszlai ពី Leipzig តម្លៃ ៦០ លានផោន។ Jordan Henderson, Fabinho, Naby Keita, Alex Olade-Chamberlain សុទ្ធតែចាកចេញ ហើយនៅពេលនេះក្រុមរបស់លោក Jurgen Klopp មានខ្សែបម្រើថ្មីច្រឺងទាំងពីរនាក់គឺ Szoboszlai និង Alexis Mac Allister។ កីឡាករវ័យ ២២ ឆ្នាំ Szoboszlai ស៊ុតបញ្ចូលទីបាន ២០ គ្រាប់និង ២២ បាល់បញ្ជូនក្នុងការបង្ហាញខ្លួន ៩១ ប្រកួតឱ្យក្លិបអាល្លឺម៉ង់ RB Leipzig។ - Sandro Tonali (Newcastle) ទឹកប្រាក់បានស្រោចលើកីឡាករ Premier League ក្នុងការផ្ទេរទៅកាន់ទឹកដីអារ៉ាប៊ីសាអ៊ូឌីត មួយរយៈចុងក្រោយនេះ តែ Newcastle ដែលស្ថិតក្រោមការវិនិយោគដោយអារ៉ាប៊ីសាអ៊ូឌីតដែរនោះ មិនជះឥទ្ធិពលប៉ុន្មានទេ។ Newcastle ដែលនឹងត្រលប់មកបង្ហាញខ្លួននៅ UEFA Champions League វិញនោះក៏បានចាយលុយច្រើនដែរក្នុងការនាំយកកីឡាករចំនូលថ្មីមកពង្រឹងក្រុម។ គិតមកទល់ពេលនេះ Newcastle បានចំណាយជាង ១០០ លានផោនផងដែរ ដែលក្នុងនោះថ្លៃជាងគេគឺខ្សែបម្រើអ៊ីតាលីSandro Tonali ពី AC Milan តម្លៃ ៦០ លានផោន។ កីឡាករវ័យ ២៣ ឆ្នាំរូបនេះគឺជាកំលាំងស្នូលខ្វះមិនបានរបស់ AC Milan ក្នុងការប្រជែងឈ្នះជើងឯកអ៊ីតាលី Serie A លើកដំបូងក្នុងរយៈពេល ១១ ឆ្នាំកាលពីឆ្នាំ ២០២២ និងជាសមាជិកសំខាន់ដែលនាំ AC Milan ឡើងដល់វគ្គពាក់កណ្តាលផ្តាច់ព្រ័ត្រ UCL រដូវកាលមុន៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សម្ទុះភ្ញៀវទេសចរចិន និងភ្ញៀវទេសចរក្នុងស្រុក នៅតែនាំមុខវិស័យទេសចរណ៍កម្ពុជា

យុវជនក្រីក្រ និងពលរដ្ឋជិត៤ពាន់នាក់នៅកោះកុង មានជំនាញ និងចំណូលសមរម្យ តាមរយៈកម្មវិធីបណ្តុះបណ្តាលជំនាញ ១,៥លាននាក់របស់សម្ដេចធិបតី

មន្រ្តីជំនាញក្រសួងបរិស្ថាន ពិនិត្យឃើញទីតាំងស្ល និងកែច្នៃលោហៈមួយក្នុងខេត្តកំពង់ស្ពឺ មានកម្រិតសារធាតុបំពុលខ្យល់ខ្ពស់ប៉ះពាល់ដល់សុខភាពពលរដ្ឋ

ប្រធានាធិបតីអ៊ុយក្រែន៖ ការពន្យារពេលមីស៊ីលការពារដែនអាកាស បានធ្វើឱ្យមនុស្សជាច្រើនបាត់បង់ជីវិត

ការវាយប្រហារដោយយានដ្រូននៅអេហ្ស៊ីបបង្កឱ្យមានការព្រួយបារម្ភផ្នែកសន្តិសុខអំពីការនាំចេញប្រេងតាមព្រែកជីកស៊ុយអេ

អតីតសិស្សនិទ្ទេស A ជ្រើសរើសរៀនជំនាញអេឡិចត្រូនិកនៅ NPIC ព្រោះមើលឃើញឱកាសការងារខ្ពស់

ពលរដ្ឋប៉ាឡេស្ទីននៅតំបន់ហ្កាហ្សា ពុំមានអារម្មណ៍រីករាយចំពោះកិច្ចព្រមព្រៀងជាមួយអ៊ីស្រាអែលទេ

តម្លៃប្រេងធ្លាក់ចុះ ប៉ុន្តែនៅតែស្ថិតលើគោលដៅទទួលចំណូលប្រចាំខែប្រហែល២០%

កង្វះទីជម្រក ធ្វើឱ្យប្រជាជនទីក្រុងគីវមានកំហឹង ខណៈការវាយប្រហាររបស់រុស្ស៊ីកើនឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Marcelo ត្រូវពិន័យ ៣ប្រកួត ក្រោយបង្កររបួសធ្ងន់ធ្ងរដល់គូប្រកួតសប្តាហ៍មុន

Bayern Munich និង Spurs ព្រមព្រៀងតម្លៃនឹងគ្នាហើយក្នុងការផ្ទេរ Harry Kane

Manchester United ព្រមទទួលសំណើ ១៥ លានអឺរ៉ូពី Fenerbahce ចង់បានខ្សែបម្រើប្រេស៊ីល Fred

អ្នកចាំទី Real Madrid, Thibaut Courtois របួសដាច់សសៃជង្គង់ត្រូវវះកាត់ប្រឈមអវត្តមានច្រើនខែ

ខ្សែបម្រើនាំលេងរបស់ Aston Villa, Emi Buendia ប្រឈមអវត្តមានស្ទើពេញរដូវកាលដោយសាររបួសជង្គង់

West Ham ទិញបានកីឡាករដំបូងរដូវក្តៅនេះ គឺEdson Alvarez ពី Ajax តម្លៃ ៣៥ លានផោន

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោកនៅស្កុតឡេន

Man City ចាប់អារម្មណ៍កីឡាករប្រេស៊ីល Lucas Paqueta របស់ West Ham និងហ៊ានឱ្យថ្លៃ ៣០ លានផោន

West Ham និង Manchester United ព្រមព្រៀងតម្លៃ ៣០លានផោនផ្ទេរ Harry Maguire

កីឡាករចំនូលថ្មី ៥ នាក់នៅ Premier League ដែលគួរតាមដាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Marcelo ត្រូវពិន័យ ៣ប្រកួត ក្រោយបង្កររបួសធ្ងន់ធ្ងរដល់គូប្រកួតសប្តាហ៍មុន

Bayern Munich និង Spurs ព្រមព្រៀងតម្លៃនឹងគ្នាហើយក្នុងការផ្ទេរ Harry Kane

Manchester United ព្រមទទួលសំណើ ១៥ លានអឺរ៉ូពី Fenerbahce ចង់បានខ្សែបម្រើប្រេស៊ីល Fred

អ្នកចាំទី Real Madrid, Thibaut Courtois របួសដាច់សសៃជង្គង់​ត្រូវវះកាត់ប្រឈម​អវត្តមានច្រើនខែ

ខ្សែបម្រើនាំលេងរបស់ Aston Villa, Emi Buendia ប្រឈមអវត្តមាន​ស្ទើពេញ​រដូវកាល​ដោយសាររបួសជង្គង់

West Ham ទិញបានកីឡាករដំបូងរដូវក្តៅនេះ គឺEdson Alvarez ពី Ajax តម្លៃ ៣៥ លានផោន

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោក​នៅស្កុតឡេន

Man City ចាប់អារម្មណ៍កីឡាករប្រេស៊ីល Lucas Paqueta របស់ West Ham និងហ៊ានឱ្យថ្លៃ ៣០ លានផោន

West Ham និង Manchester United ព្រមព្រៀងតម្លៃ ៣០លានផោនផ្ទេរ Harry Maguire

កីឡាករចំនូលថ្មី ៥ នាក់នៅ Premier League ដែលគួរតាមដាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកចាំទី Real Madrid, Thibaut Courtois របួសដាច់សសៃជង្គង់ត្រូវវះកាត់ប្រឈមអវត្តមានច្រើនខែ

ខ្សែបម្រើនាំលេងរបស់ Aston Villa, Emi Buendia ប្រឈមអវត្តមានស្ទើពេញរដូវកាលដោយសាររបួសជង្គង់

កីឡាករជប៉ុន Yu Shoji ឈ្នះការប្រកួតកង់ក្បាច់ BMX Freestyle ពិភពលោកនៅស្កុតឡេន