BTV NEWS

Liverpool តាមប្រមាញ់ខ្សែប្រយុទ្ធបារាំង Bradley Barcola ដែលអាចមានតម្លៃផ្ទេរបំបែកកំណត់ត្រាអង់គ្លេស

ត្បូងឃ្មុំ និងកំពត រកបាន ៣ពិន្ទុពេញពីការប្រកួតដំបូង នៃពានសម្ដេចតេជោ ហ៊ុន សែន ថ្នាក់ខេត្ត

ប្រធានសហព័ន្ធអត្តពលកម្មរុស្ស៊ី៖ ការហាមឃាត់ពីឆាកអន្តរជាតិ ធ្វើឱ្យស្តង់ដារកីឡាធ្លាក់ចុះ និងអត្តពលិកបាត់បង់កម្លាំងចិត្ត

អត្តពលិកជាង ៦,៥០០នាក់ ត្រៀមចូលរួមព្រឹត្តិការណ៍ម៉ារ៉ាតុងអន្ដរជាតិចក្រភពអង្គរ លើកទី១១ នាចុងសប្ដាហ៍

ព័ត៌មានកីឡា

Neymar ខិតជិតសម្រេចកិច្ចព្រមព្រៀងផ្លាស់ទៅ Al-Hilal ដែលអាចទទួលបានប្រាក់ឈ្នួល ៨០លានអឺរ៉ូក្នុងមួយឆ្នាំ

ខ្សែប្រយុទ្ធប្រេស៊ីល Neymar ទំនងជាដល់ពេលដែលត្រូវចាកចេញពីក្លិបបារាំង Paris Saint Germain ហើយ បន្ទាប់ពីប្រភពព័ត៌មានដែលអាចជឿទុកចិត្តបាន បានចុះផ្សាយថា Neymar ខិតជិតសម្រេចកិច្ចព្រមព្រៀងជាមួយក្លិប អារ៉ាប៊ីសាអ៊ូឌីត Al-Hilal។ មកទល់ពេលនេះគេមិនទាន់ដឹងថា គ្រូបង្វឹក PSG ថ្មីលោក Luis Enrique បានទុក Neymar នៅក្នុងគំរោងសម្រាប់រដូវកាលថ្មី រឺអត់នៅឡើយ ស្របពេល Neymar ក៏មិនឈ្មោះដែរពេល PSG ស្មើ Loreint ថ្ងៃបើករដូវកាល។ បើតាមអ្នកកាសែតអ៊ីតាលី Fabrizio Romano បានឱ្យដឹងថា Al-Hilal ហ៊ានឱ្យប្រាក់ឈ្នួលដល់ទៅ ៨០ លានអឺរ៉ីប្រសិន Neymar ព្រមផ្លាស់មកកាន់ក្របខណ្ឌ Saudi Pro League។Neymar មកដល់ PSG កាលពីឆ្នាំ ២០១៧ ផ្ទេរពី Barcelona ក្នុងតម្លៃផ្ទេរបំបែកកំណត់ត្រាពិភពលោកនៅពេលនោះតម្លៃ ២២២ លានអឺរ៉ូ រឺ ២០០ លានផោន។ តាំងពីពេលនោះមក Neymar បានឈ្នះជើងឯកលីគបារាំង ៥ លើក តែមិនទាន់ឈ្នះ UEFA Champions League តាមគោលដៅរបស់ក្លិបនៅឡើយ៕ អត្ថបទ៖នាង សុភាវុធ

ព្រះខ័នរាជ និងវិសាខា បន្ថែម ៣ពិន្ទុ ខណៈបឹងកេត និងព្រៃវែង ឈ្នះលើកដំបូង

ក្រុមបាល់ទាត់ព្រះខ័នរាជស្វាយរៀងអែហ្វស៊ី និងវិសាខា បានបន្ថែម ៣ពិន្ទុរៀងៗខ្លួន ក្នុងសប្ដាហ៍ ទី២ នៃលីគកំពូលកម្ពុជា Cambodian Premier League 2023/24 ស្របពេលក្រុមបឹងកេត និងក្រុមចំណូលថ្មី ព្រៃវែងអែង្វស៊ី បានស្គាល់ជ័យជម្នះលើកដំបូង បន្ទាប់ពីយកឈ្នះគូប្រកួត កាលពីចុងសប្ដាហ៍កន្លងទៅ ។សម្រាប់ក្រុមព្រះខ័នរាជស្វាយរៀងអែហ្វស៊ី បានវាយបកយកឈ្នះក្រុមភ្ញៀវភ្នំពេញក្រោន ២-១ នៅកីឡដ្ឋានខេត្តស្វាយរៀង ។ ជំនួបដ៏តានតឹងនេះ កីឡាករ ប្រាក់ ធីវ៉ា បានរកគ្រាប់បាល់នាំមុខឲ្យក្រុមការពារតំណែងជើងឯក ១គ្រាប់មុន នៅនាទី៣០ ។ ប៉ុន្ដែក្រោយចូលវគ្គទី២ ប្រមាណ ៣នាទី កីឡាករ Marcus Haber ក៏រកបានគ្រាប់តាមស្មើឲ្យក្រុមផ្ទះវិញ នៅនាទី៤៨ មុនខ្សែប្រយុទ្ធសញ្ជាតិកាណាដាដដែល បន្ថែមគ្រាប់ទី២ នៅនាទី៩០+៣ ដែលជាគ្រាប់ជ័យឲ្យក្រុមព្រះខ័នរាជស្វាយរៀងអែហ្វស៊ី យកឈ្នះភ្នំពេញក្រោនតែម្ដង ។ចំណែកក្រុមវិសាខា បានយកឈ្នះក្រុមម្ចាស់ផ្ទះណាហ្គាវើលដ៏ ដោយលទ្ធផល ៤-១ នៅកីឡដ្ឋានខេត្តកំពង់ស្ពឺ ។ ៤គ្រាប់របស់ក្រុមភ្ញៀវវិសាខា ធ្វើសម្រេចដោយកីឡា្រ Jonata Bastos នៅនាទី១៩ និងគ្រាប់បាល់ Own Goal របស់ខ្សែការពារណាហ្គាវើលដ៏ Bektur Amangeldiev នៅនាទី៤៤, កីឡាករ ស៊ិន កក្កដា នៅនាទី៥៥ និងកីឡាករ ស៊ិន សុផាណាត់ នៅនាទី៨៩ គ្រាដែល ១គ្រាប់របស់ណាហ្គាវើលដ៏ រកបានដោយកីឡាករ Bektur Amangeldiev នៅនាទី៥៣ ។ដោយឡែកក្រុមបឹងកេត បានវាយបកឈ្នះក្រុមអង្គរថាយហ្គឺរ ៤-១ នៅពហុកីឡដ្ឋានជាតិ ។ ការប្រកួតនេះ ក្រុមភ្ញៀវអង្គរថាយហ្គឺរ បានបើកការនាំមុខ ១គ្រាប់មុន ដែលបញ្ចប់ទីដោយកីឡាករ Blasco LLorens Victor នៅនាទី២៩ មុនកីឡាករ ចាន់ វឌ្ឍនាកា រកបានគ្រាប់តាមស្មើ នៅចុងវគ្គទី១ ។ ចូលវគ្គទី២ បឹងកេត បន្ដដាក់សម្ពាធរហូតរកបាន ៣គ្រាប់បន្ថែម ដោយកីឡាករ ចាន់ វឌ្ឍនាកា, Yoshimama Ryohei និង ម៉ាត់ នូរុណ ដែលជួយឲ្យបឹងកេត ស្គាល់ជ័យជម្នះលើកដំបូង។រីឯក្រុមព្រៃវែងអែហ្វស៊ី បានយកឈ្នះក្រុមម្ចាស់ផ្ទះ ISI ដង្កោសែនជ័យ ៥-០ នៅកីឡដ្ឋាន AIA Stadium, KMH Park ។ ជំនួបរវាងក្រុមចំណូលថ្មី ទើបឡើងមកពីលីគទី២ នេះ បានធ្វើឲ្យអ្នកគាំទ្រមានការភ្ញាក់ផ្អើល ដែលព្រៃវែង អាចយកឈ្នះគូប្រជែងដោយជោគជាំបែបនេះ ។ ៥គ្រាប់របស់ព្រៃវែង ធ្វើសម្រេចដោយកីឡាករ ផាន សុផេន ២គ្រាប់, Takeshita Masatoshi ២គ្រាប់ និងកីឡាករ So Omae ១គ្រាប់ ដែលនាំឲ្យពួកគេស្គាល់ជ័យជម្នះលើកដំបូង ដូចក្រុមនាគខៀវបឹងកេតដែរ។សម្រាប់ការប្រកួតសប្ដាហ៍ទី២ មួយគូទៀត គឺក្រុមម្ចាស់ផ្ទះគិរីវង់សុខសែនជ័យ បានចែក ១ពិន្ទុម្នាក់ ជាមួយក្រុមកងយោធពលខេមរភូមិន្ទ ក្រោយប្រកួតស្មើគ្នា ១-១ នៅកីឡដ្ឋានគិរីវង់ ។ ការប្រកួតក្រោមភ្លៀងសស្រិចនេះ កីឡាករ Tetsuaki Misawa គឺជាអ្នករកគ្រាប់បាល់នាំមុខឲ្យកងយោធពលខេមរភូមិន្ទមុន នៅនាទី១៦ តែ ១០នាទីក្រោយមក គិរីវង់ ក៏វាយបកតាមស្មើវិញ ដោយកីឡាករ Romario នៅនាទី២៦ ហើយលទ្ធផលនេះ ក៏បានរក្សាដល់ចប់ការប្រកួតពេញម៉ោងតែម្ដង។ក្រឡេកមកចាប់អារម្មណ៍តារាងពិន្ទុបណ្ដោះអាសន្ន ក្រោយបញ្ចប់ការប្រកួតលីគកំពូលកម្ពុជា សប្ដាហ៍ទី២ បន្ទាប់ពីរក្សាកំណត់ត្រាឈ្នះរៀងខ្លួន នាំឲ្យក្រុមវិសាខា និងព្រះខ័នរាជស្វាយរៀង ឈរលេខ១ និងលេខ២ ដោយមាន ៦ពិន្ទុស្មើគ្នា គ្រាដែលព្រៃវែង បឹងកេត ភ្នំពេញក្រោន ណាហ្គាវើលដ៏ និង ISI ដង្កោសែនជ័យ មាន ៣ពិន្ទុស្មើគ្នា គ្រាដែលគិរីវង់ និងកងយោធពលខេមរភូមិន្ទ ទើបរកបាន ១ពិន្ទុ និងក្រុមអង្គរថាយហ្គឺរ គឺជាក្រុមតែមួយគត់ ដែលមិនទាន់មានពិន្ទុរាប់នៅឡើយ៕ អត្ថបទ លី ឈុនឡា

Kylian Mbappe ត្រលប់មកហ្វឹកហាត់ជាមួយ PSG វិញទំនងមិនចាកចេញទៅណាទេ

ខ្សែប្រយុទ្ធបារាំង Kylian Mbappe បានត្រលប់មកហ្វឹកហាតជាមួយក្លិបបារាំង Paris Saint Germain វិញហើយ និងទំនងជាមិនចាកចេញទៅណាទេរដូវកាលនេះ។កីឡាករវ័យ ២៤ ឆ្នាំរូបនេះមិនចូលហ្វឹកហាត់ជាមួយក្រុមឡើយសប្តាហ៍មុន និងមិនមានឈ្មោះក្នុងការប្រកួតដែល PSG ស្មើ Loreint បើករដូវកាលថ្មីលីគបារាំងកាលពីថ្ងៃសៅរ៍។ ប្រធានក្រុមជម្រើសជាតិបារាំងវ័យ ២៤ ឆ្នាំរូបនេះ ដែលនៅសល់កិច្ចសន្យាមួយឆ្នាំជាមួយ PSG បានបដិសេធ មិនបន្តកិច្ចសន្យា។PSG មានគម្រោងលក់ Mbappe ឱ្យបានក្នុងរដូវក្តៅនេះ ប្រសើរជាងឱ្យអតីតខ្សែប្រយុទ្ធ Monaco រូបនេះចាកចេញ ដោយគ្មានបានអ្វីសោះនៅដំណាច់រដូវកាលក្រោយ តែមកទល់ពេលនេះគេមិនទាន់ដឹងពីការចរចាបែបណានៅឡើយរវាងភាគីទាំងពីរ។ PSG កន្លងមកធ្លាប់បាននិយាយថា បើសិន Mbappe សម្រេចចិត្តនៅជាមួយក្លិបបន្តគឺត្រូវតែបន្តកិច្ចសន្យា ដោយមិនអាចលេងបំពេញកិច្ចសន្យាដែលនៅសល់ ហើយដើរចេញនោះទេ។ មិនមែនជារឿងថ្មីឡើយដែល Kylian Mbappe ចង់ចាកចេញពី PSG ពោលគឺកាលពីខែឧសភាឆ្នាំមុនមានដំណឹងចរចាជាមួយ Real Madrid មុនការចរចាកិច្ចសន្យាថ្មីជោគជ័យជាមួយ PSG ក្នុងខែឧសភានោះ៕ អត្ថបទ៖នាង សុភាវុធ

ភ្ញាក់ផ្អើល Roberto Mancini ចាកចេញពីតំណែងអ្នកចាត់ការជម្រើសជាតិអ៊ីតាលី

លោក Roberto Mancini បានប្រកាសចាកចេញពីតំណែងអ្នកចាត់ការក្រុមជម្រើសជាតិអ៊ីតាលីគួរឱ្យភ្ញាក់ផ្អើល ក្រោយចំណាយពេល ៥ ឆ្នាំក្នុងតំណែង។សហព័ន្ធកីឡាបាល់ទាត់អ៊ីតាលីបានចេញសេចក្តីថ្លែងការ ពីការសុំចាកចេញពីតំណែងរបស់លោក Mancini តែមិនបានបញ្ជាក់ពីមូលហេតុឡើយ។បុរសវ័យ ៥៨ ឆ្នាំអ៊ីតាលីរូបនេះ បានចូលមកដឹកនាំក្រុមជម្រើសជាតិអ៊ីតាលី បន្ទាប់ពីជើងឯកពិភពលោក ឆ្នាំ២០០៦ មួយនេះមិនអាចឆ្លងផុតវគ្គជម្រុះមានកៅអីនៅ World Cup ២០១៨ នៅរុស្ស៊ី។ ក្នុងតំណែងរបស់លោក Mancini អ៊ីតាលីបានឈ្នះជើងឯក Euro ២០២០ ដែលលើកមក ២០២១ ដោយយកឈ្នះអង់គ្លេសនៅវគ្គផ្តាច់ព្រ័ត្រដោយបាល់ ១១ ម៉ែត្រកាត់សេចក្តីនៅកីឡដ្ឋាន Wembley។មិនតែប៉ុណ្ណោះអ៊ីតាលីក៏បានបំបែកកំណត់ត្រាពិភពលោក ក្រោយលេងមិនចាញ់សោះ ៣៧ ប្រកួតជាប់គ្នា តែនៅតែមិនអាចមានកៅអីនៅ World Cup ២០២២ នៅកាតាឆ្នាំមុន។ អ៊ីតាលីបច្ចុប្បន្នកំពុងឈរលេខ ៤ ក្នុងពូលនៅវគ្គជម្រុះ Euro ២០២៤ ក្រោយចាញ់អង់គ្លេសនៅក្នុងពូលកាលពីខែមីនា។លោក Mancini ធ្លាប់ដឹកនាំ Manchester City ឈ្នះជើងឯក English Premier League លើកដំបូងក្នុងប្រវត្តិសាស្រ្តក្លិបកាលពីឆ្នាំ ២០១២៕ អត្ថបទ៖នាង សុភាវុធ

Fred ចាកចេញពី Manchester United ទៅចូលរួមជាមួយក្លិបទួកគី Fenerbahce ផ្លូវការ

ខ្សែបម្រើប្រេស៊ីល Fred បានចាកចេញពីក្លិបបិសាចក្រហម Manchester United ទៅកាន់ក្លិបទួកគី Fenerbahce ផ្លូវការហើយ។ កីឡាករវ័យ ៣០ ឆ្នាំដែលមកកាន់ Manchester United កាលពីឆ្នាំ ២០១៨ ក្នុងតម្លៃផ្ទេរ ៤៧ លានផោនផ្ទេរពី Shakhtar Donetsk នោះ បានពេលវេលាកន្លងមកជាមួយ Man United ថាជា ក្តីស្រមៃក្លាយជាការពិត និងបានក្លាយកាត់បទពិសោធដ៏អស្ចារ្យក្នុងអាជីព។ កីឡាករវ័យ ៣០ ឆ្នាំរូបនេះ ត្រូវបានគេប្រាប់ថាមិនស្ថិតក្នុងគំរោងគោលរបស់ Manchester United រដូវកាលថ្មី នេះឡើយ។ Galatasaray ក៏ដូចជា Fulham សុទ្ធតែបានបង្ហាញចំណាប់អារម្មណ៍ ចង់បាន Fred ដែលនឹងអស់សុពលភាពកិច្ចសន្យាឆ្នាំក្រោយជាមួយ Man United។Fred បានផ្លាស់មកកាន់ Manchester United ក្នុងតម្លៃ ៤៧ លានផោនកាលពីឆ្នាំ ២០១៨ ពីក្លិបអ៊ុយក្រែន Shakhtar Donetsk ចូលលេងសរុបបាន ១៣៩ លើកស៊ុតបញ្ចូលទីបាន ៨ គ្រាប់ ៧ បាល់បញ្ជូន។រដូវកាលមុន Fred បង្ហាញខ្លួនសរុបបាន ៥៦ លើកស៊ុតបញ្ចូលទីបាន ៦ គ្រាប់ជួយឱ្យ Manchester United ទទួលបានចំណាត់ថ្នាក់លេខ ៣ នៅ Premier League មានកៅអីនៅ UEFA Champions League រដូវកាលថ្មី៕ អត្ថបទ៖នាង សុភាវុធ

អតីតខ្សែប្រយុទ្ធ Chelsea, Diego Costa រសាត់អណ្តែតទៅចូលរួមជាមួយក្លិបប្រេស៊ីល Botafogo

ក្លិបបាល់ទាត់ប្រេស៊ីល Botafogo ដែលកំពុងនាំមុខគេនៅលីគកំពូលប្រេស៊ីល បានចុះហត្ថលេខានាំយកអតីតខ្សែប្រយុទ្ធ Chelsea, Diego Costa ដោយគ្មានតម្លៃផ្ទេរ។ កីឡាករវ័យ ៣៤ ឆ្នាំរូបនេះនៅទំនេរពីអាជីពរបស់ខ្លួនក្រោយចាកចេញពី Wolves កាលពីខែមិថុនា តែការមកដល់ Botafogo នេះ គឺចុះហត្ថលេខាត្រឹមរយៈពេល ៤ ខែប៉ុណ្ណោះ។Diego Costa នឹងបានរួមការងារជាមួយអតីតគ្រូបង្វឹក Wolves លោក Bruno Large ដែលបច្ចុប្បន្នកំពុងដឹកនាំ Botafogo។រំលឹកថា Diego Costa បានបង្ហាញខ្លួន ២៣ ប្រកួតឱ្យ Wolves រដូវកាលមុននៅ Premier League។ មុនមកដល់ Wolves ដែរ Costa ធ្លាប់ឈ្នះជើងឯក English Premier League ២ លើកជាមួយតោខៀវ Chelsea ដោយស៊ុតបញ្ចូលទីសរុបបាន ៥៩ គ្រាប់ និងធ្លាប់លើកពាន La Liga ពីរលើក និង Europa League អំឡុងពេលនៅជាមួយ Atletico Madrid៕ អត្ថបទ៖នាង សុភាវុធ

Chelsea ព្រមព្រៀងតម្លៃ ១១៥លានផោន សម្រាប់ការផ្ទេរ Moises Caicedo ពី Brighton

ក្លិបបាល់ទាត់តោខៀវ Chelsea បានឈានដល់កិច្ចព្រមព្រៀងហើយ ក្នុងការផ្ទេរខ្សែបម្រើអេក្វាដ័រ Moises Caicedo ពី Brighton ក្នុងតម្លៃបំបែកកំណត់ត្រាអង់គ្លេស ១១៥ លានផោន។ការហ៊ានឱ្យថ្លៃដល់ ១១៥ លានផោនរបស់ Chelsea នេះ គឺបានយកឈ្នះគូប្រជែង Liverpool ដែលដំបូងបានយល់ព្រមក្នុងតម្លៃ ១១១ លានផោនជាមួយ Brighton កាលពីថ្ងៃសុក្រ។ កីឡាករវ័យ ២១ ឆ្នាំរូបនេះធ្លាប់បាននិយាយហើយថា គោលបំណងរបស់គេគឺចង់ផ្លាស់មកកាន់ Chelsea តែមួយគត់។ ប្រសិនបើ Moises Caicedo ផ្លាស់មកកាន់ Chelsea ក្នុងតម្លៃនេះមែននោះ មានន័យថា ក្លិបបាល់ទាត់នៅទីក្រុងឡុងដ៍មួយនេះ បំបែកកំណត់ត្រាផ្ទេរថ្លៃបំផុតនៅអង់គ្លេស ២ លើកក្នុងឆ្នាំ ២០២៣ នេះ បន្ទាប់ពី Enzo Fernandez ដែលផ្លាស់ពី Benfica តម្លៃ ១០៧ លានផោនកាលពីខែមករា។រំលឹកថា Moises Caicedo បានផ្លាស់ពីក្លិបអេក្វាដ័រ Independiente del Valle ក្នុងតម្លៃត្រឹម ៤.៥ លានផោនប៉ុណ្ណោះកាលពីខែកុម្ភៈឆ្នាំ ២០២១ តែក៏ត្រូវបានបញ្ចេញឱ្យក្លិបនៅប៊ែលហ្ស៊ិកខ្ចី។ Caicedo ត្រូវបានកោះហៅត្រលប់មកវិញនៅខែមករាឆ្នាំ ២០២២ និងបានបង្ហាញខ្លួនឱ្យ Brighton តាំងពីពេលនោះមកបង្ហាញខ្លួនបាន ៥៣ លើករកបានពីរគ្រាប់៕ អត្ថបទ៖នាង សុភាវុធ

Lucas Glover ឈ្នះជើងឯកវាយកូនគោលក្នុងក្របខណ្ឌ PGA Tour ២ កម្មវិធីជាប់គ្នា

កីឡាករវាយកូនគោលអាមេរិក Lucas Glover បានគ្រងជើងឯកនៅក្នុងក្របខណ្ឌ PGA Tour ២ កម្មវិធី ២សប្តាហ៍ជាប់គ្នា ក្រោយគ្រងជើងឯកការប្រកួត FedEx St. Jude Championship។កីឡាករវ័យ ៤៣ ឆ្នាំរូបនេះ បានបញ្ចប់ការប្រកួតជាមួយនឹង ១៥ អាន់ឌើផា តែមិនទាន់គ្រងជើងឯកនៅឡើយ ខណៈដែលមិត្តរួមជាតិ Patrick Cantlay ក៏ធ្វើបាន ១៥ អាន់ឌើផាផងដែរក្រោយបញ្ចប់ការប្រកួតសរុប ១៨ឡូ ធ្វើឱ្យការប្រកួតត្រូវអូសបន្លាយដល់ការប្រកួត បន្ថែមឡូកាត់សេចក្តី។យ៉ាងណាក្តី កីឡាករវ័យ ៤៣ ឆ្នាំ Lucas Glover នៅតែអាចគ្រប់គ្រងស្ថានការបាន និងយកឈ្នះនៅឡូបន្ថែម ដើម្បីក្លាយជាកីឡាករទី ៣ ដែលឈ្នះជើងឯកនៅក្នុងក្របខណ្ឌ PGA Tour ២ កម្មវិធីជាប់គ្នាក្នុងរយៈពេល ២៥ ឆ្នាំចុងក្រោយនេះ រួមជាមួយ Kenny Perry និង Vijay Singh។ មុនមកឈ្នះការប្រកួត FedEx St. Jude នេះ Lucas Glover ទើបតែឈ្នះជើងឯក Wyndham Championship មុនមួយសប្តាហ៍ ហើយជ័យជំនះនៅពេលនេះ Lucas Glover នឹងឡើងមកឈរតំណែងលេខ ៣ ពិភពលោក៕ អត្ថបទ៖នាង សុភាវុធ

កីឡាករអូស្រ្តាលី Nick Kyrgios ដកខ្លួនពី Grand Slam, US Open ដោយសាររបួស

កីឡាករវាយកូនបាល់អូស្រ្តាលី Nick Kyrgios បានប្រកាសដកខ្លួនពីព្រឹត្តិការណ៍ Grand Slam, US Open ហើយដោយសារបញ្ហារបួស។ កីឡាករវ័យ ២៨ ឆ្នាំរូបនេះ មានរបួសញាំញីខ្លាំងក្នុងឆ្នាំ ២០២៣ នេះ ដោយបានចូលរួមការប្រកួតតែមួយកម្មវិធីគត់នៅក្នុងក្របខណ្ឌ ATP Tour។Kyrgios បានអវត្តមានពីការប្រកួត Grand Slam, Wimbledon ដោយសារបញ្ហាកដៃ ហើយកាលពីដើមឆ្នាំ របួសជង្គង់ និងប្រអប់ជើងធ្វើឱ្យគេអវត្តមានពី Australian Open និង French Open ផងដែរ។អវត្តមានពីការប្រកួតនានាក្នុងឆ្នាំនេះ ធ្វើឱ្យ Nick Kyrgios ធ្លាក់ចំណាត់ថ្នាក់ដល់លេខ ៩២ ពិភពលោក។រំលឹកពីឆ្នាំ ២០២២ វិញ Nick Kyrgios មានរដូវកាលដ៏ល្អរបស់ខ្លួនដោយឈានដល់វគ្គផ្តាច់ព្រ័ត្រ Wimbledon លើកដំបូងក្នុងអាជីព និងហក់ដល់ចំណាត់ថ្នាក់លេខ ១១ ពិភពលោក។ព្រឹត្តិការណ៍ Grand Slam, US Open នឹងចាប់ផ្តើមនៅថ្ងៃទី ២៨ ខែសីហានេះ បញ្ចប់នៅថ្ងៃទី ១០ ខែកញ្ញា៕ អត្ថបទ៖នាង សុភាវុធ

Marcelo ត្រូវពិន័យ ៣ប្រកួត ក្រោយបង្កររបួសធ្ងន់ធ្ងរដល់គូប្រកួតសប្តាហ៍មុន

ខ្សែការពារក្លិបប្រេស៊ីល Fluminense, Marcelo ត្រូវបានសមាគមកីឡាបាល់ទាត់អាមេរិកខាងត្បូង CONMEBOL សម្រេចដាក់ពិន័យមិនឱ្យចូលលេង ៣ ប្រកួតក្រោយបង្កររបួសធ្ងន់ធ្ងរលើគូប្រកួតអំឡុងការប្រកួតនៅក្របខណ្ឌ Copa Libertadores សប្តាហ៍មុន។ កីឡាករវ័យ ៣៥ ឆ្នាំអតីតកីឡាកររបស់ Real Madrid រូបនេះក៏ត្រូវបានផាកពិន័យជាទឹកប្រាក់ ៦០០០ ដុល្លារផងដែរចំពោះកំហុសនេះ។អំឡុងការប្រកួតនៃក្របខណ្ឌ Libertadors សប្តាហ៍មុន Marcelo បានធ្វើឱ្យខ្សែការពាររបស់ក្លិប Argentinos Juniors, Luciano Sanchez រងរបួសបាក់ជើងឆ្វេងគួរឱ្យរន្ធត់។ Marcelo ក្រោយមកបានបង្ហាញនៅលើបណ្តាញសង្គម Instagram របស់ខ្លួនថា “ខ្ញុំមានពេលវេលាដ៏លំបាកមួយនៅលើទីលាន កំហុសដែលបង្ករឡើងថ្ងៃនេះលើមិត្តរួមអាជីពធ្វើឱ្យខ្ញុំមានការសោកស្តាយ”។Marcelo ដែលបង្ករកំហុសដោយអចេតនានោះ ក៏ទទួលបានកាតក្រហមភ្លាមៗ តែមិនបានបង្ហាញអារម្មណ៍ខឹង តវ៉ានឹងអាជ្ញាកណ្តាលឡើយ និងបានសម្រក់ទឹកភ្នែកនៅលើទីលានក្រោយកំហុសរបស់ខ្លួនធ្វើឱ្យមិត្តរួមអាជីពរបួសធ្ងន់ធ្ងរបែបនេះ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

បារាំង និងអេស្ប៉ាញធូរស្រាលបន្តិច ខណៈចំហេះព្រៃ និងរលកកម្ដៅកំពុងរាលដាលពាសពេញទ្វីបអឺរ៉ុប

ប្រធានាធិបតីអ៊ុយក្រែន៖ រុស្ស៊ី ប្រើប្រាស់មីស៊ីលបាលីស្ទីករបស់កូរ៉េខាងជើងក្នុងការវាយប្រហារលើភូមិអ៊ុយក្រែន

អារ៉ាប៊ីសាអ៊ូឌីត ប្រកាសបង្កើតក្រុមចម្រុះការពារដែនសមុទ្រ ដើម្បីធានាសុវត្ថិភាពផ្លូវទឹកសំខាន់ៗ

យន្តហោះចម្បាំង NATO ហោះចេញប្រញាប់ប្រញាល់ ខណៈមីស៊ីលរុស្ស៊ីផ្ទុះនៅប្រទេសប៉ូឡូញ

៦ខែដើមឆ្នាំ២០២៦ សមត្ថកិច្ចក្រសួងមហាផ្ទៃចុះឆែកឆេរជិត ៣ម៉ឺនទីតាំង ឃាត់ខ្លួនជនបរទេស Online Scams ជាង ២ពាន់នាក់ និងពិន័យប្រាក់ម្ចាស់ទីតាំងជិត ៨ប៊ីលានរៀល

ចំនួនអ្នកស្លាប់ដោយដំណាក់ដីនៅប្រទេសចិន បានកើនឡើងដល់ជាង ៥០នាក់

ជនអន្តោប្រវេសន៍រាប់រយនាក់ សម្រុកចូលទីក្រុង Ceuta របស់អេស្ប៉ាញ ចេញពីប្រទេសម៉ារ៉ុក

មូលនិធិអភិវឌ្ឍន៍ EDFមើលឃើញថា ធុរកិច្ចបណ្តុះបណ្ដាលថ្មី និងSME ជាក្បាលម៉ាស៊ីនជំរុញកំណើនសេដ្ឋកិច្ចកម្ពុជា

ប្រមុខការទូតអ៊ីរ៉ង់ជំរុញសមភាគីអឺរ៉ុបជុំវិញការប្រើប្រាស់មូលដ្ឋានទ័ពក្នុងប្រតិបត្តិការរបស់អាមេរិក

[UPDATE] នាយករដ្ឋមន្ត្រីជប៉ុនបញ្ជាក់ជាថ្មីពីការផ្ដល់ការជួយគាំទ្រដល់តំបន់រងគ្រោះរញ្ជួយដីសម្លាប់មនុស្សជាង៣០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Neymar ខិតជិតសម្រេចកិច្ចព្រមព្រៀងផ្លាស់ទៅ Al-Hilal ដែលអាចទទួលបានប្រាក់ឈ្នួល ៨០លានអឺរ៉ូក្នុងមួយឆ្នាំ

ព្រះខ័នរាជ និងវិសាខា បន្ថែម ៣ពិន្ទុ ខណៈបឹងកេត និងព្រៃវែង ឈ្នះលើកដំបូង

Kylian Mbappe ត្រលប់មកហ្វឹកហាត់ជាមួយ PSG វិញទំនងមិនចាកចេញទៅណាទេ

ភ្ញាក់ផ្អើល Roberto Mancini ចាកចេញពីតំណែងអ្នកចាត់ការជម្រើសជាតិអ៊ីតាលី

Fred ចាកចេញពី Manchester United ទៅចូលរួមជាមួយក្លិបទួកគី Fenerbahce ផ្លូវការ

អតីតខ្សែប្រយុទ្ធ Chelsea, Diego Costa រសាត់អណ្តែតទៅចូលរួមជាមួយក្លិបប្រេស៊ីល Botafogo

Chelsea ព្រមព្រៀងតម្លៃ ១១៥លានផោន សម្រាប់ការផ្ទេរ Moises Caicedo ពី Brighton

Lucas Glover ឈ្នះជើងឯកវាយកូនគោលក្នុងក្របខណ្ឌ PGA Tour ២ កម្មវិធីជាប់គ្នា

កីឡាករអូស្រ្តាលី Nick Kyrgios ដកខ្លួនពី Grand Slam, US Open ដោយសាររបួស

Marcelo ត្រូវពិន័យ ៣ប្រកួត ក្រោយបង្កររបួសធ្ងន់ធ្ងរដល់គូប្រកួតសប្តាហ៍មុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Neymar ខិតជិតសម្រេចកិច្ចព្រមព្រៀងផ្លាស់ទៅ Al-Hilal ដែលអាចទទួលបានប្រាក់ឈ្នួល ៨០លានអឺរ៉ូក្នុងមួយឆ្នាំ

ព្រះខ័នរាជ និងវិសាខា បន្ថែម ៣ពិន្ទុ ខណៈបឹងកេត និងព្រៃវែង ឈ្នះលើកដំបូង

Kylian Mbappe ត្រលប់មកហ្វឹកហាត់ជាមួយ PSG វិញទំនងមិនចាកចេញទៅណាទេ

ភ្ញាក់ផ្អើល Roberto Mancini ចាកចេញពីតំណែងអ្នកចាត់ការជម្រើសជាតិអ៊ីតាលី

Fred ចាកចេញពី Manchester United ទៅចូលរួមជាមួយក្លិបទួកគី Fenerbahce ផ្លូវការ

អតីតខ្សែប្រយុទ្ធ Chelsea, Diego Costa រសាត់អណ្តែតទៅចូលរួមជាមួយ​ក្លិបប្រេស៊ីល​ Botafogo

Chelsea ព្រមព្រៀងតម្លៃ ១១៥លានផោន សម្រាប់ការផ្ទេរ Moises Caicedo ពី Brighton

Lucas Glover ឈ្នះជើងឯកវាយកូនគោលក្នុងក្របខណ្ឌ PGA Tour ២ កម្មវិធីជាប់គ្នា

កីឡាករអូស្រ្តាលី Nick Kyrgios ដកខ្លួនពី Grand Slam, US Open ដោយសាររបួស

Marcelo ត្រូវពិន័យ ៣ប្រកួត ក្រោយបង្កររបួសធ្ងន់ធ្ងរដល់គូប្រកួតសប្តាហ៍មុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អតីតខ្សែប្រយុទ្ធ Chelsea, Diego Costa រសាត់អណ្តែតទៅចូលរួមជាមួយក្លិបប្រេស៊ីល Botafogo