BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ហេង វុទ្ធី ប្ដេជ្ញាការពារមេដាយ ក្នុងព្រឹត្តិការណ៍ World Police and Fire Games នាចុងសប្ដាហ៍នេះ

ក្នុងនាមមន្ដ្រីនគរបាលជាតិកម្ពុជា កីឡាករចំបាប់ ហេង វុទ្ធី បានត្រៀមខ្លួនរួចរាល់ ដើម្បីចូលរួមព្រឹត្តិការណ៍កីឡានគរបាល និងកងពន្លត់អគ្គីភ័យពិភពលោក លើកទី២០ (The 20th World Police and Fire Games 2023) នៅទីក្រុង Winnipeg ប្រទេសកាណាដា នាចុងសប្ដាហ៍នេះ ដោយគេបានប្ដេជ្ញានឹងខំប្រឹងធ្វើឲ្យបានល្អ ដើម្បីការពារមេដាយធ្លាប់ដណ្ដើមបាននាពេលកន្លងមក ។ម្ចាស់មេដាយមាសស៊ីហ្គេម លើកទី៣២ រូបនេះ បន្ដថា នេះជាលើកទី៣ ហើយ ដែលខ្លួនបានចូលរួមព្រឹត្តិការណ៍កីឡានគរបាលពិភពលោក បន្ទាប់ពីចូលរួមលើកចុងក្រោយ កាលពីឆ្នាំ២០២២ នៅហូឡង់ រូបគេដណ្ដើមបានមេដាយមាស ២ ប្រាក់ ១ និងសំរឹទ្ធ ១ ។ បែបនេះក្ដី វុទ្ធី បានខំប្រឹងហ្វឹកហាត់ជាខ្លាំង ដើម្បីចូលរួមការប្រកួតនៅកាណាដានាពេលឆាប់ៗខាងមុខ ដើម្បីស្វែងរកលទ្ធផលល្អជូនអង្គភាព និងប្រទេសជាតិបន្ថែមទៀត ។ដោយឡែកលោក នុត សុផល គ្រូបង្វឹកក្រុមកីឡាចំបាប់នគរបាលជាតិកម្ពុជា បានបញ្ជាក់ថា បេសកកម្មលើកនេះ កីឡាចំបាប់បញ្ជូនកីឡាករ ៥នាក់ចូលរួម ហើយលោកបានបង្ហាញសុទិដ្ឋិនិយមខ្ពស់លើកូនក្រុម ក្នុងការប្រកួតប្រជែង ទោះបីត្រូវប្រឈរមុខជាមួយកីឡាករជាច្រើន ពិសេសកីឡាករតំបន់អឺរ៉ុបដែលមានកាយសម្បទានល្អ តែកីឡាករកម្ពុជា ក៏មិនបច្ចេកទេសប្រហាក់ប្រហែលគ្នា សម្រាប់ការប្រកួតប្រជែងផងដែរ ។គួរដឹងថា បន្ទាប់ពីទទួលបានគោលការណ៍ពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បាននឹងបញ្ជូនកីឡា ១២ប្រភេទ ចូលរួមព្រឹត្តិការណ៍ The 20th World Police and Fire Games 2023 នៅកាណាដា ដែលគ្រោងចេញដំណើរក្នុងសប្ដាហ៍នេះ រួមមានកីឡាវាយសី វាយកូនឃ្លីលើតុ យូដូ ជឺជីតស៊ូ ហែលទឹក ការ៉ាតេ បាល់ទះក្នុងសាល បាល់ទះឆ្នេរខ្សាច់ ចំបាប់ ចំបាប់កាច់ដៃ Bench Press, Push Pull Lifting ។ ចំពោះការប្រកួតនឹងចាប់ផ្ដើមពីថ្ងៃទី២៨ ខែកក្កដា រហូតដល់ថ្ងៃទី០៦ ខែសីហា ឆ្នាំ២០២៣ ។ កាលពីឆ្នាំ២០២២ កម្ពុជាដណ្ដើមបានមេដាយសរុប ៣៣គ្រឿង រួមមានមេដាយមាស ១៥ ប្រាក់ ៨ និងសំរឹទ្ធ ១០គ្រឿង៕ អត្ថបទ៖ លី ឈុនឡា

ប្រតិភូកីឡាហែលទឹកកម្ពុជា ៤រូប ចេញទៅប្រកួត និងមហាសន្និបាតពិភពលោកនៅជប៉ុន

ប្រតិភូកីឡាហែលទឹកកម្ពុជា ៤រូប ដឹកនាំដោយលោក ហែម គិរី អគ្គលេខាធិការសហព័ន្ធខ្មែរកីឡាហែលទឹក លោក ហែម ថុនពន្លឺ ជាគ្រូបង្វឹក ព្រមទាំងកីឡាករ មនត្រស ផានសុណ្ណអារុន និងកីឡាការិនី ឃឺន ចន្ទចរិយា កាលពីចុងសប្ដាហ៍កន្លងទៅ បានធ្វើដំណើរទៅចូលរួមការប្រកួតកីឡាហែលទឹកជ្រើសរើសជើងឯកពិភពលោក ឆ្នាំ២០២៣ និងមហាសន្និបាតសហព័ន្ធកីឡាហែលទឹកពិភពលោក នៅទីក្រុង Fukuoka ប្រទេសជប៉ុន ។បេសកកម្មនេះ តបតាមការអញ្ជើញរបស់សហព័ន្ធកីឡាហែលទឹកពិភពលោក ។ អ្វីដែលពិសេស សហព័ន្ធកីឡាហែលទឹកពិភពលោក ថែមទាំងបានជ្រើសរើសសហព័ន្ធខ្មែរកីឡាហែលទឹក ដើម្បីឡើងធ្វើបទបង្ហាញអំពីវឌ្ឍនភាពរបស់សហព័ន្ធ និងការជួយជំរុញគាំទ្របន្ថែមសម្រាប់ការអភិវឌ្ឍបន្ត ដ្បិតមានសមាជិកត្រឹម ១០ប្រទេសប៉ុណ្ណោះ ដែលត្រូវបានជ្រើសរើសឲ្យឡើងធ្វើបទបង្ហាញនេះ ។ នេះជាលើកទី១ សម្រាប់សហព័ន្ធខ្មែរកីឡាហែលទឹក ដើម្បីបង្ហាញឲ្យពិភពលោក បានស្គាល់អំពីការអភិវឌ្ឍនៅក្នុងព្រះរាជាណាចក្រកម្ពុជា ក្រោមពាក្យស្លោក «កីឡារស់ក្នុងសន្តិភាព» ។គួរដឹងថា ការប្រកួតនេះ សម្រាប់មហាសន្និបាតនេះ នឹងធ្វើឡើងកាលពីចុងសប្ដាហ៍កន្លងទៅ រហូតដល់ថ្ងៃទី២៥ ខែកក្កដាស្អែកនេះ គ្រាដែលការប្រកួតនឹងបន្ដរហូតដល់ចុងខែទើបបញ្ចប់ ។ នេះបើយោងតាមការបញ្ជាក់របស់លោក ហែម គិរី មុនចាកចេញពីមាតុភូមិ៕ អត្ថបទ លី ឈុនឡា

បារាំងធ្វើអ្វីហ្សាម៉ាអ៊ីកមិនបាននៅការប្រកួតបាល់ទាត់នារីជើងឯកពិភពលោក

ក្រុមបាល់ទាត់នារីបារាំងមិនអាចធ្វើឱ្យក្រុមនារីហ្សាម៉ាអ៊ីកបានឡើយ នៅការប្រកួតបាល់ទាត់នារីជើងឯកពិភពលោក បន្ទាប់ពីការប្រកួតបញ្ចប់ទៅដោយគ្មានក្រុមស៊ុតបញ្ចូលទី ០-០។ អ្នកចាត់ការហ្សាម៉ាអ៊ីកលោក Lorne Donaldson បានហើយលទ្ធផលនេះគឺជា សមិទ្ធផលលេខ ១ សម្រាប់ប្រវត្តិសាស្រ្តបាល់ទាត់នៃប្រទេសក្នុងតំបន់ការ៉ាអ៊ីបមួយនេះ ដែលអាចយកពិន្ទុបានពីក្រុមដែលគេចាត់ទុកថាជាបេក្ខភាព ប្រជែងជើងឯកឆ្នាំនេះ។ ក្រុមរបស់លោក Herve Renard មិនអាចបំប៉ោងសំណាញ់ក្រុមដែលមានការរៀបចំល្អនៅតំបន់ការពារហ្សាម៉ាអ៊ិក បានឡើយ ទោះបីជាប្រធានក្រុមហ្សាម៉ាអ៊ីក Khadija Shaw ត្រូវបានបណ្តេញចេញនៅចុងម៉ោងក៏ដោយ។ នេះជាពិន្ទុដំបូងក្នុងប្រវត្តិសាស្រ្តបាល់ទាត់នារីហ្សាម៉ាអ៊ិក នៃការបង្ហាញខ្លួនលើកដំបូង ក្នុងការប្រកួតជើងឯកពិភពលោកបែបនេះខណៈប្រកួតបន្ទាប់របស់ពួកគេគឺត្រូវជួបជាមួយប៉ាណាម៉ា ឯបារាំងនឹងត្រូវជួបប្រេស៊ីលនៅក្នុងពូល F នេះ។ ងាកមកពូល E វិញ ក្រុមជើងឯករងឆ្នាំ ២០១៩ ហូឡង់រកបានបីពិន្ទុដ៏មានសារៈសំខាន់របស់ខ្លួនតាមរយៈជ័យជំនះលើព័រទុយហ្កាល់ ១-០។ គ្រាប់បាល់ជ័យជំនះរបស់ហូឡង់សម្រេចដោយការតែតបញ្ចូលទីរបស់ Van der Gragt តាំងពីនាទីទី ១៣ ខណៈ បីពិន្ទុនេះធ្វើឱ្យហូឡង់ឈរលេខ ២ មាន ៣ ពិន្ទុស្មើក្រុមលេខ ១ អាមេរិកដែលយកឈ្នះវៀតណាម។ ចំណែកការប្រកួតនៅក្នុងពូល G ក្រុមលេខ ៣ ឆ្នាំ ២០១៩ ស៊ុយអែតក៏រកបានបីពិន្ទុដែរក្រោយយកឈ្នះក្រុម អាហ្រ្វិកខាងត្បូងប្រផិតប្រផើយ ២-១។ ក្រុមជើងឯកបាល់ទាត់នារីជើងឯកទ្វីបអាហ្វ្រិក អាហ្វ្រិកខាងត្បូងបាននាំមុខនៅនាទីទី ៤៨ ដោយ Hildah Magaia តែក៏ត្រូវស៊ុយអែតវាយបកពីរគ្រាប់វិញដោយ Frida Rolfo នាទីទី ៦៥ ខណៈគ្រាប់បាល់ជ័យជំនះកើតឡើងនៅចុងម៉ោងនាទីទី ៩០ ទៅហើយដោយ Amanda Ilestedt៕អត្ថបទ៖នាង សុភាវុធ

កីឡាកររុស្ស៊ី Andrey Rublev ឈ្នះ Casper Ruud គ្រងជើងឯក Swedish Open

កីឡាករវាយកូនបាល់រុស្ស៊ី Andrey Rublev បានយកឈ្នះកីឡាករន័រវេស Casper Ruud ពីរសិតផ្ទួនៗនៅវគ្គ ផ្តាច់ព្រ័ត្រដើម្បីគ្រងជើងឯកកម្មវិធី Swedish Open នៅថ្ងៃអាទិត្យម្សិលមិញនេះនៅទីក្រុង Bastad ប្រទេសស៊ុយអែត។កីឡាកររុស្ស៊ីលំដាប់លេខ ២៥ ពិភពលោក Andrey Rublev បានយកឈ្នះ Casper Ruud ៧-៦(៧-៣) និង ៦-០ ដើម្បីគ្រងជើងឯកលើកទី ២ ក្នុងឆ្នាំ ២០២៣ នេះ។ Casper Ruud ដែលធ្លាប់ជាជើងឯកនៅទីនេះឆ្នាំ ២០២១ មិនអាចរកបានជ័យជំនះនៅទីនេះម្តងទៀត បន្ទាប់ពី ទំរង់លេងដ៏ល្អរបស់ Andrey Rublev ដែលទើបឈ្នះជើងឯកនៅក្នុងកម្មវិធី Monte Carlo Masters។ ងាកមកលទ្ធផលផ្សេងទៀត កីឡាករអាហ្សង់ទីន Pedro Cachin បានគ្រងជើងឯកលើកដំបូងក្នុងក្របខណ្ឌ ATP Tour ក្រោយយកឈ្នះកីឡាករវ័យ ៣៥ ឆ្នាំអេស្ប៉ាញ Albert Ramos-Vinolas នៅវគ្គផ្តាច់ព្រ័ត្រដើម្បីគ្រងជើងឯក Swiss Open។ ជ័យជំនះនេះធ្វើឱ្យ Pedro Cachin រំកិលពីចំណាត់ថ្នាក់ពិភពលោកលេខ ៩០ មកចំណាត់ថ្នាក់ល្អបំផុតក្នុងអាជីពលេខ ៤៩ នៅថ្ងៃចន្ទនេះ៕ អត្ថបទ៖នាង សុភាវុធ

ខ្សែការពារ Man United, Alex Telles ផ្លាស់ទៅជួបអតីតមិត្តរួមក្រុម Ronaldo នៅ Al-Nassr

ខ្សែការពារប្រេស៊ីល Alex Telles បានចាកចេញពីក្លិបបិសាចក្រហម Manchester United ហើយ ដោយទៅចូលរួមជាមួយអតីតមិត្តរួមក្រុមរបស់ខ្លួន Cristiano Ronaldo នៅក្លិបអារ៉ាប៊ីសាអ៊ូឌីត Al-Nassr។ការផ្ទេររបស់កីឡាករវ័យ ៣០ ឆ្នាំរូបនេះមិនត្រូវបានបញ្ជាក់ពីតម្លៃដោយក្លិបទាំងពីរឡើយ។ Alex Telles បង្ហាញខ្លួនឱ្យ Manchester United បាន ៥០ ប្រកួតតាំងពីផ្លាស់ពី FC Porto កាលពីឆ្នាំ ២០២០ ក្នុងតម្លៃ ១៣.៦ លានផោន។ តែការមកដល់របស់ Telles តំណែងខ្សែការពារឆ្វេងនេះត្រូវប្រកួតប្រជែងជាមួយខ្សែការពារអង់គ្លេស Luke Shaw ដែលធ្វើឱ្យការបង្ហាញខ្លួនមានកំរិត។ ក្រោយ Alex Telles ត្រូវបាន Manchester United បញ្ចេញឱ្យ Sevilla ខ្ចីពេញមួយរដូវកាលមុន និងជាសមាជិករបស់ក្លិបអេស្ប៉ាញមួយនេះឈ្នះពាន UEFA Europa League។ ក្លិបនៅអារ៉ាប៊ីសាអ៊ូឌីតកំពុងវាយលុកព័ត៌មាននៅទំព័រមុខ បន្ទាប់ពីតារាបាល់ទាត់ល្បីៗផ្លាស់ទៅ Saudi Pro League រួមមានដូចជា Karim Benzema, N’Golo Kante និង Roberto Firmino ជាដើម៕ អត្ថបទ៖នាង សុភាវុធ

Newcastle ទិញបាន Harvey Barnes ពី Leicester តម្លៃ ៣៨លានផោន

ក្លិបអ្នកមានថ្មីនៅ Premier League សារិកាព្រៃ Newcastle បានសម្រេចក្នុងការនាំយកខ្សែបម្រើស្លាបអង់គ្លេស Harvey Barnes ពី Leicester City ក្នុងតម្លៃផ្ទេរ ៣៨លានផោន។ កីឡាករវ័យ ២៥ ឆ្នាំដែលធ្លាប់បង្ហាញខ្លួនម្តងឱ្យក្រុមជម្រើសជាតិអង់គ្លេសរូបនេះ បានចុះហត្ថលេខាលើកិច្ចសន្យា ៥ឆ្នាំនៅ St. James Park។Harvey Barnes ជាកីឡាករដែលចេញពីយុវជនថ្នាលរបស់ Leicester City ស្រាប់ និងបានបង្ហាញខ្លួនឱក្រុមធំ តាំងពីឆ្នាំ ២០១៦ សរុប ១៤៦ លើក ស៊ុតបញ្ចូលទីបាន ៣៥ គ្រាប់។ Barnes ជាកីឡាករទី ៣ ដែលផ្លាស់មកកាន់ Newcastle រដូវក្តៅនេះ បន្ទាប់ពី Yankuba Minteh ផ្ទេរពីដាណឹម៉ាក និងខ្សែបម្រើអ៊ីតាលី Sandro Tonali ផ្ទេរពី AC Milan តម្លៃ ៥៥ លានផោន។ Harvey Barnes ក៏បានក្លាយជាកីឡាករមួយរូមទៀតដែលចាកចេញពី Leicester City ផងដែរបន្ទាប់ពីក្លិបអតីតជើងឯក Premier League មួយនេះត្រូវបានកាត់ចេញទៅក្របខណ្ឌ League Championship។កីឡាករដែលបានចាកចេញពី Leicester City នៅពេលនេះរួមមាន James Maddison ទៅ Spurs តម្លៃ ៤០ លានផោន Youri Tielemans ទៅ Aston Villa និងខ្សែការពារ Caglar Soyuncu ទៅ Atletico Madrid៕ អត្ថបទ៖ នាង សុភាវុធ

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាតពិន្ទុនាំមុខក្នុងតារាងជើងឯកពិភពលោក

កីឡាករប្រណាំងរថយន្តហ្វាំងឡង់ Kalle Rovanpera បានប្រជែងឈ្នះការប្រណាំង Rally នៅប្រទេសអេស្តូនៀ ៣ ឆ្នាំជាប់គ្នាកាលពីថ្ងៃអាទិត្យ និងពន្លាតការនាំមុខក្នុងតារាងជើងឯកពិភពលោក World Rally Championship។កីឡាករវ័យ ២២ ឆ្នាំដែលបើកបរឱ្យក្រុម Toyota រូបនេះបានយកឈ្នះកីឡាករប៊ែលហ្ស៊ិករបស់ក្រុម Hyundai, Thierry Neuville ៥២.៧ វិនាទី ពោលគឺបន្ទាប់ពីយកឈ្នះទាំង ៤ ដំណាក់កាលក្នុងថ្ងៃអាទិត្យ។កីឡាកររបស់ក្រុម Hyundai សញ្ជាតិហ្វាំងឡង់មួយរូបទៀត Esapekka Lappi ទទួលបានតំណែងចុងក្រោយគេនៃវេទិកាកិត្តិយស។ ជ័យជំនះរបស់ Kalle Rovanpera ធ្វើឱ្យគេបន្តពន្លាតពិន្ទុក្នុងតារាងជើងឯកពិភពលោកដល់ ៥៥ ពិន្ទុពីលើអ្នកលេខ ២ កីឡាករវែល Elfyn Evans។ Rovanpera កាលពីឆ្នាំ ២០២១ ឈ្នះត្រឹមមួយប្រកួតប៉ុណ្ណោះ បានក្លាយជាកីឡាករវ័យក្មេងបំផុតត្រឹមវ័យ ២០ ឆ្នាំឈ្នះការប្រកួតក្នុងរដូវកាល World Rally Championship ហើយឆ្នាំមុនក៏បានក្លាយជាជើងឯក ក្លាយជាកីឡាករវ័យក្មេងបំផុតម្តងទៀតដែលឈ្នះជើងឯកពិភពលោក៕ អត្ថបទ៖នាង សុភាវុធ

សៀង ចន្ធា ចាត់ទុកការផ្ទេរទៅលីគកាតា ជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃខ្លួន

ខ្សែប្រយុទ្ធឆ្នើមវ័យក្មេងកម្ពុជា សៀង ចន្ធា បានធ្វើដំណើរទៅប្រទេសកាតាហើយ កាលពីចុងសប្ដាហ៍កន្លងទៅ ដើម្បីចូលរួមធ្វើតេស្ដសុខភាពដំណាក់កាលចុងក្រោយ ជាមួយក្លិបលីគទី២ AL Shahaniya ។ ចន្ធា បានចាត់ទុកដំណើរទៅប្រកបអាជីពក្រៅស្រុកដំបូងនេះ គឺជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃរបស់ខ្លួន ក្នុងអាជីពបាល់ទាត់ ។មុនឡើងយន្ដហោះចាកចេញពីកម្ពុជា សៀង ចន្ធា បានសម្ដែងការភ្ញាក់ផ្អើល ដែលមានក្លិបកាតា ចាប់អារម្មណ៍ និងទាក់ទងខ្លួន ។ សមាជិកក្រុមបឹងកេតរូបនេះ បន្ថែមថា ដំណើរឆ្ពោះទៅប្រកបអាជីពនៅកាតា គឺជាជំហានមួយដ៏រីករាយ ដ្បិតរូបគេប៉ងចង់ទៅលេងនៅជប៉ុន មុនមានក្ដីស្រម៉ៃចង់ទៅលេងនៅ Barcelona ។ យ៉ាងណាក្ដី ចន្ធា ប្ដេជ្ញានឹងខំប្រឹង ដើម្បីមានឱកាសលេងនៅលីគកាតាជាមុនសិន ។ក្នុងឱកាសជូនដំណើរកីឡាករ សៀង ចន្ធា ផងដែរ លោកស្រី ពុធ ធីតា ប្រធានក្លិបបឹងកេត បានលើកឡើងថា ក្រៅពីក្លិបកាតា ក៏មានក្លិបអេស្ប៉ាញ ថៃ ម៉ាឡេស៊ី បានទាក់ទង ចន្ធា ដែរ តែចុងក្រោយក្លិបសម្រេចទទួលសំណើរក្លិបកាតា ព្រោះគិតថា ស័ក្ដិសមសម្រាប់ខ្សែប្រយុទ្ធវ័យ ២០ឆ្នាំរូបនេះ អភិវឌ្ឍន៍សមត្ថភាពបន្ថែម ។ លើសពីនេះ លោកស្រីបានចាត់ទុកជាគំរូមួយដ៏ល្អ សម្រាប់យុវជន ក្នុងការបង្កើតក្ដីស្រម៉ៃក្នុងអាជីពបាល់ទាត់នេះផងដែរ ។ទន្ទឹមជាមួយគ្នាលោក សឺ សៀង និងលោកស្រី ហេង សុខា ឪពុក-ម្ដាយបង្កើតកីឡាករ សៀង ចន្ធា បានសម្ដែងនូវការសប្បាយចិត្តជាខ្លាំង ដែលក្ដីស្រម៉ៃរបស់កូនប្រុស បានក្លាយជាការពិត ហើយលោកទាំងពីរ ថែមទាំងផ្ដាំផ្ញើ និងលើកទឹកចិត្តដល់យុវជនដទៃ ត្រូវហានមានសុបិន ខ្លួនស្រឡាញ់អាជីពបាល់ទាត់ ដើម្បីឆ្ពោះទៅសម្រេចនូវក្ដីស្រម៉ៃ និងទទួលបានជោគជ័យក្នុងអាជីពលើវាលស្មៅដូចកូនប្រុសរបស់ខ្លួនផងដែរ ។គួរដឹងថា បន្ទាប់ពីបើកការចរចាជាង ១ខែ ក្លិបបឹងកេត បានឈានដល់កិច្ចព្រមព្រៀងជាច្រើនជាមួយក្លិបលីគទី២ នៃប្រទេសកាតា ពោលគឺនៅសល់តែការធ្វើតេស្ដសុខភាពដំណាក់កាលចុងក្រោយប៉ុណ្ណោះដែល សៀង ចន្ធា បានធ្វើដំណើរទៅតេស្ដកាលពីចុងសប្ដាហ៍កន្លងទៅ ខណៈបើការធ្វើតេស្ដទទួលបានជោគជ័យ ចន្ធា នឹងក្លាយជាកីឡាករខ្មែរដំបូង ដែលបានប្រកបអាជីពនៅលីគកាតាតែម្ដង៕ អត្ថបទ៖ លី ឈុនឡា

Brian Harman ឈ្នះជើងឯកវាយកូនគោលកម្មវិធីធំ The Open Championship លើកដំបូង

កីឡាករវាយកូនគោលអាមេរិក Brian Harman បានគ្រងជើងឯកកម្មវិធី The Open ជាលើកដំបូងក្នុងអាជីពក្រោយឈ្នះដាច់ដល់ទៅ ៦ ស្ត្រូកនៅទីលានវាយកូនគោល Royal Liverpool។ Brian Harman ធ្វើបានត្រឹម ១ អាន់ឌើផាប៉ុណ្ណោះនៅថ្ងៃចុងក្រោយ តែគ្រប់គ្រាន់នឹងគ្រងជើងឯកដោយមានសរុប ១៣ អាន់ឌើផា ដាច់អ្នកលេខ ២ កីឡាករកូរ៉េ Tom Kim កីឡាករលំដាប់លេខ៣ ពិភពលោក Jon Rahm និងកីឡាករអូទ្រីស Sepp Straka ដែលឈរលេខ ២ រួមមាន ៧ អាន់ឌើផាដូចគ្នា។ កីឡាករវ័យ ៣៦ ឆ្នាំ Brian Harman ដែលឈរលេខ ២៦ ពិភពលោកនាពេលបច្ចុប្បន្ន បានក្លាយជាកីឡាករដែលជំនាញដៃឆ្វេងទី ៣ ប៉ុណ្ណោះដែលឈ្នះជើងឯក The Open នេះ បន្ទាប់ពី Bob Charles នៅឆ្នាំ ១៩៦៣ និង Phil Mickelson នៅឆ្នាំ ២០១៣។ ក្នុងនាមជាជើងឯក The Open Championship នេះ Brian Harman ទទួលបានប្រាក់រង្វាន់ ២.៣ លានផោន៕ អត្ថបទ៖ នាង សុភាវុធ

Red Bull បំបែកកំណត់ត្រាឈ្នះការប្រណាំង F1 ១២ប្រកួតជាប់គ្នាក្រោយ Max Verstappen ឈ្នះនៅហុងគ្រី

អ្នកការពារតំណែងជើងឯក Formula One ពិភពលោក Max Verstappen នៅតែបន្តជ័យជំនះរបស់ខ្លួនក្នុងរដូវកាលនេះ បន្ទាប់ពីយកឈ្នះការប្រកួតនៅប្រទេសហុងគ្រី ដែលជាជ័យជំនះទី ៩ រដូវកាលនេះ ក៏ដូចជាជ័យជំនះ ៧ ប្រកួតជាប់គ្នាផងដែរ។ចំណែកក្រុមប្រណាំង Red Bull ដែលបានយកឈ្នះ ១២ ទីលានជាប់គ្នានោះ បានបំបែកកំណត់ត្រាចាស់របស់ ក្រុមប្រណាំង McLaren ឈ្នះ ១១ ទីលានជាប់គ្នាកាលពីឆ្នាំ ១៩៨៨ ដែលធ្វើបានដោយ Ayrton Senna និង Alain Prost។ ជុំវិញ McLaren ផងដែរ កីឡាករអង់គ្លេស Lando Norris ទទួលបានចំណាត់ថ្នាក់លេខ ២ នៅហុងគ្រីនេះ ខណៈលេខ ៣ កីឡាករម៉ិកស៊ិក Sergio Perez របស់ក្រុម Red Bull ផងដែរ។ ជើងឯកពិភពលោក ៧ សម័យ Lewis Hamilton ដែលចេញដំណើរមុខគេនោះ មិនអាចរក្សាការនាំមុខរបស់ខ្លួនបានតាំងពីផ្លូវបត់ទី ១ នៃជុំដំបូង និងរបូតតំណែងរបស់ខ្លួនជាបន្តបន្ទាប់ធ្លាក់ដល់លេខ៤ នៅទីបញ្ចប់។ ជ័យជំនះភ្លក់ទឹកភ្លក់ដីរបស់ Red Bull នៅពេលនេះធ្វើឱ្យ Max Verstappen កាន់តែដាច់គេក្នុងតារាងពិន្ទុជើងឯមពិភពលោកពិបាករកគូប្រជែងពោលគឺដាច់មិត្តរួមក្រុម Sergio Perez ដែលកំពុងឈរលេខ ២ ដល់ទៅ ១១០ ពិន្ទុ។ ទីលានបន្ទាប់ Formula One ពិភពលោកនឹងបន្តទៅទីលាន Spa-Francorchamps ប្រទេសប៊ែលហ្ស៊ិកចុងសប្តាហ៍នេះ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមអ្នកជំនាញអះអាងថា ទឹកបឹង Constance របស់អាល្លឺម៉ង់ ស្រកដល់កម្រិតទាបជាប្រវត្តិសាស្រ្ត

នីហ្សេរីយ៉ា បំផ្លាញអាវុធខុសច្បាប់ ២.៨១៩ដើម ដែលរឹបអូសបាន អំឡុងពេលបង្ក្រាប

យន្តហោះកងទ័ពជើងទឹកអាមេរិក ចាក់ប្រេងឡើងវិញនៅលើអាកាស ខណៈល្បាតតំបន់មជ្ឈិមបូព៌ា

លោក Zelenskyy៖ រុស្ស៊ីចង់ឱ្យជម្លោះមជ្ឈិមបូព៌ាបន្ត ដើម្បីបន្ថយការគាំទ្ររបស់អាមេរិកចំពោះអ៊ុយក្រែន

អ៊ីរ៉ង់ព្រមានថា អ៊ីស្រាអែលអាចរៀបចំប្រតិបត្តិការ «ទង់ជាតិក្លែងក្លាយ » បន្ទាប់ពីការវាយប្រហារលើកំពង់ផែអេហ្ស៊ីប

អ៊ីរ៉ង់ទាមទារឲ្យអង្គការសមុទ្រអន្តរជាតិថ្កោលទោសចំពោះការវាយប្រហាររបស់អ៊ុយក្រែនលើនាវារបស់ខ្លួន

IRGC៖ នាវាដឹកប្រេង ២គ្រឿងរងការវាយប្រហារ ហើយ ៤គ្រឿងទៀត ត្រូវបកក្រោយ នៅច្រកសមុទ្រ Hormuz

ចិនធ្វើការល្បាត ក្នុងដែនទឹក នៅភាគខាងកើតនៃកោះតៃវ៉ាន់

ក្រុមហ៊ូទីនៅយេម៉ែន បដិសេធការពាក់ព័ន្ធនឹងការវាយប្រហារដោយយានដ្រូនលើកំពង់ផែអេហ្ស៊ីប

រដ្ឋមន្ត្រីការបរទេសអ៊ីរ៉ង់ ស្នើប៊ុលហ្គារី និងប្រទេសកោះស៊ីបកុំអនុញ្ញាតឲ្យអាមេរិកប្រើមូលដ្ឋានរបស់ខ្លួនវាយប្រហារអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ហេង វុទ្ធី ប្ដេជ្ញាការពារមេដាយ ក្នុងព្រឹត្តិការណ៍ World Police and Fire Games នាចុងសប្ដាហ៍នេះ

ប្រតិភូកីឡាហែលទឹកកម្ពុជា ៤រូប ចេញទៅប្រកួត និងមហាសន្និបាតពិភពលោកនៅជប៉ុន

បារាំងធ្វើអ្វីហ្សាម៉ាអ៊ីកមិនបាននៅការប្រកួតបាល់ទាត់នារីជើងឯកពិភពលោក

កីឡាកររុស្ស៊ី Andrey Rublev ឈ្នះ Casper Ruud គ្រងជើងឯក Swedish Open

ខ្សែការពារ Man United, Alex Telles ផ្លាស់ទៅជួបអតីតមិត្តរួមក្រុម Ronaldo នៅ Al-Nassr

Newcastle ទិញបាន Harvey Barnes ពី Leicester តម្លៃ ៣៨លានផោន

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាតពិន្ទុនាំមុខក្នុងតារាងជើងឯកពិភពលោក

សៀង ចន្ធា ចាត់ទុកការផ្ទេរទៅលីគកាតា ជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃខ្លួន

Brian Harman ឈ្នះជើងឯកវាយកូនគោលកម្មវិធីធំ The Open Championship លើកដំបូង

Red Bull បំបែកកំណត់ត្រាឈ្នះការប្រណាំង F1 ១២ប្រកួតជាប់គ្នាក្រោយ Max Verstappen ឈ្នះនៅហុងគ្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ហេង វុទ្ធី ប្ដេជ្ញាការពារមេដាយ ក្នុងព្រឹត្តិការណ៍ World Police and Fire Games នាចុងសប្ដាហ៍នេះ

ប្រតិភូកីឡាហែលទឹកកម្ពុជា ៤រូប ចេញទៅប្រកួត និងមហាសន្និបាតពិភពលោកនៅជប៉ុន

បារាំងធ្វើអ្វីហ្សាម៉ាអ៊ីកមិនបាននៅការប្រកួតបាល់ទាត់នារីជើងឯកពិភពលោក

កីឡាកររុស្ស៊ី Andrey Rublev ឈ្នះ Casper Ruud គ្រងជើងឯក Swedish Open

ខ្សែការពារ Man United, Alex Telles ផ្លាស់ទៅជួបអតីតមិត្តរួមក្រុម Ronaldo នៅ Al-Nassr

Newcastle ទិញបាន Harvey Barnes ពី Leicester តម្លៃ ៣៨លានផោន

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាត​ពិន្ទុ​នាំមុខ​ក្នុងតារាងជើងឯកពិភពលោក

សៀង ចន្ធា ចាត់ទុកការផ្ទេរទៅលីគកាតា ជាកម្លាំងចិត្តដ៏ធំធេង ដើម្បីជំរុញក្ដីស្រម៉ៃខ្លួន

Brian Harman ឈ្នះជើងឯកវាយកូនគោលកម្មវិធីធំ The Open Championship លើកដំបូង

Red Bull បំបែកកំណត់ត្រាឈ្នះការប្រណាំង F1 ១២ប្រកួតជាប់គ្នាក្រោយ Max Verstappen ឈ្នះនៅហុងគ្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Kalle Rovanpera ឈ្នះការប្រណាំង Rally នៅអេស្ទូនៀ ៣ឆ្នាំជាប់គ្នា ពន្លាតពិន្ទុនាំមុខក្នុងតារាងជើងឯកពិភពលោក