BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កម្ពុជា ក៏ដូចជាជម្រើសជាតិអាស៊ីទាំងអស់នឹងដឹងគូប្រកួតរបស់ខ្លួនក្នុងការប្រកួតជម្រុះបាល់ទាត់ពិភពលោក២០២៦ ស្អែកនេះ

(អាស៊ី)៖ ក្រុមបាល់ទាត់ជម្រើសជាតិកម្ពុជា និងក្រុមបាល់ទាត់ជម្រើសជាតិផ្សេងៗទៀតនៅអាស៊ី នឹងដឹងគូប្រកួតរបស់ខ្លួន ក្នុងការប្រកួតជម្រុះបាល់ទាត់ពិភពលោក ២០២៦ អាមេរិក កាណាដា ម៉ិចស៊ិក នៅតំបន់អាស៊ី ជុំទីមួយ និងជុំទីពីរ នៅរសៀលថ្ងៃទី២៧ ខែកក្កដា ឆ្នាំ២០២៣នេះ។យើងតាមសហព័ន្ធកីឡាបាល់ទាត់អាស៊ី បញ្ជាក់ថាការចាប់ឆ្នោតនេះ ធ្វើឡើងនៅម៉ោង ២និង០០នាទីរសៀលនៅទីក្រុងកូឡាឡាំពួរ ប្រទេសម៉ាឡេស៊ី ត្រូវនឹងម៉ោង ០១ និង០០នាទីម៉ោងនៅកម្ពុជា នៅទីស្នាក់ការសហព័ន្ធ។ក្រុមបាល់ទាត់ទាំង៤៨ នៅអាស៊ីនឹងប្រជែងគ្នាដើម្បី ឆ្ពោះទៅការប្រកួតឆ្នាំ២០២៦ ហើយការប្រកួតជុំទី១ និងទី២ ក៏ត្រូវប្រើសម្រាប់ការប្រកួតជម្រុះបាល់ទាត់ពានរង្វាន់ទ្វីបអាស៊ី ២០២៧ អារ៉ាប៊ីសាអូឌីត(AFC Asian Cup Saudi Arabia 2027™) ផងដែរ។យោងនីតិវិធីនៃការប្រកួតជុំទីមួយ ១៨ក្រុមដែលមានចំណាត់ថ្នាក់ក្រោមគេ ត្រូវចាប់ឆ្នោតឱ្យជួបគ្នា លេងក្នុងរូបភាពពីរជើង (ក្នុងដី ក្រៅដី) នៅថ្ងៃទី១២ និង១៧ ខែតុលាខាងមុខ ហើយ៩ក្រុមជម្រើសជាតិដែលឈ្នះឡើងទៅជុំទីពីរបន្តរួមជាមួយ២៧ក្រុមរង់ចាំ សរុប៣៦ក្រុមក្នុងជុំទីពីរ។ ក្នុងជុំទីពីរនេះ ៣៦ក្រុមជម្រើសជាតិ ត្រូវបែងចែកជា៩ពូលបន្តទៀត ដោយក្នុងមួយពូលមាន៤ក្រុម ហើយត្រូវប្រកួតវិលជុំដូរដីក្នុងពូលនីមួយ ចន្លោះខែវិច្ឆិកា ឆ្នាំ២០២៣ និងខែមិថុនា ឆ្នាំ២០២៤។ បន្ទាប់មកក្រុមលេខ១ និងលេខ២ ទាំងអស់ក្នុងពូលទាំង៩ (សរុប១៨ក្រុម) ឡើងទៅជុំទីបី ប្រកួតបាល់ទាត់ពិភពលោក ២០២៦ ជាមួយគ្នាក៏បានឡើងទៅជុំចុងក្រោយការប្រកួតបាល់ទាត់ពានរង្វាន់អាស៊ី ២០២៧នៅអារ៉ាប៊ីសាអូឌីត។សម្រាប់ជុំទីបី នៃការប្រកួតជម្រុះបាល់ទាត់ពិភពលោក ២០២៦ ១៨ក្រុមដែលចម្រាញ់បានពីពីរជុំក្នុងតំបន់អាស៊ីមកនេះ ត្រូវចែកជាបីពូលបន្តទៀត ក្នុងមួយពូលមាន៦ក្រុមជម្រើសជាតិ ដោយត្រូវលេងវិលជុំដូរដី ក្នុងពូលនីមួយៗ ហើយក្រុមលេខ១ និងលេខ២ ក្នុងពូលទាំងបី សរុប៦ក្រុម ឡើងទៅជុំចុងក្រោយនៅអាមេរិក កាណាដា ម៉ិចស៊ិកតែម្តង។ ដោយកូតាអាស៊ីត្រូវមាន៨ក្រុម រឺ៩ក្រុមឡើងទៅជុំចុងក្រោយបាល់ទាត់ពិភពលោក ២០២៦ ជុំទីបួនត្រូវធ្វើឡើងដើម្បីជ្រើសរើសយកពីរក្រុមបន្ថែមទៀត ដោយក្រុមដែលបញ្ចប់នៅចំណាត់ថ្នាក់លេខ៣ និងលេខ៤ ៦ក្រុមក្នុងជុំទីបី ត្រូវចែកចែកជាពីរពូលទៀត មួយពូលមាន៣ក្រុមលេងនៅទឹកដីកណ្តាល ក្រុមលេខ១ ក្នុងពូលទាំងពីរនេះ ឡើងទៅបង្គ្រប់៨ក្រុម កៅអីបាល់ទាត់ពិភពលោកតំបន់អាស៊ី។ ដោយឡែក ក្រុមលេខពីរក្នុងពូលទាំងពីរនេះ ប្រកួតជាមួយគ្នាក្នុងជុំទីប្រាំ ដើម្បីយកមួយក្រុមទៅលេងជម្រុះអន្តរទ្វីប ហើយបើក្រុមអាស៊ីធ្វើបានល្អ អាស៊ីអាចមាន៩ក្រុម។សូមជម្រាបជូនថាបាល់ទាត់ពិភពលោក ២០២៦ ដំណើរការប្រកួតពីខែមិថុនា ដល់ខែកក្កដា ឆ្នាំ២០២៦ ដោយក្រុមតម្លើងដល់៤៨ប្រទេស ក្នុងនោះអាស៊ីមាន៨ រឺ៩ប្រទេស អាហ្វ្រិកមាន៩ រឺ១០ អឺរ៉ុប១៦ អាមេរិកខាងជើង កណ្តាល ការ៉ាអ៊ីប មាន៦ រឺ៨ អាមេរិកខាងត្បូង ៦រឺ៧ និងអូសេអានី ១រឺ២ប្រទេស៕

ក្រុមបាល់ទាត់នារីហ្វីលីពីន បង្កើតប្រវត្តិសាស្រ្តឈ្នះក្រុមនូវែស៊ីឡង់ ក្នុងការបង្ហាញខ្លួនដំបូងនៅ World Cup

ជ័យជំនះរបស់ក្រុមបាល់ទាត់នារីហ្វីលីពីនលើកដំបូងក្នុងការបង្ហាញខ្លួននៅ ព្រឹត្តិការណ៍បាល់ទាត់នារីពិភពលោក បានចាត់ទុកជាប្រវត្តិសាស្រ្តបាល់ទាត់របស់ហ្វីលីពីន នេះបើតាមការលើកឡើងរបស់អ្នកចាត់ការក្រុមលោក Alen Stajcic ក្រោយជ័យជំនះលើក្រុមនារីនូវែស៊ីឡង់ ១-០។គ្រាប់បាល់តែតបញ្ចូលទីរបស់ Sarina Bolden តាំងពីនាទីទី ២៤ គឺជាគ្រាប់បាល់ជ័យជំនះរបស់ហ្វីលីពីនធ្វើឱ្យ ម្ចាស់ផ្ទះនូវែស៊ីឡង់ទទួលរងបរាជ័យគួរឱ្យភ្ញាក់ផ្អើល។ក្រុមនារីហ្វីលីពីនបាននាំគ្នារត់ចូលទីលាន អបអរសាទរជ័យជំនះដំបូងរបស់ខ្លួន ដោយសា្នមញញឹមលាយឡំនឹងទឹកភ្នែក។នូវែស៊ីឡង់ដែលឈ្នះន័រវេសប្រកួតបើកឆាកគួរឱ្យភ្ញាក់ផ្អើលដែរនោះ រំពឹងថាជ័យជំនះប្រកួតទី ២ លើហ្វីលីពីន នឹងធ្វើឱ្យពួកគេធានាកៅអីនៅជុំបន្ត តែផ្ទុយទៅវិញមិនអាចបំបែកប្រកួតការពារ និងបំប៉ោងសំណាញ់ទីរបស់ហ្វីលីពីនបានឡើយ។នៅក្នុងពូល A នេះដែរស្វ៊ីស និងន័រវេសបញ្ចប់ដោយគ្មានក្រុមស៊ុតបញ្ចូលទី មានន័យថាស្វ៊ីសឈរលើគេក្នុងពូល មាន ៤ ពិន្ទុតាមពីក្រោយដោយនូវេស៊ីឡង់ ៣ ពិន្ទុ ហ្វីលីពីន ៣ ពិន្ទុ និងន័រវេស ១ ពិន្ទុ។ងាកមកការប្រកួតនៅក្នុងពូល H ក្រុមនារីកូឡុំប៊ីបានយកឈ្នះក្រុមនារីកូរ៉េដោយលទ្ធផល ២-០ នៅទីក្រុងស៊ីដនីប្រទេសអូស្រ្តាលី។Catalina Usme រកបានគ្រាប់នាំមុខឱ្យក្រុមមកពីអាមេរិកខាងត្បូងដោយបាល់ពិន័យ ១១ ម៉ែត្រ មុនពេលកីឡាការិនីវ័យក្មេង Linda Caicedo វ័យទើបតែ ១៨ ឆ្នាំធានាជ័យជំនះឱ្យកូឡុំប៊ីក្រោយកំហុសរបស់អ្នកចាំទីកូរ៉េ Yoon Young-geul។ក្នុងពូល H នេះ អាល្លឺម៉ង់ និងកូឡុំប៊ីកាន់ ៣ ពិន្ទុដូចគ្នា ខណៈ កូរ៉េ និងម៉ារ៉ុកមាន ០ ពិន្ទុ៕ អត្ថបទ៖នាង សុភាវុធ

Jaylen Brown ព្រមព្រៀងបន្តកិច្ចសន្យាថ្មីថ្លៃបំផុតក្នុងប្រវត្តិសាស្រ្ត NBA ជាមួយ Boston Celtics

កីឡាករបាល់បោះអាមេរិករបស់ Boston Celtics, Jaylen Brown បានព្រមព្រៀងបន្តកិច្ចសន្យាថ្មី ៥ឆ្នាំបន្ថែម ដែលមានតម្លៃថ្លៃបំផុតមិនធ្លាប់មាននៅក្នុងក្របខណ្ឌបាល់បោះអាមេរិក NBA តម្លៃ ៣០៤ លានដុល្លារអាមេរិក នេះបើតាមការបញ្ជាក់របស់ភ្នាក់ងារផ្ទាល់ខ្លួនរបស់កីឡាករនៅថ្ងៃអង្គារម្សិលមិញ។កិច្ចសន្យាដែលមានតម្លៃថ្លៃបំផុតក្នុងប្រវត្តិសាស្រ្ត NBA កន្លងមកគឺ Nikola Jokic របស់ក្លិបបាល់បោះ Denver Nuggets តម្លៃ ២៦៤ លានដុល្លារអាមេរិក។Jaylen Brown បច្ចុប្បន្នវ័យ ២៦ ឆ្នាំជាធ្លាប់កីឡាកររបស់ក្រុម NBA All-Star ពីរលើក ដែលមានស្ថិតិបោះបញ្ចូលកន្ត្រកជាមធ្យម ២៦.៦ ពិន្ទុ ៦.៩ បាល់រីបោន និង ៣.៥ បាល់បញ្ជូនក្នុងមួយប្រកួតកាលពីរដូវកាលមុន។ តែស្ថិតិនេះក៏បានថយចុះវិញនៅក្នុងវគ្គ Play-Off នៅពេល Boston Celtics ចាញ់ Miami Heat នៅវគ្គផ្តាច់ព្រ័ត្រ ភាគខាងកើត ដោយនៅប្រកួតទី ៧ Jaylen Brown បោះបាន ១៩ ពិន្ទុ ក្នុងការបោះសរុប ២៣ លើកសំរេច ៨ លើក និងមានតែមួយលើកប៉ុណ្ណោះជាការបោះ ៣ ពិន្ទុ៕ អត្ថបទ៖នាង សុភាវុធ

Alves Borges ស៊ុត ៣គ្រាប់ម្នាក់ឯងឱ្យជើងឯក ២០០៧ ប្រេស៊ីលឈ្នះប៉ាណាម៉ានៅបាល់ទាត់នារីពិភពលោក

Alves Borges បានក្លាយជាកីឡាការិនីដំបូងដែលរកបាន ៣ គ្រាប់ម្នាក់នៅក្នុងព្រឹត្តិការណ៍បាល់ទាត់នារីជើងឯកពិភពលោកឆ្នាំនេះ ជួយឱ្យក្រុមជើងឯកឆ្នាំ ២០០៧ ប្រេស៊ីលយកឈ្នះប៉ាណាម៉ា ៤-០។ខ្សែប្រយុទ្ធស្លាបដែលកំពុងប្រកបអាជីពនៅលីគបាល់ទាត់អាមេរិក Alves Borges រកបានពីរគ្រាប់ដំបូងរបស់ខ្លួន នៅវគ្គទី ១ និងមួយគ្រាប់ទៀតនៅវគ្គទី ២ ខណៈ Zaneratto Joao រកបានមួយគ្រាប់ផងដែរឱ្យប្រេស៊ីលឈ្នះប៉ាណាម៉ា ៤-០ សុខសប្បាយឡើងឈរលេខ ១ ក្នុងពូល F។ ចំណែកនៅពូល G អ៊ីតាលីក៏រកបាន ៣ ពិន្ទុក្នុងប្រកួតដំបូងរបស់ខ្លួនផងដែរតាមរយៈជ័យជំនះ ១-០ លើអាហ្សង់ទីន។ មួយគ្រាប់ជ័យជំនះរបស់អាហ្សង់ទីនសម្រេចបានដោយខ្សែប្រយុទ្ធ Cristiana Girelli ដែលជាកីឡាការិនីបម្រុងផ្លាស់ប្តូរចូលស៊ុតបញ្ចូលទីបានសំរេចនៅនាទីទី ៨៧ ទៅហើយ។ នៅក្នុងពូល G នេះ ស៊ុយអែត និងអ៊ីតាលីមាន ៣ ពិន្ទុដូចគ្នា ខណៈអាហ្សង់ទីន និងអាហ្វ្រិកខាងត្បូងមានសូន្យពិន្ទុ។ ក្រឡេកក្រុមជើងឯក ២ សម័យអាល្លឺម៉ង់មិនមានឧបសគ្គឡើយសម្រាប់ប្រកួតដំបូងរបស់ខ្លួននៅក្នុងពូល H នេះ ដោយយកឈ្នះម៉ារ៉ុកលទ្ធផលធំធេង ៦-០។ ក្នុងចំណោម ៦ គ្រាប់នោះ មានពីរគ្រាប់ភ្លាត់ចូលទីខ្លួនឯងដោយកីឡាការិនីម៉ារ៉ុក ខណៈខ្សែប្រយុទ្ធអាល្លឺម៉ង់ និងជាប្រធានក្រុម Alexandra Popp រកបានពីរគ្រាប់ម្នាក់ឯង។ ម៉ារ៉ុកជាក្រុមមួយក្នុងចំណោម ៨ ដែលបង្ហាញខ្លួនដំបូងនៅ World Cup ឆ្នាំនេះ៕ អត្ថបទ៖នាង សុភាវុធ

Wilfried Zaha ផ្លាស់ទៅក្លិបទួកគី Galatasaray ក្រោយផុតកិច្ចសន្យាជាមួយ Crystal Palace

ខ្សែប្រយុទ្ធកូឌីវ័រ Wilfried Zaha បានសំរេចចូលរួមជាមួយក្លិបទួកគី Galatasaray បន្ទាប់ពីផុតកិច្ចសន្យាជាមួយ Crystal Palace។កីឡាករវ័យ ៣០ ឆ្នាំរូបនេះបានចុះហត្ថលេខារយៈពេល ៣ ឆ្នាំ ជាមួយនឹងប្រាក់ឈ្នួល ៤.៣៥ លានអឺរ៉ូក្នុងមួយឆ្នាំ នេះបើតាមការបញ្ជាក់ពីក្លិបទួកគី។ Zaha បានចាប់ផ្តើមលេងបាល់ដំបូងជាមួយ Crystal Palace តាំងពីវ័យ ១២ ឆ្នាំ និងបានចំណាយពេលភាគច្រើននៃអាជីពបាល់ទាត់របស់ខ្លួននៅក្លិបអង់គ្លេសមួយនេះ។ សរុបមកទល់បច្ចុប្បន្ននេះ Wilfried Zaha បង្ហាញខ្លួនសរុបបាន ៤៥៨ លើកឱ្យ Crystal Palace ជាកីឡាករទី ៣ ដែលបង្ហាញខ្លួនឱ្យក្លិបច្រើនបំផុត និងស៊ុតបញ្ចូលទីបាន ៩០ គ្រាប់។ Zaha ស៊ុតបញ្ចូលទីបាន ៧ គ្រាប់រដូវកាលមុន មុនពេលរបួសសសៃពួរនៅចុងរដូវកាល។ Wilfried Zaha ត្រូវបានគេដឹងថាមានប្រាក់ឈ្នួលនៅ Crystal Palace ២០ ម៉ឺនផោនក្នុងមួយសប្តាហ៍រដូវកាលមុន ជាកីឡាករដែលមានប្រាក់ឈ្នួលច្រើនបំផុតក្នុងប្រវត្តិសាស្រ្តក្លិប៕ អត្ថបទ៖នាង សុភាវុធ

Marcel Sabitzer ចាកចេញពី Bayern Munich ទៅ Dortmund ក្នុងតម្លៃផ្ទេរ ១៩ លានអឺរ៉ូ

ខ្សែបម្រើអូទ្រីស Marcel Sabitzer បានសម្រេចផ្លាស់ទៅ Borussia Dortmund ហើយក្នុងតម្លៃផ្ទេរ ១៩ លានអឺរ៉ូពី Bayern Munich។ កីឡាករវ័យ ២៩ ឆ្នាំរូបនេះបានចុះហត្ថលេខាលើកិច្ចសន្យា ៤ឆ្នាំ។ Marcel Sabitzer ដែលបង្ហាញខ្លួនឱ្យក្រុមជម្រើសជាតិអូទ្រីស ៧១ លើកបានផ្លាស់មក Bayern Munich ពី Leipzig នៅឆ្នាំ ២០២១ មុនពេលចាកចេញទៅ Manchester United កាលពីខែកុម្ភៈក្នុងកិច្ចសន្យាខ្ចី។ Sabitzer ស៊ុតបញ្ចូលទីបាន ២ គ្រាប់ និងបោះបញ្ជូន ២ ក្នុងការបង្ហាញខ្លួន ៥៤ លើកជាមួយ Bayern Munich និងស៊ុតបញ្ចូលទីបាន ៣គ្រាប់ បោះបញ្ជូនមួយក្នុងការបង្ហាញខ្លួន ១៨ ប្រកួតនៅ Manchester United។Bayern Munich គឺជាម្ចាស់ពាន Bundesliga ១១ រដូវកាលជាប់គ្នាតាមរយៈជ័យជំនះនៅប្រកួតចុងក្រោយ ឆក់យកជើងឯកពី Dortmund ដែលមិនអាចឈ្នះប្រកួតចុងក្រោយបាន ដែលធ្វើឱ្យ Dortmund បន្តរង់ចាំឈ្នះពាន Bundesliga លើកដំបូងក្រោយខកខាន ១១ ឆ្នាំ៕ អត្ថបទ៖នាង សុភាវុធ

Al-Hilal ដាក់សំណើផ្លូវការទិញ Mbappe ពី PSG តម្លៃបំបែកកំណត់ត្រា ២៥៩ លានផោន

ក្លិបបាល់ទាត់អារ៉ាប៊ីសាអ៊ូឌីត Al-Hilal បានដាក់សំណើផ្លូវការទៅកាន់ក្លិបបារាំង Paris Saint Germain តម្លៃបំបែកកំណត់ត្រាពិភពលោក ២៥៩ លានផោនដើម្បីនាំយកខ្សែប្រយុទ្ធបារាំង Kylian Mbappe។ប្រធានក្រុមជម្រើសជាតិបារាំងវ័យ ២៤ ឆ្នាំរូបនេះ ដែលនៅសល់កិច្ចសន្យាមួយឆ្នាំជាមួយ PSG បានបដិសេធ មិនបន្តកិច្ចសន្យា ហើយ PSG ក៏មិនដាក់ឈ្មោះ Mbappe មកប្រកួតមិត្តភាព Pre-Season នៅជប៉ុនដែរ។ PSG មានគម្រោងលក់ Mbappe ឱ្យបានក្នុងរដូវក្តៅនេះ ប្រសើរជាឱ្យអតីតខ្សែប្រយុទ្ធ Monaco រូបនេះចាកចេញ ដោយគ្មានបានអ្វីសោះនៅដំណាច់រដូវកាលក្រោយ។ការផ្លាស់របស់ Neymar ២០០ លានផោនពី Barcelona មកកាន់ PSG កាលពីឆ្នាំ ២០១៧ គឺជាកំណត់ត្រា តម្លៃផ្ទេរខ្ពស់បំផុតមកដល់ពេលនេះ។ Al-Hilal នៅពេលនេះទទួលបានភ្លើងខៀវក្នុងការចរចាជាមួយសាមីកីឡាករផ្ទាល់។រឿងរ៉ាងទំនាក់ទំនងរវាង PSG និង Mbappe នៅពេលនេះកំពុងបែកបាក់ជុំវិញរឿងមិនបន្តកិច្ចសន្យានេះ និងឈានដល់មានការប្តឹងពីសមាគមកីឡាករបាល់ទាត់បារាំងទៅកាន់ PSG ដែលពួកគេចោទប្រកាន់ថាក្លិបបារាំងមួយនេះ គាបសង្កត់កិច្ចសន្យាកីឡាករ។ PSG កន្លងមកធ្លាប់បាននិយាយថា បើសិន Mbappe សម្រេចចិត្តនៅជាមួយក្លិបបន្តគឺត្រូវតែបន្តកិច្ចសន្យា ដោយមិនអាចលេងបំពេញកិច្ចសន្យាដែលនៅសល់ ហើយដើរចេញនោះទេ។ មិនមែនជារឿងថ្មីឡើយដែល Kylian Mbappe ចង់ចាកចេញពី PSG ពោលគឺកាលពីខែឧសភាឆ្នាំមុនមានដំណឹងចរចាជាមួយ Real Madrid មុនការចរចាកិច្ចសន្យាថ្មីជោគជ័យជាមួយ PSG ក្នុងខែឧសភានោះ៕ អត្ថបទ៖នាង សុភាវុធ

Sadio Mane ពិចារណាសំណើចូលរួមជាមួយ CR7 នៅ Al-Nassr

ខ្សែប្រយុទ្ធសេណេហ្កាល់ Sadio Mane កំពុងពិចារណាសំណើដើម្បីចូលរួមជាមួយ Cristiano Ronaldo នៅក្លិប អារ៉ាប៊ីសាអ៊ូឌីត Al-Nassr។ កីឡាករវ័យ ៣១ ឆ្នាំរូបនេះមិនមែនជាជម្រើសដំបូងឡើយជាមួយក្រុមជើងឯកអាល្លឺម៉ង់ Bayern Munich ក្នុងរដូវកាលដំបូងដែលផ្លាស់ពី Liverpool ក្នុងតម្លៃផ្ទេរ ៣៥ លានផោន។ Mane ត្រូវបានគេរំពឹងថាមានភាគរយច្រើនចាកចេញពី Bayern Munich ក្រោយអ្នកចាត់ការ Thomas Tuchel ធ្លាប់និយាយថា មិនទទួលបានតាមការរំពឹងទុកលើ Mane។ ប្រសិនជា Mane យល់ព្រមសំណើរបស់ Al-Nassr មែននោះ គេនឹងចូលរួមជាមួយអតីតខ្សែប្រយុទ្ធ Liverpool, Cristiano Ronaldo, Alex Telles និងកីឡាករក្រូអាស៊ី Marcelo Brozovic។ បន្ទាប់ពីអាជីពដ៏ជោគជ័យជាមួយ Liverpool រួមមានការឈ្នះបាន Premier League និង Champions League, Mane បានសំរេចចិត្តចាកចេញពី Anfield ដោយចង់មានការប្រកួតប្រជែងថ្មី។តែអ្វីៗមិនដូចការរំទុក ពេលវេលារបស់គេនៅ Bayern Munich ប្រែជាល្អក់កករក្រោយអំពើហឹង្សាវាយមិត្តរួមក្រុមខ្លួនឯង Leroy Sane ក្នុងបន្ទប់ផ្លាស់សម្លៀកបំពាក់នៅពេល Bayern Munich ចាញ់ Manchester City កាលពីខែមេសា។ Sadio Mane បង្ហាញខ្លួនបាន ៣៨ ប្រកួតឱ្យ Bayern Munich រដូវកាលមុនរកបាន ១២ គ្រាប់៕ អត្ថបទ៖នាង សុភាវុធ

អតីតខ្សែប្រយុទ្ធអង់គ្លេស តម្លៃ ១លានផោនដំបូង Trevor Francis ទទួលមរណភាពក្នុងវ័យ ៦៩ឆ្នាំ

អតីតខ្សែប្រយុទ្ធអង់គ្លេស Trevor Francis ដែលមានតម្លៃផ្ទេរ ១ លានផោនដំបូងគេបង្អស់ បានទទួលមរណភាព ហើយនៅក្នុងវ័យ ៦៩ឆ្នាំ ដោយសារគាំងបេះដូង នេះបើតាមការបញ្ជាក់ពីក្រុមគ្រួសាររបស់លោក។ លោក Francis បានចាប់ផ្តើមអាជីពបាល់ទាត់ដំបូងរបស់ខ្លួននៅ Birmingham City នៅឆ្នាំ ១៩៧០ មុនពេល បន្តអាជីពនៅក្លិបមួយចំនួនទៀតដូចជា Nottingham Forest, Manchester City និង Sheffield Wednesday ជាដើម។ ឈ្មោះរបស់លោក Trevor Francis ត្រូវបានចុះនៅលើទំព័រព្រោងព្រៀងនៅពេលផ្លាស់ Nottingham Forest ទិញពី Birmingham City នៅឆ្នាំ ១៩៧៩ ក្នុងតម្លៃផ្ទេរ ១ លានផោន និងបានស៊ុតបញ្ចូលទីគ្រាប់ជ័យជំនះតែម្តងនៅវគ្គផ្តាច់ព្រ័ត្រឱ្យ Nottingham Forest លើកពាន European Cup (UEFA Champions League បច្ចុប្បន្ន)។ លោក Trevor Francis ធ្លាប់ឈ្នះពាន European Cup ជាមួយ Nottingham Forest ២ ឆ្នាំជាប់គ្នា ១៩៧៩ និង ១៩៨០ ក៏ដូចជាឈ្នះពាន Coppa Italia ជាមួយ Sampdoria ផងដែរនៅឆ្នាំ១៩៨៥។ Francis ធ្លាប់បង្ហាញខ្លួនឱ្យក្រុមជម្រើសជាតិអង់គ្លេស ៥២ លើករកបាន ១២ គ្រាប់ពីឆ្នាំ ១៩៧៧ ដល់ឆ្នាំ ១៩៨៦។ ក្រោយពីចូលនិវត្តន៍ពីអាជីពកីឡាករ Trevor Francis ធ្លាប់ដឹកនាំ Queens Park Rangers, Sheffield Wednesday, Birmingham និង Crystal Palace៕ អត្ថបទ៖នាង សុភាវុធ

កីឡាការិនីអាល្លឺម៉ង់ Liane Lippert ឈ្នះដំណាក់កាលទី ២ Tour de France នារី

កីឡាការិនីប្រណាំងកង់អាល្លឺម៉ង់ Liane Lippert បានប្រជែងឈ្នះដំណាក់កាលទី ២ នៃព្រឹត្តិការណ៍ប្រណាំងកង់ផ្នែកនារី Tour de France តែកីឡាការិនីប៊ែលហ្ស៊ិក Lotte Kopecky បន្តនាំមុខរួម។ ដំណាក់កាលទី ២ ដែលមានចំងាយផ្លូវ ១៤៨ គីឡូម៉ែត្រ កីឡាការិនីរបស់ក្រុម Movistar, Liane Lippert បាន មកដល់ទីព្រ័ត្រមុនគេប្រើពេល ៤ ម៉ោង ១៣ នាទី ៤៣ វិនាទី តាមពីក្រោយដោយ Lotte Kepecky និងកីឡាការិនីអ៊ីតាលី Silvia Perisco ដោយស្ថិតក្នុងថេរវេលាដូចគ្នា។ តាមរយៈការបញ្ចប់ទីព្រ័ត្រក្នុងថេរវេលាដូចគ្នានេះ កីឡាការិនីប៊ែលហ្ស៊ិក Lotte Kopecky របស់ក្រុម SD Worx បន្តនាំមុខគេក្នុងតារាងរួមមានវេលាចំណេញ ៤៩ វិនាទីពីលើ Liane Lippert ខណៈលេខ ៣ គឺកីឡាការិនីអាហ្វ្រិកខាងត្បូង Ashleigh Moolman យឺតជាង ៥៩ វិនាទី។ សម្រាប់ដំណាក់កាលទី ៣ ថ្ងៃអង្គារនេះមានចំងាយផ្លូវ ១៤៧ គីឡូម៉ែត្រ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រសួងការងារ នាំយកឱកាសការងារ ៣ ៨០០កន្លែង ដល់អតីតពលករ និងយុវជនស្វែងរកការងារធ្វើ នៅស្រុកពារាំង ខេត្តព្រៃវែង

ឯកឧត្តមបណ្ឌិត អ៊ាង សុផល្លែត អញ្ជើញប្រគេនទៀនវស្សា និងទេយ្យទានផ្សេងៗរបស់សម្តេចធិបតី និងលោកជំទាវដល់ព្រះសង្ឃនៅតាមបណ្តាវត្តក្នុងខេត្តត្បូងឃ្មុំ

កូរ៉េខាងជើង៖ ការពង្រីកកងកម្លាំងអាមេរិក នៅជប៉ុន បង្កើនហានិភ័យនៃការប៉ះទង្គិច នៅឧបទ្វីបកូរ៉េ

តំណាងអយ្យការចោទប្រកាន់ រតនៈ ពិសាល ពីបទហិង្សាដោយចេតនាមានស្ថានទម្ងន់ទោស ក្រោយបង្កហិង្សា និងអះអាងថា ខ្លួនជាកូនខ្លាមេ០៧

ជប៉ុនបាញ់សាកល្បងមីស៊ីល Tomahawk ជាលើកដំបូង ចេញពីនាវាចម្បាំង

សារព័ត៌មាន៖ សម្ព័ន្ធមិត្តមិនទាន់ត្រៀមផ្តល់ជំនួយយោធាដោយផ្ទាល់ដល់អាមេរិកក្នុងជម្លោះជាមួយអ៊ីរ៉ង់ទេ

ការសិក្សា៖ ក្មេងជំទង់អូស្ត្រាលីភាគច្រើន នៅតែប្រើប្រាស់បណ្ដាញសង្គម ៣ខែក្រោយមានបម្រាម

អាមេរិក និងចិន លេចឡើងនូវភាពតានតឹង ជុំវិញបញ្ហានានា មុនដំណើរទស្សនកិច្ចរបស់លោក Xi នៅខែកញ្ញា

លោក Trump ចុះហត្ថលេខាលើក្រឹត្យ ស្តីពីការរឹតបន្តឹងការនាំចេញ ដើម្បីរក្សារ៉ែសំខាន់ៗ

អ្នករាយការណ៍ពិសេស UN ៖ ជនភៀសសឹកកម្ពុជាគួរត្រូវបានត្រឡប់ទៅភូមិឋានវិញដោយគ្មានការរារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមបាល់ទាត់នារីហ្វីលីពីន បង្កើតប្រវត្តិសាស្រ្តឈ្នះក្រុមនូវែស៊ីឡង់ ក្នុងការបង្ហាញខ្លួនដំបូងនៅ World Cup

Jaylen Brown ព្រមព្រៀងបន្តកិច្ចសន្យាថ្មីថ្លៃបំផុតក្នុងប្រវត្តិសាស្រ្ត NBA ជាមួយ Boston Celtics

Alves Borges ស៊ុត ៣គ្រាប់ម្នាក់ឯងឱ្យជើងឯក ២០០៧ ប្រេស៊ីលឈ្នះប៉ាណាម៉ានៅបាល់ទាត់នារីពិភពលោក

Wilfried Zaha ផ្លាស់ទៅក្លិបទួកគី Galatasaray ក្រោយផុតកិច្ចសន្យាជាមួយ Crystal Palace

Marcel Sabitzer ចាកចេញពី Bayern Munich ទៅ Dortmund ក្នុងតម្លៃផ្ទេរ ១៩ លានអឺរ៉ូ

Al-Hilal ដាក់សំណើផ្លូវការទិញ Mbappe ពី PSG តម្លៃបំបែកកំណត់ត្រា ២៥៩ លានផោន

Sadio Mane ពិចារណាសំណើចូលរួមជាមួយ CR7 នៅ Al-Nassr

អតីតខ្សែប្រយុទ្ធអង់គ្លេស តម្លៃ ១លានផោនដំបូង Trevor Francis ទទួលមរណភាពក្នុងវ័យ ៦៩ឆ្នាំ

កីឡាការិនីអាល្លឺម៉ង់ Liane Lippert ឈ្នះដំណាក់កាលទី ២ Tour de France នារី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុមបាល់ទាត់នារីហ្វីលីពីន បង្កើតប្រវត្តិសាស្រ្តឈ្នះក្រុមនូវែស៊ីឡង់ ក្នុងការបង្ហាញខ្លួនដំបូងនៅ World Cup

Jaylen Brown ព្រមព្រៀងបន្តកិច្ចសន្យាថ្មីថ្លៃបំផុតក្នុងប្រវត្តិសាស្រ្ត NBA ជាមួយ Boston Celtics

Alves Borges ស៊ុត ៣​គ្រាប់ម្នាក់ឯងឱ្យជើងឯក ២០០៧ ប្រេស៊ីល​ឈ្នះប៉ាណាម៉ា​នៅបាល់ទាត់នារីពិភពលោក

Wilfried Zaha ផ្លាស់ទៅក្លិបទួកគី Galatasaray ក្រោយផុតកិច្ចសន្យាជាមួយ Crystal Palace

Marcel Sabitzer ចាកចេញពី Bayern Munich ទៅ Dortmund ក្នុងតម្លៃផ្ទេរ ១៩ លានអឺរ៉ូ

Al-Hilal ដាក់សំណើផ្លូវការទិញ Mbappe ពី PSG តម្លៃបំបែកកំណត់ត្រា ២៥៩ លានផោន

Sadio Mane ពិចារណាសំណើចូលរួមជាមួយ CR7 នៅ Al-Nassr

អតីតខ្សែប្រយុទ្ធអង់គ្លេស តម្លៃ ១លានផោនដំបូង Trevor Francis ទទួលមរណភាពក្នុងវ័យ ៦៩ឆ្នាំ

កីឡាការិនីអាល្លឺម៉ង់ Liane Lippert ឈ្នះដំណាក់កាលទី ២ Tour de France នារី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Alves Borges ស៊ុត ៣គ្រាប់ម្នាក់ឯងឱ្យជើងឯក ២០០៧ ប្រេស៊ីលឈ្នះប៉ាណាម៉ានៅបាល់ទាត់នារីពិភពលោក