BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Ronaldo ថាលីគអារ៉ាប៊ីសាអ៊ូឌីតមានគុណភាពល្អជាងលីគអាមេរិក

ខ្សែប្រយុទ្ធក្លិបបាល់ទាត់ Al-Nassr, Cristiano Ronaldo បានបញ្ជាក់ថា លីគបាល់ទាត់ដែលគេកំពុងប្រកបអាជីព គឺលីគបាល់ទាត់អារ៉ាប៊ីសាអ៊ូឌីត Saudi Pro League មានគុណភាពល្អជាងលីគបាល់ទាត់អាមេរិក Major League Soccer។ ការលើកឡើងបែបនេះ គឺមួយថ្ងៃប៉ុណ្ណោះបន្ទាប់ពី Lionel Messi ផ្លាស់ទៅលេងនៅ Inter Miami ផ្លូវការ។ Messi កន្លងមក បានទទួលសំណើដែលមានតម្លៃដ៏សម្បើមមួយផ្ទេរមកកាន់អារ៉ាប៊ីសាអ៊ូឌីត តែម្ចាស់ជយលាភី World Cup ២០២២ រូបនេះបែជាសំរេចចិត្តផ្លាស់ទៅលេងលីគអាមេរិកជំនួសវិញ។ Ronaldo បាននិយាយថា ត្រឹមរយៈពេលមួយឆ្នាំកីឡាករល្បីៗមកពីអឺរ៉ុបជាច្រើនបានផ្លាស់មកកាន់ទីនេះ ហើយឆ្នាំបន្តបន្ទាប់ទៀត អ្នកទាំងអស់គ្នានឹងឃើញមានកីឡាករពីអឺរ៉ុបផ្លាស់មកមជ្ឈឹមបូព៌ាកាន់តែច្រើន។ អតីតខ្សែប្រយុទ្ធ Real Madrid រូបនេះបន្ថែមទៀតថា គេនឹងមិនវិលទៅអឺរ៉ុបវិញឡើយ ជាក់ស្តែងលីគបាល់ទាត់នៅអឺរ៉ុបកំពុងធ្លាក់ចុះ លើកលែងតែ Premier League មួយដែលតែងតែឈានមុខគេជានិច្ច។Cristiano Ronaldo បានចុះហត្ថលេខា ២ ឆ្នាំលេងឱ្យ Al-Nassr ក្រោយចាកចេញពី Manchester United ពេញដោយរឿងចម្រូងចម្រាស។ បន្ទាប់ពីការមកដល់របស់ Ronaldo គេសង្កេតឃើញមានការផ្ទេរជាច្រើនទៀតពីអឺរ៉ុបមកកាន់អារ៉ាប៊ីសាអ៊ូឌីតដូចជា Karim Benzema, N’Golo Kante, Kalidou Koulibaly, Edouard Mendy និង Roberto Firmino ជាដើម៕ អត្ថបទ៖នាង សុភាវុធ

Marcus Rashford បន្តកិច្ចសន្យាថ្មីនៅជាមួយ Manchester United ដល់ឆ្នាំ ២០២៨

ខ្សែប្រយុទ្ធអង់គ្លេស Marcus Rashford បានចុះហត្ថលេខាបន្តកិច្ចសន្យានៅជាមួយក្រុមបិសាចក្រហម Manchester United ដល់ឆ្នាំ ២០២៨ អមជាមួយការតម្លើងប្រាក់ឈ្នួលដល់ ៣២៥០០០ ផោនក្នុងមួយសប្តាហ៍។ កីឡាករវ័យ ២៥ ឆ្នាំរូបនេះ បានបើកការចរចាជាមួយក្លិបមួយរយៈចុងក្រោយនេះ ខណៈដែលកិច្ចសន្យាចាស់របស់គេនឹងអស់សុពលភាពនៅដំណាច់រដូវកាលថ្មីខាងមុខ។ Marcus Rashford មានរដូវកាលដ៏ល្អក្រោមការដឹកនាំរបស់អ្នកចាត់ការហូឡង់ Erik ten Hag រដូវកាលមុន ដែលគេឃើញកីឡាករវ័យ ២៥ ឆ្នាំរូបនេះស៊ុតបញ្ចូលទីបាន ៣០ គ្រាប់ក្នុងបង្ហាញខ្លួន ៥៦ ប្រកួត។ តាំងពីបង្ហាញខ្លួនឱ្យ Manchester United ដំបូងនៅឆ្នាំ ២០១៦ ទល់នឹង Midtjylland, Rashford ស៊ុតបញ្ចូលទីបាន ១២៣ គ្រាប់ហើយក្នុងចំណោម ៣៥៩ ប្រកួត។ ទំរង់លេងរបស់ Rashford បានឡើងខ្លាំងក្រោយពីបញ្ចប់ World Cup ពោលគឺបានស៊ុតបញ្ចូលទី១០ គ្រាប់ និងស៊ុតបញ្ចូលទីរៀងរាល់ការប្រកួតដែលចូលលេង ដែលរួមមានជួយ Manchester United លើកពាន Carabao Cup និងឈរក្នុងតំណែងលេខ ៤ នៅ Premier League មានមុខនៅ UEFA Champions League រដូវកាលក្រោយ៕ អត្ថបទ៖នាង សុភាវុធ

Jonny Evans ត្រលប់មក Manchester United វិញក្នុងកិច្ចសន្យារយៈពេលខ្លី

ខ្សែការពារអៀកឡង់ខាងជើងឯក Jonny Evans បានត្រលប់មកក្លិបបិសាចក្រហម Manchester United វិញ ជាមួយនឹងការចុះហត្ថលេខាលើកិច្ចសន្យាខ្លីមួយ។ កីឡាករវ័យ ៣៥ ឆ្នាំដែលចាកចេញពី Leicester City ក្រោយចប់រដូវកាលមុននោះ ទទួលបានកិច្ចសន្យាខ្លីនេះ បន្ទាប់ពីទទួលបានការចាប់អារម្មណ៍ពីអ្នកចាត់ការ Erik ten Hag អំឡុងការហ្វឹកហាត់។ កិច្ចសន្យាខ្លីនេះនឹងអាចឱ្យ Jonny Evans ចូលលេង Pre-Season ពេល Manchester United ជួប Lyon នៅទឹកដីស្កុតឡេន និង Wrexham នៅទឹកដីអាមេរិក។ Jonny Evans ធ្លាប់បង្ហាញខ្លួន ១៩៨ លើកឱ្យ Manchester United មុនពេលចាកចេញនៅឆ្នាំ ២០១៥ និងធ្លាប់ឈ្នះជើងឯក English Premier League ៣ លើក និង UEFA Champions League ផងដែរ៕ អត្ថបទ៖នាង សុភាវុធ

Brighton បដិសេធសំណើ ៧០ លានផោនពី Chelsea ចង់បាន Moises Caicedo

ក្លិបបាល់ទាត់ Brighton បានបដិសេធសំណើលើកទី ២ របស់ Chelsea ដែលមានតម្លៃ ៧០ លានផោនក្នុងការ ចង់បានខ្សែបម្រើ Moises Caicedo ទៅកាន់ Stamford Bridge។ខ្សែបម្រើក្រុមជម្រើសជាតអេក្វាដ័ររូបនេះ ធ្លាប់ស្នើសុំចាកចេញពីក្លិបកាលពីខែមករា នៅពេលទទួលបានសំណើទិញពីកាំភ្លើងធំ Arsenal តែក្រោយមកក៏បន្តកិច្ចសន្យាថ្មីជាមួយ Brighton ដល់ឆ្នាំ ២០២៧។យ៉ាងណាក្តី កីឡាករវ័យ ២១ ឆ្នាំរូបនេះនៅតែស្ថិតក្នុងចំណាប់អារម្មណ៍ពីក្លិបធំៗនៅ Premier League ខណៈ Chelsea កំពុងឈានមុខគេនៅពេលនេះ។រំលឹកថា Moises Caicedo បានផ្លាស់ពីក្លិបអេក្វាដ័រ Independiente del Valle ក្នុងតម្លៃត្រឹម ៤.៥ លានផោនប៉ុណ្ណោះកាលពីខែកុម្ភៈឆ្នាំ ២០២១ តែក៏ត្រូវបានបញ្ចេញឱ្យក្លិបនៅប៊ែលហ្ស៊ិកខ្ចី។ Caicedo ត្រូវបានកោះហៅត្រលប់មកវិញនៅខែមករាឆ្នាំ ២០២២ និងបានបង្ហាញខ្លួនឱ្យ Brighton តាំងពីពេលនោះមកបង្ហាញខ្លួនបាន ៥៣ លើករកបានពីរគ្រាប់៕ អត្ថបទ៖នាង សុភាវុធ

Bayern Munich ប្រកួតមិត្តភាព Pre-Season ឈ្នះក្រុមក្នុងស្រុក Rottach-Egern ២៧-០

ប្រសិនការប្រកួតរបស់ Bayern Munich ខ្លាំងបែបនេះប្រហែលក្រុមជើងឯកអាល្លឺម៉ង់មួយនេះ មិនត្រូវការខ្សែប្រយុទ្ធអង់គ្លេស Harry Kane ឡើយ បន្ទាប់ពីយកឈ្នះក្រុមក្នុងស្រុក Rottach-Egern ដល់ទៅ ២៧-០ ក្នុងជំនួបមិត្តភាព Pre-Season។ ក្នុងចំណោម ២៧ គ្រាប់នេះ មានកីឡាករដល់ទៅ ១៣ នាក់ស្ថិតក្នុងបញ្ជីអ្នកស៊ុតចូល ខណៈដែលកីឡាករ ៣ នាក់ស៊ុតបាន ៥ គ្រាប់ម្នាក់ឯងរួមមាន Jamal Musiala, Mathys Tel និង Marcel Sabitzer។ ត្រឹមវគ្គទី ១ ប៉ុណ្ណោះ Bayern Munich នាំមុខ ១៨-០ មុនបន្ថែម ៩ គ្រាប់ទៀតនៅវគ្គទី ២។ អ្នកស៊ុតបញ្ចូលទីផ្សេងទៀតរួមមាន Serge Gnabry ៣ គ្រាប់ម្នាក់ឯង ក្រៅពីនោះមាន Alphonso Davies, Konrad Laimer, Noussair Mazraoui, Dayot Upamecano, Leroy Sane, Raphael Guerreiro, Ryan Gravenbach, Kingsley Coman និង Sadio Mane រកបានម្នាក់មួយគ្រាប់។ Bayern Munich ដែលកំពុងមានទំនាក់ទំនងទិញ Harry Kane ពី Spurs នោះ ក៏ធ្លាប់ឈ្នះក្រុមដដែលនេះ ២៣-០ ដែលកាលពីឆ្នាំ ២០១៩៕ អត្ថបទ៖នាង សុភាវុធ

Bayern Munich ទិញបានខ្សែការពារកូរ៉េ Kim Min-jae ផ្លូវការពី Napoli

ក្លិបបាល់ទាត់ជើងឯកអាល្លឺម៉ង់ច្រើនជាងគេ Bayern Munich បានសម្រេចផ្លូវការ ក្នុងការនាំយកខ្សែការពារកូរ៉េ Kim Min-jae ពីក្លិបជើងឯកអ៊ីតាលី Napoli ជាមួយនឹងកិច្ចសន្យា ៥ឆ្នាំ។កីឡាករវ័យ ២៦ ឆ្នាំរូបនេះ គឺជាកំលាំងស្នូលដ៏សំខាន់នៃការបញ្ចប់ការទន្ទឹងរង់ចាំ ៣៣ ឆ្នាំរបស់ Napoli ក្នុងការឈ្នះជើងឯកអ៊ីតាលី Serie A រដូវកាលមុន។ Kim ត្រូវបានជ្រើសរើសជាខ្សែការពារឆ្នើមបំផុតប្រចាំរដូវកាលមុន តាមរយៈការបង្ហាញខ្លួន ៣៥ លើកក្នុងលីគ នៃរដូវកាលដំបូងរបស់ខ្លួនជាមួយ Napoli។ក្រុមរបស់លោក Thomas Tuchel បានគ្រងជើងឯក Bundesliga រដូវកាលមុន តាមរយៈគ្រាប់បាល់ចំណេញប៉ុណ្ណោះ ខណៈដែលអតីតអ្នកចាត់ការ Chelsea រូបនេះ កំពុងព្យាយាមនាំយកខ្សែប្រយុទ្ធអង់គ្លេស Harry Kane មកបំពេញចន្លោះខ្វះខាតនៅតំបន់ប្រយុទ្ធ ចាប់តាំងពីការចាកចេញរបស់ Robert Lewandowski។ រំលឹកថា Kim បានចាប់ផ្តើមអាជីពបាល់ទាត់របស់ខ្លួនលេងនៅក្លិបមួយនៅក្របខណ្ឌទី ៣ របស់កូរ៉េ មុនពេលឈានឡើងមកលេងនៅលីគកំពូលកូរ៉េ និងបន្តដំណើរទៅលីគចិន និងអឺរ៉ុប៕ អត្ថបទ៖នាង សុភាវុធ

Jonas Vingegaard ឈ្នះដំណាក់កាលទី ១៦ កាន់តែកៀកគ្រងជើងឯក Tour de France

អ្នកការពារតំណែងជើងឯក កីឡាករប្រណាំងកង់ដាណឺម៉ាក Jonas Vingegaard បានប្រជែងឈ្នះដំណាក់កាលទី ១៦ នៃព្រឹត្តិការណ៍ប្រណាំងកង់ Tour de France និងកាន់តែកៀកក្នុងការគ្រងជើងឯកឆ្នាំនេះ។ ដំណាក់កាលទី ១៦ ដែលមានចំងាយផ្លូវ ២២.៤ គីឡូម៉ែត្រ ដែលជាដំណាក់កាលប្រណាំងយកថេរវេលាផ្ទាល់ខ្លួន និងជាដំណាក់កាលដ៏សំខាន់មួយនោះ កីឡាកររបស់ក្រុម Jumbo-Visma, Jonas Vingegaard បានប្រើពេលត្រឹម ៣២ នាទី ៣៦ វិនាទីប៉ុណ្ណោះ ពោលគឺល្អជាងអ្នកលេខ ២ កីឡាករស្លូវេនី Tadej Pogacar ១ នាទី ៣៨ វិនាទី និងលេខ ៣ កីឡាករប៊ែលហ្ស៊ិក Wout van Aert យឺតជាង ២ នាទី ៥១ វិនាទី។ ជាអ្នកនាំមុខស្រាប់លើ Tadej Pogacar មុនចាប់ផ្តើមដំណាក់កាលទី ១៦ នេះ Jonas Vingegaard បានពន្លាតការនាំមុខរបស់ខ្លួនបន្ថែមទៀតក្នុងតារាងរួមឡើងដល់ ១ នាទី ៤៨ វិនាទីពីលើកីឡាករស្លូវេនី ខណៈលេខ ៣ ផ្លាស់មកជា កីឡាករអង់គ្លេស Adam Yates។ សម្រាប់ដំណាក់កាលទី ១៧ ថ្ងៃពុធនេះមានចំងាយផ្លូវ ១៦៦ គីឡូម៉ែត្រ ខណៈ Tour de France នឹងបញ្ចប់ផ្លូវការនៅដំណាក់កាលចុងក្រោយទី ២១ ថ្ងៃអាទិត្យទី ២៣ ចុងសប្តាហ៍នេះ៕ អត្ថបទ៖ នាង សុភាវុធ

CPL ជំរុញការផ្សព្វផ្សាយពីច្បាប់ប្រកួតដល់គ្រប់ភាគីពាក់ព័ន្ធ មុនលីគរដូវកាលថ្មីចាប់ផ្ដើម

ក្រុមហ៊ុនខេមបូឌាព្រីមៀរលីគ បានរៀបចំនូវសិក្ខាសាលាជាបន្ដបន្ទាប់ ដើម្បីជំរុញការផ្សព្វផ្សាយពីច្បាប់ប្រកួត ដល់បណ្ដាក្លិបសមាជិក និងដៃគូផ្សព្វផ្សាយនានា មុនលីគកំពូលកម្ពុជា ឆ្នាំ២០២៣/២៤ បើករដូវកាលថ្មីនាពេលឆាប់ៗខាងមុខ ។ជាក់ស្ដែងកាលពីល្ងាចថ្ងៃទី១៨ ខែកក្កដា ឆ្នាំ២០២៣ ក្រុមហ៊ុនខេមបូឌាព្រីមៀរលីគ បានបន្ដរៀបចំសិក្ខាសាលាថ្មីមួយទៀត ស្ដីពីវគ្គទីផ្សារ និងការងាររបស់ក្រុមផ្សាយផ្ទាល់ ក្រោមការធ្វើបទបង្ហាញរបស់លោក ថោង ច័ន្ទកិត្យា ជាគ្រូឧទ្ទេស ដែលបានបង្ហាញមួយចំនួន ពាក់ព័ន្ធនឹងច្បាប់ នៃការប្រកួត ។សិក្ខាសាលានេះ ត្រូវបានចាត់ទុកជាផ្នែកមួយដ៏សំខាន់ ពិសេសដៃគូផ្សាយផ្ទាល់ ដែលត្រូវយល់ផងដែរ ពីច្បាប់ប្រកួត ក៏ដូចជាពាក្យពេចន៍បច្ចេកទេសមួយចំនួន សម្រាប់ធ្វើការអត្ថាធិប្បាយឲ្យអ្នកទស្សនាងាយយល់ និងចៀសវាងនូវការភាន់ច្រឡំ ចំពោះទិដ្ឋភាពមួយចំនួន ដែលកើតមានលើទីលានប្រកួត។គួរដឹងថា ពានរង្វាន់ Cambodian Premier League 2023/24 នឹងបើកការប្រកួតរដូវកាលថ្មី នាថ្ងៃទី០៥ ខែសីហា ឆ្នាំ២០២៣ ខាងមុខ ហើយគ្រោងនឹងបញ្ចប់នាថ្ងៃទី១២ ខែឧសភា ឆ្នាំ២០២៤។ ប៉ុន្ដែមុនឈានដល់ការប្រកួតឆ្លងឆ្នាំលើកដំបូងនេះ ក្រុមហ៊ុនខេមបូឌាព្រីមៀរលីគ ក៏នឹងរៀបចំពានរង្វាន់បើករដូវកាល គឺពានរង្វាន់ Cambodian Super Cup 2023 រវាងក្រុមភ្នំពេញក្រោន ក្នុងនាមក្រុមជើងឯកលីគកំពូលកម្ពុជា និងក្រុមវិសាខា ក្នុងនាមក្រុមជើងឯកពានសម្ដេចតេជោ ហ៊ុន សែន-ថ្នាក់ជាតិ នាថ្ងៃទី៣០ ខែកក្កដាខាងមុខនេះផងដែរ៕ អត្ថបទ៖ លី ឈុនឡា

កែបកាន់តែខើចឱកាស ក្រោយចាញ់ភ្នំពេញហ្គាឡាក់ស៊ី ខណៈកំពត ប៉ះកំពង់ស្ពឺ លើកពេល

ក្រុមបាល់ទាត់ខេត្តកែប កាន់តែខើចឱកាសប្រជែងកៅអីវគ្គបន្ដ នៃពានរង្វាន់សម្ដេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ត ឆ្នាំ២០២៣ ក្រោយបន្ដបរាជ័យក្រោមថ្វីជើងក្រុមភ្ញៀវភ្នំពេញហ្គាឡាក់ស៊ី ៥-១ ក្នុងជំនួបជើងទី២ នៃពូលA កាលពីល្ងាចថ្ងៃទី១៨ ខែកក្កដាម្សិលមិញ ខណៈជំនួបរវាងក្រុមកំពតអេហ្វស៊ី និងក្រុមកំពង់ស្ពឺ ត្រូវបានលើកពេល ដោយសារបញ្ហាទីលាន មិនអាចរៀបចំការប្រកួតបាន ។សម្រាប់គ្រាប់បាល់ជ័យជម្នះ ដែលជួយឲ្យក្រុមកំពូលតារាងភ្នំពេញហ្គាឡាក់ស៊ី បន្ថែម ៣ពិន្ទុ ធ្វើសម្រេចដោយកីឡាករ លី ម៉ាត់ណូ ១គ្រាប់ នៅចុងវគ្គទី១ មុនបន្ថែម ៤គ្រាប់ទៀត នៅវគ្គទី២ ដោយកីឡាករ ស្លេះ អារ៉ហ្វាត់ នៅនាទី៥៥, កីឡាករ លី មស្លីម នៅនាទី៦៦ និងកីឡាករ កឹម ចាន់វិសុទ្ធ រកបាន ២គ្រាប់ នៅនាទី៧១ និងនាទី៨២ គ្រាដែល ១គ្រាប់របស់ក្រុមម្ចាស់ផ្ទះខេត្តកែប រកបានដោយកីឡាករ ឃីម ភ័ក្ដ្រា នៅនាទី៧០ ។ជាមួយលទ្ធផលនេះ នាំឲ្យក្រុមភ្នំពេញហ្គាឡាក់ស៊ី បន្ដឈរកំពូលតារាងពិន្ទុ សប្ដាហ៍ទី១២ ក្រោយឆ្លងកាត់ ៥ប្រកួតឈ្នះ ៣ ស្មើ ២ រកបាន ១១ពិន្ទុ ។ រីឯខេត្តកែប បន្ដឈរបាត់តារាង ដោយរក្សា ៤ពិន្ទុ និងធ្វើឲ្យពួកគេសល់ឱកាសតិចតួចប៉ុណ្ណោះ ដើម្បីប្រជែងកៅអីវគ្គបន្ដ ដ្បិតពួកគេនៅសល់ប្រកួតក្នុងដៃតែ ២ប្រកួតទៀតប៉ុណ្ណោះ ។ ចំណែកក្រុមកំពតអេហ្វស៊ី និងខេត្តកំពង់ស្ពឺ បន្ទាប់ពីលើកពេល នៅតែរក្សា ៦ពិន្ទុស្មើគ្នាជាមួយខេត្តព្រះសីហនុដដែល៕ អត្ថបទ៖ លី ឈុនឡា

កីឡាចំបាប់កាច់ដៃ រំពឹងមានជើងឯកផ្ទាល់ខ្លួន ក្រោយមានការគាំទ្រខ្លាំងក្នុងពានសហព័ន្ធ

ឯកឧត្តមបណ្ឌិត មាស សារិន ប្រធានសហព័ន្ធកីឡាចំបាប់កាច់ដៃកម្ពុជា រំពឹងការប្រកួតជ្រើសរើសជើងឯកប្រចាំឆ្នាំ ដូចប្រភេទកីឡាដទៃដែរ បន្ទាប់ពីមានការគាំទ្រខ្លាំង ក្នុងការប្រកួតពានរង្វាន់សហព័ន្ធ លើកទី២ ឆ្នាំ២០២៣ កាលពីសប្ដាហ៍កន្លងទៅ ។ការប្រកួតពានរង្វាន់សហព័ន្ធ ដែលរៀបចំរួមគ្នាជាមួយការប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិ ឆ្នាំ២០២៣ នេះ គឺសហព័ន្ធកីឡាចំបាប់កាច់ដៃកម្ពុជា បានទទួលថវិកាមួយចំនួន ពីគម្រោងរៀបចំជើងឯកកីឡាទាញព្រ័ត្រ មកប្រើប្រាស់សម្រាប់ការរៀបចំ ។ប៉ុន្ដែដោយសារការប្រកួតកាច់ដៃពានរង្វាន់សហព័ន្ធ មានការចូលរួមច្រើន ត្រឹមរយៈពេលខ្លី សហព័ន្ធនឹងពិចារណារៀបចំការប្រកួតដាច់ដោយឡែកនាឆ្នាំក្រោយ ។ លើសពីនេះ សហព័ន្ធក៏នឹងព្យាយាមចងក្រងជាសមាគម ក៏ដូចជាក្លិបសមាជិក ដើម្បីស្វែងរកការគាំទ្រ និងទទួលស្គាល់សមាជិកភាពពីក្រសួងអប់រំ យុវជន និងកីឡា ផងដែរ ។ដោយឡែកកីឡាករ ណាក់ សុខណា ម្ចាស់មេដាយមាស ១ និងសំរឹទ្ធ ១ ប្រចាំពានសហព័ន្ធ លើកទី២ បានសម្ដែងក្ដីរីករាយ ដែលសហព័ន្ធបានរៀបចំការប្រកួតនេះឡើង តែចង់ឲ្យសហព័ន្ធបង្កើនការប្រកួតកាន់តែច្រើន ដើម្បីផ្ដល់ឱកាសឲ្យកីឡាករចំបាប់កាច់ដៃកម្ពុជាបានចូលរួម ក៏ដូចជាជំរុញការអភិវឌ្ឍវិស័យកីឡាមួយនេះ ស្របពេលខ្លួនក៏មានមហិច្ឆតាចង់វិវឌ្ឍន៍ខ្លួនឆ្ពោះទៅរកការប្រកួតអន្ដរជាតិផងដែរ ។គួរដឹងថា កីឡាចំបាប់កាច់ដៃកម្ពុជា បានបង្កើតសហព័ន្ធជាផ្លូវការ និងបានការទទួលស្គាល់សមាជិកភាពពីគណៈកម្មាធិការជាតិអូឡាំពិកកម្ពុជា កាលពីឆ្នាំ២០១៩ ។ បន្ទាប់មកសហព័ន្ធបានមានសកម្មភាពជាហូរហែរ និងបានបញ្ជូនប្រតិភូ មន្ដ្រីបច្ចេកទេស និងកីឡាករ-កីឡាការិនី ទៅចូលរួមវគ្គបណ្ដុះបណ្ដាលលក្ខណៈអន្ដរជាតិ និងការប្រកួតអន្ដរជាតិជាច្រើនផងដែរ ក្រោមការដឹកនាំរបស់ឯកឧត្តមបណ្ឌិត មាស សារិន ជាប្រធានសហព័ន្ធ៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

កម្ពុជាលើកកម្ពស់ការយល់ដឹងនៃការវាយតម្លៃទទួលស្គាល់ ជំរុញនវានុវត្តន៍ និងពង្រឹងទំនុកចិត្តទីផ្សារ

លីបេរី រឹបអូសបានសារធាតុកូកាអ៊ីនតម្លៃ ៣១៧លានដុល្លារ ដែលប្រុងលោតឆ័ត្រទៅកាន់អឺរ៉ុប

អ្នកស្រុកព្យាយាមស្រោចស្រង់ទ្រព្យសម្បត្តិនៅតាមសហគមន៍ជន់លិច ពេលដែលអាកាសធាតុអាក្រក់វាយប្រហារឈីលី

ឈីលី ស្តាទំនាក់ទំនងកុងស៊ុលជាមួយវេណេស៊ុយអេឡា ក្រោយជាប់គាំងអស់មួយរយៈពេល

លោក Anwar ៖ មីយ៉ាន់ម៉ា យល់ព្រមទទួលយកជនភៀសខ្លួនរ៉ូហ៊ីងយ៉ា ៥ពាន់នាក់ពីម៉ាឡេស៊ី

ជំងឺអេបូឡា នៅកុងហ្គោ ក្លាយជាការផ្ទុះឡើងនៃជំងឺអេបូឡាដ៏ធំបំផុតទី២ ក្នុងកំណត់ត្រា

អង្គការសហប្រជាជាតិទាមទារឲ្យបញ្ចប់ការបង្ក្រាបលើក្រុមប្រឆាំងនៅប្រទេសអ៊ូហ្គង់ដា

ចំនួនមនុស្សស្លាប់ដោយសារជំងឺអេបូឡានៅកុងហ្គោ កើនឡើងដល់ជាង ១.៥០០នាក់

អ្នកនយោបាយអេស្ប៉ាញ ចោទអ៊ីស្រាអែលថា បានបង្កើតភាពវឹកវរ ជុំវិញវិបត្តិអន្តោប្រវេសន៍ នៅ Ceuta

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ronaldo ថាលីគអារ៉ាប៊ីសាអ៊ូឌីតមានគុណភាពល្អជាងលីគអាមេរិក

Marcus Rashford បន្តកិច្ចសន្យាថ្មីនៅជាមួយ Manchester United ដល់ឆ្នាំ ២០២៨

Jonny Evans ត្រលប់មក Manchester United វិញក្នុងកិច្ចសន្យារយៈពេលខ្លី

Brighton បដិសេធសំណើ ៧០ លានផោនពី Chelsea ចង់បាន Moises Caicedo

Bayern Munich ប្រកួតមិត្តភាព Pre-Season ឈ្នះក្រុមក្នុងស្រុក Rottach-Egern ២៧-០

Bayern Munich ទិញបានខ្សែការពារកូរ៉េ Kim Min-jae ផ្លូវការពី Napoli

Jonas Vingegaard ឈ្នះដំណាក់កាលទី ១៦ កាន់តែកៀកគ្រងជើងឯក Tour de France

CPL ជំរុញការផ្សព្វផ្សាយពីច្បាប់ប្រកួតដល់គ្រប់ភាគីពាក់ព័ន្ធ មុនលីគរដូវកាលថ្មីចាប់ផ្ដើម

កែបកាន់តែខើចឱកាស ក្រោយចាញ់ភ្នំពេញហ្គាឡាក់ស៊ី ខណៈកំពត ប៉ះកំពង់ស្ពឺ លើកពេល

កីឡាចំបាប់កាច់ដៃ រំពឹងមានជើងឯកផ្ទាល់ខ្លួន ក្រោយមានការគាំទ្រខ្លាំងក្នុងពានសហព័ន្ធ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ronaldo ថាលីគអារ៉ាប៊ីសាអ៊ូឌីតមានគុណភាពល្អជាងលីគអាមេរិក

Marcus Rashford បន្តកិច្ចសន្យាថ្មីនៅជាមួយ Manchester United ដល់ឆ្នាំ ២០២៨

Jonny Evans ត្រលប់មក Manchester United វិញក្នុងកិច្ចសន្យារយៈពេលខ្លី

Brighton បដិសេធសំណើ ៧០ លានផោនពី Chelsea ចង់បាន Moises Caicedo

Bayern Munich ប្រកួតមិត្តភាព Pre-Season ឈ្នះក្រុមក្នុងស្រុក Rottach-Egern ២៧-០

Bayern Munich ទិញបានខ្សែការពារកូរ៉េ Kim Min-jae ផ្លូវការពី Napoli

Jonas Vingegaard ឈ្នះដំណាក់កាលទី ១៦ កាន់តែកៀកគ្រងជើងឯក Tour de France

CPL ជំរុញការផ្សព្វផ្សាយពីច្បាប់ប្រកួតដល់គ្រប់ភាគីពាក់ព័ន្ធ មុនលីគរដូវកាលថ្មី​ចាប់ផ្ដើម

កែបកាន់តែខើចឱកាស ក្រោយចាញ់ភ្នំពេញហ្គាឡាក់ស៊ី ខណៈកំពត ប៉ះកំពង់ស្ពឺ លើកពេល

កីឡាចំបាប់កាច់ដៃ រំពឹងមានជើងឯកផ្ទាល់ខ្លួន ក្រោយមានការគាំទ្រខ្លាំង​ក្នុងពានសហព័ន្ធ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

CPL ជំរុញការផ្សព្វផ្សាយពីច្បាប់ប្រកួតដល់គ្រប់ភាគីពាក់ព័ន្ធ មុនលីគរដូវកាលថ្មីចាប់ផ្ដើម

កីឡាចំបាប់កាច់ដៃ រំពឹងមានជើងឯកផ្ទាល់ខ្លួន ក្រោយមានការគាំទ្រខ្លាំងក្នុងពានសហព័ន្ធ