BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ការបង្កើតក្រុមបាល់ឱបស្ត្រីជាការលើកកម្ពស់សិទ្ធនារីក្នុងវិស័យកីឡា

បាល់ឱប៖ ក្រុមបាល់ឱបស្ត្រីបីក្រុម កងយោធពលខេមរភូមិន្ទ ផ្កាឈូក និងក្រុមបាល់ឱបស្ត្រីបាត់ដំបងត្រូវបានបង្ហាញ ប្រកាសទទួលស្គាល់ និងសម្ពោធឱ្យដំណើរការជាផ្លូវការនៅថ្ងៃទី១០ ខែមេសា ឆ្នាំ២០២៣ ក្រោមវត្តមានលោកជំទាវ ស៊ុំ សុខា ប្រធានសហព័ន្ធកីឡាបាល់ឱបកម្ពុជា។ លោកជំទាវប្រធានមានប្រសាសន៍ថា នេះជាការសម្ពោធក្លិបស្ត្រីបាល់ឱបកម្ពុជាទាំងបីក្រុម ដែលកន្លងមកសហព័ន្ធបាល់ឱបកម្ពុជាបានយកចិត្តទុកដាក់ខ្ពស់ ទៅលើការប្រមូលផ្ដុំនៃក្លិបនានាដើម្បីរួមគ្នាតែមួយឆ្ពោះទៅការអភិវឌ្ឍន៍លើវិស័យបាល់ឱប។ លោកជំទាវបន្តថា នេះជាការលើកកម្ពស់ស្ត្រីឲ្យមានសិទ្ធនៅក្នុងការលេងកីឡានានា ពិសេសកីឡាបាល់ឱប។ នេះគឺជាបង្ហាញថា ស្ត្រី និងបុរសមានសិទ្ធស្មើគ្នាក្នុងវិស័យកីឡា និងការងារទូទៅ។ នេះជាមោទនភាពណាស់ដែលបានសម្ពោធក្លិបស្ត្រីបាល់ឱបកម្ពុជាហើយសហព័ន្ធ និងបន្តបង្កើនក្លិបស្ត្រីឲ្យបានច្រើនថែមទៀតនាពេលខាងមុខ។ ក្នុងនោះលោកជំទាវបានបង្ហាញផងដែរថា ជាក់ស្តែងសហព័ន្ធកីឡាបាល់ឱបកម្ពុជាបានទទួលការឧបត្ថម្ភគាំទ្រ និងសហការយ៉ាងទូលំទូលាយជាមួយដៃគូរអភិវឌ្ឍន៍នានា ជាពិសេសឆាលហ្វាន់រ៉ាប៊ី, អូស្ត្រាលីអេដ, ឌីអេចអិល, ស្ថានទូតណូវែលសេឡង់ជាដើម។ សហព័ន្ធកីឡាបាល់ឱបកម្ពុជាប្តេជ្ញា និងគាំទ្រអភិវឌ្ឍន៍ជាមួយគ្រប់ដៃគូសហការ រាល់សកម្មភាពនានាដែលផ្ដោតលើវិស័យកីឡាបាល់ឱបនៅកម្ពុជាឲ្យមានភាពទូលំទូលាយ,បង្កើនសមត្ថភាព និងលក្ខណៈបច្ចេកទេស។ នៅក្នុងពិធីសម្ពោធក្លិបស្ត្រីបាល់ឱបកម្ពុជានោះ តំណាងក្លិបស្ត្រីបាល់ឱបកម្ពុជាទាំងក៏បានបង្ហាញការប្ដេជ្ញាចិត្ត ក្នុងការដើរតាមការចង្អុលបង្ហាញរបស់សហព័ន្ធ ក៏ដូចជាប្រឹងប្រែងបង្កបង្កើនធនធានកីឡាករថ្នាលបន្ថែម ដើម្បីរួមចំណែកអភិវឌ្ឍន៍វិស័យកីឡាបាល់ឱបរបស់កម្ពុជា ស្របតាមផែនការ និងអនុសាសន៍របស់ប្រមុខរាជរដ្ឋាភិបាលកម្ពុជា ប្រជាជនម្នាក់លេងកីឡាមួយប្រភេទផងដែរ៕អត្ថបទ៖ គង់ ហួន

អគ្គិជ័យកីឡា និងគប់ភ្លើងស៊ីហ្គេម អាស៊ានប៉ារ៉ាហ្គេម ២០២៣ ត្រូវដង្ហែ និងរត់នៅប្រទេសម៉ាឡេស៊ី

ស៊ីហ្គេម៖ អគ្គិជ័យកីឡា និងគប់ភ្លើងស៊ីហ្គេម ២០២៣ ដំណើរការរត់ដង្ហែជាផ្លូវការហើយនៅទីក្រុងពូត្រាចាយ៉ា ប្រមាណ ៣០គីឡូម៉ែត្រពីទីក្រុងកួឡាឡាំពួរ ប្រទេសម៉ាឡេស៊ី ដោយមានការចូលរួមពីឯកឧត្តម ហោ សារុន រដ្ឋលេខាធិការក្រសួងទេសចរណ៍ បេសកជនពិសេស CAMSOC លោកជំទាវ Hannah Yeoh Tseow Suan រដ្ឋមន្ត្រីក្រសួងយុវជន និងកីឡាម៉ាឡេស៊ី ឯកឧត្តម អ៊ុក ចាន់តារា ឯកអគ្គរាជទូតព្រះរាជាណាចក្រកម្ពុជាប្រចាំនៅប្រទេសម៉ាឡេស៊ី ថ្នាក់ដឹកនាំក្រុមប្រឹក្សាកីឡាអូឡាំពិក និងប៉ារ៉ាឡាំពិកម៉ាឡេស៊ី អត្តពលិកម៉ាឡេស៊ី និងនិស្សិតកម្ពុជាសិក្សានៅម៉ាឡេស៊ីជាច្រើនរូប។ ឯកឧត្តម ហោ សារុន មានប្រសាសន៍ថា ឆ្នាំ២០២៣ ជាឆ្នាំដ៏វិសេសវិសាលសម្រាប់កម្ពុជា ហើយនៅសល់ជាង ២០ថ្ងៃទៀតប៉ុណ្ណោះ ព្រឹត្តិការណ៍ដែលកម្ពុជារង់ចាំអស់ ៦៤ឆ្នាំក្នុងការធ្វើម្ចាស់ផ្ទះចូលមកដល់។ កម្ពុជាបានផ្តួចផ្តើមរៀបចំព្រះរាជពិធីបួងសួងសុំព្រះអគ្គិកីឡានៅមុខប្រាសាទអង្គរវត្ត និងរៀបចំដង្ហែទៅតាមបណ្តាប្រទេសនានាក្នុងតំបន់អាស៊ីអាគ្នេយ៍។ ព្រះអគ្គិកីឡានេះគឺជានិមិត្តរូបនៃថាមពល មិត្តភាព សាមគ្គីភាព និងនិរន្តរភាព ដែលទាំងអស់នេះជាតម្លៃសកលនៃទំនាក់ទំនងរវាងការប្រកួតកីឡា និងការរស់នៅប្រចាំថ្ងៃ។ ឯកឧត្តមបន្ថែមទៀតថា កម្ពុជាមិនត្រឹមតែបានត្រៀមខ្លួនរួចរាល់ក្នុងការធ្វើជាម្ចាស់ផ្ទះរៀបចំការប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ប៉ុណ្ណោះទេ កម្ពុជាក៏បានត្រៀមខ្លួនរួចជាស្រេចក្នុងការទទួលស្វាគមន៍ភ្ញៀវទេសចរ និងអ្នកទស្សនាផងដែរ។ កម្ពុជាក៏បានចាត់ទុកឆ្នាំ២០២៣ ជាឆ្នាំប្រកបដោយអត្ថន័យដ៏សំខាន់ និងជាឆ្នាំដ៏ល្អ សម្រាប់ទេសចរមកទស្សនាកម្ពុជា ហើយកម្ពុជាក៏បានដាក់ចេញយុទ្ធនាការ “ឆ្នាំទស្សនាកម្ពុជាឆ្នាំ២០២៣” គ្រប់ថ្ងៃ សុទ្ធតែអច្ឆរិយៈផងដែរ។ កីឡាគាំទ្រទេសចរណ៍ ទេសចរណ៍គាំទ្រកីឡា។ កីឡាលើកកម្ពស់ទេសចរណ៍ ទេសចរណ៍ លើកកម្ពស់កីឡា។ កម្ពុជា "ព្រះរាជាណាចក្រអច្ឆរិយៈ” ទន្ទឹងរង់ចាំស្វាគមន៍ភ្ញៀវមកពីជុំវិញពិភពលោក។ សូមទទួលបានភាពកក់ក្ដៅក្នុងអំឡុងពេលមកបំពេញទស្សនកិច្ចនៅកម្ពុជា ជាពិសេសក្នុងព្រឹត្តិការណ៍ប្រកួតកីឡាអាស៊ីអាគ្នេយ៍ និងអាស៊ានប៉ារ៉ាហ្គេម។ ឯកឧត្តមបេសកជនពិសេសលើកឡើងដែរថា ការប្រារព្ធពិធីដង្ហែព្រះអគ្គិកីឡាកម្ពុជា ២០២៣ នៅក្នុងប្រទេសម៉ាឡេស៊ី ហើយជឿជាក់យ៉ាងមុតមាំថា កម្ពុជា និងម៉ាឡេស៊ីនឹងបង្កើនសហប្រតិបត្តិការជាមួយគ្នាកាន់តែជិតស្និទ្ធបន្ថែមទៀត ដើម្បីលើកកម្ពស់វិស័យកីឡា និងវិស័យទេសចរណ៍នៅក្នុងតំបន់ និងពិភពលោក។ បន្ទាប់ពីម៉ាឡេស៊ី អគ្គិជ័យកីឡា និងគប់ភ្លើងស៊ីហ្គេម អាស៊ានប៉ារ៉ាហ្គេម ត្រូវធ្វើដំណើរទៅកាន់ប្រទេសសិង្ហបុរី និងដំណើរការរត់នៅថ្ងៃទី១៤ ខែមេសា ឆ្នាំ២០២៣ខាងមុខ៕ អត្ថបទ៖ គង់ ហួន

Thomas Tuchel គេងមិនលក់ច្រើនយប់ហើយមុន Bayern Munich ជួប Man City យប់នេះ

បាល់ទាត់៖ អ្នកចាត់ការថ្មី Bayern Munich លោក Thomas Tuchel បានទម្លាយថា លោកមានបញ្ហាដំណេកច្រើនយប់មកហើយមុនជួប Manchester City យប់នេះជើងទី១ វគ្គ ៨ក្រុមចុងក្រោយ UEFA Champions League។ អ្នកចាត់ការសញ្ជាតិអាល្លឺម៉ង់រូបនេះទើបតែចូលដឹកនាំ Bayern Munich កាលពីខែមុនប៉ុណ្ណោះ ហើយក៏ឈានមកដល់ការប្រកួតដ៏តានតឹងមួយ ក៏សង្ឃឹមថានឹងអាចដឹកនាំក្រុមឈ្នះម្តងទៀតដូចដែលលោកដឹកនាំ Chelsea ឈ្នះ Manchester City កាលពីឆ្នាំ២០២១ នៅវគ្គផ្តាច់ព្រ័ត្រ UEFA Champions League។ លោក Thomas Tuchel បានលើកឡើងថា ក្នុងខួរក្បាលរបស់លោកគិតតែពីការប្រកួតទល់នឹង Man City ហើយជាក់ស្តែងពីរបីយប់ចុងក្រោយគេងមិនលក់ គេងមិនគ្រប់គ្រាន់។ បុរសសញ្ជាតិអាល្លឺម៉ង់រូបនេះបន្តថា ក្រុមរបស់លោក Pep តែងតែមានប្រព័ន្ធលេងប្លែកពីគេមួយ ដូច្នេះផែនការជាច្រើនដែលយើងត្រូវរៀបចំមុនការប្រកួតដ៏តានតឹងនេះ ជាពិសេសប្រព័ន្ធការពារដើម្បីទប់ទល់នឹងខ្សែប្រយុទ្ធន័រវេស Erling Haaland។ នេះជាការត្រលប់មកកាន់ទឹកដីអង់គ្លេសវិញលើកដំបូងរបស់លោក Tuchel តាំងពីត្រូវបានដកតំណែងនៅ Chelsea កាលពីខែកញ្ញា ឆ្នាំ២០២២។ ក្នុងជំនួប ១០លើករវាង Thomas Tuchel ទល់នឹង Pep Guardiola អ្នកចាត់ការអាល្លឺម៉ង់រូបនេះធ្លាប់ដឹកនាំឈ្នះតែ ៣លើកប៉ុណ្ណោះ។ សូមបញ្ជាក់ថា ក្រុមដែលកំពុងនាំមុខគេនៅ Bundesliga, Bayern Munich គឺជាជើងឯកក្លិបកំពូលអឺរ៉ុបនេះ ៦លើក ស្របពេលដែល Manchester City នៅតែប្រមាញ់ជើងឯកលើកដំបូងរបស់ខ្លួននៅឡើយ៕អត្ថបទ៖នាង សុភាវុធ

Jon Rahm គ្រងជើងឯកវាយកូនគោលកម្មវិធីធំ The Masters

វាយកូនគោល៖ កីឡាករវាយកូនគោលអេស្ប៉ាញ Jon Rahm បានក្លាយជាជើងឯកនៃព្រឹត្តិការណ៍វាយកូនគោលកម្មវិធីធំប្រចាំឆ្នាំ The Masters ជាលើកដំបូងក្នុងអាជីពវាយបកពីការនាំមុខរបស់ Brooks Koepka នៅថ្ងៃចុងក្រោយ។ កីឡាករវ័យ ២៨ឆ្នាំរូបនេះធ្វើបាន ៣អាន់ឌើផា ៦៩ នៅថ្ងៃចុងក្រោយ និងបញ្ចប់ការប្រកួតទាំងស្រុង ១២អាន់ឌើផា យកឈ្នះអ្នកលេខ២ កីឡាករអាមេរិក Brooks Koepka ដល់ទៅ ៤អាន់ឌើផា។ Brooks Koepka បាននាំមុខគេជាស្ត្រូកមុនចាប់ផ្តើមថ្ងៃចុងក្រោយ តែធ្វើបានល្អនៅថ្ងៃចុងក្រោយតែម្តងដោយបញ្ចប់ជាមួយនឹង ៦អូវើផា និងសរុបរួម ៨អាន់ឌើផាស្មើគ្នាជាមួយមិត្តរួមជាតិ Phil Mickelson។ អតីតជើងឯក Masters កីឡាករ Jordan Spieth និង Patrick Reeds រួមជាមួយនឹង Russell Henley ធ្វើបាន ៧អាន់ឌើផាដូចគ្នា។ សូមបញ្ជាក់ថា Jon Rahm បានក្លាយជាកីឡាករអេស្ប៉ាញទី៤ ប៉ុណ្ណោះដែលឈ្នះជើងឯក The Masters បន្ទាប់ពី Seve Ballesteros ឈ្នះ ២ដង និងចុងក្រោយបំផុត Sergio Garcia ឈ្នះនៅឆ្នាំ២០១៧៕អត្ថបទ៖នាង សុភាវុធ

នូវែលសេឡង់គ្រងជើងឯកបាល់ឱប World Sevens លើកទី២ កក់កៅអីអូឡាំពិក

បាល់ឱប៖ ក្រុមបាល់ឱបនូវែលសេឡង់បានកក់កៅអីនៅព្រឹត្តិការណ៍អូឡាំពិករដូវក្តៅ ២០២៤ ទីក្រុងប៉ារីស ក្រោយយកឈ្នះអាហ្សង់ទីននៅវគ្គផ្តាច់ព្រ័ត្រ World Sevens លើទឹកដីសិង្ហបុរី។ Brady Rush គឺជាអ្នករកបាន Try ចុងក្រោយនៃការប្រកួតវគ្គផ្តាច់ព្រ័ត្រនេះ ដែលជួយឱ្យក្រុមដែលមានរហ័សនាម All Blacks ធានាបានជ័យជំនះគ្រងជើងឯក World Sevens ជាលើកដំបូងនៅលើទឹកដីសិង្ហបុរីតាំងពីឆ្នាំ២០០៥។ ក្រុមបាល់ឱបនៃកោះសាម៉ាវដែលចាញ់អាហ្សង់ទីននៅវគ្គពាក់កណ្តាលផ្តាច់ព្រ័តនោះមានន័យថា នូវែលសេឡង់ធានាបានកៅអីអូឡាំពិកផងដែរ។ ជ័យជំនះនេះធ្វើឱ្យនូវែលសេឡង់នាំមុខគេក្នុងតារាង Rugby World Sevens មាន ២៤ពិន្ទុ ខណៈព្រឹត្តិការណ៍ World Sevens បន្ទាប់នឹងធ្វើនៅលើទឹកដីបារាំងទីក្រុង Toulouse ខែក្រោយនេះ៕អត្ថបទ៖នាង សុភាវុធ

បាល់កូនគោល Tiger Woods ឆ្នាំ១៩៩៧ លក់បានជាង ៦៤០០០ដុល្លារសហរដ្ឋអាមេរិក

វាយកូនគោល៖ គ្រាប់បាល់កូនគោល (golf ball) ដែល Tiger Woods បានឱ្យក្មេងប្រុសម្នាក់អាយុ ៩ឆ្នាំកាលពី ២៦ឆ្នាំមុន (១៩៩៧) លក់បានជាង ៦៤០០០ដុល្លារសហរដ្ឋអាមេរិក។ កាលនោះ Woods ឱ្យទៅក្មេងប្រុសឈ្មោះ Julian Nexsen ក្នុងការប្រកួតជុំចុងក្រោយរបស់ខ្លួន បន្ទាប់ពីធ្វើបានមួយអូវើផា (one over par) នៅឡូទី៥។ គ្រាប់បាល់នេះដាក់ដេញថ្លៃនៅថ្ងៃទី២៧ ខែមីនា ដោយចាប់ផ្តើមពីតម្លៃ ៥០០ដុល្លាររហូតដល់ ៦៤ ១២៤,៤០ដុល្លារអាមេរិក ពេលដែលការដេញថ្លៃបិទបញ្ចប់ត្រឹមថ្ងៃអាទិត្យម្សិលមិញ។ ឆ្នាំនោះជាឆ្នាំដែល Tiger Wood ឈ្នះជើងឯកដំបូង និងក្លាយជាកីឡាករក្មេងបំផុតដណ្តើមបានពាន Master៕អត្ថបទ៖គង់ ហួន

កីឡាករប្រេស៊ីលចូលសញ្ជាតិចិន Elkeson ផ្លាស់ទៅក្លិប Chengdu Rongcheng មុនរដូវកាលថ្មីចាប់ផ្តើម

បាល់ទាត់៖ ក្លិប Chengdu Rongcheng បានប្រកាសពីការនាំយកខ្សែប្រយុទ្ធប្រេស៊ីលចូលសញ្ជាតិចិន Elkeson មុនរដូវកាលថ្មីនៃក្របខណ្ឌលីគកំពូលចិន Chinese Super League ចាប់ផ្តើម។ កីឡាករដែលមានដើមកំណើតប្រេស៊ីល Elkeson និងមានឈ្មោះចិនថា Ai Kesen ទទួលបានសញ្ជាតិចិននៅឆ្នាំ២០១៩ បានផ្លាស់មកកាន់ Chengdu Rongcheng បន្ទាប់ពីចំណាយពេលរដូវកាលមុននៅក្លិបប្រេស៊ីល Gremio។ កីឡាករវ័យ ៣៣ឆ្នាំរូបនេះបានក្លាយជាកីឡាករបរទេសទី១ ដែលទទួលបានសញ្ជាតិចិនក្រោយចំណាយពេលលេងនៅទឹកដីចិនតាំងពីឆ្នាំ២០១២ ដំបូងជាមួយក្លិប Guangzhou Evergrande។ ជាមួយ Guangzhou, Elkeson បានឈ្នះជើងឯក AFC Champions League នៅឆ្នាំ២០១៣ និង ២០១៥ និង Chinese Super League ផងដែរមុនពេលផ្លាស់ទៅ Shanghai SIPG ឈ្នះជើងឯកលីគម្តងទៀតនៅឆ្នាំ២០១៨។ Elkeson ក៏ត្រលប់មក Guangzhou ម្តងទៀតនៅឆ្នាំ២០១៩ គ្រងជើងឯកលីគចិនលើកទី៥ មុនពេលចាកចេញនៅឆ្នាំ២០២២ ដោយសារក្លិបមានវិបត្តិហិរញ្ញវត្ថុ។ Elkeson បានចូលលេងឱ្យក្រុមជម្រើសជាតិចិនដំបូងកាលពីខែកញ្ញា ឆ្នាំ២០១៩ ពេលចិនជួបម៉ាល់ឌីវ ហើយនៅក៏ត្រូវបានកោះហៅចូលក្រុមជម្រើសជាតិចិនទៀតដោយគ្រូបង្វឹក Aleksandar Jankovic កាលពីខែមុនដើម្បីបោះជំរំហ្វឹកហាត់។ Chengdu Rongcheng រដូវកាលមុនបញ្ចប់នៅចំណាត់ថ្នាក់លេខ៥ នៃក្របខណ្ឌ Chinese Super League ហើយនឹងត្រូវជួបជាមួយ Henan FC សប្តាហ៍នេះបើកឆាកលីគកំពូលចិនរដូវកាលថ្មី៕អត្ថបទ៖នាង សុភាវុធ

ក្រុមរដ្ឋបាលសាលាខេត្តកណ្តាលឈ្នះពានរង្វាន់ឯកឧត្តម គង់ សោភ័ណ្ឌ លើកទី២

បាល់ទាត់៖ ក្រុមបាល់ទាត់រដ្ឋបាលសាលាខេត្តកណ្តាល បានក្លាយជាម្ចាស់ពាននៃព្រឹត្តិការណ៍ការប្រកួតកីឡាបាល់ទាត់ពានរង្វាន់ "ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាលលើកទី២ ឆ្នាំ២០២៣ បន្ទាប់ពីបានយកឈ្នះលើក្រុមសហភាពសហព័ន្ធយុវជនកម្ពុជាស្រុកពញាឮ នៅវគ្គផ្តាច់ព្រ័ត្រនៅកីឡដ្ឋានខេត្តកណ្តាលកាលពីចុងសប្តាហ៍កន្លងទៅ។ ឯកឧត្តម ធុល នាង ប្រធានគណៈកម្មការរៀបចំការប្រកួតបានអោយដឹងថា ការប្រកួតបាល់ទាត់ពានរង្វាន់នេះបានចាប់ផ្ដើមប្រកួតនៅថ្ងៃទី៣ ខែមីនារហូតដល់ថ្ងៃទី៨ ខែមេសា ឆ្នាំ២០២៣ នៅកីឡាដ្ឋានបាល់ទាត់ក្រុងតាខ្មៅ ខេត្តកណ្តាល ដោយមានក្រុមចូលរួមប្រកួកចំនួន១៩ ដែលមានកីឡាករជាយុវជននៅតាមបណ្តាក្រុង-ស្រុកទាំង១១ និងយុវជនក្នុងវិស័យឯកជន និងយុវជនជាសិស្សវត្តអារាម (កូនសិស្សលោក) បានដាក់ពាក្យចូលរួមប្រកួត និងគណៈកម្មការបានចែកចេញជាបួនចូល(A,B,C,D) ដោយក្នុងមួយពូលៗមានចំនួន ៥ក្រុម។ ឯកឧត្តម គង់ សោភ័ណ្ឌ អភិបាលខេត្តកណ្តាលបានមានប្រសាសន៍ថា ការប្រកួតនេះគឺជាឱកាសមួយសម្រាប់កីឡាករ និងគ្រូបង្វឹកដើម្បីកសាងសមត្ថភាព បច្ចេកទេស ទេពកោសល្យ និងជំនាញវិជ្ជាជីវរបស់ខ្លួន។ ឯកត្តមអភិបាលខេត្តបន្តថា ជាងនេះទៀតព្រឹត្តិការណ៍កីឡានេះក៏ជាការផ្តល់ឱកាសដ៏ល្អ សម្រាប់ជួយបំផុសស្មារតីមហាជនក្នុងខេត្តកណ្តាលឲ្យស្រលាញ់គាំទ្រវិស័យកីឡា ដែលស្របតាមពាក្យស្លោក «ប្រជាជនម្នាក់ត្រូវចេះលេងកីឡាមួយប្រភេទប្រចាំជីវិត» ដើម្បីពង្រឹងវិស័យកីឡានៅខេត្តយើងឲ្យកាន់តែល្បីល្បាញ តាមរយៈយុវជនខេត្តកណ្តាលដែលជាមូលធន់មនុស្សបន្តវេន ពោពេញដោយសក្តានុពល និងថាមពល។ ក្រោយបញ្ជប់ការប្រកួតលោក ថន សុវណ្ណា អភិបាលស្រុកពញាឮបង្ហាញចំណាប់អារម្មណ៍ថា ការប្រកួតបាល់ទាត់ដណ្តើមពានរង្វាន់អភិបាលខេត្តលើកទី២នេះ បើទោះបីជាក្រុមរបស់លោកមិនទទួលបានលទ្ធផលល្អក៏ពិតមែន តែកីឡាកររបស់លោកមានការសហការគ្នា ដោយបង្ហាញទម្រង់លេងល្អប្រសើ ប៉ុន្តែនៅស្ទើបច្ចេកទេសជាងក្រុមដ៏ទៃខ្លះ។ សូមបញ្ជាក់ថា បន្ទាប់ពីឆ្លងកាត់ការប្រកួតយ៉ាងស្វិតស្វាញ អស់ជាច្រើនខែក្រុមបាល់ទាត់រដ្ឋបាលសាលាខេត្តកណ្តាលបានក្លាយជាជើងឯក ចំណែកជើងឯករងបានទៅលើក្រុមសហភាពសហព័ន្ធយុវជនកម្ពុជាស្រុកពញាឮ និងជាក្រុមដែលលេងល្អប្រកបដោយក្រមសីលធម៌ ចំណែកក្រុមបាល់ទាត់យុវជនស្រុកមុខកំពូលបានត្រឹមចំណាត់ថ្នាក់លេខ៣ ស្របពេលក្រុមបាល់ទាត់យុវជនស្រុកល្វាឯមស្ថិតនៅចំណាត់ថ្នាក់លេខ៤៕

កីឡាការិនី Ons Jabeur គ្រងជើងឯក Charleston Open ជាជើងឯកដំបូងក្នុងឆ្នាំ២០២៣

វាយកូនបាល់៖ កីឡាការិនីវាយកូនបាល់លំដាប់លេខ៥ ពិភពលោក Ons Jabeur ដណ្តើមបានជើងឯកដំបូងរបស់ខ្លួននៅក្នុងឆ្នាំ២០២៣ នេះក្រោយយកឈ្នះកីឡាការិនី Belinda Bencic លើកពាន Charleston Open នៅសហរដ្ឋអាមេរិក។ កីឡាការិនីទុយនីស៊ី Ons Jabeur ដែលជាជើងឯករង Wimbledon និង US Open កាលពីឆ្នាំ២០២២ បានយកឈ្នះអ្នកការពារតំណែងជើងឯកសញ្ជាតិស្វីស Belinda Bencic ដោយលទ្ធផល ៧-៦(៨-៦) និង ៦-៤។ សម្រាប់ Belinda Bencic បានលេងដល់ទៅពីរប្រកួតក្នុងថ្ងៃអាទិត្យម្សិលមិញនេះ បន្ទាប់ពីការប្រកួតនៅវគ្គពាក់កណ្តាលផ្តាច់ព្រ័ត្រដែលយកឈ្នះ Jessica Pegula នោះមានភ្លៀងធ្លាក់អូសបន្លាយពន្យារដល់ថ្ងៃអាទិត្យ។ ចំណែក Ons Jabeur មានការលំបាកក្នុងរដូវកាល ២០២៣ របស់ខ្លួនដោយសារបញ្ហារបួសតាំងពីធ្លាក់ត្រឹមជុំទី២ Australian Open កាលពីខែមករា។ នេះជាជើងឯកនៅក្នុងក្របខណ្ឌ WTA លើកទី៤ សម្រាប់ Ons Jabeur និងជាជើងឯកនៅលើទីលានដីក្រហមលើកទី២ ក្នុងអាជីព៕អត្ថបទ៖នាង សុភាវុធ

កីឡាករកម្ពុជាវ័យក្មេងពីររូបនិយាយពីការបោះជំរំហ្វឹកហាត់ និងធ្វើឱ្យបានល្អសម្រាប់ស៊ីហ្គេម

បាល់ទាត់៖ ពេលនេះកីឡាករបាល់ទាត់ជម្រើសជាតិកម្ពុជាអាយុក្រោម ២២ឆ្នាំបានទៅដល់ និងកំពុងបន្តហ្វឹកហាត់នៅប្រទេសថៃជាលើកទី២ និងជាការបោះជំរំហ្វឹកហាត់ក្រៅស្រុកជាលើកទី៣ ត្រៀមសម្រាប់ប្រកួតស៊ីហ្គេម ២០២៣ លើប្រភេទកីឡាបាល់ទាត់ដែលនឹងចូលមកដល់ក្នុងរយៈពេលជាង ២០ថ្ងៃទៀតតែប៉ុណ្ណោះ។ មុនចាកចេញកីឡាករ លឹម ពិសុទ្ធ បានផ្តល់កិច្ចសម្ភាសន៍ខ្លីថា ចំពោះមុខរូបគេត្រៀមរួចរាល់សម្រាប់ការប្រកួតដ៏សំខាន់។ ហើយចំពោះមុខត្រូវគិតជាជំហានៗសិនធ្វើម៉េចឱ្យឆ្លងផុតពូលសិន។ ចំនែកខ្សែបម្រើមកពីព្រះខ័នរាជ មិន រតនៈ ក៏បានប្រាប់ឱ្យដឹងដែរសម្រាប់ក្រុមទាំងមូលបានត្រៀមខ្លួនរួចហើយ តាមរយៈការហ្វឹកហាត់ខាងក្រៅនេះមានការយល់គ្នាច្រើន ចំពោះមុខត្រូវជួយក្រុមឱ្យឆ្លងផុតពូល។ ក្រុមបាល់ទាត់ជម្រើសជាតិកម្ពុជាអាយុក្រោម ២២ឆ្នាំ ចាប់ផ្តើមការប្រកួតដំបូងដោយត្រូវជួបជាមួយទីម័រខាងកើត ថ្ងៃទី២៩ ខែមេសា ឆ្នាំ២០២៣ ម៉ោង ៧និង០០នាទីយប់នៅពហុកីឡដ្ឋានជាតិ។ សូមរំលឹកថា ឆ្នាំ២០១៩ កម្ពុជាបានបង្កើតប្រវត្តិសាស្ត្រជាង ៦០ឆ្នាំឡើងទៅវគ្គពាក់កណ្តាលផ្តាច់ព្រ័ត្រការប្រកួតស៊ីហ្គេមលើកទី៣០ ខណៈ សៀង ចន្ធា ក្លាយជាកីឡាករក្មេងបំផុតស៊ុតបញ្ចូលទីលឿនបំផុតក្នុងប្រវត្តិស៊ីហ្គេម៕

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ការបង្កើតក្រុមបាល់ឱបស្ត្រីជាការលើកកម្ពស់សិទ្ធនារីក្នុងវិស័យកីឡា

អគ្គិជ័យកីឡា និងគប់ភ្លើងស៊ីហ្គេម អាស៊ានប៉ារ៉ាហ្គេម ២០២៣ ត្រូវដង្ហែ និងរត់នៅប្រទេសម៉ាឡេស៊ី

Thomas Tuchel គេងមិនលក់ច្រើនយប់ហើយមុន Bayern Munich ជួប Man City យប់នេះ

Jon Rahm គ្រងជើងឯកវាយកូនគោលកម្មវិធីធំ The Masters

នូវែលសេឡង់គ្រងជើងឯកបាល់ឱប World Sevens លើកទី២ កក់កៅអីអូឡាំពិក

បាល់កូនគោល Tiger Woods ឆ្នាំ១៩៩៧ លក់បានជាង ៦៤០០០ដុល្លារសហរដ្ឋអាមេរិក

កីឡាករប្រេស៊ីលចូលសញ្ជាតិចិន Elkeson ផ្លាស់ទៅក្លិប Chengdu Rongcheng មុនរដូវកាលថ្មីចាប់ផ្តើម

ក្រុមរដ្ឋបាលសាលាខេត្តកណ្តាលឈ្នះពានរង្វាន់ឯកឧត្តម គង់ សោភ័ណ្ឌ លើកទី២

កីឡាការិនី Ons Jabeur គ្រងជើងឯក Charleston Open ជាជើងឯកដំបូងក្នុងឆ្នាំ២០២៣

កីឡាករកម្ពុជាវ័យក្មេងពីររូបនិយាយពីការបោះជំរំហ្វឹកហាត់ និងធ្វើឱ្យបានល្អសម្រាប់ស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ការបង្កើត​ក្រុម​បាល់ឱប​ស្ត្រី​ជាការ​លើកកម្ពស់​សិទ្ធ​នារី​ក្នុង​វិស័យ​កីឡា​

Thomas Tuchel គេង​មិន​លក់​ច្រើន​យប់​ហើយ​មុន Bayern Munich ជួប Man City យប់​នេះ

Jon Rahm គ្រង​ជើងឯក​វាយកូនគោល​កម្ម​វិធី​ធំ The Masters

នូ​វែ​ល​សេ​ឡង់​គ្រង​ជើងឯក​បាល់ឱប World Sevens លើក​ទី២ កក់​កៅអី​អូឡាំពិក

បាល់​កូនគោល Tiger Woods ឆ្នាំ​១៩៩៧ លក់បាន​ជាង​ ៦៤០០០​ដុល្លារ​សហរដ្ឋអាមេរិក​

កីឡាករ​ប្រេ​ស៊ី​ល​ចូលសញ្ជាតិ​ចិន Elkeson ផ្លាស់​ទៅ​ក្លិប Chengdu Rongcheng មុន​រដូវ​កាល​ថ្មី​ចាប់ផ្តើម​

ក្រុម​រដ្ឋបាល​សាលាខេត្ត​កណ្តាល​ឈ្នះ​ពានរង្វាន់​ឯកឧត្តម គង់ សោ​ភ័​ណ្ឌ លើក​ទី​២

កីឡាការិនី Ons Jabeur គ្រង​ជើងឯក Charleston Open ជា​ជើងឯក​ដំបូង​ក្នុង​ឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការបង្កើតក្រុមបាល់ឱបស្ត្រីជាការលើកកម្ពស់សិទ្ធនារីក្នុងវិស័យកីឡា

Thomas Tuchel គេងមិនលក់ច្រើនយប់ហើយមុន Bayern Munich ជួប Man City យប់នេះ

Jon Rahm គ្រងជើងឯកវាយកូនគោលកម្មវិធីធំ The Masters

នូវែលសេឡង់គ្រងជើងឯកបាល់ឱប World Sevens លើកទី២ កក់កៅអីអូឡាំពិក

បាល់កូនគោល Tiger Woods ឆ្នាំ១៩៩៧ លក់បានជាង ៦៤០០០ដុល្លារសហរដ្ឋអាមេរិក

កីឡាករប្រេស៊ីលចូលសញ្ជាតិចិន Elkeson ផ្លាស់ទៅក្លិប Chengdu Rongcheng មុនរដូវកាលថ្មីចាប់ផ្តើម

ក្រុមរដ្ឋបាលសាលាខេត្តកណ្តាលឈ្នះពានរង្វាន់ឯកឧត្តម គង់ សោភ័ណ្ឌ លើកទី២

កីឡាការិនី Ons Jabeur គ្រងជើងឯក Charleston Open ជាជើងឯកដំបូងក្នុងឆ្នាំ២០២៣