BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

ក្លិបកីឡាវាយកូនឃ្លីលើតុថ្មីមួយរំពឹងរួមចំណែកអភិវឌ្ឍន៍ជាមួយសហព័ន្ធនាថ្ងៃអនាគត

វាយកូនឃ្លីលើតុ៖ ថ្នាក់ដឹកនាំក្លិបកីឡាវាយកូនឃ្លីលើតុ SCE រំពឹងផលិតបាននូវធនធានកីឡាករ-កីឡាការិនីល្អៗ ដើម្បីរួមចំណែកអភិវឌ្ឍន៍ជាមួយសហព័ន្ធកីឡាវាយកូនឃ្លីលើតុកម្ពុជា បន្ទាប់ពីក្លិបក្មេងខ្ចីមួយនេះបានបង្កើតជារូបរាងផ្លូវការ និងបានចូលរួមព្រឹត្តិការណ៍ថ្នាក់ជាតិលើកដំបូង ក្នុងការប្រកួតកីឡាវាយកូនឃ្លីតុជើងឯកថ្នាក់ជាតិឆ្នាំ២០២២ កាលពីសប្ដាហ៍កន្លងទៅ។ លោក ឃុន ផាន់និត គ្រូបង្វឹកប្រចាំក្លិបនេះបានឲ្យដឹងថា SCE មានចក្ខុវិស័យវែងឆ្ងាយក្នុងការអភិវឌ្ឍធនធានកីឡាករ-កីឡាការិនី។ បច្ចុប្បន្នក្លិបមានធនធានកីឡាករត្រឹម ៥រូប និងគ្រូ ២រូបប៉ុណ្ណោះ។ ប៉ុន្ដែលោកសង្ឃឹមថា នៅថ្ងៃអនាគតក្លិបនឹងផលិតបានកីឡាករ-កីឡាការិនីកាន់តែច្រើន ដើម្បីចូលរួមការប្រកួតថ្នាក់ជាតិ និងអន្ដរជាតិនានា។ សម្រាប់ការបង្ហាញខ្លួនលើកដំបូង ក្លិបកីឡាវាយកូនឃ្លីលើតុ SCE គឺដណ្ដើមបានមេដាយសរុប ៤គ្រឿងរួមមានមេដាយប្រាក់ ១ និងសំរឹទ្ធ ៣។ លោកសង្ឃឹមថា ការប្រកួតលើក្រោយៗ ក្លិបនឹងសម្រេចបានលទ្ធផលកាន់តែល្អប្រសើរបន្ថែមទៀត៕អត្ថបទ៖ លី ឈុនឡា

ស.ស.យ.ក ខេត្តស្វាយរៀងប្រកាសរៀបចំជើងឯក U15 លើកដំបូងនាដើមខែក្រោយ

បាល់ទាត់៖ សហភាពសហព័ន្ធយុវជនកម្ពុជាខេត្តស្វាយរៀង បានប្រកាសនឹងរៀបចំការប្រកួតបាល់ទាត់ពានរង្វាន់ ស្វាយរៀង ខាប់ យុវជនអាយុក្រោម ១៥ឆ្នាំលើកទី១ ឆ្នាំ២០២៣ នាដើមខែកុម្ភៈខាងមុខនៅទីលានបាល់ទាត់ខេត្តស្វាយរៀង។ យោងតាមសេចក្ដីជូនដំណឹងនៃគណៈកម្មការរៀបចំការប្រកួតនេះបានឲ្យដឹងថា ការលក់ពាក្យចូលរួមគឺចាប់ផ្ដើមពីថ្ងៃជូនដំណឹងនេះតទៅ ខណៈការចុះឈ្មោះនឹងចាប់ផ្ដើមទទួលពាក្យពីថ្ងៃទី១៦ ខែមករាដល់ថ្ងៃទី២៧ ខែមករា មុនការប្រកួតចាប់ផ្ដើមផ្លូវការនាថ្ងៃទី០២ ខែកុម្ភៈ ឆ្នាំ២០២៣។ សម្រាប់លក្ខខណ្ឌកីឡាករចូលរួមប្រកួត កីឡាករត្រូវមានអាយុចន្លោះពី ១៣ ទៅ ១៥ឆ្នាំជាជនជាតិខ្មែរ ហើយត្រូវមានទីលំនៅបច្ចុប្បន្ន ឬទីកន្លែងកំណើតក្នុងខេត្តស្វាយរៀង។ អ្វីដែលពិសេសគឺក្នុងមួយក្រុម អនុញ្ញាតឲ្យមានកីឡាករក្រៅពីខេត្តស្វាយរៀងតែ ៣រូបប៉ុណ្ណោះ។ ដោយហេតុនេះ សហភាពសហព័ន្ធយុវជនកម្ពុជាខេត្តស្វាយរៀង បានអំពាវនាវដល់ក្រុមបាល់ទាត់ទាំងអស់រួសរាន់ដាក់ពាក្យ និងត្រៀមលក្ខណៈឲ្យបានគ្រប់គ្រាន់ ដើម្បីចូលរួមប្រកួតព្រឹត្តិការណ៍បាល់ទាត់យុវជនលើកដំបូង នៅខេត្តស្វាយរៀងនេះឲ្យទទួលបានជោគជ័យ ដើម្បីរួមចំណែកអភិវឌ្ឍន៍វិស័យកីឡាបាល់ទាត់ជាតិនាថ្ងៃអនាគត៕ អត្ថបទ៖ លី ឈុនឡា

ថៃឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍លើកទី១០ ក្រោយឈ្នះម៉ាឡេស៊ី ៣-០

បាល់ទាត់៖ ក្រុមការពារតំណែងជើងឯកថៃបានឈានឡើងវគ្គផ្តាច់ព្រ័ត្រ ការប្រកួតបាល់ទាត់ជើងឯកអាស៊ីអាគ្នេយ៍ AFF Mitsubishi Electric Cup ជាលើកទី១០ ក្នុងប្រវត្តិសាស្ត្រក្រោយយកឈ្នះម៉ាឡេស៊ី ៣-០ ជើងទី២ វគ្គពាក់កណ្តាលផ្តាច់ព្រ័ត្រ។ បន្ទាប់ពីការប្រកួតជើងទី១ ដែលម៉ាឡេស៊ីយកឈ្នះ ១-០ នៅកីឡដ្ឋាន Bukit Jalil សប្តាហ៍មុន ត្រលប់មកកីឡដ្ឋាន Thamasat ទីក្រុងបាងកកប្រទេសថៃវិញ ម្ចាស់ផ្ទះថៃមិនរង់ចាំយូរទេដោយរកបានគ្រាប់នាំមុខនៅនាទីទី១៩ ដោយខ្សែប្រយុទ្ធ Teerasil Dangda ដែលជាគ្រាប់ទី៦ របស់គេក្នុងព្រឹត្តិការណ៍ឆ្នាំនេះ។ វគ្គទី២ ថៃនៅតែបន្តសម្រុក និងរកបានពីរគ្រាប់ទៀតដោយ Bordin Phala និង Adisak Kraisorn គ្រប់គ្រាន់ល្មមឱ្យក្រុមរបស់លោក Alexandre Polking ឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍នេះជាលើកទី១០ ក្នុងប្រវត្តិសាស្ត្រនៃព្រឹត្តិការណ៍ដែលបានចូលរួម ១៤លើកជួបជាមួយវៀតណាមនៅវគ្គផ្តាច់ព្រ័ត្រ។ ការប្រកួតវគ្គផ្តាច់ព្រ័ត្រជើងទី១ នឹងធ្វើឡើងនៅទឹកដីវៀតណាមថ្ងៃសុក្រ ទី១៣ ខែមករានេះ ខណៈជើងទី២ ត្រលប់ទៅទឹកដីថៃវិញថ្ងៃចន្ទ ទី១៦ ខែមករាដដែល។ ការប្រកួតទាំងពីរជើងនេះនឹងមានការផ្សាយផ្ទាល់នៅលើកញ្ចក់ទូរទស្សន៍ BTV នៅវេលាម៉ោង ៧ និង ៣០នាទីយប់ទាំងពីរជើង៕អត្ថបទ៖នាង សុភាវុធ

CAMSOC នឹងដាក់បទបញ្ជាដ៏ម៉ឺងម៉ាត់មួយក្នុងកិច្ចប្រជុំបូកសរុបការងារនាពេលខាងមុខ

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ត្រៀមដាក់ចេញនូវបទបញ្ជាការងារដ៏ម៉ឺងម៉ាត់មួយក្នុងកិច្ចប្រជុំបូកសរុបលទ្ធផល និងវឌ្ឍនភាពការងារឆ្នាំ២០២២ នាពេលខាងមុខ ដើម្បីធានាបាននូវប្រសិទ្ធភាពការងារបន្ថែមក្នុងដំណាក់ការ Games Time ឬពេលវេលាប្រតិបត្តិការស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ក្រោយបញ្ចប់កិច្ចប្រជុំប្រចាំសប្ដាហ៍របស់គណៈអចិន្ដ្រៃយ៍ ដែលដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការជាតិ CAMSOC កាលពីថ្ងៃទី១០ ខែមករាម្សិលមិញនៅទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តមបានបញ្ជាក់ថា កិច្ចប្រជុំនេះផ្ដោតលើការកិច្ចពិភាក្សាពីរបាយការណ៍ការងារ សម្រាប់ត្រៀមរៀបចំកិច្ចប្រជុំបូកសរុបសមិទ្ធផលប្រចាំឆ្នាំ ដែលគ្រោងធ្វើឡើងក្រោមអធិបតីភាពដ៏ខ្ពង់ខ្ពស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិ CAMSOC នាថ្ងៃទី២០ ខែមករាខាងមុខ ហើយសម្ដេចក៏នឹងប្រកាសនូវបទបញ្ជាការងារដ៏ម៉ឺងម៉ាត់មួយនាពេលនោះផងដែរ។ សូមបញ្ជាក់ថា ឆ្នាំ២០២៣ ត្រូវបានចាត់ទុកជាពេលវេលា Games Time ឬជាពេលត្រូវប្រតិបត្តិហ្គេម ស្របពេលកម្ពុជានៅសល់ ១១៤ថ្ងៃទៀតប៉ុណ្ណោះ សម្រាប់ការត្រៀមលក្ខណៈធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រលើកដំបូងនេះ ពោលគឺស៊ីហ្គេមលើកទី៣២ នឹងចាប់ផ្ដើមការប្រកួតពីថ្ងៃទី០៥ ដល់ថ្ងៃទី១៧ ខែឧសភា និងការប្រកួតកីឡាអាស៊ានប៉ារ៉ាហ្គេមលើកទី១២ នឹងចាប់ផ្ដើមពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ៕អត្ថបទ៖ លី ឈុនឡា

ផ្លូវការលោក Roberto Martinez ត្រូវតែងតាំងជាគ្រូបង្វឹកក្រុមជម្រើសជាតិព័រទុយហ្កាល់

បាល់ទាត់៖ អតីតអ្នកចាត់ការក្រុមជម្រើសជាតិប៊ែលហ្ស៊ិក និង Everton លោក Roberto Martinez ត្រូវបានតែងតាំងជាគ្រូបង្វឹកក្រុមជម្រើសជាតិព័រទុយហ្កាល់ជាផ្លូវការហើយ។ បុរសសញ្ជាតិអេស្ប៉ាញវ័យ ៤៩ឆ្នាំរូបនេះបានចូលមកជំនួសតំណែងលោក Fernando Santos ដែលបានចាកចេញពីតំណែង ក្រោយព័រទុយហ្កាល់ចាញ់ម៉ារ៉ុកនៅវគ្គ ៨ក្រុមចុងក្រោយ World Cup។ លោក Roberto Martinez ក៏ទើបតែចាកចេញពីតំណែងដឹកនាំក្រុមជម្រើសជាតិប៊ែលហ្ស៊ិក ដែលលោកបានចំណាយពេលអស់ ៦ឆ្នាំផងដែរ បន្ទាប់ពីប៊ែលហ្ស៊ិកធ្លាក់ត្រឹមវគ្គវិលជុំក្នុងពូលនៅ World Cup។ រំលឹកថា លោក Martinez ត្រូវបានតែងតាំងឱ្យដឹកនាំក្រុមប៊ែលហ្ស៊ិកកាលពីឆ្នាំ២០១៦។ ក្រោមការដឹកនាំរបស់បុរសវ័យ ៤៩ឆ្នាំរូបនេះប៊ែលហ្ស៊ិកបានឈរលេខ ១ ក្នុងតារាងចំណាត់ថ្នាក់ពិភពលោករបស់ FIFA តាំងពីឆ្នាំ២០១៨ ដល់ឆ្នាំ២០២២។ អតីតអ្នកចាត់ការ Wigan និង Swansea រូបនេះត្រូវបានតែងតាំងឱ្យដឹកនាំប៊ែលហ្ស៊ិកត្រឹម ៣ខែប៉ុណ្ណោះបន្ទាប់ពីត្រូវបានបណ្តេញចេញដោយ Everton កាលពីឆ្នាំ២០១៦ នោះ។ លោក Martinez បានមកបន្តតំណែងលោក Marc Wilmot ដែលបានដឹកនាំប៊ែលហ្ស៊ិកឡើងឈរលេខ ១ ពិភពលោកជាលើកដំបូងពីខែវិច្ឆិកា ឆ្នាំ២០១៥ ដល់ខែមេសា ឆ្នាំ២០១៦៕អត្ថបទ៖នាង សុភាវុធ

Hugo Lloris ប្រកាសចូលនិវត្តន៍ពីក្រុមជម្រើសជាតិបារាំងក្នុងវ័យ ៣៦ឆ្នាំ

បាល់ទាត់៖ អ្នកចាំទីបារាំង Hugo Lloris បានសម្រេចចិត្តចូលនិវត្តន៍ពីក្រុមជម្រើសជាតិហើយនៅក្នុងវ័យ ៣៦ឆ្នាំ។ ប្រធានក្រុមនៃក្លិប Tottenham Hotspur រូបនេះបានសម្រេចចិត្តចូលនិវត្តន៍ ៣សប្តាហ៍ បន្ទាប់ពីបារាំងចាញ់អាហ្សង់ទីននៅវគ្គផ្តាច់ព្រ័ត្រ FIFA World Cup ដោយបាល់ ១១ម៉ែត្រកាត់សេចក្តី តែ Lloris គឺជាប្រធានក្រុមបារាំងដែលឈ្នះជើងឯក World Cup កាលពី ៤ឆ្នាំមុននៅទឹកដីរុស្ស៊ី។Hugo Lloris ត្រូវបានកោះហៅចូលក្រុមជម្រើសជាតិបារាំង និងចូលលេងប្រកួតដំបូងនៅក្នុងវ័យ ២១ឆ្នាំក្នុងការប្រកួតមិត្តភាពទល់នឹងអ៊ុយរូហ្កាយកាលពីខែវិច្ឆិកា ឆ្នាំ២០០៨។ តាំងពីពេលនោះមកកីឡាករវ័យ ៣៦ឆ្នាំរូបនេះបង្ហាញខ្លួនសរុបបាន ១៤៥លើក ជាកីឡាករដែលបង្ហាញខ្លួនបានច្រើនបំផុតឱ្យក្រុមជម្រើសជាតិបារាំង ហើយក្នុងចំណោម ១៤៥លើកនោះមាន ១២១ប្រកួតជាប្រធានក្រុមក៏ជាកំណត់ត្រាដែរ។ ការសម្រេចចិត្តចូលនិវត្តន៍របស់ Lloris ក៏បានបើកផ្លូវឱ្យអ្នកចាំទីវ័យក្មេងៗបន្តបន្ទាប់ មានឱកាសបង្ហាញខ្លួនឱ្យក្រុមបារាំងដែលកំពុងត្រៀមខ្លួនប្រកួតជំរុះ Euro 2024 ដែលស្ថិតក្នុងពូលជាមួយហ្ស៊ីប្រាល់តា ក្រិក ហូឡង់ និងសាធារណអៀកឡង់៕អត្ថបទ៖នាង សុភាវុធ

Gareth Bale ប្រកាសចូលនិវត្តន៍ពីអាជីពកីឡាករបាល់ទាត់ត្រឹមវ័យ ៣៣ឆ្នាំ

បាល់ទាត់៖ ប្រធានក្រុមជម្រើសជាតិវែល Gareth Bale បានប្រកាសចូលនិវត្តន៍ពីអាជីពកីឡាករបាល់ទាត់របស់ខ្លួនហើយនៅក្នុងវ័យ ៣៣ឆ្នាំ។ កីឡាករដែលបង្ហាញខ្លួន និងស៊ុតបញ្ចូលច្រើនជាងគេឱ្យក្រុមជម្រើសជាតិវែលរូបនេះ ប្រកាសការសំរេចចិត្តរបស់ខ្លួននៅលើបណ្តាញសង្គមយ៉ាងដូច្នេះថា៖ បន្ទាប់ពីការពិចារណាដ៏ល្អិតល្អន់ ខ្ញុំសូមសម្រេចចិត្តចូលនិវត្តន៍ពីអាជីពបាល់ទាត់ទាំងនៅក្រុមជម្រើសជាតិ និងក្លិបអាជីព ខ្ញុំមានអារម្មណ៍ថា ពេញចិត្ត ស្កប់ស្កល់ដែលបានបំពេញតាមសុបិនដែលចង់លេងកីឡាដែលខ្ញុំស្រលាញ់។ កើតនៅទីក្រុង Cardiff, Gareth Bale បានចាប់ផ្តើមអាជីពនៅ Southampton មុនពេលផ្លាស់ទៅកាន់ Tottenham Hotspur។ ក្រោយមក Bale ក៏បានផ្លាស់ទៅកាន់ក្រុមអធិរាជស Real Madrid ក្នុងតម្លៃផ្ទេរខ្ពស់បំផុតនៅឆ្នាំ២០១៣ ក្នុងតម្លៃ ៨៥.៣លានផោន និងចុងក្រោយផ្លាស់ទៅកាន់ទឹកដីអាមេរិកជាមួយ Los Angeles FC កាលពីខែមិថុនា ឆ្នាំ២០២២។ Gareth Bale ជាសមាជិកសំខាន់របស់ក្រុមជម្រើសជាតិវែល ដែលបានសាងប្រវត្តិសាស្ត្រជាច្រើនដូចជាបានចូលលេងជើងឯកអឺរ៉ុប ២០១៦ និង ២០២០ និងនាំវែលបង្ហាញខ្លួននៅ World Cup លើកដំបូងតាំងពីឆ្នាំ១៩៥៨ ដោយបង្ហាញខ្លួនសរុបបាន ១១១លើករកបាន ៤១គ្រាប់។ Bale ធ្លាប់ជាកីឡាករឆ្នើមបំផុតពីរលើកកាលពីនៅ Tottenham Hotspur ពីររដូវកាលជាប់គ្នាមុនផ្លាស់ទៅ Real Madrid។ នៅអេស្ប៉ាញ Bale ឈ្នះជើងឯក La Liga ៣លើកជាមួយ Real Madrid, ជើងឯក UEFA Champions League ៥លើករួមជាមួយនឹង Club World Cup ៣លើក, UEFA Super Cup ៣លើក និង Copa del Rey មួយលើក៕អត្ថបទ៖នាង សុភាវុធ

Arsenal យកឈ្នះ Oxford ៣-០ ឡើងជួប Manchester City ជុំទី៤ FA Cup

បាល់ទាត់៖ អធិរាជ FA Cup កាំភ្លើងធំ Arsenal បានបន្តដំណើរឡើងជុំទី៤ នៃពានរង្វាន់ទីពីរនៅអង់គ្លេស FA Cup ក្រោយយកឈ្នះក្រុមមកពីលីគលំដាប់៣ អង់គ្លេស Oxford United ៣-០ នៅកីឡដ្ឋាន Kassam របស់ Oxford។ បន្ទាប់ពីវគ្គទី១ គ្មានគ្រាប់បាល់ ក្រុមកាំភ្លើងធំ Arsenal ក៏រកបានគ្រាប់នាំមុខបានសំរេចនៅនាទីទី៦៣ ដោយ Mohamed Elneny មុនពេលដែល Eddie Nketiah រកបានពីរគ្រាប់ម្នាក់ឯងនៅនាទីទី៧០ និង ៧៦។ Nketiah នៅពេលនេះរកបាន ៥គ្រាប់ហើយក្នុងការបង្ហាញខ្លួន ៦ប្រកួតចុងក្រោយ បន្ទាប់ពីអវត្តមានរបស់ខ្សែប្រយុទ្ធប្រេស៊ីល Gabriel Jesus ដែលមានរបួស។ ជ័យជំនះនេះធ្វើឱ្យក្រុមរបស់លោក Mikel Arteta ត្រូវប្រឈមជាមួយលោក Pep Guardiola, Manchester City នៅជុំទី៤ FA Cup។ សូមបញ្ជាក់ថា Arsenal ជាក្រុមដែលឈ្នះជើងឯក FA Cup ច្រើនជាងសរុប ១៤លើក និងឈ្នះចុងក្រោយបំផុតនៅឆ្នាំ២០២០៕អត្ថបទ៖នាង សុភាវុធ

Soccer League ផ្នែកនារី៖ ច្បារអំពៅ និងស្អាងយើងស្អាត រកបាន ៣ពិន្ទុពេញពីការប្រកួតដំបូងក្នុងពូល A

បាល់ទាត់៖ ក្រុមកីឡាការិនីវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ និងក្រុម ស.ស.យ.ក ស្អាងយើងស្អាត បានទទួល ៣ពិន្ទុពេញរៀងៗខ្លួនពីការប្រកួតដំបូងក្នុងពូល A នៃព្រឹត្តិការណ៍បាល់ទាត់ Soccer League លើកទី៦ ឆ្នាំ២០២៣ លើវិញ្ញាសាបាល់ទាត់នារីកាលពីថ្ងៃទី០៩ ខែមករា។សម្រាប់ក្រុមបាល់ទាត់នារីវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ គឺបានយកឈ្នះក្រុមបាល់ទាត់នារីសេនាអង្គរដោយលទ្ធផល ៣-០ មុនពេលក្រុម ស.ស.យ.ក ស្អាងយើងស្អាត បានយកឈ្នះក្រុម ស.ស.យ.ក ខេត្តកោះកុង ដោយលទ្ធផល ១០-០ នៅទីលានវិទ្យាស្ថានជាតិអប់រំកាយ និងកីឡាដូចគ្នា។ លទ្ធផលនេះបានធ្វើឲ្យបេក្ខភាព ៣ក្រុមក្នុងពូល A រកបាន ៣ពិន្ទុស្មើគ្នាក្នុងចំណោម ៥ក្រុម រួមមានក្រុមវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ, ក្រុម ស.ស.យ.ក ស្អាងយើងស្អាត និងក្រុម ស.ស.យ.ក ខេត្តព្រៃវែងដែលបានយកឈ្នះក្រុមបាល់ទាត់នារីសេនាអង្គរ ៣-០ កាលពីថ្ងៃបើកឆាកកន្លងទៅ។គួរដឹងថា សម្រាប់ព្រឹត្តិការណ៍ Soccer League លើកទី៦ ឆ្នាំ២០២៣ គឺមានទាំងវិញ្ញាសាបាល់ទាត់បុរស និងនារី។ ចំពោះវិញ្ញាសាបាល់ទាត់នារីមាន ១០ក្រុមចូលរួម និងបែងចែកជា ២ពូលដើម្បីធ្វើការប្រកួតសន្សំពិន្ទុ ហើយក្រុមានពិន្ទុខ្ពស់ជាងគេ ២ក្រុមនៃពូលនីមួយៗ នឹងបានឡើងវគ្គពាក់កណ្ដាលផ្ដាច់ព្រ័ត្រ។ រីឯបេក្ខភាព ៥ក្រុមនៅពូល B គឺមានក្រុសម្រស់ចំការលើ, ក្លិបភ្នំពេញក្រោន, ក្រុមសុភីណាអេហ្វស៊ី, ក្រុមស្ទាំងភ្លើងក្មេងវត្តក្ដីចាស់ និងក្រុម Khemara Chey៕ អត្ថបទ៖ លី ឈុនឡា

ខេត្តកណ្តាលរៀបចំការប្រកួតកីឡាអបអរទិវាជ័យជម្នះ ៧មករា ទទួលបានការគាំទ្រខ្លាំងពីមហាជន

កណ្ដាល៖ ការប្រកួតកីឡាអបអរទិវាថ្ងៃជ័យជម្នះ ៧មករា ទទួលបានការគាំទ្រខ្លាំងពីមហាជនដែលបានចូលរួម ក្រោយដំណើការប្រកួតតាំងពីថ្ងៃទី៥ នឹងបានធ្វើពិធីបិទនាល្ងាចថ្ងៃទី៩ ខែមករា ឆ្នាំ២០២៣ នៅទីលានបាល់ទាត់ក្រុងតាខ្មៅ ខេត្តកណ្តាល។ បើតាមរបាយការណ៍របស់គណៈកម្មាធិការរៀបចំការប្រកួតបានឲ្យដឹងថា ដោយទទួលបានការអនុញ្ញាតពីឯកឧត្តមអភិបាលនៃគណៈអភិបាលខេត្តកណ្តាល មន្ទីរអប់រំយុវជន និងកីឡាខេត្តបានរៀបចំការប្រកួតកីឡាប៉េតង់ និងកីឡាបាល់ទាត់អបអរសាទរខួបអនុស្សាវរីយ៍លើកទី៤៤ ទិវាជ័យជម្នះ ៧មករា ឆ្នាំ១៩៧៩ - ២០២៣ ដែលកម្មវិធីប្រកួតជាផ្លូវចាប់ផ្ដើមពីថ្ងៃទី៥ ដល់ថ្ងៃទី៩ ខែមករា ឆ្នាំ២០២៣ ដោយមានក្រុមបានដាក់ពាក្យចូលរួមប្រកួតរួមមាន៖ កីឡាបាល់ទាត់មានចំនួន ១៤ក្រុមស្មើនឹង ២៨០នាក់ កីឡាប៉េតង់មានចំនួន ២៨ក្រុមស្មើនឹង ១១២នាក់ ស្រី ២០នាក់។ ក្នុងនោះការប្រកួតកីឡាប៉េតង់ចែកចេញជាបីវិញ្ញាសារួមមាន៖ វិញ្ញាសាវ័យចាស់ វិញ្ញាសាយុវជន និងវិញ្ញាសានារី ដោយបានធ្វើការប្រកួត ១នាក់ទល់ ១នាក់ និង ៣នាក់ទល់ ៣នាក់។ ក្នុងឱកាសនោះលោក ប៊ុន ផេង អភិបាលរងនៃគណៈអភិបាលខេត្តកណ្តាលបានមានប្រសាសន៍ថា ការប្រកួតនេះ រៀបចំឡើងក្នុងគោលបំណងអបអរសាទរថ្ងៃជ័យជម្នះ ដ៏ធំធេងក្នុងប្រវត្តិសាស្ត្រកម្ពុជា ដែលបានរំដោះប្រជាជនកម្ពុជាចេញពីរណ្ដៅឈាម និងទឹកភ្នែក និងដើម្បីបន្តផ្សព្វផ្សាយដល់យុវជនជំនាន់ក្រោយ ដែលមិនបានឆ្លងកាត់របបវាលពិឃាតនេះបានយល់ដឹងកាន់តែច្បាស់ នូវអនុស្សាវរីយ៍ដ៏ជូរចត់ដែលប្រជាជនកម្ពុជាពិតជាមិនអាចបំភ្លេចបាន នូវស្នាមអតីតកាលក្រោមរបបប្រល័យពូជសាសន៍របស់ពួក ប៉ុល ពត ដ៏ឃោរឃៅយង់ឃ្នងបំផុតដែលមិនធ្លាប់មានក្នុងប្រវត្តិសាស្ត្រមនុស្សជាតិ។ តាមរយៈការប្រកួតនេះ លោកអភិបាលរងយល់ឃើញថា កីឡាករ កីឡាការិនីទាំងអស់បានបង្ហាញនូវបច្ចេកទេសដ៏ប៉ិនប្រសប់របស់ខ្លួន ដើម្បីយកជ័យជម្នះជូនក្រុម ជាពិសេសការចូលរួមប្រកួតនេះបានបង្ហាញស្មារតីគោរពស្រឡាញ់ ថ្ងៃ៧មករា ដែលជាថ្ងៃកំណើតទី២ របស់យើងទាំងអស់គ្នា ដោយតែងតែចូលរួមក្នុងកម្មវិធីប្រកួតអបអរនេះជារៀងរាល់ឆ្នាំ។ ចំពោះលទ្ធផលផ្នែកប៉េតង់នារី វិញ្ញាសា ១ទល់១នាក់ ចំណាត់ថ្នាក់លេខ១ បានលើកីឡាការិនី គិន កញ្ញជនា មកពីក្លិបព្រែកហូរ, វិញ្ញាសា ៣ទល់៣នាក់ ចំណាត់ថ្នាក់លេខ១ បានលើក្លិបអមរៈ។ ផ្នែកយុវជន ១ទល់១នាក់ លេខ១ បានលើកីឡាករ សុខ តុលា មកពីក្លិបយុវជនក្រុងតាខ្មៅ១, ៣ទល់៣នាក់ លេខ១ បានលើក្លិបយុវជនក្រុងតាខ្មៅ១។ ផ្នែកវ័យចាស់ ១ទល់១នាក់ លេខ១ បានលើកីឡាករ យឹម សោភ័ណ ក្លិបក្រុងតាខ្មៅ, ៣ទល់៣នាក់ លេខ១ បានលើក្លិប អាកាសចរណ៍។ រីឯប្រភេទកីឡាបាល់ទាត់ចំណាត់ថ្នាក់លេខ១ បានលើក្រុមយុវជនខេត្តកណ្តាល៕

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្លិបកីឡាវាយកូនឃ្លីលើតុថ្មីមួយរំពឹងរួមចំណែកអភិវឌ្ឍន៍ជាមួយសហព័ន្ធនាថ្ងៃអនាគត

ស.ស.យ.ក ខេត្តស្វាយរៀងប្រកាសរៀបចំជើងឯក U15 លើកដំបូងនាដើមខែក្រោយ

ថៃឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍លើកទី១០ ក្រោយឈ្នះម៉ាឡេស៊ី ៣-០

CAMSOC នឹងដាក់បទបញ្ជាដ៏ម៉ឺងម៉ាត់មួយក្នុងកិច្ចប្រជុំបូកសរុបការងារនាពេលខាងមុខ

ផ្លូវការលោក Roberto Martinez ត្រូវតែងតាំងជាគ្រូបង្វឹកក្រុមជម្រើសជាតិព័រទុយហ្កាល់

Hugo Lloris ប្រកាសចូលនិវត្តន៍ពីក្រុមជម្រើសជាតិបារាំងក្នុងវ័យ ៣៦ឆ្នាំ

Gareth Bale ប្រកាសចូលនិវត្តន៍ពីអាជីពកីឡាករបាល់ទាត់ត្រឹមវ័យ ៣៣ឆ្នាំ

Arsenal យកឈ្នះ Oxford ៣-០ ឡើងជួប Manchester City ជុំទី៤ FA Cup

Soccer League ផ្នែកនារី៖ ច្បារអំពៅ និងស្អាងយើងស្អាត រកបាន ៣ពិន្ទុពេញពីការប្រកួតដំបូងក្នុងពូល A

ខេត្តកណ្តាលរៀបចំការប្រកួតកីឡាអបអរទិវាជ័យជម្នះ ៧មករា ទទួលបានការគាំទ្រខ្លាំងពីមហាជន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្លិប​កីឡាវាយកូនឃ្លីលើតុ​ថ្មី​មួយ​រំពឹង​រួមចំណែក​អភិវឌ្ឍន៍​ជាមួយ​សហព័ន្ធ​នា​ថ្ងៃ​អនាគត​

ស​.​ស​.​យ​.​ក ខេត្តស្វាយរៀង​ប្រកាស​រៀបចំ​ជើងឯក​ U15 ​លើកដំបូង​នា​ដើមខែ​ក្រោយ

ថៃ​ឡើង​វគ្គ​ផ្តាច់ព្រ័ត្រ​បាល់ទាត់​ជើងឯក​អាស៊ីអាគ្នេយ៍​លើក​ទី១០ ក្រោយ​ឈ្នះ​ម៉ាឡេស៊ី ៣-០

CAMSOC ​នឹងដាក់​បទបញ្ជា​ដ៏​ម៉ឺងម៉ាត់​មួយ​ក្នុង​កិច្ចប្រជុំ​បូកសរុប​ការងារ​នាពេលខាងមុខ

ផ្លូវការ​លោក Roberto Martinez ត្រូវ​តែងតាំង​ជា​គ្រូបង្វឹក​ក្រុម​ជម្រើសជាតិ​ព័រទុយហ្កាល់

Hugo Lloris ប្រកាស​ចូលនិវត្តន៍​ពី​ក្រុម​ជម្រើសជាតិ​បារាំង​ក្នុង​វ័យ ៣៦​ឆ្នាំ​

Gareth Bale ប្រកាស​ចូលនិវត្តន៍​ពី​អាជីព​កីឡាករ​បាល់ទាត់​ត្រឹម​វ័យ ៣៣​ឆ្នាំ

Arsenal យកឈ្នះ Oxford ៣-០ ឡើង​ជួប Manchester City ជុំ​ទី៤ FA Cup

Soccer League ​ផ្នែក​នារី​៖ ច្បារអំពៅ និង​ស្អាង​យើង​ស្អាត រកបាន ៣​ពិន្ទុ​ពេញ​ពី​ការប្រកួត​ដំបូង​ក្នុង​ពូ​ល ​A

ខេត្ត​កណ្តាល​រៀបចំ​ការប្រកួត​កីឡា​អបអរ​ទិវា​ជ័យ​ជម្នះ​ ៧​មករា ទទួលបាន​ការគាំទ្រ​ខ្លាំង​ពី​មហាជន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្លិបកីឡាវាយកូនឃ្លីលើតុថ្មីមួយរំពឹងរួមចំណែកអភិវឌ្ឍន៍ជាមួយសហព័ន្ធនាថ្ងៃអនាគត

ស.ស.យ.ក ខេត្តស្វាយរៀងប្រកាសរៀបចំជើងឯក U15 លើកដំបូងនាដើមខែក្រោយ

ថៃឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍លើកទី១០ ក្រោយឈ្នះម៉ាឡេស៊ី ៣-០

CAMSOC នឹងដាក់បទបញ្ជាដ៏ម៉ឺងម៉ាត់មួយក្នុងកិច្ចប្រជុំបូកសរុបការងារនាពេលខាងមុខ

ផ្លូវការលោក Roberto Martinez ត្រូវតែងតាំងជាគ្រូបង្វឹកក្រុមជម្រើសជាតិព័រទុយហ្កាល់

Hugo Lloris ប្រកាសចូលនិវត្តន៍ពីក្រុមជម្រើសជាតិបារាំងក្នុងវ័យ ៣៦ឆ្នាំ

Gareth Bale ប្រកាសចូលនិវត្តន៍ពីអាជីពកីឡាករបាល់ទាត់ត្រឹមវ័យ ៣៣ឆ្នាំ

Arsenal យកឈ្នះ Oxford ៣-០ ឡើងជួប Manchester City ជុំទី៤ FA Cup

Soccer League ផ្នែកនារី៖ ច្បារអំពៅ និងស្អាងយើងស្អាត រកបាន ៣ពិន្ទុពេញពីការប្រកួតដំបូងក្នុងពូល A

ខេត្តកណ្តាលរៀបចំការប្រកួតកីឡាអបអរទិវាជ័យជម្នះ ៧មករា ទទួលបានការគាំទ្រខ្លាំងពីមហាជន