BTV NEWS

កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨

មន្ដ្រីកីឡាជាន់ខ្ពស់ខេត្តយូណាន សរសើរ និងរៀនសូត្រពីភាពអស្ចារ្យព្រឹត្ដិការណ៍ម៉ារ៉ាតុងចក្រភពអង្គរ

ធារី ចន្ថាប៊ីន ចាត់ទុកពាន CJ Summer League ជាវេទិកាសម្រាប់អភិវឌ្ឍយុវជន

អង់គ្លេសត្រៀមដកការគាំទ្រការឈរឈ្មោះបន្តអាណត្តិរបស់ Gianni Infantino ខណៈវិបត្តិនៅ FIFA កាន់តែក្តៅគគុក

ព័ត៌មានកីឡា

កីឡាករ ៦ប្រទេសចូលរួមការប្រកួតកីឡាប្រណាំងម៉ូតូនៃព្រឹត្តិការណ៍ប្រណាំងយានយន្តសន្តិភាព២០២៣

ប្រណាំងម៉ូតូ៖ គណៈកម្មការរៀបចំការប្រកួតបានឱ្យដឹងថា ពេលនេះអ្វីៗបានត្រៀមលក្ខណៈរួចរាល់ហើយ សម្រាប់ការប្រកួតប្រណាំងយានយន្តសន្តិភាព២០២៣ នៅទីលាន ១២ម៉ូទ័រផាក ខេត្តមណ្ឌលគីរី ទាំងប្រភេទម៉ូតូ រថយន្ត Off Road និងប្រណាំងរថយន្ត Rally។ គណៈកម្មការរៀបចំប្រណាំងម៉ូតូ Cross នៃព្រឹត្តិការណ៍នេះបញ្ជាក់ថា មកដល់ពេលនេះការចុះឈ្មោះចូលរួមប្រកួតលើផ្នែកម៉ូតូ Cross មានកីឡាករជាតិ-អន្តរជាតិចំនួន ១១៥នាក់ហើយដើម្បីត្រៀមចូលរួមប្រកួតប្រជែងលើ ៥ Class ពីថ្ងៃទី១៣-១៥ ខែមករា ឆ្នាំ២០២៣។ ក្នុងចំនួនកីឡាករ ១១៥នាក់នេះគឺមានកីឡាករជាតិ និងអន្តរជាតិដែលរស់នៅកម្ពុជា និងមកពីក្រៅប្រទេសដូចជាកីឡាករបារាំង ស្កុតលែន វៀតណម ថៃ កូរ៉េជាដើម ខណៈការប្រកួតត្រូវបានចែកចេញជា ៥ Class ដូចជា Class-A Class-B Class-C Class-VIP និងClass Lady-Kid។ អ្នករៀបចំការប្រកួតបន្តថា ថ្វីដ្បិតតែការរៀបចំព្រឹត្តិការណ៍ប្រណាំងយានយន្ត Off Road សន្តិភាពឆ្នាំ២០២៣ នៅទីលាន ១២ម៉ូទ័រផាក ខេត្តមណ្ឌលគិរីនេះនៅឆ្ងាយក៏ពិតមែន ប៉ុន្តែលោកមើលឃើញថា កីឡាករនានាមានការស្រឡាញ់ និងចង់ចូលរួមប្រកួតខ្លាំង ដោយពេលនេះទទួលបានការចុះឈ្មោះចូលរួមបានជាង ១០០នាក់។ សូមជម្រាបជូនថា ១២ម៉ូទ័រផាកគឺជាទីលានស្តង់ដាអន្តរជាតិមួយ ដែលក្នុងពេលធ្វើទីលាននេះមានការចូលរួមពីអ្នកជំនាញជាជនជាតិបារាំង ថៃ និងមានរយៈចម្ងាយ ១,៩គីឡូម៉ែត្រ។ ការចូលរួមប្រកួតនៅទីនេះគឺត្រូវតែស្វិតស្វាញ ដោយសារតែគោលការណ៍ទីលាន ១២ម៉ូទ័រផាកត្រូវការជ្រើសរើសធនធានកីឡាករល្អៗ ដែលមានសមត្ថភាពខ្ពស់ៗពិតប្រាកដ ដើម្បីសម្រិតសម្រាំងធនធានកីឡាករត្រៀមចេញទៅប្រកួតអន្តរជាតិ នៅក្រៅប្រទេសនាពេលខាងមុខ។ ព្រឹត្តិការណ៍កីឡាប្រណាំងយានយន្ត Off Road សន្តិភាពឆ្នាំ២០២៣ នៅទីលាន ១២ម៉ូទ័រផាក ខេត្តមណ្ឌលគិរី ចាប់ពីថ្ងៃទី១៣ ដល់ថ្ងៃទី១៥ ខែមករា ឆ្នាំ២០២៣៕អត្ថបទ៖ លី ឈុនឡា

ក្រុមបាល់ទះជម្រើសជាតិកម្ពុជានឹងប្រកួតមិត្តភាពជាមួយបារាំងនាខែក្រោយ

បាល់ទះ៖ ក្រុមបាល់ទះជម្រើសជាតិកម្ពុជានឹងធ្វើការប្រកួតមិត្តភាពអន្ដរជាតិ ជាមួយក្រុមជម្រើសជាតិអាយុក្រោម ១៩ឆ្នាំបារាំងនាពាក់កណ្ដាលខែកុម្ភៈ ឆ្នាំ២០២៣ ខាងមុខនៅរាជធានីភ្នំពេញ។ នេះបើតាមការបង្ហើបរបស់លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាកាលពីថ្មីៗ។ អគ្គលេខាធិការសហព័ន្ធដដែលបញ្ជាក់ថា នេះគឺជាជំនួបមិត្តភាពអន្ដរជាតិដ៏ធំមួយទៀតរបស់ក្រុមជម្រើសជាតិកម្ពុជា ដែលត្រូវជួបក្រុមលំដាប់ចំណាត់ថ្នាក់លេខ៤ ពិភពលោក ទោះបីជាកម្រិតយុវជន U19 ក៏ដោយដើម្បីជាឱកាសវាស់ស្ទង់ និងបង្កើនគុណផលដល់កីឡាករកម្ពុជាត្រៀមឆ្ពោះទៅស៊ីហ្គេមឆ្នាំ២០២៣ នាពេលឆាប់ៗខាងមុខ។ ក្រៅពីការប្រកួតមិត្តភាពជាមួយក្រុមជម្រើសជាតិ U19 បារាំង សហព័ន្ធក៏គ្រោងរៀបចំពានរង្វាន់លក្ខណៈមិត្តភាពមួយជាមួយក្រុមសិង្ហបុរី និងម៉ាឡេស៊ីដែលកំពុងស្នើសុំគោលការណ៍ និងការចេញទៅប្រកួតនៅបណ្ដាប្រទេសមួយចំនួនទៀត ដើម្បីត្រៀមលក្ខណៈគ្រប់ជ្រុងជ្រោយឆ្ពោះទៅប្រជែងមេដាយ ក្នុងព្រឹត្តិការណ៍ជាប្រវត្តិសាស្ដ្រនៅកម្ពុជានាខែឧសភាខាងមុខផងដែរ។ សូមបញ្ជាក់ថា មុនឈានដល់ការប្រកួតមិត្តភាពអន្ដរជាតិជាមួយបារាំង ក្រុមបាល់ទះជម្រើសជាតិកម្ពុជាក៏បានធ្វើការប្រកួតមិត្តភាពក្នុងដី ជាមួយក្រុមជម្រើសជាតិយុវជនគុយបាផងដែរកាលពីចុងខែតុលា ឆ្នាំ២០២២ កន្លងទៅ ដោយបានយកឈ្នះក្រុមលំដាប់ចំណាត់ថ្នាក់លេខ១២ ពិភពលោកនេះក្នុងលទ្ធផល ៣-១សិត បន្ទាប់ពីក្រុមបាល់ទះកម្ពុជា បានបំបែកកំណត់ត្រាប្រវត្តិសាស្ដ្រឈ្នះមេដាយសំរឹទ្ធស៊ីហ្គេម លើកដំបូងនៅប្រទេសវៀតណាមកាលពីពេលកន្លងទៅ៕អត្ថបទ៖ លី ឈុនឡា

អ្នករត់ចម្ងាយឆ្ងាយ គីម កុក រំភើបរីករាយ ក្រោយព្រឹត្តិការណ៍ Angkor Ultra Trail ត្រឡប់មកវិញ

រត់ប្រណាំង៖ អ្នករត់ចម្ងាយឆ្ងាយលោក គីម សារឿន ហៅ គីម កុក បានបង្ហាញសេចក្ដីរីករាយជាខ្លាំង បន្ទាប់ពីទិវារត់ប្រណាំងចម្ងាយឆ្ងាយនៅតំបន់អង្គរ ឬ Angkor Ultra Trail ត្រឡប់មកវិញ ក្រោយខកខានអស់ ២ឆ្នាំដោយសារវិបត្តិកូវីដ-១៩។ ការលើកឡើងនេះបន្ទាប់ពីក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជាសហការជាមួយក្រុមហ៊ុន Phoenix Voyages ត្រៀមរៀបចំព្រឹត្តិការណ៍ Angkor Ultra Trail លើកទី៦ នៅតំបន់អង្គរ ខេត្តសៀមរាបនាថ្ងៃទី០៤ ខែកុម្ភៈ ឆ្នាំ២០២៣ ខាងមុខ ក្រោយទទួលបានការអនុញ្ញាតពីរាជរដ្ឋាភិបាលកម្ពុជា។ បុរសវ័យ ៥៤ឆ្នាំរូបនេះបានលើកឡើងថា អ្នកទេសចរណ៍កំពុងរង់ចាំការចេញដំណើរជុំវិញពិភពលោក ក្រោយវិបត្តិកូវីដ-១៩ ហើយអ្នករត់ក៏ដូចគ្នា បន្ទាប់ពីជាប់គាំងជាង ២ឆ្នាំព្រោះជំងឺរាតត្បាតជាសកលនេះ។ ដូច្នេះលោកពិតជាមានមោទនភាព ដែលរាជរដ្ឋាភិបាលកម្ពុជាបើកប្រទេសឡើងវិញ ធ្វើឲ្យសកម្មភាពជាច្រើនដំណើរការធម្មតាឡើងវិញ ជាក់ស្ដែងព្រឹត្តិការណ៍រត់ចម្ងាយឆ្ងាយ Angkor Ultra Trail។ ជាមួយការរៀបចំឡើងវិញនៃព្រឹត្តិការណ៍រត់ចម្ងាយឆ្ងាយឆ្លងកាត់ឧបសគ្គនេះ ស្ថាបនិកក្លិបដើរ និងរត់ដើម្បីសុខភាព KKRC ដដែលបន្ដថា លោករឹតតែរំភើបនៅពេលមានកំណើនអ្នកចូលរួមច្រើន ពិសេសក្រុមអ្នករត់ខ្មែរដែលកើនឡើងរហូតដល់ជិត ២០០នាក់ឯណោះ ក្នុងនោះក៏មានអ្នករត់ចម្ងាយ ១០០គីឡូម៉ែត្រជនជាតិខ្មែរចំនួន ១៥នាក់ផងដែរ។ ទន្ទឹមជាមួយគ្នាដែរ លោក គីម កុក ក៏បានអំពាវនាវដល់ប្រជាពលរដ្ឋខ្មែរគ្រប់រូបនេះ ត្រូវឆ្លៀតពេលលេងកីឡា ពិសេសកីឡារត់ដើម្បីសុខភាព មិនថាចម្ងាយជិត ឬឆ្ងាយ ត្រូវព្យាយាម និងកុំបោះបង់ ដើម្បីទទួលបាននូវសុខភាពល្អផង និងបង្កើនទំនាក់ទំនងផង។ លោកសង្ឃឹមថា ឆ្នាំក្រោយៗនឹងមានអ្នកចូលរួមព្រឹត្តិការណ៍ Angkor Ultra Trail កាន់តែច្រើនថែមទៀត។ គួរដឹងថា លោក គីម កុក គឺជាអ្នករត់ចម្ងាយឆ្ងាយរបស់កម្ពុជាមួយរូប ដែលតែងចូលរួមព្រឹត្តិការណ៍រត់ចម្ងាយឆ្ងាយៗ បែបផ្សព្វព្រេង និងឆ្លងកាត់ឧបសគ្គ ទាំងក្នុង និងក្រៅស្រុកជាច្រើន។ អ្វីដែលពិសេសគឺលោកបានបំបែកកំណត់ត្រារត់ឡើងដល់កំពូលភ្នំឱរ៉ាល់ ក្នុងល្បឿនដ៏លឿនជាងគេដោយប្រើថវិវេលា ២ម៉ោង ២៦នាទី និង ៨វិនាទី ពោលគឺបានបំបែកកំណត់ត្រាចាស់របស់បុរសជនជាតិអាមេរិកលោក Jacob Sims និងមិត្តភក្ដិជនជាតិអូស្ដ្រាលីលោក Julien Brewster ដែលធ្វើបានក្នុងថេរវេលា ២ម៉ោង ២៦នាទី និង ៣៦វិនាទី កាលពីជិត ១០ឆ្នាំមុន។ រីឯព្រឹត្តិការណ៍ Angkor Ultra Trail នាដើមខែក្រោយនេះ លោកនឹងចូលរួមលើវិញ្ញាសារត់ ១០០គីឡូម៉ែទ្រផងដែរ៕ អត្ថបទ៖ លី ឈុនឡា

Southampton ទម្លាក់ Manchester City ឡើងវគ្គពាក់កណ្តាលផ្តាច់ព្រ័ត្រ Carabao Cup

បាល់ទាត់៖ ក្រុមបាល់ទាត់ដែលកំពុងដុនដាបនៅបាតតារាង English Premier League, Southampton បានធ្វើរឿងភ្ញាក់ផ្អើលមួយក្រោយយកឈ្នះ Manchester City ២-០ ឡើងវគ្គពាក់កណ្តាលផ្តាច់ព្រ័ត្រ Carabao Cup រឺ EFL Cup។ អ្នកចាត់ការ Southampton លោក Nathan Jones មានការលំបាកក្នុងការជួយស្រោចស្រង់ក្រុមតាំងពីទទួលតំណែងដឹកនាំដោយផ្ទេរពី Luton Town តែលើកនេះបែជាអាចយកឈ្នះក្រុមលេខ២ នៅ Premier League បាន។ Sekou Mara បើកការនាំមុខឱ្យ Southampton នៅនាទីទី២៣ មុនពេលដែល Moussa Djenepo បន្ថែមគ្រាប់ទីពីរ ៥នាទីបន្ទាប់ និងជាគ្រាប់បាល់តែពីរគ្រាប់គត់កើតឡើងក្នុងការប្រកួតនេះ។ អ្នកចាត់ការ Manchester City លោក Pep Guardiola បានដាក់ឱ្យកីឡាករសំខាន់ៗមួយចំនួនសម្រាកដូចជា Erling Haaland និង Kevin de Bruyne ជាដើមដើម្បីត្រៀមសម្រាប់ការប្រកួត Manchester Derby ទល់នឹង Manchester United នៅ Old Trafford ចុងសប្តាហ៍នេះ ខណៈដែលការប្រកួតនេះមានការគ្រប់គ្រងបាល់ច្រើន និងឱកាសស៊ុត ៧លើកមិនចំគោលដៅទាំងអស់។ យោងតាមលទ្ធផលនេះ Southampton នឹងបន្តឡើងវគ្គពាក់កណ្តាលផ្តាច់ព្រ័ត្រជួបជាមួយ Newcastle United ខណៈ Manchester United ត្រូវជួបជាមួយ Nottingham Forest ដែលយកឈ្នះ Wolves ដោយបាល់ ១១ម៉ែត្រកាត់សេចក្តីយប់មិញផងដែរ៕អត្ថបទ៖នាង សុភាវុធ

ផ្លូវការ Joao Felix ផ្លាស់មកកាន់ Chelsea ក្នុងលក្ខខណ្ឌខ្ចីជើងដល់ចប់រដូវកាល

បាល់ទាត់៖ ក្លិបតោខៀវ Chelsea បានសម្រេចជាផ្លូវការហើយក្នុងការនាំយកខ្សែប្រយុទ្ធព័រទុយហ្កាល់ Joao Felix ក្នុងលក្ខខណ្ឌខ្ចីជើងដល់ចប់រដូវកាល។ មិនមានការបង្ហាញជុំវិញព័ត៌មាននៃកិច្ចសន្យាខ្ចីនោះឡើយ តែសារព័ត៌មានអង់គ្លេសមួយបានចុះផ្សាយថា Chelsea ត្រូវផ្តល់ប្រាក់ប្រមាណ ១០លានអឺរ៉ូទៅកាន់ Atletico Madrid ហើយក្លិបនៅទីក្រុងឡុងដ៍មួយនេះគឺជារ៉ាប់រងប្រាក់ឈ្នួលទាំងស្រុងរបស់កីឡាករវ័យ ២៣ឆ្នាំរូបនេះ។ កីឡាករវ័យ ២៣ឆ្នាំរូបនេះបានធ្លាក់មកក្រៅជម្រើសនៅ Atletico Madrid ប៉ុន្មានខែចុងក្រោយនេះ។ កីឡាករដែលទិញចូលថ្លៃបំផុតក្នុងប្រវត្តិសាស្ត្រក្លិបតម្លៃ ១២០លានអឺរ៉ូរូបនេះបានមកដល់ Atletico Madrid នៅឆ្នាំ២០១៩ ដើម្បីបំពេញការចាកចេញរបស់ Antoine Griezmann នៅពេលនោះ។ យ៉ាងណាក្តី Felix មិនទាន់ឈានដល់កំរិតដែលក្លិបចប់បាននៅឡើយ ហើយទំនាក់ទំនងរបស់គេជាមួយអ្នកចាត់ការ Diego Simeone ត្រូវបានគេដឹងថាកំពុងបែកបាក់ប្រេះឆាផងដែរ។ បើតាមភ្នាក់ងាររបស់ Felix លោក Jorge Mendes ឱ្យដឹងថា Joao Felix ក៏កំពុងទទួលការចាប់អារម្មណ៍ពីក្លិបនៅ Premier League ផ្សេងទៀតរួមមាន Manchester United និង Arsenal ផងដែរ៕អត្ថបទ៖នាង សុភាវុធ

ស្អាងយើងស្អាត និងព្រៃវែងបន្ដជ័យជម្នះក្នុងពាន Soccer League ផ្នែកបាល់ទាត់នារី

បាល់ទាត់៖ ក្រុមបាល់ទាត់នារី ស.ស.យ.ក ស្អាងយើងស្អាត និងក្រុម ស.ស.យ.ក ខេត្តព្រៃវែងបានបន្ដជ័យជម្នះរៀងៗខ្លួនក្នុងការប្រកួតពានរង្វាន់ Soccer League លើកទី៦ សម្រាប់ការប្រកួតទី២ ពូល A កាលពីថ្ងៃទី១១ ខែមករា ឆ្នាំ២០២៣ ម្សិលមិញ។សម្រាប់ប្រកួតទី២ របស់ក្រុម ស.ស.យ.ក ស្អាងយើងស្អាតគឺបានយកឈ្នះក្រុមវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ ដោយលទ្ធផល ៨-០ គ្រាដែលប្រកួតទី២ របស់ក្រុម ស.ស.យ.ក ខេត្តព្រៃវែងគឺបានយកឈ្នះក្រុម ស.ស.យ.ក ខេត្តកោះកុង ១២-០ នៅទីលានវិទ្យាស្ថានជាតិអប់រំកាយ និងកីឡា។ ជ័យជម្នះនេះបានធ្វើឲ្យក្រុមទាំងពីរមាន ៦ពិន្ទុស្មើគ្នាដើម្បីគ្រងកំពូលតារាងពូល A បណ្ដោះអាសន្ន មុនក្រុមទាំងពីរត្រូវជួបគ្នាក្នុងពូលនាថ្ងៃទី១៣ ខែមករាស្អែក ។ រីឯក្រុមវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ នៅរក្សា ៣ពិន្ទុក្នុងដៃ ក្រោយឆ្លងកាត់ ២ប្រកួតឈ្នះ ១ និងចាញ់ ១ ខណៈក្រុម ស.ស.យ.ក ខេត្តកោះកុងមិនទាន់មានពិន្ទុរាប់នោះទេ ក្រោយចាញ់ ២ប្រកួតផ្ទួនៗ។ដោយឡែកទៅចាប់អារម្មណ៍ការប្រកួតផ្នែកបុរស ដែលជាការប្រកួតដំបូងសម្រាប់ ៤ពូលចុងក្រោយវិញរួមមាន៖ ពូល M ក្រុមព្រែកប្រាកីឡាយកឈ្នះក្រុមម៉ូលីអេហ្វស៊ី ១-០ និងក្រុម ស.ស.យ.ក ខេត្តកណ្ដាលយកឈ្នះក្រុម ស.ស.យ.ក ខេត្តព្រៃវែង ៦-១។ ពូល N ក្រុម ស.ស.យ.ក ស្វាយរៀងយកឈ្នះក្រុមយុវជនឬស្សីកែវ ៥-១ និងក្រុមយុវជន ៧មករាច្រះចំរេះ(០១) បានយកឈ្នះក្រុមសេនាអង្គរអេហ្វស៊ី ៨-២។ រីឯពូល O គឺក្រុមស៊ីសូផុនអេហ្វស៊ីយកឈ្នះក្រុម NL Galaxy FC ៨-១ និងក្រុមវ័យចាស់កងយោធពលខេមរភូមិន្ទ ប្រកួតស្មើសមាគមន៍បាល់ទាត់ អ.ម.ត ព្រះសីហនុ ៣-៣។ ពូល P ក្រុម ZAITUN FC យកឈ្នះក្រុមទីទុយខ្មៅ ៥-២ និងក្រុម RFL FC យកឈ្នះក្រុម Premium Lucky Legend ដោយលទ្ធផល ៣-០៕ អត្ថបទ៖ លី ឈុនឡា

កីឡាករ-កីឡាការិនីមានផ្ទុកកូវីដ-១៩ នៅតែអាចប្រកួតបាននៅ Australian Open

វាយកូនបាល៖ កីឡាករ-កីឡាការិនីនៅព្រឹត្តិការណ៍ Grand Slam, Australian Open នឹងមិនត្រូវធ្វើតេស្តរកមេរោគកូវីដ-១៩ ឡើយ ហើយពួកគេនៅតែអាចប្រកួតបានបើទោះជាមានវិជ្ជមានកូវីដ-១៩ ក៏ដោយ។ កាលពីឆ្នាំមុនកីឡាករ-កីឡាការិនីទាំងអស់ត្រូវតែធ្វើតេស្តជារៀងរាល់ថ្ងៃ និងត្រូវធ្វើចត្តាឡីស័កប្រសិនបើពួកគេមានវិជ្ជមានកូវីដ-១៩ និងត្រូវតែមានវ៉ាក់សាំងគ្រប់គ្រាន់ដាច់ខាត។ ជើងឯក ៩លើក Novak Djokovic ដែលមិនទទួលយកការចាក់វ៉ាក់សាំងនោះ ត្រូវបានតម្រូវឱ្យចាកចេញពីព្រលានយន្តហោះទីក្រុម Melbourne កាលពីឆ្នាំ២០២២ កន្លងទៅ មុនពេលការប្រកួតចាប់ផ្តើមដោយសារទិដ្ឋាការរបស់កីឡាករស៊ែបរូបនេះ មិនមានភ្ជាប់ជាមួយលិខិតបញ្ជាក់ការចាក់វ៉ាក់សាំង។ យ៉ាងណាក្តីអ្នករៀបចំ Australian Open ថ្វីបើអនុញ្ញាតឱ្យកីឡាករ-កីឡាការិនីប្រកួតទាំងមានវិជ្ជមានក្តី តែក៏ស្នើសុំឱ្យអ្នកដែលមានវិជ្ជមានទាំងនោះ កុំចូលរួមប្រសិនពួកគេមិនស្រួលខ្លួន និងចេញរោគសញ្ញា។ ព្រឹត្តិការណ៍វាយកូនបាល់ Grand Slam, Australian Open នឹងចាប់ផ្តើមនៅថ្ងៃចន្ទ ទី១៦ សប្តាហ៍ក្រោយនេះហើយនឹងបញ្ចប់នៅថ្ងៃទី២៩ ខែមករា៕អត្ថបទ៖នាង សុភាវុធ

Sebastian Loeb ឈ្នះដំណាក់កាលទី៩ ប្រណាំងយានយន្ត Dakar Rally តែ Al-Attiyah បន្តនាំមុខរួម

ប្រណាំងរថយន្ត៖ កីឡាករប្រណាំងរថយន្តបារាំង Sebastian Loeb បានប្រជែងឈ្នះដំណាក់កាលទី៩ នៃព្រឹត្តិការណ៍ប្រណាំងយានយន្តចម្ងាយឆ្ងាយ Dakar Rally តែអ្នកនាំមុខរួមនៅតែជាកីឡាករកាតា Nasser Al-Attiyah ដដែល។ ដំណាក់កាលទី៩ ដែលមានចម្ងាយផ្លូវ ៣៥៨គីឡូម៉ែត្រ កីឡាករដែលបើកបរឱ្យក្រុមប្រណាំង Prodrive រូបនេះបានចំណាយពេល ៣ម៉ោង ៧នាទី ២៤វិនាទីដើម្បីមកដល់ទីព្រ័ត្រមុនគេ តាមពីក្រោយដោយកីឡាករលីទុយអានី Vaidotas Zala យឺតជាង ៥៧វិនាទី និងលេខ៣ កីឡាករបារាំង Guerlain Chicherit យឺតជាង ២នាទី ៨នាទី។ នេះជាជ័យជំនះលើកទី៣ ដំណាក់កាលសម្រាប់ Sebastian Loeb នៅ Dakar Rally ឆ្នាំនេះ តែបើក្រឡេកមកតារាងវេលារួមវិញអ្នកនាំមុខគេនៅតែជាកីឡាករកាតា Nasser Al-Attiyah ដោយមានវេលាចំណេញពីលើអ្នកលេខ២ កីឡាករប្រេស៊ីល Lucas Moraes ១ម៉ោង ២១នាទី ៥៧វិនាទីឯណោះ។ ងាកមកការប្រកួតផ្នែកម៉ូតូវិញជ័យជំនះក្នុងដំណាក់កាលទី៩ នេះបានទៅកីឡាករអាហ្សង់ទីន Kevin Benavides តែអ្នកនាំមុខរួមនៅតែជាកីឡាករអាមេរិក Skyler Howes នាំមុខ ១នាទី ១៣វិនាទីពីលើ Benavises។ សម្រាប់ដំណាក់កាលទី១០ ថ្ងៃពុធនេះមានចម្ងាយផ្លូវ ៦២៣គីឡូម៉ែត្រ៕អត្ថបទ៖នាង សុភាវុធ

Al Nassr ច្រានចោលព័ត៌មានថា កុងត្រា Ronaldo មានភ្ជាប់ជាមួយការជួយអារ៉ាប៊ីសាអ៊ូឌីតដេញថ្លៃរៀបចំ World Cup 2030

បាល់ទាត់៖ ក្លិបអារ៉ាប៊ីសាអ៊ូឌីត Al Nassr បានចេញសេចក្ដីថ្លែងការណ៍ច្រានចោលព័ត៌មានទាំងឡាយណាដែលបានចុះផ្សាយថា កិច្ចសន្យារបស់ Cristiano Ronaldo គឺមានភ្ជាប់ជាមួយការជួយអារ៉ាប៊ីសាអ៊ូឌីតក្នុងការដេញថ្លៃធ្វើម្ចាស់ផ្ទះ World Cup 2030។ កិច្ចសន្យារបស់ Ronaldo ជាមួយ Al Nassr ដែលត្រូវបានគេដឹងថាមានតម្លៃដល់ទៅ ២០០លានអឺរ៉ូនោះ គឺអមជាមួយនឹងការជួយផ្សព្វផ្សាយយុទ្ធនាការដេញថ្លៃធ្វើម្ចាស់ផ្ទះ World Cup 2030 របស់អារ៉ាប៊ីសាអ៊ូឌីត។ តែក្លិបបានច្រានចោលថា នោះសុទ្ធតែជាព័ត៌មានមួលបង្កាច់ភូតកុហក ខណៈដែលគោលដៅរបស់កីឡាករព័រទុយហ្កាល់មានតែមួយមុខគត់ គឺផ្តោតលើអាជីពបាល់ទាត់របស់ខ្លួន ជួយមិត្តរួមក្រុម និងក្លិបទទួលបានជោគជ័យតែប៉ុណ្ណោះ។ សូមបញ្ជាក់ថា Cristiano Ronaldo បានផ្លាស់មកកាន់ Al Nassr នៅទឹកដីអារ៉ាប៊ីសាអ៊ូឌីតកាលពីខែមុន ក្រោយបញ្ចប់កិច្ចសន្យាមុនកំណត់ជាមួយ Manchester United បន្ទាប់ពីកីឡាករវ័យ ៣៧ឆ្នាំរូបនេះបញ្ចេញបទសម្ភាសន៍ជាមួយលោក Piers Morgan រិះគន់ក្លិបខ្លួនឯង។ Ronaldo មិនទាន់បានចូលលេងឱ្យ Al Nassr ផ្លូវការនៅឡើយ ពោលគឺត្រូវរង់ចាំដល់ថ្ងៃទី២២ ខែមករានេះដែលនឹងត្រូវទទួលស្វាគមន៍ Ettifaq ក្នុងទឹកដីរបស់ខ្លួន ហើយក៏នឹងអាចជួបជាមួយ Lionel Messi នៅពេល Paris Saint Germain ប្រកួតមិត្តភាពនៅទឹកដីអារ៉ាប៊ីសាអ៊ូឌីត។ អារ៉ាប៊ីសាអ៊ូឌីតត្រូវបានគេដឹងថា កំពុងពិចារណាក្នុងការដាក់ដេញថ្លៃរៀបចំធ្វើម្ចាស់ផ្ទះ World Cup 2030 ដែលមានគូប្រជែងក្រិក និងអេស៊ីប៕អត្ថបទ៖នាង សុភាវុធ

Rashford ស៊ុតពីរគ្រាប់ម្នាក់ឯងឱ្យ Man United ឈ្នះ Charlton ឡើងវគ្គពាក់កណ្តាលផ្តាច់ព្រ័ត្រ Carabao Cup

បាល់ទាត់៖ ខ្សែប្រយុទ្ធអង់គ្លេស Marcus Rashford នៅតែបន្តការស៊ុតបញ្ចូលទីរបស់ខ្លួនជាប់ប្រកួតគ្នាមិនដាច់ បន្ទាប់ពីរកបានពីរគ្រាប់ទៀតឱ្យ Manchester United យកឈ្នះ Charlton Athletic ៣-០ ឡើងវគ្គពាក់កណ្តាលផ្តាច់ព្រ័ត្រ Carabao Cup។ ខ្សែបម្រើប្រេស៊ីល Antony ជាអ្នកបើកការនាំមុខឱ្យ Manchester United នៅវគ្គទី១ ដែលជាការស៊ុតពីចំងាយកោងចូលទីយ៉ាងល្អ។ Marcus Rashford ដែលជាកីឡាករបម្រុងផ្លាស់ប្តូរចូលនៅវគ្គទី២ នោះគឺជាអ្នកធានាជ័យជំនះឱ្យក្រុមរបស់លោក Erik ten Hag ដោយរកបានពីរគ្រាប់ផ្ទួននៅនាទីទី៩០ និង ៩០+៤ បញ្ជូន Manchester United ឡើងវគ្គពាក់កណ្តាលផ្តាច់ព្រ័ត្រ Carabao Cup ពីជ័យជំនះលើក្រុមមកពីក្របខណ្ឌលីគទី៣ អង់គ្លេស Charlton។ នេះជាគ្រាប់បាល់ទី១៤ និង ១៥ សម្រាប់ Marcus Rashford ក្នុងរដូវកាលនេះ និងជាការស៊ុតបញ្ចូលទី ៦ប្រកួតជាប់គ្នាផងដែរ។ នេះជាជ័យជំនះ ៨ប្រកួតផ្ទួនៗផងដែរសម្រាប់ Manchester United ដែលខកខានធ្វើបានបែបនេះតាំងពីឆ្នាំ២០១៨-១៩ ក្រោមការដឹកនាំរបស់លោក Ole Gunnar Solskjaer។ ងាកទៅការប្រកួតមួយគូទៀត ក្រុមអ្នកមានថ្មី Newcastle United ក៏បានបន្តដំណើរឡើងវគ្គពាក់កណ្តាលផ្តាច់ព្រ័ត្រដែរ ក្រោយជ័យជំនះលើ Leicester City ២-០ នៅ St. James Park។ Newcastle ជាក្រុមមានប្រៀបតែគ្មានសំណាងនៅវគ្គទី១ ពោលគឺគ្រាប់បាល់ជ័យជំនះត្រូវរង់ចាំនៅវគ្គទី២ ដែលសម្រេចបានដោយ Dan Burn នាទីទី៦០ និង Joelinton នាទីទី៧២។ ពីរគូទៀតក្នុងវគ្គ ៨ក្រុមចុងក្រោយត្រូវប្រកួតយប់នេះរួមមាន Nottingham Forest ទទួល Wolves និង Southampton ទទួល Manchester City៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ

ក្រុមគ្រួសារជនរងគ្រោះប្រាប់ថា របួសមិនទាន់ជាសះស្បើយទេ ៦ឆ្នាំក្រោយការផ្ទុះនៅកំពង់ផែបេរូតរបស់លីបង់

ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ Hormuz នៅថ្ងៃអង្គារ ឬថ្ងៃពុធ

ប្រព័ន្ធផ្សព្វផ្សាយរដ្ឋ៖ បំណាក់ដីបណ្ដាលឱ្យមនុស្ស ១៤នាក់ស្លាប់ នៅតំបន់ Amhara របស់អេត្យូពី

Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុងការចំណាយលើប្រេងឥន្ធនៈខ្ពស់

ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយអ៊ីរ៉ង់

មនុស្សជាង ៨.០០០នាក់ នៅតែបន្តនៅក្នុងជម្រកបណ្ដោះអាសន្ន ក្រោយរញ្ចួយដី ១សប្តាហ៍ នៅជប៉ុន

ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន

កូរ៉េខាងត្បូង តវ៉ាចំពោះការអះអាងសិទ្ធិរបស់ជប៉ុន លើកោះតូចៗមានជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករ ៦ប្រទេសចូលរួមការប្រកួតកីឡាប្រណាំងម៉ូតូនៃព្រឹត្តិការណ៍ប្រណាំងយានយន្តសន្តិភាព២០២៣

ក្រុមបាល់ទះជម្រើសជាតិកម្ពុជានឹងប្រកួតមិត្តភាពជាមួយបារាំងនាខែក្រោយ

អ្នករត់ចម្ងាយឆ្ងាយ គីម កុក រំភើបរីករាយ ក្រោយព្រឹត្តិការណ៍ Angkor Ultra Trail ត្រឡប់មកវិញ

Southampton ទម្លាក់ Manchester City ឡើងវគ្គពាក់កណ្តាលផ្តាច់ព្រ័ត្រ Carabao Cup

ផ្លូវការ Joao Felix ផ្លាស់មកកាន់ Chelsea ក្នុងលក្ខខណ្ឌខ្ចីជើងដល់ចប់រដូវកាល

ស្អាងយើងស្អាត និងព្រៃវែងបន្ដជ័យជម្នះក្នុងពាន Soccer League ផ្នែកបាល់ទាត់នារី

កីឡាករ-កីឡាការិនីមានផ្ទុកកូវីដ-១៩ នៅតែអាចប្រកួតបាននៅ Australian Open

Sebastian Loeb ឈ្នះដំណាក់កាលទី៩ ប្រណាំងយានយន្ត Dakar Rally តែ Al-Attiyah បន្តនាំមុខរួម

Al Nassr ច្រានចោលព័ត៌មានថា កុងត្រា Ronaldo មានភ្ជាប់ជាមួយការជួយអារ៉ាប៊ីសាអ៊ូឌីតដេញថ្លៃរៀបចំ World Cup 2030

Rashford ស៊ុតពីរគ្រាប់ម្នាក់ឯងឱ្យ Man United ឈ្នះ Charlton ឡើងវគ្គពាក់កណ្តាលផ្តាច់ព្រ័ត្រ Carabao Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​ ៦​ប្រទេស​ចូលរួម​ការប្រកួត​កីឡា​ប្រណាំង​ម៉ូតូ​នៃ​ព្រឹត្តិការណ៍​ប្រណាំង​យានយន្ត​សន្តិភាព​២០២៣

ក្រុម​បាល់ទះ​ជម្រើសជាតិ​កម្ពុជា​នឹង​ប្រកួត​មិត្តភាព​ជាមួយ​បារាំង​នា​ខែក្រោយ​

អ្នករត់ចម្ងាយឆ្ងាយ គីម កុក រំភើបរីករាយ ក្រោយព្រឹត្តិការណ៍ Angkor Ultra Trail ត្រឡប់មកវិញ

Southampton ទម្លាក់ Manchester City ឡើង​វគ្គ​ពាក់កណ្តាល​ផ្តាច់ព្រ័ត្រ Carabao Cup

ផ្លូវការ Joao Felix ផ្លាស់​មកកាន់ Chelsea ក្នុង​លក្ខខណ្ឌ​ខ្ចី​ជើង​ដល់​ចប់​រដូវ​កាល

ស្អាង​យើង​ស្អាត និង​ព្រៃវែង​បន្ដ​ជ័យជម្នះ​ក្នុង​ពាន​ Soccer League ​ផ្នែក​បាល់ទាត់​នារី​

កីឡាករ-កីឡាការិនី​មាន​ផ្ទុក​កូ​វីដ​-១៩ នៅតែ​អាច​ប្រកួត​បាន​នៅ Australian Open

Sebastian Loeb ឈ្នះ​ដំណាក់កាល​ទី​៩ ប្រណាំង​យានយន្ត Dakar Rally តែ Al-Attiyah បន្ត​នាំមុខ​រួម

Al Nassr ច្រានចោល​ព័ត៌មាន​ថា​ កុងត្រា Ronaldo មាន​ភ្ជាប់​ជាមួយ​ការ​ជួយ​អារ៉ាប៊ីសាអ៊ូឌីត​ដេញថ្លៃ​រៀបចំ World Cup 2030

Rashford ស៊ុត​ពីរ​គ្រាប់​ម្នាក់ឯង​ឱ្យ Man United ឈ្នះ Charlton ឡើង​វគ្គ​ពាក់កណ្តាល​ផ្តាច់ព្រ័ត្រ Carabao Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករ ៦ប្រទេសចូលរួមការប្រកួតកីឡាប្រណាំងម៉ូតូនៃព្រឹត្តិការណ៍ប្រណាំងយានយន្តសន្តិភាព២០២៣

ក្រុមបាល់ទះជម្រើសជាតិកម្ពុជានឹងប្រកួតមិត្តភាពជាមួយបារាំងនាខែក្រោយ

Southampton ទម្លាក់ Manchester City ឡើងវគ្គពាក់កណ្តាលផ្តាច់ព្រ័ត្រ Carabao Cup

ផ្លូវការ Joao Felix ផ្លាស់មកកាន់ Chelsea ក្នុងលក្ខខណ្ឌខ្ចីជើងដល់ចប់រដូវកាល

ស្អាងយើងស្អាត និងព្រៃវែងបន្ដជ័យជម្នះក្នុងពាន Soccer League ផ្នែកបាល់ទាត់នារី

កីឡាករ-កីឡាការិនីមានផ្ទុកកូវីដ-១៩ នៅតែអាចប្រកួតបាននៅ Australian Open

Sebastian Loeb ឈ្នះដំណាក់កាលទី៩ ប្រណាំងយានយន្ត Dakar Rally តែ Al-Attiyah បន្តនាំមុខរួម

Al Nassr ច្រានចោលព័ត៌មានថា កុងត្រា Ronaldo មានភ្ជាប់ជាមួយការជួយអារ៉ាប៊ីសាអ៊ូឌីតដេញថ្លៃរៀបចំ World Cup 2030

Rashford ស៊ុតពីរគ្រាប់ម្នាក់ឯងឱ្យ Man United ឈ្នះ Charlton ឡើងវគ្គពាក់កណ្តាលផ្តាច់ព្រ័ត្រ Carabao Cup