BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

Pele និងក្រុមគ្រួសារជួបជុំគ្នាអបអរគ្រីសស្មាសក្នុងមន្ទីរពេទ្យ

បាល់ទាត់៖ ក្រុមគ្រួសារវីរបុរសបាល់ទាត់ប្រេស៊ីលលោក Pele បានជួបជុំគ្នានៅក្នុងមន្ទីរពេទ្យដើម្បីអបអរថ្ងៃបុណ្យគ្រីសស្មាស ស្របពេលស្ថានភាពជំងឺរបស់លោក Pele ស្ថិតក្នុងស្ថានភាពវិវឌ្ឍកាន់តែអាក្រក់។ បុរសវ័យ ៨២ឆ្នាំរូបនេះត្រូវការការថែទាំសុខភាពរបស់គាត់យ៉ាងយកចិត្តទុកដាក់បំផុត ពីក្រុមជំនាញពេទ្យផ្នែកមហារីកនៅមន្ទីរពេទ្យ Albert Einstein ទីក្រុង Sao Paulo។ មិនត្រឹមតែបញ្ហាជំងឺមហារីកក្រពេញប្រូស្តាតទេលោក Pele ក៏មានបញ្ហាបេះដូងផងដែរ។ សារព័ត៌មានមួយចំនួនបានចុះផ្សាយថា ជំងឺមហារីករបស់លោក Pele កំពុងវិវឌ្ឍកាន់តែព្រួយបារម្ភ តែមិនទាន់ដល់ថ្នាក់សម្រាកក្នុងបន្ទប់សង្គ្រោះបន្ទាន់នៅឡើយទេ។ ដោយត្រូវបានគេចាត់ទុកថា ជាកីឡាករអស្ចារ្យបំផុតក្នុងប្រវត្តិសាស្ត្របាល់ទាត់លោក Pele ត្រូវបានបញ្ជូនមកកាន់មន្ទីរពេទ្យជាច្រើនលើករួចមកហើយក្នុងឆ្នាំ២០២២ នេះ។ ក្រុមគ្រួសាររបស់លោក Pele រួមមានកូនស្រីទាំងពីរនាក់ Kely Nascimento និង Flavia Arantes បានច្រានចោលព័ត៌មានដែលចុះផ្សាយថា ស្ថានភាពជំងឺរបស់ឪពុកខ្លួនឈានដល់ដំណាក់កាលចុងក្រោយនៃជីវិតហើយ៕អត្ថបទ៖នាង សុភាវុធ

Wolves ខ្ចីខ្សែប្រយុទ្ធប្រេស៊ីល Matheus Cunha ពី Atletico Madrid

បាល់ទាត់៖ ក្លិបអង់គ្លេស Wolverhampton Wanderers បានសំរេចក្នុងការចុះហត្ថលេខានាំយកខ្សែប្រយុទ្ធប្រេស៊ីល Matheus Cunha ពីក្លិបអេស្ប៉ាញ Atletico Madrid ក្នុងលក្ខខណ្ឌខ្ចីជើងដល់ចប់រដូវកាល។ កីឡាករវ័យ ២៣ឆ្នាំរូបនេះនឹងចូលរួមជាមួយ Wolves នៅពេលទីផ្សារដោះដូរកីឡាករបើកចំហរនៅថ្ងៃទី១ ខែមករាខាងមុខ ជាមួយនឹងកិច្ចសន្យាដែលចងភ្ជាប់ជាមួយនឹងលក្ខខណ្ឌទិញផ្តាច់ជាកីឡាកររបស់ Wolves ដល់ឆ្នាំ២០២៧។ Matheus Cunha បានចូលរួមជាមួយ Atletico Madrid នៅខែសីហា ឆ្នាំ២០២១ ស៊ុតបញ្ចូលទីបាន ៦គ្រាប់នៅ La Liga ក្នុងការបង្ហាញខ្លួន ៤០ប្រកួត តែភាគច្រើនជាងកីឡាករបម្រុងប៉ុណ្ណោះ។ មុនមកដល់ Atletico Madrid, Matheus Cunha ធ្លាប់ចំណាយពេលប្រកបអាជីពនៅទឹកដីអាល្លឺម៉ង់ក្របខណ្ឌ Bundesliga ជាមួយ RB Leipzig ពីឆ្នាំ២០១៨ ដល់ ២០២០ មុនផ្លាស់ទៅកាន់ Hertha Berlin។ Matheus Cunha ត្រូវបានកោះហៅចូលលេងឱ្យក្រុមជម្រើសជាតិប្រេស៊ីលដំបូងកាលពីខែកញ្ញា ឆ្នាំ២០២១ ក្នុងជំនួបដែលប្រេស៊ីលយកឈ្នះស៊ីលី ១-០ ក្នុងវគ្គជម្រុះ World Cup។ មួយខែក្រោយមក Cunha គឺជាអ្នកស៊ុតបញ្ចូលទីគ្រាប់បាល់ជ័យជំនះឱ្យក្រុម U23 ប្រេស៊ីលឈ្នះមេដាយមាសអូឡាំពិកនៅទីក្រុងតូក្យូប្រេស៊ីល៕អត្ថបទ៖នាង សុភាវុធ

អ្នកចាត់ការ Spurs មិនសប្បាយចិត្តដែល Premier League សម្រាកពី World Cup ឆាប់ពេក

បាល់ទាត់៖ អ្នកចាត់ការក្លិប Tottenham Hotspur លោក Antonio Conte បានរអ៊ូរទាំមិនសប្បាយចិត្តនៅពេលដែលកីឡាករមានពេលសម្រាកតិចពេក ក្រោយចប់បេសកកម្មរបស់ខ្លួននៅ World Cup។ លោក Conte បាននិយាយថា លោកប្រហែលជាត្រូវជ្រើសរើសកីឡាករដែលមិនបានលេង World Cup ឱ្យលេងទល់នឹង Brentford ក្នុងថ្ងៃ Boxing Day ថ្ងៃចន្ទនេះ។ កីឡាករដែលពាក់ព័ន្ធនឹងការប្រកួតវគ្គផ្តាច់ព្រ័ត្រ World Cup រវាងបារាំង និងអាហ្សង់ទីនដូចជាអ្នកចាំទីបារាំង Hugo Lloris និងខ្សែការពារ Cristian Romero ច្បាស់ណាស់នឹងអវត្តមានពីការប្រកួតនេះ។ អតីតអ្នកចាត់ការ Chelsea រូបនេះបន្តទៀតថា នេះជាលើកដំបូងដែល World Cup ត្រូវបានរៀបចំឡើងក្នុងចន្លោះរដូវកាល ដែលធ្វើឱ្យកីឡាករពិបាកនឹងប្រមូលអារម្មណ៍នៅពេលត្រលប់មកវិញ ហើយ Premier League គួរតែមានពេលសម្រាកយូរជាងនេះ។ កីឡាករសំខាន់ៗផ្សេងទៀតរបស់ Spurs ដែលនឹងអវត្តមានមានដូចជា Rodrigo Bentancur ដោយសាររបួស និងជាប់ពិន័យ ខណៈខ្សែប្រយុទ្ធប្រេស៊ីល Richarlison និង Luca Moura សុទ្ធតែមានរបួស។ Spurs បច្ចុប្បន្នកំពុងឈរលេខ៤ មាន ២៩ពិន្ទុតាមពីក្រោយ Newcastle ១ពិន្ទុនៅពីលើ Manchester United ៣ពិន្ទុ។ បន្ទាប់ពីជួប Brentford ថ្ងៃនេះ Spurs នឹងបន្តជួបជាមួយ Aston Villa ថ្ងៃទី១ ឆ្នាំថ្មី និងបីថ្ងៃបន្ទាប់ជួប Crystal Palace៕អត្ថបទ៖នាង សុភាវុធ

N’Golo Kante នឹងអវត្តមានពី Chelsea យ៉ាងហោចណាស់ដល់ខែមីនា

បាល់ទាត់៖ គ្រូបង្វឹក Chelsea លោក Graham Potter បង្ហើបថា ខ្សែបម្រើបារាំង N'Golo Kante ត្រូវបានគេរំពឹងថានឹងអវត្តមានរហូតដល់ខែមីនា។ កីឡាករវ័យ ៣១ឆ្នាំរូបនេះបានទទួលរងរបួសអំឡុងការប្រកួតដែល Chelsea ស្មើ Tottenham Hotspur ២-២ នៅ Stamford Bridge កាលពីថ្ងៃទី១៤ ខែសីហា ដែលធ្វើឱ្យគេខកខានមិនបានចូលរួមជាមួយក្រុមជម្រើសជាតិបារាំង នៅការប្រកួតបាល់ទាត់ពិភពលោកកន្លងទៅ។ របួសរបស់ Kante បានទទួលការវះកាត់រួចរាល់តាំងពីមុន World Cup តែតាមរយៈលោក Graham Potter ថា Kante នឹងបន្តសម្រាកយ៉ាងហោចណាស់ដល់ខែមីនាឯណោះ។ ក្រុមតោខៀវដែលឈរចំណាត់ថ្នាក់លេខ៨ នឹងត្រលប់មកការប្រកួត Premier League នៅថ្ងៃទី២៧ ខែធ្នូ នៅពេលដែលពួកគេជួបក្រុម Bournemouth នៅកីឡដ្ឋាន Stamford Bridge ហើយអាចនឹងមិនមានវត្តមានកីឡាករជម្រើសដំបូងយ៉ាងហោចណាស់ ៨នាក់។ Mateo Kovacic របស់ក្រូអាស៊ី និង Hakim Ziyech របស់ម៉ារ៉ុកនឹងមិនមានវត្តមានសម្រាប់ការប្រកួតទល់នឹង Bournemouth ឡើយដោយកំពុងសម្រាកពីការនឿយហត់នៅ World Cup។ Armando Broja ត្រូវបានគេរំពឹងថានឹងខកខានការប្រកួតដែលនៅសល់នៃរដូវកាលនេះ បន្ទាប់ពីបានទទួលការវះកាត់ដោយជោគជ័យសម្រាប់របួសសរសៃពួរផ្នែកខាងមុខ ក្នុងការប្រកួតមិត្តភាពពាក់កណ្តាលរដូវកាលរបស់ Chelsea ទល់នឹង Aston Villa៕អត្ថបទ៖នាង សុភាវុធ

អ្នកលេងគុនខ្មែរ ធឿន ធារ៉ា ធ្វើឲ្យកក្រើកសង្វៀន Thai Fight ក្រោយផ្ដួលជើងខ្លាំង Saiyok ត្រឹមទឹកទី១

គុនខ្មែរ៖ អ្នកលេងគុនខ្មែរ ធឿន ធារ៉ា ធ្វើឲ្យកក្រើកប្រទេសថៃ ក្រោយផ្ដួលកីឡាករលំដាប់កំពូលថៃ Saiyok Pumphanmuang ដោយអាជ្ញាកណ្ដាលបញ្ឈប់ការប្រកួតត្រឹមទឹកទី១ ដើម្បីគ្រងខ្សែក្រវាត់ និងពានរង្វាន់របស់ព្រះមហាក្សត្រថៃនៃព្រឹត្តិការណ៍ Thai Fight 100 Years Nakhon Ban កាលពីរាត្រីថ្ងៃទី២៤ ខែធ្នូកន្លងទៅ។ គូពិសេសប្រភេទទម្ងន់ ៧២គីឡូក្រាមកន្លះនេះ ធឿន ធារ៉ា ប្រើពេលប្រមាណ ១នាទីកន្លះប៉ុណ្ណោះដើម្បីយកឈ្នះកីឡាករជើងខ្លាំងថៃ Saiyok Pumphanmuang បន្ទាប់ពីជើងខ្លាំងកម្ពុជារូបនេះព្យាយាមសម្រុកប្រើកណ្ដាប់ដៃ ពិសេសការប្រើកែងធ្វើឲ្យ Saiyok បែកចិញ្ចើមផ្នែកកន្ទុយភ្នែកខាងស្ដាំយ៉ាងធំ ហើយក៏ត្រូវគ្រូពេទ្យប្រាប់អាជ្ញាកណ្ដាលឲ្យបញ្ឈប់ការប្រកួតតែម្ដង ដោយសាររបួសធំពេកមិនអាចបន្ដការប្រកួតបាន។តាមរយៈនេះបានធ្វើឲ្យអ្នកលេងពូថៅដៃ ធឿន ធារ៉ា ក្លាយជាអ្នកលេងគុនខ្មែរដំបូងដែលបានគ្រងជើងឯកនៃព្រឹត្តិការណ៍ដ៏ធំ Thai Fight ដោយទទួលបានខ្សែក្រវាត់ និងពានរង្វាន់របស់ព្រះមហាក្សត្រថៃ អមប្រាក់រង្វាន់ ៤សែនបាត អមប្រាក់រង្វាន់លើកទឹកចិត្តជាច្រើនទៀត ពិសេសសប្បុរសជនក្នុងស្រុកដែលបានប្រកាសឧបត្ថម្ភលើកទឹកចិត្ត ដល់អ្នកលេងគុនខ្មែររូបនេះជាបន្ដបន្ទាប់ទៀតផង។ ក្រឡេកទៅចាប់អារម្មណ៍អ្នកគាំទ្រ និងប្រជាជនថៃវិញក៏បានសម្ដែងការអបអរសាទរជ័យជម្នះរបស់កីឡាករ ធឿន ធារ៉ា ផងដែរ ទោះបីកីឡាករកម្ពុជារូបនេះបានផ្ដួលកីឡាករលំដាប់កំពូលថៃ Saiyok Pumphanmuang ក៏ដោយ៕អត្ថបទ៖ លី ឈុនឡា

AFF៖ កម្ពុជាបន្ដហ្វឹកហាត់ត្រៀមជួបប្រ៊ុយណេ ខណៈបេក្ខភាពពូល A ផ្សេងទៀតត្រូវប្រកួតថ្ងៃនេះ

បាល់ទាត់៖ ក្រុមជម្រើសជាតិកម្ពុជាបានបន្ដការប្រមូលផ្ដុំហ្វឹកហាត់របស់ខ្លួន ក្រោយត្រឡប់មកពីប្រទេសឥណ្ឌូនេស៊ីវិញដើម្បីត្រៀមការប្រកួតបន្ទាប់ នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Mistubishi Electric Cup 2022 ដោយនឹងត្រូវបើកទ្វារពហុកីឡដ្ឋានជាតិមរតកតេជោ ទទួលក្រុមជម្រើសជាតិប្រ៊ុយណេនាថ្ងៃទី២៩ ខែធ្នូ ឆ្នាំ២០២២ សប្ដាហ៍នេះ។ នេះគឺជាការប្រកួតទី៣ ក្នុងពូល A រវាងក្រុមទាំងពីរដែលត្រូវជួបគ្នាលើទឹកដីកម្ពុជា។ សម្រាប់ ២ប្រកួតដំបូងរបស់កម្ពុជាគឺបានយកឈ្នះហ្វីលីពីនក្នុងដី ៣-២ តែសោកស្ដាយបានចាញ់ម្ចាស់ផ្ទះឥណ្ឌូនេស៊ី ២-១។ រីឯ ២ប្រកួតរបស់ប្រ៊ុយណេគឺសុទ្ធតែបរាជ័យ រួមមានចាញ់ក្រុមភ្ញៀវថៃ ៥-០ និងចាញ់ម្ចាស់ផ្ទះហ្វីលីពីន ៥-១។ សម្រាប់ប្រកួតបន្ទាប់នេះគឺជាជំនួបដ៏សំខាន់របស់កម្ពុជា មុនធ្វើការងារធ្ងន់ដោយត្រូវហោះទៅប្រកួតបញ្ចប់ពូល ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ។ ២ប្រកួតចុងក្រោយនេះត្រូវការឈ្នះដាច់ខាត ដើម្បីមានឱកាសប្រជែងកៅអីវគ្គបន្ដនៃពានរង្វាន់បាល់ទាត់ជើងឯកអាស៊ីអាគ្នេយ៍ឆ្នាំ២០២២។ ប៉ុន្ដែមុនឈានដល់ការប្រកួតក្រុមគោព្រៃកម្ពុជា មានបេក្ខភាពក្នុងពូល A ចំនួន ២គូនឹងត្រូវធ្វើការប្រកួតនៅល្ងាចថ្ងៃទី២៦ ខែធ្នូនេះ រួមមានក្រុមខ្លាំងឥណ្ឌូនេស៊ីជួបក្រុមម្ចាស់ផ្ទះប្រ៊ុយណេ និងក្រុមការងារពារតំណែងជើងឯកថៃជួបក្រុមភ្ញៀវហ្វីលីពីន៕អត្ថបទ៖ លី ឈុនឡា

សិង្ហបុរីបើកការប្រកួតដំបូងរបស់ខ្លួនថ្ងៃនេះ ខណៈឡាវធ្វើដំណើរទៅជួបម៉ាឡេស៊ី

បាល់ទាត់៖ ល្ងាចនេះក្រុមបាល់ទាត់ជម្រើសជាតិសិង្ហបុរី ដែលឡើងដល់វគ្គពាក់កណ្តាលផ្តាច់ព្រ័ត្រឆ្នាំ២០២១ ត្រូវបើកយុទ្ធនាការប្រកួតពូល B ដោយត្រូវទទួលសហភាពមីយ៉ាន់ម៉ាម៉ោង ៥និង០០នាទីល្ងាចម៉ោងនៅកម្ពុជា ក្នុងការប្រកួតបាល់ទាត់ពានរង្វាន់តំបន់អាស៊ីអាគ្នេយ៍ ២០២២។ នេះជាការប្រកួតទី១ របស់សិង្ហបុរី ចំនែកសហភាពមីយ៉ាន់ម៉ានេះជាប្រកួតទីពីរ ខណៈប្រកួតទីមួយចាញ់ម៉ាឡេស៊ី ០ទល់នឹង១ ក្នុងដី។ ប្រកួតថ្ងៃនេះគ្រូបង្វឹកសញ្ជាតិជប៉ុន Takayuki Nishigaya របស់សិង្ហបុរីជួបបញ្ហាប្រឈមដោយកីឡាករឆ្នើមពីររូបគឺខ្សែប្រយុទ្ធ khsan Fandi រួមជាមួយខ្សែបម្រើ Adam Swandi មានរបួសមិនអាចលេងបាន។ ក្នុងសន្និសីទសារព័ត៌មានលោក Nishigaya លើកឡើងថា វាពិតជាខកចិត្តដែលកីឡាករទាំងពីររូបនេះរងរបួស ហើយមិនអាចបន្តការប្រកួតបាន។ ប៉ះជាមួយសហភាពមីយ៉ាន់ម៉ាជាការប្រកួតដំបូង ដូច្នោះត្រូវតែលេងឱ្យបានល្អ។ ចំនែកលោក Antoine Hey គ្រូបង្វឹកសហភាពមីយ៉ាន់ម៉ាសង្ឃឹមថា ក្រុមរបស់លើកអាចជួសជុលស្ថានការណ៍ក្រោយចាញ់ ០ទល់នឹង១ ក្រោមថ្វីបច្ចេកទេសម៉ាឡេស៊ី។ ប្រាំពីរប្រកួតចុងក្រោយសិង្ហបុរីឈ្នះ ៥ប្រកួត ស្មើ១ និងចាញ់១។ ថ្ងៃជាមួយគ្នានេះដែរ ម៉ាឡេស៊ីបើកពហុកីឡដ្ឋានជាតិ Bukil Jalil នៅទីក្រុងគួឡាឡាំពួទទួលក្រុមឡាវ។ ឡាវបើកការប្រកួតចាញ់វៀតណាម ០ទល់នឹង៦ ចំនែកម៉ាឡេស៊ីឈ្នះសហភាពមីយ៉ាន់ម៉ាយ៉ាងលំបាក ០ទល់នឹង១។ ជ័យជំនះការប្រកួតដំបូងបានធ្វើឱ្យលោក Kim Pan-gon គ្រូបង្វឹកម៉ាឡេស៊ីកាន់តែមានទំនុកចិត្តសម្រាប់ប្រកួតទីពីរនេះ។ ៦ប្រកួតចុងក្រោយ ឡាវមិនដែលឈ្នះក្រុមម៉ាឡេស៊ីនោះទេ។ សូមជម្រាបជូនថា ការប្រកួតទាំងពីរប្រកួតនេះ BTV News ផ្សាយផ្ទាល់ពីប្រទេសសិង្ហបុរី និងម៉ាឡេស៊ីជូនអ្នកគាំទ្រកីឡាបាល់ទាត់៕អត្ថបទ៖ គង់ ហួន

ហ្វីលីពីនដណ្តើមបានបីពិន្ទុក្រោយឈ្នះព្រុយណេ ៥ទល់១ បាល់ទាត់ពានរង្វាន់តំបន់អាស៊ាន

បាល់ទាត់៖ ក្រោយចាញ់កម្ពុជាប្រកួតដំបូង ហ្វីលីពីនបានយកឈ្នះព្រុយណេដារ៉ូសាឡឹម ៥ទល់នឹង១ វិញនៅពហុកីឡដ្ឋាន Rizal Memorial រដ្ឋធានីម៉ានីល ប្រទេសហ្វីលីពីន ការប្រកួតបាល់ទាត់ពានរង្វាន់តំបន់អាស៊ីអាគ្នេយ៍ពូល A។ ជំនួបនេះលេងបានត្រឹម ៧នាទីកីឡាករ Kenshiro Daniels បើកការស៊ុតបញ្ចូលទីគ្រាប់នាំមុខឱ្យហ្វីលីពីន បន្ទាប់ពីមានជួយជ្រោមជ្រែងពីកីឡាករ Pocholo Bugas។ ៥នាទីបន្ទាប់ហ្វីលីពីននាំមុខបន្ថែមទៀតដោយគ្រាប់បាល់កីឡាករ Sandro Reyes ពេលកីឡាករ Mark Hartmann បោះបាល់ឱ្យ។ ចប់តង់ទី១ ហ្វីលីពីននាំមុខព្រុយណេ ២ទល់នឹង០។ ក្នុងតង់ទី២ ហ្វីលីពីននៅតែដាក់សម្ពាធបន្ថែមលើគូប្រកួត ជាក់ស្តែងនៅនាទីទី៥០ កីឡាករ Jesus Melliza បន្ថែមគ្រាប់ទីបីឱ្យម្ចាស់ផ្ទះ បន្ទាប់ពីកីឡាករ Sebastian Rasmussen បញ្ចួនបាល់ឱ្យ។ មួយនាទីបន្ទាប់ Sebastian Rasmussenខ្លួនឯងស៊ុតបញ្ចូលទីគ្រាប់ទីបួនឱ្យហ្វីលីពីន មុនពេលកីឡាករ Razimie ramlli ស៊ុតបានមួយគ្រាប់វិញឱ្យព្រុយណេនាទីទី៧០ ក្រោយ Hakeme Said បញ្ជួនបាល់។ យ៉ាងណាក៏ដោយពីរនាទីមុនចប់ការប្រកួត Sebastian Rasmussen បន្ថែមគ្រាប់ទីប្រាំឱ្យហ្វីលីពីនពេល Oliver Bias បោះបាល់ឱ្យ។ តាមរយៈលទ្ធផលនេះ ហ្វីលីពីនឈរនៅចំណាត់ថ្នាក់លេខ២ មាន ៣ពិន្ទុដូចគ្នានឹងក្រុមលេខ ១ ដែលមានថៃ ឥណ្ឌូនេស៊ី និងកម្ពុជា។ ប្រកួតបន្ទាប់ហ្វីលីពីនត្រូវធ្វើដំណើរជួបថៃថ្ងៃទី២៦ ខែធ្នូ មុនជួបឥណ្ឌូនេស៊ីប្រកួតចុងក្រោយក្នុងពូលថ្ងៃទី០២ ខែមករា ឆ្នាំ២០២៣៕អត្ថបទ៖ គង់ ហួន

កម្ពុជាចាញ់ឥណ្ឌូនេស៊ីការប្រកួតទី២ របស់ខ្លួនក្នុងពូល A បាល់ទាត់តំបន់អាស៊ាន

បាល់ទាត់៖ នៅពីមុខអ្នកគាំទ្រជាង ២០០០០នាក់ និងពីមុខប្រធានាធិបតី Joko Widodo ក្រុមបាល់ទាត់ជម្រើសជាតិឥណ្ឌូនេស៊ីបានយកឈ្នះក្រុមជម្រើសជាតិកម្ពុជា ២ទល់នឹង១ ការប្រកួតកីឡាបាល់ទាត់ពានរង្វាន់តំបន់អាស៊ីអាគ្នេយ៍ នៅពហុកីឡដ្ឋាន Gelora Bung Karno ទីក្រុងហ្សាការតាល្ងាចថ្ងៃទី២៣ ខែធ្នូ ឆ្នាំ២០២២។ ដោយទើបតែប្រកួតដំបូងក្នុងពូល A ម្ចាស់ផ្ទះឥណ្ឌូនេស៊ីបើកការនាំមុខ បន្ទាប់ពីលេងបានត្រឹមតែ ៧នាទីប៉ុណ្ណោះពីការស៊ុតបញ្ចូលទីរបស់កីឡាករ Egy Maulana បន្ទាប់ពីកីឡាករ Pratama Arhan បញ្ជួនបាល់ឱ្យ។ មួយគ្រាប់នេះធ្វើឱ្យអ្នកគាំទ្រឥណ្ឌូនេស៊ីរីករាយយ៉ាងខ្លាំង។ ក្រោយមកភាពរីករាយត្រូវបានស្ងប់ស្ងាត់ទៅវិញ បន្ទាប់ពីគោព្រៃកម្ពុជាតាមស្មើនៅនាទីទី១៦ ពេលដែលកីឡាករ សឿត បារាំង បញ្ជួនបាល់ចេញពីជ្រុញឱ្យ លឹម ពិសុទ្ធ ហើយ ពិសុទ្ធ ក៏បញ្ជួនឱ្យ បារាំង វិញ រួចបញ្ជួនទៅឱ្យ សារ៉េត គ្រីយ៉ា តែតបញ្ចូលទីបានសម្រេច។ យ៉ាងណាក៏ដូចឥណ្ឌូនេស៊ីដាក់សម្ពាធបន្ថែមរហូតរកបានគ្រាប់បាល់នាំមុខជាថ្មីនាទីទី៣៥ ដោយកីឡាករ Witan Sulaeman ពេលដែលកីឡាករ Marselino Ferdinan បញ្ជួនបាល់ឱ្យ។ ចប់តង់ទី១ ឥណ្ឌូនេស៊ីនាំមុខកម្ពុជា ២ទល់នឹង១។ ការប្រកួតតង់ទី២ ទាំងម្ចាស់ផ្ទះ និងភ្ញៀវសុទ្ធមានឱកាសរៀងៗខ្លួន តែធ្វើមិនបានសម្រេច។ ចប់ការប្រកួត គ្រុឌឥណ្ឌូនេស៊ីឈ្នះគោព្រៃកម្ពុជា ២ទល់នឹង១។ អ្នកចាំទីកម្ពុជា កែង សុខសិលា បញ្ជាក់ថា ការប្រកួតនេះពិតជាតានតឹង តែត្រូវឱ្យបានល្អជាងនេះសម្រាប់ប្រកួតបន្ទាប់។ ប្រកួតបន្ទាប់ថ្ងៃទី២៦ ខែធ្នូ ព្រុយណេទទួលឥណ្ឌូនេស៊ី ខណៈកម្ពុជាត្រូវទទួលព្រុយណេដែរនៅថ្ងៃទី២៩ ខែធ្នូ ឆ្នាំ២០២២ នៅពហុកីឡដ្ឋានជាតិមរតកតេជោ រាជធានីភ្នំពេញ៕អត្ថបទ៖ គង់ ហួន

លោក Czeslaw Michniewicz នឹងចាកចេញពីតំណែងអ្នកចាត់ការប៉ូឡូញ

បាល់ទាត់៖ លោក Czeslaw Michniewicz នឹងចាកចេញពីតំណែងអ្នកចាត់ការក្រុមជម្រើសជាតិប៉ូឡូញចុងឆ្នាំនេះ ក្រោយចំណាយពេល ១១ខែក្នុងតំណែង។ សហព័ន្ធបាល់ទាត់ប៉ូឡូញ PZPN បានសំរេចចិត្តមិនបន្តកិច្ចសន្យាដល់អ្នកចាត់ការវ័យ ៥២ឆ្នាំរូបនេះឡើយ ក្រោយបរាជ័យនៅ World Cup។ ប៉ូឡូញបើកឆាក World Cup ស្មើជាមួយម៉ិកស៊ិក ឈ្នះអារ៉ាប៊ីសាអ៊ូឌីត និងចាញ់អាហ្សង់ទីន ហើយបានឡើងវគ្គ ១៦ក្រុមចុងក្រោយតែធ្លាក់ដោយសារបារាំងត្រឹមវគ្គនោះ។ លោក Michniewicz ត្រូវបានតែងតាំងឱ្យដឹកនាំក្រុមជម្រើសជាតិប៉ូឡូញកាលពីខែមករាឆ្នាំ ២០២២ នេះបន្តតំណែងពីលោក Paulo Sousa ដែលត្រូវបានបណ្តេញចេញកាលពីខែធ្នូឆ្នាំមុន៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រព័ន្ធមីស៊ីលបាញ់ពីដីទៅលើអាកាស ត្រូវបានដាក់ពង្រាយនៅទីក្រុងតៃប៉ិ អំឡុងសមយុទ្ធយោធាប្រចាំឆ្នាំ

មនុស្សយ៉ាងហោច៦នាក់ស្លាប់ ក្នុងហេតុការណ៍បាក់ដំបូលផ្ទះនៅភាគខាងជើងប្រទេសឥណ្ឌា

យោធាកូរ៉េខាងត្បូង បញ្ជាក់ថា កូរ៉េខាងជើង បាញ់គ្រាប់រ៉ូកែតមិនស្គាល់ប្រភេទ

ក្រុមហ៊ូទីអះអាងថា ខ្លួនបានបាញ់មីស៊ីលវាយប្រហារលើនាវាដឹកប្រេងរបស់អារ៉ាប៊ីសាអ៊ូឌីតនៅឈូងសមុទ្រ Aden

លោក Min Aung Hlaing៖ មីយ៉ាន់ម៉ាស្ថិតលើមាគ៌ាឆ្ពោះទៅរកលទ្ធិប្រជាធិបតេយ្យ

មន្ត្រីជាន់ខ្ពស់ការបរទេស៖ ការបង្កើតស្ថានកុងស៊ុលកិត្តិយសស្រីលង្កា គឺជាជំហានថ្មីមួយទៀតក្នុងការពង្រឹងទំនាក់ទំនងរវាងកម្ពុជា និងស្រីលង្កា

ក្រសួងអប់រំ ព្រមានបញ្ចប់ក្របខណ្ឌបុគ្គលដែលធ្វើឱ្យបែកធ្លាយវិញ្ញាសាប្រឡងបាក់ឌុបមុនការប្រកាសលទ្ធផល

ជំនួយស្បៀងអាហាររបស់លោកជំទាវ សុខា គងពិសី គីម រិទ្ធី ត្រូវបានជូនដល់ដៃវីរកងទ័ពសមរភូមិមុខទិសទី១ ប្រាសាទព្រះវិហារ

ឯកឧត្តម ហ៊ុន ម៉ានី៖ «ACCSM មិនត្រឹមតែពង្រឹងកិច្ចសហការវិជ្ជាជីវៈប៉ុណ្ណោះទេ តែជាបេះដូងនៃសាមគ្គីភាពរបស់សហគមន៍អាស៊ាន»

ក្រុមអ្នកស្រាវជ្រាវជាន់ខ្ពស់ចិន ឡាវ និងមីយ៉ាន់ម៉ា ធ្វើទស្សនកិច្ចពិនិត្យជាក់ស្តែងនៅដែនជម្រកសត្វផ្សោតទន្លេមេគង្គ ក្នុងខេត្តក្រចេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Pele និងក្រុមគ្រួសារជួបជុំគ្នាអបអរគ្រីសស្មាសក្នុងមន្ទីរពេទ្យ

Wolves ខ្ចីខ្សែប្រយុទ្ធប្រេស៊ីល Matheus Cunha ពី Atletico Madrid

អ្នកចាត់ការ Spurs មិនសប្បាយចិត្តដែល Premier League សម្រាកពី World Cup ឆាប់ពេក

N’Golo Kante នឹងអវត្តមានពី Chelsea យ៉ាងហោចណាស់ដល់ខែមីនា

អ្នកលេងគុនខ្មែរ ធឿន ធារ៉ា ធ្វើឲ្យកក្រើកសង្វៀន Thai Fight ក្រោយផ្ដួលជើងខ្លាំង Saiyok ត្រឹមទឹកទី១

AFF៖ កម្ពុជាបន្ដហ្វឹកហាត់ត្រៀមជួបប្រ៊ុយណេ ខណៈបេក្ខភាពពូល A ផ្សេងទៀតត្រូវប្រកួតថ្ងៃនេះ

សិង្ហបុរីបើកការប្រកួតដំបូងរបស់ខ្លួនថ្ងៃនេះ ខណៈឡាវធ្វើដំណើរទៅជួបម៉ាឡេស៊ី

ហ្វីលីពីនដណ្តើមបានបីពិន្ទុក្រោយឈ្នះព្រុយណេ ៥ទល់១ បាល់ទាត់ពានរង្វាន់តំបន់អាស៊ាន

កម្ពុជាចាញ់ឥណ្ឌូនេស៊ីការប្រកួតទី២ របស់ខ្លួនក្នុងពូល A បាល់ទាត់តំបន់អាស៊ាន

លោក Czeslaw Michniewicz នឹងចាកចេញពីតំណែងអ្នកចាត់ការប៉ូឡូញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Pele និង​ក្រុមគ្រួសារ​ជួបជុំគ្នា​អបអរ​គ្រី​ស​ស្មាស​ក្នុង​មន្ទីរពេទ្យ

Wolves ខ្ចី​ខ្សែប្រយុទ្ធ​ប្រេ​ស៊ី​ល Matheus Cunha ពី Atletico Madrid

អ្នកចាត់ការ Spurs មិន​សប្បាយចិត្ត​ដែល Premier League សម្រាក​ពី World Cup ឆាប់​ពេក

N’Golo Kante នឹង​អវត្តមាន​ពី Chelsea យ៉ាងហោចណាស់​ដល់​ខែមីនា

អ្នកលេង​គុន​ខ្មែរ ធឿន ធារ៉ា ធ្វើ​ឲ្យ​កក្រើក​សង្វៀន Thai Fight ក្រោយ​ផ្ដួល​ជើង​ខ្លាំង Saiyok ត្រឹម​ទឹក​ទី​១

AFF៖ កម្ពុជា​បន្ដ​ហ្វឹកហាត់​ត្រៀម​ជួប​ប្រ៊ុយណេ ខណៈ​បេក្ខភាព​ពូ​ល A ផ្សេងទៀតត្រូវ​ប្រកួត​ថ្ងៃនេះ

សិង្ហ​បុរី​បើក​ការប្រកួត​ដំបូង​របស់ខ្លួន​ថ្ងៃនេះ ខណៈ​ឡាវ​ធ្វើដំណើរ​ទៅ​ជួប​ម៉ាឡេស៊ី​

ហ្វីលីពីន​ដណ្តើមបាន​បី​ពិន្ទុក្រោយ​ឈ្នះ​ព្រុយ​ណេ ៥​ទល់​១ បាល់ទាត់​ពានរង្វាន់​តំបន់​អាស៊ាន

កម្ពុជាចាញ់​ឥណ្ឌូនេស៊ីការប្រកួត​ទី​២ ​របស់ខ្លួន​ក្នុង​ពូ​ល A បាល់ទាត់​តំបន់​អាស៊ាន​

លោក Czeslaw Michniewicz នឹង​ចាក​ចេញពី​តំណែង​អ្នកចាត់ការ​ប៉ូឡូញ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Pele និងក្រុមគ្រួសារជួបជុំគ្នាអបអរគ្រីសស្មាសក្នុងមន្ទីរពេទ្យ

Wolves ខ្ចីខ្សែប្រយុទ្ធប្រេស៊ីល Matheus Cunha ពី Atletico Madrid

អ្នកចាត់ការ Spurs មិនសប្បាយចិត្តដែល Premier League សម្រាកពី World Cup ឆាប់ពេក

N’Golo Kante នឹងអវត្តមានពី Chelsea យ៉ាងហោចណាស់ដល់ខែមីនា

អ្នកលេងគុនខ្មែរ ធឿន ធារ៉ា ធ្វើឲ្យកក្រើកសង្វៀន Thai Fight ក្រោយផ្ដួលជើងខ្លាំង Saiyok ត្រឹមទឹកទី១

AFF៖ កម្ពុជាបន្ដហ្វឹកហាត់ត្រៀមជួបប្រ៊ុយណេ ខណៈបេក្ខភាពពូល A ផ្សេងទៀតត្រូវប្រកួតថ្ងៃនេះ

សិង្ហបុរីបើកការប្រកួតដំបូងរបស់ខ្លួនថ្ងៃនេះ ខណៈឡាវធ្វើដំណើរទៅជួបម៉ាឡេស៊ី

ហ្វីលីពីនដណ្តើមបានបីពិន្ទុក្រោយឈ្នះព្រុយណេ ៥ទល់១ បាល់ទាត់ពានរង្វាន់តំបន់អាស៊ាន

កម្ពុជាចាញ់ឥណ្ឌូនេស៊ីការប្រកួតទី២ របស់ខ្លួនក្នុងពូល A បាល់ទាត់តំបន់អាស៊ាន

លោក Czeslaw Michniewicz នឹងចាកចេញពីតំណែងអ្នកចាត់ការប៉ូឡូញ