BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

Richarlison ប្រឈមអវត្តមានដល់ខែមករាដោយសាររបួសសរសៃពួរ

បាល់ទាត់៖ ខ្សែប្រយុទ្ធប្រេស៊ីល និង Tottenham Hotspur, Richarlison នឹងត្រូវសម្រាកនៅក្រៅទីលានយ៉ាងហោចណាស់ ១ខែដោយសាររបួសសរសៃពួរតាំងពីពេលប្រេស៊ីលចាញ់ក្រូអាស៊ីនៅ World Cup វគ្គ ៨ក្រុមចុងក្រោយ។ Spurs រំពឹងថា Richarlison នឹងសម្រាកប្រហែលពីររឺបីសប្តាហ៍ប៉ុណ្ណោះ តែនៅរង់ចាំការវិភាគពីអ្នកក្រុមគ្រូពេទ្យ។ កីឡាករវ័យ ២៥ឆ្នាំរូបនេះត្រូវបានផ្លាស់ចេញនៅនាទីទី៨៤ ក្នុងការប្រកួតដែលប្រេស៊ីលចាញ់ក្រូអាស៊ី ៤-២ ដោយបាល់ ១១ម៉ែត្រកាត់សេចក្តី តែរកបាន ៣គ្រាប់ក្នុងការបង្ហាញខ្លួន ៤ប្រកួតនៅ World Cup ឆ្នាំនេះ។ Richarlison បានក្លាយជាកីឡាកររបស់ Spurs មួយរូបទៀតដែលមានរបួសក្នុងរដូវកាលនេះ បន្ទាប់ពី Dejan Kulusevski, Cristian Romero និង Heung-min Son។ របួសរបស់ Richarlison មានន័យថា Harry Kane នឹងមិនមានពេលសម្រាកក្រោយចប់ World Cup ឡើយ ខណៈ Spurs ត្រូវទៅទឹកដី Brentford នៅថ្ងៃទី២៦ ខែធ្នូនៅពេល Premier League ត្រលប់មកវិញ។ រំលឹកថា Richarlison បានអវត្តមាន ៦ប្រកួតរួចហើយជាមួយ Spurs មុន World Cup ដោយសាររបួសកំភួនជើង៕អត្ថបទ៖នាង សុភាវុធ

មោទនភាពសម្រាប់ប្រទេសអារ៉ាប់ អ្នកគាំទ្រម៉ារ៉ុកត្រៀមរួចរាល់ដើម្បីហ៊ោគាំទ្រការប្រកួតយប់នេះ

បាល់ទាត់៖ ទង់ជាតិ អាវក្រុមជម្រើស និងផ្ទាំងប៉ាណូដែលមានរូបកីឡាករដាក់តាំងបង្ហាញពេញទីក្រុង Rabat មុនការប្រកួតវគ្គពាក់កណ្តាលផ្តាច់ព្រ័ត្រ World Cup របស់ម៉ារ៉ុកទល់នឹងបារាំងយប់នេះ ប៉ុន្តែក្រុមនឹងមានការគាំទ្រច្រើនពីចម្ងាយជាក្រុមអារ៉ាប់ ឬអាហ្វ្រិកដំបូងគេដែលឡើងមកកាន់វគ្គនេះ។ នៅក្នុងប្រទេសអារ៉ាប់ ការបង្កើតប្រវត្តិសាស្ត្រនៅ World Cup របស់ម៉ារ៉ុកបានចាប់យកការស្រមើស្រមៃរបស់ប្រជាជនអារ៉ាប់អំឡុង World Cup លើកដំបូងនៅលើទឹកដីអារ៉ាប់។ ម៉ារ៉ុកបានធ្វើរឿងហួសពីការរំពឹងទុកនៅ World Cup ដោយបានយកឈ្នះក្រុមកំពូលៗលើលោក ដូចជាឈ្នះប៊ែលហ្ស៊ិកនៅក្នុងពូល ឈ្នះអេស្ប៉ាញនៅវគ្គ ១៦ក្រុម និងឈ្នះព័រទុយហ្កាល់វគ្គ ៨ក្រុម។ ប៉ុន្តែទង់ជាតិម៉ារ៉ុកក៏កំពុងលក់អស់ពាសពេញទ្វីបអាហ្វ្រិកខាងជើង និងមជ្ឈិមបូព៌ា ខណៈដែលអ្នកគាំទ្រប្រញាប់ប្រញាល់ស្វែងរកវត្ថុអនុស្សាវរីយ៍ ដើម្បីលើកទឹកចិត្តក្រុម។ Karim Mohammed Qotb អ្នកលក់តាមចិញ្ចើមផ្លូវនៅទីក្រុងគែរប្រទេសអេស៊ីបបាននិយាយថា មានតម្រូវការចង់បានទង់ជាតិម៉ារ៉ុកជាច្រើននៅទីនេះ ទោះបីពួកគេមិនមែនជាជនជាតិម៉ារ៉ុកក្តី ព្រោះម៉ារ៉ុកប្រទេសអារ៉ាប់ដំបូងគេដែលឈានដល់វគ្គពាក់កណ្តាលផ្តាច់ព្រ័ត្រ។នៅតំបន់ហ្គាហ្សាប៉ាឡេស្ទីន លោក Eyad Abu Teir កំពុងដើរទិញឥវ៉ាន់ដើម្បីគាំទ្រម៉ារ៉ុក។ គាត់បាននិយាយថា "ជ័យជម្នះរបស់ម៉ារ៉ុកគឺជាជ័យជម្នះសម្រាប់ប្រជាជាតិអារ៉ាប់ទាំងមូល ហើយយើងជាប្រជាជនអារ៉ាប់ទាំងអស់គួរតែរួបរួមគ្នាតែមួយពេលនេះ"។ សូម្បីតែទៅដល់ប្រទេសអ៊ីរ៉ាក់ ប្រជាជននៅទីនោះបាននិយាយថា ពួកគេរំភើបចិត្តលើសការរំពឹងទុក មិននឹកស្មានថាប្រទេសអារ៉ាប់ធ្វើបានល្អបែបនេះ។ Salam Rabiea វិស្វករនៅទីក្រុងបាកដាដបាននិយាយថា "វាគឺជាការប្រកួតល្អបំផុតរបស់ជនជាតិអារ៉ាប់ ដែលយើងមិនធ្លាប់បានឃើញក្នុងនាមជាអ្នកគាំទ្របាល់ទាត់ និងជាសមិទ្ធិផលដ៏អស្ចារ្យ"។ ជំនួបរវាងម៉ារ៉ុក និងបារាំងយប់នេះត្រូវបានគេដឹងថា នឹងមានការតាមដានច្រើនលើសពីការរំពឹងទុក តាមរយៈការគាំទ្រក្រុមម៉ារ៉ុកគ្រប់ទិសទីទាំងនៅអាហ្វ្រិក និងអារ៉ាប់៕អត្ថបទ៖នាង សុភាវុធ

គ្រូបង្វឹកបារាំងថា ខ្សែការពារម៉ារ៉ុកឈរលំដាប់កំពូលនៅ World Cup តែលោកមានដំណោះស្រាយ

បាល់ទាត់៖ គ្រូបង្វឹកក្រុមជម្រើសជាតិបារាំងលោក Didier Deschamps បានហៅខ្សែការពារក្រុមម៉ារ៉ុកថាល្អបំផុតនៅ World Cup នេះ មុនការប្រកួតយប់នេះវគ្គពាក់កណ្តាលផ្តាច់ព្រ័ត្រ។ម៉ារ៉ុកគិតមកដល់ពេលនេះរបូតគ្រាប់តែមួយគ្រាប់ប៉ុណ្ណោះ ហើយមួយគ្រាប់នោះគឺជាគ្រាប់ចូលទីខ្លួនឯងទៅទៀត នៅ World Cup ឆ្នាំនេះ តែលោក Didier Deschamps បានសង្កត់ធ្ងន់ថា បារាំងនឹងមានដំណោះស្រាយដើម្បីជំនះជញ្ជាំងរបស់ម៉ារ៉ុក។ “ខ្ញុំគិតថា ខ្សែការពារម៉ារ៉ុកល្អជាងក្រុមណាៗទាំងអស់ ពួកគេរៀបចំបានល្អ ពួកយើងបានធ្វើការវិភាគការប្រកួតរបស់ពួកគេកន្លងមក តែមិនមែនបានន័យថាយើងដើរដល់ផ្លូវទាល់ទេ អ្វីៗតែងតែមានដំណោះស្រាយ ”។បុរសដែលបានជួយក្រុមជម្រើសជាតិបារាំង លើកពានបាល់ទាត់ពិភពលោកទាំងពេលជាកីឡាករ និងគ្រូបង្វឹករូបនេះបានបន្តថា៖ “ខ្ញុំបានប្រាប់កូនក្រុមថា ការប្រកួតនឹងមានអ្នកគាំទ្រម៉ារ៉ុកច្រើន ពួកគេពិតជាមានមោទនភាព ដូច្នេះពួកយើងត្រូវតែប្រុងប្រយ័ត្ន កុំគិតថាក្រុមខ្លួនឯងមានប្រៀប រឺជាក្រុមដែលគេរំពឹងឈ្នះ”។ ក្រុមដែលឈ្នះពីការប្រកួតរាត្រីនេះ នឹងត្រូវបន្តជួបជាមួយអាហ្សង់ទីនដែលបានយកឈ្នះក្រូអាស៊ី ៣-០ ខណៈការប្រកួតវគ្គផ្តាច់ព្រ័ត្រនឹងធ្វើឡើងនៅថ្ងៃទី១៨ ខែធ្នូនេះនៅកីឡដ្ឋាន Lusail៕អត្ថបទ៖នាង សុភាវុធ

គ្រូបង្វឹកថា គ្មានគម្រោងពិសេសដើម្បីចាប់ Mbappe ទេ

បាល់ទាត់៖ ម៉ារ៉ុកនឹងគ្មានគម្រោងការអ្វីពិសេសទេក្នុងការតាមបិទខ្សែប្រយុទ្ធ PSG, Kylian Mbappe មុនជួបគ្នាយប់នេះនៅវគ្គពាក់កណ្តាលផ្តាច់ព្រ័ត្រ World Cup នេះជាសំដីរបស់គ្រូបង្វឹកក្រុមជម្រើសជាតិម៉ារ៉ុក Walid Regragui។ Kylian Mbappe គឺជាអ្នកស៊ុតបញ្ចូលទីច្រើនជាងគេនៅ World Cup ឆ្នាំនេះមានសរុប ៥គ្រាប់។ និយាយក្នុងសន្និសីទសារព័ត៌មានមុនជួបគ្នាយប់នេះគ្រូបង្វឹកម៉ារ៉ុក Walid Regragui ឱ្យដឹងថា លោកគ្មានគម្រោងការពិសេសដើម្បីតាមចាប់ Mbappe តែម្នាក់នោះទេ បារាំងមានកីឡាករដែលបង្កគ្រោះថ្នាក់ច្រើនជាពិសេស Antoine Griezmann ក៏ដូចជា Ousmane Dembele ដែលសុទ្ធតែជាអ្នកបង្កើតឱ្យ Mbappe មានគ្រាប់បាល់។ លោកបន្តថា បើសិនជាត្រូវផ្តោតលើ Mbappe តែម្នាក់ពួកយើងនឹងមានកំហុស ពួកគេជាក្រុមការពារជើងឯក កីឡាករជើងឯកដែលបានមកជាក្រុម ដូច្នេះអ្វីដែលត្រូវផ្តោតគឺក្រុមទាំងមូលមិនមែនម្នាក់។ យប់នេះ Mbappe នឹងត្រូវប្រឈមជាមួយមិត្តរួមក្រុម PSG ខ្សែការពារស្លាបស្តាំម៉ារ៉ុក Achraf Hakimi ជុំវិញរឿងនេះគ្រូបង្វឹកម៉ារ៉ុកនិយាយថា Hakimi ស្គាល់ Mbappe ច្រើនជាង ដូច្នេះលោកគិតថា Hakimi នឹងមានវិធីផ្ទាល់ខ្លួនរួចហើយ។ សូមបញ្ជាក់ថា ម៉ារ៉ុកបានឡើងមកកាន់វគ្គនេះក្រោយយកឈ្នះអេស្ប៉ាញនៅវគ្គ ១៦ក្រុម និងយកឈ្នះព័រទុយហ្កាល់នៅវគ្គ ៨ក្រុមក្លាយជាប្រទេសអាហ្វ្រិក រឺប្រទេសអារ៉ាប់ទី១ ដែលឡើងមកកាន់វគ្គពាក់កណ្តាលផ្តាច់ព្រ័ត្រនេះ៕អត្ថបទ៖នាង សុភាវុធ

ប្រមុខកីឡាលើកទម្ងន់ជំរុញគ្រូបង្វឹកត្រូវច្បាស់ទាំងការបង្ហាត់ និងបទបញ្ជាការប្រកួត

លើកទម្ងន់៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាប្រធានសហព័ន្ធកីឡាលើកទម្ងន់កម្ពុជា បានជំរុញដល់គ្រូបង្វឹកកម្ពុជាទាំងអស់ត្រូវខិតខំសិក្សាស្វែងយល់ឲ្យបានច្បាស់ ទាំងបច្ចេកទេសនៃការបង្ហាត់ និងបទបញ្ជាការប្រកួត ដើម្បីធានាបាននូវការបណ្ដុះបណ្ដាលធនធានកីឡាករ-កីឡាការិនីប្រកបដោយសក្ដានុពលត្រៀមការប្រកួតអន្ដរជាតិនានា។ ការលើកឡើងនេះ បន្ទាប់ពីសហព័ន្ធបានរៀបចំសិក្ខាសាលាវគ្គសាមគ្គីអូឡាំពិក ស្ដីពីការបណ្ដុះបណ្ដាលគ្រូបង្វឹកកីឡាលើកទម្ងន់ ដែលឧបត្ថម្ភដោយអង្គការសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា ដែលគ្រោងធ្វើឡើយរយៈពេល ៥ថ្ងៃចាប់ពីថ្ងៃទី១៣ ដល់ថ្ងៃទី១៧ ខែធ្នូ ឆ្នាំ២០២២ ខាងមុខ ក្រោមការបង្រៀនរបស់គ្រូឧទ្ទេសអន្ដរជាតិលោក Minieash Pandoo មកពីសហព័ន្ធកីឡាលើកទម្ងន់អន្តរជាតិ។ ថ្លែងក្នុងពិធីបើកវគ្គ ឯកឧត្តម វ៉ាត់ ចំរើន បានចាត់ទុកវគ្គនេះគឺមានសារៈសំខាន់ណាស់សម្រាប់សិក្ខាកាម ពោលគឺជាឱកាសមាស-ឱកាសប្រាក់ សម្រាប់ការធ្វើការរួមកម្លាំងគ្នា ក្នុងន័យជំរុញការអភិវឌ្ឍន៍សមត្ថភាពបន្ថែមដល់គ្រូបង្វឹក ក៏ដូចជាមន្ដ្រីបច្ចេកទេស ដើម្បីត្រៀមទទួលរៀបចំព្រឹត្តិការណ៍ស៊ីហ្គេមឆ្នាំ២០២៣ ខាងមុខ។ ហេតុនេះសិក្ខាកាមទាំងអស់ត្រូវយកចិត្តទុកដាក់ខ្ពស់ក្នុងការសិក្សា ទាំងទ្រឹស្ដី និងការអនុវត្តផ្ទាល់។ឯកឧត្តមបានគូសបញ្ជាក់ថា កីឡាលើកទម្ងន់គឺជាប្រភេទកីឡាអូឡាំពិក ដែលមានក្រឹត្យក្រមច្បាប់ច្បាស់លាស់ សម្រាប់អនុវត្តតាម ហើយទាមទារឲ្យអ្នកដឹកនាំ ពិសេសគ្រូបង្វឹក និងមន្ដ្រីបច្ចេកទេសត្រូវស្វែងយល់ច្បាស់ពីបទបញ្ជាទាំងអស់នោះ ទើបជំរុញឲ្យជំនាញកាន់តែគត់មុត និងមានប្រសិទ្ធខ្ពស់ក្នុងការចែករំលែកដល់កូនសិស្ស ចៀសវាងការភាន់ច្រឡំ ឬការរំលោភលក្ខខណ្ឌណាមួយកំឡុងពេលប្រកួតជាក់ស្ដែង។ អាស្រ័យហេតុនេះ ឯកឧត្តមសង្ឃឹម និងជឿជាក់ថា សិក្ខាកាមទាំងអស់នឹងផ្លាស់ប្តូរយោបល់ សួរនូវចំណុចសង្ស័យ របៀបនៃការដាក់ពិន្ទុ របៀរបបនៃការផ្តល់ពេលវេលា គេធ្វើយ៉ាងម៉េច? ហើយការប្រកួតនីមួយៗ គេរៀបចំរបៀបណា? លើសពីនេះត្រូវប្រកាន់ខ្ជាប់នូវសីលធម៌ការងារ និងវិន័យដើម្បីក្លាយជាអ្នកដឹកនាំល្អ និងយកចំណេះដឹងទៅចែករំលែកឲ្យមានប្រសិទ្ធភាព និងសក្តានុពលប្រកបដោយគុណធម៌សម្រាប់កីឡាលើកទម្ងន់កម្ពុជា។សូមបញ្ជាក់ថា វគ្គបណ្ដុះបណ្ដាលគ្រូបង្វឹកកីឡាលើកទម្ងន់កម្រិតអន្ដរជាតិនេះមានសិក្ខាកាម ២៥នាក់ចូលរួម ដែលធ្វើឡើងក្នុងគោលបំណងរួមចំណែកកែតម្រូវបច្ចេកទេស កម្រិតជំនាញនៃកីឡាលើកទម្ងន់ ពង្រឹងសមត្ថភាពផ្ទាល់ខ្លួនឲ្យបានច្បាស់លាស់ ឈានឆ្ពោះទៅជាគ្រូបង្វឹក ១រូបដែលមានលក្ខណសម្បត្តិគ្រប់គ្រាន់ យល់ដឹងលើការគ្រប់គ្រងក្លឹប សមាគមរាជធានី-ខេត្ត និងសាមីខ្លួនផ្ទាល់ ពិសេសការរៀបចំផែនការបង្ហាត់រយៈពេលខ្លី មធ្យម និងវែង សម្រាប់ត្រៀមចូលរួមការប្រកួតកីឡាស៊ីហ្គេមឆ្នាំ២០២៣ ខាងមុខ៕អត្ថបទ៖ លី ឈុនឡា

Messi និង Alvarez នាំអាហ្សង់ទីនឡើងវគ្គផ្តាច់ព្រ័ត្រ World Cup ក្រោយឈ្នះក្រូអាស៊ី ៣-០

បាល់ទាត់៖ ក្រុមជម្រើសជាតិអាហ្សង់ទីនទីបំផុតអាចសងសឹកគំនុំចាស់កាលពី ៤ឆ្នាំមុនបានសំរេចក្រោយយកឈ្នះក្រូអាស៊ី ៣-០ វិញឡើងវគ្គផ្តាច់ព្រ័ត្រ FIFA World Cup 2022 នៅកាតា។ ក្រុមរបស់លោក Zlatko Dalic ធ្លាប់បានយកឈ្នះអាហ្សង់ទីន ៣-០ កាលពីបួនឆ្នាំមុននៅរុស្ស៊ី ខណៈក្រូអាស៊ីឡើងដល់វគ្គផ្តាច់ព្រ័ត្រនៅពេលនោះតែចាញ់បារាំង ៤-២។ Lionel Messi ជាថ្មីម្តងទៀតគឺជាអ្នកស៊ុតបញ្ចូលទីបើកការនាំមុខដោយបាល់ពិន័យ ១១ម៉ែត្រ តែខ្សែប្រយុទ្ធ Manchester City, Julian Alvarez មានការប្រកួតដ៏អស្ចារ្យរបស់ខ្លួនក្នុងការបង្ហាញខ្លួននៅ World Cup តាមរយៈការស៊ុតបញ្ចូលទី ២គ្រាប់ម្នាក់ឯងនៃវគ្គនីមួយៗ។ ងាកទៅមើលការអបអរសាទររបស់អ្នកគាំទ្រអាហ្សង់ទីន បានប្រមូលផ្តុំគ្នាពេញរដ្ឋធានី Buenos Aires ប្រទេសអាហ្សង់ទីន ក៏ដូចជាបន្តការអបអរនៅខាងក្រៅកីឡដ្ឋាននៅកាតាផងដែរ។ ចំណែកក្រុមក្រូអាស៊ីថ្វីបើចាញ់ អ្នកគាំទ្ររបស់ខ្លួននៅតែសម្តែងការអបអរសាទរក្រុមរបស់ខ្លួន សប្បាយរីករាយជួបជុំគ្នានៅទីក្រុង Zagreb។ អ្នកគាំទ្រក្រូអាស៊ីដែលចាកចេញពីកីឡដ្ឋានម្នាក់បានសម្តែងអារម្មណ៍សោកស្តាយ តែមានមោទនភាពចំពោះក្រុម។ ជ័យជំនះនេះធ្វើឱ្យអាហ្សង់ទីនឡើងវគ្គផ្តាច់ព្រ័ត្រលើកទី៦ ក្នុងប្រវត្តិសាស្ត្ររបស់ខ្លួន និងជាការស្វែងរកជើងឯកទី៣ បន្ទាប់ពីឈ្នះពីរដងចុងក្រោយតាំងពីឆ្នាំ១៩៧៨ និង ១៩៨៦។ Lionel Messi នៅបាំងតែមួយប្រកួតទៀតប៉ុណ្ណោះនឹងដឹងថាអាចជាជើងឯក រឺអត់ក្នុងអាជីពដ៏អស្ចារ្យរបស់ខ្លួន តែខ្សែបម្រើ Real Madrid, Luka Modric ដែលត្រូវបានប្តូរចេញនៅវគ្គទី២ នោះបានទទួលការទះដៃពីរអ្នកគាំទ្រក្រុមទាំងពីរ ដោយការគោរពចំពោះអាជីពរបស់គេដែលបង្ហាញខ្លួនចុងក្រោយនៅ World Cup ជាមួយក្រុមក្រូអាស៊ី៕អត្ថបទ៖នាង សុភាវុធ

សហព័ន្ធកីឡាសូហ្វតិន្នីសកម្ពុជារុះរើថ្នាក់ដឹកនាំថ្មី

សូហ្វតិន្នីស៖ សហព័ន្ធកីឡាសូហ្វតិន្នីសកម្ពុជាបានធ្វើការរុះរើសក្បាលម៉ាស៊ីនសហព័ន្ធថ្មីទៀតហើយ ដោយសមាជិកគណៈកម្មាធិការប្រតិបត្តិសហព័ន្ធបានបោះឆ្នោតគាំទ្រឯកឧត្តម សរ សិទ្ធិ អនុរដ្ឋលេខាធិការក្រសួងមហាផ្ទៃទទួលជួយការងារដឹកនាំ អគ្គលេខាធិការដ្ឋាននៃក្រុមប្រឹក្សាកីឡាក្រសួងមហាផ្ទៃ ធ្វើជាប្រធានសហព័ន្ធថ្មី គ្រាដែលប្រធានសហព័ន្ធមុន ឯកឧត្តម ប្រាក់ ផល្លា រដ្ឋលេខាធិការទីស្ដីការគណៈរដ្ឋមន្ដ្រី ត្រូវបានតែងតាំងជាប្រធានកិត្តិយសសហព័ន្ធ។ ការបោះឆ្នោត និងរៀបចំរចនាសម្ព័ន្ធដឹកនាំថ្មីនេះ ធ្វើឡើងក្នុងអង្គមហាសន្និបាតវិសាមញ្ញសហព័ន្ធកីឡាសូហ្វតិន្នីសកម្ពុជា បូកសរុបសកម្មភាពការងារឆ្នាំ២០២២ និងលើកទិសដៅការងារសម្រាប់ឆ្នាំ២០២៣ និងកែសម្រួលសមាសភាពគណៈកម្មាធិការប្រតិបត្តិ អាណត្តិទី៣ ឆ្នាំ២០២២-២០២៦ ដែលរៀបចំនៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) កាលពីថ្ងៃទី១៣ ខែធ្នូម្សិលមិញ ហើយក៏មានការចូលរួមជាសាក្សីពីតំណាងក្រសួងអប់រំ យុវជន និងកីឡា និងតំណាងគណៈកម្មាធិការជាតិអូឡាំពិកកម្ពុជាផងដែរ។ ប្រធានថ្មីមានប្រសាសន៍ថា បន្ទាប់ពីការខិតខំប្រឹងប្រែងរបស់ថ្នាក់ដឹកនាំសហព័ន្ធមុនៗអស់ជាច្រើនឆ្នាំកន្លងមក ឆ្នាំ២០២៣ ខាងមុខនេះគឺជាពេលវេលាកំណត់ និងជាព្រឹត្តិការណ៍ប្រវត្តិសាស្ត្រ ដែលកម្ពុជាធ្វើជាម្ចាស់ផ្ទះស៊ីហ្គេមលើកទី៣២ និងការប្រកួតអន្ដរជាតិនានា។ ដូចនេះសហព័ន្ធបានត្រៀមរៀបចំនូវទិសដៅអនុវត្តផែនការ សកម្មភាពការងារ និងបង្កើនការយកចិត្តទុកដាក់ដល់ក្រុមជម្រើសជាតិ ក្នុងការប្រមូលផ្តុំហាត់ហ្វឹកហ្វឺនត្រៀមចូលរួមប្រកួត ក្នុងព្រឹត្តិការណ៍ធំៗឲ្យបានច្រើនតាមអាចធ្វើទៅបានក្នុងបំណងបង្កើននូវសមត្ថភាពបច្ចេកទេស ក៏ដូចជាការដណ្តើមមេដាយជូនជាតិមាតុភូមិ។ លោកបង្ហើបថា ចំពោះមុខ មុនឈានដល់ស៊ីហ្គេមឆ្នាំ២០២៣ សហព័ន្ធនឹងរៀបចំការប្រកួតសូហ្វតិន្នីសជើងឯកអាស៊ីអាគ្នេយ៍លើកទី៣ ឆ្នាំ២០២៣ ដែលគ្រោងរៀបចំរយៈពេល ៧ថ្ងៃនៅពហុកីឡដ្ឋានជាតិដោយមានប្រទេសចូលរួមដូចជា ថៃ ឡាវ វៀតណាម ហ្វីលីពីន ឥណ្ឌូនេស៊ី និងម៉ាឡេស៊ីជាដើម។ដូច្នេះនេះគឺជាការងារមួយដ៏សំខាន់ សម្រាប់សហព័ន្ធត្រៀមខ្លួនទទួលធ្វើម្ចាស់ផ្ទះស៊ីហ្គេម ទាំងធនធានមន្ដ្រីបច្ចេកទេស អាជ្ញាកណ្ដាល-ចៅក្រម និងកីឡាករ-កីឡាការិនីផងដែរ។ ក្រឡេកមកសមាសភាពថ្នាក់ដឹកនាំ និងគណៈកម្មាធិការប្រតិបត្តិសហព័ន្ធអាណត្តិទី៣ គឺមានចំនួន ២៩រូបដោយមានឯកឧត្តម សរ សិទ្ធិ ប្រធាន និងលោក តុង សុផល ជាអនុប្រធានទី១ ព្រមទាំងអនុប្រធានសហព័ន្ធ ៣រូបទៀត។ ចំណែកលោក យិត ភីរៈ ជាអគ្គលេខាធិការ រួមជាមួយអគ្គលេខាធិការរង ៤រូប។ លោក អ៊ាន សុភ័ក្ដ្រ ជាអគ្គហេរញ្ញិក និងអគ្គហេរញ្ញិករង ៤រូប ព្រមទាំងសមាជិក ១៤រូបផងដែរ៕អត្ថបទ៖ លី ឈុនឡា

ជើងឯកចំបាប់អាស៊ាននឹងប្រកួតចុងសប្ដាហ៍នេះដោយមានប្រតិភូ និងអត្តពលិកចូលរួមជិត ២០០នាក់

ចំបាប់៖ ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២២ ដែលកម្ពុជាធ្វើម្ចាស់ផ្ទះគ្រោងនឹងធ្វើការប្រកួតផ្លូវការពីថ្ងៃទី១៦ ដល់ថ្ងៃទី១៨ ខែធ្នូចុងសប្ដាហ៍នេះ នៅសាលដំបូលទូកនៃសាកលវិទ្យាល័យភូមិន្ទភ្នំពេញ ដោយមានប្រតិភូ មន្ដ្រីបច្ចេកទេស អាជ្ញាកណ្ដាល-ចៅក្រម គ្រូបង្វឹក និងកីឡាករ-កីឡាការិនីចូលរួមសរុប ១៩១នាក់ ។ យោងតាមមន្ដ្រីសហព័ន្ធកីឡាចំបាប់កម្ពុជា ប្រតិភូ និងអត្តពលិកចូលរួមព្រឹត្តិការណ៍ដ៏ធំនៅកម្ពុជានេះ គឺមានរហូតដល់ ១៧ប្រទេសក្នុងនោះមានអត្តពលិកនៃបណ្ដាប្រទេសអាស៊ាន ដែលត្រូវចូលរួមប្រកួតចំនួន ៧ប្រទេសរួមមានម្ចាស់ផ្ទះកម្ពុជា ឡាវ សិង្ហបុរី ឥណ្ឌូនេស៊ី ហ្វីលីពីន ថៃ និងវៀតណាម។ ដោយឡែក ១០ប្រទេសផ្សេងទៀតគឺជាប្រតិភូ មន្ដ្រីបច្ចេកទេសរៀបចំការប្រកួត និងអាជ្ញាកណ្ដាល-ចៅក្រមដែលត្រូវបានសហព័ន្ធកីឡាចំបាប់អន្ដរជាតិបញ្ជូនមកជួយរៀបចំ និងកាត់សេចក្ដីក្នុងការប្រកួត ក្នុងនោះមានដូចជាមន្ដ្រីបច្ចេកទេស និងអាជ្ញាកណ្ដាល-ចៅក្រមមកពីប្រទេស្វីស អ៊ីរ៉ាក់ ឥណ្ឌា ទុយនេស៊ី ប៉ូឡូញ កូរ៉េ ស្រីលង្ការ កាហ្សាក់ស្ថាន បារាំង និងអាមេរិកជាដើម។តាមការគ្រោងទុកនៅថ្ងៃទី១៤ ខែធ្នូនេះ ប្រតិភូ និងអត្តពលិកទាំងអស់ចាប់ផ្ដើមធ្វើដំណើរមកដល់កម្ពុជាជាបន្ដបន្ទាប់ ពិសេសមន្ដ្រីបច្ចេកទេស និងអាជ្ញាកណ្ដាល-ចៅក្រមអន្ដរជាតិដែលមកដល់រាជធានីភ្នំពេញមុន ដើម្បីធ្វើការប្រជុំបច្ចេកទេស ហើយក៏មានអត្តពលិកបណ្ដាប្រទេសមួយចំនួន បានមកបោះជំរំហ្វឹកហាត់នៅកម្ពុជាមុនការប្រកួតកីឡាចំបាប់ជើងឯកអាស៊ាននេះផងដែរ។ គួរដឹងថា ព្រឹត្តិការណ៍នេះគឺជាផ្នែកមួយដ៏សំខាន់ សម្រាប់សហព័ន្ធត្រៀមខ្លួនទទួលរៀបចំការប្រកួតកីឡាចំបាប់ ក្នុងនាមម្ចាស់ផ្ទះនៃព្រឹត្តិការណ៍ស៊ីហ្គេមឆ្នាំ២០២៣ ខាងមុខ៕អត្ថបទ៖ លី ឈុនឡា

ដំណើរឆ្ពោះទៅអាស៊ានប៉ារ៉ាហ្គេម ២០២៣ ក៏កំពុងត្រៀមខ្លួនយ៉ាងល្អប្រសើរដូចស៊ីហ្គេមដែរ

អាស៊ានប៉ារ៉ាហ្គេម៖ សម្រាប់ការត្រៀមលក្ខណៈទទួលធ្វើម្ចាស់ផ្ទះ ការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ក៏មិនខុសពីការត្រៀមធ្វើម្ចាស់ផ្ទះព្រឹត្តិការណ៍ស៊ីហ្គេមលើកទី៣២ នាឆ្នាំ២០២៣ ដែរដោយកំពុងដំណើរការរៀបចំ និងត្រៀមបានយ៉ាងល្អប្រសើរដូចគ្នា ដើម្បីស្វាគមន៍ប្រតិភូ និងអត្តពលិកទាំងអស់មកប្រកួតនៅកម្ពុជានាឆ្នាំក្រោយ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ (CAMSOC/CAMAPGOC) បន្ទាប់ពីកោះប្រជុំជាមួយគ្រប់គណៈកម្មការជំនាញ និងសហព័ន្ធកីឡាជនពិការកាលពីថ្ងៃទី១៣ ខែធ្នូ ឆ្នាំ២០២២ ម្សិលមិញ នៅទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តម វ៉ាត់ ចំរើន មានប្រសាសន៍ថា កិច្ចប្រជុំនេះដើម្បីត្រៀមរៀបចំកិច្ចប្រជុំគណៈកម្មការជំនាញ ជាមួយសហព័ន្ធកីឡាជនពិការអាស៊ាន (APSF) នាពចុងសប្ដាហ៍នេះ។ ដូចឃើញហើយថា សកម្មភាពរបស់ CAMSOC និង CAMAPGOC ដែលជាគណៈកម្មាធិការជាតិទទួលខុសត្រូវរៀបចំការប្រកួតស៊ីហ្គេម និងអាស៊ានប៉ារ៉ាហ្គេមនេះ ពីមួយថ្ងៃទៅមួយថ្ងៃកាន់តែមានការងារមមាញឹក ហើយជាមួយការមមាញឹកនេះគឺត្រូវមានកម្មវិធីការងារកាន់តែច្បាស់លាស់ពីមួយជំហានទៅមួយជំហាន ហើយការងារទាំងអស់នោះត្រូវធ្វើទន្ទឹមគ្នា ដោយមិនទុកចោលផ្នែកណាមួយនោះទេ គណៈកម្មការជំនាញទាំងអស់ត្រូវការរួមគ្នាទាំងស៊ីហ្គេម និងអាស៊ានប៉ារ៉ាហ្គេមឱ្យបានល្អប្រសើរបំផុត។សូមបញ្ជាក់ថា កិច្ចប្រជុំរវាងគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម និងសហព័ន្ធកីឡាជនពិការអាស៊ានគ្រោងនឹងធ្វើឡើងពីថ្ងៃទី១៥ ដល់ថ្ងៃទី១៧ ខែធ្នូនេះនៅរាជធានីភ្នំពេញ ក្រោយទទួលគោលការណ៍អនុញ្ញាតដ៏ខ្ពង់ខ្ពស់ពីសម្តេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ រួចមក៕អត្ថបទ៖ លី ឈុនឡា

អ្នកគាំទ្រអាហ្សង់ទីនរំពឹងឆ្លងកាត់គ្រោះធំក្រូអាស៊ីឡើងវគ្គផ្តាច់ព្រ័ត្រ

បាល់ទាត់៖ អ្នកគាំទ្រក្រុមបាល់ទាត់ជម្រើសជាតិអាហ្សង់ទីនរំពឹងយ៉ាងមុតមាំថា អាហ្សង់ទីននឹងអាចឆ្លងផុតគ្រោះធំក្រូអាស៊ីដើម្បីឡើងដល់វគ្គផ្តាច់ព្រ័ត្រ World Cup 2022 នៅកាតានេះ។ អ្នកគាំទ្រដែលមិនបានទៅកាតាផ្ទាល់នៅឯទីក្រុង Buenos Aires ប្រទេសអាហ្សង់ទីនបានត្រៀមលក្ខណៈក្នុងការទស្សនា ហ៊ោរគាំទ្រពីចម្ងាយ។ អ្នកគាំទ្របានរៀបចំខ្លួនសម្រាប់ការទស្សនាតាមរបៀបខុសៗគ្នា ដូចជាពាក់អាវក្រុមជម្រើសជាតិ ឯអ្នកគាំទ្រខ្លះទៀតឈានដល់សាក់រូប Lionel Messi ដែលធ្វើកាយវិការឌឺទៅកាន់គ្រូបង្វឹកហូឡង់ Louis van Gaal។ អាហ្សង់ទីនត្រូវបានគេចាត់ទុកថា ជាក្រុមដែលគេរំពឹងឈ្នះជើងឯក World Cup មួយផងដែរ តែពួកគេបានឆ្លងកាតព្យុះភ្លៀងជាច្រើនទំរាំមកដល់វគ្គនេះ ជាពិសេសការប្រឈមជាមួយក្រូអាស៊ីនៅវគ្គពាក់កណ្តាលផ្តាច់ព្រ័ត្រ ត្រូវបានគេរំពឹងថាគឺជាគ្រោះធំសម្រាប់អាហ្សង់ទីន។ ក្រូអាស៊ីជាក្រុមដែលមានបទពិសោធន៍ចាស់ទុំនៅ World Cup ក្នុងនាមជាជើងឯករងនៅរុស្ស៊ីបួនឆ្នាំមុន និងឡើងមកកាន់វគ្គនេះដោយទំលាក់ជប៉ុន និងជាពិសេសទំលាក់ជើងឯក ៥សម័យប្រេស៊ីលដោយបាល់ ១១ម៉ែត្រកាត់សេចក្តី៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Richarlison ប្រឈមអវត្តមានដល់ខែមករាដោយសាររបួសសរសៃពួរ

មោទនភាពសម្រាប់ប្រទេសអារ៉ាប់ អ្នកគាំទ្រម៉ារ៉ុកត្រៀមរួចរាល់ដើម្បីហ៊ោគាំទ្រការប្រកួតយប់នេះ

គ្រូបង្វឹកបារាំងថា ខ្សែការពារម៉ារ៉ុកឈរលំដាប់កំពូលនៅ World Cup តែលោកមានដំណោះស្រាយ

គ្រូបង្វឹកថា គ្មានគម្រោងពិសេសដើម្បីចាប់ Mbappe ទេ

ប្រមុខកីឡាលើកទម្ងន់ជំរុញគ្រូបង្វឹកត្រូវច្បាស់ទាំងការបង្ហាត់ និងបទបញ្ជាការប្រកួត

Messi និង Alvarez នាំអាហ្សង់ទីនឡើងវគ្គផ្តាច់ព្រ័ត្រ World Cup ក្រោយឈ្នះក្រូអាស៊ី ៣-០

សហព័ន្ធកីឡាសូហ្វតិន្នីសកម្ពុជារុះរើថ្នាក់ដឹកនាំថ្មី

ជើងឯកចំបាប់អាស៊ាននឹងប្រកួតចុងសប្ដាហ៍នេះដោយមានប្រតិភូ និងអត្តពលិកចូលរួមជិត ២០០នាក់

ដំណើរឆ្ពោះទៅអាស៊ានប៉ារ៉ាហ្គេម ២០២៣ ក៏កំពុងត្រៀមខ្លួនយ៉ាងល្អប្រសើរដូចស៊ីហ្គេមដែរ

អ្នកគាំទ្រអាហ្សង់ទីនរំពឹងឆ្លងកាត់គ្រោះធំក្រូអាស៊ីឡើងវគ្គផ្តាច់ព្រ័ត្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Richarlison ប្រឈម​អវត្តមាន​ដល់​ខែមករា​ដោយសារ​របួស​សរសៃ​ពួរ​

គ្រូបង្វឹក​បារាំង​ថា​ ខ្សែការពារ​ម៉ា​រ៉ុ​ក​ឈរ​លំដាប់​កំពូល​នៅ World Cup តែ​លោក​មាន​ដំណោះស្រាយ

គ្រូបង្វឹក​ថា ​គ្មាន​គម្រោង​ពិសេស​ដើម្បី​ចាប់ Mbappe ទេ​

ប្រមុខ​កីឡា​លើក​ទម្ងន់​ជំរុញ​គ្រូបង្វឹក​ត្រូវ​ច្បាស់​ទាំង​ការ​បង្ហាត់ និង​បទបញ្ជា​ការប្រកួត​

Messi និង Alvarez នាំ​អា​ហ្ស​ង់​ទីន​ឡើង​វគ្គ​ផ្តាច់ព្រ័ត្រ World Cup ក្រោយ​ឈ្នះ​ក្រូ​អាស៊ី ៣-០

សហព័ន្ធ​កីឡា​សូ​ហ្វ​តិ​ន្នី​ស​កម្ពុជា​រុះរើ​ថ្នាក់ដឹកនាំ​ថ្មី​

ជើងឯក​ចំបាប់​អាស៊ាន​នឹង​ប្រកួត​ចុង​សប្ដាហ៍​នេះ​ដោយមាន​ប្រតិភូ និង​អត្ត​ព​លិ​ក​ចូលរួម​ជិត ២០០​នាក់​

ដំណើរ​ឆ្ពោះទៅ​អាស៊ាន​ប៉ា​រ៉ា​ហ្គេម ២០២៣ ក៏​កំពុង​ត្រៀមខ្លួន​យ៉ាង​ល្អប្រសើរ​ដូច​ស៊ី​ហ្គេម​ដែរ​

អ្នកគាំទ្រ​អា​ហ្ស​ង់​ទីន​រំពឹង​ឆ្លងកាត់​គ្រោះ​ធំ​ក្រូ​អាស៊ី​ឡើង​វគ្គ​ផ្តាច់ព្រ័ត្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Richarlison ប្រឈមអវត្តមានដល់ខែមករាដោយសាររបួសសរសៃពួរ

គ្រូបង្វឹកបារាំងថា ខ្សែការពារម៉ារ៉ុកឈរលំដាប់កំពូលនៅ World Cup តែលោកមានដំណោះស្រាយ

គ្រូបង្វឹកថា គ្មានគម្រោងពិសេសដើម្បីចាប់ Mbappe ទេ

ប្រមុខកីឡាលើកទម្ងន់ជំរុញគ្រូបង្វឹកត្រូវច្បាស់ទាំងការបង្ហាត់ និងបទបញ្ជាការប្រកួត

Messi និង Alvarez នាំអាហ្សង់ទីនឡើងវគ្គផ្តាច់ព្រ័ត្រ World Cup ក្រោយឈ្នះក្រូអាស៊ី ៣-០

សហព័ន្ធកីឡាសូហ្វតិន្នីសកម្ពុជារុះរើថ្នាក់ដឹកនាំថ្មី

ជើងឯកចំបាប់អាស៊ាននឹងប្រកួតចុងសប្ដាហ៍នេះដោយមានប្រតិភូ និងអត្តពលិកចូលរួមជិត ២០០នាក់

ដំណើរឆ្ពោះទៅអាស៊ានប៉ារ៉ាហ្គេម ២០២៣ ក៏កំពុងត្រៀមខ្លួនយ៉ាងល្អប្រសើរដូចស៊ីហ្គេមដែរ

អ្នកគាំទ្រអាហ្សង់ទីនរំពឹងឆ្លងកាត់គ្រោះធំក្រូអាស៊ីឡើងវគ្គផ្តាច់ព្រ័ត្រ