BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

កីឡាករកម្ពុជា ៤រួបហើយឡើងវគ្គផ្តាច់ព្រ័ត្រឃីកបុកស៊ីងជើងឯកអាស៊ី ២០២២

ឃីកប៊ុកស៊ីង៖ គិតត្រឹមពេលនេះកម្ពុជាមានកីឡាករ ៤រូបហើយឡើងទៅវគ្គផ្តាច់ព្រ័ត្រ ការប្រកួតកីឡាប្រដាល់ឃីកបុកស៊ីងជើងឯកអាស៊ី ២០២២ នៅប្រទេសថៃ ខណៈដែលកីឡាករ ៣រូបទៀតនឹងស្វែងរកកៅផ្តាច់ព្រ័ត្របន្ថែមទៀតថ្ងៃទី១៦ ខែធ្នូនេះ។ ឯកឧត្តម ហេង សុខឃន ប្រធានសហព័ន្ធកីឡាឃីកបុកស៊ីងកម្ពុជា ប្រាប់ពីទីក្រុងបាងកកប្រទេសថៃថា កីឡាករដែលឡើងវគ្គផ្តាច់ព្រ័ត្រមាន ៤រូបក្នុងនោះមានកីឡាករ សុខ រិទ្ធ, បឺត សង្ឃឹម, សៃនី សៃណេត និងកីឡាករ រឿង សោភណ្ឌ។ ចំនែកកីឡាករដែលត្រូវប្រកួតវគ្គពាក់កណ្តាលផ្តាច់ព្រ័ត្រថ្ងៃទីនេះគឺកីឡាករ ឃួន ឡាំងកូស៊ីន ប្រកួតជាមួយកីឡាករថៃ ណាក់សាវ៉ាត់ ស៊ីទីឆូក, កីឡាករ ឈឿង ល្វៃ ប្រកួតជាមួយកីឡាករថៃ តុនផូស៊ី ថាណាវ៉ាត់ ខណៈដែលកីឡាករ ប៊ន ពន្លឹក ត្រូវប្រកួតជាមួយកីឡាករហ្វីលីពីន លូប្រ៊ីកា ឃឺដ។ ការប្រកួតជើងឯកអាស៊ីលើប្រភេទកីឡានេះនឹងបញ្ចប់នៅថ្ងៃទី១៨ ខែធ្នូចុងសប្តាហ៍នេះ៕អត្ថបទ៖ គង់ ហួន

ខ្សែប្រយុទ្ធ Chelsea, Broja ត្រូវសម្រាកដល់ចប់រដូវកាល ក្រោយរបួសពេលប្រកួតមិត្តភាពទល់នឹង Aston Villa

បាល់ទាត់៖ ខ្សែប្រយុទ្ធតោខៀវ Chelsea, Armando Broja នឹងត្រូវសម្រាករហូតដល់ចប់រដូវកាលនេះ បន្ទាប់ពីទទួលរងរបួសអំឡុងការប្រកួតមិត្តភាពទល់នឹង Aston Villa។ កីឡាករវ័យ ២១ឆ្នាំរូបនេះបានប៉ះទង្គិចនឹងខ្សែការពារ Aston Villa, Ezri Konza ក្នុងការប្រកួតមិត្តភាពមួយនៅទីក្រុង Abu Dhabi អារ៉ាប់រួមកាលពីថ្ងៃអាទិត្យ។ ក្លិប Chelsea បញ្ជាក់ថា Broja មានរបួសដាច់សរសៃគន្លាក់ជង្គង់ត្រូវទាមទារឱ្យមានការវះកាត់ជាចាំបាច់។ Broja បានបង្ហាញខ្លួន ១២ប្រកួតឱ្យ Chelsea រដូវកាលនេះនៅក្របខណ្ឌ English Premier League តែចាប់ផ្តើម ១១នាក់បានត្រឹម ២ប្រកួតប៉ុណ្ណោះក្រៅពីនោះគឺបម្រុងផ្លាស់ប្តូរចូល។ មុនមកដល់ World Cup នេះ Chelsea បានរងបរាជ័យបីប្រកួតផ្ទួនៗ ហើយក្រោយចប់ World Cup នឹងត្រូវទទួល Bournemouth នៅថ្ងៃទី២៧ ខែធ្នូ។ ក្រុមរបស់លោក Graham Potter កំពុងឈរលេខ៨ ក្នុងតារាងតាមពីក្រោមក្រុមនាំមុខ Arsenal ១៦ពិន្ទុ៕អត្ថបទ៖នាង សុភាវុធ

Ronaldo ហ្វឹកហាត់នៅ Real Madrid ក្រោយចប់បេសកកម្មជាមួយព័រទុយហ្កាល់នៅ World Cup

បាល់ទាត់៖ Cristiano Ronaldo បានប្រើប្រាស់ទីលានហ្វឹកហាត់របស់ក្លិប Real Madrid ដើម្បីធ្វើការហ្វឹកហាត់រក្សាកាយសម្បទាឱ្យរឹងមាំ ក្រោយបញ្ចប់បេសកកម្មជាមួយក្រុមជម្រើសជាតិព័រទុយហ្កាល់នៅ World Cup។បន្ទាប់ពីការចាកចេញពីក្រុមបិសាចក្រហម Manchester United, Cristiano Ronaldo ទំនេរអាចផ្លាស់ទៅកាន់ក្លិបណាមួយនៅខែមករាខាងមុខនេះ។ ក្លិបអារ៉ាប៊ីសាអ៊ូឌីត Al-Nassr គឺក្លិបឈានមុខគេដែលបានប្រកាសជាចំហរពីការដាក់សំណើទៅកាន់កីឡាករវ័យ ៣៧ឆ្នាំរូបនេះ តែត្រូវបានគេដឹងថា Ronaldo មានជម្រើសច្រើនទៀត។ Ronaldo បានធ្វើការហ្វឹកហាត់ម្នាក់ឯងនៅជំរំហ្វឹកហាត់ Valdebebas របស់ Real Madrid តែត្រូវបានគេដឹងថា គ្មានគម្រោងត្រលប់ទៅប្រកបអាជីពនៅទឹកដីអេស្ប៉ាញឡើយ។ការវិលត្រលប់របស់ Ronaldo មកកាន់ក្រុមបិសាចក្រហម Manchester United បានបញ្ចប់ដោយភាពចម្រូងចម្រាស មិនចុះសម្រុងគ្នាស្របពេលដែល Ronaldo ចេញមកធ្វើបទសម្ភាសន៍រិះគន់ម្ចាស់ក្លិប និងអ្នកចាត់ការ Erik ten Hag។ រឿងទាំងអស់នេះកើតឡើងមុន World Cup មកដល់ ២ថ្ងៃប៉ុណ្ណោះ ស្របពេលដែលនៅ World Cup ក៏មានរឿងចុះផ្សាយបន្ថែមទៀតពាក់ព័ន្ធនឹងការចូលលេងដំបូង និងអង្គុយកៅអីបម្រុងក្រោមការដឹកនាំរបស់គ្រូបង្វឹកព័រទុយហ្កាល់ Fernando Santos៕អត្ថបទ៖នាង សុភាវុធ

អ្នកគាំទ្រម៉ារ៉ុកសោកសង្រេង តែមានមោទនភាពទោះចាញ់បារាំង

បាល់ទាត់៖ ក្តីសង្ឃឹមរបស់ម៉ារ៉ុកចង់បង្កើតប្រវត្តិសាស្ត្របន្ថែមទៀតនៅ World Cup ដោយក្លាយជាក្រុមអាហ្វ្រិកទី១ ឡើងវគ្គផ្តាច់ព្រ័ត្របានបញ្ចប់ត្រឹមបារាំងដោយលទ្ធផល ២-០។ អ្នកគាំទ្របានប្រមូលផ្តុំគ្នាគ្រប់ទិសទីមិនថា ប្រទេសមារ៉ុក អឺរ៉ុប អាហ្វ្រិក និងនៅទឹកដីកាតា ពួកគេបានបង្ហាញអារម្មណ៍សោកស្តាយ និងសោកសង្រេង តែក៏មានមោទនភាពដែរ។ នៅទីក្រុង Casablanca ប្រទេសម៉ារ៉ុក គេឃើញមានអ្នកគាំទ្រពាសពេញតំបន់ប្រជុំជនជាមួយនឹងឯកសណ្ឋានម៉ារ៉ុក និងទង់ពណ៌ក្រហមពេញទីក្រុង។ នៅទីក្រុងប៉ារីសប្រទេសបារាំង ក៏ដូចជានៅប៊ែលហ្ស៊ិកក៏មានការជួបជុំអ្នកគាំទ្រម៉ារ៉ុករាប់រយនាក់ផងដែរ ក្រោមការមើលការខុសត្រូវដោយនគរបាលមានសមត្ថកិច្ចផងដែរ។ នៅទីក្រុង Brussels ប្រទេសប៊ែលហ្ស៊ិកគេឃើញមានការប៉ះទង្គិចរវាងអ្នកគាំទ្រ និងនគរបាលផងដែរ ក៏ប៉ុន្តែមិនមានការបង្កគ្រោះថ្នាក់អ្វីជាដុំកំភួនឡើយ៕អត្ថបទ៖នាង សុភាវុធ

អ្នកគាំទ្របារាំងអបអរជ័យជំនះឡើងវគ្គផ្តាច់ព្រ័ត្រពីរព្រឹត្តិការណ៍ជាប់គ្នា

បាល់ទាត់៖ ក្រុមការពារតំណែងជើងឯកបារាំងបានកក់កៅអី នៅវគ្គផ្តាច់ព្រ័ត្របាល់ទាត់ពិភពលោក FIFA World Cup 2022 នៅកាតាតាមរយៈជ័យជំនះលើក្រុមអាហ្វ្រិកម៉ារ៉ុក ២-០។ អ្នកគាំទ្រនៅទីក្រុងប៉ារីសបានប្រមូលផ្តុំគ្នាណែនណាន់តាន់តាប់នៅតាមមហាវិថី Champs-Elysees។ អ្នកគាំទ្រម្នាក់ៗបានបង្ហាញអារម្មណ៍រីករាយ ហើយក៏មិននឹកស្មានដល់ថា បារាំងអាចឡើងវគ្គផ្តាច់ព្រ័ត្រពីរលើកជាប់គ្នាបាន។ បារាំងជាប្រទេសដែលសំបូរប្រជាជនម៉ារ៉ុករស់នៅច្រើន ហើយភាគច្រើនមានសញ្ជាតិពីរបារាំង និងម៉ារ៉ុក។ អ្នកគាំទ្រខ្លះក៏បានបង្ហាញអារម្មណ៍រីករាយដែលក្រុមទាំងពីរឡើងមកកាន់វគ្គនេះ ហើយចាញ់ឈ្នះសុទ្ធតែជាក្រុមដែលពួកគេគាំទ្រ។ ម៉ារ៉ុកស្ទើរតែក្លាយជាក្រុមអាហ្វ្រិក រឺក្រុមអារ៉ាប់ទីមួយដែលឡើងវគ្គផ្តាច់ព្រ័ត្រទៅហើយ តែបារាំងនៅពេលនេះបាំងតែមួយប្រកួតទៀតប៉ុណ្ណោះ ដើម្បីក្លាយជាក្រុមដំបូងដែលអាចការពារជើងឯក World Cup បានក្នុងរយៈពេល ៦០ឆ្នាំបន្ទាប់ពីប្រេស៊ីលនៅឆ្នាំ១៩៦៨ និង ១៩៧២៕អត្ថបទ៖នាង សុភាវុធ

Messi ថា វគ្គផ្តាច់ព្រ័ត្រថ្ងៃអាទិត្យនេះនឹងជាប្រកួតចុងក្រោយរបស់ខ្លួននៅ World Cup

បាល់ទាត់៖ ប្រធានក្រុមជម្រើសជាតិអាហ្សង់ទីន Lionel Messi បានបញ្ជាក់ថា ការប្រកួតវគ្គផ្តាច់ព្រ័ត្រនៅថ្ងៃអាទិត្យនេះនឹងជាការបង្ហាញខ្លួនចុងក្រោយនៅ World Cup ក្នុងអាជីពរបស់ខ្លួន។ ខ្សែប្រយុទ្ធវ័យ ៣៥ឆ្នាំរូបនេះបានស៊ុតបញ្ចូលទីគ្រាប់ទី៥ របស់ខ្លួននៅ World Cup ឆ្នាំនេះបូករួមទាំង ១គ្រាប់ចុងក្រោយពេលយកឈ្នះក្រូអាស៊ី ៣-០ កាលពីយប់ថ្ងៃអង្គារ។ បង្ហាញខ្លួននៅ World Cup ព្រឹត្តិការណ៍ទី៥ នៃអាជីព Messi មិនដែលជួយក្រុមលើកពានបានសំរេចឡើយ ដោយបានត្រឹមឡើងវគ្គផ្តាច់ព្រ័ត្រម្តងកាលពីឆ្នាំ២០១៤ ចាញ់អាល្លឺម៉ង់នៅវគ្គផ្តាច់ព្រ័ត្រ។ និយាយក្នុងសន្និសីទសារព័ត៌មាន Lionel Messi រៀបរាប់ថា ពិតជារឿងរំភើបរីករាយ និងសក្តិសមបំផុតចំពោះការបញ្ចប់ដំណើរផ្សងព្រេងនៅ World Cup របស់ខ្លួននៅវគ្គផ្តាច់ព្រ័ត្រ។ គិតពីពេលនេះទៅមុខទៀតនៅសល់ច្រើនឆ្នាំទៀតដើម្បីទៅដល់ World Cup មួយព្រឹត្តិការណ៍ទៀត រូបគេមិនគិតថាអាចឈានទៅបានរឺអត់ ដូច្នេះការបញ្ចប់ដំណើរនៅពេលនេះគឺជារឿងល្អបំផុត។ អាហ្សង់ទីននឹងបន្តជួបជាមួយបារាំងនៅវគ្គផ្តាច់ព្រ័ត្រថ្ងៃអាទិត្យនេះនៅកីឡដ្ឋាន Lusail នៅពេលដែល Messi នឹងបង្ហាញខ្លួនប្រកួតទី២៦ នៅ World Cup។ World Cup 2026 នឹងត្រូវរៀបចំឡើងនៅសហរដ្ឋអាមេរិក កាណាដា និងម៉ិកស៊ិក។ ពានអ្វីៗក៏ដោយក៏ Messi ទទួលបានរួចអស់ដែរមិនថាពានផ្ទាល់ខ្លួន ជាមួយក្លិបអាជីព គឺនៅបាំងតែ World Cup មួយទៀតប៉ុណ្ណោះអ្វីៗនឹងសម្រេចទាំងអស់។ Messi បានចូលលេងឱ្យក្រុមជម្រើសជាតិអាហ្សង់ទីននៅឆ្នាំ២០០៥ ក្នុងវ័យ ១៨ឆ្នាំបង្ហាញខ្លួនមកទល់ពេលនេះបាន ១៧២ប្រកួតរកបាន ៩៧គ្រាប់៕អត្ថបទ៖នាង សុភាវុធ

ជម្រើសជាតិកង់ទាំងអស់នឹងចូលប្រកួតជើងឯកជាតិ ដើម្បីបង្កើនលក្ខណៈពិសេសត្រៀមស៊ីហ្គេម

កង់គួក៖ ក្រុមកីឡាករ-កីឡាការិនីជម្រើសជាតិកង់គួក និងកង់ភ្នំទាំងអស់សរុប ១២នាក់នឹងចូលរួមប្រកួតកីឡាទោចក្រយានជើងឯកថ្នាក់ជាតិនាចុងខែធ្នូ ឆ្នាំ២០២២ ដើម្បីបង្កើនគុណភាពបច្ចេកទេសឲ្យបានខ្ពស់ ក៏ដូចជាស្គាល់ស្ថានភាពផ្លូវប្រកួតកាន់តែច្បាស់ ក្នុងការសម្រួចគោលដៅឆ្ពោះទៅធ្វើម្ចាស់ផ្ទះកីឡាស៊ីហ្គេមឆ្នាំ២០២៣។ លោក នូ ចំរើន អគ្គលេខាធិការសហព័ន្ធខ្មែរកីឡាទោចក្រយានបានបញ្ជាក់ថា ជើងឯកថ្នាក់ជាតិឆ្នាំនេះគ្រោងធ្វើការប្រកួតពីថ្ងៃទី២៦ ដល់ថ្ងៃទី២៨ ខែធ្នូ ឆ្នាំ២០២២ នៅខេត្តសៀមរាបគឺសហព័ន្ធបានត្រៀមខ្លួនរួចរាល់ និងយកចិត្តទុក ដាក់ខ្ពស់បំផុត ដោយផ្តល់ឱកាសដល់ក្រុមជម្រើសជាតិរបស់ខ្លួនទាំង ១២នាក់ក្នុងនោះមានកីឡាករ ៨នាក់ និងកីឡាការិនី ៤នាក់ចូលរួមប្រកួតប្រជែងមេដាយជាមួយកីឡាករ-កីឡាការិនីមកពីបណ្តាក្លិបផ្សេងៗ ក្នុងការប្រកួតកម្រិតខ្ពស់បំផុតនៃព្រឹត្តិការណ៍ប្រចាំឆ្នាំមួយនេះ។ សម្រាប់ការរៀបចំផ្លូវប្រកួតទាំងផ្នែកកង់គួក និងកង់ភ្នំនៅខេត្តសៀមរាបក្នុងព្រឹត្តិការណ៍ជើងឯកថ្នាក់ជាតិនេះ គឺជាផ្លូវដែលរៀបចំការប្រកួតកីឡាជាតិលើកទី៣ កាលពីពេលកន្លងទៅថ្មីៗ ហើយ ក៏ជាផ្លូវប្រកួតសម្រាប់គោលដៅស៊ីហ្គេម ២០២៣ ដូចគ្នា។ ដូច្នេះក្រុមជម្រើសជាតិទាំង ១២នាក់ដែលកំពុងបោះជំរំហ្វឹកហាត់ជាប់ជាប្រចាំនៅស្រុកបន្ទាយស្រី ខេត្តសៀមរាប នឹងត្រៀមចូលរួមប្រកួតទាំងអស់គ្នាតែម្តង ដើម្បីបានវាស់ស្ទង់បន្ថែមនូវកម្រិតសមត្ថភាព សិទ្ធផលដែលបានហ្វឹកហាត់កន្លងមក។ យោងតាមសេចក្តីជូនដំណឹងស្តីពីការប្រកួតកីឡាទោចក្រយានជើងឯកថ្នាក់ជាតិប្រចាំឆ្នាំ២០២២ កាលពីថ្មីៗ សម្រាប់វិញ្ញាសាប្រកួតប្រភេទកង់គួករួមមាន៖ ១. កង់គួកបុរសថា្នល, ២. កង់គួកបុរសឈុតធំ និង៣. កង់គួកបុរស។ រីឯប្រភេទកង់ភ្នំរួមមាន ១. កង់ភ្នំបុរសថ្នាល, ២. កង់ភ្នំបុរសឈុតធំ, ៣. កង់ភ្នំនារី និង៤. កង់ភ្នំបុរស។ សម្រាប់ការចុះឈ្មោះចូលរួមប្រកួតព្រឹត្តិការណ៍ប្រចាំឆ្នាំនេះនឹងត្រូវបញ្ចប់នាថ្ងៃទី១៩ ខែធ្នូខាងមុខនៅទីស្នាក់ការសហព័ន្ធ ស្ថិតនៅអគារគណៈកម្មាធិការជាតិអូឡាំពិកកម្ពុជា៕អត្ថបទ៖ លី ឈុនឡា

ក្រុមការពារជើងឯកបារាំងបញ្ចប់ដំណើរផ្សេងព្រេងរបស់ម៉ារ៉ុកឡើងវគ្គផ្តាច់ព្រ័ត្រជួបអាហ្សង់ទីន

បាល់ទាត់៖ ក្រុមការពារតំណែងជើងឯកបារាំង បានបញ្ចប់ដំណើរផ្សេងព្រេងរបស់ម៉ារ៉ុកក្រោយជ័យជំនះ ២-០ ដើម្បីឡើងវគ្គផ្តាច់ព្រ័ត្រ World Cup ថ្ងៃអាទិត្យនេះជួបអាហ្សង់ទីន។ ក្រុមអាហ្វ្រិកដំបូងដែលបានឡើងមកកាន់វគ្គពាក់កណ្តាលផ្តាច់ព្រ័ត្រ ចាប់ផ្តើមការប្រកួតដោយត្រូវបានបារាំងនាំមុខតាំងពីដើមទីនាទីទី៥ ដោយខ្សែការពារ Theo Hernandez។ បារាំងដែលមានបទពិសោធន៍ពេញលេញលើឆាកអន្តរជាតិ ជាពិសេសនៅ World Cup បានគ្រប់គ្រងស្ថានការណ៍ទាំងស្រុង បើទោះបីម៉ារ៉ុកព្យាយាមវាយសម្រុក និងគ្រប់គ្រងបាល់ ៦១% លើបារាំង។ ឱកាសស៊ុត ១៣លើករបស់ម៉ារ៉ុកចំគោល ៣លើកតែមិនសម្រេចឡើយ ខណៈបារាំងមានឱកាសស៊ុត ១៤លើកចំគោលដៅ ៣ និងសម្រេចទីបានមួយគ្រាប់ទៀតនៅនាទីទី៧៩ ដោយកីឡាករបម្រុង Randal Kolo Muani។បារាំងនៅពេលនេះនៅខ្វះតែមួយជំហ៊ានទៀតប៉ុណ្ណោះ ក្នុងការក្លាយជាក្រុមដំបូងដែលអាចការពារជើងឯក World Cup បានក្នុងរយៈពេល ៦០ឆ្នាំបន្ទាប់ពីប្រេស៊ីលដែលធ្វើបានពីរលើកជាប់គ្នានៅឆ្នាំ១៩៥៨ និង ១៩៦២។ វគ្គផ្តាច់ព្រ័ត្របារាំងនឹងត្រូវជួបជាមួយអាហ្សង់ទីននៅកីឡដ្ឋាន Lusail ថ្ងៃអាទិត្យនេះ និងជាជំនួបសងសឹកសម្រាប់អាហ្សង់ទីនដែលធ្លាប់ចាញ់បារាំង ៤-៣ កាលពីបួនឆ្នាំមុននៅរុស្ស៊ី៕អត្ថបទ៖នាង សុភាវុធ

កីឡាករកម្ពុជាភាគច្រើនឈ្នះ និងឡើងទៅវគ្គបន្តការប្រកួតជើងឯកឃីកបុកស៊ីងអាស៊ី២០២២

ឃីកបុកស៊ីង៖ កីឡាករ-កីឡាការិនីឃីកបុកស៊ីងកម្ពុជាបានបញ្ចប់ការប្រកួតទៅតាមវិញ្ញាសារបស់ខ្លួន និងមួយចំនួនទៀតឡើងទៅវគ្គបន្ត និងផ្តើមប្រកួតក្នុងព្រឹត្តិការណ៍ជើងឯកឃីកបុកស៊ីងអាស៊ី ២០២២ នៅទីក្រុងបាងកកប្រទេសថៃ។ ប្រធានសហព័ន្ធ ឯកឧត្តម ហេង សុខឃន បានប្រាប់ពីទីក្រុងបាងកកថា ចំពោះលទ្ធផលថ្ងៃទី១៣ និងទី១៤ ខែធ្នូនេះ កីឡាករ ឈុត សេរីវ៉ាន់ថង ចាញ់កីឡាករមកពីប្រទេសកៀហ្ស៊ីស៊ីស្ថាន, កីឡាករ សៃនី ស៊ីណេត ឈ្នះកីឡាករឥណ្ឌា, ផុន ចានី ឈ្នះកៀហ្ស៊ីស៊ីស្ថាន, លន បញ្ញា ចាញ់កីឡាករឥណ្ឌូនេស៊ី, កីឡាការិនី វីស្រី ឆាយ ចាញ់កីឡាការិនីប៉ាឡេស្ទីន, ស៊ន រ៉ាឃីម ឈ្នះកីឡាករមកពីឆាយនីសតៃប៉ិ, ឈឿង ល្វៃ ឈ្នះកីឡាករកាហ្សាក់ស្ថាន, ប៊ន ពន្លិច ឈ្នះកីឡាករឥណ្ឌូនេស៊ី, ភួន ឡាំងកូស៊ីន ឈ្នះកីឡាករឥណ្ឌា និងកីឡាការិនី នូវ ស្រីពៅ ចាញ់កីឡាការិនីឥណ្ឌូនេស៊ី។ឯកឧត្តមបន្តថា ថ្ងៃនេះកីឡាករ កីឡាការិនីកម្ពុជា ៨រូបទៀតនឹងបន្តការប្រកួតដោយក្នុងនោះកីឡាករ សាន រ៉ាឃីម ប្រកួតជាមួយកីឡាករម្ចាស់ផ្ទះថៃ ឆាលីមលាភ, កីឡាករ លី លីសាន ប្រកួតជាមួយកីឡាករគុយវ៉ែត សេហាំ សៃនី, សៃណេត ប្រកួតជាមួយ យូ តាត ហ្វៃ មកពីហុងកុង, ភណ្ឌ ចាន្ធី ប្រកួតជាមួយ សេរីកបុល មកពីកាហ្សាក់ស្ថាន, សុខ រីទ្ធ ប្រកួតជាមួយកីឡាករអ៊ីរ៉ាក់ ណាសាអ៊ីហ្វ, វន គឹមឆេង ប្រកួតជាមួយកីឡាករឥណ្ឌូនេស៊ី តូនី គ្រីស្ទាន, ទូច រ៉ាឆាន់ ប្រកួតជាមួយកីឡាករថៃ អារុននូ ស៊ីវ៉ាផាន និងកីឡាករ បូរិន ប្រកួតជាមួយកីឡាករវៀតណាម ចាន់ មិញហាវ។ សូមជម្រាបជូនថា ការប្រកួតប្រដាល់ឃីកបុកស៊ីងជើងឯកអាស៊ីនឹងបញ្ចប់នៅថ្ងៃទី១៨ ខែធ្នូចុងសប្តាហ៍នេះ៕ អត្ថបទ៖ គង់ ហួន

ក្រុម Impunity KH នាំមកនូវក្ដីសង្ឃឹមសម្រាប់ស៊ីហ្គេម ក្រោយឈ្នះមេដាយសំរឹទ្ធពិភពលោក

អេឡិចត្រូនិក៖ ក្រុមកីឡាអេឡិចត្រូនិកកម្ពុជា Impunity KH បានក្លាយជាក្ដីសង្ឃឹមថ្មីមួយសម្រាប់សហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣ បន្ទាប់ពីពួកគេបានបើកទំព័រប្រវត្តិសាស្ដ្រដណ្ដើមបានមេដាយសំរឹទ្ធលើកដំបូង នៅក្នុងការប្រកួតកីឡាអេឡិចត្រូនិកជើងឯកពិភពលោកលើកទី១៤ (14TH IESF World Esport Championship) ឆ្នាំ២០២២ កាលពីសប្ដាហ៍កន្លងទៅ។ លោក លន់ សាមាឌី អគ្គលេខាធិការសហព័ន្ធកីឡាអេឡិចត្រូនិកកម្ពុជាបានឲ្យដឹងថា ព្រឹត្តិការណ៍រៀបចំដោយសហព័ន្ធកីឡាអេឡិចត្រូនិកអន្តរជាតិបានធ្វើនៅកោះបាលី ប្រទេសឥណ្ឌូនេស៊ី ដោយចំណាយពេលជាង ១សប្ដាហ៍ ទើបរកឃើញក្រុមជ័យលាភី។ ចំពោះការប្រកួតគឺចែកចេគជា ៦វិញ្ញាសារួមមានវិញ្ញាសា eFootball, Dota2, Tekken, CS: Go, Mobile Legends: Bang Bang និង PUBG Mobile ដែលមានអត្តពលិកអេឡិចត្រូនិកមកពីទូទាំងពិភពលោកជាង ៧០០នាក់ចូលរួមមកពី ១០៧ប្រទេស ក្នុងនោះក៏មានវត្តមានក្រុមតំណាងកម្ពុជា ១ក្រុមដែរគឺក្រុម Impunity KH ដែលប្រកួតវិញ្ញាសា Mobile Legends: Bang Bang។ជាលទ្ធផលការប្រកួត ក្រុម Impunity KH របស់កម្ពុជាបានឆ្លងកាត់ ៤ប្រកួតគឺឈ្នះ ២ប្រកួត និងចាញ់ ២ប្រកួតក្នុងនោះប្រកួតទី១ ក្រុមកម្ពុជាឈ្នះក្រុមជម្រើសជាតិណាមីប៊ី ២-០, ប្រកួតទី២ ឈ្នះក្រុមម៉ាឡេស៊ី ២-១ ប៉ុន្តែចាញ់ឥណ្ឌូនេស៊ី ២-១ នៅវគ្គពាក់កណ្តាលផ្តាច់ព្រ័ត្រកម្រិតខ្ពស់ និងចាញ់ហ្វីលីពីន ២-០ នៅវគ្គពាក់កណ្តាលផ្តាច់ព្រ័ត្រកម្រិតទាប ដែលនាំឲ្យក្រុមកម្ពុជាទទួលបានចំណាត់ថ្នាក់លេខ៣ ឬមេដាយសំរឹទ្ធ អមប្រាក់រង្វាន់ ២ម៉ឺនដុល្លារ ខណៈក្រុមម្ចាស់ផ្ទះឥណ្ឌូនេស៊ីឈ្នះមេដាយមាស អមប្រាក់រង្វាន់ ៥ម៉ឺនដុល្លារ និងក្រុមហ្វីលីពីនឈ្នះមេដាយប្រាក់ អមប្រាក់រង្វាន់ ៣ម៉ឺនដុល្លារ។អគ្គលេខាធិការសហព័ន្ធបានបន្ដថា ទោះបីក្រុមកម្ពុជាទទួលបានត្រឹមមេដាយសំរឹទ្ធ តែសមិទ្ធផលនេះស្ដែងឲ្យឃើញភាពរីកចម្រើនរបស់ក្រុមកីឡាអេឡិចត្រូនិកកម្ពុជាលើវិញ្ញាសា Mobile Legends: Bang Bang។ នេះគឺជាជោគជ័យដ៏ធំធេងសម្រាប់សហព័ន្ធក្នុងរយៈពេល ៤-៥ឆ្នាំចុងក្រោយ ដែលក្រុមកីឡាអេឡិចត្រូនិកកម្ពុជាដណ្ដើមបានមេដាយសំរឹទ្ធកម្រិតពិភពលោកផ្លូវលើកដំបូង ហើយក៏ជាក្ដីសង្ឃឹមសម្រាប់សហព័ន្ធ ក៏ដូចជាក្រុមកីឡាអេឡិចត្រូនិកកម្ពុជា សម្រាប់ការត្រៀមធ្វើម្ចាស់ផ្ទះ និងប្រជែងមេដាយនៃការប្រកួតកីឡាស៊ីហ្គេមលើកទី៣២ នាឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករកម្ពុជា ៤រួបហើយឡើងវគ្គផ្តាច់ព្រ័ត្រឃីកបុកស៊ីងជើងឯកអាស៊ី ២០២២

ខ្សែប្រយុទ្ធ Chelsea, Broja ត្រូវសម្រាកដល់ចប់រដូវកាល ក្រោយរបួសពេលប្រកួតមិត្តភាពទល់នឹង Aston Villa

Ronaldo ហ្វឹកហាត់នៅ Real Madrid ក្រោយចប់បេសកកម្មជាមួយព័រទុយហ្កាល់នៅ World Cup

អ្នកគាំទ្រម៉ារ៉ុកសោកសង្រេង តែមានមោទនភាពទោះចាញ់បារាំង

អ្នកគាំទ្របារាំងអបអរជ័យជំនះឡើងវគ្គផ្តាច់ព្រ័ត្រពីរព្រឹត្តិការណ៍ជាប់គ្នា

Messi ថា វគ្គផ្តាច់ព្រ័ត្រថ្ងៃអាទិត្យនេះនឹងជាប្រកួតចុងក្រោយរបស់ខ្លួននៅ World Cup

ជម្រើសជាតិកង់ទាំងអស់នឹងចូលប្រកួតជើងឯកជាតិ ដើម្បីបង្កើនលក្ខណៈពិសេសត្រៀមស៊ីហ្គេម

ក្រុមការពារជើងឯកបារាំងបញ្ចប់ដំណើរផ្សេងព្រេងរបស់ម៉ារ៉ុកឡើងវគ្គផ្តាច់ព្រ័ត្រជួបអាហ្សង់ទីន

កីឡាករកម្ពុជាភាគច្រើនឈ្នះ និងឡើងទៅវគ្គបន្តការប្រកួតជើងឯកឃីកបុកស៊ីងអាស៊ី២០២២

ក្រុម Impunity KH នាំមកនូវក្ដីសង្ឃឹមសម្រាប់ស៊ីហ្គេម ក្រោយឈ្នះមេដាយសំរឹទ្ធពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​កម្ពុជា ៤រួប​ហើយ​ឡើង​វគ្គ​ផ្តាច់ព្រ័ត្រ​ឃី​ក​បុក​ស៊ី​ង​ជើងឯក​អាស៊ី ២០២២

ខ្សែប្រយុទ្ធ Chelsea, Broja ត្រូវ​សម្រាក​ដល់​ចប់​រដូវ​កាល​ ក្រោយ​របួស​ពេល​ប្រកួត​មិត្តភាព​ទល់នឹង Aston Villa

Ronaldo ហ្វឹកហាត់​នៅ Real Madrid ក្រោយ​ចប់​បេសកកម្ម​ជាមួយ​ព័រទុយហ្កាល់​នៅ World Cup

អ្នកគាំទ្រ​ម៉ា​រ៉ុ​ក​សោកសង្រេង ​តែមាន​មោទនភាព​ទោះ​ចាញ់​បារាំង

អ្នកគាំទ្រ​បារាំង​អបអរ​ជ័យជំនះ​ឡើង​វគ្គ​ផ្តាច់ព្រ័ត្រ​ពីរ​ព្រឹត្តិការណ៍​ជាប់​គ្នា​

Messi ថា ​វគ្គ​ផ្តាច់ព្រ័ត្រ​ថ្ងៃអាទិត្យ​នេះ​នឹង​ជា​ប្រកួត​ចុងក្រោយ​របស់ខ្លួន​នៅ World Cup

ជម្រើសជាតិ​កង់​ទាំងអស់​នឹង​ចូល​ប្រកួត​ជើងឯក​ជាតិ ដើម្បី​បង្កើន​លក្ខណៈពិសេស​ត្រៀម​ស៊ី​ហ្គេម​

កីឡាករ​កម្ពុជា​ភាគច្រើន​ឈ្នះ និង​ឡើង​ទៅ​វគ្គ​បន្ត​ការប្រកួត​ជើងឯក​ឃី​ក​បុក​ស៊ី​ង​អាស៊ី​២០២២

ក្រុម​ Impunity KH ​នាំមក​នូវ​ក្ដីសង្ឃឹម​សម្រាប់​ស៊ី​ហ្គេម ក្រោយ​ឈ្នះ​មេដាយ​សំរឹទ្ធ​ពិភពលោក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករកម្ពុជា ៤រួបហើយឡើងវគ្គផ្តាច់ព្រ័ត្រឃីកបុកស៊ីងជើងឯកអាស៊ី ២០២២

ខ្សែប្រយុទ្ធ Chelsea, Broja ត្រូវសម្រាកដល់ចប់រដូវកាល ក្រោយរបួសពេលប្រកួតមិត្តភាពទល់នឹង Aston Villa

Ronaldo ហ្វឹកហាត់នៅ Real Madrid ក្រោយចប់បេសកកម្មជាមួយព័រទុយហ្កាល់នៅ World Cup

អ្នកគាំទ្រម៉ារ៉ុកសោកសង្រេង តែមានមោទនភាពទោះចាញ់បារាំង

អ្នកគាំទ្របារាំងអបអរជ័យជំនះឡើងវគ្គផ្តាច់ព្រ័ត្រពីរព្រឹត្តិការណ៍ជាប់គ្នា

Messi ថា វគ្គផ្តាច់ព្រ័ត្រថ្ងៃអាទិត្យនេះនឹងជាប្រកួតចុងក្រោយរបស់ខ្លួននៅ World Cup

ជម្រើសជាតិកង់ទាំងអស់នឹងចូលប្រកួតជើងឯកជាតិ ដើម្បីបង្កើនលក្ខណៈពិសេសត្រៀមស៊ីហ្គេម

កីឡាករកម្ពុជាភាគច្រើនឈ្នះ និងឡើងទៅវគ្គបន្តការប្រកួតជើងឯកឃីកបុកស៊ីងអាស៊ី២០២២

ក្រុម Impunity KH នាំមកនូវក្ដីសង្ឃឹមសម្រាប់ស៊ីហ្គេម ក្រោយឈ្នះមេដាយសំរឹទ្ធពិភពលោក