BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

កម្ពុជាបង្កើតកំណត់ត្រាថ្មីក្នុងព្រឹត្តិការណ៍អន្តរជាតិ ក្រោយឈ្នះមេដាយចំបាប់ជើងឯកអាស៊ាន ១៩គ្រឿង

ចំបាប់៖ ក្រុមកីឡាចំបាប់កម្ពុជាបានបង្កើតកំណត់ត្រាថ្មី ក្រោយដណ្ដើមបានមេដាយដ៏ច្រើនក្នុងការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២២ រហូត ១៩គ្រឿង។ នេះបើតាមការបញ្ជាក់របស់លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា និងជាប្រធានសហព័ន្ធកីឡាចំបាប់អាស៊ីអាគ្នេយ៍ ក្រោយព្រឹត្តិការណ៍ប្រចាំតំបន់នេះបានបញ្ចប់ការប្រកួតដោយរលូន បន្ទាប់ពីដំណើរការប្រកួត ៣ថ្ងៃពេញកាលពីថ្ងៃទី១៦ ដល់ថ្ងៃទី១៨ ខែធ្នូចុងសប្ដាហ៍កន្លងទៅ។ គួរដឹងថា ការប្រកួតចំបាប់ជើងឯកអាស៊ាននេះមានប្រតិភូ និងអត្តពលិកចូលរួមជិត ២០០នាក់ចូលរួម ក្នុងនោះមានកីឡាករ-កីឡាការិនីក្នុងតំបន់ចូលរួមចំនួន ៧ប្រទេសរួមមានម្ចាស់ផ្ទះកម្ពុជា ឥណ្ឌូនេស៊ី វៀតណាម ថៃ សិង្ហបុរី ឡាវ និងហ្វីលីពីន។ ជាលទ្ធផលម្ចាស់ផ្ទះកម្ពុជាឈរលេខ៣ ក្នុងតារាងមេដាយ ដោយដណ្ដើមបានមេដាយសរុប ១៩គ្រឿង (មាស ៣ ប្រាក់ ៣ និងសំរឹទ្ធ ១៣) គ្រាដែលវៀតណាមឈរកំពូលតារាងឈ្នះមេដាយសរុប ៣០គ្រឿង (មាស ១៨ ប្រាក់ ១១ និងសំរឹទ្ធ ១)។ លោក ខេស៊ី បាណេត បានលើកឡើងថា នេះជាលើកដំបូងក្នុងប្រវត្តិសាស្ដ្ររបស់សហព័ន្ធ ដែលកីឡាចំបាប់កម្ពុជាដណ្ដើមបានមេដាយដ៏ច្រើនក្នុងការប្រកួតអន្ដរជាតិ ជាក់ស្ដែងកាលពីស៊ីហ្គេមឆ្នាំ២០១៣ នៅមីយ៉ាន់ម៉ា គឺកម្ពុជាដណ្ដើមបានមេដាយសរុប ១០គ្រឿង ខណៈស៊ីហ្គេមចុងក្រោយនៅវៀតណាមគឺឈ្នះមេដាយត្រឹម ៦គ្រឿងប៉ុណ្ណោះ។ តាមរយៈនេះគឺជាសញ្ញាណមួយដ៏ល្អ សម្រាប់កីឡាចំបាប់កម្ពុជាក្នុងដំណើរឆ្ពោះទៅព្រឹត្តិការណ៍ប្រវត្តិសាស្ដ្រស៊ីហ្គេមនាឆ្នាំ២០២៣ ខាងមុខ។គួរដឹងថា ការប្រកួតកីឡាចំបាប់ជើងឯកអាស៊ីអាគ្នេយ៍នេះ ត្រូវបានចាត់ទុកជាការប្រកួតមុនព្រឹត្តិការណ៍ស៊ីហ្គេម ឬ Pre-SEA Games ដើម្បីពង្រឹងសមត្ថភាពរបស់សហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣ ទាំងធនធានមន្ដ្រីបច្ចេកទេស អាជ្ញាកណ្ដាល-ចៅក្រម និងកីឡាករ-កីឡាការិនី ពិសេសបទពិសោធន៍ធ្វើម្ចាស់ផ្ទះការប្រកួតលក្ខណៈអន្ដរជាតិ ដើម្បីធានាបាននូវជោគជ័យក្នុងនាមម្ចាស់ផ្ទះព្រឹត្តិការណ៍ប្រវត្តិសាស្ដ្រលើកដំបូងនាឆ្នាំក្រោយ បន្ទាប់ពីកម្ពុជារង់ចាំអស់រយៈពេល ៦៤ឆ្នាំ៕អត្ថបទ៖ លី ឈុនឡា

កម្ពុជានឹងមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង

កីឡាអេឡិចត្រូនិក៖ កីឡាអេឡិចត្រូនិកកម្ពុជានឹងមានមជ្ឈមណ្ឌលអន្ដរជាតិលើកដំបូង ដើម្បីជំរុញការអភិវឌ្ឍន៍វិស័យកីឡាមួយនេះឲ្យកាន់តែរីកចម្រើនបន្ថែមទៀត។ នេះបើតាមការបញ្ជាក់របស់ថ្នាក់ដឹកនាំសហព័ន្ធកីឡាអេឡិចត្រូនិកកម្ពុជា និងក្រុមហ៊ុន T.Y Media បន្ទាប់ពីភាគីទាំងពីរបានចុះអនុស្សារណៈនៃការយោគយល់គ្នា (MOU) នៅទីស្ដីការក្រសួងព័ត៌មានកាលពីថ្ងៃទី១៨ ខែធ្នូ ឆ្នាំ២០២២ ម្សិលមិញ។ លោក ធី វ៉ាយ អគ្គនាយកក្រុមហ៊ុន T.Y Media បានសម្ដែងសេចក្ដីរីករាយជាខ្លាំងដែលបានក្លាយជាដៃគូសហការ និងរួមចំណែកអភិវឌ្ឍន៍ផ្លូវការជាមួយសហព័ន្ធ។ ក្នុងនាមក្រុមហ៊ុនរៀបចំ និងគ្រប់គ្រងព្រឹត្តិការណ៍កីឡាអេឡិចត្រូនិកនៅកម្ពុជា លោកបានប្ដេជ្ញានឹងខិតខំបង្កើនការអភិវឌ្ឍន៍កីឡាមួយនេះ ឲ្យកាន់តែមានសក្ដានុពលខ្លាំងក្លាបន្ថែមទៀត ក្នុងកម្រិតជាតិ និងតំបន់ ពិសេសការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣។ អ្វីដែលពិសេសគឺនៅឆ្នាំ២០២៣ ខាងមុខ លោកនឹងបង្កើតមជ្ឈមណ្ឌល T.Y Media E-Sport Center សម្រាប់រៀបចំការប្រកួតកីឡាអេឡិចត្រូនិកគ្រប់វិញ្ញាសាទាំងអស់ ទាំងថ្នាក់ជាតិ និងថ្នាក់អន្តរជាតិ ព្រមទាំងរៀបចំកន្លែងបណ្តុះបណ្តាលកីឡាករ-កីឡាការិនីកម្ពុជាក្រោមកិច្ចសហការជាមួយសហព័ន្ធដោយប្រើកម្មវិធី System Training Sibo ពីអន្តរជាតិឲ្យមានសមត្ថភាពកាន់តែខ្លាំងក្នុងការចូលរួមប្រកួតលើឆាកអន្តរជាតិ ដើម្បីដណ្តើមមេដាយជូនជាតិមាតុភូមិទៀតផង។ជាមួយកិច្ចសហការ និងការតាំងចិត្តរបស់ក្រុមហ៊ុនដៃគូនេះដែរ ឯកឧត្តម ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន និងជាប្រធានសហព័ន្ធកីឡាអេឡិចត្រូនិកកម្ពុជា (EFC) បានបង្ហាញការគាំទ្រពេញទំហឹង ចំពោះចក្ខុវិស័យដ៏ច្បាស់លាស់របស់ក្រុមហ៊ុនដៃគូ ពិសេសគម្រោងបង្កើតមជ្ឈមណ្ឌល E-Sport Center ព្រោះជាការរួមចំណែកដ៏ធំជាមួយសហព័ន្ធ ដ្បិតកន្លងមករាល់ការប្រកួតនានាដែលរៀបចំដោយសហព័ន្ធ តែងធ្វើនៅកន្លែងផ្សេងៗ។ ឯកឧត្តមបន្ដថា នេះគឺជាលើកដំបូងហើយ ដែលកម្ពុជាមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង ដែលជាចក្ខុវិស័យ ជាមូលដ្ឋានគ្រឹះ និងជាផ្លូវមួយ សម្រាប់ឲ្យវិស័យកីឡា E-Sports របស់កម្ពុជាដើរឲ្យលឿនទាន់បណ្ដាប្រទេសក្នុងតំបន់ និងពិភពលោក៕អត្ថបទ៖ លី ឈុនឡា

កម្ពុជាដណ្តើមបានមេដាយមាស ប្រាក់ និងសំរឹទ្ធ ពីការប្រកួតប្រដាល់ឃីកបុកស៊ីងជើងឯកអាស៊ី២០២២

បាងកក៖ អត្តពលិកប្រដាល់ឃីកបុកស៊ីងកម្ពុជា បានបញ្ចប់បេសកកម្មប្រកួតប្រដាល់ឃីកបុកស៊ីងអាស៊ី ២០២២ ហើយនៅថ្ងៃទី១៨ ខែធ្នូនេះ ដោយដណ្តើមបានមេដាយ ១២គ្រឿង ក្នុងនោះ មាស ០២គ្រឿង ប្រាក់ ០៥គ្រឿង និងសំរឹទ្ធ ០៥គ្រឿង បន្ទាប់ពីបានចូលរួមព្រឹត្តិការណ៍ប្រដាល់ដ៏ធំប្រចាំតំបន់អាស៊ីនេះ តាំងពីថ្ងៃទី១០ ខែធ្នូ ឆ្នាំ២០២២កន្លងទៅនេះ។កីឡាករ ឃួន ឡាំងកូស៊ីន ក្លាយជាកីឡាករទី២របស់កម្ពុជា ដែលដណ្តើមបានមេដាយមាសជូនជាតិពីការប្រកួតជើងឯកអាស៊ី ២០២២ ថ្ងៃទី១៨ ខៃធ្នូនេះ ក្រោយយកឈ្នះកីឡាករប្រទេសកាហ្សាក់ស្ថាន Duisenov Dulat ដោយពិន្ទុ ក្នុងវិញ្ញាសា Low Kick ប្រភេទទំងន់-៥៧គីឡូក្រាម។ ចំណែកមេដាយមាសទី១របស់កម្ពុជា ធ្វើបានសម្រេចដោយកីឡាករ សុខ រិទ្ធ កាលពីថ្ងៃទី១៧ ខែធ្នូ ក្រោយយកឈ្នះកីឡាករ Muboev Sherali មកពីប្រទេសអ៊ូសបេគីស្ថាន ដោយពិន្ទុ។ ចំណែកមេដាយប្រាក់ ០៥គ្រឿង ធ្វើបានដោយកីឡាករ ឈឿង ល្វៃ ទិត សោភ័ណ្ឌ ទូច រ៉ាឆាន់ (បឺត សង្ឃឹម) ប៊ន ពន្លឹក និងកីឡាករ សៃនី សៃណេត។ ដោយឡែកកីឡាករ កីឡាការិនីដែលដណ្តើមបានមេដាយសំរឹទ្ធមាន កីឡាការិនី លី លីសាន កីឡាករ វន គឹមចេង សាន រ៉ាគីម ម៉េត បូរិន្ទ និងកីឡាករ ភ័ណ្ឌ ចន្ធី (ហៅកូនខ្លា)។ សូមជម្រាបជូនថា សហព័ន្ធកីឡាឃីកបុកស៊ីងកម្ពុជាបានបញ្ជួនកីឡាការិនី ០៣រូប កីឡាករ ១៤រូប រួមជាមួយប្រតិភូ គ្រូបង្វឹក គ្រូជំនួយ មន្ត្រីបច្ចេកទេស និងក្រុមគ្រូពេទ្យ១១នាក់ ដែលដឹកនាំដោយឯកឧត្តម ហេង សុខឃន ប្រធានសហព័ន្ធ ចូលរួមប្រកួតប្រដាល់ឃីកបុកស៊ីងជើងឯកអាស៊ី ២០២២ នៅទីក្រុងបាងកក ប្រទេសថៃ ពីថ្ងៃទី១០ ដល់ថ្ងៃទី១៨ ខែធ្នូ ឆ្នាំ២០២២ ដោយមាន១៨ប្រទេសក្នុងទ្វីបអាស៊ីចូលរួម៕

Lusail កីឡដ្ឋានសម្រាប់ការប្រកួតវគ្គផ្តាច់ព្រ័ត្រ World Cup

បាល់ទាត់៖ កីឡដ្ឋានដែលផ្ទុកទស្សនិកជនបាន ៨០,០០០នាក់ Lusail Stadium នឹងជាកន្លែងសម្រាប់ទទួលការប្រកួតវគ្គផ្តាច់ព្រ័ត្រ FIFA World Cup 2022 រវាងអាហ្សង់ទីន និងបារាំងនៅថ្ងៃអាទិត្យចុងសប្តាហ៍នេះ។ ការប្រកួតនៅថ្ងៃអាទិត្យនេះនឹងជាការប្រកួតទី៥ របស់អាហ្សង់ទីននៅកីឡដ្ឋានមួយនេះ តែបារាំងនឹងជាការប្រកួតលើកដំបូង។ កីឡដ្ឋានមួយនេះជាកន្លែងដែលអារ៉ាប៊ីសាអ៊ូឌីតយកឈ្នះអាហ្សង់ទីន ២-១ មុនពេលដែលអាហ្សង់ទីនយកឈ្នះម៉ិកស៊ិក ហូឡង់ និងក្រូអាស៊ីដើម្បីឡើងមកកាន់វគ្គផ្តាច់ព្រ័ត្រ។ កីឡដ្ឋានមួយនេះត្រូវបានរចនាម៉ូតដោយជនជាតិអង់គ្លេស ដែលធ្វើឡើងសម្រាប់តែការប្រកួត World Cup នេះ។ មានទីតាំងចម្ងាយ ២០គីឡូម៉ែត្រពីប្រជុំជនទីក្រុងដូហា ទទួលការប្រកួតចំនួន ៦ប្រកួតក្នុងពូល។រូបរាងចានរបស់ពហុកីឡាដ្ឋាន និងការរចនាដ៏ប្រណិត ចំពោះគំនូរតុបតែងដែលមាននៅលើចាននៅទូទាំងពិភពអារ៉ាប់។ ការប្រកួតនៅថ្ងៃអាទិត្យចាប់ផ្តើមនៅម៉ោង ១៨ម៉ោងក្នុងស្រុកត្រូវនឹងម៉ោង ២២ម៉ោងនៅកម្ពុជា៕អត្ថបទ៖នាង សុភាវុធ

អាជ្ញាកណ្តាលសញ្ជាតិប៉ូឡូញ Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup

បាល់ទាត់៖ អាជ្ញាកណ្តាលសញ្ជាតិប៉ូឡូញលោក Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup រវាងអាហ្សង់ទីន និងបារាំងថ្ងៃអាទិត្យនេះ នេះបើតាមការឱ្យពីសហព័ន្ធបាល់ទាត់ប៉ូឡូញ។ បុរសវ័យ ៤១ឆ្នាំរូបនេះនឹងក្លាយជាអាជ្ញាកណ្តាលសញ្ជាតិប៉ូឡូញទី១ ដែលដឹកនាំការប្រកួតវគ្គផ្តាច់ព្រ័ត្រ និងចាប់ផ្តើមដឹកនាំការប្រកួតនៅ World Cup ដំបូងនៅឆ្នាំ២០១៨ លើទឹកដីរុស្ស៊ីបួនឆ្នាំមុន។ លោក Szymon នឹងមានជំនួយការអាជ្ញាកណ្តាលពីរនាក់ជាជនជាតិប៉ូឡូញដែរគឺលោក Pawel Sokolnicki និង Tomasz Listkiewicz។ ចំណែកការប្រកួតដណ្តើមចំណាត់ថ្នាក់លេខ៣ អាជ្ញាកណ្តាលដឹកនាំជនជាតិកាតាលោក Abdulrahman Al Jassim រវាងការប្រកួតរបស់ក្រូអាស៊ី និងម៉ារ៉ុកនៅកីឡដ្ឋាន Khalifa International Stadium នៅថ្ងៃសៅរ៍ស្អែកនេះ៕អត្ថបទ៖នាង សុភាវុធ

គ្រូបង្វឹកព័រទុយហ្កាល់ Fernando Santos ចាកចេញពីតំណែងក្រោយខកចិត្តនៅ World Cup

បាល់ទាត់៖ គ្រូបង្វឹកក្រុមជម្រើសជាតិព័រទុយហ្កាល់លោក Fernando Santos បានសំរេចលាលែងពីតំណែងហើយ ក្រោយដឹកនាំក្រុមមិនបានល្អនៅ World Cup។ បុរសវ័យ ៦៨ឆ្នាំរូបនេះចាកចេញ បន្ទាប់ពីព័រទុយហ្កាល់ចាញ់ក្រោមស្នាដៃម៉ារ៉ុកនៅវគ្គ ៨ក្រុមចុងក្រោយ។ លោក Fernando Santos បានចំណាយពេល ៨ឆ្នាំដឹកនាំព័រទុយហ្កាល់ដោយបានជួយក្រុមឈ្នះជើងឯកអឺរ៉ុបឆ្នាំ ២០១៦ ក៏ដូចជាពាន UEFA Nations League ក្នុងឆ្នាំដំបូងនៃការបង្កើតឡើង។ យ៉ាងណាក្តីប្រកួតចុងក្រោយក្រោមការដឹកនាំរបស់លោក Santos ពេញដោយការស្តីបន្ទោសពីការទំលាក់ Cristiano Ronaldo ឱ្យបម្រុង។ លោក Santos បានសម្រេចឱ្យកីឡាករវ័យ ៣៧ឆ្នាំរូបនេះបម្រុងពេលយកឈ្នះស្វ៊ីស ៦-១ បន្ទាប់ពីកាយវិការមិនសមរម្យពេលផ្លាស់ចេញ នៅពេលព័រទុយហ្កាល់ចាញ់កូរ៉េប្រកួតចុងក្រោយក្នុងពូល។ជំនួបទល់នឹងស្វ៊ីសអ្នកមកជំនួស Ronaldo គឺខ្សែប្រយុទ្ធ Benfica, Goncalo Ramos ដែលចូលមករកបានបីគ្រាប់ម្នាក់ឯងតែម្តង ដែលធ្វើឱ្យលោក Santos សម្រេចដាក់ឱ្យជាជម្រើសដំបូងទៀតពេលចាញ់ម៉ារ៉ុក និងទម្លាក់ Ronaldo ដដែល។ ព័រទុយហ្កាល់បានចេញសេចក្តីថ្លែងអំនរគុណចំពោះការលះបង់របស់លោក Fernando Santos កន្លងមក ដែលធ្វើឱ្យកីឡាករ និងប្រជាជនព័រទុយហ្កាល់សប្បាយរីករាយក្នុងរយៈពេល ៨ឆ្នាំនេះ។ ព័រទុយហ្កាល់នឹងប្រកាសឈ្មោះអ្នកចាត់ការថ្មីនៅសប្តាហ៍ក្រោយ ស្របពេលព័រទុយហ្កាល់ត្រៀមលក្ខណៈសម្រាប់ការប្រកួតជម្រុះ Euro 2024៕អត្ថបទ៖នាង សុភាវុធ

អ្នកគាំទ្រនៅស្រុកកំណើត Messi សង្ឃឹមថា អាហ្សង់ទីនត្រលប់មកវិញជាមួយពាន World Cup

បាល់ទាត់៖ ប្រជាជនរស់នៅទីក្រុង Rosario ដែលជាស្រុកកំណើតរបស់ Lionel Messi មានក្តីសង្ឃឹមខ្ពស់ថា Messi នឹងវិលត្រលប់មកប្រទេសកំណើតវិញជាមួយនឹងពានបាល់ទាត់ពិភពលោក។ បុរសវ័យ ២៣ឆ្នាំឈ្មោះថា Niv Resnik ដែលជាអ្នកទេសចរអ៊ីស្រាអែលបាននិយាយថា រូបគេជាអ្នកគាំទ្រ Barcelona និង Messi តាំងពីតូច ហើយការមកធ្វើដំណើរទេសចរនៅប្រទេសអាហ្សង់ទីន គឺដើម្បីមកទស្សនាទឹកដីកំណើតរបស់ Messi និងសង្ឃឹមថា Messi ត្រលប់មកទីនេះជាមួយនឹងពានពិភពលោក។ ទីក្រុង Rosario ដែលមានចំងាយផ្លូវ ៣០០គីឡូម៉ែត្រភាគខាងជើងរដ្ឋធានី Buenos Aires ត្រូវបានគេប្រទះឃើញរូបភាព Messi ជាច្រើនកន្លែង ជាពិសេសនៅតំបន់ La Bajada ដែលជាកន្លែងរស់នៅ និងធំធាត់របស់ Messi មុនចាកចេញទៅ Barcelona។ លោក Fernanda Quiroga វ័យ ៣៥ឆ្នាំដែលជាអតីតអ្នកជិតខាងរបស់ Messi បាននិយាយថា “ពួកយើងពិតជាមួយមានរអារម្មណ៍ភ័យព្រួយ ពួកយើងរង់ចាំ Messi មកវិញជាមួយពានរង្វាន់ នេះជាពានរង្វាន់របស់គាត់ ពួកយើងកាន់តែកៀកនឹងជើងឯក ពួកយើងសប្បាយ តែកាត់តែភ័យ”។ ចំណែកលោក Andrea Sosa វ័យ ៥៥ឆ្នាំ និងធ្លាប់ជាគ្រូបង្រៀនរបស់ Messi កាលពីតូចនិយាយថា លោកពិតជាចង់ឱ្យអាហ្សង់ទីនឈ្នះជើងឯក ជាពិសេសគឺចង់ឱ្យ Messi ឈ្នះជើងឯកដើម្បីតបស្នងការខិតខំប្រឹងប្រែងក្នុងអាជីពដ៏ជោគជ័យរបស់គាត់។ ពានអ្វីៗក៏ដោយក៏ Messi ទទួលបានរួចអស់ដែរមិនថាពានផ្ទាល់ខ្លួន ជាមួយក្លិបអាជីព គឺនៅបាំងតែ World Cup មួយទៀតប៉ុណ្ណោះអ្វីៗនឹងសម្រេចទាំងអស់។ Messi បានចូលលេងឱ្យក្រុមជម្រើសជាតិអាហ្សង់ទីននៅឆ្នាំ២០០៥ ក្នុងវ័យ ១៨ឆ្នាំបង្ហាញខ្លួនមកទល់ពេលនេះបាន ១៧២ប្រកួតរកបាន ៩៧គ្រាប់៕អត្ថបទ៖នាង សុភាវុធ

Real Madrid ទិញបានកីឡាករវ័យ ១៦ឆ្នាំប្រេស៊ីល Endrick ផ្លូវការ

បាល់ទាត់៖ កីឡាករវ័យ ១៦ឆ្នាំរបស់ក្លិបប្រេស៊ីល Palmeiras, Endrick បានឈានដល់កិច្ចព្រមព្រៀងផ្លាស់ទៅកាន់ក្លិបយក្សអេស្ប៉ាញ Real Madrid ផ្លូវការហើយ តែត្រូវរង់ចាំឆ្នាំ២០២៤។ Endrick នឹងក្លាយជាកីឡាកររបស់ Real Madrid ផ្លូវការនៅឆ្នាំ២០២៤ ក្នុងតម្លៃផ្ទេរដល់ទៅ ៧២លានអឺរ៉ូឯណោះនៅពេលគេឈានដល់វ័យ ១៨ឆ្នាំសិន។ Paris Saint Germain និងតោខៀវ Chelsea ត្រូវបានគេដឹងថាកំពុងតាមដានកីឡាករវ័យ ១៦ឆ្នាំរូបនេះដែរ។ ក្លិបអេស្ប៉ាញ Real Madrid បាននិយាយថា ពួកគេចង់បាន Endrick ទុកមុនដូចពេលដែលនាំយក Vinicius Junior កាលពីឆ្នាំ២០០៧ នៅពេលដែល Real Madrid ចំណាយលុយ ៤៥លានអឺរ៉ូទៅកាន់ Flamengo។ ត្រឹមវ័យ ១៦ឆ្នាំ Endrick Felipe ត្រូវបានក្លិប Palmeiras តម្លើងឱ្យមកលេងក្រុមធំនៅឆ្នាំ២០២២ នេះដោយបង្ហាញខ្លួនបាន ៧ប្រកួតរកបាន ២គ្រាប់។ Endrick ធ្លាប់បង្ហាញខ្លួនឱ្យក្រុមជម្រើសជាតិប្រេស៊ីលអាយុក្រោម ១៧ឆ្នាំលេងបាន ៤ប្រកួតរកបាន ៥គ្រាប់៕អត្ថបទ៖នាង សុភាវុធ

ការប្រកួតកីឡាបាល់ទាត់មិត្តភាពកម្ពុជា-ឡាវដើម្បីរឹតចំណងសាមគ្គីភាពនៃប្រទេសជិតខាង

បាល់ទាត់៖ ការប្រកួតកីឡាបាល់ទាត់មិត្តភាពរវាងខេត្តស្ទឹងត្រែងនៃព្រះរាជាណាចក្រកម្ពុជា និងខេត្តចំប៉ាសាក់នៃប្រទេសឡាវ បានប្រព្រឹត្តទៅក្នុងភាពស្និតស្នាលជាទីបំផុត ដើម្បីបង្កើនចំណងមេត្រីភាពបន្ថែមទៀតរវាងខេត្តដែលមានព្រំដែនជាប់គ្នា ការប្រកួតបាល់ទាត់មិត្តភាពរវាងខេត្តទាំង២ បានប្រព្រឹត្តទៅកាលពីរសៀលថ្ងៃទី១៤ ខែធ្នូ ឆ្នាំ២០២២ នៅកីឡដ្ឋាននៃវិទ្យាល័យព្រះរាជបូនីយកិច្ច ក្រុងស្ទឹងត្រែង។ ការប្រកួតបាល់ទាត់មិត្តភាពខាងលើនេះ ខេត្តស្ទឹងត្រែងដឹកនាំដោយឯកឧត្ដម ស្វាយ សំអ៊ាង អភិបាលនៃគណៈអភិបាលខេត្ត ចំណែកខេត្តចំប៉ាសាក់ដឹកនាំដោយលោកបណ្ឌិត វីល័យវង្ស ប៊ុតដាខាំ ជាអភិបាលខេត្ត។ ក្រុមកីឡាបាល់ទាត់ខេត្តស្ទឹងត្រែងក្នុងសំលៀកបំពាក់ខោអាវពណ៌ទឹកក្រូច ខណៈក្រុមបាល់ទាត់ខេត្តចំប៉ាសាក់ក្នុងសំលៀកបំពាក់ពណ៌ឈាមជ្រូក។ ក្នុងការប្រកួតមិត្តភាពខាងលើខេត្តទាំង២ ស្មើគ្នា ពោលគឺខាងខេត្តស្ទឹងត្រែងស៊ុតបាល់ចូល ៣គ្រាប់ក្នុងនោះឯកឧត្ដម ស្វាយ សំអ៊ាង ស៊ុតចូល ២គ្រាប់ និងខេត្តចំប៉ាសាក់ស៊ុតចូល ៣គ្រាប់។ឯកឧត្ដម ស្វាយ សំអ៊ាង បានបញ្ជាក់ថា ការទាត់បាល់មិត្តភាពថ្ងៃនេះគឺជាថ្ងៃប្រវត្តិសាស្ត្រសម្រាប់ខេត្តស្ទឹងត្រែង និងខេត្តចំប៉ាសាក់ប្រទេសឡាវ ដែលកន្លងមកពុំធ្លាប់មានការប្រកួតកីឡាបាល់ទាត់រវាងថ្នាក់ដឹកនាំនៃខេត្តទាំង២ នោះឡើយ ហើយឯកឧត្ដមសង្ឃឹមថា ព្រឹត្តិការណ៍នេះនឹងមានជាបន្ដបន្ទាប់ទៀត៕

ជម្រើសជាតិវ៉ូវីណាមទទួលការឧបត្ថម្ភពីវិស័យឯកជន ខណៈប្រធានសហព័ន្ធជំរុញការគាំទ្រគ្រប់ប្រភេទកីឡា

វ៉ូវីណាម៖ ក្រុមកីឡាវ៉ូវីណាមជម្រើសជាតិកម្ពុជា បានបន្ដទទួលការឧបត្ថម្ភពីវិស័យឯកជនទៀតហើយ ដើម្បីរួមចំណែកលើកទឹកចិត្តដល់ការហ្វឹកហាត់ត្រៀមការប្រកួតអន្ដរជាតិនានា គ្រាដែលប្រធានសហព័ន្ធឯកឧត្តម អ៊ូ រតនា ចង់ឲ្យវិស័យឯកជនចូលរួមឧបត្ថម្ភគាំទ្រដល់គ្រប់ប្រភេទកីឡា ដើម្បីរួមចំណែកជាមួយរាជរដ្ឋាភិបាលក្នុងដំណើរឆ្ពោះទៅស៊ីហ្គេមឆ្នាំ២០២៣ ខាងមុខ។ ការបញ្ជាក់នេះ បន្ទាប់ពីក្រុមកីឡាវ៉ូវីណាមជម្រើសជាតិកម្ពុជា បានទទួលការឧបត្ថម្ភទឹកដោះគោចំនួន ៤ដងក្នុងមួយខែពីកសិដ្ឋានគិរីសួគ៍ ។ ឯកឧត្តម អ៊ូ រតនា បានចាត់ទុកការឧបត្ថម្ភនេះគឺជាការរួមចំណែកមួយដ៏សំខាន់ ទោះបីតិចក្ដីច្រើនក្ដី តែជាការជំរុញលើកទឹកចិត្តដល់កីឡាករ-កីឡាការិនីឲ្យកាន់តែខិតខំប្រឹងប្រែងហ្វឹកហាត់ ពិសេសកំឡុងពេលខិតជិតមកដល់នៃការប្រកួតស៊ីហ្គេមឆ្នាំ២០២៣ តែម្ដង។សូមបញ្ជាក់ថា កីឡាវ៉ូវីណាមគឺជាកីឡាដ៏មានសក្ដានុពលមួយរបស់កម្ពុជា ក្នុងប្រជែងមេដាយអន្ដរជាតិ ពិសេសស៊ីហ្គេមឆ្នាំ២០២៣ ខាងមុខ សហព័ន្ធបានកំណត់ទិសដៅដណ្ដើមមេដាយមាសជូនជាតិយ៉ាងតិច ៩គ្រឿងក្នុងនាមម្ចាស់ផ្ទះ។ ក្រឡេកទៅមើលស៊ីហ្គេមលើកទី៣១ នៅវៀតណាមកាលពីខែឧសភា ឆ្នាំ២០២២ កន្លងទៅ កីឡាវ៉ូវីណាមគឺជាប្រភេទកីឡាដណ្ដើមបានមេដាយច្រើនជាងគេសរុប ១៣គ្រឿងមានមេដាយមាស ៣ ប្រាក់ ២ និងសំរឹទ្ធ ៨គ្រឿង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កម្ពុជាបង្កើតកំណត់ត្រាថ្មីក្នុងព្រឹត្តិការណ៍អន្តរជាតិ ក្រោយឈ្នះមេដាយចំបាប់ជើងឯកអាស៊ាន ១៩គ្រឿង

កម្ពុជានឹងមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង

កម្ពុជាដណ្តើមបានមេដាយមាស ប្រាក់ និងសំរឹទ្ធ ពីការប្រកួតប្រដាល់ឃីកបុកស៊ីងជើងឯកអាស៊ី២០២២

Lusail កីឡដ្ឋានសម្រាប់ការប្រកួតវគ្គផ្តាច់ព្រ័ត្រ World Cup

អាជ្ញាកណ្តាលសញ្ជាតិប៉ូឡូញ Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup

គ្រូបង្វឹកព័រទុយហ្កាល់ Fernando Santos ចាកចេញពីតំណែងក្រោយខកចិត្តនៅ World Cup

អ្នកគាំទ្រនៅស្រុកកំណើត Messi សង្ឃឹមថា អាហ្សង់ទីនត្រលប់មកវិញជាមួយពាន World Cup

Real Madrid ទិញបានកីឡាករវ័យ ១៦ឆ្នាំប្រេស៊ីល Endrick ផ្លូវការ

ការប្រកួតកីឡាបាល់ទាត់មិត្តភាពកម្ពុជា-ឡាវដើម្បីរឹតចំណងសាមគ្គីភាពនៃប្រទេសជិតខាង

ជម្រើសជាតិវ៉ូវីណាមទទួលការឧបត្ថម្ភពីវិស័យឯកជន ខណៈប្រធានសហព័ន្ធជំរុញការគាំទ្រគ្រប់ប្រភេទកីឡា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កម្ពុជា​នឹងមាន​មជ្ឈមណ្ឌល​កីឡា​អេឡិចត្រូនិក​ស្ដង់ដារ​អន្ដរជាតិ​លើកដំបូង​

កម្ពុជាដណ្តើមបានមេដាយមាស ប្រាក់ និងសំរឹទ្ធ ពីការប្រកួតប្រដាល់ឃីកបុកស៊ីងជើងឯកអាស៊ី២០២២

Lusail កីឡដ្ឋាន​សម្រាប់​ការប្រកួត​វគ្គ​ផ្តាច់ព្រ័ត្រ World Cup

អាជ្ញាកណ្តាល​សញ្ជាតិ​ប៉ូឡូញ Szymon Marciniak នឹង​ដឹកនាំ​ការប្រកួត​វគ្គ​ផ្តាច់ព្រ័ត្រ World Cup

គ្រូបង្វឹក​ព័រទុយហ្កាល់ Fernando Santos ចាក​ចេញពី​តំណែង​ក្រោយ​ខកចិត្ត​នៅ World Cup

អ្នកគាំទ្រ​នៅ​ស្រុកកំណើត Messi សង្ឃឹមថា ​អា​ហ្ស​ង់​ទីន​ត្រលប់​មកវិញ​ជាមួយ​ពាន World Cup

Real Madrid ទិញ​បាន​កីឡាករ​វ័យ ១៦​ឆ្នាំ​ប្រេ​ស៊ី​ល Endrick ផ្លូវការ

ការប្រកួត​កីឡាបាល់ទាត់​មិត្តភាព​កម្ពុជា​-​ឡាវ​ដើម្បី​រឹតចំណង​សាមគ្គីភាព​នៃ​ប្រទេសជិតខាង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានឹងមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង

Lusail កីឡដ្ឋានសម្រាប់ការប្រកួតវគ្គផ្តាច់ព្រ័ត្រ World Cup

អាជ្ញាកណ្តាលសញ្ជាតិប៉ូឡូញ Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup

គ្រូបង្វឹកព័រទុយហ្កាល់ Fernando Santos ចាកចេញពីតំណែងក្រោយខកចិត្តនៅ World Cup

អ្នកគាំទ្រនៅស្រុកកំណើត Messi សង្ឃឹមថា អាហ្សង់ទីនត្រលប់មកវិញជាមួយពាន World Cup

Real Madrid ទិញបានកីឡាករវ័យ ១៦ឆ្នាំប្រេស៊ីល Endrick ផ្លូវការ

ការប្រកួតកីឡាបាល់ទាត់មិត្តភាពកម្ពុជា-ឡាវដើម្បីរឹតចំណងសាមគ្គីភាពនៃប្រទេសជិតខាង