BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

Karim Benzema ប្រកាសចូលនិវត្តន៍ពីក្រុមជម្រើសជាតិបារាំងក្នុងថ្ងៃកំណើតរបស់ខ្លួន

បាល់ទាត់៖ ខ្សែប្រយុទ្ធ Real Madrid, Karim Benzema បានប្រកាសចូលនិវត្តន៍ពីក្រុមជម្រើសជាតិបារាំងហើយ ក្រោយខកខានមិនបានជួយក្រុមបារាំងនៅ World Cup 2022 នៅកាតា។ កីឡាករវ័យ ៣៥ឆ្នាំរូបនេះបានអវត្តមានពី World Cup 2022 កន្លងទៅ ទោះបីមានឈ្មោះក្នុងបញ្ជីក្រុមជំរើសជាតិបារាំងក្តី បន្ទាប់ពីមានរបួសមុនព្រឹត្តិការណ៍ចាប់ផ្តើម។ Benzema បានសរសេរនៅលើបណ្តាញសង្គម Twitter ពីគោលបំណងចូលនិវត្តន៍នៅក្នុងថ្ងៃកំណើតរបស់ខ្លួនតែម្តងនៅថ្ងៃចន្ទ ទី១៩ ម្សិលមិញនេះ។ ខ្សែប្រយុទ្ធ Real Madrid រូបនេះបង្ហាញខ្លួនសរុបឱ្យក្រមជម្រើសជាតិបារាំង ៩៧លើកស៊ុតបញ្ចូលទីបាន ៣៧គ្រាប់តែក៏ធ្លាប់ខកខានបង្ហាញខ្លួនជិត ៦ឆ្នាំបន្ទាប់ពីមានរឿងអាស្រូវគម្រាមអតីតមិត្តរួមក្រុម Mathieu Valbuena មុនពេលដែលត្រូវបានកោះហៅចូលក្រុមឡើងវិញមុន Euro 2020។ Karim Benzema មានអាជីពដ៏ជោគជ័យជាមួយក្លិប Real Madrid ជាពិសេសរដូវកាលចុងក្រោយកន្លងទៅដែល Real Madrid ឈ្នះជើងឯក UEFA Champions League និងត្រូវបោះឆ្នោតជាកីឡាករឆ្នើមប្រចាំឆ្នាំរបស់ Ballon d’Or ផងដែរ៕អត្ថបទ៖នាង សុភាវុធ

ប្រធានសហព័ន្ធបាល់ឱបជំរុញក្រុមកីឡាករ-កីឡាការិនីបន្ដការខំប្រឹង ក្រោយបញ្ចប់ជើងឯកថ្នាក់ជាតិ

បាល់ឱប៖ លោកជំទាវ ស៊ុំ សុខា ប្រធានសហព័ន្ធកីឡាបាល់ឱបកម្ពុជា បានជំរុញដល់ក្រុមកីឡាករ-កីឡាការិនីទាំងអស់ត្រូវបន្ដការខំប្រឹងហ្វឹកហាត់ឲ្យកាន់តែខ្លាំង ដើម្បីអភិវឌ្ឍន៍សមត្ថភាពឆ្ពោះទៅរកការប្រកួតកម្រិតខ្ពស់ និងការប្រកួតអន្ដរជាតិនានា។ ការលើកឡើងនេះ បន្ទាប់ពីសហព័ន្ធបានបញ្ចប់ការប្រកួតកីឡាបាល់ឱប 7s ជ្រើសរើសជើងឯកថ្នាក់ជាតិឆ្នាំ២០២២ ដោយជោគជ័យកាលចុងសប្ដាហ៍កន្លងទៅនៅកីឡដ្ឋានស្ដាតចាស់។ ការប្រកួតនេះមាន ១០ក្រុមចូលរួម និងបែងចែកជា ៣វិញ្ញាសា ក្នុងនោះវិញ្ញាសាបុរសក្រុមធំមានបេក្ខភាព ៥ក្រុមចូលរួម គ្រាដែលផ្នែកបាល់ឱបនារីមានវិញ្ញាសាអាយុក្រោម ២០ឆ្នាំ ៣ក្រុម និងអាយុក្រោម ១៦ឆ្នាំ ២ក្រុម។ ជាលទ្ធផលក្រោយឆ្លងកាត់ការប្រកួតដ៏ស្វិតស្វាញ ១ថ្ងៃពេញសម្រាប់វិញ្ញាសាបាល់ឱបបុរសក្រុមធំ សមាគមកីឡាបាល់ឱបកងយោធពលខេមរភូមិន្ទគ្រងតំណែងជើងឯក ខណៈក្រុមកីឡាបាល់ឱបក្របីព្រៃទទួលបានចំណាត់ថ្នាក់លេខ២ និងក្រុមកីឡាបាល់ឱបព្រះស៊ីសុវត្ថិទទួលបានចំណាត់ថ្នាក់លេខ៣។ រីឯផ្នែកបាល់ឱបនារី ក្រុមកីឡាការិនីបាល់ឱបក្របីព្រៃបានគ្រងជើងឯកលើវិញ្ញាសាអាយុក្រោម ២០ឆ្នាំ និងក្រុមបាល់ឱបផ្កាឈូក ព្រះស៊ីសុវត្ថិ គ្រងជើងឯកលើវិញ្ញាសាអាយុក្រោម ១៦ឆ្នាំ។លោកជំទាវ ស៊ុំ សុខា បានវាយតម្លៃខ្ពស់ចំពោះការប្រកួតនេះ ទាំងគណៈកម្មការរៀបចំ ពិសេសការចូលរួមរបស់កីឡាករ-កីឡាការិនីគ្រប់វ័យ ដែលជាសញ្ញាណមួយដ៏ល្អសម្រាប់វិស័យកីឡាបាល់ឱបកម្ពុជា ឆ្ពោះទៅរកការអភិវឌ្ឍ និងរីកចម្រើនបន្ថែមទៀត។ តាមរយៈនេះ លោកជំទាវបានជំរុញដល់ក្រុម និងកីឡាករ-កីឡាការិនីទាំងអស់ បន្ទាប់ពីចប់ការប្រកួតនេះ ទាំងក្រុមទទួលបានជយលាភី និងពុំទទួលបានជយលាភីត្រូវបន្ដការខិតខំប្រឹងប្រែងហ្វឹកហាត់ឲ្យបានជាប់លាប់ ដើម្បីអភិវឌ្ឍន៍សមត្ថភាពឆ្ពោះទៅរកគុណផលខ្ពស់ ត្រៀមចូលរួមការប្រកួតអន្ដរជាតិនានា និងដណ្ដើមមេដាយជូនជាតិមាតុភូមិ៕អត្ថបទ៖ លី ឈុនឡា

សហព័ន្ធកីឡាទោចក្រយាននឹងដំឡើងប្រាក់រង្វាន់ជ័យលាភីជើងឯកថ្នាក់ជាតិឆ្នាំនេះ

ទោចក្រយាន៖ សហព័ន្ធកីឡាទោចក្រយានកម្ពុជាបានប្រកាសដំឡើងប្រាក់រង្វាន់ជ័យលាភី នៃការប្រកួតទោចក្រយានជ្រើសរើសជើងឯកថ្នាក់ជាតិឆ្នាំ២០២២ ច្រើនជាងមុន បន្ទាប់ពីទទួលបានការឧបត្ថម្ភទ្វេដងពីក្រុមហ៊ុនដៃគូ។ នេះបើតាមការបញ្ជាក់របស់លោក នូ ចំរើន អគ្គលេខាធិការសហព័ន្ធ។ការប្រកាសនេះធ្វើឡើងក្នុងសន្និសីទសារព័ត៌មាន ស្ដីពីការប្រកួតកីឡាទោចក្រយានជើងឯកថ្នាក់ជាតិ ដែលគ្រោងនឹងធ្វើឡើងពីថ្ងៃទី២៦ ដល់ថ្ងៃទី២៨ ខែធ្នូ ឆ្នាំ២០២២ ខាងមុខនៅខេត្តសៀមរាប ស្របពេលសហព័ន្ធបានទទួលការឧបត្ថម្ភនូវថវិកាចំនួន ៤២,៧៥០ដុល្លារពីក្រុមហ៊ុន Herbalife សម្រាប់ដំណើរការរៀបចំព្រឹត្តិការណ៍ប្រចាំឆ្នាំនេះ។ លោក នូ ចំរើន អគ្គលេខាធិការសហព័ន្ធ បានចាត់ទុការរួមចំណែកពីវិស័យឯកជននេះគឺជាផ្នែកមួយដ៏សំខាន់ ដើម្បីជំរុញការរៀបចំឲ្យកាន់តែមានស្ដង់ខ្ពស់ ពិសេសសហព័ន្ធក៏នឹងធ្វើការដំឡើងនូវប្រាក់រង្វាន់ជ័យលាភីបន្ថែម ដល់កីឡាករ-កីឡាការិនីជ័យលាភីទៀតផង។ ទន្ទឹមជាមួយគ្នាលោក អឿ ឌីណា តំណាងក្រុមហ៊ុនដៃគូសហការរបស់សហព័ន្ធ បានសម្ដែងនូវសេចក្ដីរីករាយដែលបានរួមចំណែកគាំទ្រ និងអភិវឌ្ឍន៍វិស័យកីឡាទោចក្រយានកម្ពុជា ពិសេសដើម្បីរួមចំណែកជាមួយសហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជាតែម្ដង។គួរដឹងថា ការចុះឈ្មោះចូលរួមប្រកួតកីឡាទោចក្រយានជើងឯកថ្នាក់ជាតិឆ្នាំ២០២២ នៅសល់ ១ថ្ងៃទៀតប៉ុណ្ណោះនឹងត្រូវបញ្ចប់ ពោលគឺឈប់ទទួលពាក្យនៅថ្ងៃទី២១ ខែធ្នូស្អែកនេះ ខណៈជាបណ្ដោះអាសន្នមកទល់ពេលនេះការចុះឈ្មោះចូលរួមទទួលបានជាង ២៥០នាក់ហើយ គ្រាដែលក្ដីរំពឹងរបស់សហព័ន្ធសង្ឃឹមថា ការប្រកួតឆ្នាំនេះនឹងមានអ្នកចូលរួមប្រមាណ ៣៥០នាក់។ សម្រាប់វិញ្ញាសាប្រកួតវិញគឺបែងចែកជាកង់គួក និងកង់ភ្នំ ក្នុងនោះវិញ្ញាសាកង់គួករួមមាន៖ ១. កង់គួកបុរសថា្នល, ២. កង់គួកបុរសក្រុមធំ និង៣. កង់គួកបុរស។ រីឯប្រភេទកង់ភ្នំរួមមាន ១. កង់ភ្នំបុរសថ្នាល, ២. កង់ភ្នំបុរសក្រុមធំ, ៣. កង់ភ្នំនារី និង៤. កង់ភ្នំបុរស៕អត្ថបទ៖ លី ឈុនឡា

អ្នកគាំទ្របារាំងក្រៀមក្រំ ខណៈមានការប៉ះទង្គិចនៅទីក្រុង Lyon

បាល់ទាត់៖ អ្នកគាំទ្រក្រុមបាល់ទាត់ជំរើសជាតិបារាំងបានបង្ហាញអារម្មណ៍ក្រៀមក្រំ សោកសង្រេង ក្រោយចាញ់ការប្រកួតវគ្គផ្តាច់ព្រ័ត្រ World Cup មិនអាចការពារតំណែងជើងឯកបាន។ ជាការប្រកួតវគ្គផ្តាច់ព្រ័ត្រដែលធ្វើឱ្យអ្នកចាញ់មិនអស់ចិត្តឡើយ តាមរយៈការលេងសម្រុកគ្នាទៅវិញទៅមក ជាពិសេសបារាំងដែលតាមស្មើពីរគ្រាប់ និងបន្តតាមស្មើវិញបានទៀតនៅម៉ោងបន្ថែមកាត់សេចក្តី មុនចាញ់នៅវគ្គ ១១ម៉ែត្រកាត់សេចក្តីចុងក្រោយ។ អ្នកគាំទ្របារាំងនៅទឹកដីកាតា ថ្វីបើបារាំងចាញ់ក្តីបានលើកឡើងថា លោកសោកស្តាយដែលបារាំងចាញ់ តែក៏អបអរ Messi ដែរគាត់បានសមបំណងគាត់ហើយ សមនឹងអាជីពដ៏ជោគជ័យស្ទើរពេញមួយជីវិតនេះហើយ។ អ្នកគាំទ្រនៅប្រទេសបារាំងបានលើកឡើងពីការខកចិត្តរបស់ខ្លួន ដោយសារតែបារាំងធ្វើបានល្អនៅចុងក្រោយ ទោះមិនល្អនៅវគ្គទី១ តែក៏សរសើរអាហ្សង់ទីនដែលមានការប្រកួតវគ្គផ្តាច់ព្រ័ត្រដ៏អស្ចារ្យ។ អ្នកគាំទ្រខ្លះបាននិយាយថា នេះជាការប្រកួតវគ្គផ្តាច់ព្រ័ត្រដ៏អស្ចារ្យបំផុតហើយក្នុងប្រវត្តិសាស្ត្រ តែសោកស្តាយដែលក្រុមរបស់ខ្លួននៅស្ថិតនៅខាងភាគីបរាជ័យ។ ជាមួយនឹងការខកបំណង ក៏គេឃើញមានកើតឡើងអំពើហិង្សាដែរនៅទីក្រុង Lyon ដោយមានអ្នកគាំទ្រខិលខូចមួយចំនួនបង្កចលាចល បំផ្លិចបំផ្លាញទ្រព្យសម្បត្តិអ្នកដទៃ ដែលធ្វើឱ្យឈានដល់ការអន្តរាគមន៍ពីមន្ត្រីនគរបាល៕អត្ថបទ៖នាង សុភាវុធ

Lionel Messi ឈ្នះពានកីឡាករឆ្នើមប្រចាំព្រឹត្តិការណ៍ ខណៈ Kylian Mbappe ឈ្នះស្បែកជើងមាស

បាល់ទាត់៖ ខ្សែប្រយុទ្ធអាហ្សង់ទីន Lionel Messi ត្រូវបានជ្រើសរើសជាកីឡាករឆ្នើមបំផុតប្រចាំព្រឹត្តិការណ៍ FIFA World Cup 2022 នៅកាតានេះ បន្ទាប់ពីជួយអាហ្សង់ទីនឈ្នះពាន World Cup លើកទី៣ និងជាលើកដំបូងក្នុងរយៈពេល ៣៦ឆ្នាំ។ កីឡាករវ័យ ៣៥ឆ្នាំរូបនេះបានស៊ុតបញ្ចូលទី ២គ្រាប់នៅវគ្គផ្តាច់ព្រ័ត្រ និងមួយគ្រាប់ក្នុងវគ្គ ១១ម៉ែត្រកាត់សេចក្តីក្នុងជ័យជំនះលើក្រុមការពារជើងឯកបារាំង។ នៅក្នុងព្រឹត្តិការណ៍ឆ្នាំនេះ Messi ស៊ុតបញ្ចូលទីបាន ៧គ្រាប់ និងបានក្លាយជាកីឡាករទី១ ដែលអាចស៊ុតបញ្ចូលទីបាននៅគ្រប់វគ្គទាំងអស់ រាប់តាំងពីវគ្គចែកពូលដល់វគ្គចាញ់ធ្លាក់ និងផ្តាច់ព្រ័ត្រ។ Messi ក៏បានក្លាយជាកីឡាករទីមួយដែរ ដែលឈ្នះពានកីឡាករឆ្នើមប្រចាំព្រឹត្តិការណ៍ (បាល់មាស) ២លើក បូករួមទាំងលើកដំបូងនៅឆ្នាំ២០១៤ ដែលអាហ្សង់ទីនចាញ់អាល្លឺម៉ង់នៅវគ្គផ្តាច់ព្រ័ត្រ។ ងាកមកបារាំង ខ្សែប្រយុទ្ធឆ្នើម Kylian Mbappe បានឈ្នះពានកីឡាករដែលស៊ុតបញ្ចូលទីច្រើនជាងគេប្រចាំព្រឹត្តិការណ៍ (ស្បែកជើងមាស) ក្រោយរកបានសរុប ៨គ្រាប់បូកទាំង Hat-Trick នៅវគ្គផ្តាច់ព្រ័ត្រនេះ។ កីឡាករវ័យ ២៣ឆ្នាំរូបនេះបានក្លាយជាកីឡាករដំបូងដែលធ្វើបាន Hat-Trick នៅវគ្គផ្តាច់ព្រ័ត្ររាប់ពីឆ្នាំ១៩៦៦ ដែលធ្វើឱ្យបានដោយកីឡាករអង់គ្លេស Sir Geoff Hurst នៅពេលអង់គ្លេសលើកពានដោយយកឈ្នះអាល្លឺម៉ង់ខាងលិច។ សរុបមកវិញ Kylian Mbappe វ័យទើបតែ ២៣ឆ្នាំបង្ហាញខ្លួននៅ World Cup បានពីរលើកឈ្នះពានមួយលើក ហើយ Mbappe ក៏ជាកីឡាករដំបូងដែរដែលស៊ុតបញ្ចូលទីនៅវគ្គផ្តាច់ព្រ័ត្រសរុបបាន ៤គ្រាប់បូកបញ្ចូលទាំងមួយគ្រាប់ពេលបារាំងយកឈ្នះក្រូអាស៊ីកាលពី ៤ឆ្នាំមុននៅរុស្ស៊ី។ ពីរព្រឹត្តិការណ៍ ១២គ្រាប់ Kylian Mbappe បានក្លាយជាកីឡាករវ័យក្មេងបំផុតដំបូងគេដែលធ្វើបានបែបនេះ។ ជ័យលាភីផ្សេងទៀតគឺអ្នកចាំទីអាហ្សង់ទីន Emiliano Martinez ក្លាយជាកីឡាករអ្នកចាំទីឆ្នើមបំផុតប្រចាំព្រឹត្តិការណ៍ទទួលបានពានស្រោមដៃមាស។ អ្នកចាំទី Aston Villa រូបនេះគឺជាសមាជិកដែលមិនអាចរំលងបាន ក្នុងការនាំផ្លូវអាហ្សង់ទីនមកឈ្នះពាននៅពេលនេះតាមរយៈការជួយសង្គ្រោះបាល់ ១១ម៉ែត្រកាត់សេចក្តីរបស់ Kingsley Coman និងពេលយកឈ្នះហូឡង់។ ដោយឡែកខ្សែបម្រើអាហ្សង់ទីនរបស់ Benfica, Enzo Fernandez វ័យ ២១ឆ្នាំឈ្នះពានកីឡាករវ័យក្មេងឆ្នើមបំផុតប្រចាំព្រឹត្តិការណ៍ ខណៈក្រុមជម្រើសជាតិអង់គ្លេសឈ្នះពាន Fair Play ក្រោយមានកាតតិចបំផុត៕អត្ថបទ៖នាង សុភាវុធ

អ្នកគាំទ្រអាហ្សង់ទីនអបអរជ័យជំនះជើងឯក World Cup គ្រប់ទិសទីជុំវិញពិភពលោក

បាល់ទាត់៖ អ្នកគាំទ្រក្រុមបាល់ទាត់អាហ្សង់ទីនបាននាំគ្នាអបអរសាទរ ពានបាល់ទាត់ពិភពលោកគ្រប់ទិសទីជុំវិញពិភពលោក និងមិនអាចបញ្ចប់បានមិនថាយប់រឺថ្ងៃ។ ដំបូងគេយើងទៅមើលអ្នកគាំទ្រនៅទីក្រុង Buenos Aires ប្រទេសអាហ្សង់ទីន ប្រជាជនអាហ្សង់ទីនបានជួបជុំគ្នានៅកណ្តាលទីក្រុង ដើម្បីអបអរសាទរដោយមានចំនួនច្រើនណែនណាន់តាន់តាប់រាប់មិនអស់។ Matias Cardinalli ដែលជាអ្នកគាំទ្រអាហ្សង់ទីនម្នាក់បានលើកឡើងថា រូបលោករស់នៅបារាំងនៅពេលបារាំងលើកពាន ១៩៩៨ និងជាពេលដំបូងដែលចាប់ផ្តើមមើល World Cup ហើយពេលនេះក៏បានឃើញអាហ្សង់ទីនឈ្នះពាន បើនិយាយពីក្តីរីករាយ មិនអាចបរិយាយបាន។ អ្នកគាំទ្រភាគច្រើនបាននិយាយថា ពួកគេបានឃើញ និងកើតទាន់អាហ្សង់ទីនឈ្នះពាន World Cup លើកដំបូងក្នុងឆ្នាំនេះ ហើយនេះជាក្តីរីករាយឥតឧបមា មិនអាចពន្យល់បាន នេះជាការលើកឡើងរបស់បុរសវ័យ ៣៤ឆ្នាំ Santiago Cutaia។ មិនត្រឹមតែនៅទីក្រុង Buenos Aires ប្រទេសអាហ្សង់ទីនទេ អ្នកគាំទ្រនៅកាតាផ្ទាល់មិនបានសម្រាកឡើយ ដោយបន្តជប់លៀងអបអរជើងឯករបស់អាហ្សង់ទីនទល់ភ្លឺ បូករួមទាំងអ្នកគាំទ្រជុំវិញពិភពលោកដូចជាប៉ាគីស្ថាន បង់ក្លាដែស អេស្ប៉ាញជាដើម៕អត្ថបទ៖នាង សុភាវុធ

Messi ថានឹងបន្តលេងឱ្យអាហ្សង់ទីនមិនទាន់ចូលនិវត្តន៍ឡើយ

បាល់ទាត់៖ វិរៈបុរសបាល់ទាត់របស់អាហ្សង់ទីន Lionel Messi និយាយថា នឹងមិនទាន់ចូលនិវត្តន៍ពីក្រុមជម្រើសជាតិឡើយ ដោយនឹងបន្តលេងឱ្យអាហ្សង់ទីនមួយរយៈទៀត បន្ទាប់ជួយអាហ្សង់ទីនឈ្នះពានបាល់ទាត់ពិភពលោកលើកដំបូងក្នុងរយៈពេល ៣៦ឆ្នាំ។ ខ្សែប្រយុទ្ធ Paris Saint Germain រូបនេះត្រូវបានចោទសួរដោយសារព័ត៌មាន TyCSports ពីអនាគតរបស់ខ្លួន និងបានឆ្លើយតបថា រូបគេនៅតែសប្បាយចិត្តក្នុងការលេងបាល់ទាត់ឱ្យក្រុមជម្រើសជាតិនៅឡើយ និងចង់បន្តស្វែងរកជ័យជំនះឱ្យអាហ្សង់ទីនបន្ថែមទៀតក្នុងនាមជាក្រុមជើងឯកពិភពលោក។ នេះជាការបង្ហាញខ្លួននៅព្រឹត្តិការណ៍ World Cup លើកទី៥ សម្រាប់ Lionel Messi និងបានស៊ុតបញ្ចូលទី ២គ្រាប់ម្នាក់ឯងនៅវគ្គផ្តាច់ព្រ័ត្រ និងមួយគ្រាប់នៅបាល់ ១១ម៉ែត្រកាត់សេចក្តី។ Messi ដែលនឹងឈានដល់វ័យ ៣៩ឆ្នាំនៅ World Cup បន្ទាប់នៅឆ្នាំ២០២៦ នោះធ្លាប់បានបង្ហើបថា World Cup នៅកាតានឹងជាព្រឹត្តិការណ៍ចុងក្រោយរបស់ខ្លួន។ យ៉ាងណាក្តីគ្រូបង្វឹកអាហ្សង់ទីន Lionel Scaloni និយាយថា ចង់ឱ្យ Messi បន្តលេងឱ្យអាហ្សង់ទីនដល់ World Cup 2026 ទៀតដែលនឹងធ្វើឡើងនៅសហរដ្ឋអាមេរិក កាណាដា និងម៉ិកស៊ិក៕អត្ថបទ៖នាង សុភាវុធ

ជំនាញការកីឡាលើកទម្ងន់អន្ដរជាតិស្វាគមន៍ស្រាយចម្ងល់ និងការចែករំលែកចំណេះដឹងដល់គ្រូកម្ពុជា

លើកទម្ងន់៖ លោក Aveenash Pandoo អ្នកជំនាញអន្ដរជាតិមកពីសហព័ន្ធកីឡាលើកទម្ងន់ពិភពលោក បានបង្ហាញសេចក្ដីសោមនស្សរីករាយក្នុងការស្រាយចម្ងល់ ក៏ដូចជាការចែករំលែកចំណេះដឹងដល់គ្រូបង្វឹកកម្ពុជា រាល់ពេលមានចម្ងល់ផ្សេងៗ។ ការបើកភ្លើងខៀវពីជំនាញការអន្ដរជាតិនេះ ក្រោយវគ្គបណ្ដុះបណ្ដាលគ្រូបង្វឹកកីឡាលើកទម្ងន់ថ្នាក់ជាតិ ក្រោមគម្រោងសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា(NOCC) បានបញ្ចប់ដោយជោគជ័យ បន្ទាប់ពីដំណើរការអស់រយៈពេល ៥ថ្ងៃកាលពីចុងសប្ដាហ៍កន្លងទៅ ដោយមានសិក្ខាកាម ២៧នាក់ចូលរួមនៅទីស្នាក់ការគណៈកម្មាធិការជាតិអូឡាំពិកកម្ពុជា។ បុរសជនជាតិម៉ូរីសរូបនេះបានសម្ដែងនូវសេចក្ដីរីករាយជាខ្លាំង ដែលបានមកធ្វើការ ក៏ដូចជាចែករំលែកចំណេះដឹងដល់សិក្ខាកាម ដែលជាគ្រូបង្វឹកកីឡាលើកទម្ងន់របស់កម្ពុជា ហើយលោកសង្ឃឹមថា ការណ៍នេះគឺជាការរួមចំណែកមួយ ដើម្បីអភិវឌ្ឍន៍វិស័យកីឡាលើកទម្ងន់កម្ពុជា។ ប៉ុន្ដែលោកថា បើសិក្ខាកាមចូលរួមវគ្គនេះនៅមានចម្ងល់នានា លោករីករាយក្នុងការឆ្លើយតប និងចែករំលែកនូវចំណេះដឹងថ្មីៗ ទោះតាមរយៈអនឡាញក៏ដោយ។ឆ្លៀតឱកាសនោះដែរ លោក សំ សុខយី អគ្គលេខាធិការសហព័ន្ធកីឡាលើកទម្ងន់កម្ពុជា បានជំរុញសិក្ខាកាមជាគ្រូបង្វឹកកីឡាលើកទម្ងន់ទាំងអស់ ត្រូវរក្សាទំនាក់ទំនងល្អជាមួយអ្នកជំនាញអន្ដរជាតិ ដើម្បីទទួលបាននូវចំណេះដឹងថ្មីៗ ក៏ដូចជាស្វែងយល់បន្ថែមពីចំណុចខ្វះខាត។ ហេតុនេះសហព័ន្ធលើកទឹកចិត្តឲ្យសិក្ខាកាមដែលនៅមានចម្ងល់ ឬមិនទាន់ច្បាស់នូវចំណុចណាគឺអាចសួរនាំបន្ថែមផ្ទាល់ទៅលោក Aveenash Pandoo ដើម្បីអភិវឌ្ឍន៍សមត្ថភាព និងចំណេះដឹងបន្ថែមឆ្ពោះទៅរកកម្រិតខ្ពស់ សម្រាប់ការងារបណ្ដុះបណ្ដាលកាន់តែមានប្រសិទ្ធភាព ពិសេសការរួមចំណែកផលិតធនធានត្រៀមការប្រកួតកីឡាស៊ីហ្គេមឆ្នាំ២០២៣ ខាងមុខនៅកម្ពុជា។ជាមួយគ្នាលោក ប៊ុយ សុភ័ណ្ឌ ទីប្រឹក្សា NOCC បានសម្ដែងការសាទរចំពោះការបញ្ចប់វគ្គសាមគ្គីអូឡាំពិក ស្ដីពីការបណ្ដុះបណ្ដាលគ្រូបង្វឹកកីឡាលើកទម្ងន់ដោយជោគជ័យ។ លោកសង្ឃឹមថា បន្ទាប់ពីចប់វគ្គនេះ សិក្ខាកាមជាគ្រូបង្វឹកទាំងអស់នឹងនាំយកចំណេះដឹងទៅប្រើប្រាស់ប្រកបដោយប្រសិទ្ធភាពខ្ពស់ ក្នុងការបណ្ដុះបណ្ដាលធនធានកីឡាករ-កីឡាការិនី ក៏ដូចជាវិស័យកីឡាលើកទម្ងន់កម្ពុជាឲ្យកាន់តែរីកចម្រើនបន្ថែមទៀត៕អត្ថបទ៖ លី ឈុនឡា

កាតារៀបចំពិធីដង្ហែពាន World Cup របស់អាហ្សង់ទីនទាំងយប់នៅទីក្រុងដូហា

បាល់ទាត់៖ ក្រុមជើងឯកពិភពលោកអាហ្សង់ទីន បានចូលរួមក្នុងពិធីដង្ហែពានជើងឯក FIFA World Cup របស់ខ្លួន ប៉ុន្មានម៉ោងប៉ុណ្ណោះបន្ទាប់ពីបញ្ចប់ការប្រកួតវគ្គផ្តាច់ព្រ័ត្រ។ ទាំងយប់អាធ្រាត្រឈានចូលថ្ងៃចន្ទទៅហើយ ជាលើកដំបូងដែលមានពិធីដង្ហែពាននៅខាងក្រៅកីឡដ្ឋានរបស់ប្រទេសម្ចាស់ផ្ទះនៅមហាវិថី Lusail ក្បែរកីឡដ្ឋាន និងជាការអបអរក្នុងឱកាសថ្ងៃបុណ្យជាតិរបស់កាតា។ អាហ្សង់ទីនបានគ្រងជើងឯកពិភពលោកដោយយកឈ្នះក្រុមការពារជើងឯកបារាំង ៤-២ នៅវគ្គ ១១ម៉ែត្រកាត់សេចក្តី បន្ទាប់ពីបញ្ចប់ការប្រកួត ១២០នាទីស្មើគ្នា ៣-៣ មិនគួរឱ្យជឿ។ អ្នកចាំទីអាហ្សង់ទីន Emiliano Martinez សង្គ្រោះបាល់ ១១ម៉ែត្ររបស់ Kingley Coman ខណៈដែល Aurelien Tchouameni ស៊ុតខុសទីធ្វើឱ្យអាហ្សង់ទីនឈ្នះពាន World Cup លើកទី៣ និងជាលើកដំបូងតាំងពីឆ្នាំ១៩៨៦។ ក្រុមអាហ្សង់ទីននឹងចាកចេញពីទឹកដីកាតានៅថ្ងៃចន្ទនេះទៅកាន់ទីក្រុង Buenos Aires ប្រទេសអាហ្សង់ទីន ខណៈការអបអរសាទរនឹងបន្តមាននៅប្រទេសកំណើត៕អត្ថបទ៖នាង សុភាវុធ

អាហ្សង់ទីនគ្រងជើងឯកពិភពលោកលើកទី៣ និងជាលើកដំបូងសម្រាប់ Messi

បាល់ទាត់៖ ក្រុមជម្រើសជាតិអាហ្សង់ទីនទីបំផុតបានក្លាយជាជើងឯកពិភពលោក FIFA World Cup 2022 នៅកាតាបន្ទាប់ពីយកឈ្នះក្រុមការពារជើងឯកបារាំងដោយបាល់ ១១ម៉ែត្រកាត់សេចក្តី។ អាចនិយាយបានថា ជាការប្រកួតវគ្គផ្តាច់ព្រ័ត្រដ៏អស្ចារ្យបំផុតក្នុងប្រវត្តិសាស្ត្របាល់ទាត់ពិភពលោក តាមរយៈការ ប្រយុទ្ធដោយពីក្រុមទាំងពីរ និងជាពិសេសដោយតារាបាល់ទាត់កំពូលរបស់ PSG ទាំងពីរនាក់ Lionel Messi និង Kylian Mbappe។ ចាប់ផ្តើមដំបូងអាហ្សង់ទីនជាក្រុមមានប្រៀប និងរកបានគ្រាប់នាំមុខមុនពីរគ្រាប់ដោយ Lionel Messi និង Angel Di Maria។ ក្រុមបារាំងហាក់បាត់បង់ម្ចាស់ការនៅក្នុងវគ្គទី១ នេះមុនពេលដែលប្រព័ន្ធលេងត្រូវបានកែប្រែវិញនៅវគ្គទី២ តាមរយៈការផ្លាស់ប្តូរកីឡាករពីរនាក់ចូលនៅចុងវគ្គទី១ រួមមាន Marcus Thuram និង Randal Kolo Muani។ អាហ្សង់ទីននៅខ្វះតែ ១០នាទីទៀតនឹងក្លាយជាជើងឯកទៅហើយតែមិត្តរួមក្រុម Messi នៅ PSG, Kylian Mbappe រកបានពីរគ្រាប់ក្នុងរយៈពេល ៣នាទីដោយបាល់ ១១ម៉ែត្រមួយគ្រាប់ និងការស៊ុតកាប់ចានដ៏អស្ចារ្យនាំឱ្យក្រុមទាំងពីរបន្តដំណើរទៅម៉ោងបន្ថែមកាត់សេចក្តី។ ប្រយុទ្ធមិនឈប់ឡើយ Lionel Messi ក៏ស៊ុតគ្រាប់នាំមុខសាជាថ្មីឱ្យអាហ្សង់ទីននៅនាទីទី១០៨ តែជាថ្មីម្តងទៀត Mbappe ក៏ស៊ុតតាមស្មើវិញដោយបាល់ ១១ម៉ែត្រ និងជាគ្រាប់ទី៣ របស់ខ្លួនក្លាយជាកីឡាករដំបូងរកបាន Hat-Trick នៅវគ្គផ្តាច់ព្រ័ត្ររាប់ពីឆ្នាំ១៩៦៦។ បីគ្រាប់ម្នាក់ឯងជួយសង្គ្រោះបារាំងបានទៅវគ្គ ១១ម៉ែត្រកាត់សេចក្តី Mbappe ក៏ជាអ្នកស៊ុត ១១ម៉ែត្រមុនគេបានសម្រេចទៀតតែមិត្តរួមក្រុមពីរនាក់រួមមាន Kingsley Coman និង Aurelian Tchouameni ស៊ុតមិនបានសំរេចដោយជួយសង្គ្រោះដោយអ្នកចាំទី Aston Villa, Emiliano Martinez មួយគ្រាប់ និងខុសទីមួយគ្រាប់ មុនពេលដែល Gonzalo Montiel ជាអ្នកស៊ុតគ្រាប់ចុងក្រោយឱ្យអាហ្សង់ទីនយកឈ្នះបារាំង ៤-២ ដោយបាល់ ១១ម៉ែត្រ។ ការប្រកួតបញ្ចប់ទៅដោយ Lionel Messi ទីបំផុតបានសម្រេចគោលបំណងឈ្នះជើងឯក World Cup របស់ខ្លួនដែលចាត់ទុកជាការបង្ហាញខ្លួនចុងក្រោយក្នុងព្រឹត្តិការណ៍។ រំលឹកដែរថា នេះជាជើងឯកលើកទី៣ ក្នុងចំណោមការឈានឡើងវគ្គផ្តាច់ព្រ័ត្រ ៦លើកសម្រាប់អាហ្សង់ទីន តែជាលើកដំបូងរាប់ពីការឈ្នះពីរលើកចុងក្រោយនៅឆ្នាំ១៩៧៨ និង ១៩៨៦៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Karim Benzema ប្រកាសចូលនិវត្តន៍ពីក្រុមជម្រើសជាតិបារាំងក្នុងថ្ងៃកំណើតរបស់ខ្លួន

ប្រធានសហព័ន្ធបាល់ឱបជំរុញក្រុមកីឡាករ-កីឡាការិនីបន្ដការខំប្រឹង ក្រោយបញ្ចប់ជើងឯកថ្នាក់ជាតិ

សហព័ន្ធកីឡាទោចក្រយាននឹងដំឡើងប្រាក់រង្វាន់ជ័យលាភីជើងឯកថ្នាក់ជាតិឆ្នាំនេះ

អ្នកគាំទ្របារាំងក្រៀមក្រំ ខណៈមានការប៉ះទង្គិចនៅទីក្រុង Lyon

Lionel Messi ឈ្នះពានកីឡាករឆ្នើមប្រចាំព្រឹត្តិការណ៍ ខណៈ Kylian Mbappe ឈ្នះស្បែកជើងមាស

អ្នកគាំទ្រអាហ្សង់ទីនអបអរជ័យជំនះជើងឯក World Cup គ្រប់ទិសទីជុំវិញពិភពលោក

Messi ថានឹងបន្តលេងឱ្យអាហ្សង់ទីនមិនទាន់ចូលនិវត្តន៍ឡើយ

ជំនាញការកីឡាលើកទម្ងន់អន្ដរជាតិស្វាគមន៍ស្រាយចម្ងល់ និងការចែករំលែកចំណេះដឹងដល់គ្រូកម្ពុជា

កាតារៀបចំពិធីដង្ហែពាន World Cup របស់អាហ្សង់ទីនទាំងយប់នៅទីក្រុងដូហា

អាហ្សង់ទីនគ្រងជើងឯកពិភពលោកលើកទី៣ និងជាលើកដំបូងសម្រាប់ Messi

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Karim Benzema ប្រកាស​ចូលនិវត្តន៍​ពី​ក្រុម​ជម្រើសជាតិ​បារាំង​ក្នុង​ថ្ងៃកំណើត​របស់ខ្លួន

ប្រធាន​សហព័ន្ធ​បាល់ឱប​ជំរុញ​ក្រុម​កីឡាករ​-​កីឡាការិនី​បន្ដ​ការ​ខំប្រឹង ក្រោយ​បញ្ចប់​ជើងឯក​ថ្នាក់ជាតិ​

សហព័ន្ធ​កីឡា​ទោចក្រយាន​នឹង​ដំឡើង​ប្រាក់រង្វាន់​ជ័យលាភី​ជើងឯក​ថ្នាក់ជាតិ​ឆ្នាំនេះ

អ្នកគាំទ្រ​បារាំង​ក្រៀមក្រំ ខណៈ​មានការ​ប៉ះទង្គិច​នៅ​ទីក្រុង Lyon

Lionel Messi ឈ្នះ​ពាន​កីឡាករ​ឆ្នើម​ប្រចាំ​ព្រឹត្តិការណ៍ ខណៈ​ Kylian Mbappe ឈ្នះ​ស្បែកជើង​មាស

អ្នកគាំទ្រ​អា​ហ្ស​ង់​ទីន​អបអរ​ជ័យជំនះ​ជើងឯក World Cup គ្រប់ទិសទី​ជុំវិញ​ពិភពលោក

Messi ថា​នឹង​បន្ត​លេង​ឱ្យ​អា​ហ្ស​ង់​ទីន​មិនទាន់​ចូលនិវត្តន៍​ឡើយ​

ជំនាញការ​កីឡា​លើក​ទម្ងន់​អន្ដរជាតិ​ស្វាគមន៍​ស្រាយ​ចម្ងល់ និង​ការចែករំលែក​ចំណេះដឹង​ដល់​គ្រូ​កម្ពុជា​

កាតា​រៀបចំ​ពិធី​ដង្ហែ​ពាន World Cup របស់​អា​ហ្ស​ង់​ទីន​ទាំងយប់​នៅ​ទីក្រុងដូហា

អា​ហ្ស​ង់​ទីន​គ្រង​ជើងឯក​ពិភពលោក​លើក​ទី​៣ និង​ជា​លើកដំបូង​សម្រាប់ Messi

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Karim Benzema ប្រកាសចូលនិវត្តន៍ពីក្រុមជម្រើសជាតិបារាំងក្នុងថ្ងៃកំណើតរបស់ខ្លួន

ប្រធានសហព័ន្ធបាល់ឱបជំរុញក្រុមកីឡាករ-កីឡាការិនីបន្ដការខំប្រឹង ក្រោយបញ្ចប់ជើងឯកថ្នាក់ជាតិ

សហព័ន្ធកីឡាទោចក្រយាននឹងដំឡើងប្រាក់រង្វាន់ជ័យលាភីជើងឯកថ្នាក់ជាតិឆ្នាំនេះ

អ្នកគាំទ្របារាំងក្រៀមក្រំ ខណៈមានការប៉ះទង្គិចនៅទីក្រុង Lyon

Lionel Messi ឈ្នះពានកីឡាករឆ្នើមប្រចាំព្រឹត្តិការណ៍ ខណៈ Kylian Mbappe ឈ្នះស្បែកជើងមាស

អ្នកគាំទ្រអាហ្សង់ទីនអបអរជ័យជំនះជើងឯក World Cup គ្រប់ទិសទីជុំវិញពិភពលោក

Messi ថានឹងបន្តលេងឱ្យអាហ្សង់ទីនមិនទាន់ចូលនិវត្តន៍ឡើយ

ជំនាញការកីឡាលើកទម្ងន់អន្ដរជាតិស្វាគមន៍ស្រាយចម្ងល់ និងការចែករំលែកចំណេះដឹងដល់គ្រូកម្ពុជា

កាតារៀបចំពិធីដង្ហែពាន World Cup របស់អាហ្សង់ទីនទាំងយប់នៅទីក្រុងដូហា

អាហ្សង់ទីនគ្រងជើងឯកពិភពលោកលើកទី៣ និងជាលើកដំបូងសម្រាប់ Messi