BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

ឃីកបុកស៊ីងកម្ពុជាធ្វើឲ្យថៃ និងបណ្ដាប្រទេសជាច្រើនភ្ញាក់ផ្អើល ក្រោយប្រកួតជើងឯកអាស៊ី

ឃីកបុកស៊ីង៖ ក្រុមប្រតិភូ និងកីឡាករ-កីឡាការិនីជម្រើសជាតិឃីកបុកស៊ីងកម្ពុជា បានត្រឡប់មកដល់មាតុភូមិវិញហើយកាលពីល្ងាចថ្ងៃទី២០ ខែធ្នូ ឆ្នាំ២០២២ ក្រោយបញ្ចប់បេសកកម្មក្នុងការប្រកួតជើងឯកអាស៊ី Asian Kickboxing Championships 2022 ដោយជោគជ័យដោយដណ្ដើមបានមេដាយសរុប ១២គ្រឿង (មាស ២ ប្រាក់ ៥ និងសំរឹទ្ធ ៥) នៅប្រទេសថៃកាលពីថ្មីៗ។ ដំណើរមាតុភូមិនិវត្តន៍ អមជោគជ័យដ៏ត្រចះត្រចង់របស់អត្ដពលិកឃីកបុកស៊ីងកម្ពុជានេះ បានទទួលការអញ្ជើញទទួលស្វាគមន៍យ៉ាងកក់ក្ដៅពីឯកឧត្តម តែម ម៉ឺន អគ្គលេខាធិការរងគណៈកម្មាធិការជាតិអូឡាំពិកកម្ពុជា (NOCC) និងជាប្រធានសហព័ន្ធកីឡាប្រដាល់គុនខ្មែរ ព្រមទាំងតំណាងក្រសួងអប់រំ យុវជន និងកីឡាផងដែរ។ ឯកឧត្តម ហេង សុខឃន ប្រធានសហព័ន្ធកីឡាឃីកបុកស៊ីងកម្ពុជា និងជាអ្នកដឹកនាំក្រុមជម្រើសជាតិកម្ពុជា ចូលរួមព្រឹត្តិការណ៍ប្រចាំទ្វីបអាស៊ីនេះបានគូសបញ្ជាក់ថា ជោគជ័យផ្ដើមចេញពីការយកចិត្តទុកដាក់របស់រាជរដ្ឋាភិបាល និងថ្នាក់ដឹកនាំកីឡាទាំងអស់រហូតធ្វើឲ្យបណ្ដាប្រទេសជាច្រើន ពិសេសម្ចាស់ផ្ទះថៃមានការភ្ញាក់ផ្អើលចំពោះភាពរីកចម្រើន និងសមត្ថភាពរបស់កីឡាករ-កីឡាការិនីកម្ពុជា។ សមិទ្ធផលនេះសបញ្ជាក់ឲ្យឃើញពីការត្រៀមខ្លួនរួចរាល់របស់កីឡាឃីកបុកស៊ីងកម្ពុជា ក្នុងដំណើរឆ្ពោះទៅស៊ីហ្គេមឆ្នាំ២០២៣។គួរដឹងថា ការប្រកួតកីឡាឃីកបុកស៊ីងជើងឯកអាស៊ីឆ្នាំ២០២២ នេះបានធ្វើឡើងនៅទីក្រុងបាងកក ប្រទេសថៃ ពីថ្ងៃទី១០ ដល់ថ្ងៃទី១៨ ខែធ្នូកន្លងទៅ ដោយមានអត្តពលិក ១៨ប្រទេសមកពីបណ្ដាប្រទេសអាស៊ីចូលរួម ក្នុងនោះក៏មានវត្តមានកីឡាករ-កីឡាការិនីកម្ពុជាចំនួន ១៧រូបផងដែរ ហើយដណ្ដើមបានមេដាយសរុប ១២គ្រឿងរួមមានមេដាយមាស ២ ប្រាក់ ៥ និងសំរឹទ្ធ ៥។ ចំពោះមេដាយមាសដណ្ដើមបានដោយកីឡាករ សុខ រិទ្ធ និងកីឡាករ ឃួន ឡាំងកូស៊ីន ដែលបានយកឈ្នះកីឡាករអ៊ូសបេគីស្ថាន និងកាហ្សាក់ស្ថានក្នុងវគ្គផ្ដាច់ព្រ័ត្រដោយពិន្ទុដូចគ្នា៕អត្ថបទ៖ លី ឈុនឡា

AFF៖ ថៃឈរកំពូលតារាងពូល A ក្រោយឈ្នះម្ចាស់ផ្ទះប្រ៊ុយណេ ៥-០

បាល់ទាត់៖ ក្រុមបាល់ទាត់ជម្រើសជាតិថៃដែលស្ថិតក្នុងពូលជាមួយកម្ពុជា បានឡើងឈរកំពូលតារាងពូល A ជាបណ្ដោះអាសន្ននៃការប្រកួតបាល់ទាត់ជើងឯកអាស៊ីអាគ្នេយ៍ (AFF Mitsubishi Electric Cup 2022) បន្ទាប់ពីយកឈ្នះក្រុមម្ចាស់ផ្ទះប្រ៊ុយណេ ៥-០ កាលពីយប់ថ្ងៃទី២០ ខែធ្នូ។ ការប្រកួតដំបូងក្នុងពូលនេះវគ្គទី១ ថៃបានបើកការនាំមុខម្ចាស់ផ្ទះ ២គ្រាប់ដោយកីឡាករ Phala និង Dangda នៅនាទី១៩ និងនាទី៤៤ ។ វគ្គទី២ ទោះបីថៃនៅតែមានប្រៀប តែការបន្ថែម ៣គ្រាប់ចុងក្រោយគឺបានរង់ចាំរហូតដល់ចុងម៉ោង ទើបក្រុមដំរីសឹករកបានគ្រាប់បាល់ជាបន្ដបន្ទាប់ ក្នុងនោះមានគ្រាប់បាល់ចូលទីខ្លួនឯងពីសំណាក់កីឡាករ Yunos នៅនាទី៨៨ និងការស៊ុតបំប៉ោងសំណាញ់ទីដោយកីឡាករ Chamrasamee ២គ្រាប់ម្នាក់ឯងនៅនាទី៩១ និងនាទី៩៣។ជ័យជម្នះនេះបានធ្វើឲ្យថៃឡើងឈរកំពូលតារាងពូល A ដោយមាន ៣ពិន្ទុស្មើគ្នាជាមួយក្រុមគោព្រៃកម្ពុជាដែលបានយកឈ្នះក្រុមភ្ញៀវហ្វីលីពីន ៣-២។ សម្រាប់ប្រកួតបន្ទាប់ ថៃត្រូវសម្រាករហូតដល់ថ្ងៃទី២៦ ខែធ្នូ ទើបពួកគេត្រូវបើកទ្វារផ្ទះទទួលក្រុមជម្រើសជាតិហ្វីលីពីនវិញម្ដង ផ្ទុយពីកម្ពុជាដែលត្រូវជួបក្រុមម្ចាស់ផ្ទះឥណ្ឌូនេស៊ីនាថ្ងៃទី២៣ ខែធ្នូខានស្អែកនេះ។ ចំពោះជំនួបរវាងកម្ពុជា និងថៃវិញនឹងធ្វើឡើងនាថ្ងៃទី០២ ខែមករា ឆ្នាំ២០២៣ ខាងមុខនៅទីក្រុងបាងកក ប្រទេសថៃ៕អត្ថបទ៖ លី ឈុនឡា

កម្ពុជាទទួលបានការសាទរ ក្រោយជ័យជម្នះ ៣-២ លើហ្វីលីពីន ក្នុងជំនួបបើកឆាកពាន AFF

បាល់ទាត់៖ ក្រុមបាល់ទាត់ជម្រើសជាតិកម្ពុជាបានទទួល ៣ពិន្ទុពេញសម្រាប់ការប្រកួតបើកឆាកពូល A នៃពានរង្វាន់បាល់ទាត់ជើងឯកអាស៊ីអាគ្នេយ៍ (AFF Mitsubishi Electric Cup 2022) បន្ទាប់ពីយកឈ្នះក្រុមជម្រើសជាតិហ្វីលីពីន ៣-២ ល្ងាចថ្ងៃទី២០ ខែធ្នូ។ជ័យជម្នះនេះបានធ្វើឲ្យអ្នកគាំទ្រមានការចាប់អារម្មណ៍ និងភ្ញាក់ផ្អើលជាខ្លាំងរហូតទទួលបានការកោតសរសើរជាខ្លាំង ពិសេសសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក៏បានផ្ញើសារចូលរួមអបអរសាទរ ចំពោះជ័យជម្នះរបស់ក្រុមគោព្រៃកម្ពុជានេះផងដែរ។ សម្រាប់ជំនួបដ៏ជក់ចិត្តនៅពហុកីឡដ្ឋានជាតិមរតកតេជោនេះ វគ្គទី១ ម្ចាស់ផ្ទះកម្ពុជាធ្វើបានយ៉ាងល្អ ដោយការព្យាយាមដាក់សម្ពាធលើគូប្រកួតរហូតរកបាន ២គ្រាប់មុនដោយកីឡាករ រ៉ឹង ប៊ុនហៀង នៅនាទី១៦ និងកីឡាករ អ៊ន ចាន់ប៉ូលីន នៅនាទីទី២០ មុនកីឡាករ Kenshiro Michael Lontok Daniels រកបាន ១គ្រាប់ឲ្យហ្វីលីពីននៅនាទី៤១។ចូលដល់វគ្គទី២ ហ្វីលីពីនបានព្យាយាមវាយបក និងដាក់សម្ពាធលើកម្ពុជាវិញ ខណៈក្រោយបន្ដលេងបាន ១០នាទី ខ្សែប្រយុទ្ធវ័យ ២៧ឆ្នាំដដែលរកបានគ្រាប់ទី២ ឲ្យហ្វីលីពីនតាមស្មើកម្ពុជា។ យ៉ាងណាក្រុមគោព្រៃកម្ពុជានៅតែព្យាយាមវាយសម្រុករហូតរកបានគ្រាប់នាំមុខជាថ្មី ពីការតែតបញ្ចូលទីរបស់កីឡាករ រ៉ឹង ប៊ុនហៀង នៅនាទី៥៩ ហើយក៏ជាគ្រាប់បាល់ជ័យជម្នះក្នុងការប្រកួតនេះដែរ។ តាមរយៈជ័យជម្នះនេះ គេឃើញមានអ្នកគាំទ្រជាច្រើនបានភ្ញាក់ផ្អើលចំពោះទម្រង់លេងរបស់កម្ពុជា ពិសេសនៅវគ្គទី១ ដែលកម្ពុជាបានគ្រប់ដណ្ដប់ និងដាក់សម្ពាធខ្លាំងលើហ្វីលីពីន។ ហើយអ្វីដែលពិសេសគឺក្រោយចប់ការប្រកួតភ្លាមៗ សម្ដេចតេជោ ហ៊ុន សែន ក៏បានផ្ញើសារអបអរសាទរក្រុមជម្រើសជាតិកម្ពុជា ដែលបានយកឈ្នះក្រុមជម្រើសជាតិហ្វីលីពីន ៣-២ ក្នុងជំនួនបើកឆាកពានរង្វាន់ជើងឯកអាស៊ីអាគ្នេយ៍ផងដែរ។គួរដឹងថា បន្ទាប់ពីយកឈ្នះហ្វីលីពីនក្នុងដី ក្រុមគោព្រៃកម្ពុជានឹងត្រូវធ្វើដំណើរទៅប្រទេសឥណ្ឌូនេស៊ី ដើម្បីធ្វើការប្រកួតបន្ទាប់ជាមួយក្រុមម្ចាស់ផ្ទះឥណ្ឌូនេស៊ីនាថ្ងៃទី២៣ ខែធ្នូខាងមុខ។ បន្ទាប់មកទើបកម្ពុជាត្រូវបើកទ្វារផ្ទះជាថ្មី ទទួលក្រុមជម្រើសជាតិប្រ៊ុយណេវិញនាថ្ងៃទី២៩ ខែធ្នូ មុនការប្រកួតបញ្ចប់ពូលជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ៕អត្ថបទ៖ លី ឈុនឡា

សម្តេចតេជោ ហ៊ុន សែន អបអរសាទរ ក្រុមជម្រើសជាតិកម្ពុជារកបាន ៣ពិន្ទុពេញ ពីការប្រកួតបើកឆាកពានរង្វាន់ AFF Mitsubishi Electric Cup 2022 ពូលA

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារអបអរសាទរ ក្រុមជម្រើសជាតិកម្ពុជា រកបាន ៣ពិន្ទុពេញ ពីការប្រកួតបាល់ទាត់បើកឆាកពានរង្វាន់ AFF Mitsubishi Electric Cup 2022 ពូល A ក្រោយយកឈ្នះក្រុមជម្រើសជាតិហ្វីលីពីន ៣-២ មុននេះបន្ដិច នៅពហុកីឡដ្ឋានជាតិមរតកតេជោ ។សម្តេចតេជោហ៊ុន សែន សូមជូនពរកីឡាករជាតិកម្ពុជាទទួលបាននូវភាពជោគជ័យជាបន្តបន្ទាប់ទៀត៕

កីឡាករពីរនាក់របស់បារាំងដែលស៊ុត ១១ម៉ែត្រមិនចូលរងការរើសអើងនៅលើបណ្តាញសង្គម

បាល់ទាត់៖ កីឡាករបារាំងពីររូប Kingsley Coman និង Aurelien Tchouameni បានក្លាយជាគោលដៅនៃការរើសអើងយ៉ាងខ្លាំងនៅលើបណ្តាញសង្គម បន្ទាប់ពីកីឡាករទាំងពីរនាក់ស៊ុត ១១ម៉ែត្រកាត់សេចក្តីមិនចូលធ្វើឱ្យបារាំងបាត់បង់ជើងឯកពិភពលោកទៅអាហ្សង់ទីន។ អ្នកចាំទីអាហ្សង់ទីន Emiliano Martinez គឺជាអ្នកសង្គ្រោះបាល់ ១១ម៉ែត្ររបស់ Kingsley Coman ខណៈខ្សែបម្រើ Tchouameni ស៊ុតមិនចំគោលដៅ។ ក្លិបដែល Kingsley Coman កំពុងប្រកបអាជីព Bayern Munich បានបង្ហោះសារលើកទឹកចិត្ត និងគាំទ្រកីឡាករវ័យ ២៦ឆ្នាំរូបនេះ និងថ្កោលទោសចំពោះទង្វើអសីលធម៌នេះ។ ការរើសអើងកីឡាករទាំងពីររូបនេះមិនមែនជារឿងថ្មីឡើយ ពោលគឺកាលពីឆ្នាំមុនកីឡាករអង់គ្លេសបីនាក់រួមមាន Marcus Rashford, Jadon Sancho និង Bukayo Saka ក៏ទទួលរងការរើសអើងបែបនេះដែរ បន្ទាប់ពីស៊ុត ១១ម៉ែត្រមិនចូលនៅក្នុងវគ្គផ្តាច់ព្រ័ត្រ Euro 2020 ដែលអ៊ីតាលីលើកពាន៕អត្ថបទ៖នាង សុភាវុធ

ថ្វីបើចាញ់ ក្រុមជើងឯករងបារាំងទទួលបានការស្វាគមន៍យ៉ាងកក់ក្តៅពីប្រជាជនបារាំង

បាល់ទាត់៖ ក្រុមបាល់ទាត់ជម្រើសជាតិបារាំងបានត្រលប់មកដល់ប្រទេសកំណើតវិញ ដោយមានការទទួលស្វាគមន៍យ៉ាងកក់ក្តៅបើទោះជាបរាជ័យនៅវគ្គផ្តាច់ព្រ័ត្រ World Cup 2022 ក្រោមថ្វីបច្ចេកទេសអាហ្សង់ទីនដោយបាល់ ១១ម៉ែត្រកាត់សេចក្តី។ ក្រុមអាមេរិកខាងត្បូង អាហ្សង់ទីនបានយកឈ្នះក្នុងវគ្គ ១១ម៉ែត្រកាត់សេចក្តីលើបារាំង ៤-២ បន្ទាប់ពី Kingsley Coman និង Aurelien Tchouameni ស៊ុតមិនចូល។ កីឡាករទាំងអស់របស់បារាំង រួមជាមួយគ្រូបង្វឹក Didier Deschamps បានបង្ហាញទឹកមុខក្រៀមក្រំ តែទទួលបានការអបអរលើកទឹកចិត្តពីអ្នកគាំទ្រនៅចំពោះមុខ។ បារាំងបើទោះបី Kylian Mbappe ស៊ុតបញ្ចូលទីបីគ្រាប់ម្នាក់ឯង និងក្លាយជាម្ចាស់ពានស្បែកជើងមាសក៏ដោយ ក៏មិនអាចជួយបារាំងឱ្យក្លាយជាក្រុមដំបូងដែលអាចការពារតំណែងជើងឯកបាន បន្ទាប់ពីប្រេស៊ីលនៅឆ្នាំ១៩៥៨ និង ១៩៦២ ខណៈ Lionel Messi ស៊ុតបញ្ចូលទី ២គ្រាប់ម្នាក់ឯងជួយអាហ្សង់ទីនឈ្នះជើងឯក World Cup ជាលើកទី៣ ក្នុងប្រវត្តិសាស្ត្រ៕អត្ថបទ៖នាង សុភាវុធ

លោក Carlo Ancelotti គ្មានគម្រោងចាកចេញពី Real Madrid មុនកិច្ចសន្យាបញ្ចប់ឡើយ

បាល់ទាត់៖ គ្រូបង្វឹកសញ្ជាតិអ៊ីតាលី Carlo Ancelotti គ្មានគំរោងចាកចេញពីក្លិបអេស្ប៉ាញ Real Madrid ឡើយ មុនកិច្ចសន្យារបស់លោកដែលនឹងអស់សុពលភាពនៅឆ្នាំ២០២៤។ ការលើកឡើងរបស់លោក Ancelotti បន្ទាប់ពីមានសារព័ត៌មានជាច្រើនចុះផ្សាយថា លោកមានគម្រោងទៅដឹកនាំក្រុមជម្រើសជាតិប្រេស៊ីលបន្តពីលោក Tite ដែលលាលែងពីតំណែង។ គ្រូបង្វឹកវ័យ ៦៣ឆ្នាំរូបនេះនិយាយថា លោកបន្តផ្តោតអារម្មណ៍លើការងារបច្ចុប្បន្នគឺនាំ Real Madrid ការពារជើងឯក La Liga ក៏ដូចជា UEFA Champions League និងពានជាច្រើនទៀតក្នុងរដូវកាលនេះ។ លោក Ancelotti បាននិយាយប្រាប់វិទ្យុ Rai Radio ថា លោកមិនដែលគិតពីអនាគតឡើយ ពោលគឺរស់មួយថ្ងៃគិតមួយថ្ងៃ សំខាន់គឺបច្ចុប្បន្នសប្បាយចិត្តនៅ Real Madrid ពួកយើងស្រែកឃ្លានជ័យជំនះ ប្រសិនបើ Real Madrid មិនដេញលោកទេ លោកនឹងមិនទៅណាឡើយ។ ក្នុងកិច្ចសម្ភាសន៍នោះដែរលោក Carlo Ancelotti ក៏បានថ្លែងកោតសរសើរគ្រូបង្វឹកអាហ្សង់ទីន Lionel Scaloni ក្រោយដឹកនាំអាហ្សង់ទីនឈ្នះជើងឯក World Cup។ Real Madrid នឹងចាប់រដូវកាលរបស់ខ្លួនឡើងវិញនៅថ្ងៃទី៣០ ខែធ្នូនេះក្រោយបេសកកម្ម World Cup របស់កីឡាករជម្រើសជាតិបញ្ចប់៕អត្ថបទ៖នាង សុភាវុធ

Burn X Flash ត្រៀមខ្លួនជាស្រេច ដើម្បីចូលរួមប្រកួតកីឡាអេឡិចត្រូនិកកម្រិតពិភពលោក M4

កីឡាអេឡិចត្រូនិក៖ ក្រុមកីឡាអេឡិចត្រូនិកកម្ពុជា Burn X Flash បានបង្ហាញការត្រៀមខ្លួនរួចរាល់ ដើម្បីចូលរួមប្រកួតជើងឯកកីឡាអេឡិចត្រូនិកកម្រិតពិភពលោក M4 World Championship សម្រាប់វិញ្ញាសា Mobile Legends: Bang Bang នាខែមករា ឆ្នាំ២០២៣ ខាងមុខនៅប្រទេសឥណ្ឌូនេស៊ី។ ការបញ្ជាក់នេះធ្វើឡើងក្នុងសន្និសីទសារព័ត៌មានតាមអនឡាញមួយ ស្ដីពីក្រុម Burn X Flash ចូលរួមព្រឹត្តិការណ៍ជើងឯកកីឡាអេឡិចត្រូនិកពិភពលោកកាលពីល្ងាចថ្ងៃទី១៩ ខែធ្នូ ឆ្នាំ២០២២ ក្រោមការសម្របសម្រួលរបស់ក្រុមការងារ Mooton ដែលជាក្រុមហ៊ុនរៀបចំរៀបចំព្រឹត្តិការណ៍អន្ដរជាតិដ៏ធំនេះ។ តំណាងក្រុមជើងឯកលីគអាជីព MPL-KH League 2022 នេះបានឲ្យដឹងថា បច្ចុប្បន្នក្រុមខ្លួនបានត្រៀមរួចរាល់ ដើម្បីចូលរួមការប្រកួតប្រជែងកម្រិតពិភពលោកនេះ។ ពួកគេទទួលស្គាល់បេក្ខភាពក្នុងពូលជាមួយគ្នា សុទ្ធតែជាក្រុមខ្លាំងៗលំដាប់ពិភពលោក តែពួកគេប្ដេជ្ញានឹងព្យាយាមធ្វើឲ្យបានល្អបំផុតដើម្បីឈានទៅវគ្គបន្ដបន្ទាប់ ក៏ដូចជាដណ្តើមបាននូវលទ្ធផលល្អជូនជាតិ។ សមាជិកក្រុម Burn X Flash ដដែលបន្ដថា ការប្រកួតនេះពិតជាធំ និងអស្ចារ្យ។ ប៉ុន្ដែថ្មីៗនេះក្រុមកីឡាអេឡិចត្រូនិកកម្ពុជា ក៏ទើបដណ្ដើមបានមេដាយសំរឹទ្ធជាប្រវត្តិសាស្ដ្រ ក្នុងការប្រកួតកម្រិតពិភពលោក 14TH IESF World Esport Championship នៅប្រទេសឥណ្ឌូនេស៊ីដែរគឺក្រុម Impunity KH។ ដូច្នេះជោគជ័យនេះគឺជាសញ្ញាណវិជ្ជមានមួយសម្រាប់ក្រុមខ្លួនក្នុងការប្រកួត M4 World Championship នាពេលខាងមុខ ហើយពួកគេប្ដេជ្ញានឹងធ្វើឲ្យបានល្អជាងក្រុម Impunity KH ទៀតផង។ សូមបញ្ជាក់ថា ការប្រកួតជើងឯកកីឡាអេឡិចត្រូនិកកម្រិតពិភពលោក M4 World Championship នឹងចាប់ផ្ដើមការប្រកួតពីថ្ងៃទី០១ ដល់ថ្ងៃទី០៤ ខែមករា ឆ្នាំ២០២៣ សម្រាប់វគ្គសន្សំពិន្ទុក្នុងពូល និងវគ្គចាញ់ធ្លាក់ ខណៈក្រុមឈ្នះឡើងរហូតដល់វគ្គផ្ដាច់ព្រ័ត្រចាប់ពីថ្ងៃទី០៧ ដល់ថ្ងៃទី១៧ ខែមករាដដែលនៅប្រទេសឥណ្ឌូនេស៊ី។ ព្រឹត្តិការណ៍នេះ មានក្រុមខ្លាំងៗទូទាំងពិភពលោកចូលរួមសរុប ១៦ក្រុម និងចែកចេញជា ៤ពូលក្នុងមួយពូលមាន ៤ក្រុម។ សម្រាប់ក្រុម Burn X Flash គឺស្ថិតក្នុងពូល A ជាមួយក្រុមខ្លាំងហ្វីលីពីន Blacklist International, ក្រុម Falcon Esports របស់មីយ៉ាន់ម៉ា និងក្រុម Incendio Supremacy របស់ទួរគី។ ឯពូល B មានក្រុម Malvinas Games (អាហ្សង់ទីន), MDH Esports (វៀតណាម), ONIC Esports (ឥណ្ឌូនេស៊ី) និង TODAK (ម៉ាឡេស៊ី)។ ពូល C មានក្រុម ECHO (ហ្វីលីពីន), Occupy Thrones (អេហ្ស៊ីប), RRQ Hoshi (ឥណ្ឌូនេស៊ី) និងក្រុម RSG Singapore (សិង្ហបុរី) និងពូលD មានក្រុម RRQ Akira (ប្រេស៊ីល), S11 Gaming Angentina (ប៊ូឡាវី), Team HAQ (ម៉ាឡេស៊ី) និងក្រុម The Valley (អាមេរិកខាងជើង)។ ការប្រកួតដ៏ធំនេះគឺមានប្រាក់រង្វាន់សរុប ៨០ម៉ឺនដុល្លារ។ គេចាំបានថា កាលពីឆ្នាំ២០២១ ពោលគឺការប្រកួត M3 នៅសិង្ហបុរី កម្ពុជាក៏បានបញ្ជូនក្រុម See You Soon ចូលរួមប្រកួតដែរដោយទទួលបានចំណាត់ថ្នាក់លេខ៩ ក្នុងចំណោម ១៦ក្រុម អមប្រាក់រង្វាន់ ១៥,០០០ដុល្លារ ខណៈក្រុមហ្វីលីពីន Blacklist International បានឈ្នះជើងឯក អមប្រាក់រង្វាន់ ៣០ម៉ឺនដុល្លារ៕អត្ថបទ៖ លី ឈុនឡា

លោក Gareth Southgate នឹងបន្តដឹកនាំអង់គ្លេសដល់ឆ្នាំ២០២៤

បាល់ទាត់៖ អ្នកចាត់ការអង់គ្លេសលោក Gareth Southgate នឹងបន្តដឹកនាំក្រុមជម្រើសជាតិអង់គ្លេសរហូតដល់ព្រឹត្តិការណ៍បាល់ទាត់ទ្វីបអឺរ៉ុបឆ្នាំ២០២៤ នេះបើតាមសេចក្តីប្រកាសរបស់សមាគមបាល់ទាត់អង់គ្លេស FA។ លោក Gareth Southgate កិច្ចសន្យារបស់លោកនឹងអស់សុពលភាពនៅឆ្នាំ២០២៤ ដោយធ្លាប់បាននិយាយថា លោកមិនទាន់ច្បាស់ពីអនាគតរបស់ខ្លួន បន្ទាប់ពីធ្លាក់ត្រឹមវគ្គ ៨ក្រុមចុងក្រោយ World Cup ដោយសារបារាំង។ បុរសវ័យ ៥២ឆ្នាំរូបនេះត្រូវបានតែងតាំងឱ្យដឹកនាំអង់គ្លេសនៅឆ្នាំ២០១៦ ដោយបាននាំក្រុមតោបីអង់គ្លេសឡើងដល់វគ្គពាក់កណ្តាលផ្តាច់ព្រ័ត្រ World Cup ២០១៨ នៅរុស្ស៊ី និងឡើងដល់វគ្គផ្តាច់ព្រ័ត្រ Euro ២០២១។ រំលឹកថា លោក Gareth Southgate ដំបូងឡើងត្រូវបានតែងតាំងឱ្យដឹកនាំអង់គ្លេសបណ្តោះអាសន្នប៉ុណ្ណោះ ក្រោយការចាកចេញរបស់លោក Sam Allardyce មុនពេលដែលទទួលបានកិច្ចសន្យាដឹកនាំផ្លូវការនៅខែវិច្ឆិកា ឆ្នាំ២០១៦។ ក្រោមការដឹកនាំរបស់លោក Gareth Southgate ៨១ប្រកួតអង់គ្លេសឈ្នះ ៦១ប្រកួត ចាញ់១៤ ស្មើ៦។ អង់គ្លេសរយៈពេល ៤៨ឆ្នាំកន្លងមកមានតែលោក Gareth Southgate ដែលបានដឹកនាំក្រុមឈ្នះនៅវគ្គចាញ់ធ្លាក់ពានរង្វាន់ធំៗសរុប ៦លើក ច្រើនជាងអ្នកចាត់ការមុនៗទាំងអស់៕អត្ថបទ៖នាង សុភាវុធ

មន្ដ្រីជាន់ខ្ពស់ UWW មានសុទិដ្ឋិនិយមខ្ពស់ចំពោះដំណើរធ្វើម្ចាស់ផ្ទះស៊ីហ្គេម និងយុវជនអាស៊ីរបស់កម្ពុជា

កីឡាចំបាប់៖ លោកស្រី Niamkey Deqa នាយិកាផ្នែកអភិវឌ្ឍធនធាននៃសហព័ន្ធកីឡាចំបាប់ពិភពលោក (UWW) បានបង្ហាញសុទិដ្ឋិនិយមខ្ពស់ចំពោះដំណើរការត្រៀមធ្វើម្ចាស់ផ្ទះ ការប្រកួតកីឡាស៊ីហ្គេមលើកទី៣២ ឆ្នាំ២០២៣ និងការប្រកួតកីឡាយុវជនអាស៊ីលើកទី៥ នាឆ្នាំ២០២៩ បន្ទាប់ពីលោកស្រីបានឃើញពីចំណុចវិជ្ជមានជាច្រើនរបស់កម្ពុជា ពិសេសសហព័ន្ធកីឡាចំបាប់កម្ពុជា។ ការគូសបញ្ជាក់នេះ បន្ទាប់ពីសហព័ន្ធកីឡាចំបាប់ពិភពលោកបានកោះអញ្ជើញអ្នកជំនាញ មន្ដ្រីបច្ចេកទេស និងអាជ្ញាកណ្ដាល-ចៅក្រមអន្ដរជាតិមកពីបណ្ដាប្រទេសនានា ចូលរួមសិក្ខាសាលាមួយកំឡុងការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២២ នៅកម្ពុជាកាលពីចុងសប្ដាហ៍កន្លងទៅ។ មន្ដ្រីជាន់ខ្ពស់ UWW រូបនេះបន្ដថា កំឡុងការប្រកួតចំបាប់ជើងឯកអាស៊ានលើកដំបូងនៅកម្ពុជា សហព័ន្ធកីឡាចំបាប់ពិភពលោកបានសហការជាមួយម្ចាស់ផ្ទះ រៀបចំវគ្គបណ្ដុះបណ្តាលអាជ្ញាកណ្តាល-ចៅក្រម គ្រូបង្វឹក ក៏ដូចជាវគ្គបច្ចេកវិទ្យាគ្រប់គ្រងព្រឹត្តិការណ៍ ដែលដំណើរការយ៉ាងរលូនមុនការប្រកួត។ តាមរយៈនេះសបញ្ជាក់ថា កម្ពុជាបានត្រៀមលក្ខណៈយ៉ាងល្អដើម្បីទទួលរៀបចំស៊ីហ្គេមឆ្នាំ២០២៣ និងកីឡាយុវជនអាស៊ីឆ្នាំ២០២៩។នេះជាការមើលឃើញនូវទស្សនៈវិស័យរបស់លោកស្រី Niamkey Deqa ដែលជាមន្ដ្រីជាន់ខ្ពស់សហព័ន្ធកីឡាចំបាប់ពិភពលោក ចំពោះឆន្ទៈខ្ពស់របស់ស្ថាប័នកីឡាកម្ពុជាក្រោមការដឹកនាំរបស់រាជរដ្ឋាភិបាល ដែលកំពុងមានការប្តេជ្ញាចិត្តខ្ពស់ក្នុងការកសាងហេដ្ឋារចនាសម្ព័ន្ធ ការអភិវឌ្ឍធនធានមន្ត្រី កីឡាករ-កីឡាការិនីឲ្យកាន់តែរីកចម្រើនបន្ថែមទៀត ជាក់ស្ដែងកីឡាចំបាប់ដែលមានធនធានមន្ដ្រីបច្ចេកទេស អាជ្ញាកណ្ដាល-ចៅក្រមអន្ដរជាតិ និងកីឡាករ-កីឡាការិនីគ្រប់គ្រាន់ដើម្បីចូលរួមរៀបចំ និងការប្រកួតអន្ដរជាតិនានា៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

រោងចក្រកាត់ដេរសម្លៀកបំពាកអាហ្វ្រិកខាងត្បូងជួបការលំបាក ក្រោយកម្មករចំណាកស្រុករត់ភៀសខ្លួន

របាយការណ៍៖ លំហូរព័ត៌មានសម្ងាត់របស់អាមេរិក ទៅអ៊ុយក្រែន មានសន្ទុះឡើងវិញ

ក្រសួងការពារជាតិជប៉ុន៖ គ្មានការខូចខាតត្រូវបានរាយការណ៍នោះទេ ក្រោយការបាញ់មីស៊ីលរបស់កូរ៉េខាងជើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ឃីកបុកស៊ីងកម្ពុជាធ្វើឲ្យថៃ និងបណ្ដាប្រទេសជាច្រើនភ្ញាក់ផ្អើល ក្រោយប្រកួតជើងឯកអាស៊ី

AFF៖ ថៃឈរកំពូលតារាងពូល A ក្រោយឈ្នះម្ចាស់ផ្ទះប្រ៊ុយណេ ៥-០

កម្ពុជាទទួលបានការសាទរ ក្រោយជ័យជម្នះ ៣-២ លើហ្វីលីពីន ក្នុងជំនួបបើកឆាកពាន AFF

កីឡាករពីរនាក់របស់បារាំងដែលស៊ុត ១១ម៉ែត្រមិនចូលរងការរើសអើងនៅលើបណ្តាញសង្គម

ថ្វីបើចាញ់ ក្រុមជើងឯករងបារាំងទទួលបានការស្វាគមន៍យ៉ាងកក់ក្តៅពីប្រជាជនបារាំង

លោក Carlo Ancelotti គ្មានគម្រោងចាកចេញពី Real Madrid មុនកិច្ចសន្យាបញ្ចប់ឡើយ

Burn X Flash ត្រៀមខ្លួនជាស្រេច ដើម្បីចូលរួមប្រកួតកីឡាអេឡិចត្រូនិកកម្រិតពិភពលោក M4

លោក Gareth Southgate នឹងបន្តដឹកនាំអង់គ្លេសដល់ឆ្នាំ២០២៤

មន្ដ្រីជាន់ខ្ពស់ UWW មានសុទិដ្ឋិនិយមខ្ពស់ចំពោះដំណើរធ្វើម្ចាស់ផ្ទះស៊ីហ្គេម និងយុវជនអាស៊ីរបស់កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ឃី​ក​បុក​ស៊ី​ង​កម្ពុជា​ធ្វើ​ឲ្យ​ថៃ និង​បណ្ដា​ប្រទេស​ជាច្រើន​ភ្ញាក់ផ្អើល ក្រោយ​ប្រកួត​ជើងឯក​អាស៊ី​

AFF៖ ថៃ​ឈរ​កំពូល​តារាង​ពូ​ល​ A ​ក្រោយ​ឈ្នះ​ម្ចាស់ផ្ទះ​ប្រ៊ុយណេ ៥-០

កម្ពុជា​ទទួលបាន​ការ​សាទរ ក្រោយ​ជ័យជម្នះ ៣-២ លើ​ហ្វីលីពីន ក្នុងជំនួប​បើកឆាក​ពាន​ AFF

កីឡាករ​ពីរ​នាក់​រប​ស់​បារាំង​ដែល​ស៊ុត ១១​ម៉ែត្រ​មិន​ចូល​រង​ការរើសអើង​នៅលើ​បណ្តាញ​សង្គម​

ថ្វីបើ​ចាញ់ ក្រុម​ជើងឯក​រង​បារាំង​ទទួលបាន​ការស្វាគមន៍​យ៉ាង​កក់ក្តៅ​ពី​ប្រជាជន​បារាំង​

លោក Carlo Ancelotti គ្មាន​គម្រោង​ចាកចេញ​ពី Real Madrid មុន​កិច្ចសន្យា​បញ្ចប់​ឡើយ​

Burn X Flash ​ត្រៀមខ្លួន​ជាស្រេច ដើម្បី​ចូលរួម​ប្រកួត​កីឡា​អេឡិចត្រូនិក​កម្រិត​ពិភពលោក​ M4

លោក Gareth Southgate នឹង​បន្ត​ដឹកនាំ​អង់គ្លេស​ដល់​ឆ្នាំ​២០២៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឃីកបុកស៊ីងកម្ពុជាធ្វើឲ្យថៃ និងបណ្ដាប្រទេសជាច្រើនភ្ញាក់ផ្អើល ក្រោយប្រកួតជើងឯកអាស៊ី

AFF៖ ថៃឈរកំពូលតារាងពូល A ក្រោយឈ្នះម្ចាស់ផ្ទះប្រ៊ុយណេ ៥-០

កម្ពុជាទទួលបានការសាទរ ក្រោយជ័យជម្នះ ៣-២ លើហ្វីលីពីន ក្នុងជំនួបបើកឆាកពាន AFF

កីឡាករពីរនាក់របស់បារាំងដែលស៊ុត ១១ម៉ែត្រមិនចូលរងការរើសអើងនៅលើបណ្តាញសង្គម

ថ្វីបើចាញ់ ក្រុមជើងឯករងបារាំងទទួលបានការស្វាគមន៍យ៉ាងកក់ក្តៅពីប្រជាជនបារាំង

លោក Carlo Ancelotti គ្មានគម្រោងចាកចេញពី Real Madrid មុនកិច្ចសន្យាបញ្ចប់ឡើយ

Burn X Flash ត្រៀមខ្លួនជាស្រេច ដើម្បីចូលរួមប្រកួតកីឡាអេឡិចត្រូនិកកម្រិតពិភពលោក M4

លោក Gareth Southgate នឹងបន្តដឹកនាំអង់គ្លេសដល់ឆ្នាំ២០២៤