BTV NEWS

ការប្រជែងកៅអីក្នុងពូលC នៃពានសម្ដេចតេជោ-ថ្នាក់ខេត្ត ចាប់ផ្ដើមឡើងកម្ដៅ ក្រោយចប់សប្ដាហ៍ទី៣

ពានបើករដូវកាលរវាងព្រះខ័នរាជ និងវិសាខា នឹងធ្វើឡើង ១សប្ដាហ៍មុនលីគរដូវកាលថ្មីចាប់ផ្ដើម

ស្ទឹងត្រែង និងបាត់ដំបង រក្សាភាពខ្លាំង តែបន្ទាយមានជ័យ បន្ដស្មើក្នុងពានសម្ដេចតេជោ ហ៊ុន សែន ថ្នាក់ខេត្ត

Arsenal ព្រមព្រៀងតម្លៃផ្ទេរ ៧៥ លានផោននាំយក Bruno Guimaraes ពី Newcastle

ព័ត៌មានកីឡា

យុវជនអាស៊ាន និងមន្ដ្រី UN ចាប់អារម្មណ៍បទបង្ហាញកីឡាការិនី ពៅ សុខា ក្នុងប្រធានបទ “កីឡារស់ក្នុងសន្ដិភាព”

វ៉ូវីណាម៖ កីឡាការិនីជម្រើសជាតិវ៉ូវីណាមកម្ពុជា ពៅ សុខា តំណាងយុវជនកម្ពុជាកាលពីថ្មីៗត្រូវបានអញ្ជើញចូលរួមវេទិកាយុវជនថ្នាក់តំបន់អាស៊ាន-អង្គការសហប្រជាជាតិ (UN) ស្ដីពីការទប់ស្កាត់អំពើហិង្សាជ្រុលនិយមតាមរយៈកីឡា (ASEAN-UN Reginal Youth Forum on Prevention Violet Extremism Through Sport) ដែលធ្វើនៅទីក្រុងបាងកក ប្រទេសថៃ។ បន្ទាប់ពីចូលរួមវេទិការអន្ដរជាតិ កញ្ញាបានបង្ហាញនូវសេចក្ដីសោមនស្សរីករាយក្រៃលែង ដោយក្នុងចំណោមយុវជនអាស៊ានភាគច្រើនដែលជាអ្នកមានបទពិសោធន៍ផ្នែកការងារសង្គម ឬអង្គការក្រៅរាជរដ្ឋាភិបាល ផ្ទុយពីខ្លួនជាអ្នកកីឡា តែបានធ្វើបទបង្ហាញចែករំលែកពីទិដ្ឋភាពជាក់ស្ដែងនៅកម្ពុជា ក្រោមដំបូលសន្ដិភាព ពុំមានហិង្សាអ្វីគួរឲ្យកត់សម្គាល់ ដូចបណ្ដាប្រទេសមួយចំនួន។ អ្វីដែលពិសេសគឺកីឡាការិនីស្រស់សោភារូបនេះ បានលើកយកប្រធានបទ “កីឡារស់ក្នុងសន្ដិភាព” ទៅបង្ហាញក្នុងវេទិកាសាធារណៈនេះ រហូតមានការចាប់អារម្មណ៍ពីបណ្ដាយុវជនអាស៊ាន និងមន្ដ្រី UN ដ្បិតកញ្ញាយល់ថា ច្បាស់ណាស់ កីឡាមិនត្រឹមតែនាំមុខសុខភាព មិត្តភាព សាមគ្គីភាពនោះទេ ថែមទាំងនាំមកនូវកិត្តិយសជូនជាតិ និងសុខសន្ដិភាពថែមទៀត។ គួរដឹងថា កន្លងមកកីឡាការិនី ពៅ សុខា ក៏ត្រូវបានអន្ដរជាតិជ្រើសរើស និងអញ្ជើញចូលរួមចែករំលែកពីបទពិសោធន៍ និងចំណេះដឹងទូទៅពាក់ព័ន្ធកីឡាក្នុងវេទិកាអន្ដរជាតិ ជាក់ស្ដែងកាលពីចុងឆ្នាំ២០២១ កន្លងទៅ កញ្ញាក៏ត្រូវបានលេខាធិការដ្ឋានអាស៊ាន អញ្ជើញចួលរួមកម្មវិធីជជែកពិភាក្សាដើម្បីលើកកម្ពស់ការចូលរួមរបស់ស្ត្រី ក្នុងវិស័យកីឡានៅអាស៊ាន និងការផ្តល់កិត្តិយសដល់ម្ចាស់មេដាយអូឡាំពិក និងប៉ារ៉ាឡាំពិកអាស៊ានតូក្យូ ២០២០ នៅទីក្រុងហ្សាកាតា ប្រទេសឥណ្ឌូនេស៊ី តាមរយៈសន្និសីទវីដេអូ ក្នុងនាមជាទូតសុច្ឆន្ទៈកីឡាស្ត្រីអាស៊ានរបស់ប្រទេសកម្ពុជា រួមជាមួយ និងទូតសុច្ឆន្ទៈកីឡាស្ត្រីអាស៊ានមកពីប្រទេស ៩ផ្សេងទៀតផងដែរ៕ អត្ថបទ៖ លី ឈុនឡា

កីឡាវាយសីជំរុញការហ្វឹកហាត់ទាំងមុន និងក្រោយស៊ីហ្គេម ដើម្បីនិរន្ដរភាពនៃការអភិវឌ្ឍ

វាយសី៖ ឯកឧត្តម លី កុសល ប្រធានសហព័ន្ធកីឡាវាយសីកម្ពុជាបានលើកឡើងថា សហព័ន្ធបានខិតខំជំរុញការហ្វឹកហាត់ទាំងមុន និងក្រោយស៊ីហ្គេមឆ្នាំ២០២៣ ដើម្បីរក្សាបាននូវនិរន្ដរភាពនៃការអភិវឌ្ឍ ឆ្ពោះទៅរកការប្រកួតដោយស្មើមុខមាត់ជាមួយប្រទេសក្នុងតំបន់ និងនៅលើឆាកអន្ដរជាតិ។ ការគូសបញ្ជាក់នេះធ្វើឡើងក្នុងពិធីបិទវគ្គសាមគ្គីអូឡាំពិក ស្ដីពីគ្រូបង្វឹកកីឡាវាយសីកម្រិត១ ឆ្នាំ២០២២ ក្រោយដំណើរការរៀបចំអស់រយៈពេល ៦ថ្ងៃចាប់ពីថ្ងៃទី១៦-២១ ខែធ្នូនេះ ក្រោមគម្រោងថវិការបស់អង្គការសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា ដែលបង្រៀនដោយគ្រូឧទ្ទេសកម្រិតខ្ពស់លោក Sambenthan Sivaperumal មកពីសហព័ន្ធកីឡាវាយសីអាស៊ី (BA)។ ឯកឧត្តមប្រធានសហព័ន្ធបានវាយតម្លៃខ្ពស់ចំពោះការរៀបចំវគ្គនេះឡើង ដើម្បីផលិតធនធានគ្រូបង្វឹកកីឡាវាយសីកម្ពុជាឲ្យកាន់តែមានគុណភាពខ្ពស់ ហើយរួមចំណែកក្នុងការអភិវឌ្ឍវិស័យកីឡាមួយនេះឲ្យកាន់តែរីកចម្រើន ពិសេសការបណ្ដុះបណ្ដាលកីឡាករ-កីឡាការិនីដែលពឹងផ្អែកលើគ្រូបង្វឹកមានគុណវុឌ្ឍិខ្ពស់។ ដូច្នេះមិនថាការត្រៀមស៊ីហ្គេម ឬក្រៅស៊ីហ្គេមនោះទេ សហព័ន្ធគឺមានផែនការច្បាស់លាស់ ដើម្បីពង្រឹង និងពង្រីកការអភិវឌ្ឍវិស័យកីឡាវាយសីកម្ពុជាឲ្យកាន់តែខ្លាំងក្លាបន្ថែមទៀត។ឯកឧត្តម ជាម សុភា អគ្គលេខាធិការសហព័ន្ធបានឲ្យដឹងថា វគ្គនេះមានសិក្ខាកាមចូលរួមសរុប ២៥នាក់ (ស្រី ៦នាក់) មកពី ១១ក្លិប-សមាគម និងរាជធានី-ខេត្តដែលសិក្សាចាប់ពីថ្ងៃទី១៦-២១ ខែធ្នូនេះ។ ជាលទ្ធផលមានសិក្ខាកាមទទួលបាននិទ្ទេសល្អមានចំនួន ៥០% និទ្ទេសមធ្យម ២០% និងនិទ្ទេសខ្សោយ ២០%។ ក្រោយពីបញ្ចប់វគ្គនេះ ឯកឧត្ដមសង្ឃឹមថា សិក្ខាកាមទាំងអស់ប្តេជ្ញាចិត្តយកចំណេះដឹងទាំងនេះ ទៅអភិវឌ្ឍន៍ធនធានមនុស្សក្នុងវិស័យកីឡាវាយសីនៅតាមក្លិប និងបណ្តាខេត្តនានាឲ្យមានសក្តានុពល ដូចបណ្តាប្រទេសជិតខាងនៅក្នុងតំបន់៕អត្ថបទ៖ លី ឈុនឡា

វៀតណាមបើកទំព័រ AFF Mitsubishi Electric Cup ជាមួយនឹងជ័យជំនះ ៦-០ នៅទឹកដីឡាវ

បាល់ទាត់៖ ក្រុមការពារជើងឯកបាល់ទាត់អាស៊ីអាគ្នេយ៍ឆ្នាំ២០១៨ វៀតណាមបានបើកទំព័រប្រកួតដំបូងរបស់ខ្លួននៅពានរង្វាន់ AFF Mitsubishi Electric Cup 2022 ជាមួយនឹងជ័យជំនះធំធេង ៦-០ នៅទឹកដីឡាវ។ Nguyen Tien Linh បានបើកការនាំមុខឱ្យវៀតណាមនៅនាទីទី១៥ មុនពេលដែល Do Hung Dung បន្ថែមមួយគ្រាប់ទៀតមុនចប់វគ្គទី១។ ឈានចូលវគ្គទី២ ម្ចាស់ផ្ទះឡាវគ្មានអ្វីតដៃឡើយ មានតែក្រុមជើងឯក ២សម័យវៀតណាមបង្កើនការនាំមុខ ៤គ្រាប់បន្ថែមទៀតដោយកីឡាករ ៤នាក់រួមមាន Ho Tan Tai, Doan Van Hau, Nguyen Van Toan និង Vu Van Thanh។ លទ្ធផលនេះមានន័យថា ក្រុមរបស់លោក Park Han Seo ឈរលេខ១ ក្នុងពូល B ជាមួយនឹងគ្រាប់ចំណេញ ៦គ្រាប់។ ឡាវប្រកួតបន្ទាប់ត្រូវទទួលសិង្ហបុរីនៅថ្ងៃអង្គារសប្តាហ៍ក្រោយ ខណៈវៀតណាមត្រូវទទួលភ្ញៀវម៉ាឡេស៊ី។ ក្រឡេកមកម៉ាឡេស៊ីក៏ទទួលបាន ៣ពិន្ទុពីប្រកួតដំបូងរបស់ខ្លួនដែរ តាមរយៈជ័យជំនះតានតឹងនៅទឹកដីមីយ៉ាន់ម៉ា ១-០។ ការប្រកួតនៅទីក្រុង Yangon ប្រទេសមីយ៉ាន់ម៉ា ក្រុមជើងឯកឆ្នាំ២០១០ ម៉ាឡេស៊ីហាក់មានការលំបាកទំរាំរកបានគ្រាប់បាល់ត្រូវរង់ចាំដល់នាទីទី៥២ ដោយ Faisal Halim។ ក្រុមម្ចាស់ផ្ទះមីយ៉ាន់ម៉ាគួរតែបានមួយពិន្ទុពីការប្រកួតដំបូងនេះ នៅពេលដែលអាជ្ញាកណ្តាលផ្តល់ពិន័យ ១១ម៉ែត្រក្រោយកំហុសរបស់ Sharul Nazeem ក្នុងប្រអប់គ្រោះថ្នាក់ តែកីឡាករមីយ៉ាន់ម៉ា Win Naing Tun ស៊ុតមិនបានសំរេច សង្គ្រោះបានដោយអ្នកចាំទីម៉ាឡេស៊ី Syihan Hazmi នៅនាទីទី៩០+៤។ ម៉ាឡេស៊ីប្រកួតបន្ទាប់ត្រូវជួបជាមួយឡាវនៅថ្ងៃសៅរ៍ ខណៈមីយ៉ាន់ម៉ាត្រូវទៅទឹកដីសិង្ហបុរីថ្ងៃជាមួយគ្នា៕អត្ថបទ៖នាង សុភាវុធ

AFF៖ កម្ពុជាស្ទើរគ្មានពេលសម្រាក មុនជួបម្ចាស់ផ្ទះឥណ្ឌូនេស៊ីដែលត្រូវប្រកួតដំបូង

បាល់ទាត់៖ ក្រុមបាល់ទាត់ជម្រើសជាតិកម្ពុជា បានធ្វើដំណើរទៅដល់ប្រទេសឥណ្ឌូនេស៊ីហើយកាលពីរាត្រីថ្ងៃពុធ ដើម្បីត្រៀមការប្រកួតបន្ទាប់ជាមួយក្រុមម្ចាស់ផ្ទះ នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Mistubishi Electric Cup 2022 នាថ្ងៃទី២៣ ខែធ្នូស្អែកនេះ បន្ទាប់ពីកម្ពុជាបានយកឈ្នះក្រុមភ្ញៀវហ្វីលីពីន ៣-២ ក្នុងជំនួបបើកឆាកពូល A កាលពីល្ងាចថ្ងៃអង្គារកន្លងទៅ។ ដំណើរដ៏តក់ក្រហល់នេះ បានធ្វើឲ្យក្រុមគោព្រៃកម្ពុជាស្ទើរគ្មានពេលសម្រាកឡើយ មុនជួបក្រុមជម្រើសជាតិឥណ្ឌូនេស៊ីដែលត្រូវធ្វើការប្រកួតដំបូងរបស់ខ្លួនក្នុងពូល។ ជាក់ស្ដែងដោយសារកំឡុងពេលធ្វើដំណើរ ជើងហោះហើរត្រូវបានពន្យារពេលចំនួន ២លើកទៀត បានធ្វើឲ្យក្រុមជម្រើសជាតិកម្ពុជាធ្វើដំណើរដល់ប្រទេសឥណ្ឌូនេស៊ីនៅម៉ោង ១០៖៤៥នាទី មុនបន្ដដំណើរទៅសណ្ឋាគារស្នាក់នៅដល់យប់ជ្រៅ។ ការណ៍នេះបានធ្វើឲ្យក្រុមកម្ពុជាខកខានការហ្វឹកហាត់ ១លើកកាលពីល្ងាចមិញ ពោលគឺនៅសល់តែការហ្វឹកហាត់ផ្លូវការតែម្ដងប៉ុណ្ណោះនៅល្ងាចថ្ងៃទី២២ ខែធ្នូនេះ ដើម្បីត្រៀមការប្រកួតជាមួយក្រុមម្ចាស់ផ្ទះឥណ្ឌូនេស៊ីនាថ្ងៃស្អែក។ ជាការពិតជាមួយកម្មវិធីប្រកួតដ៏មមាញឹកនេះបានធ្វើឲ្យលោក Keisuke Honda អ្នកចាត់ការទូទៅក្រុមជម្រើសជាតិកម្ពុជាមិនពេញចិត្តឡើយ ដោយលោកពិបាកនឹងទទួលយក ព្រោះកាលវិភាគស្ទើរតែធ្វើឲ្យកូនក្រុមគ្មានពេលសម្រាក បន្ទាប់ពីជួបហ្វីលីពីននៅថ្ងៃទី២០-ធ្នូ ត្រូវធ្វើដំណើរទៅឥណ្ឌូនេស៊ីនៅថ្ងៃទី២១-ធ្នូ ហើយបានហ្វឹកហាត់ម្ដងគត់នៅថ្ងៃទី២២-ធ្នូ មុនការប្រកួតផ្លូវការជាមួយឥណ្ឌូនេស៊ីនាថ្ងៃទី២៣-ធ្នូ ទាំងតែឥណ្ឌូនេស៊ីគឺជាការប្រកួតដំបូង ហើយត្រូវប្រកួតក្នុងផ្ទះពួកគេថែមទៀត។ គួរដឹងថា បច្ចុប្បន្នកម្ពុជាកំពុងកាន់ ៣ពិន្ទុស្មើក្រុមដំរីសឹកថៃ ក្រោយយកឈ្នះការប្រកួតដំបូងរៀងៗខ្លួនក្នុងពូល A នៃពានរង្វាន់បាល់ទាត់ជើងឯកអាស៊ីអាគ្នេយ៍នេះ ក្នុងនោះកម្ពុជាបានយកឈ្នះហ្វីលីពីន ៣-២ ខណៈថៃបានយកឈ្នះប្រ៊ុយណេ ៥-០។ ក្រោយជួបឥណ្ឌូនេស៊ីកម្ពុជាត្រូវរង់ចាំដល់ថ្ងៃទី២៩ ខែធ្នូ ដើម្បីបើកទ្វារពហុកីឡដ្ឋានជាតិមរកតេជោ ទទួលក្រុមជម្រើសជាតិប្រ៊ុយណេវិញម្ដង មុនការប្រកួតបញ្ចប់ពូលជាមួយថៃនាថ្ងៃទី០២ ខែមករា ឆ្នាំ២០២៣ ខាងមុខ៕អត្ថបទ៖ លី ឈុនឡា

ពានរង្វាន់ការប្រកួតវាយកូនបាល់ថ្មី United Cup ត្រូវបានបង្ហាញនៅប្រទេសអូស្ត្រាលី

វាយកូនបាល់៖ ពានរង្វាន់នៃការប្រកួតវាយកូនបាល់ថ្មីសន្លាងមួយ United Cup ត្រូវបានដាក់បង្ហាញនៅទីក្រុង Perth ប្រទេសអូស្ត្រាលីនៅថ្ងៃអង្គារ មុនការចាប់ផ្តើមការប្រកួតថ្មីមួយនៅក្នុងកាលវិភាគ របស់ការប្រកួតវាយកូនបាល់អន្តរជាតិប្រចាំឆ្នាំ។ United Cup នឹងនឹងប្រមូលផ្តុំជាការប្រកួតក្រុមតំណាងឱ្យប្រទេស ដែលមានទាំងកីឡាករ និងកីឡាការិនីរួមបញ្ចូលគ្នាជាលើកដំបូង។ កន្លងមកការប្រកួតតំណាងប្រទេស ត្រូវបានបែងចែកដាច់ដោយឡែកពីគ្នារវាងកីឡាករ និងកីឡាការិនីដោយកីឡាករត្រូវលេងពាន Davis Cup ឯកីឡាការិនីត្រូវលេងពាន Fed Cup ពីមុន និងបច្ចុប្បន្នហៅថាពាន Billie Jean King Cup។ សម្រាប់ United Cup នឹងមានកីឡាករ-កីឡាការិនីលំដាប់កំពូលប្រកួតតំណាងប្រទេស ដែលចូលរួមសរុប ១៨ប្រទេសដែលមានកញ្ចប់ទឹកប្រាក់ដល់ទៅ ១៥លានដុល្លារអាមេរិក។ Rafael Nadal, Alexander Zverev, Casper Ruud, Iga Swiatek, Caroline Garcia និង Madison Keys សុទ្ធតែមានឈ្មោះក្នុងការប្រកួតនេះ។ United Cup នឹងចាប់ផ្តើមពីថ្ងៃទី២៩ ខែធ្នូចុងឆ្នាំបញ្ចប់នៅថ្ងៃទី៨ ខែមករាដើមឆ្នាំ២០២៣ នៅទីក្រុង Brisbane Perth និង Sydney ខណៈព្រឹត្តិការណ៍ Grand Slam, Australian Open នឹងចាប់ផ្តើមនៅចុងខែមករា៕អត្ថបទ៖នាង សុភាវុធ

Ivan Toney រងការពិន័យរឿងភ្នាល់ ៣០ករណីបន្ថែមទៀត

បាល់ទាត់៖ ខ្សែប្រយុទ្ធ Brentford, Ivan Toney បានទទួលរងការពិន័យដោយសមាគមបាល់ទាត់អង់គ្លេស FA ក្រោយរកឃើញពាក់ព័ន្ធរឿងភ្នាល់ ៣០ករណីបន្ថែមទៀត។ កីឡាករវ័យ ២៦ឆ្នាំរូបនេះទើបតែត្រូវពិន័យដោយ FA កាលពីខែមុនពាក់ព័ន្ធនឹងរឿងភ្នាល់នេះដែលមានដល់ទៅ ២៣២ករណី។ Ivan Toney បានស៊ុតបញ្ចូលទី ១០គ្រាប់រដូវកាលនេះ តែមិនជាប់ឈ្មោះទៅ World Cup ជាមួយក្រុមជម្រើសជាតិអង់គ្លេសឡើយ។ Ivan Toney មានពេលដល់ថ្ងៃទី៤ ខែមករាដើម្បីឆ្លើយតបជាមួយ FA វិញចំពោះការបំពានច្បាប់របស់ FA នៅចំនុច E8 ដែលបានហាមឃាត់មិនឱ្យកីឡាករអាជីព មិនឱ្យពាក់ព័ន្ធនឹងការភ្នាល់ល្បែងស៊ីសង រឺផ្តល់ព័ត៌មានសំងាត់របស់ក្រុមទៅខាងក្រៅក្នុងគោលបំណងនៃការភ្នាល់។ Ivan Toney ប្រឈមនឹងការដាក់ពិន័យច្រើនសប្តាហ៍មិនឱ្យពាក់ព័ន្ធបាល់ទាត់ និងពិន័យជាទឹកប្រាក់បន្ថែមទៀត ប្រសិនបើរកឃើញថាពិតមែន។ រំលឹកថា ខ្សែការពារអង់គ្លេស Kieran Trippier ធ្លាក់រងពិន័យ ១០សប្តាហ៍ដោយ FA កាលពីខែធ្នូ ឆ្នាំ២០២០ ដែលបានផ្តល់ព័ត៌មានទៅខាងក្រៅដើម្បីធ្វើការភ្នាល់ពីការផ្ទេររបស់ខ្លួនពី Tottenham Hotspur ទៅកាន់ Ateltico Madrid។ កាលពីឆ្នាំ២០១៧ អ្នកចាត់ការ និងជាអតីតកីឡាករជម្រើសជាតិអង់គ្លេស Joey Barton ត្រូវបាន FA ពិន័យ ៥ខែបន្ទាប់ពីត្រូវបានគេរកឃើញថាបានភ្នាល់បាល់ ១២៦០លើកក្នុងរយៈពេល ១០ឆ្នាំចុងក្រោយ៕អត្ថបទ៖នាង សុភាវុធ

រូបថតមួយសន្លឹករបស់ Messi លើកពាន World Cup មានអ្នកចូលចិត្តច្រើនបំផុតនៅ Instagram បំបែកកំណត់ត្រា

បាល់ទាត់៖ រូបថតមួយសន្លឹករបស់ Lionel Messi លើកពានរង្វាន់បាល់ទាត់ពិភពលោក បានក្លាយជារូបថតដែលមានអ្នកចូលចិត្តច្រើនបំផុតបំបែកកំណត់ត្រានៅបណ្តាញសង្គម Instagram។ រូបថតបាល់ទាត់របស់កីឡាករវ័យ ៣៥ឆ្នាំរូបនេះលើកពានបាល់ទាត់ពិភពលោកលើកដំបូង របស់ក្រុមជម្រើសជាតិអាហ្សង់ទីនក្នុងរយៈពេល ៣៦ឆ្នាំបានទទួលការចូលចិត្តចុច (Like) នៅលើបណ្តាញសង្គម Instagram ដល់ទៅជាង ៦២លានគណនី។ អាហ្សង់ទីនបានយកឈ្នះបារាំងនៅវគ្គផ្តាច់ព្រ័ត្រកាលពីថ្ងៃអាទិត្យដោយបាល់ ១១ម៉ែត្រកាត់សេចក្តីដើម្បីលើពាន World Cup ជាលើកទី៣ ក្នុងប្រវត្តិសាស្ត្រ។ រូបថតមួយសន្លឹកនេះបានបំបែកកំណត់ត្រាមានអ្នកចូលចិត្តច្រើនបំផុតនៅលើ IG ដែលកាន់កាប់ដោយរូបថតមួយសន្លឹកដែលមានរូបពងមាន់មួយដែលមានអ្នក Like ដល់ ៥២.៨លានគណនី។ Cristiano Ronaldo ឈរលេខ៣ ជារូបភាពដែលអង្គុយលេងអុកជាមួយ Messi ដែលមានអ្នក Like ចំនួន ៤២.១លានគណនី។ រូបថតមួយសន្លឹកទៀតរបស់ Messi ដែលគេងឱបពាន World Cup នៅលើយន្តហោះឈរលេខ៤ មានអ្នក Like សរុប ៣៦.៥លានគណនី៕អត្ថបទ៖នាង សុភាវុធ

ម៉ារ៉ុកមកដល់ប្រទេសកំណើតទទួលបានការស្វាគមន៍ដូចក្រុមឈ្នះជើងឯកបាល់ទាត់ពិភពលោក

បាល់ទាត់៖ ក្រុមជម្រើសជាតិម៉ារ៉ុកបានត្រលប់មកដល់ទីក្រុម Rabat នៅថ្ងៃអង្គារម្សិលមិញ និងទទួលបានការស្វាគមន៍ដូចវីរបុរស បន្ទាប់ពីបញ្ចប់បេសកកម្មដ៏ជោគជ័យនៅ World Cup 2022 ប្រទេសកាតា។ម៉ារ៉ុកបានធ្វើឱ្យមានការភ្ញាក់ផ្អើល និងទាយមិនត្រូវពីគ្រប់មជ្ឈដ្ឋានទូទៅ និងបានសាងប្រវត្តិសាស្ត្រឱ្យក្រុមបាល់ទាត់នៅទ្វីបអាហ្វ្រិក និងប្រទេសអារ៉ាប់ទាំងអស់តាមរយៈការបញ្ចប់នៅចំណាត់ថ្នាក់លេខ៤។ ក្រុមរបស់លោក Walid Regragui បានបញ្ចប់រជ្ជកាលមាសរបស់ប៊ែលហ្ស៊ិកដែលជាក្រុមឈរលេខ២ ក្នុងចំណាត់ថ្នាក់ពិភពលោកដោយយកឈ្នះនៅក្នុងពូល ២-០។ ម៉ារ៉ុកបន្តឡើងមកវគ្គ ១៦ក្រុមក៏យកឈ្នះក្រុមជើងឯក ២០១០ គោជល់អេស្ប៉ាញ និងទំលាក់ជើងឯក Euro ២០១៦ ព័រទុយហ្កាល់ មុននឹងចាញ់ក្រុមការពារតំណែងជើងឯកបារាំង នៅវគ្គពាក់កណ្តាលផ្តាច់ព្រ័ត្រ។ អ្នកគាំទ្រម៉ារ៉ុកដែលឈរចាំទទួល និងអបអរក្រុមម៉ារ៉ុកបាននិយាយថា ប្រជាជនម៉ារ៉ុកមិនថានៅក្នុងស្រុក និងជុំវិញពិភពលោកសុទ្ធតែមានមោទនភាព និងអារម្មណ៍រីករាយមិនអាចថ្លែងបានដូចៗគ្នា ការទទួលបានចំណាត់ថ្នាក់លេខ៤ គឺជាអ្វីដែលគ្រប់គ្នាមិនដែលរំពឹងទុកឡើយ តែវាជាការពិតទៅហើយ។ សូមបញ្ជាក់ថា World Cup នៅលើទឹកដីអារ៉ាប់ប្រទេសកាតានេះ អាចនិយាយបានជាជោគជ័យខ្លាំងសម្រាប់ប្រទេសអារ៉ាប់ បន្ទាប់ពីម៉ារ៉ុកដែលបានលេខ៤ យកឈ្នះក្រុមខ្លាំងៗដូចជាប៊ែលហ្ស៊ិក អេស្ប៉ាញ និងព័រទុយហ្កាល់នោះ អារ៉ាប៊ីសាអ៊ូឌីតយកឈ្នះក្រុមជើងឯកអាហ្សង់ទីនប្រកួតដំបូងក្នុងពូល និងទុយនេស៊ីយកឈ្នះក្រុមជើងឯករងបារាំងប្រកួតចុងក្រោយក្នុងពូលផងដែរ៕អត្ថបទ៖នាង សុភាវុធ

អាហ្សង់ទីនដង្ហែពាន World Cup លើរថយន្តក្រុង រហូតជម្លៀសឡើងឧទ្ធម្ភាគចក្រ

បាល់ទាត់៖ ក្រុមបាល់ទាត់ជម្រើសជាតិអាហ្សង់ទីន បានត្រលប់មកដល់ប្រទេសកំណើតវិញ និងធ្វើពិធីដង្ហែពាននៅរដ្ឋធានី Buenos Aires ដោយមានប្រជាជនចាំអបអរខ្ទង់លាននាក់។ កីឡាកររបស់អាហ្សង់ទីនបានអបអរបង្ហាញពាន World Cup របស់ខ្លួននៅរថយន្តក្រុងចំហរដំបូលនៅតាមដងវិថីធំៗក្នុងទីក្រុង Buenos Aires តែការដង្ហែនោះមិនបានយូរប៉ុន្មានឡើយ កីឡាករទាំងអស់ត្រូវបានជម្លៀសឡើងឧទ្ធម្ភាគចក្រវិញ ដោយសង្កេតឃើញថាអារម្មណ៍ហាក់ពុះកញ្ជ្រោលពេក។ ដំបូងនៅពេលរថយន្តក្រុងចូកក្រោមស្ពានថ្មើរជើងក៏មានអ្នកគាំទ្រលោតចុះមក និងម្នាក់ទៀតលោតខុសរថយន្ត។ ស្ថានភាពទូទៅនៃការអបអរហាក់កាន់តែពិបាកគ្រប់គ្រង ទើបឈានដល់ការជម្លៀសកីឡាករឡើងឧទ្ធម្ភាគចក្របែបនេះ។ រដ្ឋាភិបាលអាហ្សង់ទីនបានប្រកាសថា ថ្ងៃអង្គារម្សិលមិញគឺជាថ្ងៃសម្រាករបស់ជាតិតែម្តង ដើម្បីអបអរការឈ្នះពានបាល់ទាត់ពិភពលោកលើកទី៣ ក្នុងប្រវត្តិសាស្ត្រអាហ្សង់ទីន និងជាលើកដំបូងក្នុងរយៈពេល ៣៦ឆ្នាំក៏ដូចជាលើកដំបូងក្នុងអាជីពបាល់ទាត់របស់ Lionel Messi។ បើតាមការឱ្យដឹងពីអាជ្ញាធរថា អ្នកគាំទ្រនៅទីក្រុង Buenos Aires ដែលរង់ចាំអបអរសាទរក្រុមអាហ្សង់ទីននោះមានចំនួនលើសពី ៤លាននាក់៕អត្ថបទ៖នាង សុភាវុធ

CAMSOC ជំរុញគណៈកម្មការជំនាញទាំងអស់ត្រូវរួចរាល់មុនឈានចូលឆ្នាំថ្មី

ស៊ីហ្គេម៖ គណៈអចិន្ដ្រៃយ៍នៃគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) នៅថ្ងៃអង្គារសប្ដាហ៍នេះ បានបន្ដបើកកិច្ចប្រជុំជាមួយគណៈកម្មការជំនាញរបស់ខ្លួន ដើម្បីដោះស្រាយបញ្ហាសេសសល់ ខណៈថ្នាក់ដឹកនាំបានជំរុញគ្រប់គណៈកម្មការជំនាញ ត្រូវរួចរាល់មុនដំណាច់ឆ្នាំចាស់ផ្លាស់ចូលឆ្នាំថ្មីឆ្នាំ២០២៣ ដែលជាឆ្នាំព្រឹត្តិការណ៍ប្រវត្តិសាស្ដ្រ នៃការធ្វើម្ចាស់ផ្ទះការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ ប្រាប់អ្នកសារព័ត៌មានក្រោយបញ្ចប់កិច្ចប្រជុំដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ត្រៃយ៍ CAMSOC ឯកឧត្តមអគ្គលេខាធិការ វ៉ាត់ ចំរើន បានមានប្រសាសន៍ថា កិច្ចប្រជុំនេះបានត្រួតពិនិត្យិវឌ្ឍនភាពការងាររបស់គណៈកម្មការជំនាញរបស់ខ្លួនទាំងអស់ ពិសេសពិនិត្យមើលបញ្ហាប្រឈមទាំងអស់ ដើម្បីដោះស្រាយឲ្យទាន់ពេលវេលា ក្នុងនោះឯកឧត្តមរដ្ឋមន្ដ្រីបានសង្កត់ធ្ងន់លើគណៈកម្មការស្នាក់នៅ ហូបចុក ការទទួលបដិសណ្ឋារកិច្ច និងទីលានប្រកួតជាដើម។សូមបញ្ជាក់ថា កីឡាស៊ីហ្គេមលើកទី៣២ នឹងប្រារព្ធពិធីបើកការប្រកួតផ្លូវការនៅថ្ងៃទី០៥ ខែឧសភា និងបិទនៅថ្ងៃទី១៧ ខែឧសភា ឆ្នាំ២០២៣ ហើយបើគិតពីថ្ងៃទី២១ ខែធ្នូ ឆ្នាំ២០២២ រហូតដល់ថ្ងៃបើកគឺនៅសល់រយៈពេល ១៣៥ថ្ងៃគត់។ រីឯការប្រកួតកីឡាអាស៊ានប៉ារ៉ាហ្គេមលើកទី១២ នឹងប្រព្រឹត្តទៅពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ។ ប៉ុន្ដែមុនឈានដល់ព្រឹត្តិការណ៍ប្រវត្តិសាស្ដ្រនៃការទន្ទឹងរង់ចាំអស់ ៦៤ឆ្នាំនេះ កម្ពុជានឹងមានកម្មវិធីជាច្រើនទៀត ដូចកម្មវិធីរាប់ថយក្រោយ ១០០ថ្ងៃឆ្ពោះទៅស៊ីហ្គេមលើកទី៣២ ដែលគ្រោងរៀបចំនាថ្ងៃទី២៥ ខែមករា ឆ្នាំ២០២៣ និងកម្មវិធីរត់ភ្លើងគប់ ក៏ដូចជាកម្មវិធីផ្សេងៗទៀត៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ក្រសួងការពារជាតិជប៉ុន៖ គ្មានការខូចខាតត្រូវបានរាយការណ៍នោះទេ ក្រោយការបាញ់មីស៊ីលរបស់កូរ៉េខាងជើង

អនុប្រធានាធិបតីអាមេរិកថា អ៊ីរ៉ង់ជាមនុស្សសែនពិបាកនិយាយគ្នា ហើយកិច្ចព្រមព្រៀងត្រូវការចំណាយពេលទៀត

លីទុយអានី៖ រុស្ស៊ីអាចប្រើប្រាស់យានដ្រូនរបស់អ៊ុយក្រែន ប្រឆាំងនឹងតំបន់បាល់ទិក

ការផ្អាកជំនួយ ក្រោយការវាយប្រហារ ពន្យឺតដល់ការឆ្លើយតបជំងឺអេបូឡានៅភាគខាងកើតកុងហ្គោ

ប្រភព៖ ការប្រកាសពីកិច្ចព្រមព្រៀងបើកច្រកសមុទ្រ Hormuz ៦០ថ្ងៃ រវាងអ៊ីរ៉ង់ និងអូម៉ង់ ជិតកើតឡើងហើយ

ឯកឧត្តម ហ៊ុន ម៉ានី បង្ហាញលទ្ធផលកិច្ចប្រជុំរដ្ឋមន្ត្រីមុខងារសាធារណៈអាស៊ាន និងការអនុម័តឯកសារចំនួន៤

កម្ពុជា និងបែលហ្ស៊ិក ពង្រឹងកិច្ចសហប្រតិបត្តិការទ្វេភាគីលើវិស័យជាច្រើន

ប៉ាគីស្ថានរំពឹងថា កិច្ចព្រមព្រៀងច្រកសមុទ្រ Hormuz នឹងនាំទៅរកការចាប់ផ្ដើមកិច្ចចរចាអ៊ីរ៉ង់-អាមេរិកឡើងវិញ

ព្យុះទីហ្វុង Dolphin កំពុងបន្តដំណើរឆ្ពោះទៅទិសខាងលិចនៅសមុទ្រហ្វីលីពីន

ប្រធានាធិបតី៖ កងកម្លាំងនីហ្សេរីយ៉ា ជួយសង្គ្រោះជនរងគ្រោះពីការចាប់ជំរិតជាង ៣០០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

យុវជនអាស៊ាន និងមន្ដ្រី UN ចាប់អារម្មណ៍បទបង្ហាញកីឡាការិនី ពៅ សុខា ក្នុងប្រធានបទ “កីឡារស់ក្នុងសន្ដិភាព”

កីឡាវាយសីជំរុញការហ្វឹកហាត់ទាំងមុន និងក្រោយស៊ីហ្គេម ដើម្បីនិរន្ដរភាពនៃការអភិវឌ្ឍ

វៀតណាមបើកទំព័រ AFF Mitsubishi Electric Cup ជាមួយនឹងជ័យជំនះ ៦-០ នៅទឹកដីឡាវ

AFF៖ កម្ពុជាស្ទើរគ្មានពេលសម្រាក មុនជួបម្ចាស់ផ្ទះឥណ្ឌូនេស៊ីដែលត្រូវប្រកួតដំបូង

ពានរង្វាន់ការប្រកួតវាយកូនបាល់ថ្មី United Cup ត្រូវបានបង្ហាញនៅប្រទេសអូស្ត្រាលី

Ivan Toney រងការពិន័យរឿងភ្នាល់ ៣០ករណីបន្ថែមទៀត

រូបថតមួយសន្លឹករបស់ Messi លើកពាន World Cup មានអ្នកចូលចិត្តច្រើនបំផុតនៅ Instagram បំបែកកំណត់ត្រា

ម៉ារ៉ុកមកដល់ប្រទេសកំណើតទទួលបានការស្វាគមន៍ដូចក្រុមឈ្នះជើងឯកបាល់ទាត់ពិភពលោក

អាហ្សង់ទីនដង្ហែពាន World Cup លើរថយន្តក្រុង រហូតជម្លៀសឡើងឧទ្ធម្ភាគចក្រ

CAMSOC ជំរុញគណៈកម្មការជំនាញទាំងអស់ត្រូវរួចរាល់មុនឈានចូលឆ្នាំថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡា​វាយ​សី​ជំរុញ​ការហ្វឹកហាត់ទាំង​មុន និង​ក្រោយ​ស៊ី​ហ្គេម ដើម្បី​និរន្ដរភាព​នៃ​ការអភិវឌ្ឍ

វៀតណាម​បើក​ទំព័រ AFF Mitsubishi Electric Cup ជាមួយនឹង​ជ័យជំនះ ៦-០ នៅ​ទឹកដី​ឡាវ

AFF៖ កម្ពុជា​ស្ទើរ​គ្មាន​ពេល​សម្រាក មុន​ជួប​ម្ចាស់ផ្ទះ​ឥណ្ឌូនេស៊ី​ដែល​ត្រូវ​ប្រកួត​ដំបូង​

ពានរង្វាន់ការប្រកួត​វាយ​កូន​បាល់​ថ្មី​ United Cup ត្រូវបាន​បង្ហាញ​នៅ​ប្រទេស​អូស្ត្រាលី​

Ivan Toney រង​ការពិន័យ​រឿង​ភ្នាល់ ៣០ករណី​បន្ថែមទៀត​

រូបថត​មួយ​សន្លឹក​របស់ Messi លើក​ពាន World Cup មាន​អ្នក​ចូលចិត្ត​ច្រើន​បំផុត​នៅ Instagram បំបែក​កំណត់ត្រា​

ម៉ា​រ៉ុ​ក​មកដល់​ប្រទេស​កំណើត​ទទួល​បាន​ការ​ស្វាគមន៍​ដូច​ក្រុម​ឈ្នះ​ជើងឯក​បាល់ទាត់​ពិភពលោក

អា​ហ្ស​ង់​ទីន​ដង្ហែ​ពាន World Cup លើ​រថយន្តក្រុង រហូត​ជម្លៀស​ឡើង​ឧទ្ធម្ភាគចក្រ​

CAMSOC ​ជំរុញ​គណៈកម្មការ​ជំនាញ​ទាំងអស់ត្រូវ​រួចរាល់មុន​ឈាន​ចូលឆ្នាំថ្មី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាវាយសីជំរុញការហ្វឹកហាត់ទាំងមុន និងក្រោយស៊ីហ្គេម ដើម្បីនិរន្ដរភាពនៃការអភិវឌ្ឍ

វៀតណាមបើកទំព័រ AFF Mitsubishi Electric Cup ជាមួយនឹងជ័យជំនះ ៦-០ នៅទឹកដីឡាវ

AFF៖ កម្ពុជាស្ទើរគ្មានពេលសម្រាក មុនជួបម្ចាស់ផ្ទះឥណ្ឌូនេស៊ីដែលត្រូវប្រកួតដំបូង

ពានរង្វាន់ការប្រកួតវាយកូនបាល់ថ្មី United Cup ត្រូវបានបង្ហាញនៅប្រទេសអូស្ត្រាលី

Ivan Toney រងការពិន័យរឿងភ្នាល់ ៣០ករណីបន្ថែមទៀត

រូបថតមួយសន្លឹករបស់ Messi លើកពាន World Cup មានអ្នកចូលចិត្តច្រើនបំផុតនៅ Instagram បំបែកកំណត់ត្រា

ម៉ារ៉ុកមកដល់ប្រទេសកំណើតទទួលបានការស្វាគមន៍ដូចក្រុមឈ្នះជើងឯកបាល់ទាត់ពិភពលោក

អាហ្សង់ទីនដង្ហែពាន World Cup លើរថយន្តក្រុង រហូតជម្លៀសឡើងឧទ្ធម្ភាគចក្រ

CAMSOC ជំរុញគណៈកម្មការជំនាញទាំងអស់ត្រូវរួចរាល់មុនឈានចូលឆ្នាំថ្មី