BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Ronnie O’Sullivan ធ្លាក់ត្រឹមជុំទី២ ស្នូកឃ័រជើងឯក Northern Ireland Open

ស្នូកឃ័រ៖ ជើងឯកស្នូកឃ័រពិភពលោក ៧សម័យ Ronnie O’Sullivan បានធ្លាក់ចេញពីការប្រកួតត្រឹមជុំទី២ ប៉ុណ្ណោះនៃពានរង្វាន់ Northern Ireland Open ក្រោយចាញ់កីឡាករ David Grace។ Ronnie O’Sullivan បានមុខការប្រកួតមុន ២ហ្វ្រេមទៅហើយ តែត្រូវបានកីឡាករលំដាប់លេខ ៦២ ពិភពលោក David Grace តាមពីក្រោយយកឈ្នះវិញដោយលទ្ធផលចុងក្រោយ ៤-៣ហ្វ្រេម។ កីឡាករវ័យ ៤៦ឆ្នាំរូបនេះបាននិយាយថា ហាក់ដូចជាបាត់បង់មហិច្ឆតាក្នុងការលេងកីឡាស្នូកឃ័រដូចមុន មានអារម្មណ៍ហាក់ដូចជាគ្រប់គ្រាន់ហើយ។ មុនមកដល់ Northern Ireland Open នេះ O’Sullivan ក៏បានចាញ់កីឡាករលំដាប់ទាប Alex Ursenbacher នៅជុំទី១ British Open ផងដែរ។ ងាកមកលទ្ធផលផ្សេងទៀតក្នុងថ្ងៃពុធម្សិលមិញផងដែរ អតីតជើងឯក Mark Williams យកឈ្នះ Jimmy Robertson ៤-២ហ្វ្រេម ខណៈកីឡាករអូស្ត្រាលី Neil Robertson យកឈ្នះ John Astley។ ចំណែកឯជើងឯកពិភពលោក ៤សម័យ Mark Selby យកឈ្នះ Hammad Miah ៤-២ហ្វ្រេមដើម្បីឡើងវគ្គ ១៦នាក់ចុងក្រោយផងដែរ៕អត្ថបទ៖នាង សុភាវុធ

ខ្សែការពាររបួសច្រើនពេក Gareth Southgate ចាប់ផ្តើមតាមដានខ្សែការពារ Liverpool, Joe Gomez

បាល់ទាត់៖ អ្នកចាត់ការក្រុមបាល់ទាត់ជម្រើសជាតិអង់គ្លេសលោក Gareth Southgate បានចាប់ផ្តើមតាមដានខ្សែការពារ Liverpool, Joe Gomez ហើយសម្រាប់ការត្រៀមលក្ខណៈរបស់អង់គ្លេសឆ្ពោះទៅ World Cup 2022 ខែក្រោយ។ Joe Gomez បានរងរបួសដែលធ្វើឱ្យគេខកខាន World Cup 2018 នៅរុស្ស៊ីម្តងរួចមកហើយ តែឆ្នាំនេះទំនងមានឱកាសឡើងវិញ។ Gomez មានស្ថិតិល្អក្នុងការបង្ហាញខ្លួនឱ្យ Liverpool យកឈ្នះ Manchester City កាលពីថ្ងៃអាទិត្យ ដោយរក្សាសំណាញ់ទីមិនឱ្យរបូតគ្រាប់បាល់ ទល់នឹងខ្សែប្រយុទ្ធដ៏គ្រោះថ្នាក់បំផុតម្នាក់នៅលើលោក។ ការតាមដាន Joe Gomez យ៉ាងយកចិត្តទុកដាក់ ស្របពេលអង់គ្លេសកំពុងមានបញ្ហារបួសខ្សែការពារជាច្រើន ជាពិសេសគឺនៅស្លាបស្តាំដូចជាខ្សែការពារ Chelsea, Reece James ដែលត្រូវខកខាន World Cup ដោយត្រូវវះកាត់ ស្របពេលដែលខ្សែការពារ Man City, Kyle Walker ក៏មានរបួសត្រូវវះកាត់។ អង់គ្លេសនឹងប្រកាសបញ្ជីឈ្មោះកីឡាកររបស់ខ្លួនផ្លូវការនៅថ្ងៃទី១០ ខែវិច្ឆិកាខាងមុខ។ អង់គ្លេសស្ថិតក្នុងពូល B ដោយនឹងត្រូវជួបអ៊ីរ៉ង់នៅថ្ងៃទី២១ ខែវិច្ឆិកា មុនបន្តជួបអាមេរិក និងវែល៕អត្ថបទ៖នាង សុភាវុធ

Martinelli និង Zinchenko អវត្តមានពីការហ្វឹកហាត់របស់ Arsenal មុនជួប PSV យប់នេះ

បាល់ទាត់៖ កីឡាករសំខាន់ពីររូបរបស់ Arsenal រួមមាន Gabriel Martinelli និងខ្សែការពារស្លាប Oleksandr Zinchenko មិនមានវត្តមានក្នុងការហ្វឹកហាត់ជាមួយមិត្តរួមក្រុមឡើយ មុនការប្រកួតក្របខណ្ឌ Europa League ទល់នឹង PSV Eindhoven រាត្រីនេះ។លោក Mikel Arteta និយាយថា អ្នកទាំងពីរនៅស្រពិចស្រពិលនៅឡើយ ពីលទ្ធភាពដែលអាចចូលលេងបានរាត្រីនេះ។ Gabriel Martinelli បានចូលលេងឱ្យ Arsenal យកឈ្នះនៅទឹកដី Leeds កាលពីថ្ងៃអាទិត្យ តែ Zinchenko បានអវត្តមាន ៤ប្រកួតរួចមកហើយដោយសាររបួសកំភួនជើង។ Arsenal នឹងអាចធានាបានកៅអីនៅជុំបន្ត Europa League ប្រសិនស្មើ រឺឈ្នះការប្រកួតរាត្រីនេះលើ PSV ក្នុងពូល A នេះ។ ក្រុមនាំមុខគេនៅ Premier League មួយនេះឈរលើគេក្នុងពូល A នេះក្រោយឈ្នះទាំង ៣ប្រកួតមាន ៩ពិន្ទុពេញ ខណៈ PSV ឈរលេខ២ មាន ៧ពិន្ទុឈ្នះ២ ស្មើ១៕អត្ថបទ៖នាង សុភាវុធ

Real Madrid ឈ្នះនៅផ្ទះ Elche ឡើងនាំមុខដាច់ ៦ពិន្ទុពី Barcelona

បាល់ទាត់៖ ក្រុមកំពូលតារាង Real Madrid បានពន្លាតការនាំមុខនៅក្របខណ្ឌអេស្ប៉ាញ La Liga ដល់ ៦ពិន្ទុបន្ទាប់ពីជ័យជំនះនៅទឹកដី Elche ៣-០ យប់មិញ។ ខ្សែប្រយុទ្ធសំណព្វចិត្តរបស់លោក Carlo Ancelotti, Federico Valverde បើកការនាំមុខមុនឱ្យ Real Madrid នៅនាទីទី១១ មុនពេលដែលម្ចាស់ពាន Ballon d’Or ថ្មីៗ Karim Benzema រកបានគ្រាប់នាំមុខ ២-០ នៅនាទីទី៧៥។ មុនចប់ការប្រកួត MarcO Asensio បន្ថែមគ្រាប់ចុងក្រោយនៅនាទីទី៨៩។ ជ័យជំនះនេះធ្វើឱ្យ Real Madrid ឡើងនាំមុខដាច់ ៦ពិន្ទុពីក្រុមលេខ២ Barcelona តែក្រុមរបស់លោក Xavi នៅសល់មួយប្រកួតក្នុងដៃដែលត្រូវជួប Villarreal រាត្រីនេះ។ ចំណែក Elche នៅតែបន្តឈរបាតតារាងមានត្រឹម ៣ពិន្ទុពីការប្រកួត ១០លើក។ នេះជាលើកទី២ ហើយដែល Real Madrid ឈ្នះការប្រកួតក្រៅដី ៦ប្រកួតដំបូងជាប់គ្នាក្នុងលីគរាប់ពីរដូវកាល ១៩៩១-៩២។ លទ្ធផលផ្សេងទៀតយប់មិញ Cadiz ០-០ Real Betis, Real Valladolid ៤-១ Celta Vigo និង Real Sociedad ១-០ Real Mallorca៕អត្ថបទ៖នាង សុភាវុធ

Bayern Munich តាមពីក្រោយយកឈ្នះ Augsburg ៥-២ ឡើងជុំទី៣ អាល្លឺម៉ង់ខាប់

បាល់ទាត់៖ ក្រុមជើងឯកអាល្លឺម៉ង់ខាប់ ២០សម័យ Bayern Munich បានបន្តដំណើរឡើងជុំទី៣ ហើយតែត្រូវវាយបកពីក្រោយការនាំមុខរបស់ម្ចាស់ផ្ទះ Augsburg ដើម្បីយកឈ្នះ ៥-២។ ក្រុមម្ចាស់ផ្ទះចាប់ផ្តើមបានយ៉ាងល្អក្រោយលេងបានត្រឹម ៩នាទី Mads Pedersen ស៊ុតបើកការនាំមុខមុនឱ្យ Augsburg មុនពេលដែល Bayern Munich តាមស្មើវិញនៅនាទីទី២៧ ដោយ Eric Maxim Choupo-Moting។ ឈានដល់វគ្គទី២ Joshua Kimmich ស៊ុតនាំមុខឱ្យ Bayern Munich លើកដំបូងនៅនាទីទី៥៣ មុនពេលដែល Moting ដដែលរកបានគ្រាប់ទីពីររបស់ខ្លួន។ ក្រុមម្ចាស់ផ្ទះក៏តបបាន ១គ្រាប់វិញដោយបាល់ចូលទីខ្លួនឯងរបស់ Dayot Upamecano តែ Jamal Musiala និង Alphonso Davies រកបានម្នាក់មួយគ្រាប់ធ្វើឱ្យ Bayern Munich បញ្ចប់ការប្រកួតយកឈ្នះនៅទឹកដី Augsburg ៥-២ ដើម្បីឡើងជុំទី៣។ថ្ងៃជាមួយគ្នានេះដែរ Borussia Dortmund យកឈ្នះនៅទឹកដី Hannover ២-០ ដោយគ្រាប់បាល់ចូលទីខ្លួនឯងរបស់ Hannover មួយគ្រាប់ និងបាល់ពិន័យ ១១ម៉ែត្ររបស់ Jude Bellingham។ ចំណែកឯក្រុមនាំមុខគេនៅ Bundesliga, Union Berlin យកឈ្នះ Heidenheim ២-០ ផងដែរ៕អត្ថបទ៖នាង សុភាវុធ

អត់បានចូលលេងទល់នឹង Spurs យប់មិញ Ronaldo ដើរចេញពីទីលានមុនការប្រកួតចប់

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo បានដើរចេញពីទីលានមុនការប្រកួតចប់យប់មិញនេះ នៅពេល Manchester United យកឈ្នះ Tottenham Hotspur ២-០។ កីឡាករវ័យ ៣៧ឆ្នាំរូបនេះបានដើរចេញពីទីលាននៅនាទីទី៨៩ ពោលគឺក្រោយពេលដែលលោក Erik ten Hag ផ្លាស់ប្តូរ Christian Eriksen និង Anthony Elanga ចូល មានន័យថា Ronaldo ជាកីឡាករបម្រុងមិនត្រូវបានប្រើប្រាស់។ ក្រោយចប់ការប្រកួតលោក Erik ten Hag និយាយថា បានឃើញ Ronaldo ដើរចេញពីទីលាន តែលោកនឹងនិយាយជាមួយ Ronaldo នៅថ្ងៃបន្ទាប់។ Fred និង Bruno Fernandez រកបានម្នាក់មួយគ្រាប់ក្នុងជ័យជំនះរបស់ Manchester United យប់មិញ ដែលជាបីពិន្ទុដ៏មានសារសំខានៈដើម្បីឈរលេខ៥ ដេញពីក្រោយ Chelsea តែ ១ពិន្ទុ។Chelsea យប់មិញមិនអាចធ្វើអ្វីម្ចាស់ផ្ទះ Brentford បានឡើយដោយបញ្ចប់ត្រឹមលទ្ធផលស្មើ ០-០។ ចំណែកឯ Liverpool បានយកឈ្នះក្រុមភ្ញៀវញញួរធំ West Ham ១-០ ដោយគ្រាប់បាល់របស់ Darwin Nunez។ ក្រុមអ្នកមានថ្មី Newcastle ក៏រកបានបីពិន្ទុដែរក្រោយឈ្នះ Everton ១-០ ដោយគ្រាប់បាល់របស់ Almiron និង Southampton យកឈ្នះនៅទឹកដី Bournemouth ១-០៕អត្ថបទ៖នាង សុភាវុធ

ក្រុមបាល់ទះជម្រើសជាតិកម្ពុជាប្រកួតមិត្តភាពជាមួយគុយបាយប់នេះ

បាល់ទះ៖ ក្រុមបាល់ទះជម្រើសជាតិកម្ពុជានឹងធ្វើការប្រកួតមិត្តភាពអន្ដរជាតិផ្លូវការ ជាមួយក្រុមជម្រើសជាតិគុយបានាវេលាម៉ោង ៧យប់នេះនៅសាលទីលានបាល់ទះនៃកីឡដ្ឋានព្រីនស៍ ខណៈសំបុត្រចូលទស្សនាមានតម្លៃ ៨ពាន់រៀលប៉ុណ្ណោះ។ ការប្រកួតមិត្តភាពអន្ដរជាតិនេះត្រូវបានចាត់ទុកជំនួបប្រវត្តិសាស្ដ្រមួយ សម្រាប់វិស័យបាល់ទះកម្ពុជាដែលត្រូវជួបក្រុមខ្លាំងគុយបាដែលជាគីឡូធ្ងន់លំដាប់ពិភពលោក។ តែយ៉ាងណាក្រុមគុយបាដែលត្រូវជួបកម្ពុជាយប់នេះ គឺជាក្រុមយុវជនអាយុក្រោម ២១ឆ្នាំមិនមែនជាក្រុមធំនោះទេ។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានគូសបញ្ជាក់ អំឡុងពេលទៅទទួលស្វាគមន៍ដំណើរមកដល់រាជធានីភ្នំពេញរបស់ប្រតិភូ និងក្រុមជម្រើសជាតិគុយបាកាលពីថ្មីៗថា គុយបាបានបញ្ជូនក្រុមយុវជន U21 មកប្រកួតមិត្តភាពជាមួយកម្ពុជា។ តែយ៉ាងណាលោកនៅតែទទួលស្គាល់ពីកម្រិតរបស់ក្រុមខ្លាំងលំដាប់ពិភពលោកនេះ ដ្បិតវិស័យបាល់ទះគុយបាគឺមានភាពរីកចម្រើនខ្លាំង។អាស្រ័យហេតុនេះ លោកបានចាត់ទុកជំនួបមិត្តភាពនេះគឺជាឱកាសមួយដ៏សំខាន់ សម្រាប់ក្រុមជម្រើសជាតិកម្ពុជា ក្នុងការវាស់ស្ទង់សមត្ថភាព និងសិក្សាស្វែងយល់ពីចំណុចខ្លាំង ចំណុចខ្សោយរបស់ខ្លួន ហើយធ្វើការបំពេញបន្ថែមឲ្យកាន់តែល្អប្រសើរ សម្រាប់ត្រៀមសម្រេចគោលដៅស៊ីហ្គេមឆ្នាំ២០២៣ ខាងមុខ។ គួរដឹងថា នេះគឺជាជំនួបមិត្តភាពអន្ដរជាតិលើកទី២ របស់កម្ពុជា បន្ទាប់ពីដណ្ដើមបានមេដាយសំរឹទ្ធជាប្រវត្តិសាស្ដ្រនៅវៀតណាមកាលពីថ្មីៗ ខណៈប្រកួតមិត្តភាពអន្ដរជាតិដំបូង គឺកម្ពុជាបានយកឈ្នះក្រុមជម្រើសជាតិសិង្ហបុរីក្នុងលទ្ធផល ២-១សិត ក្នុងជំនួបអបអរសាទរពិធីបើកការប្រកួតពានរង្វាន់សម្ដេចតេជោ ហ៊ុន សែន ឆ្នាំ២០២២ កាលពីថ្ងៃទី១៥ ខែតុលាកន្លងទៅ៕អត្ថបទ៖ លី ឈុនឡា

ក្រុមបាល់ទាត់ព្រះស៊ីសុវត្ថិលើកពានជើងឯកវិទ្យាល័យរដូវកាលទី២ ក្រោយឈ្នះក្រុមជើងឯកឆ្នាំចាស់ ៣-១

បាល់ទាត់៖ ក្រុមបាល់ទាត់វិទ្យាល័យព្រះស៊ីសុវត្ថិបានគ្រងជើងឯកពានរង្វាន់ «ជើងឯកវិទ្យាល័យ» លើកទី២ ឆ្នាំ២០២២ បន្ទាប់ពីយកឈ្នះក្រុមវិទ្យាល័យឥន្ទ្រទេវី ដែលជាក្រុមជើងឯកឆ្នាំចាស់ដោយលទ្ធផល ៣-១ ក្នុងវគ្គផ្ដាច់ព្រ័ត្រ នៅកីឡដ្ឋានខេមបូឌាអ៊ែរវ៉េកាលពីល្ងាចថ្ងៃទី១៩ ខែតុលា ឆ្នាំ២០២២។ ពិធីបិទការប្រកួតនេះបានធ្វើឡើងក្រោមអធិបតីភាពឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។ គួរដឹងថា ការប្រកួតជើងឯកវិទ្យាល័យឆ្នាំ២០២២ បានចាប់ផ្ដើមឡើងវិញ ក្រោយខនខានរយៈពេល ២ឆ្នាំដោយសារជំងឺរាតត្បាតជាសកលកូវីដ-១៩។ ការបើកទំព័ររដូវកាលថ្មីនេះគឺមានក្រុមវិទ្យាល័យចំនួន ១២ ចូលរួម ហើយបានចំណាយពេលប្រកួតចំនួន ១៤សប្ដាហ៍ បើគិតចាប់ពីថ្ងៃទី១៣ ខែកក្កដារហូតដល់វគ្គផ្ដាច់ព្រ័ត្រ ដែលជាជំនួបកាត់សេចក្ដីរវាងក្រុមវិទ្យាល័យព្រះស៊ីសុវត្ថិ និងក្រុមវិទ្យាល័យឥន្ទ្រទេវីនៅថ្ងៃពុធសប្ដាហ៍នេះ។ សម្រាប់វគ្គផ្ដាច់ព្រ័ត្រនេះ ក្រុមទាំង២ បានបើកការប្រយុទ្ធលើសមរភូមិវាលស្មៅយ៉ាងជក់ចិត្ត ក្រោមក្រសែភ្នែកអ្នកទស្សនាផ្ទាល់រាប់ពាន់នាក់។ វគ្គទី១ ក្រុមវិទ្យាល័យព្រះស៊ីសុវត្ថិបានបើកការនាំមុខក្រុមជើងឯកឆ្នាំចាស់ ២គ្រាប់មុន មុនពួកគេបន្ថែមគ្រាប់ទី៣ នៅវគ្គទី២។ រីឯក្រុមវិទ្យាល័យឥន្ទ្រទេវីបានព្យាយាមវាយបករហូតរកបាន ១គ្រាប់ប៉ុណ្ណោះនៅចុងវគ្គទី២ ហើយបានរក្សាលទ្ធផលនេះដល់ចប់ការប្រកួតតែម្ដង ដោយក្រុមវិទ្យាល័យព្រះស៊ីសុវត្ថិបានយកឈ្នះក្រុមវិទ្យាល័យឥន្ទ្រទេវី ៣-១ ដូចកាលពីក្រុមទាំងពីរជួបគ្នាក្នុងវគ្គជម្រុះដែរ។ជាមួយការដណ្ដើមបានជ័យលាភីនេះដែរ សម្រាប់ក្រុមជើងឯកគឺក្រុមវិទ្យាល័យព្រះស៊ីសុវត្ថិបានទទួលពាន ១ អមប្រាក់រង្វាន់ចំនួន ៦០លានរៀលដែលប្រគល់ដោយឯកឧត្តម ហ៊ុន ម៉ានី។ រីឯចំណាត់ថ្នាក់លេខ២ ក្រុមវិទ្យាល័យឥន្ទ្រទេវី បានទទួលប្រាក់រង្វាន់ចំនួន ៤០លានរៀល និងចំណាត់ថ្នាក់លេខ៣ ក្រុមវិទ្យាល័យ ហ៊ុន សែន សេរីភាព ទទួលបានប្រាក់រង្វាន់ ២០លានរៀល។ ចំណែកពានរង្វាន់ Fair-Play គឺបានទៅក្រុមវិទ្យាល័យ ហ៊ុន សែន ប៊ុន រ៉ានី ច្បារអំពៅ ទទួលបានថវិកាលើកទឹកចិត្ត ៤លារៀល។ ក្រៅពីនេះក៏មានពានរង្វាន់ឯកត្តជនមួយចំនួនទៀតផងដែរ។ សូមបញ្ជាក់ថា ពានរង្វាន់ជើងឯកវិទ្យាល័យបានបង្កើតដំបូងកាលពីឆ្នាំ២០១៩ ក្រោមគំនិតផ្ដួចផ្ដើមរបស់សហភាពសហព័ន្ធយុវជនកម្ពុជារាជធានីភ្នំពេញ និងក្លិបបាល់ទាត់បឹងកេត ដែលអនុញ្ញាត និងគាំទ្រដោយសហព័ន្ធកីឡាបាល់ទាត់កម្ពុជា និងក្រសួងអប់រំ យុវជន និងកីឡា ក្នុងគោលបំណងចូលរួមលើកស្ទួយវិស័យកីឡាបាល់ជាត់ជាតិ ក៏ដូចជាបណ្ដុះស្មារតីដល់យុវជនឲ្យចូលរួមលេងកីឡា ជៀសឆ្ងាយពីគ្រឿងញៀន និងអំពើអបាយមុខផ្សេងៗ។ ម្យ៉ាងក៏ដើម្បីជួយបណ្ដុះយុវជនឲ្យសម្រេចគោលដៅ និងសុបិន្ដក្លាយជាកីឡាករអាជីព សម្រិតសម្រាំងធនធានកីឡាករថ្នាលល្អៗ សម្រាប់បន្ដវេន ព្រមទាំងបង្កើតនូវភាពសប្បាយរីករាយ រឹតចំណងមិត្តភាព សាមគ្គីភាព រវាងសិស្សានុសិស្សតាមគ្រឹះស្ថានសិក្សានានាផងដែរ៕អត្ថបទលី ឈុនឡា

Jurgen Klopp៖ Diogo Jota មិនអាចជួយក្រុមព័រទុយហ្កាល់បានឡើយនៅ World Cup

បាល់ទាត់៖ ខ្សែប្រយុទ្ធ Liverpool, Diogo Jota នឹងមិនអាចជួយក្រុមជម្រើសជាតិព័រទុយហ្កាល់បានឡើយនៅ World Cup ឆ្នាំនេះដោយសារបញ្ហារបួសកំភួនជើង នេះបើតាមការបញ្ជាក់របស់អ្នកចាត់ការ Liverpool លោក Jurgen Klopp។ កីឡាករវ័យ ២៥ឆ្នាំរូបនេះត្រូវបានសែងចេញពីទីលាន អំឡុងការប្រកួតដែល Liverpool យកឈ្នះ Manchester City ១-០ កាលពីថ្ងៃអាទិត្យ។ អ្នកចាត់ការសញ្ជាតិអាល្លឺម៉ង់រូបនេះនិយាយថា Jota ត្រូវសម្រាករយៈពេលវែង រឺច្រើនខែដែលនេះជាដំណឹងដ៏អាក្រក់សម្រាប់ Liverpool និងព័រទុយហ្កាល់ ជាពិសេស Jota ខ្លួនឯង។ រំលឹកថា Diogo Jota បានអវត្តមានច្រើនប្រកួតដែរកាលពីចាប់ផ្តើមរដូវកាលថ្មី English Premier League ដោយសាររបួសសរសៃពួរ មុនពេលត្រលប់មកបង្ហាញខ្លួនបានវិញកាលពីដើមខែកញ្ញាពេល Liverpool ស្មើនៅទឹកដី Everton។ Jota ក៏បានបង្ហាញខ្លួនឱ្យក្រុមជម្រើសជាតិព័រទុយហ្កាល់ដែរ កាលពីចុងខែកញ្ញាកន្លងទៅដោយបានស៊ុតបញ្ចូលទីក្នុងជ័យជំនះ ៤-០ លើសាធារណរដ្ឋឆែក។ Liverpool ត្រូវជួបក្រុមញញួរធំ West Ham យប់នេះសប្តាហ៍ទី១១ ក្របខណ្ឌ English Premier League៕អត្ថបទ៖នាង សុភាវុធ

ក្រោយវះកាត់រួច ច្បាស់ការហើយ N’Golo Kante ត្រូវអវត្តមានពី World Cup

បាល់ទាត់៖ ខ្សែបម្រើក្រុមជំរើសជាតិបារាំង និងតោខៀវ Chelsea, N’Golo Kante ច្បាស់ការហើយគឺត្រូវអវត្តមានពី World Cup នៅកាតាខែក្រោយនេះ បន្ទាប់ពីទទួលការវះកាត់សរសៃពួររួចរាល់។ កីឡាករវ័យ ៣១ឆ្នាំរូបនេះបានទទួលរងរបួសអំឡុងការប្រកួតដែល Chelsea ស្មើ Tottenham Hotspur ២-២ នៅ Stamford Bridge កាលពីថ្ងៃទី១៤ ខែសីហា។ នៅក្នុងសេចក្តីជូនដំណឹងរបស់ Chelsea បានបញ្ជាក់ថា របួសរបស់ Kante ក្រោយការវះកាត់រួចត្រូវសម្រាកយ៉ាងហោចណាស់ ៤ខែ។ N’Golo Kante ដែលឈ្នះជើងឯក World Cup ២០១៨ ជាមួយក្រុមជំរើសជាតិបានហក់ចូលក្នុងបញ្ជីកីឡាកររបួសនៅក្របខណ្ឌ English Premier League ដែលត្រូវអវត្តមានពី World Cup បន្ទាប់ពី Reece James ក៏ដូចជា Diogo Jota៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ronnie O’Sullivan ធ្លាក់ត្រឹមជុំទី២ ស្នូកឃ័រជើងឯក Northern Ireland Open

ខ្សែការពាររបួសច្រើនពេក Gareth Southgate ចាប់ផ្តើមតាមដានខ្សែការពារ Liverpool, Joe Gomez

Martinelli និង Zinchenko អវត្តមានពីការហ្វឹកហាត់របស់ Arsenal មុនជួប PSV យប់នេះ

Real Madrid ឈ្នះនៅផ្ទះ Elche ឡើងនាំមុខដាច់ ៦ពិន្ទុពី Barcelona

Bayern Munich តាមពីក្រោយយកឈ្នះ Augsburg ៥-២ ឡើងជុំទី៣ អាល្លឺម៉ង់ខាប់

អត់បានចូលលេងទល់នឹង Spurs យប់មិញ Ronaldo ដើរចេញពីទីលានមុនការប្រកួតចប់

ក្រុមបាល់ទះជម្រើសជាតិកម្ពុជាប្រកួតមិត្តភាពជាមួយគុយបាយប់នេះ

ក្រុមបាល់ទាត់ព្រះស៊ីសុវត្ថិលើកពានជើងឯកវិទ្យាល័យរដូវកាលទី២ ក្រោយឈ្នះក្រុមជើងឯកឆ្នាំចាស់ ៣-១

Jurgen Klopp៖ Diogo Jota មិនអាចជួយក្រុមព័រទុយហ្កាល់បានឡើយនៅ World Cup

ក្រោយវះកាត់រួច ច្បាស់ការហើយ N’Golo Kante ត្រូវអវត្តមានពី World Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Ronnie O’Sullivan ធ្លាក់​ត្រឹម​ជុំ​ទី២ ស្នូកឃ័រ​ជើងឯក Northern Ireland Open

ខ្សែការពារ​របួស​ច្រើន​ពេក Gareth Southgate ចាប់ផ្តើម​តាមដាន​ខ្សែការពារ Liverpool, Joe Gomez

Martinelli និង Zinchenko អវត្តមាន​ពី​ការហ្វឹកហាត់​របស់ Arsenal មុន​ជួប PSV យប់​នេះ​

Real Madrid ឈ្នះ​នៅផ្ទះ Elche ឡើង​នាំ​មុខដាច់ ៦​ពិន្ទុ​ពី Barcelona

Bayern Munich តាម​ពីក្រោយ​យកឈ្នះ Augsburg ៥-២ ឡើង​ជុំ​ទី៣ អាល្លឺម៉ង់​ខាប់

អត់​បាន​ចូល​លេង​ទល់នឹង Spurs យប់មិញ Ronaldo ដើរ​ចេញពី​ទីលាន​មុន​ការប្រកួត​ចប់

ក្រុម​បាល់ទះ​ជម្រើសជាតិ​កម្ពុជា​ប្រកួត​មិត្តភាព​ជាមួយ​គុយបា​យប់​នេះ

Jurgen Klopp៖ Diogo Jota មិន​អាចជួយ​ក្រុម​ព័រទុយហ្កាល់​បានឡើយ​នៅ World Cup

ក្រោយ​វះកាត់​រួច ច្បាស់​ការ​ហើយ N’Golo Kante ត្រូវ​អវត្តមាន​ពី World Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Ronnie O’Sullivan ធ្លាក់ត្រឹមជុំទី២ ស្នូកឃ័រជើងឯក Northern Ireland Open

ខ្សែការពាររបួសច្រើនពេក Gareth Southgate ចាប់ផ្តើមតាមដានខ្សែការពារ Liverpool, Joe Gomez

Martinelli និង Zinchenko អវត្តមានពីការហ្វឹកហាត់របស់ Arsenal មុនជួប PSV យប់នេះ

Real Madrid ឈ្នះនៅផ្ទះ Elche ឡើងនាំមុខដាច់ ៦ពិន្ទុពី Barcelona

Bayern Munich តាមពីក្រោយយកឈ្នះ Augsburg ៥-២ ឡើងជុំទី៣ អាល្លឺម៉ង់ខាប់

អត់បានចូលលេងទល់នឹង Spurs យប់មិញ Ronaldo ដើរចេញពីទីលានមុនការប្រកួតចប់

ក្រុមបាល់ទះជម្រើសជាតិកម្ពុជាប្រកួតមិត្តភាពជាមួយគុយបាយប់នេះ

Jurgen Klopp៖ Diogo Jota មិនអាចជួយក្រុមព័រទុយហ្កាល់បានឡើយនៅ World Cup

ក្រោយវះកាត់រួច ច្បាស់ការហើយ N’Golo Kante ត្រូវអវត្តមានពី World Cup