BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Coco Gauff នឹងក្លាយជាកីឡាការិនីវាយកូនបាល់ក្មេងបំផុតតាំងពីឆ្នាំ២០០៥ ដែលបង្ហាញខ្លួននៅ WTA Finals

វាយកូនបាល់៖ កីឡាការិនីវាយកូនបាល់អាមេរិក Coco Gauff នឹងក្លាយជាកីឡាការិនីវ័យក្មេងបំផុតតាំងពីឆ្នាំ២០០៥ ដែលនឹងបង្ហាញខ្លួននៅព្រឹត្តិការណ៍បិទរដូវកាល WTA Finals លើវិញ្ញាសាឯកត្តជននារី។ កីឡាការិនីវ័យ ១៨ឆ្នាំរូបនេះក៏នឹងប្រកួតវិញ្ញាសាវាយគូក្នុងព្រឹត្តិការណ៍ WTA Finals នេះដែរដោយនឹងចាប់ដៃគូជាមួយ Jessica Pegula។ Coco Gauff និង Jessica Pegula នឹងក្លាយជាកីឡាការិនីអាមេរិកទី១ ដែលនឹងចូលរួមការប្រកួត WTA Finals ទាំងវាយទោល និងវាយគូតាំងពីឆ្នាំ២០០៩ ដែលធ្វើបានដោយ Serena Williams និងបងស្រី Venus Williams។ Coco Gauff ទទួលបានកៅអី WTA Finals ចុងខែនេះក្រោយឈានឡើងជុំទី៣ នៃព្រឹត្តិការណ៍វាយកូនបាល់ Guadalajara Open នៅប្រទេសម៉ិកស៊ិក។ WTA Finals នឹងរៀបចំនៅទីក្រុង Fort Worth រដ្ឋតិចសាសសហរដ្ឋអាមេរិកពីថ្ងៃទី៣១ ខែតុលានេះដល់ថ្ងៃទី៧ ខែវិច្ឆិកា។ Coco Gauff នៅពេលនោះនឹងជាកីឡាការិនីវ័យក្មេងបំផុតដែលបង្ហាញខ្លួននៅ WTA Finals បន្ទាប់ពី Lindsay Davenport ដែលធ្វើបានបែបនេះកាលពី ២៨ឆ្នាំមុន៕អត្ថបទ៖នាង សុភាវុធ

អ្នកគាំទ្រនៅកាតាជួបជុំគ្នាអបអររាប់ថយក្រោយ ១ខែទៀតដល់ World Cup

បាល់ទាត់៖ អ្នកគាំទ្របាល់ទាត់នៅកាតាបានជុំគ្នាសប្បាយរីករាយបាត់ទៅហើយ ដើម្បីអបអរការរាប់ថយក្រោយ ១ខែទៀតឈានដល់ព្រឹត្តិការណ៍បាល់ទាត់ពិភពលោក FIFA World Cup 2022 ដែលជា World Cup លើកដំបូងក្នុងទឹកដីមជ្ឈិមបូព៌ា។ នៅថ្ងៃទី២០ ខែវិច្ឆិកាខាងមុខ ព្រឹត្តិការណ៍បាល់ទាត់ធំបំផុតលើលោកនឹងចាប់ផ្តើម ប៉ុន្មានម៉ោងប៉ុណ្ណោះបន្ទាប់ពីថ្ងៃលិចនៅកីឡដ្ឋាន Al Bayt ដែលអាចផ្ទុកអ្នកទស្សនាបាន ៦០,០០០នាក់ ជាកីឡដ្ឋានថ្មីសន្លាងដែលសាងសង់សម្រាប់ World Cup ឆ្នាំនេះ។ ការប្រកួតទាំង ៦៤ ក្នុងរយៈពេល ២៩ថ្ងៃដែលមានក្រុមចំនួន ៣២ នឹងត្រូវធ្វើឡើងនៅក្នុងទីក្រុងដូហា ជាមួយនឹងកម្មវិធី និងព្រឹត្តិការណ៍វប្បធម៌ជាច្រើនទៀតនឹងត្រូវរៀបចំឡើង។ ភ្ញៀវទេសចរប្រហែល ១.២លាននាក់ត្រូវបានគេរំពឹងថាមកកាន់ប្រទេសកាតា សម្រាប់ការប្រកួតបាល់ទាត់ពិភពលោកលើកដំបូង នៅលើទឹកដីមជ្ឈឹមបូព៌ានេះ។កាតាកំពុងញាប់ដៃញាប់ជើង ដើម្បីបង្ហើយការងារដែលនៅសេសសល់មួយចំនួនក្នុងការរៀបចំ World Cup នៅខែក្រោយនេះ ពោលគឺកាតានឹងបើកទទួលភ្ញៀវទេសចរ World Cup ចាប់ពីថ្ងៃទី១ ខែវិច្ឆិកាខាងមុខនេះ ជាពេលដែលកាត Hayya ចាប់ផ្តើមសុពលភាព។ រាល់ភ្ញៀវទេសចរណ៍ដែលមកកាន់កាតា ទោះបីជាគ្មានគម្រោងមកទស្សនា World Cup ក្តី ត្រូវការចាំបាច់ឱ្យមានកាត Hayya នេះដើម្បីចូលប្រទេសកាតាបានអំឡុងព្រឹត្តិការណ៍ World Cup៕អត្ថបទ៖នាង សុភាវុធ

Steven Gerrard ត្រូវដកតំណែងហើយក្រោយ Aston Villa ចាញ់នៅទឹកដី Fulham ៣-០

បាល់ទាត់៖ ក្លិប Aston Villa បានសំរេចបញ្ចប់តំណែងអ្នកចាត់ការលោក Steven Gerrard ហើយបន្ទាប់ពីចាញ់នៅទឹកដី Fulham ៣-០ ក្របខណ្ឌ English Premier League យប់មិញ។ Aston Villa ឈ្នះតែ ២ប្រកួតប៉ុណ្ណោះរដូវកាលនេះក្រៅពីនោះស្មើ៣ និងចាញ់ ៦ ធ្លាក់ខ្លួនដល់លេខ ១៧ ក្នុងតារាងឈរពីលើតំបន់គ្រោះថ្នាក់ដោយសារគ្រាប់បាល់ចំណេញប៉ុណ្ណោះ។ លោក Steven Gerrard បានចូលមកកាន់តំណែងដឹកនាំ Aston Villa កាលពីខែវិច្ឆិកា ឆ្នាំ២០២១ បន្តតំណែងពីលោក Dean Smith បន្ទាប់ពីលាលែងពីក្លិបស្កុតឡេន Glasgow Rangers។ តែអតីតខ្សែបម្រើក្រុមជំរើសជាតិអង់គ្លេស និង Liverpool វ័យ ៤២ឆ្នាំរូបនេះដឹកនាំ Aston Villa ឈ្នះតែ ១៣ប្រកួតប៉ុណ្ណោះក្នុងចំណោម ៤០ប្រកួតក្នុងតំណែង។ ក្នុងរជ្ជកាលរបស់ Steven Gerrard, Aston Villa ក៏បាននាំយកកីឡាករសំខាន់ៗមួយចំនួនផងដែរដូចជា Philippe Coutinho ខ្សែការពារ Sevilla, Diego Carlos និងខ្សែបម្រើបារាំង Boubakar Kamara ជាដើម។យ៉ាងណាក្តី Diego Carlos រងរបួសពេលបើករដូវកាលស្របពេលដែល Kamara ក៏របួសដល់ឆ្នាំថ្មី។ រំលឹកថា Steven Gerrard ដែលលេងជាង ៧០០ប្រកួតឱ្យ Liverpool នោះបានចាប់ផ្តើមអាជីពជាអ្នកចាត់ការរបស់ខ្លួនកាលពីឆ្នាំ២០១៨ ដឹកនាំ Rangers ឈ្នះពានលីគកំពូលស្កុតឡេនលើកដំបូងក្នុងរយៈពេល ១០ឆ្នាំ៕អត្ថបទ៖នាង សុភាវុធ

Xhaka ស៊ុតគ្រាប់ជ័យជំនះឲ្យ Arsenal ឡើងវគ្គ ១៦ក្រុមចុងក្រោយ Europa League

បាល់ទាត់៖ ក្រុមនាំមុខគេនៅ English Premier League កាំភ្លើងធំ Arsenal បានកក់កៅអីនៅវគ្គ ១៦ក្រុមចុងក្រោយនៃក្របខណ្ឌ UEFA Europa League ហើយក្រោយយកឈ្នះក្រុមហូឡង់ PSV Eindhoven យប់មិញ ១-០។ គ្រាប់បាល់ជ័យជំនះមួយគ្រាប់គត់របស់ Arsenal សម្រេចបានដោយ Granit Xhaka នៅនាទីទី៧០ ដែលធ្វើឱ្យក្រុមរបស់លោក Mikel Arteta ឈ្នះពេញទាំង ៤ប្រកួតនៅក្នុងពូល A មាន ១២ពិន្ទុ។ នេះក៏ជាជ័យជំនះ ៨ប្រកួតជាប់គ្នាគ្រប់ក្របខណ្ឌផងដែរសម្រាប់ Arsenal តាំងពីចាញ់ Manchester United នៅ Old Trafford។ អ្វីដែល Arsenal ត្រូវធ្វើបន្ទាប់នោះគឺរកត្រឹម ១ពិន្ទុទៀតប៉ុណ្ណោះដើម្បីធានាថាជាក្រុមលេខ១ ក្នុងពូល នៅពេលត្រលប់ទៅទឹកដីហូឡង់វិញសប្តាហ៍ក្រោយ៕អត្ថបទ៖នាង សុភាវុធ

Tyson Fury និង Derek Chisora នឹងជួបគ្នាលើកទី៣ ចុងឆ្នាំនេះ

ប្រដាល់៖ កំពូលកីឡាករប្រដាល់ទំងន់ធ្ងន់ពីររូប Tyson Fury និង Derek Chisora នឹងឡើងសង្វៀនជួបគ្នាជាលើកទី៣ នៅថ្ងៃទី៣ ខែធ្នូចុងឆ្នាំនេះ បន្ទាប់ពីការបញ្ជាក់ច្បាស់ដោយប្រូម៉ូទ័រ Frank Warren នៅថ្ងៃព្រហស្បតិ៍ម្សិលមិញ។ កីឡាករវ័យ ៣៤ឆ្នាំ Tyson Fury នឹងឡើងការពារខ្សែក្រវាត់ទំងន់ធ្ងន់ WBC របស់ខ្លួនជាលើកទី៣ ទល់នឹង Derek Chisora ដែលខ្លួនធ្លាប់ឈ្នះពីរលើកមកហើយ។ ជំនួបរវាងអ្នកទាំងពីរកាលពី ២លើកមុន Tyson Fury បានយកឈ្នះ Derek Chisora ទាំងពីរប្រកួតនៅឆ្នាំ២០១១ និង ២០១៤។ តាមពិតទៅ Tyson Fury ត្រូវបានគេរំពឹងថានឹងអាចជួបជាមួយ Anthony Joshua នៅខែធ្នូខាងមុខតែការចរចាមិនបានសំរេច។ Tyson Fury មិនទាន់ចាញ់ការប្រកួតណាមួយឡើយចំនួន ៣២ប្រកួតនៃអាជីពរបស់ខ្លួន ខណៈដែលកីឡាករវ័យ ៣៨ឆ្នាំ Derek Chisora កំពុងស្ថិតក្នុងដំណើរចុងក្រោយនៃអាជីពរបស់ខ្លួន បន្ទាប់ពីចាញ់ ៣ ក្នុងចំណោម ៤ប្រកួតចុងក្រោយ។កាលពីខែកក្កដាកន្លងទៅ Derek Chisora បានបញ្ចប់បរាជ័យ ៣ប្រកួតផ្ទួនៗរបស់ខ្លួនដោយយកឈ្នះ Kubrat Pulev តែ Tyson Fury នឹងឡើងសង្វៀនលើកដំបូងតាំងពីយកឈ្នះ Dallian Whyte នៅ Wembley កាលពីខែមេសា។ ជំនួបរវាង Tyson Fury និង Derek Chisora លើកទី៣ នឹងធ្វើឡើងនៅថ្ងៃទី៣ ខែធ្នូនៅកីឡដ្ឋានបាល់ទាត់របស់ Tottenham Hotspur៕អត្ថបទ៖នាង សុភាវុធ

FFC ប្រកាសរំសាយយុវជន ៩រូបទៀតក្រោយបញ្ចប់ការសិក្សានៅសាលាបាល់ទាត់ជាតិបាទី

បាល់ទាត់៖ សហព័ន្ធកីឡាបាល់ទាត់កម្ពុជា (FFC) បានប្រកាសរំសាយយុវជនចំនួន ៩រូបទៀតបន្ទាប់ពីបញ្ចប់ការសិក្សានៅមជ្ឈមណ្ឌល និងសាលាបាល់ទាត់ជាតិបាទីក្នុងឆ្នាំ២០២២ នេះ។ យុវជន ៩រូបដែលត្រូវចាកចេញពីបណ្ដុះបណ្ដាលបាល់ទាត់ គ្រប់គ្រងដោយសហព័ន្ធនេះរួមមានកីឡាករ យ៉ង ភូមិន្ទ, អ៊ាវ សុវណ្ណារ៉ា, ហួត វ៉ាន់ណេត, ម៉េង សុភា, សួន សាវឌី, រ៉េត លីហេង, ឃាន់ សុបិន, ហេង សុវណ្ណបញ្ញា និង ចាន់វិបុល ដាវីដ ដែលពួកគេភាគច្រើនកើតនៅឆ្នាំ២០០៤ លើកលែងកីឡាករ អ៊ាង សុវណ្ណារ៉ា និង សួន សាវឌី ដែលកើតនៅឆ្នាំ២០០៥។ តាមរយៈការប្រកាសពីការបញ្ចប់ការសិក្សារបស់យុវជនទាំង ៩រូបប្រៀបបានការជូនដំណឹងដល់បណ្ដាក្លិបនានា ក្នុងការនាំយកពួកគេទៅរួមរស់ជាមួយក្លិបដើម្បីបន្ដអាជីព និងអភិវឌ្ឍន៍សមត្ថភាពបន្ថែមជាមួយលក្ខខណ្ឌងាយស្រួល ដែលសម្របសម្រួលដោយសហព័ន្ធកីឡាបាល់ទាត់កម្ពុជា ដោយគ្មានការយកកម្រៃពីក្លិបណាមួយឡើយ ដោយគោរពតាមគោលការណ៍របស់ថ្នាក់ដឹកនាំសហព័ន្ធ ដើម្បីរួមចំណែកជួយដល់ក្លិបក្នុងការកសាង និងអភិវឌ្ឍន៍ធនធានកីឡាករយុវជ ជំរុញឲ្យវិស័យបាល់ទាត់កម្ពុជាកាន់តែរីកចម្រើនថែមទៀត។គេចាំបានថា គិតចាប់ពីឆ្នាំ២០១៨ រហូតមកទល់បច្ចុប្បន្ន នៅរៀងរាល់ចុងឆ្នាំសហព័ន្ធកីឡាបាល់ទាត់កម្ពុជា តែងតែប្រកាសពីយុវជនតិច ឬច្រើនដែលបញ្ចប់ការសិក្សានៅសាលាបាល់ទាត់ជាតិបាទី ដើម្បីរំសាយឲ្យពួកគេបានចេញទៅប្រកបអាជីពតាមបណ្ដាក្លិបផ្សេងៗ ហើយមកទល់ពេលនេះមានយុវជនជាច្រើន ដែលកើតចេញពីមូលដ្ឋាននៅទឹកដីខេត្តតាកែវនេះ កំពុងប្រកបអាជីពជាមួយបណ្ដាក្លិបតូចធំនានា ហើយបានរួមចំណែកជួយក្រុមជម្រើសជាតិកម្ពុជាជាច្រើនដូចជា សៀង ចន្ធា, ទេស សម្បត្តិ និងកីឡាករជាច្រើនរូបទៀត៕អត្ថបទ៖ លី ឈុនឡា

Ronaldo ត្រូវដកពីបញ្ជីឈ្មោះរបស់ Manchester United ពេលជួប Chelsea សប្តាហ៍នេះ

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo កំពុងស្ថិតក្នុងចំនុចក្តៅជាមួយក្លិបបិសាចក្រហម Manchester United ដែលឈានដល់ការកាត់ឈ្មោះចេញពីបញ្ជីពេលទៅទឹកដី Chelsea ចុងសប្តាហ៍នេះ។ កីឡាករវ័យ ៣៨ឆ្នាំរូបនេះបានដើរចេញពីទីលានមុនការប្រកួតចប់នៅពេល Manchester United យកឈ្នះ Tottenham Hotspur ២-០ កាលពីយប់ថ្ងៃពុធ។ ក្នុងនាមជាកីឡាករបម្រុងដែលមិនត្រូវបានប្រើប្រាស់ ជាអ្វីដែលអ្នកគាំទ្រគិតថា Ronaldo សម្រេចចិត្តដើរចេញពីទីលាន តែសារព័ត៌មានអង់គ្លេសមួយចំនួនបានចុះផ្សាយថា មូលហេតុដែលអតីតខ្សែប្រយុទ្ធ Real Madrid រូបនេះដើរចេញពីលានមុនចប់នោះ គឺដោយសារគាត់បដិសេធមិនព្រមដូរចូលនៅចុងម៉ោង នោះទើបដើរចេញតែម្តង។ Ronaldo បានដើរចេញពីទីលាននៅនាទីទី៨៩ ភ្លាមៗបន្ទាប់ពីកីឡាករពីររូបត្រូវបានដូរចូលរួមមាន Christian Eriksen និង Anthony Elanga។ បញ្ហារបស់ Ronaldo កាត់តែក្តៅនៅ Old Trafford ដែលបានបន្សល់នូវអនុស្សាវរីយ៍ដ៏អាក្រក់មួយផងដែរចំពោះអ្នកគាំទ្រ ជាពិសេសចំពោះក្លិបដែលខ្លួនចាប់ផ្តើមអាជីពដ៏ជោគជ័យមកដល់ពេលនេះ។អ្នកវិភាគបាល់ទាត់ភាគច្រើននៅអង់គ្លេសបានលើកឡើងស្រដៀងគ្នាថា ទង្វើររបស់ Ronaldo បានបង្ហាញពីអាកប្បកិរិយាមិនគោរពចំពោះក្លិប ចំពោះគ្រូបង្វឹក ចំពោះអ្នករាល់គ្នា។ ការសំរេចចិត្តមិនដាក់ឈ្មោះ Ronaldo នៅពេល Manchester United ធ្វើដំណើរទៅទឹកដី Chelsea ចុងសប្តាហ៍នេះរបស់លោក Erik ten Hag ចាត់ទុកថា ជាវិធានការវិន័យមួយតឹងរ៉ឹងតបស្នងទៅលើអ្វីដែល Ronaldo និងជាមេរៀនមួយសម្រាប់កីឡាករផ្សេងទៀតនៅក្នុងក្លិប។ ការធ្វើបែបនេះរបស់អ្នកចាត់ការសញ្ជាតិហូឡង់រូបនេះ បានទទួលការគាំទ្រក្លិប និងអ្នកគាំទ្រភាគច្រើនផងដែរ៕អត្ថបទ៖នាង សុភាវុធ

វគ្គផ្ដាច់ព្រ័ត្រពានសម្ដេចតេជោ ហ៊ុន សែន នឹងធ្វើឡើងលើកទី៣ លើទឹកដីក្លិបភ្នំពេញក្រោន

បាល់ទាត់៖ កីឡដ្ឋាន Smart RSN នៃក្លិបភ្នំពេញក្រោនត្រូវបានជ្រើសរើសជាទឹកដីកណ្ដាល សម្រាប់ការប្រកួតវគ្គផ្ដាច់ព្រ័ត្រនៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ រវាងក្រុមបឹងកេត និងវិសាខាដែលគ្រោងធ្វើការប្រកួតនាថ្ងៃទី០៦ ខែវិច្ឆិកា ឆ្នាំ២០២២ ខាងមុខ។ នេះជាលើក៣ ហើយដែលការប្រកួតដំណាក់កាលលើកពាន បានរៀបចំឡើងនៅទឹកដីរបស់ក្លិបភ្នំពេញក្រោន បន្ទាប់ពីឆ្នាំ២០១៩ ដែលគ្រងតំណែងជើងឯកដោយក្រុមបឹងកេត និងឆ្នាំ២០២១ គ្រងតំណែងជើងឯកដោយក្រុមវិសាខា មុនក្រុមខ្លាំងទាំងពីរត្រូវជួបគ្នាក្នុងវគ្គផ្ដាច់ព្រ័ត្រនាដើមខែក្រោយ។ មុនឈានដល់វគ្គផ្ដាច់ព្រ័ត្រ បឹងកេតគឺបានយកឈ្នះក្រុមអគ្គិសនីកម្ពុជាទាំង ២ជើងក្នុងលទ្ធផល ៥-០ ក្នុងនោះជើងទី១ បឹងកេតបានទទួលជ័យជម្នះក្នុងដី ៣-០ និងជើងទី២ ពួកគេបានយកឈ្នះក្រៅដី ២-០។ រីឯវិសាខាបានយកឈ្នះភ្នំពេញក្រោនទាំង ២ជើងដោយលទ្ធផល ៤-២ ពោលគឺទាំងក្នុងដី និងក្រៅដី វិសាខាបានទទួលជ័យជម្នះ ២-១ ដូចគ្នា។គួរដឹងថា វិសាខា បានគ្រងជើងឯកពានរង្វាន់សម្ដេចតេជោ ២សម័យមកហើយកាលពីឆ្នាំ២០២០ និងឆ្នាំ២០២១ ខណៈបឹងកេតធ្លាប់បានលើកពានម្ដងកាលពីឆ្នាំ២០១៩។ នេះជាលើកដំបូងហើយដែលក្រុមទាំងពីរបានជួបគ្នានៅវគ្គផ្ដាច់ព្រ័ត្រ ដ្បិតកន្លងមក បឹងកេត និងវិសាខាធ្លាប់បានជួបគ្នាត្រឹមវគ្គពាក់កណ្ដាលផ្ដាច់ព្រ័ត្រប៉ុណ្ណោះ។ ប៉ុន្ដែមុនឈានដល់ការប្រកួតវគ្គផ្ដាច់ព្រ័ត្រនេះ ក៏នឹងមានជំនួបដណ្ដើមចំណាត់ថ្នាក់លេខ៣ រវាងភ្នំពេញក្រោន និងអគ្គិសនីកម្ពុជានៅរសៀលថ្ងៃជាមួយគ្នានោះផងដែរ៕អត្ថបទ៖ លី ឈុនឡា

ពេជ្រ សម្បតិ្ត និងគ្រូបង្វឹកសង្ឃឹមយកខ្សែក្រវាត់ខារ៉ាបាវជូនអ្នកគាំទ្រគុនខ្មែរឱ្យបាន

គុនខ្មែរ៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ប្រភេទទំងន់ ៦០គីឡូក្រាមនឹងឈានដល់វគ្គផ្តាច់ព្រ័ត្រហើយនៅថ្ងៃអាទិត្យចុងសប្តាហ៍នេះ។ ការប្រកួតនៅសង្វៀនស្ទូឌីយោស្ទឹងមានជ័យរបស់អគ្គនាយកដ្ឋានវិទ្យា និងទូរទស្សន៍បាយ័ននឹងពេញដោយអ្នកគាំទ្រមកទស្សនាផ្ទាល់ច្រើនណែនណាន់តាន់តាប់ ដើម្បីគាំទ្រគុនខ្មែរជាពិសេសកីឡាករ ពេជ្រ សម្បត្តិ ដែលឡើងមកដល់វគ្គផ្តាច់ព្រ័ត្រជួបជាមួយកីឡាករថៃ ផាត់ថាណា ស៊ីតអាចានវីន។ ជាពន្លកកីឡាករគុនខ្មែរវ័យក្មេង និងមានបទពិសោធប្រកួតមិនដល់ ២ឆ្នាំផង ពេជ្រ សម្បតិ្ត បានឆក់យកបេះដូងអ្នកគាំទ្រគុនខ្មែរទូទាំងប្រទេស ពីក្មេងម្នាក់ដែលគេមើលស្រាលសមត្ថភាពពេលចាប់ផ្តើមអាជីព រហូតខ្វះមួយជំហ៊ានទៀតប៉ុណ្ណោះដើម្បីគ្រងខ្សែក្រវាត់នៅសង្វៀនដែលមានការគាំទ្រខ្លាំងបំផុតនៅប្រទេសកម្ពុជា។ ជុំវិញការត្រៀមលក្ខណៈមុនការប្រកួតវគ្គផ្តាច់ព្រ័ត្រនេះ ពេជ្រ សម្បតិ្ត បានឱ្យដឹងថា ត្រៀមខ្លួនបានល្អដើម្បីនាំយកខ្សែក្រវាត់ជូនអ្នកគាំទ្រគុនខ្មែរ។ចំណែកគ្រូបង្វឹកផ្ទាល់របស់ ពេជ្រ សម្បត្តិ ដែលជាអតីតកំពូលកីឡាករប្រដាល់គុនខ្មែរមួយរូបគឺលោក ពេជ្រ សុផាន់ជឿជាក់ថា ពេជ្រ សម្បត្តិ អាចធ្វើបាន និងសង្ឃឹមច្រើនទៅលើ ពេជ្រ សម្បត្តិ ក៏ដូចជាអំពាវនាវឱ្យបងប្អូនអ្នកគាំទ្រគុនខ្មែរបន្តគាំទ្រ និងលើកទឹកចិត្តឱ្យ ពេជ្រ សម្បតិ្ត ជោគជ័យថ្ងៃអាទិត្យនេះ។ សូមបញ្ជាក់ថា ក្រៅពីគូពេជ្រ សម្បតិ្តជួបជាមួយ ផាត់ថាណាស៊ីតអាចានវីន នៅវគ្គផ្តាច់ព្រ័ត្រ ក៏នឹងមានការប្រកួតដណ្តើមចំណាត់ថ្នាក់លេខ៣ ផងដែរដែលជាជំនួបរវាងអ្នកចាញ់នៅវគ្គពាក់កណ្តាលផ្តាច់ព្រ័ត្រទាំងពីរ ធន់ ផានិត ជួបជាមួយកីឡាករថៃ ទួនប៉េ ស៊ីតសាមផាយ៉ាក។ ការប្រកួតនឹងចាប់ផ្តើមពីវេលាម៉ោង ៦ល្ងាចតទៅផ្សាយផ្ទាល់តាមរយៈកញ្ចក់ទូរទស្សន៍បាយ័ន និងផេកផ្លូវការនៅបណ្តាញសង្គមហ្វេសប៊ុកផងដែរ៕អត្ថបទ៖នាង សុភាវុធ

ក្រុមកីឡាវាយកូនបាល់កម្ពុជាឡើងវគ្គផ្ដាច់ព្រ័ត្រ Davis Cup ក្រុម៤ ក្រោយឈ្នះ ៣ប្រកួតជាប់គ្នា

វាយកូនបាល់៖ ក្រុមកីឡាវាយកូនបាល់ជម្រើសជាតិកម្ពុជា បានឡើងវគ្គផ្ដាច់ព្រ័ត្រនៃព្រឹត្តិការណ៍ Davis Cup ក្រុម៤ ប្រចាំតំបន់អាស៊ី/អូសេអានីឆ្នាំ២០២២ បន្ទាប់ពីដណ្ដើមបានជ័យជម្នះ ៣ប្រកួតផ្ទួនៗក្នុងពូល A គ្រាដែលប្រកួតបញ្ចប់ពូលកាលពីល្ងាចថ្ងៃទី២០ ខែតុលាម្សិលមិញ កម្ពុជាបានយកឈ្នះក្រុមទួកមេនីស្ថានដោយលទ្ធផល ២-១។ ជំនួបបញ្ចប់ពូល A លើទឹកដីប្រទេសបារ៉ែននេះបានបញ្ចប់ការប្រកួតយ៉ាងស្វិតស្វាញ ដោយការប្រកួតបើកឆាកសម្រាប់វិញ្ញាសាឯកត្តជនដំបូង កីឡាករកម្ពុជា ឡុង សំនៀង បានយកឈ្នះកីឡាករ Rogusskiy, Y. នៅសិតទី១ ដោយពិន្ទុ ៦-៣ មុនកីឡាករទួកមេនីស្ថានរូបនេះវាយបកយកឈ្នះវិញនៅសិតទី២ និងសិតទី៣ ដោយពិន្ទុ ៧-៥ និង ៦-៣។ យ៉ាងណាក្ដីសម្រាប់វិញ្ញាសាឯកត្តជនទី២ កម្ពុជាកម្ពុជា ប៊ុន កេន្នី បានដណ្ដើមជ័យជម្នះវិញដោយបានយកឈ្នះកីឡាករ Orazmuhamedow Meylis ដោយលទ្ធផល ២-០សិតជាមួយពិន្ទុ ៦-១ និង ៦-០ មុន ប៊ុន កេន្នី ចាប់ដៃគូជាមួយកីឡាករកូនកាត់ខ្មែរ-អាមេរិក Mathew Krusling យកឈ្នះក្រុមទួកមេនីស្ថានដែលមានកីឡាករ Orazmuhamedow Meylis និង Rogusskiy, Y. ដោយលទ្ធផល ២-០សិតជាមួយពិន្ទុ ៦-១ និង ៦-១ ដូចគ្នា។នេះគឺជាជ័យជម្នះលើកទី៣ ក្នុងពូល A របស់កម្ពុជា បន្ទាប់ពីប្រកួតបើកឆាកឈ្នះប៊ូតាន ៣-០ និងប្រកួតបន្ទាប់ឈ្នះម៉ុងហ្គោលី ៣-០។ តាមរយៈជ័យជម្នះ ៣ប្រកួតផ្ទួនៗនេះ ធ្វើឲ្យកម្ពុជាឈរកំពូលតារាងពូល A ដែលត្រូវឡើងទៅវគ្គផ្ដាច់ព្រ័ត្រដោយត្រូវជួបក្រុមលេខ១ នៃពូល B គឺក្រុមជម្រើសជាតិសិង្ហបុរីដែលគ្រោងប្រកួតកាត់សេចក្ដីនាថ្ងៃទី២២ ខែតុលាចុងសប្ដាហ៍នេះ ខណៈក្រុមទទួលបានជ័យជម្នះនឹងទទួលបានកៅអីក្រុម៣ នៃព្រឹត្តិការណ៍ Davis Cup 2023 ។ នេះបើតាមការបញ្ជាក់របស់មន្ដ្រីសហព័ន្ធកីឡាវាយកូនបាល់កម្ពុជាពីប្រទេសបារ៉ែន ដោយពុំមានការប្រកួតខ្វែងនោះទេ ពោលគឺក្រុមឈរលេខ១ នៃពូល A និងពូល B បន្ទាប់ពីបញ្ចប់ការប្រកួតសន្សំពិន្ទុក្នុងពូលនីមួយៗនឹងត្រូវជួបគ្នាដណ្ដើមជើងឯកតែម្ដង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Coco Gauff នឹងក្លាយជាកីឡាការិនីវាយកូនបាល់ក្មេងបំផុតតាំងពីឆ្នាំ២០០៥ ដែលបង្ហាញខ្លួននៅ WTA Finals

អ្នកគាំទ្រនៅកាតាជួបជុំគ្នាអបអររាប់ថយក្រោយ ១ខែទៀតដល់ World Cup

Steven Gerrard ត្រូវដកតំណែងហើយក្រោយ Aston Villa ចាញ់នៅទឹកដី Fulham ៣-០

Xhaka ស៊ុតគ្រាប់ជ័យជំនះឲ្យ Arsenal ឡើងវគ្គ ១៦ក្រុមចុងក្រោយ Europa League

Tyson Fury និង Derek Chisora នឹងជួបគ្នាលើកទី៣ ចុងឆ្នាំនេះ

FFC ប្រកាសរំសាយយុវជន ៩រូបទៀតក្រោយបញ្ចប់ការសិក្សានៅសាលាបាល់ទាត់ជាតិបាទី

Ronaldo ត្រូវដកពីបញ្ជីឈ្មោះរបស់ Manchester United ពេលជួប Chelsea សប្តាហ៍នេះ

វគ្គផ្ដាច់ព្រ័ត្រពានសម្ដេចតេជោ ហ៊ុន សែន នឹងធ្វើឡើងលើកទី៣ លើទឹកដីក្លិបភ្នំពេញក្រោន

ពេជ្រ សម្បតិ្ត និងគ្រូបង្វឹកសង្ឃឹមយកខ្សែក្រវាត់ខារ៉ាបាវជូនអ្នកគាំទ្រគុនខ្មែរឱ្យបាន

ក្រុមកីឡាវាយកូនបាល់កម្ពុជាឡើងវគ្គផ្ដាច់ព្រ័ត្រ Davis Cup ក្រុម៤ ក្រោយឈ្នះ ៣ប្រកួតជាប់គ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Coco Gauff នឹង​ក្លាយជា​កីឡាការិនី​វាយ​កូន​បាល់​ក្មេង​បំផុត​តាំងពី​ឆ្នាំ​២០០៥ ដែល​បង្ហាញខ្លួន​នៅ WTA Finals

អ្នកគាំទ្រ​នៅ​កាតា​ជួបជុំគ្នា​អបអរ​រាប់​ថយក្រោយ ១​ខែ​ទៀត​ដល់ World Cup

Steven Gerrard ត្រូវ​ដកតំណែង​ហើយ​ក្រោយ Aston Villa ចាញ់​នៅ​ទឹកដី Fulham ៣-០

Xhaka ស៊ុត​គ្រាប់​ជ័យជំនះ​ឲ្យ Arsenal ឡើង​វគ្គ ១៦ក្រុម​ចុងក្រោយ Europa League

Tyson Fury និង Derek Chisora នឹង​ជួបគ្នា​លើក​ទី​៣ ចុងឆ្នាំ​នេះ

FFC ​ប្រកាស​រំសាយ​យុវជន ៩​រូប​ទៀត​ក្រោយ​បញ្ចប់​ការសិក្សា​នៅ​សាលា​បាល់ទាត់​ជាតិ​បាទី

Ronaldo ត្រូវ​ដក​ពី​បញ្ជី​ឈ្មោះ​របស់ Manchester United ពេល​ជួប Chelsea សប្តាហ៍​នេះ​

វគ្គ​ផ្ដាច់ព្រ័ត្រ​ពាន​សម្ដេច​តេ​ជោ ហ៊ុន សែន នឹង​ធ្វើ​ឡើង​លើក​ទី​៣ លើ​ទឹកដី​ក្លិប​ភ្នំពេញ​ក្រោ​ន

ពេជ្រ សម្បតិ្ត និង​គ្រូបង្វឹក​សង្ឃឹម​យក​ខ្សែក្រវាត់​ខា​រ៉ា​បាវ​ជូន​អ្នកគាំទ្រ​គុន​ខ្មែរ​ឱ្យ​បាន​

ក្រុមកីឡា​វាយ​កូន​បាល់​កម្ពុជា​ឡើង​វគ្គ​ផ្ដាច់ព្រ័ត្រ​ Davis Cup ​ក្រុម​៤ ក្រោយ​ឈ្នះ ៣​ប្រកួត​ជាប់​គ្នា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Coco Gauff នឹងក្លាយជាកីឡាការិនីវាយកូនបាល់ក្មេងបំផុតតាំងពីឆ្នាំ២០០៥ ដែលបង្ហាញខ្លួននៅ WTA Finals

អ្នកគាំទ្រនៅកាតាជួបជុំគ្នាអបអររាប់ថយក្រោយ ១ខែទៀតដល់ World Cup

Steven Gerrard ត្រូវដកតំណែងហើយក្រោយ Aston Villa ចាញ់នៅទឹកដី Fulham ៣-០

Xhaka ស៊ុតគ្រាប់ជ័យជំនះឲ្យ Arsenal ឡើងវគ្គ ១៦ក្រុមចុងក្រោយ Europa League

Tyson Fury និង Derek Chisora នឹងជួបគ្នាលើកទី៣ ចុងឆ្នាំនេះ

FFC ប្រកាសរំសាយយុវជន ៩រូបទៀតក្រោយបញ្ចប់ការសិក្សានៅសាលាបាល់ទាត់ជាតិបាទី

Ronaldo ត្រូវដកពីបញ្ជីឈ្មោះរបស់ Manchester United ពេលជួប Chelsea សប្តាហ៍នេះ

វគ្គផ្ដាច់ព្រ័ត្រពានសម្ដេចតេជោ ហ៊ុន សែន នឹងធ្វើឡើងលើកទី៣ លើទឹកដីក្លិបភ្នំពេញក្រោន

ពេជ្រ សម្បតិ្ត និងគ្រូបង្វឹកសង្ឃឹមយកខ្សែក្រវាត់ខារ៉ាបាវជូនអ្នកគាំទ្រគុនខ្មែរឱ្យបាន

ក្រុមកីឡាវាយកូនបាល់កម្ពុជាឡើងវគ្គផ្ដាច់ព្រ័ត្រ Davis Cup ក្រុម៤ ក្រោយឈ្នះ ៣ប្រកួតជាប់គ្នា