BTV NEWS

PSG ឈ្នះ UEFA Super Cup ជាថ្មី ក្រោយយកឈ្នះ Aston Villa ២-១

Messi មិនប្រាកដថាបន្តអាជីពបាល់ទាត់បានយូរប៉ុណ្ណាបន្ទាប់ពីមរណភាពឪពុក ខណៈ Ronaldo និង Beckham ផ្ញើសាររំលែងទុក្ខ

Chelsea កំណត់ថ្ងៃសុក្រ ជាថ្ងៃផុតកំណត់សម្រាប់ការដាក់សំណើ £120 លាន សម្រាប់ Enzo Fernandez

ព្រះសីហនុ បន្ដចែកគ្នា ១ពិន្ទុទល់ខេត្តកែប ក្នុងជំនួបសប្ដាហ៍ទី៤ នៃពានសម្ដេចតេជោ ហ៊ុន សែន-ថ្នាក់ខេត្ត

ព័ត៌មានកីឡា

CAMSOC ផ្ដល់សិទ្ធឲ្យក្រុមហ៊ុនឯកជន ដើម្បីរកចំណូលសម្រាប់គាំទ្រការរៀបចំស៊ីហ្គេម

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានយល់ព្រមផ្ដល់សិទ្ធឲ្យក្រុមហ៊ុន Pahmmazing ដើម្បីស្វែងរកចំណូល សម្រាប់គាំទ្រដល់ការរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ពិសេសដើម្បីអនុវត្តបាននូវគោលការណ៍សន្សំសំចៃ ដែលដាក់ចេញដោយថ្នាក់ដឹកនាំតែម្ដង។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ក្រោយបញ្ចប់កិច្ចប្រជុំគណៈអចិន្ដ្រៃយ៍ប្រចាំសប្ដាហ៍ដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការជាតិ CAMSOC នៅទីស្នាក់ការគណៈកម្មាធិការជាតិអូឡាំពិកកម្ពុជានៅថ្ងៃទី១២ ខែកញ្ញា ឆ្នាំ២០២២ នេះ។ ឯកឧត្តមមានប្រសាសន៍ថា កិច្ចប្រជុំនេះឯកឧត្តមបណ្ឌិត ថោង ខុន បានញែកការងារ និងប្រគល់ភារកិច្ចច្បាស់លាស់ដល់ក្រុមហ៊ុនឯកជន បន្ទាប់ពី CAMSOC បានផ្ដល់សិទ្ធឲ្យរកចំណូលក្រោមការដឹកនាំ និងមើលការខុសត្រូវរបស់គណៈកម្មការទីផ្សារ និងចលនូបត្ថម្ភ។ ឯកឧត្តមថា ការធ្វើបែបនេះដើម្បីឲ្យស្របតាមគោលការណ៍គណនេយ្យភាព តម្លាភាព និងសុចរឹតភាពតាមរយៈច្រកចេញចូលតែមួយ។រដ្ឋលេខាធិការក្រសួងទេសចរណ៍ដដែលបានបញ្ជាក់ថា មកទល់ពេលនេះគណៈកម្មការទីផ្សារ និងចលនូបត្ថម្ភ រួមជាមួយក្រុមហ៊ុនឯកជនដែលទទួលបានសិទ្ធិពី CAMSOC ដើម្បីរកចំណូលគឺក្រុមហ៊ុន Pahmmazing ក៏ដូចជាគណៈកម្មការផ្សេងៗគឺបានចាប់ផ្ដើមសកម្មភាពការងាររបស់ខ្លួន។ ឯកឧត្តមសង្ឃឹមថា ការអនុវត្តតាមគោលការណ៍ណែនាំរបស់ថ្នាក់ដឹកនាំនេះនឹងទទួលបានជោគជ័យ សម្រាប់ព្រឹត្តិការណ៍ជាប្រវត្តិសាស្ដ្រស៊ីហ្គេមឆ្នាំ២០២៣ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនាពេលខាងមុខ៕អត្ថបទ៖ លី ឈុនឡា

ទូតចិនជួបសំណេះសំណាល និងជូនដំណើរអត្តពលិកកម្ពុជា ១៦១នាក់ មុនចេញទៅហាត់នៅចិនសប្ដាហ៍នេះ

ស៊ីហ្គេម៖ នៅព្រឹកថ្ងៃទី១៣ ខែកញ្ញានេះ ឯកឧត្តម Wu Gouquan កុងស៊ុលផ្នែកសេដ្ឋកិច្ច និងពាណិជ្ជកម្មតំណាងឯកអគ្គរដ្ឋទូតចិនប្រចាំកម្ពុជាបានជួបសំណេះសំណាល និងជូនដំណើរប្រតិភូ កីឡាករ-កីឡាការិនីជម្រើសជាតិកម្ពុជាសរុបចំនួន ១៦១នាក់លើ ១២ប្រភេទកីឡាដែលត្រៀមចេញទៅហ្វឹកហាត់នៅចិននាថ្ងៃទី១៥ ខែកញ្ញា ឆ្នាំ២០២២ ខាងមុខ។កម្មវិធីជួបសំណេះសំណាល និងជូនដំណើរនេះមានការអញ្ជើញចូលរួមពីឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ព្រមទាំងប្រតិភូ គ្រូបង្វឹក និងកីឡាករ-កីឡាការិនីដែលត្រៀមចេញទៅហាត់នៅចិន ក្រោមជំនួយឥតសំណងរបស់រដ្ឋាភិបាលចិនផងដែរ។ ឆ្លៀតឱកាសនោះ ឯកឧត្តម Wu Gouquan បានអបអរសាទរប្រតិភូ និងអត្តពលិកកកម្ពុជាទាំងអស់ដែលត្រៀមចេញទៅហាត់នៅចិននាពេលនេះ បន្ទាប់ពីការខិតខំប្រឹងប្រែងរវាងភាគីចិន និងកម្ពុជាដើម្បីជំរុញគម្រោងមួយនេះឲ្យដំណើរការរលូន។ ឯកឧត្តមបានចាត់ទុកការផ្ដល់ជំនួយបច្ចេកទេសកីឡារបស់ចិននេះ គឺជាផ្នែកមួយទៀតដើម្បីពង្រឹងចំណងមិត្តភាពមិត្តដែកថែប និងយុទ្ធសាស្ដ្រយូរអង្វែងរវាងចិន និងកម្ពុជា។ តំណាងឯកអគ្គរដ្ឋទូតចិនប្រចាំកម្ពុជាដដែលបន្ថែមថា ដើម្បីជួយកម្ពុជាធ្វើម្ចាស់ផ្ទះស៊ីហ្គេមឆ្នាំ២០២៣ រដ្ឋាភិបាលចិនមិនត្រឹមតែអនុវត្តគម្រោងសាងសង់ពហុកីឡដ្ឋានជាតិមរតកតេជោនោះទេ ថែមទាំងផ្ដល់ជំនួយបច្ចេកទេសកីឡា ក្នុងគោលបំណងបង្កើនបច្ចេកទេសតាមរយៈការហ្វឹកហាត់ និងផ្ដល់សម្ភារៈ ដើម្បីពង្រឹងទំនាក់ទំនងភាពជាដៃគូយុទ្ធសាស្ដ្រគ្រប់ជ្រុងជ្រោយរវាងចិន និងកម្ពុជាឲ្យកាន់តែស៊ីជម្រៅថែមទៀតផង។ឯកឧត្តម វ៉ាត់ ចំរើន បានចាត់ទុកវេទិកាជួបសំណេះសំណាល និងជូនដំណើរនេះគឺជាព្រឹត្តិការណ៍ដ៏មានអត្ថន័យជ្រាលជ្រៅមួយ សម្រាប់ដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រនៅកម្ពុជា ដែលកើតចេញពីកិច្ចសហប្រតិបត្តិការពិសេសនៃមិត្តដែកថែប និងយុទ្ធសាស្ដ្រយូរអង្វែងរវាងកម្ពុជា-ចិន បានចេញជាលទ្ធផលនៃការជួយដល់វិស័យកីឡាកម្ពុជា ពិសេសការផ្ដល់ជំនួយឥតសំណងសាងសង់ពហុកីឡដ្ឋានជាតិមរតកតេជោ និងជួយកីឡាករ-កីឡាការិនីក្នុងការស្វែងរកបច្ចេកទេសហ្វឹកហាត់ខ្ពស់ តាមរយៈការចេញទៅហ្វឹកហាត់នៅចិននៅពេលនេះ។ ទន្ទឹមជាមួយគ្នា ឯកឧត្តមបានជំរុញ និងផ្ដាំផ្ញើដល់ប្រតិភូ កីឡាករ-កីឡាការិនីទាំងអស់ត្រូវយកឱកាសហ្វឹកហាត់ដ៏មានសារៈសំខាន់នេះ ខិតខំឲ្យអស់ពីកម្លាំងកាយចិត្ត ដើម្បីស្រូបបានមកវិញនូវសិទ្ធផល និងគុណផលកីឡាកម្រិតខ្ពស់ត្រឡប់មកវិញ សម្រាប់ត្រៀមព្រឹត្តិការណ៍ប្រវត្តិសាស្ដ្រ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំ។ ឯកឧត្តមបានសង្កត់ធ្ងន់ថា កីឡាករ-កីឡាការិនីទាំងអស់ត្រូវត្រៀមទទួលយកនូវរាល់ការលំបាក និងការឈឺចាប់ក្នុងការហ្វឹកហាត់ដោយចាត់ទុកជារឿងធម្មតា ហើយប្រែរឿងធម្មតានោះទៅជារឿងអស្ចារ្យក្នុងអាជីព និងប្រទេសជាតិ។ លើសពីនេះត្រូវរក្សានូវវិន័យ និងសេចក្ដីថ្លៃថ្នូរក្នុងការចេញទៅហ្វឹកហាត់ ក្នុងនាមអត្តពលិកតំណាងជាតិទាំងមូល និងក្នុងនាមកិច្ចសហការរវាងប្រទេសទាំងពីររវាងរដ្ឋាភិបាល និងរដ្ឋាភិបាល។ ហេតុនេះត្រូវរក្សាកិត្តិយស និងមិត្តភាពនេះដើម្បីជំរុញដំណើរឆ្ពោះទៅស៊ីហ្គេមឆ្នាំ២០២៣ ឲ្យទទួលបានជោគជ័យ។ នេះបើតាមការបញ្ជាក់បន្ថែមរបស់ប្រតិបត្តិករកីឡាកម្ពុជា ឯកឧត្តម វ៉ាត់ ចំរើន៕អត្ថបទ៖ លី ឈុនឡា

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

ប្រណាំងរថយន្ត៖ កីឡាករប្រណាំង F1 ហូឡង់ Max Verstappen បានប្រជែងឈ្នះការប្រណាំង F1 លើកដំបូងក្នុងអាជីពនៅលើទីលាន Monza ប្រទេសអ៊ីតាលី បន្ទាប់ពីរថយន្តសុវត្ថិភាពនៅជុំចុងក្រោយ។ កីឡាកររបស់ក្រុម Red Bull រូបនេះបានយកឈ្នះកីឡាករម៉ូណាកូ Charles Leclerc របស់ Ferrari ដែលប្រើប្រាស់យុទ្ធសាស្ត្រ Pit Stop ពីរលើក និងបាននាំមុខ Verstappen ពីរលើក។ Leclerc គឺជាអ្នកចេញដំណើរមុខគេ ខណៈ Verstappen ចេញពីលេខរៀងទី៧។ លេខ៣ ក្នុងការប្រកួតបានទៅកីឡាកររបស់ Mercedes, George Russell តាមពីក្រោយដោយ Carlos Sainz និង Lewis Hamilton។ នេះជាជ័យជំនះលើកទី១១ សំរាប់ Max Verstappen ក្នុងរដូវកាល ២០២២ នេះ ហើយក៏បាននាំមុខដាច់ក្នុងតារាងជើងឯកពិភពលោកដល់ទៅ ១១៦ពិន្ទុពីលើអ្នកលេខ២ Charles Leclerc ដែលមានន័យថា Verstappen អាចនឹងក្លាយជាជើងឯកពិភពលោកតែម្តង នៅទីលានបន្ទាប់នៅប្រទេសសិង្ហបុរីចុងខែកញ្ញានេះ៕អត្ថបទ៖នាង សុភាវុធ

Remco Evenepoel គ្រងជើងឯកប្រណាំងកង់ Grand Tour, Vuelta a Espana

ប្រណាំងកង់៖ ទីបំផុតអ្នកនាំមុខគេក្នុងតារាងវេលារួមតាំងពីដំណាក់កាលទី៦ កីឡាករប៊ែលហ្ស៊ិក Remco Evenepoel បានក្លាយជាជើងឯកហើយនៃព្រឹត្តិការណ៍ប្រណាំងកង់លំដាប់ Grand Tour, Vuelta a Espana បន្ទាប់ពីបញ្ចប់ការប្រកួតដំណាក់កាលចុងក្រោយទី២១ នៅទីក្រុង Madrid ថ្ងៃអាទិត្យម្សិលមិញ។ កីឡាករវ័យ ២២ឆ្នាំរបស់ក្រុម Quick-Step Alpha Vinyl បានក្លាយជាកីឡាករប៊ែលហ្ស៊ិកទី១ ដែលឈ្នះជើងឯក Grand Tour ក្នុងរយៈពេល ៤៤ឆ្នាំ។ កីឡាករកូឡុំប៊ី Juan Sebastian Molano គឺជាអ្នកប្រជែងឈ្នះដំណាក់កាលចុងក្រោយដែលមានចំងាយផ្លូវ ១០០គីឡូម៉ែត្រ តាមពីក្រោយដោយកីឡាករដាណឺម៉ាក Mads Pedersen និងលេខ៣ កីឡាករអាល្លឺម៉ង់ Pascal Ackermann។ Remco Evenepoel បានបញ្ចប់ការប្រកួតទាំងស្រុងដោយមានវេលាចំណេញពីលើអ្នកលេខ២ កីឡាករអេស្ប៉ាញ Enric Mas ចំនួន ២នាទី ៥វិនាទី និងលេខ៣ កីឡាករអេស្ប៉ាញ Juan Ayuso៕អត្ថបទ៖នាង សុភាវុធ

Union Berlin ឡើងឈរកំពូលតារាង Bundesliga អាល្លឺម៉ង់លើកដំបូងក្នុងប្រវត្តិសាស្ត្រក្លិប

បាល់ទាត់៖ ក្រុម Union Berlin បានឡើងឈរលើគេក្នុងតារាងក្របខណ្ឌបាល់ទាត់កំពូលអាល្លឺម៉ង់ Bundesliga លើកដំបូងក្នុងប្រវត្តិសាស្ត្រក្លិបក្រោយយកឈ្នះ FC Cologne នៅសប្តាហ៍ទី៦។ គ្រាប់បាល់ចូលទីខ្លួនឯងរបស់ Cologne តាំងពីនាទីទី៣ គឺជាបីពិន្ទុរបស់ Union Berlin បើទោះជាក្រុមម្ចាស់ផ្ទះ Berlin សល់គ្នាត្រឹម ១០នាក់នៅនាទីទី៨១ នៅពេល Luca Kilian ទទួលបានកាតលឿងទី២។ គិតត្រឹម ៦សប្តាហ៍នេះ Union Berlin មិនដែលចាញ់ឡើយមាន ១៤ពិន្ទុឈរលើគេបន្ទាប់ពី Freiburg ស្មើ Borussia Moenchengladbach និង Bayern Munich ស្មើ Stuttgart ២-២ ក្នុងដីខ្លួនឯង។ Union Berlin រដូវកាលនេះមានកៅអីនៅ UEFA Europa League បន្ទាប់ពីខកខានឱកាសលេងនៅ UEFA Champions League ក្រោយឈរលេខ ៥ រដូវកាលមុនចាញ់ក្រុមលេខ ៤ ត្រឹម ១ពិន្ទុ៕អត្ថបទ៖នាង សុភាវុធ

ជំនួបរវាង Rangers និង Napoli នៅ UCL ត្រូវលើកទៅយប់ថ្ងៃពុធវិញ

បាល់ទាត់៖ ការប្រកួតក្របខណ្ឌ UEFA Champion League មួយគូរវាង Glasgow Rangers ទទួលស្វាគមន៍ក្រុមភ្ញៀវអ៊ីតាលី Napoli ត្រូវលើកពេល ២៤ម៉ោងពីយប់ថ្ងៃអង្គារទៅយប់ថ្ងៃពុធវិញ នេះបើតាមសេចក្តីជូនដំណឹងរបស់ UEFA។UEFA បានបញ្ជាក់ថា ការលើកពេលប្រកួតនេះគឺទៅតាមការស្នើសុំរបស់ភាគីម្ចាស់ផ្ទះស្កុតឡេន ជុំវិញការកាន់ទុក្ខនៃការសោយព្រះពិរាល័យម្ចាស់ក្សត្រី Elizabeth II ដែលធ្វើឱ្យមានកង្វះខាតធនធាននគរបាលការពារសុវត្ថិភាព។ UEFA ក៏បានបន្ថែមទៀតថា ការប្រកួតនៅយប់ថ្ងៃពុធនោះក៏មិនអនុញ្ញាតឱ្យមានអ្នកគាំទ្រក្រុមភ្ញៀវដែរ ហើយភាគីស្កុតឡេននឹងប៉ះប៉ូវវិញនៅជើងទី២ ទឹកដី Napoli អ្នកគាំទ្រ Rangers ក៏នឹងមិនទៅចូលរួមដូចគ្នា។ Rangers បើកឆាកប្រកួតដំបូងនៅ UCL កាលពីថ្ងៃពុធសប្តាហ៍មុនដោយចាញ់នៅទឹកដី Ajax Amsterdam ៤-០ ខណៈ Napoli យកឈ្នះក្រុមជើងឯករងឆ្នាំមុន Liverpool ៤-១៕អត្ថបទ៖នាង សុភាវុធ

គោព្រៃជំទង់កម្ពុជានឹងចេញទៅប្រកួតជម្រុះ AFC U20 នៅតាជីគីស្ថានយប់នេះ

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ២០ឆ្នាំកម្ពុជានឹងចេញទៅប្រកួតជម្រុះពានរង្វាន់ជើងឯកអាស៊ីយុវជនអាយុក្រោម ២០ឆ្នាំ AFC U20 Asian Cup 2023 នៅប្រទេសតាជីគីស្ថាននាវេលាម៉ោង ១១៖៥៥នាទីយប់ ថ្ងៃទី១២ ខែកញ្ញានេះ។ តាមការគ្រោងទុកក្រុមគោព្រៃជំទង់កម្ពុជានឹងត្រូវចំណាយពេលប្រមាណជាង ១៩ម៉ោងក្នុងការធ្វើដំណើរ ពោលគឺគ្រោងទៅដល់ប្រទេសតាជីគីស្ថាននាល្ងាចថ្ងៃទី១៣ ខែកញ្ញា មុនប្រកួតបើកឆាកជាមួយក្រុមជម្រើសជាតិ U20 លីបង់ នាថ្ងៃបន្ទាប់។ គួរដឹងថា ក្រុមយុវជន U20 កម្ពុជាស្ថិតក្នុងពូល I ជាមួយក្រុមម្ចាស់ផ្ទះតាជីគីស្ថាន លីបង់ និងសិង្ហបុរី។ ចំពោះកម្មវិធីប្រកួតបន្ទាប់ពីប្រកួតបើកឆាកជាមួយលីបង់ កម្ពុជានឹងត្រូវជួបក្រុម U20 សិង្ហបុរីនាថ្ងៃទី១៦ ខែកញ្ញា និងចុងក្រោយជួបក្រុម U20 តាជីគីស្ថាននាថ្ងៃទី១៨ ខែកញ្ញា ឆ្នាំ២០២២ ខាងមុខ។បេសកកម្មនេះដែរដឹកនាំដោយគ្រូបង្វឹកជប៉ុនលោក Koji Gyotoku គ្រូបង្វឹកក្រុមជម្រើសជាតិ U20 កម្ពុជា រួមជាមួយកីឡាករ ២៣នាក់មកពីសាលាបាល់ទាត់ជាតិបាទី ៧នាក់, ព្រៃវែង ៤នាក់, សូលទីឡូអង្គរ ៣នាក់, ភ្នំពេញក្រោន ២នាក់, វិសាខា ២នាក់, ព្រះខ័នរាជស្វាយរៀងម្នាក់, កងយោធពលខេមរភូមិម្នាក់, អង្គរថាយហ្គឺរម្នាក់, ណាហ្គាវើលដ៏ម្នាក់ និងកីឡាករអាស៊ីអឺរ៉ុបម្នាក់៕អត្ថបទ៖ លី ឈុនឡា

Real Madrid វាយបកពីក្រោយយកឈ្នះ Mallorca ៤-១ ត្រលប់មកកំពូលតារាង La Liga

បាល់ទាត់៖ ក្រុមការពារតំណែងជើងឯក Real Madrid បានត្រលប់ឡើងមកឈរកំពូលតារាងនៅក្របខណ្ឌកំពូលអេស្ប៉ាញ La Liga វិញក្រោយវាយបកយកឈ្នះក្រុមភ្ញៀវ Real Mallorca ៤-១ នៅ Santiago Bernabeu។ ចាប់ផ្តើមដោយមានឱកាសជាច្រើនលើក្រុមភ្ញៀវតែ Real Madrid បែជាត្រូវ Mallorca នាំមុខមុននៅនាទីទី៣៥ ដោយ Vedat Muriqi តែ Federico Valverde តាមស្មើវិញនៅចុងវគ្គទី១។ Vinicius Junior ស៊ុតនាំមុខលើកដំបូងឱ្យ Real Madrid នៅនាទីទី៧២ មុនពេលដែលពីរគ្រាប់ចុងម៉ោងធានាជ័យជំនះឱ្យ Real Madrid នៅនាទីទី៨៩ និង ៩០+៣ ដោយ Rodrygo និង Antonio Rudiger។ ក្រុមរបស់លោក Carlo Ancelotti នៅពេលនេះមាន ១៥ពិន្ទុពេញពីការប្រកួត ៥លើកឈ្នះទាំង ៥ រុញ Barcelona ទៅលេខ២ វិញបន្ទាប់ពីក្រុមរបស់លោក Xavi Hernandez យកឈ្នះនៅទឹកដី Cadiz ៤-០ កាលពីថ្ងៃសៅរ៍។ ការប្រកួតរវាង Cadiz និង Barcelona ត្រូវផ្អាកជិត ៥០នាទីបន្ទាប់ពីមានអ្នកគាំទ្រម្នាក់សន្លប់ ខណៈអ្នកចាំទី Cadiz, Jeremias Ledesma ជាអ្នកខ្នះខ្នែងរត់យកប្រអប់សង្គ្រោះបឋមបោះទៅកៅអីអ្នកគាំទ្រ មុនពេលបញ្ជូនទៅមន្ទីរពេទ្យ ហើយសំណាងល្អអ្នកគាំទ្រម្នាក់នោះមិនមានគ្រោះថ្នាក់ដល់ជីវិតឡើយ។មុនការប្រកួតត្រូវបានផ្អាក Barcelona បាននាំមុខ ២-០ ទៅហើយពេលចាប់ផ្តើមឡើងវិញ ១០នាទីចុងក្រោយ Barcelona បន្ថែមពីរគ្រាប់ទៀតយកឈ្នះ ៤-០។ អ្នកចាត់ការ Barcelona លោក Xavi និយាយក្រោយចប់ការប្រកួតថា រូបភាពនេះយើងមិនអាចបន្តការប្រកួតបានឡើយ អ្វីៗត្រូវទុកនៅពីក្រោយសិន សំខាន់ជីវិតមនុស្ស ហើយក៏អរគុណខ្លាំងដល់ Ledesma ខណៈគ្រប់គ្នាក៏សប្បាយចិត្តនៅពេលដឹងថាអ្នកគាំទ្រមានសុវត្ថិភាព៕អត្ថបទ៖នាង សុភាវុធ

OCA បើកភ្លើងខៀវជួយកម្ពុជាលើការគ្រប់គ្រង និងអភិវឌ្ឍន៍ក្រុមជម្រើសជាតិត្រៀមស៊ីហ្គេម

ស៊ីហ្គេម៖ ប្រតិភូក្រុមប្រឹក្សាកីឡាអាស៊ី (OCA) ៣រូបដឹកនាំដោយលោកបណ្ឌិត Takash Waku អគ្គនាយករងមជ្ឈមណ្ឌលកីឡាកម្រិតខ្ពស់ និងជាប្រធាននាយកដ្ឋានព័ត៌មាន និងទំនាក់ទំនងអន្ដរជាតិកាលពីថ្ងៃទី១១ ខែកញ្ញាបានធ្វើដំណើរមកទស្សនកិច្ចនៅកម្ពុជាដើម្បីផ្លាស់ប្ដូរបទពិសោធន៍ ពិសេសពិនិត្យនូវបញ្ហាប្រឈមមួយចំនួន ដែលខ្លួនអាចជួយកម្ពុជាបាន ដើម្បីត្រៀមការប្រកួតកីឡាស៊ីហ្គេមឆ្នាំ២០២៣ ខាងមុខ។ ដំណើរទស្សនកិច្ចរបស់មន្ដ្រីជាន់ខ្ពស់ក្រុមប្រឹក្សាកីឡាអាស៊ីនេះ បានទទួលស្វាគមន៍យ៉ាងកក់ក្ដៅពីសំណាក់លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា ក៏ដូចជាលោក តូ រិទ្ធីយ៉ា នាយករងវិទ្យាស្ថានជាតិអប់រំកាយ និងកីឡា។ លោក ប៉ុន សុខ បានបញ្ជាក់ថា ទស្សនកិច្ចនេះមានរយៈពេល ៣ថ្ងៃដើម្បីពិនិត្យមើលមជ្ឍមណ្ឌលជាតិហ្វឹកហ្វឺនកីឡា មានកម្មវិធីហ្វឹកហាត់អ្វីខ្លះ? ហើយបញ្ហាប្រឈមអ្វីខ្លះ ដើម្បីឲ្យកម្ពុជាអាចស្នើសុំខាងវិទ្យាស្ថានកីឡាកម្រិតខ្ពស់អាស៊ីជួយទៅលើការគ្រប់គ្រងកីឡាករ-កីឡាការិនីជម្រើសរើសជាតិ ក៏ដូចជាផែនការយុទ្ធសាស្ត្ររបស់មជ្ឍមណ្ឌលក្នុងការអភិវឌ្ឍសិទ្ធផល និងគុណផលត្រៀមស៊ីហ្គេមឆ្នាំក្រោយ។ លោកបន្ថែមថា ក្រៅពីពិនិត្យមើលពីការគ្រប់គ្រងហាត់ហ្វឹកហ្វឺនអត្តពលិក និងផ្នែកបច្ចេកទេស ខាងប្រតិភូក្រុមប្រឹក្សាកីឡាអាស៊ី និងមជ្ឍមណ្ឌលជាតិហ្វឹកហ្វឺនកីឡា ក៏ជំរុញឲ្យមានការផ្តល់អ្នកជំនាញមកបើកវគ្គបណ្តុះបណ្តាលបន្ថែមផ្នែកវេជ្ជសាស្ត្រកីឡា និងវិទ្យាសាស្ត្រកីឡានៅកម្ពុជា ឬក៏បញ្ជូនមន្ត្រីទៅសិក្សានៅប្រទេសជប៉ុនទៀតផង។ដោយឡែកលោក តូ រិទ្ធីយ៉ា បានចាត់ទុកដំណើរទស្សនកិច្ចរបស់មន្ដ្រីជាន់ខ្ពស់ នៃក្រុមប្រឹក្សាកីឡាអាស៊ីនាពេលនេះ គឺមានសារៈសំខាន់សម្រាប់កម្ពុជា ក្នុងការជួយជំរុញឲ្យរៀបចំបង្កើតសកលវិទ្យាល័យជាតិអប់រំកាយ និងកីឡាជាលក្ខណស្តង់ដារអន្តរជាតិមួយនៅក្នុងតំបន់អាស៊ាន សិក្សាលើថ្នាក់បរិញ្ញាបត្រ ជាពិសេសជួយជ្រោមជ្រែងផ្នែកបច្ចេកទេស គ្រូជំនាញ កម្មវិធីសិក្សាឲ្យស្របតាមលក្ខណស្តង់ដារ។ ក្នុងនោះក៏គ្រោងនឹងបង្កើតនាយកដ្ឋានថ្មីមួយ ដើម្បីធ្វើការស្រាវជ្រាវកីឡាកម្រិតខ្ពស់ ទៅតាមលទ្ធផលភាពដែលភាគីជប៉ុនជួយមកកម្ពុជាផងដែរ៕អត្ថបទ៖ លី ឈុនឡា

Alexandra Eala ក្លាយជាកីឡាការិនីហ្វីលីពីនទីមួយឈ្នះជើងឯក Grand Slam, US Open ផ្នែកយុវនារី

វាយកូនបាល់៖ ជាប្រវត្តិសាស្ត្រមិនធ្លាប់មានទេសំរាប់ប្រទេសហ្វីលីពីន តែកីឡាការិនី Alexandra Eala បានបង្កើតប្រវត្តិសាស្ត្រក្លាយជាកីឡាការិនីហ្វីលីពីនទីមួយដែលឈ្នះជើងឯកវាយកូនបាល់ Grand Slam, US Open ផ្នែកយុវនារី។ មិនមែនជារឿងងាយស្រួលឡើយសំរាប់ក្មេងស្រីវ័យ ១៧ឆ្នាំដែលឈរលំដាប់ថ្នាក់លេខ ១០ ក្នុងកម្មវិធី ពោលគឺនាងបានជួបជាមួយគូប្រកួតដែលមានលំដាប់ល្អជាងតាំងពីជុំទី៣។នៅជុំទី៣ Eala បានយកឈ្នះកីឡាការិនីលំដាប់លេខ ៨ អូស្ត្រាលី Taylah Preston, ជួបកីឡាការិនីរុស្ស៊ីលំដាប់លេខ ១៤ Mirra Andreeva នៅវគ្គ ៨នាក់ចុងក្រោយ, ជួបជាមួយកីឡាការិនីលំដាប់លេខ ៩ កាណាដា Victoria Mboko នៅវគ្គពាក់កណ្តាលផ្តាច់ព្រ័ត្រ មុនយកឈ្នះកីឡាការិនីលំដាប់លេខ ២ មកពីឆែក Lucie Havlickova នៅវគ្គផ្តាច់ព្រ័ត្រ។ សូមបញ្ជាក់ថា Alexandra Eala មានដើមកំណើតនៅទីក្រុង Quezon City ប្រទេសហ្វីលីពីនឆ្នាំ២០០៥។ទេពកោសល្យរបស់នាងបានទាក់ទាញក្រុមការងារតាមដាន នៃសាលាវាយកូនបាល់របស់ Rafael Nadal នៅប្រទេសអេស្ប៉ាញ ហើយក៏បានផ្លាស់ទៅរស់នៅប្រទេសអេស្ប៉ាញតែម្តង។ ត្រឹមវ័យ ១៤ឆ្នាំ Eala បានចូលរួមការប្រកួតផ្នែកយុវនារី US Open លើកដំបូងនៅឆ្នាំ២០១៩ ឡើងបានត្រឹមជុំទី២ ហើយនៅឆ្នាំ២០២១ ឡើងដល់វគ្គ ៨នាក់ចុងក្រោយ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

CAMSOC ផ្ដល់សិទ្ធឲ្យក្រុមហ៊ុនឯកជន ដើម្បីរកចំណូលសម្រាប់គាំទ្រការរៀបចំស៊ីហ្គេម

ទូតចិនជួបសំណេះសំណាល និងជូនដំណើរអត្តពលិកកម្ពុជា ១៦១នាក់ មុនចេញទៅហាត់នៅចិនសប្ដាហ៍នេះ

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

Remco Evenepoel គ្រងជើងឯកប្រណាំងកង់ Grand Tour, Vuelta a Espana

Union Berlin ឡើងឈរកំពូលតារាង Bundesliga អាល្លឺម៉ង់លើកដំបូងក្នុងប្រវត្តិសាស្ត្រក្លិប

ជំនួបរវាង Rangers និង Napoli នៅ UCL ត្រូវលើកទៅយប់ថ្ងៃពុធវិញ

គោព្រៃជំទង់កម្ពុជានឹងចេញទៅប្រកួតជម្រុះ AFC U20 នៅតាជីគីស្ថានយប់នេះ

Real Madrid វាយបកពីក្រោយយកឈ្នះ Mallorca ៤-១ ត្រលប់មកកំពូលតារាង La Liga

OCA បើកភ្លើងខៀវជួយកម្ពុជាលើការគ្រប់គ្រង និងអភិវឌ្ឍន៍ក្រុមជម្រើសជាតិត្រៀមស៊ីហ្គេម

Alexandra Eala ក្លាយជាកីឡាការិនីហ្វីលីពីនទីមួយឈ្នះជើងឯក Grand Slam, US Open ផ្នែកយុវនារី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

CAMSOC ​ផ្ដល់​សិទ្ធ​ឲ្យ​ក្រុមហ៊ុន​ឯកជន ដើម្បី​រក​ចំណូល​សម្រាប់​គាំទ្រ​ការរៀបចំ​ស៊ី​ហ្គេម

ទូត​ចិន​ជួប​សំណេះសំណាល និង​ជូន​ដំណើរ​អត្ត​ព​លិ​ក​កម្ពុជា ១៦១​នាក់ មុន​ចេញទៅ​ហាត់​នៅ​ចិនសប្ដាហ៍​នេះ​

Max Verstappen ឈ្នះ​ការប្រណាំង F1 លើកដំបូង​នៅ​ទឹកដី​អ៊ីតាលី​

Remco Evenepoel គ្រង​ជើងឯក​ប្រណាំង​កង់ Grand Tour, Vuelta a Espana

Union Berlin ឡើងឈរ​កំពូល​តារាង Bundesliga អាល្លឺម៉ង់​លើកដំបូង​ក្នុង​ប្រវត្តិសាស្ត្រ​ក្លិប​

ជំនួប​រវាង Rangers និង Napoli នៅ UCL ត្រូវ​លើក​ទៅ​យប់​ថ្ងៃ​ពុធ​វិញ​

គោព្រៃ​ជំទង់​កម្ពុជានឹង​ចេញទៅ​ប្រកួត​ជម្រុះ​ AFC U20 ​នៅ​តាជី​គី​ស្ថានយប់​នេះ​

Real Madrid វាយបក​ពីក្រោយ​យកឈ្នះ Mallorca ៤-១ ត្រលប់មក​កំពូល​តារាង La Liga

OCA ​បើកភ្លើង​ខៀវ​ជួយ​កម្ពុជា​លើ​ការគ្រប់គ្រង និង​អភិវឌ្ឍន៍​ក្រុម​ជម្រើស​ជាតិ​ត្រៀម​ស៊ី​ហ្គេម​

Alexandra Eala ក្លាយជា​កីឡាការិនី​ហ្វីលីពីន​ទីមួយ​ឈ្នះ​ជើងឯក Grand Slam, US Open ផ្នែក​យុវនារី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

CAMSOC ផ្ដល់សិទ្ធឲ្យក្រុមហ៊ុនឯកជន ដើម្បីរកចំណូលសម្រាប់គាំទ្រការរៀបចំស៊ីហ្គេម

ទូតចិនជួបសំណេះសំណាល និងជូនដំណើរអត្តពលិកកម្ពុជា ១៦១នាក់ មុនចេញទៅហាត់នៅចិនសប្ដាហ៍នេះ

Max Verstappen ឈ្នះការប្រណាំង F1 លើកដំបូងនៅទឹកដីអ៊ីតាលី

Remco Evenepoel គ្រងជើងឯកប្រណាំងកង់ Grand Tour, Vuelta a Espana

Union Berlin ឡើងឈរកំពូលតារាង Bundesliga អាល្លឺម៉ង់លើកដំបូងក្នុងប្រវត្តិសាស្ត្រក្លិប

ជំនួបរវាង Rangers និង Napoli នៅ UCL ត្រូវលើកទៅយប់ថ្ងៃពុធវិញ

គោព្រៃជំទង់កម្ពុជានឹងចេញទៅប្រកួតជម្រុះ AFC U20 នៅតាជីគីស្ថានយប់នេះ

Real Madrid វាយបកពីក្រោយយកឈ្នះ Mallorca ៤-១ ត្រលប់មកកំពូលតារាង La Liga

OCA បើកភ្លើងខៀវជួយកម្ពុជាលើការគ្រប់គ្រង និងអភិវឌ្ឍន៍ក្រុមជម្រើសជាតិត្រៀមស៊ីហ្គេម

Alexandra Eala ក្លាយជាកីឡាការិនីហ្វីលីពីនទីមួយឈ្នះជើងឯក Grand Slam, US Open ផ្នែកយុវនារី