BTV NEWS

PSG ឈ្នះ UEFA Super Cup ជាថ្មី ក្រោយយកឈ្នះ Aston Villa ២-១

Messi មិនប្រាកដថាបន្តអាជីពបាល់ទាត់បានយូរប៉ុណ្ណាបន្ទាប់ពីមរណភាពឪពុក ខណៈ Ronaldo និង Beckham ផ្ញើសាររំលែងទុក្ខ

Chelsea កំណត់ថ្ងៃសុក្រ ជាថ្ងៃផុតកំណត់សម្រាប់ការដាក់សំណើ £120 លាន សម្រាប់ Enzo Fernandez

ព្រះសីហនុ បន្ដចែកគ្នា ១ពិន្ទុទល់ខេត្តកែប ក្នុងជំនួបសប្ដាហ៍ទី៤ នៃពានសម្ដេចតេជោ ហ៊ុន សែន-ថ្នាក់ខេត្ត

ព័ត៌មានកីឡា

ជំនាញការពិភពលោកថា កង្វះខាតធនធានមនុស្សគឺជាឧបសគ្គសម្រាប់អត្តពលកម្មកម្ពុជា

ស៊ីហ្គេម៖ លោក Oliver Scheer ជំនាញការអន្ដរជាតិមកពីស្ថាប័នកីឡាអត្តពលកម្មពិភពលោក (World Athletics) បានលើកឡើងថា កង្វះខាតធនធានមនុស្សគឺជាឧបសគ្គ សម្រាប់សហព័ន្ធខ្មែរអត្តពលកម្មស្ម័គ្រចិត្តក្នុងការស្វែងរកនូវលទ្ធផលល្អ។ ការគូសបញ្ជាក់នេះ បន្ទាប់ពីលោកបានចូលរួមគម្រោងការអភិវឌ្ឍប្រព័ន្ធកីឡាជាតិសម្រាប់កីឡាអត្តពលកម្ម ក្រោមជំនួយរបស់អង្គការសាមគ្គីអូឡាំពិកតាមរយៈគណៈកម្មាធិការជាតិអូឡាំពិកកម្ពុជា (NOCC) សហការជាមួយស្ថាប័នអត្តពលកម្មពិភពលោក និងសហព័ន្ធខ្មែរអត្តពលកម្មស្ម័គ្រចិត្ត ដែលបានប្រព្រឹត្តទៅចាប់ពីថ្ងៃទី០៦-១៣ ខែកញ្ញា ឆ្នាំ២០២២ កន្លងទៅ។ លោកថា កត្ដាធនធានមនុស្ស ពិសេសថ្នាលគឺជាភាពខ្វះខាតមួយដែលនាំឲ្យសហព័ន្ធមិនអាចមានលទ្ធផលល្អ។ ហេតុនេះលោកបានត្រៀមនូវផែនការមួយចំនួន ដើម្បីចូលរួមជាមួយសហព័ន្ធក្នុងការអភិវឌ្ឍវិស័យកីឡាមួយនេះឲ្យរីកចម្រើន ស្របតាមស្ដង់ដារត្រឹមត្រូវ ទោះបីជាមានពេលវេលាខ្លីសម្រាប់ការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣ តែលោកនឹងព្យាយាមដើម្បីអនាគតកីឡាអត្តពលកម្មកម្ពុជា។ដោយឡែកលោក ប៊ុយ សុភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា បានចាត់ទុកគម្រោងនេះគឺជាគម្រោងដ៏មានសារៈសំខាន់ ដែលមានការចូលរួមវាយតម្លៃផ្ទាល់ពីជំនាញការអន្ដរជាតិ ប្រកបដោយសូចនាករត្រឹមត្រូវ និងច្បាស់លាស់ដើម្បីកែសម្រួល និងបង្ហាញពីវិធីសាស្ដ្ររៀបចំ និងពង្រឹងការអភិវឌ្ឍសហព័ន្ធឲ្យបានរឹងមាំ។ តាមរយៈគម្រោងដែលឧបត្ថម្ភគាំទ្រដោយអង្គការសាមគ្គីអូឡាំពិកនេះដែរ លោក Oliver Schee នឹងធ្វើដំណើរទស្សនកិច្ចមកកម្ពុជាម្ដងទៀតចាប់ពីថ្ងៃទី២៤-៣១ ខែមករា ឆ្នាំ២០២៣ ខាងមុខ ដើម្បីធ្វើសិក្ខាសាលាស្ដីពីវាយតម្លៃរចនាសម្ព័ន្ធ/យុទ្ធសាស្ដ្រគម្រោង និងរៀបចំប្រព័ន្ធនៃការបង្វឹកដល់សហព័ន្ធខ្មែរអត្តពលកម្មស្ម័គ្រចិត្ត ព្រមទាំងការរៀបចំសិក្ខាសាលាបណ្ដុះបណ្ដាលគ្រូបង្វឹកប្រចាំចំនួន ១២លើកតាមរយៈប្រព័ន្ធ Online ផងដែរ៕អត្ថបទ៖ លី ឈុនឡា

Matip តែតចុងម៉ោងឱ្យ Liverpool យកឈ្នះ Ajax តានតឹង ២-១

បាល់ទាត់៖ ក្រុមហង្សក្រហម Liverpool បានរើបម្រាសពីការធ្លាក់ចុះទំរង់លេងរបស់ខ្លួន ក្រោយយកឈ្នះក្រុមកំពុងមានទំរង់លេងល្អ Ajax Amsterdam ជុំទី២ ក្នុងពូល A ក្របខណ្ឌ UEFA Champions League។ ក្រុមរបស់លោក Jurgen Klopp ដែលចាញ់នៅទឹកដី Napoli ៤-១ សប្តាហ៍មុន បានបើកការនាំមុខនៅនាទីទី១៧ ដោយ Mohamed Salah តែ Ajax ក៏តាមស្មើវិញ ១០នាទីក្រោយមកដោយ Mohammed Kudus។ ទំរាំតែរកបានគ្រាប់ជ័យជំនះ Liverpool ត្រូវរង់ចាំដល់នាទីទី៨៩ ដោយការតែតបញ្ចូលទីរបស់ Joel Matip។ អ្នកចាត់ការ Liverpool លោក Jurgen Klopp បាននិយាយថា លោកមើលឃើញថា Liverpool ពេលនេះខុសពី Liverpool ពេលជួប Napoli ឆ្ងាយ អ្វីៗបានកែប្រែល្អប្រសើរជាងមុនច្រើន។ចំណែកគ្រូបង្វឹក Ajax លោក Alfred Schreuder ថា ក្រុមរបស់លោកមានការលំបាកនៅទឹកដី Liverpool តែក៏បានផ្តល់បទពិសោធច្រើនដល់កីឡាករក្មេងៗរបស់លោកដែលមិនធ្លាប់លេងនៅ Champions League សោះ។ បីពិន្ទុនេះធ្វើឱ្យ Liverpool ឡើងមកលេខ២ ក្នុងពូល A បណ្តោះអាសន្នតែការប្រកួតរបស់ Rangers និង Napoli នៅទឹកដីស្កុតឡេនត្រូវលេងយប់នេះតាមការស្នើសុំរបស់ Rangers៕អត្ថបទ៖នាង សុភាវុធ

U20 កម្ពុជាហាត់ភ្លាមៗក្រោយចុះពីយន្ដហោះ មុនទៅសណ្ឋាគារត្រៀមប៉ះលីបង់យប់នេះ

បាល់ទាត់៖ បន្ទាប់ពីធ្វើដំណើរជាង ២០ម៉ោង និងទៅដល់ប្រទេសតាជីគីស្ថានដោយសុវត្ថិភាពកាលពីព្រលប់ថ្ងៃទី១៣ ខែកញ្ញាម្សិលមិញ ក្រុមជម្រើសជាតិយុវជនអាយុក្រោម ២០ឆ្នាំកម្ពុជាបានបន្ដដំណើរទៅទីលានហ្វឹកហាត់ភ្លាមៗ មុនធ្វើដំណើរទៅសណ្ឋាគារដើម្បីសម្រាក សម្រាប់ត្រៀមការប្រកួតបើកឆាកពូល I នៃវគ្គជម្រុះពានរង្វាន់ជើងឯកយុវជនអាស៊ីអាយុក្រោម ២០ឆ្នាំ AFC U20 Asian Cup 2023 នាម៉ោង ៨យប់ថ្ងៃទី១៤ ខែកញ្ញានេះ។ ក្រុមគោព្រៃជំទង់កម្ពុជាបានចាកចេញពីមាតុភូមិកាលពីយប់រំលងអធ្រាត្រថ្ងៃទី១២ ឈានដល់ថ្ងៃទី១៣ ខែកញ្ញា ឆ្នាំ២០២២ ដែលត្រូវចំណាយពេលធ្វើដំណើរ និងរង់ចាំរហូតដល់ជាង ២០ម៉ោងទើបទៅដល់ប្រទេសតាជីគីស្ថាន ដែលជាទឹកដីកណ្ដាលនៃការប្រកួតជម្រុះពានរង្វាន់ AFC U20 Asian Cup 2023 ពូល I ។ តាមរយៈនេះក្រុមកម្ពុជាគឺមានពេលវេលាតិចតួចប៉ុណ្ណោះដើម្បីសម្រាក បន្ទាប់ពីការហ្វឹកហាត់ផ្លូវការបានតែម្ដងគត់មុនជួបក្រុមយុវជន U20 លីបង់យប់នេះ។ គួរដឹងថា ក្រុមយុវជន U20 កម្ពុជាស្ថិតក្នុងពូល I ជាមួយក្រុមម្ចាស់ផ្ទះតាជីគីស្ថាន លីបង់ និងសិង្ហបុរី។ចំពោះកម្មវិធីប្រកួតបន្ទាប់ពីប្រកួតបើកឆាកជាមួយលីបង់ កម្ពុជានឹងត្រូវជួបក្រុម U20 សិង្ហបុរីនាថ្ងៃទី១៦ ខែកញ្ញា និងចុងក្រោយជួបក្រុម U20 តាជីគីស្ថាននាថ្ងៃទី១៨ ខែកញ្ញា ឆ្នាំ២០២២ ខាងមុខ។ បេសកកម្មនេះដែរដឹកនាំដោយគ្រូបង្វឹកជប៉ុនលោក Koji Gyotoku គ្រូបង្វឹកក្រុមជម្រើសជាតិ U20 កម្ពុជារួមជាមួយកីឡាករ ២៣នាក់មកពីសាលាបាល់ទាត់ជាតិបាទី ៧នាក់, ព្រៃវែង ៤នាក់, សូលទីឡូអង្គរ ៣នាក់, ភ្នំពេញក្រោន ២នាក់, វិសាខា ២នាក់, ព្រះខ័នរាជស្វាយរៀងម្នាក់, កងយោធពលខេមរភូមិម្នាក់, អង្គរថាយហ្គឺរម្នាក់, ណាហ្គាវើលដ៏ម្នាក់ និងកីឡាករអាស៊ីអឺរ៉ុបម្នាក់៕អត្ថបទ៖ លី ឈុនឡា

បីប្រកួតទៀតនៅ Premier League សប្តាហ៍នេះត្រូវលើកពេល

បាល់ទាត់៖ ការប្រកួតក្របខណ្ឌកំពូលអង់គ្លេស Premier League បីប្រកួតទៀតចុងសប្តាហ៍នេះត្រូវលើកពេល មុនពិធីបុណ្យសពម្ចាស់ក្សត្រី Elizabeth II។ ការប្រកួតរវាង Chelsea ទទួលភ្ញៀវ Liverpool នៅ Stamford Bridge និង Manchester United ទទួល Leeds United ត្រូវបានសំរេចលើកពេល។ ចំណែកមួយប្រកួតទៀតរវាង Brighton និង Crystal Palace ក៏ត្រូវសំរេចលើកពេលដែរដោយសារបាតុកម្ម។ ដោយ ឡែកការប្រកួតដែលនៅសេសសល់សម្រាប់សប្តាហ៍នេះចន្លោះថ្ងៃទី១៦ ដល់ ១៨ នឹងដំណើរការធម្មតា បន្ទាប់ពីសប្តាហ៍មុនត្រូវបានលើកពេលទាំងស្រុង ដើម្បីកាន់ទុក្ខនៃការយាងសោយព្រះពិរាល័យម្ចាស់ក្សត្រីយ៍ Elizabeth II។ ព្រះរាជពិធីបុណ្យសពម្ចាស់ក្សត្រី Elizabeth II នឹងត្រូវប្រារព្ធធ្វើឡើងនៅថ្ងៃចន្ទដើមសប្តាហ៍ក្រោយ។ ដោយឡែកសំរាប់ការប្រកួតរាត្រីនៃក្របខណ្ឌ UEFA Champions League នៅយប់ថ្ងៃពុធ Chelsea ទទួល Red Bull Salzburg នៅដំណើរការធម្មតា តែការប្រកួតនៅក្របខណ្ឌ UEFA Europa League នៅយប់ថ្ងៃព្រហស្បតិ៍រវាង Arsenal ទទួល PSV Eindhoven ក៏ត្រូវលើកពេលដែរ៕អត្ថបទ៖នាង សុភាវុធ

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

បាល់ទាត់៖ ខ្សែបម្រើស្លាបរបស់ក្លិបតោខៀវ Chelsea, Hakim Ziyech ត្រូវបានកោះហៅចូលក្រុមជំរើសជាតិម៉ារ៉ុកសាជាថ្មី ក្រោមការដឹកនាំរបស់គ្រូបង្វឹកថ្មីលោក Walid Regragui ក្រោយអវត្តមានអស់រយៈពេល ១៥ខែ។ កីឡាករវ័យ ២៩ឆ្នាំរូបនេះមិនស្ថិតក្នុងជម្រើសរបស់អតីតគ្រូបង្វឹកម៉ារ៉ុកលោក Vahid Halihodzic ឡើយ តែអតីតគ្រូបង្វឹកក្រុមជំរើសជាតិជប៉ុនរូបនេះក៏ត្រូវបានបណ្តេញចេញកាលពីខែសីហាកន្លងទៅ ដោយសារតែបញ្ហាជ្រើសរើសកីឡាករ។ ឆ្នាំមុនលោក Halihodzic ចោតថា Hakim Ziyech បន្លំថា ខ្លួនឯងមានរបួសគេចវេសមិនលេងឱ្យក្រុមជម្រើសជាតិក្នុងការប្រកួតមិត្តភាព និងជម្រុះ World Cup និងបាល់ទាត់ជើងឯកទ្វីបអាហ្វ្រិក ខណៈ Ziyech ខ្លួនឯងក្រោយមកបដិសេធមិនលេងក្រោមការដឹកនាំរបស់លោក Halihodzic។មិនត្រឹមតែ Ziyech ទេខ្សែការពារ Bayern Munich, Noussair Mazraoui ដែលមានបញ្ហាជាមួយ Halihodzic នោះក៏ត្រូវកោះហៅត្រលប់មកវិញដែរ។ ម៉ារ៉ុកត្រូវប្រកួតមិត្តភាពជាមួយក្រុមស៊ីលីនៅទីក្រុង Barcelona ថ្ងៃទី២៣ ខែកញ្ញានេះ មុនជួបប៉ារ៉ាហ្កាយបួនថ្ងៃបន្ទាប់នៅទីក្រុង Seville ប្រទេសអេស្ប៉ាញដដែល។ ម៉ារ៉ុកស្ថិតក្នុងពូល F នៅ World Cup ដោយត្រូវជួបជាមួយប៊ែលហ្ស៊ិក កាណាដា និងក្រូអាស៊ី៕អត្ថបទ៖នាង សុភាវុធ

Newcastle នាំយកអតីតអ្នកចាំទី Liverpool, Loris Karius ក្នុងកិច្ចសន្យាខ្លីត្រឹមខែមករា

បាល់ទាត់៖ ក្លិបសារិកាព្រៃ Newcastle បានសំរេចក្នុងការនាំយកអ្នកចាំទីអាល្លឺម៉ង់ Loris Karius ក្នុងកិច្ចសន្យារយៈពេលខ្លីត្រឹមខែមករាដើម្បីបំពេញការខ្វះខាតអ្នកចាំទីដៃទី២។ កីឡាករវ័យ ២៩ឆ្នាំរូបនេះបាននៅទំនេរពីក្លិបអាជីពបន្ទាប់ពីចាកចេញពី Liverpool ចុងរដូវកាលមុន ហើយការមកដល់កីឡដ្ឋាន St. James Park នេះ Karius ក៏មានលក្ខខណ្ឌបន្តបន្ថែមកិច្ចសន្យាដល់ចប់រដូវកាលផងដែរ។ Loris Karius មកកាន់ Newcastle បន្ទាប់ពីអ្នកចាំទីដៃទី២ Karl Darlow មានរបួសកជើងត្រូវសម្រាកច្រើនខែ។ Newcastle បានបាត់អ្នកចាំទីដៃទី១ របស់ខ្លួន Martin Dubravka ដែលផ្លាស់ទៅកាន់ Manchester United ក្នុងលក្ខខណ្ឌខ្ចី ខណៈអ្នកចាំទីអង់គ្លេស Nick Pope គឺជាជម្រើសដំបូងក្រោយផ្លាស់ពី Burnley។ រំលឹកថា Loris Karius មានប្រវត្តិជូរចត់ការពីឆ្នាំ២០១៨ នៅវគ្គផ្តាច់ព្រ័ត្រ UCL ពេល Liverpool ចាញ់ Real Madrid ៣-១ ពោលគឺ Karius មានកំហុសធ្ងន់ធ្វើឱ្យមានគ្រាប់បាល់ពីរគ្រាប់ក្នុងចំណោម ៣ នោះ៕អត្ថបទ៖នាង សុភាវុធ

គ្រូ Bayern Munich កំពុងគិតថា បិទអតីតខ្សែប្រយុទ្ធរបស់ខ្លួន Lewandowski បែបណា

បាល់ទាត់៖ អ្នកចាត់ការក្លិបអាល្លឺម៉ង់លោក Julian Nagelsmann នឹងសំរេចចិត្តនៅកៀកម៉ោងនៃការប្រកួតថា តើនឹងដាក់ខ្សែការពារកណ្តាលរូបណាដើម្បីទប់ទល់អតីតខ្សែប្រយុទ្ធរបស់ខ្លួន Robert Lewandowski នៅពេលទទួល Barcelona រាត្រីនេះក្របខណ្ឌ UEFA Champions League ពូល C។ ខ្សែប្រយុទ្ធប៉ូឡូញដែលស៊ុតបញ្ចូលទីបាន ៣៤៤គ្រាប់ក្នុងចំណោម ៣៧៥ប្រកួតនៅ Bayern Munich រយៈពេល ៨ឆ្នាំនោះបានផ្លាស់ទៅកាន់ Barcelona កាលពីខែកក្កដាក្នុងតម្លៃ ៤៥លានអឺរ៉ូ។ អតីតអ្នកចាត់ការ Leipzig លោក Nagelsmann អាចនឹងជ្រើសរើសខ្សែការពារកណ្តាលរួមមាន Dayot Upamecano, Matthijs de Ligt និង Lucas Hernandez ជាជម្រើសដំបូង។ លោក Nagelsmann បាននិយាយថា ថ្វីបើឈានចូលវ័យ ៣៤ឆ្នាំ Lewandowski នៅតែស្ថិតនៅកម្រិតកំពូលដែលអាចរកបាន ៤០គ្រាប់ក្នុងមួយរដូវកាល។Lewandowski មកទល់ពេលនេះរកបាន ៦គ្រាប់ហើយក្នុងចំណោម ៥ប្រកួតឱ្យ Barcelona នៅ La Liga។ Bayern Munich ចាប់ផ្តើមប្រកួតដំបូងនៅ UCL សប្តាហ៍មុនយកឈ្នះនៅទឹកដី Inter Milan ២-០ តែក្រោយមកក៏ស្មើ Stuttgart ក្នុងដី ២-២ នៅ Bundesliga ខណៈ Barcelona យកឈ្នះ Viktoria Plzen ៥-១ និងឈ្នះនៅដី Cadiz ៤-០ នៅ La Liga៕អត្ថបទ៖នាង សុភាវុធ

Diego Costa ផ្លាស់មកកាន់ Wolverhampton ផ្លូវការក្រោយតវ៉ាជាមួយ FA បានសម្រេច

បាល់ទាត់៖ ខ្សែប្រយុទ្ធអេស្ប៉ាញ Diego Costa បានផ្លាស់មកកាន់ក្លិបបាល់ទាត់ Wolverhampton ផ្លូវការហើយក្រោយចុះកិច្ចសន្យាលេងដល់ចប់រដូវកាល។ កីឡាករវ័យ ៣៣ឆ្នាំ Diego Costa បានទៅដល់ជំរុំហ្វឹកហាត់ Compton របស់ Wolves តាំងពីសប្តាហ៍មុនរង់ចាំការអនុញ្ញាតពី FA ក្នុងការចុះបញ្ជី។ បើតាមច្បាប់របស់ FA កង្វះសកម្មភាពបាល់ទាត់ប៉ុន្មានខែចុងក្រោយនេះមានន័យថា Diego Costa មិនទាន់បានការចុះបញ្ជីឈ្មោះដោយស្វ័យប្រវត្តិពីការស្នើសុំរបស់ក្លិបឡើយ។ អតីតខ្សែប្រយុទ្ធតោខៀវ Chelsea រូបនេះត្រូវបាន Wolves ធ្វើទំនាក់ទំនងនាំយកមកកាន់ទឹកដីអង់គ្លេសវិញ បន្ទាប់ពីក្លិបបាត់បង់ខ្សែប្រយុទ្ធទាំងពីររូបដោយសាររបួសរួមមាន Sasa Kaladzic និង Raul Jimenez។Diego Costa បាននៅទំនេរពីការប្រកួតឱ្យក្លិបអាជីពតាំងពីខែមករា ក្រោយចាកចេញពីក្លិបប្រេស៊ីល Atletico Mineiro ពោលគឺកីឡាករវ័យ ៣៣ឆ្នាំរូបនេះមិនបានចូលប្រកួតបាល់ទាត់អាជីពតាំងពីថ្ងៃទី១២ ខែធ្នូចុងឆ្នាំមុន។ រំលឹកថា Diego Costa ធ្លាប់មានអាជីពជោគជ័យនៅ Chelsea ដោយឈ្នះជើងឯក Premier League ពីរលើក និងឈ្នះពានផ្សេងទៀតជាមួយក្លិបអេស្ប៉ាញ Atletico Madrid។ Wolves បច្ចុប្បន្នឈរលេខ ១៤ នៅ Premier League រដូវកាលនេះក្រោយឈ្នះ ១ប្រកួតគត់៕អត្ថបទ៖នាង សុភាវុធ

ក្រុមធ្លាក់ទម្រង់ Liverpool ទទួលក្រុមឡើងជើង Ajax រាត្រីនេះក្របខណ្ឌ UCL

បាល់ទាត់៖ ក្រុមដែលកំពុងធ្លាក់ចុះទម្រង់លេងខ្លាំងហង្សក្រហម Liverpool នឹងទទួលស្វាគមន៍ក្រុមដែលកំពូលឡើងជើងខ្លាំង Ajax Amsterdam រាត្រីនេះប្រកួតទី២ នៃវគ្គវិលជុំក្នុងពូល A ក្របខណ្ឌ UEFA Champions League។ ក្រុមរបស់លោក Jurgen Klopp បានរងបរាជ័យធ្ងន់ករនៅទឹកដី Napoli សប្តាហ៍មុន ៤-១ ខណៈ Ajax យកឈ្នះ Rangers ៤-០។ បរាជ័យរបស់ Liverpool នៅទឹកដីអ៊ីតាលីសប្តាហ៍មុនត្រូវបានលោក Jurgen Klopp ហៅថា ជាការប្រកួតអន់បំផុតក្រោមការដឹកនាំរបស់លោកតាំងពីមកកាន់តំណែងនៅ Liverpool។ អ្នកចាត់ការសញ្ជាតិអាល្លឺម៉ង់រូបនេះ នៅពេលនេះមើលឃើញថា Ajax ជាក្រុមរៀបចំបានល្អ និងជាគូប្រកួតតានតឹងមួយក្នុងពូល A នេះ។ ខ្សែការពារឆ្វេងរបស់ Liverpool, Andy Robertson នឹងអវត្តមានយប់នេះដោយសាររបួសជង្គង់ ខណៈកីឡាករផ្សេងទៀតដែលមានរបួសរួមមាន Curtis Jones, Naby Keita និង Alex Oxlade-Chamberlain។ចំណែក Ajax មានកីឡាករម្នាក់តែប៉ុណ្ណោះដែលមានរបួសគឺខ្សែការពារឆ្វេង Owen Wijndal ដែលមានរបួសកជើង។ Ajax មុនមកដល់ប្រកួតនេះបានយកឈ្នះ Heerenveen ៥-០ ក្នុងលីគ ខណៈ Liverpool មិនមានការប្រកួតឡើយ ដោយសារអង់គ្លេសកាន់ទុក្ខនៃការយាងសោយព្រះពិរាល័យម្ចាស់ក្សត្រីយ៍ Elizabeth II៕អត្ថបទ៖នាង សុភាវុធ

កីឡាករ-កីឡាការិនីវាយកូនបាល់ ៦រូបកំពុងសំងំហាត់នៅអាមេរិកត្រៀមស៊ីហ្គេម

វាយកូនបាល់៖ កីឡាករ-ការិនីវាយកូនបាល់ជម្រើសជាតិកម្ពុជា ៦រូបកំពុងសំងំហ្វឹកហាត់នៅអាមេរិក ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ នេះបើតាមការបញ្ជាក់របស់លោក ជា ពៅ គ្រូបង្វឹកក្រុមកីឡាវាយកូនបាល់កម្ពុជា។ គ្រូបង្វឹកដដែលបានបញ្ជាក់ថា សមាជិកក្រុមជម្រើសជាតិវាយកូនបាល់កម្ពុជា ដែលកំពុងប្រមូលផ្ដុំហ្វឹកហាត់ត្រៀមស៊ីហ្គេមគឺមាន ១១នាក់ក្នុងនោះ ៥នាក់កំពុងហ្វឹកហាត់ក្នុងស្រុក និង ៦នាក់ទៀតត្រូវបានសហព័ន្ធបញ្ជូនទៅហ្វឹកហាត់នៅអាមេរិកគឺមានកីឡាករ ៣នាក់ និងកីឡាការិនី ៣នាក់។ លោកថា បច្ចុប្បន្នសហព័ន្ធកំពុងខិតខំ និងយកចិត្តទុកដាក់ជាខ្លាំងក្នុងការពង្រឹងសមត្ថភាពក្រុមជម្រើសជាតិរបស់ខ្លួន ដើម្បីឈានទៅសម្រេចផែនការដណ្ដើមមេដាយមាសយ៉ាងហោច ១គ្រឿងដែលគណៈកម្មាធិការជាតិ CAMSOC បានកំណត់សន្ទស្សន៍មេដាយសម្រាប់ព្រឹត្តិការណ៍ជាប្រវត្តិសាស្ដ្រនៅកម្ពុជានាឆ្នាំក្រោយ។តាមរយៈនេះសហព័ន្ធបានពង្រឹងផែនការហ្វឹកហាត់ទាំងក្នុងស្រុក និងក្រៅស្រុក ក៏ដូចជារៀបចំការប្រកួតជាច្រើនដើម្បីពង្រឹងសមត្ថភាពកីឡាករ-កីឡាការិនី។ ជាការកត់សម្គាល់ សហព័ន្ធសង្កេតឃើញក្រុមកីឡាករ-កីឡាការិនីកម្ពុជាឆ្នាំនេះមានភាពរីកចម្រើនគួរឲ្យកត់សម្គាល់ ដែលជាក្ដីសង្ឃឹមឆ្ពោះទៅដណ្ដើមមេដាយជូនជាតិ។ លោក ជា ពៅ បានឲ្យដឹងថា កីឡាករ-កីឡាការិនីវាយកូនបាល់កម្ពុជា ៦រូបដែលកំពុងហ្វឹកហាត់នៅអាមេរិករួមមានកីឡាករ ក្រូសលីន ម៉ាឌីវ ដាវិត, ឡេង សារិនរាជ និងកីឡាករ ទេព ទីម៉ូធី រួមជាមួយកីឡាការិនី កាអង់ដ្រេអា ដារ៉ាវី, ក្រូសលីន ហ្គ្រាសអានិត្យ និងកីឡាការិនី ស៊ុម ចិន្ដា៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជំនាញការពិភពលោកថា កង្វះខាតធនធានមនុស្សគឺជាឧបសគ្គសម្រាប់អត្តពលកម្មកម្ពុជា

Matip តែតចុងម៉ោងឱ្យ Liverpool យកឈ្នះ Ajax តានតឹង ២-១

U20 កម្ពុជាហាត់ភ្លាមៗក្រោយចុះពីយន្ដហោះ មុនទៅសណ្ឋាគារត្រៀមប៉ះលីបង់យប់នេះ

បីប្រកួតទៀតនៅ Premier League សប្តាហ៍នេះត្រូវលើកពេល

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

Newcastle នាំយកអតីតអ្នកចាំទី Liverpool, Loris Karius ក្នុងកិច្ចសន្យាខ្លីត្រឹមខែមករា

គ្រូ Bayern Munich កំពុងគិតថា បិទអតីតខ្សែប្រយុទ្ធរបស់ខ្លួន Lewandowski បែបណា

Diego Costa ផ្លាស់មកកាន់ Wolverhampton ផ្លូវការក្រោយតវ៉ាជាមួយ FA បានសម្រេច

ក្រុមធ្លាក់ទម្រង់ Liverpool ទទួលក្រុមឡើងជើង Ajax រាត្រីនេះក្របខណ្ឌ UCL

កីឡាករ-កីឡាការិនីវាយកូនបាល់ ៦រូបកំពុងសំងំហាត់នៅអាមេរិកត្រៀមស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជំនាញការ​ពិភពលោក​ថា កង្វះខាត​ធនធាន​មនុស្ស​គឺជា​ឧបសគ្គ​សម្រាប់​អត្តពលកម្ម​កម្ពុជា

Matip តែ​ត​ចុង​ម៉ោង​ឱ្យ Liverpool យកឈ្នះ Ajax តានតឹង ២-១

U20 ​កម្ពុជាហាត់​ភ្លាមៗក្រោយ​ចុះ​ពី​យន្ដហោះ មុន​ទៅ​សណ្ឋាគារត្រៀម​ប៉ះ​លី​បង់​យប់​នេះ

បី​ប្រកួត​ទៀត​នៅ Premier League សប្តាហ៍​នេះ​ត្រូវ​លើក​ពេល​

គ្រូបង្វឹក​ម៉ា​រ៉ុ​ក​ថ្មី​កោះហៅ Hakim Ziyech ចូល​ក្រុម​ជម្រើសជាតិ​វិញ​ត្រៀម​ប្រកួត​មិត្តភាព​

Newcastle នាំយក​អតីត​អ្នកចាំទី Liverpool, Loris Karius ក្នុង​កិច្ចសន្យា​ខ្លី​ត្រឹម​ខែមករា​

គ្រូ Bayern Munich កំពុង​គិត​ថា ​បិទ​អតីត​ខ្សែប្រយុទ្ធ​របស់​ខ្លួន Lewandowski បែប​ណា

Diego Costa ផ្លាស់​មកកាន់ Wolverhampton ផ្លូវការ​ក្រោយ​តវ៉ា​ជាមួយ FA បានសម្រេច​

ក្រុម​ធ្លាក់​ទម្រង់ Liverpool ទទួល​ក្រុម​ឡើង​ជើង Ajax រាត្រី​នេះ​ក្របខណ្ឌ UCL

កីឡាករ​-​កីឡាការិនី​វាយ​កូន​បាល់ ៦​រូប​កំពុងសំងំហាត់​នៅ​អាមេរិក​ត្រៀម​ស៊ី​ហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជំនាញការពិភពលោកថា កង្វះខាតធនធានមនុស្សគឺជាឧបសគ្គសម្រាប់អត្តពលកម្មកម្ពុជា

Matip តែតចុងម៉ោងឱ្យ Liverpool យកឈ្នះ Ajax តានតឹង ២-១

U20 កម្ពុជាហាត់ភ្លាមៗក្រោយចុះពីយន្ដហោះ មុនទៅសណ្ឋាគារត្រៀមប៉ះលីបង់យប់នេះ

បីប្រកួតទៀតនៅ Premier League សប្តាហ៍នេះត្រូវលើកពេល

គ្រូបង្វឹកម៉ារ៉ុកថ្មីកោះហៅ Hakim Ziyech ចូលក្រុមជម្រើសជាតិវិញត្រៀមប្រកួតមិត្តភាព

Newcastle នាំយកអតីតអ្នកចាំទី Liverpool, Loris Karius ក្នុងកិច្ចសន្យាខ្លីត្រឹមខែមករា

គ្រូ Bayern Munich កំពុងគិតថា បិទអតីតខ្សែប្រយុទ្ធរបស់ខ្លួន Lewandowski បែបណា

Diego Costa ផ្លាស់មកកាន់ Wolverhampton ផ្លូវការក្រោយតវ៉ាជាមួយ FA បានសម្រេច

ក្រុមធ្លាក់ទម្រង់ Liverpool ទទួលក្រុមឡើងជើង Ajax រាត្រីនេះក្របខណ្ឌ UCL

កីឡាករ-កីឡាការិនីវាយកូនបាល់ ៦រូបកំពុងសំងំហាត់នៅអាមេរិកត្រៀមស៊ីហ្គេម