នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប
អ្នកនយោបាយមានសុទិដ្ឋិនិយមថាបេសកកម្មការទូតរបស់សម្តេចធិបតីនឹងមានប្រយោជន៍ចំពោះបញ្ហាព្រំដែន
ក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់​ទំនប់អាងទឹក​វិទ្យាស្ថាន​ពហុ​ជំនាញ​យោធាតេជោសែន​ក្នុងខេត្តតាកែវ ខណៈសម្រេចការសាងសង់បាន ៩៥%
ក្រសួងអភិវឌ្ឍន៍ជនបទ បើកការដ្ឋានស្ថាបនាផ្លូវក្រាលក្រួសក្រហម និងស្ពានបេតុង ជា​អំណោយ​របស់​សម្តេច​ធិបតី​ផ្ដល់​ជូន​ពលរដ្ឋ​នៅ​ស្រុក​ត្រពាំងប្រាសាទ

នយោបាយ​ និង ការអភិវឌ្ឍន៍

សម្តេចធិបតី៖ ការបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃ៥សីហា គឺចំថ្ងៃខួបកំណើតសម្តេចតេជោ

2024/07/01 09:49:04 am        378
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ថ្ងៃបើកការដ្ឋានសាងសង់នូវគម្រោង «ព្រែកជីកហ្វូណនតេជោ» ថ្ងៃទី៥ ខែសីហា ឆ្នាំ២០២៤ខាងមុខនេះ គឺចំថ្ងៃខួបកំណើតរបស់សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា ដែលជាអ្នក​ផ្ដួចផ្ដើម​នៃការសាងសង់នូវ គម្រោងជាប្រវត្តិសាស្រ្តមួយនេះ។ក្នុងឱកាសអញ្ជើញជាអធិបតីក្នុងពិធីទិវាមច្ឆជាតិ ១កក្កដា លើកទី១៩ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម នាថ្ងៃទី១ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា គម្រោងព្រែកជីកហ្វូណនតេជោ មិនមែនជាគម្រោង​ផ្តាច់មុខរបស់​បុគ្គលណា មួយនោះឡើយ គឺជាគម្រោងរបស់ប្រជាជន និងប្រទេសកម្ពុជាទាំងមូល ហើយ​សម្តេចពិតជា​សប្បាយរីក រាយ​និង​ថ្លែងអំណរគុណយ៉ាងខ្លាំង​ដល់បងប្អូនប្រជាពលរដ្ឋខ្មែរមក​ពីគ្រប់ទិសទី ដែលបានប្រកាសគាំទ្រ នូវគម្រោងនេះឲ្យក្លាយទៅជាជាតិនិយមមួយដើម្បីផល​ប្រយោជន៍រួមរបស់ប្រទេសជាតិ​ លើកលែងតែក្រុម ពួកប្រឆាំងជ្រុលនិយមមួយក្តាប់​តូចតែប៉ុណ្ណោះ។សូមបញ្ជាក់ថា គម្រោងព្រែកជីកហ្វូណនតេជោមានអត្ថប្រយោជន៍ ដ៏មហាសាលសម្រាប់​កម្ពុជា​ពោលគឺ វាអាចកាត់បន្ថយរយៈពេលចម្ងាយ និងតម្លៃនៃការដឹកជញ្ជូនដែលអំណោយផលដល់​ភាពប្រកួតប្រជែងនៃទំនិញកម្ពុជា។ អាចបង្កើតតំបន់ពាណិជ្ជកម្ម មជ្ឈមណ្ឌល​ភស្តុភារកម្ម​ និង​ការអភិវឌ្ឍផែរណបថ្មីៗជាច្រើន។ ក្រៅពីនោះ ព្រែកជីកនេះក៏អំណោយផលដល់ការអភិវឌ្ឍកសិកម្ម ប្រព័ន្ធធារាសាស្ត្រ វារីវប្បកម្ម និងការចិញ្ចឹមសត្វផងដែរ។ ព្រែកជីកនេះក៏នឹងជួយគាំទ្រ​ដល់ការ​អភិវឌ្ឍប៉ូលសេដ្ឋកិច្ចទី៤របស់កម្ពុជា​ ដោយបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ ​និងកំពង់ផែផ្សេងៗទៀត ថែមទាំងជួយជំរុញការអភិវឌ្ឍផ្នែកនគរូបនីយកម្ម ក៏ដូចជាផ្នែកអចលនទ្រព្យ។ នៅមានផលប្រយោជន៍ជាច្រើន​ទៀតដែលពលរដ្ឋរស់​នៅ​តាមដងព្រែកទទួលបាន។ ផលប្រយោជន៍ដ៏មហិមានេះហើយ ដែលជំរុញឱ្យប្រជាពលរដ្ឋខ្មែរ​គ្រប់ទិសទីផ្តល់ការគាំទ្រ​ ដោយឥតរារែករហូតដល់សព្វថ្ងៃនេះចំពោះ គម្រោងដ៏មានអត្ថ ប្រយោជន៍​របស់​ជាតិទាំងមូលមួយនេះ។សម្តេចធិបតី ហ៊ុន ម៉ាណែត នាយករដ្ឋមន្រ្តី បានអះអាងថា គម្រោងយក្ស និងជាប្រវត្តិសាស្រ្តមួយ នេះពុំមែនបានផលប្រយោជន៍តែបងប្អូននៅតាមខេត្ត ដែលជាប់នឹងគម្រោងព្រែកជីកហ្វូណន​តេជោ​នេះទេ ពោលគឺបានគ្រប់ប្រជាពលរដ្ឋទាំងអស់​នៅទូទាំងប្រទេស សូម្បីតែប្រជាពលរដ្ឋនៅ​ខេត្តកំពង់ចាម ក៏ទទួលបានផលប្រយោជន៍ផងដែរ៕ អត្ថបទបាន ចក

សម្តេចធិបតី៖ ដរាបណាបក្សប្រជាជន បន្តដឹកនាំប្រទេស នឹងមិនយកពន្ធដីកសិកម្មពីកសិករជានិច្ច

2024/07/01 09:40:51 am        118
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា ដរាបណាគណបក្សប្រជាជនកម្ពុជា ទទួលបានការគាំទ្រពីបងប្អូនប្រជាពលរដ្ឋឲ្យបន្តដឹកនាំប្រទេសនោះ គឺរាជរដ្ឋាភិបាលនឹងបន្ត មិនយកពន្ធដីកសិកម្មពីបងប្អូនកសិករជានិច្ច រួមទាំងការលើកលែងពន្ធសម្ភារកសិកម្មផងដែរ។ក្នុងឱកាសអញ្ជើញជាអធិបតីក្នុងពិធីទិវាមច្ឆជាតិ ១កក្កដា លើកទី១៩ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម នាថ្ងៃទី១ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាលអាណត្តិទី៧នេះ នឹងបន្តពីរាជរដ្ឋាភិបាលអាណត្តិមុនៗ ដាក់ចេញនូវគោលនយោបាយជាបន្តបន្ទាប់ ដើម្បីលើកស្ទួយកសិកម្ម ខណៈវិស័យកសិកម្មជាផ្នែកមួយ នៃការលើកស្ទួយដល់សេដ្ឋកិច្ចកម្ពុជា។ សម្តេច បានបន្ថែមទៀតថា បងប្អូនប្រជាពលរដ្ឋបន្តបោះឆ្នោតជូនគណបក្សប្រជាជនកម្ពុជា ឲ្យដឹកនាំប្រទេសជាបន្តទៀតនោះ គឺរាជរដ្ឋាភិបាលនឹងបន្តលើកលែងពន្ធដីកសិកម្មជារៀងរហូត។សម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានប្រកាសថា ​រាជរដ្ឋាភិបាល នឹងបន្តរក​ដំណោះស្រាយ​បញ្ហាមួយចំនួនរបស់បងប្អូនកសិករ ក្នុងនោះដៃម្ខាងត្រូវធានា​តម្លៃគិតគូរ​ពី​ចំណូលរបស់កសិករ និងដៃម្ខាងទៀតត្រូវធានាមិនឱ្យទំនិញឡើងថ្លៃ ដែលជាការធ្វើឲ្យប៉ះពាល់​ដល់ការចំណាយរបស់អ្នកទិញ។ ដោយត្រង់ន័យនេះ សម្ដេចធិបតី បានលើកឡើងថា ដើម្បី​ធានាលើរឿងទាំងពីរនេះ រាជរដ្ឋាភិបាលត្រូវមានដំណោះស្រាយ លើតម្លៃផលិតរបស់កសិករ តាមរយៈការបន្ថយពន្ធអាករ និងការនាំចូលគ្រឿងចក្រកសិកម្មជាដើម៕អត្ថបទបាន ចក់

សមាជិកជាន់ខ្ពស់នៃបក្សប្រជាធិបតេយ្យ ច្រានចោលការជំនួសតំណែងបេក្ខជនរបស់លោក Biden

2024/07/01 09:09:24 am        107
Facebook Telegram Linkin
បណ្ដាសមាជិកជាន់ខ្ពស់នៃគណបក្សប្រជាធិបតេយ្យ កាលពីថ្ងៃអាទិត្យ (៣០ មិថុនា) បានច្រានចោលលទ្ធភាពនៃការជំនួសបេក្ខភាពលោកប្រធានាធិបតី ចូ បៃដិន (Joe Biden) ដែលត្រូវបានតែងតាំងជាបេក្ខជនប្រធានាធិបតីពីបក្សប្រជាធិបតេយ្យ បន្ទាប់ពីលោកធ្វើមិនបានល្អក្នុងការជជែកដេញដោល ហើយបានអំពាវនាវឱ្យសមាជិកគណបក្សផ្តោតលើផលវិបាកនៃអាណត្តិប្រធានាធិបតីលើកទីពីររបស់លោក ដូណាល់ ត្រាំ (Donald Trump) ជំនួសវិញ។បន្ទាប់ពីមានការវែកញែកជាច្រើនថ្ងៃអំពីរាត្រីដ៏រអាក់រអួលរបស់លោក បៃដិន នៅលើវេទិកាជជែកដេញដោលជាមួយលោក ត្រាំ បណ្ដាមេដឹកនាំគណបក្សប្រជាធិបតេយ្យបានច្រានចោលយ៉ាងម៉ឺងម៉ាត់ចំពោះការអំពាវនាវឱ្យគណបក្សពួកគេជ្រើសរើសបេក្ខជនប្រធានាធិបតីវ័យក្មេងសម្រាប់ការបោះឆ្នោតនៅថ្ងៃទី០៥ ខែវិច្ឆិកា។ ការអំពាវនាវឱ្យលោក បៃដិន ចុះចេញពីតំណែងបានបន្តចាប់តាំងពីថ្ងៃព្រហស្បតិ៍ សប្ដាហ៍មុនមក ហើយការស្ទង់មតិក្រោយការជជែកដេញដោលរបស់សារព័ត៌មាន ស៊ីប៊ីអេស (CBS) បានបង្ហាញពីការកើនឡើង ១០ ពិន្ទុនៅក្នុងចំនួនសមាជិកបក្សប្រជាធិបតេយ្យ ដែលជឿថាលោក បៃដិន មិនគួរឈរឈ្មោះជាប្រធានាធិបតីទៀតទេ ដោយទទួលបាន ៤៦ ភាគរយពីចំនួន ៣៦ ភាគរយកាលពីខែកុម្ភៈ។ប៉ុន្តែបណ្ដាមេដឹកនាំបក្សប្រជាធិបតេយ្យបានច្រានចោលលើកង្វល់ទាំងនោះ។ មេដឹកនាំគណបក្សប្រជាធិបតេយ្យ លោក ហាឃីម ជេសហ្វ្រីស៍ (Hakeem Jeffries) ដែលអាចក្លាយជាប្រធានសភានៅឆ្នាំក្រោយ ប្រសិនបើបក្សលោកអាចគ្រប់គ្រងសភាក្នុងខែវិច្ឆិកា បានទទួលស្គាល់ថាលោក បៃដិន បានទទួលរងនូវជំហានថយក្រោយតិចតួច ប៉ុន្តែនោះគឺជា «ការដកថយសម្រាប់វាយលុក» ប៉ុណ្ណោះ៕

ប្រសាសន៍សំខាន់ៗរបស់​សម្តេចធិបតី ក្នុងទិវាមច្ឆជាតិនាថ្ងៃទី១កក្កដានេះ នៅខេត្តកំពង់ចាម

2024/07/01 09:00:27 am        98
Facebook Telegram Linkin
កំពង់ចាម៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី០១ ខែកក្កដា ឆ្នាំ២០២៤ បានអញ្ជើញជាអធិបតី ក្នុងពិធីទិវាមច្ឆជាតិ ១កក្កដា ២០២៤ នៅបឹងធំ ភូមិកំពង់សំណាញ់ ឃុំមៀន ស្រុកព្រៃឈរ នៅខេត្តកំពង់ចាម ។ប្រសាសន៍សំខាន់ៗរបស់​សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តី៖ ត្រីគឺជាប្រភពអាហារជាចម្បងរបស់ប្រជាពលដ្ឋខ្មែរ ដូច្នេះបងប្អូនប្រជាពលរដ្ឋគប្បីថែរក្សា និងធ្វើការអភិរក្សត្រីនេះ ឲ្យកាន់តែមានប្រសិទ្ធភាព និងសម្បូរបន្ថែមទៀត។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ដរាបណាគណបក្សប្រជាជននៅបន្តកាន់អំណាច ដរាបនោះពន្ធលើផ្ទៃដីដាំដុះកសិផល នឹងត្រូវលើកលែង ដើម្បីជួយដល់កសិករ និងពង្រឹងជីវភាពពលរដ្ឋកាន់តែប្រសើរ។-សម្តេចធិបតី ហ៊ុន ម៉ាណែត៖ រាជរដ្ឋាភិបាលបានដាក់ចេញនូវគោលនយោបាយជាបន្តបន្ទាប់ ដើម្បីលើកស្ទួយកសិកម្ម ខណៈវិស័យកសិកម្មជាផ្នែកមួយ នៃការលើកស្ទួយដល់សេដ្ឋកិច្ចកម្ពុជា។-សម្ដេចធិបតី ហ៊ុន ម៉ាណែត នាយករដ្ឋមន្ត្រី បានស្នើដល់ស្ថាប័នជំនាញ ឱ្យចុះទៅពិនិត្យនៅទីតាំងជាក់ស្ដែង ដែលមានតម្រូវការផលិតផលកសិកម្ម ដើម្បីផ្គត់ផ្គង់ឱ្យត្រូវតាមការចង់បានរបស់ទីផ្សារទាំងនៅកម្រិតជាតិ និងអន្តរជាតិ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី អំពាវនាវដល់ស្ថាប័នជំនាញឱ្យបង្កើនការស្រាវជ្រាវ និងបង្កាត់ពូជត្រីដែលជិតផុតពូជឱ្យមានចំនួនច្រើនឡើងវិញ ដើម្បីជំរុញការងារអភិរក្ស និងលែងទៅក្នុងទឹកធម្មជាតិ។-សម្ដេចធិបតី ហ៊ុន ម៉ាណែត៖ ក្នុងរយៈពេលប៉ុន្មានខែនេះ កម្ពុជានាំផលិត ផលកសិកម្មជិតប្រាំបួនលានតោន ទៅកាន់ ៧៨ ប្រទេសនៅទូទាំងពិភពលោក។-សម្ដេចធិបតី ហ៊ុន ម៉ាណែត នាយករដ្ឋមន្ត្រី ថ្លែងអំណរគុណចំពោះពលរដ្ឋទាំងអស់ ដែលគាំទ្រដល់គម្រោងប្រវត្តិសាស្ត្រព្រែកជីកហ្វូណនតេជោ ដែលការគាំទ្រនេះបង្ហាញពីស្មារតីជាតិនិយមទាំងអស់គ្នា ដោយការគាំទ្រនេះ មានទាំងប្រជាពលរដ្ឋ និងបក្សនយោបាយគ្រប់និន្នាការទាំងអស់។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ទោះអ្នកដឹកនាំវ័យក្មេង ឬ ចាស់ក្ដី គឺមានភារកិច្ចថែរក្សា ការពារ និងអភិវឌ្ឍប្រកបដោយចីរភាពទាំងអស់គ្នា។

កូរ៉េខាងជើង បាញ់មីស៊ីល២គ្រាប់ ក្រោយការអះអាងពីការជោគជ័យនៃការបាញ់មីស៊ីលបំពាក់ក្បាល

2024/07/01 08:36:30 am        141
Facebook Telegram Linkin
នៅថ្ងៃចន្ទ ១ កក្កដា នេះ កូរ៉េខាងជើងបានបាញ់សាកល្បងមីស៊ីលផ្លោងពីរគ្រាប់ ដោយយោធាកូរ៉េខាងត្បូងបានបញ្ជាក់ថា ជាការសាកល្បងអាវុធចុងក្រោយពីសំណាក់ក្រុងព្យុងយ៉ាង ដែលបានធ្វើឱ្យទំនាក់ទំនងជាមួយទីក្រុងសេអ៊ូលកាន់តែយ៉ាប់យ៉ឺន។នាយសេនាធិការចម្រុះយោធាកូរ៉េខាងត្បូង (JCS) បាននិយាយនៅក្នុងសេចក្តីថ្លែងការណ៍មួយថា មីស៊ីលផ្លោងរយៈចម្ងាយខ្លី មួយត្រូវបានបាញ់បង្ហោះនៅព្រឹកព្រលឹមថ្ងៃចន្ទនេះ។ ប្រហែល ១០ នាទីក្រោយមកមីស៊ីលទីពីរដែលមិនទាន់ស្គាល់អត្តសញ្ញាណ ត្រូវបានប្រទះឃើញ។នាយសេនាធិការចម្រុះយោធាកូរ៉េខាងត្បូង បាននិយាយថា យោធារបស់យើងបានពង្រឹងការឃ្លាំមើល និងការត្រៀមយ៉ាងប្រុងប្រយ័ត្នសម្រាប់ការបាញ់បន្ថែមទៀត ដោយបន្ថែមថាខ្លួនបានចែករំលែកព័ត៌មានអំពីឧបទ្ទវហេតុជាមួយសហរដ្ឋអាមេរិក និងជប៉ុន។ទីភ្នាក់ងារសារព័ត៌មានកណ្ដាលផ្លូវការរបស់កូរ៉េខាងជើង (KCNA) មិនបានផ្តល់ការបញ្ជាក់ភ្លាមៗអំពីការបាញ់នោះទេ។កាលពីសប្តាហ៍មុន កូរ៉េខាងជើងបានអះអាងថាបានបាញ់សាកល្បងដោយជោគជ័យនូវ មីស៊ីលបំពាក់ក្បាលគ្រាប់ជាច្រើន ប៉ុន្តែកូរ៉េខាងត្បូងបាននិយាយថា ការបាញ់បង្ហោះកាលពីថ្ងៃពុធសប្ដាហ៍មុនត្រូវបានបញ្ចប់ដោយការផ្ទុះនៅកណ្តាលអាកាស។ទំនាក់ទំនងរវាងកូរ៉េទាំងពីរគឺស្ថិតនៅចំណុចទាបបំផុតមួយក្នុងរយៈពេលប៉ុន្មានឆ្នាំមកនេះ ដោយទីក្រុងព្យុងយ៉ាងបានបង្កើនការសាកល្បងអាវុធ ខណៈ មានការទម្លាក់សំរាមជាបន្តបន្ទាប់ដោយប្រើបាឡុងក្នុងទឹកដីកូរ៉េខាងត្បូង។ការបាញ់មីស៊ីលថ្មីនេះកើតមានឡើង ខណៈប្រព័ន្ធផ្សព្វផ្សាយរដ្ឋ បាននិយាយកាលពីថ្ងៃអាទិត្យ ៣០ មិថុនានេះថា កូរ៉េខាងជើង បានរិះគន់យ៉ាងខ្លាំងលើសមយុទ្ធយោធារួមគ្នាដោយកូរ៉េខាងត្បូង ជប៉ុន និងសហរដ្ឋអាមេរិកដែលបានធ្វើឡើងក្នុងខែនេះ ដោយនិយាយថា សមយុទ្ធបែបនេះបង្ហាញពីទំនាក់ទំនងក្នុងចំណោមប្រទេសទាំងបីនេះ បានវិវត្តទៅជា ដៃជើងសម្ព័ន្ធយោធា ណាតូ នៅទ្វីបអាស៊ី៕

ទិវាមច្ឆជាតិនាថ្ងៃទី១កក្កដានេះ សម្តេចធិបតីនឹងអញ្ជើញលែងកូនត្រី១.៥លានក្បាល នៅខេត្តកំពង់ចាម

2024/07/01 07:33:27 am        209
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃទី១ ខែកក្កដា ឆ្នាំ២០២៤នេះអញ្ជើញជាអធិបតីភាពប្រារព្ធពិធីអបអរសាទរទិវាមច្ឆជាតិ១កក្កដា លើកទី១៩ ហើយជាមួយនឹងការប្រារព្ធនូវពិធីនេះ សម្តេចនឹងមានការលែងកូនត្រី ១.៥លានក្បាលចូលទៅក្នុងបឹងធំ ដែលជាបឹងធម្មជាតិដ៏ធំ ស្ថិតក្នុងភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាមផងដែរ។ចាប់តាំងពីឆ្នាំ២០០៣មក ក្រសួងកសិកម្ម រុក្ខាប្រមាញ់ និងនេសាទបានធ្វើការប្រារព្ធទិវាមច្ឆជាតិ ១កក្កដា ដើម្បីផ្សព្វផ្សាយទិវាមច្ឆជាតិ១កក្កដា និងបំផុសស្មារតីឱ្យប្រជាពលរដ្ឋនៅទូទាំងប្រទេសចូលរួមអភិរក្ស និងអភិវឌ្ឍធនធានជលផល ប្រកបដោយនិរន្តរភាព សំដៅបង្កើនផលស្តុកមច្ឆជាតិ បំពេញសេចក្តីត្រូវការអាហារមូលដ្ឋានប្រចាំថ្ងៃធានាសន្តិសុខស្បៀង និងជួយទ្រទ្រង់ជីវភាពប្រជាពលរដ្ឋជាដើម។ ជារៀងរាល់ឆ្នាំ ត្រីមេពូជ កូនត្រី និងវារីសត្វពូជក្នុងស្រុកប្រមាណ ៥លានក្បាល ត្រូវបានលែងចូលទៅក្នុងដែនទឹកធម្មជាតិ។សម្រាប់ឆ្នាំ២០២៤នេះ ក្រសួងកសិកម្មរៀបចំទិវាមច្ឆជាតិ ១ កក្កដា លើកទី១៩ នៅទីតាំងបឹងធំ ក្នុងភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម ក្នុងនោះត្រីមេពូជ កូនត្រី និងវារីសត្វសរុបជាង២០ប្រភេទ ចំនួនប្រមាណ ១.៥លានក្បាល ដូចជាត្រីប្រា ត្រីពោ ត្រីឆ្ពិន ត្រីកាហែ ត្រីគល់រាំង បង្កងទឹកសាប អណ្តើក កន្ធាយ និងប្រភេទត្រីជាច្រើនទៀតជាដើម៕អត្ថបទបាន ចក់

ប្រមុខណាតូ៖ ការគាំទ្រសព្វាវុធរបស់កូរ៉េខាងត្បូង សម្រាប់អ៊ុយក្រែន ខុសពីការផ្គត់ផ្គង់អាវុធរបស់កូរ៉េខាងជើងដល់រុស្ស៊ី

2024/06/28 02:36:03 pm        205
Facebook Telegram Linkin
ប្រមុខនៃអង្គការសន្ធិសញ្ញាអាត្លង់ទិកខាង(ណាតូ) បាននិយាយថា ការគាំទ្រអាវុធដ៏សំខាន់របស់កូរ៉េខាងត្បូងសម្រាប់អ៊ុយក្រែន មិនគួរត្រូវបានមើលឃើញថា មានលក្ខណៈដូចគ្នានឹងការបញ្ជូនអាវុធរបស់កូរ៉េខាងជើង ទៅឲ្យប្រទេសរុស្ស៊ីដែលពាក់ព័ន្ធនឹងស្ថានភាពខុសច្បាប់នៃការឈ្លានពានរបស់រុស្ស៊ីនោះទេ។ អគ្គលេខាធិការអង្គការណាតូ លោក ចេន ស្តូលថិនប៊ឺក (Jens Stoltenberg) ក៏បាននិយាយផងដែរថា អង្គការណាតូ នឹងស្វាគមន៍ «ការគាំទ្រដ៏សំខាន់ណាមួយ» ពីកូរ៉េខាងត្បូង ដើម្បីជួយអ៊ុយក្រែន ក្នុងការប្រយុទ្ធប្រឆាំងនឹងរុស្ស៊ី ដោយចង្អុលបង្ហាញថា បញ្ហាដូចជាការគំរាមកំហែងរបស់កូរ៉េខាងជើង និងសង្រ្គាមនៅអ៊ុយក្រែន បញ្ជាក់ថា ការធានាសន្តិសុខ គឺពិតជាចំបាច់ណាស់។ លោក ស្តូលថិនប៊ឺក បានថ្លែងនៅក្នុងបទសម្ភាសន៍ជាមួយទីភ្នាក់ងារសារព័ត៌មាន Yonhap នៅទីក្រុងប្រ៊ុចសែល កាលពីថ្ងៃព្រហស្បតិ៍ថា៖«យើងមិនគួរមានសមភាពផ្នែកសីលធម៌ណាមួយរវាងការគាំទ្ររបស់កូរ៉េខាងជើងចំពោះប្រទេសរុស្ស៊ី និងការគាំទ្រដ៏មានសក្តានុពលពីកូរ៉េខាងត្បូងដល់អ៊ុយក្រែននោះទេ ដោយសារនេះ គឺជាសង្គ្រាមឈ្លានពាន»។លោក បាននិយាយថា៖«ប្រទេសរុស្ស៊ី បានបំពានច្បាប់ វាយប្រហារប្រទេសជិតខាង ដូច្នេះការគាំទ្រចំពោះសង្គ្រាមខុសច្បាប់របស់រុស្ស៊ី គឺខុសច្បាប់។ ការគាំទ្រដល់អ៊ុយក្រែន ការការពារខ្លួន គឺស្របច្បាប់។ លក្ខខណ្ឌនេះ មានចែងនៅក្នុងធម្មនុញ្ញអង្គការសហប្រជាជាតិ»។លោក ស្តូលថិនប៊ឺក ក៏បានបញ្ជាក់ដែរថា៖ «ការប៉ុនប៉ងណាមួយ ដើម្បីធ្វើឲ្យការគាំទ្រដល់រុស្ស៊ីស្នើគ្នាជាមួយការគាំទ្រអ៊ុយក្រែន គឺខុសទាំងស្រុង»។

សារព័ត៌មានNBC៖ អាមេរិក ត្រៀមជម្លៀសពលរដ្ឋរបស់ខ្លួន ចេញពីប្រទេសលីបង់

2024/06/28 02:32:22 pm        130
Facebook Telegram Linkin
សារព័ត៌មាន NBC បានរាយការណ៍ដោយដកស្រង់ប្រភពមួយចំនួនថា ក្រសួងការពារជាតិសហរដ្ឋ អាមេរិក កំពុងឲ្យកងកម្លាំងរបស់ខ្លួនចល័តចូលខិតទៅជិតព្រំដែនអ៊ីស្រាអែល-លីបង់ ដើម្បីជម្លៀសពលរដ្ឋរបស់ខ្លួនចេញពីប្រទេសលីបង់ភ្លាមៗ ប្រសិនបើចាំបាច់។យោងតាមរបាយការណ៍ ទីក្រុងវ៉ាស៊ីនតោន បារម្ភថា អ៊ីស្រាអែល អាចនឹងចាប់ផ្តើមប្រតិបត្តិការជើងគោកនៅប្រទេសលីបង់ ក្នុងប៉ុន្មានសប្តាហ៍ខាងមុខនេះ។កាលពីថ្ងៃពុធ នាវាវាយប្រហារពហុបំណង USS Wasp របស់កងទ័ពជើងទឹកសហរដ្ឋអាមេរិក និងអង្គភាពបេសកកម្មដែនសមុទ្រទី២៤ ត្រូវបានដាក់ពង្រាយឡើងវិញ ទៅកាន់សមុទ្រមេឌីទែរ៉ាណេ។ លើសពីនេះទៅទៀតនោះ នាវា USS Oak Hill ក៏បានចូលនៅក្នុងតំបន់នេះដែរ។ ក្រៅពីនេះ មន្ត្រីអាមេរិក នៅតែទាក់ទងជាមួយសម្ព័ន្ធមិត្ត ដើម្បីសម្របសម្រួលការជម្លៀសរួមគ្នា ប្រសិនបើចាំបាច់នោះ។គួរបញ្ជាក់ផងដែរថា មានការរាយការណ៍មុននេះថា កងទ័ពអ៊ីស្រាអែល បានអនុម័តផែនការប្រតិបត្តិការមួយសម្រាប់ការវាយលុកនៅក្នុងប្រទេសលីបង់ នៅពាក់កណ្តាលខែមិថុនា។ បន្ទាប់ពីប្រតិបត្តិការប្រឆាំងនឹងចលនាបដិវត្តន៍ ប៉ាឡេស្ទីនហាម៉ាស នៅតំបន់ហ្កាហ្សាស្ទ្រីប អាជ្ញាធររបស់ប្រទេសរំពឹងថា នឹងវាយប្រហារក្នុងពេលដំណាលគ្នាជាមួយក្រុមហេសបូឡានៅប្រទេសលីបង់។ ក្រុមហេសបូឡា ដូចជាក្រុមហាម៉ាស ប្រឆាំងអ៊ីស្រាអែល ហើយតែងតែបាញ់ផ្តោងចូលទឹកដីរបស់ប្រទេសនេះ ពីភាគខាងជើង។

ក្រុមប្រឹក្សាUN បន្តរបបទណ្ឌកម្មថ្មី លើសាធារណរដ្ឋប្រជាធិបតេយ្យកុងហ្គោ

2024/06/28 02:19:09 pm        62
Facebook Telegram Linkin
ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃព្រហស្បតិ៍ បានសម្រេចបន្តរបបទណ្ឌកម្មថ្មី ចំពោះសាធារណរដ្ឋប្រជាធិបតេយ្យកុងហ្គោ (DRC) រហូតដល់ថ្ងៃទី១ ខែកក្កដា ឆ្នាំ២០២៥ និងអាណត្តិនៃក្រុមអ្នកជំនាញផ្នែកឆ្លើយឆ្លង នឹងបន្តរហូតដល់ថ្ងៃទី ១ ខែសីហា ឆ្នាំ២០២៥។ក្រុមប្រឹក្សា បានអនុម័តជាឯកច្ឆ័ន្ទនូវសេចក្តីសម្រេចលេខ២៧៣៨ ដែលបានសម្រេចបន្តថ្មីវិធានការទាក់ទងទៅនឹងអាវុធ ហិរញ្ញវត្ថុ និងការធ្វើដំណើរទៅសាធារណរដ្ឋប្រជាធិបតេយ្យកុងហ្គោ រហូតដល់ថ្ងៃទី ១ ខែកក្កដា ឆ្នាំ២០២៥។ក្រុមប្រឹក្សា ក៏បានបន្តថ្មី ពីការបញ្ជាក់ឡើងវិញកាលពីមុនរបស់ខ្លួន នូវវិធានការដាក់លើសព្វាវុធ លែងឲ្យអនុវត្តការផ្គត់ផ្គង់ ការលក់ ឬការផ្ទេរសព្វាវុធ និងសម្ភារៈដែលពាក់ព័ន្ធ ការផ្តល់ជំនួយណាមួយ ឬការបណ្តុះបណ្តាលទាក់ទងទៅនឹងសកម្មភាពយោធាដល់រដ្ឋាភិបាលកុងហ្គោ។ ក្រុមប្រឹក្សា បានស្នើសុំបន្ថែមទៀតដល់អគ្គលេខាធិការអង្គការសហប្រជាជាតិ ឱ្យចាត់វិធានការរដ្ឋបាលដែលចាំបាច់ ដើម្បីបង្កើតក្រុមអ្នកជំនាញឡើងវិញ ហើយបញ្ជាក់សារជាថ្មីអំពីសារៈសំខាន់នៃការធានាបានសុវត្ថិភាព និងសន្តិសុខនៃសមាជិករបស់ខ្លួន ហើយក៏បានស្នើសុំ ឲ្យក្រុមអ្នកជំនាញផ្តល់ដល់ក្រុមប្រឹក្សាសន្តិសុខ នូវរបាយការណ៍ពាក់កណ្តាលអាណត្តិ មិនឲ្យហួសពីថ្ងៃទី៣០ ខែធ្នូ ឆ្នាំ២០២៤ និងរបាយការណ៍ចុងក្រោយ មិនហួសពីថ្ងៃទី១៥ ខែមិថុនា ឆ្នាំ២០២៥។សេចក្តីសម្រេច ក៏បានរំលឹកពីការប្តេជ្ញាចិត្តរបស់អគ្គលេខាធិការអង្គការសហប្រជាជាតិថា នឹងធ្វើអ្វីៗគ្រប់យ៉ាងដែលអាចធ្វើទៅបាន ដើម្បីធានាបានថា អ្នកប្រព្រឹត្តការសម្លាប់សមាជិកក្រុមអ្នកជំនាញចំនួនពីរនាក់ និងជនជាតិកុងហ្គោបួននាក់ដែលអមដំណើរពួកគេ ត្រូវបាននាំមកកាត់ទោស ហើយបានបញ្ជាក់ពីសារៈសំខាន់ នៃការដាក់ពង្រាយដែលនៅតែបន្ត នៃយន្តការតាមដាន សាធារណរដ្ឋប្រជាធិបតេយ្យកុងហ្គោ ដើម្បីជួយដល់ការស៊ើបអង្កេតជាតិ។

ការធ្វើមិនបានល្អរបស់លោក Biden ក្នុងពេលជជែកដេញដោល ធ្វើឱ្យបក្សប្រជាធិបតេយ្យ ព្រួយបារម្ភ

2024/06/28 02:15:58 pm        144
Facebook Telegram Linkin
ការធ្វើមិនបានល្អរបស់លោកប្រធានាធិបតីអាមេរិក ចូ បៃដិន (Joe Biden) ប្រឆាំងនឹងគូប្រជែងលោក ដូណាល់ ត្រាំ (Donald Trump) កាលពីថ្ងៃព្រហស្បតិ៍ (២៧ មិថុនា) បានធ្វើឱ្យគណបក្សប្រជាធិបតេយ្យមានភាពច្របូកច្របល់ និងបានជំរុញឱ្យក្រុមអ្នកយុទ្ធសាស្រ្តមួយចំនួនចោទសួរថាតើគណបក្សរបស់ពួកគេគួរតែចាត់វិធានការដែលមិនធ្លាប់មានពីមុនមក គឺរើសអ្នកជំនួសលោកជាបេក្ខជនប្រធានាធិបតីរបស់ពួកគេ ឬទេ។អ្នកគាំទ្រលោក បៃដិន សង្ឃឹមថាការជជែកដេញដោលនៅយប់ថ្ងៃព្រហស្បតិ៍នេះ នឹងបំបាត់ការព្រួយបារម្ភដែលថាមេដឹកនាំវ័យ ៨១ ឆ្នាំរូបនេះចំណាស់ពេកក្នុងការកាន់អាណត្តិមួយទៀត ប៉ុន្តែការប៉ះទង្គិចគ្នាក្នុងការជជែកដេញដោលរយៈពេល ៩០ នាទីនោះ ហាក់ដូចជាបង្ហាញភាពផ្ទុយពីនេះ។ ទាំងលោក បៃដិន និងលោក ត្រាំ បានប្រឈមនឹងការព្រួយបារម្ភអំពីវ័យចំណាស់ និងកាយសម្បទារបស់ពួកគេនៅក្នុងការបោះឆ្នោតថ្ងៃទី០៥ ខែវិច្ឆិកា ប៉ុន្តែបញ្ហានោះបានដាក់បន្ទុកយ៉ាងធ្ងន់ទៅលើលោក បៃដិន។ ឥឡូវនេះ តិចជាងប្រាំខែមុនពេលការបោះឆ្នោតអាមេរិក អ្នកយុទ្ធសាស្រ្តបក្សប្រជាធិបតេយ្យ និងអ្នករៃអង្គាសប្រាក់មួយចំនួនកំពុងចោទសួរជាឯកជនថា តើប្រធានាធិបតីរូបនេះគួរតែត្រូវបានជំនួសឬទេ។ក្នុងសំឡេងដ៏ស្អករបស់ខ្លួននៅក្នុងអ្វីដែលមន្រ្តីសេតវិមានបានប្រាប់អ្នកយកព័ត៌មានថាមានភាពត្រជាក់ លោក បៃដិន បានប្រញាប់ប្រញាល់រំលងចំណុចនិយាយខ្លះរបស់ខ្លួននៅលើវេទិកា ដោយបានរអាក់រអួលខ្លាំងលើចម្លើយមួយចំនួន។ នៅដើមដំបូងនៃការជជែកដេញដោល លោក បៃដិន បានផ្អាកនៅពេលដែលលោកកំពុងរកនឹកប្រធានបទនិយាយអំពីវិស័យថែទាំសុខភាព និងកំណែទម្រង់ពន្ធ ហើយហាក់ដូចជាភ្លេចភ្លាំងបាត់បង់ការគិតរបស់ខ្លួន៕

បណ្ដាញសង្គម

ព័ត៌មានថ្មីៗ

រុស្ស៊ីបាញ់ស្រោចមីស៊ីល និងយានដ្រូនលើអ៊ុយក្រែន ដោយបណ្តាលឲ្យមនុស្សយ៉ាងតិច ៦នាក់ស្លាប់
03/07/2026 04:03 PM
Facebook Telegram Linkin
ក្រុមហ៊ុនអាកាសចរណ៍ Emirates ផ្អាកជើងហោះហើរ ទាំងទៅ និងមកពីទីក្រុង Dubai
03/07/2026 04:03 PM
Facebook Telegram Linkin
អ៊ីរ៉ង់នឹងផ្អាកការវាយប្រហារលើប្រទេសជិតខាង លុះត្រាតែមិនមានការវាយប្រហារចេញពីពួកគេ
03/07/2026 04:03 PM
Facebook Telegram Linkin
សម្ព័ន្ធអារ៉ាប់នឹងបើកកិច្ចប្រជុំបន្ទាន់មួយ ពាក់ព័ន្ធនឹងការវាយប្រហាររបស់អ៊ីរ៉ង់
03/07/2026 04:03 PM
Facebook Telegram Linkin
អាស៊ែបៃហ្សង់៖ ខ្លួនបានរារាំងគម្រោងរបស់អ៊ីរ៉ង់ រួមទាំងផែនការវាយប្រហារបំពង់បង្ហូរប្រេងដ៏សំខាន់
03/07/2026 04:03 PM
Facebook Telegram Linkin
មេដឹកនាំរុស្ស៊ី លោក Putin អំពាវនាវឲ្យបញ្ឈប់ជម្លោះអ៊ីរ៉ង់ជាបន្ទាន់
03/07/2026 04:03 PM
Facebook Telegram Linkin
ចិនបដិសេធការអះអាងរបស់អូស្ត្រាលី អំពីឧប្បត្តិហេតុឧទ្ធម្ភាគចក្រកងទ័ព «មិនមានសុវត្ថិភាព»
03/07/2026 04:03 PM
Facebook Telegram Linkin
ឥណ្ឌូនេស៊ី៖ ប៉ាគីស្ថាន និងអារ៉ាប់រួម គាំទ្រលោក Prabowo ធ្វើជាអ្នកសម្របសម្រួលបញ្ហាអ៊ីរ៉ង់
03/07/2026 04:03 PM
Facebook Telegram Linkin
អគ្គលេខាធិការ UN ថ្កោលទោសការវាយប្រហារខុសច្បាប់ និងថា មជ្ឈិមបូព៌ាអាចហួសពីកាគ្រប់គ្រងបាន
03/07/2026 04:03 PM
Facebook Telegram Linkin
ក្រសួងការបរទេសអាមេរិកអនុម័តលក់អាវុធបន្ទាន់ឲ្យអ៊ីស្រាអែល ខណៈកាន់តែតានតឹង នៅមជ្ឈិមបូព៌ា
03/07/2026 04:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.