នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងអភិវឌ្ឍន៍ជនបទ បើកការដ្ឋានស្ថាបនាផ្លូវកៅស៊ូ DBST ១ខ្សែ​ជូន​ប្រជា​ពលរដ្ឋ​ឃុំ​ស្វាយ​លួង ​ស្រុកកណ្តៀង
អ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប
អ្នកនយោបាយមានសុទិដ្ឋិនិយមថាបេសកកម្មការទូតរបស់សម្តេចធិបតីនឹងមានប្រយោជន៍ចំពោះបញ្ហាព្រំដែន
ក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់​ទំនប់អាងទឹក​វិទ្យាស្ថាន​ពហុ​ជំនាញ​យោធាតេជោសែន​ក្នុងខេត្តតាកែវ ខណៈសម្រេចការសាងសង់បាន ៩៥%

នយោបាយ​ និង ការអភិវឌ្ឍន៍

ចិនជំរុញឱ្យសមាជិកប្រទេស BRICS បង្កើនតួនាទីកាន់តែខ្លាំង ខណៈរួបរឹតដោយទណ្ឌកម្មលោកខាងលិច

2024/06/13 09:57:32 am        196
Facebook Telegram Linkin
រដ្ឋមន្ត្រីការបរទេសចិន លោក Wang Yi បាននិយាយកាលពីថ្ងៃអង្គារសប្ដាហ៍នេះថា ប្រទេសចិនបានជំរុញឱ្យប្លុកនៃប្រទេសជាសមាជិក BRICS មានការទទួលខុសត្រូវកាន់តែខ្លាំង និងបង្កើតខ្លួនឯងឲ្យផ្សារភ្ជាប់កាន់តែជ្រៅជាមួយពិភពលោក។ក្រុមហ៊ុនចិនជាច្រើនបានប្រឈមនឹងការដាក់ទណ្ឌកម្មរបស់លោកខាងលិចជុំវិញការគាំទ្ររបស់ពួកគេចំពោះសង្គ្រាមរុស្ស៊ីនៅអ៊ុយក្រែន ហើយគណៈកម្មការអឺរ៉ុប គ្រោងប្រកាសការដំឡើងពន្ធនៅសប្តាហ៍នេះលើរថយន្តអគ្គិសនីឬ EV របស់ចិន ក្នុងគោលបំណងការពារក្រុមហ៊ុនផលិតរថយន្តអឺរ៉ុប។ យោងតាមប្រភពពីសារព័ត៌មាន Reuters ក្នុងសប្តាហ៍នេះ ក្រុមប្រទេសប្រជាធិបតេយ្យអ្នកមានទ្រព្យសម្បតិ្តទាំងប្រាំពីរ G7 ត្រូវបានគេរំពឹងថានឹងបញ្ជូនការព្រមានដ៏ម៉ឺងម៉ាត់មួយទៅកាន់ធនាគារតូចៗរបស់ចិន ដើម្បីបញ្ឈប់ការជួយប្រទេសរុស្ស៊ីឱ្យគេចចេញពីការដាក់ទណ្ឌកម្មរបស់លោកខាងលិច។លោក Wang បាននិយាយនៅឯកិច្ចប្រជុំរដ្ឋមន្ត្រីការបរទេស BRICS នៅទីក្រុង នីស្នី ណូហ្គូរ៉ុត (Nizhny Novgorod)ក្នុងប្រទេសរុស្ស៊ី ដោយមិនបញ្ចេញឈ្មោះប្រទេស ថា នយោបាយនៃបញ្ហាសេដ្ឋកិច្ចបានរីកចម្រើនទន្ទឹមការដាក់ទណ្ឌកម្មឯកតោភាគី និងរនាំងខាងបច្ចេកវិទ្យា។ សុន្ទរកថារបស់លោកត្រូវបានផ្សព្វផ្សាយដោយក្រសួងរបស់របស់ចិន។ BRICS ដែលមានសមាជិក មកពីប្រេស៊ីល រុស្ស៊ី ឥណ្ឌា ចិន និងអាហ្រ្វិកខាងត្បូង និងមានបំណងទប់ទល់នឹងឥទ្ធិពលសណ្ដាប់ធ្នាប់ពិភពលោករបស់លោកខាងលិច បានពង្រីកខ្លួនដោយសមាជិកមួយចំនួនទៀត បន្ទាប់ពីអេហ្ស៊ីប អារ៉ាប់រួម អ៊ីរ៉ង់ និងអេត្យូពី ដែលបានចូលរួមនៅដើមឆ្នាំនេះ៕

លោក Zelenskyy ពិភាក្សាអំពីកិច្ចប្រជុំកំពូលសន្តិភាព ក្នុងដំណើរទស្សនកិច្ចនៅអារ៉ាប៊ីសាអ៊ូឌីត

2024/06/13 09:53:25 am        214
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskyy ក្នុងដំណើរទស្សនកិច្ចដោយពុំបានប្រកាសជាមុនទៅកាន់ប្រទេសអារ៉ាប៊ីសាអ៊ូឌីត កាលពីថ្ងៃពុធ បាននិយាយថា លោកបានពិភាក្សាអំពីការត្រៀម សម្រាប់កិច្ចប្រជុំកំពូលសន្តិភាពនៅចុងសប្តាហ៍នេះ ជាមួយព្រះអង្គម្ចាស់ ម៉ូហាម៉េដ ប៊ីន សាលម៉ាន( Mohammed bin Salman)។ លោក Zelenskyy បានចុះចតនៅទីក្រុង Jeddah សមុទ្រក្រហម សម្រាប់ ដំណើរទស្សនកិច្ចចុងក្រោយរបស់លោក ទៅកាន់ព្រះរាជាណាចក្រតំបន់ឈូងសមុទ្រ ដែលបានព្យាយាមរក្សាអព្យាក្រឹតភាពក្នុងសង្គ្រាមរវាងអ៊ុយក្រែន ជាមួយរុស្ស៊ី។នៅក្នុងការបង្ហោះនៅលើប្រព័ន្ធផ្សព្វផ្សាយសង្គម លោកបាននិយាយថា លោកបានរៀបចំជំនួបជាមួយមេដឹកនាំប្រទេសអារ៉ាប៊ីសាអូឌីត យើងបានពិភាក្សាអំពីការត្រៀមសម្រាប់កិច្ចប្រជុំកំពូលសន្តិភាពសក ដែលលទ្ធផលត្រូវបានរំពឹងទុក និងការអនុវត្តដែលអាចធ្វើទៅបាន ព្រមទាំងមធ្យោបាយ ដើម្បីនាំមកនូវសន្តិភាពពិតប្រាកដសម្រាប់អ៊ុយក្រែនឲ្យខិតកាន់តែជិត។លោក Zelenskyy បានធ្វើដំណើរទៅជុំវិញពិភពលោក ក្នុងរយៈពេលប៉ុន្មានសប្តាហ៍ថ្មីៗនេះ ដើម្បីប្រមូលផ្តុំការគាំទ្រ និងការចូលរួមសម្រាប់កិច្ចប្រជុំកំពូលសន្តិភាព ដែលគ្រោងធ្វើនៅប្រទេសស្វីស នៅចុងសប្តាហ៍នេះ។ លោក បានធ្វើទស្សនកិច្ចនៅប្រទេសសម្ព័ន្ធមិត្តជាប្រពៃណីនៅក្នុងសហភាពអឺរ៉ុប ព្រមទាំងបណ្តាប្រទេសនៅមជ្ឈិមបូព៌ា និងអាស៊ី ដែលមានទំនាក់ទំនងជិតស្និទ្ធជាមួយរុស្ស៊ី។ អ្នកតំណាងមកពីប្រទេសប្រមាណ៩០ ត្រូវបានគេរំពឹងថានឹងជួបប្រជុំគ្នានៅក្នុងប្រទេសស្វីស ដើម្បីពិភាក្សាអំពីផែនការរបស់ទីក្រុងគីវ សម្រាប់ការបញ្ចប់សង្រ្គាម។ ប្រទេសអារ៉ាប៊ីសាអូឌីត ដែលជាប្រទេសនាំចេញប្រេងឆៅធំបំផុតរបស់ពិភពលោក ធ្វើការយ៉ាងជិតស្និទ្ធជាមួយទីក្រុងមូស្គូ លើគោលនយោបាយប្រេង ហើយបានសរសើរទំនាក់ទំនងរបស់ខ្លួនជាមួយទីក្រុងមូស្គូ និងទីក្រុងគីវ ចាប់តាំងពីរុស្ស៊ី បានវាយលុកលើអ៊ុយក្រែន ក្នុងខែកុម្ភៈ ឆ្នាំ២០២២ ដោយដាក់ជំហររបស់ខ្លួនជាអ្នកសម្របសម្រួល នៅក្នុងសង្រ្គាម។

អាល្លឺម៉ង់ និងស៊ុយអែត ត្រូវបានអូសទាញចូលសង្រ្គាមពាណិជ្ជកម្មប្រឆាំងឆន្ទៈខ្លួន ខណៈសហភាពអឺរ៉ុបដំឡើងពន្ធ៣៨% លើរថយន្តអគ្គិសនីរបស់ចិន

2024/06/13 09:50:01 am        251
Facebook Telegram Linkin
ប្រទេសដែលមានសេដ្ឋកិច្ចវាយលុកខ្លាំងបំផុតរបស់អឺរ៉ុបមួយចំនួនកំពុងកែប្រែដំណាក់កាលថ្មីមួយនៅក្នុងសង្គ្រាមពាណិជ្ជកម្មរបស់ខ្លួនជាមួយប្រទេសចិន ខណៈសហភាពអឺរ៉ុបបានវាយលុកក្រុមហ៊ុនផលិតរថយន្តរបស់ប្រទេសនេះដោយការដំឡើងពន្ធ។ គណៈកម្មការអឺរ៉ុប បានបញ្ជាក់កាលពីថ្ងៃពុធសប្ដាហ៍នេះ ថាក្រុមហ៊ុនផលិតរថយន្តរបស់ចិន ត្រូវបាន ប៉ះទង្គិចដោយការដំឡើងពន្ធនាំចូលរហូតដល់ ៣៨,១%។ ការដំឡើងពន្ធនេះ កើតឡើងក្រោយការស៊ើបអង្កេតធ្វើឡើងដោយគណៈកម្មការអឺរ៉ុបកាលពីឆ្នាំមុនលើឧបត្ថម្ភធនប្រឆាំងនឹងការប្រកួតប្រជែងសម្រាប់ក្រុមហ៊ុនផលិតរថយន្តដ៏ធំបំផុតរបស់ប្រទេសចិន BYD, Geely និង SAIC ។ ក្រុមហ៊ុនផលិតរថយន្តអគ្គិសនី BYD បានទទួលការដំឡើងពន្ធ ១៧,៤% លើការនាំចូលរបស់ខ្លួន។ ក្រុមហ៊ុន Geely ត្រូវបានវាយប្រហារដោយការដំឡើងពន្ធ ២០% លើរថយន្តរបស់ខ្លួន ខណៈ ក្រុមហ៊ុន SAIC ប្រឈមនឹងការដំឡើងពន្ធខ្ពស់បំផុតគឺ ៣៨,១%។ សហភាពអឺរ៉ុបបាននិយាយថាក្រុមហ៊ុនផលិតរថយន្តអគ្គិសនី BEV ទាំងអស់នៅក្នុងប្រទេសចិន ដែលមិនសហការជាមួយការស៊ើបអង្កេតរបស់សហភាពអឺរ៉ុប ក៏នឹងទទួលបានការដំឡើងពន្ធ ៣៨,១% ផងដែរ។ សារព័ត៌មាន Financial Times និង Politico បានរាយការណ៍ថាលោកអធិការបតីអាល្លឺម៉ង់ Olaf Scholz បាននិងកំពុងបញ្ចុះបញ្ចូលយ៉ាងទទូចដើម្បីកាត់បន្ថយទំហំនៃការដំឡើងពន្ធដែលដាក់ចេញដោយសហភាពអឺរ៉ុប ។ ។ លោក Scholz រួមជាមួយសមាជិកសភានៅប្រទេសស៊ុយអែត និងហុងគ្រី ដែលថ្កោលទោសការដំឡើងពន្ធនេះ មានការព្រួយបារម្ភអំពីការដំឡើងពន្ធសងសឹកគ្នាដែលអាចត្រូវបានដាក់ដោយប្រទេសចិន។ ប្រទេសចិនបានដំឡើងពន្ធលើផលិតផលម៉ាកយីហោបារាំងក្នុងខែមករា ជាសញ្ញាដំបូងនៃសង្រ្គាមពាណិជ្ជកម្មរវាងតំបន់ទាំងនោះ៕

សម្តេចធិបតី៖ រាជរដ្ឋាភិបាលអាណត្តិទី៧នេះ នឹងបន្តដាក់ទិសដៅជាអាទិភាពគឺអភិវឌ្ឍន៍ធនធានមនុស្ស

2024/06/13 09:47:11 am        224
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសជាថ្មីម្តងទៀតថា រាជរដ្ឋាភិបាលអាណត្តិទី៧នេះ នឹងបន្តដាក់ទិសដៅជាអាទិភាពដ៏សំខាន់បំផុត គឺអភិវឌ្ឍន៍នូវធនធានមនុស្ស ពោលគឺផ្តោតសំខាន់លើការសិក្សាអប់រំ និងសុខភាពរបស់មនុស្ស។ក្នុងអញ្ជើញជាអធិបតីប្រគល់សញ្ញាបត្រជូន ដល់និស្សិតសាកលវិទ្យាល័យលីមកុកវីងជាង៥០០នាក់ នាព្រឹកថ្ងៃទី១៣ ខែមិថុនា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានមានប្រសាសន៍ថា ក្នុងអាណត្តិទី៧នេះរាជរដ្ឋាភិបាលបានកំពុងយកចិត្តទុកដាក់យ៉ាងខ្លាំង ដោយបានដាក់ចេញនូវគោលនយោបាយច្បាស់លាស់ចំពោះការលើកកម្ពស់នូវធនធានមនុស្សនៅកម្ពុជាឲ្យកាន់ តែរីកចម្រើនទៅមុខបន្ថែមទៀត តាមរយៈផ្តល់អាហារូបករណ៍ និងឱកាសផ្តល់វគ្គបណ្តុះបណ្តាលជំនាញ ផ្សេងៗទៀតជាដើម។សម្តេចធិបតី នាយករដ្ឋមន្រ្តី បានបន្ថែមទៀតថា ការដែលរាជរដ្ឋាភិបាលដាក់ចេញនូវគោលនយោ បាយច្បាស់លាស់ក្នុងការលើកកម្ពស់នូវធនធានមនុស្សនេះ គឺដោយសារធនធានមនុស្សនេះ ជាទ្រព្យដ៏សំ ខាន់បំផុតសម្រាប់នាំឲ្យប្រទេសជាតិមានការរីកចម្រើនទៅមុខបន្ថែមទៀត លើ​គ្រប់វិស័យ និងធ្វើឲ្យកម្ពុជា ខ្លាំងដោយខ្លួនឯង ខណៈការលើកកម្ពស់នូវធនធានមនុស្សនេះ​គឺត្រូវតែរស់រវើកជានិច្ច ដើម្បីធ្វើយ៉ាងណាឲ្យកម្ពុជា មានឱកាសបានប្រកួតប្រជែងជាមួយ​ប្រទេសជិត​ខាងរបស់ខ្លួន៕ អត្ថបទបាន ចក់រូបភាព

សម្តេចធិបតី៖ ធនធានមនុស្សគឺជាទ្រព្យសម្បត្តិសម្រាប់ជាតិ ដែលនាំឲ្យប្រទេសរីកចម្រើនប្រកបដោយនិរន្តភាព

2024/06/13 09:40:43 am        268
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា ធនធានមនុស្សគឺជាទ្រព្យសម្បត្តិ ដ៏សំខាន់បំផុតសម្រាប់ប្រទេសជាតិ ហើយនឹងនាំឲ្យប្រទេសមានការអភិវឌ្ឍរីកចម្រើន ប្រកបដោយនិរន្តភាព និងចីរភាព ហើយមួយវិញទៀតធនធានមនុស្សនេះក៏ធ្វើឲ្យប្រទេសមានឯករាជ្យភាពដោយខ្លួនឯង ផងដែរ។ក្នុងអញ្ជើញជាអធិបតីប្រគល់សញ្ញាបត្រជូនដល់និស្សិតសាកលវិទ្យាល័យលីមកុកវីងជាង ៥០០នាក់ នាព្រឹកថ្ងៃទី១៣ ខែមិថុនា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានមានប្រសាសន៍ថា ធនធានមនុស្សគឺជាកត្តាសំខាន់បំផុត ដែលនឹងនាំឲ្យមានការអភិវឌ្ឍប្រទេសជាតិឲ្យកាន់តែរីកចម្រើនទៅមុខបន្ថែមទៀត ដូច្នេះហើយបានរាជរដ្ឋាភិបាលបានបន្តយកចិត្តទុកដាក់យ៉ាង ខ្លាំងចំពោះការលើកកម្ពស់នូវវិស័យអប់រំ និងធនធានមនុស្សឲ្យកាន់តែល្អប្រសើរបន្ថែមទៀត ដើម្បីជាឱកាសមួយក្នុងការប្រកួតប្រជែងជាមួយប្រទេសដទៃនោះ។នោះដែរសម្តេចធិបតី នាយករដ្ឋមន្រ្តី ក៏បានលើកឡើងផងដែរថា នាពេលបច្ចុប្បន្នសម្ភារៈ និងឧបករណ៍ជាពិសេស កុំព្យូទ័រទំនើប និងឆ្លាតយ៉ាងណាក៏ដោយក៏មិនអាចអភិវឌ្ឍន៍ ​ខ្លួន​ឯងបានដែរ ប៉ុន្តែមនុស្សអាចអភិវឌ្ឍន៍ដោយខ្លួនឯងបានឲ្យកាន់តែល្អប្រសើរបន្ថែមទៀតជាប្រចាំ ខណៈមនុស្សទទួលបានការអប់រំ និងមានធន ធានមនុស្សច្រើននោះ៕អត្ថបទបាន ចក់

អាមេរិក ពង្រីកទណ្ឌកម្មលើរុស្ស៊ី ដើម្បីបង្អាក់ប្រទេសនានាដូចជាចិនមិនឲ្យធ្វើជំនួញជាមួយក្រុងមូស្គូ

2024/06/13 08:59:47 am        135
Facebook Telegram Linkin
សហរដ្ឋអាមេរិកបានពង្រីកការដាក់ទណ្ឌកម្មរបស់ខ្លួនប្រឆាំងនឹងរុស្ស៊ីកាលពីថ្ងៃពុធ ១២មិថុនា សប្ដាហ៍នេះ ស្របពេលក្រុមមេដឹកនាំក្រុមប្រទេស G7 បានរៀបចំប្រមូលផ្តុំនៅក្នុងប្រទេសអ៊ីតាលី ចាប់ពីព្រហស្បតិ៍ ១៣ មិថុនា រហូតដល់ថ្ងៃសៅរ៍១៥ មិថុនា សប្ដាហ៍នេះ សម្រាប់កិច្ចប្រជុំកំពូលមួយដែលអាទិភាពធំបំផុត នឹងត្រូវបានជំរុញការគាំទ្រសម្រាប់អ៊ុយក្រែន និងការបំផ្លាញម៉ាស៊ីនសង្រ្គាមរបស់រុស្ស៊ី។កញ្ចប់កាលពីថ្ងៃពុធបានដាក់គោលដៅលើបណ្ដាក្រុមហ៊ុនរបស់ប្រទេសចិនដែលជួយរុស្ស៊ីឱ្យបន្តសង្រ្គាមរបស់ខ្លួននៅអ៊ុយក្រែន និងបានបង្កើនសម្ពាធសម្រាប់ស្ថាប័នហិរញ្ញវត្ថុបរទេសធ្វើការជាមួយអង្គភាពរុស្ស៊ីដែលត្រូវបានរងទណ្ឌកម្មរួចទៅហើយ។ ក្រុមប្រទេសទាំងនោះ ក៏បានកំណត់គោលដៅលើហេដ្ឋារចនាសម្ព័ន្ធហិរញ្ញវត្ថុរបស់រុស្ស៊ីផងដែរ ក្នុងការប៉ុនប៉ងដាក់កំហិតចំនួនប្រាក់ដែលហូរចូល និងចេញពីប្រទេសរុស្ស៊ី។ ភ្លាមៗបន្ទាប់ពីការដាក់ទណ្ឌកម្មត្រូវបានផ្សព្វផ្សាយជាសាធារណៈ ផ្សារហ៊ុនទីក្រុងមូស្គូ បានប្រកាសថាខ្លួននឹងផ្អាកប្រតិបត្តិការជាប្រាក់ដុល្លារ និងអឺរ៉ូ។ សហរដ្ឋអាមេរិកបានដាក់ទណ្ឌកម្មអាជីវកម្ម និងបុគ្គលរុស្សីជាង៤.០០០ ចាប់តាំងពីសង្រ្គាមបានចាប់ផ្តើម ក្នុងកិច្ចខិតខំប្រឹងប្រែងរារាំងលំហូរនៃប្រាក់ និងគ្រឿងសព្វាវុធទៅកាន់ទីក្រុងមូស្គូ ដែលហុចអត្ថប្រយោជន៍ឲ្យប្រទេសនេះ ដុតបញ្ឆេះសមរភូមិសង្រ្គាមក្នុងប៉ុន្មានខែថ្មីៗនេះ។ យ៉ាងណាក៏ដោយ ក្រុមហ៊ុនថ្មីៗនៅតែបន្តលេចមុខ ខណៈរុស្ស៊ីព្យាយាមកែប្រែខ្សែសង្វាក់ផ្គត់ផ្គង់ឡើងវិញ៕

ប្រសាសន៍សំខាន់ៗរបស់សម្តេចធិបតី ក្នុងពិធីប្រគល់សញ្ញាបត្រជូននិស្សិតសាកលវិទ្យាល័យ លីមកុកវីង

2024/06/13 08:57:30 am        170
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃទី១៣ ខែមិថុនា ឆ្នាំ ២០២៤នេះ បានអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យ លីមកុកវីងជាង ៥០០នាក់ ដែលបញ្ចប់ការសិក្សា ដោយជោគជ័យ។ កម្មវិធីនេះ ធ្វើឡើងនៅសាល​សន្និបាត​ភីអេច ហ្គ្រេនហល បុរី ប៉េង ហួត បឹងស្នោ ខណ្ឌច្បារអំពៅ រាជធានីភ្នំពេញ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃ អបអរសាទរចំពោះនិស្សិត និងក្រុមគ្រួសារនិស្សិតទាំងអស់ ដែលបានបញ្ចប់ការសិក្សានាពេលនេះ ដោយការបញ្ចប់នៃការសិក្សានេះ គឺជាផ្នែកមួយដែលបានកើតចេញពីប្រទេសមានសុខសន្តិភាពផងដែរ។-សម្តេចធិបតី ហ៊ុន ម៉ាណែត បានលើកឡើងជាថ្មីម្តងទៀតថា ធនធានមនុស្សគឺជាកត្តាសំ ខាន់បំផុត ដែលនឹងនាំឲ្យមានការអភិវឌ្ឍប្រទេសជាតិឲ្យកាន់តែរីកចម្រើនទៅមុខបន្ថែមទៀត។-សម្ដេចធិបតី ហ៊ុន ម៉ាណែត៖ ការអភិវឌ្ឍរីកចម្រើន បើគ្មានធនធានមនុស្ស គឺមិនអាចមានចីរភាព និងនិរន្តរភាពឡើយ។ កុំព្យូទ័រទំនើបយ៉ាងណា បើគ្មានធនធានមនុស្សជាអ្នកអភិវឌ្ឍន៍កុំព្យូទ័រនោះក៏មិនអាចវិវឌ្ឍន៍ទំនើបបានដែរ។-សម្ដេចធិបតី ហ៊ុន ម៉ាណែត៖ កុំព្យូទ័រអាចពូកែ ឆ្លាតវ័យបែបណាក៏ដោយ ក៏កើតឡើងដោយសារមនុស្សអ្នកបង្កើតដែរ។ ចំណែកមនុស្សគឺមានការវិវឌ្ឍជាប្រចាំថ្ងៃ ដូច្នេះការរីកចម្រើនរបស់មនុស្សយើងមិនអាចស្មានដល់បានឡើយ ប៉ុន្ដែបច្ចេកវិទ្យាអាចមានកំណត់។-សម្ដេចធិបតី៖ ការអភិវឌ្ឍរីកចម្រើន បើគ្មានធនធានមនុស្ស គឺមិនអាចមានចីរភាព និងនិរន្តរភាពឡើយ។ កុំព្យូទ័រទំនើបយ៉ាងណា បើគ្មានធនធានមនុស្សជាអ្នកអភិវឌ្ឍន៍កុំព្យូទ័រនោះក៏មិនអាចវិវឌ្ឍន៍ទំនើបបានដែរ។-សម្ដេចធិបតី ហ៊ុន ម៉ាណែត៖ ធនធានមនុស្ស ជាកត្តាសំខាន់ណាស់ដែលអាចធ្វើឱ្យប្រទេសយើងមានឯករាជ្យ។ ពីមុនយើងរៀបចំផែនការ និងគោលនយោបាយអភិវឌ្ឍន៍ប្រទេសជាតិ ត្រូវពឹងផ្អែកលើប្រទេសដែលជាដៃគូជួយ ប៉ុន្ដែពេលនេះតាំងពីយុទ្ធសាស្រ្ដចតុកោណ និងបញ្ចកោណដំណាក់កាលទី១នេះ គឺរៀបចំឡើងដោយកូនខ្មែរខ្លួនឯង។-សម្ដេចធិបតី ហ៊ុន ម៉ាណែត៖ កូនអ្នកជីវភាពធូរធារ មិនប្រាកដថាជោគជ័យទេ បើពួកគេមិនខិតខំប្រឹងសិក្សារៀនសូត្រ និងពង្រឹងសមត្ថភាព។ ប៉ុន្ដែកូនអ្នកមានជីវភាពខ្វះខាត កូនកសិករ បើមានការខិតខំរៀនសូត្រ មានសមត្ថភាព ក៏អាចក្លាយជាធនធានមនុស្សដ៏សំខាន់សម្រាប់ចូលរួមអភិវឌ្ឍន៍ប្រទេសជាតិដែរ។-សម្ដេចធិបតី ហ៊ុន ម៉ាណែត៖ រាជរដ្ឋាភិបាលអាណត្តិទី៧នេះ បន្តដាក់អាទិភាពធំណាស់ទៅលើការអភិវឌ្ឍធនធានមនុស្ស ដោយផ្ដោតសំខាន់ទៅលើ សុខភាព និងការអប់រំ។-សម្ដេចធិបតី ហ៊ុន ម៉ាណែត៖ រាជរដ្ឋាភិបាល ក៏ដូចជាក្រសួងអប់រំត្រឹមតែជាអ្នកដាក់ចេញនូវគោលនយោបាយ គោលការណ៍ និងការផ្ដល់ការអនុគ្រោះដល់ការអប់រំ ប៉ុន្ដែអ្នកដែលចូលរួមដោយផ្ទាល់ក្នុងការអភិវឌ្ឍធនធានមនុស្សឱ្យមានការរីកចម្រើនទៅបាន គឺជាគ្រឹះស្ថានសិក្សា ជាពិសេសគ្រឹះស្ថានឧត្តមសិក្សាដោយផ្ទាល់តែម្ដង។-សម្ដេចធិបតី ហ៊ុន ម៉ាណែត រម្លឹកថា ដោយសារធនធានមនុស្សយើងមានសមត្ថភាព នាអំឡុងពេលវិបត្តិកូវីដ-១៩ យើងមានគ្រូពេទ្យ (ទ័ពអាវស) ទើបយើងអាចជួយដោះស្រាយបញ្ហាកាលនោះបានទាន់ពេលវេលា និងអាចគ្រប់គ្រងម្ចាស់ការខ្លួនឯងបាន។ ពីព្រោះក្នុងកាលទេសនោះ គឺយើងមិនអាចទៅពឹងគ្រូពេទ្យពីប្រទេសដទៃបានទេ។-សម្ដេចធិបតី ហ៊ុន ម៉ាណែត៖ ជោគជ័យធំ គឺកើតចេញពីជោគជ័យតូចៗជាច្រើនផ្គុំគ្នា។ ខ្ញុំរៀនរហូតដល់ថ្នាក់បណ្ឌិត ក៏ចាប់ផ្ដើមពីរៀនបឋមសិក្សា អនុវិទ្យាល័យ និងវិទ្យាល័យដូចគ្នាដែរ។-សម្ដេចធិបតី ហ៊ុន ម៉ាណែត៖ ខ្ញុំជួប ខ្ញុំឃើញ មនុស្សជាច្រើន ឆាប់បោះបង់ពេក ទាំងការរៀនសូត្រ ការងារ និងរកស៊ី។ ឧទាហរណ៍ យើងរៀននៅមហាវិទ្យាល័យ បើយើងប្រឡងធ្លាក់មួយមុខវិជ្ជា គឺយើងមិនអាចបោះបង់ការសិក្សាទាំងស្រុងបាននោះទេ។ សម្ដេចធិបតីបន្តថា ការអំណត់ តស៊ូ ព្យាយាម នឹងធ្វើឱ្យយើងរីកចម្រើន។-សម្ដេចធិបតី ហ៊ុន ម៉ាណែត៖ ធនធានមនុស្សរបស់យើង គឺត្រូវធ្វើជាធនធានមនុស្សរស់រវើក កុំធ្វើជាមនុស្សទឹកកក។ មានតែធនធានមនុស្សដែលរស់រវើកទេ ទើបអាច ចែករំលែកឱ្យគ្នាទៅវិញទៅមកនៅកន្លែងការងារនីមួយៗ ហើយធ្វើឱ្យមានការអភិវឌ្ឍរីកចម្រើនទៅបាន។

សហរដ្ឋអាមេរិក ថាក្រុមហាម៉ាស ចង់ផ្លាស់ប្តូរផែនការបទឈប់បាញ់ហ្កាហ្សា ខណៈក្រុមនេះបដិសេធ

2024/06/13 08:47:33 am        157
Facebook Telegram Linkin
រដ្ឋមន្ត្រីការបរទេសអាមេរិក លោក អង់តូនី ប្លីងខិន (Antony Blinken) បាននិយាយកាលពីថ្ងៃពុធ (១២ មិថុនា) ថា ក្រុមហាម៉ាស បានស្នើការផ្លាស់ប្តូរជាច្រើន ដែលមួយចំនួនមិនអាចពិចារណាបាន ចំពោះសំណើដែលគាំទ្រដោយសហរដ្ឋអាមេរិក សម្រាប់បទឈប់បាញ់ជាមួយអ៊ីស្រាអែល នៅតំបន់ហ្កាហ្សា ប៉ុន្តែក្រុមអ្នកសម្រុះសម្រួលបានប្តេជ្ញាចិត្តបិទចន្លោះប្រហោងនេះ។មន្ត្រីជាន់ខ្ពស់ក្រុមហាម៉ាស លោក អូសាម៉ា ហាមដាន (Osama Hamdan) បានបដិសេធថា ក្រុមអ៊ីស្លាមនិយមប៉ាឡេស្ទីនមួយនេះមិនបានដាក់ចេញនូវគំនិតថ្មីៗទេ។ ថ្លែងទៅកាន់ទូរទស្សន៍ អារ៉ាប់ អាល់-អារ៉ាប៊ី (Al-Araby) លោកបានរំលឹកឡើងវិញនូវគោលជំហររបស់ក្រុមហាម៉ាស ហើយថាគឺជាអ៊ីស្រាអែលទេដែលបដិសេធសំណើនោះ និងបានចោទប្រកាន់រដ្ឋបាលសហរដ្ឋអាមេរិក ថាយល់ស្របជាមួយសម្ព័ន្ធមិត្តជិតស្និទ្ធរបស់ខ្លួន។ទីប្រឹក្សាសន្តិសុខជាតិសេតវិមាន លោក ជេក ស៊ូលីវ៉ាន់ (Jake Sullivan) បាននិយាយថា ការផ្លាស់ប្តូរភាគច្រើនដែលបានស្នើឡើងជាច្រើនរបស់ក្រុមហាម៉ាស គឺតូចតាច និង «ត្រូវបានរំពឹងទុកជាមុន» ប៉ុន្តែការកែប្រែផ្សេងទៀតមានភាពខុសគ្នាខ្លាំងពីអ្វីដែលបានលើកឡើងនៅក្នុងសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃចន្ទ ដែលគាំទ្រផែនការសន្តិភាពដាក់ចេញដោយលោកប្រធានាធិបតីសហរដ្ឋអាមេរិក ចូ បៃដិន (Joe Biden) មួយនេះ។កាលពីល្ងាចថ្ងៃពុធ ក្រុមហាម៉ាសបានចេញសេចក្តីថ្លែងការណ៍មួយដោយសង្កត់ធ្ងន់លើ «ភាពវិជ្ជមាន» របស់ខ្លួនក្នុងការចរចា និងជំរុញឱ្យសហរដ្ឋអាមេរិក ដាក់សម្ពាធលើអ៊ីស្រាអែល ឱ្យទទួលយកកិច្ចព្រមព្រៀង ដែលនាំឱ្យមានបទឈប់បាញ់ជាអចិន្ត្រៃយ៍នៅក្នុងតំបន់ហ្កាហ្សា ក៏ដូចជាការដកខ្លួនពេញលេញចេញពីតំបន់ហ៊ុមព័ទ្ធ ការកសាងឡើងវិញ និងការដោះលែងអ្នកទោសប៉ាឡេស្ទីន៕

ការស្ទង់មតិរបស់ Reuters/Ipsos៖ ការកាត់ទោសលោក Hunter Biden មិនផ្លាស់ប្តូរចិត្តអ្នកបោះឆ្នោតអាមេរិកទេ

2024/06/13 08:15:27 am        73
Facebook Telegram Linkin
យោងតាមការស្ទង់មតិរបស់សារព័ត៌មាន Reuters និងមជ្ឈមណ្ឌលស្រាវជ្រាវទីផ្សារសកល Ipsos ដែលបានបិទការស្ទង់មតិកាលពីថ្ងៃអង្គារសប្ដាហ៍នេះ បានឲ្យដឹងថា អ្នកបោះឆ្នោតអាមេរិកភាគច្រើនបានតាមដានការកាត់ទោសពីបទព្រហ្មទណ្ឌរបស់កូនប្រុសលោកប្រធានាធិបតី Joe Biden គឺ លោក Hunter Biden ហើយភាគច្រើននិយាយថាការកាត់ទោសរបស់លោកនឹងមិនប៉ះពាល់ដល់ការបោះឆ្នោតរបស់ពួកគេនៅថ្ងៃទី ៥ ខែវិច្ឆិកានោះទេ។ ប្រហែល ៦៧% នៃអ្នកបោះឆ្នោតដែលបានចុះឈ្មោះនៅក្នុងការស្ទង់មតិរយៈពេលពីរថ្ងៃបាននិយាយថា ពួកគេបានឮការកាត់ទោសលោក Hunter Biden ដែលកាលពីថ្ងៃចន្ទត្រូវបានកាត់ទោសពីបទភូតកុហកការប្រើគ្រឿងញៀនរបស់លោកដើម្បីទិញកាំភ្លើង។ ប៉ុន្តែ៨០% បាននិយាយថា សាលក្រមលើកដំបូងដែលកូនរបស់ប្រធានាធិបតីកំពុងកាន់តំណែង ត្រូវបានកាត់ទោសពីបទព្រហ្មទណ្ឌ នឹងមិនមានប៉ះពាល់ដល់លទ្ធភាពរបស់ពួកគេក្នុងការបោះឆ្នោតឱ្យ Joe Biden ដែលកំពុងស្វែងរកការជាប់ឆ្នោតអាណត្តិថ្មីនៅក្នុងខែវិច្ឆិកា នោះទេ។ការផ្តន្ទាទោសរបស់បេក្ខជនប្រធានាធិបតីនៃគណបក្សសាធារណរដ្ឋលោក Donald Trump កាលពីខែមុនលើការចោទប្រកាន់ពីការព្យាយាមបិទបាំងការបង់ប្រាក់បំបិទមាត់ដ៏រំជើបរំជួលដល់តារាភាពយន្តអាសអាភាស នាងStormy Daniels បានធ្វើឱ្យដក់ជាប់ក្នុងចិត្តរបស់អ្នកបោះឆ្នោតដែលមានត្រឹមតែ ៦១% ប៉ុណ្ណោះ ដែលនិយាយថាការជំនុំជម្រះទោសនោះ នឹងមិនមានផលប៉ះពាល់ដល់ការសម្រេចចិត្តរបស់ពួកគេនោះទេ៕

សម្ដេចតេជោ ហ៊ុន សែន៖«ខ្ញុំគួរតែនិយាយដោយចំហរថា ខ្ញុំបានធ្វើការជាមួយថ្នាក់ដឹកនាំ CIA តាំងតែពីឆ្នាំ១៩៩៧មកម្ល៉េះ»

2024/06/13 04:54:45 am        238
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រី នៃ​ព្រះរាជាណាចក្រ​កម្ពុជា បានឆ្លើយតប​ទៅនឹងការចុះផ្សាយរបស់លោក David Hutt អ្នកសរសេរ​ព័ត៌មាន​នៅកាសែត The Diplomat ថា សម្ដេចគឺបានធ្វើការជាមួយថ្នាក់ដឹកនាំ CIA តាំងតែពី​ឆ្នាំ១៩៩៧​មកម្ល៉េះ។តាមរយៈហ្វេសប៊ុកផ្លូវការនាយប់រំលងអាធ្រាត្រឈានដល់ថ្ងៃទី១៣ ខែមិថុនា ឆ្នាំ២០២៤ សម្ដេចតេជោ ហ៊ុន សែន បានសរសេរថា «បើស្គាល់ ហ៊ុន សែន មិនច្បាស់ទេ សូមកុំលេងជាមួយ ហ៊ុន សែន។ ថ្ងៃ១២ ខែមិថុនា ឆ្នាំ២០២៤នេះ លោក ដេវីត ហួត (David Hutt) សរសេរផ្សាយនៅលើកាសែត The Diplomat ថា លោក Bill Burns នាយក CIA មិនបានជួបជាមួយ លោក ហ៊ុន សែន ទេ ដូចដែលខ្ញុំបានលើកឡើងកាលពីប៉ុន្មានថ្ងៃមុន ដែលខ្ញុំបាននិយាយទៅកាន់អគ្គនាយក CIA កាលពីថ្ងៃទី២ ខែមិថុនា ឆ្នាំ២០២៤។ តាមអ្វីដែលលោក Hutt លើកឡើងសំដៅថា ខ្ញុំភ័ន្តច្រឡំ។ ខ្ញុំគួរតែនិយាយដោយចំហរថា ខ្ញុំបានធ្វើការជាមួយថ្នាក់ដឹកនាំ CIA តាំងតែពីឆ្នាំ១៩៩៧មកម្ល៉េះ។ ជំនួបដែលសំខាន់គឺនាយកចារកម្មជាតិ (National Intelligence) លោក James Clapper ជួបឆ្នាំ២០១១ នៅផ្ទះរាជធានីភ្នំពេញ។ឆ្នាំ២០១២ ជួបជាមួយ នាយក CIA លោក David Patraeus នៅផ្ទះរាជធានីភ្នំពេញ និងជំនួបចុងក្រោយជាមួយនាយក CIA លោក Bill Burns ឆ្នាំ២០២៤ នៅផ្ទះទីក្រុងតាខ្មៅ។ ករណីមិនមានការជួបគ្នាផ្ទាល់ ខ្ញុំក៏បញ្ជូនតំណាងរបស់ខ្ញុំទៅជួបថ្នាក់ដឹកនាំ CIA នៅទីក្រុងវ៉ាស៉ីនតោន រាប់ទាំងលោក Mike Pompeo ដែលក្រោយមកក្លាយជារដ្ឋមន្ត្រីការបរទេសរបស់អាមេរិក ជំនាន់ប្រធានាធិបតី ដូណាល់ ត្រាំ។  កិច្ចសហការសំខាន់របស់យើង គឺប្រឆាំងភេវរកម្ម ដែលមិនមែនជាកិច្ចសហការប្រឆាំងប្រទេសមួយណាឡើយ។កម្ពុជាក៏មានកិច្ចសហការផ្នែកចារកម្មជាមួយប្រទេសផ្សេងទៀត ព្រោះនេះជាដំណើរធម្មតានៃរដ្ឋមួយដែលមានអធិបតេយ្យភាព។ឃើញទឹកស្ងប់កុំគិតថា ក្នុងទឹកគ្មានត្រី។ ពេល ហ៊ុន សែន មិននិយាយកុំគិតថា ហ៊ុន សែន មិនចេះនិយាយ៕»

បណ្ដាញសង្គម

ព័ត៌មានថ្មីៗ

កម្ពុជា និងមូលនិធិ IMF ពិភាក្សាលើលទ្ធភាពពង្រីកទីផ្សារការងារ ការអភិវឌ្ឍជំនាញ និងការធ្វើសមាហរណកម្មអតីតពលករ
03/10/2026 09:03 AM
Facebook Telegram Linkin
លោក Trump ព្រមានវាយប្រហារអ៊ីរ៉ង់ «ខ្លាំងជាងមុន ២០ដង» បើរារាំងលំហូរប្រេងនៅច្រកសមុទ្រ Hormuz
03/10/2026 09:03 AM
Facebook Telegram Linkin
រដ្ឋមន្ត្រីក្រសួងអប់រំ ចុះពិនិត្យមេីលការរៀបចំថ្នាក់រៀនបណ្តោះអាសន្ន នៅជំរំជនភៀសសឹក នៃសាលាបឋមសិក្សាកណ្ដោល ស្រុកថ្មពួក ខេត្តបន្ទាយមានជ័យ
03/10/2026 09:03 AM
Facebook Telegram Linkin
ព្រឹត្តិការណ៍បុណ្យទន្លេលើកទី១០នៅខេត្តក្រចេះនាចុងខែនេះនឹងបង្ហាញពីសក្តានុពលទេសចរណ៍ធម្មជាតិ វប្បធម៌ដ៏រុងរឿង និងជីវភាពរស់នៅតាមដងទន្លេរបស់ពលរដ្ឋកម្ពុជា
03/10/2026 09:03 AM
Facebook Telegram Linkin
ក្រុមប្រទេសG7 នឹងចាត់វិធានការចាំបាច់ដើម្បីគាំទ្រការផ្គត់ផ្គង់ថាមពលដោយសារសង្គ្រាមអាមេរិក-អ៊ីរ៉ង់
03/10/2026 09:03 AM
Facebook Telegram Linkin
កូរ៉េខាងជើង រិះគន់សមយុទ្ធរួមគ្នារវាងសហរដ្ឋអាមេរិក-កូរ៉េខាងត្បូង ថាធ្វើឱ្យប៉ះពាល់ដល់ស្ថិរភាពក្នុងតំបន់
03/10/2026 09:03 AM
Facebook Telegram Linkin
អ្នកជំនាញ៖ អ៊ីរ៉ង់ ប្រើយុទ្ធសាស្រ្តស៊ូទ្រាំ និងអង្រួនវិស័យថាមពល ក្នុងសង្រ្គាមជាមួយអាមេរិក-អ៊ីស្រាអែល
03/10/2026 08:03 AM
Facebook Telegram Linkin
លោក Trump និយាយថាសង្គ្រាមអាចនឹងចប់ក្នុងពេលឆាប់ៗនេះ ខណៈអ៊ីរ៉ង់គាំទ្រមេដឹកនាំថ្មីប្រកាន់តឹង
03/10/2026 08:03 AM
Facebook Telegram Linkin
លីបង់សម្រេចពន្យារពេលការបោះឆ្នោតសភា រយៈពេល ២ឆ្នាំ
03/09/2026 08:03 PM
Facebook Telegram Linkin
ប្រមុខ EU៖ ផលប៉ះពាល់នៃសង្គ្រាមអ៊ីរ៉ង់ បានក្លាយជាការពិតរួចហើយនៅអឺរ៉ុប
03/09/2026 07:03 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.