BTV NEWS

សហគមន៍កសិកម្មទំនើបនឹងកើនឡើងដល់៦០ នៅចុងឆ្នាំ២០២៦ ខណៈបច្ចុប្បន្នមានចំនួន៣៨

ឆមាសទីមួយឆ្នាំនេះ គយប្រមូលចំណូលជូនជាតិបានចំនួនជាង ៦ពាន់ប៊ីលានរៀល មានការកើនឡើង ៤,៥ភាគរយ

គិតត្រឹមខែមិថុនាឆ្នាំនេះ ជប៉ុនបានផ្តល់ហិរញ្ញប្បទានជាង ៣,៥ ពាន់លានដុល្លារអនុវត្តគម្រោងនានានៅកម្ពុជា

កម្ពុជាទទួលបានគម្រោងវិនិយោគ ២៧៦ ទំហំទុនវិនិយោគ ៤,៧ប៊ីលានដុល្លារក្នុងឆមាសទី១ឆ្នាំនេះ

សេដ្ឋកិច្ច និង កសិកម្ម

កម្ពុជានាំចេញគ្រាប់ស្វាយចន្ទីទីផ្សារអន្តរជាតិ ទទួលបានចំណូលជាង ១,៧ប៊ីលានដុល្លារ ក្នុងឆ្នាំ២០២២

ភ្នំពេញ៖ នៅក្នុងឆ្នាំ២០២២ កម្ពុជានាំចេញគ្រាប់ស្វាយចន្ទីឆៅទៅទីផ្សារអន្តជាតិ ៦៧ម៉ឺនតោន គិតជាទឹកប្រាក់ ១ពាន់ ៧៧លានដុល្លាអាមេរិក ខណៈរដ្ឋកំពុងជំរុញការកែច្នៃក្នុងស្រុក ដើម្បីបង្កើតតម្លៃបន្ថែមលើផលិតផលគ្រាប់ស្វាយចន្ទី។គ្រាប់ស្វាយចន្ទីរបស់កម្ពុជា ត្រូវបាននាំចេញទៅប្រទេសមានជាអាថិ៍ ប្រទេសវៀតណាម ជប៉ុន និងចិន ខណៈប្រទេសផ្សេងៗទៀតក៏កំពុងតែសម្លឹងមើលឱកាស ក្នុងការនាំចូលគ្រាប់ស្វាយចន្ទីកម្ពុជា ទៅកាន់ទីផ្សារប្រទេសខ្លួនដែរ។ក្រសួងកសិកម្ម រុក្ខាប្រមាញ់ និងនេសាទ លើកឡើងថា ស្វាយចន្ទីជាកសិផលដែលបានផ្តល់តម្លៃបន្ថែមខ្ពស់ រួមជាមួយទស្សនវិស័យរយៈពេលវែងពោលគឺ ប្រាក់ចំណូលពីតម្រូវការសម្រាប់ទំនិញប្រណិតប្រភេទនេះមានការកើនឡើង។នៅកម្ពុជា គ្រាប់ស្វាយចន្ទីដែលពេញនិយមដាំដុះច្រើនជាងគេ គឺពូជ M23 ដែលមានទំហំគ្រាប់ធំ និងមានរសជាតិឆ្ងាញ់។ ជាមធ្យមក្នុងមួយហិកតា ស្វាយចន្ទីអាចផ្ដល់ទិន្នផលចំនួន ១,៤៩ តោន។ តាមការប៉ាន់ស្មាន មានកសិករចំនួន ២២,០០០ នាក់ ហើយមានប្រជាជនប្រមាណ ៣៨,០០០ នាក់ កំពុងបម្រើការក្នុងខ្សែសង្វាក់ផលិតកម្មស្វាយចន្ទី បូករួមទាំងកម្លាំងពលកម្មប្រចាំរដូវផងដែរ។បច្ចុប្បន្ននេះ ទិន្នផលស្វាយចន្ទីស្ទើរតែទាំងអស់ត្រូវបាននាំចេញក្រោមរូបភាពមិនទាន់កែច្នៃ ប៉ុន្តែវាអាចនឹងផ្តល់ការងារបន្ថែមចំនួន ១០,០០០ ទៀតប្រសិនបើផលិតផល គ្រាប់ស្វាយចន្ទីឆៅទូទាំងប្រទេសកម្ពុជាត្រូវបានកែច្នៃនិងវេចខ្ចប់ក្នុងស្រុក។ផលិតផលគ្រាប់ស្វាយចន្ទីឆៅក្នុងពិភពលោក មានការកើនឡើង១២ដងក្នុងរយៈពេល ៥០ឆ្នាំចុងក្រោយនេះពោលគឺចាប់ពីតិចជាង ៣០០,០០០តោនក្នុងឆ្នាំ១៩៦១ ដល់៣,៧ លានតោនក្នុងឆ្នាំ២០០៨។ ការដាំដុះមានការកើនឡើងនៅប៉ុន្មានទសវត្សរ៍ចុងក្រោយនេះហើយផលិតផលស្ទើរតែកើនឡើងទ្វេដងពីឆ្នាំ ២០០០ ដល់ ២០០៨ ដោយសារការកើនឡើង ២៧ភាគរយនូវផ្ទៃដីដាំដុះក្នុងពិភពលោក ហើយទិន្នផលជាមធ្យមក្នុងពិភពលោកកើនឡើងជាង ៥០ភាគរយ៕ អត្ថបទ វណ្ណៈ

ខេត្តបន្ទាយមានជ័យ និងខេត្តវិញឡុងប្តេជ្ញាបន្តពង្រឹងកិច្ចសហប្រតិបត្តិការលើវិស័យសេដ្ឋកិច្ច

បន្ទាយមានជ័យ៖ ខេត្តបន្ទាយមានជ័យ ព្រះរាជាណាចក្រកម្ពុជា និងខេត្តវិញឡុង សាធារណរដ្ឋសង្គមនិយមវៀតណាម បានអះអាងពីការបន្តពង្រឹងកិច្ចសហប្រតិបត្តិការវិស័យទំនាក់ទំនង ជាពិសេសវិស័យសេដ្ឋកិច្ចរវាងប្រទេសទាំងពីរឲ្យកាន់តែរីកចម្រើនបន្ថែមទៀត។ ក្នុងដំណើរទស្សនកិច្ច និងអញ្ជើញចូលរួមកិច្ចប្រជុំពិភាក្សាស្តីពីការពង្រឹងទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការការងារលើគ្រប់វិស័យ នៅប្រទេសវៀតណាមកាលពីថ្ងៃទី២០ មករា ឆ្នាំ២០២៣ កន្លងទៅនេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានជម្រាបជូនឯកឧត្តម លឺ ក្វាងងឺយ ប្រធានគណៈកម្មាធិការប្រជាជនខេត្តវិញឡុងថា នេះជាមោទនភាពមួយដែលប្រទេសទាំងពីរ បានទើបងើបចេញផុតពីវិបត្តិសាកលនៃការឆ្លងរាលដាលជំងឺកូវីដ១៩ ឈានទៅបើកប្រទេស និងបើកព្រំដែនពេញលេញឡើងវិញដើម្បីស្តារសេដ្ឋកិច្ច ដែលជាលទ្ធផលដ៏ល្អប្រសើរទាំងនេះគឺបានដោយសារនយោបាយគ្រប់គ្រងជំងឺកូវីដ១៩ របស់រដ្ឋាភិបាលប្រទេសទាំងពីរ មានប្រសិទ្ធភាពខ្ពស់ និងការចាក់វ៉ាក់សាំងបង្ការជំងឺនេះ ដល់ប្រជាពលរដ្ឋសម្រេចបានតាមផែនការ។ ជាកិច្ចឆ្លើយតប ឯកឧត្តម លឺ ក្វាងងឺយ បានថ្លែងអំណរគុណអភិបាលខេត្តបន្ទាយមានជ័យ ដែលដឹកនាំគណៈប្រតិភូមកទស្សនាកិច្ចប្រជុំពិភាក្សាការងារដោយផ្ទាល់។ ឯកឧត្តមបានបន្តថា ខេត្តនៅតំបន់ទំនាបទន្លេមេគង្គមួយនេះមានប្រជាជនជាង ៨៥ម៉ឺននាក់។ ក្នុងនោះជនជាតិដើមខ្មែរជាង ២ម៉ឺន ២ពាន់នាក់។ ភាគីវៀតណាមបានលើកឡើងបន្តថា ដោយមានបង្អែកសេដ្ឋកិច្ចលើវិស័យកសិកម្ម ឧស្សាហកម្ម សិប្បកម្ម ពាណិជ្ជកម្ម និងសេវាកម្មជាដើម ដែលផលិតផលសរុបក្នុងស្រុកបានស្មើនឹងប្រមាណ ៧៥០លានដុល្លារអាម៉េរិក។ ក្នុងនោះក៏ជំរុញ និងពង្រឹងនូវការលើកកម្ពស់សុខុមាលភាព ជីវភាពប្រជាជន រួមទាំងបងប្អូនខ្មែរជនជាតិដើម និងព្រះសង្ឃផងដែរ។ តាមរយៈជំនួបការងារនាពេលនេះភាគីប្រទេសទាំងពីរបានប្តេជ្ញាថា នឹងបន្តពូនជ្រំចំណងមិត្តភាព ភាតរភាពសាមគ្គីភាព កិច្ចសហប្រតិបត្តិការរវាងខេត្តទាំងពីរ ដូចដែលមានចែងក្នុងស្មារតីខ្លឹមសារនៃអនុស្សរណៈយោគយល់គ្នា ដែលបានចុះហត្ថលេខាលើកទី១ កាលពីខែមេសា ឆ្នាំ២០១២ និងលើកទី២ កាលខែតុលា ឆ្នាំ២០១៧ កន្លងមក ហើយគ្រោងបន្ត ៥ឆ្នាំទៀត៕

វិបត្តិកូវីដ-១៩ ជំរុញការជួញដូរតាមប្រព័ន្ធអនឡាញមាននិន្នាការកើនឡើងយ៉ាងឆាប់រហ័ស

ភ្នំពេញ៖ ធនាគារជាតិនៃកម្ពុជា លើកឡើងថា វិបត្តិកូវីដ-១៩ រួមជាមួយនឹងការប្រើប្រាស់អ៊ីនធឺណែត និងទូរស័ព្ទចល័ត បានជំរុញឱ្យមានការរីកចម្រើនយ៉ាងខ្លាំងនៅក្នុងការទូទាត់តាមប្រព័ន្ធអនឡាញនៅកម្ពុជា។ថ្លែងក្នុងឱកាសបើកសន្និបាតបូកសរុបលទ្ធផលការងារប្រចាំឆ្នាំ២០២២ និងទិសដៅការងារឆ្នាំ២០២៣ របស់ធនាគារជាតិនៃកម្ពុជា នៅថ្ងៃទី១៩ ខែមករា ឆ្នាំ២០២៣ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា មធ្យោបាយទូទាត់អេឡិចត្រូនិកកាន់តែពេញនិយមនៅទូទាំងប្រទេស ស្របពេលដែលចំនួនការប្រើប្រាស់ទូរស័ព្ទចល័តមាន ១៩,៦លានគ្រឿង និងអ្នកប្រើប្រាស់អ៊ីនធឺណែតកើនដល់ ១៨ លាននាក់ ។ឯកឧត្តម ជា ចាន់តូ មានប្រសាសន៍ថា ចាប់តាំងពីវិបត្តិកូវីដ-១៩មក ការជួញដូរតាមប្រព័ន្ធអនឡាញមាននិន្នាការកើនឡើងយ៉ាងឆាប់រហ័ស ហើយមធ្យោបាយទូទាត់អេឡិចត្រូនិកកាន់តែពេញនិយមនៅទូទាំងប្រទេស ។ ឯកឧត្តម ដើម្បីដើរឱ្យទាន់ការវិវត្តដ៏ឆាប់រហ័សនេះ ប្រព័ន្ធទូទាត់ត្រូវបានធ្វើទំនើបកម្មជាលំដាប់ សម្រាប់ការសម្រួលដល់ការទូទាត់នៅក្នុងសេដ្ឋកិច្ច ប្រកបដោយប្រសិទ្ធភាព សុវត្ថិភាព និងឆាប់រហ័ស ។ ទេសាភិបាលធនាគារជាតិនៃកម្ពុជា លើកឡើងថា អត្ថប្រយោជន៍នៃទំនើបកម្មប្រព័ន្ធទូទាត់ ត្រូវបានបង្ហាញយ៉ាងជាក់ច្បាស់ក្នុងអំឡុងពេលបិទខ្ទប់ ដោយបានគាំទ្រដល់ដំណើរការអាជីវកម្មនានាតាមប្រព័ន្ធអនឡាញ និងវិធានការគាំពារសង្គម-សេដ្ឋកិច្ចរបស់រាជរដ្ឋាភិបាលក្នុងការផ្ទេរប្រាក់ឧបត្ថម្ភដល់កម្មករ-និយោជិតនិងប្រជាពលរដ្ឋក្រីក្រនិងងាយរងគ្រោះ បានភ្លាមៗនិងមានតម្លាភាព។ បច្ចុប្បន្ននេះ ប្រព័ន្ធទូទាត់កម្ពុជា ជាពិសេសប្រព័ន្ធបាគងនិងខេអេចឃ្យូអរ (KHQR) បានសម្រួលដល់ការទូទាត់ឆ្លងគ្រឹះស្ថានធនាគារនិងហិរញ្ញវត្ថុ ជំរុញបរិយាបន្នហិរញ្ញវត្ថុ ព្រមទាំងបានលើកមុខមាត់នៃប្រព័ន្ធទូទាត់កម្ពុជានៅលើឆាកអន្តរជាតិចំពោះភាពច្នៃប្រឌិត និងនវានុវត្តន៍ខ្ពស់ ស្របពេលដែលគណនីអ៊ីវ៉ាឡេតបានកើនគួរឡើងឱ្យកត់សម្គាល់ដល់ ១៧,៩ លានគណនី ។ កន្លងមក ធនាគារជាតិនៃកម្ពុជា បានភ្ជាប់ប្រព័ន្ធទូទាត់ជាមួយប្រទេសថៃ និងម៉ាឡេស៊ី និងកំពុងបញ្ចប់ការតភ្ជាប់ជាមួយប្រទេសឡាវ និងវៀតណាម ដើម្បីដាក់ឱ្យដំណើរការនាពេលឆាប់ៗនេះ ៕ អត្ថបទ៖ វណ្ណៈ

កម្ពុជា-ទីម័រ បន្តពង្រឹងកិច្ចសហប្រតិបត្តិការទ្វេភាគីឲ្យរឹតតែជិតស្និតបន្ថែមទៀត

ភ្នំពេញ៖ កម្ពុជា ទីម័រ នឹងបន្តពង្រឹងកិច្ចសហប្រតិបត្តិការកម្ពុជា-ទីម័រឡេស្ដេឲ្យរឹតតែជិតស្និតបន្ថែមទៀតក្នុងគ្រប់វេទិកាទាំងអស់ ស្របពេលដែលកម្ពុជា បានបង្ហាញការគាំទ្ររបស់កម្ពុជា ក្នុងដំណើរការចរចានានា ដើម្បីជំរុញឲ្យប្រទេសទីម័រឡេស្ដេ អាចចូលជាសមាជិករបស់អង្គការពាណិជ្ជកម្មពិភពលោក (WHO)បានក្នុងឆ្នាំ២០២៣នេះ។នេះជាការលើកឡើងរបស់ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានជួបពិភាក្សាការងារមួយចំនួនជាមួយឯកឧត្តម José Ramos-Horta ប្រធានាធិបតីនៃប្រទេសទីម័រឡេស្ដេ ក្នុងអំឡុងពេលនៃការអញ្ជើញចូលរួមកិច្ចប្រជុំប្រចាំឆ្នាំ២០២៣ របស់វេទិកាសេដ្ឋកិច្ចពិភពលោក កាលពីរសៀលថ្ងៃទី១៨ ខែមករា ឆ្នាំ២០២៣ ។ក្នុងជំនួបទ្វេភាគីនេះ ឯកឧត្តមរដ្ឋមន្ត្រី បានសម្ដែងនូវការអបអរសាទរចំពោះការប្រកាសជាផ្លូវការចំពោះការចូលជាសមាជិករបស់ប្រទេសទីម័រ ក្នុងអាស៊ាន ដែលបានធ្វើឡើងក្នុងអំឡុងពេលនៃកិច្ចប្រជុំកំពូលអាស៊ានលើកទី៤០ និង៤១ កាលពីខែវិច្ឆិកា ឆ្នាំ២០២២កន្លងទៅ ក្រោមការធ្វើជាប្រធានអាស៊ានរបស់កម្ពុជា។ ជាមួយនោះដែរ ឯកឧត្តម ក៏បានលើកឡើងអំពីការតាំងចិត្តខ្ពស់របស់កម្ពុជានៅក្នុងដំណើរការចូលជាសមាជិកអង្គការពាណិជ្ជកម្មពិភពលោករបស់ទីម័រផងដែរ។បន្ថែមពីនេះទៀត ឯកឧត្តម ក៏បានលើកឡើងវិញអំពីយោបល់របស់សម្តេចតេជោនាយករដ្ឋមន្ត្រី ដែលបានលើកទឹកចិត្តឲ្យវិស័យឯកជនរបស់ទីម័រ ធ្វើការវិនិយោគនៅកម្ពុជា ជាពិសេសក្នុងវិស័យស្រូវអង្ករ ក្នុងអំឡុងពេលដែលថ្នាក់ដឹកនាំកំពូលទាំងពីរ ជួបពិភាក្សាទ្វេភាគីក្នុងដំណើរទស្សនកិច្ចរបស់ឯកឧត្តមប្រធានាធិបតីទីម័រឡេស្ដេនៅកម្ពុជាក្នុងឆ្នាំ២០២២។ ជាកិច្ចឆ្លើយតប ឯកឧត្តមប្រធានាធិបតីទីម័រ បានថ្លែងអំណរគុណចំពោះកិច្ចខិតខំប្រឹងប្រែងរបស់កម្ពុជា ចំពោះទីម័រ ហើយនឹងបន្តពង្រឹងកិច្ចសហប្រតិបត្តិការកម្ពុជា-ទីម័រឡេស្ដេឲ្យរឹតតែជិតស្និតបន្ថែមទៀតក្នុងគ្រប់វេទិកាទាំងអស់៕អត្ថបទ៖ ឈិត បូរ៉ាវី

កម្ពុជានិងអេមីរ៉ាតអារ៉ាបរួម នឹងបញ្ចប់ការចរចាកិច្ចព្រមព្រៀងភាពជាដៃគូសេដ្ឋកិច្ច នៅមីនា

ភ្នំពេញ៖ ក្រសួងពាណិជ្ជកម្មកម្ពុជា បានឲ្យដឹងថា ការចរចាកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ រវាងកម្ពុជា-អេមីរ៉ាតអារ៉ាប់រួម (CAM-UAE CEPA) នឹងបញ្ចប់ការចរចានៅជុំទី៣ នាខែកុម្ភៈ និងគម្រោងបញ្ចប់ជាផ្លូវការ នៅខែមីនា ឆ្នាំ២០២៣ខាងមុខ ។នេះជាការលើកឡើងនៅក្នុងកិច្ចប្រជុំរវាង ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងឯកឧត្តម ថានី អាម៉េត អាយហ្ស៊ីយ៉ុនឌី (Thani Ahmed Al Zeyoudi) រដ្ឋមន្ត្រីពាណិជ្ជកម្មអន្តរជាតិ នៃប្រទេសអេមីរ៉ាតអារ៉ាប់រួម ក្នុងអំឡុងអញ្ជើញចូលរួមកិច្ចប្រជុំប្រចាំឆ្នាំ២០២៣ របស់វេទិកាសេដ្ឋកិច្ចពិភពលោក នៅប្រទេសស្វីស។ក្រោយឆ្លងកាត់កិច្ចប្រជុំចរចាជុំទី១ កាលពីខែតុលា ឆ្នាំ២០២២ និងការវិវឌ្ឍទៅមុខនៃការចរចាបើកច្រកទីផ្សារទំនិញ និងសេវាកម្ម នៅជុំទី២ ក្នុងខែធ្នូ ឆ្នាំ២០២២ ភាគីទាំងពីរបានខិតខំបំពេញតាមសំណើរសុំ និងការផ្តល់ឱ្យរវាងគ្នាទៅវិញទៅមក ដើម្បីបង្កើតកិច្ចព្រមព្រៀងពាណិជ្ជកម្មសេរីទ្វេភាគីដ៏ប្រសើរមួយ សម្រាប់សហគមន៍ធុរកិច្ច វិនិយោគិន ពាណិជ្ជករ និងសាធារណៈជន។ នៅក្នុងជំនួបនេះ ឯកឧត្តមរដ្ឋមន្រ្តី បានសង្កត់ធ្ងន់ថា ការចូលជាធរមាននៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ កម្ពុជា-អេមីរ៉ាតអារ៉ាប់រួម នឹងបង្កើនកំណើនសេដ្ឋកិច្ចតាមរយៈការធ្វើពិពិធកម្មទីផ្សារ ការបើកច្រក់ទីផ្សារកាន់តែទូលាយ សម្រាប់ទំនិញ និងសេវាកម្ម ការបង្កើនលំហូរនៃការវិនិយោគ ការបង្កើតការងារ និងការពង្រីកកិច្ចសហប្រតិបត្តិការកាន់តែស៊ីជម្រៅលើវិស័យផ្សេងទៀត ព្រមទាំងផ្តល់ប្រយោជន៍ឱ្យគា្នទៅវិញទៅមកកាន់តែសម្បូរ។ឆ្លៀតក្នុងឱកាសនៃជំនួបនេះដែរ ឯកឧត្តម ប៉ាន សូរស័ក្តិ បានសម្តែងនូវសេចក្តីសោមនស្សរីករាយដែលបានជួប ឯកឧត្តមរដ្ឋមន្ត្រីពាណិជ្ជកម្មអន្តរជាតិនៃប្រទេសអេមីរ៉ាតអារ៉ាប់រួមជាថ្មីម្តងទៀត និងចំពោះឱកាសដែលភាគីទាំងពីរអាចពិនិត្យលើវឌ្ឍនភាពដែលសម្រេចបានក្នុងការចរចាកិច្ចព្រមព្រៀងភាពជាដៃគូកន្លងមក។ ឯកឧត្តម ក៏បានអបអរសាទរដល់រដ្ឋាភិបាល អេមីរ៉ាតអារ៉ាប់រួម ដែលត្រូវបានជ្រើសរើសធ្វើជាម្ចាស់ផ្ទះសម្រាប់សន្និសីទថ្នាក់រដ្ឋមន្ត្រីលើកទី១៣របស់អង្គការពាណិជ្ជកម្មពិភពលោកក្នុងឆ្នាំ ២០២៤ ខាងមុខនេះ៕ អត្ថបទ៖ ឈិត បូរ៉ាវី

កម្ពុជា ដាក់ចេញច្បាប់វិនិយោគថ្មី ជំរុញវិស័យឯកជនឱ្យវិនិយោគបន្ថែម

ភ្នំពេញ៖ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជាបានអនុម័តច្បាប់វិនិយោគថ្មី ដែលគាំទ្រដល់បរិស្ថាន និងបានលើកទឹកចិត្តវិស័យហិរញ្ញវត្តុ ដើម្បីជំរុញវិស័យឯកជនឱ្យវិនិយោគបន្ថែម សំដៅឆ្លើយតបទៅនឹងបម្រែបម្រួលអាកាសធាតុ។ ឯកឧត្តម ប៉ាន សូរស័ក្តិ លើកឡើងបែបនេះ នៅក្នុងអង្គវេទិកាសេដ្ឋកិច្ចពិភពលោក ក្រោមប្រធានបទ ស្តីពីការសន្យាបៃតងរបស់អាស៊ាន “ASEAN’s Green Promise” ប្រទេសស្វីស ដោយបានបង្ហាញការព្រួយបារម្ភពីផលប៉ះពាល់ជាអវិជ្ជមាន ដែលបណ្តាលមកពីបម្រែបម្រួលអាកាសធាតុ និងកាតព្វកិច្ចចម្បងក្នុងការចូលរួមការពារជនងាយរងគ្រោះនៅក្នុងសង្គម។ ឯកឧត្តមរដ្ឋមន្ត្រី បានរំលេចពីការផ្តួចផ្តើមរបស់កម្ពុជា ក្នុងនាមជាប្រធានអាស៊ានឆ្នាំ២០២២កន្លង ដែលកម្ពុជាបានផ្តួចផ្តើមគំនិតបង្កើតកិច្ចព្រមព្រៀងបៃតងអាស៊ាន ក្នុងអំឡុងកិច្ចប្រជុំកំពូលអាស៊ានឆ្នាំ២០២២ ក្នុងគោលបំណងដឹកនាំអាស៊ានឆ្ពោះទៅរកអនាគតបៃតង មានកម្រិតឧស្ម័នកាបូនិកទាប និងប្រកបដោយចីរភាព។ ការផ្តួចផ្តើមគំនិតនេះ គឺបង្ហាញពីការប្តេជ្ញាចិត្តជាយុទ្ធសាស្ត្ររបស់កម្ពុជា ក្នុងការដោះស្រាយវិបត្តិអាកាសធាតុ ជាពិសេស ដើម្បីសម្រេចឱ្យបាននូវអព្យាក្រឹត្យភាពកាបូន។ ឯកឧត្តមរដ្ឋមន្ត្រី បានបន្ថែមទៀតថា គ្រប់វិស័យទាំងអស់គួរតែដើរទន្ទឹមគ្នាទាំងកម្មវិធី និងគម្រោងផ្សេងៗ សំដៅកាត់បន្ថយការបំភាយឧស្ម័នកាបូនិក ដើម្បីឆ្លើយបទទៅនឹងការប្តេជ្ញាចិត្តរបស់កម្ពុជាដែលបានសន្យានៅក្នុងកិច្ចព្រមព្រៀងទីក្រុងប៉ារីស ស្តីពីបរិស្ថាន និងនៅក្នុងកិច្ចប្រជុំ COP26 កន្លងមក។ ឯកឧត្តមរដ្ឋមន្រ្តី បានបន្ថែមទៀតថា កម្ពុជាជាផ្នែកមួយនៃអាស៊ាន និងកំពុងធ្វើការសហការគ្នាសំដៅរៀបចំយុទ្ធសាស្ត្រអាស៊ាន ស្តីពីអព្យាក្រឹត្យភាពកាបូន។ជាក់ស្តែង នៅខែធ្នូឆ្នាំ២០២២ ក្រុមប្រឹក្សាសហគមន៍សេដ្ឋកិច្ចអាស៊ានទើបតែបានអនុម័តនូវឯកសារទស្សនៈទាន សម្រាប់រៀបចំយុទ្ធសាស្ត្រខាងលើនេះរួចទៅហើយ នៅក្នុងអំឡុងពេលកិច្ចប្រជុំរដ្ឋមន្ត្រីដឹកជញ្ជូន ថាមពល និងកសិកម្ម ដែលជាកិច្ចប្រជុំអមនៃកិច្ចប្រជុំកំពូលអាស៊ានលើកទី៤០ និង៤១។ នាពេលបច្ចុប្បន្ននេះ កម្ពុជាស្ថិតលើមាគ៌ាឆ្ពោះទៅរកប្រទេសដែលមានអព្យាក្រឹត្យភាពកាបូន៕អត្ថបទ៖ ឈិត បូរ៉ាវី

អ្នកជំនាញ រំពឹងថា វិស័យអចលនទ្រព្យ និងសំណង់ នឹងអាចឡើងវិញក្នុងឆ្នាំនេះ

ភ្នំពេញ៖ អ្នកជំនាញអចលនវត្ថុមើលឃើញថា សកម្មភាពអភិវឌ្ឍន៍អចលនទ្រព្យ និងសំណង់ និងមានសកម្មភាពមមាញឹកជាងឡើងវិញ មានតម្រូវការច្រើនជាងមុន និងមានអ្នករកស៊ីលើផ្នែកនេះកាន់តែច្រើនផងដែរ ខណៈសេដ្ឋកិច្ចក្នុងស្រុកកំពុងងើបល្អប្រសើរ។លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានថ្លែងថា ការបើកប្រទេសចិនឡើងវិញនេះ វាជាសញ្ញាណល្អសម្រាប់កម្ពុជា សម្រាប់ការអភិវឌ្ឍលើគ្រប់វិស័យឲ្យតែល្អប្រសើរថែមទៀត ក្នុងនោះវិស័យអចលនទ្រព្យ និងសំណង់ និងអាចមានសកម្មភាពមមាញឹកឡើងវិញ និងមានតម្រូវការទិញ-លក់ច្រើនជាងមុន ហើយក៏មានអ្នករកស៊ីទទួលទានលើផ្នែកនេះមានសកម្មភាពផុលផុសជាងមុនផងដែរ។យោងតាមក្រសួងរៀបចំដែនដី នគរូបនីយកម្ម និងសំណង់ ទិន្នន័យសំណង់ទូទាំងប្រទេសមានចំនួន ៨២៦ គម្រោង មានតម្លៃប៉ាន់ស្មានទុនវិនិយោគប្រមាណជាង ២,៦ ពាន់លានដុល្លារ នៅឆ្នាំ២០២២ ថយចុះជិត ៥០ ភាគរយ បើធៀបនឹងរយៈពេលដូចគ្នាក្នុងឆ្នាំ២០២១ ។ការអនុវត្តក្រោមសមត្ថកិច្ចក្រសួង មានចំនួន ២០២ គម្រោង មានទុនវិនិយោគជាង ២ ពាន់លានដុល្លារ ។ ចំណែកស្ថិតសមត្ថកិច្ចរដ្ឋបាលរាជធានី ខេត្ត មានចំនួន ៦២៥ គម្រោង មានទុនវិនិយោគជាង ៥៤៧ លានដុល្លារ បើធៀបនឹងរយៈពេលដូចគ្នាក្នុងឆ្នាំ២០២១ ។នៅក្នុងឆ្នាំ ២០២៣ នេះ រាជរដ្ឋាភិបាល រំពឹងថា វិស័យសំណង់នឹងបន្តកំណើនទាបជាងនិន្នាការធម្មតាដោយសារការរំពឹងទុកការងើបឡើងវិញយឺត នៃរំហូរទុនវិនិយោគពីបរទេស ជាពិសេសសម្រាប់សំណង់ថ្លៃខ្ពស់ ក៏ដូចជាសំណង់បម្រើឱ្យវិស័យទេសចរណ៍ និងពាណិជ្ជកម្ម ស្របពេលដែលសកម្មភាពសំណង់លំនៅឋាន ក៏ត្រូវបានរំពឹងថា នៅបន្តក្សាកំណើន ប៉ុន្តែស្ថិតក្នុងកម្រិតទាបផងដែរ៕អត្ថបទ៖ សុន រ៉ាឌី

កសិករកំពុងមមាញឹកប្រមូលផលដំណាំប៉ិកួៈ ខណៈតម្លៃដើមដៃបានខ្ពស់ជាងរាល់ឆ្នាំ

កំពង់ចាម៖ ប្រជាកសិករ ដែលរស់នៅតំបន់ទំនាប នៅក្នុងស្រុកកំពង់សៀម ខេត្តកំពង់ចាម ជាច្រើនគ្រួសារ នាំគ្នាដាំដំណាំប៉ិកួៈ ខណៈឆ្នាំនេះ ពួកគេសប្បាយរីករាយ ដោយសារតម្លៃលក់លើទីផ្សារខ្ពស់ជាងរាល់ឆ្នាំ អាចជួយបង្កើនជីវភាពរបស់ពួកគេកាន់តែល្អប្រសើរ ។ប្រជាកសិករដែលរស់នៅតាមជួរមាត់ទន្លេ ក្នុងនោះមាន ឃុំកៀនជ្រៃ ឃុំរអាង ឃុំរំចេក ឃុំហាន់ជ័យ នៃស្រុកកំពង់សៀម ខេត្តកំពង់ចាម បាននាំគ្នាបង្កបង្កើនផលដំណាំប៉ិកួៈ ព្រោះផ្ទៃដីស្រែចម្ការនៅតំបន់នេះមានជីវជាតិល្អ និងដីល្បាយខ្សាច់ងាយស្រួលដាំដុះថែរទាំ។កសិករ ដែលកំពុងប្រមូលផលប៉ិកួៈ បានប្រាប់BTVបានឲ្យដឹងថា ឆ្នាំនេះដោយសារមានប្រែប្រួលអាកាសធាតុ ភ្លៀងធ្លាក់ជាហូហែរ បានធ្វើឲ្យផ្ទៃដីចំការរងការខូចខាត ប៉ុន្តែមិនធ្ងន់ធ្ងរឡើយ។ ក្រោយពីប្រមូលផលនៅដើមដៃនេះ បានទិន្នផលទទួលផលបានច្រើន ហើយតម្លៃខ្ពស់ជាងរាល់ឆ្នាំទៀត ។ប្រជាកសិករ បានស្នើឲ្យមន្ត្រីជំនាញ ជួយបង្កើនទីផ្សារ ដំណាំប៉ិកួៈ នេះនៅតម្លៃខ្ពស់បែបនេះ ពួកគេពិតជាសប្បាយរីករាយ និងមានកម្លាំងចិត្តក្នុងដាំដុះបន្តទៀត ខណៈបច្ចុប្បន្ន ឈ្នួលមកទទួលទិញចម្ការ ដោយក្នុងមួយគីឡូ ក្រាម តម្លៃ១៥០០រៀល ទៅ២០០០រៀលដែរ។ ក្នុងរយៈពេលកន្លះខែមករានេះ ដំណាំប៉ិកួៈរបស់អ្នកកំពង់សៀម បានកំពុងទទួលផលជាបន្តបន្ទាប់ហើយ ហើយកសិករ បន្តចាប់ផ្តើមនាំគ្នាំដាំដំណាំរួមផ្សំផ្សេងទៀត រួមមាន ពោត សណ្តែកដី ត្រសក់ស្រូវ ឪឡឹក និងម្ទេស ។ល៕អត្ថបទ៖ ថុង សីហា

ការនាំចេញរបស់កម្ពុជា ទៅប្រទេស RCEP មានទឹកប្រាក់ ៦,៣ ពាន់លានដុល្លារក្នុងឆ្នាំ២០២២

ភ្នំពេញ៖ កម្ពុជាបាននាំចេញទំនិញមានតម្លៃ ៦,៣៤ ពាន់លានដុល្លារទៅកាន់ប្រទេសសមាជិកកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) កាលពីឆ្នាំ២០២២កើនឡើង ៧ ភាគរយធៀបនឹងឆ្នាំ២០២១។ របាយការណ៍របស់ក្រសួងពាណិជ្ជកម្មបានបង្ហាញកាលពីថ្ងៃពុធនេះថា ការនាំចូលរបស់កម្ពុជា ពីប្រទេស RCEP មានទឹកប្រាក់សរុប ២៤,៦៨ ពាន់លានដុល្លារអាមេរិក កើនឡើង ៣ ភាគរយ ធៀបនឹងពីឆ្នាំ ២០២១។របាយការណ៍បង្ហាញថា ទំហំនៃការដោះដូរពាណិជ្ជកម្ម របស់កម្ពុជា ជាមួយប្រទេស RCEP បានកើនឡើងដល់ ៣១ ពាន់លានដុល្លារក្នុងឆ្នាំ ២០២២ កើនឡើង ៤ ភាគរយធៀបនឹងឆ្នាំ២០២១ ដោយបញ្ជាក់ថា ដៃគូពាណិជ្ជកម្មធំៗរបស់កម្ពុជា គឺប្រទេសចិន វៀតណាម ថៃ សិង្ហបុរី និងជប៉ុន។បានចូលជាធរមាននៅថ្ងៃទី ១ ខែមករា ឆ្នាំ ២០២២ កិច្ចព្រមព្រៀងពាណិជ្ជកម្មដ៏ធំមួយនេះ មានប្រទេសចំនួន ១៥ នៅអាស៊ីប៉ាស៊ីហ្វិក រួមទាំងប្រទេសសមាជិកអាស៊ានចំនួន ១០ និងដៃគូពាណិជ្ជកម្មចំនួនប្រាំ គឺ ចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់។ក្នុងនាមជាប្លុកពាណិជ្ជកម្មធំបំផុតរបស់ពិភពលោក កិច្ចព្រមព្រៀងពាណិជ្ជកម្ម RCEP មានផលិតផលសរុបក្នុងស្រុកសរុបចំនួនជាង ២៦ពាន់ពាន់លានដុល្លារ ដែលតំណាងឱ្យប្រហែល ៣០ភាគរយនៃផលិតផលក្នុងស្រុកសរុបពិភពលោក ២៨ ភាគរយនៃពាណិជ្ជកម្មពិភពលោក និងជាង៣២ ភាគរយនៃការវិនិយោគពិភពលោក។ឯកឧត្តម ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យនៃក្រសួងពាណិជ្ជកម្ម មានប្រសាសន៍កាលពីពេលថ្មីៗនេះ ថា កម្ពុជា គឺជាខ្សែសង្វាក់ផ្គត់ផ្គង់មួយក្នុងចំណោមខ្សែសង្វាក់ផ្គត់ផ្គង់នៅលើពិភពលោក ដូចជា ការនាំចេញសំលៀកបំពាក់ ស្បែកជើង គ្រឿងអេឡិចត្រូនិក និងអគ្គិសនី និងកសិកម្ម ដែលជាកត្តាចម្បងដែលជំរុញការនាំចេញទៅកាន់បណ្តាប្រទេស RCEP កើនឡើង។ ឯកឧត្តម ប៉ែន សុវិជាតិ មានប្រសាសន៍ថា ចាប់តាំងពីចូលជាធរមានកាលពីដើមឆ្នាំ២០២១មក ការនាំចេញរបស់កម្ពុជាទៅទីផ្សារអន្តរជាតិ ជាពិសេសទៅប្រទេស RCEP បានកើនឡើងគួរឱ្យកត់សម្គាល់៕ដោយ វណ្ណៈ

កម្ពុជាមានរោងចក្រឧស្សាហកម្មបើកថ្មីជិត ២០០រោងចក្រ ក្នុងឆ្នាំ២០២២

ភ្នំពេញ៖ ក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ បានចុះបញ្ជីរោងចក្រ សហគ្រាសថ្មី ចំនួន ១៨៦ រោងចក្រ ក្នុងឆ្នាំ២០២២ ធ្វើឱ្យចំនួនរោងចក្រសហគ្រាសសរុបនៅប្រទេសកើនដល់ ១ ៩៨២ រោងចក្រ។រោងចក្រ សហគ្រាកំពុងបើកដំណើរការ ចំនួន ១ ៩៨២ រោងចក្រ មានទុនវិនិយោគសរុប ១៦ ៦៩០ លានដុល្លារ ក្នុងឆ្នាំ២០២២។ នេះបើយោងតាមរបាយការណ៍ពីក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍។ចំណែករោងចក្របិទទ្វារ មានចំនួន ៨៣ រោងចក្រ ក្នុងឆ្នាំ២០២២ មានចំនួនទាបជាងចំនួនរោងចក្របិទទ្វារ ក្នុង២០២១ ដែលមានរហូតដល់ ១៤៣រោងចក្រ។ក្រសួង បញ្ជាក់ថា ទុនវិនិយោគសរុបនៃរោងចក្រសហគ្រាស មានចំនួន ១៦ ៦៩០ លានដុល្លារ កើនឡើងពី ១៣ ៨១១ លានដុល្លារក្នុងឆ្នាំ២០២១។ឯកឧត្តម ហេង សុគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម លើកឡើងនៅថ្ងៃទី១៨ ខែមករា ថា ការគ្រប់គ្រងបានប្រកបដោយប្រសិទ្ធភាពលើការរីករាលជំងឺកូវីដ១៩ របស់រាជរដ្ឋាភិបាល ជាគន្លឹះសំខាន់ កសាងទំនុកចិត្តដល់វិនិយោគ នៅកម្ពុជា។គួររំលឹកថា នៅឆ្នាំដដែល ក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគមានទុនសរុប ៤ ៦៨៥លានដុល្លារអាមេរិក កើនឡើងប្រមាណជា ៧,៥ ភាគរយបើធៀបទៅនឹងឆ្នាំមុន ផ្តោតការវិនិយោគ លើសណ្ឋាគារ មន្ទីរពេទ្យ កសិកម្ម និង រោងចក្រឧស្សាហកម្មជាដើម ៕ដោយ៖ វណ្ណៈ

បណ្ដាញសង្គម

ព័ត៌មានថ្មីៗ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ«បញ្ហាបញ្ច្រាសមកវិញ សង្គ្រាមក៏បានធ្វើឱ្យរបបដឹកនាំកម្ពុជា កាន់តែរឹងមាំឡើងផងដែរ»

ប្រធានាធិបតីអ៊ីរ៉ង់៖ អតីតមេដឹកនាំកំពូលបានជំរុញឱ្យបញ្ចប់ស្ថានភាព «គ្មានសង្គ្រាម គ្មានសន្តិភាព» ជាមួយអាមេរិក

WHO៖ ការផ្ទុះឡើងនៃជំងឺ Ebola នៅកុងហ្គោ លើស ២.៤០០ករណី និងមានអ្នកស្លាប់ជិត ១.០០០នាក់

អគារសិក្សាថ្មី១ខ្នង នៅសាលាបឋមសិក្សាចំបក់ខាងត្បូង បានរួមចំណែកក្នុងវិស័យអប់រំ និងគាំទ្រដល់ការសិក្សា

ប្រភព៖ ប្រមុខកងទ័ពប៉ាគីស្ថានជួបជាមួយរដ្ឋមន្ត្រីក្រសួងមហាផ្ទៃអ៊ីរ៉ង់

ក្រសួងបរិស្ថានដាំស្តារព្រៃឈើឡើងវិញ នៅលើទីតាំងដែលបានដកហូតក្នុងតំបន់ការពារធម្មជាតិក្នុងខេត្តព្រះវិហារ

កូវ៉ែតរាយការណ៍ពីការវាយប្រហាររបស់អ៊ីរ៉ង់ លើរោងចក្រអគ្គិសនី និងរោងចក្របន្សុតទឹកសមុទ្រ ជាថ្ងៃទី៤ ជាប់ៗគ្នា

ទីក្រុងនៅភាគកណ្តាលជប៉ុន ឡើងដល់ ៤០អង្សាសេ ជាការសម្គាល់ផ្លូវការនៃថ្ងៃក្ដៅខ្លាំងលើកដំបូង

ក្រសួងការបរទេសកម្ពុជាជម្រាបជូនអ្នករាយការណ៍ពិសេសអំពីស្ថានភាពនៅតាមបណ្តោយព្រំដែនកម្ពុជា-ថៃ

វិមានក្រឹមឡាំង មិនឃើញក្ដីសង្ឃឹម ក្នុងការកែលម្អទំនាក់ទំនងអង់គ្លេស-រុស្ស៊ី ក្រោមការដឹកនាំរបស់លោក Burnham

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

កម្ពុជានាំចេញគ្រាប់ស្វាយចន្ទីទីផ្សារអន្តរជាតិ ទទួលបានចំណូលជាង ១,៧ប៊ីលានដុល្លារ ក្នុងឆ្នាំ២០២២

ខេត្តបន្ទាយមានជ័យ និងខេត្តវិញឡុងប្តេជ្ញាបន្តពង្រឹងកិច្ចសហប្រតិបត្តិការលើវិស័យសេដ្ឋកិច្ច

វិបត្តិកូវីដ-១៩ ជំរុញការជួញដូរតាមប្រព័ន្ធអនឡាញមាននិន្នាការកើនឡើងយ៉ាងឆាប់រហ័ស

កម្ពុជា-ទីម័រ បន្តពង្រឹងកិច្ចសហប្រតិបត្តិការទ្វេភាគីឲ្យរឹតតែជិតស្និតបន្ថែមទៀត

កម្ពុជានិងអេមីរ៉ាតអារ៉ាបរួម នឹងបញ្ចប់ការចរចាកិច្ចព្រមព្រៀងភាពជាដៃគូសេដ្ឋកិច្ច នៅមីនា

កម្ពុជា ដាក់ចេញច្បាប់វិនិយោគថ្មី ជំរុញវិស័យឯកជនឱ្យវិនិយោគបន្ថែម

អ្នកជំនាញ រំពឹងថា វិស័យអចលនទ្រព្យ និងសំណង់ នឹងអាចឡើងវិញក្នុងឆ្នាំនេះ

កសិករកំពុងមមាញឹកប្រមូលផលដំណាំប៉ិកួៈ ខណៈតម្លៃដើមដៃបានខ្ពស់ជាងរាល់ឆ្នាំ

ការនាំចេញរបស់កម្ពុជា ទៅប្រទេស RCEP មានទឹកប្រាក់ ៦,៣ ពាន់លានដុល្លារក្នុងឆ្នាំ២០២២

កម្ពុជាមានរោងចក្រឧស្សាហកម្មបើកថ្មីជិត ២០០រោងចក្រ ក្នុងឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

កម្ពុជា​នាំចេញគ្រាប់ស្វាយចន្ទីទីផ្សារអន្តរជាតិ ទទួលបានចំណូលជាង ១,៧ប៊ីលានដុល្លារ ក្នុងឆ្នាំ២០២២

ខេត្ត​បន្ទាយមានជ័យ និង​ខេត្ត​វិញ​ឡុង​ប្តេជ្ញា​បន្ត​ពង្រឹង​កិច្ច​សហប្រតិបត្តិការ​លើ​វិស័យ​សេដ្ឋកិច្ច​

វិបត្តិកូវីដ-១៩ ជំរុញការជួញដូរតាមប្រព័ន្ធអនឡាញមាននិន្នាការកើនឡើងយ៉ាងឆាប់រហ័ស

កម្ពុជា-ទីម័រ បន្តពង្រឹងកិច្ចសហប្រតិបត្តិការទ្វេភាគីឲ្យរឹតតែជិតស្និតបន្ថែមទៀត

កម្ពុជានិងអេមីរ៉ាតអារ៉ាបរួម នឹងបញ្ចប់ការចរចាកិច្ចព្រមព្រៀងភាពជាដៃគូសេដ្ឋកិច្ច នៅមីនា

កម្ពុជា ដាក់ចេញច្បាប់វិនិយោគថ្មី ជំរុញវិស័យឯកជនឱ្យវិនិយោគបន្ថែម

អ្នកជំនាញ រំពឹងថា វិស័យអចលនទ្រព្យ និងសំណង់ នឹងអាចឡើងវិញក្នុងឆ្នាំនេះ

កសិករកំពុងមមាញឹកប្រមូលផលដំណាំប៉ិកួៈ ខណៈតម្លៃដើមដៃបានខ្ពស់ជាងរាល់ឆ្នាំ

ការនាំចេញរបស់កម្ពុជា ទៅប្រទេស RCEP មានទឹកប្រាក់ ៦,៣ ពាន់លានដុល្លារក្នុងឆ្នាំ២០២២

កម្ពុជាមានរោងចក្រឧស្សាហកម្មបើកថ្មីជិត ២០០រោងចក្រ ក្នុងឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានាំចេញគ្រាប់ស្វាយចន្ទីទីផ្សារអន្តរជាតិ ទទួលបានចំណូលជាង ១,៧ប៊ីលានដុល្លារ ក្នុងឆ្នាំ២០២២

ខេត្តបន្ទាយមានជ័យ និងខេត្តវិញឡុងប្តេជ្ញាបន្តពង្រឹងកិច្ចសហប្រតិបត្តិការលើវិស័យសេដ្ឋកិច្ច