BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

ភ្នំពេញមានអគារខ្ពស់ៗចាប់ពី៥ជាន់ឡើងជិត ២០០០អគារ និងមានគម្រោងថ្មី ជាង៥០០គម្រោង

រាជធានីភ្នំពេញនាពេលបច្ចុប្បន្ននេះមានបុរីជាង៣០០កន្លែង និងមានអគារខ្ពស់ៗជាច្រើនរហូតជិត ២០០០អគារ។ភ្នំពេញជារាជធានី និងជាទីក្រុងធំជាងគេបំផុតនៃប្រទេសកម្ពុជា និងជាមជ្ឈមណ្ឌលសន្តិសុខ នយោបាយ សេដ្ឋកិច្ច សម្បត្តិវប្បធម៌ និងការទូត។ រាជធានីភ្នំពេញមានការកែសម្រួលដែនដីព្រំប្រទល់ជាបន្តបន្ទាប់ដោយសារតែភាពរីកចម្រើននៃសង្គមជាតិ។ បច្ចុប្បន្ន ទោះបីសេដ្ឋកិច្ចជាតិត្រូវបានរាំងស្ទះដោយវិបត្តិជាសកល និងភាពមិនច្បាស់លាស់នៃសេដ្ឋកិច្ចពិភពលោកយ៉ាងណាក្តី ក៏គម្រោងអភិវឌ្ឍន៍ជាច្រើន បាននឹងកំពុងដំណើរការសាងសង់ក្នុងរាជធានីភ្នំពេញ ក្នុងនោះនៅរាជធានីភ្នំពេញមានសំណង់បុរីចំនួន ៣១០ កន្លែង អគារខ្ពស់ៗចាប់ពីប្រាំជាន់ឡើងទៅ មានចំនួន ១.៧៧៧ អគារ និងបាននឹងកំពុងពិនិត្យលើឯកសារស្នើសុំ លិខិតអនុញ្ញាតសាងសង់ក្នុងគម្រោងថ្មីចំនួន ៥៣៦ គម្រោង លើផ្ទៃក្រឡាសំណង់សរុប ២៦៩.១៦៦ ម៉ែត្រការ៉េ ដែលមានទំហំទុនវិនិយោគប៉ាន់ស្មានប្រមាណ ១៣២ លានដុល្លាអាមេរិកបន្ថែមទៀត។ នេះបើតាមប្រសាសន៍របស់ឯកឧត្តម ឃួង ស្រេង អភិបាលរាជធានីភ្នំពេញ បានថ្លែងក្នុងពិធីបើកសន្និបាតបូកសរុបលទ្ធផលការងារឆ្នាំ២០២៣ និងទិសដៅអនុវត្តការងារឆ្នាំ២០២៤ របស់រដ្ឋបាលរាជធានីភ្នំពេញ កាលពីចុងខែធ្នូ ឆ្នាំ២០២៣កន្លងទៅ។ឯកឧត្តម ឃួង ស្រេង បន្ថែមថា ដោយឡែក រោងចក្រវិនិយោគក្នុងរាជធានីភ្នំពេញមានចំនួន ៧៦៣ រោងចក្រ ក្នុងនោះរោងចក្រដែលបានស្នើសុំចុះបញ្ជីនៅអនុគណៈកម្មាធិការវិនិយោគរាជធានីភ្នំពេញមានចំនួន ៨១ រោងចក្រ កើនឡើង ១៨ រោងចក្រ មានតម្លៃប៉ាន់ស្មានផលិតផល សរុប ៦.៥៩៣ លានដុល្លាអាមេរិក គឺកើនឡើងយ៉ាងគំហុកក្នុងអត្រាប្រមាណ ២១៨% បើធៀបនឹងតម្លៃប៉ាន់ស្មានផលិតផលសរុបក្នុងឆ្នាំ២០២២ កន្លងទៅ ដែលជាការបង្ហាញឱ្យឃើញពីសញ្ញាណវិជ្ជមាននៃការវិនិយោគ ក្រោយពេលបើកដំណើរការសេដ្ឋកិច្ចសង្គមពេញលេញ ឡើងវិញលើគ្រប់វិស័យនារយៈពេល ២ ឆ្នាំចុងក្រោយនេះ៕ អត្ថបទ៖ ប្រាក់ វ៉ាន់ដា

ពលរដ្ឋ និងអ្នកវិភាគ៖ ទិវាសន្តិភាព ជាស្មារតីជាតិរួមគ្នាបន្តរក្សាសន្តិភាព និងស្ថិរភាព

ប្រជាពលរដ្ឋ និងអ្នកវិភាគ លើកឡើងថា ការកំណត់ទិវាសន្តិភាពរបស់កម្ពុជា គឺជាស្មារតីជាតិរួមគ្នាបន្តរក្សាសន្តិភាព និងស្ថិរភាពរបស់ប្រទេសកម្ពុជា។ស្របពេលរាជរដ្ឋាភិបាលចេញអនុក្រឹត្យកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា «ទិវាសន្តិភាពនៅកម្ពុជា» ប្រជាពលរដ្ឋ បានសម្តែងការគាំទ្រចំពោះការកំណត់នេះ ដែលជាការបំផុសដល់ប្រជាពលរដ្ឋទាំងអស់ ជាពិសេសយុវជនជំនាន់ក្រោយចងចាំជានិច្ចនូវសុខសន្តិភាពពេញលេញ និងការឯកភាពជាតិដែលកម្ពុជាខិតខំរកមកដោយលំបាករហូតមានស្ថិរភាព ការរីកចម្រើនមកដល់បច្ចុប្បន្ន។ជាមួយគ្នាលោកបណ្ឌិត គិន ភា អ្នកវិភាគនយោបាយ លើកឡើងថា ទិវាសន្តិភាព គឺជាការដាស់ស្មារតីឲ្យប្រជាពលរដ្ឋចងចាំចំពោះសន្តិភាព និងជាសារសន្តិភាពសម្រាប់បណ្តាប្រទេសក្នុងតំបន់ ដើម្បីឲ្យក្លាយជាស្មារតីរួមគ្នាដើម្បីសន្តិភាព ហើយបញ្ជៀសបាននូវសង្គ្រាមទាំងស្រុង។សូមជម្រាបថា ការកំណត់ ទិវាសន្តិភាពរបស់កម្ពុជា ២៩ ធ្នូ ជារៀងរាល់ឆ្នាំ គឺជាការឆ្លើយតបទៅនឹងបំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រឡាញ់សន្តិភាព និងការស្អប់ខ្ពើមសង្គ្រាម ហើយជាការរំលឹកដល់ការសម្រេចបាននូវការបញ្ចប់សង្គ្រាមទាំងស្រុង និងការកសាងបាននូវសន្តិភាព និងឯកភាពជាតិពេញលេញ នៅព្រះរាជាណាចក្រកម្ពុជា ដោយនយោបាយឈ្នះ ឈ្នះ កាលពី ថ្ងៃទី២៩ ខែធ្នូ ឆ្នាំ១៩៩៨៕ អត្ថបទ សេក ឧត្តម

សម្តេចធិបតី ប្រកាសអបអរសាទរដល់បងប្អូនកម្មករ និយោជិតទទួលបានប្រាក់ខែគោល ២០៤ដុល្លារ ក្នុងឆ្នាំ២០២៤នេះ

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសអបអរសាទរ ដល់បងប្អូនកម្មករ និយោជិត ទាំងអស់ដែលនឹងទទួលបានប្រាក់ឈ្នួលអប្បបរមា២០៤ដុល្លារអាមេរិកសម្រាប់ឆ្នាំ២០២៤នេះ គឺកើនឡើងជាងឆ្នាំ២០២៣ចំនួន៤ដុល្លារ។តាមរយៈឆាណែលតេលេក្រាម នាថ្ងៃទី២ ខែធ្នូ ឆ្នាំ២០២៤នេះ សម្តេចធិបតី បានលើកឡើងថា «អបអរសាទរ! ចាប់ពីខែមករា ឆ្នាំ២០២៤នេះតទៅ បងប្អូនកម្មករ និយោជិតក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ នឹងទទួលបានប្រាក់ឈ្នួលអប្បបរមា ២០៤ដុល្លារ ក្នុង ១ខែ គឺកើនជាងខែធ្នូ ឆ្នាំ២០២៣ ចំនួន ៤ដុល្លារអាមេរិក»។ចាប់ពីខែមករា ឆ្នាំ ២០២៤ នេះតទៅ កម្មករ-និយោជិត រោងចក្រផ្នែកវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូប នឹងទទួលបានប្រាក់ឈ្នួលអប្បបរមាថ្មីចំនួន ២០៤ដុល្លារ ក្នុងមួយខែ ខណៈប្រាក់ឈ្នួលឆ្នាំកាលពី២០២៣កន្លងទៅទទួលបានត្រឹមតែ ២០០ដុល្លារនោះ។សូមបញ្ជាក់ថា ប្រាក់ឈ្នួលអប្បបរមាចំនួន ២០៤ ដុល្លារនេះ គឺជាប្រាក់ខែគោលប្រចាំខែរបស់កម្មករ និយោជិត ហើយក្រៅពីប្រាក់ខែគោល បងប្អូនកម្មករ-និយោជិត នឹងទទួលបានប្រាក់អត្ថប្រយោជន៍ផ្សេងៗទៀត ដូចជា ប្រាក់សោហ៊ុយធ្វើដំណើរ និងស្នាក់នៅចំនួន៧ ដុល្លារក្នុងមួយខែ ប្រាក់រង្វាន់ធ្វើការទៀងទាត់ចំនួន១០ដុល្លារ ក្នុងមួយខែ ប្រាក់ថ្លៃបាយសម្រាប់ការធ្វើការងារបន្ថែមម៉ោងដោយស្ម័គ្រចិត្តចំនួន២,០០០ រៀល ក្នុងមួយម៉ោង ឬ ការទទួលបានបាយមួយពេលដោយឥតគិតថ្លៃ និងប្រាក់រង្វាន់អតីតភាពការងារចាប់ពី ២ ទៅ ១១ ដុល្លារ ក្នុងមួយខែ ដែលធ្វើការចាប់ពីឆ្នាំទី២ ដល់ឆ្នាំទី ១១។ សរុបមកជាមធ្យមក្នុងមួយខែ កម្មករ-និយោជិត ម្នាក់ៗ នឹងទទួលបានប្រាក់ឈ្នួលយ៉ាងតិចចំនួនពី ២២០ ទៅ ២៣៦ ដុល្លារអាមេរិក៕ អត្ថបទ៖ បាន ចក់

សម្តេចតេជោ ហ៊ុន សែន រំលឹកនូវព្រឹត្តិការណ៍សំខាន់ៗដែលសម្តេចបានជួបនិងកេីតឡេីងក្នុងអំឡុងខែមករា

ភ្នំពេញ ÷ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហា ក្សត្រ បានរំលឹកនូវព្រឹត្តិការណ៍សំខាន់ៗមួយចំនួន ដែលសម្តេចបានជួប និងធ្វើនៅក្នុងឆាកជីវិតរបស់សម្តេចនៅអំឡុងខែមករា ចាប់ពីឆ្នាំ១៩៧៥រហូតដល់ឆ្នាំ២០០០។ តាមរយៈតេលេក្រាមនាយប់ថ្ងៃទី១ ខែមករា ឆ្នាំ២០២៤នេះ សម្តេចតេជោ ហ៊ុន សែន អតីតនា យករដ្ឋមន្រ្តីនៃកម្ពុជា បានបញ្ជាក់ថា«ក្នុងខែមករា តើមានអ្វីខ្លះសម្រាប់ការចងចាំរបស់ខ្ញុំ? មានរឿងមួយចំនួនដែលគួររំលេចគឺ៖ ១. ត្រូវរបួសស្មាស្តាំក្នុងការប្រយុទ្ធលើសមរភូមិ (បន្ទាយដ១៥) ថ្ងៃ១មករា ១៩៧៥។ ២. ថ្ងៃរៀបការ ៥មករា ១៩៧៦៣. ថ្ងៃរំដោះជាតិ និងប្រជាជនចេញផុតពីរបបប្រល័យពូជសាសន៍ ប៉ុល ពត ៧មករា ១៩៧៩។ ជាសមិទ្ធផលរួមរបស់ជាតិ។ ៤. ត្រូវបានបោះឆ្នោតឱ្យចូលជាថ្នាក់ដឹកនាំមជ្ឈឹមបក្សដែលមានសមាជិក ៧រូប ក្នុងឱកាសមហាសន្និបាតលើកទី៣ របស់គណបក្ស នាព្រឹកថ្ងៃ៨មករា ១៩៧៩។ ៥. ត្រូវបានជ្រើសតាំងជារដ្ឋមន្ត្រីក្រសួងការបរទេស នាល្ងាចថ្ងៃ៨មករា ១៩៧៩។ ៦. ត្រូវបានបោះឆ្នោតឱ្យកាន់តំណែងជាប្រធានក្រុមប្រឹក្សារដ្ឋមន្ត្រី (នាយករដ្ឋមន្ត្រី) នាព្រឹកថ្ងៃ១៤មករា ១៩៨៥។ ៧. ជំនួបចរចាសីហនុ-ហ៊ុនសែន លើកទី២ នៅប្រទេសបារាំងថ្ងៃ២០ និង២១មករា ១៩៨៨។ ៨. ការចាប់មានផ្ទៃពោះរបស់ភរិយាខ្ញុំនៃកំណើតរបស់ ហ៊ុន ម៉ាណែត មករា ១៩៧៧។ ៩. ទទួលបានចៅទីមួយ ថ្ងៃ២៨មករា ឆ្នាំ២០០០។ និងនៅមានរឿងរ៉ាវមួយចំនួនទៀតដែលខ្ញុំគិតថាមិនចាំបាច់រំលឹក៕

[BREAKING NEWS] រាជរដ្ឋាភិបាលកម្ពុជា ចេញអនុក្រឹត្យកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា «ទិវាសន្តិភាពនៅកម្ពុជា»

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសម្រេចចេញអនុក្រឹត្យកំណត់យករាល់ថ្ងៃទី២៩ ជារៀងរាល់ឆ្នាំជា«ទិវាសន្តិភាពនៅកម្ពុជា» ហើយក៏ជាថ្ងៃជាតិផ្លូវការមួយនៅព្រះរាជាណាចក្រកម្ពុជា ដោយឲ្យមានការឈប់សម្រាកជាសាធារណៈផងដែរ ខណៈការកំណត់យកថ្ងៃទី២៩ជាទិវាសន្តិភាពនៅកម្ពុជានេះ ក៏ដើម្បីឆ្លើយទៅនឹងបំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រលាញ់សន្តិភាព និងការស្អប់ខ្ពើមសង្រ្គាមផងដែរ។យោងតាមអនុក្រឹត្យរបស់រាជរដ្ឋាភិបាល ស្តីពីទិវាសន្តិភាពនៅកម្ពុជា ដែលបានចេញនៅថ្ងៃទី ១ ខែមករា ឆ្នាំ២០២៤នេះ បានលើកឡើងទៀតថា «ទិវាសន្តិភាពនៅកម្ពុជា»នេះ ក៏ជាការរំលឹកដល់ការសម្រេចបាននូវការបញ្ចប់សង្រ្គាមទាំងស្រុង និងការកសាងបាននូវសន្តិភាព និងឯកភាពជាតិពេញលេញ និងព្រះរាជាណាចក្រកម្ពុជា ដោយនយោ បាយឈ្នះ ឈ្នះ កាលពីថ្ងៃទី២៩ ខែធ្នូ ឆ្នាំ១៩៩៨។ ជាការរំលឹកដឹងគុណ និងចងចាំជានិច្ចនូវគំរូវីរភាពដ៏ អង់អាចក្លាហាន និងការធ្វើពលិកម្មគ្រប់បែបយ៉ាងស្វិតស្វាញនៅគ្រប់សមរភូមិ ទាំងសមរភូមិសង្រ្គាម ទំាំង សមរភូមិការទូត ទំាងសមរភូមិនយោបាយ រហូតសម្រេចបាននូវការបញ្ចប់ជាស្ថាពរនូវសង្រ្គាមនៅកម្ពុជា ហើយសម្រេចបាននូវការបង្រួបបង្រួមជាតិ ឯកភាពជាតិ និងនាំមកជូនជាតិ និងប្រជាជនកម្ពុជានូវសុខ សន្តិភាពពេញលេញផ្ទៃប្រទេសនៅព្រះរាជាណាចក្រកម្ពុជា ជាដើម។អនុក្រឹត្យបានបន្ថែមទៀតថា ការកំណត់យកថ្ងៃទី២៩ ជាទិវាសន្តិភាពនៅកម្ពុជានេះ ក៏ជាការ ដាស់តឿនក្រើនរំលឹកដល់ប្រជាជនកម្ពុជាគ្រប់ជំនាន់ ទាំងក្នុងបច្ចុប្បន្ន ទាំងក្នុងពេលអនាគត ឲ្យចងចាំជា និច្ចអំពីមហាវិនាសកម្មរបស់ជាតិ និងទុក្ខលំបាកយ៉ាងវេទនារបស់ប្រជាជនកម្ពុជា ព្រមទាំងផលវិបាកនានា ដែលបង្កឡើងដោយសង្រ្គាម និងការបែកបាក់ជាតិ ព្រមទាំងបំផុសស្មារតីដល់ប្រជាជនកម្ពុជាគ្រប់ជំនាន់ ទាំងក្នុងពេលបច្ចុប្បន្ន ទាំងក្នុងពេលអនាគតឲ្យដឹងច្បាស់ «គុណតម្លៃនៃសុខសន្តិភាព» ហើយរួមគ្នាលើក កម្ពស់«វប្បធម៌សន្តិភាព» នៅកម្ពុជា ជាពិសេសការចូលរួមការពារ និងថែរក្សាឲ្យបានដាច់ខាត«សុខសន្តិភាព» ដែលជាអាយុជីវិតរបស់ជាតិ និងជាគ្រឹះដ៏មានតម្លៃបំផុតសម្រាប់ការអភិវឌ្ឍប្រទេសជាតិ និងភាព សុខសាន្តរបស់ប្រជាជនកម្ពុជាប្រកបដោយចីរភាព និងភិយ្យោភាពជាដើម។អនុក្រឹត្យនេះក៏បានលើកឡើងផងដែរថា «ទិវាសន្តិភាពនៅកម្ពុជា»នេះ ត្រូវបានកំណត់ជាថ្ងៃឈប់ សម្រាកជាសាធារណៈ ហើយគ្រប់ក្រសួង ស្ថាប័នរដ្ឋបាលថ្នាក់ក្រោមជាតិ សង្គមស៊ីវិល អង្គការអន្តរជាតិ និងវិស័យឯកជន ត្រូវចូលរួមបំផុសស្មារតីប្រជាជនកម្ពុជាឲ្យយល់ដឹងអំពីគុណតម្លៃនៃសន្តិភាព លើកកម្ពស់វប្បធម៌សន្តិភាព និងរួមគ្នាថែរក្សាការពារសន្តិភាពនៅកម្ពុជាឲ្យបានគង់វង្សជារៀងរហូងផងដែរ៕ អត្ថបទ៖ បាន ចក់

ព្រះមហាក្សត្រ ស្ដេចយាងសួរសុខទុក្ខ និងប្រទានព្រះរាជអំណោយដល់ប្រជាកសិករ នៅខេត្តព្រៃវែង

ព្រៃវែង៖ នៅព្រឹកថ្ងៃទី៣១ ខែធ្នូ ឆ្នាំ២០២៣នេះ ព្រះករុណា ព្រះបាទសមេ្តចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះរាជហឫទ័យ ស្តេចយាងសួរសុខទុក្ខ និងប្រោសព្រះរាជទាននូវព្រះរាជអំណោយដល់ប្រជារាស្រ្តជាកសិករប្រមាណ៤០៤គ្រួសារ ស្ថិតនៅភូមិព្រៃរូង និងភូមិត្របែក ឃុំពានរោង ស្រុកស្វាយអន្ទរ ខេត្តព្រៃវែង។ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត នៃព្រះរាជាណាចក្រកម្ពុជា ព្រះអង្គបានសព្វព្រះរាជហឫទ័យ ស្តេចយាងចុះជួបសំណេះសំណាល និងទតដោយផ្ទាល់ព្រះភក្ត្ររបស់ព្រះអង្គ ចំពោះគ្រួសារប្រជាកសិករចំនួន៣គ្រួសារដល់ក្នុងលំនៅឋាន។ព្រះអង្គបានសព្វព្រះរាជហឫទ័យ ប្រោសព្រះរាជទានព្រះរាជអំណោយដល់គ្រួសារទាំង៣ដោយក្នុងមួយគ្រួសារៗ ទទួលបានអង្ករ ៥០គីឡូក្រាម ឃីត ១កញ្ចប់ (មានមុង១ ភួយ១ សារុង១ និងក្រមា១) តង់កៅស៊ូ១ផ្ទាំង មី ១កេស ត្រីខ ១០ កំប៉ុង ស្បែកជើងផ្ទាត់១គូ អាវយឺតមានស្លាកព្រះរាជអំណោយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន១ និងថវិកា១០ម៉ឺនរៀល។ដោយឡែកលោកគ្រូ អ្នកគ្រូ ក៏ទទួលបានព្រះរាជអំណោយ ដោយក្នុងម្នាក់ៗទទួលបាន ឃីត ១កញ្ចប់ (មានមុង១ ភួយ១ សារុង១ និងក្រមា១) អាវយឺតមានស្លាកព្រះរាជអំណោយ ព្រះករុណា ព្រះបាទសម្តេចឪ ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន១ និងថវិកា ៥ម៉ឺនរៀល។ ចំណែកកុមារចំនួន ៣១៧នាក់ ទទួលបានអាហារសម្រន់មួយពេល ថវិកា ៥ពាន់រៀល សម្លៀកបំពាក់មួយសម្រាប់ អាវយឺតមានស្លាកព្រះរាជអំណោយ ព្រះករុណា ព្រះបាទសម្តេចព្របរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន១ និងសម្ភារសិក្សាមួយចំនួន។បន្ទាប់ពីព្រះរាជបន្ទូលសំណេះ សំណាលរួចមក ព្រះករុណា ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះរាជហឫទ័យស្តេចយាងប្រោសព្រះរាជទាននូវព្រះរាជអំណោយដោយផ្ទាល់ ព្រះហស្តរបស់ព្រះអង្គ ដល់ប្រជារាស្រ្តជាកសិករទាំង៤០៤គ្រួសារ ប្រកបដោយទឹកព្រះទ័យសប្បាយរីករាយ និងអាណិតស្រឡាញ់ជាទីបំផុត។ព្រះរាជអំណោយដែលព្រះអង្គប្រទានដល់ប្រជារាស្ត្រជាកសិករទាំង៤០៤គ្រួសារ ក្នុងមួយគ្រួសារៗទទួលបាន អង្ករ ៥០គីឡូក្រាម ឃីត ១កញ្ចប់ (មានមុង១ ភួយ១ សារុង១ និងក្រមា១) តង់កៅស៊ូ១ផ្ទាំង មី ១កេស ត្រីខ ១០កំប៉ុង ស្បែកជើងផ្ទាត់១គូ អាវយឺតអាវរងារ មានស្លាកព្រះរាជអំណោយព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន១ និងថវិកា១០ម៉ឺនរៀល៕

សមិទ្ធិផលសំខាន់ៗដែលក្រសួងការងារ និងបណ្តុះបណ្តាលវិជ្ជាជីវៈសម្រេចក្នុងរយៈពេល៤ខែ ដើមអាណត្តិ

ក្រសួងការងារ និងបណ្តុះបណ្តាលវិជ្ជាជីវៈក្នុងរយៈពេល៤ខែដំបូងនៃរាជរដ្ឋាភិបាលអាណត្តិទី៧ ក្រោមកិច្ចដឹកនាំរបស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានសម្រេចនូវសមិទ្ធិផលធំៗមួយចំនួនគួរឱ្យកត់សម្កាល់លើ វិស័យការងារ កម្មវិធីបណ្តុះបណ្តាលវិជ្ជាជីវៈ និងបច្ចេកទេស ការលើកកម្ពស់ជីវភាពកម្មករនយោជិត ពង្រឹងកិច្ចសហការជាមួយបណ្តាដៃគូរអភិវឌ្ឍន៍ជាតិ និងអន្តរជាតិ ពង្រឹងកិច្ចកសហប្រតិបត្តិការជាមួយបណ្តាសហជីព និងបណ្តាវិស័យឯកជនានាលើការបង្វឹកកូនជាងផងដែរ។ សមិទ្ធិផលនៃកិច្ចការសំខាន់ៗទាំងនោះរួមមាន ការបញ្ចប់ដោយជោគជ័យលើការសម្របសម្រួលចរចាប្រាក់ឈ្នួលអប្បបរមាសំរាប់កម្មករនិយោជិតចំនួន ២០៤ ដុល្លារ ក្នុងឆ្នាំ២០២៤។ ជោគជ័យនេះមានការអបអរសាទរ និងទទួលយកពីកម្មករនិយោជិត និងភាគីនិយោជក សហជីព ដោយគ្រប់ភាគីទាំងអស់បានអះអាងថា ជាការដំឡើង បែបយុទ្ធសាស្ត្រដោយរក្សាឱកាសការងារដែលមានស្រាប់ និងទាក់ទាញវិនិយោគថ្មីបន្ថែម។ ដោយឡែកកិច្ចការសំខាន់និងលេចធ្លោចំនួនពីរទៀតនោះគឺការដាក់ឱ្យអនុវត្តជាផ្លូវការនូវការ បណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន ១,៥លាននាក់ និងកម្មវិធីរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តក្រោមអធិបតីដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នាថ្ងៃទី១៤ វិច្ឆិកា ឆ្នាំ២០២៣។ ក្នុងនោះកម្មវិធីបណ្តុះបណ្តាលមានអ្នកចុះឈ្មោះចូលរៀនប្រមាណជិត២ម៉ឺននាក់ ដោយឡែក ប.ស.ស មានក្រុមគោលដៅចំនួន១០២ ៦០៤នាក់ បានចុះបញ្ជី និងបានទៅប្រើប្រាស់សេវាចំនួន ៤៦ ៩១២ដង។ការដាក់ឱ្យអនុវត្តជាផ្លូវការនូវកម្មវិធីថ្នាក់ជាតិទាំងពីរទទួលបានការគាំទ្រយ៉ាងផុសផុលពីសំណាក់អ្នកវិភាគសង្គម ជំនាញសេដ្ឋកិច្ច អាជ្ញាធរមូលដ្ឋាន តារាចម្រៀង តារាតម្តែង សិល្បករ សិល្បការិនី និងមន្រ្តីគ្រប់ជាន់ថ្នាក់នៃក្រសួងការងារ និងបណ្តុះបណ្តាលវិជ្ជាជីវៈផងដែរ ។ បើទោះបីកម្មវិធីថ្នាក់ជាតិទាំងពីរនេះកំពុងតែតំណើរការការងាររបស់ខ្លួនយ៉ាងណាក៏ដោយ។ ក្រសួងការងារ និងបណ្តុះបណ្តាលវិជ្ជាជីវៈស្របតាមអនុសាសន៍របស់សម្តេច មហាបវរធិបតី ហ៊ុន ម៉ាណែត នៅថ្ងៃទី ១១ ខែវិច្ឆិកា ឆ្នាំ ២០២៣ ក្រសួងការងារ និងបណ្តុះបណ្តាលវិជ្ជាជីវៈ និងអ្នកឧកញ៉ា គិត ម៉េង ប្រធានសភាពាណិជ្ជកម្ម រួមទាំងប្រធានសមាគមនិយោជកសរុបចំនួន ១៨ បានចុះអនុស្សរណៈយោគយល់គ្នា ស្តីពី កិច្ចសហប្រតិបត្តិការលើការហាត់ការ និងកម្មសិក្សាដើម្បីគាំទ្រដល់ការបណ្តុះបណ្តាលជំនាញវិជ្ជាជីវៈ និងបច្ចេកទេស ដែលធ្វើឡើងនៅមជ្ឈមណ្ឌលពិព័រណ៍ និងសន្និបាតកោះពេជ្រ។ ជាមួយគ្នានេះដែរ ក្រសួងការងារ និងបណ្តុះបណ្តាលក៏ទទួលបានពានរង្វាន់ «កិច្ចសហការប្រតិបត្តិល្អក្នុងការកសាងសមត្ថភាពគ្រូបង្គោល និងអភិវឌ្ឍផ្នែក TVET » ពីវិទ្យាស្ថាន ITE ដ៏ល្បីរបស់សង្ហបុរី ។ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈបានឡើងទទួលពានរង្វាន់នេះដោយផ្ទាល់ពីលោក ហឺង ឈាំងនី (Heng Chiang Gnee) នាយកវិទ្យាស្ថាន ITE។ ក្រសួងការងារដែលជាសេនាធិការឱ្យរាជរដ្ឋាភិបាល បានការរៀបចំជំនួបរវាងសម្តេចធិបតីនាយករដ្ឋមន្ត្រី ជាមួយបងប្អូនកម្មករនិយោជិតចំនួនបានចំនួន១០លើកផ្សេងៗគ្នា ដែលមានកម្មករ កម្មការិនីរ៉ាប់ម៉ឺននាក់បានចូលរួម ក្នុងនោះដែរសម្តេចធិបតីនាយករដ្ឋមន្រ្តីក៏បានផ្តល់ប្រាក់ឧបត្ថម្ភដល់បងប្អូនដែលជាកម្មការិនីមានផ្ទៃពោះ និងសម្រាលកូនអំឡុងចូលរួមកម្មវិធីសំណេះសំណាលនេះផងដែរ ។ ក្នុងជំនួបនោះ រដ្ឋមន្ត្រីក្រសួងការងារ បានបង្ហាញពីវឌ្ឍនភាពលើវិស័យការងារ បេឡាជាតិរបបសន្តិសុខសង្គម និងការបណ្តុះបណ្តាលវិជ្ជាជីវៈដែលសម្តេចនាយករដ្ឋមន្ត្រីបានណែនាំ។ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈបានជួបពិភាក្សាការងារជាមួយភាគីបរទេស និងភាគីពាក់ព័ន្ធក្នុងប្រទេស ចាប់ពីថ្ងៃទី២៤ ខែសីហា ឆ្នាំ២០២៣ ដល់ថ្ងៃទី២៩ ខែធ្នូ ឆ្នាំ២០២៣ ក្នុងនោះដែរជំនួបពិភាក្សាការងារជាមួយភាគីបរទេសចំនួន ៤០ លើក ជាមួយ អង្គទូតប្រចាំកម្ពុជា អង្គការអន្តរជាតិ អ្នកវិនិយោគគិនបរទេស ដោយពិភាក្សាអំពី ចក្ខុវិស័យរបស់ក្រសួងការងារ និងបណ្តុះបណ្តាលវិជ្ជាជីវៈ លើវិស័យការងារ សន្តិសុខសង្គម និងការបណ្តុះបណ្តាលវិជ្ជាជីវៈ។ ក្នុងនោះក៏មានដែរ ការបន្តពង្រឹងកិច្ចសហប្រតិបត្តិការទ្វេភាគី និងពលករទេសន្តប្រវេសន៍។ដោយឡែក ជំនួបពិភាក្សាជាមួយភាគីពាក់ព័ន្ធក្នុងប្រទេសចំនួន ៥៧ លើក ជាមួយសមាគមនិយោជក សហជីព កម្មករនិយោជិត និងអង្គការសមាគមផ្សេងៗដោយពិភាក្សាលើការលើកកម្ពស់ទំនាក់ទាក់ទំនងវិជ្ជាជីវៈឱ្យកាន់តែប្រសើរ ការអនុវត្តកាតព្វកិច្ចហ្វឹកហ្វឺនកូនជាង និងកិច្ចសហប្រតិបត្តិការដើម្បីវឌ្ឍនភាពវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ។ទន្ទឹមនឹងជំនួបខាងលើ ឯកឧត្តមហេង សួរ ក៏បានជួបពិភាក្សាការងារជាមួយតំណាងសហជីពកម្រិតសភា និងសហព័ន្ធជាង២០០ ដើម្បីស្វែងយល់ពីចក្ខុវិស័យរួមរបស់ក្រសួងក៏ដូចជារាជរដ្ឋាភិបាលកម្ពុជាក្នុងអាណត្តិទី៧នេះក្នុងគោលបំណងលើកកម្ពស់ជីវភាពកម្មករនិយោជិតដែលជាការគិតគូរ និងយកចិត្តទុកដាក់ដ៏ខ្ពង់ខ្ពស់របស់សម្តេចនាយករដ្ឋមន្ត្រី ហ៊ុន ម៉ាណែត ។ ឯកឧត្តមក៏បាន ចុះទទួលទានអាហារជាមួយកម្មករនៅតាមរោងចក្រ និងការចុះសួរសុខទុក្ខបងប្អូនកម្មករនៅតាមផ្ទះជួលក្រោយម៉ោងសម្រាកការងារនៅតំបន់វេងស្រេង និងឫស្សីកែវជាដើម។ ក្នុងនោះឯកឧត្តម ហេង សួរ រដ្ឋមន្ត្រីក្រសួងការងារធ្លាប់បានរំលេចពីការផ្តាំរបស់សម្តេចតេជោនាយករដ្ឋមន្ត្រីដែលណែនាំឱ្យមន្ត្រីទាំងអស់ត្រូវមានជើងជាប់ដីចុះជួបកម្មករនិយោជិតដើម្បីស្វែងយល់ពីសុខទុក្ខនិងតម្រូវការដែលរដ្ឋាភិបាល និងអាជ្ញាធរពាក់ព័ន្ធត្រូវដោះស្រាយ។ ការចុះដល់មូលដ្ឋាននេះ គឺធ្វើឡើងតែមួយថ្ងៃប៉ុណ្ណោះក្រោយការទទួលបានការតែងតាំងកាលពីថ្ងៃទី២២ ខែសីហា ឆ្នាំ២០២៣។ ជាយន្តការក្នុងការពង្រឹងសមត្ថភាពមន្ត្រីរាជការរបស់ក្រសួង ឯកឧត្តម ហេង សួរ រដ្ឋមន្រ្តីក្រសួងការងារ ក្នុងរយៈពេល៤ខែក៏បានផ្តោតលើការបណ្តុះបណ្តាល និងពង្រឹងសមត្ថភាពការងាររបស់ថ្នាក់ដឹកនាំ និងមន្ត្រីរាជការក្រសួងដែលផ្តោតលើកិច្ចការងាររដ្ឋបាល លិខិតបទដ្ឋានគតិយុត្តិ និងរបៀបនិយាយជាសាធារណៈ រួមទាំងការសិក្សាជំនាញទន់(Soft Skill)ផងដែរ។ លើសពីនេះទៅទៀតឯកឧត្តមក៏បានចូលរួមបិទវគ្គវិក្រឹត ការលើគ្រូឧទេស្ទដែលត្រូវបានជ្រើសរើសជាគ្រូបង្រៀន វគ្គបណ្តុះបណ្តាលជំនាញវិជ្ជាជីវៈ និងបច្ចេកទេសផងដែរ ។ ក្រសួងការងារ និងបណ្តុះបណ្តាលវិជ្ជាជីវៈក៏បាននៅព្រឹកថ្ងៃទី១០ វិច្ឆិកា បានបើកជាផ្លូវការពិព័រណ៍ការងារ និងផលិតភាពជាតិដោយមាន ក្រុមហ៊ុន សហគ្រាស និងស្ថាប័នធំៗចំនួន១៥០ ផ្តល់ឱកាសការងារជាង ២ម៉ឺន កន្លែង នៅអាគារពិព័រណ៍កោះពេជ្រ ផងដែរ ។ ពិព័រណ៍ការងារ និងផលិតភាពជាតិ ឆ្នាំ២០២៣ ត្រូវបានសហការរៀបចំដោយទីភ្នាក់ងារជាតិមុខរបរ និងការងារ(NEA) នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា(UYFC) សមាគមវាយនភណ្ឌ សម្លៀកបំពាក់ ស្បែកជើង និងផលិតផល ធ្វើដំណើរនៅកម្ពុជា(TAFTAC) អង្គការអន្តរជាតិខាងការងារ(ILO), ភីផលអីននិត(People in Need Cambodia) និងស្វីសខនថាក់។ ដោយឡែកក្នុងស្មារតីពង្រឹងសាមគ្គីភាព និងជាតិនិយម ក្រសួងការងារ និងបណ្តុះបណ្តាលវិជ្ជាជីវៈបានរៀបចំឱ្យមានការគោរពទង់ជាតិនៃព្រះរាជាណាចក្រកម្ពុជារៀងរាល់២ថ្ងៃក្នុងមួយសប្តាហ៍ពោលគឺនៅព្រឹកថ្ងៃចន្ទ និងល្ងាចថ្ងៃសុក្រ ផងដែរ ។ ជាពិសេសនោះក្រោមកិច្ចសហការពីក្រុមការងារ ក្រសួងការងារ និងបណ្តុះបណ្តាលវិជ្ជាជីវៈ សហការជាមួយស្ថានទូតខ្មែរប្រចាំសាធារណៈកូរ៉េ ជប៉ុន និងថៃ បានរៀបចំពិធីបុណ្យភ្ជុំបិណ្ឌ និងកាន់បិណ្ឌ ជាមួយប្អូនពលករនៅទីនោះតាមប្រពៃណី។ ពិសេស ក្រៅពីការប្រារព្ឋពិធី កាន់បិណ្ឌនិងភ្ជុំបិណ្ឌ ក៏មានការរៀបចំកម្មវិធីអាហារសាមគ្គីរួមគ្នាក្នុងនាមជាបងប្អូនខ្មែរផងដែរ។ ការរៀបចំកម្មវិធីទាំងនេះបញ្ជាក់អោយឃើញពីការសាមគ្គីគ្នា ស្រលាញ់គ្នា សហការគ្នា របស់បងប្អូនពលករខ្មែរប្រចាំសាធារណៈកូរ៉េ ក្នុងនាមជាពលរដ្ឋខ្មែរនៅក្រៅប្រទេស ជាពិសេស បង្ហាញឱ្យឃើញពីការយកចិត្តទុកដាក់ពីសំណាក់រាជរដ្ឋាភិបាល ក៏ដូចក្រសួងការងារ និងបណ្តុះបណ្តាលវិជ្ជាជីវៈ និងស្ថានទូតព្រះរាជាណាចក្រកម្ពុជាចំពោះបងប្អូនពលករខ្មែរដែលកំពុងបម្រើការងារនៅទីនោះផងដែរ៕

ការងារច្បាប់៖ សម័យប្រជុំរដ្ឋសភាលើកទី១ នីតិកាលទី៧ អនុម័តបានច្បាប់ចំនួន៧

សម័យប្រជុំរដ្ឋសភាលើកទី១ នីតិកាលទី៧ ក្រោមការដឹកនាំរបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា អនុម័ច្បាប់បានចំនួន៧ ក្នុងនោះមានសេចក្តីព្រាងច្បាប់ចំនួន៦ និងសេចក្តីស្នើវិសោធនកម្មមាត្រាមួយចំនួននៃបទបញ្ជាផ្ទៃក្នុងរដ្ឋសភាចំនួនមួយលើក ។ សេចក្តីព្រាងច្បាប់ និងសេចក្តីស្នើវិសោធនកម្ម បទបញ្ជផ្ទៃក្នុងរដ្ឋសភា ដែលសម័យប្រជុំរដ្ឋសភា លើកទី១ នីតិកាលទី៧ បានអនុម័តមាន៖១-សេចក្តីព្រាងច្បាប់ស្តីពី ការបង្កើតក្រសួងអធិការកិច្ច២-សេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការព្រំដែន៣-សេចក្តីព្រាងច្បាប់ស្តីពីការបង្កើតរដ្ឋលេខាធិការដ្ឋានអាកាសចរណ៍ស៊ីវិល៤- សេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២២៥- សេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៤៦-សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃអេមីរ៉ាតអារ៉ាប់រួម៧-សេចក្តីស្នើវិសោធនកម្មប្រការ ៤ថ្មី ប្រការ ៦ថ្មី(ពីរ) និងប្រការ ២៩ថ្មី បទបញ្ជាផ្ទៃក្នុងនៃរដ្ឋសភា។សម័យប្រជុំរដ្ឋសភាលើកទី១ នីតិកាលទី៧ នៃរដ្ឋសភា បានប្រកាសបិទបញ្ចប់នៅថ្ងៃទី៣០ ខែធ្នូ ឆ្នាំ២០២៣នេះ ដែលមានថិរវេលាចំនួន ៣ខែតាមច្បាប់កំណត់ គិតចាប់ពីថ្ងៃទី២១សីហា រហូតមកដល់ថ្ងៃទី៣០ ខែធ្នូ ឆ្នាំ២០២៣នេះ។ នៅក្នុងរយៈពេលបីខែបន្តទៀតគឺជាពេលវេលាវិស្សមកាលពីសម័យប្រជុំពេញអង្គរដ្ឋសភា របស់សមាជិកសមាជិការដ្ឋសភា ។ វិស្សមកាលជាពេលវេលាមួយ ដែលតំណាងរាស្រ្តចុះសិក្សាស្វែងយល់ពីតម្រូវការរបស់ប្រជាពលរដ្ឋនៅតាមមណ្ឌលនានា។ នៅក្នុងរយៈពេលវិស្សមកាលនេះ រដ្ឋសភាអាចកោះប្រជុំវិសាមញ្ញបាន ប្រសិនជាមានការចាំបាច់ និងដោយមានការកោះប្រជុំពីប្រធានរដ្ឋសភា៕

យុវជនយល់ឃើញថាការដាក់ចេញនយោបាយឈ្នះ ឈ្នះ ជាគំរូវីរភាពសម្រាប់កម្ពុជាទាំងមូល

ប្រវត្តិសាស្រ្តកម្ពុជាបង្ហាញយ៉ាងច្បាស់ គឺថ្ងៃទី ២៩ ខែធ្នូ ឆ្នាំ ១៩៩៨ ជាថ្ងៃបញ្ចប់សង្គ្រាមស៊ីវិលទាំងស្រុងនៅកម្ពុជា។ ការចប់សង្គ្រាមស៊ីវិលនេះ គឺដោយសារភាពជោគជ័យ នៃនយោបាយឈ្នះ ឈ្នះ ក្រោមការដឹកនាំដោយសម្ដេចអគ្គមហាសេនាបតីតេជោ ហ៊ុន សែន ស្ថាបនិកនយោបាយឈ្នះ ឈ្នះ។ ក្នុងនាមជាយុវជនជាអ្នករស់នៅក្នុងសង្គមសន្តិភាពដែលទទួលបានពីនយោបាយឈ្នះ ឈ្នះ ពួកគេលើកឡើងថាការដាក់ចេញនយោបាយឈ្នះ ឈ្នះរបស់សម្ដេចតេជោ ហ៊ុន សែន គឺជាគំរូវីរៈភាពសម្រាប់កម្ពុជាទាំងមូល បង្ហាញពីការតម្កល់ជាតិ និងប្រជាជនជាធំនាំមកនូវសន្តិភាព សម្រាប់ប្រទេសជាតិ។ថ្ងៃទី ២៩ ខែធ្នូ ឆ្នាំ ១៩៩៨ ថ្ងៃទី ២៩ ខែធ្នូ ឆ្នាំ ២០២៣ ជាគម្រប់ខួប ២៥ ឆ្នាំ ដែលកម្ពុជា លែងមានការផ្ទុះអាវុធសង្គ្រាមរវាងខ្មែរនិងខ្មែរ ទាំងស្រុង។ ក្នុងឱកាសនេះ យុវជនជាអ្នករស់នៅក្នុងសង្គមសន្តិភាពក្នុងពេលបច្ចុប្បន្នបានឱ្យតម្លៃ និងគោរពដឹងគុណជាខ្លាំងចំពោះនយោបាយឈ្នះ ឈ្នះ ដែលសម្ដេជោ ហ៊ុន សែន បានអនុវត្តជោគជ័យសម្រាប់ជាតិទាំងមូល។ ពួកគេលើកឡើងថា សន្តិភាព ការរីកចចម្រើនសព្វថ្ងៃ ពិតជាការទទួលបានមកពី ភាពជោគជ័យ នៃនយោបាយឈ្នះឈ្នះ ដែលសម្ដេចតេជោ ហ៊ុន សែន បានដាក់ចេញ។ ពួកគេលើកឡើងថានយោបាយឈ្នះឈ្នះរបស់សម្តេចតេជោ ជាគំរូវីរៈភាពសម្រាប់ជាតិកម្ពុជាទាំងមូលដែលតម្កល់តម្លៃជាតិជាធំ នាំមកសន្តិភាពជូនប្រជាពលរដ្ឋគ្រប់រូប។ពលរដ្ឋ និងជាយុវជនអ្នកបន្តវេន ពួកគេបានបង្ហាញនូវការតាំងចិត្តបន្តថែរក្សានូវកេរ្តិ៍ដំណែល សន្តិភាព របស់កម្ពុជាដែលស្វែងរកបានយ៉ងាលំបាកនេះឱ្យបានជាដាច់ខាត។សូមជម្រាបថា ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ដែលជាស្ថាបនិក និងមគ្គុទ្ទេសក៍ឯកនៃនយោបាយឈ្នះ-ឈ្នះ ព្រមទាំងការចូលរួមយ៉ាងសកម្មពីប្រតិបត្តិករក្នុងស្មារតីអនុវត្តប្រកបដោយភាពជឿជាក់ស្វែងរកសន្តិភាព ការបង្រួបបង្រួមជាតិ និងការផ្តល់តម្លៃខ្ពស់ទៅលើសិទ្ធិរស់រានមានជីវិត សេរីភាព និងសេចក្តីថ្លៃថ្នូររបស់ពលរដ្ឋខ្មែរ ទើបប្រទេសកម្ពុជាមានសុខសន្តិភាព និងការឯកភាពជាតិពេញ លេញដែលពុំធ្លាប់មានក្នុងប្រវត្តិសាស្ត្រ៥០០ឆ្នាំកន្លងមកហើយ៕ អត្ថបទ៖ គឹមហុក

ព្រឹកស្អែកសម្តេចធិបតីនឹងអញ្ជើញជាអធិបតីពិធីអបអរសាទរ «ខួបលើកទី២៥នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យនយោបាយ ឈ្នះ ឈ្នះ និងខួប៥ឆ្នាំនៃការកសាងវិមានឈ្នះ ឈ្នះ»

ភ្នំពេញ ៖ នៅព្រឹកស្អែកថ្ងៃទី២៩ ខែធ្នូ ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតី ក្នុងពិធីអបអរសាទរ «ខួបលើកទី២៥ នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យ នយោបាយ ឈ្នះ ឈ្នះ និងខួប ៥ឆ្នាំ នៃការកសាងវិមានឈ្នះ ឈ្នះ»។រាជរដ្ឋាភិបាល នៃព្រះរាជាណាចក្រកម្ពុជា នឹងរៀបចំប្រារព្ធខួបលើកទី២៥ នៃការបញ្ចប់សង្គ្រាម ស៊ីវិលនៅកម្ពុជា និងការអនុវត្តប្រកបដោយជោគជ័យនៃនយោបាយឈ្នះ ឈ្នះ ២៩ ធ្នូ ១៩៩៨ - ២៩ ធ្នូ ២០២៣ និងខួប៥ឆ្នាំនៃការកសាងវិមានឈ្នះ ឈ្នះ ២៩ ធ្នូ ២០១៨ - ២៩ ធ្នូ ២០២៣ នៅទីតាំងវិមាន ឈ្នះ ឈ្នះ ក្នុងរយៈពេល០៣ថ្ងៃ ពីថ្ងៃទី២៩ ខែធ្នូ ឆ្នាំ២០២៣ រហូតដល់ពិធីឆ្លងឆ្នាំសកលឆ្នាំ២០២៤។ ការរៀបចំប្រារព្ធខួបលើកទី២៥ នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយ ជោគជ័យនយោបាយឈ្នះឈ្នះ ការចងចាំនូវការបញ្ចប់សង្គ្រាមស៊ីវិលទាំងស្រុងនៅកម្ពុជា នាំមកនូវ សន្តិភាព និងការឯកភាពជាតិពេញលេញ និងការអភិវឌ្ឍប្រទេសជាតិមកដល់សព្វថ្ងៃនេះ ការរៀបចំ ព្រឹត្តិការណ៍នេះស្របជាមួយខួប៥ឆ្នាំនៃការកសាងវិមានឈ្នះ ឈ្នះ ដែលជាសំណង់ប្រវត្តិសាស្ត្រដើម្បីរំឭក ដល់វីរភាព និងគុណតម្លៃនៃនយោបាយឈ្នះ ឈ្នះ ដែលបានផ្តួចផ្តើមឡើងដោយសម្តេចអគ្គមហាសេនាបតី តេជោ ហ៊ុន សែន ដែលជាស្ថាបនិក និងជាមគ្គុទ្ទេសក៍ឯកសន្តិភាពនៃយើង និងជាការបង្កើនការយល់ដឹង ពីប្រវត្តិសាស្ត្រជាតិ និងស្មារតីស្រលាញ់ជាតិមាតុភូមិក្នុងការបន្តថែរក្សាស្ថិរភាព សន្តិសុខ និងអភិវឌ្ឍន៍ជាតិ មាតុភូមិយើង។វិមានឈ្នះ ឈ្នះ បានសម្ពោធជាផ្លូវការនៅថ្ងៃទី២៩ ខែធ្នូ ឆ្នាំ២០១៨ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដោយ មានការអញ្ជើញចូលរួមពីសំណាក់ឥស្សរជនជាតិ និងអន្តរជាតិ មន្ត្រីរាជការ កងកម្លាំងប្រដាប់អាវុធ សាស្ត្រាចារ្យ សិស្សានុសិស្ស និងប្រជាពលរដ្ឋយ៉ាងច្រើនកុះករ។ព្រឹត្តិការណ៍ខាងលើ នឹងរៀបចំរយៈពេល០៣ថ្ងៃ នៅថ្ងៃទី២៩-៣០-៣១ ខែធ្នូ ឆ្នាំ២០២៣ ក្រោមការ ដឹកនាំឯកឧត្ដម នាយឧត្ដមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធាន គណៈកម្មការអន្តរក្រសួង ដោយមានកម្មវិធីសំខាន់ៗ ដូចជា អបអរសាទរខួបលើកទី២៥ នៃទិវានយោបាយ ឈ្នះ ឈ្នះ និងខួប៥ឆ្នាំនៃការកសាងវិមានឈ្នះឈ្នះ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត, ការតាំងពិព័រណ៍សមិទ្ធផលសម្រេចបានរយៈពេល២៥ឆ្នាំ តាមរយៈនយោបាយឈ្នះ ឈ្នះរបស់ក្រសួង ស្ថាប័ន និងកងកម្លាំងប្រដាប់អាវុធ, ការបាញ់កាំជ្រួច, ការប្រគំតន្ត្រីសម័យ, ផ្ទាំងទស្សនីយភាព សិល្បៈ, ការតាំងពិព័រណ៍ផលិតផល និងមហោស្រពម្ហូបអាហារ ព្រមទាំងកម្មវិធីកំសាន្តផ្សេងៗទៀត។ព្រឹត្តិការណ៍នេះ ក៏បង្ហាញពីនយោបាយឈ្នះ ឈ្នះ តេជោសែន ដែលមិនត្រឹមតែបញ្ចប់សង្គ្រាមនាំមក នូវសន្តិភាព និងការឯកភាពជាតិពេញលេញប៉ុណ្ណោះទេ ប៉ុន្តែរក្សាបាននូវស្ថិរភាព សន្តិសុខ និងការអភិវឌ្ឍ ប្រទេសជាតិប្រកបដោយចីរភាពទៀតផង។ ជាក់ស្ដែង ប្រទេសកម្ពុជាក្រោមទង់នៃសន្តិភាពពេញលេញ និងការដឹកនាំរបស់រាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខរាជ- រដ្ឋាភិបាលក្រោមម្លប់សន្តិភាពពេញលេញរយៈពេល២៥ឆ្នាំកន្លងមកនេះ បានធ្វើឱ្យប្រទេសជាតិមានការ អភិវឌ្ឍលើគ្រប់វិស័យទាំងសេដ្ឋកិច្ច សង្គមកិច្ច វប្បធម៌ អប់រំ សុខាភិបាល និងវិស័យផ្សេងៗទៀតកាន់ត មានភាពរីកចម្រើន លើកកម្ពស់កម្រិតជីវភាពប្រជាជនកាន់តែប្រសើរឡើងជាលំដាប់ទៀត។បច្ចុប្បន្នក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា ណាចក្រកម្ពុជា ក្នុងនីតិកាលទី៧នេះ បានដាក់ចេញនូវគោលដៅពង្រឹង និងរក្សាសន្តិភាពទៅតាមទស្សន វិជ្ជាឈ្នះ ឈ្នះ ជាមរតកដែលបានបន្សល់ទុក ហើយបាននិងកំពុងអនុវត្តយុទ្ធសាស្ត្របញ្ចកោណដំណាក់ កាលទី១ ដែលមានចក្ខុវិស័យដើម្បី កំណើន ការងារ សមធម៌ ប្រសិទ្ធភាព និងចីរភាព។ ជាមួយគ្នានេះ ក្នុង បរិបទសម័យទំនើបទាមទារឱ្យមានការរួមចំណែកពីបច្ចេកវិទ្យាឌីជីថលក្នុងការអភិវឌ្ឍប្រទេសជាតិ បូករួមជាមួយនឹងកម្លាំងចលករសកម្មរបស់យុវជនកម្ពុជា និងភាពចាំបាច់កំណត់ការងារអាទិភាពមួយផ្នកលើបច្ចេកទេសឌីជីថល រួមជាមួយកិច្ចការបន្តរក្សានូវសុខសន្តិភាពសម្រាប់ប្រជាជន ប្រកបដោយភាពកត្តញ្ញូ សុខដុម និងការចូលរួម បង្កើនការងារ រក្សាតម្លាភាពសម្រាប់សង្គម ដែលបន្តនាំកម្ពុជាឱ្យមានភាពរីកចម្រើន លើគ្រប់វិស័យ និងមានមូលដ្ឋានសេដ្ឋកិច្ចរឹងមាំ និងធំទូលាយ។ព្រឹត្តិការណ៍នេះ នឹងធ្វើឱ្យប្រវត្តិសាស្ត្រសរសេរពីវីរជន និងប្រតិបត្តិករពិតដែលបានរួមចំណែកក្នុង ដំណើរការអនុវត្តនយោបាយឈ្នះ ឈ្នះ ដែលបានបញ្ចប់សង្គ្រាមទាំងស្រុងនៅកម្ពុជា បង្កើតសន្តិភាព និង ការឯកភាពជាតិពេញលេញ ដែលមានសម្តេចតេជោ ហ៊ុន សែន ជាស្ថាបនិក និងជាមគ្គុទ្ទេសក៍ឯក រួម ជាមួយប្រតិបត្តិករជាច្រើនរូបបានរួមចំណែក។ ការចូលរួមអបអរសាទរ និងរៀបចំប្រារព្ធខួបលើកទី២៥ ន ការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យនយោបាយឈ្នះ ឈ្នះ និងខួប៥ឆ្នាំ នៃការកសាងវិមានឈ្នះ ឈ្នះ ថ្ងៃទី២៩ ខែធ្នូ ឆ្នាំ២០២៣ បង្ហាញពីមោទនភាពជាតិថ្មីមួយទៀតសម្រាប់ប្រជា ជនកម្ពុជា និងជាកាតព្វកិច្ចមួយរួមចំណែកពីក្រសួង ស្ថាប័ន ក្នុងការបង្ហាញអំពីសមិទ្ធផលនានារបស់ រាជរដ្ឋាភិបាល ដែលមានភាពរីកចម្រើនក្នុងសម័យកាលសន្តិភាព ស្របតាមទិសស្លោក “មានសន្តិភាព មាន ការអភិវឌ្ឍ ពោលគឺជាសមិទ្ធផលនៃការរីកចម្រើនក្រោមម្លប់នៃសន្តិភាពពេញលេញ ដើម្បីឱ្យប្រវត្តិសាស្ត្រ សរសេរ និងចារឹកពីយើងសម្រាប់មនុស្សជំនាន់ក្រោយ។ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ដែលជាស្ថាបនិកនិងមគ្គុ- ទ្ទេសក៍ឯកនៃនយោបាយឈ្នះ ឈ្នះ ព្រមទាំងការចូលរួមយ៉ាងសកម្មពីប្រតិបត្តិករ ក្នុងស្មារតីអនុវត្តប្រកប ដោយភាពជឿជាក់ស្វែងរកសន្តិភាព ការបង្រួបបង្រួមជាតិ និងការផ្តល់តម្លៃខ្ពស់ទៅលើសិទ្ធិរស់រានមានជីវិត សេរីភាព និងសេចក្តីថ្លៃថ្នូររបស់ពលរដ្ឋខ្មែរ ទើបប្រទេសកម្ពុជាមានសុខសន្តិភាព និងការឯកភាពជាតិពេញ លេញដែលពុំធ្លាប់មានក្នុងប្រវត្តិសាស្ត្រ៥០០ឆ្នាំកន្លងមកហើយ៕ ដោយ ៖ ដារា

បណ្ដាញសង្គម

ព័ត៌មានថ្មីៗ

ប្រជាកសិករចិញ្ចឹមឃ្មុំនៅតំបន់ហ្កាហ្សា ពិបាកស្តាឡើងវិញ ក្រោយសង្រ្គាមបំផ្លិចបំផ្លាញបង្គងរបស់ពួកគេ

ឆ្អឹងសត្វដំរីម៉ាំម៉ុតបុរាណ ត្រូវបានរកឃើញនៅប៊ុលហ្គារី ក្រោយកម្រិតទឹកទន្លេ Danube ស្រកទាបជាប់កំណត់ត្រា

អាល្លឺម៉ង់មានអ្នកស្លាប់ទាក់ទងនឹងកម្ដៅជិត ១០.០០០នាក់ នៅពាក់កណ្តាលខែកក្កដា

ក្រុមលើកលែងទោស៖ ការលក់អាវុធឥណ្ឌាឲ្យអ៊ីស្រាអែល ជាហានិភ័យនៃការជាប់ពាក់ព័ន្ធក្នុងអំពើប្រល័យពូជសាសន៍ហ្កាហ្សា

ភាគពាយ័ព្យចិនប្រុងប្រយ័ត្នខ្ពស់ ខណៈភ្លៀងខ្លាំងបង្កើនហានិភ័យមានទឹកជំនន់ និងបំណាក់ដី

ហានិភ័យភ្លើងឆេះព្រៃបារំាងបន្តស្ថិតនៅខ្ពស់ខ្លាំងបើទោះបីជាស្ថានភាពអាកាសធាតុល្អប្រសើរបន្តិចក្តី

អ្នកផលិតមាតិកាយូធូបជនជាតិថៃ Hlun Solo ប្រទះឃើញស្លាប់នៅហ្សកហ្ស៊ី

បារាំងថ្កោលទោសការរំលោភដែនអាកាសប៉ូឡូញ អំឡុងពេលមានវាយប្រហាររបស់រុស្ស៊ីលើអ៊ុយក្រែន

ពលរដ្ឋអ៊ីរ៉ង់អះអាងថា អាមេរិកព្យាយាមធ្វើឲ្យអ៊ីរ៉ង់ចុះខ្សោយកម្លាំង និងធ្វើឲ្យសង្រ្គាមរីកកាន់តែធំ

អ្នកនាំពាក្យ ៖ ស្ត្រីបើករថយន្តបង្កគ្រោះថ្នាក់ស្លាប់មន្ត្រីក្រសួងសាធារណការ នឹងត្រូវបញ្ជូនខ្លួនទៅតុលាការនៅព្រឹកស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ភ្នំពេញមានអគារខ្ពស់ៗចាប់ពី៥ជាន់ឡើងជិត ២០០០អគារ និងមានគម្រោងថ្មី ជាង៥០០គម្រោង

ពលរដ្ឋ និងអ្នកវិភាគ៖ ទិវាសន្តិភាព ជាស្មារតីជាតិរួមគ្នាបន្តរក្សាសន្តិភាព និងស្ថិរភាព

សម្តេចធិបតី ប្រកាសអបអរសាទរដល់បងប្អូនកម្មករ និយោជិតទទួលបានប្រាក់ខែគោល ២០៤ដុល្លារ ក្នុងឆ្នាំ២០២៤នេះ

សម្តេចតេជោ ហ៊ុន សែន រំលឹកនូវព្រឹត្តិការណ៍សំខាន់ៗដែលសម្តេចបានជួបនិងកេីតឡេីងក្នុងអំឡុងខែមករា

[BREAKING NEWS] រាជរដ្ឋាភិបាលកម្ពុជា ចេញអនុក្រឹត្យកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា «ទិវាសន្តិភាពនៅកម្ពុជា»

ព្រះមហាក្សត្រ ស្ដេចយាងសួរសុខទុក្ខ និងប្រទានព្រះរាជអំណោយដល់ប្រជាកសិករ នៅខេត្តព្រៃវែង

សមិទ្ធិផលសំខាន់ៗដែលក្រសួងការងារ និងបណ្តុះបណ្តាលវិជ្ជាជីវៈសម្រេចក្នុងរយៈពេល៤ខែ ដើមអាណត្តិ

ការងារច្បាប់៖ សម័យប្រជុំរដ្ឋសភាលើកទី១ នីតិកាលទី៧ អនុម័តបានច្បាប់ចំនួន៧

យុវជនយល់ឃើញថាការដាក់ចេញនយោបាយឈ្នះ ឈ្នះ ជាគំរូវីរភាពសម្រាប់កម្ពុជាទាំងមូល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ភ្នំពេញមានអគារខ្ពស់ៗចាប់ពី៥ជាន់ឡើងជិត ២០០០អគារ និងមានគម្រោងថ្មី ជាង៥០០គម្រោង

ពលរដ្ឋ និងអ្នកវិភាគ៖ ទិវាសន្តិភាព ជាស្មារតីជាតិរួមគ្នាបន្តរក្សាសន្តិភាព និងស្ថិរភាព

សម្តេចធិបតី ប្រកាសអបអរសាទរដល់បងប្អូនកម្មករ និយោជិតទទួលបានប្រាក់ខែគោល ២០៤ដុល្លារ ក្នុងឆ្នាំ២០២៤នេះ

សម្តេចតេជោ ហ៊ុន សែន រំលឹកនូវព្រឹត្តិការណ៍សំខាន់ៗដែលសម្តេចបានជួបនិងកេីតឡេីងក្នុងអំឡុងខែមករា

[BREAKING NEWS] រាជរដ្ឋាភិបាលកម្ពុជា ចេញអនុក្រឹត្យកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា «ទិវាសន្តិភាពនៅកម្ពុជា»

ព្រះមហាក្សត្រ ស្ដេចយាងសួរសុខទុក្ខ និងប្រទានព្រះរាជអំណោយដល់​ប្រជាកសិករ នៅខេត្តព្រៃវែង

សមិទ្ធិផលសំខាន់ៗដែលក្រសួងការងារ និងបណ្តុះបណ្តាលវិជ្ជាជីវៈ​សម្រេចក្នុងរយៈពេល៤ខែ ដើមអាណត្តិ

ការងារច្បាប់៖ សម័យប្រជុំរដ្ឋសភាលើកទី១ នីតិកាលទី៧ អនុម័តបានច្បាប់ចំនួន៧

យុវជនយល់ឃើញថាការដាក់ចេញនយោបាយឈ្នះ ឈ្នះ ជាគំរូវីរភាពសម្រាប់កម្ពុជាទាំងមូល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព្រះមហាក្សត្រ ស្ដេចយាងសួរសុខទុក្ខ និងប្រទានព្រះរាជអំណោយដល់ប្រជាកសិករ នៅខេត្តព្រៃវែង

សមិទ្ធិផលសំខាន់ៗដែលក្រសួងការងារ និងបណ្តុះបណ្តាលវិជ្ជាជីវៈសម្រេចក្នុងរយៈពេល៤ខែ ដើមអាណត្តិ