BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

សម្តេចតេជោ ផ្តល់អនុសាសន៍ឱ្យពង្រីកកិច្ចសហប្រតិបត្តិលើកវិស័យកសិកម្ម និងនេសាទរវាងកម្ពុជា និងដូមីនីក

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ផ្តល់អនុសាសន៍ឱ្យមានការពង្រីកកិច្ចសហប្រតិបត្តិលើកវិស័យកសិកម្ម និងនេសាទរវាងប្រទេសកម្ពុជា និងដូមីនីក។សម្តេចតេជោ នាយករដ្ឋមន្ត្រីកម្ពុជាបានគាំទ្រនិងផ្តល់អនុសាសន៍បែបនេះក្នុងពេលអនុញ្ញាតឱ្យឯកឧត្តម Henderson រដ្ឋមន្ត្រីក្រសួងធុរកិច្ចអន្តរជាតិ ពាណិជ្ជកម្ម និងថាមពល ប្រទេសដូមីនីក ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ឯកឧត្តម Henderson បានសំដែងនូវការគោរពជូនចំពោះសម្ដេចតេជោ ដែលបានដឹកនាំព្រះរាជាណាចក្រកម្ពុជាទទួលបានសុខសន្តិភាព ស្ថេរភាពនិងការអភិវឌ្ឍ។ជាមួយគ្នានោះដែរ ឯកឧត្តមក៏បានគោរពជម្រាបជូនសម្ដេចតេជោថា ដំណើរទស្សនកិច្ចរបស់ឯកឧត្តមមកកាន់ព្រះរាជាណាចក្រកម្ពុជានៅពេលនេះដើម្បីពង្រឹងទំនាក់ទំនងរវាងប្រទេសទាំងពីរឲ្យកាន់តែស៊ីជម្រៅថែមទៀតទាំងក្នុងក្របខណ្ឌទ្វេភាគី និងពហុភាគីជាពិសេសតាមរយៈការពង្រីកកិច្ចសហប្រតិបត្តិការរវាងប្រទេសទាំងពីរលើវិស័យកសិកម្ម និងនេសាទ។ជាការឆ្លើយតប សម្ដេចតេជោ បានស្វាគមន៍ចំពោះការចុះហត្ថលេខាលើកិច្ចព្រមព្រៀងទាក់ទងនឹងទិដ្ឋាការដែលសម្ដេចតេជោបានចាត់ទុកថា នេះគឺជាការចាប់ផ្ដើមដ៏ល្អសម្រាប់ទំនាក់ទំនងនិងកិច្ចសហប្រតិបត្តិការរវាងប្រទេសទាំងពីរ។សម្ដេច បានស្វាគមន៍ចំពោះបំណងរបស់ឯកឧត្តម Henderson ក្នុងការពង្រីកពង្រឹងកិច្ចសហប្រតិបត្តិការលើវិស័យកសិកម្មនិងនេសាទ។សម្ដេច ក៏បានផ្ដល់អនុសាសន៍ឲ្យឯកឧត្តម Henderson ពិនិត្យមើលទៅលើលទ្ធភាពក្នុងការធ្វើកិច្ចសហប្រតិបត្តិការលើវិស័យផ្សេងៗទៀតដែលអាចធ្វើទៅបានដូចជាវិស័យទេសចរណ៍ជាដើម៕

សម្តេចតេជោ ហ៊ុន សែន ស្នើឱ្យមូលនិធិសាសាកាវ៉ាបន្តជួយដល់កម្ពុជាបន្ថែមទៀត

ភ្នំពេញ៖ នៅព្រឹកថ្ងៃទី២៤ខែ មីនាឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោក យូហេសាសាកាវ៉ា ប្រធានមូលនិធិនីប៉ុង(The Nippon Foundation) ចូលជួបសម្តែងការគួរសមនៅវិមានសន្តិភាព។នៅក្នុងជំនួបនេះ លោក សាសាកាវ៉ា បានគោរពជម្រាបជូនសម្ដេចតេជោអំពីសកម្មភាពរបស់មូលនិធិសាសាការ៉ានៅព្រះរាជាណាចក្រកម្ពុជា ដែលមូលនិធិសាសាកាវ៉ានេះ គឺជាផ្នែកមួយនៃមូលនិធិនីប៉ុង ដែលសព្វថ្ងៃនេះមូលនិធិកំពុងតែមានសកម្មភាពលើវិស័យចំ នួន៤ ដូចជាទី១.បង្កើតសាលាអវយវៈសិប្បនិម្មិតដែលមានអាយុកាលប្រមាណ៣០ឆ្នាំ មកហើយដែលសាលានេះ បានផលិតអវយវៈសិប្បនិមិត្តមានគុណភាពខ្ពស់ បច្ចេកទេសខ្ពស់ និងទទួលបានការគោរពហើយមានប្រទេសចំនួន២៨ បានបញ្ជូនសិស្សឱ្យមកសិក្សាការផលិតអវយវៈសិប្បនិមិត្តនៅកម្ពុជា។ទី២.ជួយសិស្សានុសិស្សនៅតាមជនបទតាមរយៈការបង្រៀនភាសាអង់គ្លេស និងផ្ដល់អាហារូបករណ៍ចំនួនប្រមាណ២ម៉ឺន៥ពាន់នាក់ ឱ្យបានទទួលការសិក្សានៅភ្នំពេញផង និងក្រៅប្រទេសផង។ទី៣.ចូលរួមជាមួយក្រសួងសុខាភិបាលក្នុងការប្រយុទ្ធប្រឆាំងជំងឺឃ្លង់ដែលលោកបានមានប្រសាសន៍ថា រហូតមកដល់ពេលនេះកម្ពុជាស្ទើរតែគ្មានអ្នកកើតជំងឺឃ្លង់ហើយ។ទី៤.សកម្មភាពរបស់មូលនិធិនីប៉ុននៅប្រទេសមីយ៉ាន់ម៉ាជួយដល់ស្ត្រី និងកុមារខាងផ្នែកមនុស្សធម៌។ជាការឆ្លើយតបសម្ដេចតេជោ ហ៊ុន សែន បានសំដែងនូវការរីករាយចំពោះការរីកចម្រើនរបស់សកម្មភាពមូលនិធិសាសាកាវ៉ានៅកម្ពុជាដែលមិនត្រឹមតែបានជួយដល់ប្រជាជនកម្ពុជាទេ គឺជួយដល់ប្រជាជននៃប្រទេសដទៃទៀតផងក្នុងការផលិតអវយវៈសិប្បនិមិត្ត។សម្ដេចតេជោ ហ៊ុន សែន ក៏បានថ្លែងអំណរគុណចំពោះលោក សាសាកាវ៉ាដែលបានជួយដល់កម្ពុជាលើវិស័យអប់រំ វិស័យសុខាភិបាលប្រយុទ្ធប្រឆាំងនឹងជំងឺឃ្លង់ហើយមិនត្រឹមតែបានជួយដល់កម្ពុជាទេ គឺបានជួយទៅដល់ប្រទេសមីយ៉ាន់ម៉ាទៀតផងគឺជួយដល់កុមារនិងស្ត្រីលើវិស័យមនុស្សធម៌។ទន្ទឹមនេះសម្ដេចតេជោក៏បានស្នើសុំឲ្យមូលនិធិ សាសាកាវ៉ាបន្តជួយដល់កម្ពុជាបន្ថែមទៀត៕

អំពើហិង្សារីកធំឡើង ខណៈក្រុមបាតុករផ្ទុះកំហឹងចំពោះកំណែទម្រង់របស់លោក ម៉ាក្រុង

បារាំង៖ ក្រុមអ្នកតវ៉ាបានប៉ះទង្គិចជាមួយកងកម្លាំងសន្តិសុខបារាំងកាលពីថ្ងៃព្រហស្បតិ៍ ទី២៣មីនា នៅក្នុងអំពើហិង្សាផ្សេងៗគ្នាជាច្រើននៃបដិវត្តន៍រយៈពេល ៣ខែប្រឆាំងច្បាប់កំណែទម្រង់ដ៏ចម្រូងចម្រាសបំផុតរបស់លោកប្រធានាធិបតី Emmanuel Macron។ រដ្ឋាភិបាលបាននិយាយថា នគរបាលរាប់សិបនាក់បានរងរបួស និងក្រុមអ្នកតវ៉ារាប់សិបនាក់ត្រូវបានចាប់ខ្លួននៅទូទាំងប្រទេស ខណៈការតវ៉ារយៈពេលមួយថ្ងៃបានក្លាយជាអំពើហិង្សា នៅក្នុងទីក្រុងមួយចំនួនរួមទាំងទីក្រុងប៉ារីស ជាទីដែលក្រុមអ្នកតវ៉ាបានដុតបំពួកភ្លើងនៅក្នុងមជ្ឈមណ្ឌលប្រវត្តិសាស្ត្ររបស់ទីក្រុងនេះ។ ការងើបប្រឆាំងកំណែទម្រង់ ដែលរដ្ឋាភិបាលបានរុញហួសដោយគ្មានការបោះឆ្នោតនៅសភា បានក្លាយជាវិបត្តិក្នុងស្រុកដ៏ធំបំផុតក្នុងការកាន់តំណែងអាណត្តិទី២ របស់លោក Macron។ ភាពរំជើបរំជួលនេះក៏នឹងគ្របដណ្ដប់លើដំណើរទស្សនកិច្ចនៅសប្ដាហ៍ក្រោយ ទៅកាន់ប្រទេសបារាំងពីសំណាក់ព្រះមហាក្សត្រ Charles III របស់ចក្រភពអង់គ្លេសផងដែរ។ ចំនួនការតវ៉ានៅក្នុងទីក្រុងប៉ារីស និងទីក្រុងផ្សេងទៀតមានច្រើនជាងការតវ៉ាកាលពីកន្លងទៅ ដែលការតវ៉ាថ្មីៗទាំងនោះបានផ្ទុះឡើងយ៉ាងកក្រើក ក្រោយការបដិសេធដកកំណែទម្រង់របស់លោក Macron ក្នុងបទសម្ភាសន៍តាមទូរទស្សន៍កាលពីថ្ងៃពុធ៕អត្ថបទ៖ សុខមាន

សហភាពអឺរ៉ុប និងប្រមុខ UN ពិភាក្សាអំពីសង្គ្រាមអ៊ុយក្រែន សន្តិសុខស្បៀង និងទណ្ឌកម្ម

អឺរ៉ុប៖ មេដឹកនាំសហភាពអឺរ៉ុបបានជួបពិភាក្សាគ្នាកាលពីថ្ងៃព្រហស្បតិ៍ ទី២៣ ខែមីនា ជាមួយប្រមុខអង្គការសហប្រជាជាតិលោក Antonio Guterres ស្តីពីសន្តិសុខស្បៀងពិភពលោក និងការដាក់ទណ្ឌកម្មលើរុស្ស៊ីជុំវិញការវាយលុករបស់ខ្លួនលើអ៊ុយក្រែន ហើយក៏បានគាំទ្រផែនការផ្គត់ផ្គង់គ្រាប់កាំភ្លើងធំបន្ថែមទៀតដល់ទីក្រុង Kyiv។ ការចូលរួមរបស់លោក Guterres នៅក្នុងកិច្ចប្រជុំកំពូលសហភាពអឺរ៉ុបបានធ្វើឡើងប៉ុន្មានថ្ងៃ បន្ទាប់ពីការផ្តល់សុពលភាពថ្មីដល់កិច្ចព្រមព្រៀងដែលសម្របសម្រួលដោយអង្គការសហប្រជាជាតិ និងប្រទេសទួរគី លើការនាំចេញគ្រាប់ធញ្ញជាតិអ៊ុយក្រែនដោយសុវត្ថិភាពតាមសមុទ្រខ្មៅ ដែលត្រូវបានគេមើលឃើញថាមានសារៈសំខាន់ក្នុងការជំនះលើវិបត្តិស្បៀងអាហារពិភពលោក។ នាយកប្រតិបត្តិសហភាពអឺរ៉ុប និងជាប្រធានគណៈកម្មការលោកស្រី Ursula von der Leyen បាននិយាយថា ទណ្ឌកម្មថ្មីណាមួយលើប្រទេសរុស្ស៊ី ភាគច្រើននឹងជាវិធានការទៅលើការគេចពីទណ្ឌកម្ម។ លោកស្រីបាននិយាយថា សហភាពអឺរ៉ុបនឹងធ្វើការជាមួយអង្គការនានា ដើម្បីស្វែងរកកុមារអ៊ុយក្រែនដែលត្រូវបាននិរទេសទៅកាន់ប្រទេសរុស្ស៊ី ហើយនាំពួកគេត្រឡប់មកវិញ។ តុលាការព្រហ្មទណ្ឌអន្តរជាតិបានចេញដីកាចាប់ខ្លួនប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីសប្តាហ៍មុនពីបទនិរទេសកុមារអ៊ុយក្រែនដោយខុសច្បាប់។ អង្គការសហប្រជាជាតិបាននិយាយនៅក្នុងសេចក្តីថ្លែងការណ៍ថា លោកបានផ្តល់ការធ្វើបច្ចុប្បន្នភាពស្តីពីការពង្រឹងសន្តិសុខស្បៀងសកល តាមរយៈគំនិតផ្តួចផ្តើមគ្រាប់ធញ្ញជាតិសមុទ្រខ្មៅ និងការខិតខំប្រឹងប្រែងដើម្បីជួយសម្រួលដល់ការនាំចេញស្បៀង និងជីរបស់រុស្ស៊ី។ សហរដ្ឋអាមេរិកមិនបានព្រមព្រៀងចំពោះការទាមទាររបស់រុស្ស៊ី ដែលថាទណ្ឌកម្មរបស់ប្រទេសលោកខាងលិចត្រូវតែបានបន្ធូរបន្ថយ មុនពេលទីក្រុងមូស្គូអនុញ្ញាតឱ្យមានការនាំចេញគ្រាប់ធញ្ញជាតិនៅសមុទ្រខ្មៅរបស់អ៊ុយក្រែន បន្តហួសពីពាក់កណ្តាលខែឧសភា ដោយនិយាយថា ពុំមានការរឹតត្បិតលើផលិតផលកសិកម្ម ឬជីរបស់រុស្ស៊ីនោះទេ។ មេដឹកនាំសហភាពអឺរ៉ុបបានគាំទ្រផែនការ ដែលបានព្រមព្រៀងដោយរដ្ឋមន្ត្រីការបរទេសកាលពីថ្ងៃចន្ទ ទី២០ ខែមីនា ដើម្បីបញ្ជូនគ្រាប់កាំភ្លើងធំមួយលានគ្រាប់ទៅកាន់ប្រទេសអ៊ុយក្រែននៅឆ្នាំក្រោយ៕អត្ថបទ៖ ប៊ុនថន

លោក Macron ប្រកាន់ជំហររឹងមាំ ខណៈការតវ៉ាកំណែទម្រង់សោធននិវត្តន៍ឡើងកម្តៅខ្លាំង

បារាំង៖ ប្រធានាធិបតីបារាំងលោក Emmanuel Macron បានធ្វើឲ្យមានការឆ្លើយតបទាំងកំហឹងពីសហជីព និងគណបក្សប្រឆាំងកាលពីថ្ងៃពុធ នៅពេលដែលលោកបាននិយាយថា លោកនឹងបន្តផែនការដំឡើងអាយុចូលនិវត្តន៍ ទោះបីជាមានការខឹងសម្បារក្នុងចំណោមប្រជាជនបារាំងជាច្រើនក៏ដោយ។ នៅក្នុងការអត្ថាធិប្បាយជាសាធារណៈលើកដំបូងរបស់លោក ចាប់តាំងពីការជំរុញតាមរយៈសេចក្តីស្នើច្បាប់មក លោក Macron បាននិយាយនៅក្នុងបទសម្ភាសន៍តាមទូរទស្សន៍ថា លោកមិនត្រូវបានគេបង្អាក់នោះទេ។ កំណែទម្រង់នេះគឺចាំបាច់ ហើយលោកនិយាយបែបនេះទៅកាន់ប្រជាជនបារាំងថា លោកមិនសប្បាយចិត្តនឹងការធ្វើបែបនេះទេ ប៉ុន្តែវាក៏ដោយសារតែគំនិតនៃការទទួលខុសត្រូវ ដែលលោកបានបង្ហាញការប្ដេជ្ញាចិត្តក្នុងការធ្វើបែបនេះនៅចំពោះមុខអ្នកគ្រប់គ្នា។ ការធ្វើអត្ថាធិប្បាយនានាជួយបានបន្តិចបន្តួចដើម្បីធ្វើឱ្យរឿងនេះរលូនទៅមុខ។ កាលពីថ្ងៃពុធ ក្រុមបាតុករបានបិទស្ថានីយរថភ្លើង ហើយនៅទីក្រុង Nice រូបសំណាករបស់លោក Macron ត្រូវបានគេដាក់នៅលើផ្លូវរថភ្លើង និងបោះឡើងទៅលើអាកាស។ ការស្ទង់មតិបង្ហាញថា ជនជាតិបារាំងភាគច្រើនប្រឆាំងទៅនឹងច្បាប់សោធននិវត្តន៍ ហើយរយៈពេលប្រាំមួយយប់កន្លងទៅនេះ ឃើញមានបាតុកម្មកាន់តែមានសន្ទុះខ្លាំងក្លានៅទូទាំងប្រទេសបារាំង ដោយមានការធុងសំរាម និងការប៉ះទង្គិចជាមួយនគរបាល។ លោក Macron បានទទូចថា កំណែទម្រង់គឺចាំបាច់ដើម្បីធានាបានថា ប្រព័ន្ធសោធននិវត្តន៍មិនដួលរលំ។ ប៉ុន្តែមេដឹកនាំសហជីពបាននិយាយថា ច្បាប់ថ្មីត្រូវបានរុញហួសសភាដោយគ្មានការបោះឆ្នោតកាលពីសប្តាហ៍មុន ហើយបានដំឡើងអាយុសោធននិវត្តន៍ពីរឆ្នាំបន្ថែមទៀតរហូតដល់អាយុ ៦៤ឆ្នាំ។ សមាជិកសភាគណបក្សសង្គមនិយម លោក Olivier Faure បាននិយាយថា លោក Macon កំពុងបង្កើតភាពចលាចល។ លោក Emmanuel Macron គឺជាអ្នកបង្កបញ្ហា លោកកំពុងដុតបំផ្លាញប្រទេសនេះ លោកជំរុញមនុស្សឱ្យឆ្ពោះទៅរកការបែកបាក់ លោកបង្កើតកំហឹង លោកគឺជាអ្នកចាក់ប្រេងដុតភ្លើងនៅពេលបច្ចុប្បន្ននេះ៕អត្ថបទ៖ ប៊ុនថន

ថ្នាក់រៀនបិទទ្វារសម្រាប់សិស្សជិតកន្លះលាននាក់នៅទីក្រុងឡូសអាន់ជឺឡេស ស្របពេលគ្រូបង្រៀនធ្វើកូដកម្មទាមទារដំឡើងប្រាក់បៀវត្សរ៍

អាមេរិក៖ ថ្នាក់រៀនសម្រាប់សិស្សជិតកន្លះលាននាក់បានបិទទ្វារ នៅទូទាំងទីក្រុងឡូសអានជឺឡេស សហរដ្ឋអាមេរិកកាលពីថ្ងៃអង្គារ ក្រោយក្រុមគ្រូបង្រៀនធ្វើកូដកម្មរយៈពេល ៣ថ្ងៃ ដោយមានការគាំទ្រពីក្រុមសហជីពគ្រូបង្រៀនដែលបដិសេធពុំព្រមចូលធ្វើការ។សមាជិកសហជីពសេវាកម្មនិយោជិកអន្តរជាតិ Local 99 ដែលតំណាងឲ្យអ្នកបើករថយន្តសាលា អ្នកថែទាំ បុគ្គលិកហាងកាហ្វេ និងគ្រូបន្ទុកថ្នាក់រៀនបានឈរជាជួរ និងដង្ហែក្បួននៅក្រៅអគារសាលារៀននៅទូទាំងសង្កាត់សាលារដ្ឋ Los Angeles Unified School District(LAUSD) ដើម្បីទាមទារដំឡើងប្រាក់បៀវត្សរ៍ខ្ពស់ជាងនេះ និងទំហំថ្នាក់រៀនតូចជាងមុន។ លោក Findley Bunting ដែលជាគ្រូបង្រៀននៅវិទ្យាល័យ Lincoln និយាយថា ក្នុងនាមជាគ្រូបង្រៀន ពួកយើងចំណាយពេលច្រើនជាមួយបុគ្គលិកបណ្ដែត។ ពួកគេអស្ចារ្យខ្លាំងណាស់ ពួកគេប្រឹងប្រែងធ្វើការខ្លាំងណាស់ ហើយពួកគេអត់ឃ្លានទៀតផង។ ពួកគេមិនទទួលបានប្រាក់បៀវត្សរ៍អស់រយៈពេលជាច្រើនឆ្នាំមកហើយ។ការចរចាចំណាយពេល ១ឆ្នាំ ប៉ុន្តែមិនទៅមុខទាល់តែសោះ។ វាគឺជារឿងរបស់សង្កាត់សលារដ្ឋ LAUSD។ ពួកគេមិនអាចចាប់ផ្តើមធ្វើការបានទៀតទេ ហើយការចរចាត្រូវតែសម្រេចឲ្យបាន។ ខណៈពេលនោះដែរ នាយកសង្កាត់សាលារដ្ឋធំបំផុតទី ២នៅសហរដ្ឋអាមេរិកបានទទួលស្គាល់ថា បុគ្គលិកបណ្តែតពុំបានបើកប្រាក់បៀវត្សរ៍អស់រយៈពេលជាច្រើនឆ្នាំមកហើយ ហើយលោកនិយាយថា លោកបានប្តេជ្ញាចិត្តដើម្បីឈានដល់កិច្ចព្រមព្រៀង។ កូដកម្មដែលគេរំពឹងថានឹងបន្តរហូតដល់ថ្ងៃព្រហស្បតិ៍សប្តាហ៍នេះ បានចាប់ផ្តើមក្រោយពេលបរាជ័យកិច្ចចរចាចុងក្រោយកាលពីថ្ងៃចន្ទ បង្ខំឲ្យគ្រូបង្រៀនលុបចោលការបង្រៀនសិស្ស ៤២ម៉ឺននាក់៕អត្ថបទ៖ សារ៉ាត់

វីដេអូបង្ហាញពីនគរបាលចោមរោមសង្កត់បុរសស្បែកខ្មៅអាមេរិក Irvo Otieno មុនពេលស្លាប់ក្នុងការឃុំខ្លួន

អាមេរិក៖ ក្រុមរដ្ឋអាជ្ញានៅក្នុងរដ្ឋ Virginia សហរដ្ឋអាមេរិក បានបញ្ចេញវីដេអូដែលបង្ហាញពីពេលវេលាចុងក្រោយរបស់អ្នកជំងឺ ដែលបានស្លាប់នៅក្នុងការឃុំខ្លួនក្នុងមន្ទីរពេទ្យវិកលចរិត។ ឃ្លីបវីដេអូបង្ហាញថា លោក Irvo Otieno ត្រូវបានផ្ដួលលើកម្រាលឥដ្ឋដោយនគរបាល និងបុគ្គលិកមន្ទីរពេទ្យកាលពីថ្ងៃទី៦មីនា ខណៈបញ្ជូនរូបគេពីពន្ធនាគារទៅមន្ទីរពេទ្យវិកលចរិត។ សមត្ថកិច្ចចំនួន ៧នាក់ និងបុគ្គលិកពេទ្យ ៣នាក់ត្រូវបានចោទប្រកាន់ពីបទឃាតកម្មកម្រិត២ ក្នុងករណីស្លាប់របស់បុរសស្បែកខ្មៅរូបនេះ។ គណៈវិនិច្ឆ័យកាលពីថ្ងៃអង្គារបានបង្ហាញថា មនុស្ស ១០នាក់ត្រូវបានចោទប្រកាន់ក្នុងករណីនេះ។ រដ្ឋអាជ្ញាលោកស្រី Ann Cabell Baskervill បានបញ្ចេញរូបភាពវីដេអូនៃឧបទ្ទវហេតុនេះកាលពីថ្ងៃអង្គារ។ រូបភាពនេះត្រូវបានយកពីកាមេរ៉ាសុវត្ថិភាពនៅមន្ទីរពេទ្យ Central State Hospital ក្នុងទីក្រុង Petersburg, រដ្ឋ Virginia។ សេចក្ដីប្រកាសព័ត៌មានរបស់នគរបាលបាននិយាយថា ជនរងគ្រោះលោក Otieno ត្រូវបានចាប់ខ្លួនដំបូងកាលពីថ្ងៃទី៣ ខែមីនា ដោយសង្ស័យថាអាចជាជនលួចចូលគាស់ផ្ទះ។ រូបគេត្រូវបានដាក់ក្រោមបញ្ជាឃុំខ្លួនគ្រាអាសន្ន ដែលបានត្រូវប្រើប្រាស់នៅពេលជឿថា បុគ្គលម្នាក់អាចបង្កបញ្ហាដាក់ខ្លួនឯង ឬអ្នកដទៃដោយសារតែជំងឺផ្លូវចិត្ត។ ឃ្លីបវីដេអូគ្មានសំឡេង បង្ហាញពីបុរសស្បែកខ្មៅវ័យ ២៨ឆ្នាំលោក Otieno ដែលបានភៀសខ្លួនទៅកាន់សហរដ្ឋអាមេរិកពីប្រទេសកេនយ៉ា នៅពេលគេមានអាយុ ៤ឆ្នាំត្រូវបានអូសចូលបន្ទប់ការិយាល័យ ទាំងដៃ និងជើងត្រូវបានមន្ត្រីមួយចំនួនដាក់ខ្នោះ ហើយបុគ្គលិកពេទ្យមួយចំនួនដើរតាមពីក្រោយ៕អត្ថបទ៖ សុខមាន

មនុស្ស ៩នាក់ស្លាប់ ក្រោយការរញ្ជួយដីដ៏ខ្លាំងក្លាអង្រួនប្រទេសប៉ាគីស្ថាន និងអាហ្វហ្គានីស្ថាន

ប៉ាគីស្ថាន៖ ការរញ្ជួយដីកម្រិត ៦.៥រ៉ិចទ័របានអង្រួនយ៉ាងខ្លាំងនៅប្រទេសប៉ាគីស្ថាន និងអាហ្វហ្គានីស្ថានកាលពីថ្ងៃអង្គារ ដោយបង្ខំឲ្យប្រជាពលរដ្ឋភ័យស្លន់ស្លោរត់ចេញពីលំនៅឋាន និងការិយាល័យ និងបង្កការភ័យខ្លាចរហូតដល់ភូមិដាច់ស្រយាលមួយចំនួន។ មនុស្សយ៉ាងហោចណាស់ ៩នាក់បានស្លាប់។ លោក Bilal Faizi អ្នកនាំពាក្យមន្ទីរផ្ដល់សេវាសង្គ្រោះបន្ទាន់របស់ប៉ាគីស្ថានបានប្រាប់សារព័ត៌មាន AP ថា មនុស្សជាង ១០០នាក់ត្រូវបានបញ្ជូនទៅកាន់មន្ទីរពេទ្យក្នុងតំបន់ជ្រលងភ្នំស្វាត (Swat valley)នៃខេត្ត Khyber Pakhtunkhwa ភាគពាយ័ព្យរបស់ប្រទេសប៉ាគីស្ថានដែលមានការរញ្ជួយ។ លោកថា មនុស្សដែលបានភ័យខ្លាចទាំងនោះបានដួល ហើយពួកគេមួយចំនួនបានដួលដោយសារតែរលកនៃការរញ្ជួយ។ លោកបន្ថែមថា មិនយូរប៉ុន្មានភាគច្រើននៃពួកគេបានចេញពីមន្ទីរពេទ្យ។ លោក Faizi និងក្រុមមន្ត្រីផ្សេងទៀតបាននិយាយថា មនុស្ស ៩នាក់បានស្លាប់នៅពេលដែលដំបូលផ្ទះបានធ្លាក់ នៅក្នុងតំបន់ផ្សេងៗនៃភាគពាយ័ព្យរបស់ប៉ាគីស្ថាន។ មនុស្សរាប់សិបនាក់ផ្សេងទៀត បានរងរបួសក្នុងគ្រោះរញ្ជួយដីនេះ ដែលមានចំនុចកណ្ដាលនៅក្នុងប្រទេសអាហ្វហ្គានីស្ថាន និងបានញ័ររញ្ជួយដល់ព្រំដែនជាមួយប្រទេសតាជីគីស្ថានផងដែរ។ ការរញ្ជួយដីនេះបានបង្កឲ្យមានបំណាក់ដីមួយចំនួននៅតំបន់ភ្នំដែលរំខានដល់ការធ្វើចរាចរណ៍៕អត្ថបទ៖ សុខមាន

រថយន្តច្រើនគ្រឿង និងផ្លូវត្រូវជន់លិចក្នុងរដ្ឋកាលីហ្វ័រនីញ៉ាដែលរងគ្រោះដោយទឹកជំនន់

អាមេរិក៖ វីដេអូថតដោយយានដ្រូន (Drone) ពីរដ្ឋកាលីហ្វ័រនីញ៉ាបានបង្ហាញឲ្យឃើញរថយន្តច្រើនគ្រឿងត្រូវបានជន់លិចកាលពីថ្ងៃអង្គារ ទី២១ ខែមីនា ដែលបណ្តាលមកពីអាកាសធាតុរដូវរងាដ៏អាក្រក់។ រដ្ឋកាលីហ្វ័រនីញ៉ាភាគខាងត្បូង និងភាគកណ្តាល ព្រមទាំងទីប្រជុំជននៅតាមបណ្តោយឆ្នេរសមុទ្រប៉ាស៊ីហ្វិក ភាគខាងត្បូងទីក្រុងសាន់ហ្វ្រាន់ស៊ីស្កូនៅតែមានទឹកជំនន់ បណ្តាលមកពីព្យុះដែលបានបោកបក់មកលើឆ្នេរមួយលើកៗចាប់តាំងពីចុងខែធ្នូ ដែលត្រូវបានគេរំពឹងថានឹងរងការវាយប្រហារខ្លាំងបំផុត ដោយអាកាសធាតុត្រជាក់ថ្មីចូលវាយលុក។ ការព្រមាន និងការណែនាំអំពីខ្យល់បក់ខ្លាំង ត្រូវបានប្រកាសយ៉ាងទូលំទូលាយនៅរដ្ឋកាលីហ្វ័រនីញ៉ា ដែលលាតសន្ធឹងពីព្រំដែនប្រទេសម៉ិកស៊ិកឆ្លងកាត់ទីក្រុង Los Angeles ទៅកាន់តំបន់ San Francisco Bay។ ការព្រមានអំពីព្យុះរដូវរងាបានចូលជាធរមានសម្រាប់ភ្នំខ្ពស់ៗ ដែលអាចមានការធ្លាក់ព្រិលមានកម្ពស់ច្រើនហ្វីត។ ព្យុះកាលពីថ្ងៃអង្គារត្រូវបានគេរំពឹងថា នឹងរាលដាលហួសពីរដ្ឋកាលីហ្វ័រនីញ៉ាឆ្លងកាត់ភាគនិរតី និងចូលទៅក្នុងអាងធំភាគកណ្តាល Great Basin និង Rockies នៅល្ងាចថ្ងៃអង្គារដោយនាំមកជាមួយនូវទឹកភ្លៀង ព្រិល និងខ្យល់បក់ខ្លាំង។ ព្យុះនេះបានត្រូវបានកំណត់ជាព្យុះទី១២ ដែលបានវាយប្រហារមកលើឆ្នេរសមុទ្រភាគខាងលិចសហរដ្ឋអាមេរិកចាប់តាំងពីខែធ្នូ ជាលទ្ធផលនៃចរន្តខ្យល់ធំនៃចំហាយទឹកដ៏ក្រាស់មកពីមហាសមុទ្រ ហើយបានប្រមូលផ្តុំមកលើដីគោក ក្នុងពេលមានភ្លៀង និងព្រិលធ្លាក់ខ្លាំង។ ព្យុះនេះត្រូវបានជំរុញដោយព្យុះស៊ីក្លូនប៉ាស៊ីហ្វិក ដែលបក់បោកជុំវិញប្រព័ន្ធសម្ពាធទាបដ៏ខ្លាំងដោយបង្កើតបរិមាណសំណើមច្រើន ហើយនាំមកកាន់ឆ្នេរសមុទ្រ៕អត្ថបទ៖ ប៊ុនថន

នាយករដ្ឋមន្ត្រីជប៉ុនផ្ដល់ការគាំទ្រដល់អ៊ុយក្រែនអំឡុងដំណើរទស្សនកិច្ច ខណៈប្រធានាធិបតីចិនគាំទ្ររុស្ស៊ី

អ៊ុយក្រែន៖ លោកនាយករដ្ឋមន្ត្រីជប៉ុន Fumio Kishida បានធ្វើដំណើរទស្សនកិច្ចគួរឲ្យភ្ញាក់ផ្អើលកាលពីថ្ងៃអង្គារទៅកាន់ទីក្រុង Kyiv ដោយបានទាញការចាប់អារម្មណ៍ខ្លះជាសកល ពីប្រធានាធិបតីចិនជាគូប្រជែងនៅអាស៊ីដែលបានជួបលោកប្រធានាធិបតីរុស្ស៊ី Vladimir Putin នៅក្នុងទីក្រុង Moscow ដើម្បីពិភាក្សាពីសំណើផែនការសន្តិភាពរបស់ទីក្រុងប៉េកាំង សម្រាប់បញ្ចប់ជម្លោះនៅអ៊ុយក្រែន ដែលបណ្ដាប្រទេសលោកខាងលិចបានរិះគន់រួចទៅហើយនោះ។ ដំណើរទស្សនកិច្ចរបស់នាយករដ្ឋមន្ត្រីជប៉ុនទៅអ៊ុយក្រែន គឺជាការបង្ហាញពីសាមគ្គីភាពចុងក្រោយបំផុតនៃសម័យសង្គ្រាម។ ប្រធានាធិបតីអ៊ុយក្រែន Volodymyr Zelensky និយាយថា លោកបានរៀបចំកិច្ចពិភាក្សាប្រកបដោយផ្លែផ្កាជាមួយនាយករដ្ឋមន្ត្រីជប៉ុន។ ដំណើរទស្សនកិច្ចរបស់នាយករដ្ឋមន្ត្រីជប៉ុនកើតឡើង ស្របពេលលោកប្រធានាធិបតីចិន Xi Jinping បានជួបលោកប្រធានាធិបតី Vladimir Putin នៅថ្ងៃទី២ សម្រាប់ជំនួបជាបន្តបន្ទាប់ក្នុងទីក្រុង Moscow។ ដំណើរទស្សនកិច្ចរបស់មេដឹកនាំទាំង២ ស្ថិតនៅចម្ងាយពីគ្នាប្រហែល ៨០០គីឡូម៉ែត្រ បានបង្ហាញពីផលប៉ះពាល់នៃសង្គ្រាមជិត ១៣ខែសម្រាប់ការទូតអន្តរជាតិ ខណៈប្រទេសជាច្រើនឈរនៅពីក្រោយទីក្រុង Moscow ឬទីក្រុង Kyiv។ ក្រុមមន្ត្រីសហរដ្ឋអាមេរិកបាននិយាយថា ផែនការសន្តិភាពណាមួយកើតចេញពីជំនួបរវាងលោក Putin និងលោក Xi នឹងមិនអាចទទួលយកបានឡើយ សម្រាប់ទីក្រុងវ៉ាស៊ីនតោន ព្រោះវានឹងជាការផ្ដល់សច្ចាប័នផ្ដល់ការដណ្តើមយកដែនដីរបស់ទីក្រុង Moscow និងផ្ដល់ពេលវេលាឲ្យរុស្ស៊ីរៀបផែនការវាយលុកជាថ្មីតែប៉ុណ្ណោះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ផ្តល់អនុសាសន៍ឱ្យពង្រីកកិច្ចសហប្រតិបត្តិលើកវិស័យកសិកម្ម និងនេសាទរវាងកម្ពុជា និងដូមីនីក

សម្តេចតេជោ ហ៊ុន សែន ស្នើឱ្យមូលនិធិសាសាកាវ៉ាបន្តជួយដល់កម្ពុជាបន្ថែមទៀត

អំពើហិង្សារីកធំឡើង ខណៈក្រុមបាតុករផ្ទុះកំហឹងចំពោះកំណែទម្រង់របស់លោក ម៉ាក្រុង

សហភាពអឺរ៉ុប និងប្រមុខ UN ពិភាក្សាអំពីសង្គ្រាមអ៊ុយក្រែន សន្តិសុខស្បៀង និងទណ្ឌកម្ម

លោក Macron ប្រកាន់ជំហររឹងមាំ ខណៈការតវ៉ាកំណែទម្រង់សោធននិវត្តន៍ឡើងកម្តៅខ្លាំង

វីដេអូបង្ហាញពីនគរបាលចោមរោមសង្កត់បុរសស្បែកខ្មៅអាមេរិក Irvo Otieno មុនពេលស្លាប់ក្នុងការឃុំខ្លួន

មនុស្ស ៩នាក់ស្លាប់ ក្រោយការរញ្ជួយដីដ៏ខ្លាំងក្លាអង្រួនប្រទេសប៉ាគីស្ថាន និងអាហ្វហ្គានីស្ថាន

រថយន្តច្រើនគ្រឿង និងផ្លូវត្រូវជន់លិចក្នុងរដ្ឋកាលីហ្វ័រនីញ៉ាដែលរងគ្រោះដោយទឹកជំនន់

នាយករដ្ឋមន្ត្រីជប៉ុនផ្ដល់ការគាំទ្រដល់អ៊ុយក្រែនអំឡុងដំណើរទស្សនកិច្ច ខណៈប្រធានាធិបតីចិនគាំទ្ររុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ផ្តល់អនុសាសន៍ឱ្យពង្រីកកិច្ចសហប្រតិបត្តិលើកវិស័យកសិកម្ម និងនេសាទរវាងកម្ពុជា និងដូមីនីក

សម្តេចតេជោ ហ៊ុន សែន ស្នើឱ្យមូលនិធិសាសាកាវ៉ាបន្តជួយដល់កម្ពុជាបន្ថែមទៀត

អំពើហិង្សា​រីកធំឡើង​ ខណៈ​ក្រុមបាតុករ​ផ្ទុះ​កំហឹង​ចំពោះ​កំណែទម្រង់​របស់លោក ម៉ា​ក្រុង​

សហភាព​អឺរ៉ុប​ និង​ប្រមុខ​ UN ពិភាក្សា​អំពី​សង្គ្រាម​អ៊ុយ​ក្រែ​ន សន្តិសុខ​ស្បៀង និង​ទណ្ឌកម្ម​

លោក Macron ប្រកាន់​ជំហរ​រឹងមាំ ខណៈ​ការតវ៉ា​កំណែទម្រង់​សោធន​និវត្តន៍​ឡើងក​ម្តៅ​ខ្លាំង

វីដេអូ​បង្ហាញ​ពី​នគរបាល​ចោមរោម​សង្កត់​បុរស​ស្បែក​ខ្មៅ​អាមេរិក Irvo Otieno មុនពេល​ស្លាប់​ក្នុងការ​ឃុំខ្លួន

រថយន្ត​ច្រើន​គ្រឿង និង​ផ្លូវ​ត្រូវ​ជន់​លិច​ក្នុង​រដ្ឋ​កាលីហ្វ័រ​នីញ៉ា​ដែល​រងគ្រោះ​ដោយ​ទឹកជំនន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អំពើហិង្សារីកធំឡើង ខណៈក្រុមបាតុករផ្ទុះកំហឹងចំពោះកំណែទម្រង់របស់លោក ម៉ាក្រុង

សហភាពអឺរ៉ុប និងប្រមុខ UN ពិភាក្សាអំពីសង្គ្រាមអ៊ុយក្រែន សន្តិសុខស្បៀង និងទណ្ឌកម្ម

លោក Macron ប្រកាន់ជំហររឹងមាំ ខណៈការតវ៉ាកំណែទម្រង់សោធននិវត្តន៍ឡើងកម្តៅខ្លាំង

វីដេអូបង្ហាញពីនគរបាលចោមរោមសង្កត់បុរសស្បែកខ្មៅអាមេរិក Irvo Otieno មុនពេលស្លាប់ក្នុងការឃុំខ្លួន

រថយន្តច្រើនគ្រឿង និងផ្លូវត្រូវជន់លិចក្នុងរដ្ឋកាលីហ្វ័រនីញ៉ាដែលរងគ្រោះដោយទឹកជំនន់