BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

ឯកឧត្តម ជិន ម៉ាលីន បញ្ជាក់ ៣ចំណុចផ្នែកច្បាប់ ឆ្លើយតបទៅនឹងសេចក្តីថ្លែងការណ៍របស់មេធាវី លោក កឹម សុខា

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យ ក្រសួងយុត្តិធម៌ បានបញ្ជាក់ ៣ ចំណុច ជាយោបល់ផ្នែកច្បាប់ខ្លះ ឆ្លើយតបទៅនឹងសេចក្តីថ្លែងការណ៍របស់មេធាវី លោក កឹម សុខា ដែលបានចេញផ្សាយកាលពីថ្ងៃទី១៤ ខែមីនា ឆ្នាំ២០២៣ម្សិលមិញ។តាមរយៈ Facebook នៅថ្ងៃទី១៥ ខែមីនា ឆ្នាំ២០២៣នេះ ឯកឧត្ដម ជិន ម៉ាលីន បានសរសេរថា "សូមផ្ដល់ជាយោបល់ផ្នែកច្បាប់ខ្លះឆ្លើយតបទៅនឹងសេចក្តីថ្លែងការណ៍របស់មេធាវី លោក កឹម សុខា"។ឯកឧត្តម ជិន ម៉ាលីន បានបញ្ជាក់ចំណុចទី១ថា បើគ្រាន់តែសុំការអនុញ្ញាតពីព្រះរាជអាជ្ញាបន្តិចទៅ ដូចជាមិនទាស់ខុសអីទេ ព្រោះវាតម្រូវដោយលក្ខខណ្ឌកំណត់ក្នុងសាលក្រមតុលាការ ដែលមានអំណាចតាមផ្លូវច្បាប់។ ប្រសិនបើព្រះរាជអាជ្ញាមិនអនុញ្ញាត នោះទើបជាការរំលោភបំពានសិទ្ធិមេធាវីក្នុងការជួបជាមួយកូនក្តី។ ចំណុចទី២ ឯកឧត្តមបញ្ជាក់ថា សូម្បីតែចូលជួបកូនក្តីខ្លួនក្នុងពន្ធធនាគារ ក៏ត្រូវតែសុំការអនុញ្ញាតពីអ្នកគ្រប់គ្រងពន្ធនាគារដែរ។ ចំណែកចំណុចទី៣ ឯកឧត្តមបន្តថា ដូច្នេះ ប្រសិនបើមានចេតនាជួបជាមួយកូនក្តីពិតប្រាកដមែន គ្រាន់តែស្នើសុំបន្តិចទៅ ដូចជាមិនអីទេ លើកលែងតែមានចេតនាផ្សេងពីនេះ៕

ប្រទេសម៉ាឡាវីប្រកាសស្ថានភាពគ្រោះមហន្តរាយ ខណៈមនុស្សជាង ២០០នាក់ស្លាប់ដោយសារព្យុះ

ម៉ាឡាវី៖ មនុស្សច្រើនជាង ២០០នាក់ពេលនេះត្រូវបានបញ្ជាក់ថាបានស្លាប់នៅក្នុងប្រទេសម៉ាឡាវី បន្ទាប់ពីព្យុះត្រូពិក Freddy បានវាយបក់ឆ្លងកាត់ប្រទេសអាហ្វ្រិកខាងត្បូងជាលើកទី២ ក្នុងរយៈពេលមួយខែនេះ។ ទឹកបានហូរនាំយកដីល្បាប់ឆ្លងកាត់សង្កាត់នានា និងបានហូរនាំទាំងលំនៅឋាន។ មជ្ឈមណ្ឌលពាណិជ្ជកម្មរបស់ប្រទេសម៉ាឡាវី ទីក្រុង Blantyre បានកត់ត្រាចំនួនអ្នកស្លាប់ភាគច្រើនរួមមានទាំងកុមាររាប់សិបនាក់។ រដ្ឋាភិបាលបានប្រកាសពីស្ថានភាពគ្រោះមហន្តរាយនៅក្នុងស្រុកចំនួន ១០ នៅភាគខាងត្បូងដែលទទួលរងការវាយប្រហារខ្លាំងបំផុតដោយព្យុះ។ បុគ្គលិកជួយសង្គ្រោះកំពុងប្រើប៉ែលដើម្បីជីកស្វែងរកអ្នកនៅរស់ដែលកប់ក្នុងដីល្បាប់។ អ្នកនាំពាក្យនគរបាលលោក Peter Kalaya បានប្រាប់សារព័ត៌មាន BBC ថា ទន្លេរបស់យើងបានពេញហៀរ មនុស្សមួយចំនួនត្រូវបានហូរនាំទៅតាមទឹក ហើយអគារបានបាក់រលំ។ មន្ត្រីនៅមន្ទីរពេទ្យក្នុងទីក្រុងបាននិយាយថា ពួកគេមិនអាចទប់ទល់នឹងចំនួនសាកសពដែលពួកគេកំពុងទទួលនោះទេ។ អង្គការសប្បុរសធម៌គ្រូពេទ្យគ្មានព្រំដែនបាននិយាយថា កុមារជាង ៤០នាក់ត្រូវបានប្រកាសថាបានស្លាប់ពេលមកដល់មន្ទីរពេទ្យ។ មន្ត្រីបានអំពាវនាវដល់ក្រុមគ្រួសារសពមកទទួលយកសពទៅបញ្ចុះ ព្រោះកន្លែងតម្កល់សាកសពនៅមន្ទីរពេទ្យអស់កន្លែងសម្រាប់តម្កល់។ ទីភ្នាក់ងារសង្គ្រោះគ្រោះមហន្តរាយរបស់រដ្ឋាភិបាលបាននិយាយថា មនុស្សជាង ២០,០០០នាក់បានភៀសខ្លួនចេញពីលំនៅឋាន ហើយចំនួនអ្នកស្លាប់ត្រូវបានគេរំពឹងថានឹងកើនឡើង ខណៈតំបន់មួយចំនួននៅតែត្រូវបានកាត់ផ្តាច់ដោយសារតែភ្លៀងធ្លាក់ឥតឈប់ឈរ និងខ្យល់បក់បោកខ្លាំង។ ព្យុះនេះបានធ្វើឱ្យការផ្គត់ផ្គង់ថាមពលអគ្គិសនីរបស់ប្រទេសម៉ាឡាវីត្រូវកាត់ផ្តាច់ ខណៈផ្នែកភាគច្រើនរបស់ប្រទេសជួបប្រទះការដាច់ចរន្តអគ្គិសនីរយៈពេលយូរ។ ក្រុមហ៊ុនអគ្គិសនីជាតិបាននិយាយថា ក្រុមហ៊ុនមិនអាចឲ្យរោងចក្រវារីអគ្គិសនីដំណើរការបានទេ ដោយសារវាពេញទៅដោយកម្ទេចកម្ទី។ ការខូចខាតផ្លូវ និងស្ពានបានរារាំងដល់ប្រតិបត្តិការជួយសង្គ្រោះ ខណៈឧទ្ធម្ភាគចក្រមិនអាចប្រើប្រាស់បានដោយសារតែភ្លៀងធ្លាក់ និងខ្យល់បក់ខ្លាំង៕អត្ថបទ៖ ប៊ុនថន

កងទ័ពអាមេរិក និងកូរ៉េខាងត្បូងធ្វើសមយុទ្ធយោធារួមគ្នា ខណៈកូរ៉េខាងជើងបាញ់សាកល្បងមីស៊ីល

កូរ៉េខាងត្បូង៖ ក្រសួងការពារជាតិកូរ៉េខាងត្បូងបាននិយាយនៅក្នុងទីក្រុងសេអ៊ូលនៅថ្ងៃពុធ ទី១៥មីនានេះថា កងទ័ពសហរដ្ឋអាមេរិក និងកូរ៉េខាងត្បូងបានធ្វើសមយុទ្ធយោធារួមគ្នា និងបានអនុវត្តន៍ការសាងសង់ស្ពានធុងអណ្ដែតទឹកដើម្បីចម្លងរថយន្តយោធា ព្រមទាំងគ្រឿងយុទ្ធោបករណ៍ផ្សេងទៀតឆ្លងកាត់ទន្លេ។ ក្រសួងនេះនិយាយថា ទាហានប្រហែល ៤០០នាក់ និងគ្រឿងយុទ្ធោបករណ៍ ៥០គ្រឿង និងឧទ្ធម្ភាគចក្រ Apache ចំនួន ២គ្រឿងត្រូវបានចល័តសម្រាប់សមយុទ្ធយោធារួមគ្នាកាលពីថ្ងៃចន្ទ ទី១៣ នៅក្នុងតំបន់ Yeoncheon ស្ថិតនៅចម្ងាយប្រហែល ៦៥គីឡូម៉ែត្រភាគខាងជើងរដ្ឋធានីសេអ៊ូល។ សម្ព័ន្ធមិត្តទាំង២ នេះបាននិយាយថា សមយុទ្ធនេះជារឿងចាំបាច់ក្នុងការរារាំងកូរ៉េខាងជើង ដែលបានបាញ់សាកល្បងមីស៊ីលដ៏ច្រើនលើសពីឆ្នាំមុន ដោយបង្កើនក្ដីបារម្ភពីការបាញ់គ្រាប់នុយក្លេអ៊ែរថ្មីជាលើកដំបូងចាប់តាំងពីឆ្នាំ២០២៧ មក។ កូរ៉េខាងជើងបានថ្កោលទោសសមយុទ្ធយោធារួមគ្នានេះថា ជាការហាត់សមត្រៀមឈ្លានពាន និងភស្តុតាងនៃគោលនយោបាយអរិភាពពីទីក្រុងសេអ៊ូល និងវ៉ាស៊ីនតោន។ សារព័ត៌មានរដ្ឋកូរ៉េខាងជើង KRT បាននិយាយកាលពីថ្ងៃចន្ទថា កូរ៉េខាងជើងបានសាកល្បងមីស៊ីលតម្រង់គោលដៅយុទ្ធសាស្ត្រ ២គ្រាប់ចេញពីនាវាមុជទឹក មួយថ្ងៃមុនសហរដ្ឋអាមេរិក និងកូរ៉េខាងត្បូងចាប់ផ្ដើមសមយុទ្ធរបស់ខ្លួន៕អត្ថបទ៖ សុខមាន

ចិនបើកព្រំដែនឡើងវិញទាំងស្រុងទទួលភ្ញៀវទេសចរលើកដំបូងចាប់ពីថ្ងៃទី១៥មីនានេះ ក្រោយផ្ទុះ COVID-19

ចិន៖ យោងតាមសារព័ត៌មាន Reuters ចាប់ពីថ្ងៃទី១៥ ខែមីនា ស្ថានទូតចិនជុំវិញពិភពលោកនឹងចាប់ផ្តើមដំណើរការទិដ្ឋាការទេសចរណ៍ឡើងវិញ។ នេះមានន័យថា អ្នកធ្វើដំណើរនាពេលអនាគតអាចស្នើសុំម្តងទៀតដើម្បីទៅទស្សនាឧទ្យាន Shanghai Disneyland និង Universal Beijing Resort ប៉ុន្តែត្រូវប្រាកដថាបានពិនិត្យជាមួយស្ថានទូត ឬស្ថានកុងស៊ុលក្នុងតំបន់របស់អ្នកសម្រាប់តម្រូវការជាក់លាក់។ សម្រាប់ពលរដ្ឋអាមេរិក ទិដ្ឋាការគឺត្រូវបានតម្រូវដែលមានតម្លៃប្រហែល ១៤០ដុល្លារអាមេរិក ទោះបីជាភ្ញៀវដដែលៗដែលអាចស្នើសុំទិដ្ឋាការចូលលើសពីឆ្នាំ ៥ឆ្នាំ ឬ ១០ឆ្នាំក្នុងតម្លៃដូចគ្នាក៏ដោយ។ បើកការព្រំដែនឡើងវិញនេះក៏នឹងក្លាយជាឱកាសដំបូងផងដែរ សម្រាប់ភ្ញៀវទេសចរបរទេសទៅលេងកម្សាន្ត Universal Beijing Resort ដែលបានបើកលើកដំបូងកាលពីខែកញ្ញា ឆ្នាំ២០២១។ ព្រំដែននានារបស់ប្រទេសចិនបានបិទសម្រាប់ភ្ញៀវបរទេសកាលពីខែមីនា ឆ្នាំ២០២២ ស្របពេលអនុវត្តន៍វិធានការដ៏តឹងរ៉ឹងទប់ស្កាត់ការឆ្លងរាលដាលវីរុស COVID ឬ zero-COVID ដែលបានដកចេញកាលពីចុងឆ្នាំមុន។ ភ្ញៀវទេសចរអន្តរជាតិរាប់សិបលាននាក់បានមកកាន់ប្រទេសចិនក្នុងមួយឆ្នាំៗ មុនការឆ្លងរាលដាលវីរុសរាតត្បាតសកល ហើយឧស្សាហកម្មទេសចរណ៍របស់ខ្លួនត្រូវបានរងផលប៉ះពាល់យ៉ាងធ្ងន់ធ្ងរ ដោយសារវិធានការទប់ស្កាត់វីរុស COVID-19៕អត្ថបទ៖ សុខមាន

អូស្ត្រាលីនិយាយថា ទីក្រុង Canberra ត្រូវការនាវាមុជទឹកដើរដោយថាមពលនុយក្លេអ៊ែរ ដើម្បីទប់ឥទ្ធិពលយោធាចិន

អូស្ត្រាលី៖ យោងតាមរដ្ឋមន្ត្រីក្រសួងការពារជាតិអូស្ត្រាលីលោក Richard Marles កិច្ចព្រមព្រៀងដែលមានតម្លៃ ២៤៥ពាន់លានដុល្លារអាមេរិករបស់ប្រទេសអូស្ត្រាលី ក្នុងការទិញនាវាមុជទឹកជំនាន់ថ្មីដើរដោយថាមពលនុយក្លេអ៊ែរចំនួន ៥គ្រឿង ចាំបាច់ក្នុងការទប់ទល់ការកើនឡើងឥទ្ធិពលយោធាក្នុងតំបន់ដែលចេះតែរីកធំរបស់ចិន។ លោក Marles បាននិយាយមុនពេលដែលអះអាងថា បានប្រាប់ប្រទេសចិនថាកិច្ចព្រមព្រៀងរយៈពេល ៣០ឆ្នាំនេះ ដែលនឹងបង្កើតការងារចំនួន ២០.០០០កន្លែងសម្រាប់ប្រជាជនអូស្ត្រាលីថា ការបរាជ័យក្នុងការធ្វើ ដូច្នេះនឹងមើលឃើញយើងត្រូវបានថ្កោលទោសដោយប្រវត្តិសាស្ត្រ។ ជាការឆ្លើយតប ទីក្រុងប៉េកាំងបានជំរុញឲ្យអាមេរិក ចក្រភពអង់គ្លេស និងអូស្ត្រាលីបោះបង់ចោលផ្នត់គំនិតសង្គ្រាមត្រជាក់ និងល្បែងដែលគ្មានលទ្ធផល ងាកទៅរកការបំពេញកាតព្វកិច្ចអន្តរជាតិរបស់ខ្លួនដោយភាពស្មោះត្រង់ និងធ្វើកិច្ចការកាន់តែច្រើនថែមទៀតជួយដល់សន្តិភាព និងស្ថិរភាពតំបន់។ រដ្ឋមន្ត្រីការពារជាតិអូស្ត្រាលីលោក Richard Marles បាននិយាយថា ខ្លួនបានខិតខំប្រឹងប្រែងផ្នែកការទូតយ៉ាងទូលំទូលាយអស់រយៈពេលជាច្រើនខែ មុនការប្រកាសកាលពីថ្ងៃចន្ទអំពីកិច្ចព្រមព្រៀងនេះ រួមទាំងការហៅទូរស័ព្ទជាង ៦០លើកទៅកាន់មេដឹកនាំក្នុងតំបន់ និងពិភពលោក។ លោកបានបន្តថា ប្រទេសអូស្ត្រាលីថែមទាំងបានស្នើផ្ដល់ព័ត៌មានវិវត្តន៍នៅក្នុងតំបន់ឲ្យចិន៕អត្ថបទ៖ សុខមាន

ចិនព្រមានពីវិថីដ៏គ្រោះថ្នាក់ ក្រោយកិច្ចព្រមព្រៀងទិញនាវាមុជទឹក AUKUS

ចិន៖ ប្រទេសចិនបានបង្ហាញក្ដីបារម្ភលើវិធានការបង្កើតឡើង ដោយសម្ព័ន្ធមិត្តសហរដ្ឋអាមេរិក ចក្រភពអង់គ្លេស និងអូស្ត្រាលីហៅថា AUKUS ដើម្បីបង្កើនវត្តមានយោធាប្រមូលផ្ដុំរបស់ខ្លួននៅក្នុងតំបន់ឥណ្ឌូ-ប៉ាស៊ីហ្វិក ក្រោយការសម្រេចចិត្តរបស់ទីក្រុងវ៉ាស៊ីនតោន ក្នុងការលក់នាវាមុជទឹកដើរដោយថាមពលនុយក្លេអ៊ែរចំនួន ៥គ្រឿងឲ្យទៅទីក្រុងកង់ប៊ើរ៉ា (Canberra)។ លោក Wang Wenbin អ្នកនាំពាក្យក្រសួងការបរទេសចិនបាននិយាយ នៅឯសន្និសីទសារព័ត៌មានមួយកាលពីថ្ងៃអង្គារ ខណៈកំពុងធ្វើអត្ថាធិប្បាយលើការសម្រេចចិត្តរបស់ប្រធានាធិបតីអាមេរិកលោក Joe Biden ចំពោះការផ្គត់ផ្គង់ហាតវ៉ែ (hardware) យោធាឲ្យទៅប្រទេសអូស្ត្រាលីថា ប្លុកត្រីភាគីនេះបានដើរលើផ្លូវខុស និងគ្រោះថ្នាក់កាន់តែខ្លាំង។ ការសម្រេចចិត្តលក់នាវាមុជទឹកដែលត្រូវបានដំណើរការ ដោយសារធាតុអ៊ុយរ៉ានីញ៉ូមក្នុងកម្រិតដែលអាចប្រើផលិតអាវុធបានត្រូវបានប្រកាសនៅសប្ដាហ៍នេះ ក្រោយជំនួបរវាងលោក Bide នាយករដ្ឋមន្ត្រីអង់គ្លេសលោក Rishi Sunak និងនាយករដ្ឋមន្ត្រីអូស្ត្រាលីលោក Anthony Albanese នៅមូលដ្ឋានទ័ពជើងទឹកក្នុងរដ្ឋ California សហរដ្ឋអាមេរិក។ លោក Wang បានព្រមានថា កិច្ចព្រមព្រៀងនេះនឹងបង្កការប៉ះពាល់កាន់តែធំដល់សន្តិភាពនៅក្នុងតំបន់ឥណ្ឌូ-ប៉ាស៊ីហ្វិក និងអាចឈានទៅរកការរត់ប្រណាំងគ្រឿងសព្វាវុធ ប៉ះពាល់ដល់ប្រព័ន្ធមិនរីកសាយអាវុធនុយក្លេអ៊ែរអន្តរជាតិ និងសន្តិភាព និងស្ថិរភាពក្នុងតំបន់។ នៅពេលត្រូវបានសួរកាលពីថ្ងៃចន្ទថា តើទីក្រុងប៉េកាំងត្រូវបានបញ្ជាក់ក្នុងការពិចារណាកិច្ចព្រមព្រៀងទិញនាវាមុជទឹកដើរដោយថាមពលនុយក្លេអ៊ែរថា ជាការគំរាមកំហែងសន្តិសុខ ឬជាទង្វើឈ្លានពានដែរឬទេ លោក Biden បានឆ្លើយថា “ទេ”៕អត្ថបទ៖ សុខមាន

បំណាក់ដីបណ្តាលឲ្យមនុស្ស ៨នាក់ស្លាប់នៅតំបន់អាម៉ាហ្សូនប្រទេសប្រេស៊ីល

ប្រេស៊ីល៖ ប្រព័ន្ធផ្សព្វផ្សាយក្នុងស្រុកបានរាយការណ៍ថា គ្រាអាសន្នរដ្ឋត្រូវបានប្រកាសកាលពីថ្ងៃចន្ទនៅក្នុងទីក្រុង Manaus របស់ប្រទេសប្រេស៊ីល បន្ទាប់ពីបំណាក់ដីបង្កឡើងដោយភ្លៀងធ្លាក់ខ្លាំងបណ្តាលឲ្យមនុស្សយ៉ាងហោចណាស់ ៨នាក់ស្លាប់។ រូបភាពពីយានដ្រូននៃមហន្តរាយបំណាក់ដីបានបង្ហាញពីការបំផ្លាញ នៅក្នុងតំបន់លំនៅឋានស្ថិតនៅក្នុងតំបន់មានហានិភ័យខ្ពស់នៅរដ្ឋធានីនៃរដ្ឋ Amazonas ក្នុងតំបន់ Amazon របស់ប្រទេសប្រេស៊ីល។ ក្នុងអំឡុងពេលព្រឹកព្រលឹមថ្ងៃចន្ទ ពលរដ្ឋ និងក្រុមអ្នកជួយសង្គ្រោះបានធ្វើការរួមគ្នា ដើម្បីស្វែងរកអ្នកនៅរស់រានមានជីវិតនៅក្នុងគំនរកម្ទេចកម្ទីរ។ យោងតាមប្រព័ន្ធផ្សព្វផ្សាយក្នុងស្រុកបានរាយការណ៍ថា ជនរងគ្រោះចំនួន ៤នាក់ជាមនុស្សពេញវ័យ និង ៤នាក់ផ្សេងទៀតជាកុមារ ហើយអ្នកនៅរស់ជីវិតពីគ្រោះថ្នាក់ ៣នាក់ត្រូវបានគេជួយសង្គ្រោះ៕អត្ថបទ៖ ប៊ុនថន

សមរភូមិដណ្ដើមក្រុង Bakhmut កាន់តែក្ដៅគគុក ខណៈតុលាការឧក្រិដ្ឋកម្មអន្តរជាតិស្វែងរកដីកាចាប់ខ្លួនមន្ត្រីរុស្ស៊ី

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskiy បាននិយាយថា អនាគតរបស់អ៊ុយក្រែនអាស្រ័យលើការប្រយុទ្ធគ្នាជាមួយរុស្ស៊ីទាំងក្នុង និងជុំវិញទីក្រុង Bakhmut ដោយភាគីទាំង២ បានពិពណ៌នាពីសមរភូមិប្រយុទ្ធឥតឈប់ ខណៈទីក្រុង Moscow បង្កើនយុទ្ធនាការរដូវរងាដើម្បីដណ្ដើមយកទីក្រុងតូចភាគខាងកើតមួយនេះ។ ប្រភពមួយបានប្រាប់សារព័ត៌មាន Reuters ថា ក្នុងអ្វីដែលនឹងក្លាយជាករណីឧក្រិដ្ឋកម្មអន្តរជាតិ ដំបូងកើតចេញពីការវាយលុករបស់រុស្ស៊ី តុលាការឧក្រិដ្ឋកម្មអន្តរជាតិ (ICC) ត្រូវគេរំពឹងថានឹងស្វែងរកការចាប់ខ្លួនមន្ត្រីមួយចំនួនរបស់រុស្ស៊ី ពីបទនិរទេសកុមារដោយបង្ខំចេញពីអ៊ុយក្រែន និងដាក់គោលដៅលើហេដ្ឋារចនាសម្ព័ន្ធស៊ីវិល។ ទីក្រុង Moscow ប្រាកដជានឹងច្រានចោលដីកាចាប់ខ្លួនក្រុមមន្ត្រីរបស់ខ្លួន ប៉ុន្តែតុលាការឧក្រិដ្ឋកម្មសង្គ្រាមអាចធ្វើឲ្យទំនាក់ទំនងការទូតរបស់ទីក្រុង Moscow ឯកាកាន់តែខ្លាំង ដោយសារតែយុទ្ធនាការដែលបានសម្លាប់មនុស្សរាប់ពាន់នាក់ និងបង្កឲ្យមានការប្រយុទ្ធគ្នាដ៏ធ្ងន់ធ្ងរបំផុតរបស់អឺរ៉ុបចាប់តាំងពីសង្គ្រាមលោកលើកទី២ មក។ ទីក្រុង Bakhmut បានក្លាយជាចំណុចសំខាន់នៃការវាយប្រហាររបស់រុស្ស៊ី ដែលកាលពីចុងសប្ដាហ៍នេះភាគីទាំង២ ត្រូវគេរាយការណ៍ថាបានរងការបាត់បង់កម្លាំងកងទ័ពធ្ងន់ធ្ងរ។ កងកម្លាំងរុស្ស៊ីដែលដឹកនាំដោយទាហានស៊ីឈ្នួលវ៉េកណា (Wagner) ដណ្ដើមយកបានភាគខាងកើតរបស់ទីក្រុងនេះ ប៉ុន្តែពុំអាចឡោមព័ទ្ធទីក្រុងនេះបានទាំងស្រុង៕អត្ថបទ៖ សុខមាន

កំណើនអ្នកស្លាប់ដោយសារព្យុះស៊ីក្លូន Freddy នៅប្រទេសម៉ាឡាវីកើនឡើងដល់ជិត ១០០នាក់

ម៉ាឡាវី៖ ទីភ្នាក់ងារគ្រោះមហន្តរាយរបស់ប្រទេសបាននិយាយកាលពីថ្ងៃចន្ទថា មនុស្សជិត ១០០នាក់បានស្លាប់នៅក្នុងសង្កាត់ភាគខាងត្បូងប្រទេសម៉ាឡាវី បន្ទាប់ពីព្យុះស៊ីក្លូន Freddy បានត្រលប់មកកាន់ប្រទេសអាហ្វ្រិកខាងត្បូងមួយនេះដ៏កម្រ ដោយនាំមកនូវទឹកភ្លៀងធ្លាក់ខ្លាំងបណ្តាលឲ្យមានទឹកជំនន់។ លោក Charles Kalemba ស្នងការនៃនាយកដ្ឋានគ្រប់គ្រងកិច្ចការគ្រោះមហន្តរាយបាននិយាយថា ចំនួនអ្នកស្លាប់បានកើនឡើងដល់ ៩៩នាក់ ប៉ុន្តែតួលេខនេះត្រូវគេរំពឹងថា ចំនួនអ្នកស្លាប់នឹងកើនឡើងបន្ថែមទៀត។ មនុស្ស ១៣៤នាក់ផ្សេងទៀតបានរងរបួស ហើយមនុស្ស ១៦នាក់ត្រូវបានគេរាយការណ៍ថាបានបាត់ខ្លួន បន្ទាប់ពីព្យុះស៊ីក្លូន Freddy ជាព្យុះមានរយៈពេលយូរបំផុតក្នុងកំណត់ត្រា បានរំខានដល់ការឆ្លងកាត់ទ្វីបអាហ្វ្រិកខាងត្បូងកាលពីចុងសប្តាហ៍ជាលើកទីពីរ ដែលបានត្រលប់មកវិញបន្ទាប់ពីព្យុះនេះកើតឡើងលើកទី១ កាលពីចុងខែកុម្ភៈ។ រដ្ឋធានីពាណិជ្ជកម្ម Blantyre របស់ប្រទេសម៉ាឡាវីបានកត់ត្រាចំនួនអ្នកស្លាប់ ៨៥នាក់។ លោក Kalemba បាននិយាយថា មនុស្សច្រើនជាង ១០,០០០នាក់បានរងផលប៉ះពាល់ដោយសារព្យុះនេះ។ តំបន់លំនៅឋានក្នុងរដ្ឋធានី Blantyre ត្រូវបានគ្របដណ្ដប់ដោយទឹកល្បាប់ ខណៈប្រតិបត្តិការរុករក និងជួយសង្គ្រោះបានជីកកកាយថ្មដើម្បីស្វែងរកសាកសពដែលជាប់។ ឥទ្ធិពលនៃព្យុះស៊ីក្លូនបានបង្កបញ្ហាកាន់តែច្រើនឡើងលើប្រទេសមួយនេះ ដែលកំពុងប្រឈមការផ្ទុះឡើងជំងឺអាសន្នរោគដ៏កាចសាហាវក្នុងប្រវត្តិសាស្ត្ររបស់ខ្លួន ដែលបានសម្លាប់មនុស្សច្រើនជាង ១,៦០០នាក់ចាប់តាំងពីឆ្នាំមុន៕អត្ថបទ៖ ប៊ុនថន

យោធាមីយ៉ាន់ម៉ា និងក្រុមអ្នកតវ៉ាប្រឆាំងរបបសឹកចោទដាក់គ្នា ជុំវិញការវាយប្រហារសម្លាប់មនុស្សប្រហែល ៣០នាក់

មីយ៉ាន់ម៉ា៖ របបសឹកសហភាពមីយ៉ាន់ម៉ា និងក្រុមអ្នកតវ៉ាប្រឆាំងយោធាបានចោទដាក់គ្នាកាលពីថ្ងៃចន្ទ ទាក់ទងនឹងការវាយប្រហារសម្លាប់មនុស្សប្រហែល ៣០នាក់ដែលកំពុងស្នាក់នៅក្នុងវត្តអារាមមួយកន្លែងនៅក្នុងរដ្ឋ Shan ភាគខាងត្បូងប្រទេសនេះ។យោងតាមកងកម្លាំងការពារជាតិការ៉ែន ទាហានបានបាញ់សម្លាប់មនុស្ស ៣៣នាក់រួមទាំងព្រះសង្ឃពុទ្ធសាសនា ៣អង្គ ក្រោយបញ្ជាឲ្យជនស៊ីវិលដែលកំពុងរស់នៅក្នុងវត្តអារាមមួយចេញមកក្រៅទាំងអស់។ ក្រុមឧទ្ទាមចំនួន២ ដែលកំពុងធ្វើប្រតិបត្តិការនៅជុំវិញរដ្ឋ Shan គឺក្រុមកងកម្លាំងការពារជាតិការ៉ែន (KNDF) និងក្រុមកងកម្លាំងការពារជាតិ Pa-O និយាយថា ទាហានបានចូលទៅក្នុងភូមិ Nam Neint កាលពីថ្ងៃសៅរ៍។ ប្រទេសនៅអាស៊ីអាគ្នេយ៍មួយនេះបានធ្លាក់ក្នុងភាពវឹកវរ ចាប់តាំងពីរដ្ឋប្រហារដោយយោធារយៈពេល ២ឆ្នាំកន្លងមកនេះ ដោយកងកម្លាំងយោធាកំពុងវាយបង្ក្រាបកងកម្លាំងការពារប្រជាជន (PDFs) រាប់សិបទីតាំងនៅទូទាំងប្រទេសនេះ។ក្រុមអ្នកភូមិ និងសារព័ត៌មាននានាបានរាយការណ៍ពីការសម្លាប់ និងដុតបំផ្លាញលំនៅឋានកើនឡើងពីសំណាក់កងកម្លាំងយោធា នៅក្នុងតំបន់ជាច្រើនរបស់ប្រទេសនេះ ខណៈពួកគេព្យាយាមក្រោកប្រឆាំងរដ្ឋប្រហារដែលបានទម្លាក់រដ្ឋាភិបាលជាប់ឆ្នោតលោកស្រី Aung San Suu Kyi។ អ្នកនាំពាក្យរបបដឹកលោក Zaw Min Tun បានបញ្ជាក់ថា មានការប៉ះទង្គិចគ្នានៅក្នុងភូមិ Nam Neint កាលពីថ្ងៃសៅរ៍ ហើយក្រុមអ្នកប្រយុទ្ធប្រឆាំងរដ្ឋប្រហារមួយចំនួនត្រូវបានសម្លាប់។ លោកក៏បានបញ្ជាក់ផងដែរថា ជនស៊ីវិលមួយចំនួនបានស្លាប់នៅក្នុងភូមិនេះ ប៉ុន្តែបានដាក់ការស្ដីបន្ទោសការស្លាប់ទាំងនោះទៅលើក្រុមអ្នកប្រយុទ្ធកងកម្លាំងការពារប្រជាជន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ឯកឧត្តម ជិន ម៉ាលីន បញ្ជាក់ ៣ចំណុចផ្នែកច្បាប់ ឆ្លើយតបទៅនឹងសេចក្តីថ្លែងការណ៍របស់មេធាវី លោក កឹម សុខា

ប្រទេសម៉ាឡាវីប្រកាសស្ថានភាពគ្រោះមហន្តរាយ ខណៈមនុស្សជាង ២០០នាក់ស្លាប់ដោយសារព្យុះ

កងទ័ពអាមេរិក និងកូរ៉េខាងត្បូងធ្វើសមយុទ្ធយោធារួមគ្នា ខណៈកូរ៉េខាងជើងបាញ់សាកល្បងមីស៊ីល

ចិនបើកព្រំដែនឡើងវិញទាំងស្រុងទទួលភ្ញៀវទេសចរលើកដំបូងចាប់ពីថ្ងៃទី១៥មីនានេះ ក្រោយផ្ទុះ COVID-19

អូស្ត្រាលីនិយាយថា ទីក្រុង Canberra ត្រូវការនាវាមុជទឹកដើរដោយថាមពលនុយក្លេអ៊ែរ ដើម្បីទប់ឥទ្ធិពលយោធាចិន

ចិនព្រមានពីវិថីដ៏គ្រោះថ្នាក់ ក្រោយកិច្ចព្រមព្រៀងទិញនាវាមុជទឹក AUKUS

បំណាក់ដីបណ្តាលឲ្យមនុស្ស ៨នាក់ស្លាប់នៅតំបន់អាម៉ាហ្សូនប្រទេសប្រេស៊ីល

កំណើនអ្នកស្លាប់ដោយសារព្យុះស៊ីក្លូន Freddy នៅប្រទេសម៉ាឡាវីកើនឡើងដល់ជិត ១០០នាក់

យោធាមីយ៉ាន់ម៉ា និងក្រុមអ្នកតវ៉ាប្រឆាំងរបបសឹកចោទដាក់គ្នា ជុំវិញការវាយប្រហារសម្លាប់មនុស្សប្រហែល ៣០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ឯកឧត្តម ជិន ម៉ាលីន បញ្ជាក់ ៣ចំណុចផ្នែកច្បាប់ ឆ្លើយតបទៅនឹងសេចក្តីថ្លែងការណ៍របស់មេធាវី លោក កឹម សុខា

ប្រទេស​ម៉ាឡាវី​ប្រកាស​ស្ថានភាព​គ្រោះ​មហន្តរាយ ខណៈ​មនុស្ស​ជាង ២០០​នាក់​ស្លាប់​ដោយសារ​ព្យុះ​

កងទ័ព​អាមេរិក និង​កូរ៉េខាងត្បូង​ធ្វើ​សមយុទ្ធ​យោធា​រួមគ្នា ខណៈកូ​រ៉េ​ខាងជើង​បាញ់​សាកល្បង​មី​ស៊ី​ល​

ចិន​ព្រមាន​ពី​វិថី​ដ៏​គ្រោះថ្នាក់ ក្រោយ​កិច្ចព្រមព្រៀង​ទិញ​នាវាមុជទឹក AUKUS

បំណាក់​ដី​បណ្តាល​ឲ្យ​មនុស្ស ៨នាក់​ស្លាប់​នៅ​តំបន់​អា​ម៉ា​ហ្សូ​ន​ប្រទេស​ប្រេ​ស៊ី​ល​

កំណើន​អ្នកស្លាប់​ដោយសារ​ព្យុះ​ស៊ីក្លូន Freddy នៅ​ប្រទេស​ម៉ាឡាវី​កើនឡើង​ដល់​ជិត ​១០០​នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសម៉ាឡាវីប្រកាសស្ថានភាពគ្រោះមហន្តរាយ ខណៈមនុស្សជាង ២០០នាក់ស្លាប់ដោយសារព្យុះ

កងទ័ពអាមេរិក និងកូរ៉េខាងត្បូងធ្វើសមយុទ្ធយោធារួមគ្នា ខណៈកូរ៉េខាងជើងបាញ់សាកល្បងមីស៊ីល

ចិនព្រមានពីវិថីដ៏គ្រោះថ្នាក់ ក្រោយកិច្ចព្រមព្រៀងទិញនាវាមុជទឹក AUKUS

បំណាក់ដីបណ្តាលឲ្យមនុស្ស ៨នាក់ស្លាប់នៅតំបន់អាម៉ាហ្សូនប្រទេសប្រេស៊ីល

កំណើនអ្នកស្លាប់ដោយសារព្យុះស៊ីក្លូន Freddy នៅប្រទេសម៉ាឡាវីកើនឡើងដល់ជិត ១០០នាក់