នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​
សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

សម្តេចតេជោនាយករដ្ឋមន្រ្តី ហ៊ុន សែន និងឯកឧត្តមនាយករដ្ឋមន្រ្តី លី ខឺឈាង បានអញ្ជើញជួបពិភាក្សាកំពូលទ្វេភាគី ក្នុងបរិយាកាសស្និទ្ធស្នាលរាក់ទាក់បំផុត

2023/02/11 04:37:11 am        110
Facebook Telegram Linkin
ភ្នំពេញ៖ សម្តេចតេជោនាយករដ្ឋមន្រ្តី ហ៊ុន សែន និងឯកឧត្តមនាយករដ្ឋមន្រ្តី លី ខឺឈាង បានអញ្ជើញជួបពិភាក្សាកំពូលទ្វេភាគី ក្នុងបរិយាកាសស្និទ្ធស្នាលរ៉ាក់ទាក់បំផុត នៅល្ងាចថ្ងៃទី១០ ខែកុម្ភៈ ឆ្នាំ២០២។ក្នុងជំនួបកំពូលទ្វេភាគីនោះ ភាគីទាំងពីរកម្ពុជា-ចិន បានវាយតម្លៃខ្ពស់ចំពោះវឌ្ឍនភាព នៃមិត្តភាពរឹងមាណដូចដែរថែប និងឯកភាពបន្តជំរុញការផ្លាស់ប្តូរកម្រិតខ្ពស់ គ្រប់ទម្រង់ ដើម្បីការអភិវឌ្ឍទំនាក់ទំនងជាយុទ្ធសាស្រ្ត និងការជឿជាក់ផ្នែកនយោបាយ។ ភាគីទាំងពីប្រកាសពិធីសម្ពោធព្រឹត្តិការនានា នៃឆ្នាំមិត្តភាពកម្ពុជា-ចិន ដើម្បីអបអរសាទរខួបលើកទី៦៥ នៃការបង្កើតទំនាក់ទំនងការទូតកម្ពុជា-ចិន សំដៅជំរុញការកសាងសហគមន៍វិសនារួមកម្ពុជា-ចិន ប្រកបដោយគុណភាព និងកម្រិតខ្ពស់។ ភាគីចិនកោតសរសើរចំពោះសមិទ្ធផលសំខាន់ៗនានា ដែលកម្ពុជាសំរេចបាន ក្នុងការកសាងស្ថេរភាពជាតិ វិបុលភាព ព្រមទាំងពង្រីកឥទ្ធិពលកម្ពុជាលើឆាកអន្តរជាតិ។ ភាគីចិនគាំទ្រពេញទំហឹងចំពោះ ១-ការជ្រើសរើសមាគ៌ា អភិវឌ្ឍន៍របស់កម្ពុជា ស្របតាមលក្ខខណ្ឌជាតិរបស់ខ្លួន ២-កិច្ចខិតខំប្រឹងប្រែងរបស់កម្ពុជា ក្នុងការការពារអធិបតេយ្យ សន្តិសុខ និងផលប្រយោជន៍អភិវឌ្ឍន៍នានា ៣-ការអភិវឌ្ឍបន្តបន្ទាប់ តាមរបៀបវារៈនយោបាយកម្ពុជា និង៤-ប្រឆាំងដាច់ខាតចំពោះការជ្រៀតជ្រែកចូលកិច្ចការផ្ទៃក្នុងរបស់កម្ពុជា។ កម្ពុជា ១-ប្រកាន់នយោបាយចិនមួយ ២-ប្រឆាំងការជ្រៀតជ្រែកពីខាងក្រៅចូលកិច្ចការផ្ទៃក្នុងរបស់ចិន និង៣-គាំទ្រចិន ការពារផលប្រយោជន៍ស្នូល ព្រមទាំងការបង្រួបបង្រួមជាតិ។ ភាគីទាំងពីរកម្ពុជា-ចិន បានឯកភាពអភិវឌ្ឍក្របខណ្ឌកិច្ចសហប្រតិបត្តិការត្បូងពេជ្រ ផ្តោតសំខាន់លើ .នយោបាយ: ប្រើប្រាស់តួនាទីរបស់គណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន ឲ្យបានពេញលេញ ពង្រឹងការផ្លាស់ប្តូរអន្តរភាគីគ្រប់កម្រិត ទាំងក្នុងក្របខណ្ឌរដ្ឋ បក្ស និងយុវជន និងបន្តកសាងសហគមន៍វាសនារួមកម្ពុជា-ចិន។.សមត្ថភាពផលិតកម្ម: ពង្រឹងកិច្ចសហប្រតិបត្តិការយុទ្ធសាស្រ្ត និងការបន្ស៊ីគ្នារវាងគំនិតផ្តួចផ្តើមខ្សែក្រវ៉ាត់ និងផ្លូវ និងយុទ្ធសាស្រ្តចតុកោណ។ អភិវឌ្ឍន៍ខេត្តព្រះសីហនុ ឲ្យក្លាយជាគំរូតំបន់សេដ្ឋកិច្ចពិសេសពហុបំណង និងបង្កើនកិច្ចសហប្រតិបត្តិការលើវិស័យដឹកជញ្ជូន បណ្តាញអគ្គិសនី ខ្សែកាប្លិ៍អុបទិក ឃ្លាំងស្តុក និងភស្តុភារកម្ម ហើយចិននិងគាំទ្រកម្ពុជា ក្នុងការអភិវឌ្ឍគម្រោងផ្លូវដែក។ .កសិកម្ម: សិក្សាបង្កើត (ច្រករបៀងមច្ឆា និងអង្ករ) អភិវឌ្ឍន៍កសិកម្មអេកូឡូស៊ីទំនើប ពន្លឿនផែនការអភិវឌ្ឍន៍កសិកម្មទំនើប ស្វែងរកកិច្ចសហប្រតិបត្តិការកសិកម្មឌីជីថល និង គាំទ្រការធ្វើទំនើបកម្មវារីវប្បកម្ម ចម្ការត្រូពិក និងវិស័យសក្តានុពលផ្សេងទៀត។ .ថាមពល: ជំរុញកិច្ចសហប្រតិបត្តិការលើថមពលវារីអគ្គិសនី ថាមពលដើរដោយពន្លឺ និងប្រភពថាមពលស្អាតដទៃទៀត ស្វែងរកដំណោះស្រាយកិច្ចសហប្រតិបត្តិការថាមពលបៃតង ស្ថិរភាព និងពឹងផ្អែកបាន។ .សន្តិសុខ: ចាប់យកសក្តានុពល នៃយន្តការកិច្ចសហប្រតិបត្តិការ រវាងយោធាទាំងពីរ តាមរយៈការពង្រឹងការផ្លាស់ប្តូរកងកម្លាំងសមភាគី និងសមយុទ្ធ និងការហ្វឹកហ្វឺនរួមគ្នា និងបន្តកិច្ចសហប្រតិបត្តិការផ្លាស់ប្តូរ និងចែករំលែកព័ត៌មានរវាងមន្រ្តីអនុវត្តច្បាប់។ វិទ្យាសាស្រ្ត បច្ចេកវិទ្យា ការអប់រំ វប្បធម៌ ទេសចរណ៍ សុខាភិបាល និងការផ្លាស់ប្តូរប្រជាជន និងប្រជាជន។ ភាគីទាំងពីរកម្ពុជា-ចិន ឯកភាពបន្តប្រកាន់ខ្ជាប់ ពហុភាគីនិយម និងគាំទ្រប្រព័ន្ធពាណិជ្ជកម្មពហុភាគី ដែលមានអង្គការពាណិជ្ជកម្មពិភពលោកជាស្នូល។ ចិនអបអរសាទរភាពជោគជ័យរបស់កម្ពុជា ក្នុងភាពជាប្រធានអាស៊ានឆ្នាំ២០២២ និងបន្តជំរុញកិច្ចសហប្រតិបត្តិការមេគង្គ-ឡានឆាង។ .បញ្ហាសមុទ្រចិនខាងត្បូង ១-អំពាវនាវដល់ភាគីពាក់ព័ន្ធអនុវត្តឲ្យបានពេញលេញ និងប្រសិទ្ធភាព នូវសេចក្តីប្រកាសស្តីពីការប្រតិបត្តិ របស់បណ្តាភាគីនៅសមុទ្រចិនខាងត្បូង (DOC) ដើម្បីជំរុញកិច្ចសហប្រតិបត្តិការលម្ហសមុទ្រ និង២-ពន្លឿនការសម្រេចនូវ ក្រមប្រតិបត្តិសមុទ្រចិនខាងត្បូង (COC) ប្រកបដោយខ្លឹមសារ និងប្រសិទ្ធភាព។  បន្ទាប់មកសម្តេចតេជោ ហ៊ុន សែន និងឯកឧត្តមនាយករដ្ឋមន្រ្តីចិន លី ខឺឈាង អញ្ជើញធ្វើជាសាក្សី នៃពិធីចុះហត្ថលេខាលើឯកសារ កិច្ចព្រមព្រៀងសំខាន់ៗចំនួន១២ ត្រូវបានចុះហត្ថលេខា នៅក្នុងដំណើរបំពេញទស្សនកិច្ចផ្លូវការរបស់ សម្តេចតេជោនាយករដ្ឋមន្រ្តី ទៅកាន់សាធារណរដ្ឋប្រជាមានិតចិន ក្នុងនោះរួមមាន ១-កិច្ចព្រមព្រៀង ស្តីពីការពង្រឹងកិច្ចសហប្រតិ បត្តិការ ក្នុងការកសាងសហគមន៍វាសនារួម កម្ពុជា-ចិន នៅក្នុងយុគសម័យថ្មី រវាងក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងក្រសួងការបរទេសចិន ភាគីកម្ពុជាចុះហត្ថលេខាដោយឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ ភាគីចិនចុះហត្ថលេខាដោយឯកឧត្តម ឈីន កាង(Qin Gang) រដ្ឋមន្រ្តីការបរទេស ២-កិច្ចព្រមព្រៀងអនុវត្តគម្រោងអភិវឌ្ឍ សាកលវិទ្យាល័យក្រចេះ ជំហានទី២ ក្នុងក្របខណ្ឌហិរញ្ញប្បទានឥតសំណងរបស់រដ្ឋាភិបាលចិន ភាគីកម្ពុជាដោយឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ ភាគីចិនចុះហត្ថលេខាដោយឯកឧត្តម វ៉ាង វិន ថាវ (Wang Wentao) រដ្ឋមន្រ្តីក្រសួងពាណិជ្ជកម្ម ៣-ផែនសកម្មភាព ស្តីពីកិច្ចសហប្រតិបត្តិការពាណិជ្ជកម្ម និងសេដ្ឋកិច្ច ឆ្នាំ២០២៣-២០២៤ ភាគីកម្ពុជាចុះហត្ថលេខាដោយ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ភាគីចិនចុះហត្ថលេខាដោយ ឯកឧត្តម វ៉ាង វិន ថាវ (Wang Wentao) រដ្ឋមន្រ្តីក្រសួងពាណិជ្ជកម្ម ៤-ពិធីសារស្តីពីលក្ខខណ្ឌតម្រូវចត្តាឡីស័ក និងអនាម័យ សម្រាប់នាំចេញវារីសត្វរស់ពីកម្ពុជា ទៅកាន់ប្រទេសចិន ភាគីកម្ពុជាចុះហត្ថលេខាដោយឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាណ និងនេសាទ ភាគីចិនចុះហត្ថលេខាដោយ ឯកឧត្តម យូ ជៀនហ័រ (Yu Jianhua) អគ្គនាយក នៃអគ្គរដ្ឋបាលគយចិន(GACC) ៥-អនុស្សារណៈ នៃកិច្ចសហប្រតិបត្តិការរវាងក្រសួងព័ត៌មានកម្ពុជា និងអគ្គស្ថានីយ៍វិទ្យុ និងទូរទស្សន៍មជ្ឈឹមចិន ភាគីកម្ពុជាចុះហត្ថលេខាដោយ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ភាគីចិនចុះហត្ថលេខាដោយ ឯកឧត្តម សិន ហាយស្យុង (Shen Haixiong) អគ្គនាយក នៃអគ្គស្ថានីយវិទ្យុ និងទូរទស្សន៍មជ្ឈមចិន ៦-កិច្ចព្រមព្រៀង នៃកិច្ចសហប្រតិបត្តិការរវាងទីភ្នាក់ងារសារព័ត៌មានកម្ពុជា និងទីភ្នាក់ងារស៊ីនហួ ភាគីកម្ពុជាចុះហត្ថលេខាដោយឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ភាគីចិនចុះហត្ថលេខាដោយ ឯកឧត្តម ហ្វូ ហ័រ (Fu Hua ) ប្រធានទីភ្នាក់ងារស៊ីនហួ ៧-សេចក្តីថ្លែងការណ៍រួម ស្តីពីគំនិតផ្តួចផ្តើមកិច្ចសហការអាស៊ី សម្រាប់ការអភិរក្សបេតិកភណ្ឌវប្បធម៌ ភាគីកម្ពុជាចុះហត្ថលេខាដោយលោកជំទាវ ទូត បញ្ញា រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ភាគីចិនចុះហត្ថលេខាដោយ ឯកឧត្តម លី ឈិន (Li Qun) អនុរដ្ឋមន្រ្តីក្រសួងវប្បធម៌ និងទេសចរណ៍ចិន និងជាប្រធានរដ្ឋបាលបេតិកភណ្ឌវប្បធម៌ជាតិចិន ៨-អនុស្សារណៈ នៃការយោគយល់គ្នា ស្តីពីផែនការសហប្រតិបត្តិការអភិវឌ្ឍន៍កម្ពុជា-ចិន ឆ្នាំ២០២៣-២០២៥ ភាគីម្ពុជាចុះហត្ថលេខាដោយ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ភាគីចិនចុះហត្ថលេខាដោយឯកឧត្តម លូក ចាវហួយ (Luo Zhaohui) ប្រធានសហប្រតិបត្តិការអភិវឌ្ឍន៍អន្តរជាតិចិន ៩-លិខិតប្តូរសារស្តីពីការសិក្សាសមិទ្ធផលលទ្ធភាពគម្រោងសាកល្បង កិច្ចសហប្រតិបត្តិការការកាត់បន្ថយភាពក្រីក្រ នៅកម្ពុជាជំហានទី២ ភាគីម្ពុជាចុះហត្ថលេខាដោយ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ភាគីចិនចុះហត្ថលេខាដោយឯកឧត្តម លូក ចាវហួយ (Luo Zhaohui) ប្រធានសហប្រតិបត្តិការអភិវឌ្ឍន៍អន្តរជាតិចិន ១០-លិខិតប្រគល់ទទួលនូវទឹកប្រាក់ហិរញ្ញប្បទានឥតសំ ណង ចំនួន ៤,៤លានដុល្លាអាមេរិក សម្រាប់គម្រោងកាត់បន្ថយយុទ្ធភណ្ឌមិនទាន់ផ្ទុះ នៅប្រទេសកម្ពុជា ភាគីម្ពុជាចុះហត្ថលេខាដោយ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ភាគីចិនចុះហត្ថលេខាដោយឯកឧត្តម វ៉ាង វិនថាវ (Wang Wentao)រដ្ឋមន្រ្តីក្រសួងពាណិជ្ជកម្ម ១១-កិច្ចព្រមព្រៀងក្របខណ្ឌ សម្រាប់គម្រោងអភិវឌ្ឍន៍ អាងទឹកដងកាំបិត ខេត្តកំពង់ធំ ភាគីម្ពុជាចុះហត្ថលេខាដោយ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ភាគីចិនចុះហត្ថលេខាដោយឯកឧត្តម លូក ចាវហួយ (Luo Zhaohui) ប្រធានសហប្រតិបត្តិការអភិវឌ្ឍន៍អន្តរជាតិចិន និង១២-កិច្ចព្រមព្រៀងឥណទានសម្បទាន សម្រាប់គម្រោងអភិវឌ្ឍន៍អាងទឹកដងកាំបិត ខេត្តកំពង់ធំ ភាគីម្ពុជាចុះហត្ថលេខាដោយ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ភាគីចិនចុះហត្ថលេខាដោយ ឯកឧត្តម អ៊ូ ហ្វូលីន (Wu Fulin) ប្រធានធនាគារ អាហរណ៍ នីហ័រណចិន។បន្ទាប់មកប្រមុខដឹកនាំរដ្ឋាភិបាល នៃប្រទេសទាំងពីរកម្ពុជា អញ្ជើញជាអធិបតីដ៏ខ្ពង់ខ្ពស់ ក្នុងពិធីចុចប៊ូតុងដើម្បីបង្ហាញវីដេអូខ្លី ស្តីពីសកម្មភាពនៃពិធីអបអរសាទរខួបលើកទី៦៥ នៃការបង្កើតទំនាក់ទំនងការទូតកម្ពុជា-ចិន។ដោយឡែកនៅរាត្រីថ្ងៃទី១០កុម្ភៈនោះដែរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ក្នុងពិធីបើកវេទិកាធុរកិច្ច វិនិយោគ និងទេសចរណ៍កម្ពុជា ចិន ដែលរៀបចំឡើងដោយ ក្រសួងពាណិជ្ជកម្ម នៃព្រះរាជាណាចក្រកម្ពុជា ក្រុមប្រឹក្សាជំរុញពាណិជ្ជកម្មអន្តរជាតិ នៃសាធារណរដ្ឋប្រជាមានិតចិន សភាពាណិជ្ជកម្មកម្ពុជា សភាពាណិជ្ជកម្មអន្តរជាតិចិន និងសហការរៀបចំដោយ ក្រសួងការបរទេស នៃសាធារណរដ្ឋប្រជាមានិតចិន ក្រសួងវប្បធម៌ និងទេសចរណ៍ នៃសាធារណរដ្ឋប្រជាមានិតចិន។

សម្តេចតេជោនាយករដ្ឋមន្រ្តី អញ្ជើញជួបសំដែងការគួរសម ឯកឧត្តម ស៊ី ជិនពីង ប្រធានាធិបតី នៃសាធារណរដ្ឋប្រជាមានិតចិន

2023/02/10 09:34:06 pm        623
Facebook Telegram Linkin
ភ្នំពេញ៖ នៅព្រឹកថ្ងៃទី១០ ខែកុម្ភៈ ឆ្នាំ២០២៣ ដែលជាថ្ងៃទី២ នៃដំណើរបំពេញទស្សនកិច្ចផ្លូវការ នៅរដ្ឋធានីប៉េកាំង នៃសាធារណរដ្ឋប្រជាមានិតចិន សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រាជរដ្ឋាភិបាលកម្ពុជា បានអញ្ជើញជួបសំដែងការគួរសម ឯកឧត្តម ស៊ី ជិនពីង ប្រធានាធិបតី នៃសាធារណរដ្ឋប្រជាមានិតចិន។ក្នុងជំនួបដែលធ្វើឡើងនៅផ្ទះសំណាក់រដ្ឋ Diao Yutai រដ្ឋធានីប៉េកាំង ឯកឧត្តម ស៊ី  ជិនពីង មានប្រសាសន៍សំដែងនូវការស្វាគមន៍ចំពោះសម្តេចតេជោនាយករដ្ឋមន្រ្តី ជាមេដឹកនាំពិភពលោកលើកទី១ ដែលបានអញ្ជើញមកបំពេញទស្សនកិច្ចនៅប្រទេសចិន បន្ទាប់ពីពិធីចូលឆ្នាំថ្មីរបស់ប្រជាជនចិន។ សម្តេចតេជោបានអបអរសាទរ ចំពោះការអញ្ជើញនេះ។ សម្តេចបន្តថា កាលដែលសម្តេចអញ្ជើញមកាន់ប្រទេសចិន កាលពីថ្ងៃទី៥ ខែកុម្ភៈឆ្នាំ២០២០ ពេលដែលផ្ទុះកូវីដ-១៩ យ៉ាងខ្លាំងនោះ គឺចង់លើកទឹកចិត្តនិស្សិតមួយចំនួននៅវ៉ូហាន និងម៉្យាងវិញទៀត សម្តេចក៏ដូចជា កម្ពុជាចង់ឈរនៅជាមួយប្រជាជនចិន នៅពេលជួបគ្រាលំបាក។ក្នុងជំនួបគ្នានោះ មេដឹកនាំទាំងពីរកម្ពុជា-ចិន បានពិភាក្សាយ៉ាងយកចិត្តទុកដាក់ លើកិច្ចសហប្រតិបត្តិការទ្វេភាគី ពហុភាគី និងបញ្ហាអន្តរជាតិ ដែលមានការយកចិត្តទុកដាក់គ្នា។ ឯកឧត្តម ស៊ី ជីនពីង មានប្រសាសន៍កោតសរសើរចំពោះស្នាដៃរបស់សម្តេច និងរាជរដ្ឋាភិបាលកម្ពុជា ក្នុងការដឹកនាំកិច្ចប្រជុំកំពូលអាស៊ានទទួលបានជោគជ័យដ៏ត្រចះត្រចង់។សម្តេចបានថ្លែងអំណរគុណចំពោះមិត្តចិន ដែលបានចូលរួមធានាឲ្យទទួលបានជោគជ័យ។ នៅក្នុងជំនួបគ្នានោះមេដឹកនាំទាំងពីរ បានវាយតម្លៃខ្ពស់ចំពោះទំនាក់ទំនងទ្វេភាគី នៃប្រទេសទាំងពីរ ដែលឈានពីកិច្ចសហប្រតិបត្តិគ្រប់ជ្រុងជ្រោយ ទៅជាមិត្តដែកថែម និងឈានទៅកិច្ចសហប្រតិបត្តិការសហគមន៍រួម ជោគវាសនាតែមួយ។ មេដឹកនាំទាំងពីរ និងបន្តពង្រឹងស្មារតីកសាងសហគមន៍តែមួយ ជោគវាសនាតែមួយ ដែលផ្តោតសំខាន់លើវិស័យចំនួន៦ រួមមានទី១ នយោបាយ និងការទូត ២ វិស័យសមត្ថភាពផលិត និងវាយភណ្ឌ ៣កសិកម្ម ៤ ថាមពល ៥សន្តិសុខ ៦ទំនាក់ទំនងរវាងប្រជាជននិងប្រជាជន រួមទាំងការលើកកម្ពស់វិស័យសុខាភិបាលនៅកម្ពុជា។នៅក្នុងជំនួបគ្នានេះ ឯកឧត្តម ស៊ី ជីនពីង បានគាំទ្រចំពោះជំហគោលនយោបាយរបស់កម្ពុជា ចំពោះភាពឯករាជ្យ បូរណភាពទឹកដី របស់កម្ពុជា។ ទាក់ទិននិងការលើកឡើងរបស់ ឯកឧត្តមប្រធានាធិបតីចិន សម្តេចតេជោបានឆ្លើយតបថា ជំនួយឧបត្ថម្ភរបស់ចិន គឺមិនគ្រាន់តែចូលរួមចំណែកដល់ភាពរីកចំរើនរបស់កម្ពុជាប៉ុណ្ណោះទេ តែបានរួមចំណែកដល់ការពង្រឹងឯករាជ្យភាពរបស់កម្ពុជា ខ្ពស់មុខខ្ពស់មាត់លើឆាកអន្តរជាតិ។ ភាគីទាំងពីរបានវាយតម្លៃខ្ពស់ ចំពោះការចូលជាធរមាននៃកិច្ចព្រមព្រៀងសេរីកម្ពុជា-ចិន ដែលបានចូលជាធរមានកាលពីថ្ងៃទី១ ខែមករាឆ្នាំ២០២៣ ដែលបានជំរុញការបើកទីផ្សាររបស់ចិន ទទួលកសិផលនិងមច្ឆាជាតិរបស់កម្ពុជា។ឯកឧត្តមប្រធានាធិបតីមានប្រសាសន៍ចាប់អារម្មណ៍ពីការអភិវឌ្ឍកសិកម្ម និងវារីវប្បធម៌នៅតំបន់ជុំវិញបេឹងទន្លេសាប។ ទាក់ទិនទៅនិងប្រសាសន៍លើកឡើងរបស់ឯកឧត្តមប្រធានាធិបតី សម្តេចបានស្វាគមន៍ចំពោះគំនិតផ្តួចផ្តើមដ៏មានសារៈសំខាន់របស់ឯកឧត្តមប្រធានាធិបតី ដើម្បីបង្កើតរបៀងមច្ឆាជាតិ និងអង្គរ នៅភាគពាយ័ព្យរបស់កម្ពុជា។សម្តេចតេជោបន្តថា កម្ពុជា មានប៉ូលសេដ្ឋកិច្ចចំនួន៣រួចមកហើយ គឺប៉ូលសេដ្ឋកិច្ចភ្នំពេញ ក្រុងព្រះសីហនុ និងឥសាន ហើកម្ពុជានិងបង្កើតប៉ូលសេដ្ឋកិច្ចទី៤ នៅភូមិភាគពាយ័ព្យ។ នៅក្នុងជំនួបគ្នានោះដែរ ឯកឧត្តម ស៊ី ជីនពីង និងសម្តេចតេជោ បានឯកភាពគ្នាក្នុងការជំរុញកិច្ចសហប្រតិបត្តិការលើការជំរុញការផលិតប្រពភថាមពលអគ្គសនីដោយផ្តោតលើការការពារបរិស្ថាន ថាមពលបៃតង។សម្តេចតេជោបានស្នើដល់ឯកឧត្តមប្រធានាធិបតី ជំរុញអ្នកទេសចរណណ៍ចិន មកទស្សនាកម្ពុជាឲ្យកាន់ច្រើនឡើង បន្ទាប់ពីការបន្ធូរបន្ថយការរិតត្បិតរបស់ប្រទេសចិន ពិសេសការលើកទឹកចិត្តពី ឯកឧត្តមប្រធានាធិបតី ដើម្បីឲ្យអ្នកទេសចរណ៍ចិនធ្វើដំណើរមកកាន់កម្ពុជា ដោយគ្មានការភ័យខ្លាច។សម្តេចតេជោ មានប្រសាសន៍សង្កត់ធ្ងន់ថា សេដ្ឋកិច្ចកម្ពុជាងើបឈរឡើងវិញ គឺដោយសារកាយវិការ និងការជួយឧបត្ថម្ភរបស់ប្រទេសចិន ក្នុងការផ្តល់វ៉ាក់សាំង ពោលបើមិនមានវ៉ាក់សាំងចាក់ស្រោយដែលផ្តល់ដោយភាគីចិនទេនោះ មិនដឹងថាប្រជាជនកម្ពុជាមានវាសនាបែបណានោះទេ ពិសេសកម្ពុជាបានបើកសេដ្ឋកិច្ច និងប្រទេសឡើងវិញ កាលពីថ្ងៃទី១ ខែវច្ឆិកា ឆ្នាំ២០២៣។ឯកឧត្តមប្រធានាធិបតីចិន ស៊ី ជិនពីង បានអរគុណចំពោះសម្តេចតេជោ ដែលបានប្រកាសជាសាធារណៈថា បើខ្ញុំមិនពឹងចិនទេ តើឲ្យខ្ញុំទៅពឹងអ្នកណា។ឯកឧត្តម ស៊ី ជិនពីង បានឧបត្ថម្ភជំនួយឥតសំណងមានទឹកប្រាក់ ៣០០លានយ័ន ចំពោះគម្រោងផ្លូវដែកកម្ពុជា ដើម្បីលើកកម្ពស់ជីវភាពរស់នៅរបស់ប្រជាជនកម្ពុជា។ ក្នុងជំនួបគ្នាដែលបានចំណាយពេលប្រំាណ ១០០នាទី មេដឹកនាំនៃប្រទេសទាំងពីរ បានឯកភាពគ្នាក្នុងការជំរុញកិច្ចសហប្រតិបត្តិការត្បូងពេជ្រ ដើម្បីជំរុញទំនាក់ទំនងនៃប្រទេសទាំងពីរ ឈានដល់ចំណុចកំពូលថ្មីមួយទៀត៕ 

ចិន​រិះគន់​ការ​ធ្វើ​អត្ថាធិប្បាយ​គ្មាន​ការទទួលខុសត្រូវ​រប​ស់​លោក ​Biden​ ពាក់ព័ន្ធ​នឹង​លោក Xi Jinping

2023/02/10 09:30:46 pm        624
Facebook Telegram Linkin
​ចិន៖ កាលពី​ថ្ងៃ​ព្រហស្បតិ៍​ ទី​៩​កុម្ភៈ ទីក្រុង​ប៉េកាំង​បាន​ថ្កោលទោស​ការអត្ថាធិប្បាយ​របស់​លោក​ប្រធានាធិបតី​អាមេរិក Joe Biden ដែលថា​លោក Xi Jinping ប្រឈម​នឹង​បញ្ហា​ជាច្រើន ​ដោយ​និយាយ​ថាគឺជា​ការអត្ថាធិប្បាយ​គ្មាន​ការទទួលខុសត្រូវ​។ ​សង្គ្រាម​វោហារសាស្ត្រ​ចុងក្រោយ​រវាង​សហរដ្ឋអាមេរិក​ និង​ប្រទេស​ចិន​ពេលនេះបាន​កើត​មាន​ឡើង ​បន្ទាប់ពី​ការ​បាញ់​ទម្លាក់​បា​ឡុង​របស់​ចិន​កាលពី​សប្ដាហ៍​មុន ដែល​ទីក្រុង​វ៉ាស៊ីនតោន​បាន​និយាយ​ថា ជា​ផ្នែក​មួយ​នៃ​កង​បា​ឡុង​ចារកម្ម​ដែល​បាន​ប្រើប្រាស់​ពង្រីក​ទៅដល់​ទ្វីប​ទាំង​៥។ ប្រទេស​ចិន​ក៏បាន​និយាយ​កាលពី​ថ្ងៃ​ព្រហស្បតិ៍​ផងដែរ​ថា ខ្លួន​បាន​ច្រានចោល​សំណើ​សន្ទនា​តាម​ទូរស័ព្ទ​ជាមួយ​ប្រមុខ​ការពារជាតិ​អាមេរិក ដោយសារតែ​សេចក្ដីសម្រេចចិត្ត​គ្មាន​ការទទួលខុសត្រូវ​រប​ស់​ក្រុង​វ៉ា​ស៊ីនតោន ក្នុង​ការបាញ់​ទម្លាក់​បា​ឡុង​ដែល​ចោទប្រកាន់ថា​ជា​បា​ឡុង​ចារកម្ម​កាលពី​សប្ដាហ៍​មុន​។ ​ក្រសួងការពារជាតិ​ចិន​បាន​និយាយ​នៅក្នុង​សេចក្ដីថ្លែងការណ៍​មួយ​ថា ការប្រើប្រាស់​មធ្យោបាយ​ដ៏​ឆ្គាំឆ្គង​ដែល​គ្មាន​ការទទួលខុសត្រូវ​ និង​ធ្ងន់ធ្ងរ​ពី​សហរដ្ឋអាមេរិក​បែប​នេះ ពុំបាន​បង្កើត​បរិយាកាស​ត្រឹមត្រូវសម្រាប់​ការសន្ទនា និង​ការផ្លាស់ប្ដូរ​យោបល់​រវាង​យោធា​ទាំង​២ ​ឡើយ​។ ​ក្រោយ​ទទួលបាន​ភាពកក់ក្ដៅ​មួយរយៈ​ខ្លី បន្ទាប់ពី​កិច្ចប្រជុំ G20 កាលពី​ខែវិច្ឆិកានៅ​ប្រទេស​ឥណ្ឌូនេស៊ី រវាង​លោក Biden និង​លោក Xi ទំនាក់ទំនង​ចិន​-​អាមេរិកបាន​ធ្លាក់ចុះ​ជាថ្មី ហើយ​ប្រមុខ​ការទូត​អាមេរិកលោក Antony Blinken បាន​លុបចោល​ដំណើរ​ទស្សនកិច្ច​ទៅកាន់​ទីក្រុង​ប៉េកាំង​កាលពី​សប្ដាហ៍​មុន ដោយសារតែ​ជម្លោះ​ជុំវិញ​ការបាញ់​ទម្លាក់​បា​ឡុង​នេះ៕អត្ថបទ៖ សុខមាន

ឯកឧត្ដម ខៀវ កាញារីទ្ធ៖សម្ដេចតេជោ ហ៊ុន សែន និងប្រធានាធិបតីចិនពិភាក្សាពីការបង្កើតប៉ូលសេដ្ឋកិច្ចទី៤ និងកិច្ចសហប្រតិបត្តិការ «ពេជ្រ» កម្ពុជា-ចិន ២០២៥

2023/02/10 08:41:03 pm        759
Facebook Telegram Linkin
ភ្នំពេញ៖ ឯកឧត្ដម ខៀវ កាញារីទ្ធ រដ្ឋមន្រ្ដីក្រសួងព័ត៌មាន បានសរសេរនៅលើបណ្ដាញសង្គមហ្វេសប៊ុកផ្លូវការនាថ្ងៃទី១០ ខែកុម្ភៈ ឆ្នាំ២០២៣នេះថា ក្នុងជំនួបពិភាក្សាការងាររវាងសម្ដេចតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា និងឯកឧត្ដម ស៊ី ជីនពីង ប្រធានាធិបតីចិន នាព្រឹកថ្ងៃទី ១០ កុម្ភៈ ២០២៣ នេះ គឺបានពិភាក្សាគ្នាលើការបង្កើត ប៉ូលសេដ្ឋកិច្ចទី ៤ នៅកម្ពុជា និងវាយតម្លៃខ្ពស់លើកិច្ចសហប្រតិបត្តិការ «ពេជ្រ» កម្ពុជា-ចិន-១០ កុម្ភៈ ២០២៥។ឯកឧត្ដម ខៀវ កាញារីទ្ធ បានសរសេរថា នៅក្នុងជំនួបជាមួយ ឯកឧត្ដម ប្រធានាធិបតីចិន ស៊ី ជីនពីង កាលពីព្រឹកថ្ងៃទី ១០ កុម្ភៈ ២០២៣ នេះ សម្តេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានលើកពីបំណងរបស់សម្តេចក្នុងការបង្កើត ប៉ូលសេដ្ឋកិច្ចទី៤ ទៅលើប៉ូលសេដ្ឋកិច្ចទាំង៣ ដែលមានស្រាប់នោះគឺជាប៉ូលសេដ្ឋកិច្ច ត្រី និងអង្ករ ដែលគ្របដណ្ដប់លើខេត្តនៅទិសនីរតីនៃប្រទេសកម្ពុជា ។ឯកឧត្ដមរដ្ឋមន្រ្ដីក្រសួងព័ត៌មាន បានឱ្យដឹងថា ឯកឧត្ដម ប្រធានាធិបតីចិន ស៊ី ជីនពីង បានស្វាគមន៍សម្តេចតេជោ ហ៊ុន សែន ដែលជា «មិត្តចាស់» និងជាភ្ញៀវបរទេសទី១ បន្ទាប់ពីចូលឆ្នាំថ្មីចិនបានផុតទៅ និងបានវាយតម្លៃខ្ពស់លើកិច្ចសហប្រតិបត្តិការ «ពេជ្រ» កម្ពុជា-ចិន-១០ កុម្ភៈ ២០២៥។គួរបញ្ជាក់ថា នៅវេលាម៉ោង១៣.២០ ម៉ោងនៅប្រទេសចិនត្រូវនឹងម៉ោង១២.២០ ម៉ោងនៅព្រះរាជាណាចក្រកម្ពុជា នាព្រឹកថ្ងៃព្រហស្បតិ៍ ទី០៩ ខែកុម្ភៈ ឆ្នាំ២០២៣នេះ សម្តេចតេជោ ហ៊ុន សែន បានដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា អញ្ជើញទៅដល់ប្រទេសចិនប្រកបដោយសុវត្ថិភាពហើយ ដើម្បីបំពេញទស្សនកិច្ចជាផ្លូវការនៅសាធារណៈរដ្ឋប្រជាមានិតចិន ពីថ្ងៃទី៩ ដល់ថ្ងៃទី១១ ខែកុម្ភៈ ឆ្នាំ២០២៣។វត្តមាននៃការអញ្ជើញដល់របស់ សម្ដេចតេជោ នាយករដ្ឋមន្ត្រីត្រូវបានទទួលការធ្វើគារវកិច្ចស្វាគមន៍យ៉ាងកក់ក្តៅជាទីបំផុតពីសំណាក់ថ្នាក់ដឹកនាំនៃសាធារណរដ្ឋប្រជាមានិតចិន ឯកអគ្គរាជទូតកម្ពុជា ប្រចាំនៅសាធារណរដ្ឋប្រជាមានិតចិន និងថ្នាក់ដឹកនាំសំខាន់ៗជាច្រើនទៀត។ ដំណើរទស្សនកិច្ចរបស់សម្តេចតេជោនាយករដ្ឋមន្ត្រី ទៅកាន់ប្រទេសចិននាពេលនេះ នឹងផ្តល់កាលានុវត្តភាពដល់រដ្ឋាភិបាលទាំងពីរ ដើម្បីជំរុញកិច្ចសហ ប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយ និងធ្វើឱ្យកាន់តែស៊ីជម្រៅ នូវការកសាងសហគមន៍វាសនារួមកម្ពុជា-ចិន ដើម្បីផលប្រយោជន៍ទៅវិញទៅមក សម្រាប់ប្រជាជន និងប្រជាជាតិទាំងពីរ៕

ការបញ្ចុះ​សព​ដ៏​ធំ​ចាប់ផ្តើម​នៅ​ចំណុចកណ្តាល​នៃ​ការរញ្ជួយ​ដី ខណៈ​អ្នកស្លាប់​កើន​លើស​ ២​ម៉ឺន​នាក់

2023/02/10 07:14:37 pm        681
Facebook Telegram Linkin
​ទួរគី៖ ការរញ្ជួយ​ដី​ដ៏​ធំ​ចំនួន​ ២លើក​ក្នុង​រយៈពេល​ត្រឹមតែ​ប៉ុន្មាន​ម៉ោង​ប៉ុណ្ណោះ​កាលពី​ថ្ងៃ​ចន្ទ បាន​បំផ្លាញ​ទីក្រុង និង​ទីប្រជុំជន​នានា​នៅ​ទូទាំង​តំបន់​ភាគខាងត្បូង​ប្រទេស​ទួរគី និង​ភាគ​ពាយព្យ​ប្រទេស​ស៊ី​រី ដែល​បាន​ក្លាយ​ជា​គ្រោះ​មហន្តរាយ​ដ៏​អាក្រក់​បំផុត​ក្នុង​សតវត្សរ៍​នេះ ដោយមាន​ចំនួន​អ្នក​ស្លាប់​ច្រើនជាង ២​ម៉ឺន​នាក់​។ ​នៅ​ក្នុង​ខេត្ត Pazarcik អ្នក​រស់រាន​មាន​ជីវិត​ពី​ការរញ្ជួយ​ដី​ បាន​ចាប់ផ្តើម​បញ្ចុះ​សាកសព​សាច់ញាតិ​របស់​ពួកគេ ​ដែល​បាន​ស្លាប់​រយៈពេល​បួន​ថ្ងៃ​បន្ទាប់ពី​គ្រោះ​មហន្តរាយ​។​ ​វីដេអូ​បង្ហាញ​មនុស្ស​ជា​ច្រើន​នាក់​កំពុង​យំ និង​បួងសួង​នៅ​ជិត​ជួរ​​នៃ​ផ្នូរ​ដែល​ទើប​ជីក​ថ្មីសម្រាប់​ជនរងគ្រោះ​ដោយ​រញ្ជួយ​ដី​។ ​អ្នក​នៅ​រស់​រាន​មាន​ជីវិត​ពី​រញ្ជួយ​ដី​ដែល​កំពុង​រង់ចាំ​លា​សាច់ញាតិ​និយាយ​ថា​ វា​ជា​ថ្ងៃ​ប្រល័យ​លោក​។ ភាព​ត្រជាក់ ភាព​ឃ្លាន និង​ភាព​អស់សង្ឃឹម​បាន​កើត​ឡើង ​សម្រាប់​មនុស្ស​រាប់​សែន​នាក់​ដែល​បាន​បាត់បង់​លំនៅឋាន​ ដោយសារ​ការ​រញ្ជួយ​ដី​នៅ​ក្នុង​ប្រទេស​ទួរគី និង​ស៊ី​រី ខណៈ​ក្តី​សង្ឃឹម​បាន​រសាត់​ទៅ ហើយ​មនុស្ស​ជាច្រើន​ទៀត​ត្រូវ​បាន​មើល​ឃើញ​រស់​នៅ​ក្នុង​ទីក្រុង​បាក់បែក​៕អត្ថបទ៖ ប៊ុនថន

ជំនួយ​អន្តរជាតិ​កាន់តែច្រើន​មកដល់​ ខណៈ​ទឹកជំនន់​នៅតាម​ផ្លូវ ​និង​ការស្វែងរក​ពេលយប់​បន្ត

2023/02/10 06:49:18 pm        634
Facebook Telegram Linkin
​ទួរគី៖ ភាព​ត្រជាក់​ខ្លាំង ភាព​ឃ្លាន និង​ភាព​អស់សង្ឃឹម​បានកើត​ឡើង​ សម្រាប់​មនុស្ស​រាប់​សែន​នាក់​ដែល​បាន​បាត់បង់​លំនៅឋាន បន្ទាប់ពី​រញ្ជួយ​ដី​បាន​វាយប្រហារ​នៅ​ប្រទេស​ទួរគី និង​ស៊ី​រី​កាលពី​បី​ថ្ងៃ​កន្លង​ទៅ​នេះ ខណៈ​ចំនួន​អ្នក​ស្លាប់​បាន​កើន​ឡើង​ដល់​ជាង ២០,០០០​នាក់​។ ចំនួន​អ្នក​ស្លាប់​នៅ​ទូទាំងប្រទេស​ទាំង២ នា​ពេលនេះ​បាន​កើន​លើស ១៧,០០០​នាក់​ដែល​បាន​ស្លាប់​កាលពី​ឆ្នាំ​១៩៩៩ នៅពេលដែល​រញ្ជួយ​ដី​ដ៏​ខ្លាំង​ស្រដៀង​គ្នា​នេះ ​បាន​វាយប្រហារ​ភាគ​ពាយព្យ​ប្រទេស​ទួរគី​។ មនុស្ស​រាប់​សែន​នាក់​នៅ​ទូទាំង​ប្រទេស​ទាំង២ ​បាន​បាត់បង់​លំនៅឋាន​នៅ​ពាក់​កណ្តាល​រដូវរងា​នេះ​។ មនុស្ស​ជាច្រើន​ត្រូវបាន​បោះជំរំ​នៅក្នុង​ទីជម្រក​បណ្ដោះអាសន្ន​នៅក្នុង​ចំណតរថយន្ត​ផ្សារ​ទំនើប វិហារ​ឥស្លាម តាម​ចិញ្ចើមផ្លូវ ហើយ​ជា​ញឹកញាប់​មាន​ភាព​អស់សង្ឃឹម កង្វះ​អាហារ ទឹក និង​កម្ដៅ​។ នៅ​ទីក្រុង​អ៊ី​ខេន​ឌឺ​រុន ​(Iskenderun) ប្រទេស​ទួរគី ផ្លូវ​ជាច្រើន​កន្លែង​ត្រូវ​បាន​ជន់​លិច​ដោយសារ​ការ​រញ្ជួយ​ដី ខណៈ​ត្រាក់ទ័រ​ត្រូវបាន​ដាក់ពង្រាយ​ ដើម្បី​ជួយ​សម្អាត​ផ្លូវ​ពី​សំណល់​ដីល្បាប់​ដ៏​ក្រាស់​។ ក្រុម​ជួយសង្គ្រោះ​មកពី​អ៊ុយ​ក្រែ​នបាន​ស្វែងរក​តាម​កម្ទេចកម្ទី​អគារ​លំនៅឋាន​ក្នុង​ទីក្រុង Hatay ដោយមាន​ជំនួយ​ពី​សត្វ​សុនខ​ហិតក្លិន។ ទីក្រុង​គី​វ​បាន​បញ្ជូន​សមាជិក​ជួយសង្គ្រោះ ៨៨នាក់​ទៅ​ប្រទេស​ទួរគី​ដើម្បី​ជួយសង្គ្រោះ​គ្រោះមហន្តរាយ​។ ក្រុម​នេះ​រួមមាន​អ្នកជំនាញ​ក្នុង​ប្រតិបត្តិ​ការស្វែងរក និង​ក្រុម​ប្រតិបត្តិការ​ជួយសង្គ្រោះ ក្រុម​វេជ្ជបណ្ឌិត អ្នក​កាន់​សត្វ​សុនខ​ហិតក្លិន និង​ក្រុម​ពន្លត់អគ្គីភ័យ​។ កងទ័ព​អាល្លឺម៉ង់​បាន​រើ​យកចេញ​ទំនិញ​សង្គ្រោះ ​សម្រាប់​ជនរងគ្រោះ​ដោយ​រញ្ជួយ​ដី​នៅ​ទួរគី​នៅ​មូលដ្ឋាន​ទ័ពអាកាសអ៊ី​ន​សឺ​លី​ក ​(Incirlik)​។ យោងតាម​កងទ័ព​អាល្លឺម៉ង់​បាន​ឲ្យ​ដឹងថា យន្តហោះ​ដឹកជញ្ជូន Airbus A400M ចំនួន​បី​គ្រឿងបាន​ដឹក​តង់ ប៉ា​អ៊ី និង​ម៉ាស៊ីនកម្ដៅ​អគ្គិសនី​។ ជាមួយគ្នានេះ ប្រទេស​ក្រិច​បាន​បញ្ជូន​តង់ ប៉ា​អ៊ី និង​ភួយ​រាប់ពាន់​កាលពី​ថ្ងៃ​ព្រហស្បតិ៍ ដើម្បី​ជួយ​អ្នក​បាត់បង់​លំនៅឋាន​ដោយសារ​ការរញ្ជួយ​ដី​នេះ ក្នុង​សកម្មភាព​នៃ​សាមគ្គីភាព​ជាមួយ​ប្រទេសជិតខាង​ដែលជា​សម្ព័ន្ធ​យោធា​ការ​ណា​តូ ប៉ុន្តែ​ក៏​ជាស​ត្រូវ​ប្រវត្តិសាស្ត្រ​ផងដែរ​។ បន្ទាប់ពី​ប្រឈមមុខ​នឹង​ការរិះគន់​ជុំវិញ​ការឆ្លើយតប​ដំបូង លោក Erdogan បាន​និយាយ​នៅក្នុង​ដំណើរ​ទស្សនកិច្ច​ទៅកាន់​តំបន់​រងគ្រោះ​កាលពី​ថ្ងៃ​ពុធ​ថា ប្រតិបត្តិការ​ពេលនេះ​កំពុងដំណើរការ​ជាធម្មតា ហើយ​បាន​សន្យា​ថា​​គ្មាន​នរណាម្នាក់​នឹង​គ្មាន​លំនៅឋាន​ឡើយ៕អត្ថបទ៖ ប៊ុនថន

លោក Zelenskyy៖ ​មេដឹកនាំ​សហភាព​អឺរ៉ុប​បាន​ត្រៀម​រួចរាល់​ក្នុង​ការផ្ដល់​យន្តហោះ​ចម្បាំង​ឲ្យ​អ៊ុយ​ក្រែ​ន​

2023/02/10 05:55:45 pm        436
Facebook Telegram Linkin
អ៊ុយក្រែន៖ លោក​ប្រធានាធិបតី​អ៊ុយ​ក្រែ​ន ​Volodymyr Zelenskyy និយាយថា សំណើ​របស់លោក​សម្រាប់​យន្តហោះ​ចម្បាំង​កំពុង​ត្រូវ​បាន​ពិចារណា​ ក្រោយ​ជំនួប​ជាមួយ​បណ្ដា​មេដឹកនាំ​សហភាព​អឺរ៉ុប​នៅ​ក្នុង​ទីក្រុង Brussels ​ជាទី​ដែល​លោក​ក៏បាន​អំពាវនាវ​ជាថ្មី​ផង​ដែរ ​សម្រាប់​ការ​ទទួល​យក​អ៊ុយ​ក្រែ​ន​ចូល​ជា​សមាជិក​ប្លុក​នេះ​។ ​ក្រោយ​ការ​បំពេញ​ទស្សនកិច្ច​ទៅកាន់​ទីក្រុង​ឡុង​ដ៍ និង​ប៉ារីស​កាលពី​ថ្ងៃ​ពុធ​សប្ដាហ៍​នេះ លោក​បាន​និយាយ​ថា លោក​ក៏​មាន​កិច្ចព្រមព្រៀង​ជាក់លាក់​មួយ​ចំនួន​ផង​ដែរ​ ដែល​មិនបាន​បញ្ចេញ​ជា​សាធារណៈ​ ប៉ុន្តែ​ជា​ចំណុច​វិជ្ជមាន​ដោយ​ពុំបាន​បញ្ជាក់​លម្អិត​នោះ​ទេ​។ ​នាយករដ្ឋមន្ត្រី​ហូ​ឡង់​លោក Mark Rutte បាន​ជំរុញ​ឲ្យ​ប្រុងប្រយ័ត្ន​ចំពោះ​ប្រទេសជិតខាង​របស់​លោក ដោយ​បង្ហាញ​ក្ដី​បារម្ភ​ជុំវិញ​ការ​ទាញ​ទម្លាក់​រុស្ស៊ី ​ចូល​ក្នុង​ជម្លោះ​ដោយ​ផ្ទាល់​ជាមួយ​លោក​ខាង​លិច​។ សហភាព​អឺរ៉ុប​និយាយ​ថា ​ខ្លួន​នឹង​ប្រកាស​ការ​ដាក់​ទណ្ឌកម្ម​បន្ថែម​ទៀត​ប្រឆាំង​នឹង​រុស្ស៊ី រួម​ទាំង​បម្រាម​នាំចេញ​ថ្មីៗ និង​ការ​ដាក់​គោលដៅ​លើ​ក្រុម​អ្នក​ឃោសនា​ឲ្យ​លោក​ប្រធានាធិបតី​រុស្ស៊ី Vladimir Putin​។ ​សហភាព​អឺរ៉ុប​បាន​ផ្ដល់​ឋានៈ​ឲ្យ​អ៊ុយ​ក្រែ​ន​ជា​បេក្ខភាព​កាលពី​ខែ​មិថុនា ប៉ុន្តែ​តាម​ធម្មតា​ត្រូវការ​ពេល​ជាច្រើន​ឆ្នាំ ​ដើម្បី​ទទួលយក​ជា​សមាជិក​ពេញលេញ​ចូល​ក្នុង​ប្លុក​នេះ​។ ​លោកស្រី Ursula von der Leyen ប្រធាន​គណៈកម្មការ​អឺរ៉ុប​បាន​និយាយ​ថា ​យើង​នឹង​ដាក់​គោលដៅ​លើ​ក្រុម​អ្នក​ជួយ​ឃោសនា​ឲ្យ​លោក Putin ព្រោះ​ការ​កុហក​របស់​ពួកគេ​កំពុង​បំពុល​សាធារណជន​នៅ​ក្នុង​ប្រទេស​រុស្ស៊ី និង​នៅ​ក្រៅ​ប្រទេស​៕ អត្ថបទ៖ សុខមាន

ទួរគី និង​ស៊ី​រី​បញ្ចេញ​វីដេអូ​ដ៏​រន្ធត់​នៃ​ការ​ជួយ​សង្គ្រោះ​ក្មេងៗ​ចេញពី​កម្ទេច​ថ្ម​ ក្រោយ​រញ្ជួយ​ដី​

2023/02/10 05:24:17 pm        469
Facebook Telegram Linkin
ទួរគី៖ វីដេអូ​ដែល​ត្រូវបាន​បញ្ចេញ​ដោយ​ក្រុម​មូលនិធិ​ជំនួយ​មនុស្សធម៌​របស់​ទួរគី ​ដែល​បាន​បង្ហោះ​នៅលើ​បណ្ដាញ​សង្គម Twitter កាលពី​ថ្ងៃ​ព្រហស្បតិ៍​បាន​បង្ហាញ​ពី​កុមារ​អាយុ​ ២​ឆ្នាំ​ម្នាក់​ត្រូវ​បាន​ជួយ​សង្គ្រោះ​ពី​គំនរ​កម្ទេច​ថ្ម​នៅ​ក្នុង​ប្រទេស​ទួរគី ដោយ​និយាយថា ក្មេង​ប្រុស​រូប​នេះ​ត្រូវបាន​ជួយសង្គ្រោះ​ ៧៩​ម៉ោងក្រោយ​កា​រ​រញ្ជួយ​ដី​។ ចំណែក​ក្មេង​ម្នាក់ទៀត​ត្រូវបាន​ជួយសង្គ្រោះ​ចេញពី​គំនរ​កម្ទេច​ថ្ម​ជិត​ទីក្រុង Idlib ដោយ​ក្រុម​អ្នក​ស្ម័គ្រចិត្ត​មួក​ស​របស់​ប្រទេស​ស៊ី​រី​នៅ​សប្ដាហ៍​នេះ​មួយថ្ងៃ​ ក្រោយ​ការរញ្ជួយ​ដី​ដ៏​ខ្លាំងក្លា​ចំនួន ​២​លើក​បាន​វាយប្រហារ​ប្រទេស​ទួរគី​ និង​ស៊ី​រី​។ វីដេអូ​មួយទៀត​ដែល​ត្រូវបាន​បង្ហោះ​លើ​បណ្ដាញ​សង្គម Twitter ដោយ​អភិបាលក្រុង​អង់កា​រ៉ា​របស់​ទួរគី​កាលពី​ថ្ងៃ​ព្រហស្បតិ៍ ​បង្ហាញ​ពី​ក្មេងប្រុស​អាយុ​ ៣​ឆ្នាំ​ម្នាក់​ឈ្មោះ Eymen ត្រូវ​បាន​ទាញ​ចេញពី​គំនរ​កម្ទេច​ថ្ម​អគារ​ដែល​បាន​រង​ការ​បំផ្លិចបំផ្លាញ​ដោយ​ការរញ្ជួយ​ដី​នៅ​ខេត្ត Hatay​ របស់​ទួរគី​។ វីដេអូ​មួយទៀតបានបង្ហាញ​ពី​ក្រុម​អ្នក​សង្គ្រោះ​កំពុង​ប្រើ​ភ្លើង​ពិល​ទាញ​ក្មេង​អាយុ​ ៣​ឆ្នាំ​ពី​គំនរ​កម្ទេច​ថ្ម​នៅ​ប្រទេស​ស៊ី​រី រយៈពេល​ ៤២​ម៉ោង​ក្រោយ​ការរញ្ជួយ​ដី​ដែល​បានសម្លាប់​សមាជិកគ្រួសា​រ​របស់​គេ​ទាំងអស់​។​ ត្បិត​រូបគេ​ត្រូវបាន​ជួយសង្គ្រោះ​ តែ​គេ​ត្រូវ​បាត់បង់​ជើង​ម្ខាង​។​ ខុសពី​ក្មេង​ដទៃ វីដេអូ​បញ្ចេញ​ដោយ​រដ្ឋាភិបាល​ក្រុង Istanbul បានបង្ហាញ​ពី​ក្មេងប្រុស​ទួរគី​ម្នាក់​បាន​ញញឹម ខណៈ​ក្រុម​អ្នក​សង្គ្រោះបាន​យក​រូបគេ​ចេញពី​កម្ទេច​ថ្ម​អគារ​កាលពី​ថ្ងៃ​ព្រហស្បតិ៍។ កាលពី​ថ្ងៃ​ពុធ​សប្ដា​ហ៍​នេះ កងទ័ព​សង្គ្រោះ​របស់​អ៊ីស្រាអែល​បាន​បញ្ចេញ​វីដេអូ​នៃ​ការជួយ​សង្គ្រោះ​របស់​ពួកគេ ​ដោយ​បង្ហាញ​ពី​ការទាញយក​ក្មេង​អាយុ ២​ឆ្នាំ​ម្នាក់​ដោយនៅ​មានជីវិត​ពី​គំនរ​ថ្ម​ក្នុង​ទីក្រុង Kahramanmaras របស់​ទួរគី​។ វីដេអូ​មួយ​ផ្សេងទៀត បង្ហាញ​ពី​ក្មេង​ម្នាក់​ត្រូវបាន​ទាញ​ចេញពី​គំនរ​ថ្ម​អគារ​បាក់​រលំនៅ​ស៊ី​រី​កាលពី​ ​២​ថ្ងៃក្រោយ​ការរញ្ជួយ​ដី​។ ក្រៅពីនេះ​ក៏​នៅមាន​ក្មេង ​និង​មនុស្ស​ចាស់​ជាច្រើន​ទៀត​ដែរ ​ដែល​កំពុង​ត្រូវបាន​បន្ត​ទាញយក​ចេ​ញ​ពី​គំនរ​កម្ទេច​ថ្ម ​ដែល​ខ្លះ​នៅមាន​ជីវិត និង​ខ្លះទៀត​បាន​ស្លាប់ ​ក្នុងចំណោម​ជនរងគ្រោះ​រាប់ម៉ឺន​នាក់​នៅក្នុង​ការរញ្ជួយ​ដី​នៃ​ប្រទេស​ទួរគី និង​ស៊ី​រី៕ អត្ថបទ៖ សុខមាន

សម្តេចតេជោ​ ហ៊ុន សែន ស្នើឲ្យក្រុមហ៊ុនចិន សិក្សាគម្រោងផ្លូវល្បឿនលឿនធនស្រាលពីភ្នំពេញទៅព្រលានយន្តហោះថ្មី

2023/02/10 04:57:38 pm        448
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានស្នើឲ្យក្រុមហ៊ុន China Metro Group Limited ធ្វើការេសិក្សាពីគ្រោងវិនយោគផ្លូវល្បឿនលឿនធនស្រាល ពីរាជធានីភ្នំពេញទៅកាន់អាកាសយានដ្ឋានអន្តរជាតិភ្នំពេញថ្មី និងផ្លូវរថភ្លើងល្បឿនលឿនធន់ស្រាលក្នុងរាជធានីភ្នំពេញ ដែលកំពុងមានចរាចរណ៍យ៉ាងមមាញឹក។ការស្នើនេះ ខណៈដែលសម្តេចតេជោ ហ៊ុន សែន នាយករដ្ឋមន្រ្តីបានអនុញ្ញាតឲ្យម្ចាស់ក្រុមហ៊ុនធំៗចំនួនបីនៅចិនចូលជួបសម្តែងការគួរសម និងពិនិត្យលទ្ធភាពវិនិយោគបន្ថែមនៅកម្ពុជា គ្រាដែលសម្តេចអញ្ជើញទៅកាន់រដ្ឋធានីប៉េកាំងសាធារណរដ្ឋប្រជាមានិតចិន កាលពីថ្ងៃទី ៩ ខែកុម្ភៈ ឆ្នាំ២០២៣ម្សិលនេះ។ សម្តេចតេជោនាយករដមន្រ្តី បានសំដែងនូវការវាយតម្លៃខ្ពស់ ចំពោះក្រុមហ៊ុនវិនិយោគទាំងបី ដែលបានប្តេជ្ញារួមគ្នាក្នុងការវិនិយោគហេដ្ឋារចនាសម្ព័ន្ធផ្លូវប្រកបដោយគុណភាព នៅកម្ពុជាសម្រាប់ពេលខាងមុខ ហើយទាក់ទិនទៅនិងការវិនិយោគផ្លូវរថភ្លើងល្បឿនលឿនធន់ស្រាលនេះដែរ សម្តេចតេជោនាយករដ្ឋមន្រ្តី បានស្នើឲ្យក្រុមហ៊ុន China Metro Group Limited សិក្សាពីគ្រោងវិនយោគផ្លូវល្បឿនលឿនធនស្រាល ពីរាជធានីភ្នំពេញទៅកាន់អាកាសយានដ្ឋានអន្តរជាតិភ្នំពេញថ្មី និងផ្លូវរថភ្លើងល្បឿនលឿនធន់ស្រាលក្នុងរាជធានីភ្នំពេញ ដែលកំពុងមានចរាចរណ៍យ៉ាងមមាញឹកផងដែរ។ នៅក្នុងកិច្ចជំនួបពិភាក្សានេះដែរម្ចាស់ក្រុមហ៊ុនទាំងបីនោះ ក៏បានជំរាបជូនសម្តេចតេជោនាយករដ្ឋមន្រ្តី ពីការសាងសង់ និងដាក់ឲ្យប្រតិបត្តិផ្លូវល្បឿនលឿន ភ្នំពេញ-ក្រុងបាវិត ដែលត្រូវបានរៀបចំឡើងក្រោមកិច្ចសន្យាភាពជាដៃគូរវាងរដ្ឋ និងឯកជន (PPP) ដើម្បីឈានទៅអនុវត្តគម្រោងសាងសង់ផ្លូវល្បឿនលឿនភ្នំពេញ ក្រុងបាវិត នៅពាក់កណ្តាលឆ្នាំ២០២៣ និងគ្រោងបញ្ចប់នៅឆ្នាំ២០២៧ ស្របគ្នានឹងការសាងសង់ផ្លូវល្បឿនលឿន ហូជីមិញ ម៉ុកបៃ ដែលគ្រោងនឹងបញ្ចប់ការសាងសង់នៅឆ្នាំ២០២៧នេះដែរ។ នៅក្នុងកិច្ចពិភាក្សាគ្នានោះដែរ ក្រុមហ៊ុនចិន ក៏បានជំរាបជូនសម្តេចតេជោ ពីការបញ្ចប់ការសិក្សាសមិទ្ធិលទ្ធភាពគម្រោងសាងសង់ផ្លូវរថភ្លើងក្រោមដី នៅរាជធានីភ្នំពេញ និងបានដាក់បញ្ចូលនូវរបាយការណ៍សិក្សាជូនក្រសួងសាធារណការ និងដឹកជញ្ជូន ដើម្បីពិនិត្យ និងពិភាក្សាបន្ត ហើយជាមួយគ្នានេះ ក្រុមហ៊ុនក៏បានជំរាបជូនសម្តេចតេជោ ពីគម្រោងអភិវឌ្ឍន៍ប្រព័ន្ធទឹកកខ្វក់ ក្នុងនោះបាននិងកំពុងសិក្សាផែនការមេ និងសមិទ្ធិលទ្ធភាពដំបូង សម្រាប់អភិវឌ្ឍន៍ហេដ្ឋារចនាសម្ព័ន្ធបណ្តាញលូសំណង់ស្ថានីយ៍ប្រព្រឹត្តកម្មទឹកកខ្វក់ នៅក្រុងខេមរភូមិន្ទ ខេត្តកោះកុង ក្រុងបាត់ដំបង ខេត្តបាត់ដំបង និងក្រុងកំពង់ចាម ខេត្តកំពង់ចាមជាដើម។សូមបញ្ជាក់ថា ក្រុមហ៊ុនវិនិយោគធំៗចំនួន៣របស់ប្រទេសចិន ដែលសម្តេចតេជោ ហ៊ុន សែន នាយករដ្ឋមន្រ្តីអនុញ្ញាតឲ្យចូលជួបសម្តែងការគួរសមនោះ រួមមានក្រុមហ៊ុនសាងសង់គមនាគមន៍ចិន, ក្រុមហ៊ុនសាជីវកម្មស្ពានថ្នល់ចិន និងក្រុមហ៊ុន China Metro Group Limited។ ក្រុមហ៊ុនទាំងបីនេះបាន មានវត្តមាននៅកម្ពុជារួចហើយ ដោយពួកគេបានវិនិយោគលើការសាងសង់ផ្លូវស្ពានប្រមាណជាង ២ពាន់គីឡូម៉ែត្រ ក្នុងប្រទេសកម្ពុជា នារយៈពេលកន្លងមកផងដែរ៕ ដោយ៖ បាន ចក់

ក.អ.ក បង្កើតគណៈកម្មការចំពោះកិច្ចមួយចាប់ផ្តើមពិនិត្យ និងពិភាក្សា​​​ឆ្ពោះទៅបង្កើតក្រុមប្រឹក្សាក្រមសីលធម៌ វិជ្ជាជីវៈសារព័ត៌មានកម្ពុជា

2023/02/10 04:50:23 pm        397
Facebook Telegram Linkin
ភ្នំពេញ៖ ដោយយោងលើសេចក្តីប្រកាសព័ត៌មានរួមវេទិកានិពន្ធនាយកសារព័ត៌មានកម្ពុជា អនុសាសន៍របស់ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅថ្ងៃទី១០ ខែកុម្ភៈ ឆ្នាំ២០២៣ គណៈកម្មាធិការនាយកក្លិបអ្នកកាសែតកម្ពុជា (ក.អ.ក ) បង្កើតគណៈកម្មការចំពោះកិច្ចមួយ ចាប់ផ្តើមពិនិត្យ និងពិភាក្សា​​​ឆ្ពោះទៅបង្កើតក្រុមប្រឹក្សាក្រមសីលធម៌វិជ្ជាជីវៈ សារព័ត៌មានកម្ពុជា។ សេចក្តីប្រកាសព័ត៌មានរួមបញ្ជាក់ថា គណៈកម្មាធិការនាយក ក.អ.ក យល់ឃើញថា ការបង្កើតក្រុមប្រឹក្សាក្រមសីលធម៌សារព័ត៌មានពិតជាសំខាន់ណាស់ក្នុងការតម្រង់ទិស ដាក់ពិន័យ ក៏ដូចជាកែលម្អវិជ្ជាជីវៈសារព័ត៌មាន ជាពិសេសសម្រាប់ស្ថានភាពសារព័ត៌មានបច្ចុប្បន្ននៅកម្ពុជា។គណៈកម្មាធិការនាយក ក.អ.ក បានសម្រេចបង្កើតគណៈកម្មការចំពោះកិច្ចមួយ ដើម្បីពិនិត្យសិក្សាស្រាវជ្រាវក្រមសីលធម៌ពីបណ្តាប្រទេសផ្សេងៗទៀតក្នុងតំបន់អាស៊ាន និងប្រទេសជាច្រើនទៀត ដើម្បីបំពេញបន្ថែមលើក្រមសីលធម៌របស់ក្លិបអ្នកកាសែតកម្ពុជាឱ្យកាន់តែប្រសើរជាងបច្ចុប្បន្ន និងឲ្យស្របតាមការវិវត្តន៍នៃយុគ្គសម័យឌីជីថល។សូមអានសេចក្តីប្រកាសព័ត៌មានរបស ក.រ.ក ទាំងស្រុងដូចខាងក្រោម ៖

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់
08/02/2026 03:08 PM
Facebook Telegram Linkin
សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង
08/02/2026 03:08 PM
Facebook Telegram Linkin
រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់
08/02/2026 03:08 PM
Facebook Telegram Linkin
មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈ​អ្នកឆ្លងកើនឡើង
08/02/2026 02:08 PM
Facebook Telegram Linkin
អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន
08/02/2026 02:08 PM
Facebook Telegram Linkin
មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់
08/02/2026 02:08 PM
Facebook Telegram Linkin
ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប
08/02/2026 02:08 PM
Facebook Telegram Linkin
តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និង​និវត្តជន​ក្នុង​ស្រុក​ពញាក្រែក
08/02/2026 02:08 PM
Facebook Telegram Linkin
មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦
08/02/2026 01:08 PM
Facebook Telegram Linkin
មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី
08/02/2026 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.