នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូន​ក្រុម​គ្រួសារ​របស់​វីរកងទ័ពពលី
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​

ព័ត៌មានសំខាន់ៗ

សម្តេចតេជោ ចែករំលែកទស្សនៈផ្ទាល់ ៤ចំណុច ដើម្បីឱ្យដៃគូទាំង​អស់​ទាញយក​ប្រយោជន៍​ពី​អាសិប​ជាអតិបរមា

2022/11/02 05:55:57 pm        822
Facebook Telegram Linkin
ភ្នំពេញ៖ នៅសណ្ឋាគារសូហ្វីតែលភ្នំពេញនាព្រឹកថ្ងៃទី២វិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រី​កម្ពុជា បានផ្តល់កិត្តិយសដ៏ឧត្តុង្គឧត្តម បើកវេទិកាពិគ្រោះ យោបល់​កម្រិត​ខ្ពស់​ក្នុង​ឱកាស​ខួប​អនុស្សាវរីយ៍១០ឆ្នាំ ស្តីពីកិច្ច ព្រមព្រៀងភាព​ជាដៃគូ​សេដ្ឋកិច្ច​គ្រប់​ជ្រុង​ជ្រោយ​តំបន់​(អាសិប) និង​ការ​ប្រកាស​ជា​ផ្លូវ​ការ​នៃ​សៀវភៅ​ស្ដីពី​ក្រប​ខណ្ឌ​ សម្រាប់​ការ​ធ្វើ​សមាហរណកម្ម​តំបន់​របស់​វិទ្យាស្ថានស្រាវជ្រាវសេដ្ឋកិច្ចអាស៊ាននិងអាស៊ីបូព៌ា(ERIA) ផងដែរ។ សម្ដេចបាន​រម្លឹក​ថា អាសិប ត្រូវបានប្រកាសឲ្យចាប់ផ្ដើមចរចា កាលពីឆ្នាំ២០១២នៅរាជធានី​ភ្នំពេញ​ ក្នុងឱកាស​ នៃកិច្ចប្រជុំកំពូលអាស៊ានលើកទី២១ ដែលកម្ពុជាជាប្រធានអាស៊ាន។ដើម្បីបង្កើនប្រសិទ្ធភាពនៃការទាញយកអត្ថប្រយោជន៍ពីកិច្ចព្រមព្រៀងអាសិបសម្ដេចតេជោ ហ៊ុន សែន បានចែករំលែកនូវទស្សនៈផ្ទាល់ខ្លួនមួយចំនួន ដូចខាក្រោម៖ ទី១-កាគីសមាជិក និង ភាគីហត្ថលេខីនៃកិច្ចព្រមព្រៀងអាសិបទាំងអស់ ជាពិសេសភាគី សមាជិកដែលជាប្រទេសអភិវឌ្ឍន៍តិចតួច គួរបង្កើនកិច្ចសហការនិងគាំទ្រគ្នាទៅវិញទៅមក ក្នុង ការអនុវត្តកិច្ចព្រមព្រៀងអាសិបនេះឱ្យបានពេញលេញ ដើម្បីទាញយកអត្ថប្រយោជន៍ ឱ្យបានជា អតិបរមា ដើម្បីសម្រេចបាននូវគោលបំណងនេះ លេខាធិការដ្ឋានអាសិបគួរតែត្រូវបង្កើតឡើងឱ្យ កាន់តែឆាប់តាមតែអាចធ្វើទៅបាន ដោយត្រូវពិចារណាលើគ្រប់ទិដ្ឋភាព និងលក្ខខណ្ឌចាំបាច់នានា សំដៅធានាបានអព្យាក្រឹត្យភាព ឯករាជ្យភាព កាលានុវត្តភាពសម្រាប់ការអភិវឌ្ឍ និងការចូលរួមក្នុង ការធ្វើសមាហរណកម្មតំបន់។ ក្នុងទិសដៅនេះ ខ្ញុំសូមបញ្ជាក់ជាថ្មីផងដែរថា កម្ពុជានៅតែមានចំណាប់អារម្មណ៍ក្នុងការទទួលតាំងលេខាធិការដ្ឋានអាសិបនៅទីក្រុងភ្នំពេញ និងត្រៀមខ្លួនជាស្រេច ក្នុងការផ្តល់ការគាំទ្រនិងសម្បទានចាំបាច់នានា។ទី២-ខ្ញុំសូមលើកទឹកចិត្តយ៉ាងទទូចឱ្យភាគីសមាជិកនិងភាគីហត្ថលេខីទាំងអស់នៃ អាសិប ចាប់ផ្តើមពិភាក្សាលើនីតិវិធីសម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀតឱ្យបានឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំចូលជាសមាជិកជាបន្តនៅក្នុងអំឡុងឆ្នាំក្រោយនេះ ។ទី៣-កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិកនិងភាគី ហត្ថលេខីនៃអាសិបសំដៅគាំទ្រនិងលើកកម្ពស់ប្រសិទ្ធភាពនៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍តិចតួចរួមទាំងកម្ពុជា និងសូមអំពាវនាវដល់សមាជិកទាំងអស់នៃអាសិបពនឿនការពិភាក្សាលើយន្តការនៃការប្រើប្រាស់កិច្ចសហប្រតិបត្តិការសេដ្ឋកិច្ចនិងបច្ចេកទេសនេះឱ្យបានឆាប់ចែករំលែកឧត្តមានុវត្តន៍ក្នុងការអនុវត្តកិច្ចព្រមព្រៀងពាណិជ្ជកម្មសេរីនានា ដើម្បីប្រែក្លាយកិច្ចព្រមព្រៀងអាសិបនេះឱ្យទៅជាយន្តការរួមមួយដែលគាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។ទី៤-វិស័យឯកជនជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និងបង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាពសកម្មភាពលើក​កម្ពស់ការ​យល់ដឹង និងវេទិកាពិគ្រោះយោបល់ជាមួយវិស័យឯកជន ដែលនឹងអាចក្លាយជាក្របខណ្ឌ ដើម្បីពិភាក្សាផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា។ សម្ដេចបានលើកទឹកចិត្តយ៉ាងទទូច ឱ្យភាគីសមាជិក និងភាគីហត្ថលេខីទាំងអស់ នៃអាសិប ចាប់ផ្តើមពិភាក្សាលើនីតិវិធី សម្រាប់ការស្នើសុំចូលជាសមាជិកនៃកិច្ចព្រមព្រៀងបន្ថែមទៀត ឱ្យ​បាន​ឆាប់តាមតែអាចធ្វើទៅបាន ដោយកិច្ចព្រមព្រៀងរបស់យើងនឹងអនុញ្ញាតឱ្យមានការស្នើសុំ ចូលជាសមាជិកជាបន្តនៅក្នុងអំឡុងឆ្នាំក្រោយនេះ ។សម្ដេចបានបញ្ជាក់ថា កម្ពុជាសូមស្វាគមន៍ចំពោះការផ្តល់ជំនួយហិរញ្ញវត្ថុពីបណ្តាភាគីសមាជិក និង ភាគី ហត្ថលេខី នៃអាសិប សំដៅគាំទ្រ និងលើកកម្ពស់ប្រសិទ្ធភាព នៃការអនុវត្តកិច្ចព្រមព្រៀងនេះ ជាពិសេសសម្រាប់ភាគីសមាជិកជាប្រទេសអភិវឌ្ឍន៍​តិចតួច​រួមទាំងកម្ពុជា និងសូមអំពាវនាវដល់ សមាជិកទាំងអស់នៃអាសិប ពន្លឿនការពិភាក្សាលើយន្តការ នៃការប្រើប្រាស់​កិច្ចសហប្រតិបត្តិការ សេដ្ឋកិច្ចនិងបច្ចេកទេសនេះ ឱ្យបានឆាប់ ចែករំលែក​ឧត្តមានុវត្តន៍ ក្នុងការអនុវត្តកិច្ចព្រមព្រៀង ពាណិជ្ជកម្មសេរីនានា ដើម្បីប្រែក្លាយ​កិច្ចព្រមព្រៀង​អាសិបនេះឱ្យទៅជាយន្តការរួមមួយ ដែល គាំទ្រការអភិវឌ្ឍសេដ្ឋកិច្ចតំបន់ ប្រកបដោយចីរភាព ភាពធន់រឹងមាំ និងបរិយាប័ន្ន។សម្ដេចបន្តថា វិស័យឯកជន ជាក្បាលម៉ាស៊ីននៃកំណើនសេដ្ឋកិច្ច និងតួអង្គសំខាន់ក្នុងការធានា និង បង្កើនប្រសិទ្ធភាពក្នុងការអនុវត្តកិច្ចព្រមព្រៀងនេះដោយវិស័យឯកជនជាអ្នកអនុវត្តផ្ទាល់ ។ ហេតុដូចនេះ យើងត្រូវបង្កើនការចូលរួម តាមរយៈការពង្រឹងសមត្ថភាព សកម្មភាពលើក​កម្ពស់ការយល់ដឹង និងវេទិកាពិគ្រោះយោបល់ ជាមួយវិស័យឯកជន ដែលនឹង​អាចក្លាយ​ជាក្របខណ្ឌ ដើម្បីពិភាក្សា ផ្លាស់ប្តូរយោបល់ និងស្វែងយល់អំពីបញ្ហាប្រឈម និងកាលានុវត្តភាពនានា ។គួរបញ្ជាក់ថា កិច្ចព្រមព្រៀងអាសិប បានចូលជាធរមាននៅដើមឆ្នាំ២០២២នេះ បន្ទាប់ពីឆ្លងកាត់ដំណាក់កាលដ៏ស្មុគស្មាញ ក្នុងការចរចាជាច្រើន ចាប់តាំងពីបានចាប់ផ្តើមចរចាក្នុងឆ្នាំ២០១២ នៅរាជធានីភ្នំពេញ នៃព្រះរាជាណាចក្រកម្ពុជា ក្រោមការដឹកនាំរបស់កម្ពុជាដែលជាប្រធានអាស៊ាន ។អាសិបគឺជាកិច្ចព្រមព្រៀងពាណិជ្ជកម្មសេរីដ៏ធំបំផុតលើពិភពលោកដែលគ្របដណ្តប់ជិត៣០% នៃផលិតផលសរុបក្នុងស្រុកពិភពលោក នឹងចំនួនប្រជាជន ព្រមទាំងទំហំពាណិជ្ជកម្មរបស់ពិភពលោក។វេទិកាជាន់ខ្ពស់នាពេលនេះ ក៏រួមបញ្ចូលផងដែរនូវការដាក់ឱ្យប្រើប្រាស់សៀវភៅទី២ របស់ ERIA ស្ដីពីកិច្ចព្រម ព្រៀងអាសិប ក្រោមមូលបទ “ ថាមវន្តនៃអាស៊ីបូព៌ា និងកិច្ចព្រមព្រៀងភាពជាគូសេដ្ឋកិច្ចគ្រប់ជ្រុងជ្រោយអាសិប៖ ក្របខ័ណ្ឌសម្រាប់សមាហរណកម្មក្នុងតំបន់ ដែលសៀវភៅទី១ ត្រូវបានដាក់ឱ្យប្រើប្រាស់កាលពីដើមឆ្នាំ២០២២នេះ នៅទីក្រុងភ្នំពេញ។ ERIAក៏ទើបតែបញ្ចប់កំណែលើកទី៣ ស្ដីពីផែនការអភិវឌ្ឍអាស៊ីគ្រប់ជ្រុងជ្រោយ Comprehensive Asia Development Plan, CADP 3.0 ដែលត្រូវបានលើកយកមកពិភាក្សាផងដែរអំពីតួនាទីនៃកិច្ចព្រមព្រៀងអាសិប ដែលដើរតួយ៉ាងសំខាន់ក្នុងសមាហរណកម្មសេដ្ឋកិច្ចតំបន់អាស៊ីបូព៌ា។នៅក្នុងវេទិកានេះ រដ្ឋមន្ត្រីពាណិជ្ជកម្មកម្ពុជាក៏មានសុទិដ្ឋិនិយមចំពោះសក្ដានុពលនៃផែនការអភិវឌ្ឍអាស៊ីគ្រប់ជ្រុងជ្រោយ CADP 3.0 ដែលរួមចំណែកដល់ការសម្រេចបាននូវសេដ្ឋកិច្ចរួមបញ្ចូលគ្នាប្រកប ដោយភាពច្នៃប្រឌិត មានលក្ខណៈរួមគ្នា និងនិរន្តរភាពសេដ្ឋកិច្ចក្នុងតំបន់ ហើយការសិក្សា ដែលធ្វើឡើងដោយ ERIA នឹងផ្តល់ អត្ថប្រយោជន៍ដល់ភាគីពាក់ព័ន្ធទាំងអស់ដើម្បីអាចទទួលបានអត្ថប្រយោជន៍ជាអតិបរមាពីកិច្ចព្រមព្រៀងអាសិប៕ អត្ថបទ៖ មុត សុទ្ធ    

កូរ៉េខាងជើង​បាញ់​មី​ស៊ី​ល​ជាង​ ១០​គ្រាប់ ដែល​ជំរុញ​ឲ្យ​កូរ៉េខាងត្បូង​ចេញ​ការព្រមាន​ការ​វាយឆ្មក់​តាម​អាកាស

2022/11/02 05:46:01 pm        707
Facebook Telegram Linkin
​កូរ៉េខាងត្បូង៖ កូរ៉េខាងត្បូង​និយាយ​ថា ​កូរ៉េខាងជើង​បាន​បាញ់​មី​ស៊ី​ល​សរុប​ជាង ​១០​គ្រាប់​ក្បែរ​ឆ្នេរ​សមុទ្រ​ភាគ​ខាងកើត និង​ភាគ​ខាងលិច​របស់​ខ្លួន​។ ​យោធា​កូរ៉េខាងត្បូង​បាន​ឲ្យ​ដឹង​ថា មី​ស៊ី​ល​ជា​ច្រើន​ប្រភេទ​បាន​ហោះ​ទៅកាន់​តំបន់​ឆ្នេរសមុទ្រ​ភាគ​ខាងកើត និង​ខាងលិច​របស់​ឧបទ្វីប​កូរ៉េ ប៉ុន្តែ​ពុំបាន​ផ្ដល់​ព័ត៌មាន​លម្អិត​បន្ថែម​ទៀត​ទេ​។ ​នាយសេនាធិការ​ចម្រុះ​កូរ៉េខាងត្បូង​បាន​និយាយ​នៅ​ក្នុង​សេចក្ដីថ្លែងការណ៍​ថា កូរ៉េខាងជើង​បាន​បាញ់​មី​ស៊ី​ល​ជាច្រើន​គ្រាប់​ចេញពី​តំបន់​ឆ្នេរសមុទ្រ Wonsan ភាគ​ខាងកើត​របស់​ខ្លួន​នៅ​ព្រឹក​ថ្ងៃ​ពុធ​នេះ​។ នៅ​ពេល​មុន​នេះ យោធា​កូរ៉េខាងត្បូង​បាន​និយាយ​ថា ខ្លួន​បាន​តាមដាន​មី​ស៊ី​ល​បាលី​ស្ទីក​រយៈ​ចម្ងាយ​ខ្លី​ចំនួន ​៣​គ្រាប់​ដែល​បាន​បាញ់​ចេញពី​តំបន់​ឆ្នេរ​សមុទ្រ​ភាគ​ខាងកើត​របស់​ឧបទ្វីប​នេះ។ មួយ​គ្រាប់​ក្នុងចំណោម​មី​ស៊ី​ល​ទាំង​នោះ​បាន​ធ្លាក់​ជិត​ព្រំដែន​កូរ៉េ​ទាំង​២ ដែល​ជំរុញ​ឲ្យ​កូរ៉េខាងត្បូង​ចេញ​ការ​ព្រមាន​វាយឆ្មក់​តាម​ដែនអាកាស ​នៅ​លើ​កោះ​មួយ​ក្នុងចំណោម​កោះ​ជាច្រើន​របស់​ខ្លួន​។​ការ​បាញ់​ជាច្រើន​គ្រាប់​នេះ​មាន​ឡើង​ប៉ុន្មាន​ម៉ោង ក្រោយ​កូរ៉េខាងជើង​ចេញ​ការ​គំរាម​ខ្លាំង​ៗ​ក្នុង​ការ​ប្រើប្រាស់​អាវុធ​នុយក្លេអ៊ែរ ដើម្បី​ធ្វើ​ឲ្យ​សហរដ្ឋអាមេរិក និង​កូរ៉េខាងត្បូង​ទូទាត់​សង​ការខូចខាត​ធ្ងន់ធ្ងរ​បំផុត​ក្នុង​ប្រវត្តិសាស្ត្រ ​ដែល​ជា​ការ​ផ្ទុះ​ឡើង​ភាព​តានតឹង​នៃ​វោហារសាស្ត្រ​ដ៏​ក្កៅ​គគុក ដាក់​គោល​ដៅ​លើ​សកម្មភាព​សម​យុទ្ធ​ទ្រង់ទ្រាយ​ធំដែល​នៅ​តែ​បន្ត ​រវាង​គូប្រជែង​របស់​ខ្លួន​គឺ​សហរដ្ឋ​អាមេរិក និង​កូរ៉េខាងត្បូង​៕​អត្ថបទ៖ សុខមាន

កូរ៉េខាងជើង​លើកឡើងថា សមយុទ្ធ​យោធា​សហរដ្ឋអាមេរិក​-​កូរ៉េខាងត្បូងមិនអាច​អត់ឱន​ឲ្យ​តទៅទៀត​បានទេ​

2022/11/02 05:24:39 pm        675
Facebook Telegram Linkin
​​កូរ៉េខាងជើង៖ ស្របពេល​មានការ​គំរាមកំហែង​ពី​កូរ៉េខាងជើង កងកម្លាំង​របស់​សហ​រដ្ឋ​អាមេរិក និង​កូរ៉េខាងត្បូង​បន្តធ្វើ​សមយុទ្ធ​យោធា​នៅ​តាម​ព្រំដែន​កូរ៉េ។ ​ជា​ការ​តវ៉ា កូរ៉េខាងជើង​បាន​បាញ់​សាក​ល្បង​មី​ស៊ី​ល​ជា​បន្តបន្ទាប់​។ ប៉ុន្តែ​សហរដ្ឋអាមេរិក និង​កូរ៉េខាងត្បូង​នៅតែ​បន្ត​សម​យុទ្ធ​យោធា​រួមគ្នា យ៉ាង​គគ្រឹកគគ្រេង​ដោយ​មិន​ខ្វល់​អ្វី​ទាំងអស់​។ ​​ទោះ​យ៉ាងណា កងកម្លាំង​សហរដ្ឋ​អាមេរិក និង​កូរ៉េខាងត្បូង​បាន​ចាប់ផ្ដើម​សម​យុទ្ធ​រួមគ្នា​ធំ​បំផុត​កាល​ពី​ម្សិលមិញ​។ យន្តហោះ​រាប់​រយ​គ្រឿង​មកពី​កងកម្លាំង​អាកាស​នៃ​ប្រទេស​ទាំង​២ ​ត្រូវ​បាន​រួមគ្នា​នៅ​ក្នុង​ការធ្វើ​សមយុទ្ធ​ទាំងយប់​ទាំង​ថ្ងៃ​។ ​នៅ​ក្នុង​ស្ថានភាព​នេះ កូរ៉េខាងជើង​បាន​ចេញ​ការព្រមាន​ជា​សាធារណៈ​ថា កូរ៉េខាងជើង​នឹង​សងសឹក​សហរដ្ឋ​អាមេរិក​វិញ​យ៉ាង​ធ្ងន់ធ្ងរ ​បើ​មិន​បញ្ឈប់​សម​យុទ្ធ​សង្គ្រាម​រួមគ្នា​ជាមួយ​កូរ៉េខាងត្បូង​ទេ​នោះ​។ នៅ​ក្នុង​សេចក្ដីថ្លែងការណ៍​មួយ ​ចេញ​ដោយ​ក្រសួងការបរទេស​កូរ៉េខាងជើង​និយាយ​ថា ប្រសិន​បើ​សហរដ្ឋអាមេរិក​មិន​ចង់បាន​ការវិវឌ្ឍន៍​ធ្ងន់ធ្ងរ​ ដែល​មិន​ស្រប​ទៅ​នឹង​ផលប្រយោជន៍​សន្តិសុខ​របស់​ខ្លួន​ទេ​នោះ ត្រូវតែ​បញ្ឈប់​សម​យុទ្ធ​យោធា​ឥតប្រយោជន៍​នេះ​ភ្លាម​។ ​បើ​ពុំ​នោះ​ទេ​នឹង​ត្រូវ​ទទួល​ខុស​ត្រូវ​ទាំងស្រុង​ចំពោះ​ផលវិបាក​ទាំងអស់។ ប្រសិនបើ​សហរដ្ឋអាមេរិក​បន្ត​ចូលរួម​ក្នុង​សកម្មភាព​បង្ក​រឿង​ខាង​យោធា​ពេញបន្ទុក​បែបនេះ​ទៀត កូរ៉េខាងជើង​នឹង​ចាត់វិធានការ​សងសឹក​កាន់តែ​ធ្ងន់ធ្ងរ​ថែម​ទៀត ​យើង​នឹង​ធ្វើ​៕អត្ថបទ៖ សុខមាន

សម្តេចតេជោ សោកស្តាយសោកនាដកម្មនៅអ៊ុយគ្រែន និងត្រៀមខ្លួនជា​ស្រេចក្នុង​ការបញ្ជូន​អ្នកដោះមីន​ទៅប្រទេសនេះ

2022/11/02 04:24:54 pm        839
Facebook Telegram Linkin
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្តែងនូវ​ការសោក​ស្តាយ​ចំពោះ​សោកនាដកម្ម ដែលបានកំពុងកើតឡើងនៅប្រទេសអ៊ុយគ្រែន ខណៈសម្តេចក៏​បាន​ត្រៀម​ខ្លួន​រួច​ជាស្រេចផងដែរ ដើម្បីបញ្ជូនអ្នកដោះមីន​កម្ពុជា​ទៅ​បណ្តុះបណ្តាល​អ្នកដោះមីន​នៅ​ប្រទេស​អ៊ុយគ្រែន​ ក្នុងពេលវេលាសមស្របណាមួយ។ នេះបើយោងតាមសេចក្តីប្រកាសព័ត៌មានក្រសួងការបរទេស និងសហប្រតិបត្តិការ​អន្តរជាតិ​ក្រោយជំ​​នួបតាមទូរស័ព្ទរវាងសម្តេចតេជោ ហ៊ុន សែន នាយករដ្ឋមន្រ្តីកម្ពុជា និងលោក វ៉ូទ្យូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយគ្រែន កាលពីម្សិលមិញ។តាមសេចក្តីប្រកាសព័ត៌មានរបស់ក្រសួងការបរទេសបានបង្ហាញថា លោកហ្ស៊ែលឡិនស្គី បាន​សម្តែង​ការ​ពេញចិត្ត និងថ្លែងអំណរគុណយ៉ាងជ្រាលជ្រៅបំផុតចំពោះកម្ពុជា ដែលបានគាំទ្រ និងបាន​ចូលជាសហស្ថាបនិកសេចក្តីសម្រេចចិត្តរបស់មហាសន្តិបាតអង្គការសហប្រជាជាតិ និង​ជំហរ​ជាក់​លាក់របស់កម្ពុជាពាក់ព័ន្ធនឹងសង្រ្គាមអ៊ុយគ្រែន។ នៅក្នុងកិច្ចជំនួបតាមទូរស័ព្ទដ៏កម្រ និងជាលើកដំបូងបំផុតរវាងថ្នាក់ដឹកនាំកំពូលនៃប្រទេសទាំង ពីរនេះ សម្តេចតេជោ ហ៊ុន សែន នាយករដ្ឋមន្រ្តី​ក៏​បាន​សម្តែង​នូវ​ការ​សោក​ស្តាយ​ចំពោះ​សោកនាដកម្ម ដែលបាននិងកំពុងកើតឡើងនៅអ៊ុយគ្រែន។ សម្តេចក៏​បាន​«សម្តែង​ក្តី​បារម្ភ​ចំពោះ​ការ​វាយ​ប្រហារថ្មីៗទៅ លើទីក្រុងគៀវ និងទីក្រុងផ្សេងៗក្នុងប្រទេសអ៊ុយគ្រែន ដែលបណ្តាល​ឲ្យ​មាន​ការ​បាត់បង់ជីវិតប្រជាជន ការរងរបួសជាច្រើន និងខូចខាតដល់ហេដ្ឋារចនាសម្ព័ន្ធស៊ីវិល ដាច់​ចរន្ត​អគ្គិសនី និងទឹកស្អាតយ៉ាងធ្ងន់ធ្ងរ ហើយបណ្តាលឲ្យមានវិបត្តិថាមពល និងស្បៀង​អាហារ​ធ្ងន់ធ្ងរ ព្រមទាំងអតិផរណាកើនឡើងនៅទូទាំងសកលលោក»។ នៅកិច្ចសន្ទនានេះដែរ សម្តេចតេជោនាយករដ្ឋមន្រ្តី ក៏បានចែករំលែកបទពិសោធន៍ ដែល​កម្ពុជា​បាន​ឆ្លងកាត់សង្រ្គាមនាពេលកន្លងមក ប្រាប់ទៅកាន់លោកប្រធានាធិតបតី ហ្ស៊ែលឡិនស្គីផងដែរ ដោយ សម្តេចបាន​បង្ហាញ​ថា​«គ្មាន​សង្រ្គាម​ណាមួយ​អាច​បញ្ចប់​បាន​ដោយ​ប្រើប្រាស់​សង្រ្គាម​នោះ​ទេ»​។ សម្តេចតេជោបានប្រាប់ដល់លោកហ្ស៊ែលឡិនស្គីទៀតថា«កម្ពុជាផ្តល់សារៈសំខាន់ដល់ការចរចា និងដោះ​ស្រាយ ដោយសន្តិវិធី» ហើយសង្ឃឹម​ថា​ភាគី​ពាក់ព័ន្ធ​ទាំង​អស់​នឹង​ដោះ​ស្រាយ​គ្នា​ដោយ​សន្តិ​វិធី​ផងដែរ។  នៅក្នុងកិច្ចជំនួបនោះដែរ សម្តេចតេជោ ហ៊ុន សែន ក៏បានបញ្ជាក់​ជំហរ​របស់​កម្ពុជា​ចំពោះ​សង្រ្គាម នៅអ៊ុយគ្រែនថា កម្ពុជាប្រកាន់ខ្ជាប់នូវការគោរពគោលការណ៍ ដែលមាន​ចែង​ក្នុង​រដ្ឋ​ធម្មនុញ្ញ​អង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពាន ការគំរាម ឬ​ការ​ប្រើ​ប្រា​​ស់​ទន្រ្ទានយកទឹកដីពីប្រ ទេសដទៃនោះឡើយ។ យ៉ាង​ណាក៏ដោយសម្តេចតេជោ ហ៊ុន សែន បានប្រាប់ដល់លោកហ្ស៊ែលឡិនស្គីផងដែរថា ដោយ មានការសហការជាមួយរដ្ឋាភិបាលជប៉ុន កម្ពុជាត្រៀម​ខ្លួន​រួច​ជា​ស្រេច​ក្នុង​ការ​បញ្ជូន​អ្នក​ដោះមីន​របស់កម្ពុ ជា​ទៅ​ជួយ​បណ្តុះ​បណ្តាល​ដល់​អ្នក​ដោះមីន​របស់​អ៊ុយគ្រែន​តាម​ពេល​វេលា​សម​ស្រប​ណាមួ​យផងដែរ។ បើតាមសេចក្តីប្រកាសព័ត៌មានរបស់ក្រសួងការបរទេសដដែលបានឲ្យដឹងផងដែរថា នៅ​ក្នុង​កិច្ច​ជំនួប​នេះ លោកហ្ស៊ែលឡិនស្គី បាន​ស្វាគមន៍​ចំពោះ​បំណង​របស់​កម្ពុជា​ក្នុង​ការ​ជួយ​បណ្តុះ​បណ្តាល​លើវិ​ស័យដោះមីននៅអ៊ុយគ្រែន និងគាំទ្រសំណើររបស់សម្តេចតេជោ ដែលចង់​ឲ្យ​មាន​ឯក​អគ្គរាជទូត-រដ្ឋទូតនៃប្រទេសទាំងពីរនោះ។ ដោយឡែកសម្រាប់ទំទាក់ទំនង រវាងអ៊ុយគ្រែន និងអាស៊ាន លោកហ្ស៊ែលឡិនស្គី​បាន​ថ្លែង​អំណរ គុណចំពោះសេចក្តីថ្លែងការណ៍ទាំងបីររបស់អាស៊ាន គាំទ្រដល់អ៊ុយគ្រែន និង​កិច្ច​ខិតខំ​ប្រឹង​ប្រែង​របស់កម្ពុជា ចំពោះសំណើរអ៊ុយគ្រែនសុំចូលជាភាគីនៃសន្ធិសញ្ញាមិត្តភាព និង​កិច្ច​សហប្រតិបត្តិការ​នៅ​អាស៊ីអាគ្នេយ៍(TAC។ លោកប្រធានាធិបតីអ៊ុយគ្រែន ក៏បានស្នើ​សុំ​សម្តេច​តេជោ ថ្លែង​​សន្ទរកថាតាមប្រព័ន្ធវិដេអូ ក្នុងពេលកិច្ច​ប្រជុំ​អាស៊ាន​ដែល​កម្ពុជា​ធ្វើ​ជា​ម្ចាស់​ផ្ទះនា​ពេល​ខាង​មុខនេះផងដែរ ខណៈសំណើរនេះត្រូវ បានសម្តេចតេជោនាយករដ្ឋមន្រ្តីឆ្លើយតបថា កម្ពុជា​នឹង​បន្តធ្វើការជាមួយប្រទេសជាសមាជិកអាស៊ាន ដើម្បីឆ្លើយតប​នឹង​គោល​បំណង​រប​ស់​អ៊ុយគ្រែន​។បើតាមសេចក្តីប្រកាសព័ត៌មានក៏បានឲ្យដឹងផងដែរថា សម្តេចតេជោ ហ៊ុន សែន នាយករដ្ឋមន្រ្តី នឹងទៅបំពេញទស្សនកិច្ចនៅប្រទេសអ៊ុយគ្រែនក្នុងពេលវេលាសមស្របណាមួយ បន្ទាប់​ពី​លោក​ហ្ស៊ែលឡិនស្គី បានគោរពអញ្ជើញសម្តេចក្នុងពេលដែលសន្ទនាតាមទូរស័ព្ទនោះ៕ អត្ថបទ៖ បាន ចក់

សម្តេចតេជោ ហ៊ុន សែន៖ កម្ពុជាប្រកាន់គោលការណ៍មានចែងក្នុងរដ្ឋធម្មនុញ្ញអង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពានប្រទេសដទៃ

2022/11/02 03:10:42 pm        883
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានប្រកាសចំពោះការសន្ទនាជាមួយប្រធានាធិបតីអ៊ុយក្រែនថា​ កម្ពុជាប្រកាន់គោលការណ៍មានចែងក្នុងរដ្ឋធម្មនុញ្ញអង្គការសហប្រជាជាតិ និងច្បាប់អន្តរជាតិ ប្រឆាំងនឹងការឈ្លានពាន ការគំរាម ឬការប្រើប្រាស់កម្លាំងលើអធិបតេយ្យ បូរណភាពទឹកដីរបស់រដ្ឋឯករាជ្យ និងមិនគាំទ្រការបំបែករដ្ឋ ឬទន្ទ្រានយកទឹកដីពីប្រទេសដទៃឡើយ។សម្តេចតេជោ ហ៊ុន សែន ប្រកាសថា ដោយមានការសហការជាមួយប្រទេសបជប៉ុន កម្ពុជាត្រៀមខ្លួនរួចជាស្រេចក្នុងការបញ្ជូនអ្នកដោះមីនរបស់កម្ពុជាទៅជួយបណ្តុះបណ្តាលដល់អ្នកដោះមីនអ៊ុយក្រែន តាមពេលវេលាសមស្របណាមួយ។សម្តេចតេជោ ហ៊ុន សែន សម្តែងការសោកស្តាយចំពោះសោកនាដកម្ម ដែលបាននឹងកំពុងកើតឡើងនៅប្រទេសអ៊ុយក្រែន ដោយសម្តេចមានការព្រួយបារម្ភចំពោះការវាយប្រហារថ្មីៗនៅទីក្រុងគៀវ និងក្រុងផ្សេងៗរបស់អ៊ុយក្រែន៕

សម្ដេចតេជោ ហ៊ុន សែន អញ្ជើញជាអធិបតីក្នុងវេទិកាជាន់ខ្ពស់ស្តីពី ខួប១០ឆ្នាំ នៃកិច្ចព្រមព្រៀងRCEP

2022/11/02 02:58:08 pm        547
Facebook Telegram Linkin
ភ្នំពេញ៖ នៅព្រឹកថ្ងៃពុធទី២ ខែវិច្ឆិកា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុង វេទិកាជាន់ខ្ពស់ស្តីពី ខួប១០ឆ្នាំ នៃកិច្ចព្រមព្រៀងអាសិប (RCEP)។វេទិកានេះរៀបចំឡើង ដើម្បីរំលឹកឡើងវិញ​នូវដំណើរ​នៃអាសិប (RCEP) និងការសម្ពោធសៀវភៅទី២របស់វិទ្យាស្ថាន ERIA ស្តីពីកិច្ចព្រមព្រៀង​អាសិបក្រោមមូលបទ «ថាមវន្តនៃតំបន់អាស៊ីបូព៌ា និងកិច្ចព្រមព្រៀងអាសិប​ក្នុងក្របខ័ណ្ឌសម្រាប់សមាហរណកម្មតំបន់» ដែលវេទិកានេះនឹងប្រព្រឹត្តទៅរយៈពេល២ថ្ងៃ ពីថ្ងៃទី២-៣ខែវិច្ឆិកា ឆ្នាំ២០២២។ ព្រឹត្តិការណ៍ជាប្រវត្តិសាស្ត្រនេះនឹងញ៉ាំងឱ្យកិច្ចព្រមព្រៀងអាសិប កាន់តែមានសារសំខាន់​ក្រោយចូលជាធរមានកាលពីដើមឆ្នាំ២០២២ នេះ បន្ទាប់ពីកិច្ចចរចា​យ៉ាងស្វិតស្វាញជិត១០ឆ្នាំ ក្រោមគោលការណ៍ណែនាំ​កំណត់ដោយសេចក្តីថ្លែងការណ៍រួម ស្តីពីការបើកការចរចាកិច្ចព្រមព្រៀងអាសិប អនុម័តតាំងពីឆ្នាំ២០១២ នៅរាជធានីភ្នំពេញ។

លទ្ធផលជំនួបតាមទូរស័ព្ទរវាងសម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម វ៉ូឡូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយក្រែន

2022/11/02 02:30:02 pm        617
Facebook Telegram Linkin
ភ្នំពេញ៖​ នៅល្ងាចថ្ងៃទី០១ ខែវិច្ឆិកា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម វ៉ូឡូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយក្រែន មានជំនួបតាមទូរស័ព្ទជាមួយគ្នា។ប្រធានាធិបតីអ៊ុយក្រែន អរគុណកម្ពុជា ក្រោយមានជំនួបពិភាក្សាជាមួយសម្ដេចតេជោ ហ៊ុន សែន នាយករដ្ឋមន្ត្រី ក្នុងឋានៈជាប្រធានអាស៊ាន ដែលសម្ដេចបានបង្ហាញពីជំហរក្នុងការការពារអធិប តេយ្យភាព និងបូរណភាពដែនដីរបស់អ៊ុយក្រែន។ អ៊ុយក្រែនក៏បានធានាអះអាងផងដែរថា នឹងធ្វើ ជាអ្នកផ្ដល់សន្តិសុខស្បៀងដល់តំបន់អាស៊ានផងដែរ។ខាងក្រោមនេះជាលទ្ធផលជំនួបតាមទូរស័ព្ទរវាង សម្តេចតេជោ ហ៊ុន សែន នាយករដ្ឋមន្ត្រី និង ឯកឧត្តម វ៉ូឡូឌីមៀ ហ្ស៊ែលឡិនស្គី ប្រធានាធិបតីនៃប្រទេសអ៊ុយក្រែន៖

ថ្ងៃទីពីរនៃព្រះរាជពិធី «១០០ ព្រះវស្សា នៃព្រះបិតាឯករាជ្យជាតិ»

2022/11/02 02:19:46 pm        695
Facebook Telegram Linkin
ភ្នំពេញ៖ថ្ងៃទីពីរនៃ ព្រះរាជពិធី «១០០ ព្រះវស្សា នៃព្រះបិតាឯករាជ្យជាតិ» ប្រារព្ធឡើងនៅរាត្រីថ្ងៃទី១ ខែវិច្ឆិកា ឆ្នាំ២០២២ នាសាលមហោស្រពចតុម្មុខមង្គល រាជធានីភ្នំពេញ។សម្តេចរាជបុត្រី ព្រះអនុជ នរោត្តម អរុណរស្មី ស្ថាបនិកមូលនិធិមុទិតា និងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានយាង និងអញ្ជើញជាគណៈអធិបតីនៃកម្មវិធីព្រះរាជពិធី «១០០ ព្រះវស្សា នៃព្រះបិតាឯករាជ្យជាតិ» និងមានវត្តមានក្នុងព្រះរាជពិធីនេះដែរ រួមមាន ឯកឧត្តម លោកជំទាវ លោក លោកស្រី ថ្នាក់ដឹកនាំ សមាជិក សមាជិកា ស.ស.យ.ក. មូលនិធិមុទិតា និងភ្ញៀវកិត្តិយស ជាច្រើនរូបផងដែរ។មានព្រះសុវណ្ណីយ៍ទៅកាន់អង្គពិធី សម្តេចព្រះរាជបុត្រី ព្រះអនុជ នរោត្តម អរុណរស្មី បានលើកឡើងអំពីគោលបំណងនៃការរៀបចំព្រះរាជពិធី គឺដើម្បីជាការឧទ្ទិសថ្វាយ ព្រះបរម វិញ្ញាណក្ខន្ធ ព្រះករុណា ព្រះបាទសម្ដេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ជាទីនឹករលឹក និងជាទីគោរពសក្ការៈដ៏ខ្ពង់ខ្ពស់បំផុត នៃប្រជាជាតិខ្មែរ ដែលព្រះអង្គបានពលីកម្ម កសាង ទុកមកជាឧត្តមប្រយោជន៍ដ៏ធំធេង ចំពោះជាតិ និង ប្រជារាស្រ្តខ្មែរទាំងមូល។ ក្នុងព្រឹត្តិការណ៍ដ៏មានតម្លៃជាប្រវត្តិសាស្ត្រនេះ យុវជន យុវនារី ដែលជាសមាជិក សមាជិកា ស.ស.យ.ក. និង មូលនិធិមុទិតា បានសម្តែងនូវក្តីសោមនស្ស និងរំភើបជាពន់ពេកដែលបានមកទស្សនាការពិព័រណ៍ ព្រះបរមឆាយាល័ក្ខណ៍ ព្រះបរមរតនកោដ្ឋ  ក្នុងព្រះរាជសកម្មភាពសំខាន់ៗជាប្រវត្តិសាស្ត្រពេញមួយព្រះជន្មរបស់ព្រះអង្គ ព្រមទាំងទស្សនាការសម្តែងទស្សនីយភាពចម្រុះ ដែលដកស្រង់ចេញពីស្នាព្រះហស្ថព្រះរាជនិពន្ធ រួមបញ្ចូលជាមួយភាពច្នៃប្រឌិតដ៏ប៉ិនប្រសប់របស់សិល្បករ សិល្បការិនីជើងចាស់ និងយុវសិល្បករជំនាន់ថ្មី។ កិច្ចខិតខំប្រឹងប្រែងរបស់សិល្បករ សិល្បការិនីទាំងអស់បានបង្កប់នូវស្មារតីចងចាំ ប្រកបដោយអត្ថន័យជ្រាលជ្រៅថ្វាយ ព្រះករុណា ព្រះមហាវីរក្សត្រ ព្រះបរមរតនកោដ្ឋ៕(ដោយ៖ រដ្ឋា)

អ្នកបើកបរ​រថយន្ត​ដឹកទំនិញ​ប្រេ​ស៊ី​លបិទផ្លូវ ​ដើម្បី​តវ៉ា​ចំពោះ​ជ័យជំនះ​របស់លោក Lula

2022/11/01 10:20:04 pm        707
Facebook Telegram Linkin
​ប្រេស៊ីល៖ អ្នកបើកបរ​រថយន្ត​ដឹកទំនិញ​ដែល​គាំទ្រ ​ប្រធានាធិបតី​ប្រេ​ស៊ី​ល​ដែល​នឹង​ចាក​ចេញពី​តំណែង​លោក Jair Bolsonaro បាន​បង្កើន​ការ​តវ៉ា​របស់​ពួកគេ​កាលពី​ថ្ងៃ​ចន្ទ​ ដោយ​បាន​បិទ​ផ្លូវ​ក្នុង​រដ្ឋ​ចំនួន ១៦ ក្នុង​សកម្មភាព​ដែល​អាច​ប៉ះពាល់​ដល់​ការនាំចេញ​កសិផល ​ក្នុង​ប្រទេស​ផលិត​ស្បៀង​អាហារ​កំពូល​មួយ​របស់​ពិភពលោក​។​ ​នៅ​ក្នុង​រដ្ឋ Goias វីដេអូ​ដែល​បាន​បង្ហាញ​ពី​រថយន្ត​ដឹកទំនិញ រថយន្ត​អ្នកដំណើរ និង​ត្រាក់ទ័រ​បាន​បិទ​ផ្លូវ​ទាំង​ទៅ​ទាំង​មក​។ មនុស្ស​ជាច្រើន​បាន​បិទ​ផ្លូវ ​និង​គ្រវី​ទង់​ជាតិ​ប្រេ​ស៊ី​ល ​ដើម្បី​បង្ហាញ​ពី​ការ​គាំទ្រ​របស់​ពួកគេ​ចំពោះ​លោក Bolsonaro។ លោក Bolsonaro បាន​ចាញ់​ការបោះឆ្នោត​កាលពី​ថ្ងៃអាទិត្យ ដោយ​អតីត​ប្រធានាធិបតី​ឆ្វេង​និយម​លោក Luiz Inacio Lula da Silva បាន​ទទួល​ជ័យជំនះ​នេះ ប៉ុន្តែ​មិន​ទាន់​បាន​ទទួលស្គាល់​ការ​បរាជ័យ​ចំពោះ​គូប្រជែង​របស់​លោក​នៅឡើយ​។លោក​ត្រូវ​បាន​គេ​រំពឹង​ថា​នឹង​ថ្លែង​ទៅកាន់​ប្រជាជាតិ ប៉ុន្តែ​ភាព​ស្ងៀមស្ងាត់​តាម​វិទ្យុ​របស់​លោក​រហូត​មក​ដល់​ពេល​នេះ​ បាន​ធ្វើ​ឱ្យ​មានការ​ព្រួយបារម្ភ​អំពី​ការ​ប្រគល់​អំណាច និង​រយៈពេល​នៃ​ការ​ធ្វើ​បាតុកម្ម​បិទផ្លូវ​។ នគរបាល​សហព័ន្ធ​ផ្លូវ​ហាយវ៉េ​របស់​ប្រទេស​ប្រេ​ស៊ី​ល​បាន​និយាយ​កាលពី​ថ្ងៃ​ចន្ទ​ថា ​អ្នកបើកបរ​រថយន្ត​ដឹក​ទំនិញ​បាន​បិទ​ផ្លូវ​មួយ​ផ្នែក ​ឬ​ទាំងស្រុង​នៅក្នុង​រដ្ឋ​ចំនួន ១៦ ដែល​កើន​ឡើង​ពី​រដ្ឋ​ចំនួន ១២ កាលពី​ពេល​មុន៕អត្ថបទ៖ ប៊ុនថន

ប្រជាជន​ហៃ​ទី​ ៩៦,០០០​នាក់​ភៀសខ្លួន​ដោយសារ​ការ​កើន​ឡើង​អំពើ​ហិង្សា​របស់​ក្រុម​ជន​អន្ធពាល​

2022/11/01 09:57:17 pm        716
Facebook Telegram Linkin
​ហៃ​ទី៖ រយៈពេល​ច្រើន​ខែ​បន្ទាប់ពី​ក្រុម​ជន​អន្ធពាល បាន​ចូលកាន់​កាប់​តំបន់​មួយ​ចំនួនក្នុង​ទីក្រុង​ព័រ​អូ​ប្រាំង ប្រទេស​ហៃ​ទី គ្រួសារ​ជាច្រើន​ដែល​ត្រូវ​បាន​បង្ខំ​ឱ្យ​បោះបង់ចោល​លំនៅឋាន​របស់​ពួកគេ​ បន្ត​រស់នៅ​ក្រោម​ស្ថានភាព​គួរ​ឱ្យ​ព្រួយ​បារម្ភ​នៅ​ក្នុង​ជម្រក​ដែល​ពុំ​មាន​ការ​កែលម្អ​នៅ​ទូទាំង​រដ្ឋធានី​។​ ​អង្គការ​ទេសន្តោប្រវេសន៍​អន្តរជាតិ (IOM) របស់​អង្គការសហប្រជាជាតិ​បាន​និយាយ​កាលពី​ថ្ងៃ​សុក្រ​ថា ​មនុស្ស​ប្រមាណ ៩៦,០០០​នាក់​បាន​ភៀសខ្លួន​ចេញពី​លំនៅឋាន​របស់​ពួកគេ​នៅក្នុង​រដ្ឋធានី ប្រទេស​ហៃ​ទី ខណៈ​ប្រទេស​នេះ​ប្រឈម​នឹង​វិបត្តិ​ ដែល​បាន​ជំ​រុញ​ឱ្យ​រដ្ឋាភិបាល​ស្នើសុំ​ឱ្យ​ដាក់​ពង្រាយ​កងទ័ព​បរទេស​ជាបន្ទាន់​។ អង្គការ IOM បាន​និយាយ​ថា អំពើ​ហិង្សា​ជាប់​ពាក់ព័ន្ធ​ជាមួយ​ក្រុម​ជន​អន្ធពាល​ បាន​បណ្ដាល​ឱ្យ​មាន​ការ​ចាប់​ជំរិត ឧក្រិដ្ឋកម្ម និង​អំពើ​ហិង្សា​កាន់​តែ​ច្រើន​។ យោង​តាម​អង្គការ​សហប្រជាជាតិ​បាន​ឲ្យ​ដឹង​ថា ក្រុម​ជន​អន្ធពាល​ត្រូវ​បាន​គេ​ជឿ​ថា​ បាន​គ្រប់គ្រង​ប្រហែល ៦០% នៃ​ទីក្រុង​ព័រ​អូ​ប្រាំង ដោយ​រំលោភ​ស្ត្រី កុមារ និង​វាយ​ធ្វើបាប​បុរស ព្រមទាំង​ដុត​បំផ្លាញ​លំនៅ​ឋាន ខណៈ​ពួកគេ​ប្រយុទ្ធ​ដើម្បី​គ្រប់គ្រង​ទឹកដី​បន្ថែម​ទៀត​ បន្ទាប់ពី​ការ​ធ្វើ​ឃាត​ប្រធានាធិបតី​លោក Jovenel Moïse កាលពី​ខែ​កក្កដា ឆ្នាំ២០២១។​​វា​ក៏​មានការ​ផ្ទុះឡើង​ជំងឺ​អាសន្នរោគ ដោយមាន​ការ​ព្រួយបារម្ភ​កាន់តែខ្លាំង​ឡើង​អំពី​ស្ថានភាព​មិនល្អ ​នៅ​ទីជម្រក​របស់​រដ្ឋាភិបាល ដែល​មនុស្ស​រាប់ពាន់នាក់​បានរស់នៅ​ជាច្រើន​ខែ​មកហើយ​។ យ៉ាងហោចណាស់​មាន​អ្នកស្លាប់​ ៤០​នាក់​ពី​ករណី​សង្ស័យ​ថា​ជា​ជំងឺ​អាសន្នរោគ​ កើតមាន​ជាង ១,៧០០​ករណី​ត្រូវ​បាន​រាយការណ៍ ទោះជា​មន្ត្រី​សុខាភិ​បាល​ជឿ​ថាចំនួន​នៅ​គឺ​ខ្ពស់ជាង​នេះ​ច្រើន​។​ ​អង្គការ IOM បាន​និយាយ​ថា ​ប្រជាជន ១៧,០០០​នាក់​ផ្សេងទៀត​នៅតែ​គ្មាន​លំនៅឋាន​អចិន្ត្រៃយ៍​ បន្ទាប់ពី​ការ​រញ្ជួយ​ដី​កម្រិត ៧.២​រិច​ទ័​រ​បាន​វាយប្រហារ​ភាគ​និរតី​ប្រទេស​ហៃ​ទី​កាលពី​ខែសីហា​ ឆ្នាំ២០២១។​ ​រដ្ឋាភិបាល​បាន​ស្នើ​សុំ​ជំនួយ​ពី​កងទ័ព​បរទេស បន្ទាប់ពី​ក្រុម​ជន​អន្ធពាល​មាន​ឥទ្ធិពល​មួយ​ក្រុម​របស់​ប្រទេស​ហៃ​ទី ​បាន​ឡោមព័ទ្ធ​ស្ថានីយប្រេងឥន្ធនៈ​សំខាន់​មួយ​កន្លែង​ ក្នុង​រដ្ឋធានី​កាលពី​ពាក់កណ្តាល​ខែកញ្ញា ដោយ​បង្ខំ​ឱ្យ​ស្ថានីយប្រេងឥន្ធនៈ និង​អាជីវកម្ម​សំខាន់ៗ​ត្រូវ​បិទទ្វារ​៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ផ្លូវជនបទស្ថិតក្រោមក្របខណ្ឌក្រសួងអភិវឌ្ឍន៍ជនបទ កំពុងលើកកម្ពស់ដល់ការរស់នៅប្រជាពលរដ្ឋ
08/04/2026 09:08 PM
Facebook Telegram Linkin
ក្រុមគ្រួសារជនរងគ្រោះប្រាប់​ថា របួសមិនទាន់ជាសះស្បើយទេ​ ៦ឆ្នាំក្រោយ​ការផ្ទុះនៅកំពង់ផែបេរូតរបស់លីបង់​
08/04/2026 09:08 PM
Facebook Telegram Linkin
ប្រមុខរតនាគារ៖ អាមេរិក និងអ៊ីរ៉ង់ អាចនឹងឈានដល់កិច្ចព្រមព្រៀងច្រកសមុទ្រ​ Hormuz នៅថ្ងៃអង្គារ ឬថ្ងៃពុធ
08/04/2026 09:08 PM
Facebook Telegram Linkin
ប្រព័ន្ធផ្សព្វផ្សាយរដ្ឋ៖ បំណាក់​ដីបណ្ដាល​ឱ្យ​មនុស្ស ១៤នាក់ស្លាប់​ នៅតំបន់ Amhara របស់អេត្យូពី
08/04/2026 08:08 PM
Facebook Telegram Linkin
កម្ពុជាទទួលបានការគាំទ្រឱ្យធ្វើជាម្ចាស់ផ្ទះកីឡាតេក្វាន់ដូអាយ-ធីអែហ្វជើងឯកអាស៊ី២០២៨
08/04/2026 08:08 PM
Facebook Telegram Linkin
Brussels Airlines រាយការណ៍ពីការខាតបង់ប្រតិបត្តិការ ៨០លានដុល្លារ អំឡុង​ការចំណាយលើ​​​ប្រេងឥន្ធនៈខ្ពស់​
08/04/2026 08:08 PM
Facebook Telegram Linkin
ប្រភព៖ អាមេរិកបានប្រើប្រាស់មីស៊ីលចម្ងាយឆ្ងាយមានភាពជាក់លាក់ខ្ពស់ស្ទើរទាំងអស់ អំឡុងសង្គ្រាម ជាមួយ​អ៊ីរ៉ង់
08/04/2026 07:08 PM
Facebook Telegram Linkin
មនុស្សជាង ៨.០០០នាក់ នៅតែបន្ត​នៅក្នុងជម្រកបណ្ដោះអាសន្ន ក្រោយ​រញ្ចួយ​ដី​ ១សប្តាហ៍ នៅជប៉ុន
08/04/2026 07:08 PM
Facebook Telegram Linkin
ក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកបឹងត្រកួន
08/04/2026 07:08 PM
Facebook Telegram Linkin
កូរ៉េខាងត្បូង តវ៉ាចំពោះការអះអាង​សិទ្ធិ​របស់ជប៉ុន លើ​កោះតូចៗមានជម្លោះ
08/04/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.