BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

នគរបាលអ៊ីស្រាអែលប្រើកាំភ្លើងគ្រាប់ពិតក្នុងពេលប៉ះទង្គិចជាមួយក្រុមអ្នកតវ៉ាប៉ាឡេស្ទីននៅក្រុង Jerusalem

អ៊ីស្រាអែល៖ ក្រុមទាហានអ៊ីស្រាអែលបានបាញ់ឧស្ម័នបង្ហៀរទឹកភ្នែក ទៅលើក្រុមជនជាតិប៉ាឡេស្ទីនដែលកំពុងតដៃដោយគប់ដុំថ្មនៅក្នុងជំរំ Shuafat ក្បែរទីក្រុង Jerusalem នៅសប្ដាហ៍នេះ។ គេមើលឃើញក្រុមអ្នកតវ៉ាកំពុងគប់ដុំថ្ម និងគ្រាប់បែកភ្លើង និងដុតបំពួកភ្លើង ស្របពេលកងកម្លាំងសន្តិសុខបានបាញ់គ្រាប់កាំភ្លើងជ័រ និងឧស្ម័នបង្ហៀរទឹកភ្នែក។ នគរបាលអ៊ីស្រាអែលបានប្រើកាំភ្លើងគ្រាប់ពិត ក្នុងអំឡុងពេលប្រឈមជាមួយក្រុមអ្នកតវ៉ាប៉ាឡេស្ទីនរាប់រយនាក់។ នគរបាលអ៊ីស្រាអែលបាននឹងកំពុងធ្វើប្រតិបត្តិការក្នុងជំរំជនភៀសខ្លួន Shuafat នៅប៉ែកខាងកើតទីក្រុង Jerusalem ដើម្បីតាមរកជនសង្ស័យក្នុងការវាយប្រហារដោយអាវុធ នៅប៉ុស្តិ៍ត្រួតពិនិត្យមួយកន្លែងកាលពីថ្ងៃសៅរ៍ចុងសប្ដាហ៍មុន ដែលបានបណ្ដាលឲ្យទាហានម្នាក់ស្លាប់។ភាពរំជើបរំជួលខ្លាំងបំផុតមិនធ្លាប់មានក្នុងរយៈពេលជាច្រើនខែមកនេះបានផ្ទុះឡើង បន្ទាប់ពីបុរសប្រដាប់ដោយអាវុធម្នាក់បានបាញ់សម្លាប់ទាហានអ៊ីស្រាអែលម្នាក់ និងបណ្ដាលឲ្យមនុស្ស ៣នាក់រងរបួសនៅប៉ុស្តិ៍ត្រួតពិនិត្យផ្លូវបំបែកក្នុងជំរំ Shuafat កាលពីថ្ងៃសៅរ៍៕អត្ថបទ៖ សុខមាន

រុស្ស៊ីនឹងជម្លៀសជនស៊ីវិលចេញពីតំបន់ដែលខ្លួនគ្រប់គ្រង Kherson ខណៈអ៊ុយក្រែនវាយរុលទៅមុខ

រុស្ស៊ី៖ មេដឹកនាំលើកបន្តុបដោយរុស្ស៊ីនៅក្នុងតំបន់ Kherson ភាគខាងត្បូងរបស់អ៊ុយក្រែន លោក Vladimir Saldo បានអំពាវនាវឲ្យជនស៊ីវិលចាកចេញ ដោយសារតែការវាយប្រហារដោយគ្រាប់រ៉ូកែតរាល់ថ្ងៃ ពីសំណាក់កងកម្លាំងអ៊ុយក្រែនដែលកំពុងវាយរុលទៅមុខ។ លោកបានជំរុញពួកគេឲ្យជួយសង្គ្រោះជីវិតខ្លួនឯង តាមរយៈការធ្វើដំណើរទៅកាន់ប្រទេសរុស្ស៊ី សម្រាប់ការសម្រាកកម្សាន្ត និងការសិក្សា និងបានស្នើសុំជំនួយពីទីក្រុង Moscow។ ក្រោយមកការអំពាវនាវរបស់លោក ត្រូវបានជួយជំរុញបន្តដោយឧបនាយករដ្ឋមន្ត្រីរុស្ស៊ីលោក Marat Khusnullin នៅក្នុងសារនៅតាមទូរទស្សន៍រដ្ឋ។ អ៊ុយក្រែនបានច្រានចោលការចោទប្រកាន់ដែលថា ខ្លួនបានដាក់គោលដៅលើជនស៊ីវិលរបស់ខ្លួន។ ទាហានរបស់ខ្លួនដែលទើបដណ្ដើមបានមកវិញនូវតំបន់មួយចំនួននៃភាគពាយ័ព្យក្នុងតំបន់ Kherson កំពុងចូលជិតដល់ក្នុងទីក្រុង Kherson ហើយ។លោក Khusnullin ដែលមានភារកិច្ចទទួលខុសត្រូវពិសេស សម្រាប់ប្រទេសរុស្ស៊ីភាគខាងត្បូង និងឧបទ្វីប Crimea បាននិយាយថា រដ្ឋាភិបាលបានសម្រេចរៀបចំជំនួយ សម្រាប់ការចាកចេញរបស់ប្រជាពលរដ្ឋនៃតំបន់ Kherson ទៅកាន់តំបន់ផ្សេងៗរបស់ប្រទេសនេះ។ យើងនឹងផ្ដល់ឲ្យពលរដ្ឋគ្រប់គ្នានូវការស្នាក់នៅដោយឥតគិតថ្លៃ និងរបស់ចាំបាច់គ្រប់បែបយ៉ាង។ យោងតាមទីភ្នាក់ងារសារព័ត៌មានរដ្ឋរុស្ស៊ី Tass អភិបាលតំបន់ Rostov លោក Vasily Golubev បាននិយាយថា ក្រុមពលរដ្ឋដំបូងចេញពីតំបន់ Kherson នឹងមកដល់តំបន់ Rosto របស់រុស្ស៊ីនៅថ្ងៃសុក្រនេះ៕អត្ថបទ៖ សុខមាន

រយៈពេល ៥ឆ្នាំ កម្ពុជាបណ្ដេញចេញជនបរទេសខុសច្បាប់ ទៅស្រុកកំណើតវិញជាង ១ម៉ឺននាក់

ភ្នំពេញ៖ រយៈពេល៥ឆ្នាំ គឺចាប់ពីឆ្នាំ២០១៨-២០២២ អាជ្ញាធរកម្ពុជា បានបណ្ដេញចេញជនបរទេសស្នាក់នៅ និងធ្វើការខុសច្បាប់នៅកម្ពុជាជាង ១ម៉ឺននាក់ ក្នុងចំណោមនោះត្រឹមរយៈពេល៩ខែ ឆ្នាំ២០២២ ត្រូវបានបណ្ដេញចេញមានរហូតដល់ជាង ៣ .៥០០នាក់ ។នៅក្នុងសន្និសីទសារព័ត៌មានស្តីពី សមិទ្ធផលសម្រេចបានរយៈពេល ៥ឆ្នាំ របស់ក្រសួងមហាផ្ទៃ រៀបចំដោយអង្គភាពអ្នកនាំពាក្យរាជរដ្ឋាភិបាល នៅថ្ងៃទី១៤ ខែតុលា ឆ្នាំ២០២២ ឯកឧត្តម ខៀវ សុភ័ក្ត្រ អ្នកនាំពាក្យក្រសួង មានប្រសាសន៍ថា ចំពោះការងារអន្តោរប្រវេសន៍ ក្រសួងមហាផ្ទៃបានកំណត់យុទ្ធសាស្ត្រសំខាន់ៗចំនួន៣ ក្នុងការគ្រប់គ្រងជនបរទេស ក្នុងនោះទី១. ទប់ស្កាត់ម៉ឺងម៉ាត់ មិនឲ្យមានកំណើនបន្ថែមនូវជនបរទេស ស្នាក់នៅបែបអន្តោប្រវេសន៍ ដោយផ្ដើមចេញពីការ ចុះធ្វើជំរឿនជនបរទេសអន្តោរប្រវេសន៍ឡើងវិញ, ទី២. យកចិត្តទុកដាក់ជុំវិញដោះស្រាយបញ្ហាជនបរទេស ដែលមានវត្តមានក្នុងប្រទេស ឲ្យស្ថិតនៅក្រោមដំបូលនៃច្បាប់ និងទី៣. គ្រប់គ្រងហ្មត់ចត់ការស្នាក់នៅបណ្ដោះអាសន្ន របស់ជនបរទេសមិនមែនអន្តោប្រវេសន៍ ។ ឯកឧត្តមបានបន្តថា ការទប់ស្កាត់ការចេញចូលខុសច្បាប់ និងការអនុវត្តនីតិវិធីចំពោះបទល្មើសអន្តោប្រវេសន៍ ក្នុងរយៈពេល៥ឆ្នាំ គឺអាជ្ញាធរកម្ពុជា បានផ្អាកដំណើរមិនឲ្យចេញចូល និងបញ្ជូនទៅប្រទេសដើមវិញនូវជនបរទេសចំនួនជាង ៣ពាន់នាក់ និងបានបណ្ដេញចេញ ក្រោយពីស្រាវជ្រាវបង្ក្រាបបទល្មើសអន្តោប្រវេសន៍ (ក្នុងប្រទេស) មានចំនួនជាង ១១.០០០នាក់ និងមានជាច្រើនសញ្ជាតិ ។ ឯកឧត្តម ខៀវ សុភ័ក្ត្រ បានបន្ថែមថា ក្នុងរយៈពេលដូចគ្នានេះ កម្ពុជាបានផ្ដល់នូវទិដ្ឋាការចូលកម្ពុជាដល់ជនបរទេស មានចំនួនជាង ៦លាន ៤ម៉ឺននាក់, ទិដ្ឋាការចេញចំនួនជាង ២ម៉ឺននាក់ និងបន្តរយៈពេលស្នាក់នៅចំនួនជាង ២លាននាក់ ។ អ្នកនាំពាក្យក្រសួងមហាផ្ទៃ បានបន្តទៀតថា សម្រាប់អ្នកចេញចូលកម្ពុជា ជាលក្ខណៈអន្តរជាតិ ក្នុងនោះជនបរទេសចូលចំនួនជាង១៤លាន ៦សែននាក់ និងចេញចំនួនជាង១៤លាន ៧សែននាក់ ។ សម្រាប់ពលរដ្ឋខ្មែរវិញ បានចូលក្នុងប្រទេសមានចំនួនជាង៤លាន ៥សែននាក់ និងចេញជាង ៤លាន ៩សែននាក់ ៕(បាន សុខរិទ្ធិ)

រដ្ឋចំនួន ៣ របស់អូស្ត្រាលីចេញបញ្ជាឲ្យពលរដ្ឋជម្លៀសចេញពីលំនៅឋាន ក្រោយភ្លៀងធ្លាក់ខ្លាំងបង្កជាទឹកជំនន់

អូស្ត្រាលី៖ សហគមន៍ជាច្រើននៅក្នុងរដ្ឋចំនួន ៣ របស់អូស្ត្រាលីត្រូវបានបញ្ជាឲ្យជម្លៀស ខណៈភ្លៀងធ្លាក់ខ្លាំងបង្កឲ្យមានទឹកជំនន់ធ្ងន់ធ្ងរ។ ផ្នែកមួយចំនួនរបស់ប្រទេសនេះបានទទួលទឹកភ្លៀងច្រើនជាងកម្រិតមធ្យម ៣ដងនៅខែតុលានេះក្នុងរយៈពេលត្រឹមតែ ២៤ម៉ោងប៉ុណ្ណោះ។ លំនៅឋានយ៉ាងហោចណាស់ ៥០០ខ្នងត្រូវបានទឹកជន់លិច មនុស្សម្នាក់ស្លាប់ និងម្នាក់បាត់ខ្លួន ខណៈគ្រោះមហន្តរាយនេះនៅតែបន្ត។ ការជន់លិចដ៏ធ្ងន់ធ្ងរនៅទូទាំងប្រទេសអូស្ត្រាលី ដែលបានបង្កឡើងដោយបាតុភូតអាកាសធាតុឡានីញ៉ា (La Niña) បានសម្លាប់មនុស្សជាង ២០នាក់នៅឆ្នាំនេះ។ Victoria ដែលជារដ្ឋមានប្រជាជនច្រើនបំផុតទី២ របស់ប្រទេសអូស្ត្រាលីត្រូវបានរងគ្រោះធ្ងន់ធ្ងរបំផុតនៅសប្ដាហ៍នេះ។សហគមន៍មួយចំនួនត្រូវបានបញ្ជាឲ្យជម្លៀស រួមទាំងមួយចំនួនក្នុងទីក្រុងMelbourne។ ទឹកជំនន់បានជន់លិចពាសពេញផ្លូវ បានបង្ខំឲ្យបិទសាលារៀន និងកាត់ផ្ដាច់ចរន្តអគ្គិសនីនៅតាមលំនៅឋាន និងហាងអាជីវកម្មប្រមាណ ៣,០០០ខ្នង និងហាង៕អត្ថបទ៖ សុខមាន

វិមានក្រឹមឡាំងអះអាងថា គោលបំណងរបស់ខ្លួននៅអ៊ុយក្រែនអាចសម្រេចបានតាមរយៈការចរចា

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov ត្រូវបានដកស្រង់សម្ដីដោយនិយាយកាលពីថ្ងៃព្រហស្បតិ៍ថា គោលបំណងនៃប្រតិបត្តិការសឹកពិសេសរបស់ទីក្រុង Moscow នៅក្នុងប្រទេសអ៊ុយក្រែនមិនផ្លាស់ប្ដូរទេ ប៉ុន្តែអាចសម្រេចបានតាមរយៈការចរចា។ ការអត្ថាធិប្បាយទៅកាន់កាសែតរុស្ស៊ី Izvestia គឺជាលើកចុងក្រោយក្នុងសេចក្ដីថ្លែងការណ៍ជាបន្តបន្ទាប់នៅសប្ដាហ៍នេះ ដោយសង្កត់ធ្ងន់ពីការបើកឲ្យមានការចរចារបស់ទីក្រុង Moscow គឺជាការផ្លាស់ប្ដូរសំឡេង ក្រោយពេលបរាជ័យដ៏អាម៉ាស់ជាបន្តបន្ទាប់សម្រាប់កងកម្លាំងរុស្ស៊ីក្នុងសមរភូមិ ខណៈសង្គ្រាមក្នុងប្រទេសអ៊ុយក្រែនឈានចូលជិតបញ្ចប់ខែទី៨។ លោក Peskov ត្រូវបានដកស្រង់សម្ដីដោយនិយាយថា គោលដៅមិនផ្លាស់ប្ដូរឡើយ ប្រតិបត្តិការសឹកពិសេសនៅតែបន្ត វានឹងបន្តដើម្បីសម្រេចបានគោលដៅរបស់យើង ប៉ុន្តែយើងបានបញ្ជាក់ដដែលៗថា យើងនៅតែបើកទ្វារចរចាដើម្បីសម្រេចបំណងរបស់យើង។លោក Peskov បានបន្ថែមថា យ៉ាងណាក៏ដោយលោកពុំបានមើលឃើញក្ដីសង្ឃឹមណាមួយ សម្រាប់ការចរចាជាមួយលោកខាងលិចទេក្នុងពេលខាងមុខដ៏ខ្លីនេះ ដោយសារឥរិយាបទអរិភាពរបស់ខ្លួនចំពោះប្រទេសរុស្ស៊ី៕អត្ថបទ៖ សុខមាន

បច្ចុប្បន្នភាព ករណីរកឃើញជនរងគ្រោះ លិចទូកដចម្លងនៅស្រុកលើកដែក ខេត្តកណ្តាល

ភ្នំពេញ៖ របាយការណ៍ស្នងការនគរបាលខេត្តកណ្តាលប្រកាសថា គិតមកត្រឹមព្រឹកថ្ងៃទី១៤ ខែតុលា ឆ្នាំ២០២២ ស្តីពីការស្រាវជ្រាវរុករកជួយសង្គ្រោះជនរងគ្រោះដែលបាត់ខ្លួនក្នុងហេតុការណ៍ (លិចទូកដទទឹង) សរុបចំនួន១៥នាក់ ស្រី៤នាក់បានរកឃើញសពជនរងគ្រោះចំនួន ០២នាក់ បន្ថែមទៀត មានដូចខាងក្រោម÷១-ឈ្មោះ ឧត្ដម មុន្នី ភេទប្រុសអាយុ ១៣ឆ្នាំ មុខរបរសិស្ស ២-ឈ្មោះ សុន សុផាត ភេទប្រុស អាយុ១៤ឆ្នាំ មុខរបរសិស្ស របាយការណ៍បន្តថា ការរកឃើញសរុបចំនួន ១២នាក់ ស្លាប់០៨នាក់ (ស្រី០១នាក់)។ នៅសល់ចំនួន០៣នាក់ ស្រី០២នាក់ មានឈ្មោះដូចខាងក្រោម:១-ឈ្មោះ មាស សុវណ្ណរាជ ភេទប្រុស អាយុ ១៤ ឆ្នាំ មុខរបរសិស្ស២-ឈ្មោះ សុវត្ថិ លក្ខិណា ភេទស្រី អាយុ ១៣ឆ្នាំ មុខរបរសិស្ស៣-ឈ្មោះ រី ស្រីលីន អាយុ១២ឆ្នាំ ភេទស្រី មុខរបរសិស្ស បច្ចុប្បន្ន កម្លាំងចម្រុះបានបន្តស្រាវជ្រាវរុករកជនរងគ្រោះដែលបាត់ខ្លួនបន្តទៀត។

សម្តេចតេជោ ហ៊ុន សែន ចូលរួមរំលែកទុក្ខយ៉ាងក្រៀមក្រំបំផុតជាមួយបងប្អូនក្រុមគ្រួសារដែលបានបាត់បង់កូនៗ និងចៅៗជាទីស្រឡាញ់ ក្នុងហេតុការណ៍លិចទូកចម្លងនៅស្រុកលើកដែក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារចូលរួមរំលែកទុក្ខយ៉ាងក្រៀមក្រំបំផុតជាមួយបងប្អូនក្រុមគ្រួសារដែលបានបាត់បង់កូនៗនិងចៅៗជាទីស្រឡាញ់ នៅក្នុងឧប្បទ្ទវហេតុលិចទូកចម្លងដឹកសិស្សានុសិស្សចេញពីសាលាទៅផ្ទះស្ថិតនៅឃុំកំពង់ភ្នំ ស្រុកលើកដែក ខេត្តកណ្តាល កាលពីយប់ថ្ងៃទី១៣ ខែតុលា ឆ្នាំ២០២២ ដែលបានបណ្តាលអោយស្លាប់ជាច្រើននាក់ និងមួយចំនួនត្រូវបានជួយសង្គ្រោះបន្ទាន់នៅមន្ទីរពេទ្យ និងមួយចំនួនទៀតនៅកំពុងបាត់ខ្លួននៅឡើយ។សម្តេចតេជោ ហ៊ុន សែន បញ្ជាអោយសមត្ថកិច្ចនិងអាជ្ញាធរពាក់ព័ន្ធទាំងអស់ចូលរួមបន្តស្វែងរកអ្នករងគ្រោះ និងចូលរួមដោះស្រាយជួយដល់បងប្អូនក្រុមគ្រួសារនៃសព និងជនរងគ្រោះអោយបានទាន់ពេលវេលដ៏លំបាកបំផុតនេះ។សម្តេចតេជោ ហ៊ុន សែន សូមឱ្យបងប្អូនប្រជាពលរដ្ឋ ជាពិសេសដែលរស់នៅតាមមាត់ទន្លេមានការប្រុងប្រយ័ត្នខ្ពស់ក្នុងពេលដែលស្ថានភាពទឹកជំនន់កំពុងកើនឡើង៕

ឯកឧត្តម ហ៊ុន ម៉ានី នាំយកអាវរងារអំណោយសម្តេចតេជោ និងសម្តេចកិត្តិព្រឹទ្ធបណ្ឌិត ផ្តល់ជូនកងកម្លាំងប្រដាប់អាវុធមូលដ្ឋានសមុទ្ររាម

ព្រះសីហនុ៖ ឯកឧត្តម ហ៊ុន ម៉ានី តំណាងសម្តេតេជោ ហ៊ុន សែន នាយករដ្ឋមន្ត្រី នៅព្រឹកកថ្ងៃទី១៤ ខែតុលា ឆ្នាំ២០២២នេះ បានអញ្ជើញជួបសំណេះសំណាល សាកសួរសុខទុក្ខ និងផ្តល់អាវរងារអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តល់ជូនកងកម្លាំងប្រដាប់អាវុធមូលដ្ឋានសមុទ្ររាម នៅមូលដ្ឋានសមុទ្ររាម កងទ័ពជើងទឹក។

សម្តេចតេជោ ហ៊ុន សែន នាយករដ្ឋមន្ត្រី អញ្ជើញចូលរួមប្រជុំសភា និងបោះឆ្នោតជ្រើសតាំងឯកឧត្តម ឌិត ទីណា ជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី អញ្ជើញចូលរួមប្រជុំសភា និងបោះឆ្នោតជ្រើសតាំងឯកឧត្តម ឌិត ទីណា ជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃសុក្រ ទី១៤ ខែតុលា ឆ្នាំ២០២២នេះ ។សេចក្តីជូនព័ត៌មានរបស់រដ្ឋសភា បានឱ្យដឹងថា នៅថ្ងៃទី១៤ ខែតុលា ឆ្នាំ២០២២នេះ រដ្ឋសភាបន្តសម័យប្រជុំរដ្ឋសភា លើកទី៨ នីតិកាលទី៦របស់ខ្លួន។ ការប្រជុំនេះពិនិត្យលើរបៀបវារៈតែមួយប៉ុណ្ណោះ គឺការបោះឆ្នោតផ្តល់សេចក្តីទុកចិត្ត លើការបំពេញបន្ថែម សមាសភាពសមាជិកនៃរាជរដ្ឋាភិបាលដល់ ឯកឧត្តម ឌិត ទីណា ជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ៕

សន្និសីទសារព័ត៌មានលទ្ធផលកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨

ភ្នំពេញ៖ ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា និងឯកឧត្តមអគ្គលេខាធិការអាស៊ាន បានអញ្ជើញធ្វើសន្និសីទពីលទ្ធផលកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨ នៅរសៀលថ្ងៃទី១៣ ខែតុលា ឆ្នាំ២០២២នេះ ។គួរបញ្ជាក់ថា កាលពីព្រឹកថ្ងៃទី១៣ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨ ដែលកិច្ចប្រជុំនេះ ធ្វើឡើងនៅសណ្ឋាគារសុខាភ្នំពេញ។ កិច្ចប្រជុំនោះ មានការអញ្ជើញចូលរួមពីសំណាក់រដ្ឋមន្ត្រីសហគមន៍សង្គម វប្បធម៌អាស៊ាន អគ្គលេខាធិការអាស៊ាន រដ្ឋមន្ត្រីស្ថាប័នក្រោមវិស័យសហគមន៍សង្គម វប្បធម៌អាស៊ាន ឧត្តមមន្ត្រីសហគមន៍សង្គម វប្បធម៌អាស៊ាន ឧត្តមមន្ត្រីវិស័យក្រោមសហគមន៍សង្គម វប្បធម៌អាស៊ាន អគ្គលេខាធិការរងអាស៊ាន តំណាងអចិន្ត្រៃយ៍សហគមន៍ សង្គម វប្បធម៌អាស៊ាន ប្រតិភូអម និងមន្ត្រីពាក់ព័ន្ធជាច្រើនរូបទៀត។

បណ្ដាញសង្គម

ព័ត៌មានថ្មីៗ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

លោក Macron បញ្ជាក់ថា EU នឹងបង្កើនសម្ពាធលើរុស្ស៊ី និងពង្រឹងការគាំទ្រផ្នែកយោធាដល់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

នគរបាលអ៊ីស្រាអែលប្រើកាំភ្លើងគ្រាប់ពិតក្នុងពេលប៉ះទង្គិចជាមួយក្រុមអ្នកតវ៉ាប៉ាឡេស្ទីននៅក្រុង Jerusalem

រុស្ស៊ីនឹងជម្លៀសជនស៊ីវិលចេញពីតំបន់ដែលខ្លួនគ្រប់គ្រង Kherson ខណៈអ៊ុយក្រែនវាយរុលទៅមុខ

រយៈពេល ៥ឆ្នាំ កម្ពុជាបណ្ដេញចេញជនបរទេសខុសច្បាប់ ទៅស្រុកកំណើតវិញជាង ១ម៉ឺននាក់

រដ្ឋចំនួន ៣ របស់អូស្ត្រាលីចេញបញ្ជាឲ្យពលរដ្ឋជម្លៀសចេញពីលំនៅឋាន ក្រោយភ្លៀងធ្លាក់ខ្លាំងបង្កជាទឹកជំនន់

វិមានក្រឹមឡាំងអះអាងថា គោលបំណងរបស់ខ្លួននៅអ៊ុយក្រែនអាចសម្រេចបានតាមរយៈការចរចា

បច្ចុប្បន្នភាព ករណីរកឃើញជនរងគ្រោះ លិចទូកដចម្លងនៅស្រុកលើកដែក ខេត្តកណ្តាល

សន្និសីទសារព័ត៌មានលទ្ធផលកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​នឹង​ជម្លៀស​ជន​ស៊ីវិល​ចេញពី​តំបន់​ដែល​ខ្លួន​គ្រប់គ្រង Kherson ខណៈ​អ៊ុយ​ក្រែ​ន​វាយ​រុលទៅមុខ​

រយៈពេល ៥ឆ្នាំ កម្ពុជាបណ្ដេញចេញជនបរទេសខុសច្បាប់ ទៅស្រុកកំណើតវិញជាង ១ម៉ឺននាក់

វិមាន​ក្រឹម​ឡាំង​អះអាងថា​ គោលបំណង​របស់​ខ្លួន​នៅ​អ៊ុយ​ក្រែ​ន​អាច​សម្រេច​បាន​តាម​រយៈ​ការចរចា

បច្ចុប្បន្នភាព ករណីរកឃើញជនរងគ្រោះ លិចទូកដចម្លងនៅស្រុកលើកដែក ខេត្តកណ្តាល

សន្និសីទសារព័ត៌មានលទ្ធផលកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនឹងជម្លៀសជនស៊ីវិលចេញពីតំបន់ដែលខ្លួនគ្រប់គ្រង Kherson ខណៈអ៊ុយក្រែនវាយរុលទៅមុខ

វិមានក្រឹមឡាំងអះអាងថា គោលបំណងរបស់ខ្លួននៅអ៊ុយក្រែនអាចសម្រេចបានតាមរយៈការចរចា