BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

មនុស្សជិត ២០នាក់ស្លាប់ក្នុងគ្រោះថ្នាក់រថយន្តក្រុងនៅប្រទេសប៉ាគីស្ថាន

ប៉ាគីស្ថាន៖ មន្ត្រីប៉ាគីស្ថាននិយាយថា យ៉ាងហោចណាស់អ្នកដំណើរ ១៨នាក់បានស្លាប់ និង ៧នាក់បានរងរបួស បន្ទាប់ពីរថយន្តក្រុងមួយគ្រឿងបានឆាបឆេះនៅតាមផ្លូវទៅកាន់តំបន់ Khair pur Nathan Shah ដែលរងគ្រោះដោយទឹកជំនន់ធ្ងន់ធ្ងរក្នុងខេត្ត Sindh។ អ្នកដំណើរម្នាក់ដែលបានបាត់បង់សមាជិកគ្រួសារ នៅក្នុងគ្រោះថ្នាក់រថយន្តក្រុងនេះបាននិយាយថា ពួកគេកំពុងធ្វើដំណើរត្រឡប់ទៅភូមិរបស់ពួកគេវិញ បន្ទាប់ពីទឹកជំនន់បានស្រកចុះ។ យោងតាមមន្ត្រីបានឲ្យដឹងថា រថយន្តក្រុងបានឆេះដោយសារតែឆ្លងចរន្តភ្លើងភ្លាមៗនៅក្នុងស្រុក Jamshoro ដែលក្រុមជួយសង្គ្រោះបានប្រញាប់ប្រញាល់ទៅកាន់កន្លែងកើតហេតុ ហើយចាប់ផ្តើមជម្លៀសអ្នកដំណើរចេញពីរថយន្ត ប៉ុន្តែអ្នកដំណើរមួយចំនួនជាកុមារបានជាប់នៅខាងក្នុង ហើយមិនអាចគេចខ្លួនចេញបាន។គ្រោះថ្នាក់ចរាចរណ៍បណ្តាលឲ្យមានមនុស្សស្លាប់បែបនេះ តែងតែកើតមាននៅក្នុងប្រទេសប៉ាគីស្ថានដោយសារហេដ្ឋារចនាសម្ព័ន្ធផ្លូវថ្នល់មិនល្អ និងការមិនគោរពច្បាប់ចរាចរណ៍ ហើយយានយន្តថែទាំមិនបានល្អ។ កាលពីខែកក្កដាឆ្នាំមុន រថយន្តក្រុងដឹកកម្មករភាគច្រើនធ្វើដំណើរទៅផ្ទះ ដើម្បីចូលរួមពិធីបុណ្យមូស្លីមដ៏សំខាន់មួយបានបុករថយន្តកុងតឺន័រ នៅលើផ្លូវហាយវេនៅភាគកណ្តាលប្រទេសប៉ាគីស្ថាន បណ្ដាលឲ្យមនុស្សយ៉ាងហោចណាស់ ៣៣នាក់ស្លាប់៕អត្ថបទ៖ ប៊ុនថន

លោក Putin និយាយថា រុស្ស៊ីអាចបង្កើនការផ្គត់ផ្គង់ឧស្ម័នទៅដល់អឺរ៉ុប

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃពុធថា ទីក្រុងមូស្គូបានត្រៀមខ្លួនដើម្បីបន្តការផ្គត់ផ្គង់ឧស្ម័នទៅកាន់អឺរ៉ុបតាមរយៈតំណភ្ជាប់នៃបំពង់បង្ហូរឧស្ម័ន Nord Stream 2 ដែលតភ្ជាប់ទៅប្រទេសអាល្លឺម៉ង់នៅក្រោមសមុទ្របាល់ទិក។ ថ្លែងនៅក្នុងវេទិកាថាមពលទីក្រុងមូស្គូ លោក Putin បានចោទប្រកាន់ជាថ្មីម្តងទៀតថា សហរដ្ឋអាមេរិកទំនងជានៅពីក្រោយការបំផ្ទុះដែលបានបំផ្លាញតំណភ្ជាប់ទាំង២ នៃបំពង់បង្ហូរប្រេង Nord Stream 1 និងតំណភ្ជាប់មួយផ្សេងទៀតក្នុងចំណោមតំណភ្ជាប់ទាំង២ នៃបំពង់បង្ហូរប្រេង Nord Stream 2 បណ្តាលឱ្យលេចធ្លាយឧស្ម័នដ៏ធំ និងបានកាត់ផ្តាច់សេវា។ មេដឹកនាំរុស្ស៊ីបាននិយាយបង្អាប់ប្រទេសលោកខាងលិចម្តងហើយម្តងទៀត ដោយបង្កើនការរំពឹងទុកនៃការបញ្ជូនឧស្ម័នតាមរយៈបំពង់បង្ហូរប្រេង Nord Stream 2 ដែលជាជម្រើសចាញ់ប្រៀបខាងនយោបាយសម្រាប់រដ្ឋាភិបាលអាល្លឺម៉ង់ និងប្រទេសផ្សេងទៀត។ ដោយអះអាងសារជាថ្មី លោក Putin និយាយថា ការវាយប្រហារបំពង់បង្ហូរឧស្ម័នត្រូវបានធ្វើឡើងដោយអ្នកដែលមានបំណងធ្វើឱ្យអឺរ៉ុបចុះខ្សោយ ដោយការបញ្ឈប់លំហូរឧស្ម័នមានតម្លៃថោកពីប្រទេសរុស្ស៊ី។ លោកបាននិយាយថា សកម្មភាពនៃការបំផ្លាញបំពង់បង្ហូរឧស្ម័ន Nord Stream 1 និង 2 គឺជាសកម្មភាពភេរវកម្មអន្តរជាតិ ដែលមានគោលបំណងធ្វើឱ្យអន្តរាយដល់សន្តិសុខថាមពលនៃទ្វីបទាំងមូល ដោយរារាំងការផ្គត់ផ្គង់ថាមពលមានតម្លៃថោក ដោយចោទប្រកាន់ថា សហរដ្ឋអាមេរិកមានបំណងបង្ខំឱ្យអឺរ៉ុបផ្លាស់ប្តូរទៅការនាំចូលឧស្ម័នធម្មជាតិរាវ ដែលមានតម្លៃថ្លៃជាងនេះ។លោកនិយាយថា អ្នកដែលចង់កាត់ផ្តាច់ទំនាក់ទំនងរវាងរុស្ស៊ី និងសហភាពអឺរ៉ុប គឺជាអ្នកនៅពីក្រោយសកម្មភាពនៃការបំផ្លិចបំផ្លាញបំពង់បង្ហូរឧស្ម័ន Nord Stream។ ខណៈរុស្ស៊ីនៅតែបូមឧស្ម័នទៅកាន់អឺរ៉ុបតាមប្រទេសអ៊ុយក្រែន ការផ្ទុះបំពង់បង្ហូរប្រេងនៅសមុទ្របាល់ទិកបានធ្វើឱ្យការខ្វះថាមពលធ្ងន់ធ្ងរ ដែលអឺរ៉ុបប្រឈមមុខមុនរដូវរងានេះ។ បំពង់បង្ហូរឧស្ម័ន Nord Stream 2 មិនដែលបានបញ្ជូនស្ម័នធម្មជាតិទៅកាន់អឺរ៉ុបនោះទេ ដោយសារប្រទេសអាល្លឺម៉ង់បានទប់ការបង្ហូរចាប់តាំងពីដំបូង នៅមុនការវាយលុករបស់យោធារុស្ស៊ីនៅអ៊ុយក្រែនចាប់តាំងពីថ្ងៃទី24 ខែកុម្ភៈ៕អត្ថបទ៖ ប៊ុនថន

កូរ៉េខាងជើងបាញ់មីស៊ីលតម្រង់គោលដៅមានសមត្ថភាពបំពាក់អាវុធនុយក្លេអ៊ែរ

កូរ៉េខាងជើង៖ ទីភ្នាក់ងារសារព័ត៌មានរដ្ឋ KCNA របស់កូរ៉េខាងជើងបានរាយការណ៍នៅព្រឹកថ្ងៃព្រហស្បតិ៍នេះថា ប្រទេសកូរ៉េខាងជើងបានបាញ់មីស៊ីលតម្រង់គោលដៅយុទ្ធសាស្ត្រ រយៈចម្ងាយឆ្ងាយចំនួនពីរគ្រាប់កាលពីថ្ងៃពុធ។ យោងតាមការរាយការណ៍របស់ទីភ្នាក់ងារ KCNA បានឲ្យដឹងថា មេដឹកនាំកូរ៉េខាងជើងលោក Kim Jong Un ស្ថិតនៅទីតាំងបាញ់សាកល្បងនេះ ហើយបាននិយាយថា ប្រទេសរបស់លោកនឹងផ្តោតលើកិច្ចខិតខំប្រឹងប្រែងទាំងអស់ លើការអភិវឌ្ឍន៍ដែលកំពុងកើនឡើង និងគ្មានទីបញ្ចប់របស់កងកម្លាំងគ្រប់គ្រងអាវុធប្រយុទ្ធនុយក្លេអ៊ែរជាតិ។ ទីភ្នាក់ងារ KCNA និយាយថា មីស៊ីលបានបាញ់ចំគោលដៅនៅក្នុងចម្ងាយ ២០០០គីឡូម៉ែត្រ។ រូបភាពបានបង្ហាញពីការបាញ់មីស៊ីលដែលលោក Kim កំពុងពិនិត្យមើល ហើយលោក Kim បានថតរូបជាមួយក្រុមទាហាន និងមន្ត្រីពាក់ព័ន្ធក្នុងការបាញ់មីស៊ីល។លោក Kim និយាយថា កងកម្លាំងនុយក្លេអ៊ែររបស់ប្រទេសត្រៀមខ្លួនជាស្រេច សម្រាប់សង្គ្រាមពិតប្រាកដដើម្បីធ្វើឲ្យសត្រូវចុះញ៉ម។ លោកនិយាយថា ប្រព័ន្ធសព្វាវុធរបស់កូរ៉េខាងជើងមានឥទ្ធិពលស៊ីបគោលដៅ និងចល័តបាន។ ការសាកល្បងមីស៊ីលទាំងនេះ ជាការបញ្ជូនការព្រមានដ៏ច្បាស់លាស់ទៅដល់សត្រូវ។ អាជ្ញាធរទីក្រុងព្យុងយ៉ាងនិយាយថា ការសាកល្បងនេះគឺជាការព្រមានទៅដល់កូរ៉េខាងត្បូង និងសហរដ្ឋអាមេរិក ដែលបានធ្វើសមយុទ្ធកងទ័ពជើងទឹករួមគ្នា រួមមាននាវាផ្ទុកយន្តហោះសហរដ្ឋអាមេរិក ដែលកូរ៉េខាងជើងចាត់ទុកសមយុទ្ធនេះថាមានគ្រោះថ្នាក់៕អត្ថបទ៖ ប៊ុនថន

លោកខាងលិចបង្កើនការផ្ដល់ជំនួយយោធាដល់អ៊ុយក្រែន បន្ទាប់ពីការវាយប្រហារ ២ថ្ងៃជាប់គ្នារបស់រុស្ស៊ី

អឺរ៉ុប៖ បណ្ដាប្រទេសលោកខាងលិចជាង ៥០ បានជួបគ្នានៅក្នុងទីក្រុង Brussels ដើម្បីប្ដេជ្ញាបញ្ជូនអាវុធថែមទៀតដល់អ៊ុយក្រែន ពិសេសប្រព័ន្ធការពារដែនអាកាស បន្ទាប់ពីរុស្ស៊ីវាយប្រហារដោយមីស៊ីលបន្តបន្ទាប់ច្រើនបំផុត ចាប់តាំងពីការចាប់ផ្ដើមនៃសង្គ្រាម។ ក្រុមរដ្ឋមន្ត្រីការពារជាតិសម្ព័ន្ធយោធា NATO បានជួបគ្នាកាលពីថ្ងៃពុធ ខណៈបណ្ដាប្រទេសជាសមាជិករបស់សម្ព័ន្ធនេះប្រឈមបញ្ហាធំចំនួន២ នៃការប្រឹងប្រែងផលិត និងផ្គត់ផ្គង់អាវុធដល់អ៊ុយក្រែន ខណៈកំពុងការពារហេដ្ឋារចនាសម្ព័ន្ធដ៏សំខាន់របស់អឺរ៉ុប ដូចជាបំពង់បង្ហូរប្រេង ឬខ្សែកាប្លិ៍ ដែលអាចថារុស្ស៊ីចង់កម្ទេចចោលជាការសងសឹក។ នៅកិច្ចប្រជុំនៃក្រុមទំនាក់ទំនងការពារជាតិអ៊ុយក្រែនកាលពីថ្ងៃពុធ រដ្ឋមន្ត្រីការពារជាតិអាមេរិកលោក Lloyd Austin បាននិយាយថា ការវាយប្រហារចុងក្រោយរបស់រុស្ស៊ីបានបង្ហាញពីការចងគំនុំ និងភាពសាហាវឃោរឃៅ ចាប់តាំងពីការវាយលុកអ៊ុយក្រែនកាលពីថ្ងៃទី២៤ ខែកុម្ភៈ។ការវាយប្រហាររបស់រុស្ស៊ីដោយប្រើមីស៊ីលជាង ១០០គ្រាប់បានសម្លាប់មនុស្សយ៉ាងហោចណាស់ ២៦នាក់នៅទូទាំងអ៊ុយក្រែនកាលពីថ្ងៃចន្ទ នៅពេលដែលប្រធានាធិបតី Vladimir Putin បញ្ជានូវអ្វីដែលលោកហៅថាជាការវាយប្រហារសងសឹកអ៊ុយក្រែន ចំពោះការបំផ្ទុះស្ពានដ៏សំខាន់មួយតភ្ជាប់រុស្ស៊ី និងតំបន់ឧបទ្វីប Crimea ដែលលោកបានស្ដីបន្ទោសលើទីក្រុង Kyiv៕អត្ថបទ៖ សុខមាន

លោក Biden ដាក់លក្ខខណ្ឌសម្រាប់ជំនួបជាមួយលោក Putin នៅកិច្ចប្រជុំកំពូល G20

អាមេរិក៖ លោកប្រធានាធិបតីអាមេរិក Joe Biden និយាយថា លោកគ្មានបំណងជួបលោក Vladimir Putin នៅកិច្ចប្រជុំកំពូល G20 ដែលនឹងមកដល់ក្នុងពេលឆាប់ៗនេះនៅកោះបាលី ប្រទេសឥណ្ឌូនេស៊ី ដើម្បីពិភាក្សាអំពីបញ្ហាអ៊ុយក្រែននោះទេ លុះត្រាតែមេដឹកនាំរុស្ស៊ីមករកលោកមុនដើម្បីពិភាក្សា បញ្ហាដូចជាការដោះលែងតារាសហគមន៍បាល់បោះស្ត្រីថ្នាក់ជាតិរបស់អាមេរិកនាង Brittney Griner ដែលបច្ចុប្បន្នត្រូវបានជាប់ពន្ធនាគារនៅក្នុងប្រទេសរុស្ស៊ី។ ថ្លែងទៅកាន់អ្នកសម្របសម្រួលកម្មវិធីរបស់ទូរទស្សន៍ CNN លោក Jake Tapper លោក Biden បានពិភាក្សាបញ្ហាផ្សេងៗជាច្រើនដែលធ្វើឲ្យប៉ះពាល់ដល់ទំនាក់ទំនងរុស្ស៊ី-អាមេរិក និងបានថ្កោលទោសការគំរាមរបស់លោក Putin ក្នុងការប្រើប្រាស់អាវុធនុយក្លេអ៊ែរនៅក្នុងជម្លោះយោធាជាមួយអ៊ុយក្រែន។ នៅពេលត្រូវសួរថា តើលោកមានបំណងជួបមេដឹកនាំរុស្ស៊ីនៅកិច្ចប្រជុំ G20 នៅក្នុងខែវិច្ឆិកាដែរទេ លោក Biden បាននិយាយថា មែនហើយ លោកគ្មានបំណងជួបលោក Putin ទេ។ ប៉ុន្តែប្រសិនបើលោក Putin ដើរមករកខ្ញុំមុននៅកិច្ចប្រជុំកំពូល G20 ខ្ញុំចង់និយាយពីការដោះលែងកីឡាការិនី Brittney Griner ខ្ញុំនឹងជួបលោក។ ខ្ញុំចង់បានន័យថា វាអាស្រ័យទៅលើមេដឹកនាំរុស្ស៊ី។លោក Biden និងលោក Putin ពុំបាននិយាយរកគ្នាដោយផ្ទាល់ ចាប់តាំងពីមុនពេលរុស្ស៊ីបើកប្រតិបត្តិការយោធារបស់ខ្លួន ក្នុងប្រទេសអ៊ុយក្រែនកាលពីថ្ងៃទី២៤ ខែកុម្ភៈ។ ចំណែករដ្ឋមន្ត្រីការបរទេសរុស្ស៊ីលោក Sergey Lavrov នៅសប្ដាហ៍នេះបាននិយាយថា វិមានក្រឹមឡាំងនឹងពិចារណាជំនួបនេះ ប៉ុន្តែមិនទាន់ទទួលបានសំណើពីទីក្រុង Washington នៅឡើយទេ៕ អត្ថបទ៖ សុខមាន

សម្ដេចតេជោ ហ៊ុន សែន បញ្ជាឱ្យស្ថាប័នពាក់ព័ន្ធពង្រីកប្រព័ន្ធស្បៀង ឆ្លើយតបគ្រោះមហន្តរាយ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានជំរុញស្ថាប័នពាក់ព័ន្ធ ត្រូវពង្រឹង និងពង្រីកប្រព័ន្ធស្បៀង ដើម្បីឆ្លើយតបបញ្ហាគ្រោះមហន្តរាយ ដែលកម្ពុជាបាន និងកំពុងជួបប្រទះស្ទើរជារៀងរាល់ឆ្នាំ ។យោងតាមសារលិខិត ក្នុងឱកាសទិវាជាតិគ្រប់គ្រងគ្រោះមហន្តរាយ១៣ តុលា ឆ្នាំ២០២២នេះ ក្រោមមូលបទ “រួមគ្នាដើម្បីលើកកម្ពស់តុល្យការសកម្មភាពមូលដ្ឋានីយកម្ម សម្រាប់ភាពធន់ នឹងគ្រោះមហន្តរាយ” សម្ដេចតេជោនាយករដ្ឋមន្ត្រី មានប្រសាសន៍ថា រហូតមកដល់ពេលនេះ ពិភពលោកកំពុងទទួលឥទ្ធិពល នៃការប្រែប្រួលអាកាសធាតុ បណ្ដាលឲ្យកើតមានគ្រោះមហន្តរាយធំៗជាច្រើន ខណៈកម្ពុជាស្ទើរជារៀងរាល់ឆ្នាំ បានរងប៉ះពាល់ពីទឹកជំនន់ រាំងស្ងួត ខ្យល់កន្ត្រាក់ រន្ទះបាញ់ បាក់ច្រាំងទន្លេ និងគ្រោះមហន្តរាយផ្សេងៗទៀត ។ដើម្បីឲ្យស្របតាមទស្សនវិស័យ នៃនយោបាយឈ្នះ ឈ្នះ! គឺឈ្នះសេដ្ឋកិច្ច ឈ្នះគ្រោះមហន្តរាយ សម្ដេចតេជោ បានអំពាវនាវពលរដ្ឋបន្តអនុវត្ត ៣កុំ ៣ការពារ និងចាក់វ៉ាក់សាំងឲ្យបានគ្រប់ដូស, ស្ថាប័នពាក់ព័ន្ធត្រូវបន្តពង្រឹងសមត្ថភាព លើការយល់ដឹងអំពីហានិភ័យគ្រោះហន្តរាយ ដាក់តាមដានមុខសញ្ញាគ្រោះថ្នាក់ ព័ត៌មានព្យាករណ៍ និងប្រកាសព័ត៌មានជាមុនអំពីហេតុការណ៍ និងគ្រោះថ្នាក់ដែលអាចកើត មានដោយគ្រោះហន្តរាយ ។សម្ដេចតេជោនាយករដ្ឋមន្ត្រី បន្ថែមថា “ក្រសួងសេដ្ឋកិច្ច និងហិរញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ និងគណៈកម្មាធិការជាតិគ្រប់គ្រងគ្រោះមហន្តរាយ បន្តពង្រឹង និងពង្រីកប្រព័ន្ធស្បៀងបម្រុងកម្ពុជា ដើម្បីធានាថាប្រជាជនរងគ្រោះ នឹងត្រូវបានដោះស្រាយបញ្ហាសន្តិសុខស្បៀង មានគ្រាប់ពូជសម្រាប់ស្តារការដាំដុះ និងមានសាច់ប្រាក់ បម្រុងដើម្បីដោះស្រាយតម្រូវការផ្សេងៗទៀត ដែលមិនមែនជាស្បៀងនិងគ្រាប់ពូជ” ។សម្ដេចតេជោ ហ៊ុន សែន បានជំរុញឲ្យមានភាពម្ចាស់ការ ធ្វើសកម្មភាពកាត់បន្ថយហានិភ័យគ្រោះមហន្តរាយ, សម្រាប់វិនិយោគិន ធុរជន ម្ចាស់សហគ្រាស...[]...សូមវិភាជទុនបង្កើតប្រព័ន្ធការពារគ្រោះថ្នាក់ការងារ រៀបចំហេដ្ឋារចនាសម្ព័ន្ធធន់ បង្កើតទីសុវត្ថិភាព។ ចំណែកគណៈកម្មាធិការជាតិគ្រប់គ្រងគ្រោះមហន្តរាយ ត្រូវសម្របសម្រួលដឹកនាំការរៀបចំគោលនយោបាយ ជាតិស្តីពីកិច្ចទទួលខុសត្រូវផ្នែកសង្គម នៅក្នុងការគ្រប់គ្រងគ្រោះមហន្តរាយ ។ នាយករដ្ឋមន្ត្រី បានបន្តទៀតថា ក្រសួង ស្ថានប័នពាក់ព័ន្ធ ត្រូវសហការជាមួយគណៈកម្មាធិការជាតិគ្រប់គ្រងគ្រោះមហន្តរាយ រួមជាមួយជំនាញ ដៃគូវិនិយោគ និងដៃគូអភិវឌ្ឍន បង្កើនសមត្ថភាព លើការងាគ្រប់គ្រងគ្រោះមហន្តរាយ ហើយត្រូវត្រួតពិនិត្យ និងរៀបចំផែនការត្រៀមបម្រុងរបស់ខ្លួន និងត្រូវត្រៀមបម្រុងនូវធនធាន មធ្យោបាយ និងសម្ភារៈក្នុងការជួយសង្រ្គោះពេលមានគ្រោះមហន្តរាយផ្តល់ការ ឧបត្ថម្ភគាំទ្រដល់ប្រជាជនដែលរងគ្រោះ និងស្តារឡើងវិញក្រោយគ្រោះមហន្តរាយ នៅក្នុងដែនសមត្ថកិច្ច នៃវិស័យរបស់ខ្លួន ៕ (ដោយ៖ បាន សុខរិទ្ធិ)

មន្ត្រីជាន់ខ្ពស់ទីក្រុង Kiev និយាយថា រុស្ស៊ីបានផ្លាស់ប្ដូរវិធីសាស្ត្រសង្គ្រាមរបស់ខ្លួននៅក្នុងប្រទេសអ៊ុយក្រែន

អ៊ុយក្រែន៖ រដ្ឋមន្ត្រីក្រសួងថាមពលអ៊ុយក្រែនលោក German Galushchenko បានប្រាប់ទូរទស្សន៍ CNN ថា ប្រហែល ៣០% នៃហេដ្ឋារចនាសម្ព័ន្ធរបស់អ៊ុយក្រែនត្រូវបានបំផ្លិចបំផ្លាញ បន្ទាប់ពីការវាយប្រហារ ២ថ្ងៃជាប់ៗគ្នាដោយមីស៊ីលរបស់រុស្ស៊ី។ ទីក្រុង Moscow បានហៅការវាយប្រហារកាលពីថ្ងៃចន្ទ និងថ្ងៃអង្គារថា ជាការឆ្លើយតបទៅនឹងការវាយប្រហារភេរវកម្មរបស់អ៊ុយក្រែនមកលើទឹកដីរុស្ស៊ី។ យោងតាមបណ្តាញព័ត៌មានសហរដ្ឋអាមេរិក មន្ត្រីជាន់ខ្ពស់អ៊ុយក្រែនរូបនេះបាននិយាយកាលពីថ្ងៃអង្គារថា វាជាលើកដំបូងហើយចាប់តាំងពីការចាប់ផ្តើមនៃសង្គ្រាម ដែលបានជួបប្រទះការវាយប្រហារទ្រង់ទ្រាយធំរបស់រុស្ស៊ីលើហេដ្ឋារចនាសម្ព័ន្ធរបស់ប្រទេសលោក។ លោកបានវាយតម្លៃថា អឺរ៉ុបក៏បានរងផលប៉ះពាល់ដែរដោយសារសង្គ្រាមតំណាងនេះ ព្រោះទីក្រុង Kiev បានផ្អាកការនាំចេញថាមពលអគ្គិសនី។ លោក Galushchenko បានបញ្ជាក់ថា អ៊ុយក្រែនជួយបណ្ដាប្រទេសនៅអឺរ៉ុបដើម្បីសង្គ្រោះលើការផ្គត់ផ្គង់ឧស្ម័ន និងធ្យូងថ្មរបស់រុស្ស៊ី និងចង់តភ្ជាប់វិញឲ្យបានឆាប់ពីប្រភពផ្សេងទៀត។មេបញ្ជាការកងទ័ពទើបត្រូវបានតែងតាំងថ្មីនៃកងកម្លាំងរុស្ស៊ីក្នុងប្រទេសអ៊ុយក្រែន លោក Sergey Surovikin កំពុងព្យាយាមបង្ហាញលទ្ធផលឲ្យបានលឿនដល់លោក Vladimir Putin ដោយការវាយប្រហារលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន ខណៈដែលប្រធានចារកម្មនៃក្រសួងការពារជាតិរុស្ស៊ីបានរាយការណ៍ថា នេះគឺជារបៀបបំពេញការងាររបស់មេបញ្ជាការថ្មីរូបនេះ៕អត្ថបទ៖ សុខមាន

សម្តេចតេជោ ហ៊ុន សែន ៖ អាស៊ានជាសហគមន៍ពហុវប្បធម៌ ដែលតម្រូវឱ្យយើងរួមគ្នាខិតខំ ក្នុងភាពចម្រុះ សំដៅសម្រេចបាននូវការយល់ដឹងឱ្យកាន់តែទូលំទូលាយជាងមុន

ភ្នំពេញ៖ សម្តេចតេជោ ហ៊ុន សែន មានប្រសាសន៍ថា អាស៊ាន គឺជាសហគមន៍ពហុវប្បធម៌ ដែលតម្រូវឱ្យយើងរួមគ្នាខិតខំ ក្នុងភាពចម្រុះ សំដៅសម្រេចបាននូវការយល់ដឹងឱ្យកាន់តែទូលំទូលាយជាងមុន ក្នុងចំណោមប្រជាជាតិរបស់យើង ជាពិសេសយុវជនអាស៊ាន ដើម្បីលើកកម្ពស់ភាពធន់ និងការយល់គ្នាទៅវិញទៅមក។ថ្លែងក្នុងពិធីបើកកិច្ចប្រជុំក្រុមប្រឹក្សាសហគមន៍ សង្គម វប្បធម៌អាស៊ានលើកទី២៨ នៅសណ្ឋាគារសុខាភ្នំពេញ នាព្រឹកថ្ងៃទី១៣ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន ប្រកាសថា ដើម្បីសម្រេចបាន «ចក្ខុវិស័យមួយ,អត្តសញ្ញាណមួយ និងសហគមន៍មួយ» ក្នុងនាមប្រធានអាស៊ាន ឆ្នាំ២០២២នេះ កម្ពុជាបានកំណត់មូលបទ «អាស៊ានរួមធ្វើ៖ ដោះស្រាយបញ្ហាប្រឈមជាមួយគ្នា»។សម្តេចតេជោ ហ៊ុន សែន បន្តថា ដោយសារការរួមគ្នា, ការទទួលបានជោគជ័យលើការគ្រប់គ្រងជំងឺកូវីដ-១៩ បានផ្តល់ឱកាសឱ្យយើងទាំងអស់គ្នា(អាស៊ាន)អាចចាប់ផ្តើមឡើងវិញ នូវដំណើរការសេដ្ឋកិច្ច និងសង្គមពេញលេញ ព្រមទាំងជំរុញអនុវត្តយុទ្ធសាស្ត្រានានា សម្រាប់ស្តារសេដ្ឋកិច្ច និងសង្គមឡើងវិញ។សម្តេចតេជោ ហ៊ុន សែន ប្រកាសថា ដើម្បីស្តារសេដ្ឋកិច្ចសង្គមតំបន់អាស៊ាន ប្រកបដោយភាពធន់ និងចីរភាព អាស៊ានចាំបាច់ត្រូវពង្រឹងកិច្ចសហប្រតិបត្តិការ និងបង្កើនការយកចិត្តទុកដាក់លើការគាំពារ និងអភិវឌ្ឍមូលធនមនុស្សតាមរយៈ ការធ្វើឌីជីថលូបនីយកម្ម,ការអភិវឌ្ឍសុខភាពសាធារណៈ និងប្រព័ន្ធគាំពារសង្គម និងពង្រឹងវិស័យអប់រំ និងជំនាញ។សម្តេចតេជោ ហ៊ុន សែន បញ្ជាក់ថា ការបន្តពង្រឹងការផ្សារភ្ជាប់រវាងប្រជាជន និងប្រជាជន គឺជាកិច្ចការអភិភាពដ៏សំខាន់មួយ ដែលនឹងជួយលើកកម្ពស់ការយល់ដឹងពីគុណតម្លៃ និងអត្តសញ្ញាណអាស៊ាន ក្នុងស្រទាប់យុវជន ព្រមទាំងពង្រឹងតួនាទីយុវជនក្នុងការចូលរួមកសាងសហគមន៍អាស៊ានប្រកបដោយការទទួលខុសត្រូវ៕

មហាសន្និបាតអង្គការសហប្រជាជាតិថ្កោលទោសការដាក់ដែនដីអ៊ុយក្រែនទៅក្នុងឧបសម្ព័ន្ធរបស់រុស្ស៊ី

UN៖ មហាសន្និបាតអង្គការសហប្រជាជាតិថ្កោលទោស ការប៉ុនប៉ងការបញ្ចូលក្នុងឧបសម្ព័ន្ធដោយខុសច្បាប់របស់រុស្ស៊ីនៃតំបន់ចំនួន៤ របស់អ៊ុយក្រែនដោយសំឡេងគាំទ្រ ១៤៣ ទល់នឹង ៥។ មហាសន្និបាតអង្គការសហប្រជាជាតិបានបោះឆ្នោត ថ្កោលទោសការប៉ុនប៉ងដាក់បញ្ចូលទៅក្នុងឧបសម្ព័ន្ធដោយខុសច្បាប់នៃតំបន់ចំនួន៤ ដែលត្រូវបានគ្រប់គ្រងដោយផ្នែកនៅក្នុងប្រទេសអ៊ុយក្រែន និងបានជំរុញបណ្ដាប្រទេសកុំឲ្យទទួលស្គាល់សកម្មភាពនេះ។ ក្នុងការបោះឆ្នោតកាលពីថ្ងៃពុធដោយមានសំឡេង ៣ភាគ៤ នៃសមាជិកមហាសន្និបាតចំនួន ១៩៣ប្រទេស ក្នុងនោះមាន ១៤៣ប្រទេសបានគាំទ្រសេចក្ដីសម្រេចមួយ ដែលបានបញ្ជាក់ឡើងវិញផងដែរពីអធិបតេយ្យភាព ឯករាជ្យ ឯកភាព និងបូរណភាពទឹកដីរបស់អ៊ុយក្រែននៅក្នុងព្រំដែន ដែលត្រូវបានទទួលស្គាល់ជាអន្តរជាតិ។ប្រទេសចំនួន៤ ដែលបានចូលរួមជាមួយរុស្ស៊ី ក្នុងការបោះឆ្នោតប្រឆាំងនឹងសេចក្ដីសម្រេចនេះមានស៊ីរី, នីការ៉ាហ្គ័រ, កូរ៉េខាងជើង និងបេឡារុស។ ប្រទេសចំនួន ៣៥ទៀតអនុបវាទរួមមានចិន, ឥណ្ឌា, អាហ្វ្រិកខាងត្បូង និងប៉ាគីស្ថានផងដែរ ហើយប្រទេសនៅសល់ផ្សេងទៀតពុំបានបោះទេ៕អត្ថបទ៖ សុខមាន

រដ្ឋសភានឹងប្រជុំបោះឆ្នោតផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី១៤ ខែតុលា ស្អែកនេះ

ភ្នំពេញ៖ គណៈកម្មាធិការអចិន្ត្រៃយ៍រដ្ឋសភា បានបើកកិច្ចប្រជុំក្រោមអធិបតីភាព សម្ដេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃព្រហស្បតិ៍ ទី១៣ ខែតុលា ឆ្នាំ២០២២ នៅសាលប្រជុំគណៈកម្មាធិការអចិន្រ្តៃយ៍រដ្ឋសភា។ អង្គប្រជុំបានធ្វើការពិភាក្សា និងអនុម័តយល់ព្រម សំណើសុំបោះឆ្នោតផ្តល់សេចក្តីទុកចិត្តលើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដើម្បីដាក់ជូនរដ្ឋសភាបោះឆ្នោតផ្តល់សេចក្តីទុកចិត្ត ក្នុងសម័យប្រជុំរដ្ឋសភានាពេលខាងមុខ។អង្គប្រជុំក៏បានអនុម័តកាលបរិច្ឆេទ បន្តសម័យប្រជុំរដ្ឋសភា លើកទី៨ នីតិកាលទី៦ នៅព្រឹកថ្ងៃសុក្រ ៤រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែតុលា ឆ្នាំ២០២២ វេលាម៉ោង ៨:០០នាទី ដោយមានរបៀបវារៈ ការបោះឆ្នោតផ្តល់សេចក្តីទុកចិត្ត លើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ៕

បណ្ដាញសង្គម

ព័ត៌មានថ្មីៗ

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ពលរដ្ឋកូរ៉េខាងត្បូងស្វែងរកកន្លែងត្រជាក់នៅក្នុងរូងភ្នំក្រោមដី ខណៈរលកកកម្តៅវាយប្រហារប្រទេសមួយនេះ

បំណែកដំណាក់កាលទី ២នៃយានចម្លងរបស់ក្រុមហ៊ុន SpaceXនឹងធ្លាក់លើឋានព្រះចន្ទនៅថ្ងៃពុធនេះ

ពលរដ្ឋរស់នៅរដ្ឋ Assam ប្រទេសឥណ្ឌា បាត់បង់អ្វីៗគ្រប់បែបយ៉ាងដោយសារទឹកជំនន់

ការវាយប្រហារមីស៊ីលបាលីស្ទិករុស្ស៊ី បង្កជាអគ្គិភ័យជាច្រើនកន្លែងនៅទីក្រុងគីវ របស់អ៊ុយក្រែន

ជនអន្តោប្រវេសនាំគ្នាសម្រាកនៅលើឆ្នេរសមុទ្រស្ថិតក្នុងដែនដី Ceuta របស់អេស្ប៉ាញ ក្រោយការជាន់គ្នាស្លាប់មនុស្ស

សារព័ត៌មានរដ្ឋអ៊ីរ៉ង់បង្ហាញស្ពានរងការខូចខាត ក្រោយការវាយប្រហាររបស់សហរដ្ឋអាមេរិក

ពលរដ្ឋហ្គាតេម៉ាឡាជម្លៀសខ្លួនទៅកាន់ទីជម្រក ពេលភ្នំភ្លើងព្រួសកម្អែកាន់តែខ្លាំង

អគ្គិភ័យក្នុងរោងចក្រគីមី បង្ខំឲ្យជម្លៀសអ្នកស្រុក ១៥០នាក់នៅតំបន់ជាយក្រុង Sao Paulo ប្រទេសប្រេស៊ីល

លោក Macron បញ្ជាក់ថា EU នឹងបង្កើនសម្ពាធលើរុស្ស៊ី និងពង្រឹងការគាំទ្រផ្នែកយោធាដល់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សជិត ២០នាក់ស្លាប់ក្នុងគ្រោះថ្នាក់រថយន្តក្រុងនៅប្រទេសប៉ាគីស្ថាន

លោក Putin និយាយថា រុស្ស៊ីអាចបង្កើនការផ្គត់ផ្គង់ឧស្ម័នទៅដល់អឺរ៉ុប

កូរ៉េខាងជើងបាញ់មីស៊ីលតម្រង់គោលដៅមានសមត្ថភាពបំពាក់អាវុធនុយក្លេអ៊ែរ

លោកខាងលិចបង្កើនការផ្ដល់ជំនួយយោធាដល់អ៊ុយក្រែន បន្ទាប់ពីការវាយប្រហារ ២ថ្ងៃជាប់គ្នារបស់រុស្ស៊ី

លោក Biden ដាក់លក្ខខណ្ឌសម្រាប់ជំនួបជាមួយលោក Putin នៅកិច្ចប្រជុំកំពូល G20

សម្ដេចតេជោ ហ៊ុន សែន បញ្ជាឱ្យស្ថាប័នពាក់ព័ន្ធពង្រីកប្រព័ន្ធស្បៀង ឆ្លើយតបគ្រោះមហន្តរាយ

មហាសន្និបាតអង្គការសហប្រជាជាតិថ្កោលទោសការដាក់ដែនដីអ៊ុយក្រែនទៅក្នុងឧបសម្ព័ន្ធរបស់រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ជិត ​២០​នាក់​ស្លាប់​ក្នុង​គ្រោះថ្នាក់​រថយន្តក្រុង​នៅ​ប្រទេស​ប៉ា​គី​ស្ថាន

លោក ​Putin និយាយថា រុស្ស៊ី​អាច​បង្កើន​ការផ្គត់ផ្គង់​ឧស្ម័ន​ទៅដល់​អឺរ៉ុប

កូរ៉េខាងជើង​បាញ់​មី​ស៊ី​ល​តម្រង់​គោលដៅ​មាន​សមត្ថភាព​បំពាក់អាវុធ​នុយក្លេអ៊ែរ

លោក Biden ដាក់​លក្ខខណ្ឌ​សម្រាប់​ជំនួប​ជាមួយ​លោក Putin នៅ​កិច្ចប្រជុំ​កំពូល​ G20

សម្ដេចតេជោ ហ៊ុន សែន បញ្ជាឱ្យស្ថាប័នពាក់ព័ន្ធពង្រីកប្រព័ន្ធស្បៀង ឆ្លើយតបគ្រោះមហន្តរាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សជិត ២០នាក់ស្លាប់ក្នុងគ្រោះថ្នាក់រថយន្តក្រុងនៅប្រទេសប៉ាគីស្ថាន

លោក Putin និយាយថា រុស្ស៊ីអាចបង្កើនការផ្គត់ផ្គង់ឧស្ម័នទៅដល់អឺរ៉ុប

កូរ៉េខាងជើងបាញ់មីស៊ីលតម្រង់គោលដៅមានសមត្ថភាពបំពាក់អាវុធនុយក្លេអ៊ែរ

លោក Biden ដាក់លក្ខខណ្ឌសម្រាប់ជំនួបជាមួយលោក Putin នៅកិច្ចប្រជុំកំពូល G20