BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

ថ្ងៃស្អែក សម្តេចតេជោ ហ៊ុន សែន នឹងអញ្ជើញជួបសំណេះសំណាលជាមួយប្រជាពលរដ្ឋដែលបានចាប់ឆ្នោតស្ម័គ្ររើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរមករស់នៅភូមិធម្មជាតិរុនតាឯក

ភ្នំពេញ៖ នៅព្រឹកថ្ងៃសៅរ៍ ៦កើត ខែអស្សុជ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី១ ខែតុលា ឆ្នាំ២០២២ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជួបសំណេះសំណាលជាមួយប្រជាពលរដ្ឋដែលបានចាប់ឆ្នោតស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ទៅរស់នៅក្នុងភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ជាទីតាំងដែលរាជរដ្ឋាភិបាលផ្តល់ដីជូនពលរដ្ឋជាថ្នូរនឹងការរុះរើសំណង់ចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា៕

ការបំផ្ទុះគ្រាប់បែកនៅវិទ្យាស្ថានអប់រំក្នុងប្រទេសអាហ្វហ្គានីស្ថានបណ្តាលឲ្យមនុស្ស ១៩នាក់ស្លាប់

អាហ្វហ្គានីស្ថាន៖ នគរបាលនិយាយនៅថ្ងៃសុក្រនេះថា ការវាយប្រហារដោយគ្រាប់បែកអត្តឃាតនៅវិទ្យាស្ថានអប់រំមួយកន្លែងក្នុងរដ្ឋធានីកាប៊ុល ប្រទេសអាហ្វហ្គានីស្ថាន បណ្តាលឲ្យមនុស្ស ១៩នាក់ស្លាប់ និងច្រើននាក់រងរបួស ប៉ុន្តែពុំមានការអះអាងភ្លាមៗនៅឡើយទេពីការទទួលខុសត្រូវនៃការវាយប្រហារនេះ។ អ្នកទាំងនេះភាគច្រើនរស់នៅតំបន់ភាគខាងលិចជាកន្លែងដែលការបំផ្ទុះកើតឡើង ដែលក្រុមជនជាតិភាគតិចត្រូវបានដាក់គោលដៅក្នុងការវាយប្រហារកាលពីពេលមុនៗ ធ្វើឡើងដោយក្រុមរដ្ឋអ៊ីស្លាម ជាក្រុមសកម្មប្រយុទ្ធស្ថិតក្នុងចំណោមក្រុមផ្សេងទៀត។ អ្នកនាំពាក្យនគរបាលទីក្រុងកាប៊ុលលោក Khalid Zadran បានិយាយថា មនុស្ស ២៧នាក់ បានរងរបួសក្នុងការវាយប្រហារនេះ។ លោកនិយាយថា ការវាយប្រហារបានកើតឡើងនៅវិទ្យាស្ថានអប់រំ ជាកន្លែងដែលមានការប្រលង ហើយសាលារៀនទាំងអស់ជាធម្មតាបិទនៅក្នុងប្រទេសអាហ្វហ្គានីស្ថាននៅថ្ងៃសុក្រ។ការវាយប្រហារលើគោលដៅជនស៊ីវិល បង្ហាញពីភាពអមនុស្សធម៌របស់សត្រូវយ៉ាងឃោឃៅ និងខ្វះសីលធម៌។ ចាប់តាំងពីដណ្តើមកាន់អំណាចនៅក្នុងប្រទេសអាហ្វហ្គានីស្ថានកាលពីខែសីហា ឆ្នាំ២០២១ ក្រុមតាលីបង់បានបញ្ជាក់ថា ពួកគេនឹងធានាបានសន្តិសុខប្រទេសបន្ទាប់ពីជាច្រើនទសវត្សនៃសង្គ្រាម ប៉ុន្តែជាច្រើនខែថ្មីៗនេះ បានមើលឃើញពីការបំផ្ទុះគ្រាប់បែកជាបន្តបន្ទាប់នៅវិហារ និងតំបន់ជនស៊ីវិលរស់នៅ៕អត្ថបទ៖ ប៊ុនថន

ប្រទេសហ្វាំងឡង់ដាក់បម្រាមលើអ្នកទេសចររុស្ស៊ីមិនឲ្យចូលមក

ហ្វាំងឡង់៖ រដ្ឋាភិបាលហ្វាំងឡង់បាននិយាយកាលពីថ្ងៃព្រហស្បតិ៍ថា ប្រទេសហ្វាំងឡង់នឹងដាក់កម្រិតយ៉ាងខ្លាំងលើការធ្វើចរាចរណ៍របស់អ្នកដំណើរ នៅតាមព្រំដែនហ្វាំងឡង់ជាមួយប្រទេសរុស្ស៊ី ដោយដាក់បម្រាមលើពលរដ្ឋរុស្ស៊ីដែលធ្វើដំណើរមានទិដ្ឋាការទេសចរណ៍ មិនឱ្យចូលមកប្រទេសនៅអឺរ៉ុបខាងជើងមួយនេះ ដែលនឹងចូលជាធរមាននៅថ្ងៃសុក្រនេះ។ រដ្ឋមន្ត្រីការបរទេសលោក Pekka Haavisto បាននិយាយក្នុងសន្និសីទសារព័ត៌មានថា គោលបំណងជាមូលដ្ឋាននៃការសម្រេចចិត្តជាគោលការណ៍គឺដើម្បីទប់ស្កាត់ទាំងស្រុង នូវភ្ញៀវទេសចររុស្ស៊ីមកកាន់ប្រទេសហ្វាំងឡង់ក្នុងស្ថានភាពបច្ចុប្បន្ន និងការឆ្លងកាត់ដែលពាក់ព័ន្ធកាត់តាមប្រទេសហ្វាំងឡង់។ រដ្ឋាភិបាលបានបង្ហាញភាពត្រឹមត្រូវលើការសម្រេចចិត្តរបស់ខ្លួនដោយនិយាយថា ការបន្តមកដល់របស់ភ្ញៀវទេសចររុស្ស៊ីក្នុងប្រទេសហ្វាំងឡង់ កំពុងបង្កគ្រោះថ្នាក់ដល់ទំនាក់ទំនងអន្តរជាតិរបស់ប្រទេស។រដ្ឋាភិបាលបានពិភាក្សាអំពីបញ្ហាជាមួយមេដឹកនាំអ៊ុយក្រែន ក្នុងចំណោមមេដឹកនាំផ្សេងទៀតមុនពេលសម្រេចចិត្ត។ ពលរដ្ឋរុស្ស៊ីនៅតែអាចចូលមកប្រទេសហ្វាំងឡង់ ដែលមានព្រំប្រទល់ដីគោក ១,៣៤០គីឡូម៉ែត្រជាមួយប្រទេសរុស្ស៊ីសម្រាប់ហេតុផលគ្រួសារ សម្រាប់គោលបំណងសិក្សា ឬការងារ ព្រមទាំងអ្នកប្រឆាំងនយោបាយរុស្ស៊ីក៏អាចចូលមកប្រទេសនេះ ក្នុងគោលបំណងមនុស្សធម៌៕អត្ថបទ៖ ប៊ុនថន

អង្គការសហប្រជាជាតិថ្កោលទោសរុស្ស៊ីចំពោះការដាក់បញ្ចូលឧបសម្ព័ន្ធតំបន់របស់អ៊ុយក្រែន

UN៖ ប្រមុខអង្គការសហប្រជាជាតិកំពុងថ្កោលទោសចំណាត់ការរបស់រុស្ស៊ី ក្នុងការបញ្ចូលឧបសម្ព័ន្ធជាផ្លូវការតំបន់របស់អ៊ុយក្រែនដែលបានចូលកាន់កាប់។ អគ្គលេខាធិការលោក Antonio Guterres បានថ្លែងកាលពីថ្ងៃព្រហស្បតិ៍ថា រុស្ស៊ីមានទំនួលខុសត្រូវក្នុងការប្រកាន់ខ្ជាប់ធម្មនុញ្ញរបស់អង្គការសហប្រជាជាតិ ហើយទង្វើនេះគ្មានតម្លៃស្របតាមច្បាប់នោះទេ ដែលមិនអាចទទួលយកឡើយ។ លោក Guterres បានថ្លែងនៅក្នុងសន្និសីទសារព័ត៌មាននៅទីក្រុងញូវយ៉កថា លោកមានបំណងគូសបញ្ជាក់ថា អ្វីដែលគេហៅថា ការបោះឆ្នោតប្រជាមតិនៅក្នុងតំបន់ដែលបានចូលកាន់កាប់ ត្រូវបានធ្វើឡើងក្នុងអំឡុងពេលជម្លោះប្រដាប់អាវុធដ៏សកម្ម នៅក្នុងតំបន់ក្នុងពេលកាន់កាប់របស់រុស្ស៊ី និងនៅក្រៅក្របខ័ណ្ឌច្បាប់ និងរដ្ឋធម្មនុញ្ញរបស់អ៊ុយក្រែន។ វាមិនអាចត្រូវបានគេចាត់ទុកថា ជាការបញ្ចេញមតិពិតប្រាកដនៃឆន្ទៈនោះទេ។ កាលពីថ្ងៃព្រហស្បតិ៍ រុស្ស៊ីបាននិយាយថា ខ្លួននឹងដាក់បញ្ចូលឧបសម្ព័ន្ធជាផ្លូវការនូវតំបន់របស់អ៊ុយក្រែនដែលបានចូលកាន់ បន្ទាប់ពីខ្លួនបានបោះឆ្នោតប្រជាមតិរៀបចំដោយវិមានក្រឹមឡាំង ដែលក្នុងនោះខ្លួនបានអះអាងថា ប្រជាជនបានបោះឆ្នោតយ៉ាងច្រើនលើសលប់ ដើម្បីរស់នៅក្រោមការគ្រប់គ្រងរបស់ទីក្រុងមូស្គូ។ រដ្ឋាភិបាលអ៊ុយក្រែន និងប្រទេសលោកខាងលិចបានរិះគន់ការបោះឆ្នោតនេះថា ខុសច្បាប់ បង្ខំ និងរៀបចំទុកជាមុន។ទន្ទឹមនឹងនេះក្នុងអំឡុងសុន្ទរកថាកាលពីយប់ថ្ងៃព្រហស្បតិ៍ ប្រធានាធិបតីអ៊ុយក្រែនលោក Volodymyr Zelenskyy បានអំពាវនាវដល់ពលរដ្ឋរុស្ស៊ីដែលរស់នៅក្នុងប្រទេសរុស្ស៊ី ឲ្យបញ្ឈប់ប្រធានាធិបតីរបស់ពួកគេ លោក Vladimir Putin ។ លោក Zelenskyy និយាយថា អ្នកត្រូវបញ្ឈប់ប្រធានាធិបតី Vladimir Putin នៅក្នុងប្រទេសរុស្ស៊ីដែលចង់បានសង្គ្រាមច្រើនជាងជីវិតរបស់អ្នក។ ការអត្ថាធិប្បាយរបស់លោកធ្វើឡើង បន្ទាប់ពីអ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃព្រហស្បតិ៍ថា តំបន់ចំនួនបួនរបស់អ៊ុយក្រែនមាន Luhansk, Donetsk, Kherson និងតំបន់ Zaporizhzhia នឹងត្រូវបានដាក់បញ្ចូលជាមួយរុស្ស៊ី ក្នុងអំឡុងពិធីមួយដែលនឹងចូលរួមដោយលោក Putin។ លោក Peskov និយាយថា រដ្ឋបាលគាំទ្រទីក្រុងមូស្គូក្នុងតំបន់ទាំងនេះ នឹងចុះហត្ថលេខាលើសន្ធិសញ្ញាដើម្បីចូលជាមួយរុស្ស៊ី៕អត្ថបទ៖ ប៊ុនថន

លោក Putin ចុះហត្ថលេខាលើក្រឹត្យទទួលស្គាល់ឯករាជ្យខេត្ត Zaporizhzhia និង Kherson

រុស្ស៊ី៖ លោកប្រធានាធិបតីរុស្ស៊ី Vladimir Putin បានចុះហត្ថលេខាលើក្រឹត្យទទួលស្គាល់ឯករាជ្យនៃខេត្ត Kherson និងខេត្ត Zaporizhzhia នេះបើយោងតាមព័ត៌មានផ្លូវការរបស់សហព័ន្ធរុស្ស៊ី។ ក្រឹត្យនេះនិយាយថា រុស្ស៊ីទទួលស្គាល់ឯករាជ្យរបស់ខេត្ត Kherson ភាគខាងត្បូង និងខេត្ត Zaporizhzhia ដែលរុស្ស៊ីបានដណ្ដើមយកដោយផ្នែកកាលពីដើមឆ្នាំនេះ។ សកម្មភាពនេះកើតឡើងក្រោយការបោះឆ្នោតប្រជាមតិ ដែលបានធ្វើឡើងនៅក្នុងដែនដីមួយចំនួនដែលខ្លួនបានគ្រប់គ្រងកាលពីថ្ងៃទី២៣ ដល់២៧ កញ្ញា ដោយមានការអះអាងថា ពលរដ្ឋក្នុងតំបន់ត្រូវបានសាកសួរថា តើពួកគេចង់ឲ្យដែនដីទាំងនេះចូលរួមជាមួយរុស្ស៊ីឬអត់។ ការធ្វើបែបនេះ រុស្ស៊ីព្យាយាមពង្រឹងការគ្រប់គ្រងរបស់ខ្លួនលើដែនដីអ៊ុយក្រែន ដែលខ្លួនបានវាយដណ្ដើមកាន់កាប់ ក្រោយការវាយបកថ្មីៗដោយជោគជ័យរបស់កងកម្លាំងប្រដាប់អាវុធអ៊ុយក្រែន។ អ្នកនាំពាក្យវិមានក្រឹមឡាំងលោក Dmitry Peskov បាននិយាយថា ប្រធានាធិបតីរុស្ស៊ី Vladimir Putin នឹងចុះហត្ថលេខាលើឯកសារទាំងនេះ ដើម្បីដាក់បញ្ចូលជាផ្លូវការនូវតំបន់មួយចំនួនរបស់អ៊ុយក្រែន ដែលរុស្ស៊ីគ្រប់គ្រងនៅថ្ងៃទី៣០ ខែកញ្ញានេះ ជាវិធានការមួយដែលត្រូវបានថ្កោលទោសដោយសម្ព័ន្ធមិត្តលោកខាងលិចថា ជារឿងខុសច្បាប់ និងឥតប្រយោជន៍៕អត្ថបទ៖ សុខមាន

មនុស្ស ១២នាក់ស្លាប់ក្នុងព្យុះសង្ឃរា Ian នៅរដ្ឋ Florida ខណៈលោក Biden ព្រមានពីការបំផ្លិចបំផ្លាញធ្ងន់ធ្ងរបំផុតក្នុងប្រវត្តិសាស្ត្រ

អាមេរិក៖ មនុស្សយ៉ាងហោចណាស់ ១២នាក់បានស្លាប់បន្ទាប់ពីព្យុះសង្ឃរាអាយអិន (Ian) បានវាយប្រហារយ៉ាងធ្ងន់ធ្ងរនៅទូទាំងរដ្ឋ Florida ដែលលោកប្រធានាធិបតី Joe Biden និយាយថា វាអាចជាគ្រោះមហន្តរាយធ្ងន់ធ្ងរក្នុងប្រវត្តិសាស្ត្រ។ ថ្លែងបន្ទាប់ពីសន្និសីទសារព័ត៌មាន ជាមួយក្រុមមន្ត្រីទីភ្នាក់ងារគ្រប់គ្រងគ្រាអាសន្នសហព័ន្ធ កាលពីព្រឹកថ្ងៃព្រហស្បតិ៍លោក Biden បាននិយាយថា ខណៈចំនួនអ្នកស្លាប់នៅតែបន្តកើនឡើង មានរបាយការណ៍នានាកាលពីថ្មីៗនេះលើកឡើងថា អាចមានការបាត់បង់អាយុជីវិតមនុស្សច្រើនថែមទៀត។ គិតត្រឹមល្ងាចថ្ងៃព្រហស្បតិ៍ មនុស្ស ១២នាក់ត្រូវបានបញ្ជាក់ថាបានស្លាប់ក្នុងព្យុះនេះ ក្នុងនោះ ៧នាក់ក្នុងចំណោមជនរងគ្រោះទាំងនោះនៅក្នុងតំបន់ Charlotte ស្ថិតនៅជិតតំបន់ឆ្នេរភាគនិរតី ជាទីដែលព្យុះសង្ឃរា Ian បានវាយប្រហារកាលពីរសៀលថ្ងៃពុធ។Ian ជាព្យុះមួយក្នុងចំណោមព្យុះដ៏មានឥទ្ធិពលជាច្រើន ដែលធ្លាប់វាយប្រហារសហរដ្ឋអាមេរិក ព្យុះ Ian បានបណ្ដាលឲ្យអតិថិជន ២លាន ៣សែននាក់គ្មានអគ្គិសនីប្រើប្រាស់គិតត្រឹមរសៀលថ្ងៃព្រហស្បតិ៍។ មន្ទីរពេទ្យមួយចំនួនគ្មានទឹកស្អាតប្រើប្រាស់ ហើយប្រជាពលរដ្ឋរាប់ពាន់នាក់ជាប់ក្នុងលំនៅឋានរបស់ពួកគេ៕អត្ថបទ៖ សុខមាន

ស្ថានីយអវកាសអន្តរជាតិអឺរ៉ុបបានជ្រើសរើសមេបញ្ជាការជាស្ត្រីជនជាតិអឺរ៉ុបលើកដំបូង

អឺរ៉ុប៖ អវកាសយានិកជនជាតិអ៊ីតាលីលោកស្រី Samantha Cristoforetti បានក្លាយជាស្ត្រីអឺរ៉ុបដំបូងកាន់តំណែងមេបញ្ជាការស្ថានីយអវកាសអន្តរជាតិកាលពីថ្ងៃពុធសប្ដាហ៍នេះ អំឡុងពិធីតែងតាំងផ្សាយផ្ទាល់ចេញពីទីអវកាស។ លោកស្រីបានទទួលតំណែងពីអវកាសយានិករុស្ស៊ីលោក Oleg Artemyev ដែលបានផ្ដល់សោជានិមិត្តរូបសម្រាប់គ្រប់គ្រងទីបញ្ជាការ ព្រមទាំងប្រអប់តូចមួយដែលមាននំ cake ទៀតផង។ លោកស្រី Cristoforetti នឹងក្លាយជាមេបញ្ជាការទី៥ របស់អឺរ៉ុបរបស់ស្ថានីយអវកាសអន្តរជាតិ។ លោកស្រីបានចាប់ផ្ដើមបេសកកម្ម Minerva របស់លោកស្រីកាលពីខែមេសា ឆ្នាំ២០២២។យោងតាមតាមទីភ្នាក់ងារអវកាសអឺរ៉ុប មេបញ្ជាការស្ថានីយអវកាសមួយនេះទទួលខុសត្រូវចំពោះសកម្មភាពការងារ និងសុខុមាលភាពរបស់ក្រុមអវកាសយានិកក្នុងគន្លងតារាវិថី ដោយថែរក្សាការទំនាក់ទំនងប្រកបដោយប្រសិទ្ធភាពជាមួយក្រុមការងារនៅលើភពផែនដី និងការសម្របសម្រួលការឆ្លើយតបក្រុមការងារក្នុងករណីបន្ទាន់៕អត្ថបទ៖ សុខមាន

ទីក្រុង Moscow៖ រុស្ស៊ី និងអាមេរិកកំពុងព្យាយាមស្រោចស្រង់កិច្ចព្រមព្រៀងនុយក្លេអ៊ែរដ៏សំខាន់

រុស្ស៊ី៖ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានប្រាប់សន្និសីទសារព័ត៌មានកាលពីថ្ងៃព្រហស្បតិ៍ថា ទីក្រុង Moscow និងក្រុង Washington បានសន្ទនាក្នុងការស្រោចស្រង់កិច្ចព្រមព្រៀង New START។ New START គឺជាសន្ធិសញ្ញានៃការកាត់បន្ថយអាវុធនុយក្លេអ៊ែរដ៏សំខាន់ ដែលកំណត់លើចំនួនក្បាលគ្រាប់នុយក្លេអ៊ែរដែលបានដាក់ពង្រាយ ព្រមទាំងរថយន្តដឹកជញ្ជូនរបស់ខ្លួនផងដែរ។ ប្រទេសមហាអំណាចទាំង២ កំពុងពិចារណាបន្តការត្រួតពិនិត្យទៅវិញទៅមកនៃឃ្លាំងអាវុធនុយក្លេអ៊ែរ ដែលបានដាក់ពង្រាយក្នុងចំនួនជាក់លាក់ដែលត្រូវបានផ្អាកក្នុងឆ្នាំ២០២០ ដោយសារជំងឺរាតត្បាតសកល Covid-19។ លោកស្រី Zakharova បានប្រាប់ក្រុមអ្នកសារព័ត៌មានថា ប្រធានបទនៃការបន្តការចរចាទាំងនោះកំពុងត្រូវបានពិចារណា ដោយបន្ថែមថា ពេលនេះភាគីទាំង២ កំពុងពិភាក្សាពីមធ្យោបាយដែលនឹងបើកផ្លូវឲ្យប្រទេសទាំង២ វិលត្រឡប់ទៅរកការអនុវត្តន៍ពេញលេញនៃសន្ធិសញ្ញានេះ។ អ្នកនាំពាក្យរូបនេះបាននិយាយថា រុស្ស៊ី និងអាមេរិកក៏អាចមានជំនួបទល់មុខគ្នានៃគណៈកម្មការទីប្រឹក្សាទ្វេភាគីផងដែរ ដោយបន្ថែមថា លទ្ធភាពនានាកំពុងត្រូវបានសិក្សា។ បច្ចុប្បន្នគណៈកម្មការនេះកំពុងរៀបចំកិច្ចប្រជុំតាមវីដេអូ ខណៈក្រុមសមាជិករបស់ខ្លួនពិភាក្សាពីបញ្ហាការរៀបចំ និងបច្ចេកទេសដែលចាំបាច់ត្រូវដោះស្រាយ៕អត្ថបទ៖ សុខមាន

ការតវ៉ាប្រឆាំងការស្លាប់របស់ស្ត្រីវ័យក្មេងនៅអ៊ីរ៉ង់នៅតែបន្ត ខណៈអ្នកស្លាប់ឡើងដល់ ៨៣នាក់

អ៊ីរ៉ង់៖ សារព័ត៌មានរដ្ឋ និងបណ្ដាញសង្គមបានរាយការណ៍ថា ការតវ៉ានៅតែបន្តក្នុងទីក្រុងមួយចំនួននៅទូទាំងប្រទេសអ៊ីរ៉ង់កាលពីថ្ងៃព្រហស្បតិ៍ ប្រឆាំងការស្លាប់ស្ត្រីវ័យក្មេងម្នាក់នៅក្នុងពេលឃុំខ្លួនរបស់នគរបាល ខណៈក្រុមឃ្លាំមើលសិទ្ធិមនុស្សមួយបាននិយាយថា មនុស្សយ៉ាងហោចណាស់ ៨៣នាក់បានស្លាប់ក្នុងការតវ៉ារយៈពេលជិត ២សប្ដាហ៍មកនេះ។ ស្ត្រីវ័យ ២២ឆ្នាំ Mahsa Amini មកពីទីក្រុង Saqez របស់ក្រុមជនជាតិឃើដអ៊ីរ៉ង់ ត្រូវបានចាប់ខ្លួននៅខែនេះក្នុងទីក្រុងតេអេរ៉ង់ពីបទស្លៀកពាក់មិនសមរម្យដោយនគរបាលផ្នែកសីលធម៌ ដែលអនុវត្តន៍លើការស្លៀកពាក់ដ៏តឹងរ៉ឹងរបស់សាធារណរដ្ឋអ៊ីស្លាមមួយនេះ។ ក្រុមឃ្លាំមើលសិទ្ធិមនុស្សអ៊ីរ៉ង់ដែលមានមូលដ្ឋាននៅន័រវេសបាននិយាយនៅលើបណ្ដាញសង្គម Twitter ថា មនុស្សយ៉ាងហោចណាស់ ៨៣នាក់រួមទាំងកុមារត្រូវបានបញ្ជាក់ថាបានស្លាប់ក្នុងការតវ៉ានៅអ៊ីរ៉ង់។ ការតវ៉ាមិនមែនផ្ទុះឡើងតែនៅក្នុងប្រទេសអ៊ីរ៉ង់ប៉ុណ្ណោះទេ តែក៏បានកើតឡើងនៅក្នុងប្រទេសជាច្រើនទៀតផងដែរដូចជានៅក្នុងប្រទេសន័រវេស នគរបាលបាននិយាយកាលពីថ្ងៃព្រហស្បតិ៍ថា មនុស្សមួយចំនួនដែលកំពុងស្ថិតក្នុងចំណោមក្រុមមនុស្សហិង្សា បានព្យាយាមចូលទៅក្នុងស្ថានទូតអ៊ីរ៉ង់ក្នុងទីក្រុង Oslo ដោយមានការប្រទូសរ៉ាយ និងគប់ដុំថ្មទៅលើក្រុមមន្ត្រី។ ក្រុមអាជ្ញាធរនិយាយថា មនុស្ស ៩០នាក់ត្រូវបានឃុំខ្លួន។ចំណែកនៅប្រទេសអាល្លឺម៉ង់វិញ ក្រុមអ្នកតវ៉ារាប់រយនាក់នៅក្នុងទីក្រុងប៊ែរឡាំងកាលពីថ្ងៃពុធ បានប្រឆាំងទៅនឹងរបបអ៊ីរ៉ង់ ក្នុងការតវ៉ាមួយក្នុងចំណោមការតវ៉ាជាបន្តបន្ទាប់ទូទាំងប្រទេស ក្រោយការស្លាប់ស្ត្រីឃឺតអ៊ីរ៉ង់វ័យ ២២ឆ្នាំរូបនេះ។ នៅអង់គ្លេសវិញ ការតវ៉ាដោយហិង្សាតាមដងផ្លូវបានផ្ទុះឡើងនៅខាងក្រៅស្ថានទូតអ៊ីរ៉ង់ក្នុងទីក្រុងឡុងដ៍ ដោយបាតុករគប់ដុំថ្មទៅលើនគរបាល និងមនុស្ស ៥នាក់ត្រូវបានចាប់ខ្លួន៕អត្ថបទ៖ សុខមាន

សម្តេចតេជោ ហ៊ុន សែន៖ ដំណើរដ៏វែងឆ្ងាយដែលគ្មានពេលឈប់សម្រាក បានក្លាយជាទម្លាប់សម្តចតាំងពីអាយុតិចរហូតអាយុច្រើន

ភ្នំពេញ៖ នៅព្រឹកថ្ងៃទី៣០កញ្ញានេះ សម្តេចតេជោ ហ៊ុន សែន ប្រកាសថា ដំណើរដ៏វែងឆ្ងាយដែលគ្មានពេលឈប់សម្រាកបានក្លាយជាទម្លាប់តាំងពីអាយុតិចរហូតអាយុច្រើន។សម្តេចបន្តថា “ជាកិច្ចការដែលចាំបាច់ដែលតម្រូវឲ្យធ្វើដោយខានមិនបាន។ ភ្នំពេញ ញូយ៉ក ឡាហាវ៉ាន តូក្យូ ភ្នំពេញ សៀមរាបប្រើរយៈពេល១០ថ្ងៃចម្ងាយរាប់ម៉ឺនគីឡូម៉ែត្រជាមួយការងារយ៉ាងច្រើន។ នឿយកាយតែសប្បាយចិត្តព្រោះបានធ្វើការបំរើជាតិ និងប្រជាជន”៕

បណ្ដាញសង្គម

ព័ត៌មានថ្មីៗ

FIFA សុំទោសសមាជិកជុំវិញគម្រោងលក់ភាគហ៊ុន ខណៈ Infantino នៅតែទទួលបានការគាំទ្រពីថ្នាក់ដឹកនាំ

ពលរដ្ឋហ្កាហ្សាដែលរងទុក្ខលំបាកជាយូរ ទទួលបានក្តីសង្ឃឹមខណៈក្រុមហាម៉ាសយល់ព្រមរំសាយអាវុធ

មជ្ឈមណ្ឌលពាណិជ្ជកម្មអន្តរជាតិ៖ ការបិទច្រកសមុទ្រ Hormuz ប៉ះពាល់ដល់ការផ្គត់ផ្គង់ថាមពល និងជីសកល

នគរបាលប៉ាគីស្ថាន បាញ់ឧស្ម័នបង្ហៀរទឹកភ្នែកលើក្រុមអ្នកគាំទ្រលោក Imran Khan ក្នុងពេលទៅប្រមូលផ្តុំគ្នា

ប្រទេសអ៊ីរ៉ាក់ ប្រឈមនឹងវិបត្តិខណៈក្រុមប្រដាប់អាវុធស៊ីអ៊ីតបំពានការរំសាយអាវុធ

មន្ត្រីអាមេរិក បានច្រានចោលរបាយការណ៍អំពីការផ្គត់ផ្គង់គ្រាប់រំសេវធ្លាក់ចុះទាបខ្លាំង

អនុប្រធានាធិបតីអាមេរិក ការពារការចរចាជាមួយអ៊ីរ៉ង់ដោយនិយាយថាមេដឹកនាំទីក្រុងតេអេរ៉ង់ជាមនុស្សពិបាកនិយាយគ្នា

អង្គការសហប្រជាជាតិ៖បាតុភូតអែលនីញ៉ូ បង្កការគំរាមកំហែងភាពអត់ឃ្លានធ្ងន់ធ្ងរដល់មនុស្ស ៤៩ លាននាក់

លោក Trump បដិសេធសំណើអ៊ុយក្រែនសម្រាប់កញ្ចប់មីស៊ីលប៉ាទ្រីយ៉ូត ខណៈកំពុងរងការវាយប្រហារខ្លាំងពីរុស្ស៊ី

នាយករដ្ឋមន្ត្រីកាណាដា៖ ខ្ញុំលែងមានទំនុកចិត្តលើប្រធាន FIFA លោក Gianni Infantino

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ការបំផ្ទុះគ្រាប់បែកនៅវិទ្យាស្ថានអប់រំក្នុងប្រទេសអាហ្វហ្គានីស្ថានបណ្តាលឲ្យមនុស្ស ១៩នាក់ស្លាប់

ប្រទេសហ្វាំងឡង់ដាក់បម្រាមលើអ្នកទេសចររុស្ស៊ីមិនឲ្យចូលមក

អង្គការសហប្រជាជាតិថ្កោលទោសរុស្ស៊ីចំពោះការដាក់បញ្ចូលឧបសម្ព័ន្ធតំបន់របស់អ៊ុយក្រែន

លោក Putin ចុះហត្ថលេខាលើក្រឹត្យទទួលស្គាល់ឯករាជ្យខេត្ត Zaporizhzhia និង Kherson

ស្ថានីយអវកាសអន្តរជាតិអឺរ៉ុបបានជ្រើសរើសមេបញ្ជាការជាស្ត្រីជនជាតិអឺរ៉ុបលើកដំបូង

ទីក្រុង Moscow៖ រុស្ស៊ី និងអាមេរិកកំពុងព្យាយាមស្រោចស្រង់កិច្ចព្រមព្រៀងនុយក្លេអ៊ែរដ៏សំខាន់

ការតវ៉ាប្រឆាំងការស្លាប់របស់ស្ត្រីវ័យក្មេងនៅអ៊ីរ៉ង់នៅតែបន្ត ខណៈអ្នកស្លាប់ឡើងដល់ ៨៣នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រទេស​ហ្វាំ​ង​ឡង់​ដាក់​បម្រាម​លើ​អ្នកទេសចរ​រុស្ស៊ី​មិន​ឲ្យ​ចូលមក

អង្គការសហប្រជាជាតិ​ថ្កោលទោស​រុស្ស៊ី​ចំពោះ​ការ​ដាក់​បញ្ចូល​ឧប​សម្ព័ន្ធ​តំបន់​របស់​អ៊ុយ​ក្រែ​ន

លោក Putin ចុះហត្ថលេខា​លើ​ក្រឹត្យ​ទទួលស្គាល់​ឯករាជ្យ​ខេត្ត Zaporizhzhia និង​ Kherson

ស្ថានីយ​អវកាស​អន្តរជាតិ​អឺរ៉ុប​បានជ្រើសរើស​មេបញ្ជាកា​រ​ជា​ស្ត្រី​ជនជាតិ​អឺរ៉ុប​លើកដំបូង

ទីក្រុង Moscow៖ ​រុស្ស៊ី និង​អាមេរិក​កំពុង​ព្យាយាម​ស្រោចស្រង់​កិច្ចព្រមព្រៀង​នុយក្លេអ៊ែរ​ដ៏​សំខាន់​

ការតវ៉ា​ប្រឆាំង​ការស្លាប់​របស់​ស្ត្រី​វ័យក្មេង​នៅ​អ៊ីរ៉ង់​នៅតែ​បន្ត ខណៈ​អ្នកស្លាប់​ឡើងដល់​ ៨៣​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសហ្វាំងឡង់ដាក់បម្រាមលើអ្នកទេសចររុស្ស៊ីមិនឲ្យចូលមក

អង្គការសហប្រជាជាតិថ្កោលទោសរុស្ស៊ីចំពោះការដាក់បញ្ចូលឧបសម្ព័ន្ធតំបន់របស់អ៊ុយក្រែន

លោក Putin ចុះហត្ថលេខាលើក្រឹត្យទទួលស្គាល់ឯករាជ្យខេត្ត Zaporizhzhia និង Kherson

ស្ថានីយអវកាសអន្តរជាតិអឺរ៉ុបបានជ្រើសរើសមេបញ្ជាការជាស្ត្រីជនជាតិអឺរ៉ុបលើកដំបូង

ទីក្រុង Moscow៖ រុស្ស៊ី និងអាមេរិកកំពុងព្យាយាមស្រោចស្រង់កិច្ចព្រមព្រៀងនុយក្លេអ៊ែរដ៏សំខាន់

ការតវ៉ាប្រឆាំងការស្លាប់របស់ស្ត្រីវ័យក្មេងនៅអ៊ីរ៉ង់នៅតែបន្ត ខណៈអ្នកស្លាប់ឡើងដល់ ៨៣នាក់