BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

ចិនបញ្ចេញប្រតិកម្មចំពោះការប្រៀបធៀបស្ថានភាពនៅអ៊ុយក្រែន និងកោះតៃវ៉ាន់

ចិន៖ អ្នកនាំពាក្យក្រសួងការបរទេសចិនលោក Wang Wenbin បាននិយាយនៅថ្ងៃព្រហស្បតិ៍នេះថា កោះតៃវ៉ាន់គឺជាបញ្ហាផ្ទៃក្នុងរបស់ចិន ហើយការប៉ុនប៉ងចូលពាក់ព័ន្ធក្នុងជម្លោះនៅអ៊ុយក្រែន គឺជារឿងមិនសមហេតុផល។ លោកក៏បានរិះគន់អនុប្រធានាធិបតីអាមេរិកលោកស្រី Kamala Harris ផងដែរចំពោះការអត្ថាធិប្បាយរបស់លោកស្រីដែលថា ទីក្រុង Washington ចង់បង្កើនទំនាក់ទំនងរបស់ខ្លួនបន្ថែមទៀតជាមួយកោះនេះ។ លោក Wang បាននិយាយនៅសន្និសីទសារព័ត៌មានប្រចាំថ្ងៃ បន្ទាប់ពីអ្នកសារព័ត៌មាន AFP បានសួរថា ហេតុអ្វីបានជាទីក្រុងប៉េកាំងមិនថ្កោលទោសលើប្រទេសរុស្ស៊ីជុំវិញការវាយលុកចូលអ៊ុយក្រែន ហើយថា តើនឹងលើកទឹកចិត្តឲ្យមានការផ្ដាច់ខ្លួន ឬអត់។ លោក Wang បានបន្ថែមថា ការបំភាន់បែបនេះនឹងរំលោភដល់គោលការណ៍នៃការគោរពអធិបតេយ្យភាព និងបូរណភាពទឹកដីរបស់ប្រទេសមួយ និងជ្រៀតជ្រែកទាំងស្រុងធ្ងន់ធ្ងរលើកិច្ចការផ្ទៃក្នុងរបស់ចិន។ អ្នកទាំងឡាយដែលសង្ឃឹមថានឹងទទួលបានផលចំណេញពីជម្លោះអ៊ុយក្រែន និងស្វែងរកលេសសម្រាប់ឯករាជ្យតៃវ៉ាន់ ទីបំផុតនឹងមិនមានផ្លូវដើរនោះទេ។ លោកបានទទូចថា កោះតៃវ៉ាន់គឺជាផ្នែកមិនអាចកាត់ផ្តាច់បានរបស់ចិន ហើយបញ្ហាកោះតៃវ៉ាន់គឺជាបញ្ហាផ្ទៃក្នុងរបស់ចិនសុទ្ធសាធ។ បញ្ហាកោះតៃវ៉ាន់ និងអ៊ុយក្រែនគឺដាច់ដោយឡែកពីគ្នា និងមិនអាចយកមកប្រៀបធៀបគ្នាបានឡើយ៕អត្ថបទ៖ សុខមាន

បាតុកម្មនៅព្រំដែនប្រទេសហ្សកហ្ស៊ី ខណៈប្រជាជនរុស្សីមកដល់គេចពីការកេណ្ឌកងទ័ព

ហ្សកហ្ស៊ី៖ ក្រុមអ្នកតវ៉ាបានប្រមូលផ្តុំគ្នានៅច្រកឆ្លងកាត់ព្រំដែនប្រទេសហ្សកហ្ស៊ី-រុស្ស៊ី នៅទីក្រុង Larsi កាលពីថ្ងៃពុធ ខណៈជួរដ៏វែងនៃពលរដ្ឋរុស្ស៊ីបានបន្តមកដល់ព្រំដែន។ ក្រុមអ្នកតវ៉ានៅក្នុងក្បួនធ្វើដំណើរពីទីក្រុង Tbilisi ប្រទេសហ្សកហ្ស៊ី ដើម្បីបង្ហាញពីការព្រួយបារម្ភរបស់ពួកគេ ចំពោះការជម្លៀសពលរដ្ឋរុស្ស៊ីមកកាន់ប្រទេសហ្សកហ្ស៊ី ដែលបានកើនឡើងចាប់តាំងពីលោក វ្ល៉ាឌីមៀ ពូទីន ប្រកាសពីការកេណ្ឌកងទ័ពមួយផ្នែកកាលពីថ្ងៃទី២១ ខែកញ្ញា។ មន្ត្រីម្នាក់បាននិយាយថា យើងជឿថា ការធ្វើអន្តោប្រវេសន៍បែបនេះពីប្រទេសរុស្ស៊ីមកក្នុងប្រទេសហ្សកហ្ស៊ី បង្កការគំរាមកំហែងដល់សន្តិសុខជាតិ សេដ្ឋកិច្ច និងស្ថិរភាពជាទូទៅរបស់ហ្សកហ្ស៊ី។ ការចាកចេញដ៏ច្រើនរបស់បុរស មានម្នាក់ឯង ឬជាមួយក្រុមគ្រួសារ ឬមិត្តភក្តិរបស់ពួកគេបានចាប់ផ្តើមកាលពីថ្ងៃទី២១ ខែកញ្ញា ភ្លាមៗបន្ទាប់ពីសុន្ទរកថារបស់លោក ពូទីន ទៅកាន់ប្រជាជាតិ ហើយបានបន្តពេញមួយសប្តាហ៍នេះ។ យោងតាមប្រព័ន្ធផ្សព្វផ្សាយអនឡាញ Yandex Maps បានឲ្យដឹងថា ការកកស្ទះចរាចរណ៍ដែលឆ្ពោះទៅដល់ប៉ុស្តិ៍ត្រួតពិនិត្យ Verkhny Lars ជាព្រំដែនឆ្លងកាត់ចូលទៅក្នុងប្រទេសហ្សកហ្ស៊ីពីតំបន់ North Ossetia របស់រុស្ស៊ី បានលាតសន្ធឹងចម្ងាយប្រហែល ១៥គីឡូម៉ែត្រកាលពីថ្ងៃអង្គារ បន្ទាប់ពីការប្រកាសកេណ្ឌកងទ័ពមួយផ្នែករបស់រុស្ស៊ី។ប្រព័ន្ធផ្សព្វផ្សាយសង្គមបានបង្ហាញអ្នកថ្មើរជើងរាប់រយនាក់តម្រង់ជួរនៅប៉ុស្តិ៍ត្រួតពិនិត្យ បន្ទាប់ពីឆ្មាំព្រំដែនរុស្ស៊ីបន្ធូរបន្ថយបទប្បញ្ញត្តិ និងអនុញ្ញាតឱ្យពលរដ្ឋឆ្លងកាត់ដោយថ្មើរជើង។ ក្រសួងមហាផ្ទៃហ្សកហ្ស៊ីបាននិយាយថា ប្រជាជនរុស្សីជាង ៥៣,០០០នាក់បានចូលមកក្នុងប្រទេសនេះចាប់តាំងពីសប្តាហ៍មុន៕អត្ថបទ៖ ប៊ុនថន

មនុស្ស ១៣នាក់ស្លាប់នៅអ៊ីរ៉ាក់ ខណៈអ៊ីរ៉ង់វាយប្រហារក្រុមជនជាតិឃឺដ

អ៊ីរ៉ាក់៖ ក្រុមមន្ត្រីបាននិយាយថា មនុស្ស ១៣នាក់បានស្លាប់ និង ៣២នាក់ផ្សេងទៀតរងរបួសនៅក្នុងតំបន់ជនជាតិឃឺដរបស់ប្រទេសអ៊ីរ៉ាក់ ខណៈអ៊ីរ៉ង់បានបាញ់មីស៊ីល និងប្រើយានដ្រូនបំពាក់អាវុធវាយប្រហារទៅលើអ្វីដែលខ្លួនបាននិយាយថា ជាមូលដ្ឋានរបស់ក្រុមប្រឆាំងជនជាតិឃឺដអ៊ីរ៉ង់។ ស្ត្រីមានផ្ទៃពោះម្នាក់ត្រូវបានគេរាយការណ៍ថា ស្ថិតក្នុងចំណោមអ្នកស្លាប់ក្នុងការវាយប្រហារនេះ។ កងឆ្មាំបដិវត្តន៍ឥស្លាមរបស់អ៊ីរ៉ង់បាននិយាយថា ខ្លួនបានវាយប្រហារលើក្រុមភេរវករផ្តាច់ខ្លួនដែលបានគាំទ្រកុប្បកម្មកាលពីពេលថ្មីៗនេះ។ ការវាយប្រហារនេះបានកើតឡើង ខណៈបាតុកម្មនៅបន្តហ៊ុមព័ទ្ធសាធារណៈរដ្ឋអ៊ីស្លាមមួយនេះ បន្ទាប់ពីការស្លាប់ស្ត្រីជនជាតិឃឺដម្នាក់ក្នុងមន្ទីរឃុំឃាំងកាលពី ១២ថ្ងៃមុន។ នាង Mahsa Amini អាយុ ២២ឆ្នាំមកពីទីក្រុង Saqez បានមកលេងទីក្រុងតេអេរ៉ង់ នៅពេលនោះនាងត្រូវបាននគរបាលឃុំខ្លួនពីបទរំលោភលើច្បាប់ដ៏តឹងរឹង ដែលតម្រូវឱ្យស្ត្រីគ្របសក់របស់ពួកគេដោយកន្សែង។នគរបាលបាននិយាយថា នាង Amini បានដួលនៅមណ្ឌលឃុំឃាំង បន្ទាប់ពីទទួលរងជំងឺគាំងបេះដូងភ្លាមៗ។ ប៉ុន្តែក្រុមគ្រួសាររបស់នាងបានច្រានចោលរឿងនេះ ហើយបានចោទថា នាងត្រូវបានក្រុមមន្ត្រីវាយដំ។ នាងបានស្លាប់នៅមន្ទីរពេទ្យបន្ទាប់ពីសន្លប់រយៈពេលបីថ្ងៃ។ ក្រុមសិទ្ធិមនុស្សជនជាតិឃឺដនិយាយថា ក្រុមបាតុករជនជាតិឃឺដ ១៨នាក់ត្រូវបានសម្លាប់ដោយកងកម្លាំងសន្តិសុខ ហើយ ៨៩៨នាក់ផ្សេងទៀតបានរងរបួស និងជាង ១.០០០នាក់ត្រូវបានចាប់ខ្លួន ខណៈអាជ្ញាធរអ៊ីរ៉ង់ព្យាយាមបង្ក្រាបការប្រឆាំងនៅក្នុងតំបន់ និងនៅកន្លែងផ្សេងទៀត៕អត្ថបទ៖ ប៊ុនថន

ព្យុះទីហ្វុង Noru បោកបក់ទូទាំងវៀតណាម ក្រោយសម្លាប់មនុស្ស ១០នាក់នៅហ្វីលីពីន

វៀតណាម៖ ព្យុះទីហ្វុង Noru បានបក់បោកបំប៉ើងដំបូលផ្ទះ និងកាត់ផ្ដាច់ចរន្តអគ្គិសនីនៅទូទាំងប្រទេសវៀតណាមភាគកណ្ដាលកាលពីថ្ងៃអង្គារ ដោយបង្ខំឲ្យមនុស្សរាប់ម៉ឺននាក់រត់រកកន្លែងស្នាក់នៅមានសុវត្ថិភាព បន្ទាប់ពីព្យុះមួយនេះបានឆក់យកជីវិតមនុស្សយ៉ាងហោចណាស់ ១០នាក់នៅក្នុងប្រទេសហ្វីលីពីន។ សារព័ត៌មាន Xinhua បានរាយការណ៍ថា អ្នកនាំពាក្យសម្រាប់ទីភ្នាក់ងារគ្រប់គ្រងគ្រោះមហន្តរាយ របស់រដ្ឋាភិបាលបាននិយាយកាលពីថ្ងៃពុធថា ចំនួនអ្នកស្លាប់ដោយសារព្យុះទីហ្វុង Noru ដែលបានវាយប្រហារហ្វីលីពីនកាលពីចុងសប្ដាហ៍កន្លងទៅនេះបានកើនឡើងដល់ ១០នាក់ ខណៈមនុស្ស ៨នាក់នៅតែបាត់ខ្លួននៅឡើយ។ យោងតាមភ្នាក់ងារព្យាករណ៍ជាតិនៅក្នុងទីក្រុង Danang ដែលជាទីក្រុងធំបំផុតទី៣ របស់ប្រទេសវៀតណាម អគារខ្ពស់ញ័ររង្គើ ខណៈព្យុះទីហ្វុងនេះបានបោកបក់កាលពីព្រឹកថ្ងៃពុធដោយនាំមកនូវកម្លាំងខ្យល់ ១២០គីឡូម៉ែត្រក្នុងមួយម៉ោង។មនុស្សជាង ៣សែននាក់នៅក្នុងប្រទេសវៀតណាម បានស្នាក់នៅក្នុងជំរំបណ្ដោះអាសន្នទាំងយប់អធ្រាត្រ បន្ទាប់ពីក្រុមឧតុនិយមបានព្យាករណ៍ថា ព្យុះនេះនឹងក្លាយជាព្យុះមានឥទ្ធិពលមួយក្នុងចំណោមព្យុះដ៏មានឥទ្ធិពលបំផុត ដែលបានវាយប្រហារប្រទេសនេះ។ ពុំទាន់មានរបាយការណ៍ភ្លាមៗបញ្ជាក់ពីការខូចខាត នៅក្នុងប្រទេសវៀតណាមដោយព្យុះ Noru នេះនៅឡើយទេ។ ព្យុះ Noru ត្រូវបានគេព្យាករណ៍ថានឹងបន្តបោកបក់ក្នុងប្រទេសវៀតណាម និងបោះពួយចូលក្នុងប្រទេសឡាវ មុនពេលវាយប្រហារខេត្ត Ubon Ratchathani ភាគឦសានរបស់ប្រទេសថៃនៅថ្ងៃព្រហស្បតិ៍នេះ និងចុះថយកម្លាំងបន្តិចម្ដងៗក្លាយជាវិសម្ពាធត្រូពិក៕អត្ថបទ៖ សុខមាន

ព្យុះសង្ឃរា Ian បណ្ដាលឲ្យទឹកជំនន់ ជម្លៀសមនុស្សរាប់លាននាក់ និងដាច់ចរន្តអគ្គិសនីក្នុងរដ្ឋ Florida

សហរដ្ឋអាមេរិក៖ ព្យុះសង្ឃរាដែលកំពុងគំរាមកំហែងដល់អាយុជីវិត បានវាយបោកបក់លើតំបន់ឆ្នេរភាគនិរតីរបស់រដ្ឋ Florida សហរដ្ឋអាមេរិកកាលពីថ្ងៃពុធ បណ្ដាលឲ្យមានភ្លៀងធ្លាក់បង្កជាទឹកជំនន់ និងខ្យល់ខ្លាំង និងបង្កើនកម្រិតព្យុះដ៏មហន្តរាយនេះ។ ព្យុះសង្ឃរាអាយអិន (Ian) នេះបានបក់នាំកម្លាំងខ្យល់ ២៥០គីឡូម៉ែត្រក្នុងមួយម៉ោងជិតស្មើកម្រិតព្យុះប្រភេទទី៥ ដែលត្រូវបានចាត់ថ្នាក់ជាខ្យល់មានកម្លាំងខ្លាំងបំផុត។ ពលរដ្ឋ Florida រាប់លាននាក់ដែលមានលំនៅឋានចុះផ្លូវព្យុះនេះត្រូវបានស្ថិតក្រោមបញ្ជាឲ្យជម្លៀសចេញ។ អ្នកដែលបន្តសា្នក់នៅកំពុងប្រឈមនឹងព្យុះមួយក្នុងចំណោមព្យុះដ៏គ្រោះថ្នាក់បំផុត ដែលបានវាយប្រហារសហរដ្ឋអាមេរិកក្នុងរយៈពេលជាច្រើនទសវត្សរ៍មកនេះ។ ពលរដ្ឋ Florida ជាង ១លាននាក់គ្មានអគ្គិសនីប្រើប្រាស់ បន្ទាប់ពីព្យុះសង្ឃរា Ian បានកាត់ផ្ដាច់ចរន្តអគ្គិសនីនៅទូទាំងប្រទេសគុយបា។ព្យុះដ៏ខ្លាំងក្លានេះត្រូវគេរំពឹងថានឹងបង្កឲ្យមានទឹកជំនន់នៅទូទាំងតំបន់នៃរដ្ឋ Florida ខណៈដែលព្យុះនេះបានបោះពួយទៅភាគឦសាន និងយ៉ាងហោចណាស់មានការិយាល័យនគរបាលមួយ ស្ថិតនៅតាមតំបន់ឆ្នេរបានរាយការណ៍ថា ទទួលបានការហៅទូរស័ព្ទពីមនុស្សដែលបានជាប់ក្នុងលំនៅឋានរបស់ពួកគេ។ ចំណុចកណ្ដាលរបស់ព្យុះនេះបានវាយប្រហារឧទ្យាន Cayo Costa ដែលជាកោះនៅមាត់ឆ្នេរសមុទ្រ ដែលត្រូវបានការពារស្ថិតនៅភាគខាងលិចទីក្រុង Fort Myers ដែលមានប្រជាជនយ៉ាងច្រើនក្នុងរដ្ឋ Florida៕អត្ថបទ៖ សុខមាន

សម្តេចតេជោ ហ៊ុន សែន៖ កម្ពុជាមិនមែនជាគោលដៅ នៃអំពើភេរវកម្មនោះទេ តែក៏មិនធ្វេសប្រហែសដែរ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីបានថ្លែងថា កម្ពុជាមិនមែនប្រទេសជាគោលដៅសម្រាប់ប៉ុនប៉ងការវាយប្រហារនូវអំពើភេរវកម្មនោះទេ ប៉ុន្តែទោះជាយ៉ាងណាកម្ពុជា ក៏មិនបានធ្វេសប្រហែសនោះដែរ ខណៈកម្ពុជាបានសហការគ្នាជាមួយប្រទេសជាច្រើននៅលើសកលលោកក្នុងការទប់ស្កាត់ និងបង្រ្កាបនូវអំពើភេរវកម្មនេះ ជាពិសេសគឺជាមួយនិងសហរដ្ឋអាមេរិកតែម្តង។ថ្លែងការការប្រារព្ធក្នុង «វេទិកាអន្តរសាសនាប្រឆាំងការជួញដូរមនុស្សលើកទី៦» នាព្រឹកថ្ងៃទី២៩ ខែកញ្ញា ឆ្នាំ២០២២នេះនៅមជ្ឈមណ្ឌលពាណិជ្ជកម្ម និងពិព័ណជ្រោយចង្វារ ដែលមានអ្នកកាន់សាសនាផ្សេងៗគ្នាចូលរួមប្រមាណជាង១៥០០នាក់នោះ សម្តេចតេជោ ហ៊ុន សែន បានលើកឡើងថា កម្ពុជាបានខិតខំយ៉ាងយកចិត្តទុកដាក់បំផុតក្នុងការប្រយុទ្ធប្រឆាំងអំពើភេរវកម្ម ទោះកម្ពុជាមិនមែនជាគោលដៅ នៃការវាយប្រហារភេរវកម្មនេះក៏ដោយ ហើយកន្លងមកកម្ពុជាបានធ្វើការរួមគ្នាជាមួយសហរដ្ឋអាមេរិក រហូតដល់ឈានទៅចាប់ខ្លួនភេរវករដ៏ធំឈ្មោះ ហាំបាលី បានដោយជោគជ័យផងដែរ។ជាមួយគ្នានោះដែរ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ក៏បានប្តេជ្ញាចិត្តចំពោះការបន្តកិច្ចសហប្រតិបត្តិការជាមួយប្រទេសជាមិត្ត ក្នុងការបង្ការ និងទប់ស្កាត់នូវអំពើភេរវកម្មនេះដដែល ហើយកម្ពុជានឹងមិនបណ្តែតបណ្តោយឲ្យបុគ្គលណា ឬក្រុមណាមួយ នាំយកអាវុធ និងប្រើប្រាស់អាវុធដោយខុសច្បាប់នោះទេ ខណៈកិច្ចការនេះគឺកម្ពុជាបានធ្វើការត្រួតពិនិត្យគ្រប់ច្រកល្ហកទាំងអស់មិនថាផ្លូវទឹក ផ្លូវអាកាស ឬផ្លូវគោកនោះឡើយ៕

វិមានក្រឹមឡាំងមិនប្រញាប់ប្រញាល់ដាក់បញ្ចូលដែនដីគ្រប់គ្រងរបស់អ៊ុយក្រែនជាឧបសម្ព័ន្ធរុស្ស៊ីទេ

រុស្ស៊ី៖ វិមានក្រឹមឡាំងបានសម្រេចថា នឹងមិនប្រញាប់ប្រញាល់ដាក់បញ្ចូលជាផ្លូវការ នៃដែនដីដែលបានគ្រប់គ្រងនៅអ៊ុយក្រែនជាមួយរុស្ស៊ីទេ ហើយនឹងផ្អាកការបិទព្រំដែនរុស្ស៊ី។ សេចក្ដីសម្រេចចុងក្រោយត្រូវបានអនុម័ត ស្របពេលមានការរិះគន់កើនឡើងចំពោះការកេណ្ឌកម្លាំងទ័ពក្នុងចំណោមពលរដ្ឋរុស្ស៊ី។ ប្រភពពីសារព័ត៌មានរុស្ស៊ី Meduza ដោយសំអាងដល់ប្រភពមួយចំនួនស្និទ្ធនឹងរដ្ឋបាលរបស់ប្រធានាធិបតីរុស្ស៊ី។ ប្រភពនានារបស់សារព័ត៌មាន Meduza បាននិយាយថា វិមានក្រឹមឡាំងបានសម្រេចចិត្តមិនប្រញាប់ប្រញាល់នោះទេ ព្រោះការដាក់បញ្ចូលជាឧបសម្ព័ន្ធរបស់ដែនដីអ៊ុយក្រែនចូលជាមួយរុស្ស៊ី ដែលលោក Putin មើលឃើញថា ជាប្រភពមានសក្ដានុពលនៃការបង្កើនការគាំទ្រជាសាធារណៈ នឹងប៉ះពាល់ដល់ទំនាក់ទំនងសាធារណៈ ប្រឆាំងនឹងការមិនពេញចិត្តដែលកំពុងពុះកញ្ជ្រោលក្នុងស្រទាប់ពលរដ្ឋរុស្ស៊ី ជុំវិញការកេណ្ឌកម្លាំងទ័ព។ ប្រភពទាំងនោះបាននិយាយថា អ្វីគ្រប់យ៉ាងនឹងត្រូវបានដាក់បញ្ចូលជាឧបសម្ព័ន្ធ ប៉ុន្តែមិនប្រញាប់ខ្លាំងនោះទេ។ វិមានក្រឹមឡាំងមិនទាន់បានបញ្ចុះបញ្ចូលពលរដ្ឋរុស្ស៊ីថា រុស្ស៊ីត្រូវការដែនដីទាំងអស់នោះទេ។ស្របពេលជាមួយគ្នានោះដែរប្រភពមួយក្នុងចំណោមប្រភពជាច្រើន ជាបុគ្គលមួយរូបស្និទ្ធនឹងវិមានក្រឹមឡាំងបានលើកឡើងថា ការពន្យាពេលក្នុងការដាក់បញ្ចូលជាឧបសម្ព័ន្ធផ្លូវការនៃដែនដីរបស់អ៊ុយក្រែន ក្រោយឈ្នះការធ្វើប្រជាមតិជាមួយរុស្ស៊ីអាចបណ្ដាលមកពីការពិតដែលថា រដ្ឋាភិបាលរុស្ស៊ីចង់ងាកទៅរកការចរចាជាមួយអ៊ុយក្រែន និងលោកខាងលិច។ ប្រភពដដែលនោះបានបន្ថែមថា ប្រធានាធិបតី Vladimir Putin ជឿថា លោកពុំមានអ្វីត្រូវពិភាក្សាជាមួយប្រធានាធិបតីអ៊ុយក្រែននោះទេ ព្រោះលោក Volodymyr Zelenskyy ត្រូវបានចោទប្រកាន់ថា ជាអាយ៉ងរបស់លោកខាងលិច៕អត្ថបទ៖ សុខមាន

សម្តេចតេជោ ហ៊ុន សែន ណែនាំឱ្យអាជ្ញាធរបន្តបង្ក្រាបបនល្បែងខុសច្បាប់ដូចភ្លៀងរលឹម

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសឱ្យបន្តបង្ក្រាបល្បែងស៊ីសងខុសច្បាប់ដោយគ្មានការលើកលែង ទោះនៅកន្លែងណា ឬតំបន់ណាក៏ដោយ ដែលល្បែងស៊ីសងទាំងនោះ បានជះឥទ្ធិពលអាក្រក់ដល់សង្គម និងប្រជាជន។ថ្លែងក្នុងពិធីបើកវេទិកាអន្តរសាសនាថ្នាក់ជាតិ ដើម្បីប្រយុទ្ធប្រឆាំងការជួញដូរមនុស្ស លើកទី៦ ក្រោមប្រធានបទ៖ «សូមកុំយកកម្ពុជា ជាគោលដៅប្រព្រឹត្តអំពើជួញដូរមនុស្ស» នៅមជ្ឈមណ្ឌលសន្និបាតនិងពិពរណ៍អន្តរជាតិជ្រោយចង្វារ នាព្រឹកថ្ងៃទី២៩ ខែកញ្ញានេះ សម្តេចតេជោ ហ៊ុន សែន ប្រកាសថា បើយើងបង្ក្រាបល្បែងស៊ីសងខុសច្បាប់បាន ប្រជាពលរដ្ឋខ្មែរយើងនឹងសល់លុយ មានកាក់,គ្រួសារមានសុភមង្គល ហើយសង្គមជាតិមានសណ្តាប់ធ្នាប់ សុខស្ថិរភាព។សម្តេចតេជោ ហ៊ុន សែន បានប្រកាសដល់អាជ្ញាធរ និងសមត្ថកិច្ច សូមធ្វើសកម្មភាពបង្ក្រាបល្បែងស៊ីសងខុសច្បាប់ទាំងនោះឱ្យចំគោលដៅ នៃបញ្ហាដែលកើតមាននៅក្នុងសង្គម និងអំពាវនាវដល់គ្រប់សាសនាទាំងអស់ ជួយអប់រំ ណែនាំ ដល់អ្នកកាន់សាសនានីមួយៗពីបញ្ហាល្បែងស៊ីសង។សម្តេចតេជោ ហ៊ុន សែន ប្រកាសព្រមានដល់ម្ចាស់អាជីវកម្មឆ្នោត ឬល្បែងស្របច្បាប់ទាំងឡាយ សូមធ្វើសកម្មភាពត្រឹមតែអ្វីដែលបានអនុញ្ញាតប៉ុណ្ណោះ សូមកុំធ្វើលើស បើមិនចង់ប្រឈមនឹងការបិទជាស្ថាពរនោះទេ៕

ក្រសួងធនធានទឹក និងឧតុនិយម៖ ៣-៥ ថ្ងៃខាងមុខ ទឹកទន្លេមេគង្គនឹងហក់ឡើងជាបន្តបន្ទាប់

ភ្នំពេញ៖ ក្រសួងធនធានទឹក និងឧតុនិយម ប្រកាសថា យោងលើស្ថានភាពអាកាសធាតុ កំពុងមានការប្រែប្រួល កើតឡើងដោយឥទ្ធិពលព្យុះទី ១៦ ឈ្មោះ ណូរុ «NORU» មកលើអាងទន្លេមេគង្គក្នុងប្រទេសថៃ ឡាវ វៀតណាម និងកម្ពុជា ដែលធ្វើឲ្យមានភ្លៀងធ្លាក់ច្រើននៅក្នុងអាងទន្លេមេគង្គ។ក្រសួងធនធានទឹក និងឧតុនិយមបន្តថា ទឹកទន្លេមេគង្គនឹងហក់ឡើងក្នុងរយៈពេលពី៣-៥ ថ្ងៃខាងមុខ ជាពិសេសនៅភាគខាងលើនៃប្រទេសកម្ពុជា មានខេត្តស្ទឹងត្រែង ទឹកនឹងអាចឡើងដល់កម្ពស់១០ម៉ែត្រ, ខេត្តក្រចេះ ទឹកនឹងអាចឡើងដល់កម្ពស់ ២១ ម៉ែត្រ និងខេត្តកំពង់ចាម ទឹកនឹងអាចឡើងដល់ជាងកម្ពស់១៤ ម៉ែត្រ និងនៅស្ថានីយជលសាស្ត្រភ្នំពេញ-ចតុមុខ ទឹកអាចឡើងដល់ជាងកម្ពស់៩ម៉ែត្រ៕

លោក Biden បង្កើនជំហរគោលនយោបាយលើកោះតៃវ៉ាន់ ទោះមានការខឹងសម្បាពីចិនក៏ដោយ

សហរដ្ឋអាមេរិក៖ លោកប្រធានាធិបតីអាមេរិកកំពុងបង្កើនជំហរ របស់សហរដ្ឋអាមេរិកលើបញ្ហាកោះតៃវ៉ាន់ ស្របពេលប្រឈមនឹងការគំរាមកំហែងពីប្រទេសចិន ក្នុងការប្រើកម្លាំងដណ្ដើមយកទៅគ្រប់គ្រងវិញ ទោះបីជាមានកិច្ចខិតខំប្រឹងប្រែងដោយក្រុមប្រឹក្សាជាន់ខ្ពស់ ក្នុងការបន្សាបសាររបស់ប្រធានាធិបតីរូបនេះក៏ដោយ។ ក្រុមអ្នកជំនាញ និងវិភាគនិយាយថា សារដដែលៗរបស់ប្រធានាធិបតីដែលថា កងកម្លាំងរបស់សហរដ្ឋអាមេរិកនឹងការពារកោះប្រជាធិបតេយ្យមួយនេះ បើទីក្រុងប៉េកាំងវាយក្រសោបយក ឆ្លុះបញ្ចាំងពីការប្រើប្រាស់ដោយចេតនានៃភាសាដែលស្របតាមសមត្ថភាពអាមេរិក។ លោក Ryan Hass អ្នកជំនាញជាន់ខ្ពស់នៅវិទ្យាស្ថាន Brookings បាននិយាយថា ការយល់ឃើញរបស់ខ្ញុំគឺថា នៅពេលដែលមេដឹកនាំនិយាយរឿងដដែលៗ ៤ដងបែបនេះ វាមិនមែនជារឿងលេងសើចទេ។ វាឆ្លុះបញ្ចាំងពីការផ្ដន្ទាទោសរបស់លោក។ ហើយខ្ញុំគិតថា ពិភពលោកគួរតែចងចាំពាក្យសម្ដីរបស់លោកប្រធានាធិបតី Biden។ លោកទំនងជាកំពុងបង្ហាញសញ្ញាយ៉ាងច្បាស់ថា លោកជឿថា សហរដ្ឋអាមេរិកត្រូវតែត្រៀមខ្លួនដើម្បីធ្វើអន្តរាគមន៍ក្នុងករណីមានជម្លោះនៅច្រកសមុទ្រតៃវ៉ាន់។ប្រទេសចិនបានប្រតិកម្មយ៉ាងខ្លាំងចំពោះការធ្វើអត្ថាធិប្បាយចុងក្រោយរបស់លោក Biden ដែលបានថ្លែងអំឡុងបទសម្ភាសន៍មួយជាមួយកម្មវិធីព័ត៌មាន “60 Minutes” របស់ទូរទស្សន៍ CBS កាលពីថ្ងៃអាទិត្យកន្លងទៅ។ រដ្ឋមន្ត្រីការបរទេសចិនលោក Wang Yi បានរិះគន់សហរដ្ឋអាមេរិកនៅក្នុងសុន្ទរកថា នៅឯមហាសន្និបាតអង្គការសហប្រជាជាតិ និងក្នុងជំនួបជាមួយប្រមុខការទូតអាមេរិកលោក Antony Blinken កាលពីសប្ដាហ៍មុន។ ថ្លែងនៅអង្គការសហប្រជាជាតិលោក Wang បាននិយាយថា ផែនការជ្រៀតជ្រែកណាមួយក្នុងកិច្ចការផ្ទៃក្នុងរបស់ចិន គឺនឹងត្រូវជួបការប្រឆាំងដាច់ខាតគ្រប់ទម្រង់របស់ចិន ហើយសកម្មភាពរារាំងការបង្រួបបង្រួមជុំជាតិរបស់ចិន គឺនឹងត្រូវជួបប្រទះនូវផលវិបាកធ្ងន់ធ្ងរបំផុត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សម្តេចធិបតី ណែនាំសាលារៀនត្រូវពង្រឹងបទបញ្ជាផ្ទៃក្នុង ដើម្បីកែប្រែឥរិយាបថសិស្សកុំពឹងលើសញ្ញាបត្រ

សម្តេធិបតីណែនាំឱ្យសាលាបន្តលើកកម្ពស់ការអប់រំឌីជីថល ដើម្បីរួមចំណែកកសាងពលរដ្ឋឌីជីថល

សម្ដេចធិបតី៖ រាជរដ្ឋាភិបាលកំពុងលើកកម្ពស់គុណភាពនៃការអប់រំ និងការបណ្តុះបណ្តាលវិជ្ជាជីវៈ

សម្ដេចធិបតី៖ ក្រោមម្លប់សន្តិភាព ២៨ឆ្នាំមកនេះ កម្ពុជាពូនជ្រំសមិទ្ធផលជាច្រើន និងកំពុងបង្កើតបន្ថែមទៀត

FIFA សុំទោសសមាជិកជុំវិញគម្រោងលក់ភាគហ៊ុន ខណៈ Infantino នៅតែទទួលបានការគាំទ្រពីថ្នាក់ដឹកនាំ

ពលរដ្ឋហ្កាហ្សាដែលរងទុក្ខលំបាកជាយូរ ទទួលបានក្តីសង្ឃឹមខណៈក្រុមហាម៉ាសយល់ព្រមរំសាយអាវុធ

មជ្ឈមណ្ឌលពាណិជ្ជកម្មអន្តរជាតិ៖ ការបិទច្រកសមុទ្រ Hormuz ប៉ះពាល់ដល់ការផ្គត់ផ្គង់ថាមពល និងជីសកល

នគរបាលប៉ាគីស្ថាន បាញ់ឧស្ម័នបង្ហៀរទឹកភ្នែកលើក្រុមអ្នកគាំទ្រលោក Imran Khan ក្នុងពេលទៅប្រមូលផ្តុំគ្នា

ប្រទេសអ៊ីរ៉ាក់ ប្រឈមនឹងវិបត្តិខណៈក្រុមប្រដាប់អាវុធស៊ីអ៊ីតបំពានការរំសាយអាវុធ

មន្ត្រីអាមេរិក បានច្រានចោលរបាយការណ៍អំពីការផ្គត់ផ្គង់គ្រាប់រំសេវធ្លាក់ចុះទាបខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ចិនបញ្ចេញប្រតិកម្មចំពោះការប្រៀបធៀបស្ថានភាពនៅអ៊ុយក្រែន និងកោះតៃវ៉ាន់

បាតុកម្មនៅព្រំដែនប្រទេសហ្សកហ្ស៊ី ខណៈប្រជាជនរុស្សីមកដល់គេចពីការកេណ្ឌកងទ័ព

មនុស្ស ១៣នាក់ស្លាប់នៅអ៊ីរ៉ាក់ ខណៈអ៊ីរ៉ង់វាយប្រហារក្រុមជនជាតិឃឺដ

ព្យុះទីហ្វុង Noru បោកបក់ទូទាំងវៀតណាម ក្រោយសម្លាប់មនុស្ស ១០នាក់នៅហ្វីលីពីន

ព្យុះសង្ឃរា Ian បណ្ដាលឲ្យទឹកជំនន់ ជម្លៀសមនុស្សរាប់លាននាក់ និងដាច់ចរន្តអគ្គិសនីក្នុងរដ្ឋ Florida

សម្តេចតេជោ ហ៊ុន សែន៖ កម្ពុជាមិនមែនជាគោលដៅ នៃអំពើភេរវកម្មនោះទេ តែក៏មិនធ្វេសប្រហែសដែរ

វិមានក្រឹមឡាំងមិនប្រញាប់ប្រញាល់ដាក់បញ្ចូលដែនដីគ្រប់គ្រងរបស់អ៊ុយក្រែនជាឧបសម្ព័ន្ធរុស្ស៊ីទេ

សម្តេចតេជោ ហ៊ុន សែន ណែនាំឱ្យអាជ្ញាធរបន្តបង្ក្រាបបនល្បែងខុសច្បាប់ដូចភ្លៀងរលឹម

ក្រសួងធនធានទឹក និងឧតុនិយម៖ ៣-៥ ថ្ងៃខាងមុខ ទឹកទន្លេមេគង្គនឹងហក់ឡើងជាបន្តបន្ទាប់

លោក Biden បង្កើនជំហរគោលនយោបាយលើកោះតៃវ៉ាន់ ទោះមានការខឹងសម្បាពីចិនក៏ដោយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចិន​បញ្ចេញ​ប្រតិកម្ម​ចំពោះ​ការ​ប្រៀប​ធៀប​ស្ថានភាព​នៅ​អ៊ុយ​ក្រែ​ន និង​កោះ​តៃវ៉ាន់​

បាតុកម្ម​នៅ​ព្រំដែន​ប្រទេស​ហ្ស​ក​ហ្ស៊ី ខណៈ​ប្រជាជន​រុស្សី​មកដល់គេច​ពី​ការ​កេណ្ឌ​កងទ័ព​

មនុស្ស​ ១៣​នាក់​ស្លាប់​នៅ​អ៊ីរ៉ាក់ ខណៈ​អ៊ីរ៉ង់​វាយប្រហារ​ក្រុម​ជនជាតិ​ឃឺ​ដ

ព្យុះ​ទី​ហ្វុ​ង Noru បោកបក់​ទូទាំង​វៀតណាម ក្រោយ​សម្លាប់​មនុស្ស ​១០​នាក់​នៅ​ហ្វីលីពីន​

ព្យុះសង្ឃរា Ian បណ្ដាល​ឲ្យ​ទឹកជំនន់ ជម្លៀស​មនុស្ស​រាប់​លាន​នាក់ និង​ដាច់​ចរន្តអគ្គិសនី​ក្នុង​រដ្ឋ Florida

សម្តេចតេជោ ហ៊ុន សែន៖ កម្ពុជាមិនមែនជាគោលដៅ នៃអំពើភេរវកម្មនោះទេ តែក៏មិនធ្វេសប្រហែសដែរ

សម្តេចតេជោ ហ៊ុន សែន ណែនាំឱ្យអាជ្ញាធរបន្តបង្ក្រាបបនល្បែងខុសច្បាប់ដូចភ្លៀងរលឹម

ក្រសួងធនធានទឹក និងឧតុនិយម៖ ៣-៥ ថ្ងៃខាងមុខ ទឹកទន្លេមេគង្គនឹងហក់ឡើងជាបន្តបន្ទាប់

លោក Biden បង្កើន​ជំហរ​គោលនយោបាយ​លើ​កោះ​តៃវ៉ាន់ ​ទោះ​មានការ​ខឹង​សម្បា​ពី​ចិន​ក៏ដោយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិនបញ្ចេញប្រតិកម្មចំពោះការប្រៀបធៀបស្ថានភាពនៅអ៊ុយក្រែន និងកោះតៃវ៉ាន់

បាតុកម្មនៅព្រំដែនប្រទេសហ្សកហ្ស៊ី ខណៈប្រជាជនរុស្សីមកដល់គេចពីការកេណ្ឌកងទ័ព

មនុស្ស ១៣នាក់ស្លាប់នៅអ៊ីរ៉ាក់ ខណៈអ៊ីរ៉ង់វាយប្រហារក្រុមជនជាតិឃឺដ

ព្យុះទីហ្វុង Noru បោកបក់ទូទាំងវៀតណាម ក្រោយសម្លាប់មនុស្ស ១០នាក់នៅហ្វីលីពីន

ព្យុះសង្ឃរា Ian បណ្ដាលឲ្យទឹកជំនន់ ជម្លៀសមនុស្សរាប់លាននាក់ និងដាច់ចរន្តអគ្គិសនីក្នុងរដ្ឋ Florida

លោក Biden បង្កើនជំហរគោលនយោបាយលើកោះតៃវ៉ាន់ ទោះមានការខឹងសម្បាពីចិនក៏ដោយ