BTV NEWS

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

ព័ត៌មានសំខាន់ៗ

សហភាពអឺរ៉ុបប្ដេជ្ញាការពារបណ្ដាញថាមពល ក្រោយការបំផ្លិចបំផ្លាញបំពង់បង្ហូរឧស្ម័នរបស់រុស្ស៊ី

សហភាពអឺរ៉ុប៖ សហភាពអឺរ៉ុបកាលពីថ្ងៃពុធបានសន្យាឆ្លើយតបយ៉ាងម៉ឺងម៉ាត់ ចំពោះការរំខានដោយចេតនាណាមួយលើហេដ្ឋារចនាសម្ព័ន្ធថាមពលរបស់ខ្លួន ក្រោយនិយាយថា ខ្លួនសង្ស័យថា ការបំផ្លិចបំផ្លាញនៅពីក្រោយការលេចធ្លាយឧស្ម័នដែលបានរកឃើញនៅសប្ដាហ៍នេះ លើបំពង់បង្ហូរឧស្ម័នបាតសមុទ្ររបស់រុស្ស៊ីទៅកាន់សហភាពអឺរ៉ុប។ ខណៈឧស្ម័នបានខ្ពុរចេញក្រោមសមុទ្របាល់ទិកនៅថ្ងៃទី៣ ក្រោយការរកឃើញលើកដំបូង គេនៅតែមិនទាន់ដឹងច្បាស់ថា តើអ្នកណាអាចជាអ្នកទទួលខុសត្រូវសម្រាប់ការបំផ្លិចបំផ្លាញបំពង់បង្ហូរឧស្ម័ន Nord Stream ដែលរុស្ស៊ី និងដៃគូនានារបស់សហភាពអឺរ៉ុប បានចំណាយប្រាក់រាប់ពាន់លានដុល្លារដើម្បីសាងសង់ឡើង។ រុស្ស៊ីដែលកាត់បន្ថយការបញ្ជូនឧស្ម័នទៅកាន់អឺរ៉ុប បន្ទាប់ពីលោកខាងលិចដាក់ទណ្ឌកម្ម ជុំវិញការវាយប្រហាររបស់រុស្ស៊ីចូលអ៊ុយក្រែន ក៏បាននិយាយផងដែរថា ការវាយប្រហារកម្ទេចនេះអាចទៅរួច។លោក Josep Borrell ប្រធានគោលនយោបាយកិច្ចការបរទេសរបស់សហភាពអឺរ៉ុបបាននិយាយថា ការរំខានដែលមានផែនការទុកជាមុនណាមួយមកលើហេដ្ឋារចនាសម្ព័ន្ធថាមពលរបស់អឺរ៉ុប គឺជារឿងមិនអាចទទួលយកបានឡើយ ហើយនឹងត្រូវទទួលវិញដោយការឆ្លើយតបយ៉ាងម៉ឺងម៉ាត់ និងការរួមដៃគ្នា។ ចំណែកស្ថានទូតរុស្ស៊ីនៅក្នុងប្រទេសដាណឺម៉ាកបាននិយាយថា បំផ្លិចបំផ្លាញលើបំពង់បង្ហូរឧស្ម័ន Nord Stream គឺជាការវាយប្រហារលើទាំងសន្តិសុខថាមពលរដ្ឋរបស់រុស្ស៊ី ទាំងសហភាពអឺរ៉ុប។ លោកស្រី Ursula von der Leyen ប្រធានគណៈកម្មការសហភាពអឺរ៉ុប កាលពីថ្ងៃពុធបានជំរុញបណ្ដាប្រទេសជាសមាជិកទាំង ២៧ របស់សហភាពអឺរ៉ុបដាក់ទណ្ឌកម្មបន្ថែមទៀតលើក្រុមមន្ត្រីរុស្ស៊ី៕អត្ថបទ៖ សុខមាន

សម្តេចតេជោ៖ កម្ពុជាកំពុងរួមគ្នាប្រយុទ្ធប្រឆាំងការជួញដូរមនុស្ស ប៉ុន្តែបញ្ហានេះមិនមែនមានតែកម្ពុជាទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញមានប្រសាសន៍ថា ទោះបីបច្ចុប្បន្នប្រទេសកម្ពុជា ត្រូវបានចាត់ក្នុងចំណោមប្រទេសគួរព្រួយបារម្ភហើយបាននិងកំពុងរួមគ្នាប្រយុទ្ធប្រឆាំងនឹងការជួញដូរមនុស្ស ប៉ុន្តែសម្តេចក៏បានលើកឡើងដែរថា ការជួញដូរមនុស្ស គឺមិនមែនមានតែប្រទេសកម្ពុជាទេ ។សម្តេចតេជោ ហ៊ុន សែន ប្រមុខ នៃរាជរដ្ឋាភិបាលបានមានប្រសាសន៍យ៉ាងដូច្នេះ ខណៈអញ្ជើញជាអធិបតីដ៏ខ្ពង់ខ្ពស់បើកវេទិកាអន្តរសាសនាថ្នាក់ជាតិ ដើម្បីប្រយុទ្ធប្រឆាំងការជួញដូរមនុស្ស លើកទី៦ ក្រោមប្រធានបទ៖ «សូមកុំយកកម្ពុជា ជាគោលដៅប្រព្រឹត្តអំពើជួញដូរមនុស្ស» ។ក្នុងវេទិកានៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វានាព្រឹកថ្ងៃទី២៩កញ្ញានេះ សម្តេចបានមានប្រសាសន៍ថា ឥឡូវនេះ រាជរដ្ឋាភិបាលក៏ត្រូវការចូលរួមពីគ្រប់សាសនា ដើម្បីចូលរួមប្រយុទ្ធប្រឆាំងនឹងការជួញដូរមនុស្ស។ ប៉ុន្តែទោះជាយ៉ាងណា សម្តេចបានវាយតម្លៃថា ប្រសិនបើគ្មានការបកស្រាយច្បាស់លាស់ទេ ប្រទេសរបស់យើងគេអាចបកស្រាយអាក្រក់បំផុតនៅលើពិភពលោក។ សម្តេចមានប្រសាសន៍ថា ស្ថានភាពនៃការជួញដូរមនុស្ស ឧក្រិដ្ឋកម្ម ឬចំណាកស្រុកគឺមិនមែនមានតែកម្ពុជា១ទេ យ៉ាងណាមិញ ដូចជាសហរដ្ឋអាមេរិកជាដើម កន្លងមកអតីតប្រធានាធិបតី សហរដ្ឋអាមេរិក ដូណាល់ត្រាំ រហូតចង់ធ្វើរបងខ័ណ្ឌរវាងអាមេរិក និងមិចស៊ិច មិនឱ្យមានការឆ្លងចូលពីមិចស៊ិច ចូលអាមេរិកជាដើមនោះ។សម្តេចបានផ្តាំផ្ញើឱ្យគ្រប់តួអង្គទាំងអស់ធ្វើសកម្មភាពព្រមៗគ្នាទៅលើការបង្រ្កាបគ្រឿងញៀន ល្បែងស៊ីសងខុសច្បាស់ និងជនប្រព្រឹត្តិបទល្មើសដែលនាំទៅដល់ការជួញដូរមនុស្ស ហើយត្រូវស្រាវជ្រាវយកជនប្រព្រឹត្តិបទល្មើស នៃការជួញដូរមនុស្សមកផ្តន្ទាទោសតាមច្បាប់ ជាពិសេសត្រូវមានការត្រៀមបង្ការ ទប់ស្កាត់នូវរឿងអកុសល ទាំងអស់នេះ តាមរយៈវិធានការអប់រំ វិធានការច្បាប់ ជាពិសេសកុំឱ្យកូនចៅរបស់យើងក្លាយជាអ្នករងគ្រោះដោយសារតែអំពើខុសច្បាប់ទាំងអស់នេះ និងកុំឱ្យប្រទេសរបស់យើងក្លាយជាជំរក នៃអំពើវេរកម្ម និងធ្វើការគ្រប់គ្រងអាវុធឱ្យត្រឹមត្រូវ៕

សម្ដេចតេជោ៖ “យើងមិនដែលនិយាយថាប្រទេសយើងល្អឥតខ្ចោះនោះទេ តែវាក៏មិនអាក្រក់ដូចជនអគតិ ឬបរទេសខ្លះចោទប្រកាន់នោះដែរ”

ភ្នំពេញ៖ នៅព្រឹកថ្ងៃទី២៩ ខែកញ្ញា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពប្រារព្ធក្នុង «វេទិកាអន្តរសាសនាប្រឆាំងការជួញដូរមនុស្សលើកទី៦» ឆ្នាំ២០២២ នៅមជ្ឈមណ្ឌលពាណិជ្ជកម្ម និងពិព័រណ៍ជ្រោយចង្វារ។ក្នុងឱកាសនោះ សម្តេចតេជោ ហ៊ុន សែន បានមានប្រសាសថា យើងមិនដែលនិយាយថាប្រទេសយើងល្អឥតខ្ចោះនោះទេ តែវាក៏មិនអាក្រក់ដូចជនអគតិ ឬបរទេសខ្លះចោទប្រកាន់ និងវាយតម្លៃនោះដែរ បញ្ហាទាំងឡាយ កម្ពុជាមានឆន្ទៈក្នុងកិច្ចខិតខំប្រឹងប្រែងដើម្បីដោះស្រាយ។សម្តេចតេជោ ហ៊ុន សែន បានបញ្ជាក់ថា ការជួញដូរមនុស្ស មិនត្រឹមតែកើតនៅតំបន់អាស៊ី ឬអាហ្វ្រិកទេ វាបានកើតឡើងទូទាំងពិភពលោក ដែលទាមទារឱ្យយើងទាំងអស់គ្នា និងគ្រប់ជាតិសាសន៍ សាសនា រួមគ្នាដោះស្រាយ និងប្រយុទ្ធប្រឆាំង ដោយស្មារតីទទួលខុសត្រូវខ្ពស់បំផុត។

សម្តេចតេជោ ហ៊ុន សែន អញ្ជើញជាអធិបតីប្រារព្ធ «វេទិកាអន្តរសាសនាប្រឆាំងការជួញដូរមនុស្សលើកទី៦»

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីប្រារព្ធក្នុង «វេទិកាអន្តរសាសនាប្រឆាំងការជួញដូរមនុស្សលើកទី៦» ឆ្នាំ២០២២ នៅព្រឹក ថ្ងៃព្រហស្បតិ៍ ៤កើត ខែអស្សុជ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៩ ខែកញ្ញា ឆ្នាំ២០២២នេះ នៅមជ្ឈមណ្ឌលពាណិជ្ជកម្ម និងពិព័ណជ្រោយចង្វារ។ កម្មវិធីនេះ គឺជាការបង្ហាញនូវភាពសុខដុមរមនា នៃសាសនានៅកម្ពុជា ដែលតែងតែឯកភាព សហការ គាំទ្រគ្នាទៅវិញទៅមក ដោយភាពទន់ភ្លន់ មិនមានទំនាស់ មិនប្រទូសរ៉ាយគ្នា មិនបង្កឱ្យមានការបែកបាក់ និងគ្រោះមហន្តរាយក្នុងសង្គម។ ផ្ទុយទៅវិញ ភាពសុខុដុម នៃសាសនា បានដើរតួជាគន្លឹះក្នុងការកសាងនូវសន្តិភាពផ្លូវចិត្ត របស់បុគ្គល និងសន្តិសុខសង្គម ព្រមទាំងជួយពង្រឹងស្មារតី មនុស្សគ្រប់រូបឲ្យរឹងប៉ឹង រួមគ្នាតស៊ូ ជម្នះនឹងការញុះញង់ អូសទាញ ដែលជាល្បិចកលឧក្រិដ្ឋជនជួញដូរមនុស្ស។កម្មវិធីវេទិកាអន្តរសាសនា តែងតែត្រូវបានរៀបចំជារបៀបមិទ្ទិញទ្រង់ទ្រាយធំ ដោយមានអ្នកដឹកនាំនិកាយសាសនាទាំងឡាយ ចូលរួមប្រារព្ធពិធីតាមបែបសាសនានីមួយៗ ក្នុងពេលតែមួយ ទីកន្លែងតែមួយ គោលដៅតែមួយ ដោយឯកភាពគ្នា និងដោយមានការចូលរួមពីថ្នាក់ដឹកនាំ មន្ត្រីរាជការ យ៉ាងច្រើនកុះករ។ នៅឆ្នាំ២០២០-២០២១ គឺជាពេលវេលាដ៏លំបាក ដែលថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ គ្រូពេទ្យ អាជ្ញាធរ ក៏ដូចជាប្រជាពលរដ្ឋ បាននិងកំពុងតស៊ូ ទប់ទល់នឹងបញ្ហាប្រឈម ដែលបង្កឡើងដោយការរាតត្បាត នៃជំងឺកូវីដ១៩ និងមេរោគបំប្លែងថ្មី ដែលគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស មិនបានរៀបចំកម្មវិធីទ្រង់ទ្រាយធំឡើយ។ វេទិកាអន្តរសាសនាលើកទី៦ ឆ្នាំ២០២២ នឹងមានការចូលរួមពីថ្នាក់ដឹកនាំ ព្រះពុទ្ធសាសនា មូស្លីម កាតូលិក គ្រិស្តបរិស័ទបំណងល្អ ប្រូតេស្តង់ និងអ្នកជំនឿផ្សេងៗទៀត ព្រមទាំងតំណាងអង្គការជាតិ-អន្តរជាតិមួយចំនួន ដែលកំពុងបំពេញការងារពាក់ព័ន្ធការប្រយុទ្ធប្រឆាំងអំពើជួញដូរមនុស្សនៅកម្ពុជា ប្រមាណ ១,៥០០អង្គ/នាក់៕

ការព្រមានអំពីទឹកជំនន់ ខណៈព្យុះ Noru ជិតមកដល់ប្រទេសថៃ

ថៃ៖ មន្ត្រីប្រទេសថៃបានចេញការព្រមានអំពីភ្លៀងធ្លាក់ខ្លាំង និងទឹកជំនន់នៅថ្ងៃពុធនេះដែលនាំមកដោយព្យុះត្រូពិច Noru កំពុងខិតជិតមកដល់ ដែលត្រូវបានគេរំពឹងថានឹងមកដល់ភាគឦសានប្រទេសថៃនៅថ្ងៃព្រហស្បតិ៍។ នាយកដ្ឋានឧតុនិយមបាននិយាយថា ព្យុះដែលបង្កឱ្យមានបំណាក់ដីនៅប្រទេសវៀតណាម កំពុងបក់បោកឆ្ពោះទៅទិសខាងលិចក្នុងល្បឿន ២០គីឡូម៉ែត្រក្នុងមួយម៉ោងដែលទៅកាន់ប្រទេសឡាវ និងថៃ មានកម្លាំងខ្យល់បក់អតិបរមា ១៥០គីឡូម៉ែត្រក្នុងមួយម៉ោង។ អាជ្ញាធររំពឹងថា ព្យុះ Noru នឹងនាំមកនូវភ្លៀងធ្លាក់ និងទឹកជំនន់ភ្លាមៗនៅភាគខាងជើង ភាគឦសាន និងភាគកណ្តាលប្រទេសថៃ និងរលកកម្ពស់ពី ៣ ទៅ ៥ម៉ែត្រនៅក្នុងឈូងសមុទ្រថៃចាប់ពីថ្ងៃស្អែករហូតដល់ថ្ងៃទី១ ខែតុលា។ ភ្លៀងបានធ្លាក់រួចហើយនៅក្នុងខេត្ត Ubon Ratchathani ភាគឦសាន ជាតំបន់មួយដែលត្រូវបានគេរំពឹងថា រងការវាយប្រហារខ្លាំងបំផុតចាប់តាំងពីព្រឹកថ្ងៃពុធនេះ។តំបន់ជាច្រើនបានឃើញទឹកជំនន់រួចហើយដែលបណ្តាលមកពីទឹកភ្លៀងមូសុងតាមរដូវ ហើយនៅតំបន់មួយចំនួនកំពុងជន់លិចដែលបណ្តាលមកពីទឹកដែលហូរហៀរចេញពីទន្លេ និងទំនប់ទឹកដែលពេញ។ អាជ្ញាធរបានជំរុញឱ្យប្រជាពលរដ្ឋនៅតាមដងទន្លេ Moon ជម្លៀសខ្លួនទៅកាន់ទីទួលខ្ពស់ ខណៈទឹកត្រូវបានគេរំពឹងថានឹងពេញហៀរមកលើច្រាំងទន្លេ។ មនុស្សជាច្រើនភៀសខ្លួនទៅកាន់ទីជម្រកបណ្តោះអាសន្ន ដែលត្រូវបានបង្កើតឡើងនៅមុខសាលាក្រុង ហើយចតយានយន្តរបស់ពួកគេនៅលើផ្លូវហាយវ៉េ៕អត្ថបទ៖ ប៊ុនថន

រដ្ឋមន្ត្រីការពារជាតិរុស្ស៊ីពិនិត្យការហ្វឹកហាត់របស់ក្រុមទាហានបម្រុងដែលបានកេណ្ឌ

រុស្ស៊ី៖ រដ្ឋមន្ត្រីការពារជាតិរុស្ស៊ីលោក Sergei Shoigu ត្រូវបានគេមើលឃើញនៅក្នុងវីដេអូ ដែលចេញផ្សាយដោយក្រសួងការពារជាតិរុស្ស៊ីកាលពីថ្ងៃអង្គារ កំពុងពិនិត្យមើលការហ្វឹកហាត់របស់ក្រុមទាហានបម្រុងដែលត្រូវបានកេណ្ឌ។ សេចក្ដីថ្លែងការណ៍ដែលបានចេញដោយក្រសួងការពារជាតិបាននិយាយថា លោក Shoigu បានពិនិត្យការហ្វឹកហាត់ផ្នែកយុទ្ធវិធី និងផ្នែកវេជ្ជសាស្ត្រនៅទីតាំងហ្វឹកហាត់យោធាមួយកន្លែង។ វិមានក្រឹមឡាំងកាលពីសប្តាហ៍មុនបានប្រកាសពីការកេណ្ឌកងទ័ពមួយផ្នែក ដើម្បីបន្ថែមទាហានយ៉ាងហោចណាស់ ៣សែននាក់ទៅចូលជាមួយកងកម្លាំងរបស់ខ្លួននៅក្នុងប្រទេសអ៊ុយក្រែន ក្នុងការដំណើរការបោះឆ្នោតប្រជាមតិនៅក្នុងតំបន់ដែលបានចូលកាន់កាប់។ នៅប្រទេសរុស្ស៊ី ស្ទើរតែគ្រប់បុរសទាំងអស់ត្រូវបានចាត់ទុកថា ជាទាហានបម្រុងរហូតដល់អាយុ ៦៥ឆ្នាំ។ ការមានបទពិសោធន៍ប្រយុទ្ធ ឬបម្រើយោធាពីមុនមកត្រូវបានចាត់ទុកថា ជាកត្តាចម្បងក្នុងការកេណ្ឌកម្លាំង។ការតវ៉ាជាច្រើនបានផ្ទុះឡើងនៅទូទាំងប្រទេស ហើយប្រព័ន្ធផ្សព្វផ្សាយរុស្ស៊ីបានរាយការណ៍ពីការកើនឡើង ការវាយប្រហារដោយបង្កអគ្គិភ័យទៅលើការិយាល័យចុះឈ្មោះយោធា។ ទាហានបម្រុងនៅទីក្រុង Sevastapol តំបន់ Crimea ត្រូវបានគេមើលឃើញកំពុងឡើងជិះរថយន្តក្រុង ខណៈការកេណ្ឌកម្លាំងបានបន្តនៅក្នុងប្រទេសរុស្ស៊ីកាលពីថ្ងៃអង្គារ៕អត្ថបទ៖ ប៊ុនថន

សារព័ត៌មាន Bloomberg៖ អាមេរិកកំពុងប្រុងប្រយ័ត្ន ខណៈអឺរ៉ុបជិតអស់អាវុធសម្រាប់ផ្ដល់ឲ្យអ៊ុយក្រែន

អ៊ុយក្រែន៖ សារព័ត៌មាន Bloomberg បានរាយការណ៍ថា ពុំមានសញ្ញាដែលថា ក្រុមអ្នកគាំទ្រទីក្រុង Kiev នៅក្នុងសហរដ្ឋអាមេរិក និងសហភាពអឺរ៉ុបនឹងបង្កើនការដឹកជញ្ជូនអាវុធទៅកាន់អ៊ុយក្រែន ឆ្លើយតបទៅនឹងការកេណ្ឌកម្លាំងទ័ពមួយផ្នែកនៅក្នុងប្រទេសរុស្ស៊ីទេ។ក្រុមមន្ត្រីនៅក្នុងទីក្រុង Kiev និយាយថា ពួកគេត្រូវការប្រព័ន្ធបាញ់គ្រាប់រ៉ូកែតពហុជំនាញ និងរថក្រោះបន្ថែមទៀតដើម្បីជួយនូវអ្វីដែលពួកគេហៅថាការពង្រីកសង្គ្រាមដោយរុស្ស៊ី ដោយសំដៅដល់សកម្មភាពរបស់ទីក្រុង Moscow ក្នុងការកោះហៅទាហានបម្រុងប្រមាណ ៣សែននាក់ដើម្បីពង្រឹងកម្លាំងរបស់ខ្លួនក្នុងប្រទេសអ៊ុយក្រែន។ ប៉ុន្តែមន្ត្រីជាន់ខ្ពស់មួយរូបរបស់អឺរ៉ុបដែលមិនបញ្ចេញឈ្មោះបានប្រាប់ទីភ្នាក់ងារនេះថា វាមិនទំនងជានឹងមានការបង្កើនចំនួនអាវុធដ៏ច្រើនដល់ទីក្រុង Kiev ឬថា មានបម្រាមថ្មីណាមួយនឹងត្រូវបានបំបែកដោយលោកខាងលិច ក្នុងការសម្រេចផ្ដល់ប្រភេទអាវុធបែបណានោះទេ។លោកបានពន្យល់ថា នេះដោយសារតែសហរដ្ឋអាមេរិកមានការប្រយ័ត្នប្រយែង ក្នុងការបង្កជម្លោះដោយផ្ទាល់ជាមួយរុស្ស៊ីតាមរយៈការផ្ដល់អាវុធទំនើបបន្ថែមទៀត ហើយឃ្លាំងស្តុកអាវុធដ៏សំខាន់របស់សហភាពអឺរ៉ុបខ្លួនឯងពេលនេះជិតអស់ហើយដែរ។ មន្ត្រីចំនួន ៤នាក់បានប្រាប់សារព័ត៌មាន Bloomberg ថា ពួកគេមើលពុំឃើញសុចនាករណ៍របស់បណ្ដារដ្ឋាភិបាលសហភាពអឺរ៉ុប ក្នុងការត្រៀមផ្ដល់អាវុធជុំថ្មីដល់អ៊ុយក្រែននោះទេ៕អត្ថបទ៖ សុខមាន

ប្រទេសជាច្រើនថ្កោលទោសរុស្ស៊ីចំពោះការបោះឆ្នោតប្រជាមតិនៅតំបន់របស់អ៊ុយក្រែន

អ៊ុយក្រែន៖ សមាជិកក្រុមប្រឹក្សាសន្តិសុខអង្គការសហប្រជាជាតិ បានថ្កោលទោសប្រទេសរុស្ស៊ីកាលពីថ្ងៃអង្គារ បន្ទាប់ពីការអះអាងរបស់ខ្លួនថា ប្រជាជនដ៏ច្រើនលើសលប់បានគាំទ្រការចូលជាមួយរុស្ស៊ី នៅក្នុងការបោះឆ្នោតប្រជាមតិដែលរៀបចំតាមដំណាក់កាល។ មន្ត្រីគាំទ្រក្រុងមូស្គូបាននិយាយថា តំបន់ដែលបានចូលកាន់កាប់ចំនួន៤ របស់អ៊ុយក្រែនបានបោះឆ្នោតឲ្យចូលរួមជាមួយរុស្ស៊ី។ យោងតាមមន្ត្រីបោះឆ្នោតដែលតែងតាំងដោយរុស្ស៊ីបានឲ្យដឹងថា ៩៣% នៃសន្លឹកឆ្នោតដែលបានបោះនៅក្នុងតំបន់ Zaporizhzhia គាំទ្រការដាក់បញ្ចូលជាឧបសម្ព័ន្ធ ខណៈ ៨៧% នៅក្នុងតំបន់ Kherson, ៩៨% នៅក្នុងតំបន់ Luhansk និង ៩៩% នៅ Donetsk។ ការបោះឆ្នោតប្រជាមតិបានចាប់ផ្តើមចាប់តាំងថ្ងៃទី២៣ ខែកញ្ញា ដោយមានមន្ត្រីប្រដាប់អាវុធទៅប្រមូលសន្លឹកឆ្នោតពីលំនៅឋានមួយទៅលំនៅឋានមួយ។ សន្លឹកឆ្នោតបានសួរពលរដ្ឋថា តើពួកគេចង់ឱ្យតំបន់នេះត្រូវបានដាក់បញ្ចូលជាមួយប្រទេសរុស្ស៊ីដែរ ឬទេ។ កាលពីឆ្នាំ២០១៤ អាជ្ញាធររុស្ស៊ីបានធ្វើប្រជាមតិស្រដៀងគ្នានេះនៅលើឧបទ្វីបគ្រីមៀរបស់អ៊ុយក្រែន ក្រោមការឃ្លាំមើលយ៉ាងដិតដល់របស់ទាហានរុស្ស៊ី។ ផ្អែកលើការបោះឆ្នោត រុស្ស៊ីបានដាក់បញ្ចូលឧបសម្ព័ន្ធឧបទ្វីបគ្រីមៀ លោក Puitin បានលើកឡើងពីការការពារប្រជាជនរុស្សីដែលរស់នៅក្នុងតំបន់ភាគខាងកើតប្រទេសអ៊ុយក្រែន។ ប្រធានាធិបតីអ៊ុយក្រែនលោក Volodymyr Zelenskyy បានថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិ នៅក្នុងសុន្ទរកថាតាមអ៊ីនធឺណិតកាលពីថ្ងៃអង្គារភ្លាមៗ បន្ទាប់ពីដឹងថា មន្ត្រីគាំទ្រទីក្រុងមូស្គូបាននិយាយថា ប្រជាជននៅក្នុងតំបន់ Zaporizhzhia បានបោះឆ្នោតឱ្យចូលរួមជាមួយប្រទេសរុស្ស៊ី។ លោក Zelenskyy និយាយថា នៅចំពោះមុខក្រសែភ្នែករបស់ពិភពលោកទាំងមូល ប្រទេសរុស្ស៊ីកំពុងបោះឆ្នោតប្រជាមតិដែលគេហៅថា ជាការបោកបញ្ឆោតនៅលើទឹកដីរបស់អ៊ុយក្រែនដែលបានចូលមកកាន់កាប់៕អត្ថបទ៖ ប៊ុនថន

ប្រជាជនរុស្ស៊ីប្រមាណ ៩៨,០០០នាក់បានភៀសខ្លួនទៅប្រទេសកាហ្សាក់ស្ថាន ដើម្បីគេចពីការកេណ្ឌកម្លាំង

កាហ្សាក់ស្ថាន៖ មន្ត្រីប្រទេសកាហ្សាក់ស្ថានបាននិយាយកាលពីថ្ងៃអង្គារថា ប្រជាជនរុស្ស៊ីប្រមាណ ៩៨,០០០នាក់បានឆ្លងចូលមកក្នុងប្រទេសកាហ្សាក់ស្ថាន ចាប់តាំងពីប្រធានាធិបតីលោក វ្ល៉ាឌីមៀ ពូទីន បានប្រកាសពីការកេណ្ឌទ័ពមួយផ្នែកនៃក្រុមទាហានបម្រុងដើម្បីប្រយុទ្ធនៅក្នុងប្រទេសអ៊ុយក្រែន ខណៈដែលក្រុមបុរសកំពុងព្យាយាមគេចពីការកេណ្ឌកងទ័ព ដែលបានបន្តភៀសខ្លួនតាមផ្លូវគោក និងតាមផ្លូវអាកាសទៅកាន់ប្រទេសជិតខាង។ ប្រទេសកាហ្សាក់ស្ថាន និងហ្សកហ្ស៊ីដែលប្រទេសទាំង២ ជាផ្នែករបស់អតីតសហភាពសូវៀត ទំនងជាគោលដៅពេញនិយមបំផុតសម្រាប់អ្នកដែលឆ្លងកាត់ដោយរថយន្ត កង់ ឬដោយថ្មើរជើង។ អ្នកដែលមានទិដ្ឋាការសម្រាប់ប្រទេសហ្វាំងឡង់ ឬន័រវេសក៏ត្រូវបានចូលមកតាមផ្លូវគោកផងដែរ។ សំបុត្រយន្តហោះទៅក្រៅប្រទេសបានលក់អស់យ៉ាងឆាប់រហ័ស ទោះបីជាតម្លៃឡើងកប់ពពកក៏ដោយ។ ក្រសួងការពារជាតិរុស្ស៊ីបាននិយាយថា មានតែមនុស្សប្រមាណ ៣សែននាក់ប៉ុណ្ណោះដែលនឹងមានការប្រយុទ្ធ ឬបម្រើផ្នែកយោធាផ្សេងទៀតនឹងត្រូវបានកេណ្ឌ ប៉ុន្តែរបាយការណ៍បានលេចចេញពីតំបន់ផ្សេងៗរបស់រុស្ស៊ីថា អ្នកជ្រើសរើសកំពុងប្រមូលបុរសៗនៅក្រៅពីរបាយការណ៍នេះ។នោះបានជំរុញឱ្យមានការភ័យខ្លាចចំពោះការកេណ្ឌកម្លាំងកាន់តែទូលំទូលាយ បណ្តាលឲ្យមនុស្សគ្រប់វ័យ និងគ្រប់មជ្ឈដ្ឋានគេចទៅកាន់ព្រលានយន្តហោះ និងទៅកាន់ច្រកព្រំដែន។ នៅក្នុងការប្រកាសអំពីចំនួនប្រជាជនរុស្សីដែលឆ្លងកាត់ព្រំដែន រដ្ឋមន្ត្រីក្រសួងមហាផ្ទៃកាហ្សាក់ស្ថានលោក Marat Akhmetzhanov បាននិយាយថា អាជ្ញាធរនឹងមិនបញ្ជូនអ្នកដែលគេចពីការកេណ្ឌទ័ពឲ្យត្រឡប់ទៅប្រទេសរបស់ពួកគេវិញនោះទេ លុះត្រាតែពួកគេស្ថិតក្នុងបញ្ជីដែលអន្តរជាតិត្រូវការសម្រាប់ការចោទប្រកាន់ពីបទឧក្រិដ្ឋផ្សេងៗ៕អត្ថបទ៖ ប៊ុនថន

រុស្ស៊ីចេញការព្រមាននុយក្លេអ៊ែរថ្មី ខណៈឈ្នះការបោះឆ្នោតប្រជាមតិក្នុងដែនដីគ្រប់គ្រងនៅអ៊ុយក្រែន

រុស្ស៊ី៖ សម្ព័ន្ធមិត្តរបស់លោកប្រធានាធិបតី Vladimir Putin បានចេញការព្រមាននុយក្លេអ៊ែរថ្មីដ៏ម៉ឺងម៉ាត់មួយដល់អ៊ុយក្រែន និងលោកខាងលិចកាលពីថ្ងៃអង្គារ ខណៈរុស្ស៊ីបានចាប់ផ្ដើមបញ្ចេញលទ្ធផលនៃការបោះឆ្នោតប្រជាមតិ ស្របពេលត្រៀមដាក់បញ្ចូលតំបន់ទាំង៤ របស់អ៊ុយក្រែនចូលជាឧបសម្ព័ន្ធ។ ប៉ុន្តែទីប្រឹក្សាមួយរូបរបស់ប្រធានាធិបតីអ៊ុយក្រែនលោក Volodymyr Zelenskyy បានប្រាប់សារព័ត៌មាន Reuters ថា ទីក្រុង Kyiv នឹងមិនចុះញ៉មដោយសារតែការគំរាមកំហែងនុយក្លេអ៊ែរ ឬការបោះឆ្នោតដាក់បញ្ចូលជាឧបសម្ព័ន្ធនោះទេ ហើយអ៊ុយក្រែននឹងបង្កើនផែនការដណ្ដើមយកមកវិញ នូវដែនដីទាំងអស់ដែលត្រូវបានគ្រប់គ្រងដោយកម្លាំងរុស្ស៊ី។ ការព្រមាននុយក្លេអ៊ែរកាលពីថ្ងៃអង្គារពីសំណាក់លោក Dmitry Medvedev អនុប្រធានក្រុមប្រឹក្សាសន្តិសុខជាតិរុស្ស៊ី គឺជាការព្រមានមួយក្នុងចំណោមការព្រមានជាច្រើនចេញដោយលោក Putin និងមនុស្សជំនិតរបស់លោកក្នុងរយៈពេលប៉ុន្មានសប្ដាហ៍ថ្មីៗនេះ។ ជាលើកដំបូងដែលលោក Medvedev បានព្យាករណ៍ថា សម្ព័ន្ធយោធាណាតូនឹងមិនលូកដៃចូលដោយផ្ទាល់ទៅក្នុងសង្គ្រាមអ៊ុយក្រែន ប្រសិនបើទីក្រុង Moscow វាយប្រហារអ៊ុយក្រែនដោយប្រើអាវុធនុយក្លេអ៊ែរ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ទីក្រុង Ceuta របស់អេស្ប៉ាញ ស្វែងរកការផ្ទេរអនីតិជនអន្តោប្រវេសន៍គ្មានអ្នកអមដំណើរទៅកាន់ដីគោកអេស្ប៉ាញ

ទីភ្នាក់ងារUN ព្រមានថាវិបត្តិកង្វះអាហារូបត្ថម្ភរបស់កុមារនៅអាហ្វហ្គានីស្ថាននឹងកាន់តែធ្ងន់ធ្ងររហូតដល់ខែតុលា

សម្តេចធិបតី ណែនាំសាលារៀនត្រូវពង្រឹងបទបញ្ជាផ្ទៃក្នុង ដើម្បីកែប្រែឥរិយាបថសិស្សកុំពឹងលើសញ្ញាបត្រ

សម្តេធិបតីណែនាំឱ្យសាលាបន្តលើកកម្ពស់ការអប់រំឌីជីថល ដើម្បីរួមចំណែកកសាងពលរដ្ឋឌីជីថល

សម្ដេចធិបតី៖ រាជរដ្ឋាភិបាលកំពុងលើកកម្ពស់គុណភាពនៃការអប់រំ និងការបណ្តុះបណ្តាលវិជ្ជាជីវៈ

សម្ដេចធិបតី៖ ក្រោមម្លប់សន្តិភាព ២៨ឆ្នាំមកនេះ កម្ពុជាពូនជ្រំសមិទ្ធផលជាច្រើន និងកំពុងបង្កើតបន្ថែមទៀត

FIFA សុំទោសសមាជិកជុំវិញគម្រោងលក់ភាគហ៊ុន ខណៈ Infantino នៅតែទទួលបានការគាំទ្រពីថ្នាក់ដឹកនាំ

ពលរដ្ឋហ្កាហ្សាដែលរងទុក្ខលំបាកជាយូរ ទទួលបានក្តីសង្ឃឹមខណៈក្រុមហាម៉ាសយល់ព្រមរំសាយអាវុធ

មជ្ឈមណ្ឌលពាណិជ្ជកម្មអន្តរជាតិ៖ ការបិទច្រកសមុទ្រ Hormuz ប៉ះពាល់ដល់ការផ្គត់ផ្គង់ថាមពល និងជីសកល

នគរបាលប៉ាគីស្ថាន បាញ់ឧស្ម័នបង្ហៀរទឹកភ្នែកលើក្រុមអ្នកគាំទ្រលោក Imran Khan ក្នុងពេលទៅប្រមូលផ្តុំគ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សហភាពអឺរ៉ុបប្ដេជ្ញាការពារបណ្ដាញថាមពល ក្រោយការបំផ្លិចបំផ្លាញបំពង់បង្ហូរឧស្ម័នរបស់រុស្ស៊ី

សម្តេចតេជោ៖ កម្ពុជាកំពុងរួមគ្នាប្រយុទ្ធប្រឆាំងការជួញដូរមនុស្ស ប៉ុន្តែបញ្ហានេះមិនមែនមានតែកម្ពុជាទេ

សម្តេចតេជោ ហ៊ុន សែន អញ្ជើញជាអធិបតីប្រារព្ធ «វេទិកាអន្តរសាសនាប្រឆាំងការជួញដូរមនុស្សលើកទី៦»

ការព្រមានអំពីទឹកជំនន់ ខណៈព្យុះ Noru ជិតមកដល់ប្រទេសថៃ

រដ្ឋមន្ត្រីការពារជាតិរុស្ស៊ីពិនិត្យការហ្វឹកហាត់របស់ក្រុមទាហានបម្រុងដែលបានកេណ្ឌ

សារព័ត៌មាន Bloomberg៖ អាមេរិកកំពុងប្រុងប្រយ័ត្ន ខណៈអឺរ៉ុបជិតអស់អាវុធសម្រាប់ផ្ដល់ឲ្យអ៊ុយក្រែន

ប្រទេសជាច្រើនថ្កោលទោសរុស្ស៊ីចំពោះការបោះឆ្នោតប្រជាមតិនៅតំបន់របស់អ៊ុយក្រែន

ប្រជាជនរុស្ស៊ីប្រមាណ ៩៨,០០០នាក់បានភៀសខ្លួនទៅប្រទេសកាហ្សាក់ស្ថាន ដើម្បីគេចពីការកេណ្ឌកម្លាំង

រុស្ស៊ីចេញការព្រមាននុយក្លេអ៊ែរថ្មី ខណៈឈ្នះការបោះឆ្នោតប្រជាមតិក្នុងដែនដីគ្រប់គ្រងនៅអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សហភាព​អឺរ៉ុប​ប្ដេជ្ញា​ការពារ​បណ្ដាញ​ថាមពល ក្រោយ​ការបំផ្លិចបំផ្លាញ​បំពង់​បង្ហូរ​ឧស្ម័ន​របស់​រុស្ស៊ី​

សម្តេចតេជោ៖ កម្ពុជាកំពុងរួមគ្នាប្រយុទ្ធប្រឆាំង​ការជួញដូរមនុស្ស ប៉ុន្តែបញ្ហានេះ​មិនមែនមានតែកម្ពុជាទេ

សម្តេចតេជោ ហ៊ុន សែន អញ្ជើញជាអធិបតីប្រារព្ធ «វេទិកាអន្តរសាសនាប្រឆាំងការជួញដូរមនុស្សលើកទី៦»

ការព្រមាន​អំពី​ទឹកជំនន់ ខណៈ​ព្យុះ Noru ជិត​មកដល់​ប្រទេស​ថៃ​

រដ្ឋមន្ត្រី​ការពារជាតិ​រុស្ស៊ី​ពិនិត្យ​ការហ្វឹកហាត់​របស់​ក្រុម​ទាហាន​បម្រុង​ដែល​បាន​កេណ្ឌ​

សារព័ត៌មាន Bloomberg៖ ​អាមេរិក​កំពុង​ប្រុងប្រយ័ត្ន ខណៈ​អឺរ៉ុប​ជិត​អស់​អាវុធ​សម្រាប់​ផ្ដល់​ឲ្យ​អ៊ុយ​ក្រែ​ន​

ប្រទេស​ជាច្រើន​ថ្កោលទោស​រុស្ស៊ី​ចំពោះ​ការបោះឆ្នោត​ប្រជាមតិ​នៅ​តំបន់​របស់​អ៊ុយ​ក្រែ​ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហភាពអឺរ៉ុបប្ដេជ្ញាការពារបណ្ដាញថាមពល ក្រោយការបំផ្លិចបំផ្លាញបំពង់បង្ហូរឧស្ម័នរបស់រុស្ស៊ី

សម្តេចតេជោ៖ កម្ពុជាកំពុងរួមគ្នាប្រយុទ្ធប្រឆាំងការជួញដូរមនុស្ស ប៉ុន្តែបញ្ហានេះមិនមែនមានតែកម្ពុជាទេ

ការព្រមានអំពីទឹកជំនន់ ខណៈព្យុះ Noru ជិតមកដល់ប្រទេសថៃ

រដ្ឋមន្ត្រីការពារជាតិរុស្ស៊ីពិនិត្យការហ្វឹកហាត់របស់ក្រុមទាហានបម្រុងដែលបានកេណ្ឌ

សារព័ត៌មាន Bloomberg៖ អាមេរិកកំពុងប្រុងប្រយ័ត្ន ខណៈអឺរ៉ុបជិតអស់អាវុធសម្រាប់ផ្ដល់ឲ្យអ៊ុយក្រែន

ប្រទេសជាច្រើនថ្កោលទោសរុស្ស៊ីចំពោះការបោះឆ្នោតប្រជាមតិនៅតំបន់របស់អ៊ុយក្រែន