BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

អតីតមេដឹកនាំសហភាពសូវៀតលោក Mikhail Gorbachev បានទទួលមរណភាពក្នុងវ័យ ៩១ឆ្នាំ

រុស្ស៊ី៖ លោក Mikhail Gorbachev អតីតមេដឹកនាំសហភាពសូវៀតដែលបានបញ្ចប់សង្គ្រាមត្រជាក់ បានទទួលមរណភាពក្នុងវ័យ ៩១ឆ្នាំ។ លោក Gorbachev ដែលបានឡើងកាន់អំណាចក្នុងឆ្នាំ១៩៨៥ ដោយបើកចំហអតីតសហភាពសូវៀតកាលនោះចំពោះពិភពលោក និងបានដាក់ចេញផែនការធ្វើកំណែទម្រង់ក្នុងប្រទេសរបស់ខ្លួន។ ប៉ុន្តែលោកមិនអាចទប់ស្កាត់ការដួលរលំបន្តិចម្ដងៗនៃសហភាពសូវៀតបាន រហូតដល់ក្លាយជារុស្ស៊ីក្នុងសម័យទំនើបនេះ។ពិធីគោរពវិញ្ញាណក្ខន្ធត្រូវបានធ្វើឡើងនៅទូទាំងពិភពលោក ដោយលោក Antonio Guterres ប្រមុខអង្គការសហប្រជាជាតិបាននិយាយថា លោកបានផ្លាស់ប្ដូរទិសដៅនៃប្រវត្តិសាស្ត្រ។ លោក Guterres បានសរសេរក្នុងសារគោរពវិញ្ញាណក្ខន្ធលើបណ្ដាញ Twitter ថា លោក Mikhail Gorbachev គឺជារដ្ឋបុរសដ៏ល្អក្នុងចំណោមរដ្ឋបុរសជាច្រើន។ ពិភពលោកបានបាត់បង់មេដឹកនាំសកលកំពូល ដែលបានដើរតួនាទីជាពហុភាគីនិយម និងតស៊ូមតិមិនចេះហត់ដើម្បីសន្តិភាព។ មន្ទីរពេទ្យក្នុងទីក្រុង Moscow ជាទីដែលលោកបានទទួលមរណភាពបាននិយាយថា លោកមានជំងឺធ្ងន់ធ្ងរជាយូរមកហើយ។ក្នុងរយៈពេលប៉ុន្មានឆ្នាំថ្មីៗនេះសុខភាពរបស់លោកបានចុះទ្រុឌទ្រោម ហើយលោកបានចេញចូលមន្ទីរពេទ្យច្រើនលើកច្រើនសា។ កាលពីខែមិថុនាសារព័ត៌មានបរទេសបានរាយការណ៍ថា លោកបានចូលសម្រាកព្យាបាលនៅមន្ទីរពេទ្យក្រោយមានជំងឺតម្រងនោម ទោះបីជាមូលហេតុនៃការទទួលមរណភាពរបស់លោក មិនទាន់ត្រូវបានបញ្ជាក់ក៏ដោយ។ យោងតាមសារព័ត៌មាន Reuters អ្នកនាំពាក្យវិមានក្រឹមឡាំងលោក Dmitry Peskov បានប្រាប់ទីភ្នាក់ងារសារព័ត៌មានរុស្ស៊ី Interfax ថា លោកប្រធានាធិបតីរុស្ស៊ី Vladimir Putin បានចូលរួមរំលែកទុក្ខដ៏ក្រៀមក្រំបំផុត ក្រោយការអនិច្ចកម្មរបស់លោក Gorbachev៕អត្ថបទ៖ សុខមាន

អាមេរិកផ្តល់ជំនួយដល់ប៉ាគីស្ថាន ៣០លានដុល្លារ បន្ទាប់ពីទឹកជំនន់បណ្ដាលឲ្យមនុស្ស ១,១៦០នាក់ស្លាប់

សហរដ្ឋអាមេរិក៖ សហរដ្ឋអាមេរិកនឹងផ្តល់ជំនួយបន្ថែមចំនួន ៣០លានដុល្លារតាមរយៈទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) បន្ទាប់ពីអង្គការសហប្រជាជាតិ និងប្រទេសប៉ាគីស្ថានបានអំពាវនាវរកជំនួយសង្គ្រោះបន្ទាន់ចំនួន ១៦០លានដុល្លារដើម្បីជួយប្រជាជនរាប់លាននាក់ ដែលរងផលប៉ះពាល់ដោយទឹកជំនន់បណ្តាលឲ្យមនុស្សជាង ១,១៦០នាក់ស្លាប់ចាប់តាំងពីពាក់កណ្តាលខែមិថុនា។ យោងតាមសេចក្តីថ្លែងការណ៍ចេញផ្សាយ ដោយការិយាល័យអង្គការសហប្រជាជាតិបានឲ្យដឹងថា អគ្គលេខាធិការលោក Antonio Guterres នឹងធ្វើទស្សនកិច្ចទៅកាន់ប្រទេសប៉ាគីស្ថាននៅថ្ងៃទី៩ ខែកញ្ញា ហើយនឹងជួបជាមួយជនរងគ្រោះដោយទឹកជំនន់ដើម្បីបង្ហាញពីសាមគ្គីភាពជាមួយពួកគេ។ ក្រសួងការបរទេសប៉ាគីស្ថាននិយាយថា ទឹកជំនន់បានប៉ះពាល់ដល់ពលរដ្ឋប្រមាណ ៣៣លាននាក់ ហើយបានបណ្តាលឱ្យមនុស្សជាង ១,១៦០នាក់ស្លាប់ និងជាង ១,៦០០នាក់រងរបួស។លំនៅឋានជាង ១លានខ្នងបានខូចខាត ឬត្រូវបានបំផ្លាញទាំងស្រុង ហើយសត្វពាហនៈចំនួន ៧៣៥,០០០ក្បាលជាប្រភពសម្រាប់ការចិញ្ចឹមជីវិត និងអាហារសំខាន់បានបាត់បង់។ យោងតាមការប៉ាន់ប្រមាណបឋមរបស់រដ្ឋាភិបាលបានឲ្យដឹងថា ការបំផ្លាញនេះបណ្តាលឱ្យខូចខាតដល់សេដ្ឋកិច្ចចំនួន ១០ពាន់លានដុល្លារ៕អត្ថបទ៖ ប៊ុនថន

លោក Zelenskyy អំពាវនាវជាថ្មីឲ្យរុស្ស៊ីដកកងទ័ពចេញពីរោងចក្រថាមពលនុយក្លេអ៊ែរ ខណៈជួបគណៈប្រតិភូ IAEA

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានជួបជាមួយសមាជិកគណៈប្រតិភូទីភ្នាក់ងារថាមពលអាតូមិកអន្តរជាតិ (IAEA) នៅទីក្រុងគីវកាលពីថ្ងៃអង្គារ។ លោក Zelenskyy បានអំពាវនាវជាថ្មីសម្រាប់ការដកកងទ័ពទាំងអស់របស់សហព័ន្ធរុស្ស៊ី ចេញពីរោងចក្រថាមពលនុយក្លេអ៊ែរ Zaporizhzhia ជារោងចក្រធំបំផុតរបស់អឺរ៉ុប។ ក្រុមឃ្លាំមើលនុយក្លេអ៊ែររបស់អង្គការសហប្រជាជាតិ កំពុងបំពេញបេសកកម្មបន្ទាន់មួយដើម្បីការពាររោងចក្រថាមពលដែលចូលកាន់កាប់ដោយរុស្ស៊ី ជាចំណុចកណ្តាលនៃការប្រយុទ្ធគ្នាក្នុងប្រទេសអ៊ុយក្រែន ជាដំណើរការរង់ចាំជាយូរមកហើយដែលពិភពលោកសង្ឃឹមថា នឹងជួយបញ្ចៀសគ្រោះមហន្តរាយវិទ្យុសកម្ម។ ហានិភ័យពុំមានខ្ពស់នោះទេសម្រាប់អ្នកជំនាញរបស់ទីភ្នាក់ងារថាមពលអាតូមិកអន្តរជាតិ ដែលមកពិនិត្យរោងចក្រនេះក្នុងប្រទេសនេះ ជាកន្លែងដែលគ្រោះមហន្តរាយរោងចក្រ Chernobyl ឆ្នាំ1986 បានបញ្ចេញសារធាតុវិទ្យុសកម្មនៅពាសពេញតំបន់ ដែលធ្វើឲ្យពិភពលោកភ័យខ្លាច និងជំរុញឲ្យពិភពលោកចេញឆ្ងាយពីថាមពលនុយក្លេអ៊ែរ។ដោយបញ្ជាក់អំពីភាពបន្ទាន់នេះ ប្រទេសអ៊ុយក្រែន និងរុស្ស៊ីបានចោទប្រកាន់គ្នាទៅវិញទៅមក ពីការបាញ់ផ្លោងនៅតំបន់ជុំវិញរោងចក្រថាមពលនុយក្លេអ៊ែរ ជារោងចក្រថាមពលធំបំផុតរបស់អឺរ៉ុបដែលត្រូវបានកាត់ផ្តាច់បណ្តាញផ្គត់ផ្គង់ មួយរយៈពេលខ្លីកាលពីសប្តាហ៍មុន។ ដើម្បីបញ្ចៀសគ្រោះមហន្តរាយ អគ្គនាយកទីភ្នាក់ថាមពលអាតូមិកអន្តរជាតិ (IAEA) លោក Rafael Grossi បានព្យាយាមដើម្បីចូលមកកាន់រោងចក្រ Zaporizhzhia ជាច្រើនខែមកហើយ ដែលកងកម្លាំងរុស្ស៊ីបានចូលកាន់កាប់តាំងពីដើមដំបូងនៃសង្គ្រាម មានរយៈពេលប្រាំមួយខែរហូតមកដល់ពេលនេះ។ ទីភ្នាក់ងារ IAEA បាននិយាយថា ក្រុមការងារនឹងអនុវត្តសកម្មភាពការពារបន្ទាន់ វាយតម្លៃការខូចខាត កំណត់មុខងារប្រព័ន្ធសុវត្ថិភាព និងសុវត្ថិភាពរបស់រោងចក្រ ព្រមទាំងវាយតម្លៃលក្ខខណ្ឌការងាររបស់បុគ្គលិកបន្ទប់ត្រួតពិនិត្យ៕អត្ថបទ៖ ប៊ុនថន

ទីក្រុង Jackson រដ្ឋ Mississippi ពុំមានទឹកសម្រាប់បរិភោគ បន្ទាប់ពីភ្លៀងធ្លាក់ខ្លាំង និងទឹកជំនន់

សហរដ្ឋអាមេរិក៖ ពលរដ្ឋប្រមាណ ១៨០,០០០នាក់នៅទីក្រុង Jackson រដ្ឋ Mississippi សហរដ្ឋអាមេរិក ពុំមានទឹកស្អាតប្រើប្រាស់នោះទេ បន្ទាប់ពីភ្លៀងធ្លាក់ខ្លាំង និងទឹកជំនន់។ ការកើនឡើងជំនន់ទឹកភ្លៀងកាលពីចុងសប្តាហ៍ បានធ្វើឲ្យប៉ះពាល់ដល់ទីតាំងប្រព្រឹត្តិកម្មទឹកសំខាន់នៅក្នុងទីក្រុង ខណៈអគាររោងចក្ររងការខូចខាត។ ស្ថានភាពគ្រាអាសន្នត្រូវបានប្រកាស ហើយសាលារៀន ភោជនីយដ្ឋាន និងអាជីវកម្មនានាបានបិទទ្វារបណ្តោះអាសន្ន។ បញ្ហានៅរោងចក្រផលិតទឹកស្អាត OB Curtis បានកើតមានឡើង បន្ទាប់ពីភ្លៀងធ្លាក់ខ្លាំងបណ្តាលឲ្យទឹកទន្លេហៀរចញមកលើផ្លូវក្នុងទីក្រុងកាលពីចុងសប្តាហ៍។ សាលាក្រុងបានបញ្ជាក់កាលពីថ្ងៃចន្ទថា ទឹកទន្លេបានហូរចូលក្នុងអគាររោងចក្រដែលផលិតទឹកស្អាតជាង ១៩០លានលីត្រក្នុងមួយថ្ងៃ។ទាំងទីក្រុង និងរដ្ឋកំពុងចែកចាយទឹកដបដល់ប្រជាជន និងស៊ីទែនទឹកប្រើប្រាស់សម្រាប់បន្ទប់ទឹកតាមរថយន្តដឹកទឹក។ កាលពីរសៀលថ្ងៃអង្គារអភិបាលក្រុង Jackson លោក Chokwe Antar Lumumba បាននិយាយថា រោងចក្រដែលផ្គត់ផ្គង់ទឹកក្នុងទីក្រុងនឹងមិនបិទការផ្គត់ផ្គង់ទឹករបស់ខ្លួននោះទេ ប៉ុន្តែមន្ត្រីត្រូវការពេលវេលាដើម្បីធ្វើប្រព្រឹត្តិកម្មទឹក៕អត្ថបទ៖ ប៊ុនថន

រុស្ស៊ីបញ្ចេញតួលេខថ្មីបញ្ជាក់ពីការខាតបង់របស់អ៊ុយក្រែនក្នុងការវាយបកនៅភាគខាងត្បូង

រុស្ស៊ី៖ ក្រសួងការពារជាតិរុស្ស៊ីបានអះអាងកាលពីថ្ងៃអង្គារថា កងកម្លាំងរុស្ស៊ីបានសម្លាប់ទាហានអ៊ុយក្រែនរាប់រយនាក់ និងរថក្រោះ និងរថយន្តយោធារាប់សិបគ្រឿង ក្រោយការបណ្ដេញការវាយបកបរាជ័យរបស់អ៊ុយក្រែននៅក្នុងភាគខាងត្បូងប្រទេសនេះ។ សេចក្ដីថ្លែងការណ៍បានបន្ថែមថា ក្រុមមន្ត្រីជឿថា ប្រតិបត្តិការដែលបានបរាជ័យត្រូវបានកើនឡើងតាមបញ្ជាផ្ទាល់របស់ប្រធានាធិបតីអ៊ុយក្រែន Vlodimir Zelensky។ សកម្មភាពដ៏មានប្រសិទ្ធភាពរបស់កងកម្លាំងរុស្ស៊ីបានកម្ទេចរថក្រោះចំនួន ៤៨គ្រឿង, រថយន្តប្រយុទ្ធចំនួន ៤៦គ្រឿង, រថយន្តពាសដែកចំនួន ៣៧គ្រឿងផ្សេងទៀត, រថយន្តសេរី pickups បំពាក់កាំភ្លើងយន្តធុនធ្ងន់ ៨គ្រឿង និងកងទ័ពអ៊ុយក្រែនជាង ១,២០០នាក់ក្នុងពេលតែមួយថ្ងៃប៉ុណ្ណោះនោះ។ ក្រសួងខាងលើកបន្ថែមថា ទីក្រុង Kiev បានខាតបង់អំឡុងការវាយលុកដ៏ខ្លាំងក្លាដែលមានគោលដៅទៅលើទីក្រុង Nikolaev ទីក្រុង Krivoy Rog និងទីក្រុងផ្សេងៗទៀតនៅប្រទេសអ៊ុយក្រែនភាគខាងត្បូង។សេចក្ដីថ្លែងការណ៍របស់ក្រសួងការពារជាតិរុស្ស៊ីនេះមានឡើង ក្រោយការអះអាងរបស់ខ្លួនកាលពីថ្ងៃចន្ទថា ការវាយបករបស់អ៊ុយក្រែននៅតំបន់ Kherson បានបរាជ័យយ៉ាងធ្ងន់ធ្ងរ។ នៅពេលនោះក្រសួងនេះបានបញ្ជាក់តួលេខនៃការខាតបង់របស់ទីក្រុង Kiev ដូចជារថក្រោះ ២៦គ្រឿង, រថយន្តប្រយុទ្ធ ២៣គ្រឿង, រថពាសដែក ៩គ្រឿង, យន្តហោះចម្បាំង ២គ្រឿង និងទាហានយ៉ាងហោចណាស់ ៥៦០នាក់៕អត្ថបទ៖ សុខមាន

ទាហានឥណ្ឌូនេស៊ីត្រូវបានចោទប្រកាន់ពីបទសម្លាប់ និងធ្វើទុក្ខបុកម្នេញជនជាតិភាគតិចប៉ាពួ

ឥណ្ឌូនេស៊ី៖ ទាហានឥណ្ឌូនេស៊ីចំនួន ៦នាក់ត្រូវបានចាប់ខ្លួនពីបទជាប់សង្ស័យករណីសម្លាប់ និងបំផ្លិចបំផ្លាញជនជាតិភាគតិចប៉ាពួ។ ទាហានទាំងនោះត្រូវបានចោទប្រកាន់ពីបទ លួងលោមជនរងគ្រោះឲ្យមកជួបដោយសន្យាលក់អាវុធឲ្យពួកគេ។ យោងតាមនគរបាល ទាហានបានសម្លាប់ពួកគេ ក្រោយមកកាប់ចិញ្ច្រាំសាកសពជនរងគ្រោះទាំងនោះ មុនច្រកចូលក្នុងបាវបោះចូលក្នុងទឹកទន្លេ។ ឥណ្ឌូនេស៊ីមានវត្តមានយោធាយ៉ាងច្រើននៅក្នុងតំបន់ប៉ាពួ ជាទីដែលក្រុមបំបែកខ្លួនកំពុងងើបបះបោរ។ ខេត្តប៉ាពួ អតីតដែនដីក្រោមអាណានិគមហូឡង់បានប្រកាសឯករាជ្យឆ្នាំ១៩៦១ ប៉ុន្តែ ២ឆ្នាំក្រោយមកប្រទេសឥណ្ឌូនេស៊ីបានគ្រប់គ្រងតំបន់ភាគខាងកើត។ នគរបាល និងក្រុមអាជ្ញាធរយោធាបាននិយាយថា ពួកគេកំពុងបើកការស៊ើបអង្កេតរួមគ្នាលើការសម្លាប់ជាច្រើនករណី ដែលត្រូវគេលើកឡើងថាបានកើតឡើងកាលពីថ្ងៃទី២២ ខែសីហាជិតទីក្រុង Timika៕អត្ថបទ៖ សុខមាន

អ៊ុយក្រែនត្រៀមបើកសាលារៀនសម្រាប់ឆ្នាំសិក្សាថ្មី ខណៈស្ថិតក្រោមការវាយប្រហារដោយគ្រាប់បែក

អ៊ុយក្រែន៖ សាលារៀនជាច្រើននៅក្នុងរដ្ឋធានី Kiev របស់ប្រទេសអ៊ុយក្រែនកំពុងត្រៀមបើកទ្វារសម្រាប់ឆ្នាំសិក្សាថ្មី ដោយមានការរឹតបន្តឹងសន្តិសុខសម្រាប់ទាំងគ្រូបង្រៀន ទាំងសិស្សានុសិស្ស។ ដោយពេលវេលានៅសល់មិនដល់ ១សប្ដាហ៍ទៀតទេមុនចាប់ផ្ដើមឆ្នាំសិក្សាថ្មី។ ការបង្កើតបរិស្ថានសុវត្ថិភាពគឺជាលក្ខខណ្ឌចម្បងសម្រាប់ថ្នាក់ពេញម៉ោង ខណៈដែលសាលារៀននានាត្រូវការការធានាចំពោះអាណាព្យាបាលសិស្សដែលត្រូវត្រៀម ១០០% សម្រាប់បញ្ហាអាសន្នណាមួយ។ សិស្សភាគច្រើនចង់សិក្សាតាម online។ លោក Ivan Ptashnik នាយកសាលាមួយបាននិយាយថា យើងអាចផ្ដល់ការសិក្សាអប់រំនៅថ្នាក់រៀនដោយផ្ទាល់សម្រាប់សិស្សជាច្រើន ដូចដែលការស្នាក់នៅសាលារៀនអាចការពារបាន។ សាលានិមួយៗមានមន្ត្រីការពារសុវត្ថិភាពមើលការខុសត្រូវសុវត្ថិភាពសាលារៀន និងត្រួតពិនិត្យថា តើសាលារៀននោះបានត្រៀមខ្លួនសម្រាប់ឆ្នាំសិក្សាថ្មីបានហើយ ឬនៅ។យោងតាមស្ថិតិផ្លូវការមានវិទ្យាស្ថានអប់រំតែ ៤១% ប៉ុណ្ណោះនៅក្នុងប្រទេសអ៊ុយក្រែនដែលនឹងអាចបើកដំណើរបាននៅថ្ងៃទី១ ខែកញ្ញា។ សិស្សានុសិស្ស និងអាណាព្យាបាលអាចជ្រើសរើសវិធីទទួលបានការអប់រំមានដូចជាតាម online នៅថ្នាក់រៀនផ្ទាល់ ឬទាំង online ទាំងនៅសាលាផ្ទាល់។ វាគ្រោះថ្នាក់ខ្លាំងណាស់ក្នុងការបញ្ជូនកុមារមកសាលារៀន ព្រោះសាលារៀនភាគច្រើននៅទីនេះមិនមានជម្រកលាក់ខ្លួន ពីគ្រាប់បែកសម្រាប់កុមារទេ។ ចាប់តាំងពីការវាយប្រហាររបស់រុស្ស៊ីចូលក្នុងប្រទេសនេះកាលពីថ្ងៃទី២៤ ខែកុម្ភៈ សាលារៀនជាង ២៨០កន្លែងត្រូវបានបំផ្លិចបំផ្លាញទាំងស្រុង និងចំនួន ២,៣០០កន្លែងបានខូចខាត៕អត្ថបទ៖ សុខមាន

លោក Biden ដាក់លិខិតផ្លូវការដើម្បីចូលរួមការប្រកួតប្រជែងការបោះឆ្នោតអាណត្តិទី២ ក្នុងឆ្នាំ២០២៤

សហរដ្ឋអាមេរិក៖ យោងតាមឯកសារមួយច្បាប់ ដែលបានដាក់ជូនគណៈកម្មការរៀបចំការបោះឆ្នោតសហព័ន្ធកាលពីថ្ងៃទី៣០ ខែសីហា លោកប្រធានាធិបតីសហរដ្ឋអាមេរិក Joe Biden បានដាក់លិខិតសម្រាប់ចូលរួមប្រកួតប្រជែងជ្រើសរើសតំណែងប្រធានាធិបតីអាណត្តិថ្មីក្នុងឆ្នាំ២០២៤ ខាងមុខ។ នៅលើឯកសារនោះលោកបានបញ្ជាក់ថា Biden សម្រាប់តំណែងជាប្រធានាធិបតី "Biden for President" ព្រមទាំងសរសេរឈ្មោះអនុប្រធានាធិបតីបច្ចុប្បន្នគឺលោកស្រី Kamala Harris ជាអនុប្រធានាធិបតីថ្មីរបស់លោកទៀតផង។ អ្នករិះគន់ជាច្រើនបានចោទសួរថា តើលោក Biden មានសមត្ថភាពស្មារតីល្អគ្រប់គ្រាន់ សម្រាប់កាន់តំណែងជាប្រធានាធិបតីមួយអាណត្តិទៀត ឬអត់។ គេមិនច្បាស់ទេថា តើនរណាដែលជាគូប្រជែងរបស់លោកមកពីគណបក្សសាធារណរដ្ឋ ឬនរណាដែលនឹងមកពីគណបក្សប្រជាធិបតេយ្យរបស់លោក ដែលត្រូវប្រជែងតំណែងនេះជាមួយនឹងរូបលោកនោះ៕ អត្ថបទ៖ សុខមាន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីបើកការដ្ឋានសាងសង់ស្ពានអាកាសក្នុងរាជធានីភ្នំពេញចំនួន០២ បន្ថែមទៀត

ភ្នំពេញ៖ នៅព្រឹកថ្ងៃទី៣១ ខែសីហា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីបើកការដ្ឋានសាងសង់ស្ពានអាកាសក្នុងរាជធានីភ្នំពេញចំនួន០២បន្ថែមទៀត ដែលមានតម្លៃសរុបជាង ៤៦លានដុល្លារអាមេរិក។ស្ពានអាកាសដែលសាងសង់បន្ថែមនេះ ទី១ ស្ថិតនៅចំណុចប្រសព្វមហាវិថីសម្តេចតេជោ ហ៊ុន សែន មហាវិថីព្រះមុនីវង្ស ជាមួយវិថីកងយោធពលខេមរភូមិន្ទ (ផ្លូវលេខ២៧១) ក្នុងទឹកដីខណ្ឌចំការមន និងខណ្ឌមានជ័យ។ ទី២ ស្ថិតនៅចំណុចប្រសព្វមហាវិថីសហព័ន្ធរុស្ស៉ី ជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល (ផ្លូវលេខ២០០៤) ក្នុងខណ្ឌពោធិ៍សែនជ័យ។ខាងក្រោមនេះ ជាប្រសាសន៍សំខាន់របស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន បានប្រសិទ្ធនាមស្ពានអាកាសចំនួន២ ដែលត្រូវបើកការដ្ឋានស្ថាបនានៅព្រឹកនេះ គឺទី១ ស្ពានអាកាសព្រះមុនីវង្ស(ប្រសព្វមហាវិថីសម្តេចតេជោ ហ៊ុន សែន មហាវិថីព្រះមុនីវង្ស ជាមួយវិថីកងយោធពលខេមរភូមិន្ទ-២៧១ ក្នុងទឹកដីខណ្ឌចំការមន និងខណ្ឌមានជ័យ) និងទី២ ស្ពានអាកាស គង់ សំអុល(ប្រសព្វមហាវិថីសហព័ន្ធរុស្ស៊ី ជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល (ផ្លូវលេខ២០០៤) ក្នុងខណ្ឌពោធិ៍សែនជ័យ)- សម្តេចតេជោ ហ៊ុន សែន បានលើកឡើងពីអតីតកាលរបស់កម្ពុជា ដែលខ្វះខាតស្បៀងសម្រាប់ផ្គត់ផ្គង់តម្រូវការរបស់ប្រជាពលរដ្ឋ តែពេលនេះ កម្ពុជាកំពុងបំពេញតម្រូវការ នៃការធ្វើដំណើររបស់ប្រជាពលរដ្ឋ តាមរយៈហេដ្ឋារចនាសម្ព័ន្ធតភ្ជាប់ និងគមនាគមន៍(ស្ពានអាកាស)។- សម្តេចតេជោ ហ៊ុន សែន បានប្រកាសថា នៅពេលនេះ រាជធានីភ្នំពេញមានស្ពានអាកាសចំនួន ៧ហើយ រួមទាំងស្ពានអាកាសចំនួន ២ដែលត្រូវសម្ពោធបើកការដ្ឋានស្ថាបនានៅព្រឹកនេះ ដើម្បីបំពេញតម្រូវការ នៃការធ្វើដំណើររបស់ប្រជាពលរដ្ឋ(កាត់បន្ថយការកកស្ទះ) និងជាសោភ័ណភាពរាជធានីភ្នំពេញ ហើយរាជធានីភ្នំពេញកំពុងបន្តគម្រោងស្ថាបនាស្ពានអាកាសជាច្រើនបន្ថែមទៀត។- សម្តេចតេជោ ហ៊ុន សែន បានឆ្លើយតបលើការរិះគន់របស់ជនមួយចំនួន ដែលចំអកឱ្យសម្តេចប្រឹងអួតស្ពានអាកាសរបស់ខ្លួន ដែលកាលណោះ មានត្រឹមតែមួយប៉ុណ្ណោះ ហើយសម្តេចបានឆ្លើយតបថា «ដោយសារមានតែមួយនឹងហើយបានជាប្រឹងអួត បើមានច្រើនចាំបាច់អួតធ្វើអ្វី...?»។- សម្តេចតេជោ ហ៊ុន សែន ប្រកាសថា សមិទ្ធផលធំៗនៅរាជធានីភ្នំពេញ បានកើតឡើងជាបន្តបន្ទាប់ ដោយសារចំណូលរបស់រដ្ឋកាន់តែមានចំនួនច្រើន និងនយោបាយយករាជធានីភ្នំពេញចិញ្ចឹមរាជធានីភ្នំពេញ ឬយកស្លឹកត្នោតខ្ចប់ស្ករត្នោត។សម្តេចតេជោ ហ៊ុន សែន នាយករដ្ឋមន្រ្តី ថ្លែងថា តំបន់កោះពេជ្យ និងតំបន់ស្ពានជ្រោយចង្វារ បានក្លាយជាកន្លែងពាណិជ្ជកម្មធំៗ និងជាកន្លែងទីប្រជុំអន្តរជាតិធំៗផងដែរ ខណៈកន្លែងទាំងពីរនេះកាលពីមុនសុទ្ធតែព្រៃត្រែង និងតំបន់លិចទឹកនោះ។- សម្តេចតេជោ ហ៊ុន សែន បានប្រកាសថា រាជធានីភ្នំពេញកាន់តែមានទំហំធំឡើងៗ ដោយកាត់ស្រុក និងឃុំមួយចំនួន ចូលមកកាន់រដ្ឋបាលគ្រប់គ្រងរបស់រាជធានីភ្នំពេញ ដើម្បីងាយស្រួលក្នុងការអភិវឌ្ឍ។ សម្តេចបញ្ជាក់ថា «យើងមិនអាចឱ្យដី និងបឹងក្នុងរាជធានីភ្នំពេញ ក្លាយជាកន្លែងដើមត្រែងយោលនោះទេ»។- សម្តេចតេជោ ហ៊ុន សែន បានប្រកាសពីគម្រោងបង្កើតក្រុង«ល្វាឯម» ដែលក្រុងនោះ នឹងដាក់ស្ថិតនៅក្រោមរដ្ឋបាលគ្រប់គ្រងរបស់ខេត្តកណ្តាល ដែលគម្រោងនេះស្ថិតក្នុងការពិភាក្សានៅឡើយទេ។- សម្តេចតេជោ ហ៊ុន សែន បានប្រកាសកោតសរសើរក្រុមហ៊ុនអនិកជនខ្មែរ(OCIC)ដែលបានប្រឹងប្រែងយ៉ាងខ្លាំង និងយកចិត្តទុកដាក់ខ្ពស់ ក្នុងគម្រោងកសាងហេដ្ឋារចនាសម្ព័ន្ធក្នុងរាជធានីភ្នំពេញ ដែលគួរឱ្យទុកចិត្តបំផុត។- សម្តេចតេជោ ហ៊ុន សែន បានប្រកាសពីគម្រោងស្ពានមិត្តភាពកម្ពុជា-សាធារណរដ្ឋកូរ៉េ ដែលតភ្ជាប់ពីមុខផ្សារចាស់រាជធានីភ្នំពេញ ទៅត្រើយម្ខាង(សុខា) និងតភ្ជាប់ទៅតំបន់ស្ពានជ្រុំ ដែលសម្តេចសង្ឃឹមថា «មិត្តកូរ៉េ នឹងពិចារពន្លឿនគម្រោងនេះឱ្យបានឆាប់តាមដែលអាចធ្វើបាន»។- សម្តេចតេជោ ហ៊ុន សែន បានប្រកាសពីគម្រោងស្ថាបនាស្ពានតភ្ជាប់ពីតំបន់ក្តីតាកុយ ទៅល្វាឯម និងស្ពានមួយទៀត ពីតំបន់ព្រែកប្រា ទៅផ្លូវជាតិលេខ២ ដែលស្ពានទាំងពីរនេះ អាចអនុវត្តន៍ដោយមិត្តចិន បើមិនមានការប្រែប្រួលលើការចរចាទេ អាចនឹងចាប់ផ្តើមស្ថាបនានៅឆ្នាំក្រោយនេះ។- សម្តេចតេជោ ហ៊ុន សែន បានប្រកាសតម្លៃប្រេងឥន្ធនៈនៅលើពិភពលោក ដែលបានរុញច្រានឱ្យកម្ពុជាឡើង និងចុះ តាមតម្លៃទីផ្សារជាក់ស្តែង។ សម្តេចបញ្ជាក់ថា ពេលនេះស្ថានភាពតម្លៃប្រេងឥន្ធនៈនៅកម្ពុជា ស្ថិតនៅក្នុងកម្រិតមួយដែលអាចទទួលយកបាន បើប្រៀបធៀបនឹងប្រទេសដទៃក្បែរខាងកម្ពុជា។- សម្តេចតេជោ ហ៊ុន សែន ប្រកាសឱ្យមានសុទិដ្ឋិនិយមចំពោះការអភិវឌ្ឍន៍នៅកម្ពុជា ទោះបីតំបន់ខ្លះបាត់បង់ព្រៃឈើខ្លះក៏ពិតមែន តែវាបានជំនួសមកវិញដំណាំដំណាំកៅស៊ូ ដូងប្រេង ដំណាំហូបផ្លែ និងសំណាំកសិកម្មផ្សេងៗទៀត។- សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសូមធ្វើការអភ័យទោសចំពោះរដ្ឋាភិបាលកូរ៉េ ជប៉ុន និងថៃ ដែលពលករខ្មែរបានរត់ចោលការងារដោយសារតែចាញ់បោកគេ ជាពិសេសគឺការចាញ់បោកតាព្រហ្មនេះតែម្តង។-សម្តេចតេជោ ហ៊ុន សែន បានថ្លែងថា សម្តេចមិនហ៊ានសន្និដ្ឋានថា លោក ខឹម វាសនា ឡប់ឬឆ្កួតនោះទេ ទាក់ទងនឹងអបិយជំនឿ ប៉ុន្តែទោះជាយ៉ាងណាលោក ខឹម វាសនា គ្រាន់បើជាងជនអគតិមួយក្តាប់តូច ដែលអំពាវនាវឲ្យមានការផ្តួលរំលំរាជរដ្ឋាភិបាល និងអំពាវនាវឲ្យបររទេសផ្តាច់ជំនួយមកខ្មែរ- សម្តេចតេជោ ហ៊ុន សែន ប្រកាសដាក់ចេញវិធានការដាច់ណាត់ ចំពោះការប្រមូលផ្តុំនៅចំការរបស់លោក ខឹម វាសនា នៅតំបន់ភ្នំគូលែន ដោយទី១- ប្រុងប្រយ័ត្នការជ្រៀតចូល នៃក្រុមបាតដៃទី៣ បង្កហេតុនៅកន្លែងការប្រមូលផ្តុំដោយគ្មានច្បាប់ទម្លាប់ទាំងនោះ និងទី២-ហាមទៅចាប់យកដីស្នាក់នៅតំបន់រុនតាឯក ដែលរាជរដ្ឋាភិបាលកំពុងផ្តល់ជូនប្រជាពលរដ្ឋដែលចាកចេញពីតំបន់អង្គរ។- សម្តេចតេជោ ហ៊ុន សែន អំពាវនាវដល់ប្រជាពលរដ្ឋកុំចាញ់បោកការឃោសនាអកុសលរបស់បុគ្គល ខឹម វាសនា ដែងតាំងខ្លួនជាព្រះព្រហ្ម និងអំពាវនាវដល់ប្រជាពលរដ្ឋ ដែលឈ្លោះបែកបាក់ ខ្វែងគំនិតគ្នាក្នុងគ្រួសាររឿងជឿលោក ខឹម វាសនា សូមសះជាជាមួយគ្នា ព្រមទាំងអំពាវនាវដល់ប្រជាពលរដ្ឋសូមកុំរើសអើងអ្នកជឿអបិយជំនឿងទាំងនោះ។-សម្តេចតេជោ ហ៊ុន សែន បានបញ្ជាឲ្យអាជ្ញាធរខេត្តសៀមរាបយករថយន្តកងទ័ពធ្វើការដឹងជញ្ជូនប្រជាពលរដ្ឋដែលបានចាញ់បោក លោក ខឹម វាសនា ឲ្យត្រឡប់ទៅផ្ទះវិញ រួមទាំងផ្តល់អាហារជូនពួកគាត់ឲ្យបានគ្រប់គ្រាន់ផងដែរ- សម្តេចតេជោ ហ៊ុន សែន អំពាវនាវដល់លោក ខឹម វាសនា បើជ្រុលតែហៅប្រជាពលរដ្ឋទៅហើយ សូមចែកដីចំការប្រមាណ១២ហិកតារបស់លោក ឱ្យពួកគាត់រស់នៅទៅនោះផង តែហាមដាច់ខាតទៅកាន់កាប់ទន្ទ្រានដីនៅខាងក្រៅ ដែលអាចប្រឈមមុខនឹងវិធានការច្បាប់។- សម្តេចតេជោ ហ៊ុន សែន អំពាវនាវដល់អ្នកគាំទ្រគណបក្សប្រជាជនកម្ពុជា និងអ្នកគោរពស្រលាញ់សម្តេច សូមកុំចូលអន្ទាក់របស់លោក ខឹម វាសនា ដោយសម្តេចបញ្ជាក់ថា «លោក ខឹម វាសនា នឹងបង្កើនការជេរប្រមាថសម្តេចថែមទៀត»។- សម្តេចតេជោ ហ៊ុន សែន អំពាវនាវដល់ប្រជាពលរដ្ឋដែលចាញ់ការឃោសនាលោក ខឹម វាសនា សូមចេញមកកាន់មូលដ្ឋានរៀងៗខ្លួនវិញ ព្រោះនៅខាងក្រៅ គ្មានទឹកជំនន់ ឬគ្រោះមហន្តរាយធម្មជាតិណាមួយទេ ហើយអាជ្ញាធរ និងកម្លាំងសមត្ថកិច្ចចាំដឹក និងផ្តល់បាយទឹកពេលត្រលប់ទៅកាន់លំនៅដ្ឋានរៀងៗខ្លួនវិញ។- សម្តេចតេជោ ហ៊ុន សែន បានប្រកាសអំពាវនាវដល់លោក ខឹម វាសនា សូមផ្តល់ឱកាសឱ្យប្រជាពលរដ្ឋចាកចេញពីតំបន់នោះ(ចំការខឹម វាសនា) ដោយសម្តេចមិនរារាំងជំនឿនានារបស់លោក ខឹម វាសនា នោះទេ។ សម្តេចបញ្ជាក់ថា «ប្រជាពលរដ្ឋទៅកន្លែងនោះដោយស្ម័គ្រចិត្ត ក៏សូមឱ្យពួកគាត់ត្រលប់មកវិញដោយស្ម័គ្រចិត្តដូចគ្នា»។- សម្តេចតេជោ ហ៊ុន សែន បានបញ្ជាក់ថា គ្រួសារសម្តេចគ្មានទំនាស់ផ្ទៃក្នុង ដណ្តើមបេក្ខភាពនាយករដ្ឋមន្ត្រីអនាគតសម្រាប់កម្ពុជានោះទេ។ សម្តេចតេជោ ហ៊ុន សែន បានប្រកាសផ្តាំដល់ក្រុមអ្នកវិភាគទាំងនោះ សូមកុំយកបញ្ហាសម្រាប់គ្រួសារខ្លួនឯង មកសន្និដ្ឋានសម្រាប់គ្រួសាររបស់អ្នកដទៃ។- សម្តេចតេជោ ហ៊ុន សែន បានប្រកាសដោយចោទជាសំនួរទៅកាន់ក្រុមអ្នកវិភាគគ្មានមូលដ្ឋានមួយចំនួន ដែលតែងវិភាគខុសពីការពិត ពាក់ព័ន្ធដំណើរទស្សនកិច្ចរបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក ទៅកាន់ប្រទេសនានាក្បែរខាងកកម្ពុជា ជាពិសេសទៅប្រទេសវៀតណាម។- សម្តេចតេជោ ហ៊ុន សែន បានបញ្ជាក់ ហ៊ុន ម៉ាណែត ទើបបញ្ចប់ទស្សនកិច្ចនៅឡាវ ដែលទទួលត្រួតពលដោយនាយអគ្គសេនាធិការកងទ័ពឡាវ។ ក្រៅពីនេះ ហ៊ុន ម៉ាណែត ត្រូវបានទទួលដោយឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ នាយករដ្ឋមន្ត្រី និងដោយប្រធានាធិបតីឡាវថែមទៀត។- សម្តេចតេជោ ហ៊ុន សែន បញ្ជាក់ថា «តើអស់លោកអ្នកវិភាគយល់យ៉ាងណាដែរក្នុងទស្សនកិច្ចហ៊ុន ម៉ាណែតទៅឡាវលើកនេះ?។ដោយលើកមុនខ្ញុំមិនបានជំរាបអស់ ខ្ញុំសូមជំរាបបន្ថែមថា កាលពី ហ៊ុន ម៉ាណែត ទស្សនកិច្ចនៅជប៉ុន នាដើមឆ្នាំ២០២២នេះ មិត្តជប៉ុនបានបញ្ជូនយន្តហោះមកទទួលហ៊ុន ម៉ាណែត ពីកម្ពុជាទៅជប៉ុន និងជូនពីជប៉ុនមកដល់កម្ពុជាវិញ ព្រោះពេលនោះគ្មានជើងហោះហើរទេដោយសារកូវីដ-១៩។- សម្តេចតេជោ ហ៊ុន សែន បានជំរុញដោយផ្ទាល់មាត់ដល់លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ពិនិត្យមើលឱ្យបានដិតដល់លើការប្រឡងបវរកញ្ញាមួយ ដែលទទួលបានរិះគន់យ៉ាងខ្លាំងពីសំណាក់ប្រជាពលរដ្ឋ ដែលទាមទារឱ្យក្រសួងហៅមកផ្តល់យោបល់ អប់រំ ណែនាំ។- សម្តេចតេជោ ហ៊ុន សែន បានប្រកាសដល់អភិបាលរាជធានី, ខេត្ត, ក្រុង ,ស្រុក ខណ្ឌ នាំគ្នាមើលផ្លូវឱ្យបានដិតដល់ ព្រោះជាដំណើរចរាចរណ៍របស់ប្រជាពល។ សម្តេចបញ្ជាក់ថា សម្តេចបានបញ្ជាឱ្យដកចៅហ្វាយក្រុងតាខ្មៅមួយចោលកាលពីពេលថ្មីៗនេះ ដោយសារតែមិនចេះមើលផ្លូវ។- សម្តេចតេជោ ហ៊ុន សែន បានព្រមានដល់រដ្ឋបាលថ្នាក់ក្រោមជាតិទាំងអស់ អំពីការបង្កើនអាសនៈនៅថ្នាក់រាជធានី ខេត្ត ក្រុង ស្រុក ខណ្ឌ គឺដើម្បីឱ្យបែងចែងគ្នាធ្វើការបម្រើប្រជាពលរដ្ឋ និងតម្រូវការនានាដែលត្រូវដោះស្រាយបន្ទាន់ និងចាំបាច់។ សម្តេចបញ្ជាក់ថា «មិនមែនបង្កើនអាសនៈ ដើម្បីឱ្យលោកឯងលេងអុកជជែកគ្នានោះទេ»។ -សង្កថាចប់នៅវេលាមម៉ោង១០ និង៥០នាទី

សារព័ត៌មាន The Times៖ កញ្ចប់ថវិកាផ្ដល់ជំនួយរបស់អង់គ្លេសសម្រាប់អ៊ុយក្រែននឹងត្រូវអស់នៅត្រឹមដំណាច់ឆ្នាំនេះ

អង់គ្លេស៖ ទីក្រុងឡុងដ៍បានផ្ដល់កញ្ចប់ជំនួយផ្នែកយោធាដល់ទីក្រុង Kiev ជាង ២.៣ពាន់លានផោន ឬស្មើ ២.៧ពាន់លានដុល្លារអាមេរិក ប៉ុន្តែប្រភពមួយចេញពីក្រសួងការពារជាតិបានទទួលស្គាល់ថា ការឧបត្ថម្ភខាងហិរញ្ញវត្ថុរបស់ចក្រភពអង់គ្លេសចំពោះការតស៊ូទប់ទល់សង្គ្រាមនេះ នឹងត្រូវអស់នៅត្រឹមដំណាច់ឆ្នាំ២០២២ នេះ។ លោកនាយករដ្ឋមន្ត្រី Boris Johnson ដែលបានទៅបំពេញទស្សនកិច្ចនៅទីក្រុង Kiev អំឡុងថ្ងៃទិវាឯករាជ្យអ៊ុយក្រែន បានប្រកាសកញ្ចប់ជំនួយយោធាថ្មីដោយមានទំហំទឹកប្រាក់ ៥៤លានផោន ឬស្មើ ៦៣លានដុល្លារអាមេរិក និងបានសន្យាជួយគាំទ្រខាងយោធារបស់ទីក្រុង Kiev ទោះបីជាត្រូវការពេលវេលាយូរបន្តិចក៏ដោយ។ ស្របពេលការស្វែងរកមេដឹកនាំថ្មីដែលអូសបន្លាយពេលយូរ អតិផរណាហក់ឡើងខ្ពស់ និងតម្លៃថាមពលកើនឡើងខ្លាំង ការគាំទ្រសម្រាប់ការដាក់ទណ្ឌកម្មពីសំណាក់ចក្រភពអង់គ្លេសទៅលើរុស្ស៊ីកំពុងធ្លាក់ចុះ ដោយការស្ទង់មតិមួយរបស់ក្រុមហ៊ុន YouGov នៃចក្រភពអង់គ្លេសកាលពីខែមីនាបានបង្ហាញថា ពលរដ្ឋអង់គ្លេសប្រមាណ ៤៨% បានគាំទ្រឲ្យបង្កើនការដាក់ទណ្ឌកម្មលើរុស្ស៊ី ទោះបីជាសម្ពាធទណ្ឌកម្មនេះបានរុញដោលឲ្យតម្លៃថាមពលហក់ឡើងខ្ពស់ក៏ដោយ។ កាលពីខែមិថុនាការគាំទ្រនេះបានធ្លាក់ចុះមកនៅត្រឹម ៣៨%៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ការវាយប្រហារដោយមីស៊ីលរបស់ក្រុមហ៊ូទី បានសម្លាប់កងកម្លាំងរដ្ឋាភិបាលយេម៉ែនរាប់សិបនាក់

កូរ៉េខាងជើងបាញ់មីស៊ីលផ្លោងរយៈចម្ងាយខ្លីរំលងសមុទ្រជប៉ុន មួយថ្ងៃក្រោយរិះគន់ការបង្កើនសមត្ថភាពយោធារបស់ជប៉ុន

សហព័ន្ធខ្មែរកីឡាហែលទឹកប្រកាសជាផ្លូវការពីការផ្លាស់ប្តូរឈ្មោះមកជាសហព័ន្ធកីឡាក្នុងទឹកកម្ពុជាវិញ

តម្លៃប្រេងកើនឡើងជុំវិញការព្រួយបារម្ភអំពីផែនការបើកច្រកសមុទ្រ Hormuz ឡើងវិញ

អ៊ីរ៉ង់ និងអូម៉ង់ ឈានដល់ការយោគយល់គ្នាលើកិច្ចព្រមព្រៀងបើកច្រកសមុទ្រ Hormuz ឡើងវិញ

អ៊ីរ៉ង់ព្យាយាមហាមប្រាមនាវាអាមេរិក ខណៈកិច្ចព្រមព្រៀងបើកច្រកសមុទ្រ Hormuz ជាមួយអូម៉ង់រីកចម្រើន

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អតីតមេដឹកនាំសហភាពសូវៀតលោក Mikhail Gorbachev បានទទួលមរណភាពក្នុងវ័យ ៩១ឆ្នាំ

អាមេរិកផ្តល់ជំនួយដល់ប៉ាគីស្ថាន ៣០លានដុល្លារ បន្ទាប់ពីទឹកជំនន់បណ្ដាលឲ្យមនុស្ស ១,១៦០នាក់ស្លាប់

លោក Zelenskyy អំពាវនាវជាថ្មីឲ្យរុស្ស៊ីដកកងទ័ពចេញពីរោងចក្រថាមពលនុយក្លេអ៊ែរ ខណៈជួបគណៈប្រតិភូ IAEA

ទីក្រុង Jackson រដ្ឋ Mississippi ពុំមានទឹកសម្រាប់បរិភោគ បន្ទាប់ពីភ្លៀងធ្លាក់ខ្លាំង និងទឹកជំនន់

រុស្ស៊ីបញ្ចេញតួលេខថ្មីបញ្ជាក់ពីការខាតបង់របស់អ៊ុយក្រែនក្នុងការវាយបកនៅភាគខាងត្បូង

ទាហានឥណ្ឌូនេស៊ីត្រូវបានចោទប្រកាន់ពីបទសម្លាប់ និងធ្វើទុក្ខបុកម្នេញជនជាតិភាគតិចប៉ាពួ

អ៊ុយក្រែនត្រៀមបើកសាលារៀនសម្រាប់ឆ្នាំសិក្សាថ្មី ខណៈស្ថិតក្រោមការវាយប្រហារដោយគ្រាប់បែក

លោក Biden ដាក់លិខិតផ្លូវការដើម្បីចូលរួមការប្រកួតប្រជែងការបោះឆ្នោតអាណត្តិទី២ ក្នុងឆ្នាំ២០២៤

សារព័ត៌មាន The Times៖ កញ្ចប់ថវិកាផ្ដល់ជំនួយរបស់អង់គ្លេសសម្រាប់អ៊ុយក្រែននឹងត្រូវអស់នៅត្រឹមដំណាច់ឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អតីត​មេដឹកនាំ​សហភាពសូវៀត​លោក Mikhail Gorbachev បាន​ទទួល​មរណភាព​ក្នុង​វ័យ ​៩១​ឆ្នាំ

លោក Zelenskyy អំពាវនាវ​ជាថ្មី​ឲ្យ​រុស្ស៊ី​ដក​កងទ័ព​ចេញ​ពី​រោងចក្រ​ថាមពលនុយក្លេអ៊ែរ ខណៈ​ជួបគណៈប្រតិភូ IAEA

ទីក្រុង Jackson រដ្ឋ Mississippi ពុំ​មាន​ទឹក​សម្រាប់​បរិ​ភោគ បន្ទាប់ពី​ភ្លៀង​ធ្លាក់​ខ្លាំង​ និង​ទឹកជំនន់

រុស្ស៊ី​បញ្ចេញ​តួលេខ​ថ្មី​បញ្ជាក់​ពី​ការខាតបង់​របស់​អ៊ុយ​ក្រែ​ន​ក្នុងការ​វាយបក​នៅ​ភាគខាងត្បូង

ទាហាន​ឥណ្ឌូនេស៊ី​ត្រូវបាន​ចោទប្រកាន់​ពីបទ​សម្លាប់ និង​ធ្វើទុក្ខបុកម្នេញ​ជនជាតិ​ភាគតិច​ប៉ា​ពួ​

អ៊ុយ​ក្រែ​ន​ត្រៀម​បើក​សាលារៀន​សម្រាប់​ឆ្នាំ​សិក្សា​ថ្មី​ ខណៈ​ស្ថិត​ក្រោម​ការវាយប្រហារ​ដោយ​គ្រាប់បែក​

លោក Biden ដាក់​លិខិតផ្លូវការ​ដើម្បី​ចូលរួម​ការប្រកួតប្រជែង​ការបោះឆ្នោត​អាណត្តិ​ទី​២ ​ក្នុង​ឆ្នាំ​២០២៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អតីតមេដឹកនាំសហភាពសូវៀតលោក Mikhail Gorbachev បានទទួលមរណភាពក្នុងវ័យ ៩១ឆ្នាំ

លោក Zelenskyy អំពាវនាវជាថ្មីឲ្យរុស្ស៊ីដកកងទ័ពចេញពីរោងចក្រថាមពលនុយក្លេអ៊ែរ ខណៈជួបគណៈប្រតិភូ IAEA

ទីក្រុង Jackson រដ្ឋ Mississippi ពុំមានទឹកសម្រាប់បរិភោគ បន្ទាប់ពីភ្លៀងធ្លាក់ខ្លាំង និងទឹកជំនន់

រុស្ស៊ីបញ្ចេញតួលេខថ្មីបញ្ជាក់ពីការខាតបង់របស់អ៊ុយក្រែនក្នុងការវាយបកនៅភាគខាងត្បូង

ទាហានឥណ្ឌូនេស៊ីត្រូវបានចោទប្រកាន់ពីបទសម្លាប់ និងធ្វើទុក្ខបុកម្នេញជនជាតិភាគតិចប៉ាពួ

អ៊ុយក្រែនត្រៀមបើកសាលារៀនសម្រាប់ឆ្នាំសិក្សាថ្មី ខណៈស្ថិតក្រោមការវាយប្រហារដោយគ្រាប់បែក

លោក Biden ដាក់លិខិតផ្លូវការដើម្បីចូលរួមការប្រកួតប្រជែងការបោះឆ្នោតអាណត្តិទី២ ក្នុងឆ្នាំ២០២៤