BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

វិមានក្រឹមឡាំងលើកឡើងថា ពិភពលោកត្រូវតែដាក់សម្ពាធលើអ៊ុយក្រែនពាក់ព័ន្ធនឹងរោងចក្រថាមពលនុយក្លេអ៊ែរ

រុស្ស៊ី៖ កាលពីថ្ងៃចន្ទវិមានក្រឹមឡាំងបានអំពាវនាវ ដល់សហគមន៍អន្តរជាតិឲ្យដាក់សម្ពាធលើអ៊ុយក្រែន ដើម្បីកាត់បន្ថយភាពតានតឹងខាងយោធានៅរោងចក្រថាមពលនុយក្លេអ៊ែរ Zaporizhzhia ដោយចោទទីក្រុង Kyiv ពីបទបង្កគ្រោះថ្នាក់ដល់អឺរ៉ុប មុនដំណើរទស្សនកិច្ចទៅកាន់រោងចក្រនេះ ដោយទីភ្នាក់ងារនុយក្លេអ៊ែរអង្គការសហប្រជាជាតិ។ ទីភ្នាក់ងារថាមពលអាតូមិកអន្តរជាតិហៅកាត់ថា (IAEA) បាននិយាយកាលពីថ្ងៃចន្ទថា ខ្លួននឹងពិនិត្យរោងចក្រនេះនៅសប្ដាហ៍នេះ ហើយថា ក្រុមទីភ្នាក់ងារថាមពលអាតូមិកអន្តរជាតិកំពុងធ្វើដំណើរទៅកាន់រោងចក្រនេះ ដែលក្លាយជាក្ដីបារម្ភដ៏ធំរបស់អន្តរជាតិ ស្របពេលអ៊ុយក្រែន និងរុស្ស៊ីចោទដាក់គ្នាជុំវិញការបង្កអសុវត្ថិភាពរបស់រោងចក្រនេះ។ រោងចក្រថាមពលនុយក្លេអ៊ែរធំបំផុតរបស់អឺរ៉ុបមួយនេះ ត្រូវបានដំណើរការដោយក្រុមបុគ្គលិកអ៊ុយក្រែន និងបានតភ្ជាប់បណ្ដាញអគ្គិសនីរបស់អ៊ុយក្រែន។ កងកម្លាំងរុស្ស៊ីបានគ្រប់គ្រងរោងចក្រនេះកាលពីដើមខែមីនា ជាផ្នែកមួយដែលក្រុង Moscow បានហៅថាជាប្រតិបត្តិការសឹកពិសេសនៅអ៊ុយក្រែន។ទាំងរុស្ស៊ី ទាំងអ៊ុយក្រែនបានច្រានចោលការបាញ់ផ្លោងនៅរោងចក្រ Zaporizhzhia ក្នុងរយៈពេលប៉ុន្មានសប្ដាហ៍ថ្មីៗនេះ ខណៈដែលភាគីទាំង២ បានចោទដាក់គ្នាពីការបាញ់ផ្លោងលើរោងចក្រនេះ។ លោក Dmitry Peskov អ្នកនាំពាក្យវិមានក្រឹមឡាំង បាននិយាយនៅក្នុងសន្និសីទសារព័ត៌មានតាមទូរស័ព្ទ ជាមួយក្រុមអ្នកសារព័ត៌មាននៅពេលសួរថា តើទីក្រុង Moscow នឹងមើលឃើញអ្វីខ្លះ ដើម្បីបន្ធូរបន្ថយស្ថានភាពនៅរោងចក្រថាមពលនុយក្លេអ៊ែរនេះ ថាសម្ពាធលើភាគីអ៊ុយក្រែន ដើម្បីបញ្ឈប់ការបាញ់ផ្លោងអាចកាត់បន្ថយភាពតានតឹងខាងយោធា។ លោកបានបន្ថែមថា ប្រទេសទាំងអស់មានកាតព្វកិច្ចក្នុងការដាក់សម្ពាធលើអ៊ុយក្រែន ដូច្នេះទើបបញ្ឈប់ការបង្កគ្រោះថ្នាក់ដល់ទ្វីបអឺរ៉ុបបាន៕អត្ថបទ៖ សុខមាន

មនុស្ស ៣នាក់ស្លាប់រួមទាំងខ្មាន់កាំភ្លើងក្នុងការបាញ់ប្រហារនៅផ្សារទំនើបមួយក្នុងរដ្ឋ Oregon សហរដ្ឋអាមេរិក

សហរដ្ឋអាមេរិក៖ នគរបាលនិយាយថា ក្រុមអ្នកទិញទំនិញ និងបុគ្គលិកដែលភ័យស្លន់ស្លោបានរត់គេចរកកន្លែងមានសុវត្ថិភាព នៅពេលខ្មាន់កាំភ្លើងម្នាក់បានសម្រុកចូលក្នុងផ្សារទំនើបក្នុងទីក្រុង Bend រដ្ឋ Oregon បានបាញ់ស្រោចដោយប្រើកាំភ្លើងវែងមួយដើមបណ្ដាលឲ្យមនុស្ស ២នាក់ស្លាប់។ស្នងការនគរបាលក្រុង Bend លោក Mike Krantz បាននិយាយអំឡុងសន្និសីទសារព័ត៌មានកាលពីយប់ថ្ងៃអាទិត្យថា ក្រុមមន្ត្រីនគរបាលបានប្រទះឃើញខ្មាន់កាំភ្លើងម្នាក់ស្លាប់ ដែលឈ្មោះរបស់គេមិនត្រូវបានបញ្ចេញទេ ហើយគេបានរកឃើញអាវុធវែងមួយដើមម៉ាក AR-15- និងកាំភ្លើងខ្លីមួយដើមជិតសាកសពជនសង្ស័យនៅក្នុងផ្សារទំនើប Safeway។ លោក Mike Krantz បាននិយាយថា ខ្មាន់កាំភ្លើងបានបន្តបាញ់រះពេញផ្សារទំនើប។ ជនដៃដល់បានបាញ់ជនរងគ្រោះទី១ នៅមាត់ច្រកផ្សារទំនើប និងជនរងគ្រោះទី២ នៅក្នុងផ្សារនេះ។ ក្រុមមន្ត្រីបានឆ្លើយតបនៅពេលពួកគេបានមកដល់កន្លែងកើតហេតុ។ ពួកគេបានចូលទៅក្នុងផ្សារទំនើបនោះភ្លាម ហើយសំឡេងគ្រាប់កាំភ្លើងនៅតែលឺនៅឡើយ។ បន្ទាប់មកនគរបាលមិនបានបាញ់នៅកន្លែងកើតហេតុទេ។ លោក Krantz មិនបានបង្ហាញអត្តសញ្ញាណខ្មាន់កាំភ្លើង ឬជនសង្ស័យ។ លោកថា ទីភ្នាក់ងារជាច្រើនក្រុមកំពុងធ្វើការស៊ើបអង្កេតរួមគ្នាលើរឿងនេះ។ នគរបាលក្រុង Bend បានសរសេរនៅលើបណ្ដាញសង្គម tweeter ថា កាលពីព្រឹកថ្ងៃចន្ទផ្សារទំនើបមួយនេះនៅតែបិទទ្វារនៅឡើយ ខណៈក្រុមមន្ត្រីអនុវត្តន៍ច្បាប់នៅតែបន្តការស៊ើបអង្កេតនៅឡើយ។ ស្នងការនគរបាលបាននិយាយថា ខ្មាន់កាំភ្លើងបានបាញ់បោះដោយសេរី នៅក្នុងចំណតរថយន្តផ្សារទំនើបនេះនៅម៉ោងប្រហែល ៧:០៤យប់ម៉ោងនៅសហរដ្ឋអាមេរិក ហើយមានមនុស្សជាច្រើនបានទូរស័ព្ទទៅកាន់លេង ៩១១៕ ក្នុងហេតុការណ៍ដាច់ដោយឡែកមួយទៀត មនុស្ស ២នាក់ស្លាប់ និង ៥នាក់រងរបួសរួមទាំងនគរបាល ២នាក់ផងដែរ នៅពេលដែលបុរសម្នាក់ប្រដាប់ដោយកាំភ្លើងវែងពាក់កណ្ដាលស្វ័យប្រវត្តិមួយដើម និងស្លៀកជាទាហានចាប់ផ្ដើមបាញ់រះក្នុងទីក្រុង Phoenix រដ្ឋ Arizona៕អត្ថបទ៖ សុខមាន

អាជ្ញាធរអាមេរិកបញ្ចេញវីដេអូបង្ហាញពីស្នងការរងនគរបាលរដ្ឋ Florida បាញ់សម្លាប់ជនសង្ស័យ ដែលបងប្រុសរបស់គេទើបត្រូវបានបាញ់សម្លាប់

សហរដ្ឋអាមេរិក៖ វីដេអូដ៏រន្ធត់ទើបតែបានបញ្ចេញថ្មីៗបង្ហាញពីស្នងការរងនគរបាលរដ្ឋ Florida បាញ់សម្លាប់ខ្មាន់កាំភ្លើងម្នាក់ក្រោយមានជម្លោះ ដែលបានសម្លាប់បងប្រុសរបស់បុរសម្នាក់នេះ។ វីដេអូដែលបានបញ្ចេញកាលពីសប្ដាហ៍មុនបង្ហាញពីពេលវេលាដ៏រន្ធត់នៅខែនេះ នៅពេលដែលស្នងការរងនគរបាលរដ្ឋ Florida ម្នាក់បានបាញ់សម្លាប់បុរសប្រដាប់ដោយអាវុធម្នាក់ ដែលបងប្រុសរបស់គេនៅក្បែរនោះ និងមានឈាមហូររហូតដល់ស្លាប់ ក្រោយផ្ទុះជម្លោះនៅសណ្ឋាគារ Orlando។ ការិយាល័យនគរបាលតំបន់ Orange បាននិយាយថា បងប្អូនប្រុស Dylan Michael Jimenez វ័យ 21ឆ្នាំ និងបងប្រុសរបស់គេគឺ Bryan Matthew Richardson វ័យ 28ឆ្នាំបានស្លាប់បន្ទាប់ពីឧបទ្ទវហេតុនោះ។ ការិយាល័យនគរបាលនេះបានបញ្ចេញវីដេអូភ្ជាប់ខ្លួនកាលពីថ្ងៃសុក្រ ពីការឆ្លើយតបទៅនឹងការបាញ់ប្រហារនៅម៉ោង ១២:៣០ល្ងាចថ្ងៃទី៦ ខែសីហានៅខាងក្រៅសណ្ឋាគារ Orlando ជាទីដែលពួកគេបានប្រទះឃើញ Jimenez បានរងរបួសពីគ្រាប់គាំភ្លើង។ វីដេអូនេះចាប់ផ្ដើមថត នៅពេលស្នងការរងនគរបាលម្នាក់កំពុងសួរទៅកាន់បុរសម្នាក់ ដែលនិយាយថា រូបគេជាគ្រូពេទ្យបឋមសង្គ្រោះ និងកំពុងព្យាបាលបុរសដែលមានរបួសម្នាក់នៅលើដី ដែលត្រូវបានបាញ់ចំទ្រូងខាងស្ដាំ។ នគរបាលនិយាយថា ជនរងគ្រោះឈ្មោះ Dylan Jimenez វ័យ 21ឆ្នាំ និងបងប្រុសរបស់គេឈ្មោះ Bryan Matthew Richardson មានជាប់ពាក់ព័ន្ធនឹងជម្លោះជាមួយបុរសម្នាក់ផ្សេងទៀត មុនពេលពួកគេមកដល់។ ស្នងការនគរបាលតំបន់ Orange លោក John Mina ដែលជាអ្នកបញ្ចេញវីដេអូនេះបាននិយាយថា ការិយាល័យរបស់លោកបានប្ដេជ្ញាផ្ដល់តម្លាភាព។ លោកនិយាយថា មន្ទីរអនុវត្តន៍ច្បាប់រដ្ឋ Florida កំពុងបើកការស៊ើបអង្កេតឯករាជ្យ។ លោកថា ស្នងការរងដែលបានបាញ់អាវុធរបស់គេនោះត្រូវបានផ្អាកពីតួនាទីបណ្ដោះអាសន្ន៕អត្ថបទ៖ សុខមាន

ក្រុមបេសកកម្មអ្នកជំនាញរបស់ IAEA កំពុងមកកាន់រោងចក្រនុយក្លេអ៊ែរ Zaporizhzhia

អ៊ុយក្រែន៖ លោក Rafael Grossi អគ្គនាយកទីភ្នាក់ងារថាមពលអាតូមិកអន្តរជាតិ (IAEA) និយាយនៅថ្ងៃចន្ទនេះថា លោកកំពុងដឹកនាំបេសកកម្មអ្នកជំនាញទៅកាន់រោងចក្រថាមពលនុយក្លេអ៊ែរ Zaporizhzhia ក្នុងប្រទេសអ៊ុយក្រែន ជាកន្លែងដែលការបាញ់ផ្លោងនៅតែបន្ត ដែលកំពុងបង្កើនការព្រួយបារម្ភអំពីគ្រោះថ្នាក់ធ្ងន់ធ្ងរ។ រោងចក្រនេះស្ថិតក្រោមការគ្រប់គ្រងរបស់កងកម្លាំងរុស្ស៊ីចាប់តាំងពីដើមខែមីនា។ វាជារោងចក្រថាមពលនុយក្លេអ៊ែរធំបំផុតមួយនៅអឺរ៉ុប។ វាត្រូវបានរងការបាញ់ផ្លោង និងបានកាត់ផ្តាច់ការផ្គត់ផ្គង់អគ្គិសនីបណ្តោះអាសន្ន ដើម្បីរក្សាប្រព័ន្ធត្រជាក់កាលពីថ្ងៃព្រហស្បតិ៍សប្តាហ៍កន្លងទៅនេះ។ អ៊ុយក្រែន និងរុស្ស៊ីបានដាក់កំហុសគ្នាទៅវិញទៅមក ចំពោះការវាយលុកមកលើទីតាំងនេះ។លោក Rafael Grossi បាននិយាយកាលពីថ្ងៃអាទិត្យថា ប្រព័ន្ធសុវត្ថិភាពទាំងអស់នៅតែដំណើរការ ហើយពុំមានការកើនឡើងកម្រិតវិទ្យុសកម្មនោះទេ។ លោកនិយាយថា ពុំមានការលេចធ្លាយអ៊ីដ្រូសែនណាមួយដែលអ៊ុយក្រែនបានបង្ហាញការព្រួយបារម្ភនោះទេ។ បេសកកម្មនេះនឹងវាយតម្លៃការខូចខាតដល់អគាររោងចក្រ កំណត់ថា តើប្រព័ន្ធសុវត្ថិភាពនៅដំណើរការបានឬទេ និងវាយតម្លៃពីលក្ខខណ្ឌការងាររបស់បុគ្គលិក៕អត្ថបទ៖ ប៊ុនថន

មនុស្ស ២៣នាក់ស្លាប់ និង ១៤០នាក់រងរបួសនៅលីប៊ី បន្ទាប់ពីការប៉ះទង្គិចគ្នា

លីប៊ី៖ រថយន្តជាច្រើនគ្រឿងបានឆេះនៅរាយប៉ាយលើដងផ្លូវក្នុងក្រុងទ្រីប៉ូលីប្រទេសលីប៊ី ខណៈកម្លាំងពីភាគីប្រជែងបានល្បាតក្នុងទីក្រុងបន្ទាប់ពីការប៉ះទង្គិចគ្នាខ្លាំងបានផ្ទុះឡើង។ ការប៉ះទង្គិចគ្នាកាលពីថ្ងៃចុងសប្តាហ៍ក្នុងរដ្ឋធានីប្រទេសលីប៊ី រវាងកងជីវពលដែលគាំទ្រដោយរដ្ឋបាលគូប្រជែងទាំងពីរ បង្ហាញពីការវិលត្រឡប់មករកអំពើហិង្សាក្នុងពេលជាប់គាំងនយោបាយជាយូរមកហើយ។ ក្រសួងសុខាភិបាលបាននិយាយថា មនុស្សយ៉ាងហោចណាស់ ២៣នាក់បានស្លាប់ និង ១៤០នាក់ទៀតរងរបួស ហើយពលរដ្ឋ ៦៤គ្រួសារត្រូវបានជម្លៀសចេញពីតំបន់ជុំវិញការប្រយុទ្ធគ្នា។ ការកើនឡើងអំពើហិង្សាគំរាមដល់ការបំផ្លាញប្រទេសលីប៊ីដែលស្ងប់ស្ងាត់ និងភាពរីករាយក្នុងរយៈពេលពីរឆ្នាំចុងក្រោយនេះ។ ប្រទេសដែលសម្បូរប្រេងមួយនេះបានធ្លាក់ចូលទៅក្នុងភាពវឹកវរ បន្ទាប់ពីការបះបោរគាំទ្រដោយអង្គការណាតូដែលបានផ្តួលរំលំ និងសម្លាប់មេដឹកនាំផ្តាច់ការលោក Moammar Gadhafi នៅក្នុងឆ្នាំ២០១១។ យោងតាមប្រព័ន្ធផ្សព្វផ្សាយក្នុងតំបន់បានឲ្យដឹងថា ការប៉ះទង្គិចគ្នាបានកើតឡើងរវាងកងជីវពល នៃក្រុមបដិវត្តន៍ទីក្រុងទ្រីប៉ូលីដឹកនាំដោយលោក Haitham Tajouri ប្រឆាំងនឹងកងជីវពលមួយក្រុមផ្សេងទៀតដែលមានសម្ព័ន្ធភាពជាមួយលោក Abdel-Ghani al-Kikli ជាមេទ័ពដ៏ល្បីឈ្មោះមួយរូប។កងជីវពលជាច្រើននាក់បានចូលរួមក្នុងការប្រយុទ្ធគ្នា ដែលរាលដាលនៅតំបន់ផ្សេងៗគ្នាក្នុងរដ្ឋធានី។ រដ្ឋាភិបាលរបស់នាយករដ្ឋមន្ត្រីលោក Abdul Hamid Dbeibah ដែលមានមូលដ្ឋាននៅទីក្រុងទ្រីប៉ូលីបានអះអាងថា ការប៉ះទង្គិចគ្នាបានផ្ទុះឡើង នៅពេលដែលកងជីវពលមួយក្រុមបានបាញ់ទៅលើកងជីវពលមួយក្រុមផ្សេងទៀត។ ទោះជាយ៉ាងណា ការប្រយុទ្ធគ្នាទំនងជាជាផ្នែកមួយនៃការតស៊ូអំណាច ដែលកំពុងបន្តរវាងនាយករដ្ឋមន្ត្រីលោក Dbeibah និងគូប្រជែងនាយករដ្ឋមន្ត្រីលោក Fathy Bashagha ដែលកំពុងធ្វើប្រតិបត្តិការពីទីក្រុងឆ្នេរសមុទ្រសឺតេ (Sirte)៕អត្ថបទ៖ ប៊ុនថន

អង្គការណាសាបង្ហាញគម្រោងបញ្ជូនមនុស្សទៅហួសពីភពព្រះអង្គារ

សហរដ្ឋអាមេរិក៖ អង្គការណាសា (NASA) និយាយថា ការបង្កើតការតាំងទីលំនៅនៅលើភពព្រះអង្គារ នឹងអនុញ្ញាតឲ្យមនុស្សចូលទៅកាន់តែជ្រៅទៅក្នុងប្រព័ន្ធព្រះអាទិត្យ ខណៈដែលទីភ្នាក់ងារអវកាសបានបង្ហាញគម្រោងរយៈពេលវែង ដើម្បីនាំយកក្រុមអវកាសយានិកទៅហួសពីភពក្រហម។ មុនពេលការហោះសាកល្បងនៃបេសកកម្ម Artemis ដែលមានគោលបំណងបញ្ជូនមនុស្សទៅកាន់ភពព្រះចន្ទជាលើកដំបូងក្នុងរយៈពេល ៥០ឆ្នាំ អង្គការណាសាបាននិយាយថា ផ្ទៃខាងលើរបស់ភពព្រះចន្ទនឹងផ្ដល់គ្រែសាកល្បងសម្រាប់ភពព្រះអង្គារ និងហួសពីភពនេះទៀត។ ខុសពីបេសកកម្ម Apollo ពេលនេះគោលដៅរបស់បេសកកម្ម Artemis ក្នុងការរស់នៅ និងសាងសង់ទីលំនៅអចិន្ត្រៃយ៍នៅលើភពព្រះចន្ទ ជាទីដែលមេរៀននានាអាចត្រូវបានរៀនសូត្រ មុនដំណើរផ្សងព្រេងទៅហួសពីភពនេះទៀត។ ថ្លែងទៅកាន់សារព័ត៌មាន The Telegraph លោកស្រីវេជ្ជបណ្ឌិត Bhavya Lal ប្រធានរដ្ឋបាលសមាគមសម្រាប់បច្ចេកវិទ្យា គោលនយោបាយ និងយុទ្ធសាស្ត្ររបស់អង្គការណាសាបាននិយាយថា គោលដៅរយៈពេលវែងនឹងមានវត្តមាននៅក្នុងប្រព័ន្ធព្រះអាទិត្យ។លោកស្រីនិយាយថា ចំណុចនេះគឺថា យើងមិនអាចបញ្ឈប់បានទេ នៅពេលដែលយើងបានទៅដល់ភពព្រះអង្គារហើយនោះ នៅពេលដែលយើងបានសាងសង់ទីលំនៅនៅលើភពព្រះអង្គារ ហើយយើងប្រហែលមានបច្ចេកវិទ្យាគ្រប់គ្រាន់ អាចឆ្ពោះទៅកាន់តែជ្រៅជាងនេះទៀតចូលក្នុងទីលំហ។ នៅឆ្នាំ២០២៤ ខាងមុខ បេសកកម្ម Artemis II នឹងនាំក្រុមអវកាសយានិកទៅឆ្ងាយបំផុតចូលក្នុងទីលំហចម្ងាយប្រមាណ ៤,៦០០ម៉ាយល៍ឆ្ងាយទៅកាន់ផ្នែកម្ខាងទៀតនៃភពព្រះចន្ទ។ ហើយបើអ្វីទាំងអស់ដើរទៅតាមគម្រោង ការចុះចតពេញលេញនៅលើផ្ទៃខាងលើនៃភពព្រះចន្ទ ត្រូវគេរំពឹងថានឹងកើតឡើងនៅឆ្នាំ២០២៥៕អត្ថបទ៖ សុខមាន

អ្នកស្លាប់ដោយទឹកជំនន់នៅប៉ាគីស្ថានលើសពី ១ពាន់នាក់ ខណៈមេបញ្ជាការកងទ័ពអំពាវនាវសុំជំនួយ

ប៉ាគីស្ថាន៖ មេបញ្ជាការកងទ័ពប្រទេសប៉ាគីស្ថាន កាលពីថ្ងៃអាទិត្យបានអំពាវនាវដល់សហគមន៍អន្តរជាតិឱ្យជួយប្រទេសប៉ាគីស្ថាន បន្ទាប់ពីរដូវខ្យល់មូសុងដ៏ខ្លាំងបណ្ដាលឲ្យមានមនុស្សស្លាប់។ ឧត្ដមសេនីយ៍លោក Qamar Javed Bajwa បានសុំអង្វរ ខណៈលោកបានទៅពិនិត្យតំបន់ដែលរងផលប៉ះពាល់ដោយទឹកជំនន់ក្នុងខេត្ត Sindh ភាគខាងត្បូងដើម្បីជួយដល់ការងារសង្គ្រោះ។ មន្ត្រីបាននិយាយកាលពីថ្ងៃអាទិត្យថា អ្នកស្លាប់ដោយសារទឹកជំនន់រាលដាលនៅក្នុងប្រទេសប៉ាគីស្ថានបានកើនឡើងដល់ ១,០៣៣នាក់ចាប់តាំងពីពាក់កណ្តាលខែមិថុនាមក។ទឹកជំនន់ភ្លាមៗដោយសារភ្លៀងធ្លាក់ខ្លាំងបានបំផ្លាញភូមិ និងផលដំណាំទាំងស្រុង។ ទាហាន និងក្រុមអ្នកជួយសង្គ្រោះបានជម្លៀសពលរដ្ឋដែលជាប់គាំង ទៅកាន់ទីសុវត្ថិភាពនៃជំរំសង្គ្រោះ និងផ្តល់អាហារដល់ប្រជាជនប៉ាគីស្ថានរាប់ពាន់នាក់ដែលបានភៀសខ្លួន។ រដ្ឋាភិបាលបានដាក់ពង្រាយទាហាន ដើម្បីជួយអាជ្ញាធរស៊ីវិលក្នុងប្រតិបត្តិការជួយសង្គ្រោះនៅទូទាំងប្រទេស៕អត្ថបទ៖ ប៊ុនថន

សមាជិកសភាអាមេរិកថ្លែងសរសើរសម្តេចតេជោ ហ៊ុន សែន ក្នុងការតស៊ូនាំមកនូវសុខសន្តិភាពជូនពលរដ្ឋកម្ពុជា

ភ្នំពេញ៖ គណៈប្រតិភូសមាជិកសភាសហរដ្ឋអាមេរិក ដឹកនាំដោយលោកជំទាវ អេលីហ្សាបេត វេន ដាញ (Elizabeth Van Duyne) តំណាងរាស្ត្រគណបក្សសាធារណរដ្ឋ មកពីរដ្ឋតិចសាស់ បានមានប្រសាសន៍កោតសរសើរចំពោះការខិតខំប្រឹងប្រែងយ៉ាងខ្លាំងរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដែលបាននាំមកនូវសុខសន្តិភាពជូនដល់ប្រជាជនកម្ពុជាទូទាំងប្រទេស។លោកជំទាវ អេលីហ្សាបេត វេន ដាញ សមាជិកសភាសហរដ្ឋអាមេរិកមកពីគណបក្សសាធារណៈរដ្ឋ នៃរដ្ឋតិចសាស់បានលើកឡើងយ៉ាងដូច្នេះ ខណៈលោកជំទាវ និងគណ:ប្រតិភូត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជាអនុញ្ញាតឱ្យចូលជួបសំដែងការគួរសម និងពិភាក្សាការងារនៅវិមានសន្តិភាព នាព្រឹកថ្ងៃទី២៩ ខែសីហា ឆ្នាំ២០២២នេះ។ជាមួយនឹងការថ្លែងសរសើរដោយស្មោះចំពោះការដឹកនាំរបស់សម្តេចតេជោ លោកជំទាវ ក៏បានលើកឡើងពីគោលបំណងនៃទស្សនកិច្ចរបស់ប្រតិភូនៅកម្ពុជា ដើម្បីពង្រឹងទំនាក់ទំនងរវាងប្រទេសទាំងពីរឱ្យកាន់តែល្អប្រសើរឡើង។ជាការឆ្លើយតប សម្ដេចតេជោបានជម្រាបជូនលោកជំទាវព្រមទាំងប្រតិភូទាំងមូលអំពីប្រវត្តិរបស់កម្ពុជាក៏ដូចជាប្រវត្តិនៃទំនាក់ទំនងរវាងកម្ពុជាជាមួយសហរដ្ឋអាមេរិក ហើយសម្ដេចក៏បានឯកភាពជាមួយលោកជំទាវអាលីហ្សាបេត ដែលថា យើងនាំគ្នាសម្លឹងទៅមុខ ក្តាប់ឱកាសដែលកំពុងមាននាពេលបច្ចុប្បន្ន ជាពិសេសលើវិស័យពាណិជ្ជកម្ម វិនិយោគ និងអប់រំ ធ្វើជាមូលដ្ឋានដើម្បីពង្រឹងទំនាក់ទំនងរវាងប្រទេសទាំងពីរឲ្យកាន់តែខ្លាំងឡើង៕

អ៊ុយក្រែនស្ថិតនៅមាត់ជ្រោះមហន្តរាយ ខណៈការបាញ់ផ្លោងនៅតែបន្តជុំវិញរោងចក្រថាមពលនុយក្លេអ៊ែរ Zaporizhzhia

អ៊ុយក្រែន៖ ការបាញ់ផ្លោងដែលនៅតែបន្តទៅលើរោងចក្រថាមពលនុយក្លេអ៊ែរ Zaporizhzhia គ្រប់គ្រងដោយរុស្ស៊ីនៅក្នុងប្រទេសអ៊ុយក្រែន បានបង្កឲ្យមានក្ដីបារម្ភពីគ្រោះមហន្តរាយធ្ងន់ធ្ងរ ខណៈភាគីទាំង២ នៅតែបន្តចោទប្រកាន់ដាក់គ្នា ស្របពេលកងកម្លាំងរុស្ស៊ីបានដាក់គោលដៅលើទីប្រជុំជននានា នៅម្ខាងនៃទន្លេពីរោងចក្រថាមពលអាតូមិកធំបំផុតរបស់អឺរ៉ុប។ ទោះស្ថិតក្នុងគ្រោះថ្នាក់ ក្រុមមន្ត្រីមកពីទីភ្នាក់ងារឃ្លាំមើលនុយក្លេអ៊ែររបស់អង្គការសហប្រជាជាតិ នៅតែកំពុងរង់ចាំការអនុញ្ញាតផ្លូវការចូលទៅកាន់រោងចក្រនៅសមរភូមិជួរមុខភាគខាងត្បូងនៃសង្គ្រាម។ អភិបាលតំបន់ Zaporizhzhia លោក Oleksandr Starukh បានប្រាប់ទូរទស្សន៍អ៊ុយក្រែនថា ប្រជាពលរដ្ឋត្រូវបានជូនដំណឹងពីរបៀបប្រើប្រាស់សារធាតុគីមីអ៊ីយ៉ូដ ក្នុងករណីលេចធ្លាយសារធាតុវិទ្យុសកម្ម។ កងកម្លាំងរុស្ស៊ីបានដណ្ដើមរឹបអូសរោងចក្រនេះចាប់តាំងពីដើមខែមីនាភ្លាមៗ ក្រោយការវាយលុកចូលអ៊ុយក្រែន ស្របពេលដែលបុគ្គលិកអ៊ុយក្រែននៅតែបន្តប្រតិបត្តិការក្នុងរោងចក្រនេះ។ ក្នុងរយៈពេលប៉ុន្មានសប្ដាហ៍ថ្មីៗនេះ ប្រទេសទាំង២ បានចោទប្រកាន់ដាក់គ្នាចំពោះការបាញ់ផ្លោងជិតរោងចក្រនេះ៕អត្ថបទ៖ សុខមាន

ទេសរដ្ឋមន្រ្តី លី ធុជ ៖ ខេត្តកំពត នឹងត្រូវប្រកាសជាខេត្តអស់មីនក្នុងឆ្នាំ២០២៣ ក្រោមគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”

កំពត៖ នៅព្រឹកថ្ងៃទី២៩ ខែសីហា ឆ្នាំ២០២២ នៅរដ្ឋបាលខេត្តកំពត ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអញ្ជើញដឹកនាំកិច្ចប្រជុំផ្សព្វផ្សាយស្តីពីវិស័យសកម្មភាពមីននៅកម្ពុជា និងការអនុវត្តគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ដើម្បីខេត្តកំពតអស់មីន។កិច្ចប្រជុំនេះ មានការអញ្ជើញចូលរួមពី លោក នៃ គង់ អភិបាលរងខេត្ត តំណាង លោក ម៉ៅ ធនិន អភិបាលខេត្តកំពត លោក អ៊ុ ភូមិរ៉ូ អគ្គនាយករងនៃមជ្ឈមណ្ឌលសកម្មភាពកំចាត់មីកម្ពុជា (CMAC) មន្ទីរជុំវិញខេត្ត កងកម្លាំងប្រដាប់អាវុធ រដ្ឋបាលស្រុក/ក្រុង និងក្រុមការងាររៀបចំផែនការសកម្មភាពមីន។ ឯកឧត្តមទេសរដ្ឋមន្រ្តី បានមានប្រសាសន៍ថា បន្ទាប់ពីទទួលបានការអនុញ្ញាតដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី អាជ្ញាធរមីន បានដាក់ពង្រាយកម្លាំងនៃមជ្ឈមណ្ឌលសកម្មភាពកំចាត់មីកម្ពុជា (ស៊ីម៉ាក់) ក្នុងខេត្តចំនួន៥ ដើម្បីប្រកាសជាខេត្តអស់មីន រួមមាន៖ ខេត្តកំពង់ចាម កំពង់ឆ្នាំង តាកែវ កំពត និងខេត្តស្វាយរៀង ក្នុងទំហំផ្ទៃដីមានមីនប្រមាណ ៣១គីឡូម៉ែត្រក្រឡា។ ដោយឡែក ដើម្បីប្រកាសខេត្តកំពតអស់មីន នឹងត្រូវបោសសម្អាតមីន ក្នុងទំហំផ្ទៃដីមានមីន ១០.៩៩៧.២១៤ ម៉ែត្រក្រឡា (ប្រមាណជា ១១ គីឡូម៉ែត្រក្រឡា) ស្មើនឹង ១២១ ចម្ការមីន ក្នុងរយៈពេល ១១ខែ ចាប់ពីខែសីហា ឆ្នាំ២០២២ ដល់ខែមិថុនា ឆ្នាំ២០២៣ ។ឯកឧត្តមទេសរដ្ឋមន្រ្តី បានលើកឡើងអំពីចក្ខុវិស័យ និងការបង្កើតចលនាជាតិរបស់សម្តេចតេជោ ក្នុងការដោះស្រាយបញ្ហាគ្រាប់មីន និងការបោសសម្អាតមីនឲ្យអស់ពីទឹកដីកម្ពុជា ទោះបីស្ថិតក្នុងតម្លៃណាក៏ដោយ ដើម្បីឲ្យប្រជាពលរដ្ឋមានសុខសុវត្ថិភាព និងទទួលបានស្នាមញញឹមគ្រប់ៗគ្នា។ ជាមួយគ្នានេះ ឯកឧត្តមទេសរដ្ឋមន្រ្តី បានអំពាវនាវឲ្យប្រជាពលរដ្ឋគ្រប់ជាន់ថ្នាក់ ត្រូវបន្តការគាំទ្រសម្តេចតេជោនាយករដ្ឋមន្រ្តី និងរាជរដ្ឋាភិបាលកម្ពុជា ដើម្បីបញ្ចប់ការងារបោសសម្អាតមីន និងកំទេចគ្រាប់មីនចុងក្រោយនៅកម្ពុជា។ឯកឧត្តមបន្តលើកឡើងថា ការងារបោសសម្អាតមីន គឹជាការងារត្រូវការពេលវេលាច្រើន និងកិច្ចសហប្រតិបត្តិការពីគ្រប់ភាគីពាក់ព័ន្ធ ជាពិសេសពីរដ្ឋបាលថ្នាក់ក្រោមជាតិ ដើម្បីជម្រុញឲ្យដំណើរការនៃការបោសសម្អាតមីន ទទួលបានជោគជ័យ និងមានប្រសិទ្ធភាពខ្ពស់ ដែលក្នុងនោះ អាជ្ញាធរមីន ជាសេនាធិការឲ្យរាជរដ្ឋាភិបាលកម្ពុជា ធ្វើការសម្របសម្រួលជាមួយសហគមន៍ផ្តល់ជំនួយ និងប្រទេសជាមិត្ត ដើម្បីជម្រុញឲ្យមានការចូលរួមជាមួយរាជរដ្ឋាភិបាលក្នុងការងារបោសសម្អាតមីននៅកម្ពុជា និងមានភារកិច្ចរៀបចំគោលនយោបាយ និងផែនការអាទិភាព ឆ្ពោះទៅរកកម្ពុជាអស់មីននៅឆ្នាំ២០២៥ ហើយដើម្បីឲ្យកម្ពុជាអស់មីន កម្ពុជាត្រូវការជាចាំបាច់នូវថវិកាគាំទ្រ សម្ភារៈ និងធនធានមនុស្សដែលទទួលបានការបណ្តុះបណ្តាលត្រឹមត្រូវ។ក្នុងឱកាសនោះ ឯកឧត្តមទេសរដ្ឋមន្រ្តី បានវាយតម្លៃខ្ពស់ចំពោះអង្គភាពស៊ីម៉ាក់ ដែលជាប្រតិបត្តិករដោះមីនជាតិដ៏ឆ្នើម ចូលរួមផ្តល់សុខសុវត្ថិភាព និងការអភិវឌ្ឍប្រទេសជាតិ តាមរយៈការងារបោសម្អាតមីន រយៈពេល៣០ឆ្នាំមកនេះ៕

បណ្ដាញសង្គម

ព័ត៌មានថ្មីៗ

ប្រមុខការទូតកម្ពុជា បន្តអំពាវនាវឲ្យថៃអនុវត្តឲ្យបានពេញលេញ និងមានប្រសិទ្ធភាពចំពោះសេចក្តីប្រកាសរួមរវាងកម្ពុជា-ថៃកាលពីថ្ងៃទី២៧ ខែធ្នូ ឆ្នាំ២០២៥

សម្ដេចធិបតី ទទួលជួបសម្ដែងការគួរសម និងពិភាក្សាការងារជាមួយរដ្ឋមន្ត្រីក្រសួងការពារជាតិម៉ាឡេស៊ី

លោក Trump បង្ហាញចំណាត់ការពាណិជ្ជកម្មដើម្បីប្រកួតប្រជែងជាមួយចិនលើថាមពលព្រះអាទិត្យ និងបន្ទះឈីប

[UPDATE] ក្រុមមន្ត្រីថៃនិយាយថា គ្រូម្នាក់និងខ្មាន់កាំភ្លើងម្នាក់បានស្លាប់ក្នុងការបាញ់ប្រហារនៅសាលារៀនមួយក្នុងប្រទេសថៃ

Real Madrid សម្រេចការផ្ទេរ Yan Diomande ក្នុងតម្លៃអាចកើនដល់ ១២០ លានផោន បំបែកកំណត់ត្រាកីឡាករអាហ្វ្រិកថ្លៃបំផុត

«គម្រោងមេគង្គរីកចម្រើន» ពង្រឹងភាពធន់នឹងការប្រែប្រួលអាកាសធាតុ និងលើកកម្ពស់ជីវភាពសហគមន៍ជនជាតិភាគតិច នៅខេត្តរតនគិរី និងមណ្ឌលគិរី

វេទិការាជរដ្ឋាភិបាល-ផ្នែកឯកជន បានកំពុងជំរុញដល់បរិយាកាសធុរកិច្ចផ្នែកកម្មន្តសាល SME និងសេវា

ស.ស.យ.ក អលស្ដារ នឹងប្រកួតសប្បុរសធម៌ចំនួន២ ដើម្បីភ្ជាប់ក្ដីនឹករលឹក និងកៀរគរជំនួយជូនពលរដ្ឋនៅភូមិរង់ចាំ

អាហ្សង់ទីនកំណត់ថ្ងៃទី ១៥ កក្កដាជា «ទិវាក្រុមបាល់ទាត់ជម្រើសជាតិ» រំលឹកជ័យជម្នះលើអង់គ្លេសនៅ World Cup 2026

អង្គការ UNICEF៖ កុមារម្នាក់ត្រូវបានសម្លាប់ក្នុងមួយថ្ងៃនៅតំបន់ហ្កាហ្សាចាប់តាំងពីបទឈប់បាញ់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

វិមានក្រឹមឡាំងលើកឡើងថា ពិភពលោកត្រូវតែដាក់សម្ពាធលើអ៊ុយក្រែនពាក់ព័ន្ធនឹងរោងចក្រថាមពលនុយក្លេអ៊ែរ

មនុស្ស ៣នាក់ស្លាប់រួមទាំងខ្មាន់កាំភ្លើងក្នុងការបាញ់ប្រហារនៅផ្សារទំនើបមួយក្នុងរដ្ឋ Oregon សហរដ្ឋអាមេរិក

ក្រុមបេសកកម្មអ្នកជំនាញរបស់ IAEA កំពុងមកកាន់រោងចក្រនុយក្លេអ៊ែរ Zaporizhzhia

មនុស្ស ២៣នាក់ស្លាប់ និង ១៤០នាក់រងរបួសនៅលីប៊ី បន្ទាប់ពីការប៉ះទង្គិចគ្នា

អង្គការណាសាបង្ហាញគម្រោងបញ្ជូនមនុស្សទៅហួសពីភពព្រះអង្គារ

អ្នកស្លាប់ដោយទឹកជំនន់នៅប៉ាគីស្ថានលើសពី ១ពាន់នាក់ ខណៈមេបញ្ជាការកងទ័ពអំពាវនាវសុំជំនួយ

សមាជិកសភាអាមេរិកថ្លែងសរសើរសម្តេចតេជោ ហ៊ុន សែន ក្នុងការតស៊ូនាំមកនូវសុខសន្តិភាពជូនពលរដ្ឋកម្ពុជា

អ៊ុយក្រែនស្ថិតនៅមាត់ជ្រោះមហន្តរាយ ខណៈការបាញ់ផ្លោងនៅតែបន្តជុំវិញរោងចក្រថាមពលនុយក្លេអ៊ែរ Zaporizhzhia

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុម​បេសកកម្ម​អ្នក​ជំនាញ​របស់ IAEA កំពុង​មកកាន់​រោងចក្រ​នុយក្លេអ៊ែរ Zaporizhzhia

មនុស្ស ២៣​នាក់​ស្លាប់ និង​ ១៤០​នាក់​រង​របួស​នៅ​លី​ប៊ី បន្ទាប់ពី​ការ​ប៉ះទង្គិច​គ្នា

អង្គការ​ណា​សា​បង្ហាញ​គម្រោង​បញ្ជូន​មនុស្ស​ទៅ​ហួស​ពី​ភព​ព្រះ​អង្គារ

អ្នកស្លាប់​ដោយ​ទឹកជំនន់​នៅ​ប៉ា​គី​ស្ថាន​លើសពី ​១​ពាន់​នាក់ ខណៈ​មេបញ្ជាការ​កងទ័ព​អំពាវនាវ​សុំ​ជំនួយ​

សមាជិកសភាអាមេរិកថ្លែងសរសើរសម្តេចតេជោ ហ៊ុន សែន ក្នុងការតស៊ូនាំមកនូវសុខសន្តិភាពជូនពលរដ្ឋកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមបេសកកម្មអ្នកជំនាញរបស់ IAEA កំពុងមកកាន់រោងចក្រនុយក្លេអ៊ែរ Zaporizhzhia

មនុស្ស ២៣នាក់ស្លាប់ និង ១៤០នាក់រងរបួសនៅលីប៊ី បន្ទាប់ពីការប៉ះទង្គិចគ្នា

អង្គការណាសាបង្ហាញគម្រោងបញ្ជូនមនុស្សទៅហួសពីភពព្រះអង្គារ

អ្នកស្លាប់ដោយទឹកជំនន់នៅប៉ាគីស្ថានលើសពី ១ពាន់នាក់ ខណៈមេបញ្ជាការកងទ័ពអំពាវនាវសុំជំនួយ