BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

សុន្ទរកថារបស់លោក Biden ត្រូវបានរំខានដោយបុរសម្នាក់ដែលស្រែកថា អ្នកបានលួចបន្លំការបោះឆ្នោត

សហរដ្ឋអាមេរិក៖ កាលពីថ្ងៃព្រហស្បតិ៍លោកប្រធានាធិបតីសហរដ្ឋអាមេរិក Joe Biden បានអំពាវនាវដល់ក្រុមអ្នកគាំទ្រគណបក្សប្រជាធិបតេយ្យឲ្យបោះឆ្នោត ដើម្បីស្រោចស្រង់ប្រជាធិបតេយ្យឡើងវិញ និងបានប្រៀបធៀបមនោគមន៍វិទ្យារបស់គណបក្សសាធារណរដ្ឋ ទៅនឹងគំនិតហ្វាស៊ីសនិយមពាក់កណ្ដាល ខណៈលោកបានដឹកនាំបង្កើតការប្រមូលផ្ដុំ និងរៃអង្គាសមូលនិធិនៅក្នុងរដ្ឋ Maryland សល់ពេល ៧៥ថ្ងៃមុនការបោះឆ្នោតពាក់កណ្ដាលអាណត្តិ។ ការអះអាងខុសដែលស្ដីបន្ទោសការលួចបន្លំការបោះឆ្នោត សម្រាប់ការបរាជ័យរបស់លោក Donald Trump ត្រូវបានស្រែកចេញពីបុរសមិនស្គាល់អត្តសញ្ញាណម្នាក់ភ្លាមៗ ក្រោយលោក Biden បាននិយាយនូវអ្វីដែលលោកហៅថា ជាការដុតកម្ទេចចោលនយោបាយ MAGA របស់គណបក្សសាធារណរដ្ឋ។ ថ្លែងទៅកាន់ក្រុមមនុស្សរាប់ពាន់នាក់នៅវិទ្យាល័យ Montgomery ក្នុងទីក្រុង Rockville រដ្ឋ Maryland លោក Biden បាននិយាយថា សិទ្ធិរបស់អ្នកក្នុងការជ្រើសរើសស្ថិតនៅលើសន្លឹកឆ្នោតនៅឆ្នាំនេះជិតមកដល់ហើយ របបសន្តិសុខសង្គមដែលអ្នកទាំងអស់គ្នាបានចំណាយចាប់តាំងពីអ្នកមានការងារធ្វើគឺនៅលើសន្លឹកឆ្នោត។ សុវត្ថិភាពកូនចៅរបស់អ្នកទាំងអស់គ្នារួចផុតពីអំពើហិង្សាដោយអាវុធគឺនៅលើសន្លឹកឆ្នោត ហើយនេះមិនមែនជារឿងចេះតែនិយាយទេ ការរស់រានមានជីវិតទាំងអស់នៃភពរបស់យើងគឺនៅលើសន្លឹកឆ្នោត៕អត្ថបទ៖ សុខមាន

អង្គការសុខភាពពិភពលោកនិយាយថា ក្នុងឆ្នាំ២០២២ មានអ្នកស្លាប់ដោយសារវីរុស COVID-19 ចំនួន ១លាននាក់

WHO៖ អង្គការសុខភាពពិភពលោកបានប្រកាសកាលពីថ្ងៃព្រហស្បតិ៍ថា មនុស្សចំនួន ១លាននាក់បានស្លាប់ដោយសារវីរុស COVID-19 ក្នុងឆ្នាំ២០២២ ដោយហៅថាជាសោកនាដកម្មដ៏ធ្ងន់ធ្ងរបំផុត ទាំងដែលមានឧបករណ៍ទាំងអស់ក្នុងទប់ស្កាត់ការស្លាប់ហើយនោះ។ មនុស្សស្លាប់ជិត ៦.៤៥លាននាក់ត្រូវបានរាយការណ៍ទៅកាន់អង្គការសុខភាពពិភពលោក ចាប់តាំងពីវីរុសនេះត្រូវបានរកឃើញដំបូងនៅក្នុងប្រទេសចិនកាលពីចុងឆ្នាំ២០១៩។ ប៉ុន្តែប្រមុខអង្គការសុខភាពពិភពលោកគឺលោក Tedros Adhanom Ghebreyesus បានសួរថា តើវីរុសរាតត្បាតសកលនេះពិតជាជំងឺកាចសាហាវជាងគេបំផុតក្នុងពិភពលោកនៅឆ្នាំនេះមែន ឬយ៉ាងណា។ លោកបានប្រាប់សន្និសីទសារព័ត៌មានថា នៅសប្ដាហ៍នេះយើងបានជួបប្រទះសោកនាដកម្មធ្ងន់ធ្ងរបំផុតដោយមានអ្នកស្លាប់ ១លាននាក់ត្រូវបានរាយការណ៍តែនៅឆ្នាំនេះ។ យើងមិនអាចនិយាយថា យើងកំពុងរៀនរស់ជាមួយវីរុស COVID-19 នៅពេលមនុស្ស ១លាននាក់បានស្លាប់ដោយសារវីរុស COVID-19 តែនៅក្នុងរយៈពេល ១ឆ្នាំនេះ នៅពេលយើងបានហែលឆ្លងជំងឺរាតត្បាតសកលរយៈកាល ២ឆ្នាំកន្លងមកនេះ ហើយយើងមានឧបករណ៍ចាំបាច់ទាំងអស់ ដើម្បីទប់ស្កាត់ការស្លាប់ទាំងនេះ។យើងបានស្នើដល់រដ្ឋាភិបាលមទាំងអស់ឲ្យពង្រឹងកិច្ចខិតខំប្រឹងប្រែងរបស់ខ្លួន ដើម្បីចាក់វ៉ាក់សាំងដល់ក្រុមបុគ្គលិកសុខាភិបាលទាំងអស់ មនុស្សចាស់ និងអ្នកទាំងឡាយដែលមានការប្រឈមខ្ពស់បំផុត និងដំណើរការចាក់វ៉ាក់សាំងជាមធ្យមឲ្យបាន ៧០% សម្រាប់ចំនួនប្រជាជនទាំងអស់លើពិភពលោក។ គួរឲ្យដឹងថា គិតត្រឹមថ្ងៃសុក្រ ទី២៦ សីហា ឆ្នាំ២០២២ នេះមានអ្នកស្លាប់ដោយសារជំងឺ COVID-19 ចំនួន ៦,៤៨២,៦៥១នាក់ និងអ្នកឆ្លងសរុបមាន ៦០៤,១១៥,១៧៩នាក់៕ អត្ថបទ៖ សុខមាន

សមាជិកព្រឹទ្ធសភាអាមេរិកមួយរូបទៀតទៅដល់កោះតៃវ៉ាន់ ដែលជាការផ្គើននឹងកំហឹងរបស់ក្រុងប៉េកាំង

កោះតៃវ៉ាន់៖ តំណាងរាស្ត្រសហរដ្ឋអាមេរិកមួយរូបទទួលបន្ទុកគណៈកម្មការផ្ដល់យោទ្ធសេវា និងពាណិជ្ជកម្មព្រឹទ្ធសភាបានដល់ទៅដល់កោះតៃវ៉ាន់កាលពីថ្ងៃព្រហស្បតិ៍ ទី២៥ ខែសីហា ជាដំណើរទស្សនកិច្ចលើកទី៣ ពីមន្ត្រីជាន់ខ្ពស់របស់សហរដ្ឋអាមេរិកនៅខែនេះ ជាការផ្គើននឹងសម្ពាធពីទីក្រុងប៉េកាំងឲ្យបញ្ឈប់ដំណើរទាំងនោះ។ ការិយាល័យលោកស្រី Blackburn បាននិយាយថា សមាជិកព្រឹទ្ធសភាលោកស្រី Marsha Blackburn បានទៅដល់ទីក្រុង Taipei របស់កោះតៃវ៉ាន់តាមយន្តហោះយោធាអាមេរិក ដោយមានការផ្សាយផ្ទាល់តាមទូរទស្សន៍ចេញពីអាកាសយានដ្ឋាន Songshan របស់កោះនេះ។ លោកស្រីត្រូវបានស្វាគមន៍នៅអាកាសយានដ្ឋាននេះដោយលោក Douglas Hsu អគ្គនាយកអាជ្ញាធរកិច្ចការបរទេសតៃវ៉ាន់។ លោកស្រី Blackburn បាននិយាយថា កោះតៃវ៉ាន់គឺជាដៃគូដ៏រឹងមាំរបស់យើងនៅតំបន់ឥណ្ឌូ-ប៉ាស៊ីហ្វិក។ដំណើរទស្សនកិច្ចរបស់មន្ត្រីជាន់ខ្ពស់ទៅកាន់កោះតៃវ៉ាន់ គឺជាការបញ្ជាក់ពីជំហរគោលនយោបាយយូរអង្វែងរបស់សហរដ្ឋអាមេរិក។ ខ្ញុំនឹងមិនត្រូវបានសម្លុតពីសំណាក់ប្រទេសចិន ឲ្យបែរខ្នងដាក់កោះនេះនោះទេ។ ប្រទេសចិនដែលអះអាងថា កោះតៃវ៉ាន់គឺជាដែនដីរបស់ខ្លួន ប្រឆាំងដាច់ខាតចំពោះរដ្ឋាភិបាលដឹកនាំបែបលទ្ធិប្រជាធិបតេយ្យនៅក្នុងទីក្រុង Taipei ដោយបានធ្វើសមយុទ្ធយោធាជិតកោះនេះ ក្រោយដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi កាលពីថ្ងៃទី២ ខែសីហាកន្លងទៅ៕អត្ថបទ៖ សុខមាន

លោកនាយករដ្ឋមន្ត្រីថៃ Prayut ដែលត្រូវបានផ្អាកតំណែងនិយាយថា លោកនឹងបន្តតួនាទីជារដ្ឋមន្ត្រីការពារជាតិ

ថៃ៖ មេដឹកនាំថៃលោក Prayut Chan-o-cha ដែលត្រូវបានផ្អាកពីតំណែងបាននិយាយនៅលើបណ្ដាញសង្គមថា លោកនឹងបន្តតួនាទីរបស់លោកជារដ្ឋមន្ត្រីការពារជាតិ ក្នុងការថ្លែងសុន្ទរកថាដោយផ្ទាល់លើកដំបូងជាសាធារណៈ ចាប់តាំងពីតុលាការបានបញ្ជាឲ្យលោកផ្អាកតួនាទីរបស់លោកជានាយករដ្ឋមន្ត្រី ខណៈដែលតុលាការបានត្រួតពិនិត្យអាណត្តិរបស់លោកឡើងវិញ។ លោកឧបនាយករដ្ឋមន្ត្រី Prawit Wongsuwan កំពុងកាន់តំណែងជានាយករដ្ឋមន្ត្រីស្ដីទីរបស់ប្រទេស ដែលមានសេដ្ឋកិច្ចធំបំផុតទី២ របស់អាស៊ី-អាគ្នេយ៍មួយនេះ។ លោក Prayuth បាននិយាយនៅលើគណនី Twitter ផ្លូវការរបស់លោកកាលពីយប់ថ្ងៃព្រហស្បតិ៍ថា ខ្ញុំនឹងបន្តបំពេញតួនាទី និងទំនួលខុសត្រូវរបស់ខ្ញុំជារដ្ឋមន្ត្រីការពារជាតិសម្រាប់ប្រជាជន និងប្រទេសថៃជារៀងរាល់ថ្ងៃ។ភាពចម្រូងចម្រាសជុំវិញការកំណត់អាណត្តិរបស់លោក Prayuth គឺជាព្រឹត្តិការណ៍ចុងក្រោយបំផុតក្នុងពេលជិត ២ទសវត្សរ៍នៃភាពចលាចលខាងនយោបាយផ្ទួនៗគ្នា រួមទាំងរដ្ឋប្រហារចំនួន២លើក និងការតវ៉ាដោយហិង្សាបង្កឡើងដោយក្រុមប្រឆាំង ចំពោះការលូកដៃរបស់យោធានៅក្នុងនយោបាយ និងទាមទារឲ្យមានតំណាងកាន់តែទូលំទូលាយ ខណៈការយល់ដឹងខាងនយោបាយកាន់តែមានភាពជឿនលឿន។ អ្នកនាំពាក្យរដ្ឋាភិបាលលោក Anucha Burapachaisri បាននិយាយនៅថ្ងៃសុក្រនេះថា គណៈរដ្ឋមន្ត្រីនៅតែបន្តមុខងាររបស់ខ្លួនជាធម្មតា៕អត្ថបទ៖ សុខមាន

មនុស្សរាប់ម៉ឺននាក់ធ្វើបាតុកម្មនៅក្នុងបណ្តាប្រទេសនានាក្នុងខួបលើកទី៣១ ទិវាឯករាជ្យអ៊ុយក្រែន

អ៊ីតាលី៖ នៅក្នុងប្រទេសអ៊ីតាលី មនុស្សរាប់រយនាក់រួមទាំងប្រជាជនអ៊ុយក្រែន បានចេញធ្វើបាតុកម្មតាមដងផ្លូវនានាក្នុងទីក្រុងរ៉ូមដើម្បីប្រារព្ធខួបលើកទី៣១ នៃការប្រកាសឯករាជ្យរបស់ប្រទេសអ៊ុយក្រែនពីសហភាពសូវៀត ខណៈកាលពីថ្ងៃពុធបានកំណត់រយៈពេល ៦ខែនៃសង្គ្រាមនៅអ៊ុយក្រែន។ ក្នុងអំឡុងការហែក្បួនប្រជាជនបានច្រៀងចម្រៀងជាតិរបស់អ៊ុយក្រែន និងបានស្រែកពាក្យថ្កោលទោសប្រធានាធិបតីរុស្ស៊ីលោក វ្ល៉ាឌីមៀ ពូទីន។ មនុស្សជាច្រើនបានកាន់ទង់ជាតិប្រទេសអ៊ុយក្រែន ខណៈជាច្រើននាក់បានស្រក់ទឹកភ្នែកនៅពេលច្រៀងចម្រៀង។ ឯកអគ្គរដ្ឋទូតប្រចាំប្រទេសអ៊ីតាលីមកពីប្រទេសអាល្លឺម៉ង់ ប៉ូឡូញ និងអ៊ុយក្រែនបានចូលរួមក្នុងការដើរដង្ហែក្បួនដោយមានកាន់ទង់ជាតិអ៊ុយក្រែនប្រវែង ៣០ម៉ែត្រ។ នៅក្នុងប្រទេសក្រិក មនុស្សរាប់រយនាក់ រួមទាំងប្រជាជនអ៊ុយក្រែនដែលរស់នៅក្នុងប្រទេសនេះ បានចេញធ្វើបាតុកម្មនៅកណ្តាលទីក្រុង Athens។ រយៈពេល ៦ខែបន្ទាប់ពីរុស្ស៊ីបានវាយលុកចូលអ៊ុយក្រែន កងកម្លាំងរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន បានជួបប្រទះការទប់ទល់របស់អ៊ុយក្រែនយ៉ាងស្វិតស្វាញ ដោយមិននឹកស្មានដល់ក្នុងការវាយលុកចូលរបស់ពួកគេ ហើយបានបោះបង់ចោលការខិតខំដើម្បីដណ្តើមយករដ្ឋធានី។នៅក្នុងប្រទេសអ៊ីស្រាអែល ប្រជាជនអ៊ុយក្រែនរាប់រយនាក់រួមជាមួយអ្នកគាំទ្រ ក៏បានប្រារព្ធទិវាឯករាជ្យជាតិអ៊ុយក្រែននៅទីក្រុង Tel Aviv ។ ឯកអគ្គរដ្ឋទូតអ៊ុយក្រែនប្រចាំនៅប្រទេសអ៊ីស្រាអែលលោក Yevgen Korniychuck បាននិយាយនៅក្នុងពេលបាតុកម្មនេះថា យើងប្រហែលជាមិនអាចសង្គ្រោះបាន ដោយគ្មានជំនួយពីអន្តរជាតិដ៏ធំបែបនេះនោះទេ។ លោកបានបន្តបង្ហាញក្តីសង្ឃឹមថា ទិវាឯករាជ្យនៅពេលក្រោយ យើងនឹងជួបជុំមិត្តភ័ក្តិរបស់យើងនៅអ៊ុយក្រែនសេរី និងឯករាជ្យជាកន្លែងមានសន្តិភាព។ នៅប្រទេសព័រទុយហ្គាល់ ក្នុងទីក្រុង Lisbon សហគមន៍អ៊ុយក្រែនបានប្រារព្ធទិវាឯករាជ្យរបស់ប្រទេស ស្របពេលជាមួយរយៈពេល ៦ខែនៅក្នុងសង្គ្រាម។ នៅជិតរូបសំណាករបស់កវីអ៊ុយក្រែន Taras Shevchenko សុន្ទរកថារបស់មេដឹកនាំសហគមន៍ ឯកអគ្គរដ្ឋទូតអ៊ុយក្រែន និងក្រុមផ្សេងទៀតបានផ្ញើសារគាំទ្រដល់ក្រុមជួរមុខ និងគោរពវិញ្ញាណក្ខន្ធអ្នកដែលបានបាត់បង់ជីវិត។នៅប្រទេសប៉ូឡូញឯណោះវិញ ប្រជាជនអ៊ុយក្រែនរាប់ពាន់នាក់បានចូលរួមការប្រមូលផ្តុំគ្នា ក្នុងទិវាឯករាជ្យនៅទីក្រុង Warsaw និងទីក្រុងផ្សេងទៀតដោយទាមទារថា រុស្ស៊ីត្រូវតែបានដាក់ឈ្មោះជាអន្តរជាតិថា ជារដ្ឋភេរវកម្ម។ អ្នកដែលបានមកប្រមូលផ្ដុំគ្នាក្នុងក្រុង Old Town នៃទីក្រុង Warsaw បានច្រៀងចម្រៀងជាតិរបស់អ៊ុយក្រែន និងប៉ូឡូញ ហើយបានស្តាប់សារតាមវីដេអូរបស់ប្រធានាធិបតីអ៊ុយក្រែនលោក Volodymyr Zelenskyy និងប្រធានាធិបតីប៉ូឡូញលោក Andrzej Duda។ ជាមួយគ្នានេះនៅប្រទេសអាល្លឺម៉ង់ មនុស្សរាប់ពាន់នាក់បានធ្វើបាតុកម្មនៅទីក្រុងប៊ែរឡាំង ដើម្បីរំលឹកដល់ការប្រកាសឯករាជ្យឆ្នាំ១៩៩១ របស់អ៊ុយក្រែនពីសហភាពសូវៀត។ Tetiana Mazurova ជនភៀសខ្លួនវ័យក្មេងមកពីអ៊ុយក្រែនបាននិយាយថា វាមានសារៈសំខាន់ខ្លាំងក្នុងការឈរនៅទីនេះនៅថ្ងៃនេះ ព្រោះថ្ងៃនេះជាថ្ងៃឯករាជ្យរបស់អ៊ុយក្រែន។ វាមានសារៈសំខាន់ខ្លាំងសម្រាប់យើងម្នាក់ៗក្នុងការបង្ហាញពិភពលោកពីសង្គ្រាមនៅពេលនេះ។ប្រជាជនអ៊ុយក្រែនរាប់រយនាក់ និងអ្នកគាំទ្ររបស់ពួកគេបានដណ្តប់ទង់ជាតិ និងកាន់ស្លាកបានប្រមូលផ្តុំគ្នានៅខាងក្រៅការិយាល័យអង្គការសហប្រជាជាតិ ក្នុងទីក្រុងហ្សឺណែវដើម្បីប្រារព្ធទិវាឯករាជ្យរបស់អ៊ុយក្រែន។ ក្រុមអ្នកតវ៉ាបានស្រែកពាក្យដូចជា "រុស្ស៊ីជារដ្ឋភេរវកម្ម" និង "សង្គ្រោះអង្គភាព Azov"។ ការប្រមូលផ្តុំគ្នានេះបានធ្វើឡើងនៅខាងក្រៅអគារ ដែលជាទីស្នាក់ការរបស់ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ៕អត្ថបទ៖ ប៊ុនថន

ស្នងការនគរបាលជប៉ុនលាលែងពីតំណែងជុំវិញឃាតកម្មលើអតីតនាយករដ្ឋមន្ត្រីជប៉ុន Shinzo Abe

ជប៉ុន៖ ស្នងការនគរបាលជាតិជប៉ុនបាននិយាយនៅថ្ងៃព្រហស្បតិ៍នេះថា លោកនឹងលាលែងពីតំណែងដើម្បីទទួលខុសត្រូវ ចំពោះការបាញ់សម្លាប់អតីតនាយករដ្ឋមន្ត្រីជប៉ុនលោក Shinzo Abe នៅពេលថ្លែងសុន្ទរកថាយុទ្ធនាការបោះឆ្នោតសភាកាលពីខែមុន។ សេចក្ដីប្រកាសរបស់ប្រធានទីភ្នាក់ងារនគរបាលជាតិលោក Itaru Nakamura មានឡើង ខណៈទីភ្នាក់ងាររបស់លោកបញ្ចេញរបាយការណ៍មួយ ពីរបៀបដែលខ្លួនបរាជ័យក្នុងការការពារជីវិតរបស់លោក Abe កាលពីថ្ងៃទី៨ ខែមិថុនា នៅពេលត្រូវបានធ្វើឃាតក្នុងទីក្រុងណារ៉ាភាគខាងលិចប្រទេសជប៉ុន។ របាយការណ៍របស់នគរបាលបានរកឃើញចន្លោះប្រហោងមួយចំនួន ក្នុងការការពាររបស់នគរបាលលើសុវត្ថិភាពលោក Abe ដែលអាចឲ្យខ្មាន់កាំភ្លើងបាញ់សម្លាប់លោកពីក្រោយខ្នង។លោក Nakamura បាននិយាយថា លោកបានទទួលខុសត្រូវចំពោះការស្លាប់របស់លោក Abe ហើយថា លោកបានដាក់លិខិតលាលែងពីតំណែងទៅកាន់គណៈកម្មការសុវត្ថិភាពសាធារណៈជាតិកាលពីព្រឹកមិញនេះ។ យ៉ាងណាលោកមិនបាននិយាយទេថា តើការលាលែងពីតំណែងជាផ្លូវការរបស់លោកនឹងធ្វើឡើងនៅពេលណា។ សារព័ត៌មានជប៉ុនបានរាយការណ៍ថា ការលាលែងរបស់លោកត្រូវគេរំពឹងថា នឹងអនុម័តនៅក្នុងកិច្ចប្រជុំគណៈរដ្ឋមន្ត្រីនៅថ្ងៃសុក្រសប្ដាហ៍នេះ៕អត្ថបទ៖ សុខមាន

ក្រុមអ្នកតវ៉ាទាមទារឲ្យលោក Prayuth Chan-ocha ចុះចេញពីតំណែង ក្រោយផ្អាកតួនាទី

ថៃ៖ ក្រុមអ្នកតវ៉ាបានប្រមូលផ្ដុំគ្នានៅក្នុងទីក្រុង Bangkok កាលពីថ្ងៃពុធ ក្រោយការផ្អាកតំណែងរបស់លោកនាយករដ្ឋមន្ត្រី Prayuth Chan-ocha និងបានប្រកាសថា លោក Prawit Wongsuwan នឹងក្លាយជានាយករដ្ឋមន្ត្រីស្ដីទី។ តុលាការធម្មនុញ្ញថៃបានសម្រេចកាលពីថ្ងៃពុធថា លោក Prayuth ត្រូវតែផ្អាកតួនាទីសកម្មរបស់លោក ខណៈដែលតុលាការសម្រេចថា តើលោកត្រូវកាន់តំណែងហួសពីអាណត្តិស្របច្បាប់របស់លោក ឬយ៉ាងណា។ មនុស្សរាប់សិបនាក់មកពីចលនាប្រជាធិបតេយ្យបានទៅកាន់អគាររដ្ឋាភិបាលដោយថ្មើរជើង ទោចក្រយានយន្ត ឬរថយន្តដើម្បីតវ៉ាឲ្យលោក Prayuth ចុះចេញពីតំណែង។ អ្នកតវ៉ាម្នាក់គឺអ្នកស្រី Ginny Jin បានប្រាប់សារព័ត៌មាន AP កាលពីថ្ងៃពុធថា យើងមិនទទួលយកមនុស្សទាំងនេះទេ លោក Prawit Wongsuwan មិនដែលធ្វើអ្វីឲ្យសាធារណជនពេញចិត្តទេ ផ្ទុយទៅវិញអាងអំណាចប្រឆាំងប្រជាពលរដ្ឋ។ក្រុមអ្នកតវ៉ាបានស្វាគមន៍សេចក្ដីសម្រេចរបស់តុលាការធម្មនុញ្ញ ដែលបានផ្អាកតួនាទីរបស់លោកនាយករដ្ឋមន្ត្រី Prayuth Chan-ocha ជាអ្នកដែលបានដឹកនាំរដ្ឋប្រហារយោធាឆ្នាំ២០១៤ ដោយរំលោភទៅនឹងការកំណត់អាណត្តិរបស់ប្រទេសនេះ៕អត្ថបទ៖ សុខមាន

សមាជិកអង្គការសហប្រជាជាតិតិចជាង ១ភាគ៣ គាំទ្រសេចក្ដីថ្លែងការណ៍ប្រឆាំងរុស្ស៊ីក្នុងជម្លោះអ៊ុយក្រែន

UN៖ សេចក្ដីថ្លែងការណ៍រួមមួយប្រឆាំងរុស្ស៊ីស្ដីពីជម្លោះក្នុងប្រទេសអ៊ុយក្រែន ដែលបានចេញផ្សាយកាលពីថ្ងៃពុធត្រូវបានគាំទ្រដោយសមាជិកត្រឹមតែ ៥៨ប្រទេសប៉ុណ្ណោះរបស់អង្គការសហប្រជាជាតិ ឬតិចជាង ១ភាគ៣ នៃសមាជិកសរុបចំនួន ១៩៣ប្រទេសរបស់អង្គការនេះ។ តំណាងអចិន្ត្រៃយ៍របស់អ៊ុយក្រែនប្រចាំនៅអង្គការសហប្រជាជាតិលោក Sergey Kislitsa បានអានឯកសារនោះទៅកាន់ក្រុមអ្នកសារព័ត៌មាននៅទីស្នាក់ការកណ្ដាលរបស់អង្គការសហប្រជាជាតិ និងបានអានឈ្មោះរដ្ឋទាំងអស់ដែលបានគាំទ្រសេចក្ដីថ្លែងការណ៍នោះ។ ក្នុងចំណោមម្ចាស់ហត្ថលេខីនៃសេចក្ដីថ្លែងការណ៍នេះ គឺប្រទេសនៅសហភាពអឺរ៉ុប សហរដ្ឋអាមេរិក ចក្រភពអង់គ្លេស ហ្ស៊កហ្ស៊ី ទួរគី ប្រទេសមួយចំនួននៅអាស៊ី និងបណ្ដាប្រទេសនៅអាមេរិកឡាទីន។កាលពីថ្ងៃទី២៤ ខែកុម្ភៈ លោកប្រធានាធិបតីរុស្ស៊ី Vladimir Putin បានប្រកាសប្រតិបត្តិការណ៍សឹកពិសេស ឆ្លើយតបទៅនឹងសំណើសុំឲ្យជួយពីក្រុមប្រធានដឹកនាំសាធារណរដ្ឋ Donbass។ លោកបានបញ្ជាក់ថា ក្រុង Moscow គ្មានផែនការគ្រប់គ្រងដែនដីអ៊ុយក្រែនទេ គឺគ្រាន់តែមានបំណងធ្វើឲ្យប្រទេសជិតខាងមួយនេះគ្មានកងទ័ព និងលុបបំបាត់របបណាស៊ីនិយម។ ក្រោយការវាយលុក លោកខាងលិចបានចាប់ផ្ដើមដាក់ទណ្ឌកម្មទ្រង់ទ្រាយធំបំផុតប្រឆាំងនឹងរុស្ស៊ី ហើយបានបង្កើនការផ្គត់ផ្គង់គ្រឿងសព្វាវុធដល់អ៊ុយក្រែន៕អត្ថបទ៖ សុខមាន

នាយករដ្ឋមន្ត្រីថៃដែលត្រូវបានព្យួរពីតួនាទីនឹងចូលរួមកិច្ចប្រជុំក្រសួងការពារជាតិ

ថៃ៖ នាយករដ្ឋមន្ត្រីថៃដែលត្រូវបានព្យួរពីតួនាទីលោក Prayuth Chan-ocha នឹងចូលរួមកិច្ចប្រជុំនៅក្រសួងការពារជាតិនៅថ្ងៃព្រហស្បតិ៍ ខណៈសម្ព័ន្ធមិត្តដ៏យូរអង្វែងរបស់លោក បានចាប់ផ្តើមថ្ងៃដំបូងជានាយករដ្ឋមន្ត្រីស្តីទី ហើយប្រទេសថៃបានប្រឈមភាពមិនច្បាស់លាស់ជាច្រើនសប្តាហ៍ ខណៈដែលតុលាការពិចារណាពីអនាគតរបស់លោក Prayuth។ លោក Prayuth វ័យ ៦៨ឆ្នាំបានរក្សាតំណែងគណៈរដ្ឋមន្ត្រីរបស់លោកជារដ្ឋមន្ត្រីក្រសួងការពារជាតិ បន្ទាប់ពីតុលាការធម្មនុញ្ញបានព្យួរតួនាទីលោកពីការងារកំពូលកាលពីថ្ងៃពុធ ដោយរង់ចាំការត្រួតពិនិត្យឡើងវិញអំពីការកំណត់អាណត្តិរយៈពេល ៨ឆ្នាំរបស់លោកតាមរដ្ឋធម្មនុញ្ញ។ តុលាការបានសម្រេចដើម្បីពិចារណាលើញត្តិ របស់គណបក្សប្រឆាំងដ៏ធំ ដែលបានចោទប្រកាន់ថា លោក Prayuth ដែលឡើងកាន់តំណែងដំបូងជាមេបញ្ជាការកងទ័ពក្នុងឆ្នាំ២០១៤ នៅពេលនោះលោកជាមេបញ្ជាការកងទ័ពដែលបានឈានដល់អាណត្តិ ៨ឆ្នាំដោយសារពេលវេលារបស់លោកជាមេបញ្ជាការគួរតែត្រូវបានរាប់បញ្ចូល។ តុលាការបានព្យួរតួនាទីលោក Prayuth ដោយរង់ចាំការសម្រេចលើញត្តិនេះ ប៉ុន្តែមិនទាន់ត្រូវបានផ្តល់កាលបរិច្ឆេទនៅឡើយទេ៕អត្ថបទ៖ ប៊ុនថន

នាយករដ្ឋមន្ត្រីថៃត្រូវបានផ្អាកតួនាទី ហើយឧបនាយករដ្ឋមន្ត្រីគឺជានាយករដ្ឋមន្ត្រីចាំផ្ទះ

ថៃ៖ តុលាការធម្មនុញ្ញរបស់ប្រទេសថៃបានផ្អាកតួនាទីផ្លូវការ របស់លោកនាយករដ្ឋមន្ត្រី Prayut Chan-o-cha កាលពីថ្ងៃពុធ បន្ទាប់ពីបានសម្រេចចំពោះសវនាការលើញត្តិតវ៉ា ដែលទាមទារឲ្យត្រួតពិនិត្យឡើងវិញអំពីការកំណត់អាណត្តិ តាមច្បាប់រយៈពេល ៨ឆ្នាំរបស់លោក។ ឧបនាយករដ្ឋមន្ត្រីថៃលោក Prawit Wongsuwan ធ្វើជាមេដឹកនាំចាំផ្ទះចាប់ពីថ្ងៃពុធ។ អ្នកនាំពាក្យរដ្ឋាភិបាលលោក Anucha Burapachaisri បាននិយាយនៅក្នុងសេចក្តីថ្លែងការណ៍ថា ឧត្តមសេនីយ៍ Prayut Chan-o-cha គោរពយ៉ាងពេញលេញនូវសេចក្តីសម្រេចរបស់តុលាការធម្មនុញ្ញ ហើយផ្អាកការបំពេញតួនាទីជានាយករដ្ឋមន្ត្រីចាប់ពីថ្ងៃនេះ។ លោក Prayut មានអាយុ ៦៨ឆ្នាំនឹងបន្តធ្វើជារដ្ឋមន្ត្រីក្រសួងការពារជាតិ។ ដោយត្រូវបានគេចាត់ទុកយ៉ាងទូលំទូលាយថាជាអ្នកនយោបាយជើងចាស់ លោក Prawit នឹងដឹកនាំគណបក្ស Palang Pracharath ជាគណបក្សធំបំផុតនៅក្នុងរដ្ឋាភិបាលចម្រុះ។ ញត្តិនេះត្រូវបានដាក់ដោយគណបក្សប្រឆាំងដ៏ធំដែលបានអះអាងថា ពេលវេលារបស់លោក Prayut ដែលបានចំណាយក្នុងតួនាទីជាប្រមុខរដ្ឋាភិបាលយោធា បន្ទាប់ពីលោកបានធ្វើរដ្ឋប្រហារនៅពេលដែលលោកនៅជាមេបញ្ជាការកងទ័ពនៅក្នុងឆ្នាំ២០១៤ ដែលគួរតែរាប់បញ្ចូលទៅក្នុងអាណត្តិរបស់លោកដែលមានចែងក្នុងរដ្ឋធម្មនុញ្ញរយៈពេល ៨ឆ្នាំ។ទោះបីជាលោក Prayut អាចទទួលបានមកវិញនូវមុខតំណែងរបស់លោក នៅពេលដែលតុលាការធ្វើសេចក្តីសម្រេចក្តី ប៉ុន្តែការព្យួរដ៏គួរឱ្យភ្ញាក់ផ្អើលរបស់លោកបានធ្វើឱ្យនយោបាយប្រទេសថៃមានភាពច្របូកច្របល់។ តុលាការបានពិចារណាលើញត្តិ និងឯកសារពាក់ព័ន្ធ ហើយយល់ឃើញថា អង្គហេតុដែលចេញពីញត្តិនោះជាមូលហេតុ សម្រាប់ការសាកសួរតាមការទាមទារ។ តុលាការបានប្រាប់ប្រព័ន្ធផ្សព្វផ្សាយនៅក្នុងសេចក្តីថ្លែងការណ៍ថា លោក Prayut មានរយៈពេល ១៥ថ្ងៃដើម្បីឆ្លើយតប ហើយគណៈកម្មការអង្គចៅក្រមមួយក្រុមបានចេញសេចក្តីសម្រេចមានសំឡេងគាំទ្រ ៥ ទល់នឹង ៤ ចំពោះការព្យួរតួនាទីរបស់លោកដែលចាប់ផ្តើមពីថ្ងៃពុធ។ គេមិនដឹងច្បាស់នោះទេថា តើពេលណាតុលាការនឹងចេញសេចក្តីសម្រេចចុងក្រោយលើញត្តិនេះ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រសួងការងារ ពង្រឹងការអនុវត្តច្បាប់ ដើម្បីបង្ការនិងឈានទៅលុបបំបាត់ពលកម្មកុមារ ព្រមទំាងលើកកម្ពស់លក្ខខណ្ឌសុវត្ថិភាពនិងសុខភាពការងារនៅតាមសិប្បកម្មផលិតឥដ្ឋ ក្បឿង

ប.ស.ស. ដាក់ឱ្យដំណើរការ «ម៉ាស៊ីនបញ្ជាក់អត្តសញ្ញាណស្វ័យប្រវត្តិ ប.ស.ស. (AIM NSSF)» កាត់បន្ថយការកកស្ទះ និងរង់ចាំយូររបស់ពលរដ្ឋទៅទទួលសេវា

អគារសិក្សា១ខ្នង កម្ពស់ ៣ជាន់ ដែលជាអំណោយរបស់ សម្ដេចធិបតី ហ៊ុន ម៉ាណែត និងលោកជំទាវបានរៀបចំពិធីក្រុងពាលីបញ្ចុះបឋមសិលាបើកការដ្ឋានសាងសង់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

សាលាដែលមានសិស្សជាប់និទ្ទេសAច្រើន និងអត្រាសិស្សជាប់បាក់ឌុបខ្ពស់ នឹងចាត់ជាសាលាគំរូ

កម្ពុជាបោះជំហានឆ្ពោះទៅជាមជ្ឈមណ្ឌលដឹកជញ្ជូនតាមផ្លូវអាកាសក្នុងតំបន់ ខណៈទំនិញដឹកតាមផ្លូវអាកាសកើន ២១%

រដ្ឋមន្រ្ដីក្រសួងព័ត៌មាន៖«សំឡេងនៃភស្តុតាង ឮខ្លាំងជាងសំឡេងនៃការកុហក និងការបដិសេធ»

កីឡាករ កីឡាការិនីហាប់គីដូកម្ពុជាទៅចូលរួមការប្រកួតនៅហុងកុងភាគច្រើនត្រូវចំណាយថវិការផ្ទាល់ខ្លួន

ប្រមុខUN ថ្កោលទោសការវាយប្រហាររវាងរុស្ស៊ី និងអ៊ុយក្រែន និងអំពាវនាវឱ្យមានបទឈប់បាញ់ជាបន្ទាន់

អ្នកវិភាគ៖ លោក Trump នឹងមិនទទួលយកការគ្រប់គ្រងរួមគ្នារវាងប្រទេសអ៊ីរ៉ង់ និងអូម៉ង់ឡើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សុន្ទរកថារបស់លោក Biden ត្រូវបានរំខានដោយបុរសម្នាក់ដែលស្រែកថា អ្នកបានលួចបន្លំការបោះឆ្នោត

អង្គការសុខភាពពិភពលោកនិយាយថា ក្នុងឆ្នាំ២០២២ មានអ្នកស្លាប់ដោយសារវីរុស COVID-19 ចំនួន ១លាននាក់

សមាជិកព្រឹទ្ធសភាអាមេរិកមួយរូបទៀតទៅដល់កោះតៃវ៉ាន់ ដែលជាការផ្គើននឹងកំហឹងរបស់ក្រុងប៉េកាំង

លោកនាយករដ្ឋមន្ត្រីថៃ Prayut ដែលត្រូវបានផ្អាកតំណែងនិយាយថា លោកនឹងបន្តតួនាទីជារដ្ឋមន្ត្រីការពារជាតិ

មនុស្សរាប់ម៉ឺននាក់ធ្វើបាតុកម្មនៅក្នុងបណ្តាប្រទេសនានាក្នុងខួបលើកទី៣១ ទិវាឯករាជ្យអ៊ុយក្រែន

ស្នងការនគរបាលជប៉ុនលាលែងពីតំណែងជុំវិញឃាតកម្មលើអតីតនាយករដ្ឋមន្ត្រីជប៉ុន Shinzo Abe

ក្រុមអ្នកតវ៉ាទាមទារឲ្យលោក Prayuth Chan-ocha ចុះចេញពីតំណែង ក្រោយផ្អាកតួនាទី

សមាជិកអង្គការសហប្រជាជាតិតិចជាង ១ភាគ៣ គាំទ្រសេចក្ដីថ្លែងការណ៍ប្រឆាំងរុស្ស៊ីក្នុងជម្លោះអ៊ុយក្រែន

នាយករដ្ឋមន្ត្រីថៃដែលត្រូវបានព្យួរពីតួនាទីនឹងចូលរួមកិច្ចប្រជុំក្រសួងការពារជាតិ

នាយករដ្ឋមន្ត្រីថៃត្រូវបានផ្អាកតួនាទី ហើយឧបនាយករដ្ឋមន្ត្រីគឺជានាយករដ្ឋមន្ត្រីចាំផ្ទះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សុន្ទរកថា​របស់​លោក Biden ត្រូវ​បាន​រំខាន​ដោយ​បុរស​ម្នាក់​ដែល​ស្រែក​ថា អ្នក​បាន​លួច​បន្លំ​ការបោះឆ្នោត​

អង្គការសុខភាពពិភពលោក​និយាយ​ថា ក្នុង​ឆ្នាំ​២០២២​ មាន​អ្នកស្លាប់​ដោយសារ​វីរុស COVID-19 ​ចំនួន​ ១​លាន​នាក់​

សមាជិក​ព្រឹទ្ធសភា​អាមេរិក​មួយរូប​ទៀត​ទៅដល់​កោះ​តៃវ៉ាន់ ដែលជា​ការផ្គើន​នឹង​កំហឹង​របស់​ក្រុង​ប៉េកាំង

ស្នងការ​នគរ​បាល​ជ​ប៉ុន​លាលែង​ពី​តំណែង​ជុំវិញ​ឃាតកម្ម​លើ​អតីត​នាយករដ្ឋមន្ត្រី​ជប៉ុន Shinzo Abe

ក្រុមអ្នកតវ៉ា​ទាមទារ​ឲ្យ​លោក Prayuth Chan-ocha ចុះ​ចេញពី​តំណែង ក្រោយ​ផ្អាក​តួនាទី​

នាយករដ្ឋមន្ត្រី​ថៃ​ដែល​ត្រូវ​បាន​ព្យួរ​ពី​តួនាទី​នឹង​ចូលរួម​កិច្ចប្រជុំ​ក្រសួងការពារជាតិ​

នាយករដ្ឋមន្ត្រី​ថៃ​ត្រូវ​បាន​ផ្អាក​តួនាទី ហើយ​ឧបនាយករដ្ឋមន្ត្រី​គឺជា​នាយករដ្ឋមន្ត្រី​ចាំផ្ទះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សុន្ទរកថារបស់លោក Biden ត្រូវបានរំខានដោយបុរសម្នាក់ដែលស្រែកថា អ្នកបានលួចបន្លំការបោះឆ្នោត

អង្គការសុខភាពពិភពលោកនិយាយថា ក្នុងឆ្នាំ២០២២ មានអ្នកស្លាប់ដោយសារវីរុស COVID-19 ចំនួន ១លាននាក់

សមាជិកព្រឹទ្ធសភាអាមេរិកមួយរូបទៀតទៅដល់កោះតៃវ៉ាន់ ដែលជាការផ្គើននឹងកំហឹងរបស់ក្រុងប៉េកាំង

ស្នងការនគរបាលជប៉ុនលាលែងពីតំណែងជុំវិញឃាតកម្មលើអតីតនាយករដ្ឋមន្ត្រីជប៉ុន Shinzo Abe

ក្រុមអ្នកតវ៉ាទាមទារឲ្យលោក Prayuth Chan-ocha ចុះចេញពីតំណែង ក្រោយផ្អាកតួនាទី

នាយករដ្ឋមន្ត្រីថៃដែលត្រូវបានព្យួរពីតួនាទីនឹងចូលរួមកិច្ចប្រជុំក្រសួងការពារជាតិ

នាយករដ្ឋមន្ត្រីថៃត្រូវបានផ្អាកតួនាទី ហើយឧបនាយករដ្ឋមន្ត្រីគឺជានាយករដ្ឋមន្ត្រីចាំផ្ទះ