BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

វ៉ាក់សាំងកូវិដ-១៩ (Pfizer) ជំនួយរបស់អូស្ត្រាលី ជិត៣០ម៉ឺនដូសទៀត នឹងដឹកមកដល់កម្ពុជានៅព្រឹកស្អែកនេះ

ភ្នំពេញ៖ លោកជំទាវយក់ សម្បត្តិ រដ្ឋលេខាធិការក្រសួងសុខាភិបាល បានប្រាប់ BTV ថា វ៉ាក់សាំងកូវីដ-១៩ ប្រភេទ Pfizer សម្រាប់ចាក់ជូនកូនក្មេងៗ ជិត៣០ម៉ឺនដូសទៀត(២៨៣.២០០ដូស ) ជាលេីកទីពីរ របស់រដ្ឋាភិបាល និងប្រជាជនអូស្ត្រាលី ជូនរាជរដ្ឋាភិបាលកម្ពុជា នឹងដឹកនាំមកដល់កម្ពុជានៅព្រឹកថ្ងៃទី២៦ ខែសីហា ឆ្នាំ២០២២ស្អែកនេះ៕

ចំនួនអ្នកស្លាប់ដោយសារទឹកជំនន់នៅប៉ាគីស្ថានបានកើនឡើងដល់ជាង ៨០០នាក់

ប៉ាគីស្ថាន៖ រដ្ឋមន្ត្រីទទួលបន្ទុកបម្រែបម្រួលអាកាសធាតុបាននិយាយកាលពីថ្ងៃពុធថា ភ្លៀងរដូវមូសុងដ៏ខ្លាំងក្លាបំផុតបានកំពុងបង្កឲ្យមានគ្រោះមហន្តរាយដ៏ធ្ងន់ធ្ងរ ដោយបានប្រកាសស្នើសុំជំនួយអន្តរជាតិក្នុងការដោះស្រាយទឹកជំនន់ ដែលបានសម្លាប់មនុស្សជាង ៨០០នាក់ចាប់តាំងពីខែមិថុនាមក។ ភ្លៀងមូសុងប្រចាំឆ្នាំមានសារៈសំខាន់ណាស់សម្រាប់ការស្រោចស្រពដំណាំ និងការបំពេញបន្ថែមទឹកក្នុងបឹង និងទំនប់ទឹកនៅទូទាំងអនុទ្វីបឥណ្ឌា ប៉ុន្តែជារៀងរាល់ឆ្នាំភ្លៀងរដូវមូសុងក៏នាំមកនូវរលកនៃការបំផ្លិចបំផ្លាញផងដែរ។ ភ្លៀងធ្លាក់ខ្លាំងបានបន្តធ្លាក់ខ្លាំងនៅប្រទេសប៉ាគីស្ថានកាលពីថ្ងៃពុធ ដែលក្រុមអាជ្ញាធររាយការណ៍ថា មានមនុស្សជាង ១០នាក់បន្ថែមទៀតបានស្លាប់រួមទាំងកុមារ ៩នាក់ក្នុងពេល ២៤ម៉ោងចុងក្រោយនេះ។ស្ត្រីម្នាក់ដែលមានឈ្មោះថា Khanzadi បានប្រាប់សារព័ត៌មាន AFP នៅក្នុងស្រុក Jaffarabad នៃខេត្ត Balochistan ដែលរងគ្រោះធ្ងន់ធ្ងរជាងគេថា ភ្លៀងកំពុងបន្តធ្លាក់រយៈពេលមួយខែហើយរហូតមកដល់ពេលនេះ។ ពួកគេគ្មាននៅសេសសល់អ្វីទៀតទេ។ យើងមានតែពពែតែមួយក្បាលប៉ុណ្ណោះ ហើយបានលង់ងាប់ក្នុងទឹកជំនន់ទៀត ពេលនេះយើងគ្មាននៅសេសសល់អ្វីទៀតទេ ហើយកំពុងសម្រាកនៅតាមផ្លូវ ហើយប្រឈមនឹងការដាច់ពោះស្លាប់ទៀត៕អត្ថបទ៖ សុខមាន

អ៊ីរ៉ង់៖ ខ្លួននឹងអនុញ្ញាតឲ្យមានការចុះពិនិត្យនុយក្លេអ៊ែរដែលបានឯកភាពក្នុងកិច្ចព្រមព្រៀងឆ្នាំ២០១៥ ប៉ុណ្ណោះ

អ៊ីរ៉ង់៖ មន្ត្រីអ៊ីរ៉ង់មួយរូបបានប្រកាសកាលពីថ្ងៃពុធថា ប្រទេសរបស់លោកនឹងមិនអនុញ្ញាតឲ្យមានការត្រួតពិនិត្យនុយក្លេអ៊ែរណាមួយ ហួសពីអ្វីដែលបានព្រមព្រៀងគ្នាក្នុងការរៀបចំកាលពីឆ្នាំ២០១៥ ជាមួយសហរដ្ឋអាមេរិកឡើយ។ យោងតាមវីដេអូចេញផ្សាយដោយសារព័ត៌មានរដ្ឋ លោក Mohammad Eslami ប្រធានអង្គការថាមពលអាតូមិករបស់អ៊ីរ៉ង់បាននិយាយថា យើងត្រូវបានប្ដេជ្ញាចិត្តឲ្យមានការត្រួតពិនិត្យក្នុងគ្របខណ្ឌនៃកិច្ចព្រមព្រៀងនុយក្លេអ៊ែរ ដែលត្រូវបានជាប់ពាក់ព័ន្ធនឹងការរឹតត្បិតការផលិតនុយក្លេអ៊ែរ ដែលយើងបានទទួលយកកាលពីកន្លងទៅ ម៉ាត់ណា ម៉ាត់នឹង។ សេចក្ដីថ្លែងការណ៍របស់លោក Eslami ទំនងជាបដិសេធទៅនឹងរបាយការណ៍កាលពីដើមសប្ដាហ៍នេះដែលថា អ៊ីរ៉ង់បានទម្លាក់ចោលការទាមទារសំខាន់ៗរបស់ខ្លួនមួយចំនួន។របាយការណ៍ទាំងនោះបានលើកឡើងថា ទីក្រុងតេអេរ៉ង់កំពុងបន្ធូរបន្ថយភាពរឹងរូសរបស់ខ្លួន ដែលក្រុមអធិការកិច្ចអន្តរជាតិបិទការស៊ើបអង្កេតមួយចំនួននៃកម្មវិធីអាតូមិរបស់ខ្លួន ដែលធ្វើឲ្យជិតសម្រេចបានកិច្ចព្រមព្រៀង។ ទីក្រុង Washington មានបំណងឆ្លើយតបក្នុងពេលឆាប់ៗនេះ ទៅនឹងពង្រាងកិច្ចព្រមព្រៀងដែលបានស្នើឡើងដោយសហភាពអឺរ៉ុប ដែលនឹងស្រោចស្រង់កិច្ចព្រមព្រៀងនុយក្លេអ៊ែរឆ្នាំ២០១៥ ជាមួយអ៊ីរ៉ង់ ដែលអតីតប្រធានាធិបតី Donald Trump បានលុបចោល ហើយប្រធានាធិបតីបច្ចុប្បន្នគឺលោក Joe Biden បានព្យាយាមស្រោចស្រង់ឡើងវិញ៕ អត្ថបទ៖ សុខមាន

ប្រមុខអង្គការសហប្រជាជាតិអំពាវនាវឲ្យមានសន្តិភាព ខណៈអ៊ុយក្រែនប្រារព្ធទិវាឯករាជ្យ ៣១ឆ្នាំ

UN៖ ប្រមុខអង្គការសហប្រជាជាតិបានអំពាវនាវឲ្យមានសន្តិភាពកាលពីថ្ងៃពុធ នៅថ្ងៃប្រារព្ធទិវាឯករាជ្យជាតិ ៣១ឆ្នាំរបស់អ៊ុយក្រែនពីសហភាពសូវៀត និង ៦ខែនៃការការពារខ្លួនពីសង្គ្រាមបង្កើតឡើងដោយរុស្ស៊ី។ អគ្គលេខាធិការអង្គការសហប្រជាជាតិលោក Antonio Guterres បានប្រាប់កិច្ចប្រជុំក្រុមប្រឹក្សាសន្តិសុខអង្គការសហប្រជាជាតិថា ប្រជាពលរដ្ឋអ៊ុយក្រែន និងពិភពលោកត្រូវការសន្តិភាព ពួកគេត្រូវការសន្តិភាពនៅពេលនេះ។ ជនស៊ីវិលរាប់ពាន់នាក់បានស្លាប់ និងរងរបួសរួមទាំងកុមាររាប់រយនាក់ ចាប់តាំងពីរុស្ស៊ីបើកការវាយប្រហារលើអ៊ុយក្រែនកាលពីថ្ងៃទី២៤ ខែកុម្ភៈ។ លោក Guterres បាននិយាយថា ផលវិបាកទាំងឡាយកើតចេញពីសង្គ្រាមឥតប្រយោជន៍នេះកំពុងធ្វើឲ្យគេគិតថា វារីកសាយហួសពីប្រទេសអ៊ុយក្រែន។ យើងកំពុងមើលឃើញភាពងាយរងគ្រោះថ្មីៗលេចចេញជារូបរាង នៅក្នុងបរិស្ថានសកលដែលគ្របដណ្ដប់ដោយជម្លោះ វិសមភាព និងវិបត្តិសេដ្ឋកិច្ច និងសុខភាពដោយសារជំងឺរាតត្បាតសកល និងបម្រែបម្រួលអាកាសធាតុរួចទៅហើយ ដែលប៉ះពាល់ធ្ងន់ធ្ងរដល់បណ្ដាប្រទេសកំពុងអភិវឌ្ឍន៍។លោកបន្ថែមថា ការឡើងថ្លៃតម្លៃស្បៀងអាហារ ជីកសិកម្ម និងប្រេងឥន្ធនៈបានបង្កឲ្យមានវិបត្តិសកល ដែលអាចបណ្ដាលឲ្យមនុស្សរាប់លាននាក់ធ្លាក់ចូលក្នុងភាពក្រីក្រ គ្រោះអត់ឃ្លាន និងកង្វះអាហារូបត្ថម្ភកាន់តែធ្ងន់ធ្ងរ។ លោកក៏បានព្រមានផងដែរថា ពិភពលោកនឹងពុំមានស្បៀងអាហារគ្រប់គ្រាន់នៅឆ្នាំ២០២៣ លុះត្រាតែទីផ្សារជីកសិកម្មមានស្ថិរភាព។ លោកថា កសិករជាច្រើននៅជុំវិញពិភពលោកកំពុងគ្រោងនឹងកាត់បន្ថយដី សម្រាប់ធ្វើកសិកម្មនៅរដូវក្រោយ។ ការនាំចូលស្បៀងអាហារ និងជីកសិកម្មយ៉ាងច្រើនចេញពីអ៊ុយក្រែន និងរុស្ស៊ីដែលមានតម្លៃសមរម្យគឺសំខាន់ណាស់ ដើម្បីធ្វើឲ្យទីផ្សារទំនិញស្ងប់ស្ងាត់បន្ថែមទៀត និងការថយចុះតម្លៃសម្រាប់អ្នកប្រើប្រាស់៕អត្ថបទ៖ សុខមាន

លោក Zelenskyy៖ រ៉ូកែតរបស់រុស្ស៊ីសម្លាប់មនុស្ស ២២នាក់ក្នុងការវាយប្រហារទៅលើស្ថានីយរថភ្លើង

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បាននិយាយ ខណៈប្រទេសរបស់លោកប្រារព្ធខួបឯករាជ្យជាតិ ៣១ឆ្នាំនៃការផ្ដាច់ចេញពីការត្រួតត្រារបស់សហភាពសូវៀតក្រោមឥទ្ធិពលទីក្រុង Moscow ថា មនុស្សយ៉ាងហោចណាស់ ២២នាក់បានស្លាប់ និងរាប់សិបនាក់រងរបួសក្នុងការវាយប្រហារដោយគ្រាប់រ៉ូកែតរបស់រុស្ស៊ី ទៅលើស្ថានីយរថភ្លើងរបស់អ៊ុយក្រែនកាលពីថ្ងៃពុធ ទី២៤ ខែសីហាសប្ដាហ៍នេះ។ លោក Zelenskyy បានព្រមានកាលពីថ្ងៃអង្គារពីហានិភ័យ នៃសកម្មភាពបង្ករឿងគួរឱ្យស្អប់ខ្ពើមនៅថ្ងៃទិវាឯករាជ្យជាតិ ដែលត្រូវនឹងរយៈពេល ៦ខែគត់ចាប់តាំងពីកងកម្លាំងរុស្ស៊ីវាយលុកអ៊ុយក្រែន ធ្វើឲ្យក្លាយជាជម្លោះដ៏មហន្តរាយបំផុតរបស់អឺរ៉ុបចាប់តាំងពីសង្គ្រាមលោកលើកទី២ មក។ នៅក្នុងសុន្ទរកថាជាវីដេអូទៅកាន់ក្រុមប្រឹក្សាសន្តិសុខអង្គការសហប្រជាជាតិ លោក Zelenskyy បាននិយាយថា គ្រាប់រ៉ូកែតបានប៉ះចំរថភ្លើងមួយខ្សែនៅក្នុងទីប្រជុំជន Chaplyne ស្ថិតនៅចម្ងាយប្រមាណ ១៤៥គីឡូម៉ែត្រពីតំបន់ Donetsk គ្រប់គ្រងដោយរុស្ស៊ីនៅក្នុងប្រទេសអ៊ុយក្រែនភាគខាងកើត។ លោកថា ទូរថភ្លើងចំនួន ៤ ត្រូវបានឆេះបំផ្លាញ។ក្រសួងការពារជាតិរុស្ស៊ីមិនបានឆ្លើយតបភ្លាមៗ ទៅពីសំណើសូមការអត្ថាធិប្បាយ។ មេដឹកនាំអ៊ុយក្រែនវ័យ ៤៤ឆ្នាំរូបនេះបាននិយាយថា អ៊ុយក្រែននឹងដណ្ដើមយកមកវិញនូវតំបន់ទាំងឡាយ ដែលរុស្ស៊ីគ្រប់គ្រងនៅភាគខាងកើតអ៊ុយក្រែន និងឧបទ្វីបគ្រីមេដែលរុស្ស៊ីបានដាក់បញ្ចូលក្នុងឧបសម្ព័ន្ធកាលពីឆ្នាំ២០១៤៕អត្ថបទ៖ សុខមាន

អឺរ៉ុប និងអង្គការ NATO បញ្ជាក់ជាថ្មីអំពីការគាំទ្រអ៊ុយក្រែននៅក្នុងកិច្ចប្រជុំកំពូល

អឺរ៉ុប៖ សហភាពអឺរ៉ុប និងអង្គការ NATO បានអះអាងជាថ្មីនូវការគាំទ្រចំពោះអ៊ុយក្រែនរយៈពេលជិត ៦ខែបន្ទាប់ពីសង្គ្រាមបានចាប់ផ្តើម ហើយបាននិយាយថា ការដាក់បញ្ចូលឧបទ្វីបគ្រីមៀនឹងមិនត្រូវបានគេទទួលស្គាល់ឡើយ។ ប្រធានគណៈកម្មការអឺរ៉ុបលោកស្រី Ursula von der Leyen បាននិយាយតាមរយៈបណ្តាញវីដេអូពីទីក្រុង Brussels ថា យើងនឹងមិនទទួលស្គាល់ការដាក់បញ្ចូលឧបសម្ព័ន្ធដោយខុសច្បាប់នៃតំបន់គ្រីមៀ និងតំបន់ Sevastopol ដោយសហព័ន្ធរុស្ស៊ីឡើយ។ លោកស្រីបាននិយាយថា សហភាពអឺរ៉ុបនឹងធ្វើការដោយមិននឿយហត់ជាមួយអាជ្ញាធរអ៊ុយក្រែន និងដៃគូរបស់យើង ដើម្បីលាតត្រដាងការរំលោភបំពានទាំងនេះ នឹងឲ្យអ្នកប្រព្រឹត្តទទួលខុសត្រូវ ហើយគាំទ្រជនរងគ្រោះ យើងនៅជាមួយអ្នក។ អគ្គលេខាធិការអង្គការ NATO លោក Jens Stoltenberg បានអះអាងម្តងទៀតពីការបន្តគាំទ្ររបស់សម្ព័ន្ធមិត្តយោធាសហរដ្ឋអាមេរិក សម្រាប់ប្រទេសដែលហែកហួរដោយជម្លោះមួយនេះ។ លោក Stoltenberg និយាយថា យើងឈរនៅជាមួយអ៊ុយក្រែននាពេលនេះ។ យើងនឹងបន្តគាំទ្រអ៊ុយក្រែនដរាបណាប្រទេសនេះនៅតែត្រូវការ។ប្រធានក្រុមប្រឹក្សាអឺរ៉ុបលោក Charles Michel បានថ្កោលទោសការប្រើប្រាស់តំបន់គ្រីមៀដោយរុស្ស៊ី ក្នុងសង្គ្រាមដែលកំពុងបន្ត និងតួនាទីរបស់ឧបទ្វីបនេះក្នុងការរារាំងការនាំចេញគ្រាប់ធញ្ញជាតិ។ លោក Michel និយាយថា រុស្ស៊ីបានប្រើប្រាស់តំបន់គ្រីមៀជាឈ្នាន់នៃយុទ្ធសាស្ត្រ ដើម្បីឈ្លានពានគ្រប់ផ្នែកទាំងអស់នៅអ៊ុយក្រែនពីភាគខាងត្បូង និងដើម្បីវាយលុកមកលើអ៊ុយក្រែនប្រើប្រាស់មីស៊ីលដោយមិនរើសអើង។ នាយករដ្ឋមន្ត្រីអង់គ្លេសលោក Boris Johnson បានអះអាងម្តងទៀតនូវការគាំទ្ររបស់ចក្រភពអង់គ្លេស ចំពោះអ៊ុយក្រែនកាលពីថ្ងៃអង្គារក្នុងអំឡុងពេលសុន្ទរកថាតាមបណ្តាញអ៊ីនធឺណិត នៅក្នុងកិច្ចប្រជុំកំពូលស្តីពីតំបន់គ្រីមៀ។ ថ្លែងនៅថ្ងៃទីពីរនៃព្រឹត្តិការណ៍ដែលរៀបចំដោយទីក្រុងគីវ លោក Johnson បាននិយាយថា យើងនឹងមិនទទួលស្គាល់ការបញ្ចូលឧបសម្ព័ន្ធឧបទ្វីបគ្រីមៀរបស់រុស្ស៊ី ឬនៅទឹកដីអ៊ុយក្រែនផ្សេងទៀតឡើយ។ យើងត្រូវតែបន្តផ្តល់ឲ្យមិត្តអ៊ុយក្រែនរបស់យើងនូវការគាំទ្រផ្នែកយោធា មនុស្សធម៌ សេដ្ឋកិច្ច និងផ្នែកការទូតដែលពួកគេត្រូវការ រហូតដល់រុស្ស៊ីបញ្ចប់សង្គ្រាមដ៏ឃោរឃៅនេះ៕អត្ថបទ៖ ប៊ុនថន

អភិបាលរដ្ឋតិចសាស់និយាយថា ភ្លៀងធ្លាក់ខ្លាំងបំផុតលើកទីពីរនៅ Dallas ចាប់តាំងពីឆ្នាំ១៩៣២

សហរដ្ឋអាមេរិក៖ អភិបាលរដ្ឋតិចសាស់និយាយថា ប្រជាជនតំបន់ Dallas-Forth Worth ជួបបញ្ហាប្រឈមខុសធម្មតាក្នុងអំឡុងពេលទឹកជំនន់។ លោក Greg Abbott អភិបាលរដ្ឋបានចុះហត្ថលេខាលើសេចក្តីប្រកាសគ្រោះមហន្តរាយរដ្ឋសម្រាប់ ២៣ក្រុងនៃរដ្ឋតិចសាស់កាលពីថ្ងៃអង្គារ។ ភ្លៀងធ្លាក់ខ្លាំងនៅទូទាំងតំបន់ Dallas-Fort Worth ដែលរងគ្រោះដោយគ្រោះរាំងស្ងួត បានបណ្តាលឱ្យផ្លូវជាច្រើនកន្លែងជន់លិច ធ្វើឲ្យយានយន្តលិចក្នុងទឹក ខណៈមន្ត្រីបានព្រមានអ្នកបើកបរពីការធ្វើដំណើរ ហើយទឹកបានហូរចូលលំនៅឋាន និងទីតាំងពាណិជ្ជកម្ម។ នាយកដ្ឋានសេវាអាកាសធាតុជាតិនិយាយថា កម្រិតទឹកភ្លៀងជាង ៩អ៊ីញនៅអាកាសយានដ្ឋានអន្តរជាតិ Dallas-Fort Worth បានធ្លាក់ក្នុងរយៈពេល ២៤ម៉ោង ហើយបានរាំងនៅរសៀលថ្ងៃចន្ទ។អភិបាលរដ្ឋលោក Greg Abbott បាននិយាយថា វាគឺជាព្យុះភ្លៀង និងទឹកជំនន់អាក្រក់បំផុតលើកទីពីរនៅក្នុងទីក្រុង Dallas ចាប់តាំងពីឆ្នាំ១៩៣២ មក និងជាលើកទីពីរដែលអាក្រក់បំផុតនៅក្នុងកំណត់ត្រា។ ដូច្នេះហើយប្រជាជននៅក្នុងទីក្រុង Dallas ក៏ដូចជាតំបន់ទាំងមូលបានទទួលកម្រិតទឹកភ្លៀងដែលជាបញ្ហាប្រឈមខុសពីធម្មតា៕អត្ថបទ៖ ប៊ុនថន

ចិននឹងចាត់វិធានការលើដំណើរទស្សនកិច្ចរបស់ក្រុមតំណាងរាស្ត្រជប៉ុនទៅកាន់កោះតៃវ៉ាន់

ចិន៖ អ្នកនាំពាក្យក្រសួងការបរទេសចិននិយាយថា ប្រទេសនេះខកចិត្តខ្លាំងណាស់ចំពោះដំណើរទស្សនកិច្ចរបស់ក្រុមតំណាងរាស្ត្រជប៉ុនទៅកាន់កោះតៃវ៉ាន់ ហើយថា ខ្លួននឹងចាត់វិធានការម៉ឺងម៉ាត់ការពារអធិបតេយ្យភាពជាតិ និងបូរណភាពទឹកដីរបស់ខ្លួន។ លោក Furuya Keiji ដែលជាសមាជិកគណបក្សកាន់អំណាចប្រជាធិបតេយ្យសេរីនិយមរបស់ជប៉ុនដ៏សំខាន់ និងជាអតីតប្រធានគណៈកម្មការសុវត្ថិភាពសាធារណជាតិ បានជួបមេដឹកនាំកោះតៃវ៉ាន់លោកស្រី Tsai Ing- wen នៅក្នុងទីក្រុង Taipei កាលពីថ្ងៃអង្គារ។ លោក Furuya បានដឹកនាំក្រុមតំណាងរាស្ត្រអព្យាក្រឹត្យ ដើម្បីលើកកម្ពស់ការផ្លាស់ប្ដូរជាមួយកោះតៃវ៉ាន់។ លោកកំពុងបំពេញទស្សនកិច្ចនៅកោះតៃវ៉ាន់ជាមួយអគ្គលេខាធិការរបស់ក្រុមនេះ។ អ្នកនាំពាក្យក្រសួងការបរទេសចិនបាននិយាយថា ដំណើរទស្សនកិច្ចនេះជាការជ្រៀតជ្រែកយ៉ាងច្បាស់ក្នុងកិច្ចការផ្ទៃក្នុងរបស់ចិន និងជាការបញ្ជូនសញ្ញាខុសធ្ងន់ធ្ងរចំពោះអ្វីដែលចិនហៅថា ជាកម្លាំងបំបែកខ្លួនគាំទ្រឯករាជ្យកោះតៃវ៉ាន់។ អ្នកនាំពាក្យរូបនេះនិយាយថា បញ្ហាកោះតៃវ៉ាន់ប៉ះពាល់ដល់មូលដ្ឋានគ្រឹះនយោបាយនៃទំនាក់ទំនងចិន-ជប៉ុន និងទំនុកចិត្តជាមូលដ្ឋានរវាងប្រទេសរបស់យើងទាំង២៕អត្ថបទ៖ សុខមាន

UN មានបំណងធ្វើទស្សនកិច្ចនៅរោងចក្រនុយក្លេអ៊ែរអ៊ុយក្រែនដែលគ្រប់គ្រងដោយរុស្ស៊ី

UN៖ ទីភ្នាក់ងារនុយក្លេអ៊ែររបស់អង្គការសហប្រជាជាតិ កំពុងធ្វើសំណើថ្មីរបស់ខ្លួនដើម្បីវាយតម្លៃសុវត្ថិភាព និងសន្តិសុខនៅរោងចក្រនុយក្លេអ៊ែរធំបំផុតរបស់អឺរ៉ុបនៅភាគអាគ្នេយ៍ប្រទេសអ៊ុយក្រែន ដែលរុស្ស៊ី និងអ៊ុយក្រែនចោទប្រកាន់ដាក់គ្នាទៅវិញទៅមក ចំពោះការបាញ់ផ្លោងនៅបរិវេណរោងចក្រនេះ។ សកម្មភាពយោធាបានបង្កឱ្យមានការព្រមាន អំពីមហន្តរាយនុយក្លេអ៊ែរដែលអាចកើតមាន។ ប្រធានគោលនយោបាយរបស់អង្គការសហប្រជាជាតិលោកស្រី Rosemary DiCarlo បានថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃអង្គារថា ទីភ្នាក់ងារថាមពលអាតូមិកអន្តរជាតិ (IAEA) បានស្នើសុំឱ្យបញ្ជូនបេសកកម្មទីភ្នាក់ងារ (IAEA) ទៅកាន់រោងចក្រនុយក្លេអ៊ែរ Zaporizhzhia។ លោកស្រីបាននិយាយថា ការរៀបចំកំពុងដំណើរការ ហើយបានស្វាគមន៍ចំពោះសេចក្តីថ្លែងការណ៍ថ្មីៗពីប្រទេសរុស្ស៊ី និងអ៊ុយក្រែន ដែលបង្ហាញពីការគាំទ្រសម្រាប់បេសកកម្ម ទីភ្នាក់ងារ IAEA ទៅកាន់រោងចក្រនេះ។ ឯកអគ្គរដ្ឋទូតប្រចាំអង្គការសហប្រជាជាតិរបស់ប្រទេសរុស្ស៊ី លោក Vassily Nebenzia បានប្រាប់ក្រុមប្រឹក្សាថា ចាប់តាំងពីកិច្ចប្រជុំចុងក្រោយស្តីពីប្រតិបត្តិការនៅ Zaporizhzhia ប្រហែលពីរសប្តាហ៍មុនស្ថានភាពសុវត្ថិភាពនុយក្លេអ៊ែរកាន់តែធ្ងន់ធ្ងរថែមទៀត។លោកនិយាយថា កងកម្លាំងប្រដាប់អាវុធរបស់អ៊ុយក្រែនបន្តបាញ់ផ្លោង មកលើទឹកដីនៃរោងចក្រថាមពលនុយក្លេអ៊ែរ និងនៅទីប្រជុំជន Enerhodar ជារៀងរាល់ថ្ងៃ ហើយនេះបង្កើតហានិភ័យពិតប្រាកដនៃគ្រោះថ្នាក់វិទ្យុសកម្ម។ កាលពីថ្ងៃអង្គារ ប្រធានាធិបតីអ៊ុយក្រែនលោក Volodymyr Zelenskyy បានជំរុញសហគមន៍អន្តរជាតិឱ្យចេញឱសានវាទដល់រុស្ស៊ី ដើម្បីដកកងទ័ពរបស់ខ្លួនចេញពីរោងចក្រថាមពលនុយក្លេអ៊ែរដ៏ធំបំផុតរបស់អឺរ៉ុប។ ថ្លែងក្នុងសន្និសីទសារព័ត៌មានបន្ទាប់ពីកិច្ចប្រជុំកំពូលអន្តរជាតិ ស្តីពីតំបន់គ្រីមៀដែលបានធ្វើឡើងនៅទីក្រុងគីវ លោក Zelenskyy បាននិយាយថា វត្តមានយោធារុស្ស៊ីដែលកំពុងបន្តនៅរោងចក្រនុយក្លេអ៊ែរ Zaporizhzhia គឺជាគ្រោះថ្នាក់ដល់ពិភពលោកទាំងមូល ហើយទាហានមិនបានយល់ដឹងច្បាស់អំពីបញ្ហាថាមពលនុយក្លេអ៊ែរឡើយ៕អត្ថបទ៖ ប៊ុនថន

ទឹកជំនន់នៅអាហ្វហ្គានីស្ថានបណ្ដាលឲ្យមនុស្ស ១៧០នាក់ស្លាប់ និង ២៥០នាក់រងរបួស

អាហ្វហ្គានីស្ថាន៖ ប្រទេសអាហ្វហ្គានីស្ថានប្រឈមនឹងទឹកជំនន់ធ្ងន់ធ្ងរ ចាប់តាំងពីខែកក្កដាមកដែលបានសម្លាប់មនុស្សយ៉ាងហោចណាស់ ១៧០នាក់ជាង ១ខែមុនមកនេះ និងមនុស្ស ២៥០នាក់ផ្សេងទៀតរងរបួស។ ភ្លៀងធ្លាក់ខ្លាំងបានវាយប្រហារតំបន់ភាគខាងកើតប្រទេសនេះ។ ទឹកជំនន់បានឆក់យកជីវិតមនុស្សប្រមាណ ២០នាក់នៅក្នុងខេត្ត Logar ជាទីដែលជំនន់ទឹកភ្លៀងនេះបានបំផ្លិចបំផ្លាញលំនៅឋាន បសុសត្វ និងដីកសិកម្មព្រមទាំងបានលិចផ្លូវនានា ហើយអគារជាច្រើនគ្រប់ដណ្ដប់ដោយល្បប់។ ប្រជាពលរដ្ឋភាគច្រើនដែលបាត់បង់លំនៅឋាន បានទៅតាំងទីលំនៅស្នាក់នៅបណ្ដោះអាសន្ននៅសាលារៀន។បុរសម្នាក់វ័យ ៧០ឆ្នាំដែលនិយាយថា លោកបានបាត់បង់អ្វីគ្រប់យ៉ាងដោយសារតែគ្រោះទឹកជំនន់បានបន្ថែមថា ពួកលោកទទួលបានត្រឹមតែនំបុ័ងមួយដុំ តើយើងត្រូវរស់នៅដោយការទទួលទាននំបុ័ងតែមួយដុំយ៉ាងម៉េចទៅ?។ ប្រទេសអាហ្វហ្គានីស្ថានបានប្រឹងប្រែងតស៊ូ ទប់ទល់គ្រោះមហន្តរាយធម្មជាតិជាបន្តបន្ទាប់ រួមទាំងការរញ្ជួយដីដ៏ខ្លាំងក្លាកាលពីខែមិថុនាដែលបានសម្លាប់មនុស្សជាង ១,០០០នាក់ ហើយក្រុមតាលីបង់កំពុងអំពាវនាវរកជំនួយពីអន្តរជាតិ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

វិចារណកថា៖«ដើមឈើមួយដើមៗ សុទ្ធតែមានរឿងរ៉ាវរបស់ខ្លួន»

កម្ពុជា-ម៉ាឡេស៊ី ប្តេជ្ញាពង្រឹង-ពង្រីក ទំនាក់ទំនងកិច្ចសហប្រតិបត្តិការឲ្យកាន់តែស៊ីជម្រៅលើវិស័យការពារជាតិ

រដ្ឋមន្ត្រីការពារជាតិម៉ាឡេស៊ី ប្ដេជ្ញាបន្តពង្រឹង-ពង្រីកកិច្ចសហប្រតិបត្តិការលើវិស័យការពារជាតិជាមួយកម្ពុជា

អ្នកវិភាគនិងពលរដ្ឋ៖ សារទុក្ខរបស់កម្ពុជាក្រោមការឈ្លានពានពីថៃ កំពុងទទួលបានសំឡេងបន្ទរពីអន្តរជាតិ

ក្រសួងការងារ ពង្រឹងការអនុវត្តច្បាប់ ដើម្បីបង្ការនិងឈានទៅលុបបំបាត់ពលកម្មកុមារ ព្រមទំាងលើកកម្ពស់លក្ខខណ្ឌសុវត្ថិភាពនិងសុខភាពការងារនៅតាមសិប្បកម្មផលិតឥដ្ឋ ក្បឿង

ប.ស.ស. ដាក់ឱ្យដំណើរការ «ម៉ាស៊ីនបញ្ជាក់អត្តសញ្ញាណស្វ័យប្រវត្តិ ប.ស.ស. (AIM NSSF)» កាត់បន្ថយការកកស្ទះ និងរង់ចាំយូររបស់ពលរដ្ឋទៅទទួលសេវា

អគារសិក្សា១ខ្នង កម្ពស់ ៣ជាន់ ដែលជាអំណោយរបស់ សម្ដេចធិបតី ហ៊ុន ម៉ាណែត និងលោកជំទាវបានរៀបចំពិធីក្រុងពាលីបញ្ចុះបឋមសិលាបើកការដ្ឋានសាងសង់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

សាលាដែលមានសិស្សជាប់និទ្ទេសAច្រើន និងអត្រាសិស្សជាប់បាក់ឌុបខ្ពស់ នឹងចាត់ជាសាលាគំរូ

កម្ពុជាបោះជំហានឆ្ពោះទៅជាមជ្ឈមណ្ឌលដឹកជញ្ជូនតាមផ្លូវអាកាសក្នុងតំបន់ ខណៈទំនិញដឹកតាមផ្លូវអាកាសកើន ២១%

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

វ៉ាក់សាំងកូវិដ-១៩ (Pfizer) ជំនួយរបស់អូស្ត្រាលី ជិត៣០ម៉ឺនដូសទៀត នឹងដឹកមកដល់កម្ពុជានៅព្រឹកស្អែកនេះ

ចំនួនអ្នកស្លាប់ដោយសារទឹកជំនន់នៅប៉ាគីស្ថានបានកើនឡើងដល់ជាង ៨០០នាក់

ប្រមុខអង្គការសហប្រជាជាតិអំពាវនាវឲ្យមានសន្តិភាព ខណៈអ៊ុយក្រែនប្រារព្ធទិវាឯករាជ្យ ៣១ឆ្នាំ

លោក Zelenskyy៖ រ៉ូកែតរបស់រុស្ស៊ីសម្លាប់មនុស្ស ២២នាក់ក្នុងការវាយប្រហារទៅលើស្ថានីយរថភ្លើង

អឺរ៉ុប និងអង្គការ NATO បញ្ជាក់ជាថ្មីអំពីការគាំទ្រអ៊ុយក្រែននៅក្នុងកិច្ចប្រជុំកំពូល

អភិបាលរដ្ឋតិចសាស់និយាយថា ភ្លៀងធ្លាក់ខ្លាំងបំផុតលើកទីពីរនៅ Dallas ចាប់តាំងពីឆ្នាំ១៩៣២

ចិននឹងចាត់វិធានការលើដំណើរទស្សនកិច្ចរបស់ក្រុមតំណាងរាស្ត្រជប៉ុនទៅកាន់កោះតៃវ៉ាន់

UN មានបំណងធ្វើទស្សនកិច្ចនៅរោងចក្រនុយក្លេអ៊ែរអ៊ុយក្រែនដែលគ្រប់គ្រងដោយរុស្ស៊ី

ទឹកជំនន់នៅអាហ្វហ្គានីស្ថានបណ្ដាលឲ្យមនុស្ស ១៧០នាក់ស្លាប់ និង ២៥០នាក់រងរបួស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

វ៉ាក់សាំងកូវិដ-១៩ (Pfizer) ជំនួយរបស់អូស្ត្រាលី ជិត៣០ម៉ឺនដូសទៀត នឹងដឹកមកដល់កម្ពុជានៅព្រឹកស្អែកនេះ

ចំនួន​អ្នកស្លាប់​ដោយសារ​ទឹកជំនន់​នៅ​ប៉ា​គី​ស្ថានបាន​កើន​ឡើងដល់​ជាង ​៨០០​នាក់

ប្រមុខ​អង្គការសហប្រជាជាតិអំពាវនាវ​ឲ្យ​មាន​សន្តិភាព ខណៈ​អ៊ុយ​ក្រែ​ន​ប្រារព្ធ​ទិវា​ឯករាជ្យ ​៣១​ឆ្នាំ​

លោក Zelenskyy៖​ រ៉ូ​កែ​តរបស់​រុស្ស៊ី​សម្លាប់​មនុស្ស​ ២២​នាក់​ក្នុងការ​វាយប្រហារ​ទៅលើ​ស្ថានីយ​រថភ្លើង

អឺរ៉ុប និង​អង្គការ​ NATO បញ្ជាក់​ជាថ្មី​អំពី​ការគាំទ្រ​អ៊ុយ​ក្រែ​ន​នៅក្នុង​កិច្ចប្រជុំ​កំពូល

អភិបាលរដ្ឋ​តិច​សាស់​និយាយថា ភ្លៀង​ធ្លាក់​ខ្លាំង​បំផុត​លើក​ទី​ពីរ​នៅ ​Dallas ចាប់តាំងពី​ឆ្នាំ​១៩៣២

ចិន​នឹង​ចាត់វិធានការ​លើ​ដំណើរ​ទស្សនកិច្ច​របស់​ក្រុមតំណាងរាស្ត្រ​ជប៉ុន​ទៅកាន់​កោះ​តៃវ៉ាន់

UN មានបំណង​ធ្វើ​ទស្សនកិច្ច​នៅ​រោងចក្រ​នុយក្លេអ៊ែរ​អ៊ុយ​ក្រែ​នដែល​គ្រប់គ្រង​ដោយ​រុស្ស៊ី​

ទឹកជំនន់​នៅ​អាហ្វហ្គានីស្ថាន​បណ្ដាល​ឲ្យ​មនុស្ស ​១៧០​នាក់ស្លាប់ និង ​២៥០​នាក់​រង​របួស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចំនួនអ្នកស្លាប់ដោយសារទឹកជំនន់នៅប៉ាគីស្ថានបានកើនឡើងដល់ជាង ៨០០នាក់

ប្រមុខអង្គការសហប្រជាជាតិអំពាវនាវឲ្យមានសន្តិភាព ខណៈអ៊ុយក្រែនប្រារព្ធទិវាឯករាជ្យ ៣១ឆ្នាំ

លោក Zelenskyy៖ រ៉ូកែតរបស់រុស្ស៊ីសម្លាប់មនុស្ស ២២នាក់ក្នុងការវាយប្រហារទៅលើស្ថានីយរថភ្លើង

អឺរ៉ុប និងអង្គការ NATO បញ្ជាក់ជាថ្មីអំពីការគាំទ្រអ៊ុយក្រែននៅក្នុងកិច្ចប្រជុំកំពូល

អភិបាលរដ្ឋតិចសាស់និយាយថា ភ្លៀងធ្លាក់ខ្លាំងបំផុតលើកទីពីរនៅ Dallas ចាប់តាំងពីឆ្នាំ១៩៣២

ចិននឹងចាត់វិធានការលើដំណើរទស្សនកិច្ចរបស់ក្រុមតំណាងរាស្ត្រជប៉ុនទៅកាន់កោះតៃវ៉ាន់

UN មានបំណងធ្វើទស្សនកិច្ចនៅរោងចក្រនុយក្លេអ៊ែរអ៊ុយក្រែនដែលគ្រប់គ្រងដោយរុស្ស៊ី

ទឹកជំនន់នៅអាហ្វហ្គានីស្ថានបណ្ដាលឲ្យមនុស្ស ១៧០នាក់ស្លាប់ និង ២៥០នាក់រងរបួស