BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

ក្រដាសប្រាក់ប្រភេទ១៥០០០រៀល ទទួលពានរង្វាន់ធនបត្រថ្មីឆ្នើមប្រចាំអាស៊ីនិងប៉ាស៊ីហ្វិក ឆ្នាំ២០១៩

ធនបត្រអនុស្សាវរីយ៍ប្រភេទ១៥០០០រៀល ដែលរាជរដ្ឋាភិបាលឱ្យធនាគារជាតិនៃកម្ពុជាបោះពុម្ព ដើម្បីចូលរួមអបអរសាទរខួបអនុស្សាវរីយ៍គម្រប់១៥ឆ្នាំនៃការគ្រងព្រះបរមរាជសម្បត្តិរបស់ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ត្រូវបានស្ថាប័នអន្តរជាតិReconnaissance ជ្រើសរើសជាធនបត្រថ្មីឆ្នើមប្រចាំតំបន់អាស៊ីនិងប៉ាស៊ីហ្វិកប្រចាំឆ្នាំ២០១៩ ក្នុងសន្និសីទការបោះពុម្ពធនបត្រប្រកបដោយសុវត្ថិភាពខ្ពស់នៅអាស៊ី ( High Security Printing Asia) លើកទី១៨ នៅទីក្រុង yokohama ប្រទេសជប៉ុន។ធនាគារជាតិ នៃកម្ពុជាបញ្ជាក់ថា ការសម្រេចផ្តល់ពានរង្វាន់ជាធនបត្រថ្មីឆ្នើមនេះ គឺដោយសារបច្ចេកទេស នៃការផលិតក្នុងស្រុករបស់ធនាគារជាតិ នៃកម្ពុជា មានលក្ខណៈទំនើបកម្រិតខ្ពស់ និងសុវត្ថិភាព ដោយមានការរួមបញ្ចូលនូវសិល្បៈនៃការរចនា និងបច្ចេកវិទ្យា ដែលបានឆ្លុះបញ្ចាំងពីបេតិកភណ្ឌវប្បធម៌ក្នុងប្រទេស តាមរយៈការរចនា និងរំលេចនូវនិមិត្តសញ្ញាលើធនបត្រចំពោះជាតិ ជាពិសេសមានបច្ចេកវិទ្យាខ្ពស់ក្នុងការការពារការក្លែងបន្លំ។ ធនាគារជាតិគូសបញ្ជាក់បន្ថែមថា ពានរង្វាន់ប្រភេទនេះ មិនត្រូវបានធ្វើឡើងជារៀងរាល់ឆ្នាំទេ គឺធ្វើឡើង នៅពេលដែលមានធនបត្រដែលមានលក្ខណៈស័ក្តិសមប្រកបដោយគុណភាព និងបច្ចេកទេសប៉ុណ្ណោះ៕

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក(ស្លាប់ ១នាក់, របួស ៨នាក់)

ភ្នំពេញ៖ របាយការណ៍នគរបាលចរាចរណ៍ផ្លូវគោកចេញផ្សាយថា គិតត្រឹមម៉ោង៤រសៀល ថ្ងៃទី៨ ខែមេសា ឆ្នាំ២០២២នេះ គ្រោះថ្នាក់ចរាចរណ៍ទូទាំងប្រទេសបានកើតឡើងចំនួន ៥លើក បណ្តាលឲ្យមនុស្សចំនួន ១នាក់ស្លាប់ និងរងរបួសចំនួន ៨នាក់ ក្នុង នោះរបួសធ្ងន់ ៥នាក់ និងរបួសស្រាលចំនួន ៣នាក់។គ្រោះថ្នាក់ចរាចរណ៍បានកើតនៅរាជធានី-ខេត្តចំនួន ៤ មានដូចជា៖ ខេត្តកំពត របួស ២នាក់, ភ្នំពេញ របួស ៣នាក់ , ព្រៃវែង ស្លាប់ ១នាក់ និងខេត្ត ពោធិ៍សាត់ របួស ២នាក់៕

ចិននិយាយថា ការបោះឆ្នោតព្យួររុស្ស៊ីពីក្រុមប្រឹក្សាសិទ្ធិមនុស្សនឹងក្លាយជាការបន្ថែមប្រេងលើភ្លើង

ចិន៖ ប្រទេសចិនបានបោះឆ្នោតប្រឆាំងសេចក្តីសម្រេចក្នុងការព្យួរប្រទេសរុស្ស៊ី ពីក្រុមប្រឹក្សាសិទ្ធិមនុស្សអង្គការសហប្រជាជាតិ ដោយបាននិយាយថា វានឹងក្លាយជាការបន្ថែមប្រេងទៅលើភ្លើង និងជាការបង្កើតរូបភាពថ្មីដ៏គ្រោះថ្នាក់។លោក Zhang Jun ឯកអគ្គរដ្ឋទូតចិនប្រចាំអង្គការសហប្រជាជាតិនិយាយមុនការបោះឆ្នោតថា យើងសោកស្ដាយដែលបានឃើញថា ជម្លោះនេះបានបង្កឲ្យមានការស្លាប់ និងរងរបួសជនស៊ីវិល និងធ្វើឲ្យប្រជាជនផ្លាស់ទី ប៉ុន្តែនៅពេលជាមួយគ្នានេះ យើងជំទាស់ដាច់ខាតចំពោះការធ្វើឲ្យទៅជាលក្ខណៈនយោបាយ ឬការប្រើជាឧបករណ៍ចំពោះបញ្ហាសិទ្ធិមនុស្ស និងជំទាស់ចំពោះការប្រើប្រាស់សម្ពាធលើប្រទេសនានាក្នុងនាមសិទ្ធិមនុស្ស។ទោះបីជាមានការជំទាស់របស់ប្រទេសចិន មហាសន្និបាតអង្គការសហប្រជាជាតិបានបោះឆ្នោតព្យួរប្រទេសរុស្ស៊ី ពីស្ថាប័នសិទ្ធិមនុស្សឈានមុខរបស់អង្គការពិភពលោកមួយនេះ ជុំវិញការចោទប្រកាន់ការបំពានសិទ្ធិមនុស្សដ៏គួរឲ្យរន្ធត់ បង្កដោយទាហានរុស្ស៊ីក្នុងប្រទេសអ៊ុយក្រែន ដែលសហរដ្ឋអាមេរិក និងអ៊ុយក្រែនបានចាត់ទុកដូចគ្នាថាជាឧក្រិដ្ឋកម្មសង្គ្រាម៕អត្ថបទ៖ ប៊ុនថន

តុលាការបង្គាប់ឱ្យសមត្ថកិច្ចនាំខ្លួនតំណាងស្ថាបនិក គណបក្សបេះដូងជាតិ ពាក់ព័ន្ធករណីក្លែងបន្លំ និងប្រើប្រាស់លិខិតក្លែង ក្នុងការបង្កើតគណបក្ស

ភ្នំពេញ៖ ចៅក្រមស៊ើបសួរ នៃសាលាដំបូងរាជធានីភ្នំពេញ នៅថ្ងៃទី០៨ ខែមេសា ឆ្នាំ២០២២នេះ បានចេញដីកាមួយបង្គាប់ឱ្យកម្លាំងសាធារណៈឱ្យនាំខ្លួន លោក សៀម ភ្លុក តំណាងស្ថាបនិក គណបក្សបេះដូងជាតិ ឱ្យបានមុនថ្ងៃទី២៥ ខែមេសា ឆ្នាំ២០២២ ពាក់ព័ន្ធនឹងករណីក្លែងបន្លំ និងប្រើប្រាស់លិខិតក្លែង ក្នុងការបង្កើតគណបក្សនេះ។តាមដីកាតុលាការ បានបញ្ជាក់ថា លោក សៀម ភ្លុក ត្រូវបានចោទប្រកាន់ចំនួន២បទល្មើស រួមមាន បទក្លែងបន្លំ និងបទប្រើប្រាស់លិខិតក្លែង ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២១ ដែលបទល្មើស ដែលមានចែង និងឱ្យផ្តន្ទាទោសតាមមាត្រា៦២៦, មាត្រា៦២៧ និងមាត្រា៦២៨ នៃក្រមព្រហ្មទណ្ឌ។ដីកានេះ បានបញ្ជាក់ទៀតថា ដើម្បីធានាដល់ការស៊ើបសួរឱ្យបានពេញលេញ គប្បីសម្រេចនាំខ្លួនឈ្មោះ សៀម ភ្លុក មកចំពោះមុខចៅក្រមស៊ើបសួរ ដើម្បីបំភ្លឺការពិត។ ហេតុដូច្នេះសម្រេច៖១៖ ឱ្យនាំខ្លួនឈ្មោះ សៀម ភ្លុក ភេទប្រុស ដែលមានអត្តសញ្ញាណខាងលើនេះ។២៖ បង្គាប់មកកងកម្លាំងសាធារណៈឱ្យនាំខ្លួនជនត្រូវចោទខាងលើនេះ មកប្រគល់ជូនសាលាដំបូងរាជធានីភ្នំពេញ ឱ្យបានមុនថ្ងៃទី២៥ ខែមេសា ឆ្នាំ២០២២ ជាកំហិត ដើម្បីចាត់ការតាមច្បាប់។សូមជម្រាបថា ក្រសួងមហាផ្ទៃ នៅថ្ងៃទី០២ ខែមីនា ឆ្នាំ២០២២ បានចេញប្រកាសមួយ ដោយសម្រេចលុបឈ្មោះ «គណបក្សបេះដូងជាតិ» ចេញពីបញ្ជីគណបក្សនយោបាយ។ ការចេញប្រកាសលុបឈ្មោះគណបក្សបេះដូងជាតិនេះ បានធ្វើឡើងបន្ទាប់ពី តុលាការកំពូល បានបើកសវនការ និងបានប្រកាសសាលដីកា សម្រេចទាត់ចោលបណ្ដឹងរបស់ លោក សៀម ភ្លុក ដែលប្រឆាំងនឹងការបដិសេធក្រសួងមហាផ្ទៃ ចំពោះសំណើបង្កើតគណបក្សបេះដូងជាតិ កាលពីថ្ងៃទី២៤ ខែធ្នូ ឆ្នាំ២០២១ ហើយបានបិទផ្លូវតវ៉ា៕

អង្គការសហប្រជាជាតិបោះឆ្នោតព្យួររុស្ស៊ីពីក្រុមប្រឹក្សាសិទ្ធិមនុស្ស

UN៖ មហាសន្និបាតអង្គការសហប្រជាជាតិបានបោះឆ្នោតកាលពីថ្ងៃព្រហស្បតិ៍ ដើម្បីព្យួរប្រទេសរុស្ស៊ីពីស្ថាប័នសិទ្ធិមនុស្សរបស់អង្គការពិភពលោក ជុំវិញការចោទប្រកាន់អំពីការរំលោភសិទ្ធិគួរឱ្យរន្ធត់ ធ្វើឡើងដោយទាហានរុស្ស៊ីនៅក្នុងប្រទេសអ៊ុយក្រែន ដែលសហរដ្ឋអាមេរិក និងអ៊ុយក្រែនបានចាត់ទុកដូចគ្នាថាជាឧក្រិដ្ឋកម្មសង្គ្រាម។ការបោះឆ្នោតទទួលបានសំឡេង ៩៣ទល់នឹង២៤ ជាមួយនឹង ៥៨អនុប្បវាទ ទាបជាងការបោះឆ្នោតលើសេចក្តីសម្រេចចំនួន២ ដែលសភាបានអនុម័តកាលពីខែមុន ដែលទាមទារឱ្យមានបទឈប់បាញ់បន្ទាន់នៅអ៊ុយក្រែន ការដកទ័ពរុស្ស៊ីទាំងអស់ និងការការពារជនស៊ីវិល។ សេចក្តីសម្រេចទាំងនោះត្រូវបានអនុម័តដោយប្រទេសយ៉ាងហោចណាស់ចំនួន ១៤០។ ប្រទេសរុស្ស៊ីគឺជាប្រទេសទី២ ដែលសិទ្ធិសមាជិកភាពរបស់ខ្លួនត្រូវបានដកហូត នៅក្រុមប្រឹក្សាសិទ្ធិមនុស្សដែលត្រូវបានបង្កើតឡើងក្នុងឆ្នាំ២០០៦។ កាលពីឆ្នាំ២០១១ សភាបានព្យួរប្រទេសលីប៊ី ខណៈមានចលាចលនៅក្នុងប្រទេសអាហ្វ្រិកខាងជើងមួយនេះ ដែលបានផ្ដួលរំលំមេដឹកនាំយូរអង្វែងលោក Moammar Gadhafi។ឯកអគ្គរដ្ឋទូតសហរដ្ឋអាមេរិកលោកស្រី Linda Thomas-Greenfield បានចាប់ផ្ដើមយុទ្ធនាការដើម្បីព្យួរប្រទេសរុស្ស៊ីពីអាសនៈរបស់ខ្លួន នៅក្រុមប្រឹក្សាសិទ្ធិមនុស្សដែលមានសមាជិកចំនួន ៤៧រូបបន្ទាប់ពីមានវីដេអូ និងរូបភាពនៅតាមដងផ្លូវក្នុងទីក្រុង Bucha រាយប៉ាយដោយសាកសពដែលទំនងជាជនស៊ីវិល បន្ទាប់ពីទាហានរុស្ស៊ីបានដកថយ។ ការស្លាប់ជនស៊ីវិលបានបង្កឱ្យមានប្រតិកម្មជាសកល និងអំពាវនាវឱ្យមានការដាក់ទណ្ឌកម្មកាន់តែតឹងរ៉ឹងលើរុស្ស៊ី ដែលបានបដិសេធយ៉ាងដាច់អហង្ការចំពោះកងទ័ពរបស់ខ្លួនមិនទទួលខុសត្រូវ៕អត្ថបទ៖ ប៊ុនថន

នាយករដ្ឋមន្ត្រីរុស្ស៊ីនិយាយថា រុស្ស៊ីកំពុងប្រឈមស្ថានភាពលំបាកបំផុតក្នុងពេល ៣ទសវត្សរ៍

រុស្ស៊ី៖ លោកនាយករដ្ឋមន្ត្រីរុស្ស៊ី Mikhail Mishustin និយាយថា ប្រទេសរបស់លោកកំពុងប្រឈមស្ថានភាពលំបាកបំផុតក្នុងរយៈពេល ៣ទសវត្សរ៍ដោយសាររលកនៃទណ្ឌកម្មព្រោះជម្លោះអ៊ុយក្រែន ដោយសង្កត់ធ្ងន់ថា ការប៉ុនប៉ងនានារបស់បរទេសធ្វើឲ្យក្រុង Moscow ឯកាពីសេដ្ឋកិច្ចសកលនឹងវិនាសរហូតបរាជ័យ។ការអត្ថាធិប្បាយរបស់លោកកាលពីថ្ងៃព្រហស្បតិ៍មានឡើង ស្របពេលដែលសហរដ្ឋអាមេរិក និងសម្ព័ន្ធមិត្តអឺរ៉ុបរបស់ខ្លួនកំពុងបង្កើនវិធានការទណ្ឌកម្មសេដ្ឋកិច្ចមិនធ្លាប់មាន ដើម្បីដាក់សម្ពាធលើក្រុង Moscow ឲ្យបញ្ចប់ប្រតិបត្តិការសឹករបស់ខ្លួនក្នុងប្រទេសអ៊ុយក្រែន និងដកកងកម្លាំងរបស់ខ្លួនចេញពីប្រទេសអ៊ុយក្រែន។ លោក Mishustin បាននិយាយថា គ្មានអ្វីត្រូវឆ្ងល់ទេ ស្ថានភាពបច្ចុប្បន្នអាចហៅបានថា ជាស្ថានភាពលំបាកបំផុតក្នុងរយៈពេល ៣ទសវត្សរ៍មកនេះសម្រាប់ប្រទេសរុស្ស៊ី។ ទណ្ឌកម្មនេះមិនត្រូវបានគេប្រើនៅក្នុងពេលវេលាដ៏ខ្មៅងងឹតបំផុត នៃសង្គ្រាមត្រជាក់នោះទេ។កាលពីថ្ងៃអង្គារគណៈកម្មការសហភាពអឺរ៉ុបបានស្នើ ឲ្យមានការដាក់ទណ្ឌកម្មថ្មីៗបន្ថែមទៀតលើរុស្ស៊ី ព្រោះប្រតិបត្តិការសឹករបស់រុស្ស៊ីនៅអ៊ុយក្រែន រួមទាំងបម្រាមការទិញធ្យូងថ្មពីរុស្ស៊ី និងទៅលើនាវារបស់រុស្ស៊ីមិនឲ្យចូលចតនៅកំពង់ផែរបស់ប្លុកអឺរ៉ុប៕អត្ថបទ៖ សុខមាន

អ៊ុយក្រែននិយាយថា កងទ័ពរុស្ស៊ី ១៨.៩០០នាក់បានស្លាប់ក្នុងសង្គ្រាម

អ៊ុយក្រែន៖ យោងតាមយោធាអ៊ុយក្រែនកាលពីថ្ងៃព្រហស្បតិ៍បានឲ្យដឹងថា កងទ័ពរុស្ស៊ីយ៉ាងហោចណាស់ ១៨.៩០០នាក់បានស្លាប់ក្នុងសង្គ្រាមនៅប្រទេសអ៊ុយក្រែនចាប់តាំងពីផ្ទុះសង្គ្រាម។កងកម្លាំងអ៊ុយក្រែនបានបំផ្លាញយន្តហោះចំនួន ១៥០គ្រឿង, ឧទ្ធម្ភាគចក្រ ១៣៥គ្រឿង, រថក្រោះ ៦៩៨គ្រឿង និងរថពាសដែកចំនួន ១,៨៩១គ្រឿង, យានដ្រូនចំនួន ១១១គ្រឿង, រថយន្តដឹកប្រេងឥន្ធនៈចំនួន ៧៦គ្រឿង និងទូក ៧គ្រឿង នេះបើយោងតាមការវិវឌ្ឍថ្មីដោយអគ្គសេនាធិការចម្រុះ របស់កងកម្លាំងប្រដាប់អាវុធអ៊ុយក្រែន។ ប្រភពខាងលើក៏បាននិយាយផងដែរថា កាំភ្លើងធំរបស់រុស្ស៊ីចំនួន ៣៣២គ្រឿង, រថយន្តបំពាក់ប្រព័ន្ធជើងទម្របាញ់រ៉ូកែត ១០៨គ្រឿង, ប្រព័ន្ធប្រឆាំងយន្តហោះ ៥៥គ្រឿង ព្រមទាំងរថយន្ត ១,៣៥៨គ្រឿងក៏ត្រូវបានបំផ្លាញផងដែរ។យោងតាមការប៉ាន់ប្រមាណរបស់អង្គការសហប្រជាជាតិឲ្យដឹងថា ជនស៊ីវិលយ៉ាងហោចណាស់ ១,៥៦៣នាក់បានស្លាប់ និងមនុស្ស ២,២១៣នាក់បានរងរបួសនៅក្នុងប្រទេសអ៊ុយក្រែន។ យោងតាមទីភ្នាក់ងារជនភៀសខ្លួនរបស់អង្គការសហប្រជាជាតិឲ្យដឹងថា ប្រជាជនអ៊ុយក្រែនជាង ៤.២៧លាននាក់បានរត់ភៀសខ្លួនចូលទៅក្នុងប្រទេសផ្សេងៗ និងរាប់លាននាក់ផ្សេងទៀតភៀសខ្លួននៅក្នុងប្រទេស៕អត្ថបទ៖ សុខមាន

វិមានក្រឹមឡាំងច្រានចោលការចោទប្រកាន់ថា រុស្ស៊ីចង់សម្លាប់ប្រធានាធិបតីអ៊ុយក្រែនលោក Zelenskyy

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov បាននិយាយថា រុស្ស៊ីមិនចង់សម្លាប់លោកប្រធានាធិបតីអ៊ុយក្រែន Volodymyr Zelenskyy នោះទេ។ សារព័ត៌មាន The Times of London បានរាយការណ៍ថា វិមានក្រឹមឡាំងបានដាក់តម្លៃលើការសម្លាប់លោក Zelenskyy។ក្រុមការងាររបស់លោក Zelenskyy បាននិយាយថា ប្រធានាធិបតីបានរួចផុតជីវិតពីការប៉ុនប៉ងធ្វើឃាតកម្មយ៉ាងហោចណាស់ ១២លើកចាប់តាំងពីការផ្ទុះសង្គ្រាមបានចាប់ផ្ដើម។ វិមានក្រឹមឡាំងបានច្រានចោលថា រុស្ស៊ីមិនចង់សម្លាប់ប្រធានាធិបតីអ៊ុយក្រែនទេ ទោះមានរបាយការណ៍ជាច្រើននិយាយថា វិមានក្រឹមឡាំងបានដាក់តម្លៃលើការសម្លាប់ប្រធានាធិបតីអ៊ុយក្រែន និងកំពុងតាមប្រមាញ់លោកនៅក្នុងរដ្ឋធានីគីវក៏ដោយ។ ចំណែកទីប្រឹក្សារបស់លោក Zelenskyy គឺលោក Mikhail Podolyak បានប្រាប់ការសែត Ukrayinska Pravda ថា គិតត្រឹមថ្ងៃទី១០ ខែមីនា លោកជឿថា មានការប៉ុនប៉ងសម្លាប់រាប់សិបលើកលើជីវិតរបស់លោក Zelenskyy។ ប៉ុន្តែការអះអាងរបស់លោកពុំបានផ្ដល់ភស្តុតាងបញ្ជាក់នោះទេ៕អត្ថបទ៖ សុខមាន

សម្ព័ន្ធណាតូខ្វែងគំនិតគ្នាជុំវិញគោលនយោបាយចំពោះក្រុង Moscow ខណៈជម្លោះនៅអ៊ុយក្រែនកំពុងបន្ត

ណាតូ៖ សារព័ត៌មាន New York Times បានរាយការណ៍នៅសប្ដាហ៍នេះ ដោយសំអាងប្រភពពីក្រុមមន្ត្រីលោកខាងលិចថា ខណៈក្រុមរដ្ឋមន្ត្រីការបរទេសសម្ព័ន្ធណាតូជួបគ្នានៅសប្ដាហ៍នេះ ដើម្បីសម្រេចថា តើត្រូវផ្ដល់ការគាំទ្របន្ថែមទៀតបែបណាដល់អ៊ុយក្រែនក្នុងជម្លោះជាមួយរុស្ស៊ី សមាជិកទាំងអស់របស់ប្លុកយោធាដឹកនាំដោយសហរដ្ឋអាមេរិក កំពុងខ្វែងគំនិតគ្នាជុំវិញយុទ្ធសាស្ត្រឆ្លើយតបលើក្រុង Moscow។យោងតាមសារព័ត៌មានដដែលនេះប្រទេសប៉ូឡូញ និងរដ្ឋបាល់ទិកជាច្រើនបានតស៊ូមតិ សម្រាប់ការកាត់ផ្ដាច់ទំនាក់ទំនងទាំងស្រុងជាមួយទីក្រុង Moscow ក្នុងគោលបំណង "ធ្វើឱ្យរុស្ស៊ីលុតជង្គង់"។ ទន្ទឹមនឹងនោះប្រទេសមួយចំនួនដូចជាអាល្លឺម៉ង់ បារាំង និងទួរគីត្រូវគេរាយការណ៍បានប្រកែកថា រុស្ស៊ីមិនអាចបង្ខិតបង្ខំឱ្យបោះជំហានចូលទៅក្នុងសន្តិភាពបានទេ។ ដូច្នេះមានសេចក្ដីរាយការណ៍ថា ប្រទេសទាំងនោះចង់បន្តការសន្ទនាជាមួយប្រធានាធិបតីរុស្ស៊ី។បើយោងតាមការចេញផ្សាយនោះ រឿងមួយដែលរដ្ឋណាតូទាំងអស់យល់ស្របគឺថា ជម្លោះអ៊ុយក្រែនបានឈានចូលដំណាក់កាលមិនច្បាស់លាស់ ហើយទំនងជាមិនអាចដោះស្រាយបានក្នុងពេលដ៏ខ្លីខាងមុខនេះទេ។ អគ្គលេខាធិការអង្គការ NATO លោក Jens Stoltenberg បានអះអាងថា កងទ័ពរុស្ស៊ីកំពុងប្រមូលផ្តុំគ្នាឡើងវិញ ដើម្បីបើកការវាយប្រហារទ្រង់ទ្រាយធំថ្មីមួយទៀត៕អត្ថបទ៖ សុខមាន

របាយការណ៍បញ្ជាក់ថា កងកម្លាំងអ៊ុយក្រែនបានបាញ់សម្លាប់ទាហានរុស្ស៊ីដែលត្រូវបានចាប់ខ្លួន

អ៊ុយក្រែន៖ វីដេអូមួយបង្ហោះនៅលើបណ្ដាញផ្សព្វផ្សាយសង្គម និងបានផ្ទៀងផ្ទាត់ដោយសារព័ត៌មាន New York Times ទំនងជាបង្ហាញពីទាហានកំពុងប្រយុទ្ធក្រោមស្លាកសញ្ញាសម្គាល់របស់អ៊ុយក្រែន ជាអ្វីដែលទំនងត្រូវគេជឿថា ទាហានរុស្ស៊ីត្រូវបានចាប់ខ្លួននៅខាងក្រៅភូមិមួយនៅភាគខាងលិចរដ្ឋធានី Kyiv របស់ប្រទេសអ៊ុយក្រែន។សារព័ត៌មានខាងលើបានរាយការណ៍កាលពីថ្ងៃពុធថា នៅក្នុងឃ្លីបវីដេអូដែលបានបង្ហោះកាលពីថ្ងៃចន្ទ គេបានមើលឃើញទាហានរុស្ស៊ីដែលពាក់អាវក្រៅ ត្រូវបានទាញអាវគ្របក្បាលរបស់គេទំនងជាត្រូវរបួស ប៉ុន្តែនៅដកដង្ហើមបាន។ គេនៅមានជីវិតនៅឡើយ។ ចូរថតអ្នកតាមប្រមាញ់ទាំងនេះ។ មើលចុះគេនៅមានជីវិតនៅឡើយ។ គេកំពុងស្រែក នេះជាសំឡេងចុងក្រោយរបស់បុរសនោះ។ បន្ទាប់មកទាហានម្នាក់បានបាញ់បុរសម្នាក់នោះចំនួន ២គ្រាប់។ គេបានបាញ់គ្រាប់ទី៣ លើបុរសនោះបន្ទាប់ពីរើមិនឈប់។ ក្រោយមកបុរសដែលបានរងរបួសនោះក៏នៅស្ងៀម។ទាហានចំនួន ៣នាក់ផ្សេងទៀតដែលត្រូវគេគិតថាជាទាហានរុស្ស៊ី អាចត្រូវគេមើលឃើញស្លាប់ក្បែរគ្នា ក្នុងនោះចំណោមនោះម្នាក់មានរបួសចំក្បាល ហើយដៃរបស់គេត្រូវបានចងស្លាបសេកទៅក្រោយ។ សារព័ត៌មាន New York Times ដដែលនេះបានរាយការណ៍ថា ទាហានអ៊ុយក្រែនត្រូវគេស្គាល់ដោយសារសញ្ញាទង់ជាតិ និងខ្សែដងដៃពណ៌ខៀវ។ គេបានលឺទាហានទាំងនោះស្រែកថា ជ័យយោអ៊ុយក្រែនៗជាច្រើនដង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

បេក្ខជនមានបញ្ហាសុខភាពក្នុងអំឡុងដំណើរសំណេរការប្រឡងសញ្ញាបត្រមធ្យមសិក្សាទុតិយភូមិនារសៀលថ្ងៃទី១ សម័យប្រឡង៖ ១០ សីហា ២០២៦

ខេត្តកណ្តាលមាន មណ្ឌលប្រឡងសរុបចំនួន ២០មណ្ឌល ស្មើនឹង ៥៤២បន្ទប់ប្រឡង

អាណាព្យាបាលស្កាត់មកពីខេត្តដើម្បីលើកទឹកចិត្តកូនប្រឡងបាក់ឌុប ជំរុញផ្លូវចិត្តឱ្យរឹងមាំទទួលបានលទ្ធផលល្អ

ក្មេងស្រីអាយុ ១២ឆ្នាំ ស្ថិតក្នុងចំណោមអ្នកស្លាប់ អំឡុងការបាញ់ប្រហារនៅសាលារៀនរបស់ថៃ

[BREAKING NEWS] ខ្មាន់កាំភ្លើងបាញ់ប្រហារឱ្យមនុស្ស ២នាក់រងរបួស នៅថៃ ខណៈប្រទេសមិនទាន់ស្ងាត់ពីការបាញ់ប្រហារ នៅសាលារៀន

ការប្រឡងក្នុងខេត្តព្រំដែន ឧត្តរមានជ័យ និងព្រះវិហារ ដំណើរការទៅដោយស្ងៀមស្ងាត់ និង រលូនល្អ

បេក្ខជនមានពិការភាពខិតខំប្រឹងប្រែងឆ្លងកាត់ស្ពានបាក់ឌុបឆ្ពោះទៅរកភាពជោគជ័យនាពេលអនាគត

ក្រសួងអប់រំ៖ ដំណើរការសំណេរនាព្រឹកថ្ងៃទីមួយនៃការប្រឡងបាក់ឌុប បានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ

អភិបាលខេត្តកំពង់ឆ្នាំង ផ្ដាំផ្ញើដល់បេក្ខជនឱ្យខិតខំប្រឡង ខណៈការប្រឡងបាក់ឌុប កាន់តែមានភាពប្រសើរឡើង និងឈរលើគោលការណ៍ «អ្នកចេះគឺជាប់ »

ភ្លៀងមូសុងកើនឡើងដោយសារព្យុះទីហ្វុងដូហ្វីន បង្កឱ្យមានទឹកជំនន់នៅប្រទេសហ្វីលីពីន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រដាសប្រាក់ប្រភេទ១៥០០០រៀល ទទួលពានរង្វាន់ធនបត្រថ្មីឆ្នើមប្រចាំអាស៊ីនិងប៉ាស៊ីហ្វិក ឆ្នាំ២០១៩

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក(ស្លាប់ ១នាក់, របួស ៨នាក់)

ចិននិយាយថា ការបោះឆ្នោតព្យួររុស្ស៊ីពីក្រុមប្រឹក្សាសិទ្ធិមនុស្សនឹងក្លាយជាការបន្ថែមប្រេងលើភ្លើង

អង្គការសហប្រជាជាតិបោះឆ្នោតព្យួររុស្ស៊ីពីក្រុមប្រឹក្សាសិទ្ធិមនុស្ស

នាយករដ្ឋមន្ត្រីរុស្ស៊ីនិយាយថា រុស្ស៊ីកំពុងប្រឈមស្ថានភាពលំបាកបំផុតក្នុងពេល ៣ទសវត្សរ៍

អ៊ុយក្រែននិយាយថា កងទ័ពរុស្ស៊ី ១៨.៩០០នាក់បានស្លាប់ក្នុងសង្គ្រាម

វិមានក្រឹមឡាំងច្រានចោលការចោទប្រកាន់ថា រុស្ស៊ីចង់សម្លាប់ប្រធានាធិបតីអ៊ុយក្រែនលោក Zelenskyy

សម្ព័ន្ធណាតូខ្វែងគំនិតគ្នាជុំវិញគោលនយោបាយចំពោះក្រុង Moscow ខណៈជម្លោះនៅអ៊ុយក្រែនកំពុងបន្ត

របាយការណ៍បញ្ជាក់ថា កងកម្លាំងអ៊ុយក្រែនបានបាញ់សម្លាប់ទាហានរុស្ស៊ីដែលត្រូវបានចាប់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រដាសប្រាក់ប្រភេទ១៥០០០រៀល ទទួលពានរង្វាន់ធនបត្រថ្មីឆ្នើមប្រចាំអាស៊ីនិងប៉ាស៊ីហ្វិក ឆ្នាំ២០១៩

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក(ស្លាប់ ១នាក់, របួស ៨នាក់)

អង្គការ​សហប្រជាជាតិ​បោះឆ្នោត​ព្យួរ​រុស្ស៊ី​ពី​ក្រុមប្រឹក្សា​សិទ្ធិមនុស្ស​

នាយករដ្ឋមន្ត្រី​រុស្ស៊ី​និយាយ​ថា រុស្ស៊ី​កំពុង​ប្រឈម​ស្ថានភាព​លំបាក​បំផុត​ក្នុង​ពេល ​៣​ទសវត្សរ៍​

អ៊ុយ​ក្រែ​ន​និយាយ​ថា កងទ័ព​រុស្ស៊ី ១៨.៩០០​នាក់​បាន​ស្លាប់​ក្នុង​សង្គ្រាម​

វិមាន​ក្រឹម​ឡាំង​ច្រានចោល​ការ​ចោទ​ប្រកាន់​ថា ​រុស្ស៊ី​ចង់​សម្លាប់​ប្រធានាធិបតី​អ៊ុយ​ក្រែ​ន​លោក Zelenskyy

សម្ព័ន្ធ​ណា​តូ​ខ្វែងគំនិត​គ្នា​ជុំវិញ​គោលនយោបាយ​ចំពោះ​ក្រុង Moscow ខណៈ​ជម្លោះ​នៅ​អ៊ុយ​ក្រែ​ន​កំពុង​បន្ត​

របាយការណ៍​បញ្ជាក់​ថា កងកម្លាំង​អ៊ុយ​ក្រែ​ន​បាន​បាញ់សម្លាប់​ទាហាន​រុស្ស៊ី​ដែល​ត្រូវ​បាន​ចាប់ខ្លួន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសហប្រជាជាតិបោះឆ្នោតព្យួររុស្ស៊ីពីក្រុមប្រឹក្សាសិទ្ធិមនុស្ស

នាយករដ្ឋមន្ត្រីរុស្ស៊ីនិយាយថា រុស្ស៊ីកំពុងប្រឈមស្ថានភាពលំបាកបំផុតក្នុងពេល ៣ទសវត្សរ៍

អ៊ុយក្រែននិយាយថា កងទ័ពរុស្ស៊ី ១៨.៩០០នាក់បានស្លាប់ក្នុងសង្គ្រាម

វិមានក្រឹមឡាំងច្រានចោលការចោទប្រកាន់ថា រុស្ស៊ីចង់សម្លាប់ប្រធានាធិបតីអ៊ុយក្រែនលោក Zelenskyy

សម្ព័ន្ធណាតូខ្វែងគំនិតគ្នាជុំវិញគោលនយោបាយចំពោះក្រុង Moscow ខណៈជម្លោះនៅអ៊ុយក្រែនកំពុងបន្ត

របាយការណ៍បញ្ជាក់ថា កងកម្លាំងអ៊ុយក្រែនបានបាញ់សម្លាប់ទាហានរុស្ស៊ីដែលត្រូវបានចាប់ខ្លួន