BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

អាមេរិកនិយាយថា រុស្ស៊ីបានស្នើសុំជំនួយយោធាពីប្រទេសចិនក្នុងសង្គ្រាមនៅអ៊ុយក្រែន

សហរដ្ឋអាមេរិក៖ មន្ត្រីជាន់ខ្ពស់អាមេរិកមួយរូបបានប្រាប់សារព័ត៌មាន CNN ថា ប្រទេសរុស្ស៊ីបានស្នើសុំជំនួយយោធាពីចិនក្នុងសង្គ្រាមនៅអ៊ុយក្រែន រួមមានយានដ្រូន ខណៈខ្លួននៅតែបន្តឈ្លានពានដោយគ្មានមូលហេតុ។ ជំនួយដ៏ធំពីប្រទេសចិននឹងក្លាយជាកម្លាំងដ៏សំខាន់នៅក្នុងការឈ្លានពានរបស់រុស្ស៊ី ហើយនឹងធ្វើឲ្យកងកម្លាំងអ៊ុយក្រែនបាត់បង់សមត្ថភាពក្នុងការឈរជើងនៅក្នុងប្រទេសនេះ។នៅពេលត្រូវបានសួរអំពីរបាយការណ៍នៃសំណើរបស់ប្រទេសរុស្ស៊ី ចំពោះជំនួយយោធានេះលោក Liu Pengyu អ្នកនាំពាក្យស្ថានទូតចិនក្នុងសហរដ្ឋអាមេរិក បាននិយាយនៅក្នុងសេចក្ដីថ្លែងការណ៍ថា លោកមិនដែលបានលឺពីដំណឹងនេះទេ។ លោក Liu បានបង្ហាញក្ដីបារម្ភអំពីស្ថានភាពរបស់ប្រទេសអ៊ុយក្រែន ដោយហៅការលើកឡើងនោះថា ជារឿងខកចិត្តខ្លាំងបំផុត និងបាននិយាយថា ប្រទេសចិន និងបន្តផ្ដល់ជំនួយមនុស្សធម៌ដល់អ៊ុយក្រែន។ លោក Liu បាននិយាយថា ចំណុចជាអាទិភាពធំបំផុតនៅពេលនេះ គឺត្រូវទប់ស្កាត់ស្ថានភាពដែលកំពុងតានតឹងនេះ កុំឲ្យរីកកាន់តែធំថែមទៀតរហូតគ្រប់គ្រងលែងបាន ប្រទេសចិនអំពាវនាវឲ្យមានការអត់ធ្មត់ឲ្យបានច្រើនបំផុត និងទប់ស្កាត់កុំឲ្យមានវិបត្តិមនុស្សធម៌ធ្ងន់ធ្ងរ។ ស្ថានទូតរុស្ស៊ីនៅក្នុងសហរដ្ឋអាមេរិកមិនបានឆ្លើយតបភ្លាមៗទេ ចំពោះការស្នើសុំសេចក្ដីអត្ថាធិប្បាយពីសារព័ត៌មាន CNN៕អត្ថបទ៖ សុខមាន

អង្គការសហប្រជាជាតិនិយាយថា ជនស៊ីវិលជិត ៦០០នាក់បានស្លាប់នៅអ៊ុយក្រែនចាប់តាំងពីផ្ទុះសង្គ្រាម

អ៊ុយក្រែន៖ ការិយាល័យសិទ្ធិមនុស្សរបស់អង្គការសហប្រជាជាតិនិយាយថា ជនស៊ីវិលយ៉ាងហោចណាស់ ៥៩៦នាក់បានស្លាប់នៅក្នុងប្រទេសអ៊ុយក្រែនចាប់តាំងពីចាប់ផ្ដើមផ្ទុះសង្គ្រាម និងយ៉ាងហោចណាស់មនុស្ស ១,០៦៧នាក់រងរបួស។ការិយាល័យនៃឧត្ដមស្នងការជាន់ខ្ពស់សិទ្ធិមនុស្ស របស់អង្គការសហប្រជាជាតិបាននិយាយកាលពីថ្ងៃអាទិត្យថា ក្នុងចំណោមអ្នកស្លាប់ទាំងនោះមាន ៤៣នាក់ជាកុមារ និង ៥៧នាក់ផ្សេងទៀតរងរបួស។ ការិយាល័យដែលមានមូលដ្ឋាននៅក្នុងទីក្រុងហ្សឺណែវមួយនេះបានកត់ត្រាអ្នកស្លាប់ចំនួន ៥៧៩នាក់ និង ១,០០២នាក់រងរបួសកាលពីមួយថ្ងៃមុន។ អង្គការនេះបាននិយាយថា អ្នករងគ្រោះជាជនស៊ីវិលដែលបានកត់ត្រាច្រើនបំផុត គឺបណ្ដាលមកពីគ្រឿងផ្ទុះដែលមានផលប៉ះពាល់ធ្ងន់ធ្ងរដូចជា ការបាញ់ផ្លោងពីគ្រាប់កាំភ្លើងធំ និងការវាយប្រហារដោយមីស៊ីលជាដើម។ក្នុងសកម្មភាពវាយប្រហារថ្មីៗចុងក្រោយពីសំណាក់រុស្ស៊ីលើអ៊ុយក្រែន អង្គភាពផ្ដល់សេវាសង្គ្រោះបន្ទាន់អ៊ុយក្រែនបាននិយាយថា មនុស្សម្នាក់បានស្លាប់ និងម្នាក់ទៀតរងរបួសដោយសារតែការវាយប្រហារដោយគ្រាប់កាំភ្លើងធំ ទៅលើអគារលំនៅឋានកម្ពស់ ៩ជាន់ក្នុងទីក្រុង Chernihiv៕អត្ថបទ៖ សុខមាន

អ្នកតវ៉ាប្រឆាំងសង្គ្រាមជាង ៧០០នាក់ត្រូវបានចាប់ខ្លួននៅទូទាំងប្រទេសរុស្ស៊ី

រុស្ស៊ី៖ មនុស្សជាង ៧៥០នាក់ត្រូវបានចាប់ខ្លួននៅក្នុងទីក្រុងជាច្រើនទូទាំងប្រទេសរុស្ស៊ី ដោយសារតែការតវ៉ាប្រឆាំងទៅនឹងការឈ្លានពានរបស់ក្រុង Moscow លើប្រទេសអ៊ុយក្រែន ដែលពេលនេះបានឈានចូលដល់សប្ដាហ៍ទី៣ ហើយ។ក្រុមឃ្លាំមើលការតវ៉ាឯករាជ្យ OVD-Info បាននិយាយថា នគរបាលបានចាប់ខ្លួនមនុស្សចំនួន ៧៥៦នាក់អំឡុងការតវ៉ានានាក្នុងទីក្រុងចំនួន ៣៧ របស់ប្រទេសរុស្ស៊ី។ ចាប់តាំងពីលោកប្រធានាធិបតីរុស្ស៊ី Vladimir Putin បានបញ្ជាឲ្យចូលវាយប្រហារលើអ៊ុយក្រែនទាំងតាមដីគោក អាកាស និងផ្លូវទឹកកាលពីថ្ងៃ ទី២៤ខែកុម្ភៈមក ក្រុម OVD-Info បានរាយការណ៍ថា មានមនុស្សជាង ១៤,០០០នាក់ត្រូវបានចាប់ខ្លួនជាប់ពាក់ព័ន្ធនឹងសកម្មភាពប្រឆាំងទៅនឹងសង្គ្រាម។រហូតមកដល់ពេលនេះមនុស្សជាង ១៧០នាក់នៅតែត្រូវបានឃុំខ្លួននៅឡើយទេ។ វិមានក្រឹមឡាំងបានអនុម័តច្បាប់មួយឲ្យចូលជាធរមានកាលពីថ្ងៃទី៤ ខែមីនាពីបទឧក្រិដ្ឋចំពោះការរាយការណ៍ និងការតវ៉ាផ្សេងៗអំពីសង្គ្រាមឯករាជ្យដោយផ្ដន្ទាទោសជាប់ពន្ធនាគាររហូតដល់ ១៥ឆ្នាំ៕អត្ថបទ៖ សុខមាន

ទាហានរុស្ស៊ីបាញ់ប្រហើរក្បាលក្រុមអ្នកតវ៉ាក្នុងទីក្រុង Kherson របស់អ៊ុយក្រែន និងចាប់ខ្លួនមនុស្សរាប់សិបនាក់

អ៊ុយក្រែន៖ កម្លាំងទាហានរុស្ស៊ីបានបាញ់គ្រាប់កាំភ្លើងពិតប្រហើរពីលើក្បាល របស់ប្រជាពលរដ្ឋដែលជាអ្នកតវ៉ានៅទីក្រុង Kherson របស់ប្រទេសអ៊ុយក្រែនដែលបានចេញតវ៉ានៅតាមដងផ្លូវនានា ប្រឆាំងទៅនឹងការគ្រប់គ្រងទីក្រុងនេះដោយកម្លាំងប្រដាប់អាវុធរុស្ស៊ី ខណៈប្រធានាធិបតីអ៊ុយក្រែនព្រមានថា លោក Vladimir Putin មានផែនការកែប្រែទីក្រុង Kherson ទៅជាសាធារណរដ្ឋផ្ដាច់ខ្លួន។ក្រុមបាតុករដ៏ក្លាហ៊ានអ៊ុយក្រែនបានចេញតវ៉ាជាថ្មីទៀតតាមដងផ្លូវនានានៅទីក្រុង Kherson កាលពីថ្ងៃអាទិត្យ ប្រឆាំងទៅនឹងកងកម្លាំងរុស្ស៊ីដែលកំពុងគ្រប់គ្រងទីក្រុងនេះ ទោះបីជាមានការប៉ុនប៉ងជាថ្មីក្នុងការបង្ក្រាបស្មារតីរបស់ប្រជាពលរដ្ឋ ដែលបច្ចុប្បន្នកំពុងរស់នៅក្រោមការគ្រប់គ្រងរបស់រុស្ស៊ីក៏ដោយ។ វីដេអូបានបង្ហាញពីក្រុមបាតុករកំពុងហៅក្រុមអ្នកឈ្លានពានរុស្ស៊ីថា ជាពួកហ្វាស៊ីស ខណៈពួកគេបានដើរព័ទ្ធជុំវិញរថយន្តដែលមានសរសេរអក្សរ 'Z' ពណ៌សនៅពីចំហៀងរថយន្ត ជាសញ្ញាបញ្ជាក់ពីនិមិត្តនៃការប្រែក្លាយយ៉ាងលឿននៃការគាំទ្រលោក Putin។ ទាហានរុស្ស៊ីបានបាញ់ឡើងលើអាកាស ដើម្បីព្យាយាមបំបែកក្រុមបាតុករចេញពីរថយន្តរបស់ពួកគេ។ ក្រុមមេបញ្ជាការអ៊ុយក្រែនបាននិយាយកាលពីសប្ដាហ៍មុនថា នគរបាលយោធារុស្ស៊ីបានចាប់ខ្លួនក្រុមសកម្មជន ៤០០នាក់បន្ទាប់ពីពួកគេចេញតវ៉ាប្រឆាំងការឈ្លានពានរបស់រុស្ស៊ី៕អត្ថបទ៖ សុខមាន

រុស្ស៊ីពឹងផ្អែកលើចិនជួយសម្រាលទណ្ឌកម្ម ខណៈអាមេរិកព្រមានក្រុងប៉េកាំង

រុស្ស៊ី៖ រុស្ស៊ីនិយាយថា ខ្លួនកំពុងពឹងផ្អែកលើជំនួយរបស់ចិនដើម្បីទប់ទល់នឹងទណ្ឌកម្មសេដ្ឋកិច្ចដ៏ធ្ងន់ធ្ងរ ដែលត្រូវបានដាក់ដោយបណ្ដាប្រទេសលោកខាងលិចជុំវិញសង្គ្រាមនៅអ៊ុយក្រែន ខណៈសហរដ្ឋអាមេរិកបានព្រមានក្រុងប៉េកាំងកុំឲ្យផ្ដល់មធ្យោបាយគេចផុតពីស្ថានភាពយ៉ាប់យ៉ឺនទាំងឡាយ។ រដ្ឋមន្ត្រីក្រសួងហិរញ្ញវត្ថុរុស្ស៊ីលោក Anton Siluanov បាននិយាយថា ទណ្ឌកម្មនេះបានធ្វើឲ្យរុស្ស៊ីមិនអាចទទួលបានប្រាក់ចំនួន ៣០០ពាន់លានដុល្លារនៃទឹកប្រាក់សរុប ៦៤០ពាន់លានដុល្លារអាមេរិកជាមាសសុទ្ធ និងទុនប្ដូរប្រាក់បរទេសបម្រុង ហើយបានបន្ថែមថា មានសម្ពាធលើក្រុងប៉េកាំងដើម្បីឲ្យបិទច្រកបន្ថែមទៀត។ លោកបាននិយាយកាលពីថ្ងៃអាទិត្យថា យើងមានចំណែកនៃមាស និងទុនប្ដូរប្រាក់បរទេសបម្រុងរបស់យើងជារូបិយប័ណ្ណចិនគឺប្រាក់យ័ន (yuan)។ ហើយយើងបានមើលឃើញថា អ្វីដែលជាសម្ពាធកំពុងត្រូវបានដាក់ដោយបណ្ដាប្រទេសលោកខាងលិចលើចិន គឺដើម្បីកំណត់ការធ្វើពាណិជ្ជកម្មទៅវិញទៅមកជាមួយចិន។ ជារួមពិតជាមានសម្ពាធក្នុងការរឹតត្បិតមធ្យោបាយចូលទៅយកប្រាក់បម្រុងទាំងនោះ។ប៉ុន្តែខ្ញុំគិតថា មិត្តភាពរបស់យើងជាមួយចិននឹងនៅតែអនុញ្ញាត ឲ្យយើងរក្សាបាននូវកិច្ចសហប្រតិបត្តិការ ដែលយើងទទួលបានដែលមិនត្រឹមតែការរក្សាបានទំនាក់ទំនងល្អប៉ុណ្ណោះទេ ថែមទាំងបានបង្កើនបរិស្ថានល្អ ជាទីដែលបណ្ដាទីផ្សាររបស់លោកខាងលិចកំពុងតែបិទទៀតផង។ សហរដ្ឋអាមេរិកបានព្រមានថា ប្រទេសចិននឹងប្រឈមនឹងផលវិបាក បើប្រទេសនេះជួយរុស្ស៊ីឲ្យគេចផុតពីទណ្ឌកម្មដែលត្រូវបានដាក់ជុំវិញបញ្ហាអ៊ុយក្រែន៕អត្ថបទ៖ សុខមាន

លោកជំទាវ ហ៊ុន ម៉ាណា អញ្ជើញប្រគល់អំណោយអណ្តូងទឹកស្អាតចំនួន៥ និងប្រគេនទេយ្យវត្ថុដល់វត្តចំនួន៦ក្នុងខេត្តកំពត

កំពត ៖ នៅព្រឹកថ្ងៃអាទិត្យទី១៣ ខែមីនា ឆ្នាំ២០២២នេះ លោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន បានអញ្ជើញដឹកនាំក្រុមការងារចុះប្រគល់អំណោយអណ្ដូងទឹកស្អាតចំនួន៥ ដល់ប្រជាពលរដ្ឋក្នុងស្រុកដងទង់ខេត្តកំពត។ អណ្ដូងទឹកដែលមានលេខរៀងពី ១០០ ដល់១០៤នេះ ជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ដល់ជូនបងប្អូនប្រជាពលរដ្ឋនៅក្នុងស្រុកដងទង់ខេត្តកំពតប្រើប្រាស់តាមតម្រូវការ នារដូវប្រាំងចូលមកដល់នេះ។ នៅក្នុងពិធីប្រគល់អណ្ដូងទឹកនេះ នៅតាមទីតាំងអណ្ដូងទឹកនីមួយៗលោកជំទាវ ហ៊ុន ម៉ាណា បានសំណេះសំណាលជាមួយបងប្អូនប្រជាពលរដ្ឋ ដែលទទួលអាស្រ័យផលអណ្ដូងទឹកនេះ ព្រមទាំងបានពាំនាំនូវការផ្ដាំផ្ញើសួរសុខទុក្ខពីសំណាក់សម្ដេចតេជោ និងសម្ដេចកិត្តព្រឹទ្ធបណ្ឌិត ទៅដល់បងប្អូនប្រជាពលរដ្ឋទាំងអស់ផងដែរ។ លោកជំទាវបានមានប្រសាសន៍ថា សម្ដេចតេជោ និងសម្ដេចកិត្តិព្រឹទ្ធបណ្ឌិត តែងតែគិតគូរអំពីសុខទុក្ខបងប្អូនប្រជាពលរដ្ឋគ្រប់ទីកន្លែង ជាពិសេសតាមរយៈការផ្ដល់អំណោយជាអណ្តូងទឹកនេះ ជាការរួមចំណែកយ៉ាងសំខាន់ក្នុងការដោះស្រាយការលំបាករបស់ប្រជាពលរដ្ឋ ទាក់ទងទៅនឹងការខ្វះខាតទឹកប្រើប្រាស់ នារដូវប្រាំងនេះ ដើម្បីឱ្យបងប្អូនប្រជាពលរដ្ឋបានប្រើប្រាស់ក្នុងជីវភាពប្រចាំថ្ងៃ កាត់បន្ថយការលំបាកដោយសារអត់ទឹកប្រើប្រាស់។ នាឱកាសនោះផងដែរលោកជំទាវក៏បានចែកជូននូវអំណោយកំដរដៃរបស់សម្ដេចតេជោ និងសម្ដេចកិត្តិព្រឹទ្ធបណ្ឌិតដល់បងប្អូនប្រជាពលរដ្ឋដែលបានចូលរួមអបអរសាទរនៅក្នុងពិធីប្រគល់អណ្ដូងទឹកគ្រប់ទីតាំងទាំង៥។ នៅក្នុងឱកាសកាសនោះ ដោយមើលឃើញពីការលំបាករបស់ប្រជាពលរដ្ឋ១គ្រួសាររស់នៅផ្ទះចាស់តូច ចង្អៀតនោះ លោកជំទាវក៏សម្រេចសាងសង់ផ្ទះទេវតា១ខ្នងជូនគ្រួសាររបស់គាត់ផងដែរ និងករណីមួយទៀត ដោយទឹកចិត្តអាណិតអាសូរចំពោះប្អូនស្រី ឈ្មោះ កៅ ស្រីណែត អាយុ២៨ឆ្នាំ មានជំងឺទឹកនោមប្រៃ ដោយត្រូវដូរឈាមជាប្រជាប្រចាំខែនោះ លោកជំទាវក៏បានផ្តល់ថវិកាចំនួន៣០០០ដុល្លារ សម្រាប់ដោះស្រាយការលំបាក ក្នុងជីវភាពរបស់ប្អូនស្រី ជាពិសេសក្នុងការដូរឈាមជាប្រចាំខែនោះ។ បន្ទាប់មក ចប់ពិធីប្រគល់អណ្ដូងទឹកស្អាតចំនួន៥ លោកជំទាវ ហ៊ុន ម៉ាណា ក៏បានដឹកនាំក្រុមការងារអញ្ជើញទៅប្រគេនទេយ្យវត្ថុ ដែលមានស្បៀងអាហារ គ្រឿងឧបភោគ-បរិភោគ និងសម្ភារៈប្រើប្រាស់ជាច្រើនមុខរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនដល់ដល់វត្តចំនួន៦ជាបន្តទៀត ដែលស្ថិតនៅក្នុង ស្រុកទឹកឈូខេត្តកំពត ហើយពិធីប្រគល់ទៅវត្ថុនេះធ្វើឡើងនៅទីវត្តអារាម វត្តជុំគ្រៀល ក្នុងភូមិកំពង់កណ្ដាល ឃុំជុំគ្រៀល ស្រុកទឹកឈូ ខេត្តកំពត។ វត្តដែលទទួលបាននៅទេយ្យវត្ថុទាំង៦វត្តនោះរួមមាន វត្តជុំគ្រៀល , វត្តត្រើយកោះវត្តពិជ័យឧត្តុង្គ, វត្តពោធិ៍ ,វត្តអង្គ និងវត្តកូនសត្វ។ លោកជំទាវ បានមានប្រសាសន៍ទូលប្រគេនដល់ព្រះសង្ឃថា ជានិច្ចកាលសម្តេចទាំងទ្វេតែងតែគិតគូរអំពីទុក្ខលំបាករបស់ព្រះសង្ឃគ្រប់ព្រះអង្គតាមទីអារាមនានាក្នុងប្រទេសកម្ពុជា ហើយការនាំយកទេយ្យវត្ថុមកប្រគេនជូននៅពេលនេះ អាចជួយសម្រាលនូវការលំបាករបស់ព្រះសង្ឃគ្រប់អង្គបានមួយរយៈផងដែរ ជាពិសេសនៅក្នុងវិបត្តិកូវីដ១៩នេះ ។ ទេយ្យទានក្នុងមួយវត្តទទួលបាន៖០១-អង្ករ១តោន ០២-ត្រីខ ចំនួន១កេស មាន១០យួរ០៣-មីចំនួន៥កេសធំ(៣០កេសតូច)០៤- ត្រីងៀតចំនួន ១០ គីឡូ០៥- សាច់ក្រកចំនួន១០ គីឡូ០៦- សាច់ជ្រូផាត់ចំនួន១០ គីឡូ០៧- ទឹកដោះគោខាប់ ចំនួន២កេស ០៨- កាហ្វេ ចំនួន ៥កញ្ចប់ធំ ០៩- តែ ចំនួន ២គីឡូក្រាម១០- ស្ករសចំនួន១បេ ១១- អំបិលចំនួន១បេ១២- ប៊ីចេងចំនួន១បេ ១៣- ទឹកត្រីចំនួន៥យួ ១៤- ទឹកស៊ីអ៊ីវចំនួន៥យួរ ១៥- សាប៊ូដុំ ចំនួន ៣០ ដុំតូច១៦- ច្រាស និងថ្នាំដុសធ្មេញ ចំនួន១០០ឈុត១៧- វីតាមីនសេ ចំនួន ១០ ប្រអប់ ១៨- ប្រេងកូឡា ចំនួន ៥ ដុំ ១៩- ប្រេងខ្យល់ ចំនួន៥ដុំ ២០- ម៉ាស ចំនួន២០ប្រអប់ មាន១០០០ម៉ាស ២១- អាល់កុលសម្លាប់មេរោគ ចំនួន៤កាន ២២- ដបសំរាប់ដាក់អាល់កុល ចំនួន១០ ដប២៣- ស្លាដក់ចំនួន១៨៤កញ្ចប់២៤- ថវិកា ចំនួន២លានរៀល៕

មេដឹកនាំសហភាពអឺរ៉ុបពិភាក្សាពីការឆ្លើយតបទៅនឹងសង្គ្រាមរុស្ស៊ី-អ៊ុយក្រែន

អឺរ៉ុប៖ មេដឹកនាំសហភាពអឺរ៉ុបដែលបានមកជួបប្រជុំនៅក្នុងប្រទេសបារាំងកាលពីថ្ងៃសុក្រ សម្រាប់កិច្ចពិភាក្សាថ្ងៃទី២ ដែលធ្វើឡើងក្នុងពេលមានសង្គ្រាមរយៈពេល ២សប្តាហ៍របស់រុស្ស៊ីនៅអ៊ុយក្រែន។ ប្រធានគណៈកម្មការអឺរ៉ុបលោកស្រី Ursula von der Leyen និយាយថា ច្រកឆ្ពោះទៅរកដំណើរការចូលជាសមាជិកសហភាពអឺរ៉ុបរបស់អ៊ុយក្រែនបច្ចុប្បន្ននេះគឺបើកចំហ។លោកស្រីនិយាយថា ពួកគេគឺជាផ្នែកមួយនៃគ្រួសារអឺរ៉ុប។ ថ្លែងអំពីការពឹងផ្អែករបស់អឺរ៉ុបលើឥន្ធនៈរុស្ស៊ី លោកស្រី von der Leyen និយាយថា ប្លុកអឺរ៉ុបក្នុងរយៈពេលប៉ុន្មានខែខាងមុខនេះ នឹងបញ្ចប់បន្តិចម្តងការពឹងផ្អែករបស់យើងលើឧស្ម័ន ប្រេង និងធ្យូងថ្មរបស់រុស្ស៊ីរហូតដល់ត្រឹមឆ្នាំ២០២៧។ សហភាពអឺរ៉ុបនាំចូល ៩០% នៃឧស្ម័នធម្មជាតិដែលប្រើដើម្បីផលិតអគ្គិសនី កម្ដៅលំនៅឋាន និងឧស្សាហកម្មផ្គត់ផ្គង់ ដោយរុស្ស៊ីផ្គត់ផ្គង់ឧស្ម័នដល់អឺរ៉ុបជិត ៤០% និងមួយភាគបួននៃប្រេងឥន្ធនៈ៕អត្ថបទ៖ ប៊ុនថន

លោក Biden និយាយថា ពិភពលោកត្រូវតែខិតខំទប់ស្កាត់សង្គ្រាមលោកលើកទី៣

សហរដ្ឋអាមេរិក៖ ប្រធានាធិបតីលោក Joe Biden និយាយថា ទណ្ឌកម្មរបស់សហរដ្ឋអាមេរិក និងអឺរ៉ុបកំពុងបំផ្លាញសេដ្ឋកិច្ចរបស់រុស្ស៊ី ហើយទីភ្នាក់ងារវាយតម្លៃឥណទានបានបន្ទាបតម្លៃរូបិយប័ណ្ណរបស់រុស្ស៊ី។ វិធានការក្នុងសប្តាហ៍នេះជាវិធានការថ្មីបំផុត សម្រាប់ទណ្ឌកម្មដែលបានធ្វើឱ្យសេដ្ឋកិច្ចរុស្ស៊ីចុះខ្សោយ និងជាសញ្ញាមួយដែលថា សហរដ្ឋអាមេរិក និងសម្ព័ន្ធមិត្តនឹងបន្តប្រើប្រាស់ទម្ងន់ហិរញ្ញវត្ថុរបស់ពួកគេ ដើម្បីសងសឹកប្រធានាធិបតីរុស្ស៊ីលោក Vladimir Putin។នៅក្នុងសុន្ទរកថានៅសេតវិមាន លោក Biden និយាយថា សហរដ្ឋអាមេរិក និងសម្ព័ន្ធមិត្តនឹងធ្វើឱ្យប្រាកដថា អ៊ុយក្រែនមានអាវុធដើម្បីការពារកងកម្លាំងរុស្ស៊ីដែលកំពុងឈ្លានពាន។ ប៉ុន្តែលោកបានគូសបញ្ជាក់ថា ទាហានអាមេរិកនឹងមិនធ្វើសង្គ្រាមប្រឆាំងនឹងរុស្ស៊ីនៅអ៊ុយក្រែននោះទេ។ លោក Biden និយាយថា ការប្រឈមមុខដាក់គ្នាដោយផ្ទាល់រវាងណាតូ និងរុស្ស៊ីគឺជាសង្គ្រាមលោកលើកទី៣ ជាអ្វីដែលយើងត្រូវខិតខំទប់ស្កាត់។ លោកប្រធានាធិបតីបានធានាថា សង្គ្រាមរបស់លោក Putin លើអ៊ុយក្រែននឹងមិនទទួលបានជ័យជំនះនោះទេ ហើយពិភពលោកបានរួមគ្នាប្រឆាំងការឈ្លានពានរបស់រុស្ស៊ី និងគាំទ្រប្រជាជនអ៊ុយក្រែន។ នៅពេលសួរថា តើនឹងមានអ្វីកើតឡើង ប្រសិនបើរុស្ស៊ីប្រើប្រាស់អាវុធគីមីដូចដែលសេតវិមានបានព្រមានថា វាអាចនឹងកើតឡើងនោះ លោកប្រធានាធិបតីបាននិយាយថា រុស្ស៊ីនឹងបង់ប្រាក់ធ្ងន់ធ្ងរ ប្រសិនបើខ្លួនប្រើប្រាស់អាវុធគីមី៕អត្ថបទ៖ ប៊ុនថន

មេដឹកនាំសហភាពអឺរ៉ុបបើកកិច្ចពិភាក្សាផ្តោតលើបញ្ហាប្រទេសអ៊ុយក្រែន

អឺរ៉ុប៖ មេដឹកនាំសហភាពអឺរ៉ុបបានពិភាក្សាគ្នាផ្តោតលើវិធីជួយប្រទេសអ៊ុយក្រែន ក្នុងសង្គ្រាមរបស់ខ្លួនជាមួយរុស្ស៊ី ប៉ុន្តែវិធានការដែលត្រូវពិភាក្សាត្រូវបានរំពឹងថា នឹងបញ្ឈប់ការបំពេញក្តីសង្ឃឹមរបស់ប្រទេសនេះថា ខ្លួនអាចចូលរួមជាមួយប្លុកអឺរ៉ុបក្នុងពេលឆាប់ៗនេះ។បណ្ដាប្រទេសសហភាពអឺរ៉ុបបានរួបរួមគ្នាយ៉ាងពេញលេញ ក្នុងការគាំទ្រការតស៊ូរបស់អ៊ុយក្រែន ដោយមានការដាក់ទណ្ឌកម្មសេដ្ឋកិច្ចមិនធ្លាប់មានពីមុនមកលើរុស្ស៊ី។ ប្រធានាធិបតីអ៊ុយក្រែនលោក Volodymyr Zelenskyy ចង់ឱ្យប្រទេសរបស់លោកក្លាយជាសមាជិកសហភាពអឺរ៉ុបយ៉ាងឆាប់រហ័ស ប៉ុន្តែកិច្ចព្រមព្រៀងលើចំណុចនេះនឹងមិនត្រូវបានសម្រេចក្នុងសប្តាហ៍នេះទេ។ មេដឹកនាំសហភាពអឺរ៉ុបត្រូវបានគេរំពឹងថា នឹងព្រមព្រៀងលើការគាំទ្របំណងរបស់អ៊ុយក្រែនដើម្បីចូលរួមជាមួយគ្រួសារអឺរ៉ុប។បំណងរបស់អ៊ុយក្រែនបានទទួលការគាំទ្រដ៏កក់ក្តៅក្នុងបណ្តាប្រទេសនៅអឺរ៉ុបខាងកើត ប៉ុន្តែមន្ត្រីសហភាពអឺរ៉ុបបាននិយាយថា ដំណើរការនេះអាចចំណាយពេលច្រើនឆ្នាំក្នុងការឯកភាពគ្នា ក្នុងចំណោមសមាជិកបច្ចុប្បន្នដើម្បីអនុញ្ញាតឲ្យសមាជិកថ្មីចូលមកក្នុងប្លុកនេះ៕អត្ថបទ៖ ប៊ុនថន

ប្រធាន IAEA ពិភាក្សាពីសុវត្ថិភាពនុយក្លេអ៊ែរជាមួយរុស្ស៊ី និងអ៊ុយក្រែន

អឺរ៉ុប៖ ប្រធានទីភ្នាក់ងារថាមពលអាតូមិកអន្តរជាតិ (IAEA) និយាយថា ទាំងប្រទេសរុស្ស៊ី និងអ៊ុយក្រែនបានព្រមព្រៀងថា គំនិតផ្ដួចផ្ដើមកិច្ចពិភាក្សាដើម្បីធានាបាន នូវសុវត្ថិភាពរោងចក្រនុយក្លេអ៊ែរនៅអ៊ុយក្រែន គឺជាការបន្តស្វែងរកដ៏មានតម្លៃ និងបានបង្ហាញពីឆន្ទៈរបស់ពួកគេក្នុងការធ្វើការ ជាមួយទីភ្នាក់ងារថាមពលអាតូមិកអន្តរជាតិ (IAEA) ដើម្បីធ្វើឲ្យស្របជាមួយក្របខណ្ឌដែលបានព្រមព្រៀង។លោក Rafael Grossi បានជួបពិភាក្សានៅក្នុងប្រទេសទួរគី ជាមួយរដ្ឋមន្ត្រីការបរទេសរុស្ស៊ី និងអ៊ុយក្រែន ក្នុងក្តីសង្ឃឹមចាប់ផ្ដើមកិច្ចព្រមព្រៀង ដើម្បីការពាររោងចក្រនុយក្លេអ៊ែរនៅប្រទេសអ៊ុយក្រែន ក្នុងពេលការវាយលុករបស់រុស្ស៊ីលើអ៊ុយក្រែន។ កងកម្លាំងរុស្ស៊ីបានបាញ់ផ្លោងទៅលើរោងចក្រនុយក្លេអ៊ែរធំបំផុត របស់អឺរ៉ុបក្នុងប្រទេសអ៊ុយក្រែននៅទីក្រុង Zaporizhzhia ខណៈអតីតរោងចក្រនុយក្លេអ៊ែរ Chernobyl ត្រូវបានកាន់កាប់ដោយកងកម្លាំង បន្ទាប់ពីការប្រយុទ្ធដ៏ខ្លាំងជាមួយឆ្មាំជាតិអ៊ុយក្រែន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រុម MSF ៖ការឆ្លើយតបកង្វះអាហារូបត្ថម្ភសូម៉ាលី រងផលប៉ះពាល់ដោយសារការកាត់ផ្តាច់ជំនួយមូលនិធិ

ភ្ញៀវទេសចរស៊ូទ្រាំនឹងអាកាសធាតុក្តៅខ្លាំងនៅសំណង់បុរាណចាស់ក្នុងទីក្រុងរ៉ូមស្របពេលរលកកម្តៅ

ទីភ្នាក់ងារ UN៖អាកាសធាតុក្តៅ កើតឡើងញឹកញាប់ ខ្លាំងក្លា និងយូរជាងមុនទី

ពលរដ្ឋស៊ីរីស្វាគមន៍ទោសប្រហារជីវិតសម្រាប់លោក Bashar al-Assad និងក្រុមមន្រ្តីក្នុងរបបរបស់លោក

UN៖ រញ្ជួយដី នៅកូឡុំប៊ី បំផ្លាញផ្ទះជិត ៥.០០០ខ្នង និងមណ្ឌលសុខភាព ២៤កន្លែងខណៈអ្នកស្លាប់កើនឡើង

អនុប្រធានាធិបតីហ្វីលីពីន លោកស្រី Duterte រងការចោទប្រកាន់បទល្មើសព្រហ្មទណ្ឌ ជុំវិញការគំរាមលើលោក Marcos

អង្គការ NASA អញ្ជើញឥណ្ឌាឱ្យចូលរួមបេសកកម្មសាងមូលដ្ឋានលើឋានព្រះចន្ទរបស់ខ្លួន

ប្រតិបត្តិការស្វែងរកអ្នករស់នៅបន្ត ខណៈមនុស្ស២២៤នាក់ស្លាប់ ២.៧០០នាក់ ត្រូវបានរាយការណ៍ថា បាត់ខ្លួនក្នុងការរញ្ជួយដីកូឡុំប៊ី

នីហ្សេរីយ៉ាកត់ត្រាជំងឺគ្រុនក្តៅឡាសា ១.០០០ករណី និងអ្នកស្លាប់ ២៣៧នាក់ ក្នុងឆ្នាំ២០២៦

ក្រុមហ៊ុនអវកាសវៀតណាម ប្រកាសកិច្ចព្រមព្រៀងជាមួយ SpaceX ដើម្បីបាញ់បង្ហោះផ្កាយរណបលើកដំបូងរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិកនិយាយថា រុស្ស៊ីបានស្នើសុំជំនួយយោធាពីប្រទេសចិនក្នុងសង្គ្រាមនៅអ៊ុយក្រែន

អង្គការសហប្រជាជាតិនិយាយថា ជនស៊ីវិលជិត ៦០០នាក់បានស្លាប់នៅអ៊ុយក្រែនចាប់តាំងពីផ្ទុះសង្គ្រាម

អ្នកតវ៉ាប្រឆាំងសង្គ្រាមជាង ៧០០នាក់ត្រូវបានចាប់ខ្លួននៅទូទាំងប្រទេសរុស្ស៊ី

ទាហានរុស្ស៊ីបាញ់ប្រហើរក្បាលក្រុមអ្នកតវ៉ាក្នុងទីក្រុង Kherson របស់អ៊ុយក្រែន និងចាប់ខ្លួនមនុស្សរាប់សិបនាក់

រុស្ស៊ីពឹងផ្អែកលើចិនជួយសម្រាលទណ្ឌកម្ម ខណៈអាមេរិកព្រមានក្រុងប៉េកាំង

មេដឹកនាំសហភាពអឺរ៉ុបពិភាក្សាពីការឆ្លើយតបទៅនឹងសង្គ្រាមរុស្ស៊ី-អ៊ុយក្រែន

លោក Biden និយាយថា ពិភពលោកត្រូវតែខិតខំទប់ស្កាត់សង្គ្រាមលោកលើកទី៣

មេដឹកនាំសហភាពអឺរ៉ុបបើកកិច្ចពិភាក្សាផ្តោតលើបញ្ហាប្រទេសអ៊ុយក្រែន

ប្រធាន IAEA ពិភាក្សាពីសុវត្ថិភាពនុយក្លេអ៊ែរជាមួយរុស្ស៊ី និងអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក​និយាយថា រុស្ស៊ី​បានស្នើ​សុំ​ជំនួយ​យោធា​ពី​ប្រទេស​ចិន​ក្នុង​សង្គ្រាម​នៅ​អ៊ុយ​ក្រែ​ន​

អ្នក​តវ៉ា​ប្រឆាំង​សង្គ្រាម​ជាង​ ៧០០​នាក់​ត្រូវ​បាន​ចាប់ខ្លួន​នៅ​ទូទាំង​ប្រទេស​រុស្ស៊ី​

រុស្ស៊ី​ពឹងផ្អែក​លើ​ចិន​ជួយ​សម្រាល​ទណ្ឌកម្ម ខណៈ​អាមេរិក​ព្រមាន​ក្រុង​ប៉េកាំង​

មេដឹកនាំ​សហភាព​អឺរ៉ុប​ពិភាក្សា​ពី​ការ​ឆ្លើយ​តប​ទៅ​នឹង​សង្គ្រាម​រុស្ស៊ី​-​អ៊ុយ​ក្រែ​ន​

លោក Biden​ និយាយថា ពិភពលោក​ត្រូវតែ​ខិតខំ​ទប់ស្កាត់​សង្គ្រាមលោកលើកទី៣

មេដឹកនាំ​សហភាព​អឺរ៉ុប​បើក​កិច្ចពិភាក្សា​ផ្តោត​លើ​បញ្ហា​ប្រទេស​អ៊ុយ​ក្រែ​ន​

ប្រធាន IAEA ពិភាក្សា​ពី​សុវត្ថិភាព​នុយក្លេអ៊ែរ​ជាមួយ​រុស្ស៊ី និង​អ៊ុយ​ក្រែ​ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិកនិយាយថា រុស្ស៊ីបានស្នើសុំជំនួយយោធាពីប្រទេសចិនក្នុងសង្គ្រាមនៅអ៊ុយក្រែន

អ្នកតវ៉ាប្រឆាំងសង្គ្រាមជាង ៧០០នាក់ត្រូវបានចាប់ខ្លួននៅទូទាំងប្រទេសរុស្ស៊ី

រុស្ស៊ីពឹងផ្អែកលើចិនជួយសម្រាលទណ្ឌកម្ម ខណៈអាមេរិកព្រមានក្រុងប៉េកាំង

មេដឹកនាំសហភាពអឺរ៉ុបពិភាក្សាពីការឆ្លើយតបទៅនឹងសង្គ្រាមរុស្ស៊ី-អ៊ុយក្រែន

លោក Biden និយាយថា ពិភពលោកត្រូវតែខិតខំទប់ស្កាត់សង្គ្រាមលោកលើកទី៣

មេដឹកនាំសហភាពអឺរ៉ុបបើកកិច្ចពិភាក្សាផ្តោតលើបញ្ហាប្រទេសអ៊ុយក្រែន

ប្រធាន IAEA ពិភាក្សាពីសុវត្ថិភាពនុយក្លេអ៊ែរជាមួយរុស្ស៊ី និងអ៊ុយក្រែន