BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

សហរដ្ឋអាមេរិកព្រមានរុស្ស៊ីអំពីការប្រើប្រាស់អាវុធគីមី

សហរដ្ឋអាមេរិក៖ ប៉ុន្មានម៉ោងបន្ទាប់ពីអនុប្រធានាធិបតីសហរដ្ឋអាមេរិកលោកស្រី Kamala Harris បានគាំទ្រចំពោះការអំពាវនាវឱ្យមានការស៊ើបអង្កេតឧក្រិដ្ឋកម្មសង្គ្រាមអន្តរជាតិ លើការវាយលុករបស់រុស្ស៊ីលើអ៊ុយក្រែន ក្រសួងការបរទេសសហរដ្ឋអាមេរិកបានគាំទ្រការអត្ថាធិប្បាយរបស់លោកស្រី ហើយបានព្រមានរុស្ស៊ីលើការប្រើប្រាស់អាវុធគីមីក្នុងការវាយប្រហាររបស់ខ្លួនក្នុងប្រទេសអ៊ុយក្រែន។អ្នកនាំពាក្យក្រសួងការបរទេសលោក Ned Price និយាយថា រដ្ឋាភិបាលរុស្សីបានប្រើប្រាស់អាវុធគីមី ដែលត្រូវបានហាមឃាត់លើប្រជាជនរបស់ខ្លួនកាលពីអតីតកាល។ បញ្ហាផ្សេងទៀតគឺការព្រួយបារម្ភដែលយើងដឹងអំពីយុទ្ធសាស្ត្ររបស់វិមានក្រឹមឡាំង ជាពិសេសយុទ្ធសាស្ត្របំភាន់ព័ត៌មាន។ នៅក្នុងចក្រភពអង់គ្លេសនាយករដ្ឋមន្ត្រីអង់គ្លេសលោក Johnson និយាយថា វិមានក្រឹមឡាំងកំពុងរៀបចំរឿងក្លែងក្លាយដែលថា អាវុធគីមីកំពុងត្រូវបានរក្សាទុកដោយគូបដិបក្ខ ឬដោយអាមេរិកដើម្បីជាលេសសម្រាប់ការដាក់ពង្រាយអាវុធដោយខ្លួនឯង។លោក Ned Price បានរិះគន់ទីក្រុងមូស្គូចំពោះការវាយប្រហារទៅលើមន្ទីរពេទ្យសម្ភព ក្នុងប្រទេសអ៊ុយក្រែនកាលពីថ្ងៃពុធ។ លោកនិយាយថា យើងបានឃើញរបាយការណ៍គួរឱ្យទុកចិត្តបំផុត នៃការវាយប្រហារដោយចេតនាលើជនស៊ីវិល ដែលនឹងស្ថិតនៅក្រោមអនុសញ្ញាទីក្រុងហ្សឺណែវជាឧក្រិដ្ឋកម្មសង្គ្រាម។ ក្រសួងការពារជាតិរុស្ស៊ីបានបដិសេធការទទួលខុសត្រូវ ចំពោះការវាយប្រហារលើមន្ទីរពេទ្យក្នុងទីក្រុង Mariupol របស់អ៊ុយក្រែន ហើយបានអះអាងថា ការបំផ្ទុះដែលវាយប្រហារអគារនេះត្រូវបានរៀបចំឡើង ដើម្បីលាបពណ៌ប្រទេសរុស្ស៊ី៕អត្ថបទ៖ ប៊ុនថន

ប្រមុខការទូតជាន់ខ្ពស់អឺរ៉ុបនិយាយថា ប្លុកនេះត្រូវតែបញ្ចៀសជម្លោះកុំឲ្យធ្លាក់ចូលសង្គ្រាមលោកលើកទី៣

អឺរ៉ុប៖ អ្នកតំណាងជាន់ខ្ពស់របស់សហភាពអឺរ៉ុបសម្រាប់កិច្ចការបរទេសលោក Josep Borrell បានព្រមានថា ប្លុកអឺរ៉ុបត្រូវតែធ្វើអ្វីដែលអាចជៀសផុតពីការរីកកាន់តែធំនៃសង្គ្រាម ស្របពេលជម្លោះរវាងអ៊ុយក្រែន និងរុស្ស៊ីនៅតែបន្ត។ ថ្លែងទៅកាន់សារព័ត៌មាន Franceinfo កាលពីថ្ងៃព្រហស្បតិ៍ លោក Borrell បានអះអាងថា អឺរ៉ុបនឹងបញ្ជូនអាវុធ និងយុទ្ធោបករណ៍ការពារជាតិដោយគ្មានសង្ស័យទៅកាន់អ៊ុយក្រែន ដរាបណាការប៉ះទង្គិចយោធាជាមួយរុស្ស៊ីបន្ត។ទោះមានសំណើនេះក៏ដោយលោកបានបញ្ជាក់ច្បាស់ៗថា សហភាពអឺរ៉ុបត្រូវតែប្រុងប្រយ័ត្នដើម្បីបញ្ចៀសសង្គ្រាមជាមួយរុស្ស៊ី ព្រោះនោះអាចនឹងនាំឲ្យមានសង្គ្រាមលោកលើកទី៣។ ការអត្ថាធិប្បាយរបស់អ្នកតំណាងសហភាពអឺរ៉ុប មានឡើង បន្ទាប់ពីប្លុកនេះបានដាក់ទណ្ឌកម្មជុំថ្មីលើរុស្ស៊ី និងបេឡារុសដោយសារតែសកម្មភាពយោធារបស់ក្រុង Moscow នៅក្នុងប្រទេសអ៊ុយក្រែន។ ដោយការកាត់ផ្ដាច់ធនាគាររបស់បេឡារុសចេញពីប្រព័ន្ធសេវាផ្ទេរប្រាក់ SWIFT ដែលជាការប៉ះទង្គិចដល់វិស័យយោធារបស់រុស្ស៊ី និងការរឹតត្បិតលើក្រុមតំណាងរាស្ត្រ និងមេដឹកនាំធុរកិច្ចចំនួន ១៦០នាក់របស់រុស្ស៊ី។ខណៈដែលសហភាពអឺរ៉ុបកំពុងស្វែងរកការដាក់ទណ្ឌកម្ម លើរុស្ស៊ីខាងហិរញ្ញវត្ថុចំពោះជម្លោះនៅអ៊ុយក្រែន លោក Borrell បានបង្ហាញការប្រុងប្រយ័ត្នអំពីលទ្ធភាព នៃការហាមប្រាមលើការនាំចូលប្រេង និងឧស្ម័នរបស់រុស្ស៊ីទៅកាន់សហភាពអឺរ៉ុប ដោយអះអាងថានេះជាការសម្រេចចិត្តដ៏លំបាកសម្រាប់ប្លុកនេះ ខណៈដែលសហភាពអឺរ៉ុបពឹងផ្អែកការនាំចូលថាមពលយ៉ាងច្រើនពីរុស្ស៊ី៕អត្ថបទ៖ សុខមាន

ជំនួបរដ្ឋមន្ត្រីការបរទេសរុស្ស៊ី និងអ៊ុយក្រែនមិនបានឈានដល់ភាពរីកចម្រើននៃបទឈប់បាញ់

ទួរគី៖ រដ្ឋមន្ត្រីការបរទេសរុស្ស៊ីលោក Sergey Lavrov និងសមភាគីអ៊ុយក្រែនលោក Dmytro Kuleba បានព្រមព្រៀងគ្នាលើការបន្តការចរចាលើជម្លោះនេះ ប៉ុន្តែមិនបានឈានដល់ការប្រកាសបទឈប់បាញ់ ក្នុងអំឡុងពេលជំនួបនៅក្នុងប្រទេសទួរគីកាលពីថ្ងៃព្រហស្បតិ៍ម្សិលមិញនោះទេ។ជំនួបត្រីភាគីដែលបានធ្វើឡើងនៅក្នុងទីក្រុង Antalya ដោយមានវត្តមានរបស់រដ្ឋមន្ត្រីការបរទេសទួរគីលោក Mevlut Cavusoglu គឺជាជំនួបកម្រិតខ្ពស់លើកដំបូងរវាងទីក្រុងមូស្គូ និងទីក្រុងគីវ ចាប់តាំងពីប្រតិបត្តិការយោធាពិសេសរបស់រុស្ស៊ីនៅអ៊ុយក្រែនបានចាប់ផ្តើមនៅថ្ងៃទី២៤ ខែកុម្ភៈ។ ថ្លែងក្នុងសន្និសីទសារព័ត៌មានបន្ទាប់ពីជំនួប រដ្ឋមន្ត្រីការបរទេសអ៊ុយក្រែនលោក Dmytro Kuleba និយាយថា លោកត្រៀមខ្លួនជាស្រេចដើម្បីជួបជាមួយលោក Lavrov ម្តងទៀតក្នុងទម្រង់ដូចគ្នាដោយភាគីទួរគីជាអ្នកសម្រុះសម្រួល។ ចំណែកលោក Lavrov បាននិយាយថា រុស្ស៊ីចង់បន្តការពិភាក្សាជាមួយអ៊ុយក្រែនក្នុងទម្រង់បច្ចុប្បន្ននៅក្នុងប្រទេសបេឡារុស។នៅក្នុងសន្និសីទសារព័ត៌មានដាច់ដោយឡែកមួយ លោក Cavusoglu រដ្ឋមន្ត្រីការបរទេសទួរគីនិយាយថា ប្រទេសទួរគីបានត្រៀមខ្លួនរួចជាស្រេច ដើម្បីបន្តកិច្ចខិតខំសម្រាប់ផ្នែកការទូតរវាងរុស្ស៊ី និងអ៊ុយក្រែន ហើយបានដើរតួនាទីជាអ្នកសម្រុះសម្រួលក្នុងអំឡុងពេលជំនួប ហើយទាំងភាគីអ៊ុយក្រែន និងរុស្ស៊ីមិនជំទាស់នឹងការបន្តជំនួបក្នុងគោលការណ៍នោះទេ។ ចាប់តាំងពីសប្តាហ៍មុនមក គណៈប្រតិភូរុស្ស៊ី និងអ៊ុយក្រែនបានចាប់ផ្តើមកិច្ចចរចាសន្តិភាពចំនួន ៣លើករួចមកហើយក្នុងប្រទេសបេឡារុស ទោះបីជាការចរចាបានបញ្ចប់ដោយគ្មានលទ្ធផលផ្លែផ្កា ឬបំបែកភាពទាល់ច្រកគួរឱ្យកត់សម្គាល់ណាមួយក៏ដោយ៕អត្ថបទ៖ ប៊ុនថន

ក្រុមហ៊ុន Facebook និង Instagram បានអនុញ្ញាតឲ្យមានការអំពាវនាវឲ្យប្រើកម្លាំងប្រឆាំងរុស្ស៊ី

អាមេរិក៖ ក្រុមហ៊ុនបណ្ដាញសង្គម Meta របស់ Facebook បានបញ្ជាក់ថា សំណេរបញ្ជាក់ពីពាក្យសម្ដីស្អប់ខ្ពើមក្នុងការអំពាវនាវឲ្យប្រើកម្លាំងតបពេលនេះ ត្រូវបានអនុញ្ញាតហើយនៅលើបណ្ដាញទំនាក់ទំនងសង្គម Facebook និង Instagram ជាការដាក់គោលដៅលើរុស្ស៊ី និងជាប្រធានបទនៃការសន្ទនាជាប់ពាក់ព័ន្ធនឹងការរុលទៅមុខខាងយោធារបស់ទីក្រុង Moscow នៅក្នុងប្រទេសអ៊ុយក្រែន។គោលការណ៍ដែលត្រូវបានកែប្រែស្ដីពីអំពើហិង្សា និងការញុះញង់នឹងត្រូវអនុវត្តក្នុងប្រទេសដូចជាអ៊ុយក្រែន និងប៉ូឡូញ ហើយនឹងអនុញ្ញាតឲ្យមានការប្រើវោហារសាស្ត្រហិង្សាប្រឆាំងនឹងជនជាតិរុស្ស៊ី និងទាហានរុស្ស៊ី។ ការផ្លាស់ប្ដូរគោលនយោបាយនេះ ត្រូវបានរាយការណ៍ជាលើកដំបូងដោយសារព័ត៌មាន Reuters ដោយសំអាងលើសារអេឡិចត្រូនិកផ្ទៃក្នុងពីកម្មវិធីឬ Platforms នានារបស់ក្រុមហ៊ុន Meta ដែលជាក្រុមហ៊ុនមេរបស់បណ្ដាញទំនាក់ទំនងសង្គម Facebook និង Instagram។ចំណងជើងដំបូងរបស់សារព័ត៌មាន Reuters បានសរសេរថា Facebook និង Instagram អនុញ្ញាតឱ្យមានការអំពាវនាវឱ្យមានអំពើហិង្សាលើជនជាតិរុស្ស៊ីជាបណ្តោះអាសន្ន ទោះបីជាក្រោយមកត្រូវបានផ្លាស់ប្ដូរឲ្យ Facebook អនុញ្ញាតឱ្យបង្ហោះជាបណ្ដោះអាសន្នអំពីសង្គ្រាមអ៊ុយក្រែន ដែលអំពាវនាវឱ្យមានអំពើហិង្សាប្រឆាំងនឹងការឈ្លានពានរុស្ស៊ី ឬការស្លាប់របស់លោក Putin បន្ទាប់ពីអ្នកនាំពាក្យក្រុមហ៊ុន Meta លោក Andy Stone ធ្វើឲ្យប្រព័ន្ធផ្សព្វផ្សាយព័ត៌មានមានការចាប់អារម្មណ៍ជាទូទៅ៕អត្ថបទ៖ សុខមាន

ចិនជំរុញអឺរ៉ុបឲ្យស្វែងរកគោលការណ៍រួមដើម្បីដោះស្រាយវិបត្តិរវាងរុស្ស៊ី និងអ៊ុយក្រែន

ចិន៖ រដ្ឋមន្ត្រីការបរទេសចិនលោក Wang Yi បានប្រាប់សមភាគីអ៊ីតាលីរបស់លោកគឺលោក Luigi Di Maio កាលពីថ្ងៃព្រហស្បតិ៍ថា បញ្ហាដែលមិនត្រូវបានដោះស្រាយនៃប្រព័ន្ធសន្តិសុខប្លុកអឺរ៉ុប គឺជាស្នូលនៃវិបត្តិមួយដែលនៅតែបន្តក្នុងប្រទេសអ៊ុយក្រែន ហើយប្រទេសទាំងអស់ក្នុងតំបន់អឺរ៉ុបរួមទាំងរុស្ស៊ី ចាំបាច់ត្រូវរួមគ្នាដោះស្រាយជម្លោះនេះ។លោក Wang និងលោក Di Maio បានពិភាក្សាពីយុទ្ធនាការយោធារបស់រុស្ស៊ីនៅក្នុងប្រទេសអ៊ុយក្រែន និងរិះរកមធ្យោបាយបញ្ចប់អរិភាពឲ្យបានឆាប់អំឡុងជំនួបតាមវីដេអូ។ ក្រុមមន្ត្រីចិនបានជំរុញដល់បណ្ដាប្រទេសនៅអឺរ៉ុបឲ្យដោះស្រាយក្ដីកង្វល់របស់រុស្ស៊ី។ ប្រមុខការទូតចិនរូបនេះលើកឡើងថា ទ្វីបនេះត្រូវការស្ថាបត្យកម្មសន្តិសុខដោយផ្អែកលើគោលការណ៍ នៃភាពមិនអាចបំបែកបានរបស់ខ្លួន។ លោកបាននិយាយថា មានតែការពិភាក្សាស៊ីជម្រៅ និងទូលំទូលាយជាមួយភាគីរុស្ស៊ី ដែលអនុញ្ញាតឱ្យការរៀបចំឱ្យមានតុល្យភាព ប្រសិទ្ធភាព និងនិរន្តរភាព។លោកបានរិះគន់លើការប្រើប្រាស់ទណ្ឌកម្មថា ជាឧបករណ៍នៃការបង្ខិតបង្ខំក្នុងទំនាក់ទំនងអន្តរជាតិ ដោយនិយាយថា មធ្យោបាយនេះមិនអាចដោះស្រាយបានទេ ផ្ទុយទៅវិញបែជាបង្កើតឲ្យមានបញ្ហាថ្មីមួយថែមទៀតទៅវិញទេ។ លោកបានព្រមានថា វិធានការដាក់ទណ្ឌកម្មប្រឆាំងនឹងរុស្ស៊ី សម្រាប់ការវាយប្រហាររបស់ខ្លួនប្រឆាំងលើអ៊ុយក្រែន នឹងជះឥទ្ធិពលយ៉ាងធ្ងន់ធ្ងរដល់ហិរញ្ញវត្ថុសកលលោក ថាមពល អាហារ ការដឹកជញ្ជូន ខ្សែសង្វាក់ផ្គត់ផ្គង់ និងទិដ្ឋភាពផ្សេងទៀត និងធ្វើឱ្យប៉ះពាល់ដល់ការងើបឡើងវិញនៃសេដ្ឋកិច្ចពិភពលោក និងជីវភាពរស់នៅរបស់ប្រជាជនរបស់ប្រទេសទាំងអស់៕អត្ថបទ៖ សុខមាន

UNHCR ព្រួយបារម្ភពីរបួសផ្លូវចិត្ត ការបំពានលើជនភៀសខ្លួន និងតម្រូវការចាំបាច់សម្រាប់កុមារអ៊ុយក្រែន

អ៊ុយក្រែន៖ អ្នកនាំពាក្យមួយរូបសម្រាប់ទីភ្នាក់ងារជនភៀសខ្លួនរបស់អង្គការសហប្រជាជាតិ (UNCHR) កាលពីថ្ងៃព្រហស្បតិ៍បាននិយាយថា ជំងឺផ្លូវចិត្ត ការបំពានលើជនភៀសខ្លួន និងតម្រូវការចាំបាច់សម្រាប់កុមារដែលកំពុងភៀសខ្លួនចេញពីសង្គ្រាមក្នុងប្រទេសអ៊ុយក្រែន កំពុងក្លាយជារឿងកាន់តែបារម្ភខ្លាំងឡើងៗ។យោងតាមទីភ្នាក់ងារនេះ មនុស្សប្រមាណ ២លាន ៣សែននាក់បានរត់ភៀសខ្លួនចេញពីប្រទេសអ៊ុយក្រែន ចាប់តាំងពីរុស្ស៊ីបើកប្រតិបត្តិការយោធារយៈកាលជាង ២សប្ដាហ៍មកនេះ។ ចំនួននោះបានបន្តកើនឡើងជាលំដាប់ ខណៈដែលការបាញ់ផ្លោងពីកងទ័ពរុស្ស៊ីសម្រុកកាន់តែខ្លាំងឡើងនៅក្នុងប្រទេសនេះ ហើយជនស៊ីវិលត្រូវបានក្លាយជាគោលដៅ។ក្នុងបទសម្ភាសន៍មួយជាមួយសារព័ត៌មាន AP អ្នកនាំពាក្យទីភ្នាក់ងារអង្គការនេះលោក Matthew Salzmarsh បាននិយាយថា ទីភ្នាក់ងារជនភៀសខ្លួនរបស់អង្គការសហប្រជាជាតិ ពុំមានរបាយការណ៍ផ្ទាល់ទាក់ទងនឹងអំពើហិង្សា និងការជួញដូរមនុស្សលើជនភៀសខ្លួនទេ ប៉ុន្តែករណីបំពានលើកុមារដ៏ច្រើន កំពុងធ្វើឲ្យក្លាយជាជនងាយរងគ្រោះបំផុតនៅទីនេះ។ លោកថា ទីភ្នាក់ងារនេះ និងអង្គការក្រៅរដ្ឋាភិបាលផ្សេងទៀត ព្រមទាំងរដ្ឋាភិបាលប៉ូឡូញបានដឹងច្បាស់ពីករណីនេះ និងកំពុងតាមដាន ដើម្បីព្យាយាមធ្វើឲ្យប្រាកដនឹងមិនមានបញ្ហាបែបនោះកើតឡើងឡើយ៕អត្ថបទ៖ សុខមាន

ម៉ាកផលិតផលល្បីៗរបស់លោកខាងលិចបានបិទហាងនៅតាមផ្សារទំនើបរបស់រុស្ស៊ី

រុស្ស៊ី៖ នៅក្នុងរយៈពេលប៉ុន្មានថ្ងៃចាប់តាំងពីលោកខាងលិចបានដាក់ទណ្ឌកម្មលើរុស្ស៊ី ពលរដ្ឋសាមញ្ញរុស្ស៊ីកំពុងមានអារម្មណ៍ថា ប៉ះពាល់ខ្លាំងពីការឡើងថ្លៃខ្ពស់ដែលមិនអាចទិញទំនិញទាំងនោះបាន។ ហាងលក់រាយសម្លៀកបំពាក់ជាច្រើនរបស់លោកខាងលិចរួមទាំងផ្សារធំៗ និងម៉ាកល្បីប្រណីតៗបានផ្អាកប្រតិបត្តិការដែលធ្វើឲ្យផ្សារទំនើបនានាស្ងាត់ជ្រងំ។ម៉ាកលក់សម្លៀកបំពាក់ Uniqlo របស់ជប៉ុនក៏បានបិទជាបណ្ដោះអាសន្នផងដែរនៅក្នុងប្រទេសរុស្ស៊ី បន្ទាប់ពីមានការរិះគន់ពីសង្គមជុំវិញការអត្ថាធិប្បាយ ដែលបានរាយការណ៍ដោយនាយកប្រតិបត្តិជាន់ខ្ពស់ថា ហាងចំនួន ៤៩ របស់ខ្លួននឹងបន្តបើក។ កាលពីដើមសប្តាហ៍នេះ នាយកប្រតិបត្តិក្រុមហ៊ុន Fast Retailing លោក Tadashi Yanai ត្រូវបានដកស្រង់សម្តីដែលនិយាយនៅក្នុងអាជីវកម្មជប៉ុនប្រចាំថ្ងៃ Nikkei ថា ហាងលក់សម្លៀកបំពាក់ម៉ាក Uniqlo នឹងបន្តបើកនៅក្នុងប្រទេសរុស្ស៊ី ដោយសារតែជនជាតិរុស្ស៊ីមានសិទ្ធិច្រើនក្នុងការស្លៀកពាក់ប្រចាំថ្ងៃ ដូចអ្នកផ្សេងទៀតដែរ។ការអត្ថាធិប្បាយនេះមានឡើង បន្ទាប់ពីម៉ាកផលិតផលក្រុមហ៊ុនធំៗផ្សេងទៀតដូចជា Zara, Coca-Cola, Apple និង McDonald's បានចាកចេញពីប្រទេសរុស្ស៊ី ដែលនាំឲ្យមានការរិះគន់រួមទាំងការអំពាវនាវឲ្យធ្វើពហិការនៅលើបណ្ដាញសង្គមផងដែរ។ ធនាគារកណ្តាលបានឈានទៅរកការបង្កើនលំនឹងប្រាក់រូប្លិ៍ និងប្រព័ន្ធធនាគារ រឹតបន្តឹងការដកប្រាក់ជារូបិយប័ណ្ណបរទេស និងទុកឲ្យទីផ្សារភាគហ៊ុនបិទជិតពីរសប្តាហ៍។ រដ្ឋាភិបាលក៏បានប្រកាសពីវិធានការរឹតត្បិត អ្នកវិនិយោគបរទេសមិនឲ្យភៀសខ្លួនចេញពីប្រទេសនេះដែរ៕អត្ថបទ៖ សុខមាន

លោក Zelenskyy អំពាវនាវដល់ទាហានរុស្ស៊ីឱ្យចាកចេញ និងរក្សាច្រករបៀង

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានចេញសេចក្តីអំពាវនាវដល់ទាហានរុស្ស៊ីកាលពីថ្ងៃពុធ ឱ្យចាកចេញពីប្រទេសរបស់លោក។ លោកប្រធានាធិបតីនិយាយថា ការតស៊ូរបស់យើងអស់រយៈពេលជិតពីរសប្តាហ៍បានបង្ហាញអ្នកថា យើងនឹងមិនចុះចាញ់នោះទេ ព្រោះនេះគឺជាលំនៅឋានរបស់យើង វាគឺជាគ្រួសារ និងកូនៗរបស់យើង។ យើងនឹងតស៊ូរហូតដល់យើងអាចដណ្តើមយកទឹកដីរបស់យើងមកវិញ។អ្នកនៅតែអាចជួយសង្គ្រោះខ្លួនអ្នកបាន ប្រសិនបើអ្នកត្រឡប់ទៅប្រទេសរបស់អ្នកវិញ។ នៅក្នុងសុន្ទរកថារបស់លោក Zelenskyy បាននិយាយថា កិច្ចខិតខំប្រឹងប្រែងកំពុងបន្តដើម្បីជម្លៀសប្រជាជនប្រមាណ ១៨,០០០នាក់ពីទីក្រុងដែលមានការប្រយុទ្ធនៅក្នុងតំបន់ទីក្រុងគីវ មកកាន់រដ្ឋធានីដោយខ្លួនឯង។ លោកបាននិយាយថា វាគឺជាផ្នែកនៃកិច្ចខិតខំប្រឹងប្រែងជម្លៀសកាន់តែទូលំទូលាយ នៅលើច្រករបៀងមនុស្សធម៌ជាច្រើន ហើយបានព្រមានកងកម្លាំងរុស្ស៊ីចំពោះការរំលោភលើកិច្ចសន្យាបទឈប់បាញ់។លោកប្រធានាធិបតីបានអំពាវនាវម្តងទៀតសម្រាប់ការគាំទ្រដែនអាកាសពីបរទេស ដោយនិយាយថា សូមបញ្ជូនយន្តហោះមកឲ្យពួកយើង។ ប្រទេសមហាអំណាចលោកខាងលិចបានបញ្ជូនយុទ្ធោបករណ៍ និងបង្កើនកម្លាំងនៅតំបន់ភាគខាងកើតរបស់ប្រទេសអ៊ុយក្រែន ប៉ុន្តែបានប្រុងប្រយ័ត្នក្នុងការផ្តល់ជំនួយដែនអាកាស និងការធ្លាក់ចូលទៅក្នុងសង្គ្រាមដោយផ្ទាល់ជាមួយរុស្ស៊ី។ លោក Zelenskyy បាននិយាយថា មានសញ្ញាដែលអ្នកនយោបាយមួយចំនួនមានបំណងបំបែកសង្គមអ៊ុយក្រែន ហើយពួកគេនឹងត្រូវទទួលទណ្ឌកម្ម៕អត្ថបទ៖ ប៊ុនថន

ការខូចខាត និងរងរបួសពីការវាយប្រហាររបស់រុស្ស៊ីលើមន្ទីរពេទ្យកុមារក្នុងទីក្រុង Mariupol

អ៊ុយក្រែន៖ មន្ត្រីអ៊ុយក្រែនបាននិយាយថា ការវាយប្រហារតាមអាកាសរបស់រុស្ស៊ីបានបំផ្លាញ មន្ទីរពេទ្យសម្ភពមួយកន្លែងកាលពីថ្ងៃពុធនៅក្នុងទីក្រុងកំពង់ផែ Mariupol ដែលត្រូវបានឡោមព័ទ្ធ ហើយមនុស្សយ៉ាងហោចណាស់ ១៧នាក់បានរងរបួស ក្នុងពេលមានការព្រមានកាន់តែខ្លាំងឡើងពីប្រទេសលោកខាងលិចថា ការវាយលុករបស់ទីក្រុងមូស្គូនឹងឈានទៅរកភាពឃោរឃៅ និងគ្មានការរើសអើង។នគរបាល និងទាហានបានប្រញាប់ប្រញាល់ទៅកន្លែងកើតហេតុ ដើម្បីជម្លៀសជនរងគ្រោះក្នុងនោះបាននាំយកស្ត្រីមានផ្ទៃពោះម្នាក់ មានឈាមហូរក្នុងស្ថានភាពគ្រោះថ្នាក់។ ប្រធានាធិបតីលោក Volodymyr Zelenskyy បានសរសេរនៅលើបណ្តាញ Twitter ថា មានប្រជាជនរួមទាំងកុមារនៅក្រោមគំនរបាក់បែក ហើយបានចាត់ទុកការវាយប្រហារនេះថាជាភាពសាហាវឃោរឃៅ។ លោក Zelenskyy បន្តអំពាវនាវដល់សហភាពអឺរ៉ុបពង្រឹងទណ្ឌកម្មលើរុស្ស៊ី ដើម្បីបង្ខំឲ្យប្រទេសនេះមកកាន់តុចរចា។ មន្ត្រីអ៊ុយក្រែនបាននិយាយថា ការវាយប្រហាររបស់រុស្ស៊ីក៏បានវាយប្រហារលើមន្ទីរពេទ្យកុមារ និងអគារមន្ទីរពេទ្យនៅក្នុងទីក្រុងកំពង់ផែ Mariupol ភាគអាគ្នេយ៍ដែលត្រូវបានឡោមព័ទ្ធ៕អត្ថបទ៖ ប៊ុនថន

រុស្ស៊ីក្លាយជាប្រទេសរួបរឹតដោយទណ្ឌកម្មច្រើនជាងគេបំផុតលើពិភពលោក

រុស្ស៊ី៖ រុស្ស៊ីពេលនេះក្លាយជាប្រទេសដែលរងទណ្ឌកម្មធ្ងន់ធ្ងរជាងគេបំផុតលើពិភពលោក បន្ទាប់ពីបណ្ដាប្រទេសផ្សេងទៀតបានឆ្លើយតបទៅនឹងការវាយប្រហារ ដោយគ្មានហេតុផលលើអ៊ុយក្រែនដោយការដាក់ទណ្ឌកម្ម។ យោងតាម Castellum.AI dashboard ដែលតាមដានការដាក់ទណ្ឌកម្មលើរុស្ស៊ី ប្រទេសរុស្ស៊ីបានប្រឈមនឹងទណ្ឌកម្មថ្មីចំនួន 2,778ករណីត្រឹមរយៈពេលមិនដល់ ២សប្ដាហ៍ផង។ប្រទេសរុស្ស៊ីប្រឈមការដាក់ទណ្ឌកម្មចំនួន 2,754ករណីមុនថ្ងៃទី២២ ខែកុម្ភៈដែលធ្វើឲ្យប្រទេសនេះក្លាយជាប្រទេសជាប់ទណ្ឌកម្មធ្ងន់ធ្ងរបំផុតទី២ លើពិភពលោកបន្ទាប់ពីអ៊ីរ៉ង់។ ប៉ុន្តែចាប់តាំងពីប្រធានាធិបតីរុស្ស៊ី Vladimir Putin បានបញ្ជាឲ្យទាហានចូលទៅក្នុងប្រទេសអ៊ុយក្រែនភាគខាងកើតកាលពីថ្ងៃទី២១ ខែកុម្ភៈ ទណ្ឌកម្មលើរុស្ស៊ីបានឡើងដល់ 5,532ករណី។ យោងតាមសារព័ត៌មាន Bloomberg បើប្រៀបធៀបទៅនឹងអ៊ីរ៉ង់ អ៊ីរ៉ង់បានប្រឈមទណ្ឌកម្មចំនួន 3,616ករណីដោយសារកម្មវិធីនុយក្លេអ៊ែរ និងការគាំទ្រភេរវនិយម។ប្រទេសស៊ីរី និងកូរ៉េខាងជើងឈរនៅបន្ទាប់ពីអ៊ីរ៉ង់ ដោយស៊ីរីត្រូវបានគ្រប់ដណ្ដប់ដោយទណ្ឌកម្មចំនួន 2,608ករណី ហើយកូរ៉េខាងជើងរួបរឹតដោយទណ្ឌកម្មចំនួន 2,077ករណី។ ការសម្រុកដាក់ទណ្ឌកម្មនេះមកពីសហរដ្ឋអាមេរិក និងសម្ព័ន្ធមិត្តលោកខាងលិចដែលបានបង្ហាញពីការរួបរួមគ្នាដ៏រឹងមាំ ទប់ទល់នឹងការវាយប្រហាររបស់រុស្ស៊ីលើអ៊ុយក្រែន។ លោក Putin បាននិយាយកាលពីចុងសប្ដាហ៍មុនថា ទណ្ឌកម្មទាំងនោះប្រៀបបានទៅនឹងការប្រកាសសង្គ្រាមអញ្ចឹង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុម MSF ៖ការឆ្លើយតបកង្វះអាហារូបត្ថម្ភសូម៉ាលី រងផលប៉ះពាល់ដោយសារការកាត់ផ្តាច់ជំនួយមូលនិធិ

ភ្ញៀវទេសចរស៊ូទ្រាំនឹងអាកាសធាតុក្តៅខ្លាំងនៅសំណង់បុរាណចាស់ក្នុងទីក្រុងរ៉ូមស្របពេលរលកកម្តៅ

ទីភ្នាក់ងារ UN៖អាកាសធាតុក្តៅ កើតឡើងញឹកញាប់ ខ្លាំងក្លា និងយូរជាងមុនទី

ពលរដ្ឋស៊ីរីស្វាគមន៍ទោសប្រហារជីវិតសម្រាប់លោក Bashar al-Assad និងក្រុមមន្រ្តីក្នុងរបបរបស់លោក

UN៖ រញ្ជួយដី នៅកូឡុំប៊ី បំផ្លាញផ្ទះជិត ៥.០០០ខ្នង និងមណ្ឌលសុខភាព ២៤កន្លែងខណៈអ្នកស្លាប់កើនឡើង

អនុប្រធានាធិបតីហ្វីលីពីន លោកស្រី Duterte រងការចោទប្រកាន់បទល្មើសព្រហ្មទណ្ឌ ជុំវិញការគំរាមលើលោក Marcos

អង្គការ NASA អញ្ជើញឥណ្ឌាឱ្យចូលរួមបេសកកម្មសាងមូលដ្ឋានលើឋានព្រះចន្ទរបស់ខ្លួន

ប្រតិបត្តិការស្វែងរកអ្នករស់នៅបន្ត ខណៈមនុស្ស២២៤នាក់ស្លាប់ ២.៧០០នាក់ ត្រូវបានរាយការណ៍ថា បាត់ខ្លួនក្នុងការរញ្ជួយដីកូឡុំប៊ី

នីហ្សេរីយ៉ាកត់ត្រាជំងឺគ្រុនក្តៅឡាសា ១.០០០ករណី និងអ្នកស្លាប់ ២៣៧នាក់ ក្នុងឆ្នាំ២០២៦

ក្រុមហ៊ុនអវកាសវៀតណាម ប្រកាសកិច្ចព្រមព្រៀងជាមួយ SpaceX ដើម្បីបាញ់បង្ហោះផ្កាយរណបលើកដំបូងរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សហរដ្ឋអាមេរិកព្រមានរុស្ស៊ីអំពីការប្រើប្រាស់អាវុធគីមី

ប្រមុខការទូតជាន់ខ្ពស់អឺរ៉ុបនិយាយថា ប្លុកនេះត្រូវតែបញ្ចៀសជម្លោះកុំឲ្យធ្លាក់ចូលសង្គ្រាមលោកលើកទី៣

ជំនួបរដ្ឋមន្ត្រីការបរទេសរុស្ស៊ី និងអ៊ុយក្រែនមិនបានឈានដល់ភាពរីកចម្រើននៃបទឈប់បាញ់

ក្រុមហ៊ុន Facebook និង Instagram បានអនុញ្ញាតឲ្យមានការអំពាវនាវឲ្យប្រើកម្លាំងប្រឆាំងរុស្ស៊ី

ចិនជំរុញអឺរ៉ុបឲ្យស្វែងរកគោលការណ៍រួមដើម្បីដោះស្រាយវិបត្តិរវាងរុស្ស៊ី និងអ៊ុយក្រែន

UNHCR ព្រួយបារម្ភពីរបួសផ្លូវចិត្ត ការបំពានលើជនភៀសខ្លួន និងតម្រូវការចាំបាច់សម្រាប់កុមារអ៊ុយក្រែន

ម៉ាកផលិតផលល្បីៗរបស់លោកខាងលិចបានបិទហាងនៅតាមផ្សារទំនើបរបស់រុស្ស៊ី

លោក Zelenskyy អំពាវនាវដល់ទាហានរុស្ស៊ីឱ្យចាកចេញ និងរក្សាច្រករបៀង

ការខូចខាត និងរងរបួសពីការវាយប្រហាររបស់រុស្ស៊ីលើមន្ទីរពេទ្យកុមារក្នុងទីក្រុង Mariupol

រុស្ស៊ីក្លាយជាប្រទេសរួបរឹតដោយទណ្ឌកម្មច្រើនជាងគេបំផុតលើពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សហរដ្ឋអាមេរិក​ព្រមាន​រុស្ស៊ី​អំពី​ការប្រើប្រាស់​អាវុធ​គីមី

ជំនួប​រដ្ឋមន្ត្រីការបរទេស​រុស្ស៊ី និង​អ៊ុយ​ក្រែ​ន​មិនបាន​ឈាន​ដល់​ភាព​រីក​ចម្រើន​នៃ​បទ​ឈប់​បាញ់

ក្រុមហ៊ុន Facebook និង Instagram បាន​អនុញ្ញាត​ឲ្យ​មានការ​អំពាវនាវ​ឲ្យ​ប្រើ​កម្លាំង​ប្រឆាំង​រុស្ស៊ី​

ចិន​ជំរុញ​អឺរ៉ុប​ឲ្យ​ស្វែងរក​គោលការណ៍​រួម​ដើម្បី​ដោះស្រាយ​វិបត្តិ​រវាង​រុស្ស៊ី និង​អ៊ុយ​ក្រែ​ន​

ម៉ាក​ផលិតផល​ល្បី​ៗ​របស់​លោក​ខាងលិច​បាន​បិទ​ហាង​នៅ​តាម​ផ្សារ​ទំនើប​របស់​រុស្ស៊ី​

លោក Zelenskyy អំពាវនាវ​ដល់​ទាហាន​រុស្ស៊ី​ឱ្យ​ចាកចេញ និង​រក្សា​ច្រក​របៀង​

ការខូចខាត​ និង​​​រងរបួស​ពីការវាយប្រហារ​​​​របស់​រុស្ស៊ី​លើ​មន្ទីរពេទ្យ​កុមារ​ក្នុងទីក្រុង Mariupol

រុស្ស៊ី​ក្លាយ​ជា​ប្រទេស​រួបរឹត​ដោយ​ទណ្ឌកម្ម​ច្រើន​ជាង​គេ​បំផុត​លើ​ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហរដ្ឋអាមេរិកព្រមានរុស្ស៊ីអំពីការប្រើប្រាស់អាវុធគីមី

ជំនួបរដ្ឋមន្ត្រីការបរទេសរុស្ស៊ី និងអ៊ុយក្រែនមិនបានឈានដល់ភាពរីកចម្រើននៃបទឈប់បាញ់

ក្រុមហ៊ុន Facebook និង Instagram បានអនុញ្ញាតឲ្យមានការអំពាវនាវឲ្យប្រើកម្លាំងប្រឆាំងរុស្ស៊ី

ចិនជំរុញអឺរ៉ុបឲ្យស្វែងរកគោលការណ៍រួមដើម្បីដោះស្រាយវិបត្តិរវាងរុស្ស៊ី និងអ៊ុយក្រែន

ម៉ាកផលិតផលល្បីៗរបស់លោកខាងលិចបានបិទហាងនៅតាមផ្សារទំនើបរបស់រុស្ស៊ី

លោក Zelenskyy អំពាវនាវដល់ទាហានរុស្ស៊ីឱ្យចាកចេញ និងរក្សាច្រករបៀង

ការខូចខាត និងរងរបួសពីការវាយប្រហាររបស់រុស្ស៊ីលើមន្ទីរពេទ្យកុមារក្នុងទីក្រុង Mariupol

រុស្ស៊ីក្លាយជាប្រទេសរួបរឹតដោយទណ្ឌកម្មច្រើនជាងគេបំផុតលើពិភពលោក