BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

កំហឹងផ្ទុះឡើងក្នុងពេលរុស្ស៊ីវាយប្រហារលើមន្ទីរពេទ្យកុមារ ខណៈជនស៊ីវិលស្លាប់កាន់តែច្រើន

អ៊ុយក្រែន៖ ការវាយប្រហារតាមអាកាសពីប្រទេសរុស្ស៊ីលើមន្ទីរពេទ្យកុមារមួយនៅក្នុងទីក្រុង Mariupol ភាគខាងត្បូងប្រទេសអ៊ុយក្រែនបានបណ្ដាលឲ្យមនុស្ស ១៧នាក់រងរបួសកាលពីថ្ងៃពុធ ជាការវាយប្រហារចុងក្រោយបំផុតលើជនស៊ីវិល ខណៈដែលវិមានក្រឹមឡាំងនៅតែបន្តការវាយរុលទៅមុខលើអ៊ុយក្រែន។លោកប្រធានាធិបតីអ៊ុយក្រែន Volodomyr Zelenskyy បាននិយាយថា ទាហានរុស្ស៊ីបានបើកការវាយប្រហារដោយផ្ទាល់លើមន្ទីរពេទ្យកុមារ។ លោកបានហៅការវាយប្រហារនេះថាជាអំពើឃោរឃៅ ហើយថា ប្រជាពលរដ្ឋក្មេងចាស់កប់នៅក្រោមគំនរថ្មបែកបាក់។ លោក Volodymyr Zelenskyy បាននិយាយថា ពួកគេចង់ឲ្យយើងមានអារម្មណ៍ដូចជាសត្វធាតុ ព្រោះពួកគេបានបិទទីក្រុងរបស់យើង ទីក្រុងធំៗបំផុតរបស់យើងនៅក្នុងប្រទេសអ៊ុយក្រែនត្រូវបានបិទ ព្រោះពួកគេមិនចង់ឲ្យយើងទទួលបានអាហារ និងទឹកកាលពីម្សិលមិញ ឧទាហរណ៍កុមារជាដើម ខ្ញុំមិនដឹងថា តើអ្នកបានដឹង ឬអត់ទេថា មានកុមារជាច្រើននៅក្នុងទីក្រុង Mariupol បានស្លាប់។ ខ្ញុំមិនដឹងថា តើលោក Putin នឹងប្រាប់រឿងនេះដល់ពិភពលោកយ៉ាងណាទេ។លោកបានព្រមានថា មនុស្សរាប់លាននាក់អាចនឹងស្លាប់ លុះត្រាតែមានអន្តរាគមន៍ពីសម្ព័ន្ធណាតូក្នុងការបង្កើតតំបន់ហាមហោះហើរលើប្រទេសអ៊ុយក្រែន ដើម្បីទប់ស្កាត់ការវាយប្រហារតាមអាកាសដែលនៅតែបន្តរបស់រុស្ស៊ី។ ការវាយប្រហារនេះបានបណ្ដាលឲ្យមានការថ្កោលទោសយ៉ាងខ្លាំង ពីក្រុមគាំទ្រជនភៀសខ្លួន និងជំនួយមនុស្សធម៌។ អ្នករងរបួសទាំងនោះនៅក្នុងការវាយប្រហារលើមន្ទីរពេទ្យនេះ គឺជាជនស៊ីវិលរងគ្រោះចុងក្រោយបំផុតក្នុងសង្គ្រាមដែលបានបណ្ដាលឲ្យជនស៊ីវិលស្លាប់ ឬរងរបួសជាង ១,០០០នាក់៕អត្ថបទ៖ សុខមាន

សហរដ្ឋអាមេរិកថ្កោលទោសការវាយប្រហារដ៏ព្រៃផ្សៃលើមន្ទីរពេទ្យកុមារនៅអ៊ុយក្រែន

សហរដ្ឋអាមេរិក៖ សហរដ្ឋអាមេរិកកាលពីថ្ងៃពុធបានថ្កោលទោស ការទម្លាក់គ្រាប់បែកលើមន្ទីរពេទ្យកុមារក្នុងប្រទេសអ៊ុយក្រែន ជាកន្លែងដែលក្រុមមន្ត្រីបាននិយាយថា ការវាយប្រហារតាមអាកាសរបស់រុស្ស៊ីបានកប់អ្នកជំងឺនៅក្រោមគំនរថ្មបាក់បែក ទោះបីជាមានកិច្ចព្រមព្រៀងឈប់បាញ់ ដើម្បីអនុញ្ញាតឱ្យប្រជាជនចេញពីទីក្រុង Mariupol ដែលត្រូវបានឡោមព័ទ្ធក៏ដោយ។ ការវាយប្រហារដែលក្រុមអាជ្ញាធរបាននិយាយថា ស្ត្រីមួយចំនួនបានរងរបួសក្នុងពេលបំពេញការងារ និងបន្សល់ទុកកុមារនៅក្នុងគំនរបែកបាក់ គឺជាឧបទ្ទវហេតុដ៏អាក្រក់បំផុតចុងក្រោយបង្អស់ នៃការវាយប្រហាររយៈពេល ១៤ថ្ងៃមកនេះ ដែលជាការវាយប្រហារដ៏ធំបំផុតលើរដ្ឋអឺរ៉ុបមួយនេះចាប់តាំងពីឆ្នាំ១៩៤៥។ការបំផ្លិចបំផ្លាញនេះបានកើតឡើង បើទោះបីជាមានការសន្យាពីរុស្ស៊ីក្នុងការបញ្ឈប់ការបាញ់ប្រហារក៏ដោយ ដូច្នេះយ៉ាងហោចណាស់ជនស៊ីវិលដែលជាប់គាំងមួយចំនួនអាចគេចចេញពីទីក្រុង ជាទីដែលមនុស្សរាប់សែននាក់បានជ្រកកោនដោយគ្មានទឹក ឬភ្លើងប្រើប្រាស់អស់រយៈពេលជាងមួយសប្ដាហ៍។ នៅពេលត្រូវបានសួរឱ្យធ្វើអត្ថាធិប្បាយលើការវាយប្រហារ អ្នកនាំពាក្យវិមានក្រឹមឡាំងលោក Dmitry Peskov បាននិយាយថា កងកម្លាំងរុស្ស៊ីមិនបានបាញ់តម្រង់ទៅលើគោលដៅជនស៊ីវិលទេ៕អត្ថបទ៖ សុខមាន

បេក្ខជនអភិរក្សនិយមដណ្ដើមបានជ័យជម្នះក្នុងការបោះឆ្នោតប្រធានាធិបតីកូរ៉េខាងត្បូង

កូរ៉េខាងត្បូង៖ ប្រទេសកូរ៉េខាងត្បូងបានជ្រើសរើសលោក Yoon Suk-yeol មកពីគណបក្សអភិរក្សនិយមកម្លាំងប្រជាជន (People Power Party) ជាប្រធានាធិបតីទី២០ របស់ខ្លួនកាលពីថ្ងៃពុធ។ លោក Yoon បានប្រកាសជ័យជម្នះក្នុងការប្រកួតប្រជែងដ៏ប្រកៀកប្រកិត ជាមួយនឹងបេក្ខជនប្រធានាធិបតីលោក Lee Jae-myung មកពីគណបក្សកាន់អំណាចប្រជាធិបតេយ្យ។អ្នកនយោបាយថ្មីថ្មោងមកពីគណបក្សអំណាចប្រជាជនបានយកឈ្នះលើលោក Lee Jae-myung មកពីគណបក្សប្រជាធិបតេយ្យដែលកំពុងកាន់អំណាចដោយមានសំឡេងឆ្នោតគាំទ្រ ៤៨.៦% ដល់ ៤៧.៨%។ យោងតាមគណៈកម្មាធិការជាតិរៀបចំការបោះឆ្នោតរបស់ប្រទេសនេះបានឲ្យដឹងថា ប្រហែល ៧៧% នៃអ្នកបោះឆ្នោតដែលមានសិទ្ធិបោះឆ្នោតចំនួន ៤៤លាននាក់របស់ប្រទេសកូរ៉េខាងត្បូងបានបោះឆ្នោត។ លោក Yoon នឹងជំនួសតំណែងប្រធានាធិបតីលោក Moon Jae-in។លោក Yoon បានចូលប្រឡូកក្នុងឆាកនយោបាយកាលពីខែមិថុនាកន្លងទៅ បន្ទាប់ពីមានអាជីពជារដ្ឋអាជ្ញាអស់រយៈពេល ២៧ឆ្នាំ។ លោកទទួលបានភាពល្បីល្បាញក្នុងអំឡុងពេលអាជីពរបស់លោក សម្រាប់ការកាត់ទោសយ៉ាងចាស់ដៃលើអ្នកលេងនយោបាយនានា រួមទាំងអតីតប្រធានាធិបតីកូរ៉េខាងត្បូងលោកស្រី Park Geun-hye ផងដែរ៕អត្ថបទ៖ សុខមាន

ឯកឧត្ដម ហ៊ុន ម៉ាណែត លើកឡើងថា កត្តាសំខាន់ ៣ ដែលធ្វើឱ្យកម្ពុជាទទួលជោគជ័យលើសង្គ្រាមកូវីដ

កំពង់ចាម ៖ ថ្លែងក្នុងពិធីសម្ពោធឆ្លងដាក់ឱ្យប្រើប្រាស់ជាផ្លូវការកុដិ បណ្ណាល័យ និងសមិទ្ធផលនានា ក្នុងវត្តកងត្រង់ណឹង ស្ថិតក្នុងឃុំកងតាណឹង ស្រុកកងមាស ខេត្តកំពង់ចាម នាថ្ងៃទី៩ ខែមីនា ឆ្នាំ២០២២ ឯកឧត្តម ឧ ត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើ ងគោក បានលើកឡើងថា ភាពជោគជ័យលើសង្គ្រាមប្រយុទ្ធនឹងជំងឺកូវីដ-១៩ ដែលកម្ពុជាទទួលបាន នេះកើតមានទ្បើងដោយសារប្រតិបត្តិករ ០៣ សំខាន់ គឺទី១.តួអង្គសម្តេចតេជោនាយករដ្ឋមន្ត្រី ដែលបានដឹកនាំផ្ទាល់នូវយន្តការជាតិប្រយុទ្ធនឹងជំងឺកូវីដ-១៩ តាំងតែពីដើមដំបូងមក ដើម្បីការពារអាយុជីវិតរបស់ប្រជាពលរដ្ឋពីការស្លាប់ដោយជំងឺដ៏កាចសាហាវមួយនេះ។ សម្តេចបានសម្រេចចិត្តដ៏ត្រឹមត្រូវ រួមជាមួយការសិក្សាស្រាវជ្រាវល្អិតល្អន់ពីក្រុមការងារបច្ចេកទេសជំនាញដែលមានការពាក់ព័ន្ធ ក្នុងការជ្រើសរើសវ៉ាក់សាំង និងបើកយុទ្ធនាការចាក់វ៉ាក់សាំងនៅទូទាំងផ្ទៃប្រទេស ដើម្បីកាត់បន្ថយការឆ្លងរាលដាល, ភាពធ្ងន់ធ្ងរនៃជំងឺ និងអត្រាមរណភាព ក៏ដូចជាផលប៉ះពាល់ធ្ងន់ធ្ងរដល់ស្ថានភាពសេដ្ឋកិច្ច-សង្គម។ ទី២.ការរួមពួតដៃចូលរួមសហការគ្នាពីសំណាក់មន្ត្រីរាជការ អាជ្ញាធរដែនដីគ្រប់ជាន់ថ្នាក់ កងកម្លាំងប្រដាប់អាវុធ និងប្រជាពលរដ្ឋគ្រប់មជ្ឈដ្ឋាននៅទូទាំងប្រទេស ក្នុងការអនុវត្តយ៉ាងម៉ឺងម៉ាត់នូវគ្រ ប់វិធានការដែលរាជរដ្ឋាភិបាលបានដាក់ចេញ ជាពិសេសការឧបត្ថម្ភគាំទ្រទាំងកម្លាំងកាយចិត្ត ពេលវេ លា និងធនធាន ចូលរួមនៅក្នុងបុព្វហេតុដ៏ឧត្តុងឧត្តមថ្លៃថ្លានេះ។ និងទី៣.គឺជំនឿទុកចិត្តរបស់ប្រជាព លរដ្ឋមកលើភាពជាអ្នកដឹកនាំរបស់សម្តេចតេជោនាយករដ្ឋមន្ត្រី ដែលស្តែងឡើងតាមរយៈការចូលរួមយ៉ាងសកម្មផុសផុលទទួលយកការចាក់វ៉ាក់សាំងបង្ការជំងឺកូវីដ-១៩ ដើម្បីការពារអាយុជីវិតរបស់ខ្លួន និងក្រុមគ្រួសារ បើទោះបីជាមានការញុះញង់ អូសទាញបន្លាច និងក្លែងបន្លំការពិតពីសំណាក់អ្នកន យោបាយអគតិមួយចំនួនយ៉ាងណាក៏ដោយ។ឯកឧត្ដមបន្តថា គណបក្សប្រជាជន បេ្តជ្ញាបន្តខិតខំប្រឹងប្រែងបម្រើប្រជាពលរដ្ឋឱ្យកាន់តែល្អប្រសើរទ្បើង ព្រមទាំងផ្តោតលើការបង្កើតសមិទ្ធផលវិជ្ជមាននានាបន្ថែមទៀត ដើម្បីធ្វើយ៉ាងណាជួយលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែសម្បូរសប្បាយ ប្រកបដោយភាពសុខសាន្ត ទន្ទឹមនឹ ងការជំរុញកសាង និងអភិវឌ្ឍប្រទេស លើដំណើរផ្លូវប្រកបដោយសន្តិភាព និងស្ថិរភាព ក៏ដូចជាការពង្រឹងកិត្យានុភាពជាតិក្នុងនាមជាប្រទេសអធិបតេយ្យសើ្មមុខស្មើមាត់ជាមួយគ្រប់បណ្តាប្រទេសតូចធំលើឆាកអន្តរជាតិ។ ហេតុនេះ សូមអញ្ជើញទៅចូលរួមបោះឆ្នោតឱ្យបានគ្រប់ៗគ្នា និងសូមបោះឆ្នោតជូនគណបក្សប្រជាជនកម្ពុជា ដើម្បីផ្តល់ឱកាសជូនសម្តេចតេជោប្រមុខដឹកនាំគណបក្ស ព្រមទាំងថ្នាក់ដឹកនាំ សមាជិក ទាំងអស់បន្តកិច្ចការបម្រើជាតិ និងប្រជាជន ដោយនាំនាវាកម្ពុជាឆ្ពោះទៅកាន់ត្រើយសុភមង្គល និងវឌ្ឍនភាពរុងរឿង៕ ដោយ៖ គង់ ឌិន

ជនភៀសខ្លួនអ៊ុយក្រែនរាប់លាននាក់នឹងប្រឈមសីតុណ្ហភាពត្រជាក់ខ្លាំងនៅអឺរ៉ុបខាងកើតក្នុងសប្ដាហ៍នេះ

អឺរ៉ុប៖ ជនភៀសខ្លួនចំនួន ២លាននាក់ដែលបានរត់ភៀសខ្លួនចេញពីប្រទេសអ៊ុយក្រែន ចូលទៅកាន់បណ្ដាប្រទេសជិតខាងនឹងប្រឈមទៅនឹងសីតុណ្ហភាពចុះត្រជាក់ខ្លាំង នៅទូទាំងអឺរ៉ុបខាងកើតនៅសប្ដាហ៍នេះ។ អាកាសធាតុចុះត្រជាក់បានគ្របដណ្ដប់ពាសពេញតំបន់កាលពីថ្ងៃចន្ទ ហើយសីតុណ្ហភាពនឹងបន្តធ្លាក់ចុះនៅពេលប៉ុន្មានថ្ងៃខាងមុខ ខណៈខ្យល់ត្រជាក់ខ្លាំងនៅតំបន់អាកទិក។សារព័ត៌មាន Fox News បានរាយការណ៍ថា ទីក្រុង Mariupol របស់ប្រទេសអ៊ុយក្រែនគ្មានអគ្គិសនី និងខ្វះខាតទឹកប្រើប្រាស់ ស្របពេលមានសីតុណ្ហភាពអាក្រក់បែបនេះ។ ជនភៀសខ្លួនចេញពីអ៊ុយក្រែនបានឆ្លងកាត់ព្រំដែនចូលទៅក្នុងទីក្រុង Siret ភាគខាងជើងរបស់ប្រទេសរ៉ូម៉ានីកាលពីថ្ងៃអង្គារ ក្រោមអាកាសធាតុត្រជាក់ធ្លាក់ព្រិលយ៉ាងខ្លាំង។ នៅព្រំដែនឆ្លងចូលទីក្រុង Siret នេះដែរ ស្ត្រីដែលកំពុងគេចចេញពីសង្គ្រាមនៅក្នុងប្រទេសអ៊ុយក្រែន ត្រូវបានទទួលស្វាគមន៍ដោយជូនផ្កា tulips និងផ្កាផ្សេងទៀតដើម្បីអបអសារទិវាសិទ្ធិនារីអន្តរជាតិ។ ខណៈមនុស្សមួយចំនួនបានភៀសខ្លួនទៅកាន់ទីក្រុងផ្សេងទៀតក្នុងប្រទេសអ៊ុយក្រែន មនុស្សជាច្រើនបានជ្រើសរើសផ្លូវចាកចេញពីប្រទេសនេះ។អ្នកនាំពាក្យអង្គការទេសន្តរប្រវេសន៍អន្តរជាតិ របស់អង្គការសហប្រជាជាតិបានសរសេរលើ Twitter ថា មនុស្ស ២លាននាក់បានចាកចេញ ហើយក្នុងនោះមានយ៉ាងហោចណាស់ ១០ម៉ឺននាក់ដែលមិនមែនជាជនជាតិអ៊ុយក្រែន។ ខណៈដែលការវាយប្រហារពីរុស្ស៊ីលើអ៊ុយក្រែនឈានចូលដល់សប្ដាហ៍ទី២ ទាហានរុស្ស៊ីបានបើកការវាយលុករុលទៅមុខក្នុងប្រទេសអ៊ុយក្រែនភាគខាងត្បូង ប៉ុន្តែផ្អាកនៅក្នុងតំបន់មួយចំនួនផ្សេងទៀត។ ការបាញ់ផ្លោង និងគ្រាប់រ៉ូកែតបានស្រោចលើមជ្ឈមណ្ឌលនានា ដែលមានប្រជាជនច្រើនផ្សេងទៀតរួមមានតំបន់ Bucha ជាយរដ្ឋធានីគីវ ជាទីដែលអភិបាលក្រុងបានរាយការណ៍ពីការបាញ់ផ្លោងដោយគ្រាប់កាំភ្លើងធំ៕អត្ថបទ៖ សុខមាន

លោក Zelenskyy ថ្លែងទៅកាន់សភាអង់គ្លេស និងសន្យាប្រយុទ្ធដល់ទីបញ្ចប់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានថ្លែងទៅកាន់សភាចក្រភពអង់គ្លេសកាលពីថ្ងៃអង្គារថា លោកកំពុងនិយាយទៅកាន់សភាក្នុងនាមជាពលរដ្ឋ និងក្នុងនាមជាប្រធានាធិបតី។ លោកបានថ្លែងថា លោកមានបំណងពិភាក្សាអំពីសង្គ្រាម ដែលប្រជាជនអ៊ុយក្រែនមិនបានចាប់ផ្តើម និងមិនចង់បានសង្គ្រាម។ប៉ុន្តែទោះជាយ៉ាងណា យើងត្រូវធ្វើសង្គ្រាមនេះ។ យើងមិនចង់បាត់បង់អ្វីដែលយើងមាន អ្វីជារបស់យើងប្រទេស យើងអ៊ុយក្រែន ដូចដែលអ្នកមិនចង់បាត់បង់ប្រទេសរបស់អ្នក នៅពេលដែលរបបណាស៊ីចាប់ផ្ដើមប្រយុទ្ធនៅប្រទេសរបស់អ្នក ហើយអ្នកត្រូវតែប្រយុទ្ធដើម្បីចក្រភពអង់គ្លេស។ មេដឹកនាំអ៊ុយក្រែនបាននិយាយដោយសំដៅ ទៅលើការប្រយុទ្ធរបស់អង់គ្លេសប្រឆាំងណាស៊ីអាល្លឺម៉ង់ ក្នុងអំឡុងសង្គ្រាមលោកលើកទី២។ប្រធានាធិបតីអ៊ុយក្រែនលោក Volodymyr Zelenskyy បានប្រាប់សភាចក្រភពអង់គ្លេសថា ប្រទេសរបស់លោកនឹងប្រយុទ្ធប្រឆាំងការវាយលុករបស់រុស្ស៊ីដល់ទីបញ្ចប់នៅក្នុងទីក្រុង និងតំបន់នានារបស់អ៊ុយក្រែន។ យើងនឹងមិនបោះបង់ ហើយយើងនឹងមិនចុះចាញ់ឡើយ។ ថ្លែងតាមវីដេអូពីប្រទេសអ៊ុយក្រែនទៅកាន់សភាអង់គ្លេស លោក Zelenskyy បានជំរុញឱ្យចក្រភពអង់គ្លេសបង្កើនការដាក់ទណ្ឌកម្មលើរុស្ស៊ី និងទទួលស្គាល់ប្រទេសរុស្ស៊ីជាប្រទេសភេរវករ៕អត្ថបទ៖ ប៊ុនថន

អង្គការសហប្រជាជាតិនិយាយថា ប្រជាជនជាង ២លាននាក់ភៀសខ្លួនចេញពីអ៊ុយក្រែន

អ៊ុយក្រែន៖ អង្គការសហប្រជាជាតិនិយាយថា ប្រជាជនអ៊ុយក្រែនជាង ២លាននាក់បានឆ្លងព្រំដែនអន្តរជាតិ ដើម្បីភៀសខ្លួនពីសង្គ្រាមនៅក្នុងប្រទេសរបស់ពួកគេ។ខណៈការជម្លៀសខ្លួនឆ្លងព្រំដែនពីអ៊ុយក្រែនបានបន្តកាលពីថ្ងៃអង្គារ ស្ថានភាពមនុស្សធម៌នៅក្នុងទីក្រុងនានា ដែលត្រូវបានឡោមព័ទ្ធរបស់ប្រទេសនេះកាន់តែអាក្រក់ទៅៗ រួមទាំងនៅក្នុងទីក្រុង Mariupol ជាកន្លែងដែលសាកសពមិនត្រូវបានគេប្រមូលនៅតាមដងផ្លូវ ហើយជនស៊ីវិលបានរង់ចាំយ៉ាងអន្ទះសាសម្រាប់ពាក្យថា ពួកគេនឹងត្រូវបានអនុញ្ញាតឱ្យជម្លៀសចេញ។អង្គការសហប្រជាជាតិនិយាយថា ការិយាល័យសម្របសម្រួលកិច្ចការមនុស្សធម៌ និងកាកបាទក្រហមអន្តរជាតិកំពុងសម្របសម្រួលជាមួយប្រជាជនរុស្ស៊ី និងអ៊ុយក្រែនដើម្បីជួយសម្រួលដល់លំហូរជនភៀសខ្លួន និងជំនួយមនុស្សធម៌។ ប្រជាជនបានត្រៀមចាកចេញពីទីក្រុង Sumy ភាគឦសានប្រទេសអ៊ុយក្រែនតាមរថយន្តក្រុង តាមច្រករបៀងមនុស្សធម៌ដែលប្រទេសរុស្ស៊ី និងអ៊ុយក្រែនបានព្រមព្រៀងកាលពីថ្ងៃចន្ទ៕អត្ថបទ៖ ប៊ុនថន

អង្គការសហប្រជាជាតិបានរាយការណ៍ថា ចំនួនជនស៊ីវិលស្លាប់នៅអ៊ុយក្រែនឡើងដល់ជាង ៤៧០នាក់

អ៊ុយក្រែន៖ ការិយាល័យសិទ្ធិមនុស្សរបស់អង្គការសហប្រជាជាតិបាននិយាយកាលពីថ្ងៃអង្គារថា ខ្លួនបានផ្ទៀងផ្ទាត់ចំនួនជនស៊ីវិលរងគ្រោះចំនួន ១,៣៣៥នាក់នៅក្នុងប្រទេសអ៊ុយក្រែនរួមទាំង ៤៧៤នាក់បានស្លាប់ និង ៨៦១នាក់រងរបួសចាប់តាំងពីការចាប់ផ្ដើមវាយប្រហាររបស់រុស្ស៊ីកាលពីថ្ងៃទី២៤ ខែកុម្ភៈ។ការិយាល័យនេះបាននិយាយនៅក្នុងសេចក្ដីថ្លែងការណ៍ថា ប៉ុន្តែចំនួនជនស៊ីវិលដែលបានស្លាប់មិនត្រូវទៅនឹងរបាយការណ៍ផ្សេងៗដែលបានបញ្ជាក់នោះទេ។ អង្គការសហប្រជាជាតិជឿថា ចំនួនពិតប្រាកដទំនងជានឹងមានខ្ពស់ជាងនេះនៅក្នុងដែនដីគ្រប់គ្រងដោយរដ្ឋាភិបាល ជាទីដែលរបាយការណ៍ជាច្រើននៅតែមានការបញ្ជាក់ខុសគ្នា។ ឧទាហរណ៍ដូចជានៅទីក្រុង Volnovakha, Mariupol និងទីក្រុង Izium ជាទីដែលមានការលើកឡើងថា មានជនស៊ីវិលរាប់រយនាក់បានរងគ្រោះក្នុងសង្គ្រាមនេះ។ចំនួនជនស៊ីវិលស្លាប់ដែលបានបញ្ចេញកាលពីថ្ងៃចន្ទមានត្រឹម ៤០៦នាក់ប៉ុណ្ណោះ។ នៅក្នុងតំបន់ Donetsk និង Luhansk គ្រប់គ្រងដោយក្រុមឧទ្ទាមគាំទ្រក្រុង Moscow អង្គការសហប្រជាជាតិបានកត់ត្រាជនរងគ្រោះចំនួន ៥៤៥នាក់រួមទាំងអ្នកស្លាប់ចំនួន ៩៦នាក់ និង ៤៤៩នាក់រងរបួសគិតត្រឹមថ្ងៃអង្គារ៕អត្ថបទ៖ សុខមាន

លោក Biden ហាមប្រាមការនាំចូលប្រេង និងឧស្ម័នពីរុស្ស៊ីទៅកាន់អាមេរិកដោយផ្ដោតលើសរសៃឈាមសំខាន់នៃសេដ្ឋកិច្ចរបស់រុស្ស៊ី

សហរដ្ឋអាមេរិក៖ លោកប្រធានាធិបតី Joe Biden កាលពីថ្ងៃអង្គារបានប្រកាសការហាមប្រាមរបស់សហរដ្ឋអាមេរិក លើការនាំចូលប្រេង និងឧស្ម័នរបស់រុស្ស៊ីជុំវិញការវាយប្រហារលើប្រទេសអ៊ុយក្រែន ដោយផ្ដោតលើប្រភពចំណូលសំខាន់របស់ប្រធានាធិបតីរុស្ស៊ីលោក Vladimir Putin ខណៈដែលកងកម្លាំងរុស្ស៊ីបន្តវាយលុកទីក្រុងនានារបស់អ៊ុយក្រែន។លោកប្រធានាធិបតីបាននិយាយថា ថ្ងៃនេះខ្ញុំកំពុងប្រកាសថា សហរដ្ឋអាមេរិកកំពុងផ្ដោតលើសរសៃឈាមសំខាន់នៃសេដ្ឋកិច្ចរបស់រុស្ស៊ី។ យើងកំពុងហាមប្រាមការនាំចូលប្រេង និងថាមពលឧស្ម័នរបស់រុស្ស៊ីទាំងអស់។ នោះមានន័យថា ប្រេងរបស់រុស្ស៊ីនឹងលែងត្រូវបានទទួលយកនៅក្នុងកំពង់ផែសហរដ្ឋអាមេរិកទៀតហើយ ហើយប្រជាជនអាមេរិកនឹងដោះស្រាយការវាយប្រហារដ៏ខ្លាំងក្លាមួយទៀត ចំពោះម៉ាស៊ីនសង្គ្រាមរបស់លោក Putin។ ប្រភពនានាបានប្រាប់ទូរទស្សន៍ CBS News មុនការប្រកាសនេះថា ការហាមប្រាមនេះក៏អនុវត្តចំពោះធ្យូងថ្មរបស់រុស្ស៊ីផងដែរ។ វិធានការនេះកើតឡើង នៅពេលដែលតម្លៃឧស្ម័នបានហក់ឡើងដល់កម្រិតខ្ពស់គ្រប់ពេលវេលា បន្ទាប់ពីការលុកលុយរបស់រុស្ស៊ី ទោះបីជាមានការខិតខំប្រឹងប្រែងរបស់សហរដ្ឋអាមេរិក ក្នុងការបញ្ចេញទុនបម្រុងប្រេង និងបង្កើនការផ្គត់ផ្គង់ក៏ដោយ។លោក Biden បាននិយាយថា ការសម្រេចចិត្តនេះត្រូវបានធ្វើឡើង ដោយមានការពិគ្រោះយោបល់យ៉ាងល្អិតល្អន់ជាមួយសម្ព័ន្ធមិត្ត និងដៃគូនៅក្នុងទ្វីបអឺរ៉ុប ប៉ុន្តែបានទទួលស្គាល់ថា សម្ព័ន្ធមិត្តមួយចំនួនអាចមិនស្ថិតក្នុងជំហរចូលរួមជាមួយយើងទេ។ ចក្រភពអង់គ្លេសបាននិយាយថា ខ្លួននឹងចាប់ផ្ដើមផ្អាកការនាំចូលប្រេង និងផលិតផលប្រេងពីរុស្ស៊ី ដោយមានគោលដៅលុបបំបាត់ពីទីផ្សារអង់គ្លេសនៅចុងឆ្នាំ២០២២។ ក្រុមមន្ត្រីបារាំងបាននិយាយថា សហភាពអឺរ៉ុបដែលពឹងផ្អែកខ្លាំងលើថាមពលរបស់រុស្ស៊ី គឺមិនរំពឹងថានឹងចូលរួមជាមួយសហរដ្ឋអាមេរិក និងចក្រភពអង់គ្លេសទេ៕អត្ថបទ៖ សុខមាន

សហភាពអឺរ៉ុបប្ដេជ្ញាកាត់ផ្ដាច់ការនាំចូលឧស្ម័នរបស់រុស្ស៊ីឲ្យបាន ២ភាគ៣ នៅមុនដំណាច់ឆ្នាំនេះ

អឺរ៉ុប៖ សហភាពអឺរ៉ុបកាលពីថ្ងៃអង្គារបានបង្ហាញផែនការថ្មីមួយ ដើម្បីកាត់បន្ថយការពឹងផ្អែករបស់ខ្លួនលើថាមពលរបស់ប្រទេសរុស្ស៊ី ស្របពេលមានការវាយប្រហាររបស់ទីក្រុង Moscow លើអ៊ុយក្រែន តម្លៃខ្ពស់កប់ពពក និងការដាក់ទណ្ឌកម្មធ្ងន់ធ្ងរលើបម្រាមនាំចូលប្រេងឆៅពីរុស្ស៊ី។គណៈកម្មការអឺរ៉ុបដែលជាស្ថាប័នប្រតិបត្តិរបស់សហភាពអឺរ៉ុប ចង់បញ្ឈប់ការទិញឥន្ធនៈហ្វូស៊ីលពីរុស្ស៊ីមុនឆ្នាំ២០៣០។ ហើយឥឡូវនេះខ្លួនបានបង្ហាញការប្ដេជ្ញាថ្មី ក្នុងការកាត់បន្ថយការទិញឧស្ម័នពីរុស្ស៊ីចំនួន ២ភាគ៣ នៅមុនដំណាច់ឆ្នាំនេះ។ គណៈកម្មការខាងលើបាននិយាយកាលពីថ្ងៃអង្គារនៅក្នុងសេចក្ដីថ្លែងការណ៍មួយថា ចំណាត់ការនេះនឹងសម្រេចបានដោយការបង្វែរអ្នកផ្គត់ផ្គង់របស់ខ្លួន បង្កើនការផលិតអ៊ីដ្រូសែនកកើតឡើងវិញ និងការកែលម្អប្រសិទ្ធភាពថាមពលនៅក្នុងប្រទេស។ប្លុកដែលមានសមាជិក ២៧ប្រទេសត្រូវបានគេរិះគន់យ៉ាងខ្លាំង ចំពោះការពឹងផ្អែកខ្លាំងពេកលើរុស្ស៊ីសម្រាប់ថាមពល ជាពិសេសបន្ទាប់ពីការវាយប្រហារដោយគ្មានហេតុផលរបស់ទីក្រុង Moscow ទៅលើអ៊ុយក្រែន។ យោងតាមទីភ្នាក់ងារថាមពលអន្តរជាតិបានឱ្យដឹងថា នៅឆ្នាំ២០២១ សហភាពអឺរ៉ុបបាននាំចូលឧស្ម័នរបស់ខ្លួនពីប្រទេសរុស្ស៊ីប្រហែល ៤៥%។ នៅក្នុងឆ្នាំ២០២០ ការនាំចូលប្រេងរបស់រុស្ស៊ីមានចំនួនប្រហែល ២៥% នៃការទិញប្រេងឆៅរបស់ប្លុកនេះ នេះបើយោងតាមការិយាល័យស្ថិតិក្នុងតំបន់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុម MSF ៖ការឆ្លើយតបកង្វះអាហារូបត្ថម្ភសូម៉ាលី រងផលប៉ះពាល់ដោយសារការកាត់ផ្តាច់ជំនួយមូលនិធិ

ភ្ញៀវទេសចរស៊ូទ្រាំនឹងអាកាសធាតុក្តៅខ្លាំងនៅសំណង់បុរាណចាស់ក្នុងទីក្រុងរ៉ូមស្របពេលរលកកម្តៅ

ទីភ្នាក់ងារ UN៖អាកាសធាតុក្តៅ កើតឡើងញឹកញាប់ ខ្លាំងក្លា និងយូរជាងមុនទី

ពលរដ្ឋស៊ីរីស្វាគមន៍ទោសប្រហារជីវិតសម្រាប់លោក Bashar al-Assad និងក្រុមមន្រ្តីក្នុងរបបរបស់លោក

UN៖ រញ្ជួយដី នៅកូឡុំប៊ី បំផ្លាញផ្ទះជិត ៥.០០០ខ្នង និងមណ្ឌលសុខភាព ២៤កន្លែងខណៈអ្នកស្លាប់កើនឡើង

អនុប្រធានាធិបតីហ្វីលីពីន លោកស្រី Duterte រងការចោទប្រកាន់បទល្មើសព្រហ្មទណ្ឌ ជុំវិញការគំរាមលើលោក Marcos

អង្គការ NASA អញ្ជើញឥណ្ឌាឱ្យចូលរួមបេសកកម្មសាងមូលដ្ឋានលើឋានព្រះចន្ទរបស់ខ្លួន

ប្រតិបត្តិការស្វែងរកអ្នករស់នៅបន្ត ខណៈមនុស្ស២២៤នាក់ស្លាប់ ២.៧០០នាក់ ត្រូវបានរាយការណ៍ថា បាត់ខ្លួនក្នុងការរញ្ជួយដីកូឡុំប៊ី

នីហ្សេរីយ៉ាកត់ត្រាជំងឺគ្រុនក្តៅឡាសា ១.០០០ករណី និងអ្នកស្លាប់ ២៣៧នាក់ ក្នុងឆ្នាំ២០២៦

ក្រុមហ៊ុនអវកាសវៀតណាម ប្រកាសកិច្ចព្រមព្រៀងជាមួយ SpaceX ដើម្បីបាញ់បង្ហោះផ្កាយរណបលើកដំបូងរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កំហឹងផ្ទុះឡើងក្នុងពេលរុស្ស៊ីវាយប្រហារលើមន្ទីរពេទ្យកុមារ ខណៈជនស៊ីវិលស្លាប់កាន់តែច្រើន

សហរដ្ឋអាមេរិកថ្កោលទោសការវាយប្រហារដ៏ព្រៃផ្សៃលើមន្ទីរពេទ្យកុមារនៅអ៊ុយក្រែន

បេក្ខជនអភិរក្សនិយមដណ្ដើមបានជ័យជម្នះក្នុងការបោះឆ្នោតប្រធានាធិបតីកូរ៉េខាងត្បូង

ឯកឧត្ដម ហ៊ុន ម៉ាណែត លើកឡើងថា កត្តាសំខាន់ ៣ ដែលធ្វើឱ្យកម្ពុជាទទួលជោគជ័យលើសង្គ្រាមកូវីដ

ជនភៀសខ្លួនអ៊ុយក្រែនរាប់លាននាក់នឹងប្រឈមសីតុណ្ហភាពត្រជាក់ខ្លាំងនៅអឺរ៉ុបខាងកើតក្នុងសប្ដាហ៍នេះ

លោក Zelenskyy ថ្លែងទៅកាន់សភាអង់គ្លេស និងសន្យាប្រយុទ្ធដល់ទីបញ្ចប់

អង្គការសហប្រជាជាតិនិយាយថា ប្រជាជនជាង ២លាននាក់ភៀសខ្លួនចេញពីអ៊ុយក្រែន

អង្គការសហប្រជាជាតិបានរាយការណ៍ថា ចំនួនជនស៊ីវិលស្លាប់នៅអ៊ុយក្រែនឡើងដល់ជាង ៤៧០នាក់

សហភាពអឺរ៉ុបប្ដេជ្ញាកាត់ផ្ដាច់ការនាំចូលឧស្ម័នរបស់រុស្ស៊ីឲ្យបាន ២ភាគ៣ នៅមុនដំណាច់ឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កំហឹង​ផ្ទុះឡើង​ក្នុង​ពេល​រុស្ស៊ី​វាយប្រហារ​លើ​មន្ទីរពេទ្យ​កុមារ ខណៈ​ជន​ស៊ីវិល​ស្លាប់​កាន់​តែ​ច្រើន​

សហរដ្ឋអាមេរិក​ថ្កោលទោស​ការវាយប្រហារ​ដ៏​ព្រៃផ្សៃ​លើ​មន្ទីរពេទ្យ​កុមារ​នៅ​អ៊ុយ​ក្រែ​ន​

បេក្ខជន​អភិរក្សនិយម​ដណ្ដើម​បាន​ជ័យជម្នះ​ក្នុង​ការ​បោះឆ្នោត​ប្រធានាធិបតី​កូរ៉េខាងត្បូង​

ឯកឧត្ដម ហ៊ុន ម៉ាណែត លើកឡើងថា កត្តាសំខាន់ ៣ ដែលធ្វើឱ្យកម្ពុជាទទួលជោគជ័យលើសង្គ្រាមកូវីដ

លោក Zelenskyy ថ្លែង​ទៅកាន់​សភា​អង់គ្លេស និង​សន្យា​ប្រយុទ្ធ​ដល់​ទី​បញ្ចប់

អង្គការ​សហប្រជាជាតិ​និយាយ​ថា ប្រជាជន​ជាង​ ២​លាន​នាក់​ភៀសខ្លួន​ចេញពី​អ៊ុយ​ក្រែ​ន

អង្គការ​សហប្រជាជាតិ​បាន​រាយការណ៍​ថា ​ចំនួន​ជន​ស៊ីវិល​ស្លាប់​នៅ​អ៊ុយ​ក្រែ​ន​ឡើង​ដល់​ជាង​ ៤៧០​នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កំហឹងផ្ទុះឡើងក្នុងពេលរុស្ស៊ីវាយប្រហារលើមន្ទីរពេទ្យកុមារ ខណៈជនស៊ីវិលស្លាប់កាន់តែច្រើន

សហរដ្ឋអាមេរិកថ្កោលទោសការវាយប្រហារដ៏ព្រៃផ្សៃលើមន្ទីរពេទ្យកុមារនៅអ៊ុយក្រែន

បេក្ខជនអភិរក្សនិយមដណ្ដើមបានជ័យជម្នះក្នុងការបោះឆ្នោតប្រធានាធិបតីកូរ៉េខាងត្បូង

លោក Zelenskyy ថ្លែងទៅកាន់សភាអង់គ្លេស និងសន្យាប្រយុទ្ធដល់ទីបញ្ចប់

អង្គការសហប្រជាជាតិនិយាយថា ប្រជាជនជាង ២លាននាក់ភៀសខ្លួនចេញពីអ៊ុយក្រែន

អង្គការសហប្រជាជាតិបានរាយការណ៍ថា ចំនួនជនស៊ីវិលស្លាប់នៅអ៊ុយក្រែនឡើងដល់ជាង ៤៧០នាក់