BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

ឯកឧត្ដម ហ៊ុន ម៉ាណែត រម្លឹកពីផលវិបាកនៃសង្គ្រាម

កំពង់ឆ្នាំង ៖ ក្នុងពិធីបិទសិក្ខាសាលាបូកសរុបលទ្ធផលការងារយោធា-សន្តិសុខ ឆ្នាំ២០២១ ផ្សព្វផ្សាយផែនការ ឆ្នាំ២០២២ និងពិធីសម្ពោធដាក់ឱ្យប្រើប្រាស់សមិទ្ធផលនានា របស់កងពលតូចអន្តរាគមន៍លេខ១ខេត្តកំពង់ឆ្នាំងនៅថ្ងៃទី៨ ខែមីនា ឆ្នាំ២០២២ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោកក្រៅពីការជូននូវសព្ទសាធុកាពរជ័យ បវរសួស្តី សិរីមង្គល វិបុលសុខ មហាប្រសើរជូនចំពោះយោធិននារីនៃកងពលតូចអន្តរាគមន៍លេខ១ ក៏ដូចជានៅទូទាំងកងទ័ពជើងគោកនៃកងយោធពលខេមរភូមិន្ទឯកឧត្ដមក៏បានរម្លឹកពីផលវិបាកនៃសង្គ្រាមផងដែរ។ឯកឧត្ដមបន្តថាមិនថានៅក្នុងប្រទេសធំឬតូច ខ្លាំងឬខ្សោយ សង្គ្រាមតែងបង្កនូវមហាវិនាសកម្ម ដូចជា ការស្លាប់បាត់បង់អាយុជីវិតយោធិន និងពលរដ្ឋ បង្កនូវការបែកបាក់សង្គមជាតិ និងការនិរាសព្រាត់ប្រាសគ្រួសារ ឯហេដ្ឋារចនាសម្ព័ន្ធនានាក៏ត្រូវបំផ្លិចបំផ្លាញក្លាយជាគំនរផេះផង់ ហើយសេដ្ឋកិច្ចជាតិក៏ត្រូវរលំរលាយផងដែរ។ ដូច្នេះ សូមកងកម្លាំងប្រដាប់អាវុធជាតិយើងនិយាយជារួម និងនិយាយដោយឡែកកងយោធពលខេមរភូមិន្ទ សូមបន្តរក្សានូវភាពស្មោះត្រង់ និងពង្រឹងភាពដាច់ខាតនៅក្នុងកិច្ចការពារជាតិ សាសនា ព្រះមហាក្សត្រ, ការពាររដ្ឋធម្មនុញ្ញ និងរាជរដ្ឋាភិបាលស្របច្បាប់ ដើម្បីធានាបាននូវនិរន្តរភាពនៃសុខសន្តិភាព ស្ថិរភាព និងការអភិវឌ្ឍ ដូចដែលយើងកំពុងមានសព្វថៃ្ង ខណៈដែលក្រុមជ្រុលនិយមមួយចំនួននៅតែបន្តអុចអាល ញុះញង់ និងចិញ្ចឹមចិត្តប៉ុនប៉ងបង្កអសន្តិសុខ ដើម្បីឈានទៅផ្តួលរំលំរដ្ឋាភិបាលស្របច្បាប់ ដើម្បីបម្រើនូវមហិច្ឆិតាស្រេកឃ្លានរបស់ពួកគេ ដោយមិនគិតអំពីប្រយោជន៍ជាតិ និងសុខទុក្ខរបស់ប្រជាពលរដ្ឋនោះឡើយ។ឯកឧត្ដមបានគាំទ្រនិងជំរុញឱ្យយោធិនទាំងអស់ បន្តកិច្ចខិតខំប្រឹងប្រែងបន្ថែមទៀត លើការបំពេញតួនាទី និងភារកិច្ចក្នុងនាមជាកងយោធពលខេមរភូមិន្ទ ស្របតាមរដ្ឋធម្មនុញ្ញ ច្បាប់ និងនយោបាយការពារជាតិរបស់ព្រះរាជាណាចក្រកម្ពុជា ដើម្បីសម្រេចបានស្នាដៃ និងសមិទ្ធផលកាន់តែល្អប្រសើរជូនជាតិ ប្រជាជន និងមាតុភូមិយើង។ឯកឧត្ដមក៏បានគោរពថ្លែងអំណរគុណចំពោះសម្តេចតេជោនាយករដ្ឋមន្ត្រី ដែលជានិច្ចជាកាល សម្តេច តែងបានយកចិត្តទុកដាក់ និងគិតគូរអំពីសុខទុក្ខរបស់យោធិន និងគ្រួសារយោធិននៅគ្រប់បណ្តាកងឯកភាពនៃកងយោធពលខេមរភូមិន្ទ ហើយតែងបានជួយឧបត្ថម្ភគាំទ្រគ្រប់បែបយ៉ាងទាំងផ្នែកស្មារតី ថវិកា និងសម្ភារ ដើម្បីជួយសម្រួលដល់ការបំពេញការងារប្រចាំថ្ងៃ, ការហ្វឹកហ្វឺនរៀនសូត្រ, ការបំពាក់សម្ភារបរិក្ខារផ្សេងៗ, ការលើកស្ទួយជីវភាពសុខមាលភាពកងទ័ព និងគ្រួសារកងទ័ពតាមរយៈការកសាងជំរំជម្រកស្នាក់នៅ និងការដោះស្រាយប្រាក់ហូបប្រចាំថ្ងៃជាដើម រហូតយោធិនយើងប្រសិទ្ធនាមថាជា «អគ្គភស្តុភារជាន់ខ្ពស់»ដែលតែងតែយកចិត្តទុកដាក់គិតសព្វគិតគ្រប់ ដោយសារខ្លួនសម្តេចផ្ទាល់ក៏ធ្លាប់ជាយោធិនដែលបានឆ្លងកាត់ការលំបាកសព្វបែបយ៉ាងនៅក្នុងភ្នក់ភ្លើងសង្គ្រាមផងដែរ៕ អត្ថបទ ៖ គង់ ឌិន

លោក Zelenskyy ជំរុញសុំជំនួយជាសកលដើម្បីការពារអ៊ុយក្រែន

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy មានដៃគូថ្មីនៅក្នុងយុទ្ធនាការរបស់លោក ដើម្បីការពារប្រទេសគឺអង្គការ Global Citizen ជាអង្គការមិនរកប្រាក់ចំណេញអន្តរជាតិប្រយុទ្ធប្រឆាំងភាពក្រីក្រខ្លាំង។លោក Zelenskyy និង Global Citizen បានចេញផ្សាយដំបូងនូវអ្វីដែលសង្ឃឹមថា នឹងជាការអំពាវនាវដើម្បីធ្វើសកម្មភាព សម្រាប់សមាជិករាប់លាននាក់របស់អង្គការមិនរកប្រាក់ចំណេញ ព្រមទាំងដៃគូរដ្ឋាភិបាល ក្រុមហ៊ុន និងសប្បុរសជន។ សារដំបូងរបស់ប្រធានាធិបតីអ៊ុយក្រែនបានស្វែងរកជំនួយពីពិភពលោក ក្នុងការការពារប្រទេសរបស់លោកប្រឆាំងនឹងអ្វីដែលលោកនិយាយថា ជាសកម្មភាពភេរវកម្មពីប្រទេសរុស្ស៊ី។ លោក Zelenskyy បានលើកឡើងពីការបាញ់ផ្លោងរបស់រុស្ស៊ីទៅលើទីក្រុងនានារបស់អ៊ុយក្រែន និងការបាញ់ផ្លោងទៅលើរោងចក្រថាមពលនុយក្លេអ៊ែរ។អង្គការ Global Citizen និយាយថា អង្គការសង្ឃឹមថា ភាពជាដៃគូនេះនឹងលើកទឹកចិត្តប្រជាជនឲ្យផ្តល់ព័ត៌មានអំពីវិបត្តិមនុស្សធម៌ និងរបៀបឆ្លើយតប។ កាលពីសប្ដាហ៍មុនអង្គការសហប្រជាជាតិបាននិយាយថា ទឹកប្រាក់ចំនួន ១.៧ពាន់លានដុល្លារនឹងត្រូវការដើម្បីជួយដល់កិច្ចខិតខំផ្តល់ជំនួយ ដោយប៉ាន់ប្រមាណថា ប្រជាជន ១២លាននាក់នៅប្រទេសអ៊ុយក្រែន និងជនភៀសខ្លួន ៤លាននាក់នឹងត្រូវការជំនួយបន្ទាន់ និងការការពារនៅក្នុងរយៈពេលប៉ុន្មានខែខាងមុខនេះ៕អត្ថបទ៖ ប៊ុនថន

ក្រុមប្រឹក្សាសន្តិសុខអង្គការសហប្រជាជាតិជួបប្រជុំស្ដីពីជនភៀសខ្លួនអ៊ុយក្រែន

UN៖ អង្គការសហប្រជាជាតិនិយាយថា ស្ថាប័នមិនអាចបំពេញតម្រូវការរបស់ជនស៊ីវិលរាប់លាននាក់ ដែលជាប់ក្នុងជម្លោះនៅអ៊ុយក្រែននាពេលបច្ចុប្បន្ននេះបានទេ ហើយកំពុងជំរុញឱ្យមានច្រកធ្វើដំណើរសុវត្ថិភាពសម្រាប់ប្រជាជន និងសម្រាប់ការផ្គត់ផ្គង់មនុស្សធម៌ដើម្បីទៅដល់តំបន់ដែលមានជម្លោះ។អគ្គលេខាធិការរងលោក Martin Griffiths បាននិយាយក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃចន្ទថា ទីក្រុងដូចជា Mariupol, Kharkiv, Metropol កំពុងតែត្រូវការជំនួយបន្ទាន់។ លោក Griffiths និយាយថា យើងមិនអាចបំពេញតម្រូវការរបស់ជនស៊ីវិលនៅពេលបច្ចុប្បន្ននេះបានទេ។ អង្គការសហប្រជាជាតិ និងដៃគូរបស់ខ្លួនបានផ្តល់ស្បៀងអាហារដល់មនុស្សរាប់សែននាក់ ហើយកម្មវិធីស្បៀងអាហារពិភពលោកកំពុងបង្កើតប្រតិបត្តិការ ខ្សែសង្វាក់ផ្គត់ផ្គង់ដើម្បីផ្តល់ស្បៀងអាហារ និងជំនួយជាសាច់ប្រាក់បន្ទាន់ដល់ប្រជាជន ៣-៥លាននាក់នៅក្នុងប្រទេសអ៊ុយក្រែន។ជាមួយគ្នានេះអង្គការ UNICEF និយាយថា ខ្លួនបានផ្តល់សម្ភារៈសង្គ្រោះផ្នែកវេជ្ជសាស្ត្រចំនួន ៤០តោនដើម្បីបំពេញតម្រូវការរបស់កុមារ និងម្ដាយចំនួន ២.២០០០នាក់។ ខណៈប្រជាជនអ៊ុយក្រែន ១.៧លាននាក់បានភៀសខ្លួនចេញពីប្រទេស ឯកអគ្គរដ្ឋទូតអ៊ុយក្រែនលោក Sergiy Kyslytsya បានដាក់កំហុសលើរុស្ស៊ី ចំពោះការមិនបង្កើតច្រករបៀងមនុស្សធម៌ឲ្យបានគ្រប់គ្រាន់៕អត្ថបទ៖ ប៊ុនថន

កិច្ចចរចាជុំថ្មីរវាងរុស្សី និងអ៊ុយក្រែនទទួលលទ្ធផលរីកចម្រើនតិចតួច

បេឡារុស៖ ទាំងរុស្ស៊ី និងអ៊ុយក្រែនបាននិយាយកាលពីថ្ងៃចន្ទថា ភាគីទាំងពីរបានធ្វើឲ្យមានលទ្ធផលរីកចម្រើនតិចតួច ក្នុងអំឡុងកិច្ចចរចាជុំទីបីក្នុងប្រទេសបេឡារុស ហើយប្រធានគណៈប្រតិភូរុស្ស៊ីលោក Vladimir Medinsky និយាយថា លោករំពឹងថា ច្រករបៀងមនុស្សធម៌នៅអ៊ុយក្រែននឹងចាប់ផ្ដើមដំណើរការនៅថ្ងៃអង្គារនេះ។លោកនិយាយថា គ្មានការរីកចម្រើនណាមួយត្រូវបានធ្វើឡើង លើដំណោះស្រាយនយោបាយនោះទេ។ ការរំពឹងទុករបស់យើងពីកិច្ចពិភាក្សាបានបរាជ័យ ប៉ុន្តែសង្ឃឹមថា យើងនឹងអាចបង្កើតជំហានសំខាន់បន្ថែមទៀតឆ្ពោះទៅមុខនៅពេលក្រោយ ខណៈការចរចានឹងបន្ត។ កិច្ចខិតខំប្រឹងប្រែង ដើម្បីរៀបចំច្រកសុវត្ថិភាពសម្រាប់ជនស៊ីវិលកាលពីចុងសប្ដាហ៍បានបរាជ័យ ក្នុងពេលដែលការបាញ់ផ្លោងនៅតែបន្ត។ ក្រសួងការពារជាតិរុស្ស៊ីបានប្រកាសពីការជំរុញថ្មីមួយកាលពីថ្ងៃចន្ទដោយនិយាយថា ជនស៊ីវិលនឹងត្រូវបានអនុញ្ញាតឱ្យចាកចេញពីរដ្ឋធានី Kyiv, Mariupol ទីក្រុងKharkiv និង Sumy។ មន្ត្រីអ៊ុយក្រែនបានមកដល់ប្រទេសបេឡារុស សម្រាប់កិច្ចពិភាក្សាជុំទីបីជាមួយមន្ត្រីរុស្ស៊ី ខណៈការវាយលុករបស់រុស្ស៊ីលើអ៊ុយក្រែនបានឈានចូលដល់ថ្ងៃទី១២។ កិច្ចពិភាក្សាមានគោលបំណងដោះស្រាយជម្លោះ ដែលកំពុងបន្តធ្វើឡើងនៅតំបន់ឧទ្យានជាតិជាប់ព្រំដែនប្រទេសប៉ូឡូញ-បេឡារុស៕អត្ថបទ៖ ប៊ុនថន

រុស្ស៊ីប្រកាសបទឈប់បាញ់ថ្មីឲ្យមានការជម្លៀសជនស៊ីវិលចេញពីទីក្រុងចំនួន៥ របស់អ៊ុយក្រែន

រុស្ស៊ី៖ ប្រទេសរុស្ស៊ីបានប្រកាសឲ្យមានបទឈប់បាញ់ថ្មីមួយ ដើម្បីបើកឲ្យមានការជម្លៀសជនស៊ីវិលចេញពីទីក្រុងចំនួន៥ របស់ប្រទេសអ៊ុយក្រែនគឺទីក្រុង Kyiv, Kharkiv, Chernihiv, Sumy និងទីក្រុង Mariupol ដែលបានចាប់ផ្ដើមនៅម៉ោង ១០ព្រឹកថ្ងៃអង្គារនេះម៉ោងនៅក្នុងប្រទេសរុស្ស៊ី។ថ្លែងពេលបិទបញ្ចប់ជំនួបប្រជុំនៅក្រុមប្រឹក្សាសន្តិសុខអង្គការសហប្រជាជាតិ ឯកអគ្គរដ្ឋទូតរបស់រុស្ស៊ីប្រចាំនៅអង្គការសហប្រជាជាតិលោក Vassily Nebenzia បាននិយាយថា ការបើកច្រករបៀងគឺដើម្បីអាចឲ្យជនស៊ីវិលមានឱកាសចាកចេញពីទីក្រុងទាំងនោះ។ លោកថា ផែនការជម្លៀសគឺអាស្រ័យទៅលើការឯកភាពពីប្រទេសអ៊ុយក្រែន។សំណើនេះពុំមានការទាមទារថា ពលរដ្ឋទាំងនោះត្រូវតែបញ្ជូនទៅកាន់ដែនដីរបស់ប្រទេសរុស្ស៊ី ជាចាំបាច់នោះទេ។ វាជាជម្រើសរបស់ពួកគេដែលត្រូវទៅកន្លែងដែលពួកគេចង់ទៅ។សេចក្ដីថ្លែងការណ៍របស់លោកបានកើតឡើង បន្ទាប់ពីអង្គការសហប្រជាជាតិនិយាយថា វាចាំបាច់ត្រូវមានច្រកសុវត្ថិភាពដើម្បីដឹកជញ្ជូនជំនួយមនុស្សធម៌ ចូលទៅកាន់តំបន់មានជម្លោះក្នុងប្រទេសអ៊ុយក្រែន។ គិតត្រឹមថ្ងៃអង្គារនេះ ការវាយប្រហាររបស់រុស្ស៊ីចូលអ៊ុយក្រែនឈានចូលដល់ថ្ងៃទី១៣ ហើយ។ ជម្លោះយោធានេះបានឆក់យកជីវិតជនស៊ីវិលយ៉ាងហោចណាស់ ៤០៦នាក់ និង ៨០១នាក់រងរបួសក្នុងប្រទេសអ៊ុយក្រែន នេះបើយោងតាមអង្គការសហប្រជាជាតិ៕ អត្ថបទ៖ សុខមាន

ប្រធានាធិបតីអ៊ុយក្រែនអំពាវនាវឲ្យសហរដ្ឋអាមេរិកជួយទប់ទល់នឹងរុស្ស៊ី

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានអំពាវនាវដោយផ្ទាល់ទៅកាន់សហរដ្ឋអាមេរិក ឲ្យជួយគាំទ្រដល់សង្គ្រាមក្នុងប្រទេសរបស់លោកទប់ទល់នឹងការវាយប្រហាររបស់រុស្ស៊ី។ ក្នុងកិច្ចសម្ភាសន៍ផ្ដាច់មុខមួយជាមួយពិធីករលោក David Muir ក្នុងកម្មវិធីព័ត៌មានពិភពលោករាត្រីនេះលោក Zelenskyy បាននិយាយថា ការគាំទ្រដល់យើងដែលមិនត្រឹមមានតែពាក្យសម្ដីប៉ុណ្ណោះទេ គឺមានទាំងវិធានការម៉ឺងម៉ាត់ដោយផ្ទាល់។ធ្វើចុះ ហើយខ្ញុំគិតថា យើងនឹងឈ្នះ។ លោកបាននិយាយថា ប្រសិនបើរុស្ស៊ីវាយដណ្ដើមយកអ៊ុយក្រែននោះការប្រយុទ្ធនឹងបន្តជាការបះបោរ។ លោក Zelenskyy បានជំរុញប្រជាជនរបស់លោកឱ្យបន្តទប់ទល់នឹងការវាយប្រហារ ដែលក្រុមមន្ត្រីអង្គការសហប្រជាជាតិនិយាយថា បានបង្ខំឲ្យមនុស្សជាង ១.៧លាននាក់ឱ្យភៀសខ្លួនចេញពីអ៊ុយក្រែន។ លោកនៅតែបន្តអំពាវនាវឱ្យបរទេសដាក់តំបន់គ្មានការហោះហើរលើអ៊ុយក្រែន ទោះបីជាបណ្ដាប្រទេសលោកខាងលិចបានច្រានចោលគំនិតនេះ ដោយសារតែប្រឈមនឹងការរីកកាន់តែធំនៃជម្លោះ ព្រោះតែជាប់ពាក់ព័ន្ធជាមួយយោធាបរទេសដោយផ្ទាល់។ ទោះបីជាសហរដ្ឋអាមេរិក និងប្រទេសលោកខាងលិចជាច្រើនទៀតបានគាំទ្រអ៊ុយក្រែន ដោយការដឹកជញ្ជូនអាវុធជួយអ៊ុយក្រែនក៏ដោយ ក៏ពួកគេបានប្ដេជ្ញាហើយថានឹងមិនបញ្ជូនកងទ័ពទៅឡើយ៕អត្ថបទ៖ សុខមាន

ពលរដ្ឋអ៊ុយក្រែនស្រែករកជំនួយ ខណៈព្យាយាមរត់គេចចេញពីការវាយប្រហារពីទាហានរុស្ស៊ី

អ៊ុយក្រែន៖ កាលពីថ្ងៃចន្ទប្រជាពលរដ្ឋនៅក្នុងទីក្រុង Irpin ប្រទេសអ៊ុយក្រែនដែលកំពុងព្យាយាមរត់ភៀសខ្លួនចេញពីតំបន់នានា នៃទីក្រុងដែលត្រូវបានទាហានរុស្ស៊ីរឹបអូសបានស្រែកសុំជំនួយ។ ប្រជាពលរដ្ឋម្នាក់បាននិយាយថា ទាហានរុស្ស៊ីកំពុងរត់ពេញទីធ្លាផ្ទះ និងឆែកឆេរគ្រប់ផ្ទះទាំងអស់ដោយបើកទ្វាររបង បន្ទប់ក្រោមដី ឬវាយទម្លាយទ្វារ។អ្នកស្រីបានបន្ថែមថា ពួកគេបានប្រមូលយករបស់របរដែលពួកគេត្រូវការ និងវាយកម្ទេចចោលរបស់ដែលពួកគេមិនត្រូវការ។ ចំណែកពលរដ្ឋម្នាក់ទៀតនិយាយថា ខ្ញុំស្រែកដល់ពិភពលោក សូមបញ្ជូននរណាម្នាក់ឲ្យមកជួយពួកយើងផង។ នៅក្នុងតំបន់ Irpin ដែលត្រូវបានកាត់ផ្តាច់ចរន្តអគ្គិសនី ទឹក និងម៉ាស៊ីនកំដៅអស់រយៈពេលបីថ្ងៃ មនុស្សមួយចំនួនបានមើលឃើញរថក្រោះយ៉ាងហោចណាស់ចំនួន ៣គ្រឿងកាលពីថ្ងៃចន្ទ ហើយបាននិយាយថា ទាហានរុស្ស៊ីកំពុងរឹបអូសផ្ទះ និងរថយន្ត។ យោងតាមអភិបាលក្រុង Irpin លោក Oleksander Markyshin បាននិយាយថា ជនស៊ីវិលប្រហែល ៨នាក់ស្លាប់ដោយសារការបាញ់ផ្លោងរបស់រុស្ស៊ីនៅក្នុងទីក្រុងនេះ។ អ្នកស្លាប់រួមមានគ្រួសារមួយផងដែរ។អ្នកស្រុក Irpin បានព្យាយាមភៀសខ្លួនចេញពីជាយរដ្ឋធានី Kyiv កាលពីចុងសប្តាហ៍ ខណៈដែលការបាញ់ផ្លោងនៅតែបន្ត បើទោះបីជាមានបទឈប់បាញ់ក៏ដោយ។ គ្រួសារជាច្រើនដែលកំពុងភ័យស្លន់ស្លោរត់តាមដងផ្លូវទៅរថយន្តក្រុង ហើយម្ដាយអស់សង្ឃឹមមួយចំនួនប្រគល់កូនឲ្យទៅទាហាន និងមនុស្សប្លែកមុខដែលពួកគេមិនដែលស្គាល់ដើម្បីជួយឲ្យពួកគេរត់គេចខ្លួន។ មនុស្សជាច្រើនបានជាប់គាំងនៅក្នុងផ្ទះរបស់ពួកគេអស់ជាច្រើនថ្ងៃ ហើយឥឡូវនេះកំពុងព្យាយាមភៀសខ្លួនបន្ទាប់ពីការប្រកាសបទឈប់បាញ់៕អត្ថបទ៖ សុខមាន

រុស្ស៊ីព្រមានលោកខាងលិចជុំវិញបម្រាមនាំចូលប្រេង ខណៈការចរចារវាងរុស្ស៊ី-អ៊ុយក្រែនមានភាពរីកចម្រើនតិចតួច

រុស្ស៊ី៖ ប្រទេសរុស្ស៊ីបានព្រមានថា តម្លៃប្រេងអាចហក់ឡើងដល់ ៣០០ដុល្លារអាមេរិកក្នុងមួយបារ៉ែល ហើយខ្លួនអាចនឹងបិទបំពង់បង្ហូរឧស្ម័នដ៏សំខាន់ទៅកាន់អាល្លឺម៉ង់ ប្រសិនបើប្រទេសលោកខាងលិចបញ្ឈប់ការនាំចូលប្រេងជុំវិញការវាយប្រហារលើអ៊ុយក្រែន ខណៈការចរចាស្វែងរកសន្តិភាពកាលពីថ្ងៃចន្ទ បានត្រឹមតែបង្កើតភាពរីកចម្រើនតិចតួចប៉ុណ្ណោះ។ការវាយលុក ដែលជាការវាយប្រហារដ៏ធំបំផុតលើរដ្ឋមួយក្នុងតំបន់អឺរ៉ុប ចាប់តាំងពីសង្គ្រាមលោកលើកទី២ មកបានបង្ខំឲ្យប្រជាជនអ៊ុយក្រែនប្រមាណ ១.៧លាននាក់រត់ភៀសខ្លួនចូលទៅកាន់ប្រទេសជិតខាង ការសម្រុករោមរឹតទណ្ឌកម្មទីក្រុង Moscow ការដកក្រុមហ៊ុនបរទេសចេញដ៏ច្រើន និងក្ដីបារម្ភថា ជម្លោះនឹងរីកកាន់តែធំមិនធ្លាប់មានរយៈពេលជាច្រើនទសវត្សរ៍នៅអឺរ៉ុប។ ការឡោមទ័ព និងការទម្លាក់គ្រាប់បែកលើទីក្រុងជាច្រើនរបស់អ៊ុយក្រែននៅតែបន្ត។ ក្រុមមន្ត្រីអ៊ុយក្រែននិយាយថា ការវាយប្រហាររបស់រុស្ស៊ីទៅលើរោងចក្រផលិតនំប៉័ងបានសម្លាប់មនុស្ស ១៣នាក់ នៅក្នុងទីក្រុង Makariv ស្ថិតក្នុងតំបន់ Kyiv។ សារព័ត៌មាន Reuters មិនអាចស្វែងរកការផ្ទៀងផ្ទាត់ឲ្យលម្អិតបានទេ។ ចំណែកភាគីរុស្ស៊ីវិញបានទាត់ចោលការចោទប្រកាន់ដែលថា ខ្លួនបានដាក់គោលដៅលើជនស៊ីវិល។ ខណៈដែលកំពុងព្យាយាមពង្រីកទម្ងន់សម្ពាធលើលោកប្រធានាធិបតីរុស្ស៊ី Vladimir Putin សហរដ្ឋអាមេរិកនិយាយថា ក្រុង Washington និងសម្ព័ន្ធមិត្តសហភាពអឺរ៉ុបរបស់ខ្លួនបានកំពុងពិចារណា ដាក់បម្រាមមិនឲ្យនាំចូលប្រេងចូលទៅក្នុងប្រទេសរុស្ស៊ី។ តម្លៃប្រេងបានហក់ឡើងដល់កម្រិតខ្ពស់បំផុតចាប់តាំងពីឆ្នាំ២០០៨ មក។ លោកប្រធានាធិបតីអាមេរិក Joe Biden បានធ្វើសន្និសីទតាមវីដេអូជាមួយបណ្ដាមេដឹកនាំបារាំង អាល្លឺម៉ង់ និងចក្រភពអង់គ្លេស ខណៈលោកបានជំរុញឲ្យមានការគាំទ្រលើបម្រាមនេះ៕អត្ថបទ៖ សុខមាន

ទីភ្នាក់ងារជនភៀសខ្លួន UN និយាយថា ជនភៀសខ្លួនជាង ១.៥លាននាក់ភៀសខ្លួនចេញពីអ៊ុយក្រែន

អ៊ុយក្រែន៖ ប្រធានទីភ្នាក់ងារជនភៀសខ្លួនរបស់អង្គការសហប្រជាជាតិ បាននិយាយកាលពីថ្ងៃអាទិត្យថា ជនភៀសខ្លួនជាង ១,៥លាននាក់បានឆ្លងពីអ៊ុយក្រែនទៅកាន់ប្រទេសជិតខាង ចាប់តាំងពីប្រទេសរុស្ស៊ីចូលឈ្លានពាន។លោក Filippo Grandi បាននិយាយទៅកាន់អ្នកសារព័ត៌មាននៅច្រកព្រំដែនអ៊ុយក្រែន-ប៉ូឡូញក្នុងទីក្រុង Medyka ភាគអាគ្នេយ៍ប្រទេសប៉ូឡូញថា ជំនួយអន្តរជាតិគឺចាំបាច់សម្រាប់ប្រទេសប៉ូឡូញ និងប្រទេសផ្សេងទៀតដែលទទួលជនភៀសខ្លួនពីអ៊ុយក្រែន។ លោកនិយាយថា ការព្យាករណ៍ពិបាកនឹងធ្វើ យើងដឹងថា មនុស្សរាប់សែននាក់កំពុងធ្វើដំណើរនៅក្នុងប្រទេសអ៊ុយក្រែន រួមទាំងកំពុងឆ្លងកាត់ព្រំដែន។ កាកបាទក្រហមអន្តរជាតិ និងអង្គការសហប្រជាជាតិកំពុងចរចារពីដំណើរការចូលទៅកាន់ទីក្រុងនានាក្នុងប្រទេសអ៊ុយក្រែន ដែលរងផលប៉ះពាល់ខ្លាំងបំផុតដោយការប្រយុទ្ធគ្នា ចាប់តាំងពីរុស្ស៊ីបានឈ្លានពាននៅថ្ងៃទី២៤ ខែកុម្ភៈ។លោកនិយាយថា ការពិភាក្សាទាំងនោះបន្តជាមួយនឹងក្តីសង្ឃឹមសម្រាប់ភាពជោគជ័យ ប៉ុន្តែមិនបានផ្តល់ឈ្មោះទីក្រុងជាក់លាក់នោះទេ។ ច្រករបៀងទាំងនោះមានប្រយោជន៍ក្នុងការនាំយកជំនួយមនុស្សធម៌ របស់របរជាមូលដ្ឋានទៅឱ្យប្រជាជនដែលពិតជាមានតម្រូវការដោយអស់សង្ឃឹម។ ប៉ុន្តែអ្វីដែលត្រូវការពិតប្រាកដគឺបទឈប់បាញ់ គឺការបញ្ចប់ជម្លោះ ព្រោះនោះជាមធ្យោបាយតែមួយគត់ដើម្បីបញ្ឈប់សោកនាដកម្មនេះ៕អត្ថបទ៖ ប៊ុនថន

ប្រជាជនដុតលិខិតឆ្លងដែនរុស្ស៊ីនៅទីក្រុងប៊ែលក្រាដក្នុងបាតុកម្មប្រឆាំងសង្គ្រាម

ស៊ែប៊ី៖ ពលរដ្ឋរុស្ស៊ីមួយក្រុមដែលកំពុងរស់នៅក្នុងប្រទេសស៊ែប៊ី ស្ថិតក្នុងចំណោមប្រជាជនរាប់រយនាក់កាលពីថ្ងៃអាទិត្យ បានទប់ទល់នឹងសីតុណ្ហភាពត្រជាក់ ដើម្បីប្រមូលផ្តុំគ្នានៅកណ្តាលទីក្រុងប៊ែលក្រាដ ដើម្បីគាំទ្រប្រទេសអ៊ុយក្រែន។បុរសជនជាតិរុស្ស៊ីម្នាក់បានដុតលិខិតឆ្លងដែនរុស្ស៊ីរបស់លោក ដើម្បីបង្ហាញពីការប្រឆាំងចំពោះការឈ្លានពានលើអ៊ុយក្រែន។ ពលរដ្ឋមួយចំនួនទៀតកាន់ទង់ជាតិអ៊ុយក្រែន ខណៈស្រែកប្រឆាំងសង្គ្រាមនៅអ៊ុយក្រែន និងប្រឆាំងប្រធានាធិបតីរុស្ស៊ីលោក Vladimir Putin។ លោក Vladimir Nesimov បាននិយាយបន្ទាប់ពីដុតលិខិតឆ្លងដែនរបស់លោកថា ខ្ញុំមិនចង់ឲ្យមានអ្វីត្រូវធ្វើ ដែលរុស្ស៊ីកំពុងធ្វើនៅលើទឹកដីអ៊ុយក្រែន និងនៅលើពិភពលោកនោះទេ។ លោក Vladimir Nesimov និងភរិយារបស់លោកឈ្មោះ Evelina Nesimova បានធ្វើដំណើរទៅកាន់ទីក្រុង Belgrade ពីទីក្រុង Loznica ភាគខាងលិចប្រទេសស៊ែប៊ី ដើម្បីចូលរួមការប្រមូលផ្តុំកាលពីថ្ងៃអាទិត្យ ដែលរៀបចំដោយសកម្មជនសន្តិភាព និងប្រជាជនរុស្ស៊ីកំពុងរស់នៅក្នុងប្រទេសស៊ែប៊ី។លោកស្រី Evelina Nesimova បាននិយាយថា ប្តីប្រពន្ធរបស់គាត់បានផ្លាស់ពីទីក្រុងមូស្គូក្នុងឆ្នាំ២០១៤ បន្ទាប់ពីការឈ្លានពានរបស់រុស្ស៊ីលើតំបន់គ្រីមៀ។ មានការភ័យខ្លាចថា ភាពតានតឹងជុំវិញសង្គ្រាមនៅអ៊ុយក្រែនអាចផ្ទុះឡើងដល់តំបន់បាល់កង់ ដែលងាយនឹងកើតឡើងដែលបានឆ្លងកាត់សង្គ្រាមជនជាតិភាគតិច ជាបន្តបន្ទាប់នៅក្នុងទសវត្សឆ្នាំ១៩៩០៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រុម MSF ៖ការឆ្លើយតបកង្វះអាហារូបត្ថម្ភសូម៉ាលី រងផលប៉ះពាល់ដោយសារការកាត់ផ្តាច់ជំនួយមូលនិធិ

ភ្ញៀវទេសចរស៊ូទ្រាំនឹងអាកាសធាតុក្តៅខ្លាំងនៅសំណង់បុរាណចាស់ក្នុងទីក្រុងរ៉ូមស្របពេលរលកកម្តៅ

ទីភ្នាក់ងារ UN៖អាកាសធាតុក្តៅ កើតឡើងញឹកញាប់ ខ្លាំងក្លា និងយូរជាងមុនទី

ពលរដ្ឋស៊ីរីស្វាគមន៍ទោសប្រហារជីវិតសម្រាប់លោក Bashar al-Assad និងក្រុមមន្រ្តីក្នុងរបបរបស់លោក

UN៖ រញ្ជួយដី នៅកូឡុំប៊ី បំផ្លាញផ្ទះជិត ៥.០០០ខ្នង និងមណ្ឌលសុខភាព ២៤កន្លែងខណៈអ្នកស្លាប់កើនឡើង

អនុប្រធានាធិបតីហ្វីលីពីន លោកស្រី Duterte រងការចោទប្រកាន់បទល្មើសព្រហ្មទណ្ឌ ជុំវិញការគំរាមលើលោក Marcos

អង្គការ NASA អញ្ជើញឥណ្ឌាឱ្យចូលរួមបេសកកម្មសាងមូលដ្ឋានលើឋានព្រះចន្ទរបស់ខ្លួន

ប្រតិបត្តិការស្វែងរកអ្នករស់នៅបន្ត ខណៈមនុស្ស២២៤នាក់ស្លាប់ ២.៧០០នាក់ ត្រូវបានរាយការណ៍ថា បាត់ខ្លួនក្នុងការរញ្ជួយដីកូឡុំប៊ី

នីហ្សេរីយ៉ាកត់ត្រាជំងឺគ្រុនក្តៅឡាសា ១.០០០ករណី និងអ្នកស្លាប់ ២៣៧នាក់ ក្នុងឆ្នាំ២០២៦

ក្រុមហ៊ុនអវកាសវៀតណាម ប្រកាសកិច្ចព្រមព្រៀងជាមួយ SpaceX ដើម្បីបាញ់បង្ហោះផ្កាយរណបលើកដំបូងរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ឯកឧត្ដម ហ៊ុន ម៉ាណែត រម្លឹកពីផលវិបាកនៃសង្គ្រាម

លោក Zelenskyy ជំរុញសុំជំនួយជាសកលដើម្បីការពារអ៊ុយក្រែន

ក្រុមប្រឹក្សាសន្តិសុខអង្គការសហប្រជាជាតិជួបប្រជុំស្ដីពីជនភៀសខ្លួនអ៊ុយក្រែន

កិច្ចចរចាជុំថ្មីរវាងរុស្សី និងអ៊ុយក្រែនទទួលលទ្ធផលរីកចម្រើនតិចតួច

រុស្ស៊ីប្រកាសបទឈប់បាញ់ថ្មីឲ្យមានការជម្លៀសជនស៊ីវិលចេញពីទីក្រុងចំនួន៥ របស់អ៊ុយក្រែន

ប្រធានាធិបតីអ៊ុយក្រែនអំពាវនាវឲ្យសហរដ្ឋអាមេរិកជួយទប់ទល់នឹងរុស្ស៊ី

ពលរដ្ឋអ៊ុយក្រែនស្រែករកជំនួយ ខណៈព្យាយាមរត់គេចចេញពីការវាយប្រហារពីទាហានរុស្ស៊ី

រុស្ស៊ីព្រមានលោកខាងលិចជុំវិញបម្រាមនាំចូលប្រេង ខណៈការចរចារវាងរុស្ស៊ី-អ៊ុយក្រែនមានភាពរីកចម្រើនតិចតួច

ទីភ្នាក់ងារជនភៀសខ្លួន UN និយាយថា ជនភៀសខ្លួនជាង ១.៥លាននាក់ភៀសខ្លួនចេញពីអ៊ុយក្រែន

ប្រជាជនដុតលិខិតឆ្លងដែនរុស្ស៊ីនៅទីក្រុងប៊ែលក្រាដក្នុងបាតុកម្មប្រឆាំងសង្គ្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ឯកឧត្ដម​ ហ៊ុន​ ម៉ាណែត រម្លឹកពីផលវិបាកនៃសង្គ្រាម

លោក Zelenskyy ជំរុញ​សុំ​ជំនួយ​ជាស​កល​ដើម្បី​ការពារ​អ៊ុយ​ក្រែ​ន​

ក្រុមប្រឹក្សាសន្តិសុខ​អង្គការ​សហប្រជាជាតិ​ជួប​ប្រជុំ​ស្ដីពី​ជនភៀសខ្លួន​អ៊ុយ​ក្រែ​ន​

កិច្ចចរចា​ជុំ​ថ្មី​រវាង​រុស្សី និង​អ៊ុយ​ក្រែ​ន​ទទួល​លទ្ធផល​រីកចម្រើន​តិចតួច​

រុស្ស៊ី​ប្រកាស​បទ​ឈប់​បាញ់​ថ្មី​ឲ្យ​មានការ​ជម្លៀស​ជន​ស៊ីវិល​ចេញពី​ទីក្រុង​ចំនួន​៥​ របស់​អ៊ុយ​ក្រែ​ន​

ប្រធានាធិបតី​អ៊ុយ​ក្រែ​ន​អំពាវនាវ​ឲ្យ​សហរដ្ឋអាមេរិក​ជួយ​ទប់​ទល់នឹង​រុស្ស៊ី​

ពលរដ្ឋ​អ៊ុយ​ក្រែ​ន​ស្រែក​រក​ជំនួយ ខណៈ​ព្យាយាម​រត់គេច​ចេញពី​ការវាយប្រហារ​ពី​ទាហាន​រុស្ស៊ី​

ទីភ្នាក់ងារ​ជនភៀសខ្លួន UN និយាយ​ថា ជន​ភៀស​ខ្លួន​ជាង ១.៥លាន​នាក់​ភៀសខ្លួន​ចេញពី​អ៊ុយ​ក្រែ​ន​

ប្រជាជន​ដុត​លិខិត​ឆ្លង​ដែន​រុស្ស៊ី​នៅ​ទីក្រុង​ប៊ែ​ល​ក្រា​ដ​ក្នុង​បាតុកម្ម​ប្រឆាំង​សង្គ្រាម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្ដម ហ៊ុន ម៉ាណែត រម្លឹកពីផលវិបាកនៃសង្គ្រាម

លោក Zelenskyy ជំរុញសុំជំនួយជាសកលដើម្បីការពារអ៊ុយក្រែន

ក្រុមប្រឹក្សាសន្តិសុខអង្គការសហប្រជាជាតិជួបប្រជុំស្ដីពីជនភៀសខ្លួនអ៊ុយក្រែន

កិច្ចចរចាជុំថ្មីរវាងរុស្សី និងអ៊ុយក្រែនទទួលលទ្ធផលរីកចម្រើនតិចតួច

រុស្ស៊ីប្រកាសបទឈប់បាញ់ថ្មីឲ្យមានការជម្លៀសជនស៊ីវិលចេញពីទីក្រុងចំនួន៥ របស់អ៊ុយក្រែន

ប្រធានាធិបតីអ៊ុយក្រែនអំពាវនាវឲ្យសហរដ្ឋអាមេរិកជួយទប់ទល់នឹងរុស្ស៊ី

ពលរដ្ឋអ៊ុយក្រែនស្រែករកជំនួយ ខណៈព្យាយាមរត់គេចចេញពីការវាយប្រហារពីទាហានរុស្ស៊ី

ទីភ្នាក់ងារជនភៀសខ្លួន UN និយាយថា ជនភៀសខ្លួនជាង ១.៥លាននាក់ភៀសខ្លួនចេញពីអ៊ុយក្រែន

ប្រជាជនដុតលិខិតឆ្លងដែនរុស្ស៊ីនៅទីក្រុងប៊ែលក្រាដក្នុងបាតុកម្មប្រឆាំងសង្គ្រាម