BTV NEWS

អ៊ីស្រាអែល បើកការវាយប្រហារលើភាគខាងត្បូងលីបង់ ក្នុងការបំពានបទឈប់បាញ់ជាថ្មី

ក្រសួងសុខាភិបាលលីបង់ បាននិយាយកាលពីថ្ងៃអាទិត្យ (២១ ធ្នូ) ថា មនុស្សមួយចំនួនបានស្លាប់ និងរបួស នៅក្នុងការវាយប្រហារតាមអាកាសថ្មីៗរបស់អ៊ីស្រាអែល ចំនួន ២លើក ផ្តោតលើភាគខាងត្បូងប្រទេសលីបង់ ដែលជាការរំលោភបំពានថ្មីមួយទៀតលើកិច្ចព្រមព្រៀងឈប់បាញ់ កាលពីឆ្នាំមុន។ក្នុងសេចក្តីថ្លែងការណ៍មួយ ក្រសួងលីបង់បាននិយាយថា យន្តហោះចម្បាំងអ៊ីស្រាអែល បានវាយប្រហាររថយន្ត និងទោចក្រយានយន្តមួយគ្រឿងនៅទីប្រជុំជន Yater ក្នុងស្រុក Bint Jbeil ដែលបណ្តាលឱ្យមានអ្នកស្លាប់និងរបួស។ កងទ័ពអ៊ីស្រាអែលអះអាងថា ការវាយប្រហារនេះសំដៅលើយុទ្ធជនក្រុមហេសបូឡា ២នាក់ ដែលបានចូលរួមក្នុង «សកម្មភាពយោធា» នៅជិតព្រំដែន។គួរបញ្ជាក់ថា អ៊ីស្រាអែល និងលីបង់ បានឈានដល់បទឈប់បាញ់មួយ ក្នុងខែវិច្ឆិកា ឆ្នាំ២០២៤ បន្ទាប់ពីការវាយប្រហារឆ្លងព្រំដែនអស់ជាង ១ឆ្នាំ ក្នុងអំឡុងពេលសង្គ្រាមនៅដែនដីហ្កាហ្សា។ មនុស្សជាង ៤.០០០នាក់ ត្រូវបានសម្លាប់ និង ១៧.០០០នាក់ បានរងរបួស ក្នុងជម្លោះជាបន្តបន្ទាប់។នៅក្រោមបទឈប់បាញ់នោះ កងកម្លាំងអ៊ីស្រាអែល ត្រូវបានរំពឹងថា នឹងដកខ្លួនចេញពីភាគខាងត្បូងលីបង់ ក្នុងខែមករា កន្លងទៅ ប៉ុន្តែកងទ័ពអ៊ីស្រាអែល បានដកកងកម្លាំងចេញតែមួយផ្នែកប៉ុណ្ណោះ ដោយរក្សាការកាន់កាប់យោធានៅប៉ុស្តិ៍ព្រំដែនជាច្រើនកន្លែង៕

ទីក្រុងដែលី ហាក់ដូចជាមានក្លិនឧស្ម័ន ដោយសារតែកង្វក់ខ្យល់ ខណៈអ្នកទេសចរសម្រុកទៅតំបន់ហិម៉ាឡៃ

តំបន់ភ្នំនៅភាគខាងជើងប្រទេសឥណ្ឌា ពេញទៅដោយអ្នកទេសចរកាលពីថ្ងៃអាទិត្យ ខណៈមនុស្សជាច្រើនមកពីទីក្រុងញូវដែលី និងតំបន់ជុំវិញនោះ បានស្វែងរកភាពធូរស្រាលពីការកង្វក់ខ្យល់ដ៏ខ្លាំងក្លា។ទីក្រុងដែលី និងតំបន់ជាយក្រុង ជារឿយៗត្រូវបានគ្របដណ្តប់ដោយផ្សែងអ័ព្ទក្នុងអំឡុងរដូវរងា ខណៈខ្យល់ត្រជាក់ ធ្វើឲ្យជាប់ការបំភាយឧស្ម័នពីយានយន្ត ការដ្ឋានសំណង់ និងការដុតរានព្រៃដំណាំសម្រាប់ការដាំដុះ ដែលជំរុញឱ្យកម្រិតនៃកង្វក់ខ្យល់កើនឡើងដល់កម្រិតខ្ពស់បំផុតមួយលើពិភពលោក។យោងតាមក្រុមប្រឹក្សាត្រួតពិនិត្យការបំពុលបរិយាកាសកណ្តាល(CPCB)បានឲ្យដឹងថា សន្ទស្សន៍គុណភាពខ្យល់នៅទីក្រុងញូវដែលី ត្រូវបានកត់ត្រាក្នុងកម្រិត៣៧៧ស្ថិតនៅក្រោមប្រភេទ «ធ្ងន់ធ្ងរ» បន្តិច កាលពីថ្ងៃអាទិត្យ ដែលធ្វើឱ្យអ្នកស្រុកប្រឈមហានិភ័យនៃជំងឺផ្លូវដង្ហើម។ដោយមានអាកាសធាតុល្អ និងឱកាសនៃការធ្លាក់ព្រិលនៅប៉ុន្មានថ្ងៃខាងមុខ ទីក្រុងតំបន់ភ្នំនៅភាគខាងជើងប្រទេសឥណ្ឌា ទំនងជានឹងមើលឃើញលំហូរភ្ញៀវទេសចរកាន់តែច្រើនឡើង ខណៈរដូវវិស្សមកាលរដូវរងា ខិតជិតមកដល់។

ក្រុមផ្តាច់ខ្លួននៅយេម៉ែន បានប្រមូលផ្តុំគ្នានៅទីក្រុង Aden បន្ទាប់ពីការរុលទៅមុខនៅខេត្តភាគខាងកើត

អ្នកគាំទ្រក្រុមផ្តាច់ខ្លួនដ៏សំខាន់នៅប្រទេសយេម៉ែន គឺក្រុមប្រឹក្សាអន្តរកាលភាគខាងត្បូង(STC) បានមកប្រមូលផ្តុំគ្នានៅក្នុងទីក្រុងកំពង់ផែ Aden ភាគខាងត្បូង កាលពីថ្ងៃអាទិត្យ ទី២១ ខែធ្នូ បន្ទាប់ពី ក្រុមប្រឹក្សាSTC បាននិយាយថាខ្លួនដណ្តើមយកបានខេត្ត Hadhramaut និងខេត្ត Mahra ភាគខាងកើត ហើយពេលនេះត្រូវបានបង្កើតយ៉ាងរឹងមាំនៅទូទាំងខេត្តទាំងអស់នៃអតីតរដ្ឋយេម៉ែនខាងត្បូង។អគ្គលេខាធិការអង្គការសហប្រជាជាតិ លោក Antonio Guterres បានជំរុញឱ្យគ្រប់ភាគីទាំងអស់នៅក្នុងប្រទេសយេម៉ែន អនុវត្តភាពអត់ធ្មត់អតិបរមាបន្ទាប់ពីការរុលចូលទៅមុខដោយក្រុមផ្តាច់ខ្លួនភាគខាងត្បូងដែលប្រឈមនឹងការបញ្ឆេះសង្គ្រាមស៊ីវិលឡើងវិញរយៈពេល១០ឆ្នាំមកនេះ បន្ទាប់ពីស្ងប់ស្ងាត់ជាយូរ។លោកក៏បាននិយាយផងដែរថា បរិយាកាសប្រតិបត្តិការបានក្លាយទៅជាមិនអាចទ្រាំទ្របាននៅក្នុងតំបន់កាន់កាប់ដោយចលនាក្រុមហ៊ូទីមានសម្ព័ន្ធភាពជាមួយអ៊ីរ៉ង់ រួមទាំងនៅរដ្ឋធានីសាណា(Sanaa)របស់ប្រទេសយេម៉ែន និងនៅភាគពាយ័ព្យដែលមានប្រជាជនរស់នៅច្រើន។ ក្រុមប្រឹក្សាSTC គឺជាផ្នែកសំខាន់មួយនៃក្រុមចម្រុះដែលកំពុងប្រយុទ្ធជាមួយរដ្ឋាភិបាលទទួលស្គាល់ជាអន្តរជាតិប្រឆាំងចលនាក្រុមហ៊ូទី។ ថ្មីៗនេះ ក្រុមប្រឹក្សាSTC បានអះអាងពីការគ្រប់គ្រងយ៉ាងទូលំទូលាយនៅភាគខាងត្បូងប្រទេសយេម៉ែន។ ប្រទេសយេម៉ែន ត្រូវបានញាំញីដោយជម្លោះរយៈពេលជាងមួយទសវត្សរ៍មកហើយដោយក្រុមនយោបាយនិងយោធាប្រជែងគ្នា ធ្វើឱ្យមានការខ្វែងគំនិតគ្នាកាន់តែជ្រៅនៅក្នុងប្រទេសមួយដែលកំពុងប្រឈមនឹងវិបត្តិមនុស្សធម៌ដ៏អាក្រក់បំផុតមួយរបស់ពិភពលោក។

ប្រាក់ចំណូលរបស់ក្រុមហ៊ុនផលិតអាវុធអ៊ីស្រាអែល កើនឡើងខ្លាំងនៅក្នុងឆ្នាំ២០២៤

ក្រុមហ៊ុនផលិតអាវុធអ៊ីស្រាអែល ទទួលបានប្រាក់ចំណូលខ្ពស់បំផុតក្នុងកំណត់ត្រាកាលពីឆ្នាំមុន ខណៈក្រុមហ៊ុនផលិតអាវុធបានធ្វើទីផ្សារផលិតផលមួយចំនួនរបស់ខ្លួនថាជា «ការសាកល្បងសមរភូមិ» បន្ទាប់ពីការដាក់ពង្រាយសព្វាវុធនៅក្នុងសង្គ្រាមប្រល័យពូជសាសន៍របស់អ៊ីស្រាអែលប្រឆាំងប្រជាជនប៉ាឡេស្ទីននៅតំបន់ហ្កាហ្សា។រដ្ឋាភិបាលអ៊ីស្រាអែល បាននិយាយនៅក្នុងសេចក្តីថ្លែងការណ៍មួយថា ការនាំចេញសម្ភារៈការពារជាតិរបស់អ៊ីស្រាអែល បានកើនឡើង១៣ភាគរយនៅឆ្នាំ២០២៤ បើប្រៀបធៀបទៅនឹងឆ្នាំមុនដោយឈានដល់កំណត់ត្រាជិត១៥ពាន់លានដុល្លារ ដែលគ្របដណ្ដប់លើមីស៊ីល រ៉ូក្កែត និងប្រព័ន្ធការពារដែនអាកាស។ការដឹកជញ្ជូនជាងពាក់កណ្តាលនៅឆ្នាំ២០២៤ បានទៅដល់យោធាសហភាពអឺរ៉ុប ខណៈការដឹកជញ្ជូនផ្សេងទៀតបានទៅដល់ប្រទេសនានាក្នុងតំបន់អាស៊ីប៉ាស៊ីហ្វិក ដឹកនាំដោយប្រទេសឥណ្ឌា។ អ៊ីស្រាអែល គឺជាប្រទេសមួយក្នុងចំណោមប្រទេសនាំចេញសព្វាអាវុធកំពូលចំនួន១០ប្រទេស នៅលើពិភពលោក។ការកើនឡើងប្រាក់ចំណូលកាលពីឆ្នាំមុន បានកើតឡើងខណៈអ៊ីស្រាអែលប្រឈមនឹងការចោទប្រកាន់ពីបទប្រល័យពូជសាសន៍នៅក្នុងសំណុំរឿងដែលនាំមកដោយប្រទេសអាហ្វ្រិកខាងត្បូងនៅតុលាការយុត្តិធម៌អន្តរជាតិ (ICJ) ដែលតុលាការព្រហ្មទណ្ឌអន្តរជាតិបានចេញដីកាចាប់ខ្លួននាយករដ្ឋមន្ត្រី លោក Benjamin Netanyahu និងអតីតរដ្ឋមន្ត្រីក្រសួងការពារជាតិរបស់លោក គឺលោក Yoav Gallant ពីបទឧក្រិដ្ឋកម្មសង្គ្រាម។ នៅពេលដែលក្រុមហ៊ុនអាវុធរបស់អ៊ីស្រាអែលបង្កើនប្រាក់ចំណូល ប្រជាជនប៉ាឡេស្ទីននៅតំបន់ហ្កាហ្សារួចផុតជីវិតពីសង្គ្រាម បានរៀបរាប់ឡើងវិញពីការវាយប្រហារដែលបានសម្លាប់មនុស្សជាទីស្រលាញ់របស់ពួកគេ។

នីហ្សេរីយ៉ានិយាយថា សិស្សសាលាកាតូលិក១៣០នាក់ដែលត្រូវបានចាប់ពង្រត់ត្រូវបានដោះលែង

យោងតាមអ្នកនាំពាក្យប្រធានាធិបតីបានឲ្យដឹងថា អាជ្ញាធរប្រទេសនីហ្សេរីយ៉ា ទទួលបានការដោះលែងសិស្សសាលាចំនួន១៣០ នាក់ដែលត្រូវបានចាប់ពង្រត់ដោយក្រុមខ្មាន់កាំភ្លើងពីសាលារៀនកាតូលិកមួយកន្លែងកាលពីខែវិច្ឆិកា បន្ទាប់ពីសិស្ស១០០នាក់ដំបូងត្រូវបានដោះលែងកាលពីដើមខែនេះ។កាសែត Sunday Dare បាននិយាយនៅលើបណ្តាញ X កាលពីថ្ងៃអាទិត្យថា «សិស្សសាលានៅរដ្ឋនីហ្សេចំនួន១៣០ នាក់ដែលត្រូវបានចាប់ពង្រត់ត្រូវបានដោះលែង គ្មាននរណាម្នាក់នៅសល់ត្រូវបានឃុំខ្លួនទៀតឡើយ»។ ហេតុការណ៍នេះ បានកើតឡើងក្នុងពេលមានរលកនៃការចាប់ពង្រត់ទ្រង់ទ្រាយធំដែលរំលឹកដល់ការចាប់ពង្រត់សិស្សសាលារបស់ក្រុមBoko Haram កាលពីឆ្នាំ ២០១៤ នៅក្នុងទីក្រុង Chibok។ ប្រទេសអាហ្វ្រិកខាងលិចមួយនេះទទួលរងពីការព្រួយបារម្ភសន្តិសុខ មានចាប់ពីក្រុមប្រដាប់អាវុធនៅភាគឦសានរហូតដល់ក្រុមចោរព្រៃប្រដាប់អាវុធនៅភាគពាយ័ព្យ។ដំបូងឡើយ សមាគមគ្រិស្តសាសនានីហ្សេរីយ៉ា (CAN) បាននិយាយថា សិស្ស និងបុគ្គលិកចំនួន ៣១៥ នាក់បានបាត់ខ្លួនបន្ទាប់ពីការវាយប្រហារនៅក្នុងភូមិជនបទ Papiri។ ក្នុងចំណោមពួកគេបានរត់គេចខ្លួនភ្លាមៗ ហើយកាលពីថ្ងៃទី ៧ ខែធ្នូ រដ្ឋាភិបាលទទួលបានការដោះលែងមនុស្សប្រហែល ១០០ នាក់។ នោះធ្វើឱ្យមនុស្សប្រហែល ១៦៥ នាក់ដែលត្រូវបានគេគិតថានៅតែជាប់ឃុំឃាំងមុនការប្រកាសកាលពីថ្ងៃអាទិត្យថា មនុស្ស ១៣០ នាក់ត្រូវបានជួយសង្គ្រោះ។ទោះជាយ៉ាងណា ប្រភពមួយរបស់អង្គការសហប្រជាជាតិបានប្រាប់ទីភ្នាក់ងារសារព័ត៌មានថា អ្នកដែលត្រូវបានចាប់ពង្រត់ទាំងអស់ទំនងជាត្រូវបានដោះលែងហើយ ខណៈមនុស្សរាប់សិបនាក់ដែលត្រូវបានគេគិតថាត្រូវបានចាប់ពង្រត់បានរត់គេចខ្លួនក្នុងអំឡុងពេលវាយប្រហារ ហើយបានធ្វើដំណើរត្រឡប់ទៅផ្ទះវិញ។

សមាជិកព្រឹទ្ធសភាអាមេរិក ជំរុញឱ្យមានចំណាត់ការខាងយោធា ប្រសិនបើក្រុមហាម៉ាស និងហេសបូឡា មិនរំសាយអាវុធ

សមាជិកព្រឹទ្ធសភាសហរដ្ឋអាមេរិក លោក Lindsey Graham កាលីថ្ងៃអាទិត្យ ទី ២១ ខែធ្នូ បានអំពាវនាវឱ្យមានចំណាត់ការខាងយោធាជាថ្មីប្រឆាំងក្រុមហាម៉ាសនិងក្រុមហេសបូឡានៅលីបង់ ប្រសិនបើក្រុមទាំងពីរនេះមិនព្រមរំសាយអាវុធ ដោយចោទប្រកាន់ចលនាអ៊ីស្លាមនិយមប៉ាឡេស្ទីនថាបានពង្រឹងការគ្រប់គ្រងរបស់ខ្លួននៅក្នុងតំបន់ហ្កាហ្សា ទោះបីជាមានបទឈប់បាញ់ដ៏ផុយស្រួយក៏ដោយ។និយាយក្នុងសន្និសីទសារព័ត៌មានអំឡុងពេលទស្សនកិច្ចទៅកាន់ប្រទេសអ៊ីស្រាអែល លោក Graham ដែលជាសម្ព័ន្ធមិត្តជិតស្និទ្ធរបស់ប្រធានាធិបតីអាមេរិក លោក Donald Trump បាននិយាយថា អ៊ីស្រាអែល និងដៃគូរបស់ខ្លួន គួរតែដាក់កាលបរិច្ឆេទកំណត់លើក្រុមហាម៉ាសឱ្យប្រគល់អាវុធរបស់ខ្លួន បើមិនដូច្នេះទេ នឹងប្រឈមការប្រយុទ្ធគ្នាជាថ្មី។លោក Graham និយាយថា «វាចាំបាច់ ដែលយើងត្រូវរៀបចំផែនការមួយឲ្យបានឆាប់រហ័ស ដាក់កាលបរិច្ឆេទឲ្យក្រុមហាម៉ាស ផ្តល់ពេលវេលាឱ្យពួកគេដើម្បីទទួលបានគោលដៅក្នុងការរំសាយអាវុធ»។ «ហើយប្រសិនបើអ្នកមិនធ្វើទេ ខ្ញុំនឹងជំរុញលោកប្រធានាធិបតី Trump បណ្តែតបណ្តោយឲ្យអ៊ីស្រាអែលទៅកម្ចាត់ក្រុមហាម៉ាស»។បទឈប់បាញ់រវាងអ៊ីស្រាអែល និងក្រុមហាម៉ាស ត្រូវបានអនុវត្តចាប់តាំងពីខែតុលា ដោយផ្អាកសង្គ្រាមដ៏បង្ហូរឈាមរយៈពេលពីរឆ្នាំនៅក្នុងតំបន់ហ្កាហ្សា ទោះបីជាភាគីទាំងពីរបានចោទប្រកាន់គ្នាទៅវិញទៅមកដដែលៗអំពីការរំលោភបំពានបទឈប់បាញ់ក៏ដោយ។ លោក Graham និយាយថា បទឈប់បាញ់ប្រឈមការដួលរលំ ប្រសិនបើក្រុមហាម៉ាសនៅតែមានអាវុធ ដោយអះអាងថាក្រុមនេះកំពុងប្រើប្រាស់ភាពស្ងប់ស្ងាត់ដើម្បីពង្រឹងការគ្រប់គ្រងរបស់ខ្លួនលើដែនដីហ្កាហ្សា។

សារព័ត៌មាន Axios៖ អ៊ីស្រាអែល ព្រមានអាមេរិកថាសមយុទ្ធមីស៊ីលរបស់អ៊ីរ៉ង់អាចបិទបាំងសម្រាប់ការវាយប្រហារដ៏ភ្ញាក់ផ្អើល

សារព័ត៌មានAxios បានរាយការណ៍កាលពីថ្ងៃអាទិត្យថា អ៊ីស្រាអែល បានព្រមានសហរដ្ឋអាមេរិកថា សមយុទ្ធមីស៊ីលរបស់ឆ្មាំបដិវត្តន៍អ៊ីស្លាមអ៊ីរ៉ង់ (IRGC) អាចត្រូវបានប្រើប្រាស់ជាកញ្ចក់អេក្រង់មួយដើម្បីរៀបចំការវាយប្រហារដោយមីស៊ីលដែលអាចទៅរួចប្រឆាំងនឹងប្រទេសរបស់ខ្លួន។ យោងតាមសេចក្ដីរាយការណ៍ដដែល ប្រភពមួយពីអ៊ីស្រាអែល និយាយថា ឱកាសសម្រាប់ការវាយប្រហាររបស់អ៊ីរ៉ង់ មានតិចជាង៥០% ប៉ុន្តែគ្មានអ្នកណានិយាយពីបញ្ហាប្រឈមឡើយ ដោយគ្រាន់តែនិយាយថាជាលំហាត់សមយុទ្ធប៉ុណ្ណោះ ។ សារព័ត៌មាន Axios បានសំអាងដល់ប្រភពពីអ៊ីស្រាអែលចំនួន៣និង និងពីអាមេរិក ដែលដឹងបញ្ហានេះ ថា រដ្ឋាភិបាលអ៊ីស្រាអែល បានបន្ទាបរបាអត់ឱន ក្រោយការវាយប្រហារថ្ងៃ៧តុលា ហើយ នឹងមិនបណ្ដោយឲ្យមានការគំរាមកំហែងប្រភេទណាមួយកើតឡើងទៀតឡើយ។ ប្រភពពីសហរដ្ឋអាមេរិក បានប្រាប់សារព័ត៌មាន Axios ថាចារកម្មអាមេរិកពុំបានទទួលការចង្អុលបង្ហាញណាមួយ ថា អ៊ីរ៉ង់ កំពុងត្រៀមសម្រាប់ការវាយប្រហារ ប្រឆាំងនឹងអ៊ីស្រាអែលនោះទេ។ ប្រភពមួយចំនួនក៏បានព្រមានផងដែរថា ហានីភ័យធំបំផុត គឺ ការផ្ទុះសង្គ្រាមដោយសារតែការគណនាខុស ដោយភាគីទាំង២ជឿថា ពួកគេនឹងត្រូវបានរងការវាយប្រហារមុន និងបើកការវាយប្រហារទប់ស្កាត់ ជាវិធានការតប៕

នាយករដ្ឋមន្ត្រីចក្រភពអង់គ្លេស សន្ទនាអំពីកិច្ចខិតខំប្រឹងប្រែងសន្តិភាពអ៊ុយក្រែនជាមួយលោក Trump

យោងតាមការចេញផ្សាយរបស់ Downing Street បានឲ្យដឹងថា នាយករដ្ឋមន្ត្រីចក្រភពអង់គ្លេស លោក Keir Starmer បានសន្ទនាអំពីកិច្ចខិតខំប្រឹងប្រែងដើម្បីធានាបានការបញ្ចប់ដ៏យុត្តិធម៌និងយូរអង្វែងចំពោះសង្គ្រាមនៅអ៊ុយក្រែន នៅក្នុងការសន្ទនាតាមទូរស័ព្ទជាមួយប្រធានាធិបតីសហរដ្ឋអាមេរិក លោក Donald Trump កាលពីថ្ងៃអាទិត្យ ទី២១ ខែធ្នូ បន្ទាប់ពីកិច្ចពិភាក្សាជុំថ្មីដឹកនាំដោយសហរដ្ឋអាមេរិកជាមួយមន្ត្រីរុស្ស៊ី អ៊ុយក្រែន និងអឺរ៉ុប នៅរដ្ឋ Florida។យោងតាមសេចក្តីថ្លែងការណ៍មួយពីការិយាល័យរបស់លោក Starmer បានឲ្យដឹងថា មេដឹកនាំទាំងពីរបានបង្ហាញពីសង្គ្រាមនិងតួនាទីរបស់ក្រុមដែលគេហៅថាក្រុមចម្រុះនៃឆន្ទៈ ជាក្រុមប្រទេសមួយដែលបានសន្យាគាំទ្រអ៊ុយក្រែន។ លោក Starmer បាននិយាយសង្ខេបជូនលោក Trump អំពីការងាររបស់ក្រុមចម្រុះដើម្បីជួយគាំទ្រដល់កិច្ចព្រមព្រៀងសន្តិភាពនាពេលអនាគត និងធានាបាននូវការបញ្ចប់យូរអង្វែងចំពោះអរិភាព។ការសន្ទនាតាមទូរស័ព្ទនេះ បានធ្វើឡើងមួយថ្ងៃបន្ទាប់ពីអ្នកចរចាអាមេរិក បានជួបជាមួយមន្ត្រីរុស្ស៊ីនៅរដ្ឋ Florida ខណៈរដ្ឋបាលលោក Trump បានព្យាយាមជំរុញឆ្ពោះទៅមុខនូវក្របខ័ណ្ឌសន្តិភាពដែលបានកែសម្រួល បន្ទាប់ពីកិច្ចពិភាក្សាកាលពីពេលមុនជាមួយអ្នកតំណាងអ៊ុយក្រែន និងអឺរ៉ុប។កិច្ចពិភាក្សាទាំងនោះ បានបង្កើនក្តីសង្ឃឹមដោយប្រុងប្រយ័ត្នចំពោះវឌ្ឍនភាពជិតបួនឆ្នាំបន្ទាប់ពីរុស្ស៊ីបានចាប់ផ្តើមការវាយលុកទ្រង់ទ្រាយធំរបស់ខ្លួនលើអ៊ុយក្រែនក្នុងខែកុម្ភៈ ឆ្នាំ២០២២។

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

ប្រធានាធិបតីបារាំង លោក Emmanuel Macron បានបញ្ជាក់កាលពីថ្ងៃអាទិត្យ (២១ ធ្នូ) ថា លោកមានគម្រោងសាងសង់នាវាផ្ទុកយន្តហោះថ្មីមួយគ្រឿង ដែលធំជាងនិងទំនើបជាងមុន ដើម្បីជំនួសនាវាផ្ទុកយន្តហោះ Charles de Gaulle ចាស់របស់ខ្លួន និងពង្រឹងអំណាចផ្លូវសមុទ្ររបស់បារាំង។កម្មវិធីដែលគេស្គាល់ថាឈ្មោះ "Porte-Avions Nouvelle Génération" (ឬហៅកាត់ថា PANG) នេះ ត្រូវបានព្យាករថា នឹងចំណាយអស់ប្រហែល ១០,២៥ ពាន់លានអឺរ៉ូ (ប្រមាណ ១២ ពាន់លានដុល្លារអាមេរិក)។ ថ្លែងទៅកាន់កងទ័ពនៅមូលដ្ឋានយោធាបារាំង ក្នុងទីក្រុងអាប៊ូដាប៊ី លោក Macron បានលើកឡើងថា៖ ការសម្រេចចិត្តដាក់ឱ្យដំណើរការកម្មវិធីដ៏ធំសម្បើមនេះ ត្រូវបានធ្វើឡើងរួចហើយ ដោយគម្រោងនេះនឹងជំរុញមូលដ្ឋានឧស្សាហកម្មរបស់បារាំង ជាពិសេសអាជីវកម្មខ្នាតតូច និងមធ្យម។រដ្ឋាភិបាលបារាំង និយាយថា នាវាថ្មីនេះនឹងត្រូវដាក់ឱ្យដំណើរការនៅឆ្នាំ២០៣៨ នៅពេលដែលនាវាផ្ទុកយន្តហោះ Charles de Gaulle ត្រូរំពឹងថានឹងដាក់ឱ្យចូលនិវត្តន៍ ឈប់ប្រតិបត្តិការតទៅទៀត។ ការងារលើសមាសធាតុជំរុញនុយក្លេអ៊ែរនៅក្នុងនាវា បានចាប់ផ្តើមកាលពីឆ្នាំមុន ហើយបទបញ្ជាចុងក្រោយ ត្រូវតែដាក់នៅក្រោមថវិកាជាតិឆ្នាំ២០២៥។នាវាផ្ទុកយន្តហោះ PANG ដែលនឹងក្លាយជានាវាចម្បាំងធំជាងគេបំផុតមិនធ្លាប់មាននៅទ្វីបអឺរ៉ុប គឺជាចំណុចកណ្តាលនៃកិច្ចការទប់ស្កាត់នុយក្លេអ៊ែររបស់បារាំង និងការជំរុញរបស់អឺរ៉ុប សម្រាប់ស្វ័យការពារជាតិកាន់តែច្រើន ក្នុងអំឡុងពេលសង្គ្រាមរបស់រុស្ស៊ីនៅអ៊ុយក្រែន និងការស្ទាក់ស្ទើររបស់លោកប្រធានាធិបតីអាមេរិក Donald Trump ក្នុងការគាំទ្រសន្តិសុខរបស់ទ្វីបនេះ៕

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

ប្រធានាធិបតីបារាំង លោក Emmanuel Macron បានបញ្ជាក់កាលពីថ្ងៃអាទិត្យ (២១ ធ្នូ) ថា លោកមានគម្រោងសាងសង់នាវាផ្ទុកយន្តហោះថ្មីមួយគ្រឿង ដែលធំជាងនិងទំនើបជាងមុន ដើម្បីជំនួសនាវាផ្ទុកយន្តហោះ Charles de Gaulle ចាស់របស់ខ្លួន និងពង្រឹងអំណាចផ្លូវសមុទ្ររបស់បារាំង។កម្មវិធីដែលគេស្គាល់ថាឈ្មោះ "Porte-Avions Nouvelle Génération" (ឬហៅកាត់ថា PANG) នេះ ត្រូវបានព្យាករថា នឹងចំណាយអស់ប្រហែល ១០,២៥ ពាន់លានអឺរ៉ូ (ប្រមាណ ១២ ពាន់លានដុល្លារអាមេរិក)។ ថ្លែងទៅកាន់កងទ័ពនៅមូលដ្ឋានយោធាបារាំង ក្នុងទីក្រុងអាប៊ូដាប៊ី លោក Macron បានលើកឡើងថា៖ ការសម្រេចចិត្តដាក់ឱ្យដំណើរការកម្មវិធីដ៏ធំសម្បើមនេះ ត្រូវបានធ្វើឡើងរួចហើយ ដោយគម្រោងនេះនឹងជំរុញមូលដ្ឋានឧស្សាហកម្មរបស់បារាំង ជាពិសេសអាជីវកម្មខ្នាតតូច និងមធ្យម។រដ្ឋាភិបាលបារាំង និយាយថា នាវាថ្មីនេះនឹងត្រូវដាក់ឱ្យដំណើរការនៅឆ្នាំ២០៣៨ នៅពេលដែលនាវាផ្ទុកយន្តហោះ Charles de Gaulle ត្រូរំពឹងថានឹងដាក់ឱ្យចូលនិវត្តន៍ ឈប់ប្រតិបត្តិការតទៅទៀត។ ការងារលើសមាសធាតុជំរុញនុយក្លេអ៊ែរនៅក្នុងនាវា បានចាប់ផ្តើមកាលពីឆ្នាំមុន ហើយបទបញ្ជាចុងក្រោយ ត្រូវតែដាក់នៅក្រោមថវិកាជាតិឆ្នាំ២០២៥។នាវាផ្ទុកយន្តហោះ PANG ដែលនឹងក្លាយជានាវាចម្បាំងធំជាងគេបំផុតមិនធ្លាប់មាននៅទ្វីបអឺរ៉ុប គឺជាចំណុចកណ្តាលនៃកិច្ចការទប់ស្កាត់នុយក្លេអ៊ែររបស់បារាំង និងការជំរុញរបស់អឺរ៉ុប សម្រាប់ស្វ័យការពារជាតិកាន់តែច្រើន ក្នុងអំឡុងពេលសង្គ្រាមរបស់រុស្ស៊ីនៅអ៊ុយក្រែន និងការស្ទាក់ស្ទើររបស់លោកប្រធានាធិបតីអាមេរិក Donald Trump ក្នុងការគាំទ្រសន្តិសុខរបស់ទ្វីបនេះ៕

ព័ត៌មានអន្តរជាតិ

អ៊ីស្រាអែល បើកការវាយប្រហារលើភាគខាងត្បូងលីបង់ ក្នុងការបំពានបទឈប់បាញ់ជាថ្មី

ទីក្រុងដែលី ហាក់ដូចជាមានក្លិនឧស្ម័ន ដោយសារតែកង្វក់ខ្យល់ ខណៈអ្នកទេសចរសម្រុកទៅតំបន់ហិម៉ាឡៃ

ក្រុមផ្តាច់ខ្លួននៅយេម៉ែន បានប្រមូលផ្តុំគ្នានៅទីក្រុង Aden បន្ទាប់ពីការរុលទៅមុខនៅខេត្តភាគខាងកើត

ប្រាក់ចំណូលរបស់ក្រុមហ៊ុនផលិតអាវុធអ៊ីស្រាអែល កើនឡើងខ្លាំងនៅក្នុងឆ្នាំ២០២៤

នីហ្សេរីយ៉ានិយាយថា សិស្សសាលាកាតូលិក១៣០នាក់ដែលត្រូវបានចាប់ពង្រត់ត្រូវបានដោះលែង

សមាជិកព្រឹទ្ធសភាអាមេរិក ជំរុញឱ្យមានចំណាត់ការខាងយោធា ប្រសិនបើក្រុមហាម៉ាស និងហេសបូឡា មិនរំសាយអាវុធ

នាយករដ្ឋមន្ត្រីចក្រភពអង់គ្លេស សន្ទនាអំពីកិច្ចខិតខំប្រឹងប្រែងសន្តិភាពអ៊ុយក្រែនជាមួយលោក Trump

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី