BTV NEWS

នីហ្សេរីយ៉ានិយាយថា សិស្សសាលាកាតូលិក១៣០នាក់ដែលត្រូវបានចាប់ពង្រត់ត្រូវបានដោះលែង

យោងតាមអ្នកនាំពាក្យប្រធានាធិបតីបានឲ្យដឹងថា អាជ្ញាធរប្រទេសនីហ្សេរីយ៉ា ទទួលបានការដោះលែងសិស្សសាលាចំនួន១៣០ នាក់ដែលត្រូវបានចាប់ពង្រត់ដោយក្រុមខ្មាន់កាំភ្លើងពីសាលារៀនកាតូលិកមួយកន្លែងកាលពីខែវិច្ឆិកា បន្ទាប់ពីសិស្ស១០០នាក់ដំបូងត្រូវបានដោះលែងកាលពីដើមខែនេះ។កាសែត Sunday Dare បាននិយាយនៅលើបណ្តាញ X កាលពីថ្ងៃអាទិត្យថា «សិស្សសាលានៅរដ្ឋនីហ្សេចំនួន១៣០ នាក់ដែលត្រូវបានចាប់ពង្រត់ត្រូវបានដោះលែង គ្មាននរណាម្នាក់នៅសល់ត្រូវបានឃុំខ្លួនទៀតឡើយ»។ ហេតុការណ៍នេះ បានកើតឡើងក្នុងពេលមានរលកនៃការចាប់ពង្រត់ទ្រង់ទ្រាយធំដែលរំលឹកដល់ការចាប់ពង្រត់សិស្សសាលារបស់ក្រុមBoko Haram កាលពីឆ្នាំ ២០១៤ នៅក្នុងទីក្រុង Chibok។ ប្រទេសអាហ្វ្រិកខាងលិចមួយនេះទទួលរងពីការព្រួយបារម្ភសន្តិសុខ មានចាប់ពីក្រុមប្រដាប់អាវុធនៅភាគឦសានរហូតដល់ក្រុមចោរព្រៃប្រដាប់អាវុធនៅភាគពាយ័ព្យ។ដំបូងឡើយ សមាគមគ្រិស្តសាសនានីហ្សេរីយ៉ា (CAN) បាននិយាយថា សិស្ស និងបុគ្គលិកចំនួន ៣១៥ នាក់បានបាត់ខ្លួនបន្ទាប់ពីការវាយប្រហារនៅក្នុងភូមិជនបទ Papiri។ ក្នុងចំណោមពួកគេបានរត់គេចខ្លួនភ្លាមៗ ហើយកាលពីថ្ងៃទី ៧ ខែធ្នូ រដ្ឋាភិបាលទទួលបានការដោះលែងមនុស្សប្រហែល ១០០ នាក់។ នោះធ្វើឱ្យមនុស្សប្រហែល ១៦៥ នាក់ដែលត្រូវបានគេគិតថានៅតែជាប់ឃុំឃាំងមុនការប្រកាសកាលពីថ្ងៃអាទិត្យថា មនុស្ស ១៣០ នាក់ត្រូវបានជួយសង្គ្រោះ។ទោះជាយ៉ាងណា ប្រភពមួយរបស់អង្គការសហប្រជាជាតិបានប្រាប់ទីភ្នាក់ងារសារព័ត៌មានថា អ្នកដែលត្រូវបានចាប់ពង្រត់ទាំងអស់ទំនងជាត្រូវបានដោះលែងហើយ ខណៈមនុស្សរាប់សិបនាក់ដែលត្រូវបានគេគិតថាត្រូវបានចាប់ពង្រត់បានរត់គេចខ្លួនក្នុងអំឡុងពេលវាយប្រហារ ហើយបានធ្វើដំណើរត្រឡប់ទៅផ្ទះវិញ។

សមាជិកព្រឹទ្ធសភាអាមេរិក ជំរុញឱ្យមានចំណាត់ការខាងយោធា ប្រសិនបើក្រុមហាម៉ាស និងហេសបូឡា មិនរំសាយអាវុធ

សមាជិកព្រឹទ្ធសភាសហរដ្ឋអាមេរិក លោក Lindsey Graham កាលីថ្ងៃអាទិត្យ ទី ២១ ខែធ្នូ បានអំពាវនាវឱ្យមានចំណាត់ការខាងយោធាជាថ្មីប្រឆាំងក្រុមហាម៉ាសនិងក្រុមហេសបូឡានៅលីបង់ ប្រសិនបើក្រុមទាំងពីរនេះមិនព្រមរំសាយអាវុធ ដោយចោទប្រកាន់ចលនាអ៊ីស្លាមនិយមប៉ាឡេស្ទីនថាបានពង្រឹងការគ្រប់គ្រងរបស់ខ្លួននៅក្នុងតំបន់ហ្កាហ្សា ទោះបីជាមានបទឈប់បាញ់ដ៏ផុយស្រួយក៏ដោយ។និយាយក្នុងសន្និសីទសារព័ត៌មានអំឡុងពេលទស្សនកិច្ចទៅកាន់ប្រទេសអ៊ីស្រាអែល លោក Graham ដែលជាសម្ព័ន្ធមិត្តជិតស្និទ្ធរបស់ប្រធានាធិបតីអាមេរិក លោក Donald Trump បាននិយាយថា អ៊ីស្រាអែល និងដៃគូរបស់ខ្លួន គួរតែដាក់កាលបរិច្ឆេទកំណត់លើក្រុមហាម៉ាសឱ្យប្រគល់អាវុធរបស់ខ្លួន បើមិនដូច្នេះទេ នឹងប្រឈមការប្រយុទ្ធគ្នាជាថ្មី។លោក Graham និយាយថា «វាចាំបាច់ ដែលយើងត្រូវរៀបចំផែនការមួយឲ្យបានឆាប់រហ័ស ដាក់កាលបរិច្ឆេទឲ្យក្រុមហាម៉ាស ផ្តល់ពេលវេលាឱ្យពួកគេដើម្បីទទួលបានគោលដៅក្នុងការរំសាយអាវុធ»។ «ហើយប្រសិនបើអ្នកមិនធ្វើទេ ខ្ញុំនឹងជំរុញលោកប្រធានាធិបតី Trump បណ្តែតបណ្តោយឲ្យអ៊ីស្រាអែលទៅកម្ចាត់ក្រុមហាម៉ាស»។បទឈប់បាញ់រវាងអ៊ីស្រាអែល និងក្រុមហាម៉ាស ត្រូវបានអនុវត្តចាប់តាំងពីខែតុលា ដោយផ្អាកសង្គ្រាមដ៏បង្ហូរឈាមរយៈពេលពីរឆ្នាំនៅក្នុងតំបន់ហ្កាហ្សា ទោះបីជាភាគីទាំងពីរបានចោទប្រកាន់គ្នាទៅវិញទៅមកដដែលៗអំពីការរំលោភបំពានបទឈប់បាញ់ក៏ដោយ។ លោក Graham និយាយថា បទឈប់បាញ់ប្រឈមការដួលរលំ ប្រសិនបើក្រុមហាម៉ាសនៅតែមានអាវុធ ដោយអះអាងថាក្រុមនេះកំពុងប្រើប្រាស់ភាពស្ងប់ស្ងាត់ដើម្បីពង្រឹងការគ្រប់គ្រងរបស់ខ្លួនលើដែនដីហ្កាហ្សា។

សារព័ត៌មាន Axios៖ អ៊ីស្រាអែល ព្រមានអាមេរិកថាសមយុទ្ធមីស៊ីលរបស់អ៊ីរ៉ង់អាចបិទបាំងសម្រាប់ការវាយប្រហារដ៏ភ្ញាក់ផ្អើល

សារព័ត៌មានAxios បានរាយការណ៍កាលពីថ្ងៃអាទិត្យថា អ៊ីស្រាអែល បានព្រមានសហរដ្ឋអាមេរិកថា សមយុទ្ធមីស៊ីលរបស់ឆ្មាំបដិវត្តន៍អ៊ីស្លាមអ៊ីរ៉ង់ (IRGC) អាចត្រូវបានប្រើប្រាស់ជាកញ្ចក់អេក្រង់មួយដើម្បីរៀបចំការវាយប្រហារដោយមីស៊ីលដែលអាចទៅរួចប្រឆាំងនឹងប្រទេសរបស់ខ្លួន។ យោងតាមសេចក្ដីរាយការណ៍ដដែល ប្រភពមួយពីអ៊ីស្រាអែល និយាយថា ឱកាសសម្រាប់ការវាយប្រហាររបស់អ៊ីរ៉ង់ មានតិចជាង៥០% ប៉ុន្តែគ្មានអ្នកណានិយាយពីបញ្ហាប្រឈមឡើយ ដោយគ្រាន់តែនិយាយថាជាលំហាត់សមយុទ្ធប៉ុណ្ណោះ ។ សារព័ត៌មាន Axios បានសំអាងដល់ប្រភពពីអ៊ីស្រាអែលចំនួន៣និង និងពីអាមេរិក ដែលដឹងបញ្ហានេះ ថា រដ្ឋាភិបាលអ៊ីស្រាអែល បានបន្ទាបរបាអត់ឱន ក្រោយការវាយប្រហារថ្ងៃ៧តុលា ហើយ នឹងមិនបណ្ដោយឲ្យមានការគំរាមកំហែងប្រភេទណាមួយកើតឡើងទៀតឡើយ។ ប្រភពពីសហរដ្ឋអាមេរិក បានប្រាប់សារព័ត៌មាន Axios ថាចារកម្មអាមេរិកពុំបានទទួលការចង្អុលបង្ហាញណាមួយ ថា អ៊ីរ៉ង់ កំពុងត្រៀមសម្រាប់ការវាយប្រហារ ប្រឆាំងនឹងអ៊ីស្រាអែលនោះទេ។ ប្រភពមួយចំនួនក៏បានព្រមានផងដែរថា ហានីភ័យធំបំផុត គឺ ការផ្ទុះសង្គ្រាមដោយសារតែការគណនាខុស ដោយភាគីទាំង២ជឿថា ពួកគេនឹងត្រូវបានរងការវាយប្រហារមុន និងបើកការវាយប្រហារទប់ស្កាត់ ជាវិធានការតប៕

នាយករដ្ឋមន្ត្រីចក្រភពអង់គ្លេស សន្ទនាអំពីកិច្ចខិតខំប្រឹងប្រែងសន្តិភាពអ៊ុយក្រែនជាមួយលោក Trump

យោងតាមការចេញផ្សាយរបស់ Downing Street បានឲ្យដឹងថា នាយករដ្ឋមន្ត្រីចក្រភពអង់គ្លេស លោក Keir Starmer បានសន្ទនាអំពីកិច្ចខិតខំប្រឹងប្រែងដើម្បីធានាបានការបញ្ចប់ដ៏យុត្តិធម៌និងយូរអង្វែងចំពោះសង្គ្រាមនៅអ៊ុយក្រែន នៅក្នុងការសន្ទនាតាមទូរស័ព្ទជាមួយប្រធានាធិបតីសហរដ្ឋអាមេរិក លោក Donald Trump កាលពីថ្ងៃអាទិត្យ ទី២១ ខែធ្នូ បន្ទាប់ពីកិច្ចពិភាក្សាជុំថ្មីដឹកនាំដោយសហរដ្ឋអាមេរិកជាមួយមន្ត្រីរុស្ស៊ី អ៊ុយក្រែន និងអឺរ៉ុប នៅរដ្ឋ Florida។យោងតាមសេចក្តីថ្លែងការណ៍មួយពីការិយាល័យរបស់លោក Starmer បានឲ្យដឹងថា មេដឹកនាំទាំងពីរបានបង្ហាញពីសង្គ្រាមនិងតួនាទីរបស់ក្រុមដែលគេហៅថាក្រុមចម្រុះនៃឆន្ទៈ ជាក្រុមប្រទេសមួយដែលបានសន្យាគាំទ្រអ៊ុយក្រែន។ លោក Starmer បាននិយាយសង្ខេបជូនលោក Trump អំពីការងាររបស់ក្រុមចម្រុះដើម្បីជួយគាំទ្រដល់កិច្ចព្រមព្រៀងសន្តិភាពនាពេលអនាគត និងធានាបាននូវការបញ្ចប់យូរអង្វែងចំពោះអរិភាព។ការសន្ទនាតាមទូរស័ព្ទនេះ បានធ្វើឡើងមួយថ្ងៃបន្ទាប់ពីអ្នកចរចាអាមេរិក បានជួបជាមួយមន្ត្រីរុស្ស៊ីនៅរដ្ឋ Florida ខណៈរដ្ឋបាលលោក Trump បានព្យាយាមជំរុញឆ្ពោះទៅមុខនូវក្របខ័ណ្ឌសន្តិភាពដែលបានកែសម្រួល បន្ទាប់ពីកិច្ចពិភាក្សាកាលពីពេលមុនជាមួយអ្នកតំណាងអ៊ុយក្រែន និងអឺរ៉ុប។កិច្ចពិភាក្សាទាំងនោះ បានបង្កើនក្តីសង្ឃឹមដោយប្រុងប្រយ័ត្នចំពោះវឌ្ឍនភាពជិតបួនឆ្នាំបន្ទាប់ពីរុស្ស៊ីបានចាប់ផ្តើមការវាយលុកទ្រង់ទ្រាយធំរបស់ខ្លួនលើអ៊ុយក្រែនក្នុងខែកុម្ភៈ ឆ្នាំ២០២២។

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

ប្រធានាធិបតីបារាំង លោក Emmanuel Macron បានបញ្ជាក់កាលពីថ្ងៃអាទិត្យ (២១ ធ្នូ) ថា លោកមានគម្រោងសាងសង់នាវាផ្ទុកយន្តហោះថ្មីមួយគ្រឿង ដែលធំជាងនិងទំនើបជាងមុន ដើម្បីជំនួសនាវាផ្ទុកយន្តហោះ Charles de Gaulle ចាស់របស់ខ្លួន និងពង្រឹងអំណាចផ្លូវសមុទ្ររបស់បារាំង។កម្មវិធីដែលគេស្គាល់ថាឈ្មោះ "Porte-Avions Nouvelle Génération" (ឬហៅកាត់ថា PANG) នេះ ត្រូវបានព្យាករថា នឹងចំណាយអស់ប្រហែល ១០,២៥ ពាន់លានអឺរ៉ូ (ប្រមាណ ១២ ពាន់លានដុល្លារអាមេរិក)។ ថ្លែងទៅកាន់កងទ័ពនៅមូលដ្ឋានយោធាបារាំង ក្នុងទីក្រុងអាប៊ូដាប៊ី លោក Macron បានលើកឡើងថា៖ ការសម្រេចចិត្តដាក់ឱ្យដំណើរការកម្មវិធីដ៏ធំសម្បើមនេះ ត្រូវបានធ្វើឡើងរួចហើយ ដោយគម្រោងនេះនឹងជំរុញមូលដ្ឋានឧស្សាហកម្មរបស់បារាំង ជាពិសេសអាជីវកម្មខ្នាតតូច និងមធ្យម។រដ្ឋាភិបាលបារាំង និយាយថា នាវាថ្មីនេះនឹងត្រូវដាក់ឱ្យដំណើរការនៅឆ្នាំ២០៣៨ នៅពេលដែលនាវាផ្ទុកយន្តហោះ Charles de Gaulle ត្រូរំពឹងថានឹងដាក់ឱ្យចូលនិវត្តន៍ ឈប់ប្រតិបត្តិការតទៅទៀត។ ការងារលើសមាសធាតុជំរុញនុយក្លេអ៊ែរនៅក្នុងនាវា បានចាប់ផ្តើមកាលពីឆ្នាំមុន ហើយបទបញ្ជាចុងក្រោយ ត្រូវតែដាក់នៅក្រោមថវិកាជាតិឆ្នាំ២០២៥។នាវាផ្ទុកយន្តហោះ PANG ដែលនឹងក្លាយជានាវាចម្បាំងធំជាងគេបំផុតមិនធ្លាប់មាននៅទ្វីបអឺរ៉ុប គឺជាចំណុចកណ្តាលនៃកិច្ចការទប់ស្កាត់នុយក្លេអ៊ែររបស់បារាំង និងការជំរុញរបស់អឺរ៉ុប សម្រាប់ស្វ័យការពារជាតិកាន់តែច្រើន ក្នុងអំឡុងពេលសង្គ្រាមរបស់រុស្ស៊ីនៅអ៊ុយក្រែន និងការស្ទាក់ស្ទើររបស់លោកប្រធានាធិបតីអាមេរិក Donald Trump ក្នុងការគាំទ្រសន្តិសុខរបស់ទ្វីបនេះ៕

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

ប្រធានាធិបតីបារាំង លោក Emmanuel Macron បានបញ្ជាក់កាលពីថ្ងៃអាទិត្យ (២១ ធ្នូ) ថា លោកមានគម្រោងសាងសង់នាវាផ្ទុកយន្តហោះថ្មីមួយគ្រឿង ដែលធំជាងនិងទំនើបជាងមុន ដើម្បីជំនួសនាវាផ្ទុកយន្តហោះ Charles de Gaulle ចាស់របស់ខ្លួន និងពង្រឹងអំណាចផ្លូវសមុទ្ររបស់បារាំង។កម្មវិធីដែលគេស្គាល់ថាឈ្មោះ "Porte-Avions Nouvelle Génération" (ឬហៅកាត់ថា PANG) នេះ ត្រូវបានព្យាករថា នឹងចំណាយអស់ប្រហែល ១០,២៥ ពាន់លានអឺរ៉ូ (ប្រមាណ ១២ ពាន់លានដុល្លារអាមេរិក)។ ថ្លែងទៅកាន់កងទ័ពនៅមូលដ្ឋានយោធាបារាំង ក្នុងទីក្រុងអាប៊ូដាប៊ី លោក Macron បានលើកឡើងថា៖ ការសម្រេចចិត្តដាក់ឱ្យដំណើរការកម្មវិធីដ៏ធំសម្បើមនេះ ត្រូវបានធ្វើឡើងរួចហើយ ដោយគម្រោងនេះនឹងជំរុញមូលដ្ឋានឧស្សាហកម្មរបស់បារាំង ជាពិសេសអាជីវកម្មខ្នាតតូច និងមធ្យម។រដ្ឋាភិបាលបារាំង និយាយថា នាវាថ្មីនេះនឹងត្រូវដាក់ឱ្យដំណើរការនៅឆ្នាំ២០៣៨ នៅពេលដែលនាវាផ្ទុកយន្តហោះ Charles de Gaulle ត្រូរំពឹងថានឹងដាក់ឱ្យចូលនិវត្តន៍ ឈប់ប្រតិបត្តិការតទៅទៀត។ ការងារលើសមាសធាតុជំរុញនុយក្លេអ៊ែរនៅក្នុងនាវា បានចាប់ផ្តើមកាលពីឆ្នាំមុន ហើយបទបញ្ជាចុងក្រោយ ត្រូវតែដាក់នៅក្រោមថវិកាជាតិឆ្នាំ២០២៥។នាវាផ្ទុកយន្តហោះ PANG ដែលនឹងក្លាយជានាវាចម្បាំងធំជាងគេបំផុតមិនធ្លាប់មាននៅទ្វីបអឺរ៉ុប គឺជាចំណុចកណ្តាលនៃកិច្ចការទប់ស្កាត់នុយក្លេអ៊ែររបស់បារាំង និងការជំរុញរបស់អឺរ៉ុប សម្រាប់ស្វ័យការពារជាតិកាន់តែច្រើន ក្នុងអំឡុងពេលសង្គ្រាមរបស់រុស្ស៊ីនៅអ៊ុយក្រែន និងការស្ទាក់ស្ទើររបស់លោកប្រធានាធិបតីអាមេរិក Donald Trump ក្នុងការគាំទ្រសន្តិសុខរបស់ទ្វីបនេះ៕

ក្រសួងសុខាភិបាលហ្កាហ្សា ស្រែកដង្ហោយរកជំនួយថ្នាំពេទ្យ ស្របពេលអ៊ីស្រាអែលបន្តរឹតត្បិត

ក្រសួងសុខាភិបាលហ្កាហ្សាបានអំពាវនាវឱ្យមានការបង្កើនឱសថ សម្ភារៈប្រើប្រាស់ផ្នែកវេជ្ជសាស្ត្រ និងសម្ភារៈមន្ទីរពិសោធន៍ ដោយព្រមានអំពីកង្វះខាតធ្ងន់ធ្ងរបន្ទាប់ពីសង្គ្រាមប្រល័យពូជសាសន៍របស់អ៊ីស្រាអែលប្រឆាំងនឹងប្រជាជនប៉ាឡេស្ទីននៅហ្កាហ្សាអស់រយៈពេលជាងពីរឆ្នាំ និងការបិទផ្លូវយ៉ាងតឹងរ៉ឹង។ក្រសួងបាននិយាយកាលពីថ្ងៃអាទិត្យថា កង្វះខាតទាំងនេះកំពុងធ្វើឱ្យពិបាកក្នុងការផ្តល់សេវារោគវិនិច្ឆ័យ និងព្យាបាល។ ក្រុមគ្រូពេទ្យនៅក្នុងដែនដីប៉ាឡេស្ទីន ដែលត្រូវបានបំផ្លាញដោយសង្គ្រាមមួយនេះ បានព្រមានជាយូរមកហើយថា ពួកគេកំពុងតស៊ូដើម្បីជួយសង្គ្រោះជីវិត ព្រោះអ៊ីស្រាអែលមិនអនុញ្ញាតឱ្យមានសម្ភារៈវេជ្ជសាស្ត្រសំខាន់ៗបំផុតចូលទេ។ ក្នុងអំឡុងពេលសង្គ្រាមប្រល័យពូជសាសន៍របស់អ៊ីស្រាអែល ដែលមានរយៈពេលជាងពីរឆ្នាំ មន្ទីរពេទ្យ និងមណ្ឌលថែទាំសុខភាពស្ទើរតែទាំងអស់របស់ដែនដីហ្កាហ្សា ត្រូវបានវាយប្រហារ ដោយមានមណ្ឌលសុខភាពយ៉ាងហោចណាស់១២៥កន្លែង ត្រូវបានខូចខាត រួមទាំងមន្ទីរពេទ្យចំនួន៣៤កន្លែងទៀត ផងដែរ។ក្រសួងសុខាភិបាលខាងលើនេះ បាននិយាយក្នុងសេចក្តីថ្លែងការណ៍មួយថា ចំនួនប្រភេទថ្នាំពេទ្យដែលកំពុងអស់ពីស្តុកទាំងស្រុងនៅក្នុងបញ្ជីថ្នាំពេទ្យសំខាន់ៗបានឈានដល់ ៣២១ មុខ ដែលតំណាងឱ្យការខ្វះខាត ៥២%៕

សហរដ្ឋអាមេរិក និងអ៊ុយក្រែន សាទរកិច្ចចរចានៅទីក្រុងម៉ៃអាមីថាប្រកបដោយការស្ថាបនា ប៉ុន្តែគ្មានលទ្ធផល

សហរដ្ឋអាមេរិក និងបេសកជនអ៊ុយក្រែន បានចេញសេចក្តីថ្លែងការណ៍រួមមួយកាលពីថ្ងៃអាទិត្យ ២១ធ្នូ ដែលបានសាទរកិច្ចចរចា ថាប្រកបដោយផ្លែផ្កា និងស្ថាបនា នៅទីក្រុងម៉ៃអាមី ប៉ុន្តែមិនបានប្រកាសពីការទម្លាយភាពទាល់ច្រក ឬលទ្ធផលជាក់ស្តែងណាមួយនៅក្នុងកិច្ចខិតខំប្រឹងប្រែងដើម្បីបញ្ចប់សង្គ្រាមជាមួយរុស្ស៊ីនោះទេ។ ក្រុមតំណាងជាន់ខ្ពស់របស់អ៊ុយក្រែន និងរុស្ស៊ី ក៏ដូចជាសម្ព័ន្ធមិត្តអឺរ៉ុបរបស់ទីក្រុងគីវ បានស្ថិតនៅភាគខាងត្បូងរដ្ឋ Florida ក្នុងរយៈពេលប៉ុន្មានថ្ងៃកន្លងមកនេះ សម្រាប់កិច្ចចរចាដាច់ដោយឡែកជាបន្តបន្ទាប់ដែលរៀបចំដោយបេសកជនពិសេសរបស់ប្រធានាធិបតីអាមេរិក Donald Trump គឺលោក Steve Witkoff។ កិច្ចប្រជុំទាំងនេះគឺជាជំនួបចុងក្រោយបំផុតនៅក្នុងការប៉ះទង្គិចគ្នាខាងការទូតរយៈពេលមួយសប្តាហ៍លើផែនការបញ្ចប់សង្គ្រាម បន្ទាប់ពីទីក្រុងវ៉ាស៊ីនតោន កាលពីខែមុនបានបង្ហាញសំណើ២៨ ចំណុចដែលត្រូវបានគេមើលឃើញយ៉ាងទូលំទូលាយថាបានឆ្លុះបញ្ចាំងពីការទាមទាររបស់វិមានក្រឹមឡាំង។ ចាប់តាំងពីពេលនោះមក ផែនការនោះត្រូវបានព្រាងឡើងវិញបន្ទាប់ពីការចូលរួមរបស់អ៊ុយក្រែន និងអឺរ៉ុប ទោះបីជាខ្លឹមសារមិនទាន់ត្រូវបានបង្ហាញជាសាធារណៈក៏ដោយ។ ប្រធានាធិបតីអ៊ុយក្រែន Zelenskyy ថ្មីៗនេះ បានហៅការពិភាក្សាទាំងនោះថា ប្រកបដោយការស្ថាបនា ហើយនិយាយថា ការចរចាទាំងនោះ កំពុងរំកិលទៅរកសន្តិភាពឆាប់រហ័សយ៉ាងយុត្តិធ៌៕

ក្រុមមន្រ្តី៖ សហរដ្ឋអាមេរិក កំពុងតាមស្ទាក់ចាប់នាវាដឹកប្រេងគ្រឿងទីបី នៅជិតវ៉េណេស៊ុយអេឡា

ក្រុមមន្ត្រីបានប្រាប់ទីភ្នាក់ងារព័ត៌មានរ៉យទ័រ កាលពីថ្ងៃអាទិត្យ (២១ ធ្នូ) ថា កងឆ្មាំល្បាតឆ្នេររបស់សហរដ្ឋអាមេរិក កំពុងតែតាមស្ទាក់ចាប់នាវាដឹកប្រេង ១គ្រឿងទៀតហើយ ក្នុងដែនទឹកអន្តរជាតិ នៅជិតប្រទេសវ៉េណេស៊ុយអេឡា ហើយប្រសិនបើទទួលបានជោគជ័យ នោះនឹងក្លាយជាប្រតិបត្តិការរឹបអូសនាវាលើកទី៣ ក្នុងពេលតិចជាងពីរសប្តាហ៍។ប្រភពមន្ត្រីអាមេរិកបាននិយាយថា ឆ្មាំល្បាតឆ្នេរសហរដ្ឋអាមេរិក កំពុងតាមប្រមាញ់យ៉ាងសកម្មលើ «កងនាវាងងឹត» ដែលជាប់ទណ្ឌកម្ម ក្នុងអ្វីដែលពួកគេហៅថា ជាផ្នែកមួយនៃការគេចវេសទណ្ឌកម្មខុសច្បាប់របស់នាវាដឹកប្រេងវ៉េណេស៊ុយអេឡា» ដោយការដោតទង់ជាតិក្លែងក្លាយ និងស្ថិតនៅក្រោមដីការរឹបអូសរបស់តុលាការ។ប្រភពបន្តថា នាវាដឹកប្រេងនោះស្ថិតនៅក្រោមទណ្ឌកម្ម ប៉ុន្តែកម្លាំងអាមេរិក មិនទាន់ស្ទាក់បាននៅឡើយទេ ហើយការស្ទាក់ចាប់អាចមានទម្រង់ផ្សេងៗគ្នា - រួមទាំងការជិះទូកឡោមព័ទ្ធ ឬការហោះហើរទៅជិតនាវា។ ប្រភពមិនផ្តល់ទីតាំងជាក់លាក់សម្រាប់ប្រតិបត្តិការនេះឡើយ ហើយក៏បញ្ជាក់ឈ្មោះនាវាគ្រឿងទី៣ ដែលឆ្មាំល្បាតឆ្នេរកំពុងដេញតាមនោះទេ។បណ្ដាញឧស្សាហកម្ម បានកំណត់អត្តសញ្ញាណនាវានោះថាឈ្មោះ Bella 1 ជានាវាដឹកប្រេងឆៅដ៏ធំមួយគ្រឿង ដែលកាលពីឆ្នាំមុនត្រូវបានដាក់ទៅក្នុងបញ្ជីទណ្ឌកម្មរបស់ក្រសួងរតនាគារអាមេរិក ក្នុងអ្វីដែលទីក្រុងវ៉ាស៊ីនតោន អះអាងថា នាវានេះមានទំនាក់ទំនងជាមួយអ៊ីរ៉ង់។ ប្រធានាធិបតីអាមេរិក លោក Donald Trump កាលពីសប្តាហ៍មុន បានប្រកាសពីការ «បិទផ្លូវទាំងស្រុង» លើនាវាជាប់ទណ្ឌកម្មទាំងអស់ ដែលដឹកប្រេងចូល និងចាកចេញពីវ៉េណេស៊ុយអេឡា៕

រុស្ស៊ី រិះគន់ខ្លាំងៗលើអឺរ៉ុប ដែលកែប្រែផែនការសន្តិភាពរបស់អាមេរិក ក្នុងការបញ្ចប់សង្គ្រាមអ៊ុយក្រែន

មន្រ្តីគោលនយោបាយការបរទេសជាន់ខ្ពស់របស់រុស្ស៊ី លោក Yuri Ushakov កាលពីថ្ងៃអាទិត្យ (២១ ធ្នូ) បានសម្ដែងការរិះគន់យ៉ាងខ្លាំងលើលោកខាងលិចថា ការផ្លាស់ប្តូរដែលធ្វើឡើងដោយបណ្តាប្រទេសនៅអឺរ៉ុប និងអ៊ុយក្រែន ទៅលើសំណើសន្តិភាពរបស់សហរដ្ឋអាមេរិក ក្នុងការបញ្ចប់សង្គ្រាមនៅអ៊ុយក្រែន មិនបានធ្វើឱ្យប្រសើរឡើងនូវទស្សនវិស័យសម្រាប់សន្តិភាពនោះទេ។គួរឱ្យដឹងថា សេចក្ដីព្រាងរបស់អាមេរិកដើម្បីបញ្ចប់សង្គ្រាមជិត ៤ឆ្នាំមកនេះ ដែលលេចធ្លាយដល់ប្រព័ន្ធផ្សព្វផ្សាយកាលពីខែមុន បានបង្កើនក្តីបារម្ភនៅអឺរ៉ុបនិងអ៊ុយក្រែនថា លម្អៀងទៅខាងរុស្ស៊ីខ្លាំងពេក ហើយថា រដ្ឋបាលអាមេរិក អាចបង្ខំឱ្យទីក្រុងគីវ សម្បទានច្រើនហួសហេតុ។ តាំងពីពេលនោះមក អ្នកចរចាអឺរ៉ុប និងអ៊ុយក្រែន បានជួបប្រេសិតអាមេរិក ក្នុងការប៉ុនប៉ងកែប្រែឬបន្ថែមសំណើផ្ទាល់ខ្លួនរបស់ពួកគេទៅក្នុងសេចក្តីព្រាងនោះ ប៉ុន្តែខ្លឹមសារពិតប្រាកដនៃសំណើបច្ចុប្បន្ន មិនត្រូវបានបង្ហាញឡើយ។លោក Ushakov មន្រ្តីវិមានក្រឹមឡាំង បានប្រាប់អ្នកយកព័ត៌មាននៅទីក្រុងមូស្គូថា ចំណុចផ្លាស់ប្តូរដែលអឺរ៉ុប និងអ៊ុយក្រែនធ្វើឡើង នឹងមិនធ្វើឱ្យឱកាសនៃសន្តិភាពល្អប្រសើរឡើយ។ លោកសង្កត់ធ្ងន់ថា ទោះជាលោកមិនទាន់បានឃើញសំណើពិតប្រាកដនៅឡើយក្ដី ក៏ប៉ុន្តែលោក «ប្រាកដណាស់ថា ចំណុចដែលអឺរ៉ុបនិងអ៊ុយក្រែនបានធ្វើឡើង ឬកំពុងព្យាយាមធ្វើឡើង ពិតជាមិនធ្វើឱ្យឯកសារនេះប្រសើរទេ ហើយក៏មិនធ្វើឱ្យលទ្ធភាពនៃការសម្រេចបានសន្តិភាពរយៈពេលវែងប្រសើរឡើងនោះដែរ»។រុស្ស៊ីតែងនិយាយថា បណ្ដាមេដឹកនាំអឺរ៉ុប មានបំណងចង់រារាំងកិច្ចចរចាសន្តិភាពអ៊ុយក្រែន ដោយការដាក់ចេញនូវលក្ខខណ្ឌដែលពួកគេដឹងច្បាស់ថា នឹងមិនអាចទទួលយកបានឡើយចំពោះរុស្ស៊ី៕

ព័ត៌មានអន្តរជាតិ

នីហ្សេរីយ៉ានិយាយថា សិស្សសាលាកាតូលិក១៣០នាក់ដែលត្រូវបានចាប់ពង្រត់ត្រូវបានដោះលែង

សមាជិកព្រឹទ្ធសភាអាមេរិក ជំរុញឱ្យមានចំណាត់ការខាងយោធា ប្រសិនបើក្រុមហាម៉ាស និងហេសបូឡា មិនរំសាយអាវុធ

នាយករដ្ឋមន្ត្រីចក្រភពអង់គ្លេស សន្ទនាអំពីកិច្ចខិតខំប្រឹងប្រែងសន្តិភាពអ៊ុយក្រែនជាមួយលោក Trump

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

ប្រធានាធិបតីបារាំង បញ្ជាក់ពីផែនការសាងសង់នាវាផ្ទុកយន្តហោះថ្មី ដើម្បីពង្រឹងអំណាចដែនសមុទ្រ

ក្រសួងសុខាភិបាលហ្កាហ្សា ស្រែកដង្ហោយរកជំនួយថ្នាំពេទ្យ ស្របពេលអ៊ីស្រាអែលបន្តរឹតត្បិត

សហរដ្ឋអាមេរិក និងអ៊ុយក្រែន សាទរកិច្ចចរចានៅទីក្រុងម៉ៃអាមីថាប្រកបដោយការស្ថាបនា ប៉ុន្តែគ្មានលទ្ធផល

ក្រុមមន្រ្តី៖ សហរដ្ឋអាមេរិក កំពុងតាមស្ទាក់ចាប់នាវាដឹកប្រេងគ្រឿងទីបី នៅជិតវ៉េណេស៊ុយអេឡា

រុស្ស៊ី រិះគន់ខ្លាំងៗលើអឺរ៉ុប ដែលកែប្រែផែនការសន្តិភាពរបស់អាមេរិក ក្នុងការបញ្ចប់សង្គ្រាមអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី