BTV NEWS

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ព័ត៌មានអន្តរជាតិ

អ៊ីរ៉ង់ព្រមានឲ្យពលរដ្ឋជម្លៀសខ្លួនចេញពីតំបន់ភាគខាងជើងអ៊ីស្រាអែល ក្រោយលោក Netanyahu បញ្ជាឲ្យវាយប្រហារទីក្រុងបេរូត

កងឆ្មាំបដិវត្តន៍អ៊ិស្លាមអ៊ីរ៉ង់ បានព្រមានឲ្យអ្នកស្រុករស់នៅតំបន់ភាគខាងជើងអ៊ីស្រាអែល ត្រូវជម្លៀសចេញ ជាការឆ្លើយតបនឹងការបញ្ជារបស់នាយករដ្ឋមន្រ្តីអ៊ីស្រាអែលលោក Benjamin Netanyahu ឲ្យវាយប្រហារតំបន់ជាយក្រុងភាគខាងត្បូងទីក្រុងបេរូតដែលគ្រប់គ្រងដោយក្រុមហេសបូឡា ។ទូរទស្សន៍រដ្ឋអ៊ីរ៉ង់ រាយការណ៍ដោយពុំផ្តល់រឿងរ៉ាវលម្អិតថា បទឈប់បាញ់ព្រមព្រៀងរវាងអ៊ីរ៉ង់ និងសហរដ្ឋអាមេរិកកាលពីដើមខែមេសា ទំនងជាត្រូវបញ្ចប់ បើសិនជាការវាយប្រហាររបស់អ៊ីស្រាអែលលើក្រុមហេសបូឡាគាំទ្រដោយអ៊ីរ៉ង់ នៅតែមាន ។លោក Ali Abdollahi គឺជាមេបញ្ជាការនៃទីបញ្ជាការកណ្តាលអ៊ីរ៉ង់ Khatam al-Anbiya និយាយនៅក្នុងសេចក្តីថ្លែងការណ៍ចេញផ្សាយដោយសារព័ត៌មានរដ្ឋថា មនុស្សរស់នៅតំបន់ភាគខាងជើងអ៊ីស្រាអែល គួរតែចាកចេញពីតំបន់នោះ បើសិនជាពួកគេមិនចងគ្រោះថ្នាក់ ។សូមបញ្ជាក់ថា លោក Netanyahu បានបញ្ជាឲ្យវាយប្រហារតំបន់ជាយក្រុងភាគខាងត្បូងទីក្រុងបេរូត កាលពីថ្ងៃចន្ទ បង្កឲ្យមានរលកនៃការជម្លៀសខ្លួននៅក្នុងជម្លោះដែលធ្វើឲ្យមនុស្សជាង ១លាននាក់ បានចាកចេញពីផ្ទះសម្បែងរួចទៅហើយនៅប្រទេសលីបង់ ៕

អ៊ីរ៉ង់៖ កងកម្លាំងប្រដាប់អាវុធ ត្រៀមខ្លួន «ល្អជាងពីមុនច្រើនណាស់» បើមានសង្គ្រាមថ្មីជាមួយអាមេរិក

អ្នកនាំពាក្យរបស់កងឆ្មាំបដិវត្តន៍ឥស្លាមអ៊ីរ៉ង់ (IRGC) នៅថ្ងៃអង្គារ (ទី២ ខែមិថុនា ឆ្នាំ២០២៦) នេះ បានបញ្ជាក់ឲ្យដឹងថា ការត្រៀមខ្លួនរបស់កងកម្លាំងប្រដាប់អាវុធរបស់ប្រទេសនាពេលបច្ចុប្បន្ននេះ «គឺល្អប្រសើរច្រើនណាស់ជាងអតីតកាល» ដោយអះអាងថា ទីក្រុងតេអេរ៉ង់នឹងប្រើប្រាស់អាវុធប្រភេទ «ផ្សេងៗគ្នា» ក្នុងករណីមានសង្គ្រាមឡើងវិញជាមួយសហរដ្ឋអាមេរិក និងអ៊ីស្រាអែល។នៅក្នុងសេចក្តីថ្លែងការណ៍មួយ ដែលត្រូវបានចុះផ្សាយដោយទីភ្នាក់ងារសារព័ត៌មានពាក់កណ្តាលផ្លូវការ Tasnim លោក Sardar Mohebbi បានប្រាប់ឲ្យដឹងថា៖ «ហេតុផលដ៏ល្អបំផុត សម្រាប់បញ្ហានេះ គឺថា ទោះបីជាមានការប្រើប្រាស់សមត្ថភាពដ៏ច្រើនរបស់ខ្លួន ទាំងផ្លូវគោក ទឹក និងអាកាសក៏ដោយ ក៏សហរដ្ឋអាមេរិក មិនអាចធ្វើឲ្យច្រកសមុទ្រ Hormuz ចេញពីការគ្រប់គ្រងរបស់អ៊ីរ៉ង់បានឡើយ សូម្បីតែត្រឹមរយៈពេល ២-៣នាទីក្ដី»។លោក Mohebbi បានបន្តថា ទីក្រុងតេអេរ៉ង់ត្រៀមខ្លួនរួចជាស្រេច សម្រាប់ «សេណារីយ៉ូដែលអាចកើតមានទាំងអស់» ដោយបន្ថែមថា ទីក្រុងវ៉ាស៊ីនតោន «មិនអាចសម្រេចបានគោលដៅរបស់ខ្លួន» នៅច្រកសមុទ្រ Hormuz អំឡុងជម្លោះជុំចុងក្រោយនេះ។គួរបញ្ជាក់ថា ភាពតានតឹងនៅតំបន់មជ្ឈិមបូព៌ា បានកើនឡើង ចាប់តាំងពីសហរដ្ឋអាមេរិក និងអ៊ីស្រាអែល បានបើកការវាយប្រហារលើអ៊ីរ៉ង់ កាលពីខែកុម្ភៈ។ ទីក្រុងតេអេរ៉ង់បានសងសឹកដោយការវាយប្រហារដែលកំណត់គោលដៅលើអ៊ីស្រាអែល និងសម្ព័ន្ធមិត្តអាមេរិក នៅឈូងសមុទ្រពែក្ស រួមជាមួយនឹងការបិទច្រកសមុទ្រ Hormuz៕

យានដ្រូន និងមីស៊ីលទ្រង់ទ្រាយធំរបស់រុស្ស៊ី វាយប្រហារទីក្រុងជាច្រើនរបស់អ៊ុយក្រែន

យានដ្រូន និងមីស៊ីលទ្រង់ទ្រាយធំរបស់រុស្ស៊ី បានវាយប្រហារទីក្រុងជាច្រើនរបស់អ៊ុយក្រែននាថ្ងៃអង្គារនេះ បណ្តាលឲ្យមនុស្សស្លាប់ និងរងរបួសជាច្រើននាក់ ។ កងទ័ពអាកាសអ៊ុយក្រែននិយាយថា រុស្ស៊ីបើកការវាយប្រហារយានដ្រូន ៦៥៦គ្រឿង និងមីស៊ីល ៧៣គ្រាប់ កាលពីយប់កន្លងទៅ ដែលភាគច្រើននៃការវាយប្រហារនេះ មានគោលដៅលើទីក្រុងគីវ ។ ខណៈពេលនោះដែរ ក្រសួងការពារជាតិរុស្ស៊ី និយាយថា ការវាយប្រហារទ្រង់ទ្រាយធំនាពេលយប់របស់ខ្លួនលើអ៊ុយក្រែន គឺជាការឆ្លើយតបចំពោះទង្វើភេរវកម្មលើគោលដៅក្នុងប្រទេសរុស្ស៊ី ។ លោកថា ពួកគេបានវាយប្រហារគោលដៅយោធាអ៊ុយក្រែន ដោយប្រើប្រាស់ប្រព័ន្ធអាវុធរយៈចម្ងាយឆ្ងាយមានគោលដៅច្បាស់លាស់ ។ ក្រុមអាជ្ញាធរអ៊ុយក្រែនបញ្ជាក់ពីគ្រោះថ្នាក់ដល់អាយុជីវិតនៅតាមទីក្រុងជាច្រើននៅតំបន់គីវ និងតំបន់ Dnipro រយៈពេលជាច្រើនថ្ងៃនៃការព្រមានពីផែនការវាយប្រហារទ្រង់ទ្រាយធំរបស់រុស្ស៊ី ។ អភិបាលក្រុងគីវលោក Vitali Klitschkoនិយាយថា ក្រៅពីរកឃើញមនុស្សស្លាប់ កុមារ ស្ថិតក្នុងចំណោមអ្នករងរបួសនៅក្នុងការវាយប្រហារទាំងអស់នេះ ។ លោកនិយាយផងដែរថា ការវាយប្រហារមីស៊ីលសង្ស័យ ត្រូវចំអគារផ្ទះល្វែងកម្ពស់ ២៤ជាន់ បណ្តាលឲ្យអគារបាក់ និងធ្វើឲ្យមនុស្សជាប់ខ្លួននៅក្នុងអគារបាក់បែក ៕

ប្រធានាធិបតីកូរ៉េខាងត្បូង សន្យាចាត់វិធានការយ៉ាងម៉ឺងម៉ាត់ លើអ្នកផ្សព្វផ្សាយព័ត៌មានមិនពិត

ប្រធានាធិបតីកូរ៉េខាងត្បូង លោក Lee Jae-myung នៅថ្ងៃអង្គារ បានអំពាវនាវឲ្យដាក់ទណ្ឌកម្មយ៉ាងតឹងរ៉ឹង ចំពោះបុគ្គលមានចេតនាផ្សព្វផ្សាយការអះអាងមិនពិតតាមប្រព័ន្ធអ៊ីនធឺណិត ដែលថា រដ្ឋាភិបាលនឹងបង្ខំប្រជាជនលក់ប្រាក់ដុល្លារអាមេរិករបស់ពួកគេ។តាមរយៈការបង្ហោះមួយនៅលើវេទិកាបណ្ដាញសង្គម X លោក Lee បានឆ្លើយតបទៅនឹងរបាយការណ៍ដែលថា នគរបាលបានកំណត់អត្តសញ្ញាណជនសង្ស័យចំនួន ១០រូបដែលត្រូវបានចោទប្រកាន់ពីបទផ្សព្វផ្សាយការអះអាងមិនពិត ដែលថា អាជ្ញាធរមានគម្រោងចេញបទបញ្ជាបន្ទាន់តម្រូវឲ្យពលរដ្ឋលក់ភាគហ៊ុនប្រាក់ដុល្លាររបស់ពួកគេ ក្នុងពេលមានក្ដីបារម្ភ អំពីសេដ្ឋកិច្ច ដែលទាក់ទងនឹងភាពតានតឹង នៅតំបន់មជ្ឈិមបូព៌ា។តាមរយៈសំណេររបស់លោក លោក Lee បានលើកឡើងថា៖ «ទង្វើនៃការផ្សព្វផ្សាយព័ត៌មានមិនពិតដោយចេតនា និងការបង្កឲ្យមានការភាន់ច្រឡំក្នុងសង្គម និងការខូចខាតសេដ្ឋកិច្ច គួរតែត្រូវបានកំណត់អត្តសញ្ញាណ និងផ្តន្ទាទោសយ៉ាងធ្ងន់ធ្ងរ»។យោងតាមរបាយការណ៍ប្រព័ន្ធផ្សព្វផ្សាយក្នុងស្រុក ដែលត្រូវបានដកស្រង់ដោយប្រធានាធិបតី បានឲ្យដឹងថា អ្នកស៊ើបអង្កេត បានតាមដានគណនីអនឡាញចំនួន ១៤ និងបានកំណត់អត្តសញ្ញាណម្ចាស់គណនី ១០នាក់ ដែលភ្ជាប់ទៅនឹងការបង្ហោះទាំងនោះ៕

លោក Putinសន្យាសងសឹក ក្រោយអ៊ុយក្រែនវាយប្រហារតំបន់ Luhansk

ប្រធានាធិបតីរុស្ស៊ីលោក Vladimir Putin និយាយថា អ៊ុយក្រែនបានបើកទំព័រថ្មីនៃឧក្រិដ្ឋកម្មជាមួយនឹងការវាយប្រហារលើអន្តេវាសិកដ្ឋានមួយកន្លែង ស្ថិតក្នុងតំបន់ភាគឦសាន Luhansk និងអគារផ្ទះល្វែងមួយខ្នង ស្ថិតនៅតំបន់ Kherson របស់អ៊ុយក្រែន ដែលគ្រប់គ្រងដោយផ្នែកដោយរុស្ស៊ី ។លោក Putinនិយាយថា ការប្រព្រឹត្តឧក្រិដ្ឋកម្មធ្ងន់ធ្ងរបំផុតលើកុមារ និងយុវជននៅសាកលវិទ្យាល័យគ្រូបង្រៀន ស្ថិតក្នុងទីក្រុង Starobilsk ហើយនិងទីក្រុង Henichesk ថ្នាក់ដឹកនាំទីក្រុងគីវ បានសម្រេចចិត្តបើកទំព័រថ្មីនៅក្នុងឧក្រិដ្ឋកម្មរបស់ពួកគេ ។លោកបន្តថា ពួកយើងនឹងពិភាក្សាលើវិធីសាស្រ្តជួយ និងការគាំទ្រត្រូវផ្តល់ជូនសាច់ញាតិអ្នកដែលត្រូវបានសម្លាប់ និងអ្នកដែលបានរងផលប៉ះពាល់ដោយសារឧក្រិដ្ឋកម្មបង្ហូរឈាមនេះ ធ្វើឡើងដោយរបបយោធាអ៊ុយក្រែន កាលពីថ្ងៃទី ២២ ខែឧសភា ក្នុងទីក្រុង Starobilsk ស្ថិតនៅតំបន់ Luhansk ។គួរឲ្យដឹងថា ការវាយប្រហារយានដ្រូនលើទីក្រុង Starobilsk កាន់កាប់ដោយរុស្ស៊ី បានសម្លាប់មនុស្ស ២១នាក់ កាលពីចុងខែឧសភា ខណៈការវាយប្រហារយានដ្រូនលើអគារផ្ទះល្វែងនៅទីក្រុង Henichesk កាន់កាប់ដោយរុស្ស៊ី បានសម្លាប់កុមារម្នាក់ និងមនុស្ស ១១នាក់ផ្សេងទៀត រងរបួស កាលពីថ្ងៃអាទិត្យ ៕

មនុស្ស ២នាក់ស្លាប់ អំឡុងការតវ៉ានៅកេនយ៉ា ប្រឆាំងការបង្កើតកន្លែងដាក់ឲ្យនៅដាច់ដោយឡែក សម្រាប់អ្នកជំងឺ Ebola

ក្រុមអ្នករៀបចំការតវ៉ា និងប្រភពសន្តិសុខ បានប្រាប់សារព័ត៌មាន Reuters នៅថ្ងៃអង្គារ (ទី២ ខែមិថុនា ឆ្នាំ២០២៦) នេះថា មនុស្សយ៉ាងតិច ២នាក់ បានបាត់បង់ជីវិត នៅភាគកណ្តាលប្រទេសកេនយ៉ា ក្នុងអំឡុងពេលមានការតវ៉ាប្រឆាំងនឹងគម្រោងបង្កើតកន្លែងដាក់ឲ្យនៅដាច់ដោយឡែកពីគេ សម្រាប់អ្នកជំងឺ Ebola របស់សហរដ្ឋអាមេរិក ខណៈដែលប្រធានាធិបតី William Ruto បានបដិសេធការរិះគន់ ដែលថា វានឹងធ្វើឲ្យប្រជាជនកេនយ៉ាមានគ្រោះថ្នាក់។អ្នករៀបចំការតវ៉ា លោក Patrick Wahome បាននិយាយថា អ្នកទាំង២ ស្លាប់ដោយសាររបួសត្រូវគ្រាប់កាំភ្លើង បន្ទាប់ពីនគរបាលបានបើកការបាញ់ប្រហារលើបាតុកររាប់រយនាក់ កាលពីថ្ងៃចន្ទ នៅក្នុងទីក្រុង Nanyuki ជាទីដែលមូលដ្ឋានទ័ពអាកាសមានបំណងផ្ដល់ទីតាំង សម្រាប់កន្លែងដាក់ឲ្យនៅដាច់ដោយឡែកពីគេនោះ។ប្រភពសន្តិសុខមិនបានបញ្ជាក់ថា អ្នកទាំង២ ស្លាប់ដោយរបៀបណានោះទេ។ អ្នកនាំពាក្យនគរបាលលោក Michael Muchiri បាននិយាយថា លោកមិនបានដឹងព័ត៌មាន អំពីការស្លាប់នេះនោះទេ។គួរបញ្ជាក់ថា ផែនការបង្កើតមណ្ឌលមួយដែលមាន ៥០គ្រែ ដើម្បីផ្ទុកជនជាតិអាមេរិកដែលបានប៉ះពាល់នឹងវីរុស នៅសាធារណរដ្ឋប្រជាធិបតេយ្យកុងហ្គោ ឬអ៊ូហ្គង់ដា បានធ្វើឲ្យជនជាតិកេនយ៉ាជាច្រើនខឹងសម្បា ដោយចោទប្រកាន់សហរដ្ឋអាមេរិកថា បានផ្ទេរហានិភ័យសុខភាពសាធារណៈនៃការថែទាំអ្នកជំងឺ។ តុលាការកេនយ៉ាកាលពីសប្តាហ៍មុន បានសម្រេចផ្អាកផែនការនេះជាបណ្តោះអាសន្ន ដើម្បីឆ្លើយតបទៅនឹងបណ្តឹងពីក្រុមតស៊ូមតិផ្នែកច្បាប់។ ការសវនាការ ១ផ្សេងទៀតគ្រោងនឹងធ្វើឡើងនៅថ្ងៃអង្គារនេះ។បើយោងតាមមន្ត្រី និងប្រភពការទូតអាមេរិក បានឲ្យដឹងថា បើទោះបីជាមានដីការបង្គាប់បញ្ជានេះក៏ដោយ ក៏យន្តហោះយោធាអាមេរិកនៅតែបន្តហោះហើរដឹកបុគ្គលិក និងសម្ភារៈទៅកាន់ទីនោះ ក្នុងរយៈពេលប៉ុន្មានថ្ងៃថ្មីៗនេះ។ ក្រសួងការបរទេសអាមេរិកមិនបានឆ្លើយតបភ្លាមៗឡើយ ចំពោះសំណើសុំការអត្ថាធិប្បាយ ពាក់ព័ន្ធនឹងករណីនេះ៕

សារព័ត៌មានរដ្ឋ KCNA រាយការណ៍ថា កូរ៉េខាងជើងប្រារព្ធទិវាកុមារនៅទីក្រុងព្យុងយ៉ាង

សារព័ត៌មានរដ្ឋកូរ៉េខាងជើង KCNA រាយការណ៍ថា កូរ៉េខាងជើងបានប្រារព្ធទិវាកុមារអន្តរជាតិកាលពីថ្ងៃចន្ទ ជាមួយនឹងកុមារក្នុងស្រុក និងកុមារអន្តរជាតិ ក្នុងទីក្រុងព្យុងយ៉ាង ។រូបភាពវីដេអូឃ្លីបផ្តល់ជូនដោយ KCNA នៅថ្ងៃអង្គារនេះ ដែលទីភ្នាក់ងារព័ត៌មានរ៉យទ័រពុំអាចបញ្ជាក់ផ្ទៀងផ្ទាត់ដោយឯករាជ្យបាននោះ ឃើញកុមារលេងល្បែងប្រពៃណីកូរ៉េ រួមទាំងការលោតអន្ទាក់ ល្បែងទាញព្រ័ត្រ និងរាំជារង្វង់ ។KCNA រាយការណ៍ថា ក្រុមន្រ្តីជាន់ខ្ពស់មកពីគណបក្សកាន់អំណាច និងអង្គការជាច្រើន មន្រ្តីការទូតបរទេសនៅកូរ៉េខាងជើង គណៈប្រតិភូសិស្សសាលាកូរ៉េមកពីជប៉ុន និងពលរដ្ឋកូរ៉េនៅបរទេស បានចូលរួមទិវាមួយនេះ ។KCNA រាយការណ៍ទៀតថា លោក Jon Hyang Sun គឺជាប្រធានគណៈកម្មាធិការកណ្តាលសហជីពស្រ្តីសង្គមនិយមកូរ៉េ និយាយថា កុមារនៅក្នុងប្រទេសមួយនេះ ត្រូវបានគេចាត់ទុកថាជារតនៈសម្បត្តិដ៏មានតម្លៃ ហើយនិងចាត់ទុកលោក Kim Jong Un ថាជាបិតារបស់កុមារទាំងអស់ ៕

របាយការណ៍៖ លោក Trump រិះគន់លោក Netanyahu ធ្ងន់ៗ ជុំវិញការបង្កើនភាពតានតឹង នៅលីបង់

ប្រធានាធិបតីអាមេរិក លោក Donald Trump បានរិះគន់យ៉ាងខ្លាំង ចំពោះនាយករដ្ឋមន្ត្រីអ៊ីស្រាអែល លោក Benjamin Netanyahu ពាក់ព័ន្ធនឹងបង្កើនប្រតិបត្តិការយោធាថ្មីៗនេះរបស់អ៊ីស្រាអែល នៅក្នុងប្រទេសលីបង់ ក្នុងអំឡុងពេលមានការសន្ទនាតាមទូរស័ព្ទដ៏តានតឹងមួយ កាលពីថ្ងៃចន្ទ (ទី១ ខែមិថុនា ឆ្នាំ២០២៦)។ នេះបើយោងតាមរបាយការណ៍របស់សារព័ត៌មាន Axios ដោយសំអាងដល់សម្តីមន្ត្រីអាមេរិក២រូប និងប្រភពទី៣ ដែលបានប្រាប់ឲ្យដឹងអំពីជជែកនេះ។យោងតាមរបាយការណ៍នោះ បានឲ្យដឹងថា លោក Trump បានរិះគន់លោក Netanyahu ធ្ងន់ៗ ក្នុងអំឡុងពេលមានការសន្ទនាពេញទៅការប្រើពាក្យអសុរោះដាក់គ្នាទៅវិញទៅមក ដោយប្រធានាធិបតីអាមេរិកបានចោទប្រកាន់មេដឹកនាំអ៊ីស្រាអែលថា បានបង្កើនជម្លោះ និងធ្វើឲ្យការចរចាដែលកំពុងបន្តមាន រវាងសហរដ្ឋអាមេរិក និងអ៊ីរ៉ង់ស្ថិតក្នុងហានិភ័យ។របាយការណ៍នេះបានឲ្យដឹងទៀតថា លោក Trump បានហៅលោក Netanyahu ថា «មិនចេះគិតពិចារណា» ហើយចោទប្រកាន់លោកថា មិនដឹងគុណ។ ប្រភពចំនួន ២ បានប្រាប់សារព័ត៌មាន Axios ថា លោក Trump ក៏បានសំដៅទៅលើការកាត់ក្តីលើលោក Netanyahu ជុំវិញសំណុំរឿងពុករលួយ ដែលកំពុងបន្តមាន និង «អះអាងថា លោកបានជួយឲ្យលោក Netanyahu នៅក្រៅពន្ធនាគារ»។មន្ត្រីអាមេរិកម្នាក់ដែលត្រូវបានដកស្រង់សម្តីដោយសារព័ត៌មាន Axios បានសង្ខេបការកត់សម្គាល់របស់លោក Trump ដែលបាននិយាយថា៖ «អ្នកលែងមានសតិហើយ។ អ្នកនឹងជាប់ពន្ធនាគារ ប្រសិនបើវាមិនមែនដោយសារខ្ញុំទេ។ ខ្ញុំកំពុងជួយសង្គ្រោះអ្នក។ មនុស្សគ្រប់គ្នាស្អប់អ្នកឥឡូវនេះ។ មនុស្សគ្រប់គ្នាស្អប់អ៊ីស្រាអែលដោយសារតែរឿងនេះ»។យោងតាមសារព័ត៌មាន Axios បានឲ្យដឹងបន្ថែមថា ជាមួយគ្នានេះ លោក Trump បានព្រមានលោក Netanyahu ថា ការគំរាមកំហែងវាយប្រហាររដ្ឋធានីបេរូតរបស់លីបង់ នឹងធ្វើឲ្យអ៊ីស្រាអែលកាន់តែឯកោនៅលើឆាកអន្តរជាតិ។របាយការណ៍នេះបានបញ្ជាក់ថា លោក Trump មានក្ដីបារម្ភជាពិសេស អំពីការស្លាប់ និងរបួសរបស់ជនស៊ីវិល នៅក្នុងប្រទេសលីបង់ និងបានជំទាស់នឹងយុទ្ធសាស្ត្ររបស់អ៊ីស្រាអែលដែលពាក់ព័ន្ធនឹងការបំផ្លិចបំផ្លាញអគារ ដើម្បីកំណត់គោលដៅមេបញ្ជាការរតបស់ក្រុមហេសបូឡាម្នាក់ៗ។ មន្ត្រីអ៊ីស្រាអែលម្នាក់បានប្រាប់សារព័ត៌មាន Axios បន្ទាប់ពីមានការជជែកតាមទូរស័ព្ទនេះ អ៊ីស្រាអែលលែងមានគម្រោងវាយប្រហារគោលដៅរបស់ក្រុមហេសបូឡានៅទីក្រុងបេរូតទៀតហើយ៕

អ៊ីរ៉ង់អះអាងការវាយប្រហារលើនាវាដឹកទំនិញមួយគ្រឿងនៅកំពង់ផែជិតទីក្រុង Umm Qasr របស់អ៊ីរ៉ាក់

យោងតាមសារព័ត៌មានអ៊ីរ៉ាក់ Ports Company Media បានឲ្យដឹងថា នាវាដឹកទំនិញមួយគ្រឿង ដែលក្រុមមន្រ្តីអ៊ីរ៉ាក់និយាយថា រងការផ្ទុះ ២លើក នៅតំបន់ឈូងសមុទ្រ រងការវាយប្រហារមួយលើកដោយយានដ្រូន នៅជិតទីក្រុង Umm Qasr កាលពីថ្ងៃចន្ទ ។ក្រុមមន្រ្តីអ៊ីរ៉ាក់ និយាយកាលពីថ្ងៃចន្ទថា នាវាមួយគ្រឿងនេះ រងការវាយប្រហារនៅចម្ងាយ ៧៤គ.មពីទីក្រុង Umm Qasr របស់អ៊ីរ៉ាក់ ។ចំណែកឯសេចក្តីថ្លែងការណ៍ពីទូរទស្សន៍ IRINN បានឲ្យដឹងថា កងទ័ពជើងទឹកនៃកងឆ្មាំបដិវត្តន៍អ៊ិស្លាមអ៊ីរ៉ង់ មានគោលដៅលើនាវា Sariska ដោយប្រើប្រាស់មីស៊ីលតម្រង់គោលដៅ នៅក្នុងប្រតិបត្តិការវាយប្រហារសងសឹក ។នៅមុននេះ មជ្ឈមណ្ឌល UKMTO និយាយថា នាវាមួយគ្រឿងនេះ រងការវាយប្រហាររបស់កាំជ្រួចផ្លោង បណ្តាលឲ្យមានការផ្ទុះដ៏ខ្លាំងក្លាមួយ ។ក្រុមមន្រ្តីអ៊ីរ៉ាក់និយាយប្រាប់ទីភ្នាក់ងារព័ត៌មានរ៉យទ័រថា ការផ្ទុះទី ២ បានវាយប្រហារលើនាវាតែមួយ ដែលជាការវាយប្រហាររបស់យានដ្រូន ។ ពួកគេបន្តថា ក្រោយមកអគ្គិភ័យនៅលើនាវា ត្រូវបានទប់ស្កាត់ជាប់ ៕

អាមេរិកបញ្ចេញរូបភាពរូងផ្លូវក្រោមដីដ៏ស្មុគស្មាញមួយប្រើប្រាស់សម្រាប់រត់ពន្ធគ្រឿងញៀនពីម៉ិកស៊ិក

ក្រុមអាជ្ញាធរសហរដ្ឋអាមេរិក និយាយថា ពួកគេបានរកឃើញផ្លូវរូងក្រោមដីឆ្លងកាត់ព្រំដែនដ៏ស្មុគស្មាញមួយ ត្រូវបានប្រើប្រាស់ ដើម្បីរត់ពន្ធគ្រឿងញៀនចេញពីម៉ិកស៊ិក បន្ទាប់ពីការស៊ើបអង្កេតអស់រយៈពេលជាច្រើនខែរបស់ក្រសួងសន្តិសុខមាតុភូមិ នៅទីក្រុង San Diego ។ផ្លូវរូងក្រោមដីនេះ មានប្រវែងប្រហែល ៥៨៩ម៉ែត្រ និងតភ្ជាប់ទីក្រុង Tijuana របស់ម៉ិកស៊ិកទៅកាន់ទីតាំងនៅជិតស្ថានីយឆ្លងកាត់ព្រំដែន ស្ថិតក្នុងទីក្រុង San Diego របស់សហរដ្ឋអាមេរិក ។ វាបំពាក់ដោយជញ្ជាំងដ៏រឹងមាំ អគ្គិសនី រន្ធខ្យល់ ប្រព័ន្ធផ្លូវដែក និងចំណុចខ្លះមានកម្ពស់រហូតដល់ ៤ម៉ែត្រកន្លះ ។ក្រុមអ្នកស៊ើបអង្កេតនិយាយថា ច្រកចេញនៅទីក្រុង San Diego ត្រូវបានបិទនៅក្រោមហាងលក់រាយមួយកន្លែង ដែលអាចចូលដល់តាមជណ្តើរ ។ចំណែកឯជនសង្ស័យ ៤នាក់ ត្រូវបានចោទប្រកាន់ ជុំវិញប្រតិបត្តិការនេះ បន្ទាប់ពីក្រុមអាជ្ញាធររឹបអូសបានគ្រឿងញៀនប្រភេទកូកាអ៊ីនរាប់ពាន់តោន ដែលមានតម្លៃប្រហែល ៤៥លានដុល្លារ ។ ការិយាល័យមេធាវីស្រុកសហរដ្ឋអាមេរិកនៅរដ្ឋ California បានថ្លែងនៅក្នុងការបញ្ចេញព័ត៌មានកាលពីថ្ងៃទី ១ ខែមិថុនា ឆ្នាំ ២០២៦ថា ផ្លូវរូងក្រោមដីឆ្លងកាត់ព្រំដែន ត្រូវបានរកឃើញចេញពីទីក្រុង Tijuana របស់ម៉ិកស៊ិក ទៅកាន់ហាងលក់រាយមួយកន្លែង ស្ថិតនៅជិតកំពង់ផែ Otay Mesa របស់ទីក្រុង San Diego ៕

បណ្ដាញសង្គម

ព័ត៌មានថ្មីៗ

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

អ៊ីរ៉ង់៖ កងកម្លាំងប្រដាប់អាវុធ ត្រៀមខ្លួន «ល្អជាងពីមុនច្រើនណាស់» បើមានសង្គ្រាមថ្មីជាមួយអាមេរិក

យានដ្រូន និងមីស៊ីលទ្រង់ទ្រាយធំរបស់រុស្ស៊ី វាយប្រហារទីក្រុងជាច្រើនរបស់អ៊ុយក្រែន

ប្រធានាធិបតីកូរ៉េខាងត្បូង សន្យាចាត់វិធានការយ៉ាងម៉ឺងម៉ាត់ លើអ្នកផ្សព្វផ្សាយព័ត៌មានមិនពិត

លោក Putinសន្យាសងសឹក ក្រោយអ៊ុយក្រែនវាយប្រហារតំបន់ Luhansk

មនុស្ស ២នាក់ស្លាប់ អំឡុងការតវ៉ានៅកេនយ៉ា ប្រឆាំងការបង្កើតកន្លែងដាក់ឲ្យនៅដាច់ដោយឡែក សម្រាប់អ្នកជំងឺ Ebola

សារព័ត៌មានរដ្ឋ KCNA រាយការណ៍ថា កូរ៉េខាងជើងប្រារព្ធទិវាកុមារនៅទីក្រុងព្យុងយ៉ាង

របាយការណ៍៖ លោក Trump រិះគន់លោក Netanyahu ធ្ងន់ៗ ជុំវិញការបង្កើនភាពតានតឹង នៅលីបង់

អ៊ីរ៉ង់អះអាងការវាយប្រហារលើនាវាដឹកទំនិញមួយគ្រឿងនៅកំពង់ផែជិតទីក្រុង Umm Qasr របស់អ៊ីរ៉ាក់

អាមេរិកបញ្ចេញរូបភាពរូងផ្លូវក្រោមដីដ៏ស្មុគស្មាញមួយប្រើប្រាស់សម្រាប់រត់ពន្ធគ្រឿងញៀនពីម៉ិកស៊ិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

អ៊ីរ៉ង់៖ កងកម្លាំងប្រដាប់អាវុធ ត្រៀមខ្លួន «ល្អ​ជាងពី​មុន​ច្រើន​ណាស់​» បើមានសង្គ្រាម​ថ្មី​ជាមួយអាមេរិក

យានដ្រូន និងមីស៊ីលទ្រង់ទ្រាយធំរបស់រុស្ស៊ី វាយប្រហារទីក្រុងជាច្រើនរបស់អ៊ុយក្រែន

ប្រធានាធិបតីកូរ៉េខាងត្បូង សន្យាចាត់វិធានការយ៉ាងម៉ឺងម៉ាត់ លើ​អ្នកផ្សព្វផ្សាយព័ត៌មានមិន​ពិត​

លោក Putinសន្យាសងសឹក ក្រោយអ៊ុយក្រែនវាយប្រហារតំបន់ Luhansk

សារព័ត៌មានរដ្ឋ KCNA រាយការណ៍ថា កូរ៉េខាងជើងប្រារព្ធទិវាកុមារនៅទីក្រុងព្យុងយ៉ាង

របាយការណ៍៖ លោក Trump រិះគន់លោក Netanyahu ធ្ងន់ៗ ជុំវិញការបង្កើន​ភាពតានតឹង នៅលីបង់

អ៊ីរ៉ង់អះអាងការវាយប្រហារលើនាវាដឹកទំនិញមួយគ្រឿងនៅកំពង់ផែជិតទីក្រុង Umm Qasr របស់អ៊ីរ៉ាក់

អាមេរិកបញ្ចេញរូបភាពរូងផ្លូវក្រោមដីដ៏ស្មុគស្មាញមួយប្រើប្រាស់សម្រាប់រត់ពន្ធគ្រឿងញៀនពីម៉ិកស៊ិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ីរ៉ង់៖ កងកម្លាំងប្រដាប់អាវុធ ត្រៀមខ្លួន «ល្អជាងពីមុនច្រើនណាស់» បើមានសង្គ្រាមថ្មីជាមួយអាមេរិក

ប្រធានាធិបតីកូរ៉េខាងត្បូង សន្យាចាត់វិធានការយ៉ាងម៉ឺងម៉ាត់ លើអ្នកផ្សព្វផ្សាយព័ត៌មានមិនពិត

របាយការណ៍៖ លោក Trump រិះគន់លោក Netanyahu ធ្ងន់ៗ ជុំវិញការបង្កើនភាពតានតឹង នៅលីបង់