នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ទីភ្នាក់ងារទេសចរណ៍ចិនចាប់​ផ្ដើម​ដំណើរកម្សាន្តជាក្រុមទៅ​ជប៉ុនឡើងវិញ តែ​ខ្លះបញ្ឈប់ការលក់ក្រោយ​មក​
លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យ​មាន «បទឈប់បាញ់គ្រប់ជ្រុងជ្រោយ​»
ការបំផ្ទុះគ្រាប់បែក ២ផ្សេងគ្នា បណ្តាលឲ្យ​នគរបាល​រងរបួស ក្នុងខេត្ត Yala និង​ Pattani របស់​​ថៃ
ទីភ្នាក់ងារតាមដាន៖ ការឆ្លងកាត់របស់​នាវា នៅ​ចក្រសមុទ្រ​ Hormuz កើនឡើង ក្រោយ​មាន​កិច្ចព្រមព្រៀង

ព័ត៌មានអន្តរជាតិ

បារាំង និងឥណ្ឌូនេស៊ី ពង្រឹងកិច្ចសហប្រតិបត្តិការការពារជាតិ និងថាមពល

2026/06/01 07:11:20 pm        34
Facebook Telegram Linkin
ប្រធានាធិបតីបារាំងលោក Emmanuel Macron បានស្វាគមន៍ប្រធានាធិបតីឥណ្ឌូនេស៊ីលោក Prabowo Subianto នៅវិមានប្រធានាធិបតី Elysee ស្ថិតក្នុងទីក្រុងប៉ារីស ។ជំនួបមួយនេះមានគោលបំណងពង្រឹងកិច្ចសហប្រតិបត្តិការរវាងប្រទេសទាំង ២លើវិស័យការពារជាតិ ថាមពល កសិកម្ម និងដឹកជញ្ជូន នៅក្នុងចំណោមវិស័យជាច្រើនទៀត ។ជំនួបនេះដែរ បានកើតមានឡើង រយៈពេល ១ឆ្នាំគត់ ក្រោយដំណើរទស្សនកិច្ចរបស់លោក Macron ទៅកាន់ប្រទេសឥណ្ឌូនេស៊ី ។លោក Macron និយាយថា ភាពជាដៃគូរវាងឥណ្ឌូនេស៊ី និងបារាំង មានការជាប់ពាក់ព័ន្ធគ្នាជាងពេលណាៗទាំងអស់ ។លោកថា លោកបានពិភាក្សាជាមួយលោក Subianto លើបញ្ហាជម្លោះនៅតំបន់មជ្ឈិមបូព៌ា និងការបិទច្រកសមុទ្រ Hormuz ផងដែរ ដែលធ្វើឲ្យប៉ះពាល់យ៉ាងខ្លាំងដល់តម្លៃប្រេងនៅតាមបណ្តាប្រទេសអាស៊ី ។ដោយឡែក លោក Subianto និយាយដែរថា ស្ថិរភាពនៅតំបនមជ្ឈិមបូព៌ា គឺសំខាន់ ហើយនិងធ្វើឲ្យប៉ះពាល់ដោយផ្ទាល់លើស្ថានភាពថាមពលសកល និងខ្សែចង្វាក់ផ្គត់ផ្គង់សកល ។ ហេតុដូច្នេះហើយ សន្តិភាពនៅតំបន់មជ្ឈិមបូព៌ា គឺជាផលប្រយោជន៍រួមរបស់ពួកយើង ៕

EU ត្រៀមរួច​ជាស្រេច ដើម្បី​រួមចំណែក​ដល់​កិច្ចព្រមព្រៀងដែល​អាច​មាន រវាង​អាមេរិក និងអ៊ីរ៉ង់

2026/06/01 07:11:06 pm        29
Facebook Telegram Linkin
ប្រធានគោលនយោបាយការបរទេសសហភាពអឺរ៉ុប (EU) លោកស្រី Kaja Kallas នៅ​ថ្ងៃចន្ទ (ទី១ ខែមិថុនា ឆ្នាំ២០២៦) នេះ បាននិយាយថា ប្លុកនេះ «ត្រៀមខ្លួនរួចជាស្រេច ដើម្បីចូលរួមចំណែក» ចំពោះកិច្ចព្រមព្រៀងដែលអាចកើតមាន រវាងសហរដ្ឋអាមេរិក និងអ៊ីរ៉ង់ តាមរយៈ «ប្រតិបត្តិការដែន​សមុទ្រ និងការជំរុញ​សេដ្ឋកិច្ច»។ខណៈពេលដែលថ្លែងសុន្ទរកថារួមជាមួយរដ្ឋមន្ត្រីការបរទេសប៉ាគីស្ថាន លោក​ Ishaq Dar នៅទីក្រុងអ៊ីស្លាម៉ាបាដ លោកស្រី Kallas បានលើក​ឡើង​ថា៖ «ខ្ញុំមើល​ឃើញតួនាទីជាក់ស្តែង ដែល​​ EU អាចជួយធ្វើឲ្យ​កិច្ចព្រមព្រៀងណាមួយនៅទីបំផុត ស្ថិត​ស្ថិរ​យូរអង្វែង​បាន​ មិនថា តាមរយៈប្រតិបត្តិការដែន​សមុទ្រ ការជំរុញ​សេដ្ឋកិច្ចដែលគាំទ្រដល់ស្ថិរភាពរយៈពេលវែង ឬបញ្ហាផ្សេងទៀត»។លោកស្រីបានបន្ថែមថា៖ «EU ត្រៀមខ្លួនរួចជាស្រេច ដើម្បីចូលរួមចំណែកដល់ដំណោះស្រាយប្រកបដោយចីរភាព និងសន្តិភាព»។ លោកស្រីបានសង្កត់ធ្ងន់​ថា៖ «យើងផ្ដល់​នូវ​​ឥទ្ធិពលផ្នែក​សេដ្ឋកិច្ច ជំនាញនុយក្លេអ៊ែរដែលរកបានដោយលំបាក ទំនាក់ទំនងយូរអង្វែងជាមួយដៃគូនៅទូទាំងឈូងសមុទ្រពែក្ស​ និងការចូលរួមដោយផ្ទាល់ជាមួយអ៊ីរ៉ង់»។លោកស្រី Kallas បានលើក​ឡើង​ទៀត​ថា ការយោគយល់គ្នា «បណ្តោះអាសន្ន» ណាមួយ រវាងសហរដ្ឋអាមេរិក និងអ៊ីរ៉ង់ ត្រូវតែបន្តដោយការពិភាក្សា «ស៊ីជម្រៅ» អំពីស្តុកនុយក្លេអ៊ែររបស់ទីក្រុងតេអេរ៉ង់ និងបញ្ហាសំខាន់ៗផ្សេងទៀត។ហើយ​ជាមួយ​គ្នានេះ លោកស្រី Kallas ដែលមាន​តួនាទី​ជាអនុប្រធានគណៈកម្មការអឺរ៉ុប និងជាតំណាងជាន់ខ្ពស់របស់ EU ទទួលបន្ទុកកិច្ចការបរទេស និងគោលនយោបាយសន្តិសុខ បានសាទរចំពោះកិច្ចប្រឹងប្រែងសម្របសម្រួលជាបន្តបន្ទាប់របស់ទីក្រុងអ៊ីស្លាម៉ាបាដ ដែល «បានជួយទប់ស្កាត់ការវិលត្រឡប់ទៅរកសង្គ្រាមពេញបន្ទុក​ជាច្រើនលើកច្រើនសារ»៕

សមាជិកព្រឹទ្ធសភាហ្វីលីពីន ប្រគល់ខ្លួនជូនសមត្ថកិច្ច ក្រោយការចោទប្រកាន់ករណីពុករលួយ

2026/06/01 07:09:07 pm        30
Facebook Telegram Linkin
សមាជិកព្រឹទ្ធសភាហ្វីលីពីនលោក Jose Estrada ដែលជាកូនប្រុសរបស់លោកអតីតប្រធានាធិបតី Joseph Estrada បានប្រគល់ខ្លួនជូនក្រុមអាជ្ញាធរនៅថ្ងៃចន្ទនេះ ក្រោយតុលាការបញ្ជាឲ្យចាប់ខ្លួនរូបលោក ជុំវិញការចោទប្រកាន់ថា លោកបានទទួលប្រាក់សំណូកខុសច្បាប់ គឺជាផ្នែកមួយនៃរឿងអាស្រូវហេដ្ឋរចនាសម្ព័ន្ធបង្កឲ្យមានការតវ៉ារបស់សាធារណជនកាលពីឆ្នាំមុន ។ តុលាការប្រឆាំងអំពើពុករលួយ បានបញ្ជាឲ្យចាប់ខ្លួនលោក Estrada សម្រាប់ករណីបំពានមួយដែលមិនអាចធានាឲ្យនៅក្រៅឃុំបាន ក្រោមច្បាប់ហ្វីលីពីន ។ កាលពីសប្តាហ៍មុន ការិយាល័យ Ombudsman បានចោទប្រកាន់លោកថា បានបំពានច្បាប់ប្រឆាំងអំពើពុករលួយសម្រាប់ការទទួលសំណូក ៩,៣លានដុល្លារ ។ លោក Estrada បានច្រានចោលរាល់ទោសកំហុសទាំងអស់ ហើយលោកនិយាយថា ការចោទប្រកាន់នេះ ផ្តើមចេញពីរឿងនយោបាយ ។ លោកថា លោកនឹងការពារខ្លួនឯងដល់ទីបញ្ចប់ ដើម្បីបង្ហាញភាពស្អាតស្អុំរបស់លោក ។ កាលពីសប្តាហ៍មុន លោក Estrada បានដាក់ប្រាក់តម្កល់ សម្រាប់ករណីបំពានដាច់ដោយឡែកមួយផ្សេងទៀត ៕

អគ្គរដ្ឋអាជ្ញាអ៊ីស្រាអែលព្រមានអំពីការដើរថយក្រោយនៃលទ្ធិប្រជាធិបតេយ្យរបស់ប្រទេសនេះ

2026/06/01 07:07:19 pm        33
Facebook Telegram Linkin
អគ្គរដ្ឋអាជ្ញាអ៊ីស្រាអែលនៅថ្ងៃចន្ទនេះ បានព្រមានអំពីការដើរថយក្រោយនៃលទ្ធិប្រជាធិបតេយ្យរបស់ប្រទេសនេះ ក្រោមរដ្ឋាភិបាលរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ ជាពិសេសទាក់ទងនឹងឯករាជ្យភាពនៃប្រព័ន្ធតុលាការ និងការមិនអើពើរបស់នាយកប្រតិបត្តិនេះចំពោះសេចក្តីសម្រេចរបស់តុលាការ។លោកស្រី Gali Baharav-Miara ដែលជាទីប្រឹក្សាផ្នែកច្បាប់របស់រដ្ឋាភិបាលផងដែរ បានប៉ះទង្គិចជាមួយ រដ្ឋាភិបាលរបស់លោក ណេតាន់យ៉ាហ៊ូ ចាប់តាំងពីខ្លួនចូលកាន់តំណែងនេះ នៅចុងឆ្នាំ ២០២២។លោកស្រី Baharav-Miara បានថ្លែងនៅក្នុងសន្និសីទមួយរបស់សមាគមមេធាវីអ៊ីស្រាអែលនៅថ្ងៃចន្ទនេះថា៖«ដោយសារជិតដល់ទីបញ្ចប់នៃអាណត្តិរបស់សភា ការប្រណាំងប្រជែងគ្នា បានចាប់ផ្តើម ដើម្បីលុបបំបាត់ស្ថាប័នប្រជាធិបតេយ្យនានា»។ លោកស្រីបានចង្អុលបង្ហាញជាពិសេសទៅលើសេចក្តីព្រាងច្បាប់ពីរ ដែលកំពុងធ្វើដំណើរឆ្លងកាត់ សភាអ៊ីស្រាអែល៕

ចិនចូលរួមរំលែកទុក្ខចំពោះហេតុការណ៍ផ្ទុះគ្រាប់សម្លាប់មនុស្ស ៥៥នាក់នៅមីយ៉ាន់ម៉ា

2026/06/01 07:05:11 pm        28
Facebook Telegram Linkin
នៅថ្ងៃចន្ទនេះ ចិន បានចូលរួមរំលែកទុក្ខដល់ជនរងគ្រោះនៅក្នុងហេតុការណ៍ផ្ទុះគ្រាប់សម្លាប់មនុស្ស ៥៥នាក់ នៅក្នុងភូមិ Kaung Tat ស្ថិតក្នុងស្រុក Namhkam របស់សហភាពមីយ៉ាន់ម៉ា ហើយពលរដ្ឋរបស់ពួកគេ ស្ថិតក្នុងចំណោមអ្នករងរបួស ។លោក Lin Jian គឺជាអ្នកនាំពាក្យក្រសួងការបរទេសចិននិយាយថា ពលរដ្ឋចិនដែលរងរបួស ទទួលបានការព្យាបាលនៅក្នុងមន្ទីរពេទ្យ ។ បុគ្គលិកជួយសង្គ្រោះពីរនាក់បាននិយាយថា ការផ្ទុះគ្រាប់នៅភាគខាងជើងសហភាពមីយ៉ាន់ម៉ា បានសម្លាប់មនុស្សរាប់សិបនាក់កាលពីថ្ងៃអាទិត្យម្សិលមិញ ក្នុងនោះក្រុមឧទ្ទាមដែលគ្រប់គ្រងតំបន់នោះបាននិយាយថា វាបណ្តាលមកពីការផ្ទុះគ្រាប់ដោយចៃដន្យ ។ អ្នកឆ្លើយតបដំបូងម្នាក់ នៅក្នុងស្រុក Namhkam ជាកន្លែងដែលការផ្ទុះបានកើតឡើង បាននិយាយថា មនុស្ស ៥៥នាក់ បានស្លាប់ រួមមានទាំងកុមារ ៦នាក់ ហើយមនុស្សជាង ៧០នាក់ផ្សេងទៀតបានរងរបួស ។ចំណែកឯអ្នកជួយសង្គ្រោះម្នាក់ទៀត បាននិយាយដែរថា អ្នកស្លាប់អាចនឹងមានចំនួនច្រើនជាងនេះ ដល់៥៩នាក់ ហើយសាកសពត្រូវបានទទួលយកដោយបុគ្គលិកសង្គ្រោះបន្ទាន់ដើម្បីបូជា ។ សូមបញ្ជាក់ថា សហភាពមីយ៉ាន់ម៉ា ត្រូវបានញាំញីដោយសង្គ្រាមស៊ីវិល ចាប់តាំងពីយោធាដណ្តើមអំណាចក្នុងរដ្ឋប្រហារឆ្នាំ ២០២១ ដោយកងកម្លាំងប្រដាប់អាវុធកំពុងប្រយុទ្ធប្រឆាំងនឹងក្រុមឧទ្ទាមគាំទ្រលទ្ធិប្រជាធិបតេយ្យ និងក្រុមប្រដាប់អាវុធជនជាតិភាគតិចដ៏មានឥទ្ធិពល។ កងទ័ពរំដោះជាតិ Ta'ang ដែលជាក្រុមជនជាតិភាគតិចដ៏មានឥទ្ធិពលបំផុតមួយរបស់សហភាពនេះ បាននិយាយថា ការផ្ទុះដោយចៃដន្យនៃគ្រឿងផ្ទុះដែលរក្សាទុកប្រើប្រាស់ដើម្បីបំផ្ទុះយករ៉ែ និងថ្ម បានផ្ទុះឡើងនៅវេលាម៉ោងប្រហែល ១២ ថ្ងៃត្រង់ ម៉ោងក្នុងស្រុក ថ្ងៃអាទិត្យ ក្នុងស្រុក Namhkam ៕

ម៉ាឡេស៊ី​ហាម​កុមារអាយុក្រោម ១៦ឆ្នាំ មិន​ឲ្យ​បង្កើត​គណនី​បណ្ដាញ​សង្គម

2026/06/01 07:03:21 pm        25
Facebook Telegram Linkin
នៅថ្ងៃចន្ទ (ទី១ ខែមិថុនា ឆ្នាំ២០២៦) នេះ ប្រទេសម៉ាឡេស៊ី បានចាប់ផ្តើមអនុវត្តច្បាប់ថ្មីដែលហាមឃាត់កុមារអាយុក្រោម ១៦ឆ្នាំ មិន​ឲ្យ​បង្កើតគណនីបណ្ដាញ​សង្គម ដោយ​នេះ​គឺ​ជាផ្នែកមួយនៃកិច្ចប្រឹងប្រែងយ៉ាងទូលំទូលាយ ដើម្បីពង្រឹងការការពារសុវត្ថិភាពតាមប្រព័ន្ធ​អ៊ីនធឺណិត សម្រាប់អ្នកប្រើប្រាស់វ័យក្មេង។វិធានការទាំងនេះ ដែលត្រូវបានណែនាំក្រោមច្បាប់សុវត្ថិភាពតាមប្រព័ន្ធ​អ៊ីនធឺណិតឆ្នាំ២០២៥ របស់ម៉ាឡេស៊ី តម្រូវឲ្យ​វេទិកាបណ្ដាញ​សង្គមមានអាជ្ញាប័ណ្ណអនុវត្តប្រព័ន្ធផ្ទៀងផ្ទាត់អាយុ ដោយប្រើឯកសារកំណត់អត្តសញ្ញាណចេញដោយរដ្ឋាភិបាល ឬកំណត់ត្រាដែលទទួលស្គាល់ជាផ្លូវការផ្សេងទៀត។គណៈកម្មការទំនាក់ទំនង និងពហុបណ្ដាញសារព័ត៌មាន​របស់​ម៉ាឡេស៊ី បានឲ្យ​ដឹង​ថា ច្បាប់ទាំងនេះបានចូលជាធរមាន នៅថ្ងៃចន្ទនេះ​។ ក្រោមវិធានការទាំងនេះ មានតែអ្នកប្រើប្រាស់អាយុ ១៦​ឆ្នាំឡើងទៅប៉ុណ្ណោះដែលនឹងត្រូវបានអនុញ្ញាតឲ្យ​បង្កើត​គណនី និងចូលប្រើមុខងារវេទិកាសមស្របតាមអាយុ។អាជ្ញាធរបានបញ្ជាក់​ថា អ្នកប្រើប្រាស់ដែលមានស្រាប់ នឹងឆ្លងកាត់ដំណើរការផ្ទៀងផ្ទាត់បន្តិចម្តងៗ ក្នុងរយៈពេលរហូតដល់ ៦ខែ។ អ្នកប្រើប្រាស់ដែលត្រូវបានកំណត់ថា មានអាយុក្រោម ១៦ឆ្នាំ នឹងត្រូវបានផ្តល់ពេល ១ខែ ដើម្បីទាញយក ឬផ្ទេរទិន្នន័យផ្ទាល់ខ្លួនរបស់ពួកគេ មុនពេលការរឹតបន្តឹង ឬវិធានការផ្សេងទៀតទាក់ទងនឹងគណនី ត្រូវបានដាក់។ ច្បាប់ទាំងនេះអនុវត្តចំពោះវេទិកាដែលមានអ្នកប្រើប្រាស់រាប់លាននាក់ ដែល​រួមមាន​ Facebook, Instagram, TikTok និង YouTube៕

សារព័ត៌មាន៖ ចំនួនអ្នកស្លាប់ពីការវាយប្រហាររបស់អាមេរិកលើទូករបស់អ្នកជួញដូរគ្រឿងញៀន លើសពី ២០០នាក់

2026/06/01 07:01:37 pm        32
Facebook Telegram Linkin
មនុស្សជាង ២០០ នាក់ ត្រូវបានសម្លាប់ នៅក្នុងការវាយប្រហាររបស់សហរដ្ឋអាមេរិកលើកនាវាដែលត្រូវបានចោទប្រកាន់ថា មានទំនាក់ទំនងជាមួយក្រុមជួញដូរគ្រឿងញៀន នៅអាមេរិកខាងត្បូង។ នេះបើយោងតាមការចុះផ្សាយរបស់កាសែត The New York Times។យោងតាមសារព័ត៌មាននេះ ចាប់តាំងពីសហរដ្ឋអាមេរិក បានចាប់ផ្តើមការវាយប្រហារកាលពីរដូវស្លឹកឈើជ្រុះ ឆ្នាំមុន យោធាបានធ្វើការវាយប្រហារជាង ៦០លើក លើកទូកដែលគេជឿថា ត្រូវបានប្រើប្រាស់ដោយក្រុមជួញដូរគ្រឿងញៀន។ យ៉ាងហោចណាស់មានមនុស្ស ២០២នាក់ ត្រូវបានសម្លាប់ នៅក្នុងការវាយប្រហារនេះ។ទីបញ្ជាការភាគខាងត្បូងរបស់សហរដ្ឋអាមេរិក បានរាយការណ៍ពីការវាយប្រហារបែបនេះចុងក្រោយ នៅថ្ងៃទី ៣០ ខែឧសភា។ មនុស្សបីនាក់ ត្រូវបានសម្លាប់ នៅក្នុងប្រតិបត្តិការនេះ។ប្រមុខមន្ទីរបញ្ចកោណ លោក Pete Hegseth បានប្រកាសពីការចាប់ផ្តើមប្រតិបត្តិការ Southern Spear ដើម្បីប្រយុទ្ធប្រឆាំងនឹងក្រុមជួញដូរគ្រឿងញៀន កាលពីខែវិច្ឆិកា៕

ប្រព័ន្ធផ្សព្វផ្សាយ៖ អ៊ីរ៉ង់បានបំផ្លាញទីតាំងយោធាអាមេរិកយ៉ាងតិច ២០កន្លែង ចាប់តាំងពីការចាប់ផ្តើមសង្គ្រាម

2026/06/01 06:59:41 pm        55
Facebook Telegram Linkin
យោធាអ៊ីរ៉ង់បានបំផ្លាញទីតាំងយោធាអាមេរិកយ៉ាងហោចណាស់ ២០កន្លែង ចាប់តាំងពីជម្លោះ បានចាប់ផ្តើម នៅក្នុងខែកុម្ភៈ។ នេះបើយោងតាមរបាយការណ៍របស់ BBC ដោយផ្អែកលើការវិភាគរូបភាព និង វីដេអូ។យោងតាមប្រព័ន្ធផ្សព្វផ្សាយ អ៊ីរ៉ង់បានកំណត់គោលដៅលើមូលដ្ឋានសំខាន់ៗនៅទូទាំងប្រទេសចំនួន ៨ នៅមជ្ឈិមបូព៌ា ក្នុងនោះមានរួមទាំងអារ៉ាប៊ីសាអ៊ូឌីត អេមីរ៉ាតអារ៉ាប់រួម កាតា កូវ៉ែត អ៊ីរ៉ាក់ ហ្ស៊កដានី បារ៉ែន និងអូម៉ង់ ដោយអ្នកវិភាគមួយចំនួនបានដាក់ចំនួនមូលដ្ឋានដែលត្រូវបានវាយប្រហាររហូតដល់ ២៨កន្លែង។ជាពិសេស ការវាយប្រហាររបស់អ៊ីរ៉ង់ បានបំផ្លាញប្រព័ន្ធការពារទីតាំងរយៈកម្ពស់ខ្ពស់ (THAAD) ចំនួនបីនៅអារ៉ាប់រួម និងហ្ស៊កដានី។ ការវាយប្រហាររបស់អ៊ីរ៉ង់ ក៏បានបំផ្លាញយន្តហោះចាក់ប្រេង និងយន្តហោះឃ្លាំមើលរបស់សហរដ្ឋអាមេរិក នៅអារ៉ាប៊ីសាអ៊ូឌីតផងដែរ។សារព័ត៌មាន BBC ចង្អុលបង្ហាញថា វិសាលភាពនៃការខូចខាតដែលបង្កឡើងចំពោះទីតាំងរបស់សហរដ្ឋអាមេរិក គឺពិបាកក្នុងការវាស់វែង ប៉ុន្តែការប៉ាន់ស្មានខែឧសភាដោយមន្ទីរបញ្ចកោណ បានដាក់ការចំណាយសរុបនៃប្រតិបត្តិការ Epic Fury ចំនួន ២៩ ពាន់លានដុល្លារ «ដែលភាគច្រើនទំនងជាត្រូវចំណាយលើការជួសជុល ឬជំនួសថ្លៃដើមសម្រាប់ឧបករណ៍ ដែលត្រូវបានបំផ្លាញនៅក្នុងជម្លោះនេះ»៕

មីន និងគ្រាប់ដែលមិនទាន់ផ្ទុះជាង ៦.០០០គ្រាប់ ត្រូវបានបោសសម្អាត នៅក្នុងប្រទេសយេម៉ែន ក្នុងខែឧសភា

2026/06/01 06:57:15 pm        34
Facebook Telegram Linkin
គំនិតផ្តួចផ្តើមបោសសម្អាតមីនរបស់ប្រទេសអារ៉ាប៊ីសាអ៊ូឌីតនៅក្នុងប្រទេសយេម៉ែន គឺគម្រោង Masam បានប្រកាស កាលពិថ្ងៃអាទិត្យថា ក្រុមរបស់ខ្លួនបានបោសសម្អាតមីន និងគ្រាប់ដែលមិនទាន់ផ្ទុះសល់ពី សង្គ្រាមចំនួន ៦.៣២៣ គ្រាប់ នៅទូទាំងប្រទេសនេះ ក្នុងអំឡុងខែឧសភា។ក្រុមទាំងនោះ បានបោសសម្អាត និងធ្វើឲ្យរួចផុតគ្រោះថ្នាក់នូវដីជាង ១,២ លានម៉ែត្រការ៉េ ក្នុងអំឡុងខែមុន។ នេះបើយោងតាមតួលេខដែលចេញផ្សាយដោយគម្រោងនេះនៅលើវេទិកាប្រព័ន្ធផ្សព្វផ្សាយសង្គម X។គម្រោងនេះដែលបានចាប់ផ្តើមដោយប្រទេសអារ៉ាប៊ីសាអ៊ូឌីត ក្នុងឆ្នាំ ២០១៨ ធ្វើការដើម្បីបោសសម្អាតមីន និងគ្រាប់មិនទាន់ផ្ទុះពីតំបន់ដែលរងផលប៉ះពាល់ដោយជម្លោះ នៅទូទាំងប្រទេសយេម៉ែន។តំបន់ធំៗនៃប្រទេសយេម៉ែន គឺពោរពេញដោយមីន និងយុទ្ធភណ្ឌមិនទាន់ផ្ទុះ ក្នុងអំឡុងសង្គ្រាមស៊ីវិលដែលបានផ្ទុះឡើង នៅចុងឆ្នាំ ២០១៤ បន្ទាប់ពីក្រុមសកម្មប្រយុទ្ធហ៊ួទីបានដណ្តើមយករដ្ឋធានី Sanaa។ រដ្ឋាភិបាលយេម៉ែនចោទប្រកាន់ក្រុមហ៊ូទីថា បានដាក់មីនជាង ២ លានគ្រាប់ ចាប់តាំងពីជម្លោះបានចាប់ផ្តើម ដែលខ្លួននិយាយថា បង្កការគំរាមកំហែងយ៉ាងធ្ងន់ធ្ងរដល់ជនស៊ីវិល ទោះបីជាមានការបញ្ចប់អរិភាពក៏ដោយ៕

ប្រធានាធិបតី៖ កងទ័ពជើងទឹកបារាំងស្ទាក់ចាប់នាវាដឹកប្រេងជាប់ទណ្ឌកម្មដែលមានទំនាក់ទំនងជាមួយរុស្ស៊ី

2026/06/01 06:54:57 pm        48
Facebook Telegram Linkin
ប្រធានាធិបតីបារាំង លោក Emmanuel Macron បាននិយាយនៅ​ថ្ងៃចន្ទ (ទី១ ខែមិថុនា ឆ្នាំ២០២៦) នេះ​ថា កងទ័ពជើងទឹកបារាំងបានស្ទាក់ចាប់នាវាដឹកប្រេង ១គ្រឿងស្ថិត​ក្រោមទណ្ឌកម្មអន្តរជាតិដែលធ្វើដំណើរចេញ​ពីប្រទេសរុស្ស៊ី ដោយពណ៌នាអំពីប្រតិបត្តិការនេះថា ជាផ្នែកមួយនៃកិច្ចប្រឹងប្រែង ដើម្បីអនុវត្តទណ្ឌកម្ម និងគោរពច្បាប់សមុទ្រ។លោក Macron បានឲ្យ​ដឹង​នៅលើបណ្ដាញ​សង្គម X ថា នាវាដឹកប្រេងដែលត្រូវបានផ្ដល់​អត្តសញ្ញាណ​ឈ្មោះ Tagor ត្រូវបានកងកម្លាំងកងទ័ពជើងទឹកបារាំងឡើងទៅ​លើ នៅមហាសមុទ្រអាត្លង់ទិក។ លោកបានបញ្ជាក់​ថា «កងទ័ពជើងទឹកបារាំងបានស្ទាក់ចាប់នាវាដឹកប្រេងថ្មី ១គ្រឿងស្ថិត​ក្រោមទណ្ឌកម្មអន្តរជាតិដែលមកពីប្រទេសរុស្ស៊ី គឺ Tagor កាលពីព្រឹកម្សិលមិញ»។ លោកបានបន្ថែមថា ប្រតិបត្តិការនេះត្រូវបានធ្វើឡើងនៅដែន​សមុទ្រ​អន្តរជាតិ​ ដោយមានការគាំទ្រពីដៃគូជាច្រើន ក្នុង​នោះ​រួមមាន​ទាំងចក្រភពអង់គ្លេសផង​ដែរ​ ហើយត្រូវបានអនុវត្ត «ដោយអនុលោមតាមច្បាប់សមុទ្រយ៉ាងតឹងរ៉ឹង»។ ប្រធានាធិបតីបារាំងរូប​នេះ​បានលើកឡើង​ទៀត​ថា ទីក្រុងប៉ារីសនៅតែប្តេជ្ញាចិត្តយ៉ាងពេញទំហឹង ក្នុងការអនុវត្តទណ្ឌកម្មអន្តរជាតិ។លោកបានសង្កត់ធ្ងន់ថា «វាមិនអាចទទួលយកបានទេដែលនាវាគេចពី​ទណ្ឌកម្មអន្តរជាតិ រំលោភច្បាប់សមុទ្រ និងផ្តល់ហិរញ្ញប្បទានដល់សង្គ្រាមដែលរុស្ស៊ីបានធ្វើលើ​អ៊ុយក្រែនអស់រយៈពេលជាង ៤ឆ្នាំមកហើយ​»។ លោកបានព្រមានបន្ថែមទៀតថា នាវាដែលធ្វើប្រតិបត្តិការនៅខាងក្រៅច្បាប់សមុទ្រដែលត្រូវ​បានបង្កើតឡើង បង្កហានិភ័យកាន់តែទូលំទូលាយ៕

បណ្ដាញសង្គម

ព័ត៌មានថ្មីៗ

ទីភ្នាក់ងារទេសចរណ៍ចិនចាប់​ផ្ដើម​ដំណើរកម្សាន្តជាក្រុមទៅ​ជប៉ុនឡើងវិញ តែ​ខ្លះបញ្ឈប់ការលក់ក្រោយ​មក​
06/19/2026 08:06 PM
Facebook Telegram Linkin
លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យ​មាន «បទឈប់បាញ់គ្រប់ជ្រុងជ្រោយ​»
06/19/2026 08:06 PM
Facebook Telegram Linkin
ការបំផ្ទុះគ្រាប់បែក ២ផ្សេងគ្នា បណ្តាលឲ្យ​នគរបាល​រងរបួស ក្នុងខេត្ត Yala និង​ Pattani របស់​​ថៃ
06/19/2026 08:06 PM
Facebook Telegram Linkin
ទីភ្នាក់ងារតាមដាន៖ ការឆ្លងកាត់របស់​នាវា នៅ​ចក្រសមុទ្រ​ Hormuz កើនឡើង ក្រោយ​មាន​កិច្ចព្រមព្រៀង
06/19/2026 07:06 PM
Facebook Telegram Linkin
ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់
06/19/2026 07:06 PM
Facebook Telegram Linkin
រញ្ជួយដីកម្រិត ៦,៣រ៉ិចទ័រ កើត​មាន​នៅ​តំបន់ចុងបូព៌ារបស់រុស្ស៊ី ស្រប​ពេលមានការរញ្ជួយបន្តបន្ទាប់
06/19/2026 07:06 PM
Facebook Telegram Linkin
បុរស ២នាក់ ត្រូវបានកាត់ទោសឲ្យជាប់ពន្ធនាគារនៅអង់គ្លេស សម្រាប់ការធ្វើចារកម្មឲ្យចិន
06/19/2026 07:06 PM
Facebook Telegram Linkin
អង្គការ WMO ៖ មនុស្សជាង ៣ពាន់នាក់ បានស្លាប់ដោយសារអាកាសធាតុអាក្រក់នៅទ្វីបអាហ្វ្រិក
06/19/2026 07:06 PM
Facebook Telegram Linkin
អាកាសធាតុក្តៅវាយប្រហារតំបន់ជាច្រើននៅប្រទេសអាល្លឺម៉ង់ ពេលដែលសីតុណ្ហភាពនឹងកើនឡើងដល់ ៣៨អង្សាសេ
06/19/2026 07:06 PM
Facebook Telegram Linkin
ស្រ្តីជាម្តាយរស់នៅក្នុងទីក្រុង Dubai ស្វាគមន៍បំរាមព័ត៌មានសង្គមសម្រាប់ក្មេងក្រោមអាយុ ១៥ឆ្នាំ របស់អារ៉ាប់រួម
06/19/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.