BTV NEWS

ទឹកជំនន់ដ៏គំហក់បានបំផ្លិចបំផ្លាញផ្ទះសម្បែងប្រជាពលរដ្ឋជាច្រើនខ្នងនៅភាគខាងជើងអេស្ប៉ាញ

វិចិត្រករឥណ្ឌាឧទ្ទិសចម្លាក់ដីខ្សាច់ដល់កិច្ចព្រមព្រៀងសន្តិភាពរវាងអាមេរិកនិងអ៊ីរ៉ង់

រដ្ឋមន្រ្តីអង់គ្លេសជំរុញឲ្យអ៊ីស្រាអែលដកទ័ពចេញពីតំបន់ភាគខាងត្បូងលីបង់ដើម្បីឲ្យពលរដ្ឋវិលត្រឡប់ទៅផ្ទះវិញ

អនុប្រធានាធិបតីអាមេរិកនិយាយថា ទីក្រុងវ៉ាស៊ីនតោនចង់ឲ្យលីបង់រក្សាសន្តិសុខនៅតំបន់ភាគាងត្បូងប្រទេស

ព័ត៌មានអន្តរជាតិ

ព្យុះត្រូពិកដ៏ខ្លាំងក្លានៅប្រទេសជប៉ុន បានលុបចោលជើងហោះហើរ និងនាវាចម្លង

ជើងហោះហើរ និងនាវាចម្លងនៅក្នុងខេត្ត Okinawa របស់ប្រទេសជប៉ុន ត្រូវបានលុបចោល ខណៈព្យុះត្រូពិកដ៏ខ្លាំងក្លាមួយកំពុងខិតជិតទៅដល់នៅថ្ងៃចន្ទ ទី១ ខែមិថុនានេះ។ ដោយដាក់ឈ្មោះថាព្យុះ Jangmi ព្យុះនេះត្រូវបានគេរំពឹងថានឹងនាំមកនូវភ្លៀងធ្លាក់និងខ្យល់បក់ខ្លាំង ទៅកាន់ភាគនិរតីប្រទេសជប៉ុន ដោយទីភ្នាក់ងារឧតុនិយមជប៉ុនព្យាករថា នឹងមានសន្ទុះខ្យល់បក់ខ្លាំងរហូតដល់១៦០គីឡូម៉ែត្រក្នុងមួយម៉ោង។អាជ្ញាធរអាកាសយានដ្ឋានបាននិយាយថា អាកាសយានដ្ឋាន Naha ដែលជាច្រកទ្វារអន្តរជាតិ និងក្នុងស្រុកដ៏សំខាន់របស់ខេត្ត Okinawa នឹងនៅតែបិទ នៅថ្ងៃចន្ទនេះ។ព្យុះដែលកំពុងខិតកាន់តែជិតនេះ ក៏បានបង្ខំឱ្យមានការលុបចោលការដឹកជញ្ជូនអ្នកដំណើររបស់នាវាចម្លង និងកាត់ផ្តាច់ចរន្តអគ្គិសនីដល់គ្រួសារជាង៧.០០០គ្រួសារ នេះបើយោងតាមការចុះផ្សាយរបស់ប្រព័ន្ធផ្សព្វផ្សាយជាតិ ជប៉ុន NHK។

នាយករដ្ឋមន្ត្រីឥណ្ឌា ទទួលស្វាគមន៍មេដឹកនាំមីយ៉ាន់ម៉ាដែលជាប់ទណ្ឌកម្ម ដើម្បីសាងទំនាក់ទំនង

នាយករដ្ឋមន្ត្រីឥណ្ឌា លោក Narendra Modi កំពុងស្វាគមន៍ដំណើរទស្សនកិច្ចបរទេសលើកដំបូងរបស់មេដឹកនាំមីយ៉ាន់ម៉ា គឺលោក មីន អ៊ុង ឡាំង (Min Aung Hlaing) ចាប់តាំងពីអតីតមេដឹកនាំយោធារូបនេះ បានក្លាយជាប្រធានាធិបតី បន្ទាប់ពីមាននូវការបោះឆ្នោតដែលត្រូវបានរិះគន់យ៉ាងទូលំទូលាយ។លោក មីន អ៊ុង ឡាំង ដែលសហរដ្ឋអាមេរិក និងប្រទេសលោកខាងលិចបានដាក់ទណ្ឌកម្ម ដោយសារការដឹកនាំធ្វើរដ្ឋប្រហារក្នុងឆ្នាំ២០២១ បានទៅដល់ប្រទេសឥណ្ឌា កាលពីថ្ងៃទី៣០ ខែឧសភា ហើយគ្រោងនឹងជួបលោក Modi នៅទីក្រុងញូវដេលី នាថ្ងៃចន្ទ ទី១ ខែមិថុនា ឆ្នាំ២០២៦ នេះ។ នេះបើយោងតាមក្រសួងការបរទេសឥណ្ឌា។លោក Modi ក្លាយជាមេដឹកនាំបរទេសដំបូងគេដែលបានជួបលោក មីន អ៊ុង ឡាំង ក្នុងនាមជាប្រធានាធិបតី ទោះបីជារដ្ឋមន្ត្រីការបរទេសចិន លោក Wang Yi បានទៅទស្សនកិច្ច នៅសហភាពមីយ៉ាន់ម៉ា កាលពីខែមេសាក៏ដោយ។ក្រសួងបានឲ្យដឹងនៅក្នុងសេចក្តីថ្លែងការណ៍មួយថា មេដឹកនាំទាំង ២ នឹងធ្វើកិច្ចពិភាក្សា «ស្តីពីការពង្រឹងបន្ថែមទៀតនូវទំនាក់ទំនងប្រវត្តិសាស្ត្រ និងអរិយធម៌រវាងប្រទេសទាំង២»។គួរបញ្ជាក់ថា សហភាពមីយ៉ាន់ម៉ាត្រូវបានស្ថិតក្នុងសភាពឯកោអស់រយៈពេលប្រហែល ៥ឆ្នាំមកហើយ ចាប់តាំងពីយោធាបានផ្តួលរំលំរដ្ឋាភិបាលស៊ីវិលជាប់ឆ្នោតរបស់លោកស្រី អ៊ុងសាន ស៊ូជី ក្នុងខែកុម្ភៈ ឆ្នាំ២០២១ ដោយមេដឹកនាំរដ្ឋប្រហារ លោក មីន អ៊ុងឡាំង ត្រូវបានហាមឃាត់មិនឲ្យចូលរួមក្នុងកិច្ចប្រជុំកំពូលនានា ក្នុងតំបន់៕

លោក Zelenskyy ព្រមានពីកង្វះខាតប្រព័ន្ធប្រឆាំងមីស៊ីល ខណៈអាមេរិកបង្វែរការផ្តោតទៅមជ្ឈិមបូព៌ា

ប្រធានាធិបតីអ៊ុយក្រែន លោក Volodymyr Zelenskyy បានព្រមានអំពីកង្វះខាតប្រព័ន្ធប្រឆាំងមីស៊ីលកាន់តែខ្លាំងឡើងៗ ដោយបញ្ជាក់ថា ការផ្តោតរបស់សហរដ្ឋអាមេរិក លើជម្លោះអ៊ីរ៉ង់ បានរួមចំណែកដល់ការខ្វះខាតការផ្គត់ផ្គង់នេះ ដែលធ្វើឲ្យអ៊ុយក្រែនកាន់តែងាយរងគ្រោះ ដោយសារការវាយប្រហារដោយមីស៊ីលបាលីស្ទិករបស់រុស្ស៊ី។ក្នុងបទសម្ភាសន៍មួយដែលត្រូវបានចាក់ផ្សាយកាលពីថ្ងៃអាទិត្យ (ទី៣១ ខែឧសភា ឆ្នាំ២០២៦) លោក Zelenskyy បានប្រាប់ប្រព័ន្ធផ្សព្វផ្សាយ CBS News ថា៖ «យើងមិនឃើញមានការផលិតមីស៊ីលគ្រប់គ្រាន់ នៅសហរដ្ឋអាមេរិកទេ។ យើងខ្វះខាតប្រព័ន្ធប្រឆាំងមីស៊ីលបាលីស្ទិក។ នេះជាបញ្ហាធំមួយ»។លោកបាននិយាយថា កង្វះខាតការផលិតមីស៊ីលរបស់សហរដ្ឋអាមេរិក អាចក្លាយជាវិបត្តិសកល ដែលមិនមែនតែនៅអ៊ុយក្រែនប៉ុណ្ណោះទេ តែតំបន់មជ្ឈិមបូព៌ាផ្ទាល់ផងដែរ។ ជាមួយគ្នានេះ លោកបានបន្ថែមថា លោកបានផ្ញើលិខិតទៅកាន់សេតវិមាន និងសភាសហរដ្ឋអាមេរិក ហើយលោកសង្ឃឹមថា ពួកគេនឹងយល់ ហើយនឹងឆ្លើយតប។ជាងនេះទៀត លោក Zelenskyy ក៏បានសង្កត់ធ្ងន់ផងដែរថា ការបង្វែរការយកចិត្តទុកដាក់ផ្នែកការទូតរបស់ទីក្រុងវ៉ាស៊ីនតោនទៅតំបន់មជ្ឈិមបូព៌ា បានបណ្តាលឲ្យមានការផ្អាកការចរចា ទាក់ទងនឹងអ៊ុយក្រែន ខណៈដែលមន្ត្រីអាមេរិក បានផ្តល់អាទិភាពដល់សង្គ្រាមអ៊ីរ៉ង់៕

ការអបអរសាទរជើងឯកអឺរ៉ុបរបស់ក្រុម PSG នៅបារាំង ផ្ទុះហិង្សា ខណៈមនុស្សរាប់រយនាក់ត្រូវចាប់ខ្លួន ហើយម្នាក់ស្លាប់

ប្រទេសបារាំង បានកើតមានអំពើហិង្សា បន្ទាប់ពីមានជ័យជម្នះដ៏អស្ចារ្យរបស់ក្រុម Paris Saint-Germain (PSG) ក្នុងក្របខ័ណ្ឌ Champions League របស់តំបន់អឺរ៉ុប ដោយបានយកឈ្នះក្រុម Arsenal របស់អង់គ្លេស ខណៈមនុស្សរាប់រយនាក់ត្រូវបានចាប់ខ្លួន ជាង ២០០នាក់រងរបួស ហើយមនុស្សម្នាក់បានបាត់បង់ជីវិត នៅពេលដែលពិធីអបអរសាទរ បានប្រែទៅជាមានភាពច្របូកច្របល់ទូទាំងប្រទេស។អាជ្ញាធរបានប្រាប់ឲ្យដឹងថា មនុស្ស ៧៨០នាក់ត្រូវបានចាប់ខ្លួនទូទាំងប្រទេស បន្ទាប់ពីក្រុម PSG ទទួលបានជ័យជម្នះ នៅក្នុងវគ្គទាត់បាល់ប៉េណាល់ទីកាត់សេចក្ដី អំឡុងការប្រកួត នៅទីក្រុង Budapest របស់ប្រទេសហុងគ្រី កាលពីយប់ថ្ងៃសៅរ៍ចុងសប្ដាហ៍កន្លងមក ខណៈមនុស្ស ២១៩នាក់ បានរងរបួស ក្នុងនោះមាន ៨នាក់ស្ថិតក្នុងស្ថានភាពធ្ងន់ធ្ងរ។ជាមួយគ្នានេះ រដ្ឋមន្ត្រីក្រសួងមហាផ្ទៃបារាំង លោក Laurent Nuñez បានឲ្យដឹងថា មន្ត្រីនគរបាល និងបុគ្គលិកសន្តិសុខចំនួន ៥៧នាក់ក៏បានរងរបួសផងដែរ ក្នុងអំឡុងពេលមានភាពចលាចល ដែលបានឃើញកុបករដុតរថយន្ត លួចទំនិញក្នុងហាង ប៉ះទង្គិចជាមួយនគរបាល និងព្យាយាមបិទផ្លូវសំខាន់ៗ នៅទីក្រុងប៉ារីស។គួរបញ្ជាក់ថា ទិដ្ឋភាពដ៏អាក្រក់ទាំងនេះ បានគ្របដណ្ដប់លើអ្វីដែលគួរតែជាយប់ប្រវត្តិសាស្ត្រ សម្រាប់ក្រុម PSG ដែលបានឈ្នះជើងឯក Champions League ជាលើកទី២ ជាប់ៗគ្នា បន្ទាប់ពីបានស៊ុតបញ្ចូលទីតាមស្មើគ្រាប់បាល់នាំមុខរបស់ក្រុម Arsenal មុនពេលទទួលបានជ័យជម្នះ ក្នុងវគ្គប៉េណាល់ទីកាត់សេចក្ដីដ៏តានតឹង៕

ប្រធានាធិបតីអ៊ុយក្រែន ស្វែងរកវឌ្ឍនភាព មុនរដូវរងា ខណៈការចរចាឆ្ពោះទៅរកសន្តិភាពជាប់គាំង

ក្នុងបទសម្ភាសន៍មួយដែលត្រូវបានចាក់ផ្សាយកាលពីថ្ងៃអាទិត្យ (ទី៣១ ខែឧសភា ឆ្នាំ២០២៦) ប្រធានាធិបតីអ៊ុយក្រែន លោក Volodymyr Zelenskyy បាននិយាយថា លោកចង់បន្តការចរចា ស្តីពីការធានាសន្តិភាព ជាមួយរុស្ស៊ី មុនរដូវរងាមកដល់ ដើម្បីគិតគូរពីជំហរយុទ្ធសាស្ត្រប្រសើរឡើងរបស់ទីក្រុងគីវ។ការចរចាដែលសម្របសម្រួលដោយសហរដ្ឋអាមេរិក ស្តីពីការឆ្ពោះទៅរកកិច្ចព្រមព្រៀងសន្តិភាព បានជាប់គាំង ខណៈដែលទីក្រុងវ៉ាស៊ីនតោន បានផ្តោតលើជម្លោះ នៅក្នុងប្រទេសអ៊ីរ៉ង់។លោក Zelensky និងមន្ត្រីអ៊ុយក្រែនផ្សេងទៀត បានលើកឡើងថា ការរុលទៅមុខរបស់កងកម្លាំងរុស្ស៊ី បានថយចុះនៅលើដី ខណៈដែលអ៊ុយក្រែនបានបង្កើនយុទ្ធនាការវាយប្រហារចម្ងាយមធ្យម និងចម្ងាយឆ្ងាយ នៅក្នុងប្រទេសរុស្ស៊ី ដោយផ្តោតជាសំខាន់ទៅលើឧស្សាហកម្មប្រេងរបស់រុស្ស៊ី។លោក Zelensky បានប្រាប់កម្មវិធី Face The Nation របស់ទូរទស្សន៍ CBS ថា៖ «វាបានចាប់ផ្តើមនៅក្នុងខែធ្នូ ឆ្នាំ២០២៥។ រុស្ស៊ីបានចាប់ផ្តើមបាត់ការមានប្រៀប នៅសមរភូមិ»។ អមដោយការបន្ថែមថា វាអាស្រ័យលើសម្ពាធលើប្រធានាធិបតីរុស្ស៊ី លោក Vladimir Putin នោះ លោក Zelensky បានបញ្ជាក់ថា៖ «ដូច្នេះឥឡូវនេះ យើងមានពេលវេលានេះ មុនរដូវរងា។ មុនរដូវរងា យើងត្រូវរកមធ្យោបាយ ពោលគឺមធ្យោបាយការទូត ដើម្បីអង្គុយចរចាគ្នា។ សម្ពាធនៅក្នុងសង្គមរបស់គាត់ (លោក Putin) កំពុងកើនឡើង ហើយខ្ញុំគិតថា សម្ពាធដោយសារទណ្ឌកម្ម មិនត្រូវលុបចោលនោះទេ តែត្រូវបង្កើនថែមទៀត»។ជាមួយគ្នានេះ លោក Zelenskyy បានឲ្យដឹងទៀតថា ក៏មានផងដែរនូវលទ្ធភាពនៃការចរចាដែលរៀបចំឡើងដោយមានជំនួយពីអឺរ៉ុប ឬការចរចាទ្វេភាគីជាមួយរុស្ស៊ី ប៉ុន្តែក្នុងពេលជាមួយគ្នា លោកបាននិយាយម្តងទៀត អំពីការអំពាវនាវរបស់លោកឲ្យដាក់ទណ្ឌកម្មកាន់តែតឹងរ៉ឹង លើរុស្ស៊ី៕

ក្រុមអ្នកជួយសង្គ្រោះកំពុងប្រញាប់ប្រញាល់ជួយសង្គ្រោះមនុស្ស ២នាក់ ដែលជាប់ក្នុងរូងភ្នំ នៅប្រទេសឡាវ

ភ្លៀងធ្លាក់ខ្លាំងបានគំរាមកំហែងដល់ការពន្យារពេលការស្វែងរកមនុស្ស ពីរនាក់ ដែលនៅតែបាត់ខ្លួន នៅក្នុងរូងភ្នំលិចទឹកមួយ ក្នុងប្រទេសឡាវ បន្ទាប់ពីមនុស្ស ៥នាក់ ផ្សេងទៀត ត្រូវបានជួយសង្គ្រោះ បន្ទាប់ពីជាប់នៅក្រោមដីអស់រយៈពេលជាងមួយសប្តាហ៍។អ្នកមុជទឹកជនជាតិហ្វាំងឡង់ Mikko Paasi ជាអ្នកជួយសង្គ្រោះអន្តរជាតិដំបូងគេម្នាក់ ដែលបានមកដល់កន្លែងនោះ បានប្រាប់ទីភ្នាក់ងារសារព័ត៌មាន AP ថា ភ្លៀងធ្លាក់កាលពីថ្ងៃអាទិត្យ បានធ្វើឲ្យទឹកហូរចូលក្នុងរូងភ្នំពេញ ដែលរារាំងអ្នកមុជទឹកមិនឲ្យចូលបាន រហូតដល់ម៉ាស៊ីនបូមទឹកឲ្យស្រកសិន។អ្នកមុជទឹកម្នាក់ទៀត គឺលោក Yoshitaka Isaji មកពីប្រទេសជប៉ុន បាននិយាយថា ម៉ាស៊ីនបូមទឹកក៏បានខូចផងដែរ ដែលធ្វើឲ្យស្ថានភាពកាន់តែលំបាកឡើង។ក្រុមជួយសង្គ្រោះមកពីប្រទេសឡាវ និងប្រទេសថៃជិតខាង បានធ្វើការរួមគ្នា ក្នុងរយៈពេលមួយសប្តាហ៍កន្លងមកនេះ ដើម្បីជួយសង្គ្រោះអ្នកភូមិដែលជាប់នៅទីនោះ រួមជាមួយអ្នកមុជទឹកមកពីប្រទេសនានា រួមមាន ហ្វាំងឡង់ ម៉ាឡេស៊ី ជប៉ុន ឥណ្ឌូនេស៊ី បារាំង និងអូស្ត្រាលី៕

រដ្ឋមន្ត្រី៖ កាតាត្រៀមខ្លួនចរចាអំពីការយកថ្លៃសេវាបណ្ដោះអាសន្នសម្រាប់ការឆ្លងកាត់ច្រកសមុទ្រ ហ័រមូស

ឧបនាយករដ្ឋមន្ត្រីកាតា និងជារដ្ឋមន្ត្រីក្រសួងការពារជាតិ លោក Sheikh Saoud bin Abdulrahman Al Thani បាននិយាយថា ប្រទេសនេះប្រឆាំងនឹងការកំណត់យកថ្លៃសេវាជាអចិន្ត្រៃយ៍សម្រាប់ការឆ្លងកាត់ច្រកសមុទ្រហ័រមូស ប៉ុន្តែត្រៀមខ្លួនចរចាអំពីការយកថ្លៃសេវាជាបណ្ដោះអាសន្ន។ ដោយត្រូវបានដកស្រង់សម្តីដោយគេហទំព័រព័ត៌មាន Doha News លោកបានប្រាប់វេទិកា Shangri-La Dialogue ក្នុងប្រទេសសិង្ហបុរីថា៖«ចំពោះការគិតថ្លៃចំណូលស្របច្បាប់ ខ្ញុំគិតថា ប្រទេសកាតា និងដៃគូនៅឈូងសមុទ្រ បាននិយាយយ៉ាងច្បាស់ថា ការយកថ្លៃសេវានេះ នឹងតែងតែប៉ះពាល់ដល់អ្នកប្រើប្រាស់ ដូច្នេះយើងប្រឆាំងនឹងរឿងនេះ»។ លោកបាននិយាយថា ប៉ុន្តែសម្រាប់ពេលវេលាជាក់លាក់ដែលអាជ្ញាធរអ៊ីរ៉ង់និយាយថា ពួកគេនឹងប្រើប្រាស់ការយកថ្លៃសេវានេះ សម្រាប់ការបោសសម្អាតមីន ឬការប្រើប្រាស់ថ្លៃសេវាមួយចំនួនសម្រាប់ពេលវេលាបណ្ដោះអាសន្ន នេះគឺជាអ្វីមួយដែលអាចចរចាបាន» ដោយបានន្ថែមថា ការយកថ្លៃសេវាបណ្ដោះអាសន្នអាចជាអ្វីមួយដែលនឹងជួយឲ្យការឆ្លងកាត់ច្រកសមុទ្រហ័រមូសវិលមករកភាពធម្មតាវិញ។លោកបានបន្តថា៖«ប៉ុន្តែខ្ញុំសូមបញ្ជាក់ម្តងទៀតថា នេះមិនគួរជាថ្លៃសេវាស្រប់ច្បាប់ដែលនឹងប៉ះពាល់ដល់ច្រកសមុទ្រផ្សេងទៀតដែលនឹងធ្វើតាមគំរូដូចគ្នានោះទេ ហើយនេះនឹងបង្កការលំបាកដល់យើងក្នុងការចរចាអំពីការដោះស្រាយបញ្ហាផ្លូវសមុទ្រនេះ»៕

តម្លៃប្រេងឡើងជាង ២ភាគរយ ខណៈអ៊ីស្រាអែលបង្កើនការលុកលុយក្នុងដែនដីរបស់លីបង់

តម្លៃប្រេងបានហក់ឡើងជាង ២ភាគរយ អំឡុងការជួញដូរ នៅព្រឹកថ្ងៃចន្ទ (ទី១ ខែមិថុនា ឆ្នាំ២០២៦) បន្ទាប់ពីអ៊ីស្រាអែលបានបញ្ជាឲ្យកងទ័ពចល័តបន្ថែមទៀតចូលទៅក្នុងប្រទេសលីបង់ ក្នុងសមរភូមិជាមួយក្រុមសកម្មប្រយុទ្ធហេសបូឡាដែលគាំទ្រដោយអ៊ីរ៉ង់ ទោះបីជាមានការប្រកាសបទឈប់បាញ់កាលពីខែមេសាក៏ដោយ។តម្លៃប្រេងឆៅរបស់សហរដ្ឋអាមេរិក បានកើនឡើង ២,១៧ដុល្លារ ឬ ២,៤៨ភាគរយ ដោយឡើងដល់តម្លៃ ៨៩,៥៣ដុល្លារ ក្នុងមួយបារ៉ែល គិតត្រឹមម៉ោង ១១:១២នាទីព្រឹក ម៉ោងសកល។ ចំណែកតម្លៃប្រេងឆៅម៉ាក Brent បានកើនឡើង ១,៩៣ដុល្លារ ឬ ២,១២ភាគរយ ពោលគឺឡើងដល់ ៩៣,០៥ដុល្លារ ក្នុងមួយបារ៉ែល។ការប្រយុទ្ធគ្នាកាន់តែខ្លាំងឡើង ដែលបានកើតឡើងភ្លាមៗ បន្ទាប់ពីសហរដ្ឋអាមេរិកបានធ្វើជាម្ចាស់ផ្ទះនៃកិច្ចចរចាសន្តិភាពអ៊ីស្រាអែល-លីបង់ នៅទីក្រុងវ៉ាស៊ីនតោន កាលពីថ្ងៃទី២៩ ខែឧសភា បានធ្វើឲ្យការរំពឹងទុកមានកាន់តែតិចទៅៗ ដែលថា សហរដ្ឋអាមេរិក និងអ៊ីរ៉ង់ អាចនឹងប្រកាសពីការពង្រីកកិច្ចព្រមព្រៀងបទឈប់បាញ់របស់ពួកគេ ក្នុងពេលឆាប់ៗនេះ ដែលបានជំរុញឲ្យតម្លៃប្រេងឆៅម៉ាក Brent និង WTI ឡើងថ្លៃ ១,៨ភាគរយ និង ១,៧ភាគរយ រៀងៗខ្លួន នៅថ្ងៃទី២៩ ខែឧសភានោះ។គួរបញ្ជាក់ថា ជម្លោះអ៊ីស្រាអែល-លីបង់ គឺជាការរីករាលដាលយ៉ាងទូលំទូលាយបំផុត ដោយសារសង្គ្រាមអ៊ីរ៉ង់។ សង្គ្រាមនេះបានចាប់ផ្តើមនៅថ្ងៃទី២ ខែមីនា នៅពេលដែលក្រុមហេសបូឡា បានចាប់ផ្តើមបាញ់រ៉ូកែត និងយានដ្រូនឆ្លងព្រំដែនចូលទៅអ៊ីស្រាអែល ដើម្បីគាំទ្រសម្ព័ន្ធមិត្តរបស់ខ្លួន គឺអ៊ីរ៉ង់។ ភាគីទាំង២ បានឈានដល់បទឈប់បាញ់កាលពីពាក់កណ្តាលខែមេសា ប៉ុន្តែនៅតែបន្តវាយប្រហារគ្នាទៅវិញទៅមកដដែល៕

ចក្រភពអង់គ្លេស និងអាល្លឺម៉ង់ ជំរុញឲ្យគ្រប់ភាគីនៃជម្លោះនៅលីបង់ បញ្ឈប់អរិភាព

រដ្ឋមន្ត្រីការបរទេសអាល្លឺម៉ង់ លោក Johann Wadephul បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ការវាយលុករបស់កងទ័ពអ៊ីស្រាអែលចូលទៅក្នុងភាគខាងត្បូងលីបង់ គឺជាមូលហេតុនៃការព្រួយបារម្ភយ៉ាងខ្លាំង ដោយជំរុញឲ្យគ្រប់ភាគីទាំងអស់បញ្ឈប់អរិភាព។សេចក្តីថ្លែងការណ៍នេះ បានឲ្យដឹងថា៖«ការរុលទៅមុខរបស់កងទ័ពអ៊ីស្រាអែ នៅភាគខាងត្បូងប្រទេស លីបង់បន្ថែមទៀត គឺបង្កឲ្យមានការព្រួយបារម្ភយ៉ាងខ្លាំង» ដោយបន្ថែមថា «ការកើនឡើងភាពតានតឹងបន្ថែមទៀត នឹងធ្វើឲ្យស្ថានការណ៍តានតឹងស្រាប់កាន់តែធ្ងន់ធ្ងរឡើង និងជំរុញឲ្យមានរលកថ្មីនៃការផ្លាស់ទីលំនៅ នៅក្នុងប្រទេសលីបង់»។រដ្ឋមន្ត្រីការបរទេសអង់គ្លេស លោកស្រី Yvette Cooper បាននិយាយកាលពីថ្ងៃអាទិត្យថា ការកើនឡើងសកម្មភាពរបស់យោធាអ៊ីស្រាអែល នៅក្នុងប្រទេសលីបង់ បាននាំឲ្យជនស៊ីវិលត្រូវបានសម្លាប់ និងផ្លាស់ទីលំនៅ បំផ្លាញហេដ្ឋារចនាសម្ព័ន្ធ និងធ្វើឲ្យបាត់បង់កន្លែងសម្រាប់ការទូត ហើយទង្វើទាំងនេះ ត្រូវតែ បញ្ចប់ជាបន្ទាន់។លោកស្រី Cooper បាននិយាយនៅក្នុងសារមួយនៅលើប្រព័ន្ធផ្សព្វផ្សាយសង្គម X ថា៖«គ្រប់ភាគីទាំងអស់ ត្រូវតែគោរពបទឈប់បាញ់ និងចូលរួមជាមួយការចរចាដោយស្មោះត្រង់» ដោយបន្ថែមថា ក្រុមហេសបូឡា ក៏ត្រូវតែបញ្ចប់ការវាយប្រហាររបស់ខ្លួនលើអ៊ីស្រាអែលផងដែរ៕

ក្រសួងសុខាភិបាល៖ ចំនួនអ្នកស្លាប់ពីការវាយប្រហាររបស់អ៊ីស្រាអែលលើលីបង់កើនឡើងជាង ៣.៤០០នាក់

ក្រសួងសុខាភិបាលរបស់ប្រទេសនេះបាននិយាយថា យ៉ាងហោចណាស់មនុស្ស ៤១នាក់ បានស្លាប់ និង ១៤០ នាក់ ផ្សេងទៀត បានរងរបួស បន្ទាប់ពីការវាយប្រហារតាមអាកាសរបស់អ៊ីស្រាអែលលើភាគខាងត្បូងប្រទេសលីបង់កាលពីថ្ងៃសៅរ៍ ទោះបីជាមានបទឈប់បាញ់ដែលបានចូលជាធរមាន ចាប់តាំងពីថ្ងៃទី ១៧ ខែមេសាក៏ដោយ។ ក្រសួងបាននិយាយនៅក្នុងសេចក្តីថ្លែងការណ៍មួយដែលបានបង្ហោះនៅលើទំព័រ X របស់ខ្លួនថា៖«ចំនួនអ្នកស្លាប់សរុប ចាប់តាំងពីការផ្ទុះឡើងនៃភាពតានតឹងប្រដាប់អាវុធ នៅថ្ងៃទី ០២ ខែមីនា បានកើនឡើងដល់ ៣.៤១២ នាក់ ដោយមានមនុស្ស ១០.២៦៩ នាក់ រងរបួស»។ យោងតាមក្រសួង នៅពេលដែលការវាយប្រហារតាមអាកាសរបស់អ៊ីស្រាអែល នៅតែបន្ត ចំនួនអ្នកស្លាប់ និងរបួស អាចនឹងកើនឡើងបន្ថែមទៀត៕

បណ្ដាញសង្គម

ព័ត៌មានថ្មីៗ

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

រលកកម្តៅវាយប្រហារតំបន់ជាច្រើនរបស់ប្រទេសបារាំង រួមទាំងទីក្រុងប៉ារីសផងដែរ

រមណីយដ្ឋាន Burgenstock របស់ស្វីស ត្រៀមខ្លួនធ្វើជាម្ចាស់ផ្ទះកិច្ចប្រជុំសន្តិភាពអាមេរិក-អ៊ីរ៉ង់

បារាំងជំរុញឲ្យអ៊ីស្រាអែលគោរពបទឈប់បាញ់ នៅលីបង់ និងអំពាវនាវឲ្យអាមេរិកអនុវត្ត «សម្ពាធចាំបាច់»

លោកនាយករដ្ឋមន្រ្តី Rumen Radev ៖ ប៊ុលហ្គារីនឹងវេតូកញ្ចប់ទណ្ឌកម្មថ្មីរបស់ EU លើរុស្ស៊ី

ក្រុមហ៊ុន Amazon ចង្អុលបង្ហាញពីជំហានអភិរក្សទឹកនៅក្នុងប្រទេសឥណ្ឌា ចំពេលមានការត្រួតពិនិត្យយ៉ាងម៉ត់ចត់លើមជ្ឈមណ្ឌលទិន្នន័យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

ព្យុះត្រូពិកដ៏ខ្លាំងក្លានៅប្រទេសជប៉ុន បានលុបចោលជើងហោះហើរ និងនាវាចម្លង

នាយករដ្ឋមន្ត្រីឥណ្ឌា ទទួលស្វាគមន៍មេដឹកនាំមីយ៉ាន់ម៉ាដែលជាប់ទណ្ឌកម្ម ដើម្បីសាងទំនាក់ទំនង

លោក Zelenskyy ព្រមានពីកង្វះខាតប្រព័ន្ធប្រឆាំងមីស៊ីល ខណៈអាមេរិកបង្វែរការផ្តោតទៅមជ្ឈិមបូព៌ា

ប្រធានាធិបតីអ៊ុយក្រែន ស្វែងរកវឌ្ឍនភាព មុនរដូវរងា ខណៈការចរចាឆ្ពោះទៅរកសន្តិភាពជាប់គាំង

ក្រុមអ្នកជួយសង្គ្រោះកំពុងប្រញាប់ប្រញាល់ជួយសង្គ្រោះមនុស្ស ២នាក់ ដែលជាប់ក្នុងរូងភ្នំ នៅប្រទេសឡាវ

រដ្ឋមន្ត្រី៖ កាតាត្រៀមខ្លួនចរចាអំពីការយកថ្លៃសេវាបណ្ដោះអាសន្នសម្រាប់ការឆ្លងកាត់ច្រកសមុទ្រ ហ័រមូស

តម្លៃប្រេងឡើងជាង ២ភាគរយ ខណៈអ៊ីស្រាអែលបង្កើនការលុកលុយក្នុងដែនដីរបស់លីបង់

ចក្រភពអង់គ្លេស និងអាល្លឺម៉ង់ ជំរុញឲ្យគ្រប់ភាគីនៃជម្លោះនៅលីបង់ បញ្ឈប់អរិភាព

ក្រសួងសុខាភិបាល៖ ចំនួនអ្នកស្លាប់ពីការវាយប្រហាររបស់អ៊ីស្រាអែលលើលីបង់កើនឡើងជាង ៣.៤០០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

ព្យុះត្រូពិកដ៏ខ្លាំងក្លានៅប្រទេសជប៉ុន បានលុបចោលជើងហោះហើរ និងនាវាចម្លង

នាយករដ្ឋមន្ត្រីឥណ្ឌា ទទួលស្វាគមន៍មេដឹកនាំមីយ៉ាន់ម៉ាដែល​ជាប់​​ទណ្ឌកម្ម ដើម្បី​សាងទំនាក់ទំនង

លោក Zelenskyy ព្រមានពីកង្វះ​ខាតប្រព័ន្ធប្រឆាំងមីស៊ីល ខណៈអាមេរិកបង្វែរ​ការផ្តោតទៅមជ្ឈិមបូព៌ា

ប្រធានាធិបតីអ៊ុយក្រែន ស្វែងរកវឌ្ឍនភាព មុនរដូវរងា ខណៈ​ការចរចាឆ្ពោះ​ទៅរកសន្តិភាព​ជាប់គាំង​

ក្រុមអ្នកជួយសង្គ្រោះកំពុងប្រញាប់ប្រញាល់ជួយសង្គ្រោះមនុស្ស ២នាក់ ដែលជាប់ក្នុងរូងភ្នំ នៅប្រទេសឡាវ

រដ្ឋមន្ត្រី៖ កាតាត្រៀមខ្លួនចរចាអំពីការយកថ្លៃសេវាបណ្ដោះអាសន្នសម្រាប់ការឆ្លងកាត់ច្រកសមុទ្រ ហ័រមូស

តម្លៃប្រេងឡើង​ជាង ២ភាគរយ​ ខណៈអ៊ីស្រាអែលបង្កើនការលុក​លុយ​ក្នុង​ដែន​ដី​របស់​លីបង់

ចក្រភពអង់គ្លេស និងអាល្លឺម៉ង់ ជំរុញឲ្យគ្រប់ភាគីនៃជម្លោះនៅលីបង់ បញ្ឈប់អរិភាព

ក្រសួងសុខាភិបាល៖ ចំនួនអ្នកស្លាប់ពីការវាយប្រហាររបស់អ៊ីស្រាអែលលើលីបង់កើនឡើងជាង ៣.៤០០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយករដ្ឋមន្ត្រីឥណ្ឌា ទទួលស្វាគមន៍មេដឹកនាំមីយ៉ាន់ម៉ាដែលជាប់ទណ្ឌកម្ម ដើម្បីសាងទំនាក់ទំនង

លោក Zelenskyy ព្រមានពីកង្វះខាតប្រព័ន្ធប្រឆាំងមីស៊ីល ខណៈអាមេរិកបង្វែរការផ្តោតទៅមជ្ឈិមបូព៌ា

ប្រធានាធិបតីអ៊ុយក្រែន ស្វែងរកវឌ្ឍនភាព មុនរដូវរងា ខណៈការចរចាឆ្ពោះទៅរកសន្តិភាពជាប់គាំង

តម្លៃប្រេងឡើងជាង ២ភាគរយ ខណៈអ៊ីស្រាអែលបង្កើនការលុកលុយក្នុងដែនដីរបស់លីបង់