BTV NEWS

BBC៖ រុស្ស៊ី បានបាត់បង់កងទ័ពជាង ២២០.០០០នាក់ក្នុងអំឡុងពេលវាយលុកនៅអ៊ុយក្រែន

អារ៉ាប់រួម នឹងបញ្ចេញមូលនិធិអ៊ីរ៉ង់ដែលត្រូវបានបង្កក ក្នុងពេលមានការជំរុញបទឈប់បាញ់របស់អាមេរិក

បទឈប់បាញ់នៅលីបង់ ជាការសាកល្បងវាយតម្លៃសម្រាប់កិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់

មន្ត្រីជាន់ខ្ពស់អ៊ីរ៉ង់អះអាងថា ទ្រព្យសកម្ម ២៤ ពាន់លានដុល្លារដែលត្រូវបានបង្កក នឹងត្រូវបានបញ្ចេញ

ព័ត៌មានអន្តរជាតិ

អ៊ីស្រាអែលបន្តវាយប្រហារលើលីបង់ឆក់យកជីវិតមនុស្ស២០នាក់ទៀតដោយមិនខ្វល់ពីបទឈប់បាញ់

យោងតាមក្រសួងសុខាភិបាលនិងសារព័ត៌មានរដ្ឋ របស់ប្រទេសលីបង់ បានឲ្យដឹងថា កងកម្លាំងអ៊ីស្រាអែល បានបើកការវាយប្រហារតាមអាកាសជាបន្តបន្ទាប់ថ្មីក្នុងប្រទេសលីបង់ដោយបានសម្លាប់មនុស្សយ៉ាងហោចណាស់២០នាក់ និងរាប់សិបនាក់រងរបួស ដោយមិនខ្វល់ពីបទឈប់បាញ់។ ទីភ្នាក់ងារសារព័ត៌មានជាតិលីបង់ បានរាយការណ៍ថា ការវាយឆ្មក់តាមអាកាសរបស់អ៊ីស្រាអែល លើតំបន់ Al-Baqbouq ភាគខាងជើងទីក្រុង Tyre បានសម្លាប់មនុស្ស៥នាក់ និង២នាក់រងរបួស កាលពីថ្ងៃសៅរ៍ ។ ក្រុមអ្នកជួយសង្គ្រោះ បានរកឃើញសាកសព៤នាក់ ប៉ុន្តែសាកសពរបស់ស្ត្រីម្នាក់នៅតែជាប់ក្រោមគំនរកម្ទេចថ្ម ខណៈការវាយប្រហារឥតឈប់របស់អ៊ីស្រាអែលបានរំខានដល់ការងាររបស់ក្រុមជួយសង្គ្រោះបន្ទាន់។មនុស្សយ៉ាងហោចណាស់៩នាក់ បានស្លាប់ និង៦នាក់ផ្សេងទៀតរងរបួសក្នុងការវាយប្រហារតាមអាកាសដាច់ដោយឡែកផ្សេងទៀតរបស់អ៊ីស្រាអែល ដាក់គោលដៅលើអគារលំនៅឋានពលរដ្ឋក្នុងទីប្រជុំជន Seir al-Gharbiya ក្នុងស្រុក Nabatieh។ ចំនួនអ្នកស្លាប់ត្រូវគេរំពឹងថានឹងកើនឡើងថែមទៀត ខណៈការស្វែងរកនិងជួយសង្គ្រោះនៅតែបន្ត ។ទីភ្នាក់ងារសារព័ត៌មានរដ្ឋលីបង់ខាងលើ បាននិយាយថា ការវាយប្រហារពេលទាបភ្លឺដោយយន្តហោះចម្បាំងអ៊ីស្រាអែលលើផ្ទះមួយក្នុងទីប្រជុំជន al-Rafid ក្នុងស្រុក Rashaya al-Wadi សម្លាប់មនុស្សម្នាក់ និងម្នាក់រងរបួស។ក្នុងការវាយប្រហារតាមអាកាសមួយផ្សេងទៀត បានប៉ះចំទីប្រជុំជន al-Shahabiya បណ្ដាលឲ្យមនុស្សមួយចំនួនស្លាប់ និងរបួស៕

មនុស្សជាង២០នាក់ស្លាប់និងរាប់សិបនាក់របួស ក្នុងការបំផ្ទុះដាក់គោលដៅលើរថភ្លើងក្នុងភាគនិរតីប្រទេសប៉ាគីស្ថាន

មន្ត្រីជាន់ខ្ពស់មួយរូបបាននិយាយថា មនុស្សយ៉ាងហោចណាស់២៤នាក់ បានស្លាប់នៅថ្ងៃអាទិត្យ២៤ឧសភា ក្នុងហេតុការណ៍បំផ្ទុះគ្រាប់បែកមួយដាក់គោលដៅលើរថភ្លើងដឹកកងកម្លាំងយោធាក្នុងតំបន់អសន្តិសុខមួយនៃខេត្ត Balochistan ភាគនិរតីរបស់ប៉ាគីស្ថាន។ មន្ត្រីខាងលើបានប្រាប់សារព័ត៌មាន AFP ថា កងកម្លាំងយោធា ស្ថិតក្នុងចំណោមជនរងគ្រោះក្នុងការវាយប្រហារក្នុងរដ្ឋធានី Quettaរបស់ខេត្តនេះ ដែលបានបណ្ដាលឲ្យមនុស្សជាង៥០នាក់រងរបួស។គេបានមើលឃើញ មនុស្សកំពុងសែងជនរងគ្រោះប្រឡាក់ដោយឈាមនៅលើហ្វ្រង់ការចេញពីទូររថភ្លើង ខណៈកងកម្លាំងសន្តិសុខប្រដាប់ដោយកាំភ្លើង ឈរការពារ។មន្ត្រីដដែលបានប្រាប់សារព័ត៌មាន AFP ថា រថភ្លើងកំពុងដឹកកងកម្លាំងយោធានិងសមាជិកគ្រួសាររបស់ពួកគេមកពីទីក្រុង Quetta ទៅកាន់ ទីក្រុង Peshawar ភាគខាងជើងរបស់ប្រទេសប៉ាគីស្ថាន។មន្ត្រីរូបនោះបន្តថា រថភ្លើង បានឆ្លងកាត់ស្លាកសញ្ញាមួយនៅតំបន់ Chaman Pattak ក្នុងទីក្រុង Quetta នៅពេលរថយន្តផ្ទុកគ្រាប់បែកមួយគ្រឿង បុកទូររថភ្លើងមួយ ដែលបណ្ដាលឲ្យផ្ទុះយ៉ាងខ្លាំង៕

ចិនដឹកជញ្ជូនកញ្ចប់ជំនួយថ្មីទៅកាន់គុយបា ខណៈសម្ពាធរបស់សហរដ្ឋអាមេរិកកើនឡើង

យោងតាមរដ្ឋាភិបាលគុយបា បានឲ្យដឹងថា ប្រទេសគុយបាបានទទួលអង្ករចំនួន១៥.០០០ តោន ដែលបានបរិច្ចាគដោយប្រទេសចិននៅឯកំពង់ផែ ឡាហាវ៉ាន (Havana)កាលពីថ្ងៃសៅរ៍ ២៣ ឧសភា ជាផ្នែកមួយនៃកញ្ចប់ជំនួយដ៏ទូលំទូលាយមួយក្នុងគោលបំណងជំរុញការផ្គត់ផ្គង់ស្បៀងអាហាររបស់កោះនេះ ក្នុងអំឡុងពេលមានបញ្ហាប្រឈមផ្នែកសេដ្ឋកិច្ចដែលកំពុងបន្ត ។នៅក្នុងពិធីស្វាគមន៍ជំនួយនេះ មានវត្តមានចូលរួមដោយលោក Oscar Perez Oliva-Fraga ឧបនាយករដ្ឋមន្ត្រី និងជារដ្ឋមន្ត្រីក្រសួងពាណិជ្ជកម្មបរទេស និងវិនិយោគបរទេស រួមជាមួយលោកស្រី Betsy Diaz Velazquez ប្រធានក្រសួងពាណិជ្ជកម្មក្នុងស្រុក (MINCIN)។រដ្ឋាភិបាលបាននិយាយថា ការដឹកជញ្ជូនលើកដំបូងនេះគឺជាផ្នែកមួយនៃការបរិច្ចាគអង្ករសរុបចំនួន ៦០.០០០ តោន ដែលនឹងមកដល់ប្រទេសគុយបា ជាបន្តបន្ទាប់។ យោងតាមប្រព័ន្ធផ្សព្វផ្សាយក្នុងស្រុក ប្រទេសចិនបានផ្ញើអំណោយអង្ករចាប់តាំងពីខែមករាមក។ ប្រទេសនេះគឺជាសម្ព័ន្ធមិត្តដ៏សំខាន់សម្រាប់ប្រទេសគុយបា ដោយផ្តល់ការគាំទ្រផ្នែកសេដ្ឋកិច្ច និងមនុស្សធម៌ ខណៈប្រទេសនៅតំបន់សុមទ្រការ៉ាអ៊ីពមួយនេះ កំពុងតស៊ូចំពោះមុខនៃវិបត្តិសេដ្ឋកិច្ចដ៏អាក្រក់បំផុតរបស់ខ្លួនក្នុងរយៈពេលជាច្រើនទសវត្សរ៍ ដែលភាគច្រើនបង្កឡើងដោយការបិទខ្ទប់របស់សហរដ្ឋអាមេរិកលើការនាំចេញប្រេងឥន្ធនៈទៅកាន់កោះនេះ៕

ក្រុមបាតុករប៉ះទង្គិចជាមួយនគរបាល បន្ទាប់ពីបាតុកម្មប្រឆាំងរដ្ឋាភិបាលនៅទីក្រុងបែលក្រាដ ប្រទេសស៊ែរប៊ី

អំពើហិង្សាបានផ្ទុះឡើងនៅទីក្រុងបែលក្រាដ (Belgrade)កាលពីយប់ថ្ងៃសៅរ៍ ២៣ ឧសភា បន្ទាប់ពីបាតុកម្មប្រឆាំងរដ្ឋាភិបាលដ៏ធំមួយបានផ្ទុះឡើងនៅកណ្តាលទីក្រុង។កងកម្លាំងនគរបាលបង្ក្រាបកុបកម្ម និងឧស្ម័នបង្ហូរទឹកភ្នែកត្រូវបានដាក់ពង្រាយ ខណៈក្រុមបាតុករបានគប់របស់ផ្សេងៗដាក់នគរបាល និងដុតធុងសំរាម។ចលនាតវ៉ាដឹកនាំដោយនិស្សិតរបស់ប្រទេសស៊ែរប៊ីបានអំពាវនាវម្តងហើយម្តងទៀតឱ្យមានការបោះឆ្នោត និងកំណែទម្រង់នៅក្នុងការតវ៉ាដ៏ធំមួយនៅទីក្រុងបែលក្រាដ។មនុស្សរាប់ពាន់នាក់បានសម្រុកទៅកាន់ដងផ្លូវនានាកណ្តាលរដ្ឋធានីស៊ែរប៊ី ដើម្បីទាមទារការផ្លាស់ប្តូរ ជាការតវ៉ាជាបន្តបន្ទាប់ចុងក្រោយបង្អស់ប្រឆាំងនឹងការគ្រប់គ្រងរបស់ប្រធានាធិបតី លោក Aleksandar Vucic។ការតវ៉ាប្រឆាំងរដ្ឋាភិបាលបានរីករាលដាលពាសពេញប្រទេសស៊ែរប៊ីចាប់តាំងពីខែធ្នូ ឆ្នាំ ២០២៤ មួយខែបន្ទាប់ពីមនុស្ស១៦នាក់ បានស្លាប់នៅក្នុងការបាក់រលំដំបូលស្ថានីយ៍រថភ្លើងមួយកន្លែងក្នុងទីក្រុង Novi Sad ភាគខាងជើងនៃប្រទេសស៊ែរប៊ី៕

រុស្ស៊ីបើកការវាយប្រហារដោយមីស៊ីលធុនធ្ងន់លើទីក្រុងគីវ បន្ទាប់ពីការវាយប្រហារដោយយានដ្រូនរបស់អ៊ុយក្រែន

ក្រុមអាជ្ញាធរនិយាយថា ការបាញ់ផ្លោងដោយមីស៊ីលបាលីស្ទីកដ៏ធំមួយបានវាយប្រហារទីក្រុងគីវនៅព្រឹកថ្ងៃអាទិត្យ ២៤ឧសភា ម៉ោងក្នុងស្រុក ដែលធ្វើឱ្យមនុស្សយ៉ាងហោចណាស់ប្រាំនាក់រងរបួស បន្ទាប់ពីទីក្រុងមូស្គូបានគំរាមសងសឹកចំពោះការវាយប្រហារនៅភាគខាងកើតអ៊ុយក្រែនដែលកាន់កាប់ដោយរុស្ស៊ី។ការផ្ទុះខ្លាំងៗត្រូវបានគេឮក្នុងរដ្ឋធានីអ៊ុយក្រែន ដែលបណ្តាលឱ្យអគារលំនៅឋានមួយញ័រ ខណៈមនុស្សរាប់សិបនាក់ជ្រកកោនក្នុងស្ថានីយ៍រថភ្លើងក្រោមដីមួយនៅកណ្តាលទីក្រុង។លោក Tymur Tkachenko ប្រធានរដ្ឋបាលយោធាទីក្រុងគីវបានសរសេរលើ Telegramថា រដ្ឋធានីបានរងការវាយប្រហារដោយមីស៊ីលបាលីស្ទីកដ៏ធំមួយ។អភិបាលក្រុង លោក Vitali Klitschko បាននិយាយថា មនុស្សម្នាក់ស្លាប់ ៥នាក់បានរងរបួស និងម្នាក់ក្នុងចំណោមពួកគេត្រូវបានបញ្ជូនទៅមន្ទីរពេទ្យ។ដោយសំអាងដល់ព័ត៌មានចារកម្មសម្ងាត់ពីអ៊ុយក្រែន សហរដ្ឋអាមេរិក និងអឺរ៉ុប កាលពីថ្ងៃសៅរ៍ លោកប្រធានាធិបតី Volodymyr Zelenskyy បានព្រមានថា រុស្ស៊ីកំពុងរៀបចំការវាយប្រហារប្រឆាំងនឹងអ៊ុយក្រែនដោយប្រើមីស៊ីល ⁠Oreshnik។រុស្ស៊ីបានវាយប្រហារអ៊ុយក្រែនពីរដងជាដោយមីស៊ីល Oreshnik ជាមីស៊ីលដែលប្រធានាធិបតីរុស្ស៊ី Vladimir Putin បានអួតថាមិនអាចស្ទាក់ចាប់បានដោយសារតែល្បឿនរបស់វាលឿនជាងសំឡេងជាង១០ ដងការព្រមានរបស់លោក Zelenskyy បានកើតឡើងបន្ទាប់ពីលោក Putin បានបញ្ជាឱ្យយោធារបស់លោករៀបចំជម្រើសសម្រាប់ការសងសឹកប្រឆាំងនឹងអ៊ុយក្រែនចំពោះការវាយប្រហារដោយយានដ្រូន លើអន្តេវាសិកដ្ឋាននិស្សិតមួយក្នុងតំបន់ Luhansk ភាគខាងកើតអ៊ុយក្រែនដែលកាន់កាប់ដោយរុស្ស៊ីកាលពីថ្ងៃសុក្រ។ក្រុមមន្ត្រីរុស្ស៊ីបាននិយាយកាលពីថ្ងៃសៅរ៍២៣ឧសភា ថាចំនួនអ្នកស្លាប់ពីការវាយប្រហារលើអន្តេវាសិកដ្ឋាននិស្សិត ក្នុងតំបន់ Luhansk គ្រប់គ្រងដោយរុស្ស៊ី បានកើនឡើងដល់១៨នាក់ហើយ ភាគច្រើនជាស្ត្រីវ័យក្មេង៕

ប្រទេសចិនបន្ទាបចំនួនអ្នកស្លាប់ក្នុងគ្រោះមហន្តរាយអណ្តូងរ៉ែធ្យូងថ្មនៅខេត្ត Shanxi មកត្រឹម ៨២នាក់

មន្ត្រីមូលដ្ឋានបាននិយាយនៅក្នុងសន្និសីទសារព័ត៌មានមួយកាលពីយប់ថ្ងៃសៅរ៍ថា ភាពវឹកវរបន្ទាប់ពីគ្រោះមហន្តរាយអណ្តូងរ៉ែដ៏អាក្រក់បំផុតរបស់ប្រទេសចិនក្នុងរយៈពេល ១៧ឆ្នាំបាននាំឱ្យមានការកែប្រែចំនួនអ្នកស្លាប់មកត្រឹម ៨២នាក់វិញ ខណៈកំពុងស៊ើបអង្កេតពីមូលហេតុ។មនុស្សទាំងនោះបានស្លាប់ក្នុងការផ្ទុះឧស្ម័ននៅអណ្តូងរ៉ែធ្យូងថ្ម Liushenyu ក្នុងខេត្ត Shanxi ភាគខាងជើងប្រទេសចិនកាលពីយប់ថ្ងៃសុក្រ។ ដំបូងឡើយ របាយការណ៍ប្រព័ន្ធផ្សព្វផ្សាយរដ្ឋបាននិយាយថា យ៉ាងហោចណាស់មានមនុស្ស ៩០នាក់បានស្លាប់។សូម្បីតែនៅចំនួនទាបជាងនេះក៏ដោយ ហេតុការណ៍នេះនៅតែជាគ្រោះថ្នាក់អណ្តូងរ៉ែដ៏សាហាវបំផុតរបស់ប្រទេសចិនចាប់តាំងពីឆ្នាំ ២០០៩ នៅពេលការផ្ទុះឧស្ម័ននៅអណ្តូងរ៉ែ Xinxing ក្នុងខេត្ត Heilongjiang បានសម្លាប់មនុស្ស ១០៨នាក់។ក្រុមមន្ត្រីមូលដ្ឋានបាននិយាយនៅក្នុងសន្និសីទសារព័ត៌មានថា ចំនួនអ្នកស្លាប់ដំបូងពីប្រព័ន្ធផ្សព្វផ្សាយរដ្ឋត្រូវបានរាប់ដោយមានកំហុស។លោក Guo Xiaofang មេស្រុក Qinyuan ខេត្ត Shanxi ដែលជាទីតាំងអណ្តូងរ៉ែ បាននិយាយបន្ទាប់ពីឧបទ្ទវហេតុថា កន្លែងកើតហេតុមានភាពច្របូកច្របល់ ការរាប់ចំនួនកម្មកររបស់ក្រុមហ៊ុនមិនច្បាស់លាស់ដែលនាំឲ្យការរាប់ចំនួនដំបូងមិនត្រឹមត្រូវ។មានកម្មករចំនួន ២៤៧ នាក់កំពុងបំពេញការងារនៅក្រោមដីនៅពេលមានការផ្ទុះនោះ ។លោក Guo បាននិយាយថា មនុស្សពីរនាក់នៅតែបាត់ខ្លួន ខណៈ១២៨ នាក់បានរងរបួស និងកំពុងសម្រាកព្យាបាលនៅមន្ទីរពេទ្យ និង ៣៥ នាក់ពុំបានរងរបួសទេ៕

ជំងឺអេបូឡាឆក់យកជីវិតមនុស្សកាន់តែច្រើន ខណៈប្រទេសអាហ្វ្រិកផ្សេងទៀតមើលឃើញការប្រឈមហានិភ័យ

្រទេសអ៊ូហ្គង់ដាបានបញ្ជាក់ពីការឆ្លងជំងឺអេបូឡាថ្មីចំនួនបីករណីកាលពីថ្ងៃសៅរ៍ ២៣ ឧសភា ហើយកាកបាទក្រហមបាននិយាយថា អ្នកស្ម័គ្រចិត្តបីនាក់បានស្លាប់នៅក្នុងសាធារណរដ្ឋប្រជាធិបតេយ្យកុងហ្គោដែលនៅជិតខាង ស្របពេលមានការព្រមានថាវីរុសដ៏សាហាវនេះអាចរីករាលដាលដល់ប្រទេសអាហ្វ្រិកជាច្រើនទៀតនៅអាហ្វ្រិក។ អង្គការសុខភាពពិភពលោកបានប្រកាសពីការផ្ទុះឡើងនៃជំងឺធ្លាក់ឈាម ដោយសារវីរុសវាយប្រហារផ្ដាច់សរសៃឈាម ដែលឆ្លងខ្លាំងនេះ ថាជាគ្រាអាសន្នអន្តរជាតិ។កាលពីថ្ងៃសៅរ៍ ទីភ្នាក់ងារសុខភាពរបស់សហភាពអាហ្វ្រិកបានព្រមានថា ប្រទេសជាច្រើនទៀតនៅលើទ្វីបនេះប្រឈមនឹងហានិភ័យនៃការរងផលប៉ះពាល់ដោយវីរុសអេបូឡា ក្រៅតែពីសាធារណរដ្ឋប្រជាធិបតេយ្យកុងហ្គោ និងអ៊ូហ្គង់ដា។លោក Jean Kaseya ប្រធានមជ្ឈមណ្ឌលគ្រប់គ្រង និងបង្ការជំងឺអាហ្វ្រិក (Africa CDC) បាននិយាយ ដោយរាយបញ្ជីប្រទេសអង់ហ្គោឡា ប៊ូរុនឌី សាធារណរដ្ឋអាហ្វ្រិកកណ្តាល សាធារណរដ្ឋកុងហ្គោ អេត្យូពី កេនយ៉ា រវ៉ាន់ដា ស៊ូដង់ខាងត្បូង តង់ហ្សានី និងហ្សំប៊ី ថា ពួកលោកមានប្រទេសចំនួន ១០ ដែលប្រឈមនឹងហានិភ័យនៃការឆ្លងរាលដាលជំងឺអេបូឡា។អង្គការសុខភាពពិភពលោកបាននិយាយកាលពីថ្ងៃសុក្រថា មានការឆ្លងថ្មី ចំនួន៨២ ករណី និងការស្លាប់ចំនួន ៧ ករណីនៅក្នុងសាធារណរដ្ឋប្រជាធិបតេយ្យកុងហ្គោដ៏ធំសម្បើម និងមិនស្ថិតស្ថេរ រួមជាមួយនឹងករណីសង្ស័យជិត ៧៥០ និងការស្លាប់ចំនួន១៧៧ នាក់។ក្រុមមន្ត្រីនៅសាធារណរដ្ឋកុងហ្គោ បានធ្វើបច្ចុប្បន្នភាពចំនួនអ្នកស្លាប់សរុប ឡើងដល់២០៤ នាក់ កាលពីល្ងាចថ្ងៃសៅរ៍៕

សេវាសម្ងាត់អាមេរិកនិយាយថា ជនសង្ស័យស្លាប់បន្ទាប់ពីបាញ់ប្រហារតបតជាមួយមន្ត្រីនៅជិតសេតវិមាន

សេវាសម្ងាត់អាមេរិកបាននិយាយថា ខ្មាន់កាំភ្លើងម្នាក់ដែលបានបាញ់ប្រហារនៅចំណុចត្រួតពិនិត្យសេតវិមាន ហើយត្រូវបានក្រុមមន្ត្រីបាញ់តបតវិញនោះ បានស្លាប់ បន្ទាប់ពីត្រូវបានបញ្ជូនទៅមន្ទីរពេទ្យកាលពីល្ងាចថ្ងៃសៅរ៍ ២៣ ឧសភា។យោងតាមសេចក្តីថ្លែងការណ៍របស់សេវាសម្ងាត់ បុរសនោះបានដើរទៅចំណុចត្រួតពិនិត្យនៅផ្លូវ 17th Street និងផ្លូវ Pennsylvania Avenue ជិតសេតវិមានដោយទាញកាំភ្លើងចេញពីកាបូបរបស់គេ ហើយចាប់ផ្តើមបាញ់ទៅលើក្រុមមន្ត្រីយតែម្ដង។សេចក្តីថ្លែងការណ៍នេះបាននិយាយថា មន្ត្រីនគរបាលសេវាសម្ងាត់បានបាញ់តបវិញ ដោយបាញ់ចំជនសង្ស័យ ដែលត្រូវបានបញ្ជូនទៅមន្ទីរពេទ្យក្នុងតំបន់ ជាទីដែលក្រោយមកជននោះបានស្លាប់។សេចក្តីថ្លែងការណ៍នេះបាននិយាយថា អ្នកឈរមើលម្នាក់ត្រូវបានបាញ់ដោយកាំភ្លើង ប៉ុន្តែពុំបានបញ្ជាក់ច្បាស់ថាតើមនុស្សនោះរងរបួសធ្ងន់ធ្ងរប៉ុណ្ណានោះទេ។ សេចក្តីថ្លែងការណ៍មួយទៀតរបស់សេវាសម្ងាត់ ដែលត្រូវបានដកស្រង់ដោយសារព័ត៌មានជាច្រើន បាននិយាយថា គេមិនច្បាស់ទេថាតើអ្នកឈរមើលត្រូវបានវាយប្រហារនៅពេលដែលខ្មាន់កាំភ្លើងចាប់ផ្តើមបាញ់ ឬក្នុងអំឡុងពេលនៃការបាញ់ប្រហារជាបន្តបន្ទាប់។សេវាសម្ងាត់បាននិយាយថា គ្មានបុគ្គលិកអនុវត្តច្បាប់ណាម្នាក់រងរបួសទេ ដោយបន្ថែមថា លោកប្រធានាធិបតី Donald Trump បានកំពុងស្ថិតនៅឯសេតវិមានក្នុងអំឡុងពេលកើតហេតុ៕

លោក Trump៖កិច្ចព្រមព្រៀងជាមួយអ៊ីរ៉ង់ត្រូវបានចរចាយ៉ាងទូលំទូលាយ រួមទាំងការបើកច្រកសមុទ្រ Hormuz ឡើងវិញ

រធានាធិបតីអាមេរិក លោក Donald Trump បាននិយាយកាលពីថ្ងៃសៅរ៍ ២៣ ឧសភា ថា អនុស្សរណៈនៃការយោគយល់គ្នា «ដែលបានចរចាយ៉ាងទូលំទូលាយ» លើកិច្ចព្រមព្រៀងសន្តិភាពអ៊ីរ៉ង់ នឹងបើកច្រកសមុទ្រហ័រមូស(Hormuz) ឡើងវិញ ទោះបីជាទីភ្នាក់ងារសារព័ត៌មាន Fars រាយកាតណ៍ថាអ៊ីរ៉ង់បានជំទាស់នឹងការអះអាងនោះក៏ដោយ។លោក Trump បានបង្ហោះនៅលើប្រព័ន្ធផ្សព្វផ្សាយសង្គមថា កិច្ចព្រមព្រៀងដែលកំពុងលេចចេញនេះនឹងបើកច្រកសមុទ្រឡើងវិញ ជាផ្លូវដឹកជញ្ជូនដ៏សំខាន់ ដែលការបិទរបស់ច្រកនេះបានធ្វើឱ្យទីផ្សារថាមពលសកលប្រែប្រួល បន្ទាប់ពីជម្លោះបានចាប់ផ្តើមកាលពីចុងខែកុម្ភៈ២០២៦ នៅពេលសហរដ្ឋអាមេរិក និងអ៊ីស្រាអែលបានបើកការវាយប្រហារលើអ៊ីរ៉ង់។ លោកពុំបាននិយាយថា តើមានអ្វីផ្សេងទៀតដែលនឹងត្រូវបានរួមបញ្ចូលនៅក្នុងកិច្ចព្រមព្រៀងនោះទេ។លោក Trump បានសរសេរនៅលើបណ្ដាញសង្គម Truth Social ថាទិដ្ឋភាពចុងក្រោយ និងព័ត៌មានលម្អិតនៃកិច្ចព្រមព្រៀងកំពុងត្រូវបានពិភាក្សា ហើយនឹងត្រូវប្រកាសក្នុងពេលឆាប់ៗនេះ។ប៉ុន្តែសារព័ត៌មាន Fars របស់អ៊ីរ៉ង់ បានរាយការណ៍នៅព្រឹកថ្ងៃអាទិត្យ ២៤ ឧសភា ថា កិច្ចព្រមព្រៀងនេះនឹងអនុញ្ញាតឱ្យអ៊ីរ៉ង់គ្រប់គ្រងច្រកសមុទ្រហ័រមូស ហើយថា ការអះអាងរបស់លោក Trump លើច្រកសមុទ្រនេះគឺ មិនស៊ីសង្វាក់គ្នានឹងការពិតទេ ។អ៊ីរ៉ង់បាននិយាយកាលពីថ្ងៃសៅរ៍ថា ខ្លួនកំពុងធ្វើការឆ្ពោះទៅរកអនុស្សរណៈនៃការយោគយល់គ្នា ស្តីពីការបញ្ចប់សង្គ្រាម បន្ទាប់ពីមន្ត្រីជាន់ខ្ពស់របស់ខ្លួនបានជួបជាមួយលោក Asim Munir មេបញ្ជាការកងទ័ពប៉ាគីស្ថាន ដែលជាអ្នកសម្របសម្រួលបញ្ចប់ជម្លោះរវាងអាមេរិកនិងអ៊ីរ៉ង់៕

[UPDATE] យោងតាមប្រព័ន្ធផ្សព្វផ្សាយរដ្ឋ យ៉ាងហោចណាស់មានមនុស្ស ៩០នាក់បានស្លាប់នៅក្នុងការផ្ទុះអណ្តូងរ៉ែធ្យូងថ្មមួយនៅភាគខាងជើងប្រទេសចិន

ការផ្ទុះឧស្ម័ននៅអណ្តូងរ៉ែធ្យូងថ្ម Liushenyu ក្នុងខេត្ត Shanxi គឺជាគ្រោះមហន្តរាយរ៉ែដ៏អាក្រក់បំផុតនៅក្នុងប្រទេសចិនចាប់តាំងពីឆ្នាំ ២០០៩។មានកម្មករចំនួន ២៤៧ នាក់ត្រូវបានរាយការណ៍ថាកំពុងបំពេញការងារនៅពេលដែលការផ្ទុះនេះបានកើតឡើងនៅម៉ោង ១៩និង២៩នាទី ម៉ោងក្នុងស្រុកកាលពីថ្ងៃសុក្រ ។

បណ្ដាញសង្គម

ព័ត៌មានថ្មីៗ

រយៈពេលជាង ៥ខែ អគ្គនាយកដ្ឋានអន្តោប្រវេសន៍បណ្ដេញជនបរទេសជាង ៤ម៉ឺននាក់ចេញកម្ពុជាពាក់ព័ន្ធករណី Online Scams និងបទល្មើសផ្សេងៗទៀត

ត្រឹមរយៈពេល៥ខែ ពេទ្យគន្ធបុប្ផាពិនិត្យព្យាបាលជំងឺជាង ៥១ម៉ឺនករណី ខណៈការចូលរួមយុទ្ធនាការ «១ម៉ឺនរៀល ១ម៉ឺននាក់» កំពុងបន្ត

កម្លាំងចម្រុះរាជធានីភ្នំពេញ បន្តត្រួតពិនិត្យឃ្លាំង ៣៣ទីតាំងបន្ថែមទៀត ដោយបានរកឃើញ ៥ទីតាំងមានផលិតផលនាំពីប្រទេសថៃ និងសម្រេចនាំខ្លួនមនុស្ស ៥នាក់ទៅសាកសួរ

TOP STORY | សម្ដេចតេជោ ហ៊ុន សែន៖ «ពេលណាព្រំដែនគោកកម្ពុជា-ថៃនៅតែបន្តបិទ គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ ជាទំនិញរត់ពន្ធ ជាទំនិញបំផ្លាញជាតិ និងប្រមាថជាតិ

សហរដ្ឋអាមេរិក បើកការប្រកួតក្នុងនាមសហម្ចាស់ផ្ទះឈ្នះប៉ារ៉ាហ្កាយ ៤ទល់១

កម្ពុជានាំចេញទំនិញទៅវៀតណាមមានតម្លៃជាប្រាក់ជាង ២ពាន់លានដុល្លារអាមេរិកហក់ឡើងជិត ១៤% ក្នុងរយៈពេល៥ខែឆ្នាំនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

អ៊ីស្រាអែលបន្តវាយប្រហារលើលីបង់ឆក់យកជីវិតមនុស្ស២០នាក់ទៀតដោយមិនខ្វល់ពីបទឈប់បាញ់

ចិនដឹកជញ្ជូនកញ្ចប់ជំនួយថ្មីទៅកាន់គុយបា ខណៈសម្ពាធរបស់សហរដ្ឋអាមេរិកកើនឡើង

ក្រុមបាតុករប៉ះទង្គិចជាមួយនគរបាល បន្ទាប់ពីបាតុកម្មប្រឆាំងរដ្ឋាភិបាលនៅទីក្រុងបែលក្រាដ ប្រទេសស៊ែរប៊ី

រុស្ស៊ីបើកការវាយប្រហារដោយមីស៊ីលធុនធ្ងន់លើទីក្រុងគីវ បន្ទាប់ពីការវាយប្រហារដោយយានដ្រូនរបស់អ៊ុយក្រែន

ប្រទេសចិនបន្ទាបចំនួនអ្នកស្លាប់ក្នុងគ្រោះមហន្តរាយអណ្តូងរ៉ែធ្យូងថ្មនៅខេត្ត Shanxi មកត្រឹម ៨២នាក់

ជំងឺអេបូឡាឆក់យកជីវិតមនុស្សកាន់តែច្រើន ខណៈប្រទេសអាហ្វ្រិកផ្សេងទៀតមើលឃើញការប្រឈមហានិភ័យ

សេវាសម្ងាត់អាមេរិកនិយាយថា ជនសង្ស័យស្លាប់បន្ទាប់ពីបាញ់ប្រហារតបតជាមួយមន្ត្រីនៅជិតសេតវិមាន

លោក Trump៖កិច្ចព្រមព្រៀងជាមួយអ៊ីរ៉ង់ត្រូវបានចរចាយ៉ាងទូលំទូលាយ រួមទាំងការបើកច្រកសមុទ្រ Hormuz ឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

អ៊ីស្រាអែលបន្ត​វាយប្រហារ​លើលីបង់ឆក់យកជីវិតមនុស្ស​​​២០នាក់ទៀត​​ដោយមិនខ្វល់​ពី​​បទឈប់បាញ់​

ចិនដឹកជញ្ជូនកញ្ចប់ជំនួយថ្មីទៅកាន់គុយបា ខណៈសម្ពាធរបស់សហរដ្ឋអាមេរិកកើនឡើង

ក្រុមបាតុករប៉ះទង្គិចជាមួយនគរបាល​ បន្ទាប់ពីបាតុកម្មប្រឆាំងរដ្ឋាភិបាលនៅទីក្រុងបែលក្រាដ ប្រទេស​​ស៊ែរប៊ី​

រុស្ស៊ីបើកការវាយប្រហារដោយមីស៊ីលធុនធ្ងន់លើទីក្រុងគី​វ បន្ទាប់ពីការវាយប្រហារដោយយានដ្រូន​របស់អ៊ុយក្រែន

ប្រទេសចិនបន្ទាប​​​ចំនួនអ្នកស្លាប់ក្នុងគ្រោះមហន្តរាយអណ្តូងរ៉ែធ្យូងថ្មនៅខេត្ត​ Shanxi មកត្រឹម ៨២នាក់

ជំងឺអេបូឡាឆក់យកជីវិតមនុស្សកាន់តែច្រើន ខណៈប្រទេសអាហ្វ្រិកផ្សេងទៀតមើលឃើញការ​​ប្រឈមហានិភ័យ​

សេវាសម្ងាត់អាមេរិកនិយាយថា ​ជនសង្ស័យស្លាប់បន្ទាប់ពីបាញ់ប្រហារតបត​ជាមួយមន្ត្រីនៅជិតសេតវិមាន

លោក Trump៖កិច្ចព្រមព្រៀងជាមួយអ៊ីរ៉ង់ត្រូវបានចរចាយ៉ាងទូលំទូលាយ​ រួមទាំងការបើកច្រកសមុទ្រ Hormuz ឡើងវិញ​​ ​​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ីស្រាអែលបន្តវាយប្រហារលើលីបង់ឆក់យកជីវិតមនុស្ស២០នាក់ទៀតដោយមិនខ្វល់ពីបទឈប់បាញ់

ក្រុមបាតុករប៉ះទង្គិចជាមួយនគរបាល បន្ទាប់ពីបាតុកម្មប្រឆាំងរដ្ឋាភិបាលនៅទីក្រុងបែលក្រាដ ប្រទេសស៊ែរប៊ី

រុស្ស៊ីបើកការវាយប្រហារដោយមីស៊ីលធុនធ្ងន់លើទីក្រុងគីវ បន្ទាប់ពីការវាយប្រហារដោយយានដ្រូនរបស់អ៊ុយក្រែន

ប្រទេសចិនបន្ទាបចំនួនអ្នកស្លាប់ក្នុងគ្រោះមហន្តរាយអណ្តូងរ៉ែធ្យូងថ្មនៅខេត្ត Shanxi មកត្រឹម ៨២នាក់

ជំងឺអេបូឡាឆក់យកជីវិតមនុស្សកាន់តែច្រើន ខណៈប្រទេសអាហ្វ្រិកផ្សេងទៀតមើលឃើញការប្រឈមហានិភ័យ

សេវាសម្ងាត់អាមេរិកនិយាយថា ជនសង្ស័យស្លាប់បន្ទាប់ពីបាញ់ប្រហារតបតជាមួយមន្ត្រីនៅជិតសេតវិមាន

លោក Trump៖កិច្ចព្រមព្រៀងជាមួយអ៊ីរ៉ង់ត្រូវបានចរចាយ៉ាងទូលំទូលាយ រួមទាំងការបើកច្រកសមុទ្រ Hormuz ឡើងវិញ